ဇာတ်ကားနှင့် ဇာတ်လမ်းတွဲ ရွေးရန်

Deadly Tag (2026) အပိုင်းသစ် (1 မှ 10) စ/ဆုံး ဒီတစ်ခေါက်မှာတော့ Survival Show တွေကို ကြိုက်နှစ်သက်ကြတဲ့ ပရိသတ်ကြီးတို့အတွက် “Bloody Game” စီးရီးကို ဖန်တီးတင်ဆက်ခဲ့တဲ့ ထုတ်လုပ်သူတွေရဲ့ လက်ရာအသစ်‌ဖြစ်တဲ့ "Deadly Tag" ဆိုတဲ့ ရှိုးအသစ်လေးကို တင်ဆက်ပေးလိုက်ပါတယ်။ Variety show တွေ ကြည့်နေကျ ပရိတ်သတ်ကြီးတို့ ရင်းနှီးပြီးသား နာမည်ကြီး Cast တွေ ပါဝင်ထားတဲ့အပြင် နောက်ဆုံး အနိုင်ရရှိသူကလည်း ဆုငွေ ဝမ် "သိန်း 1,000" တိတိကို ရရှိဦးမှာပဲ ဖြစ်ပါတယ်။ ရဲနဲ့ သူခိုးဂိမ်းကို အခြေခံထားတဲ့ ဒီရှိုးမှာတော့ ပြိုင်ပွဲဝင် ၁၃ ယောက်ဟာ ဘယ်သူ့ကိုမှ ယုံကြည်လို့မရတဲ့ အခြေအနေမှာ ကိုယ်ကာယစွမ်းရည်၊ ဉာဏ်ရည်နဲ့ ဗျူဟာတွေကို အသုံးချပြီး ပြိုင်ပွဲမှ အထုတ်မခံရဘဲ နောက်ဆုံးအချိန်အထိ ရှင်သန်နိုင်ဖို့ ကြိုးစားရမှာဖြစ်သလို ဆုကြေးငွေ ဝမ် "သိန်း 1,000" ရဲ့ ပိုင်ရှင်ကရော ဘယ်သူဖြစ်မလဲဆိုတာ ရင်ခုန်စိတ်လှုပ်ရှားစွာနဲ့ ကြည့်ရှုခံစားရမှာပါရှင်။ Aired: Sep 30, 2026 - Oct 21, 2026 Aired On: Wednesday Genres: Survival Show, Game Show, Reality Show Episodes: 10 Original Network: Disney+

Love in the Moonlight: Redrawn (2026) အပိုင်းသစ် (1+2) စ/ဆုံး ဒရမ်မာထုတ်လွှင့်မှု ၁၀ နှစ်ပြည့် အထိမ်းအမှတ်အနေနဲ့ အမှတ်တရတွေကို အပြိုင်အဆိုင် ပြန်လည် အသက်သွင်းနေကြရာမှာ အခုတစ်ခါ အလှည့်ကျတာက‌တော့ "Love in the Moonlight" team ပဲ ဖြစ်ပါတယ်။ Main Cast တွေ ဖြစ်ကြတဲ့ Park Bo-Gum, Kim You-Jung, Jin Young, Chae Soo-Bin နဲ့ Kwak Dong-Yeon တို့ ၅ ဦးက ဂန်ဝန်ဒို၊ ဟုန်းချွန်းဂွန်းဆီ ၁ ညအိပ် ၂ ရက် ခရီး ထွက်ခွာကြမှာပါ။ ဇာတ်ကောင်အတိုင်း တစ်ကျော့ပြန် ဝတ်စားဆင်ယင်ထားကြတဲ့ ပိုစတာလေးကို ကြည့်လိုက်ရုံနဲ့တင် အရင်လို လတ်ဆတ်စိုပြည်နေဆဲ အငွေ့အသက်တွေကို အတိုင်းသား ခံစားမိစေတဲ့ သူတို့လေးတွေက ၁၀ နှစ်အကြာမှာ ဘယ်လိုပုံစံမျိုးနဲ့ ထပ်မံ တွေ့ဆုံကြမလဲဆိုတာကို အခုပဲ လရောင်အောက်က အမှတ်တရတွေထဲ တစ်ဖန် စီးဝင်ခံစားကြည့်ရှုလိုက်ကြရအောင်နော်။ Aired: Sep 16, 2026 - Sep 23, 2026 Aired On: Wednesday Genres: Reality Show Episodes: 2 Original Network: KBS2

Street World Fighter: Directors’ War (2026) အပိုင်းသစ် (1 မှ 9) စ/ဆုံး Street Series ပရိသတ်ကြီးတွေအတွက် ယခုတစ်ခါမှာ အသစ်ထွက်ရှိလာတဲ့ Performance Director Dance Survival အစီအစဉ်လေးကို တင်ဆက်ပေးလိုက်ပါတယ်။ အဖွဲ့လိုက် အကစွမ်းရည်ကို အဓိကထား ယှဉ်ပြိုင်ခဲ့ကြတဲ့ ရှေ့စီးရီးတွေထက် တစ်မူထူးခြားနေတာလေးကတော့ နာမည်ကြီး Choreographer (၁၀) ဦးက ကကွက်ဖန်တီးမှု၊ လှုပ်ရှားပုံအထားအသို၊ ဇာတ်ကြောင်းပြောပုံ၊ စင်မြင့်အပြင်အဆင် အစရှိတဲ့ ဖျော်ဖြေမှု အစအဆုံးကို တစ်ယောက်တည်း ဦးဆောင် ညွှန်ကြားဖန်တီးရမဲ့ Performance Director တွေအဖြစ် ပါဝင်ယှဉ်ပြိုင်သွားကြမှာ ဖြစ်ပါတယ်။ ဒီ Choreographer (၁၀) ဦးက ဘယ် Dancer တွေနဲ့ လက်တွဲပြီး ဘယ်လို ခမ်းနားတဲ့ ဖျော်ဖြေမှုလက်ရာတွေကို ဖန်တီးပြသသွားမှာလဲ... Choreographer အနေနဲ့ပဲ ဆက်လက် ကျန်ရှိနေမှာလား... Director အနေနဲ့ အမည်စာရင်း တင်သွင်းခံရမှာလား... MAMA AWARDS အဖွင့်ဖျော်ဖြေမှုကို စီစဉ်ညွှန်ကြားထုတ်လုပ်ခွင့်၊ ထုတ်လုပ်ရေးထောက်ပံ့စရိတ် ဝမ်သိန်း ၅၀၀ နဲ့ အပန်းဖြေခရီးစဉ် ထွက်ခွင့်တို့ကို ပိုင်ဆိုင်ရရှိသွားမဲ့ နောက်ဆုံး အနိုင်ရ Performance Director က ဘယ်သူဖြစ်နေမလဲဆိုတာကို ရင်ခုန်စွာနဲ့ စောင့်မျှော်အားပေးကြပါဦးနော်။ Aired: Aug 18, 2026 - Oct 20, 2026 Aired On: Tuesday Genres: Music, Sports, Reality Show Episodes: 9 Original Network: tvN Street World Fighter: Last Stage 24H (2026) အပိုင်းသစ် (1 မှ 4) စ/ဆုံး လက်ရှိ tvN ကနေ ထုတ်လွှင့်ပြသနေတဲ့ Street World Fighter: Directors’ War ကို ကြည့်ရှုနေတဲ့ ပရိသတ်တွေရော ပြိုင်ပွဲဝင်တွေကိုပါ နှစ်ထပ်ကွမ်း လောင်ရစေမဲ့ Street World Fighter: Last Stage 24H ဆိုတဲ့ အစီအစဥ်ကို တင်ဆက်ပေးလိုက်ပါတယ်။ မိန်းအစီအစဥ်ဖြစ်တဲ့ Directors’ War မှာ ပါဝင်ယှဉ်ပြိုင်နေကြတဲ့ နာမည်ကြီး dance director နဲ့ choreographer တွေထဲက ထုတ်ပယ်ခံရနိုင်ချေရှိတဲ့ ဆန်ခါတင်ပြိုင်ပွဲဝင်တွေဟာ ပြိုင်ပွဲမှာ ဆက်လက်ရှင်သန်နိုင်ရေးအတွက် 24 နာရီအတွင်း ကကွက်တွေ ဖန်တီးပြီး အကြိတ်အနယ် ဘယ်လို ပြိုင်ဆိုင်ကြမလဲဆိုတာကိုတော့ Last Stage 24H ဆိုတဲ့ ဒီရှိုးမှာ အသေးစိတ် ထပ်မံပြသထားတာဖြစ်လို့ Directors’ War ကို အရင်ကြည့်ပြီးမှ ဒီ Last Stage 24H ကို ကြည့်ရှုဖို့ ညွှန်းဆိုတင်ဆက်ပေးလိုက်ပါတယ်။ Aired: Sep 12, 2026 - Oct 17, 2026 Aired On: Saturday Genres: Music, Sports, Reality Show Episodes: 4 Original Network: TVING

Murder Club: Liar's Table (2026) အပိုင်းသစ် (1 မှ 6) စ/ဆုံး "လူသတ်တရားခံကို ဖော်ထုတ်နိုင်မလား.... လူသတ်တရားခံရဲ့ပရိယာယ်အောက်မှာ ကျရှုံးမလား..." ပရိသတ်တွေလည်း အတူပါဝင်စီးမျောကာ အဖြေရှာရမယ့် ကိုးရီးယားအစီအစဉ်အသစ်တစ်ခု ထွက်ရှိလာခဲ့ပြန်ပါပြီ...... AI နည်းပညာနဲ့ ပေါင်းစပ်ထားတဲ့ လျှို့ဝှက်ဆန်းကြယ်လူသတ်မှုဂိမ်းဖြစ်တဲ့ ဒီ Murder Club အစီအစဉ်မှာ ကိုရီးယားရဲ့ နာမည်ကြီး အနုပညာရှင်တွေဟာ လူသတ်မှုအမှုတစ်ခုရဲ့ သံသယရှိသူတွေအဖြစ် ပါဝင်ကြရပြီး အပိုင်းတိုင်းမှာ ခေတ်ကာလနဲ့ နေရာအသစ်၊ ဇာတ်လမ်းအသစ်တွေကို နောက်ခံထားပြီး ပါဝင်သူတိုင်းဟာ လိမ်ညာမှု၊ အထောက်အထားဖုံးကွယ်မှု၊ သရုပ်ဆောင်မှုနဲ့ စိတ်လှည့်စားမှုတွေကြားကနေ တရားခံအစစ်ကို ဖော်ထုတ်ဖို့ အပြိုင်အဆိုင် ယှဉ်ပြိုင်သွားကြမှာပဲ ဖြစ်ပါတယ်။ အမှန်တရားကို ဘယ်သူက ဖော်ထုတ်နိုင်မလဲ... ဒါမှမဟုတ် တရားခံကပဲ လူတိုင်းကို လှည့်စားသွားမလားဆိုတာ Murder Club မှာ အဖြေအတူတူရှာကြည့်လိုက်ကြပါစို့... Aired: Jul 29, 2026 - ? Aired On: Wednesday Genres: Mystery, Psychological, Crime Episodes: 6 Original Network: Disney+

Love Against Time (2026) အပိုင်းသစ် (1 မှ 8) စ/ဆုံး သင့်အတွက် မနက်ဖြန်ဆိုတာ မရှိတော့ဘူးဆိုရင်… "ဒီနေ့ကို ဘယ်သူနဲ့ အတူဖြတ်သန်းချင်လဲ?” ဆိုတဲ့မေးခွန်းမျိုးကို ပရိသတ်ကြီးတို့ဘဝမှာ မေးကြည့်ခဲ့ဖူးပါသလား… ဒါပေမဲ့ ဒီရှိုးထဲက လူငယ်တွေကတော့ အဲဒီမေးခွန်းကို စိတ်ကူးယဉ်ခဲ့ရုံမဟုတ်ဘဲ အသက်နဲ့ သေခြင်းကြား မျဉ်းတစ်ကြောင်းပေါ်မှာ ကိုယ်တိုင် ရပ်တည်ခဲ့ရကာ အကြိမ်ကြိမ်မေးခွန်းထုတ်ခဲ့ကြဖူးသူတွေပါ။ ဘဝအခက်အခဲများစွာကြောင့် အချစ်နဲ့ အိပ်မက်တွေကို လက်လွှတ်ခဲ့ရပေမဲ့ အဲဒီအတွေ့အကြုံကနေပဲ “အသက်ရှင်နေဆဲ ဒီနေ့” ဆိုတဲ့ တန်ဖိုးကို ဘယ်သူထက်မဆို ပိုနားလည်တဲ့သူတွေပေါ့။ Love Against Time ဟာ ဘဝရဲ့ အမှောင်ဆုံးအချိန်ကို ကျော်ဖြတ်လာခဲ့တဲ့ လူငယ်တွေက အချစ်ကို နောက်တစ်ကြိမ် ယုံကြည်ပြီး နှလုံးသားကို ပြန်လည်ဖွင့်လှစ်ဖို့ ကြိုးစားကြတဲ့ ဒိတ်ရှိုးအစီအစဉ်တစ်ခုဖြစ်ပါတယ်။ အချိန်ရဲ့ တန်ဖိုးကို အနက်ရှိုင်းဆုံး နားလည်တဲ့သူတွေရဲ့ အချစ်က ဘယ်လိုပုံစံဖြစ်မလဲ… နာကျင်မှုတွေကို ဖြတ်ကျော်လာတဲ့ နှလုံးသားတွေက တကယ့်အချစ်ကို ရှာတွေ့နိုင်မလား… သူတို့တောင့်တနေတဲ့ တစ်ယောက်သောသူကိုရော ရှာတွေ့ကြပါ့မလားဆိုတာကို Love Against Time မှာ အတူတူ ရင်ခုန်စွာ စောင့်ကြည့်လိုက်ရအောင်နော်။ Aired: Aug 3, 2026 - ? Aired On: Monday Genres: Romance, Life, Dating Show, Reality Show Episodes: 10 Original Network: SBS

Bloody Game X (2026) အပိုင်းသစ် (1 မှ 10) စ/ဆုံး နာမည်ကြီး Brain Survival Show ဖြစ်တဲ့ "Bloody Game" ရဲ့ spin-off အစီအစဉ်လေးကို တင်ဆက်ပေးလိုက်ပါတယ်။ ဒီတစ်ခေါက်မှာတော့ အရင် season တွေလို တစ်ဦးချင်းရှင်သန်ရေးကိုပဲ အဓိက ထားသွားမှာမဟုတ်ဘဲ အဖွဲ့လိုက်ယှဉ်ပြိုင်မှုပုံစံအဖြစ် ပိုမို အသားပေး ပြောင်းလဲထားပါတယ်။ Bloody Game အရင် Season တွေမှာ ပါဝင်ယှဉ်ပြိုင်ဖူးပြီးသားသူများ ပါဝင်တဲ့ P1 , P2 , P3 အဖွဲ့၊ တခြား survival ရှိုးတွေမှာ ကျင်လည်ခဲ့ဖူးတဲ့ Challenger အဖွဲ့နဲ့ survival အတွေ့အကြုံ လုံးဝ မရှိတဲ့ Rookie အဖွဲ့ဆိုပြီး အဖွဲ့ ၅ ဖွဲ့ခွဲပြီး ယှဉ်ပြိုင်ကြရမှာပါ။ ပြိုင်ဘက်ကို ယုံကြည်ပြီး မဟာမိတ်ဖွဲ့လက်တွဲမှာလား..... ဒါမှမဟုတ် သစ္စာဖောက်ပြီးပဲ ကိုယ့်လမ်းကိုယ် ဖောက်ထွက်မှာလား... ပြင်းထန်လှတဲ့ သွေးချွေးစက်တွေကြားက နောက်ဆုံး အနိုင်ရရှိသူက ဘယ်သူဖြစ်လာမှာလဲ... ဆိုတာကို အပတ်စဉ် ရင်ခုန်စွာနဲ့ စောင့်မျှော်ကြည့်ရှုပေးကြပါဦးရှင်။ အထင်ကရ ပြိုင်ပွဲဝင်တွေအနေနဲ့ ပြီးခဲ့တဲ့ Season တွေက ပြိုင်ပွဲဝင်ဟောင်းများ၊ The Genius 2 winner Lee Sang Min၊ University War 3 က Kang Ji-Hoo၊ EXchange 4 က Shin Seung-Yong တို့အပြင် Single's Inferno မှာ final couple ဖြစ်ခဲ့တဲ့ Lee Gwan-Hee နဲ့ Choi Hye-Seon တို့ကိုပါ အတူ မြင်တွေ့ရမှာဖြစ်ပါတယ်။ Aired: Jul 3, 2026 - Aug 28, 2026 Aired On: Friday Genres: Mystery, Psychological, Survival Show, Reality Show Episodes: 10 Original Network: Wavve

Guardian: The Lonely and Great God 10th Anniversary (2026) အပိုင်းသစ် (1 မှ 4) စ/ဆုံး ပရိသတ်ကြီးတို့ ရင်ထဲမှာ ၁၀ နှစ်တိုင်တိုင် စွဲကျန်နေခဲ့တဲ့ Goblin ဒရမ်မာရဲ့ Main Cast တွေ ဖြစ်ကြတဲ့ Gong Yoo, Lee Dong-Wook, Kim Go-Eun, Yoo In-Na တို့က အထူးအစီအစဉ်လေးနဲ့အတူ ပြန်လည်ရောက်ရှိလာပါပြီ။ ဒရမ်မာထဲမှာ အွန်းထက်က ဖယောင်းတိုင်မီးမှုတ်ပြီး မှင်စာဦးလေးကြီးကို ပထမဆုံးအကြိမ် ဆင့်ခေါ်လိုက်မိတဲ့ အထင်ကရ ရိုက်ကွင်းနေရာလေးဖြစ်တဲ့ ဂျူမွန်းဂျင်ပင်လယ် တည်ရှိရာ ဂန်းနွန်းမြို့ကို အမှတ်တရခရီး ထွက်ခွာကြမှာပါ။ နာမည်ကြီး ဇာတ်ဝင်ခန်းတွေကို ပြန်လည် သရုပ်ဖော်ပြရင်း အရင်က တစ်ခါမှ ထုတ်ဖော်မပြခဲ့ဖူးတဲ့ ရိုက်ကွင်းနောက်ကွယ်က စိတ်ဝင်စားဖွယ် အကြောင်းအရာတွေကိုပါ ပြောပြပေးသွားမှာမို့လို့ ဒရမ်မာထဲကထက် စိတ်လှုပ်ရှားဖွယ်ကောင်းတဲ့ သူတို့ ၄ ဦးရဲ့ အစစ်အမှန် chemistry တွေကို ကြည့်ရှုဖို့အတွက် မှင်စာသတို့သမီးရဲ့ အမှတ်တရတွေထဲ တစ်ခေါက်ပြန်ပြီး အလည်သွားလိုက်ရအောင်နော်။ Aired: Jul 4, 2026 - ? Aired On: Saturday, Sunday Genres: Life, Documentary Episodes: 4 Original Network: tvN

Street Restaurant Fighter (2026) အပိုင်းသစ် (1 မှ 12) စ/ဆုံး နာမည်ကြီးရှိုးတွေဖြစ်တဲ့ Street Woman Fighter, Street Man Fighter စတဲ့ dance survival show တွေရဲ့ production team ကနေပြီး ဒီတစ်ခါမှာတော့ အက မဟုတ်ဘဲ cooking survival show တစ်ခုကို ထပ်မံ တင်ဆက်လိုက်ပြန်ပါပြီ။ ဒီ show​လေးက​တော့ တခြား cooking show​ တွေလို ဟင်းချက်ရုံ ယှဥ်ပြိုင်တာမျိုးတင် မဟုတ်ဘဲ ဟင်းလျာ​တွေရဲ့​​​​ ရောင်းချနှုန်းကိုပါ ပြိုင်ဆိုင်သွားမဲ့ business survival​လေးပဲ ဖြစ်ပါတယ်။ ​တောင်ကိုရီးယားနိုင်ငံတစ်ဝှမ်းမှ နာမည်ကြီး စားဖိုမှူး​တွေ စား​​​သောက်ဆိုင်ပိုင်ရှင်​တွေက street food brand အသစ်​တွေကို အပြိုင်အဆိုင် ဖန်တီး ရောင်းချရမှာဖြစ်ပြီး စားသုံးသူ​တွေဘက်ကလည်း ဘယ်စားဖိုမှူးရဲ့ ဟင်းလျာမှန်း မသိ​စေတဲ့ blind sale နည်းလမ်းနဲ့ ယှဥ်ပြိုင်သွားမှာပဲဖြစ်ပါတယ်။ အ​ကောင်းဆုံး ​ရောင်းအားအတွက် ဆန်းသစ်တဲ့ မီနူး​တွေကို ဖန်တီးပြီး စားသုံးသူ​တွေရဲ့ အား​ပေးမှုကို ရယူကာ တစ်​ယောက်နဲ့ တစ်​ယောက် ဘယ်လိုအကြိတ်အနယ် ယှဥ်ပြိုင်သွားကြမလဲဆိုတာကို ကြည့်ရှုရမဲ့အပြင် အစားအသောက်နယ်ပယ်က တကယ့် စီးပွားရေးလုပ်ငန်းရှင်ကြီးတွေရဲ့ ပညာကိုလည်း ကြည့်ရှုရမှာဖြစ်လို့ ညွှန်းဆိုလိုက်ပါတယ်ရှင်။ Aired: Jun 21, 2026 - ? Aired On: Sunday Genres: Food, Cooking Show, Reality Show Episodes: 12 Original Network: tvN

Director's Arena (2026) အပိုင်းသစ် (1 မှ 8) စ/ဆုံး အခုခေတ်မှာ လူတော်တော်များများက ပုံမှန် ရုပ်ရှင်၊ ဇာတ်ကားတွေထက်စာရင် Tik Tok တွေ Reels တွေကနေပြီး မိနစ်ပိုင်းလေး ကြည့်ရှုရတဲ့ Short Drama တွေကို စွဲနေမှန်းမသိ စွဲနေတယ်ဆိုတာ ငြင်းမရပါဘူး။ ဒီတစ်ခေါက် အသစ်တင်ဆက်ပေးမဲ့ အစီအစဥ်ကတော့ အဲဒီလို ကြည့်ရှုသူတွေရဲ့ အာရုံတွေကို ဖမ်းစားနေတဲ့ Short Drama တွေကို ရိုက်ကူးထုတ်လုပ်ခွင့် ရရှိရေးအတွက် ဒါရိုက်တာ (၃၃) ဦးက ယှဉ်ပြိုင်သွားကြမဲ့ စိတ်လှုပ်ရှားဖွယ် Survival Show လေးပဲ ဖြစ်ပါတယ်။ မစ်ရှင်အဆင့်ဆင့်ကို ဖြတ်ကျော်ပြီး Final Top 7 အဆင့်ကို တက်လှမ်းနိုင်သူများအတွက် Short Drama ရိုက်ကူးထုတ်လုပ်ရေးစရိတ်ကို အပြည့်အဝ ထောက်ပံ့ပေးသွားမှာဖြစ်ပြီး ဗိုလ်စွဲသူကိုတော့ ဆုကြေးငွေ ဝမ် သိန်း 1,000 ပါ ထပ်ပေါင်း ‌ချီးမြှင့်ပေးသွားမှာပါ။ မိနစ်အနည်းငယ်အတွင်းမှာ ဇာတ်ရှိန်မြန်မြန်နဲ့ ကြည့်ရှုသူတွေကို ဖမ်းစားနိုင်မဲ့ အကောင်းဆုံး ဒါရိုက်တာက ဘယ်သူဖြစ်လာမလဲဆိုတာကို MC နဲ့ အကဲဖြတ်ဒိုင်တွေအဖြစ် အစီအစဉ်တင်ဆက်သူ Jang Do-Yeon, မင်းသား Cha Tae-Hyun နဲ့ Jang Keun-Suk , Extreme Job ရဲ့ ပဲ့ကိုင်ရှင် ဒါရိုက်တာ Lee Byung-Hun တို့က ဆုံးဖြတ်ပေးသွားမှာဖြစ်ပြီး Short Drama များစွာရဲ့ ဗီဒီယိုအမြည်းလေးတွေနဲ့ ဇာတ်လမ်းတွဲတိုလေးတွေ ထုတ်လုပ်ပုံ အဆင့်ဆင့်ကိုလည်း မြင်တွေ့ရမှာဖြစ်လို့ ရုပ်ရှင်ချစ်ပရိသတ်တွေ လက်မလွတ်သင့်တဲ့ ရှိုးလေးပဲ ဖြစ်ပါတယ်။ Aired: May 15, 2026 - ? Aired On: Friday Genres: Filmmaking, Film Industry, Survival Show , Reality Show Episodes: 8 Original Network: ENA

Stand BI Me (2026) အပိုင်းသစ် (1 မှ 14) စ/ဆုံး တောင်ကိုးရီးယားရဲ့ ပထမဦးဆုံး Bisexual Dating Show လေးကို ဘာသာပြန် တင်ဆက်ပေးလိုက်ပါပြီ။ ယောကျ်ားလေးနဲ့ မိန်းကလေးကြားက ချစ်ခြင်းကို အခြေခံထားတဲ့ သာမန် Dating Show တွေနဲ့မတူဘဲ ဒီအစီအစဉ်လေးမှာကတော့ "ကျား၊ မ" ဆိုတဲ့ ကန့်သတ်ချက်တွေ ရှိမနေဘဲ နှလုံးသားရဲ့ စေညွှန်ရာအတိုင်း ချစ်သူကို ရွေးချယ်သွားကြမှာဖြစ်ပါတယ်။ ဘောင်ခတ်မထားတဲ့ ချစ်ခြင်းမေတ္တာတွေနဲ့ စစ်မှန်တဲ့ ဆက်ဆံရေးတစ်ခုကို တည်ဆောက်ဖို့ ရောက်လာကြတဲ့ သူတို့ရဲ့ ဒီ Stand Bi Me ဆိုတဲ့ ခရီးစဉ်လေးမှာ ဘယ်သူတွေကများ ရင်ခုန်သံချင်း နီးစပ်သွားကြမလဲ... ဘယ်လို ရှုပ်ထွေးပြီး ခန့်မှန်းရခက်တဲ့ ဇာတ်လမ်းလေးတွေ ဖြစ်ပေါ်လာဦးမလဲဆိုတာကို... အပတ်စဉ် ရင်ခုန်စွာနဲ့ စောင့်မျှော်အားပေးကြပါဦးနော်။ Aired: Jun 19, 2026 - ? Aired On: Friday Genres: Romance, Life, Dating Show, Reality Show Episodes: 10 Original Network: Wavve

Undercover Chef - Korea (2026) အပိုင်းသစ် (1 မှ 10) စ/ဆုံး ဒီတစ်ခေါက်မှာတော့ ဖွယ်ဖွယ်ရာရာ ဟင်းလျာမျိုးစုံကိုလည်း ငေးမောရှုစားနိုင်မှာဖြစ်သလို Undercover concept လေးနဲ့ ဆန်းဆန်းပြားပြား ရိုက်ကူးထားတဲ့ ဟင်းချက်ရှိုးလေးကို မိတ်ဆက်ပေးလိုက်ပါတယ်။ ဒီအစီအစဉ်လေးမှာ တောင်ကိုးရီးယားရဲ့ ထိပ်တန်းစားဖိုမှူးကြီးတွေ ဖြစ်ကြတဲ့ Sam Kim, Jung Ji-Sun, Kwon Sung-Jun တို့ သုံးဦးက ကိုယ်ချက်ပြုတ်နေတဲ့ အချက်အပြုတ်ပညာရဲ့ မူလအစပြုရာ နိုင်ငံအသီးသီးက ဒေသခံစားသောက်ဆိုင်တွေမှာ အလုပ်သင်အနေနဲ့ လျှို့ဝှက်အသွင်ယူပြီး လုပ်ကိုင်ကြရမှာ ဖြစ်ပါတယ်။ လုပ်သက်အတွေ့အကြုံ၊ နာမည်ဂုဏ်သတင်း အစရှိတာတွေ ဘာတစ်ခုမှ အသုံးမဝင်တော့ဘဲ ကိုယ်ပိုင်အရည်အချင်းတစ်ခုတည်းနဲ့သာ သက်သေပြရမဲ့ ဒီစိန်ခေါ်မှုမှာ စားဖိုမှူး သုံးဦးက ၅ ရက်အတွင်း အလုပ်သင်အဖြစ်ကနေ ခေါင်းဆောင်စားဖိုမှူးနေရာအထိ တက်လှမ်းနိုင်ပါ့မလား.... နောက်ဆုံးပန်းတိုင်ဖြစ်တဲ့ ကိုယ်ပိုင်လက်ရာဟင်းလျာကို ဖန်တီးပြီး မီနူးထဲမှာ ထည့်သွင်းဖို့ကိုရော အောင်မြင်သွားနိုင်ပါ့မလားဆိုတာကို ရင်ခုန်စွာနဲ့ စောင့်မျှော်ကြည့်ရှုပေးကြပါဦးနော်။ Aired: May 21, 2026 - ? Aired On: Thursday Genres: Food, Cooking Show, Reality Show Episodes: 10 Original Network: tvN

The God of Communication Caterers: SEVENTEEN Retreat (2026) အပိုင်းသစ် (1 မှ 3) စ/ဆုံး ယခုတစ်ခေါက်မှာတော့ နာမည်ကြီး Kpop Boy Group ဖြစ်တဲ့ Seventeen ရဲ့ 11th Anniversary အနေနဲ့ ထွက်ရှိလာတဲ့ The God of Communication Caterers: SEVENTEEN Retreat ဆိုတဲ့ အစီအစဥ်လေးကို မိတ်ဆက်ပေးချင်ပါတယ်။ ဒီတစ်ခေါက်မှာတော့ အရင် Game Carterers season တွေနဲ့ မတူဘဲ ပီဒီနာယောင်းဆော့ ကိုယ်တိုင် ဦးဆောင် ပါဝင်ကစားထားတဲ့ Egg အဖွဲ့နဲ့ Seventeen အဖွဲ့ဟာ အသင်းလိုက်ယှဉ်ပြိုင်မှုတွေ လုပ်ဆောင်ရမှာမို့လို့ ရယ်လည်း ရယ်ရသလို စိတ်ကိုပေါ့ပါးလန်းဆန်းသွားစေမဲ့ အစီအစဥ်လေး ဖြစ်တာရော Seventeen အဖွဲ့ရဲ့ moment တွေကို တဝကြီး ရှုစားရမှာဖြစ်လို့ ပရိသတ်ကြီးတွေအတွက် တင်ဆက်ပေးလိုက်ပါတယ်နော်။ Aired: May 22, 2026-May 29, 2026 Aired On: Monday Genres: Comedy, Reality Show Episodes: 3

The Love Lab (2026) အပိုင်းသစ် (1 မှ 12) စ/ဆုံး Dating Show ချစ်သူများအတွက် ဒီတစ်ခေါက်မှာတော့ EXchange နဲ့ My Sibling's Romance တို့လို နာမည်ကြီး အစီအစဉ်တွေရဲ့ PD က ရိုက်ကူးထားပြီး MONSTA X အဖွဲ့ဝင် JOOHONEY နဲ့ Dating Show တွေကို Reaction လုပ်ပေးနေကျ နာမည်ကြီး Youtuber CharlesEnter တို့က Host အဖြစ် ပါဝင်ထားတဲ့ ရှိုးအသစ်လေး ထွက်ရှိလာပါပြီ။ ဒီအစီအစဉ်လေးမှာ‌တော့ တစ်ခါမှ မတွေ့မမြင်ဖူးတဲ့ သူစိမ်း ယောကျ်ားလေးနဲ့ မိန်းကလေး နှစ်‌ယောက်က ထူးခြားဆန်းပြားတဲ့ ပုံစံလေးနဲ့ ချိန်းတွေ့ရမှာဖြစ်ပါတယ်။ Spoiler ပေးရရင်တော့ ပထမဆုံး အတွဲလေးမှာတင် "အိပ်ရာပေါ်က ကြင်ဖက်တွေ့ခြင်း" ဆိုတဲ့ ခပ်ဟော့ဟော့ concept လေးနဲ့ စတင်ထားတာပါ။ ကဲ ~ ဒါဆိုရင်တော့ ဒီစိတ်လှုပ်ရှားဖွယ် "Love Lab" ဆိုတဲ့ အချစ်စမ်းသပ်ခန်းလေးထဲမှာ ဘယ်အတွဲတွေက အချစ်ဆဲလ်လေးတွေ နိုးထလာပြီး ဖူးစာဆုံနိုင်သွားမှာလဲ... နောက်ထပ်အတွဲလေးတွေကရော ဘယ်လို concept ဆန်းဆန်းလေးတွေနဲ့ ချိန်းတွေ့ဖို့ ဖြစ်လာမလဲဆိုတာကို အပတ်စဉ် ဗုဒ္ဓဟူးနေ့တိုင်း စောင့်မျှော်အားပေးကြရအောင်နော်။ Aired: Jun 17, 2026 - ? Aired On: Wednesday Genres: Dating Show, Reality Show, Romance Episodes: 10 Original Network: Netflix

Jae Seok’s B&B Rules! (2026) အပိုင်းသစ် (1 မှ 10) စ/ဆုံး ဒီတစ်ခေါက်မှာတော့ ပရိသတ်ကြီးတို့ အားလုံးရဲ့အချစ်တော်တွေ ဖြစ်ကြတဲ့ Yoo Jae Seok၊ Lee Kwang Soo၊ Byeon Woo Seok နဲ့ Ji Ye Eun တို့ အဓိက ပါဝင်ထားပြီး Lee Hyo Ri တို့ ဇနီးမောင်နှံက အထူး အချိန်ပိုင်းအလုပ်သမားအဖြစ် ပါဝင်သွားမဲ့ ရှိုးလေး ထွက်ရှိလို့လာပါပြီ။ စခန်းချခရီးနဲ့ ပတ်သတ်ရင် အတွေ့အကြုံနည်းတဲ့ လူသစ်လေးဖြစ်တဲ့ Yoo Jae Seok တစ်ယောက် Camp တည်းခိုခန်းတစ်ခုကို ဖွင့်လှစ်လိုက်ပြီး သူ့ရဲ့ ခန့်မှန်းလို့မရတဲ့ ဝန်ထမ်းတွေဖြစ်ကြတဲ့ Lee Kwang Soo၊ Byeon Woo Seok ၊ Ji Ye Eun တို့နဲ့အတူ ဧည့်သည်က ဘုရင် သူဌေးကလည်း ဘုရင်ဆိုတဲ့ ဆောင်ပုဒ်ကို လက်ကိုင်ထားကြပြီး သူဌေးဖြစ်သူ လူရွှင်တော်သက်တမ်း ၃၅ နှစ်ရှိတဲ့ Yoo Jae Seok ရဲ့ စိတ်ကူးစိတ်သန်းတွေနဲ့အတူ ပျော်ရွှင်စရာ ဂိမ်းတွေ ဆော့ကြရင်း ရောက်ရှိလာတဲ့ ဧည့်သည်တွေရဲ့ တစ်နေ့တာဘဝကနေ လွတ်မြောက်စေအောင် ကူညီပေးသွားမဲ့ ရသစုံရှိုးလေး ဖြစ်တာမို့ ကြည့်ရှုခံစားပေးကြပါဦးနော်။ Aired: May 26, 2026 - ? Aired On: Tuesday Genres: Comedy, Life, Reality Show Episodes: 10 Original Network: Netflix

Kumusta (2026) အပိုင်းသစ် (1 မှ 10) စ/ဆုံး ဆန်းသစ်တဲ့ ရသတွေကို အမြဲဖန်တီးပြီး ပရိသတ်တွေကို တင်ဆက်လေ့ရှိတဲ့ ကိုးရီးယားရသစုံလောကကြီးကတော့ အခုတစ်ဖန်မှာလည်း ဖိလစ်ပိုင်ဟင်းလျာတွေကို ဂင်မ်ချီမြေကလူတွေကို ချက်ပြုတ်ကျွေးမွေးတဲ့ အစီအစဉ်ပါတဲ့ရှင်။ ပိုပြီးထူးခြားတာက ဒီအစီအစဉ်မှာ ပရိသတ်အချစ်တော် မင်းသား Ji Chang Wook က အမြဲတမ်းအဖွဲ့ဝင်အဖြစ် ပါဝင်ထားပြီး ဖိလစ်ပိုင်နိုင်ငံရဲ့ နာမည်ကြီး စားဖိုမှူး ၁ဦး၊ နာမည်ကြီးမင်းသမီး ၄ ဦးတို့နှင့်အတူ တင်ဆက်သွားမှာဖြစ်ပါတယ်။ အဲဒါအပြင် မင်းသား Seo In Guk၊ Kim Min Seok၊ INFINITE အဖွဲ့ဝင် Kim Myung Soo၊ စားဖိုမှူး Choi Hyun Suk စတဲ့ နာမည်ကြီးများကလည်း ဧည့်သည်အဖြစ် ပါဝင်ထားကြပါသေးတယ်။ အခုနောက်ပိုင်း အက်ရှင်ဇာတ်ကြမ်းတွေ အရိုက်များလာတဲ့ Ji Chang Wook ရဲ့ နူးညံ့တဲ့ ပင်ကိုယ်ပုံစံလေးကို ဒီ “Kumusta” အမည်ရတဲ့ ရှိုးလေးမှာ တဝကြီး ရှုမြင်နိုင်တာမို့လို့ ဂင်မ်ချီမြေမှာ ဖိလစ်ပိုင်ဟင်းလျာလေးတွေ အတူ မြည်းစမ်းကြတာပေါ့ ပရိသတ်ကြီးတို့ရေ...... Aired: May 24, 2026 - ? Aired On: Sunday Genres: Food, Adventure, Life, Reality Show Episodes: 10 Original Network: TV5

Unplanned Trip: Limited Edition (2026) အပိုင်းသစ် (1 မှ 6) စ/ဆုံး Jinny's Kitchen မှာ အရမ်း အတွဲညီခဲ့ကြတဲ့ မောင်နှမသုံးဦးဖြစ်တဲ့ မင်းသမီး Jung Yu-Mi, မင်းသား Park Seo-Jun နဲ့ Choi Woo-Shik တို့က အခုတစ်ခေါက်မှာလည်း PD Na Yeong-Seok ရဲ့ ရှိုးအသစ်လေးနဲ့အတူ ပြန်လည် ရောက်ရှိလာပြီ ဖြစ်ပါတယ်။ ဒီအစီအစဉ်လေးမှာတော့ သူတို့မောင်နှမ ၃ ဦးဟာ ဘာအစီအစဉ်မှ ကြိုတင် ချထားခြင်းမရှိဘဲ တောင်ကိုးရီးယားတစ်ခွင်ကို ခရီးလှည့်လည်သွားလာရမှာပါ။ ဘယ်ကို သွားရမလဲ.. ဘယ်မှာ အိပ်ရမလဲ... ဘယ်လို သွားလာရမလဲ....ဆိုတာကို ကြိုတင်မသိနိုင်တဲ့အပြင် ကိုယ်ပိုင်ငွေလည်း သုံးစွဲခွင့်မရှိ၊ လက်ကိုင်ဖုန်းလည်း အသုံးပြုခွင့်မရှိတဲ့ ပြည်တွင်းခရီးစဉ်လေးကို သူတို့ အောင်အောင်မြင်မြင် အဆုံးသတ်နိုင်ပါ့မလားဆိုတာကိုတော့ ဒီအစီအစဉ်လေးမှာ အပတ်စဉ် စောင့်ကြည့်အားပေးကြပါဦးနော်။ Aired: May 3, 2026 - Jun 7, 2026 Aired On: Sunday Genres: Adventure, Comedy, Reality Show Episodes: 6 Original Network: tvN

Curtain Up, Class! (2026) အပိုင်းသစ် (1 မှ 10) စ/ဆုံး မင်းသမီး Kim Tae Ri ရဲ့ ပထမဆုံး ရသစုံရှိုး main castလည်းဖြစ်တဲ့အပြင် ဆရာမအနေနဲ့ ပထမဆုံး မြင်တွေ့ရမဲ့ Showလေးကို တင်ဆက်ပေးချင်ပါတယ်။ Kim Tae Riနဲ့အတူ ဆရာ၃ယောက်ဟာဆိုရင် ပြဇာတ်ကလပ်လေးတစ်ခုကို ဖန်တီးရင်း ကျောင်းနားတဲ့အချိန်မှာ ကလေးတွေအတွက် အတန်းလေးတွေ သင်ကြားပေးဖို့ စီစဉ်ထားပါတယ်။ အကောင်းဆုံးတွေကိုပဲ ချပြချင်တဲ့ Kim Tae Ri ဖြစ်တာကြောင့် ကလေးတွေကို ရတဲ့အချိန်အတွင်း ပေးနိုင်သလောက်ပေးခဲ့ချင်တဲ့စိတ်နဲ့ ကြိုးစားပြင်ဆင်ပုံတွေ ကလေးတွေနဲ့အတူ Activity လေးတွေကို မြင်တွေ့ရမှာပဲဖြစ်ပါတယ်။ Kim Tae Riနဲ့အတူ Twenty Five Twenty One မှာ ရင်းနှီးခဲ့ကြတဲ့ Choi Hyun Wook၊ Korean Japanese ကပြား အဆိုတော်ဖြစ်တဲ့ Kangnam၊ တောင်ကိုရီးယားရဲ့ နာမည်ကြီး တေးရေးဆရာဖြစ်တဲ့ CODE KNUST တို့က ကလေးတွေအတွက် သင်ဆရာတွေအဖြစ်နဲ့ ပါဝင်သွားမှာပဲဖြစ်ပါတယ်။ Aired: Feb 25, 2026 - ? Aired On: Wednesday Genres: Life, Comedy, Reality Show Episodes: 10 Original Network: tvN

Wanna One Go: Back to Base (2026) အပိုင်းသစ် (1 မှ 12) စ/ဆုံး 2018 ခုနှစ်တုန်းက Produce 101 season 2 ကနေ တစ်ဆင့် ပွဲဦးထွက်သွားတဲ့ Wanna One အဖွဲ့ရဲ့ variety show တစ်ခုဖြစ်တဲ့ Wanna One Go ဆိုတဲ့ အစီအစဉ်ဟာ ယခုနှစ်မှာတော့ ပြန်လာခဲ့ပါပြီ။ အဖွဲ့ဝင်ဖြစ်ကြတဲ့ နဲ့ Lai Kuanlin တို့ဟာ ကိုယ်ရေးကိုယ်တာကိစ္စကြောင့်နဲ့ မပါဝင်နိုင်ခဲ့ပေမဲ့လည်း ကျန်အဖွဲ့ဝင် Yoon Ji Sung, Ha Seung Woon, Hwang Min Hyun, Ong Seong Woo, Kim Jae Hwan, Park Ji Hoon, Park Woo Jin, Bae Jin Young, Lee Dae Hwi တို့ကတော့ ပါဝင်ရိုက်ကူးထားတာကြောင့် Wanna One ကို လွမ်းနေကြတဲ့ Wannables အတွက် အလွမ်းပြေစရာ show အသစ်လေးတစ်ခုဖြစ်မဲ့အတွက်ကြောင့် စောင့်မျှော်ကြည့်ရှုပေးကြပါဦးနော်။ Aired: Apr 28, 2026 - Jun 2, 2026 Aired On: Tuesday Genres: Comedy, Life, Reality Show Episodes: 12 Original Network: Mnet

Six Singles Under One Roof (2026) အပိုင်းသစ် (1 မှ 10) စ/ဆုံး Variety Show ချစ်သူများအတွက် ဒီတစ်ခေါက်မှာတော့ မင်းသား Jang Keun-Suk, Ahn Jae-Hyeon, Choi Daniel, မင်းသမီး Lee Da-Hee , Gyeong Su-Jin နဲ့ Comedian Jang Do-Yeon တို့ ပါဝင်ထားကြတဲ့ ရှိုးအသစ်လေးကို တင်ဆက်ပေးလိုက်ပါတယ်။ ဒီအစီအစဉ်လေးမှာတော့ ကိုယ်ပိုင်စရိုက်လက္ခဏာ အသီးသီးနဲ့ သက်တူရွယ်တူ Single တွေဖြစ်ကြတဲ့ သူတို့ ၆ ဦးဟာ ဂူဂီဒုံက အိမ်လေးတစ်အိမ်မှာ အတူ နေထိုင်ကြရမှာပါ။ တစ်ယောက်တည်းနေလာတာ ကြာပြီဖြစ်တဲ့ လူပျိုကြီး၊ အပျိုကြီးတွေက ရုတ်တရက် ခေါင်မိုးတစ်ခုတည်းအောက်မှာ စုနေဖြစ်သွားကြတဲ့အခါ... သူတို့ တကယ်ပဲ အဆင်ပြေပြေ နေနိုင်ကြပါ့မလား... ဂူဂီဒုံက သူငယ်ချင်းတစ်သိုက်ရဲ့ ပွင့်လင်းပြီး ဟန်ဆောင်မှုကင်းတဲ့ နေ့စဉ်ဘဝ အလွဲလေးတွေကို ဒီအစီအစဉ်လေးမှာ အပတ်စဉ် စောင့်မျှော်ကြည့်ရှုပေးကြပါဦးရှင်။ Aired: Apr 10, 2026 - ? Aired On: Friday Genres: Comedy, Life, Reality Show Episodes: 10 Original Network: tvN

Noona Is a Woman to Me S2 (2026) အပိုင်းသစ် (1 မှ 11) စ/ဆုံး (+Special Episode) "ကိုကိုမကြိုက်ဘူး မောင်လေးမှ မောင်လေးပဲ" ဆိုတဲ့ သူတွေ လုံးဝ အကြိုက်တွေ့စေမဲ့ ဒီရှိုးလေးကတော့ Season အသစ်နဲ့အတူ ပြန်လည် ရောက်ရှိလာပါပြီ။ အခု season မှာလည်း S1 တုန်းက host တွေ ဖြစ်ကြတဲ့ 2PM အဖွဲ့ဝင် Woo Young, မော်ဒယ် Han Hye Jin နဲ့အတူ ရက်ပ်ပါ Din Din နဲ့ တို့က ပါဝင်ထားပါတယ်။ ဒီရှိုးမှာဆိုရင်တော့ မမတွေနဲ့ မောင်လေးတွေက အသက်ကွာဟချက် ဘယ်လောက်ရှိလဲဆိုတာ မသိရဘဲနဲ့ တစ်ယောက်နဲ့တစ်ယောက် ရင်းနှီးအောင်လုပ်ပြီး ဒိတ်ရမှာဖြစ်ပါတယ်... အသက်ကွာဟချက်ကြောင့် ဖြစ်လာတဲ့ ပြဿနာတွေကို ဘယ်လို ရင်ဆိုင်ကျော်လွှားပြီး အချစ်ကို ရှာကြမလဲ... တစ်ယောက်နဲ့ တစ်ယောက် ရိုးသားပွင့်လင့်ပြီး ရဲရဲရင့်ရင့်နဲ့ ဒိတ်လုပ်နိုင်ကြပါ့မလား... အူတူတူအတတနဲ့ မပွင့်တပွင့်မောင်လေးလား... ရဲရင့်ပြီး ပွင့်ပွင့်လင်းလင်းရှိတဲ့မောင်လေးလား... personality မျိုးစုံနဲ့ မောင်လေးတွေပါတဲ့အတွက် ကိုယ်သာဆိုရင်ရော ဘယ်လိုမောင်လေးမျိုးကို ရွေးချယ်ဖြစ်လောက်မလဲဆိုတာကို ကလိကလိနဲ့ ကြည့်ရမှာဖြစ်လို့ အမြန်ဆုံး ကြည့်လိုက်တော့နော်။ Aired: May 23, 2026 - ? Aired On: Wednesday Genres: Romance, Life, Dating Show, Reality Show Episodes: 12 Original Network: KBS2

The Genius Paik S3 (2026) အပိုင်းသစ် (1 မှ 8) စ/ဆုံး ဒီတစ်ခေါက်မှာတော့ ကိုးရီးယားနာမည်ကျော် စားဖိုမှူး Paik Jong-Won, မင်းသား Lee Jang-Woo, Yoon Si-Yoon, အဆိုတော် John Park နဲ့ SNSD အဖွဲ့ဝင် Yuri တို့ ပါဝင်ထားတဲ့ ရှိုးအသစ်လေးကို တင်ဆက်ပေးလိုက်ပါတယ်။ ဒီအစီအစဉ်လေးမှာတော့ စားဖိုမှူးဘဲ့နဲ့ အဖွဲ့သားတွေက ကိုးရီးယားအစားအစာတွေနဲ့ စိမ်းသက်နေသေးတဲ့ ပြင်သစ်နိုင်ငံက နာမည်ကြီး မာစီရာလမ်းပေါ်မှာ စားသောက်ဆိုင် သွားရောက်ဖွင့်လှစ်ကြမှာပဲဖြစ်ပါတယ်။ အရသာရှိတဲ့ နာမည်ကြီး စားသောက်ဆိုင်ပေါင်း ၃၈ ဆိုင်တိတိ အပြိုင်အဆိုင် ဖွင့်လှစ်ထားတဲ့ အဆိုပါ လမ်းမပေါ်မှာ တစ်ပတ်တာအတွင်း တစ်နှစ်စာ စုစု‌ပေါင်း ရောင်းအား ဝမ် ၁ ဘီလီယံ (တစ်ပတ်တာ ပျမ်းမျှရောင်းအား ယူရို ၁၃,၀၀၀ ဝန်းကျင်) စံချိန်တင်နိုင်ဖို့ ကြိုးစားသွားကြရမှာပါ။ နာမည်ကြီး ပြင်သစ်ဟင်းလျာတွေကြားမှာ ကိုးရီးယားစားသောက်ဆိုင်လေးက နေရာတစ်နေရာ ရယူနိုင်ပါ့မလား... စားဖိုမှူးဘဲ့တို့ အဖွဲ့က ဘယ်လို ဆန်းသစ်ထွေပြားတဲ့ မီနူးတွေ၊ စီးပွားရေးဗျူဟာတွေနဲ့အတူ တစ်နှစ်စာရောင်းအား ဝမ် ၁ ဘီလီယံ စံချိန်တင်နိုင်ဖို့ စိန်ခေါ်သွားမလဲဆိုတာကို အပတ်စဉ် စောင့်ကြည့်အားပေးရအောင်ပါနော်။ Aired: Feb 10, 2026 - Mar 31, 2026 Aired On: Tuesday Genres: Food, Adventure, Business, Reality Show Episodes: 8 Original Network: tvN

Bake Your Dream (2026) အပိုင်းသစ် (1 မှ 10) စ/ဆုံး ပုံစံတစ်မျိုးပြီးတစ်မျိုး ထွက်ရှိလာနေတဲ့ Survival Show တွေကတော့ အခုတစ်ခေါက်မှာလည်း မုန့်ဖုတ်ပြိုင်ပွဲဆိုပြီး ထွက်ရှိလာပြန်ပါပြီ။ ဒီအစီအစဉ်လေးမှာတော့ တောင်ကိုးရီးယားရဲ့ ဝါရင့် မုန့်ဖုတ်စားဖိုမှူးတွေကနေစလို့ အရည်အချင်းရှိတဲ့ ရွက်ပုန်းသီး မု့န်ဖုတ်ဆရာတွေအထိပါ အပါအဝင် စုစုပေါင်း စိန်ခေါ်သူ ၇၂ ဦးက ချန်ပီယံဆုအတွက် အကြိတ်အနယ် ယှဉ်ပြိုင်သွားကြမှာ ဖြစ်ပါတယ်။ ပြင်းထန်ခက်ခဲတဲ့ မစ်ရှင်တွေကြားမှာ ဝါရင့် မုန့်ဖုတ်ဆရာကြီးတွေကပဲ သူတို့ရဲ့ ကျွမ်းကျင်တဲ့ အတတ်ပညာနဲ့ အောင်ပန်းဆင်သွားနိုင်မလား.... ဒါမှမဟုတ် ရွက်ပုန်းသီး မုန့်ဖုတ်ဆရာလေးတွေကပဲ အံ့အားသင့်ဖွယ် အိုင်ဒီယာတွေနဲ့ လူအများအာရုံကို ဖမ်းစားသွားနိုင်မလားဆိုတာကို အပတ်စဉ် စောင့်မျှော်ကြည့်ရှုကြစို့နော်။ MC အနေနဲ့ မင်းသမီး Lee Da-Hee၊ အကဲဖြတ်မာစတာများအနေနဲ့ နာမည်ကျော် ဘရန်းဒါရိုက်တာ Noh Hee-Young ၊ တောင်ကိုးရီးယားရဲ့ အသက်အငယ်ဆုံး Bakery Master Lee Seok-Won ၊ ကမ္ဘာ့အဆင့်မီ မုန့်ဖုတ်ဆရာမ Kim Na-Rae နဲ့ ပေါင်မုန့်ချစ်သူအဖြစ် လူသိများတဲ့ Oh My Girl အဖွဲ့ဝင် Mimi တို့က ပါဝင်ပေးထားကြပါတယ်။ Aired: Feb 1, 2026 - Aired On: Sunday Genres: Food, Reality Show Episodes: 10 Original Network: MBN

The Village Barber (2026) အပိုင်းသစ် (1 မှ 10) စ/ဆုံး ဒီတစ်ခေါက်မှာတော့ သရုပ်ဆောင်ပိုင်းမှာတင်မက ရသစုံလင်ရှိုးဘက်မှာပါ အသစ်အသစ်များစွာကို စိန်ခေါ်ကြည့်နေတဲ့ မင်းသား Park Bo-Gum ရဲ့ အသစ်ထွက် ရှိုးလေးကို တင်ဆက်ပေးလိုက်ပါတယ်။ Park Bo-Gum နဲ့အတူ Good Boy မှာ တွဲဖက်သရုပ်ဆောင်ခဲ့ဖူးတဲ့ မင်းသား Lee Sang-Yi, Love in the Moonlight မှာ တွဲဖက်သရုပ်ဆောင်ခဲ့ဖူးတဲ့ မင်းသား Kwak Dong-Yeon တို့လည်း အတူပါဝင်သွားမှာ ဖြစ်ပါတယ်။ ဒီအစီအစဉ်လေးမှာတော့ ဆံသဆရာ အသိအမှတ်ပြုလက်မှတ် ရထားတဲ့ ဘတ်ဘိုဂမ်၊ လက်သည်းအလှပြင်ပညာရှင် အသိအမှတ်ပြုလက်မှတ်ရထားတဲ့ အီဆန်းအီနဲ့ ဟင်းချက်တာဝန်ခံ ဂွက်ဒုံယွန်းတို့က ဘတ်စ်ကားအသွားအလာလည်း နည်းပြီး ဆံသဆိုင် လုံးဝလုံးဝ မရှိတဲ့ တောရွာလေးတစ်ရွာဆီ သွားပြီးတော့ ဆံသဆိုင် သွားရောက်ဖွင့်လှစ်ပေးကြမှာပါ။ တောရွာလေးရဲ့ အေးချမ်းလှပတဲ့ ရှုခင်းထဲမှာ ဘိုဂမ်တို့ သူငယ်ချင်း ၃ ဦးက သရေစာမုန့်တွေလည်း ဧည့်ခံကျွေးမွေးရင်း ရွာသူရွာသားတွေရဲ့ ဆံပင်ကို ဘယ်လိုမျိုး မှော်ဆန်ဆန် ပြုပြင်ပြောင်းလဲပေးသွားမလဲဆိုတာကို ကြည့်ရှုဖို့အတွက် "ဘိုဂမ်ရဲ့ ဆံသဆိုင်လေး" ဆီ တစ်ခါတစ်ခေါက် အလည်သွားလိုက်ကြစို့နော်။ Aired: Jan 30, 2026 - ? Aired On: Friday Genres: Life, Reality Show Episodes: 10 Original Network: tvN

Cha's Family (2026) အပိုင်းသစ် (1 မှ 9) စ/ဆုံး ဒီတစ်ခါမှာတော့ ထိုင်းနဲ့ဂျပန်ရဲ့ နာမည်ကြီး အစားအသောက်တွေကို လေ့လာခွင့်ရမဲ့ ခရီးသွားရှိုးလေးနဲ့ မိတ်ဆက်ပေးချင်ပါတယ်။ ကမ္ဘာတစ်ဝန်းလုံးက လူတိုင်းကို ဆွဲဆောင်နိုင်မဲ့ ဆန်းသစ်ပြီး ကွဲပြားတဲ့ K-Spicy Sauce တစ်ခုကို ဖန်တီးဖို့ မင်းသားကြီး Cha Seung Won ဦးဆောင်တဲ့ အဖွဲ့တစ်ခုကို ဖွဲ့စည်းထားပါတယ်။ Cha Seung Wonနဲ့ သူ့ရဲ့လုပ်ဖော်ကိုင်ဖက်တွေက ဒေသတွင်း နာမည်ကြီးတဲ့ အစာအသောက်တွေကို တစ်ဆိုင်ဝင်တစ်ဆိုင်ထွက် ကွင်းဆင်း‌လေ့လာကြရမှာပဲ ဖြစ်ပါတယ်။ မင်းသားကြီး Cha Seung Wonနဲ့အတူ The Return Of Superman ပရိသတ်တွေနဲ့ မစိမ်းတဲ့ Sarang‌လေးရဲ့‌ အဖေ Choo Sung Hoon, အဆိုတော် Din Din, Musical Artist ဖြစ်တဲ့ Danny Koo နဲ့ Tommy တို့က ဒီပရောဂျက်ကြီးကို အတူတူလုပ်ဆောင်သွားကြမှာပါ။ အချင်းချင်း ပေါ့ပေါ့ပါးပါးရှိတဲ့ ဆက်ဆံရေးကိုပါ မြင်‌တွေ့ရမဲ့အပြင် ထိုင်းနဲ့ ဂျပန်ရဲ့ အစားအသောက်မျိုးစုံကိုပါ သိရှိခွင့်ရမဲ့ ရှိုးလေးဖြစ်ကြောင်း ညွှန်းပေးလိုက်ပါတယ်နော်။ Aired: Jan 8, 2026 - ? Aired On: Thursday Genres: Food, Travel, Reality Show Episodes: 10 Original Network: tvN

Battle of Fates (2026) အပိုင်းသစ် (1 မှ 10) စ/ဆုံး Disney+ကနေပြီး ထွက်ရှိလာတဲ့ ပရလောကတွေနဲ့ နတ်ဝင်သည်တွေအကြောင်း စိတ်ဝင်စားသူတို့အတွက် အမိုက်စားရှိုးလေးကို တင်ဆက်ပေးချင်ပါတယ်။ ကံကြမ္မာဖတ်သူဆိုပြီး နတ်ဝင်သည်တွေ နဲ့ ဇာတာဖတ်သူတွေ စုစုပေါင်း၄၉ယောက် ပါဝင်ကြမှာ ဖြစ်ပြီးတော့ မစ်ရှင်တွေ တစ်ခုပြီးတစ်ခု လုပ်ဆောင်ရင်း ပညာတွေပြိုင်ကြပုံကို စိတ်ဝင်တစား ကြည့်ရှုရမှာပဲဖြစ်ပါတယ်။ စိတ်ဝိညာဉ်အားကောင်းလွန်းလှတဲ့ နတ်ဝင်သည်တွေရဲ့ ဖတ်ကြားချက်တွေကြောင့် အံ့ဩထိတ်လန့်ရသလို ကံဇာတာကို သီအိုရီကျကျ တွက်ချက်ရင်း ကံကြမ္မာဖတ်တဲ့ ဇာတာဖတ်သူတွေရဲ့ အရည်အချင်းကလည်း ချီးကျူးချင်စရာကောင်းနေပြန်ပါသေးတယ်။ ရှေ့ဖြစ်ဟောတွေ နတ်ဝင်သည်နဲ့ မမြင်နိုင်တဲ့လောကကြီး အကြောင်း စုံစုံလင်လင် သိရှိနိုင်မှာဖြစ်ပြီး ပုံမှန်ရှိုးတွေနဲ့ မတူညီတဲ့ ခံစားချက်ကို အပြည့်အဝပေးစွမ်းနိုင်မှာသေချာပါတယ်။ ထူးခြားဆန်းပြားတာတွေမှ ကြည့်ချင်ကြတဲ့လူတွေအတွက် အချိန်ပေးပြီးကြည့်ရတာ တန်တဲ့ survival showလေးဖြစ်ကြောင်း ညွှန်းပေးလိုက်ချင်ပါတယ်။ Aired: Feb 11, 2026 - ? Aired On: Wednesday Genres: Horror, Supernatural, Mystery, Reality Show Episodes: 10 Original Network: Disney+

Match to Marry: With Parents S2 (2026) S1+S2 (စ/ဆုံး) ပြီးခဲ့တဲ့ Season 1 မှာ အမှန်တကယ် ချစ်သူတွေဖြစ်သွားကြပြီး ဒီဆောင်းဦးမှာ လက်ထပ်တော့မဲ့ စုံတွဲတစ်တွဲကို မွေးထုတ်ပေးနိုင်ခဲ့တဲ့ Match to Marry : With Parents အစီအစဉ်ကတော့ Season 2 နဲ့အတူ ပြန်လည်ရောက်ရှိလာပါပြီ။ အစီအစဉ်လေးအကြောင်း ပြန်လည် မိတ်ဆက်ပေးရမယ်ဆိုရင်တော့... အိမ်ထောင်ပြုလိုတဲ့ ရည်ရွယ်ချက်နဲ့ လာရောက်ကြတဲ့ လူပျို၊ အပျို ၁၀ ဦးဟာ မိခင် ၁၀ ဦးရဲ့ အနီးကပ် အကြံပေးမှုတွေနဲ့အတူ ၅ ညနဲ့ ၆ ရက်ကြာ အတူတူနေထိုင်ရင်း ဘဝလက်တွဲဖော်ကို ရှာဖွေသွားကြမှာ ဖြစ်ပါတယ်။ ကိုယ့်ရဲ့ သားသမီးအတွက် အကောင်းဆုံး ဘဝလက်တွဲဖော်ကို ရွေးချယ်ပေးချင်ကြတဲ့ မိခင်တွေ... တစ်ဖက်မှာလည်း နှလုံးသား‌စေလိုရာအတိုင်း ချစ်သူကို ရွေးချယ်ချင်ကြတဲ့ သားသမီးတွေ... လူငယ်တွေအချင်းချင်း သဘာကျနေရုံနဲ့တင် မပြီးဘဲ နှစ်ဖက်မိဘတွေရဲ့ ခွင့်ပြုချက်ကိုပါ လိုအပ်နေတဲ့ ဒီခရီးလမ်းမှာ ဘယ်သူတွေက ဖူးစာဆုံပြီး ရွှေလက်တွဲသွားရမလဲဆိုတာကိုတော့ အပတ်စဉ် ရင်ခုန်စိတ်လှုပ်ရှားစွာနဲ့ စောင့်ကြည့်ပေးကြပါဦးနော်။ Aired: Jun 25, 2026 - Aug 13, 2026 Aired On: Thursday Genres: Romance, Dating Show, Reality Show Episodes: 8 Original Network: SBS

The Secret Friends Club (2026) အပိုင်းသစ် (1 မှ 12) စ/ဆုံး ကိုးရီးယား Variety show တွေကို ချစ်ခင်အားပေးနှစ်သက်ကြတဲ့ ပရိသတ်ကြီးတို့အတွက် ယခုတစ်ခါမှာတော့ ထူးခြားဆန်းသစ်ရှိုးအစီအစဉ်တစ်ခုနဲ့ မိတ်ဆက်ပေးလိုက်ပါတယ်နော်။ Jennie၊ Dex၊ Choo Sung Hoon၊ Lee Su Ji နဲ့ Noh Hong Chul တို့က တစ်ဖွဲ့၊ Go Youn Jung၊ Jung Hae In၊ Kim Do Hoon, Hong Jin Kyung, Park Myung Soo နဲ့ Yoon Nam No တို့က တစ်ဖွဲ့၊ Park Bo Young, Lee Sun Bin, Cha Tae Hyun, Hwang Gwang Hee, Kang Hoon တို့က တစ်ဖွဲ့ စသဖြင့် တကယ့် နာမည်ကြီး အနုပညာရှင်ပေါင်းများစွာတို့ ပါဝင်သွားကြမှာပဲ ဖြစ်ပါတယ်။ ဒီရှိုးလေးဟာဆိုရင်ဖြင့် ကိုယ်စီ သရုပ်မှန်ကို ဖုံးကွယ်ကာ အချင်းချင်း လက်ဆောင်လေးတွေ မျှဝေပြီး ပျော်ရွှင်မှု ဆောင်ကျဉ်းပေးကြရမယ့် အစီအစဉ်လေးဖြစ်ပါတယ်။ ကိုယ်စီ သရုပ်မှန်မပေါ်ရေးအတွက် ဘယ်လိုတွေကြိုးပမ်းကာ ကြည်နူးဖွယ်ရာ ဘယ်လိုလက်ဆောင်လေးတွေပေးပြီး ရသစုံရှိုးပီပီ ဘယ်လိုအလွဲလေးတွေနဲ့ ကြုံကြရမလဲဆိုတာကို တခဏတာကြည့်ရှုရင်း စိတ်အပန်းဖြေလိုက်ရအောင်နော်။ Aired: Feb 1, 2026 - Aired On: Sunday Genres: Comedy, Reality Show Episodes: 12 Original Network: Wavve

GBRB: Farm Operation - Go Go Farm (2026) အပိုင်းသစ် (1 မှ 6) စ/ဆုံး Lee Kwang-Soo, Kim Woo-Bin, D.O. တို့ သုံးယောက်နဲ့ အူတက်အောင် ရယ်နေရတဲ့ Green Bean, Red Bean အစီအစဉ်လေးကတော့ Season 4 ထွက်ရှိလာပါပြီ။ ဒီတစ်ခေါက်မှာတော့ ဂွမ်ဆူ၊ ဝူဘင်း၊ ဂယောင်ဆူးတို့ သုံးဦးက ဂျယ်ဂျူကျွန်းက မွေးမြူရေးခြံလေးဆီ သွားပြီးတော့ အတွေ့အကြုံယူကြရမှာ ဖြစ်ပါတယ်။ မြို့ပြရဲ့ မွန်းကျပ်မှုတွေကနေ ခဏတာ စွန့်ခွာပြီး ဂျယ်ဂျူကျွန်းရဲ့ သဘာဝ အလှတရားတွေကြားမှာ နွားစာကျွေးလိုက်၊ နွားတင်းကုပ် သန့်ရှင်းရေးလုပ်လိုက်နဲ့ မွေးမြူရေးခြံ သင်တန်းသားလေးတွေအဖြစ် အသားကျလာအောင် သူတို့ ဘယ်လို ကြိုးစားရုန်းကန်သွားကြမှာလဲ... နာမည်ကြီး Youtuber Moon Sang-Hoon နဲ့ လက်ရှိပြသနေတဲ့ Doctor on the Edge ထဲက မင်းသမီးချောလေး Shin Ye-Eun တို့ကလည်း အလုပ်သင်တွေအဖြစ် ပါဝင်လာဦးမှာမို့လို့ အပတ်စဉ် စနေနေ့တိုင်း စောင့်မျှော်အားပေးနိုင်ပါပြီနော်။ Aired: Jun 19, 2026 - ? Aired On: Friday Genres: Comedy, Reality Show, Variety Show Episodes: 6 Original Network: tvN

Whenever Possible S5 (2026) အပိုင်းသစ် (12) [Guest- Lee Dong Hwi & Yang Se Jong] Nation's MC Yoo Jae-Seok နဲ့ မင်းသား Yoo Yeon-Seok တို့ရဲ့ "ဂိမ်းကစားပြီး လက်ဆောင်တွေပေးမယ်" အစီအစဉ်လေးကတော့ Season 5 နဲ့အတူ ပြန်လည် ရောက်ရှိလာပါပြီ။ ပြီးခဲ့တဲ့ Season တွေမှာ ရင်းနှီးထားကြပြီးသားအတိုင်း ပါဝင်ဖို့ လျှောက်ထားလာကြတဲ့ ပရိသတ်တွေဆီကို ကိုယ်တိုင် သွားရောက်ပြီး စိတ်လှုပ်ရှားဖွယ် ဂိမ်းမစ်ရှင်တွေ ဆော့ပြီးတော့ ဆုလက်ဆောင်တွေ ပေးအပ်တဲ့ အစီအစဉ်လေးပဲ ဖြစ်ပါတယ်။ အပိုင်းတိုင်းမှာ ပါဝင်လာမဲ့ နာမည်ကြီး Guest တွေနဲ့အတူ ယူညီအစ်ကိုက မစ်ရှင်တိုင်းမှာ အောင်ပန်းဆင်ပြီး လျှောက်ထားသူ ပရိသတ်တွေအတွက် ကံကောင်းခြင်း ဆုလက်ဆောင်တွေကို အရယူပေးသွားနိုင်မလား.... ဒါမှမဟုတ် အလွဲလွဲအချော်ချော်တွေ ဖြစ်ပြီး စိတ်ပျက်လက်ပျက်နဲ့ပဲ လှည့်ပြန်လာရမလားဆိုတာကို အပတ်စဥ် ရင်ခုန်စွာနဲ့ အတူတူ စောင့်ကြည့်ကြရအောင်နော်။ Aired: Aug 11, 2026~ Aired On: Tuesday Genres: Comedy, Life, Reality Show Episodes: 15 Original Network: SBS

Fresh off the Sea Season 3 (2026) အပိုင်းသစ် (1 မှ 12) စ/ဆုံး စိမ်းလန်းစိုပြည်တဲ့ ကျေးလက်ရှုခင်းတွေ ပင်လယ်ပြာပြာကြီးတွေနဲ့အတူ မျက်စိအေးစေမယ့် Healing Show လေး ဖြစ်တဲ့ "Fresh off the Sea" ကတော့ Season 3 ထွက်ရှိလာပြီပဲ ဖြစ်ပါတယ်။ ဒီတစ်ခေါက်မှာတော့ အရင် Season တွေက မင်းသမီးကြီး Yum Jung-ah နဲ့အတူ အားလုံးနဲ့မစိမ်းတဲ့ အရန်မင်းသမီးကြီး Kim Sun-Young, The East Palace ထဲက မင်းသမီးလေး Roh Yoon-Seo နဲ့ Resident Playbook ထဲက မင်းသား Kang You-Seok တို့က အဖွဲ့ဝင်အသစ်တွေအနေနဲ့ ပါဝင်ထားကြပါတယ်။ သူတို့မောင်နှမ ၄ ဦးက တစ်နိုင်ငံလုံးအနှံ့က တံငါရွာတွေ ပင်လယ်ကမ်းခြေရွာတွေဆီ လှည့်ပတ်သွားရောက်ပြီးတော့ ဒေသန္တရလုပ်ငန်းခွင်တွေမှာ ကိုယ်တိုင်ကိုယ်ကျ ဝင်ရောက်လုပ်ကိုင်ကြမှာပါ။ အပင်ပန်းခံ အားထုတ်လို့ ရလာတဲ့ လုပ်အားခနဲ့ လတ်လတ်ဆတ်ဆတ် ရာသီပေါ် ဟင်းချက်ပစ္စည်းတွေ ဝယ်ယူပြီး ဖွယ်ဖွယ်ရာရာ ဟင်းလျာတွေ ချက်ပြုတ်စားသောက်ကြရင်း တကယ့် မိသားစုသဖွယ် ရင်းနှီးလာကြမယ့် မောင်နှမ ၄ ဦးရဲ့ ပျော်ရွှင်ကြည်နူးစရာ အခိုက်အတန့်တွေကို ဒီအစီအစဉ်လေးမှာ အပတ်စဉ် စောင့်မျှော်ကြည့်ရှုပေးကြပါဦးရှင်။ Aired: Jul 30, 2026 - ? Aired On: Thursday Genres: Food, Life, Reality Show Episodes: 12 Original Network: tvN

Kian's Bizarre B&B S2 (2026) အပိုင်းသစ် (1 မှ 10) စ/ဆုံး [Guest- Dex] ပုံမှန်မဟုတ်တဲ့ ဖန်တီးမှုတွေနဲ့ ဂီအန်းရဲ့တည်းခိုအိမ်လေး ပြန်လည်‌ရောက်ရှိလာပါပြီ။ ဒီတစ်ခေါက် Season အတွက် Kian84 ရဲ့ စိတ်ကူးစိတ်သန်းတွေနဲ့ ဖန်တီးထားတဲ့ တည်းခိုအိမ်လေးမှာ မင်းသား Lee Jun Ho၊ နာမည်ကြီး Volleyball လက်ရွေးစင် Kim Yeon Koung နဲ့ LE SSERAFIM ရဲ့ Kazhua တို့က ဂီအန်းနဲ့အတူ အဓိက main castတွေအဖြစ် ပါဝင်သွားမှာပဲဖြစ်ပါတယ်။ Season1 တုန်းကလိုပဲ ဂီအန်းရဲ့တည်းခိုအိမ်လေးမှာ လွယ်ကူတယ်ဆိုတဲ့အရာ မရှိသလောက်ပဲဆိုပေမဲ့ လူငယ်တွေရဲ့ အိပ်မက်နဲ့မျှော်လင့်ချက်တွေကို အခြေခံပြီး ဖန်တီးထားတဲ့ ဒီSeasonရဲ့ တည်းခိုအိမ်လေးက ဆောင်းအငွေ့အသက်တွေကြားထဲ နွေးထွေးမှုအပြည့်ပေးသွားမှာပါ။ လူငယ်တွေရဲ့ အားလပ်ရက် အပန်းဖြေခရီးအတွက် Main Cast ၄ယောက်ရဲ့ ဝန်ဆောင်မှုတွေနဲ့ ဂီအန်းတည်းခိုအိမ်မှာ ဖြစ်လာမဲ့ ဂယက်တွေကို အတူတူလိုက်ပါကြည့်ရှုနိုင်စေဖို့ တင်ဆက်ပေးလိုက်ပါတယ်နော်။ Aired: Sep 22, 2026 - Oct 6, 2026 Aired On: Tuesday Genres: Food, Comedy, Reality Show Episodes: 10 Original Network: Netflix

The Boyfriend S2 (2026) အပိုင်းသစ် (1 မှ 15) စ/ဆုံး Netflix ရဲ့ နာမည်ကြီး Gay Dating Show ဖြစ်တဲ့ "The Boyfriend" Season 2 ကတော့ ဒီနေ့မှာပဲထွက်ရှိလာပါပြီ။ နှင်းပွင့်လေးတွေ တစ်ပွင့်နဲ့ တစ်ပွင့် မတူညီကြသလိုပဲ ဂျပန်နိုင်ငံ ဟော့ကိုင်းဒိုးကျွန်းရဲ့ ဆောင်းရာသီမှာ အမျိုးသား ၁၀ဦးရဲ့ မတူကွဲပြားတဲ့အချစ်ဇာတ်လမ်းတွေက စတင်လာတော့မှာဖြစ်ပါတယ်။ အသက်၂၀ ကနေ ၄၀ ကြားရှိတဲ့ အမျိုးသားလေးတွေဟာ "Green Room" လို့ခေါ်တဲ့ အိမ်လေးမှာ ၂ လကြာအတူနေထိုင်ပြီး သူတို့ရဲ့ စံပြလက်တွဲဖော်ကို ရှာဖွေကြမှာပါ။ နှင်းလျှောစီးတာ နှင်းအိမ်ထဲမှာ စကားပြောတာတွေအပြင် ကော်ဖီကားလေးကိုပါ အလှည့်ကျ အတူမောင်းနှင်ကြရင်းနဲ့ သူတို့ကြားက သံယောဇဉ်တွေ ဘယ်လိုကြီးထွား ခိုင်မြဲလာမလဲဆိုတာကို အပိုင်း 15 ပိုင်းလုံး အေးအေးလူလူဖျော်ရတဲ့ Drip Coffee လေးလိုပဲ စောင့်စားရကျိုးနပ်စေမယ့် reality showဖြစ်လို့ ရင်တဒိတ်ဒိတ်နဲ့ ကြည့်ရှုလိုက်ကြပါဦးနော်။ ပထမအပတ်မှာ ၆ ပိုင်း ထွက်ရှိမှာဖြစ်ပြီး နောက်အပတ်တွေမှာ တစ်ပတ်ကို ၃ ပိုင်းစီ ထွက်ရှိသွားမှာပဲဖြစ်လို့ စောင့်မျှော်ပေးကြပါဦးနော်။ Aired: Jan 13, 2026 - Feb 3, 2026 Aired On:  Tuesday Genres: Romance, Dating Show, Reality Show Episodes: 15 Original Network: Netflix

Nothing Much Prepared S4 (2026) အပိုင်းသစ် (1 မှ 14) စ/ဆုံး [Guest- Han So Hee] Rapper မလေး အီယောင်းဂျီလို့ ပြောလိုက်ရင် လွတ်လွတ်လပ်လပ်နဲ့ ဘာကိုမှမတွေးဘဲ ပြောချင်ရာပြောတတ်တဲ့ ရယ်စရာအသွင်အပြင်ကို ပြေးမြင်မိကြမှာပါ။ ဒီအစီအစဉ်ကတော့ နာမည်ကြီးအနုပညာရှင်တွေကို သူ့ရဲ့အိမ်ကို ဖိတ်ခေါ်ပြီး အရက်လေးသောက် အမြည်းလေးစားရင်းနဲ့ ရင်းရင်းနှီးနှီး စကားစမြည်ပြောကြမှာပဲဖြစ်ပါတယ်။ အနုပညာရှင်တွေက မူးမူးနဲ့ မကျေနပ်တာတွေရော ကျေနပ်တာတွေ‌‌ရော ပြောချင်ရာပြောပြီး ရယ်နေရမှာမလို့ အားလုံး ခဏတာ စိတ်အပန်းပြေစေဖို့အတွက် တင်ဆက်ပေးလိုက်ပါတယ်နော်။ Aired: May 1, 2026 - ? Aired On: Friday Genres: Talk Show, Reality Show Episodes: 10

Agents of Mystery S2 (2026) အပိုင်းသစ် (1 မှ 9) စ/ဆုံး ဒီတစ်ခါမှာတော့ အမှုမျိုးစုံကို ဦးနှောက်သုံးပြီး အဖြေရှာရတဲ့ Agents of Mystery Season2 ကို တင်ဆက်ပေးချင်ပါတယ်။ Main cast တွေအနေနဲ့ Season1 တုန်းက ပါဝင်ခဲ့တဲ့ Hyeri၊ Karina၊ Kim Do Hoon၊ Lee Yong Jin၊ John Park တို့ ပြန်လည်ပါဝင်လာမှာဖြစ်ပြီးတော့ အဖွဲ့ဝင်အသစ်အနေနဲ့ Gabee ပါဝင်လာမှာပဲ ဖြစ်ပါတယ်။ ဒီတစ်ခေါက်မှာလည်း အေးဂျင့်၆ယောက်ဟာ လျှို့ဝှက်ဆန်းကြယ်ပြီး သဘာဝလွန်ဖြစ်ရပ်တွေနဲ့ ဆက်စပ်နေတဲ့ အမှုတွေကို ဖြေရှင်းဖို့ ပြန်လည်ရောက်ရှိလာပါပြီ။ အမှုတစ်ခုချင်းစီတိုင်းရဲ့ မြှုပ်ကွက်တွေ အဖြေရှာရခက်တဲ့ ဉာဏ်စမ်းပုစ္ဆာတွေကို ဖြေရှင်းရင်း အေးဂျင့်၆ယောက်အနေနဲ့ အမှုတွေကို ဘယ်လိုရင်ဆိုင်မလဲဆိုတာကို ထပ်မံကြည့်ရှုနိုင်မှာပဲ ဖြစ်ပါတယ်။ Season1 တုန်းကနဲ့ မတူဘဲ ဘယ်လိုစိတ်ဝင်စားဖို့ကောင်းတဲ့ အမှုတွေ ထပ်တွေ့ရဦးမလဲဆိုတာကို စိတ်ဝင်တစား အဖြေအတူရှာရင်း ကြည့်ရှုလိုက်ရအောင်နော်။ Aired:  Feb 27, 2026 Aired On: Friday Genres: Thriller, Mystery, Supernatural, Variety Show Episodes: 9 Original Network: Netflix

Space Rice Cake Shop (2026) အပိုင်းသစ် (1 မှ 12) စ/ဆုံး [Guest- Doh Kyung Soo, Karina & Gabee] Earth Arcade Season 2 တုန်းက Escape Room မစ်ရှင်ကို ကျရှုံးခဲ့ကြတဲ့ Lee Eun-Ji, Mimi, Lee Young-Ji နဲ့ An Yu-Jin တို့ ညီအစ်မ ၄ ဦးကတော့ ဆန်မုန့်ဆိုင်မှာ အချိန်ပိုင်းအလုပ် လုပ်ရမယ်ဆိုတဲ့ ပြစ်ဒဏ်ကို အကောင်အထည်ဖော်ဖို့အတွက် Spin-off အစီအစဉ်သစ်နဲ့အတူ ပြန်လည် ရောက်ရှိလာကြပါပြီ။ ဆိုင်ဖွင့်ဖို့အတွက် မုန့်ပဲသရေစာ မီနူးအစုံကို ဘယ်လို ဆန်းဆန်းပြားပြား လုပ်နည်းတွေနဲ့အတူ ကြိုးစားပြင်ဆင်သွားကြမလဲ... ဆိုင်က ဖွင့်ထားပြီ... စားသုံးသူတွေက ခြေဦးလှည့်မလာသေး.... ဒီလို အလွဲလေးတွေ ကြုံနေရတဲ့ သူတို့ရဲ့ "စကြဝဠာ ဆန်မုန့်ဆိုင်လေး"က အောင်အောင်မြင်မြင် ဈေးရောင်းနိုင်ကြပါ့မလား... ပီဒီနာယောင်းဆော့တောင် လက်မြှောက်အရှုံးပေးထားရတဲ့ သမီးတော်လေးတွေ ဘယ်လို လေးယောက်ပေါင်း လောင်းကျော်ထားကြဦးမလဲဆိုတာကို အူနာအောင် ရယ်မောရင်း ကြည့်ရှုရမှာဖြစ်လို့ အပတ်စဉ် စောင့်မျှော်အားပေးကြပါဦးရှင်။ Aired: Jul 31, 2026 - Oct 16, 2026 Aired On: Friday Genres: Food, Comedy, Reality Show Episodes: 12 Original Network: tvN

Single's Inferno Reunion (2026) အပိုင်းသစ် (1 မှ 6) စ/ဆုံး ပရိသတ်တွေရဲ့ တစ်ခဲနက် အားပေးမှုကို ရရှိခဲ့တဲ့ Single's Inferno team ကတော့ Valentine's Day Special အနေနဲ့ Season 5 cast တွေ ပြန်လည်ပါဝင်ထားတဲ့ reunion အစီအစဉ်လေးကို ထုတ်လွှင့်ပေးလိုက်ပါပြီ။ ဒီရှိုးလေးမှာတော့ cast တွေ အကုန်လုံးက ရှိုးမှာ ပြသခဲ့တဲ့ အခန်းတွေကို ပြန်လည်ကြည့်ရှုရင်း အဲဒီတုန်းက ဘယ်လို ခံစားချက်မျိုး ဖြစ်ခဲ့လဲဆိုတာနဲ့ လက်ရှိမှာရော သူတို့ရဲ့အမြင်တွေ ဘယ်လောက်တောင် ပြောင်းလဲသွားကြပြီလဲဆိုတာကို ပွင့်ပွင့်လင်းလင်း ဆွေးနွေးပေးသွားကြမှာပဲ ဖြစ်ပါတယ်။ ပရိသတ်ကြီးတို့လည်း Cast တွေနဲ့အတူ လိုက်ပါဆွေးနွေးရင်း လက်ရှိမှာ တကယ် တွဲနေတဲ့ Real Couple တွေလည်း ရှိနေမလားဆိုတာ ရင်ခုန်စွာနဲ့ ကြည့်ရှုလိုက်ရအောင်နော်။ Aired: Feb 14, 2026 Aired On: Saturday Genres: Dating Show, Reality Show, Romance Episodes: 6 Original Network: Netflix