Tabu ပါဝင်သော ဇာတ်ကားများ

Bhoot Bangla 2026 သရဲခြောက်တဲ့ စံအိမ်ကြီး IMDb 6 အားလုံးစောင့်မျှော်နေကြတဲ့ အာရှေးကူမားရဲ့ ရုံတင်သရဲကားကြီး လာပါပြီ 1.2 billion INR ထိသုံးထားပြီး အားလုံးနဲ့မစိမ်းတဲ့ ဝါရင့်သရုပ်ဆောင်တွေနဲ့ ရိုက်ကူးထားတဲ့ ကားကောင်းလေးကို အတူကြည့်လိုက်ရအောင် လွန်ခဲ့တဲ့ နတ်ဘုရားတွေခေတ်တုန်းက နတ်ဘုရားနဲ့ မိစ္ဆာတို့ချစ်ကြိုက်မိပြီး ကိုယ်ဝန်ရခဲ့ပါတယ် ဒီသွေးနှောကလေးကို နတ်ဘုရားတွေရော မိစ္ဆာတွေကပါ လက်ခံဖို့ ငြင်းခဲ့ကြပေမဲ့ မိစ္ဆာမလေးက မရရအောင် ဖွားမြင်ခဲ့တယ် ဒီလိုနဲ့ နတ်ဘုရားတွေက လက်ထဲကနေ ထွက်ပြေးရင်း သားလေးကို မန်ဂါဗန်ဆိုတဲ့တောထဲမှာ ဖွက်ထားခဲ့တယ် ဒီကလေးက အမှောင်ထဲမှာ ကြီးပြင်းလာရင်းနဲ့ အယောင်ဆောင်နတ်ဘုရားမတစ်ပါးကို ချစ်ကြိုက်မိသွားခဲ့ပြီး လုပ်ကြံခံလိုက်ရတော့ ခန္ဓာကိုယ်က ‌ေ_သဆုံးသွားပြီး ဝိညာဉ်ကတော့ ကလဲ့စားအတွက် လှည့်ပတ်သွားလာနေလေရဲ့ ထိမ်းမြားမင်္ဂလာပွဲမှာ လုပ်ကြံခံရတဲ့အတွက် ယနေ့ထိတိုင် သူ့ပိုင်နက်ထဲရောက်လာတဲ့ သတို့သမီးတွေကို လိုက်လံသတ်ဖြတ်နေတုန်းပါပဲ။ အာရှေးကူမားတို့က မန်ဂါဗန်တောအုပ်ရှေ့က အဘိုးဖြစ်သူရဲ့နန်းတော်ကြီးကို အမွေရကြောင်း အတည်ပြုချက် ရခဲ့တယ် ညီမအတွက် မင်္ဂလာခန်းမကလည်း အဆင်မပြေဖြစ်နေချိန်ဆိုတော့ ဒီနန်းတော်ကြီးမှာ မင်္ဂလာပွဲလုပ်မယ်ဆိုပြီး အဲဒီမြို့ကို သွားကြပါလေရော ဟိုရောက်တော့ အကြောင်းသိ နယ်ခံတွေ ဝိုင်းတားကြပေမဲ့ ဘာကိုမှ မယုံတဲ့အာရှေးတစ်ယောက် ဘယ်လို ပရလောကဆိုင်ရာတွေ တွေ့ကြုံသွားမလဲဆိုတာ အဖော်လေးနဲ့အတူ ကြည့်လိုက်ပါဦးနော် File size… 8.61 GB / 2.2 GB / 1.2 GB Quality…WEB DL 4K / 1080p HEVC/ 720p Format…mkv/ mp4 Duration….2h 43m Subtitle….Myanmar Subtitle (Hard Sub)

Auron Mein Kahani Dum Tha (2024) ဒီနေ့မှာတော့ action crime drama အမျိုးအစားနဲ့ ဘောလိဝုဒ်ပရိသတ်မဟုတ်တဲ့ လူတွေနဲ့တောင် မစိမ်းလောက်မယ့် မင်းသားကြီး Ajay Devgn ရဲ့ဇာတ်ကားအသစ်စက်စက်လေးဖြစ်ပါတယ်။ ဇာတ်လမ်းအကျဉ်း ခရစ်ရှ်နား (Ajay Devgn) ဟာ လူသတ်မှု၂ခုနဲ့ ထောင်ဒဏ် ၂၅ နှစ်ကျခံနေရတဲ့ အကျဉ်းသားတစ်ယောက်ဖြစ်ပါတယ်။ လူနေတည်ကြည်ပြီး ကောင်းမွန်စွာပြုမူနေထိုင်တာကြောင့် အထက်က သူ့ကို ပြစ်မှုထောင်ဒဏ်တစ်ဝက်တိတိ လျှော့ချပြီး နောက်တစ်နေ့မှာတင် ထောင်ကလွတ်တော့မှာပါ။ ဒါပေမဲ့ သူကအဲဒီလို ပြစ်ဒဏ်လျှော့ပေါ့ပေးတာကို လက်မခံနိုင်ကြောင်း စာတင်လျှောက်ထားခဲ့ပေမဲ့ ပယ်ချခံခဲ့ရပါတယ်။ အကျဉ်းသားတိုင်းလိုချင်တဲ့ ပြစ်ဒဏ်လျှော့ပေါ့မှုမျိုးကို ရုတ်သိမ်းပေးဖို့ တောင်းဆိုရတဲ့အကြောင်းအရင်းက ဘာများဖြစ်မလဲ။ ဘာကြောင့် ဒီလိုပြစ်မှုကို ကျူးလွန်ပြီး ဘာအတွက်ကြောင့်များ ထောင်ကထွက်ပြီး အပြင်လောကကို မရင်ဆိုင်ချင်လဲဆိုတာ ခရစ်ရှ်နားရဲ့ ဇာတ်ကြောင်းကို နောက်ကြောင်းအတူပြန်ရင်း ဇာတ်လမ်းလေးကို လိုက်ပါစီးမြောကြည့်လိုက်ရအောင်ပါခင်ဗျာ။ (အညွှန်းနဲ့ဘာသာပြန်ကတော့ CM Bollywood Team ကပဲဖြစ်ပါတယ်ခင်ဗျာ။) File size… 2.16 GB / 1.08 GB Quality…WEB DL 1080p HEVC/ 720p Format…mkv/ mp4 Duration….2h 24m Subtitle….Myanmar Subtitle (Hard Sub) Encoder….YK Translated by  CM Bollywood Team

Crew (2024) "မဒီသုံးဖော်" IMDb - 6.4/10 တဘူး၊ ကရီးနား၊ ကရီတီးဆိုတဲ့ အသီးသီးတောက်ပခဲ့ကြပြီး တောက်ပနေတုန်းဖြစ်တဲ့ အိန္ဒိယရဲ့စတားမင်းသမီး သုံးယောက်တွဲထားတဲ့ရုပ်ရှင်ကို တင်ဆက်ပေးလိုက်ပါတယ်။ The Great Indian Kapil Showရဲ့ အစီအစဉ်မှူး ကာပီလ်နဲ့ နာမည်ကျော်ပန်ချာပီအဆိုတော်သရုပ်ဆောင် ဒေလ်ဂျိဒိုဆန်တို့လည်း ပါဝင်အားဖြည့်ထားပါသေးတယ်။ ရုံတင်ငွေ ၁၅၆ ကုဋေရထားပြီး ပေါ့ပေါးပါးပါး ကြည့်ရမယ့် ရွှေခိုးသယ်တဲ့ ဟာသရုပ်ရှင်လေးပါ။ အိပ်မက်ကိုယ်စီနဲ့ လေယာဥ်မယ်သုံးယောက်၊ ဝါသနာအလုပ်ကို လုပ်နေရပေမယ့် လေကြောင်းလိုင်းက လစာမပေးတော့တာ ခြောက်လကြာသွားတယ်။ လေကြောင်းလိုင်း ဒေဝါလီခံလိုက်ရတာ သိလိုက်ရတော့ စည်းမျဥ်းတွေကို စွန့်ပယ်ပြီး ဖြတ်လမ်းလိုက်ဖို့ လေဒီသုံးယောက်သား ရွေးချယ်လိုက်ရတဲ့အခါမှာ ရွှေခိုးသယ်နေကျ သူတို့ HR ဆရာကြီးရဲ့ လျှို့ဝှက်ချက်ကို အသုံးချပြီး သူတို့သုံးယောက်ကို တာဝန်ပေးဖို့ အပေးအယူလုပ်ကာ ဘယ်သို့ဘယ်ပုံ ဆက်ပြီး စွန့်စားခန်းထွက်ကြပုံကို ... ဒီရုပ်ရှင်ထဲမှာ ကြည့်ရှုခံစားကြရမှာပါ။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 1.9GB / 900MB Quality…WEB DL 1080p / 720p Format…mp4 Duration….1h 58m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-6/10 ယောကျာ်ားက မိန်းမကို ပစ် သားသမီးကိုပစ်ပြီး အချစ်သစ်ရှာတဲ့သာမန် အိမ်ထောင်ရေးဇာတ်လမ်းတွေနဲ့ကွဲထွက်ပြီး မိန်းမက သူသိပ်ချစ်ရတဲ့အမျိုးသမီးအတွက် သူ့အိမ်ထောင််ရေးကိုစွန့်ခွာကွဲထွက်တဲ့ ဘောလိဝုဒ်ရုပ်ရှင်အသစ်တခုကို တင်ဆက်ပေးချင်ပါတယ် Netflix ကထုတ်လွှင့်လိုက်တဲ့ တဘူးရဲ့ Spy / Thriller ကားပါ ဒီကားက Amur Bhushan ရဲ့ Escape to Nowhere စာအုပ်ကိုအခြေခံပြီးရိုက်ကူးထားတာလို့ ပြောကြတာတွေလည်းရှိသလို ဒီကားရဲ့ ဒါရိုက်တာ Vishal Bhardwaj ကလည်း သူ့ဇာတ်လမ်းတွေမှာ ရှိတ်စပီးယားပြဇာတ်တွေထဲကနေ အလျဉ်းသင့်သလိုယူပြီး ထည့်သွင်းရိုက်ကူးတတ်သူလို့လည်းပြောကြပါတယ် ဒီကားထဲက စစ်ဆေးရေးတွေနာမည်ကိုက ဂျုးလီးယက်ဆီဇာတို့ ဘရူးတက်စ်တို့ ဖြစ်နေတာပါပဲ ဇာတ်လမ်းအညွှန်း ကရစ်ရှနာ(တဘူး) တို့ စပိုင်အဖွဲ့ကလူတွေ စစ်ဆင်ရေးလုပ်တဲ့အချိန်မှာ ရန်သူဘက်ကအမြဲအသာစီးရနေပြီး စပိုင်အဖွဲ့ဝင်တွေပဲ အရင်ရှင်းပစ်ခံနေရတဲ့အချိန် ဟီနာဆိုတဲ့ စပိုင်တစ်ယောက်လည်း အဲဒီလိုအဖြစ်ဆိုးမျိုးကြုံလိုက်ရတယ် ဒီကိစ္စကိုစုံစမ်းဖို့အတွက် စပိုင်အဖွဲ့က ကရစ်ရှ်နာကိုတာဝန်ပေးလိုက်တယ် အလုပ်ကနေအနားယူတော့မဲ့ ကရစ်ရှ်နာတစ်ယောက် အဖွဲ့အတွက်အရေးကြီးဆုံးတာဝန်လည်းဖြစ် ချစ်ရသူသေရတဲ့ကိစ္စလည်းဖြစ်နေတော့ မနေသာပဲဝင်ပါရပြန်တယ် ဒီလိုအဖြစ်အပျက်တွေအတွက် အဖွဲ့ကနေအဓိကသံသယရှိသူက ရာဗီ သူကလည်း သူ့ကိုသိသွားကြမှန်းသိ‌တာနဲ့ ချက်ချင်းမိသားစုပါခေါ်ပြီး လစ်ပြေးတော့တာပဲ ဒါပေမဲ့သူကခိုင်းစေခံရသူသာသာပဲ သူ့နောက်ကွယ်မှာအဓိကတရားခံကရှိနေသေးတယ် စပိုင်တွေကိုတောင် အသာစီးယူပြီးရှင်းပစ်နိုင်နေတဲ့ရန်သူကိုအနိုင်ယူဖို့.... ခင်ပွန်းနဲ့ သားကိုဖုံးကွယ်ထားတဲ့ ချစ်ခြင်းတရားတစ်ခုအတွက်လက်စားချေဖို့... ဒါတွေကို ကရစ်ရှ်နာတစ်ယောက်အဆုံးထိအောင်မြင်အောင်လုပ်နိုင်သွားမလား ဆိုတာ မင်းသမီးချောသုံးယောက်ရဲ့အလှကို ရှူစားရင်းခံစားကြည့်ပါဦး အညွှန်းနှင့် ဘာသာပြန်သူတွေကတော့ BpL ~ Alex ~ ToMo ~ KKKZ ~ Zwe ~ Aditi တို့ပဲဖြစ်ပါတယ် File size…13GB / 2.13GB  / 885MB Quality…4k NF WEB DL / 1080p WEB DL / 720p Format…mp4 Duration….2h 37m Subtitle….Myanmar Subtitle (Hard Sub) Encoder…YK Translated by BpL ~ Alex ~ ToMo ~ KKKZ ~ Zwe ~ Aditi

Kuttey (2023) IMDb-6.4/10 ဇိုးတွေကြားကပဋိပက္ခတွေ လှည့်ကွက်ပရိယာယ်တွေ ကြိုက်တဲ့ညိုကီတို့အတွက်ရုံတင်ဇာတ်ကားကောင်း သရုပ်ဆောင်စွမ်းရည်ကောင်းတယ်လို့ နာမည်ကြီးတဲ့ အာဂျွန်ကပူးလ်နဲ့ Drishyam ထဲကရဲမေမင်းသမီးကြီးက ဒီထဲမှာလည်းရဲမေအဖြစ်သရုပ်ဆောင်ထားပါတယ် ဒီကားဟာ Aasmaan Bhardwaj ဆိုတဲ့ တက်သစ်စဒါရိုက်တာတစ်ယောက်ရဲ့ ပွဲဦးထွက်ကားပါ ကိုယ့်လိုအပ်ချက်နဲ့ကိုယ် ငွေပမာဏကြီးကြီးလိုချင်နေကြသူတွေ ငွေရပေါက်ကြီးကိုမထင်မှတ်ပဲအားလုံးပြိုင်တူလိုက်မိချိန်မှာ..... ဇလည်းရှိ ဉာဏ်လည်းများတဲ့သူတို့တွေ ဒီငွေတွင်းကို ဘယ်လိုအနိုင်တိုက်ယူကြမလဲ မြွေမြွေချင်းခြေမြင်နေကြတဲ့သူတွေအချင်းချင်း ဘယ်လိုတွေအကွက်ကျော်ရိုက်ချကြမလဲခံစားကြည့်ပါဦး File size…1.54GB / 700MB Quality…1080p TRUE WEB DL /720p Format…mp4 Duration….1h 49m Subtitle….Myanmar Subtitle (Hard Sub) Encoder….YK Translated by BpL~ Yunni~ Khin Khin

ရဲမေဒိုင်ယာနာဟာ တစ်ခါအာရုံစိုက်မိတဲ့အမှုကို လက်လွှတ်မပေးတတ်လို့ ရန်သူတွေက စုန်းမလို့တောင် ခေါ်ကြသူပါ။ သူဖမ်းမိလိုက်တဲ့ သန်းတစ်ထောင်တန် ကိုကင်းတွေရဲ့ပိုင်ရှင်ကတော့ အလွန်ကြီးမားတဲ့ ဂိုဏ်းတစ်ဂိုဏ်း ဖြစ်နေပါတယ်။ အလုပ်လုပ်ပုံ ပိရိလွန်းလို့ အဖမ်းမခံခဲ့ရတဲ့ ဒီဂိုဏ်းဟာ အခုလို အကြီးအကျယ် ဆုံးရှုံးလိုက်ရတဲ့အခါ ဒိုင်ယာနာ့ကို အငြိုးထားပြီး လိုက်ရှာတော့တယ်။ တစ်ဖက်မှာ ဘိုလာဆိုတဲ့လူက အမှုတစ်ခုကြောင့် ထောင်ဆယ်နှစ်ကျခဲ့ပြီး အခုမှ ပြန်လွတ်လာသူပါ။ သူဘယ်သူလဲ၊ ဘယ်ကလာသလဲဆိုတာကို ထောင်သားအချင်းချင်းတောင် မသိကြဘူး။ သူ့အကြောင်းသိသူတွေအတွက်လည်း အသက်ရှင်ဖို့ မလွယ်ဘူးလို့ ဆိုကြပါတယ်။ အပြင်မှာ ငြိမ်သက်နေပေမယ့် အတွင်းမှာ မုန်တိုင်းထန်နေတဲ့သူမို့ ဘိုလာ့ကို သမုဒ္ဒရာနဲ့ ခိုင်းနှိုင်းကြတယ်။ ထောင်ကထွက်လာတဲ့ ဘိုလာဟာ ကိုကင်းပိုင်ရှင်ကို စုံစမ်းနေတဲ့ ဒိုင်ယာနာနဲ့ တွေ့ဆုံဖို့ အကြောင်းဖန်လာပါတယ်။ ဂိုဏ်းကလည်း ဒိုင်ယာနာ့ကို အသေရရ အရှင်ရရ ဖမ်းဖို့ လိုက်နေတဲ့အခါ သူတို့နှစ်ယောက် ပူးပေါင်းပြီး ဘယ်လိုရင်ဆိုင်ကြမလဲဆိုတာ ဆက်ပြထားပါတယ်။ ဘိုလာအဖြစ် အဂျေးနဲ့ ဒိုင်ယာနာအဖြစ် တာဘူးတို့ သရုပ်ဆောင်ထားပါတယ်။

ထာကူရ်မျိုးရိုးရဲ့ ချွေးမတစ်ယောက်ဟာ အောက်လမ်းမှော်ပညာတွေ တတ်မြောက်ထားပြီး သူ့အတ္တကြောင့် မကျွတ်မလွတ်နိုင်ဘဲ စံအိမ်ကြီးထဲမှာ ချိတ်ပိတ်ခံထားရပါတယ်။ မင်းသားနဲ့မင်းသမီးက မထင်မှတ်ဘဲ သူ့ကို လွှတ်ပေးမိတဲ့အခါ ဆယ့်ရှစ်နှစ်ကြာ လက်စားချေလိုစိတ်နဲ့ လောင်ကျွမ်းနေတဲ့ မကောင်းဆိုးဝါး လွတ်လာပါတော့တယ်။ သူက ဒီမိသားစုကို ဘယ်လိုလက်စားချေလာမလဲ။ ၂၀၀၇ ခုနှစ်က ပထမဇာတ်ကားမှာ အက်ရှေးကူမား ပါဝင်ခဲ့ပြီး ဒီဒုတိယဇာတ်ကားမှာတော့ ကာသစ်နဲ့ ကီယာရာတို့ ပါဝင်ထားပါတယ်။ တဘူးက အမြွှာညီအစ်မနှစ်ယောက်အဖြစ် နှစ်ကိုယ်ခွဲသရုပ်ဆောင်ထားတယ်။ ထိတ်လန့်စရာဖြစ်ရပ်တွေနဲ့အတူ ဟာသတွေ၊ မထင်မှတ်ထားတဲ့ လှည့်ကွက်တွေလည်း ပါဝင်ပါတယ်။

Drishyam မှာ ဖြစ်ပျက်ခဲ့တဲ့ကိစ္စတွေအပြီး ခုနစ်နှစ်အကြာမှာ ဗီဂျေးဟာ ရုပ်ရှင်ရုံပိုင်ရှင်တစ်ယောက် ဖြစ်နေပါပြီ။ သူတို့ကြုံခဲ့ရတဲ့ဖြစ်ရပ်ကို ရုပ်ရှင်ပြန်ရိုက်ဖို့ အိမ်ဝန်းတစ်စိတ်တစ်ပိုင်းကိုတောင် ရောင်းပြီး ရင်းနှီးမြှုပ်နှံထားတယ်။ ဒါပေမယ့် တစ်နှစ်ကြာတဲ့အထိ ရုပ်ရှင်က အကောင်အထည်မပေါ်သေးပါဘူး။ သူ့ဇာတ်လမ်းကို လူအများက သဘောကျပေမယ့် ဇာတ်သိမ်းကိုတော့ အားမရကြဘူး။ တစ်ဖက်မှာလည်း သားဖြစ်သူအတွက် ခုနစ်နှစ်ကြာတဲ့အထိ အခဲမကျေနိုင်သေးတဲ့ မီရာဟာ အိန္ဒိယကို ပြန်ရောက်လာပါတယ်။ သားရဲ့ဝိညာဉ် အေးချမ်းစေချင်လို့ အလောင်းရှိတဲ့နေရာကို မေးပေမယ့် ဗီဂျေးက မပြောပြခဲ့ဘူး။ ရဲအရာရှိတစ်ယောက်အဖြစ် ထက်မြက်ခဲ့တဲ့ မီရာက သားအတွက် တရားမျှတမှုကို ဘယ်လိုပြန်ရှာမလဲ။ ဒီတစ်ခေါက် ဗီဂျေးရင်ဆိုင်ရမယ့်သူက စစ်တုရင်ကိုတောင် စိတ်ထဲမှာ ကစားပြီး အနိုင်ယူနိုင်လောက်အောင် ဉာဏ်ကောင်းတဲ့ ပြည်နယ်ညွှန်ကြားရေးမှူးတစ်ယောက်ပါ။ ဗီဂျေးက ဒီအခြေအနေကို ဘယ်လိုဉာဏ်သုံးပြီး ကျော်လွှားမလဲ၊ သူကြုံရမယ့်ဖြစ်ရပ်တွေကရော လူအများကျေနပ်နိုင်မယ့် ဇာတ်သိမ်းတစ်ခုဆီ ရောက်သွားနိုင်မလားဆိုတဲ့ မေးခွန်းတွေ ရှိနေပါတယ်။ ဒီဟင်ဒီဇာတ်ကားဟာ Drishyam (2015) ရဲ့အဆက် ဖြစ်ပါတယ်။ မူရင်းကတော့ မင်းသား မိုဟာလာ ပါဝင်ထားတဲ့ မလယာလမ်စကားပြော Drishyam (2013) ဖြစ်ပြီး အဲဒီဇာတ်လမ်းကို အဂျေးနဲ့ ဟင်ဒီဘာသာ ပြန်လည်ရိုက်ကူးခဲ့တာပါ။ မူရင်းဘက်က ၂၀၂၁ ခုနှစ်မှာ ဒုတိယကား ထွက်ရှိခဲ့ပြီး ဟင်ဒီဘက်ကလည်း Drishyam 2 (2022) အဖြစ် ပြန်ရိုက်ထားတာကြောင့် မလယာလမ်နဲ့ ဟင်ဒီ နှစ်မျိုးစလုံးမှာ နှစ်ကားစီ ရှိပါတယ်။

ရာမချန်ဒရန်ဆိုတဲ့ လူတစ်ယောက်ဟာ အလုပ်ကြိုးစားပြီး ရိုးသားတဲ့အတွက် အလုပ်ရှင်က သဘောကျပြီ း သူ့သမီးနဲ့ ပေးစားလိုက်တော့ စာရေးဘ၀ကနေ သူဌေးဘ၀ကို ရောက်သွားတယ်။ ဒီကိစ္စကို ရာမာချန်ဒရန်ရဲ့ လုပ်ဖော်ကိုင်ဖက်ဖြစ်တဲ့ ဗာလ်မီကီဆိုသူက မနာလို မရှုစိမ့်ဖြစ်ပြီး အခွင့်အရေး ပေးလာချိန်မှာ မိတ်ဆွေကို မကောင်းကြံဖို့ စီစဉ်တယ်... အခုမှ လူ့လောကထဲကို ရောက်လာတဲ့ ဘာမှမသိရှာသေးတဲ့ ကလေးနှစ်ယောက် လူစားလဲခြင်း ခံလိုက်ရတယ်။ ဒီကိစ္စကို အစအဆုံး သိတဲ့သူဆိုလို့ ဗာလ်မီကီနဲ့ ဆေးရုံက နပ်စ်မတစ်ယောက်သာ ရှိတယ်။ ဒီလိုနဲ့ ရာမချန်ဒရန်ရဲ့ သားအရင်းက ဗာလ်မီကီ့ဆီ ရောက်သွားပြီး ၊ ဗာလ်မီကီ့သားက ရာမချန်ဒရန်တို့အိမ်ကို ရောက်သွားတယ်။ ..... ဒီနောက်ပိုင်း ဘာတွေဆက်ဖြစ်မလဲဆိုတာကိုတော့ ပရိတ်သတ်တွေကိုယ်တိုင် ခံစားဖို့ ချန်ထားလိုက်ပါတော့မယ်။ အစအလယ်အဆုံး အကောင်းဆုံး ဘာသာပြန်ပေးထားသလို ကြည့်ပြီးသားသူတွေအတွက်လည်း သီချင်းလေးတွေကအစ သေချာလေး ဘာသာပြန်ပေးထားတာမို့ ခံစားကြည့်ကြပါဉီး....ဇာတ်လမ်းအညွှန်းနဲ့ ဘာသာပြန်သူကတော့ Myint Thu ပဲဖြစ်ပါတယ်.... File Size : (1.25 GB) and (380 MB) Quality : WEB-DL 720p Format…mp4 Duration…02:43:00 Genre : Action , Drama Subtitle : Myanmar Subtitle (Hard Sub) Translated by Myint Thu Encoded by Phyo Pyae

MDb 6.7/10 Google Users 90% ဒီတစ်ခါတော့ ဘောလီဝုဒ်ပရိသတ်ကြီးအတွက် Rom-Com ဇာတ်ကားကောင်းတစ်ကား တင်ဆက်ပေးလိုက်ပါတယ်ခင်ဗျ ၂၀၁၉ ဝင်ငွေအကောင်းဆုံး ၁၀ ကား စာရင်းဝင်တစ်ကားဖြစ်သလို အချစ်ဟာသဇာတ်မြူးတွေသာရိုက်လေ့ရှိတဲ့ ဒါရိုက်တာ Akiv Ali ရဲ့ ကားကောင်းတစ်ကားဆိုလည်း မမှားပါဘူး ပိုစတာပေါ်မှာ Romantic Comedy Movie ဆိုပြီးရေးရေးထားပြီးပေါပေါလောလောတွေ တင်ဆက်နေတဲ့ ကိုယ်တွေဆီက မြန်မာကားတွေအနေနဲ့ ဒီလိုကားတွေကနေ ပညာယူသင့်ပါတယ် Rom-Com ဆိုတာဘာလဲ ဟာသဇာတ်ကားကောင်းတစ်ကားဖြစ်ဖို့ အိုကြီးအိုမတွေက ပေါတောတောတွေ လုပ်ပြစရာမလိုသလိုဗလတောင့်တောင့် အစ်ကိုကြီးတွေကလည်း ခြောက်ပြစရာမလိုပါဘူး သေခါနီးဘွားတော်ကြီးတွေ ရွပြဖို့မလိုသလိုချာတိတ်တွေက လူကြီးသူမတွေကို သောက်ပေါတွေပါလို့ အမြင်မှားအောင် ရိုက်ပြစရာမလိုပါဘူး ကုန်ကုန်ပြောရရင် ကလိထိုးပြီး မရယ်ရဖို့အရေးကြီးပါတယ် ဒီဇာတ်ကားထဲမှာ Rom-Com ဆိုတဲ့အတိုင်းRomance အခန်းတွေမှာလည်း ကြည်နူးစရာတွေဖြစ်စေသလိုComedy အခန်းတွေမှာလည်း တွေးတွေးပြီးရယ်ချင်စိတ်တွေဖြစ်စေပါတယ် ဒီတော့ မိသားစုနဲ့အတူ ပျော်ပျော်ပါးပါးနဲ့ ဇာတ်ကားကောင်းတစ်ကားကို ခံစားကြည့်လိုက်ပါပေးလိုက်ရတဲ့အချိန် ၃ နာရီဝန်းကျင် အလကားမဖြစ်စေရဘူးလို့ အာမခံပါတယ် ဇာတ်လမ်းလေးပြောပြရရင် ... အသက် ၅၀ အရွယ် အိမ်ထောင်ကွဲအမျိုးသားတစ်ဦးဖြစ်တဲ့ အာရှစ်(ရှ်)ဟာ အသက် ၂၆ အရွယ် အိုင်(ယ်)ရှားဆိုတဲ့ကောင်မလေးနဲ့ ချစ်ကျွမ်းဝင်သွားခဲ့ပါတယ် ၁၄ နှစ်အသက်ကွာခြားမှုကြောင့် ပတ်ဝန်းကျင်မှာ သူတို့နှစ်ယောက်ကြားထိုးနှက်မှုပေါင်းများစွားလည်း ရှိနေပါတယ်။ အဲ့ဒိအချိန်မှာ အာရှစ်တစ်ယောက် အိုင်(ယ်)ရှားကို သူ့မိသားစုနဲ့တွေ့ပေးဖို့ခေါ်သွားတဲ့အခါမှာတော့ ... (ဒီဇာတ်ကားဟာ အကြည်ထွက်တာကြာပြီဆိုပေမယ့် စာဖိုင်အမှန်မထွက်သေးလို့ဘာသာပြန်မရဘဲဖြစ်နေတာပါ အနီးစပ်ဆုံးစာဖိုင်ကို နားထောင်ပြီး အမှန်ဆုံးဖြစ်အောင် ဘာသာပြန်ပေးထားပါတယ်၊ လိုအပ်ချက်တစ်စုံတစ်ရာပါရှိပါက သည်းခံပေးကြပါကုန်) (ဇာတ်လမ်းအညွန်းနဲ့ဘာသာပြန်သူကတော့ ကိုဇော်ထူးပါ) File Size : (950 MB) and (480 MB) Quality : WEB-DL 720p Running Time : 2hr 15min Format : Mkv Genre : Comedy, Romance Subtitle : Myanmar Subtitle (Hard Sub) Source : 1080p.WEB.DL.H264.AAC.2.0.ESUBS.Telly Translated by Zaw Htoo Encoded by Thanhtike Zaw

IMDb rating - 5.7/10 Google Users - 74% Genere - Acrion/Drama မင်းသားကြီး Salman Khanနဲ့ မင်းသမီး Katrina Kaifတို့ အပြင် Sunil Grover တို့ သရုပ်ဆောင်ထားကြတဲ့ ရုံတင်ဇာတ်ကားကြီး အကြည်ထွက်လာလို့ တင်ဆက်ပေးလိုက်ပါတယ်။ လူတစ်ယောက် ဘဝတစ်ခု ဆိုပေမဲ့ ဘားရတ်ရဲ့ ဘဝက ဖြတ်သန်းရတဲ့ နယ်ပယ်အစုံမှာ မှတ်သားထားစရာ ဖြစ်ရပ်လေးတွေ ရှိတယ်။ ခု သူဟာ အသက်ကြီးကြီး လူအိုကြီး တစ်ယောက် ဖြစ်နေပြီ။ ငယ်ဘဝကတည်းက ခုထိတိုင် မပြောင်းလဲသေးတဲ့ အကြောင်းအရာတွေ အပြုအမူတွေ ရှိတုန်းပဲ။ တစ်နေ့ သူ့အဖေ ' ဒီဆိုင်လေးမှာ လာတွေ့မယ်၊ စောင့်နေပါ ' ဆိုတဲ့ စကားကို ငယ်ဘဝကနေ ခုထိ မမေ့သေးဘူး။ တနေ့ကျရင် သူ့အဖေနဲ့ သူ့ညီမ သူတို့ဆီ လာကြမယ်လို့ သူ ယုံကြည်ထားတုန်းပဲ။ " မင်းက အကြီးဆုံးသားမို့ အားလုံးကို စောင့်ရှောက်နော်" ဆိုတဲ့ အန္တရာယ်ကြားကို ပြေးသွားရတဲ့ အဖေ့ရဲ့ စကားကို သူ တည်ရဦးမယ်။ သူ့အဖေကို ပေးခဲ့တဲ့ 'စောင့်ရှောက်ပါမယ်'ဆိုတဲ့ ကတိက .... ဘာပဲဖြစ်ဖြစ် တည်ရမယ်မလား။ ခေတ်ကာလဆိုးတစ်ခုမှာ သူတို့တွေ ကွဲခဲ့ရပေမဲ့... ရွှေရောင်လက်တဲ့ ခေတ်မှာ အဖေနဲ့ ညီမကို ပြန်တွေ့ရမယ်လို့ သူ ယုံကြည်ထားဆဲပဲ။ ဒီလိုနဲ့ သူ ဖြတ်သန်းရုန်းကန်ခဲ့ရတဲ့ ဘဝတွေမှာ...... ကဲ ကိုယ်တိုင်ကိုယ်ကျ ခံစားရမယ်မလား။ ၂၀၁၉ ခုနှစ်မှာ မင်းသားကြီးရဲ့ ဒီဇာတ်ကားဟာ ဝေဖန်မှုတွေ အများကြီးရခဲ့တယ်။ မူရင်း Korea ကားကို အခြေခံထားတာဖြစ်လို့ မူရင်းကို မမီဘူးလို့ ပြောကြသလို ... အကောင်းမြင်တဲ့ သူတွေလည်း ရှိတယ်။ ကိုယ့်အကြိုက်နဲ့ ကိုယ်မို့ ကွဲလွဲကြမှာပါ။ Remake လို့ ရေးလိုက်တာ Spoiler ဆိုပေမဲ့ လူတိုင်းသိပြီးသားမို့ ရေးလိုက်တာပါ။ မူရင်းကို မကြည့်ဖူးတော့ ဇာတ်ကားက ကြည့်လို့ကောင်းနေတယ်။ မူရင်းက ဒီထက်ပိုကောင်းမလားတော့ ကျွန်တော် မပြောတတ်။။ ကဲ... ကိုယ်က မူရင်းကြည့်ပြီးသားဖြစ်နေရင်တောင် အဆင့်အတန်းမဲ့ပြီး Spoilerတွေ မန့်ထဲ ရေးမသွားဖို့ တောင်းဆိုချင်ပါတယ်။ နှစ်နဲ့ချည်ပြီး ဆယ်လ်မန်ခန်းရဲ့ ပရိသတ်တွေလည်း စောင့်နေကြတာရှိသလို... Spoiler မမိဘဲ ကြည့်ချင်ကြသူတွေက အများကြီးပါ။ ကဲ... အောက်က Comment ထဲက Link လေးကို Copy ယူပြီး browser ကနေ Downloadချနိုင်ပါပြီ။ အညွှန်းနဲ့ မြန်မာမှု ပြုထားကြသူတွေကတော့ ညီညီကိုးနဲ့ မြင့်သူတို့ ညီအစ်ကိုပါ။ File Size :(1.30 GB ) and (650 MB) Quality : AMZN WEB-DL 720p Running Time : 2hr 47min Format : Mp4 Genre : Action, Drama Subtitle : Myanmar Subtitle (Hard Sub) Source : 1080p AMZN WEB-DL DDP5.1 H.264-itsgoingdown Translated by Nyi Koe And Myint Thu Encoded by THZ

ဂုဏ်သရေရှိ အမျိုးသမီး အမျိုးသားအပေါင်းတို့ ခင်ဗျာ ဒီနေ့ဟာဆိုရင် ကျွန်တော့်အတွက် အင်မတန်မှ ပျော်ရွှင်ဖွယ်ကောင်းတဲ့ နေ့တစ်နေ့ပါ ဘာကြောင့်လဲဆိုတော့ ဒီနေ့မှာ ကျုပ်ရဲ့ ကိုယ်တိုင်ရေး အတ္ထုပ္ပတ္တိ စာအုပ် ထွက်ရှိမှာ မို့လို့ပါ ကျွန်တော့်လောက် ကဏ္ဌစုံတဲ့လူ တစ်ယောက်ကို ဘယ်မှာမှတွေ့နိုင်ဖို့မရှိဘူးဗျ ကျွန်တော်က အရက်သမား၊ ဆေးသမား၊ မိန်းမပွေလွန်းတဲ့လူဗျ ဒါပေမဲ့ အကြမ်းဖက်သမားတော့ မဟုတ်ပါဘူး AK 56 ရိုင်ဖယ်တွေလက်ဝယ်တွေ့ရှိမှု၊ RDX တွေရှိနေလားဆိုတဲ့ မေးခွန်းပေါင်းများစွာကြောင့် အများအမြင်မှာ အကြမ်းဖက်သမားတစ်ယောက်ဖြစ်နေတဲ့ နာမည်ကျော်မင်းသားကြီး ဆန်ဂျေ ဒတ်ဟာ ထောင်နန်းစံရတော့ပါမယ် အဲဒီအတွက်ကြောင့် ပြည်သူတွေကိုအမှန်တိုင်း သိစေဖို့ ရည်ရွယ်ပြီးနာမည်ကျော် စာရေးဆရာမတစ်ယောက်ဖြစ်တဲ့ ဝင်နီ ဒိုက်(ဇ်)ကို သူ့ဘဝဇာတ်ကြောင်းရေးပေးဖို့ အကူညီတောင်းခဲ့ရပါတော့တယ် ဆန်ဂျေ ဒတ်ရဲ့ ဘဝဇာတ်ကြောင်းက ဘာတွေလဲ ... တကယ်ပဲ သူက အကြမ်းဖက်သမား တစ်ယောက် ဟုတ်မဟုတ်ဆိုတာကိုတော့ ... နာမည်ကျော်မင်းသားကြီး ဆန်ဂျေ ဒတ်ရဲ့ ဘဝဇာတ်ကြောင်းကို မင်းသား ရန်ဘီးကပူးရ်က အကောင်းဆုံးသရုပ်ဆောင်ထားပြီးပါလေသမျှ သရုပ်ဆောင်တိုင်းက ကဏ္ဌအသီးသီးကနေ အကောင်းဆုံးပုံဖေါ်ထားနိုင်လွန်းလို့ အင်မတန်မှ ကောင်းမွန်တဲ့ Bio, Drama ဇာတ်ကားကောင်း တစ်ကားဖြစ်ပါတယ် ဒါရိုက်တာကလည်း 3 Idiots, PK နဲ့ Munna Bhai နှစ်ကားလုံးကို ရိုက်ကူးထားတဲ့ Rajkumar Hirani ဖြစ်နေတာကြောင့် ပြောစရာမလိုလောက်အောင် ပြီးပြည့်စုံနေပါပြီ နိုင်ငံတကာ အဆင့်သတ်မှတ်ချက်တွေ အနေနဲ့ IMDb 8.5/ 10 နဲ့ Rotten Tomatoes 50% အထိ ရရှိထားပါတယ် (ဇာတ်လမ်းအညွှန်းကိုတော့ ကိုဇော်ထူးရေးပေးထားတာပါ) (ဘာသာပြန်သူတွေကတော့ CM ရဲ့ အိန္ဒိယလိုင်းဆရာကြီးနှစ်ပါးဖြစ်တဲ့ ကိုဇော်ထူးနဲ့ ညီညီကိုးပါ) File Size : (1.2 GB) Quality : NF WEB-DL 720p Running Time : 2hr 35min Format : Mkv Genre : Biography , Drama Subtitle : Myanmar Subtitle (Hard Sub) Source : 1080p.NF.WEB-DL.H264.DDP5.1.DTOne Translated by Zaw Htoo & Nyi Nyi KOe Encoded by Thanhtike Zaw

IMDb Rating - 9/10 Google Users - 97% Rotten Tomatoes - 100% Box office - ₹110 crore Genere - Comedy, Crime, Thriller အချစ်၊ဂီတ၊ပြစ်မှု၊သဲထိတ်ရင်ဖို စတာတွေကိုတစ်ကားထဲမှာ ကြည့်ရှု ခံစားရမယ့် ဇာတ်ကားကောင်းတစ်ကားပါ။ အထူးသဖြင့် 'သူများမကောင်းကြံကိုယ့်ဘေးရန်ထိ' ဆိုတဲ့ စကားကို အဓိကမြင်မိစေပါတယ်။ ထို့နောက် ဇာတ်ကားရဲ့ တင်ဆက်ပုံဖြစ်တဲ့ မြူးကြွတဲ့ သီချင်းသံစဉ်တွေနဲ့ အတူ ပျင်းရိစရာ ဇာတ်ဝင်ခန်းရယ်လို့ ရှာမတွေ့တဲ့ ဇာတ်ကားတစ်ကားအဖြစ် ချီးကျူးမိမှာပါ။ မျက်မမြင်တစ်ယောက်အနေနဲ့လူသတ်မှုကို သိနေပါလျက် အမှုဖွင့်ချင်ပေမဲ့သူကိုယ်တိုင် မျက်မြင်သက်သေဖြစ်ခွင့်မရှိတဲ့ အခါမှာ...... ဒီဇာတ်ကားဟာ နာမည်ကြီး ဇာတ်ကားတစ်ကား၊IMDb Rating ထဲမှာလည်း နေရာကောင်းရထားတဲ့ဇာတ်ကားတစ်ကားဆိုတာသိရင်"ဇာတ်လမ်းအကျဉ်း" ဆိုတဲ့အပိုင်းကို မဖတ်စေချင်ပါဘူး။ (ဇာတ်လမ်းအကျဉ်း ရေးရတာ တော်တော်ခက်ပါတယ်။တချို့ ဇာတ်ကွက်တွေ ပေါ်သွားမှာ ကြောက်ရပါတယ်) " ဇာတ်လမ်း အကျဉ်း " အာ့ကက်ချ်က မျက်ကန်း စန္နရားပညာရှင်ပါ။ မျက်မမြင်တွေဟာ အာရုံစူးစိုက်မှု ကောင်းတယ်တဲ့။ အနုပညာရှင်တွေအဖို့ အာရုံစူးစိုက်မှု ပိုကောင်းစေဖို့ပါတဲ့။ ဒီလိုနဲ့ သူဟာ တီးခတ်ဖျော်ဖြေမှု တစ်ခုမှာမင်းသားကြီး ပရာမော့ဒ်ဆင်းမဟာနဲ့ ဆုံတော့ပရာမော့ဒ်ဆင်းမဟာ သူတို့ မင်္ဂလာနှစ်ပတ်လည်နေ့မှာသီးသန့်ဖျော်ဖြေပေးဖို့ ဖိတ်ကြားခဲ့ပါတယ်။ အဲ့ဒီနေ့ အာကက်ချ် ပရာမော့ဒ်ရဲ့အိမ်ရောက်သွားတော့ပရာမို့ဆင်ဟာဟာ သေစက်စက်နဲ့ သေဆုံးနေပါပြီ။ ဒါကို အာကက်ချ်ဟာ တုန်လှုပ်သွားခဲ့ပါတယ်။ ဘာကြောင့်ပါလဲ.....? လူသတ်မှု နံဘေးမှာ ရင်တထိတ်ထိတ်နဲ့တီးခတ်နေရတဲ့ အာကက်ပါ။ ဒါကို အာကက်ချ်ဟာ တိုင်ချက်တစ်ခုအတွက် ရဲစခန်းသွားခဲ့ပါတယ်။ ဒါပေမဲ့ သူမြင်လိုက်ရတာက.....? ပရာမို့ဆင်ဟာ ဘာကြောင့် အသတ်ခံရတာလဲ? သူ ဘယ်လို ဖော်ထုတ်မလဲ? အမှန်တရားကို ဆက်လက်ဖုံးကွယ်ထားမလား။ အာကက်ချ်ဟာစိတ်မကောင်းစွာနဲ့ သူ ကြံမ္မာဆိုးတစ်ခုကို ထပ်ကြုံလိုက်ရပါတယ်။ ဘယ်လို ကြမ္မာဆိုးလဲ? သူ့ချစ်သူကောင်မလေး မြင်သွားတဲ့ ဗီဒီယိုဖိုင်ကဘယ်လို ဗီဒီယိုဖိုင်လဲ? အထင်လွဲသွားတဲ့ ချစ်သူကောင်မလေးကို ဘယ်လို သက်သေပြမလဲ? သက်သေခံ ပရာမော့ဒ်တို့ အိမ်နီးချင်းအဖွားကြီး ဘယ်လို အန္တရာယ်ကြုံမလဲ? ဒါတွေ အားလုံးကို အာကက်ချ်တစ်ယောက်ဘယ်လို ရင်ဆိုင်မလဲဆိုတာကိုစိတ်ဝင်စားဖွယ် တွေ့မြင်ရမှာပါ။ {မှတ်ချက်။ ။ ဒီဇာတ်ကားရဲ့ Eng မူရင်းစာဖိုင်မှာ English လိုစကားပြောတဲ့ဇာတ်ဝင်ခန်းအချို.တွေမှာ စာတန်းမပါလာတာကြောင့် ကိုယ့်ဖာသာအသစ်ထည့်ဖြည့်ရေးပေးထားပါတယ်။ထိုနေရာများမှာ လိုအပ်ချက်တစ်ချို.ရှိခဲ့ပါက သည်းခံပေးကြပါ။အတတ်နိုင်ဆုံးအကောင်းဆုံးနဲ့အဆင်ပြေအောင်လုပ်ထားပေးပါတယ်} (ဇာတ်လမ်းအညွှန်းကိုတော့ ညီကိုးမှရေးပေးထားတာဖြစ်ပြီး ဘာသာပြန်သူကတော့ MLMC Team မှ ကိုမြင့်သူနဲ့ ညီညီကိုးပါ) File Size :(2.3 GB) / (900 MB ) Quality : BluRay 1080p / WEB-DL 720p Running Time : 2h 20min Format : Mp4 Genre : Comedy, Crime, Thriller Subtitle : Myanmar Subtitle (Hard Sub) Translated by Myint Thu & Nyi Nyi Koe (MLMC) Encoded by Thanhtike Zaw & Nyeinsaeya Aung

မွေးရပ်မြေနေရာဟောင်းဆီ ကို ပြန်လာကြတဲ့ ဂိုပဲလ်၊ မာဒက်ဗ်၊လပ်ကီး၊ လက်စ်မန်ပရာဆပ်နဲ့ လက်စ်မန်တို့ဟာ အသစ်ပြန် လည်မွမ်းမံထားတဲ့ မိသားစုပိုင်အိမ်ကြီးမှာ နေကြပါတယ်။ ဂိုပဲလ်တို့မှာ ကလေးဘဝကတည်းက မတည့်ကြတဲ့ အဖွဲ့တစ်ဖွဲ့ရှိပြီး အရွယ်ရောက်လာတဲ့အချိန်ထိ မတည့်ကြဘဲ ပြန်ရောက်လာတဲ့ ဂိုပဲလ်တို့နဲ့ တွေ့တာနဲ့ကို ရန်ဖြစ် ကြပါတော့တယ်။ တစ်ရက်မှာတော့ ဂိုပဲလ် တစ်ယောက် အိမ်ကြီးမှာနေရင်း ထူးဆန်းတဲ့ အဖြစ်အပျက်တွေကြုံ ရလို့ တခြားသူတွေကို ပြောပြပေမယ့် ဂိုပဲလ်ကို တစ်ယောက်မှ မယုံပါဘူး။ ဒါပေမဲ့ နောက်တော့ အိမ်ကြီးထဲက ဆန်းကြယ်မှုတွေကို အကုန်ကြုံရတဲ့အခါမှာတော့ အ ခြောက်အလှန့်တွေရှိ တယ်ဆို တာ သဘောပေါက်ခဲ့ပါတယ်။ ဒါနဲ့ သရဲတစ္ဆေတွေမောင်း ထုတ်ဖို့ဆိုပြီး ဆရာတွေ မျိုးစုံခေါ် လုပ်ပေမယ့် ထူးခြားမှုမရှိဘဲ အ ခြောက်အလှန့်မျိုးစုံနဲ့သာ ကြုံရပါတယ်။ ဂိုပဲလ်တို့ရဲ့ အဖြစ်အပျက်တွေကို ဟာသဇာတ်ကွက် လေးတွေနဲ့ တင်ဆက်ထားတာမို့ ရယ်မောရဦးမှာပါ။ အိမ်ကြီးထဲက အခြောက်အ လှန့်တွေနောက်ကွယ်မှာ ဘယ်လိုအကြောင်းရင်းတွေရှိနေလဲ၊ ဂို ပဲလ်တို့အဖွဲ့က ဒီပြဿနာကို ဘယ်လိုနည်းလမ်းတွေနဲ့ ရှင်းထုတ်မှာလဲဆိုတာတော့ ဘောလိဝုဒ်ဇာတ်ကားတွေရဲ့ ထုံးစံအတိုင်း ကကွက်အလှ၊ ရိုက်ချက်အလှတွေနဲ့အတူ ဆက်ကြည့်ဖို့ ဖော်ပြလိုက်ပါတယ်။ ပါဝင်ထားသူတွေကတော့ Ajay Devgn၊ ParineetiChopra၊ Tabu ၊ Arshad Warsi၊ Tushar Kapoor၊ ShreyasTalpade၊ Kunal Khemu စသူတွေဖြစ်ပါတယ်။ (ဇာတ်လမ်းအညွှန်းကို 7Daily Website မှ ကူးယူဖော်ပြပါသည်) File Size : (1.1 GB)  Quality : Blu-Ray 720p Running Time : 2hr 20min Format : Mp4 Genre :Action, Comedy, Fantasy Subtitle : Myanmar Subtitle (Hard Sub) Source : 1080p BluRay x264 DTS 5.1 Hon3y Translated by Mie Mie Encoded by Thanhtike Zaw

Charles Dickens ရဲ့ Great Expectations (မြန်မာဘာသာပြန် "မျှော်တလင့်လင့်")ဝတ္ထုကိုအခြေခံထားတဲ့ အချစ်ရိုမန့်ဒရမ်မာ ဇာတ်လမ်းလေးပါ။ မင်းသား Aditya Roy Kapur နဲ့ မင်းသမီး Katrina Kaif တို့အပြင် Ajay , Tabu စတဲ့နာမည်ကြီးတွေပါ ပါဝင်သရုပ်ဆောင်ထားပါတယ်။ ဇာတ်လမ်းကတော့... ဆင်းရဲသားအခိုင်းအစေကောင်လေးနဲ့ အိမ်ကြီးရှင်ရွှေမင်းသမီးကောင်မလေးတို့ ချစ်ကြိုးသွယ်ကြချိန်မှာ ထုံးစံအတိုင်း အိမ်ကြီးရှင်မင်းသမီးအမေကြီးက အကွက်တွေရွှေ့ ပြီး သူတို့ရဲ့တွေ့ဆုံခြင်းကိုခွဲလိုက်ပါတယ်။ စစ်မှန်တဲ့ချစ်ခြင်းတရားဆိုတာ စွန့်လွှတ်အနစ်နာခံမှုတွေနဲ့ အချိန်ရဲ့တိုက်စားမှုကို မှတ်ကျောက်တင်ခံနိုင်တယ်ဆိုတဲ့အတိုင်း ဝေးကွာသွားတဲ့ သူတို့နှစ်ယောက် ပေါင်းစုံနိုင်ပါ့မလားဆိုတာ......။ IMDb Rating (5.4) သာ ရရှိထားတဲ့ဇာတ်ကားဖြစ်ပေမယ့် မင်းသမီး ကပ်ထရီနာကဖ် ပရိတ်သတ်တွေတော့ လက်လွတ်မခံသင့်ပါဘူး... ရင်းဂစ် ၅၅ သိန်းထိ ကုန်ကျခံ ပုံသွင်းထားတဲ့ ဆံကေသာအရောင်တောက်တောက်နဲ့ သူမကို တောက်ပလှပစွာခံစားရမှာပါ။ ဇာတ်ကားတစ်ခုလုံးက အလွမ်းတွေချည်း ရွာချထားတဲ့မိုးရာသီတစ်ခုလို အုပ်မှိုင်းမျောလွင့်နေပြီး မင်းသား Aditya Roy Kapur ကလဲ အဲဒီ့ရာသီဉတုနဲ့ တော်တော်လိုက်ဖက်တာကို တွေ့မြင်ရပါမယ်။ File size…(1.1 GB) Quality….720p Format…mkv/mp4 Duration….02:10:36 Subtitle….Myanmar Subtitle(Hardsub) Encoder….Ka Naung

Talvar 2015 တရားခံဘယ်သူလဲ IMDb - 8.1/10 Box Office အမြတ်ငွေ သုံးဆလောက်ရထားပြီး ဝေဖန်သူတွေရဲ့ ချီးကျူးမှုတွေပိုင်ဆိုင်ထားတဲ့အပြင် ဆုတွေလည်း အများကြီးရရှိထားတဲ့ မင်းသားကြီး Irrfan Khanရဲ့ crime thriller genre ဇာတ်ကားဟောင်းလေးတစ်ကားကို တင်ဆက်ပေးချင်ပါတယ်။ ဒီဇာတ်ကားလေးမှာတော့ Rashomo effectဆိုတဲ့ Crime genreတွေကြားမှာ မြင်နေကြပြဿနာလေးကို မီးမောင်းထိုးပြထားတာဖြစ်ပြီး 2008 ခုနှစ် နိုအင်ဒါနှစ်လောင်းပြိုင်လူသတ်မှုကို အခြေခံထားတဲ့ ဖြစ်ရပ်မှန်ဇာတ်လမ်းလေးပါ။ အမှန်တော့ Rashomo effectဆိုတာ ကျနော်တိုနေ့စဉ်ဘဝမှာကြုံတွေ့နေရတဲ့ပြဿနာထဲကတစ်ခုပါပဲ။ ၃ ဘက်ကြည့်တဲ့သူက ၃ လိုမြင်ပြီး ၄ ဘက်ကကြည့်တဲ့သူက ၄ လိုမြင်သလိုပဲ ဖြစ်ရပ်တစ်ခုအပေါ် မျက်မြင်သက်သေတွေရဲ့ရှုထောင့်အရ ထွက်‌ဆိုချက် အမျိုးမျိုးဖြစ်နေလို တရားသေယူမရဖြစ်နေတာမျိုးကိုခေါ်တာပါ။ ဆိုတော့ ဇာတ်လမ်းလေးအကြောင်း ဆက်လိုက်ကြပါဦးစို။ ရှရူသီဆိုတဲ့ ၁၄ နှစ်အရွယ်ကောင်မလေးတစ်ယောက် အသတ်ခံရတယ်ဆိုတဲ့သတင်းက ဆမီးဗီဟာတစ်ဝိုက်မှာ အတော်လေး ပျံ့နှံသွားပါတယ်။ ‌ကောင်မလေးက ခပ်ငယ်ငယ် မိသားစုကောင်းကနေလာတဲ့ ကောင်မလေးဖြစ်ပြီး ဖြစ်ချင်တော့ သူတိုအိမ်က အလုပ်သမား ကမ်ပါလ်ကလည်း ပျောက်နေပါသတဲ့။ ဒီတော့ ရဲတွေရော ရှရူသီရဲ့အဖေကပါ တထစ်ချတွက်လိုက်တော့တာပေါ့။ အိမ်မှာလူလေးယောက် တစ်ယောက်သေပြီး တစ်ယောက်ပျောက်နေတာ ပျောက်နေတဲ့ကမ်ပါလ်ဟာ တရားခံပဲဆိုပြီး အသည်းအသန်ရှာပေမဲ့ ကမ်ပါလ်ရဲ့အလောင်းပါ ထွက်ပေါ်လာတဲ့အခါ... တစ်ဖက်ကလည်း ကမ်ပါလ်နဲ့ရှရူသီဟာ စည်းကျော်တဲ့ပတ်သက်မှုတွေရှိနေတယ်ဆိုတဲ့ ထွက်ဆိုချက်ကလည်းရှိထားပြန်တော့.... သမီးသေတဲ့အမှုမှာ အဖေနဲ့အမေက အဓိက သံသယရှိသူတွေအဖြစ် သတ်မှတ်ခံရချိန်မှာ အမြင်ကွဲလွဲမှုတွေဖြစ်ပြီး CDIဌာနမှူး အက်ရှ်ဝင်းကိုယ်တိုင် ဒီအမှုကို စုံစမ်းဖိုဖြစ်လာချိန်မှာတော့... (အညွှန်းနဲ့ဘာသာပြန်ကတော့ CM Bollywood teamမှပဲဖြစ်ပါတယ်) File size… 2.2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 12min Subtitle….Myanmar Subtitle (Hard Sub) Encoder….YK Translated by CM Bollywood team

Drishyam (2015) Hindi Version IMDb Rating (8.2) / Rotten Tomatoes (78%) လေးတန်းအောင်ဇာတ်ကားလို့ ပြောတာနဲ့ မသိတဲ့လူမရှိတဲ့ အဂျေးရဲ့ Old but Gold ‌ဇာတ်ကားလေးကို အသစ်တစ်ဖန်မွမ်းမံပြီး ပြန်လည်တင်ဆက်ပေးထားပါတယ် အတန်းပညာတွေမသင်ယူခဲ့ရပေမဲ့ မိသားစုကို ပညာနဲ့မဟုတ်ဘဲ သင်ညာနဲ့ ကာကွယ်သွားပုံတွေက ထိုင်ရာကမထ ကြည့်ချင်စိတ်ပေါက်အောင် လုပ်ပေးနိုင်မှာ အမှန်ပါပဲ ရုံတင်ချိန်တုန်းကလည်း 197 ကုဋေထိရရှိခဲ့တဲ့ ဝက်ဝက်ကွဲပေါက်ကားလေးကို ပြန်လည်ခံစား ကြည့်ရှုလိုက်ပါဦးရှင် ဗီဂျေးဆိုတာက ဇာတ်ကားတွေကြည့်ရတာ အလွန်နှစ်သက်တဲ့လူပေါ့ ရပ်ကွက်ထဲက လူတစ်ယောက် အခက်အခဲရှိရင် သူ့ဆီပဲ အကူအညီသွားတောင်းကြပါတယ် ဗီဂျေးက ဇာတ်ကားတွေကြည့်ပြီး ဇာတ်ကားထဲကအတိုင်း ဖြေရှင်းချက်ပေးလိုက်ရင် အဆင်ပြေသွားတာက များပါတယ် ဒီလိုအဆင်ပြေပြေ ဖြတ်သန်းနေကြတဲ့ သူတို့မိသားစုဘဝထဲ ကံဆိုးမိုးမှောင်ကျရောက်လာတဲ့နေ့မှာတော့ ပုံမှန်နဲ့မတူ မိုးတွေသည်းကြီးမည်းကြီးရွာနေခဲ့တာပေါ့ ဒီမိုးကြောင့် အိမ်ပြန်မအိပ်ဖြစ်တဲ့ရက်ကျမှ အိမ်မှာကျန်နေခဲ့တဲ့မိသားစုက လူသတ်မှုကို ပူးပေါင်းကျူးလွန်မိပါတယ် သတ်လိုက်မိတဲ့လူကလည်း ကြမ်းပေ့ ရက်စက်ပေ့ဆိုတဲ့ အမျိုးသမီးရဲချုပ်ရဲ့ တစ်ဦးတည်းသောသားပါ ခုခံရင်းလက်လွန်သွားပေမဲ့ မနိုင်လောက်တဲ့အမှုဆိုတာသိလို့ အလောင်းဖွက်ရပါတော့တယ် ဒီကနေစပြီး ဗီဂျေးကရုပ်ရှင်တွေထဲကနေ သူရရှိထားတဲ့ ဉာဏ်ပညာနဲ့ သူ့ရဲ့လိမ္မာပါးနပ်မှုကို အသုံးချပြီး ရဲတွေရဲ့စစ်ဆေးမေးမြန်းမှုတွေကို ဘယ်လိုရင်ဆိုင်မလဲ သူ့မိသားစုကို ဘယ်လိုကာကွယ်မလဲဆိုတာကို အသည်းတယားယား စောင့်ကြည့်ရမှာပါ ပညာတတ်မဟုတ်ပေမဲ့ သာမန်အဖေတစ်ယောက်ရဲ့ မယုံနိုင်လောက်စရာ ဉာဏ်ပညာနဲ့ မိသားစုကို ကာကွယ်ဖို့အတွက် သူဘယ်အထိ လုပ်ဆောင်နိုင်မလဲဆိုတာကို ပြသထားပါတယ် တစ်ခဏလေးတောင် မျက်စိလွှဲလို့မရအောင် ဆွဲဆောင်နိုင်တဲ့ ဇာတ်လမ်းဇာတ်ကွက်တွေ မထင်မှတ်ထားတဲ့ အလှည့်အပြောင်းတွေနဲ့အတူ ကြည့်ရှုသူကို အဆုံးအထိ စိတ်လှုပ်ရှားစေမဲ့ သည်းထိတ်ရင်ဖို မှုခင်းဇာတ်ကားကောင်းတစ်ကားပဲ ဖြစ်ပါတယ်ရှင် ( အညွှန်းကိုတော့ Yunni ကရေးသားပေးထားပြီး ဘာသာပြန်တွေကတော့ Alex~ Star ~ Zwe Yan ~ KKKZ တို့ပဲဖြစ်ပါတယ် ) ဒီဇာတ်ကားက သိပ်ကောင်းပေမယ့် မူရင်းတော့ မဟုတ်ခဲ့ဘဲ တောင်ပိုင်းက မလာယမ်စကားပြောရုပ်ရှင်ကို Remake ပြန်ရိုက်ထားတာဖြစ်ပါတယ်။ မူရင်း Malayalam Version ဖြစ်တဲ့ Drishyam (2013 )  က ၂၀၁၃ မှာ စတင်ထွက်ရှိခဲ့ပြီး တောင်ပိုင်းရဲ့နာမည်ကျော် မင်းသားကြီး မိုဟာလာနဲ့ရိုက်ကူးခဲ့ပေမယ့် လူသိပ်မသိခဲ့ဘဲ ဘောလိဝုဒ်က အဂျေးနဲ့ရိုက်မှပဲ ဝက်ဝက်ကွဲအောင်မြင်ခဲ့တဲ့ ဇာတ်လမ်းဖြစ်ပါတယ်။ မူရင်း Malayalam Version က ၂၀၂၁ ခုနှစ်မှာ Drishyam 2 ကိုဆက်ရိုက်ခဲ့ပြီး ဘောလိဝုဒ်ကလဲ Drishyam 2 (2022) ဆိုပြီး ထပ် Remake ခဲ့ပါတယ်။ ဆိုတော့ Hindi Version နဲ့ ၂ ကားရှိပြီး Malayalam Version နဲ့ ၂ ကားရှိပါတယ်။ ဘယ်မင်းသားကိုကြိုက်လဲပေါ်မူတည်ပြီး ကြည့်လို့ရပါတယ်။ Version ၂ ခုစလုံးက ဇာတ်လမ်းသွားလာအကုန်တူတာမလို့ ၄ ကားလုံးကြည့်ဖို့ မလိုအပ်ပါဘူး။ File size…(7.5 GB)/(3.5 GB)/(1.4 GB) Quality….BluRay 4K HEVC/ 1080p HEVC / 720p Format…mkv/mp4 Duration….02:44:07 Subtitle….Myanmar Subtitle (Hardsub) Encoder….Ka Naung Translated by Alex~ Star ~ Zwe Yan ~ KKKZ

IMDb Rating (8.0) / Rotten Tomatoes (88%) မင်းသား Shahid Kapoor , မင်းသားကြီး Irrfan Khan ,မင်းသမီး Shraddha Kapoor,မင်းသမီးကြီး Tabu တို့နဲ့ ဘောလိဝုဒ်ရဲ့ Rating မြင့် Action,Crime,Drama ရုပ်ရှင်ကားဖြစ်ပါတယ်။ ဒီရုပ်ရှင်ကားက စာရေးဆရာကြီးဝီလီယံရှိတ်စပီးယားရဲ့ "Helmet"ဆိုတဲ့ဇာတ်လေးကိုကျောရိုးကိုယူပြီးပြန်လည်ရိုက်ကူးထားတာဖြစ်ပါတယ်။ ဇာတ်အိမ်ကိုတော့ ၁၉၉၅ခုနှစ် ကတ်ရှမီးယားဒေသကိုအခြေပြုထားပါတယ်။ ကတ်ရှမီးယားဒေသကိုအခြေတည်ထားတာကလည်းစိတ်ဝင်စားစရာအချက်တချက်ပါပဲ။ လူငယ်လေးတစ်ယောက် သူ့ဖခင်ရုတ်တရက်ပျောက်ဆုံးသွားတဲ့အကြောင်းသိလိုက်ရတဲ့အချိန်မှာပဲ အဲဒီကတ်ရှ်မီးယားဒေသကိုသွားရောက်ခဲ့တာကစတင်ထားပါတယ်။ အဲ့ဒီကိုရောက်တဲ့အခါမှာတော့ ဖြစ်စဉ်တွေဟာ သူထင်ထားသလို ရိုးစင်းမနေဘဲ လိုက်လံစုံစမ်းရင်းနဲ့ ဘယ်လိုမြုပ်ကွက်တွေကို ဖော်ထုတ်လိုက်နိုင်မလဲ။ ပျောက်ဆုံးသွားတယ်ဆိုတဲ့ သူ့ဖခင်ကိုရောပြန်တွေ့နိုင်မလား။ နောက်ကွယ်က ဘယ်လိုအကြောင်းတရားတွေရှိနေလည်းဆိုတာကို ခံစားမှုပြင်းရှရှနဲ့ခံစားကြည့်ရှုရမှာပါ။ ဇာတ်လမ်းက အချိုးအကွေ့လေးတွေ စိတ်ဝင်စားဖို့ကောင်းတာမို့ဇာတ်ကြောင်းကို မသိထားဘဲ ကိုယ်တိုင်အပြည့်အဝခံစားကြည့်ရှုမှ ပိုကောင်းပါမယ်။ နိုင်ငံတကာမှာ ဘာကြောင့် Rating မြင့်ပြီး နာမည်ကြီးနေလဲဆိုတာ ခံစားဆုံးဖြတ်ပေးကြပါဦး။ (ရုပ်ရှင်အညွှန်းကို ကျော်ဇေလတ်မှ ရေးသားပြီး V & Thaik San မှ ဘာသာပြန်တင်ဆက်ထားပါတယ်။) File size…(2.6 GB)/ (1.3 GB) Quality….BluRay 1080p HEVC /720p Format…mkv/mp4 Duration….02:41:21 Subtitle….Myanmar Subtitle(Hardsub) Encoder….Ka Naung Translated by V & Thaik San

Life of Pi (2012) (Only On Bioscope) IMDB : 7.9 Rotten Tomatoes : 86% Genre : Adventure / Fantasy Life of Pi ကတော့ ၂၀၀၁ ခုနှစ်ထွက် Yann Martel ရဲ့ Life of Pi (Schiffbruch mit Tiger) ဝတ္ထုကို အသက်သွင်းထားတဲ့ ရုပ်ရှင်တစ်ခုဖြစ်ပါတယ်။ Oscar 11 ဆု ဇကာတင်ခဲ့ပြီး ၄ ခု အထိဆွတ်ခူးနိုင်ခဲ့တဲ့ ရုပ်ရှင်ကားကောင်းတစ်ကားဖြစ်တာကြောင့် မကောင်းမှာတော့ ပူစရာမလိုပါဘူး။ ဇာတ်ညွှန်း ပိုင်ပတဲလ်ဆိုတာ အိန္ဒိယမှာကြီးပြင်းခဲ့တဲ့ ကောင်လေးတစ်ယောက်ဖြစ်ပါတယ်။ Skeptic လို့ပဲပြောရမလား ဒါမှမဟုတ် Skeptic ပြောင်းပြန်လို့ပဲပြောရမလား သူဟာ တွေ့သမျှဘုရားတိုင်းကို သံသရပေါင်းများစွာနဲ့ ယုံကြည်ခဲ့တဲ့လူဖြစ်ပါတယ်။ ဆိုတော့ သူ့ငယ်ဘဝက ဘောင်ခတ်မထားဘူးလို့ပဲဆိုရမှာပေါ့လေ။ သူ့ရဲ့အမေက ဇာတ်နိမ့်ဖြစ်တဲ့ သူ့အဖေကိုယူတယ်ဆိုပြီး အိမ်ကနေအမွေပြတ်စွန့်ပစ်ခံလိုက်ရတယ်။ ဒါပေမဲ့ သူတို့မိသားစုလေးကသာယာခဲ့တယ်။ တိရိစ္ဆာန်ရုံလေးတစ်ရုံပိုင်ခဲ့တယ်။ ဘဝရဲ့ အချိုးအကွေ့တချက်မှာ သူတို့မိသားစု တစ်ရွာကိုပြောင်းဖို့ဖြစ်လာခဲ့တယ်။ ဒါပေမဲ့ပြောင်းရမှာက ပင်လယ်ရပ်ခြား ဖြစ်တဲ့ကနေဒါနိုင်ငံကိုဖြစ်နေတယ်။ ဆိုတော့ သူတို့ဟာ တိရိစ္ဆာန်ရုံတွေကို သင်္ဘောပေါ်တင်ပြီး ကနေဒါနိုင်ငံကို ချီတက်ခဲ့ကြတယ်။ ကံဆိုးချင်တော့ မာရီယာနာချောက်နားမှာ မုန်တိုင်းမိတာပဲလား၊ ကံတရားအငြိုးကြီးလို့ပဲလားတော့မသိဘူး ပိုင်တို့စီးလာတဲ့ သင်္ဘောနစ်မြုပ်ခဲ့တယ်။ အဲဒီမှာ လူက ပိုင်တစ်ယောက်ပဲအသက်ရှင်ကျန်ရစ်ခဲ့တယ်။ ဒါပေမဲ့ တိရိစ္ဆာန်ကတော့ မြင်းကျားတစ်ကောင် ခွေးအတစ်ကောင် အော်ရိန်းဂျု့စ်လို့ခေါ်တဲ့ မျောက်မကြီးတစ်ကောင်နဲ့ ရစ်ချက်ဒ်ပါကားလို့ခေါ်တဲ့ ကျားကြီးတစ်ကောင်ရယ်ကလည်း သူ့ရဲ့အသက်ကယ်လှေပေါ်မှာ ပါလာခဲ့တယ်။ ဒီလိုနဲ့ အသက်ကယ်လှေလေးတစ်စီး၊ ကျားတစ်ကောင်၊ လူတစ်ယောက်၊ အဆုံးမဲ့တဲ့ ပင်လယ်ပြင် ကောင်းကင်နဲ့ရေပြင်တစ်သားတည်းကျခဲ့တဲ့ ပတ်ဝန်းကျင်မှာ အသက်ရှင်သန်ဖို့လမ်းဟာ နိုးတစ်ဝက်အိမ်မက်တစ်ခုဖြစ်လာခဲ့တယ်။ ဒီလိုနဲ့ ပိုင်တစ်ယောက်ဘယ်လိုများရှေ့ဆက်မှာလဲဆိုတာကို ရင်ထဲ တသသဖြစ်အောင်ရိုက်ထားတဲ့ ရုပ်ရှင်ကားကောင်းတစ်ကားဖြစ်ပါတယ်။ အကောင်းဆုံးတချက်ကတော့ ဒီရုပ်ရှင်က ကြည့်တဲ့ပရိသတ်အကြိုက် ဇာတ်ကိုသိမ်းလို့ရတာပါပဲ။ ဒီအချက်ကပဲ ရုပ်ရှင်ကို ပိုလို့တောင် ကြွသွားစေပါတယ်။ ပိုင်အဖြစ် မင်းသားကြီး Irrfan Khan က သရုပ်ဆောင်ထားပါတယ်။ မသိတဲ့သူမရှိလောက်တဲ့ Life of Pi ကို နှလုံးသားနဲ့ခံစားပြီးတော့ အတွေးနယ်ချဲ့ကြည့်လိုက်ကြပါဦးခင်ဗျာ။ File size…    9 GB / 3 GB/ 1 GB Quality… BluRay 4K/ 1080p / 720p Format… mp4 Duration…. 2h 7m Genre ..... Adventure / Fantasy Subtitle…. Myanmar Subtitle (Hard Sub)

အွန်းမ်ဟာ မင်းသားဖြစ်ချင်တဲ့ အိပ်မက်ရှိသူ သာမန်လူတန်းစားကောင်လေးတစ်ယောက်ပါ။ အဲဒီအချိန်က နာမည်ကျော်မင်းသမီး ရှန်တီကိုလည်း အရမ်းသဘောကျနေတယ်။ တစ်နေ့တော့ ရှန်တီကို ထုတ်လုပ်သူတစ်ယောက်က မီးရှို့သတ်တာကို အွန်းမ် မျက်မြင်တွေ့လိုက်ရပြီး ဝင်ကယ်ဖို့ ကြိုးစားရင်း သူပါ အသက်ဆုံးရှုံးသွားခဲ့ပါတယ်။ ဒါပေမယ့် အွန်းမ်ဟာ မင်းသားကြီးတစ်ယောက်ရဲ့သားအဖြစ် ပြန်လည်လူဝင်စားလာတယ်။ နှစ်သုံးဆယ်ကြာတဲ့အခါ သူကိုယ်တိုင်လည်း အောင်မြင်ကျော်ကြားတဲ့ မင်းသားတစ်ယောက် ဖြစ်လာခဲ့ပါတယ်။ အရင်ဘဝက အကြောင်းတွေကို တဖြည်းဖြည်း ပြန်မှတ်မိလာတဲ့နောက်မှာတော့ ရှန်တီအတွက် တရားမျှတမှုရှာပေးဖို့ ကြံစည်လာတယ်။ အတိတ်ကို သူဘယ်လို ပြန်မှတ်မိလာတာလဲ၊ ရှန်တီ ဘာကြောင့် အသတ်ခံခဲ့ရတာလဲ၊ သူ့အတွက် တရားမျှတမှုကို ဘယ်လိုရှာပေးမလဲဆိုတာကို ရှာရွတ်ခန်းရဲ့ ဘဝနှစ်ခုစာ သရုပ်ဆောင်မှုနဲ့ ဆက်ပြထားပါတယ်။

Namesake (2007) "နိုင်ငံရပ်ခြား တိုင်းတစ်ပါး" မင်းသား Irrfan Khan ရဲ့ အင်္ဂလိပ်စကားပြော အိန္ဒိယဇာတ်ကားဟောင်းလေး တစ်ပုဒ်ကို ပြန်လည်တင်ဆက်လိုက်ပါတယ် နယူးယောက်မှာနေတာ ၂ နှစ်ရှိပြီဖြစ်တဲ့ အာရှုတ်ခ်ဟာ ရိုးရိုးအေးအေး အိန္ဒိယသူလေး အာရှီမာနဲ့ မိဘသဘောတူလက်ထပ်လိုက်ပြီးနောက် အာရှီမာတစ်ယောက် အမေရိကားကို ယောင်လည်လည်နဲ့ လိုက်လာရပါတယ် နိုင်ငံရပ်ခြားမှာ ယဉ်ကျေးမှုမတူညီတာကို အသားမကျနိုင်တဲ့ အာရှီမာရဲ့ ဒုက္ခနဲ့ အထီးကျန်ဝေဒနာကို ဘယ်လိုကုစားမလဲ သားကလေး ဂိုဂေါ် မွေးလာတဲ့အခါမှာလည်း အမေရိကန်ဖွား အိန္ဒိယလူမျိုး ကလေးတစ်ယောက်ရဲ့ ဘဝမှာရော ဘယ်လိုအခက်အခဲတွေကြုံရမလဲ ဒီရုပ်ရှင်လေးမှာ ခံစားကြည့်ရှုကြပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size…2.6 GB / 1.2 GB Quality…WEB DL 1080p HEVC / 720p Format…mkv/mp4 Duration….2h 2min Subtitle….Myanmar Subtitle (Hard Sub) Encoder….YK Translated by CM Bollywood Team

Fanaa (2006) မြန်မာစာတန်းထိုး IMDb...7.2 ကဲ ... အခုလိုအေးချမ်းလှတဲ့ မိုးရာသီလေးမှာ ဆွတ်ပျံကြည်နူးစရာ အချစ်ကားလေးတစ်ကားနဲ့ မိတ်ဆက်ပေးပါရစေဗျာ.. ဘောလီဝုဒ်ရဲ့ ခန်း(မ်) ၃ ခန်း(မ်)ထဲက နာမည်ကြီး တစ်ယောက်ဖြစ်တဲ့ အမီးရ်ခန်း(မ်)နဲ့ အခုချိန်ထိ ချောဆဲ လှဆဲ မင်းသမီးတစ်လက်ဖြစ်တဲ့ ကာဂျိုလ်တို့က ပါဝင်သရုပ်ဆောင်ထားတဲ့ ကားကောင်းတကားလည်း ဖြစ်ပါတယ်.. သူ့ခေတ်သူ့အခါမှာ နာမည်ကြီး အောင်မြင်မှုတွေရခဲ့တဲ့အပြင် အခုထိလည်း လူကြိုက်များဆဲ ဇာတ်ကားကောင််း တစ်ကားဖြစ်ပါတယ်... ဇာတ်ဝင်တေးချိုချိုလေးတွေ၊မှိန့်မေားစရာ နောက်ခံတေးဂီတ ၊ ရိုက်ကွင်းရှု့ခင်း ခပ်လှလှလေးတွေနဲ့ ဆွေးစရာ၊ လွမ်းမောစရာ ကြည်နူးစရာ အချစ်ဇာတ်ကားကောင်းလေး တစ်ကားလည်း ဖြစ်ပါတယ်... ဆုတွေအနေနဲ့လည်း ဘောလီဝုဒ်ရဲ့ အကြီးမားဆုံးဆုပေးပွဲတစ်ခုဖြစ်တဲ့ Filmfare Awards မှာ Best Actor (female) အဖြစ် ကာဂျိုလ် Best Playback Singer (Male) အဖြစ် Shaan Best Lyrics အဖြစ် Parsoon Joshi Zee Cine Awards မှာလည်း Best Actor (female) အဖြစ် ကာဂျိုလ် Best Playback Singer အဖြစ် Shaan တို့နဲ့ Screen Awards (2006) မှာ Best Playback Singer အဖြစ် Shaan စသဖြင့် ဆုပေါင်းများစွာရရှိခဲ့ပါတယ်... ရိုမှရိုချင်တဲ့သူတွေ ကြည့်လိုက်ကြပါဗျာ .... အကြိုက်တွေ့စေရမယ်ဆိုတာ ရဲရဲကြီး အာမခံပါတယ် ဇူနီဆိုတဲ့မျက်မမြင်မလေးဟာ သူငယ်ချင်းတွေနဲ့အတူ ကရှ်မီးကိုယ်စားပြု လွပ်လပ်ရေးနေ့အခမ်းအနားအတွက် ကပြဖျော်ဖြေဖို့ ဒေလီကို သွားခဲ့ပါတယ်... ဒေလီရောက်တော့ ရီဟန်ဆိုတဲ့ ဧည့်လမ်းညွှန်တစ်ယောက်နဲ့ ဆုံခဲ့ပါတယ် မျက်မမြင် ဇူနီအတွက်  ရီဟန် ရဲ့ပုံသဏ္ဍန်ကို သူငယ်ချင်းတွေဆီမေးခဲ့တယ်... သူငယ်ချင်းတွေ ပြောပြသလောက် ရုပ်ရည်ချောမောပြီး ကဗျာတွေစာတွေဖွဲ့နွဲ့တတ်တဲ့ မိန်းကလေးတိုင်းကြွေဆင်းလောက်သူ... ရှေရှည်မှာ အဆင်မပြေဘူးထင်ပြီး သူငယ်ချင်းတွေက ဇူနီရဲ့ ယိုင်နဲ့နေတဲ့ခံစားချက်ကိုသိလို့ တားခဲ့ကြတယ်...သူငယ်ချင်းတွေတားတဲ့ကြားထဲက ရီဟန်ကိုချစ်မိသွားခဲ့ပါတယ်... "မိန်းကလေးဆိုတာ ငါ့အတွက်မြို့တွေလိုပဲ မြို့တမြို့ကိုသွားလိုက်တယ် အကျွမ်းတဝင်ဖြစ်သွားရင် နောက်တမြို့ကို ပြောင်းသွားလိုက်တယ် ငါ့အနားကိုမလာပါနဲ့ ဇူနီ ... ဒီမုန်တိုင်းက မင်းဘဝကိုဖျက်စီးပစ်လိုက်လိမ့်မယ်" ဒါကတော့ အချစ်ကိုအယုံအကြည်မရှိ တဲ့ ရီဟန်ရဲ့ အယူအဆတွေပါဝင်တဲ့ ပြောစကားပါပဲ..ကိုင်း သူတို့ အဆင်ပြေမလား...ဘာတွေဆက်ဖြစ်မလဲ ဆိုတာကိုတော့ခံစားကြည့်လိုက်ပါဦးဗျို့ ဇာတ်လမ်းအညွှန်းနဲ့ ဘာသာပြန်သူကတော့ Ko Zaw Htoo ပဲဖြစ်ပါတယ်.... File Size : (1GB) Quality : Blu-Ray 720p Format…mp4 Duration…02:48:00 Genre : Crime , Drama , Romance  Subtitle : Myanmar Subtitle (Hard Sub) Translated by Zaw Htoo Encoded by Phyo Pyae

Hera Pheri ရဲ့ အဆက်ဖြစ်တဲ့ ဒီကားမှာ ရာဂျူး၊ ရှာမ်နဲ့ ဘာဘူရောင်းတို့ဟာ ငွေအများကြီးရထားပြီး သူဌေးတွေ ဖြစ်နေကြပါပြီ။ ဒါပေမယ့် ချမ်းသာလာတာနဲ့တင် မတင်းတိမ်နိုင်ဘဲ ပိုလိုချင်နေကြတုန်းပါ။ လောဘနောက်လိုက်မိရာက အလိမ်ခံလိုက်ရပြီး သုံးယောက်စလုံး ပြန်မွဲသွားကြပါတယ်။ ဒီလိုဖြစ်သွားလည်း အလွယ်တကူ ချမ်းသာချင်တဲ့စိတ်က မပျောက်တော့ မဟုတ်တဲ့နည်းလမ်းတွေနဲ့ ငွေပြန်ရှာဖို့ ကြိုးစားကြပြန်တယ်။ သူတို့သုံးယောက်ရဲ့ အကြံအစည်တွေနောက်မှာ ဘယ်လိုအလွဲတွေ ကြုံလာဦးမလဲဆိုတာ ဟာသအဖြစ် ဆက်ထားပါတယ်။ အရှေးကူမား၊ ဆူနီးရှက်တီး၊ ဗီပါရှားဘာဆူးနဲ့ ရီမီဆန်တို့အပြင် ဟာသသရုပ်ဆောင် ဂျွန်နီလီဗာနဲ့ ပရေရှ်လာဝလ်တို့လည်း ပါဝင်ထားပါတယ်။

IMDb (7.0) / Rotten Tomatoes (81%) ဘောလိဝုဒ်ရဲ့ဘုရင်လို့ တင်စားခေါ်ဝေါ်ကြတဲ့ ကမ္ဘာကျော်မင်းသား ရှာရွတ်ခန်းရဲ့အချစ်အလွမ်းအကြမ်းရသစုံတဲ့ရုပ်ရှင်ဇာတ်ကား ဖြစ်ပါတယ်။ ရှာရွှတ်ခန်းရဲ့ လူသိများတဲ့ရုပ်ရှင်တွေဖြစ်တဲ့ Om Shanti Om တို့ Happy New Year တို့ကို ရိုက်ကူးပေးခဲ့တဲ့ ဒါရိုက်တာ Farah Khan ရဲ့ ပထမဆုံးရိုက်ကူးတဲ့ ရုပ်ရှင်ဖြစ်ပြီး မင်းသားကြီး Sunil Shetty ၊လူငယ်မင်းသားချော Zayed Khan မင်းသမီး Sushmita Sen နဲ့ Amrita Rao တို့ပါဝင်အားဖြည့်သရုပ်ဆောင်ထားပါတယ်။ Imdb rating 7.0 ရရှိထားတဲ့ ဒီရုပ်ရှင်ရဲ့ ဇာတ်လမ်းကတော့ အိန္ဒိယတပ်မတော်မှ ဗိုလ်ချုပ်ဘတ်က်ရှီးဟာ ပါကစ္စတန်နိုင်ငံနဲ့ ငြိမ်းချမ်းရေးယူဖို့ ပထမခြေလှမ်းအဖြစ် မီလတ်စီမံကိန်းကို လုပ်ဆောင်ဖို့ စီစဉ်နေပါတယ်။ မီလတ်စီမံကိန်းကတော့ အိန္ဒိယနယ်စပ်မှာ ဖမ်းမိထားတဲ့ မသိနားမလည်တဲ့အပြစ်မဲ့ ပါကစ္စတန်နိုင်ငံသားတွေကို ပြန်လွှတ်ပေးမယ့် အစီအစဉ်ဖြစ်ပါတယ်။ ထိုစီမံကိန်းကို သတင်းဌာနတစ်ခုမှ ဗိုလ်ချုပ်ဘတ်က်ရှီးကို အင်တာဗျူးဖို့ ဖိတ်ကြားထားလို့ ဗိုလ်ချုပ်ဘတ်က်ရှီးဟာ အင်တာဗျူးလာရောက်ဖြေခဲ့ပါတယ်။ အင်တာဗျူးဖြေနေစဉ်မှာ ပါကစ္စတန်နဲ့ငြိမ်းချမ်းရေးရသွားမှာကို မလိုလားတဲ့ အကြမ်းဖက်သမား ရာ့ဂ်ဗန်တို့အဖွဲ့ဟာ သတင်းဌာနကို ဝင်ရောက်စီးနင်း တိုက်ခိုက်ခဲ့ပါတယ်။ အဲဒီအချိန်မှာ ဗိုလ်ချုပ်ဘတ်က်ရှီးကို ကာကွယ်ရင်းနဲ့ မေဂျာရမ်(ရှာရွတ်ခန်း)ရဲ့အဖေ ဗိုလ်မှူးကြီးရှိတ်ကာဟာ ကျဆုံးသွားခဲ့ပါတယ်။ ဗိုလ်ချုပ်ကြီးရှိတ်ကာဟာ သူ့မှာ မေဂျာရမ်အပြင် လက်ရှ်မန်းဆိုတဲ့ သားတစ်ယောက်နဲ့ မာဒူဆိုတဲ့ ဇနီးတစ်ယောက်ရှိကြောင်း သားဖြစ်သူ မေဂျာရမ်ကို သူကွယ်လွန်ခါနီးအချိန်တွင်ပြောခဲ့ပြီး သူ့အရိုးပြာကို သားနှစ်ယောက်အတူမျှောပေးဖို့ မေဂျာရမ်အား ကတိတောင်းခဲ့ပါတယ်။ မေဂျာရမ်ဟာ သူ့အဖေရဲ့နောက်ဆုံးဆန္ဒကို အကောင်အထည်ဖော်ဖို့လုပ်နေချိန် ဗိုလ်ချုပ်ဘတ်က်ရှီးမှ သူ့အား တာဝန်တစ်ခုပေးခဲ့ပါတယ်။ ထိုတာဝန်ကတော့ ဒါဂျီလင်မြို့မှာနေထိုင်တဲ့ ဗိုလ်ချုပ်ဘတ်က်ရှီးရဲ့ သမီး ဆန်ဂျနာကို ကာကွယ်ဖို့တာဝန်ပါ။ တိုက်ဆိုင်စွာနဲ့ပဲ ဆန်ဂျနာနဲ့ မေဂျာရမ်ရဲ့အဖေတူအမေကွဲညီ လက်ရှ်မန်းတို့သားအမိဟာ ဒါဂျီလင်မြို့မှာ ရှိနေပါတယ်။ ဆန်ဂျာနာက စစ်သားတွေကို မုန်းတဲ့သူဖြစ်တာမို့ မေဂျာရမ်ဟာ ကျောင်းသားတစ်ယောက်အဖြစ် အသွင်ယူပြီး ကာကွယ်ပေးဖို့လုပ်ရင်း တစ်ဖက်မှာ သူ့အဖေရဲ့နောက်ဆုံးဆန္ဒကိုဖြည့်ဆည်းဖို့ သူ့ညီနဲ့ သူ့မိထွေးကို ရှာပုံတော်ဖွင့်ပါတော့တယ်။ ထို့နောက် ဘာဆက်ဖြစ်မလဲဆိုတာကိုတော့ ၃ နာရီကျော်ကြာမြင့်တဲ့ ဒီရုပ်ရှင်မှာ ဆက်လက်ကြည့်ရှုခံစားလိုက်ပါ။ File size…(3 GB) and (1.8 GB) Quality…BluRay 1080p & 720p 5.1CH (HEVC Encode) Format…mkv Duration….03:02:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

မီယန်မက်ဘူးဟာ မွမ်ဘိုင်းက မာဖီယားခေါင်းဆောင် ပါပါကြီးရဲ့ အားအကိုးရဆုံး ညာလက်ရုံးတစ်ယောက်ပါ။ တော်ပြီး ပါးနပ်တဲ့သူဖြစ်သလို ပါပါကြီးနားမှာ နေလာခဲ့တာလည်း ၂၅ နှစ်ရှိနေပြီ။ ပါပါကြီးရဲ့အသက်ကို အကြိမ်ကြိမ် ကယ်ခဲ့ဖူးတာကြောင့် ပါပါကြီးကလည်း သူ့ကို အထူးယုံကြည်အားထားတယ်။ ဒါပေမဲ့ မက်ဘူးမှာ ပါပါကြီးမသိတဲ့ လျှို့ဝှက်ချက်တစ်ခု ရှိနေပါတယ်။ ပါပါကြီးရဲ့ အမြှောင်မယား နင်မီနဲ့ သူနဲ့က တိတ်တိတ်ပုန်း ချစ်ကြိုက်နေကြတာပါ။ မဖြစ်သင့်တဲ့ ဒီအချစ်ရေးနဲ့ ဘေးက မြှောက်ထိုးပင့်ကော်လုပ်သူတွေကြားမှာ မက်ဘူးတစ်ယောက် စိတ်အလိုလိုက်ပြီး ထင်ရာစိုင်းမိလာတယ်။ အဲဒီကနေ သူ့အတွက် ဘယ်လိုအကျိုးဆက်တွေ ဖြစ်လာမလဲဆိုတာကို ဆက်ပြထားပါတယ်။ ရည်မှန်းချက်ကို ကိုယ်ကျင့်တရားနဲ့ မထိန်းနိုင်တဲ့အခါ ကိုယ်တိုင်သာမက ဘေးကလူတွေကိုပါ ထိခိုက်ပျက်စီးစေနိုင်တဲ့အကြောင်းကို Shakespeare ရဲ့ Macbeth ပြဇာတ်နဲ့အတူ မူရင်းအညွှန်းက ဆက်စပ်ပြောထားပါတယ်။ ဆုအမျိုးမျိုးရရှိထားတဲ့ ဒီမှုခင်းဒရာမာမှာ မက်ဘူးအဖြစ် Irrfan Khan က သရုပ်ဆောင်ထားပါတယ်။

IMDb rating - 6.8/10 မင်းသား Vivekနဲ့ မင်းသမီးRani Mukerjiတို့ အဓိကပါဝင်သရုပ်ဆောင်ထားပြီး မင်းသားရှရွတ်ခန်ဧည့်သည်သရုပ်ဆောင်အဖြစ် ပါဝင်ထားတဲ့ ဇာတ်လမ်းကောင်းတပုဒ်ပဲဖြစ်ပါတယ် ဇာတ်လမ်းအကျဉ်းကတော့ ဆယ်ကျော်သက် တက္ကသိုလ်ကျောင်းသားတွေဖြစ်တဲ့ အာဒီတီနဲ့ ဆူဟာနီတို့ရဲ့ အချစ်ဇာတ်လမ်းပဲဖြစ်ပါတယ်... သူတို့နှစ်ယောက်ဟာ လူငယ်သဘာဝချစ်ကြိုက်မိကြပြီး မိဘချင်းသဘောမတူတဲ့ကြားက လူကြီးတွေမသိအောင် ခိုးပြီးလက်ထပ်ထားကြပါတယ်... အဲ့ဒီလက်ထပ်ပွဲအကြောင်းကို မိဘတွေသိသွားတဲ့အခါ ဘာတွေဖြစ်လာမလဲ... အချစ်စိတ်နဲ့လက်ထပ်ခဲ့ကြတဲ့လူငယ်တွေ လောကဓံတရားနဲ့ ကြုံတွေ့ရတဲ့အခါ ခံနိုင်ရည်ရှိပါ့မလား ...ဘာတွေဆက်ဖြစ်လာကြမလဲဆိုတာ ဒီကားလေးမှာ စိတ်ဝင်စားဖွယ်ကြည့်ရှုပေးပါဦးရှင် File size…3GB  / 1.4GB Quality…1080p AMZ WEB DL AAC5.1CH / 720p Format…mp4 Duration….2h 18m Subtitle….Myanmar Subtitle (hard sub) Encoder….YK Translated by Honeyey

Hera Pheri (2000) Action, Comedy, Crime IMDb 8.1/10 (67K) ဒီကားလေးကတော့ အရှေးကူမား နဲ့ ဆူနီးရှက်တီးတို့ တွဲဖက်ကောင်းခဲ့စဥ်က ရိုက်ကူးခဲ့တဲ့ ဟာသကားကောင်းလေးလို့ ပြောရမယ် အတော်လည်းရယ်ရတယ် ရာဂျူး ရှာမ်နဲ့ ဘာဘူရောင်းဆိုတဲ့ မတည့်အတူ​ေနလူသုံးယောက်... ရာဂျူးက အမြဲလူတွေကို နှစ်ကျပ်ကွက်နင်းပြီး ပိုက်ဆံရှာချင်နေတယ် ရှာမ်ကတော့ အလုပ်တစ်ခုရှာလုပ်ပြီး အကြွေးဆပ်ချင်နေသူ... ဘာဘူရောင်းကတော့ ဒီနှစ်ယောက်စလုံးကို အိမ်ခေါ်တင်ကြွေးထားတဲ့ စိတ်သဘောထားမြင့်မြတ်တဲ့ ဂလည်အူကြောင်တစ်ယောက်ပေါ့ဗျာ... ဒီလိုလုံးလည်ချာလည်လိုက်နေတဲ့ သူတို့သုံးယောက်ရဲ့ဘဝထဲမှာ အဆန်းတကြယ်ဖြစ်ရပ်တစ်ခုကြုံခဲ့ပါတယ် အဲ့ဒါကတော့ သူဠေးကြီးတစ်ယောက်ရဲ့မြေး ပြန်ပေးဆွဲခံရတာကို သူတို့ဆီကို ဖုန်းဆက်ပြီးပြန်ပေးငွေတောင်းနေပါတယ် ဖြစ်ချင်​တော့လမ်းညွှန်းစာအုပ်က ဖုန်းနံပါတ်ကို မှားရိုက်မိတာပါပဲ ငွေလိုနေတဲ့သူတို့သုံးယောက်စလုံး ဒီကိစ္စကို အခြေခံပြီးဘယ်လိုနှစ်ကျပ်ကွက်နင်းမလဲဆိုတာတော့...။ တစ်ကားလုံး အလွဲလွဲအချော်ချော်နဲ့ရယ်မောပျော်ရွှင်နေရမယ့် ကားကောင်းလေးတစ်ကားဖြစ်ပါတယ်လို့ ညွှန်း​ဆိုပေးလိုက်ပါတယ်နော်... ဒါနဲ့ စကားမဆက် သူ့အဆက်ကိုတင်ဆက်ပေးဦးမှာမို့ နံပါတ်၂ ကို cm မှာ ဆက်လက်စောင့်မျှော်ပေးပါဦးလို့ လက်တို့ပေးလိုက်ပါတယ်.... File size…2.23GB / 1.12GB Quality…1080p AMZ WEB DL /720p Format…mp4 Duration….2h 12m Subtitle….Myanmar Subtitle (Hard Sub) Encoder….YK Translated by Taylor