Akshay Kumar ပါဝင်သော ဇာတ်ကားများ

Welcome To The Jungle (2026) အိန္ဒိယရဲ့ နာမည်ကျော် ဟာသရုပ်ရှင်တွဲဖြစ်တဲ့ Welcome series ရဲ့ တတိယမြောက် ရုံတင်ရုပ်ရှင်ကားကိုတင်ဆက်ပေးချင်ပါတယ်။ ဒီကားထဲမှာ ပါနေကျ မင်းသားကြီး အက်ရှေးကူးမားနဲ့အတူ ဆူနီယယ်ရှက်တီ၊ ပါရေ့ရှ်ရာဝယ်၊ အာရှက်ဝါစီတို့လို ဝါရင့်တွေအပြင် ဘောလိဝုဒ်ရဲ့ အလှဘုရင်မတွေဖြစ်ကြတဲ့ ဒီရှား၊ ဂျက်ကလင်း၊ ရာဗီနာတန်ဒန်နဲ့ လာရာဒူတာတို့လို မင်းသမီးချောတွေကပါ မြိုင်မြိုင်ဆိုင်ဆိုင်အားဖြည့်ထားပါတယ်။ ဇာတ်လမ်းကတော့ တရားမဝင်၊ တရားဝင် လုပ်ငန်းအမျိုးအမျိုးကြောင့် မဟားဒယားချမ်းသာနေတဲ့သူဌေးကြီးတစ်ဦးဟာ အစိုးရအပြောင်းအလဲမှာ အခွန်ရှောင်ထားတာတွေမပေါ်ဖို့အတွက် ခွက်ခွက်လန်အောင်အရှုံးပေါ်နေပါတယ်ဆိုတဲ့ လုပ်ငန်းတစ်ခု အရှိပြဖို့လိုပါတာကြောင့် ရုပ်ရှင်ထုတ်လုပ်ဖို့ဆုံးဖြတ်လိုက်ပါတယ်။ အဲဒါကြောင့် သူဌေးကြီးဟာ ၁၀ ကားဆက်တိုက် အရှုံးပေါ်နေတဲ့ ဒါရိုက်တာနှစ်ယောက်၊ ငါးနှစ်ဆက်တိုက် ရုပ်ရှင်မရိုက်ရတဲ့မင်းသားတစ်ယောက်ကိုငှားပြီး ၅ သောင်းတောင်းရင် သိန်းငါးဆယ်ပေးကာ ခွက်ခွက်လန်ရှုံးမယ့်ရုပ်ရှင်ရိုက်ဖို့ စီစဉ်ပါတယ်။ အဲဒီဒါရိုက်တာနှစ်ယောက်ကလည်း အတတ်စူးရောက်ပြီး တောတွင်းကိုသွားရတဲ့ စစ်သားတွေအကြောင်းကို တကယ့်တောထဲမှာသွားရိုက်ခဲ့ပြီး ဘက်ဂျက်ကျေးဇူးနဲ့ ပီပြင်လွန်းတာကြောင့် တောထဲက လက်နက်ကိုင်အဖွဲ့တွေနဲ့ တွေ့လာတဲ့အခါ...။ ရုပ်ရှင်အဖွဲ့သားတသိုက်ရဲ့ တောအုပ်ထဲကအလွဲအချော်တွေကို ပိတ်ကားမဟုတ်တဲ့ ဖန်သားပြင်ပေါ်မှာ ဆက်လက်ကြည့်ရှုအားပေးကြပါဦး။ File size… 10.9 GB / 4.43 GB / 2.44 GB Quality…WEB DL 4K / 1080p HEVC/ 720p Format…mkv/ mp4 Duration…. 2h 50m Subtitle….Myanmar Subtitle (Hard Sub)

Bhoot Bangla 2026 သရဲခြောက်တဲ့ စံအိမ်ကြီး IMDb 6 အားလုံးစောင့်မျှော်နေကြတဲ့ အာရှေးကူမားရဲ့ ရုံတင်သရဲကားကြီး လာပါပြီ 1.2 billion INR ထိသုံးထားပြီး အားလုံးနဲ့မစိမ်းတဲ့ ဝါရင့်သရုပ်ဆောင်တွေနဲ့ ရိုက်ကူးထားတဲ့ ကားကောင်းလေးကို အတူကြည့်လိုက်ရအောင် လွန်ခဲ့တဲ့ နတ်ဘုရားတွေခေတ်တုန်းက နတ်ဘုရားနဲ့ မိစ္ဆာတို့ချစ်ကြိုက်မိပြီး ကိုယ်ဝန်ရခဲ့ပါတယ် ဒီသွေးနှောကလေးကို နတ်ဘုရားတွေရော မိစ္ဆာတွေကပါ လက်ခံဖို့ ငြင်းခဲ့ကြပေမဲ့ မိစ္ဆာမလေးက မရရအောင် ဖွားမြင်ခဲ့တယ် ဒီလိုနဲ့ နတ်ဘုရားတွေက လက်ထဲကနေ ထွက်ပြေးရင်း သားလေးကို မန်ဂါဗန်ဆိုတဲ့တောထဲမှာ ဖွက်ထားခဲ့တယ် ဒီကလေးက အမှောင်ထဲမှာ ကြီးပြင်းလာရင်းနဲ့ အယောင်ဆောင်နတ်ဘုရားမတစ်ပါးကို ချစ်ကြိုက်မိသွားခဲ့ပြီး လုပ်ကြံခံလိုက်ရတော့ ခန္ဓာကိုယ်က ‌ေ_သဆုံးသွားပြီး ဝိညာဉ်ကတော့ ကလဲ့စားအတွက် လှည့်ပတ်သွားလာနေလေရဲ့ ထိမ်းမြားမင်္ဂလာပွဲမှာ လုပ်ကြံခံရတဲ့အတွက် ယနေ့ထိတိုင် သူ့ပိုင်နက်ထဲရောက်လာတဲ့ သတို့သမီးတွေကို လိုက်လံသတ်ဖြတ်နေတုန်းပါပဲ။ အာရှေးကူမားတို့က မန်ဂါဗန်တောအုပ်ရှေ့က အဘိုးဖြစ်သူရဲ့နန်းတော်ကြီးကို အမွေရကြောင်း အတည်ပြုချက် ရခဲ့တယ် ညီမအတွက် မင်္ဂလာခန်းမကလည်း အဆင်မပြေဖြစ်နေချိန်ဆိုတော့ ဒီနန်းတော်ကြီးမှာ မင်္ဂလာပွဲလုပ်မယ်ဆိုပြီး အဲဒီမြို့ကို သွားကြပါလေရော ဟိုရောက်တော့ အကြောင်းသိ နယ်ခံတွေ ဝိုင်းတားကြပေမဲ့ ဘာကိုမှ မယုံတဲ့အာရှေးတစ်ယောက် ဘယ်လို ပရလောကဆိုင်ရာတွေ တွေ့ကြုံသွားမလဲဆိုတာ အဖော်လေးနဲ့အတူ ကြည့်လိုက်ပါဦးနော် File size… 8.61 GB / 2.2 GB / 1.2 GB Quality…WEB DL 4K / 1080p HEVC/ 720p Format…mkv/ mp4 Duration….2h 43m Subtitle….Myanmar Subtitle (Hard Sub)

Jolly LLB 3 (2025)(ဂျိုလီ) IMDb: ~7.9/10 ဒီတစ်ခါမှာတင်ဆက်ပေးမယ့် ဇာတ်ကားကရုံတင်ကားဖြစ်ပြီး ရုပ်ရှင်ကုန်ကျစရိတ် ၁၂၀ကုဋေကုန်ကျခဲ့ပြီး နိုင်ငံတကာဝင်ငွေ ၁၆၈ကုဋေရခဲ့တာပါ ဒေါ်လာနဲ့ဆိုရင် ၁၉မီလီယံအထိအမြတ်ကြမ်းခဲ့တဲ့ကားပဲဖြစ်ပါတယ်။ နိုင်ငံတကာကြည့်ရူ့သူဦးရေလည်း ၃၀-၃၅သန်းအထိရှိခဲ့တာပါ။မင်းသားကြီး အက်ရှေးကူမာနဲ့ အရ်ရှတ် ဝါရှီတို့ရဲ့ တရားရုံးဇာတ်ကားကိုမှ ဟာသနဲ့ ဒရာမာရောနှောထားတဲ့ကားလေးပဲဖြစ်ပါတယ်။ ဒါရိုက်တာ ဆူဘက်ရှ် ကပူးလ်ရဲ့ ရှေ့နှစ်ကားလိုပဲ သရော်တာတွေနဲ့ ရှေ့နေ့အချင်းချင်းကွက်ကျော်ရိုက်တာတွေပါ ပြသထားတာဖြစ်ပါတယ်။ ဇာတ်လမ်းအစ - တရားခွင်တစ်ခုမှာ ရာ ဂျာရမ်ဆိုတဲ့ အဖိုးကြီးတစ်ယောက်ကို စစ်ဆေးမေးမြန်းရာကနေ အစပြုထားပါတယ်။ အကြောင်းကတော့ သူပိုင်တဲ့လယ်လေးကို အင်ပရီရယ်ဆိုတဲ့ စက်မှုလုပ်ငန်းဂရုက ပရောဂျက်တစ်ခုကိုအကြောင်းပြပြီး မတရားသဖြင့်သိမ်းချင်တာကြောင့်ပါ။ ဒီလိုနဲ့ ရာဂျာရမ်ဟာ ငွေများတရားနိုင်ဆိုသလိုပဲ ပိုင်ဆိုင်တာဆိုလို့ သူ့မှာအဲဒီလယ်ကွက်လေးပဲရှိတာကြောင့် တစ်ဖက်က ကုမ္ပဏီကြီးကို ဘယ်လိုမှမယှဉ်နိုင်ပဲ တရားသူကြီးကို သနားပါဆိုတဲ့စကား တစ်ခွန်းသာ ပြောရုံကလွဲဘာမှမတတ်နိုင်ခဲ့ပါဘူး။ ဒီလိုနဲ့ အိမ်ပြန်ရောက်လာတဲ့ ရာဂျာရမ်က အတွေးပေါင်းမြောက်များစွာနဲ့ တွေဝေနေခဲ့ပြီး နောက်ဆုံးမှာတော့ ပူဆွေးသောကတွေနဲ့ အတူ ရေကန်ကြီးထဲမှာ သူ့ဘဝသူအဆုံးသတ်ပစ်လိုက်ပါတော့တယ်။ ဒါပေမဲ့ ကျန်ခဲ့တဲ့ ဇနီးသည်ကတော့ အမှန်တရားအတွက် ဆက်ပြီးတိုက်ပွဲဝင်ဖို့အတွက် ဒေလီကိုလာခဲ့ပါတယ်။ အဲဒီမြို့မှာရှိတဲ့ တရားရုံးက ဂျိုလီဆိုတဲ့ နာမည်တူ မင်းသားကြီး အက်ရှေး ကူမာနဲ့ အရ်ရှတ် ဝါရှီတို့နှစ်ယောက်နဲ့တွေ့ပြီး ဘာတွေဆက်ဖြစ်သွားဦးမလဲဆိုတာ ဆက်လက်ကြည့်ရှု့ပေးကြပါဦး။ File size… 7 GB / 2.4 GB / 1.15 GB Quality…WEB DL 1080p HEVC/ 720p Format…mkv/ mp4 Duration….2hr 36mins Subtitle….Myanmar Subtitle (Hard Sub)

Housefull 5 (2025) Housefull franchiseရဲ့ ငါးကားမြောက် Housefull 5 ဆိုတဲ့ ဟာသလျှို့ဝှက်သည်းဖိုရုပ်ရှင်ကားကြီးထွက်ရှိလာခဲ့ပါပြီ။ ဒီနှစ်ထဲ အတည်ပေါက်ထွက်ခဲ့သမျှ ဆရာကြီးအရှေးရဲ့ အသစ်ထွက်လာတဲ့ဟာသရုပ်ရှင်ပေါ့။ ပရိတ်သတ် အသဲစွဲ မင်းသမီးတွေဖြစ်ကြတဲ့ ဂျက္ကလင်း ဖနန်ဒေ့ဇ် ဆိုနမ်ဘဂ်ျဝါ နရ်ဂစ်ဆ် ဖက်ဟီရ် ကျစ်သရန်ဂဒါဆင်းဂ်တို့အပြင် စွန်ဒရာယာ ရှရ်မားကလည်း ကမီယိုအဖြစ် ပါဝင်ထားပါတယ်။ နောက်ပြီး အဘီရှက်ဘချမ်း၊ ဆန်ဂျေးဒတ်၊ ဂျက်ကီရှရော့ဖ်တို့လို ဒိတ်ဒိတ်ကြဲ ဝါရင့်သရုပ်ဆောင်ကြီးတွေကလည်းအတည်ပေါက်နဲ့ ဝင်နောက်ထားကြပါသေးတယ်။ ဇာတ်လမ်း အကျဉ်း ယူကေမှာ နေထိုင်တဲ့ သူဌေးကြီး ရန်ဂျီးတ်ဘတိုဘရီယားလ်ဆိုတဲ့ သူဌေးကြီးဟာ သူ့ရဲ့ နှစ် ၁၀၀ပြည့် မွေ့နေ့ကို ပင်လယ်ထဲက ဇိမ်ခံသင်္ဘောကြီးပေါ်မှာ ကျင်းပဖို့ စီစဉ်ထားပေမဲ့ ရုတ်တရက် သေဆုံးကွယ်လွန်သွားခဲ့ပါတယ်။ သူ့ရဲ့ သေတမ်းစာအရ ပိုင်ဆိုင်မှုတွေကို သူ့ရဲ့ သားကြီး ဂျော်လီ့ကို လွှဲပေးဖို့ သား‌ငယ် ဒေ့ဗ်ကို တာဝန်ပေးထားခဲ့တာပါ။ ဒါပေမဲ့ မွေးနေ့ရက်မှာ ရောက်လာတဲ့ ဂျော်လီက တစ်ယောက်တည်း မဟုတ်ဘဲ ၃ယောက် ဖြစ်နေတာကြောင့် ဒေ့ဗ်နဲ့ သူ့ရဲ့ ဘုတ်အဖွဲ့ဝင်တွေအားလုံး အကျပ်ရိုက်သွားခဲ့ရပါတယ်။ ကဲ အဲဒီ ဂျော်လီ ၃ယောက်ထဲက ဘယ်တစ်ယောက်က ဂျော်လီ အစစ်ဖြစ်မလဲ... ဘယ်လို အရှုပ်ထွေးတွေနဲ့ ကြုံဆံကြရမလဲ... ရန်ဂျီးတ်ရဲ့ ပိုင်ဆိုင်မှုတွေ ဘယ်သူ့လက်ထဲ ရောက်သွားမလဲ... ဆိုတာတွေကိုတော့ ဇာတ်လမ်းထဲမှာပဲ အဖြေ ရှာပေးကြပါလို့... ဇာတ်လမ်းကတော့ ရှေ့မှာ ပရိသတ်တွေကို အမျိုးမျိုးသောဟာသတွေနဲ့ ရီမောစေခဲ့သလို အံ့ဩစေမဲ့လှည့်ကွက်လေးတွေနဲ့ စိတ်ဝင်စားစရာတင်ဆက်ထားတာမလို့ ဘောလိဝုဒ် ပရိသတ်များ လုံးဝ လက်မလွှတ်သင့်ပါကြောင်း... ဘာသာပြန်ကတော့ သိုက်ဆန်းပဲ ဖြစ်ပါတယ်။ File size… 9.09 GB / 2.9 GB / 1.5 GB Quality…WEB DL 4K / 1080p HEVC/ 720p Format…mkv/ mp4 Duration….2h 43min Subtitle….Myanmar Subtitle (Hard Sub) Encoder….YK Translated by Thaik San

Kannappa (2025) IMDb - 4/10 ဘာဟုဘာလီမင်းသား ပရာဘာ့စ်ရဲ့ ရုံတင်ကားသစ်ကြီး ကြည်တောက်ရှင်းထွက်ရှိလာတာမို့ တင်ဆက်ပေးလိုက်ပါတယ်။ မင်းသားကြီး အရှေးကူးမား ပါဝင်အားဖြည့်ပေးထားပြီး တက်သစ်စမင်းသမီးချောလေး ပရီတီးမူခွန်ဒန်ရဲ့ အကအလှတွေကိုပါ ရှုမြင်ခံစားကြရမှာပါ။ ရွာမှာဖြစ်နေတဲ့ကပ်ဘေးကြီး အဆုံးသတ်စေဖို့ ဘုရားဆိုတဲ့နာမည် အသုံးချပြီး ရွာရဲ့နတ်ဆရာမက သီနာဒူရဲ့သူငယ်ချင်းဖြစ်သူကို ယဇ်ပူဇော်လိုက်ပါတယ်။ အဲဒီကစလို့ သီနာဒူတစ်ယောက် ဘုရားဆိုတာကို ကျောက်တုံးကြီးတစ်တုံးကလွဲရင် ဘာမှကောင်းကျိုးမပေးတဲ့အရာဆိုပြီး အမုန်းတရားကြီးထွားခဲ့ပါတယ်။ အရာအားလုံးကို သိမြင်တော်မူတဲ့ အရှင်သိဝက သီနာဒူ ကလေးဘ၀ကတည်းက စောင့်ကြည့်နေပြီး တစ်နေ့ကျရင် သူ့အပေါ် စစ်မှန်တဲ့ကိုးကွယ်ယုံကြည်သူဖြစ်လာမယ်ဆိုတာ သိနေခဲ့တာပေါ့။ ဘုရားမယုံကြည်တဲ့ မုဆိုးကြီးသီနာဒူ ဘုရားကို စစ်မှန်စွာသက်ဝင်ယုံကြည်လာပြီး စရီကာလာဟာသ်စတီဗိမာန်တော်ကြီးပါ တည်ဆောက်ကိုးကွယ်ခဲ့ပုံကို မြင်တွေ့ရမဲ့ စိတ်ဝင်စားစရာ သမိုင်းဝင်ဘာသာရေးဇာတ်ကားတစ်ကားပဲဖြစ်ပါတယ်။ (*ဘာသာရေးကားဖြစ်တာမို့ မြန်မာဘာသာပြန်တာမှာ အခေါ်အဝေါ်တွေ အမည်တွေလွဲမှားခဲ့ပါက အနူးအညွတ်တောင်းပန်အပ်ပါတယ်။*) (ဘာသာပြန်ကတော့ B-Teamဖြစ်ပါတယ်) File size… 3.6 GB / 2 GB Quality… WEB DL 1080p HEVC/ 720p Format…mkv/ mp4 Duration….3h 3min Subtitle….Myanmar Subtitle (Hard Sub) Encoder….B Coder Translated by B Team

Kesari Chapter 2: The Untold Story of Jallianwala Bagh 2025 (ဂျယ်လီယန်ဝါလာဘာ့ဂ်သတ်ဖြတ်မှု) မင်းသားကြီး အရှေးကူးမားပါဝင် သရုပ်ဆောင်ထားတဲ့အပြင် Student of the Year 2 နဲ့ Pati Patni Aur Woh လို ရိုမန့် ကားတွေနဲ့ နာမည်ရလာတဲ့ မင်းသမီးလေး အာနန်ယာပန်ဒေးပါဝင်ထားပြီး သမိုင်းကြောင်းကို အခြေခံပြီးရိုက်ကူးတင်ဆက်ထားတဲ့ ရုံတင်ကားကြီး ထွက်ရှိလို့လာပါပြီ။ 2019မှာ ထွက်ရှိခဲ့တဲ့ Kesari ဇာတ်လမ်းရဲ့ Spiritual Sequel အနေနဲ့ Chapter 2 ဆိုပြီး ထွက်ရှိလာခဲ့တာဖြစ်ပါတယ်။ Kesari မှာတော့ မွတ်ဆလင်များနဲ့ဖြစ်ခဲ့တဲ့ ၁၉ရာစုဝန်းကျင်က စစ်ပွဲကို အခြေခံထားခဲ့ပြီး ယခု Kesari Chapter 2 မှာတော့ ဂျယ်လီယန်ဝါလာဘာ့ဂ် သတ်ဖြတ်မှုအကြောင်းကို အခြေခံထားပြီး ပန်ဂျပ်တို့ရဲ့ တော်လှန်လှုပ်ရှားပုံတွေကို ရိုက်ကူးတင်ဆက်ထားတာဖြစ်ပါတယ်။ ရှန်ကရန်နာရ်ဆိုတဲ့ ရှေ့နေဟာ ဗြိတိသျှအုပ်ချုပ်ရေးဘက်မှာ အရမ်းကို အားကိုးရတဲ့ ရှေ့နေတစ်ယောက်ဖြစ်ပါတယ်။ ပြီးတော့ သူနာမည်ကြီးတဲ့ တခြားအချက်ကတော့ လိုက်တဲ့အမှုတိုင်းကို နိုင်တာပါပဲ။ ပထမကမ္ဘာစစ်ကြီးဖြစ်တဲ့အချိန်မှာ ဗြိတိသျှတွေဟာ စစ်သားအင်အားမလုံလောက်တဲ့အတွက် အိန္ဒိယဘက်ကို စစ်သည်အင်အားပေးမယ်ဆိုရင် အိန္ဒိယနိုင်ငံကို လွတ်လပ်ခွင့်ပေးမယ်ဆိုတဲ့ကတိပေးခဲ့တာကြောင့် လူပေါင်းများစွာ ဗြိတိသျှတပ်မှာ ဝင်ရောက်ပြီး တိုက်ခိုက်ပေးခဲ့ပါတယ်။ သို့ပေမဲ့လည်း စစ်ကြီးပြီးသွားတဲ့အချိန်မှာတော့ ဗြိတိသျှတွေဟာ စကားကို မတည်ခဲ့တဲ့အတွက် ဗြိတိသျှစစ်တပ်ကို လူဦးရေအများဆုံးဝင်ခဲ့တဲ့ ပန်ဂျပ်တွေဟာ တော်လှန်ခဲ့ပါတော့တယ်။ ဒီမှာ ခရီပယ်ဆင်းဂ်ဆိုတဲ့ ကဗျာဆရာကတော့ ပန်ဂျပ်လူငယ်လေးတွေကိုပါ စည်းရုံးပြီး တော်လှန်ရေးကို ဦးဆောင်ခဲ့သူတစ်ယောက်ပေါ့။ ခရီပယ်ဆင်းဂ်ကို ဗြိတိသျှဘက်ကနေ ရှင်းပစ်ချင်ပေမဲ့ တရားရုံးကို တင်လိုက်တိုင်း လွတ်လွတ်သွားခဲ့တာကြောင့် အကျပ်ရိုက်ပြီး ရှန်ကရန်နာရ်ကို ခရီပယ်ဆင်းဂ်အား တရားစွဲဆိုနိုင်ရင် အမှုလိုက်ခိုင်းခဲ့ပါတော့တယ်။ ဒီလိုနဲ့ပဲ ရှန်ကရန်နာရ်တစ်ယောက် ဂျယ်လီယန်ဝါလာဘာ့ဂ်မှာ ပါဝင်လာခဲ့ရပါတော့တယ်။ ရှန်ကရန်ဆင်းဂ်ဟာ အိန္ဒိယလူမျိုးတစ်ယောက်ဖြစ်ပေမဲ့ ဘာလို့များ ဗြိတိသျှတွေဘက်ကနေ တိုက်ခိုက်ပေးနေတာလဲ ....... ဂျယ်လီယန်ဝါလာဘာ့ဂ် သတ်ဖြတ်မှုကြီးကရော ဘယ်လိုတွေကြောင့် ဖြစ်လာရတာလဲ.... ဆိုတာတွေကို စိတ်ဝင်စားဖွယ်ကြည့်ရှုရမဲ့ သမိုင်းကြောင်းဒရာမာဇာတ်ကားတစ်ကားဖြစ်ပါတယ်။ (အညွှန်းနဲ့ ဘာသာပြန်ကတော့ ToMo~ Cym~ Alex~ KKKZ~ V~ Zwe Yan ဖြစ်ပါတယ်) File size… 7.8 GB / 1.56 GB / 775 MB Quality…WEB DL 4k HEVC / 1080p / 720p Format…mkv/ mp4 Duration….2h 13m Subtitle….Myanmar Subtitle (Hard Sub) Encoder….YK Translated by ToMo~ Cym~ Alex~ KKKZ~ V~ Zwe Yan

Sky Force (2025) "လေသူရဲ" IMDb 7.3 အရှေးကူးမားပါဝင်ထားတဲ့ ဟင်ဒီအက်ရှင် ရုံကားထွက်ရှိလာပါပြီ ဒီကားဟာဆိုရင် Ashay Kumar ရဲ့ နောက်ဆုံးထွက်ထားတဲ့ ကားတွေထက် rating ပိုကောင်းခဲ့ပါတယ် ဇာတ်လမ်းကတော့ ထုံးစံအတိုင်း ပါကစ္စတန်- အိန္ဒိယ တိုက်ပွဲအကြောင်းပါ ၁၉၇၁ မှာ ပါကစ္စတန်ဟာ အိန္ဒိယလေတပ်စခန်းကို ရုတ်တရက်ဝင်ရောက်တိုက်ခိုက်ရာမှာ ပါကစ္စတန် လေတပ်ဗိုလ်တစ်ဦးကို အိန္ဒိယဘက်က ပြန်လည်ဖမ်းဆီးနိုင်ခဲ့ပါတယ် အဖမ်းခံထားရတဲ့ အဆိုပါ ပါကစ္စတန်ဗိုလ်ဟာ ၁၉၆၅ တုန်းက ဂုဏ်ပြုဆုတံဆိပ်ရခဲ့သူဖြစ်ပြီး သူ့ကို စစ်ကြောမေးမြန်းရမယ့် အိန္ဒိယဗိုလ်ကတော့ အရှေးကူးမားပဲ ဖြစ်ပါတယ် ဒီလိုနဲ့ ၁၉၆၅ တုန်းက ညီအရင်းလို ချစ်ရတဲ့ အရဲကိုးစွန့်စားတတ်လွန်းတဲ့ တက်ဘီရဲ့ ဇာတ်လမ်းကိုပြန်ရောက်သွားပြီး အတိတ်နဲ့ အခုလက်ရှိ ဘယ်လိုဆက်စပ်နေမှာလဲ ဒီအက်ရှင်ကားလေးမှာ ခံစားကြည့်ရှုလိုက်ပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size…6 GB / 1.9 GB / 1 GB Quality…4k HEVC WEB DL / WEB DL 1080p HEVC/ 720p Format…mkv/ mp4 Duration….2h 5m Subtitle….Myanmar Subtitle (Hard Sub) Encoder….YK Translated by CM Bollywood Team

Singham Again 2024 (IMDb 5.8/10) ဆင်ဂဟမ် ပြန်လာပြီ..... အခုတစ်ခါမှာတော့ ထူးထွေပြီး ညွှန်းနေစရာမလိုလောက်အောင် ပရိသတ်ကြီးအားလုံးစောင့်မျှော်နေကြတဲ့ ရဲမှူးကြီး ဆင်ဂဟမ်ပြန်လာပါပြီ ဒါရိုက်တာရှက်တီရိုက်ကူးတင်ဆက်ပေးနေတဲ့ Police Universe ရဲ့ ငါးကားမြောက်ပဲ ဖြစ်ပါတယ် 2017 ခုနှစ်ထဲက ကြေငြာခဲ့ပြီး ထွက်ရှိလာချိန်မှာလည်း ရုံဝင်ငွေ ဒေါ်လာ ၄၇ သန်းနီးပါးရရှိခဲ့ပြီး ကမ္ဘာအနှံ့ဆို တတိယမြောက်နဲ့ အိန္ဒိယမှာတော့ ဆဌမချိတ်တဲ့ ရုံတင်ကားကြီးပဲဖြစ်ပါတယ် Cast အင်အားကလည်း နာမည်ကြည့်ရုံနဲ့ လဲသေလို့ရအောင် အလောင်းဖျောက်ကားနဲ့နာမည်ကြီးတဲ့ အာဂျေး ဆလူးဘိုင်တစ်ဖြစ်လဲ ဆယ်လ်မန်ခန်း ရဲသားကြီး အာရှေးကူးမား တက်သစ်စ အာဂျွန်ကပူးရ် အက်ရှင်ဆရာကြီး တိုက်ဂါးတို့အပြင် ညှို့ဓာတ်ပြင်း မင်းသမီး ဒီပီကားပဒ်ကိုနီ ဝါရင့်မင်းသမီးကြီး ကရီနာကပူးရ်တို့ပါ ဝင်ရောက်သရုပ်ဆောင်ထားပါတယ် သရုပ်ဆောင်ကြေးနဲ့တင် မွဲသေလို့ရနိုင်တဲ့ ဇာတ်ကားပါပဲ ဇာတ်ကားနာမည် သရုပ်ဆောင်နဲ့တင် ရှိန်စရာမို့ဇာတ်လမ်းအကျဉ်းလေးကို နဲနဲလေးပဲပြောပါတော့မယ်။ ဇာတ်လမ်းကတော့ အာရှေးရဲ့ရဲအဖွဲ့သစ်ကို တည်ထောင်ပြီးချိန်မှာ အငြိုးကြီးတဲ့ရန်သူတွေက အာရှေးဇနီးကို ပြန်ပေးဆွဲတာကို ကယ်တင်ဖို့အတွက် ရာမာယနဇာတ်ကို Reference ယူထားပြီးတော့ အာရှေးနဲ့သူ့အဖွဲ့သားတွေက ကြိုးစားကြတာကို မိန်းမလဲကယ် နိုင်ငံတော်ကို ဘယ်လိုကာကွယ်မလဲဆိုတာ အချစ်အလွမ်းအက်ရှင်စုံစွာနဲ့ ကြည့်ရှုအားပေးရမှာပါပဲ ပါဝင်တဲ့သရုပ်ဆောင်တွေနဲ့တင် တန်နေတဲ့ဇာတ်ကား ပရိသတ်ကြီးလည်း ကာလရှည်စွာစောင့်မျှော်နေရတဲ့ဇာတ်ကား Police Universe ကို အားပေးစောင့်မျှော်နေကြသူတွေအတွက်မို့ CM ကနေ အချိန်မနှေးပဲ ပရိသတ်ရှေ့မှောက် အရောက်တင်ဆက်ပေးလိုက်ပြီပဲ ဖြစ်ပါတယ်။ အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် File size… Quality…WEB DL 1080p HEVC / 720p Format…mkv/mp4 Duration….2h 24m Subtitle….Myanmar Subtitle (Hard Sub) Encoder….YK Translated by CM Bollywood Team

Sarfira 2024 အိပ်မက်များနဲ့ကျွန်တော် IMDb -7.9/10 မင်းသားကြီး Akshay Kumarနဲ့Paresh Rawalတို့ရဲ့ အသစ်ထွက်ဇာတ်ကားကောင်းလေးကို CMချစ်ပရိသတ်တို့အတွက် အခုပဲ တင်ဆက်ပေးလိုက်ပါပြီ။ အိပ်မက်တွေသိပ်ကြီးလွန်းရင် လူတွေက အရူးလို့ သတ်မှတ်ကြတယ်တဲ့။ ဒါဟာ စွန့်ဦးတီထွင်သူတိုင်းအတွက် ကြားနေကြစကားတစ်ခွန်းပေါ့။ အခုဒီကားလေးထဲမှာလည်း ကြီးမားတဲ့အိပ်မက်တစ်ခုနဲ့ လူငယ်လေးတစ်ယောက်က သူ့ရဲ့အိပ်မက်ကို အကောင်အထည်ဖော်နိုင်ဖို့ ဘယ်လိုရုန်းကန်ခဲ့ရလဲဆိုတာ ရှုစားရမှာပါ။ ဗီရ်ဟာ ခေါင်ပါးတဲ့ရွာငယ်လေးက လေတပ်လေယာဉ်မှူးဟောင်းတစ်ယောက်၊ လျှပ်စစ်မီးရဖို့တောင် အနိုင်နိုင်ဖြစ်နေတဲ့ရွာငယ်လေးကပေမဲ့ ဗီရ်ရဲ့အိပ်မက်က သာမန်လူတွေပါစီးနိုင်မယ့် တန်ဖိုးနည်းလေကြောင်းလိုင်းတစ်ခု တည်ထောင်ချင်တာပါ။ သူ့ရဲ့မြေဆီဩဇာမရှိတဲ့ မြေကွက်နဲ့ လည်ပင်းနစ်နေတဲ့အကြွေးတွေနဲ့ အလုပ်လက်မဲ့အခြေအနေနဲ့ သူ့ရဲ့အိပ်မက်က အများသူငှာအမြင်မှာတော့ ရယ်စရာကြီးပါ။ ဒါပေမဲ့သူ့ရဲ့အိပ်မက်ကို အသိအမှတ်ပြုတဲ့သူကတော့ ကြင်ဖက်လာတွေ့တဲ့ရာနီပါပဲ။ ရာနီကလည်း ကြင်ဖက်လာတွေ့တဲ့သူ အယောက် 20 ရဲ့အငြင်းခံထားရတဲ့သူ၊ သူ့ဘက်ကချို့တဲ့နေတာတော့မဟုတ်ပေမဲ့ ရဲတင်းလွန်းတဲ့ သူ့ရဲ့စရိုက်က ဖိုဝါဒီကြီးစိုးတဲ့ပတ်ဝန်းကျင်နဲ့ မကိုက်ညီနေတဲ့သူ၊ ဒီလိုနဲ့ ထိုးဖောက်ချင်တဲ့စိတ်ရှိတဲ့ ရာနီနဲ့ဗီရ်တို့နှစ်ယောက် သူတို့ရဲ့အိပ်မက်တွေကို ဘယ်လိုအကောင်အထည်ဖော်ကြမလဲ ရှုစားရအောင်ပါ။ (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်) File size… 2.3 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….YK Translated by CM Bollywood Team

Khel Khel Mein (2024) "အရင်းနှီးဆုံးသူစိမ်းများ" IMDb - 7.1/10 Remakeမင်းသားကြီးရဲ့ ဘောလိ၀ုဒ်ဟာသဒရာမာရုပ်ရှင်ကားကြီးကို တင်ဆက်ပေးလိုက်ပါတယ်။ ဒီရုပ်ရှင်က Perfect Strangers (2016)ဇာတ်လမ်းကို အခြေခံပြီးပြန်လည်ရိုက်ကူးထားတာ။ နိုင်ငံတော်တော်များများ ပြန်ရိုက်ထားကြတဲ့အပြင် မလေယာလမ်းစကားပြော အိန္ဒိယရုပ်ရှင်ကိုက နှစ်ကားထိရှိတယ်။ 12th Man (2012)နဲ့ 1001 Nunakal (2022)တဲ့။ ဒီရုပ်ရှင်မှာတော့ အရှေးကူးမား၊ တာ့ပ်ဆီး၊ ပရေ့ဂ်ယာဂျေစ်ဝယ်လ်နဲ့ ဗာနီကပူးရ်တို့လို နာမည်ကျော်သရုပ်ဆောင်တွေပါဝင်ထားကြပါတယ်။ အိမ်ထောင်သည်တွေ၊ အိမ်ထောင်တခုထူထောင်ဖို့ စဉ်းစားနေသူတွေကို အလင်းဖွင့်ပေးချင်တဲ့ စေတနာကိုလည်းမြင်တွေ့ရမှာပါ။ ဇာတ်အလမ်းအကျဉ်းပြောရရင် သူငယ်ချင်းသုံးယောက်ရှိတယ်၊ သုံးယောက်လုံးက အိမ်ထောင်သည်တွေ။ တစ်ကောင်ရဲ့ခယ်မ မင်္ဂလာဆောင်ရှိရာမြို့ကို သွားကြဖို့ စီစဉ်ထားကြတယ်၊ သွားကြတယ်ပေါ့။ မင်္ဂလာဆောင်မှာတွေ့ကြပြီး သူငယ်ချင်းစုံတွဲသုံးတွဲ အတူတူရှိနေရာကစ ဂိမ်းတစ်ခုကစားဖို့ လုပ်ကြတဲ့အချိန်မှာတော့ ဖုံးကွယ်ထားတဲ့ အမှန်တရားတွေ၊ သိုဝှက်ထားတဲ့ စိတ်ခံစားမှုတွေ ဘွင်းဘွင်းကြီးပေါ်လာပြီး ဘယ်လိုရှေ့ဆက်ကြမယ်ဆိုတာ ကြည့်ရှုကြရမှာပါ။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်) File size… 1.74 GB / 845 MB Quality…WEB DL 1080p HEVC/ 720p Format…mkv/ mp4 Duration….2h 15min Subtitle….Myanmar Subtitle (Hard Sub) Encoder….YK Translated by CM Bollywood Team

Stree 2 (2024) "ဆတ္ထရီ ၂" imdb 7.6/24k တချို့သော ဝင်ငွေကောင်းတဲ့ နာမည်ကြီးရုံတင်ကားတွေထက်ကို ရုံတင်ဝင်ငွေသောက်သောက်လဲရပြီး အောင်ပွဲခံခဲ့တဲ့ မင်းသမီးချောလေး Shraddha Kapoorရဲ့ ရုံတင်ကားကြီးကို ဘာသာပြန်တင်ဆက်ပေးလိုက်ပါပြီ။ ၂၀၁၈ကထွက်ခဲ့တဲ့ Stree (2018)ရဲ့ အဆက်ပေါ့။ “အို ဆတ္ထရီ မနက်ဖြန်မှ လာခဲ့ပါ”လို့ ချန်ဒေရီမြို့က အိမ်တိုင်းရဲ့ရှေ့မှာ စာရေးထားရလောက်တဲ့ထိ သောင်းကျန်းခဲ့တဲ့ သရဲမလေး။ ညဘက်ကြီး အပြင်ထွက်တဲ့ ယောကျ်ားသားတွေ နောက်ပြန်လှည့်ကြည့်တဲ့အခါ ဖမ်းစားတတ်တဲ့သရဲမလေး။ အပ်ချုပ်သမားလေး ဗစ်ကီချစ်ခဲ့ရတဲ့သရဲမလေး။ ဒီရုပ်ရှင်မှာတော့ ပထမကားအပြီး နှစ်အနည်းငယ်အကြာနဲ့ ဆက်ပါတယ်။ ပျောက်ကွယ်သွားတဲ့ ဆတ္ထရီကိုပဲ မေ့ပျောက်မရသူ မောင်ဗစ်ကီတစ်ယောက် လွမ်းဆွတ်မှုနဲ့အတူ တမ်းတနေရချိန်။ ဘယ်ကမှန်းမသိတဲ့ စာတစ်စောင်ရောက်လာတာက "သူ ပြန်လာပြီ"တဲ့။ ဘာမှ အဓိပ္ပါယ်သိပ်မရှိတာမို့ ဗစ်ကီတစ်ယောက် မေ့မေ့ပျောက်ပျောက်နဲ့နေရင်းက ဇာတ်အလှည့်အပြောင်းတွေ ဖြစ်လာတဲ့အခါမှာတော့...။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 6.4 GB / 2.2 GB / 1.1 GB Quality…4k HEVC WEB DL EAC-3 / WEB DL 1080p HEVC/ 720p Format…mkv/ mp4 Duration….2h 27m Subtitle….Myanmar Subtitle (Hard Sub) Encoder….YK Translated by CM Bollywood Team

Bade Miyan Chote Miyan (2024) Sultan (2016)၊ Bloody Daddy (2023)တို့လိုရုပ်ရှင်တွေရဲ့ ဖန်တီးသူ ဒါရိုက်တာကြီး Ali Abbas Zafarရဲ့လက်ရာ ဆရာကြီးအရှေးနဲ့ ဆရာလေးတိုက်ဂါးတို့တွဲဖက်သရုပ်ဆောင်ထားတဲ့ ရုံတင်ကားသစ်ကြီးကတော့ဖြင့် လူကြီးမင်းတို့ရှေ့မှောက်မှာ မြန်မာစာတမ်းထိုး ကြည်တောက်ရှင်းရယ်နဲ့ ရောက်ရှိလို့လာခဲ့ပါပြီ။ ဆိုနက်ခ်ရှီ၊ အာလေယာနဲ့ မာနူရှီတို့လို မင်းသမီးချောတွေလည်းပါဝင်အားဖြည့်ထားပါတယ်။ နာမည်မရှိ၊ အကြောက်တရားမရှိ၊ မျက်နှာကိုတောင်မသိမမြင်ရဘဲ သူ့ကိုယ်သူကြမ္မာဆိုးလို့ခေါ်တဲ့ မကောင်းဆိုးဝါးလို ဗီလိန်ကြီးလိုချင်တာက လက်စားချေမှု။ အားအပြင်းဆုံး အန္တရာယ်အပေးနိုင်ဆုံးလက်နက်ကို စစ်တပ်ယာဉ်တန်းနဲ့ သယ်ဆောင်လာတုန်းမှာပဲ ဖြတ်လုခံလိုက်ရပြီး လိုက်ပါစောင့်ရှောက်တဲ့လူတွေပါ အသတ်ခံလိုက်ရတယ်။ လုယူသွားတဲ့သူက လက်စားချေဖို့ ဆန္ဒပြင်းပြနေတဲ့ အကြမ်းဖက်သမားဗီလိန်ကြီး။ ဒီလိုစိတ္တဇဆန်ဆန် ဗီလိန်ကို ရင်ဆိုင်နိုင်ဖို့က သူ့ထက်ပိုစိတ္တဇဆန်နိုင်မဲ့ စစ်သည်နှစ်ယောက်ကိုစုစည်းဖို့ပဲရှိတယ်ဆိုတဲ့ ဗိုလ်မှူးအမိန့်နဲ့ မီရှာတစ်ယောက် ဆရာကြီးအရှေးနဲ့ ဆရာလေးတိုက်ဂါးတို့ကို သွားပင့်ရပါတော့တယ်။ ဘာအထောက်အထားမှမသိရတဲ့ ဗီလိန်ဆရာကြီးလိုချင်တဲ့ လက်စားချေမှုကဘာလဲ။ အရွှန်းတွေဖောက်ရင်း မျက်နှာကြောမတည့်ကြတဲ့ အရှေးနဲ့ တိုက်ဂါးတို့ကရော အဲဒီဗီလိန်ကိုတားဆီးနိုင်မှာလား။ အပစ်အခတ် အတိုက်အခိုက်ခပ်ကြမ်းကြမ်းတွေနဲ့ အိန္ဒိယအက်ရှင်ရုပ်ရှင်ကားကြီးပီသစွာ ပုံဖော်တင်ဆက်ထားတာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 3.5GB / 1.6GB  Quality…WEB DL 1080p / 720p Format…mp4 Duration….2h 43m Subtitle….Myanmar Subtitle (Hard Sub) Encoder….YK Translated by CM Bollywood Team

Double Blind ဆိုတာက သုတေသနလုပ်ရာမှာ စမ်းသပ်တဲ့သူရော စမ်းသပ်ခံရတဲ့သူပါ စမ်းသပ်မှုမပြီးမချင်း သိရှိခြင်းမရှိဘဲ စမ်းသပ်တာကိုခေါ်တာပါ.... ဒီကားလေးထဲမှာတော့ ဘလက်ခ်ဝုဒ်ဆိုတဲ့ ဆေးကုမ္ပဏီက စမ်းသပ်မှုတစ်ခုလုပ်ဖို့အတွက် ကျန်းမာတဲ့သူတွေကို အခကြေးငွေပေးပြီး ခေါ်ယူခဲ့တော့ စုစုပေါင်း ၈ယောက် စမ်းသပ်ခံခဲ့ပါတယ်.....အဲဒီထဲမှာ ပတ်ပြီးစမ်းသပ်ခံနေတဲ့သူတွေရော ပိုက်ဆံလိုလို့လာတဲ့သူတွေရော အဲဒီ ဘလက်ခ်ဝုဒ် ကုမ္ပဏီမှာပဲ အလုပ်သင်ဆင်းချင်လို့ မျက်နှာရအောင်လာတဲ့ ဆေးကျောင်းသားရော ပါလာခဲ့ပါတယ်...... ဒီလိုနဲ့ ၅ရက်တာ စမ်းသပ်ရမဲ့ စမ်းသပ်မှုမှာ စမ်းသပ်ခံတွေက နည်းနည်းလေး မသင်္ကာလည်းဖြစ်လာရော ကုမ္ပဏီအနေနဲ့ ဘယ်လို ထပ်ဆွယ်မလဲ......သူတို့က ဘာကို စမ်းသပ်မှာလဲ......စမ်းသပ်ချက် အောင်မြင်ရင်ရော ဘယ်လိုအကျိုးပြုနိုင်တဲ့ ဆေးဝါးမျိုး ထုတ်လုပ်နိုင်မှာလဲဆိုတာကိုတော့ ဆက်လက်ကြည့်ရှုလိုက်ကြပါဦးလို့....... File size…(1.1 GB)/(549 Mb) Quality….Webrip 1080p / 720p Format…mp4 Duration….01:30:00 Genre...Horror, Thriller Subtitle….Myanmar Subtitle (Hardsub) Encoder….Mr.Anderson Translated by Garfield

OMG 2 (Oh MyGod) အက်ရှေးကူးမားရ်ရဲ့ သောက်သောက်လဲ အောင်မြင်ခဲ့တဲ့ OMG အဆက် ဒုတိယကားထွက်ရှိလာပြီပဲဖြစ်ပါတယ် ကုဋေ ၅၀ ရင်းထားတဲ့ ဒီကားမှာ ရုံဝင်ငွေ ကုဋေ ၂၂၀ ထိပြန်လည်ရရှိခဲ့တာမို့ ခုနှစ်ပိုင်းအတွင်း အက်ရှေးတစ်ယောက် ပြန်လည်အောင်မြင်ခဲ့တဲ့ ဇာတ်ကားလို့ပြောလို့ရပါတယ် အက်ရှေးကူးမားအပြင် ဝါရင့်မင်းသားကြီး ပန်ကတ်ချ် သရီပသီနဲ့ မင်းသမီးချောလေး ယမ်မီဂေါ်သမ်တို့က အဓိကဇာတ်ဆောင်တွေအဖြစ်နဲ့လည်း ပါဝင်ထားပါသေးတယ် OMG 1 မှာ ဘုရားကိုမယုံတဲ့သူက သူ့အိမ်ကိုပဲရွေးငလျင်လှုပ်လို့ ဘုရားကိုတရားစွဲခဲ့တာကနေ တစ်လောကလုံးနဲ့ တစ်ယောက်ရင်ဆိုင်ခဲ့ရပုံကို ဘာသာရေးအကြောင်းတွေနဲ့ ရောသမမွှေ တင်ဆက်ပေးခဲ့ပေမဲ့ ဒုတိယကားမှာတော့ ဇာတ်ကောင်စရိုက်တွေ ဇာတ်လမ်းသဘာဝတွေ ပြောင်းလဲပေးထားပါတယ် အဓိကဇာတ်ဆောင် ကန်တီဟာ ဘာသာရေးကိုင်းရှိုင်း လူအများချစ်ခင်ရတဲ့ အိမ်ထောင်ဦးစီးတစ်ယောက်ပါ သူ့ရဲ့ဆယ်ကျော်သက်အရွယ်သားလေး ဗီဗက်ဟာ လူငယ်တို့သဘာဝ လိင်ကိစ္စကို အရမ်းစိတ်ဝင်စား လက်တည့်စမ်းချင်ပြီး ဗိုင်ယာဂရာကို သုံးလုံးလောက်ပစ်သောက်ပြီး အာသာဖြေရင်းမေ့လဲလို့ အဖေကဆေးရုံလိုက်ခေါ်ရတဲ့ ကောင်ဆိုးလေးပါ အဲ့ဒါနဲ့တင်မရပ်ပဲ ကာမသျှတ္တရကျမ်းတွေဖတ်ပြီး ကျောင်းအိမ်သာထဲမှာပါ ထပ်ကမြင်းတာကို ကျောင်းကသူ့သူငယ်ချင်း bully ကောင်တွေက ဗီဒီယိုရိုက်ဖြန့်လိုက်တဲ့အခါ ဗီဗက်ကို ကျောင်းလဲထုတ် အကုန်လုံးက ဝိုင်းအပြစ်တင်ကြတဲ့အပြင် သူ့မိသားစုရော သူရော လုပုံအလယ်မှာ ခေါင်းမဖော်နိုင်အောင် ဖြစ်ပါတော့တယ် ဒါနဲ့ပဲသူ့အဖေကန်တီလည်း အာသာဖြေမိတာ အပြစ်မဟုတ် လိင်ပညာပေးသေချာမလုပ်ပဲ ကျောင်းသားကိုအပြစ်တင်တဲ့ ကျောင်းနဲ့တခြားလူတွေကသာ အပြစ်ရှိတယ်ဆိုပြီး တရားရုံးမှာ တရားထစွဲပါတော့တယ် ဇာတ်လမ်းပုံစံ ဦးတည်ချက်ကပြောင်းသွားပေမဲ့ ပထမကားလိုပဲ လူ့ဘောင်လောကစံနှုန်းတွေကို မေးခွန်းထုတ်တာတွေ တရားခွင်မှာ အပြိုင်လျှောက်လဲကြတာတွေ စသဖြင့် ပထမကားထက်မလျော့တဲ့ရသတွေ ခံစားရမှပါ ဒါ့အပြင် အရှင်သျှီဝတစ်ဖြစ်လဲ အက်ရှေးကူးမားက ဘယ်အခန်းမှာပေါ်လာပြီး ဘယ်လိုတရားပြမလဲဆိုတာ ကြည့်ရမဲ့အပြင် ဒီတစ်ခါ တရားရင်ဆိုင်ရတဲ့ အမှုပြိုင်ရှေ့နေ့မလေးက ကိုယ်ပါပြသနာရှာပြီး အမှုဖွင့်ချင်ရလောက်အောင် ချောတာမို့ CM ပရိသတ်ကြီးအတွက် လက်မနှေးစေဖို့ အပြေးလေးတင်ဆက်ပေးလိုက်ရပါတယ် CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>Click Here ) File size…2.1GB / 1GB Quality…1080p NF WEB DL /720p Format…mp4 Duration…2h 36m Subtitle….Myanmar Subtitle (Hard Sub) Encoder….YK Translated by CM Bollywood Team

Mission Raniganj (2023) IMDb-7.7/10 မင်းသားကြီး အရှေးကူးမားရဲ့ OMG 2(2023)ထွက်ရှိခဲ့ပြီးတဲ့နောက်မှာ နောက်ထပ်ရုံတင်ကားကြီး တစ်ကား ထပ်မံထွက်ရှိလာခဲ့ပါပြီ။ ဒီရုပ်ရှင်ကတော့ ၁၉၈၉ခုနှစ်နို၏ဝင်ဘာ ၁၃ ရက်နေ့မှာ အနောက်ဘင်္ဂလားပြည်နယ်မှာ ဖြစ်ပွားခဲ့တဲ့ ကျောက်မီးသွေးမိုင်းတွင်းပြိုကျရာမှာ ပိတ်မိခဲ့သူ မိုင်းလုပ်သား ၆၅ယောက်ကို ကယ်တင်ခဲ့တဲ့ ဂျာစ်ဝန့်ဆင်းဂ်ဂေးလ်လို့ ခေါ်တဲ့ အင်ဂျင်နီယာတစ်ယောက်အကြောင်းကို အခြေခံရိုက်ကူးတင်ဆက်ထားတာပါ။ ဇာတ်ကားလေးကတော့ ဖြစ်ရပ်မှန်အခြေပြုထုံးစံ လူတွေရဲ့အတ္တတွေကို ခြယ်မှုန်းပြထားပြီး အဖွဲ့အစည်းတစ်ခုမှာ ကိုယ့်တာဝန်ကိုယ်မကျေကြပဲ ဟိုကအချောင်ခိုလိုက် ဒီကမျက်ကွယ်ပြုလိုက်နဲ့ နောက်ဆုံး သောက်ပြသနာတက်မှ အဖေကယ်ပါ အမေကယ်ပါဖြစ်ပြီး ခံစားရတဲ့သူတွေကတော့ အပြစ်မဲ့တဲ့ အသက်ပိုင်ရှင်တွေပါပဲ။ ချာနိုဘိုင်း,The Dam, စသည်ဖြင့် သဘာဝဘေးအန္တရာယ် ဒါမှမဟုတ် သောက်တလွဲတွေထလုပ်မိလို့ အသက်နဲ့ရင်းအလုပ်လုပ်ရတဲ့ လုပ်သားတွေရဲ့ အန္တရာယ်နဲ့ရင်ဆိုင်ရပုံတွေကို ရိုက်ကူးပြသခဲ့တဲ့ဇာတ်ကားတွေလိုပဲ အခုဇာတ်ကားမှာတော့ မင်းသားကြီး အာရှေးကူးမားက အစွမ်းပြထားပါတယ်။ အားရှေးကူးမားဟာ ခုလို သူရဲကောင်းဆန်ဆန် ဇာတ်လမ်းတွေ အတ္တပတ္တိဇာတ်လမ်းတွေက ဇာတ်ကောင်တွေနဲ့ လိုက်ဖက်မှုရှိတာကိုတော့ ဝန်ခံပါရစေ။ အဲ့မူရင်းလူတွေကို မသိဖူးမမြင်ဖူးပေမဲ့ သူတို့ဒါမျိုးလုပ်ခဲ့ပါလားဆိုတဲ့ Vibe ကိုတော့ အာရှေးကူးမားက ပေါ်လွင်အောင် သရုပ်ဆောင်နိုင်ခဲ့ပါတယ် အဲ့ဒီတော့ ဖြစ်ရပ်မှန်အခြေပြုဇာတ်ကား ဇာတ်လမ်းကြီးလဲကြိုသိတယ်ဆိုပေမဲ့ ကြားထဲမှာ တလွဲပေါင်းသောင်းခြောက်ထောင်နဲ့ လူပေါင်းစုံ စရိုက်ပေါင်းစုံ အကောင်းအဆိုး ရသစုံစွာ ခံစားရမှာပဲဖြစ်လို့ ခုလို Genre ကိုမျှော်နေတဲ့ ပရိသတ်အတွက် တင်ဆက်ပေးလိုက်ရပါတယ်..... အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size...2.56GB / 1.2GB Quality…1080p WEB DL /720p Format…mp4 Duration….2h 14m Subtitle….Myanmar Subtitle (Hard Sub) Encoder….YK Translated by CM Bollywood Team

အက်ဘီဟာ ဖဲသမားအဖေရဲ့ အုပ်ထိန်းမှုအောက်မှာ ကြီးပြင်းလာခဲ့တဲ့ မိန်းကလေးပါ။ အမေကလည်း မိသားစုကို စွန့်ခွာသွားခဲ့တာကြောင့် သူ့ငယ်ဘဝက မသာယာခဲ့ဘူး။ ငယ်ငယ်ကတည်းက ပိုကာနဲ့ ရင်းနှီးလာပြီး ပါရမီထူးသူတစ်ယောက် ဖြစ်လာပေမယ့် အက်ဘီလိုချင်တာက အဖေ့လိုဘဝမျိုးမဟုတ်ဘဲ တည်ငြိမ်အေးချမ်းတဲ့ သာမန်ဘဝလေးပါ။ ဒါကြောင့် အဖေဆီကနေ ထွက်လာပြီး ပိုကာလောကမှာ Lucky 13 လို့ သိကြတဲ့ဘဝကို ချန်ထားကာ ကောလိပ်ကျောင်းသူတစ်ယောက်အဖြစ် အသစ်စဖို့ ကြိုးစားခဲ့တယ်။ ဒါပေမယ့် သူငယ်ချင်းကြောင့် ဖိုက်တာလေး ထရားဗစ်ရဲ့ လက်ဝှေ့ပွဲကို သွားကြည့်ဖြစ်တဲ့အခါ ထရားဗစ်က အက်ဘီကို သဘောကျသွားပါတယ်။ အက်ဘီကတော့ အေးအေးချမ်းချမ်း နေချင်တဲ့သူမို့ ပလေးဘွိုင်းလေး ထရားဗစ်ကို အပြင်းအထန်ငြင်းပြီး တည်ကြည်တဲ့ ဆရာဝန်လေး ပါကာကိုသာ လက်ခံဖို့ ကြိုးစားနေတယ်။ ထရားဗစ်ဘက်ကလည်း အလွယ်တကူ လက်လျှော့မယ့်သူ မဟုတ်ပါဘူး။ တစ်ယောက်ကလိုက်၊ တစ်ယောက်ကရှောင်နေကြတဲ့ သူတို့နှစ်ယောက်ကြားကို အလောင်းအစားတစ်ခု ဝင်လာတဲ့အခါ နာမည်တပ်ရခက်နေတဲ့ ဆက်ဆံရေးက ပိုပြီးပေါ်လွင်လာတယ်။ အရှုပ်အထွေးတွေကနေ လွတ်ချင်တဲ့ အက်ဘီဟာ ထရားဗစ်ကိုပဲ စွဲလမ်းမိလာသလို လူမသိစေချင်တဲ့ အတိတ်ကလည်း ပြန်ပြီး ဒုက္ခပေးလာပါတယ်။ ဒီအချစ်ရေးနဲ့ အတိတ်ကပြဿနာတွေကို အက်ဘီ ဘယ်လိုရင်ဆိုင်မလဲဆိုတာ ပေါ့ပေါ့ပါးပါး လူငယ်အချစ်ဇာတ်လမ်းအဖြစ် ဆက်ပြထားပါတယ်။

ယာဉ်မောင်းလိုင်စင်ဌာနအရာရှိ အဂရာဗာလ်ဟာ ဘောလိဝုဒ်မင်းသား ဗီဂျေးကူးမားရဲ့ အမာခံပရိသတ်ပါ။ ဗီဂျေးက ဘိုပါလ်မြို့မှာ ရိုက်ကူးရေးလုပ်နေတုန်း ယာဉ်မောင်းလိုင်စင် လိုလာတာကြောင့် သူတို့နှစ်ယောက် တွေ့ဆုံဖို့ အကြောင်းဖန်လာပါတယ်။ ဒါပေမဲ့ ဒီတွေ့ဆုံမှုမှာ မထင်မှတ်တဲ့ အထင်လွဲမှုတွေနဲ့ ပြဿနာတွေ ဖြစ်လာပြီး နှစ်ယောက်လုံးရဲ့ဘဝ ကမောက်ကမ ဖြစ်ကုန်တယ်။ ဗီဂျေးက အနုပညာအလုပ်ကိုပါ ဆုံးရှုံးရနိုင်တဲ့ အခြေအနေ ရောက်လာသလို အဂရာဗာလ်ကလည်း ကိုယ်အကြိုက်ဆုံး အနုပညာရှင်နဲ့ မျက်နှာချင်းဆိုင် ယှဉ်ပြိုင်ရပါတော့တယ်။ တစ်နိုင်ငံလုံးက စောင့်ကြည့်နေတဲ့ သူတို့ပဋိပက္ခမှာ ဘယ်သူ အနိုင်ရပြီး ဘယ်သူ အလျှော့ပေးရမလဲ။ ၂၀၁၉ ခုနှစ်ထွက် Driving License ကို ပြန်လည်ရိုက်ကူးထားတဲ့ ဟာသဇာတ်ကားဖြစ်ပြီး ဗီဂျေးအဖြစ် Akshay၊ သူ့ဇနီးအဖြစ် Diana နဲ့ အဂရာဗာလ်အဖြစ် Emraan Hashmi တို့ ပါဝင်ထားပါတယ်။

မာယာဟာ ကိုယ်ပိုင်ဇာတ်ကားတစ်ကား ရိုက်ခွင့်ရဖို့ ကြိုးစားနေတဲ့ လက်ထောက်ဒါရိုက်တာတစ်ယောက်ပါ။ အတွေးသစ်အမြင်သစ်တွေနဲ့ လက်စွမ်းပြချင်ပေမယ့် ရှေးရိုးစွဲတဲ့ ရုပ်ရှင်အသိုင်းအဝိုင်းထဲမှာ နေရာရဖို့ မလွယ်ဘူး။ ထုတ်လုပ်သူကလည်း ခေတ်စားနေတဲ့ ဂန်းစတားအကြောင်း ရိုက်ရင် အမြတ်ရဖို့ သေချာတယ်ဆိုပြီး အဲဒီလိုဇာတ်ညွှန်းမျိုး ယူလာဖို့ ပြောလိုက်ပါတယ်။ ဒါနဲ့ မာယာက နာမည်ကြီးဂန်းစတားတွေအကြောင်း စုံစမ်းရင်း ဘချမ်းပန်ဒေးဆိုတဲ့ လူမိုက်ကြီးအကြောင်း သိလာတယ်။ သူ့ကိုကြောက်လို့ ရဲတချို့တောင် နှုတ်ထွက်ကြသလို တခြားလူမိုက်တချို့ကလည်း အပြင်မှာနေရတာထက် ထောင်ထဲက ပိုလုံခြုံတယ်ဆိုပြီး မထွက်ချင်ကြတဲ့အထိပါပဲ။ မာယာကတော့ ဒီလူမိုက်ကြီးအကြောင်းကို ရုပ်ရှင်ရိုက်ဖို့ ကြိုးစားလာပါတယ်။ ဘချမ်းပန်ဒေးရဲ့အကြောင်းကို တဖြည်းဖြည်း ဖော်ပြသွားတဲ့ အက်ရှင်၊ မှုခင်းနဲ့ ဟာသရောထားတဲ့ ဇာတ်ကားဖြစ်ပြီး မမျှော်လင့်ထားတဲ့ အလှည့်အပြောင်းတွေလည်း ပါပါတယ်။ အက်ရှေးကူးမားနဲ့အတူ မာယာအဖြစ် Kriti Sanon၊ Jacqueline Fernandez တို့ ပါဝင်သရုပ်ဆောင်ထားပါတယ်။

အာဂျန်ဟာ ကွင်းဆက်လူသတ်သမားတွေရဲ့ စိတ်ပညာကို စိတ်ဝင်စားတဲ့ ဘွဲ့ရလူငယ်တစ်ယောက်ပါ။ သူဖြစ်ချင်တာက သည်းထိတ်ရင်ဖိုဇာတ်ကားတစ်ကား ရိုက်ကူးဖို့ဖြစ်လို့ မှုခင်းစိတ်ပညာနဲ့ မှုခင်းဖြစ်စဉ်တွေကို ခုနစ်နှစ်ကြာ လေ့လာပြီး ဇာတ်ညွှန်းတစ်ပုဒ် ရေးထားခဲ့တယ်။ ဒါပေမယ့် အဲဒီဇာတ်ညွှန်းကို သဘောကျပြီး ရိုက်ကူးပေးမယ့်သူ မတွေ့ခဲ့ရပါဘူး။ ဒါနဲ့ သူလေ့လာထားသမျှ အလဟဿမဖြစ်အောင် ရဲတပ်ဖွဲ့ထဲဝင်ဖို့ ရွေးချယ်လိုက်ပါတယ်။ ရဲဖြစ်လာပြီး မကြာခင်မှာပဲ ဆယ်ကျော်သက်ကျောင်းသူလေးတွေ ပျောက်ဆုံးတဲ့အမှုတွေ ပေါ်လာတယ်။ လူပျောက်မှုကနေ ကွင်းဆက်လူသတ်မှုအထိ ကြီးထွားလာတဲ့အခါ အာဂျန်ဟာ စာတွေ့လေ့လာထားတဲ့ မှုခင်းပညာကို လက်တွေ့မှာ ဘယ်လိုအသုံးချမလဲ။ ရဲလုပ်သက်အတွေ့အကြုံ မရှိသေးတဲ့သူတစ်ယောက်အနေနဲ့ အထက်အရာရှိတွေနဲ့ရော အဆင်ပြေနိုင်ပါ့မလား။ ၂၀၁၈ ခုနှစ်က Ratsasan ကို Disney+ Hotstar က ၂၀၂၂ ခုနှစ်မှာ ပြန်လည်ရိုက်ကူးထားတဲ့ မှုခင်းသည်းထိတ်ရင်ဖိုဇာတ်ကားဖြစ်ပြီး အာရှေးကူးမား ပါဝင်သရုပ်ဆောင်ထားပါတယ်။

ရှေးခေတ်အိန္ဒိယရဲ့ ထင်ရှားတဲ့ စစ်သူကြီး Samrat Prithviraj Chauhan အကြောင်းကို အခြေခံထားတဲ့ ရာဇဝင်ဇာတ်ကားဖြစ်ပြီး အာရှေးကူမား ပါဝင်သရုပ်ဆောင်ထားပါတယ်။ ပရစ်ထဗီရာဂ်ျဟာ ရန်သူတွေကို မကြောက်မရွံ့ ရင်ဆိုင်တတ်ပြီး အခက်အခဲကြုံတိုင်း နောက်မဆုတ်တတ်သူပါ။ တစ်နေ့မှာ ကန်နူးဂ်ျတိုင်းပြည်ရဲ့ဘုရင်က ပူဇော်ပွဲတက်ရောက်ဖို့ ဖိတ်ကြားလွှာကို ပရစ်ထဗီရာဂ်ျတို့နေတဲ့ ဒေလီမြို့ဆီ ပို့လာပါတယ်။ ဒီဖိတ်ကြားလွှာက ဘယ်လိုဖိတ်ကြားချက်မျိုးလဲ၊ ပရစ်ထဗီရာဂ်ျကရော ဘယ်လိုတုံ့ပြန်ဖြေရှင်းမလဲဆိုတာကနေ ဇာတ်လမ်းဆက်သွားပါတယ်။

အာရှေးကူမာ သရုပ်ဆောင်ထားတဲ့ အာရန်ဟာ ဘာသာတရားနဲ့ ဘုရားကို အယုံအကြည်မရှိတဲ့ ရှေးဟောင်းသုတေသနပညာရှင်တစ်ယောက်ပါ။ အချက်အလက်ရှိပြီး သက်သေပြနိုင်တဲ့အရာကိုပဲ ယုံတတ်သူဖြစ်ပါတယ်။ အရှင်ရာမကို ကိုးကွယ်ယုံကြည်သူတွေကတော့ ရမ်ဆက်တူတံတားကို အရှင်ရာမ တည်ဆောက်ခဲ့တာလို့ ယုံကြည်ထားကြတယ်။ အစိုးရဘက်က ကုန်သွယ်ရေးကိစ္စတစ်ခုအတွက် အဲဒီတံတားကို ဖြိုချဖို့ စီစဉ်လာတဲ့အခါ ပြည်သူတွေက ကန့်ကွက်ဆူပူလာကြပါတယ်။ ဒီအခြေအနေမှာ ရမ်ဆက်တူဟာ လူဖန်တီးထားတဲ့တံတားမဟုတ်ဘဲ သဘာဝအလျောက် ဖြစ်တည်လာတာဖြစ်ကြောင်း သက်သေပြဖို့ အာရန်ကို တာဝန်ပေးလာတယ်။ တံတားကို ထိန်းသိမ်းချင်တဲ့ ပြည်သူတွေရဲ့ ယုံကြည်မှု၊ အစိုးရရဲ့ စီးပွားရေးရည်ရွယ်ချက်နဲ့ အာရန် ရှာဖွေဖော်ထုတ်ရမယ့် အထောက်အထားတွေကြားမှာ အငြင်းပွားမှုတွေ ဖြစ်လာပါတော့တယ်။

ချန်ဒီချော့မြို့မှာ နေထိုင်တဲ့ လာလာကီဒါနသ်ဟာ မိဘတွေဆုံးပါးသွားပြီးနောက် ညီမလေးယောက်ကို ကျွေးမွေးပြုစုလာတဲ့ အစ်ကိုကြီးပါ။ အရှေးကူမား သရုပ်ဆောင်ထားတဲ့ လာလာအတွက် ညီမတွေ အရွယ်ရောက်လာတဲ့အခါ သူတို့ကို အိမ်ထောင်ချပေးဖို့က တာဝန်ကြီးတစ်ခု ဖြစ်လာပါတယ်။ ဇာတ်လမ်းမှာ ဖော်ပြထားတဲ့ သတို့သမီးဘက်က တင်တောင်းငွေပေးရတဲ့ ဓလေ့ကြောင့် သမီးရှင်မိသားစုတွေဟာ ငွေကြေးအတွက် အတော်ရုန်းကန်ကြရတယ်။ သမီးဖြစ်သူ ယောက္ခမအိမ်မှာ မျက်နှာမငယ်ရအောင် တင်တောင်းငွေများများ ပေးကြရသလို၊ တချို့သတို့သားရှင်တွေက လက်ထပ်ပြီးနောက် ပွဲတော်အခါသမယတွေမှာပါ ထပ်တောင်းတတ်ကြသေးတယ်။ မပေးနိုင်တဲ့အခါ သမီးဖြစ်သူမှာ စိတ်မချမ်းသာရဘဲ သိမ်ငယ်နေရတာပါ။ ဒီဝန်ထုပ်ဝန်ပိုးက ညီမလေးယောက်ကို စောင့်ရှောက်ထားရတဲ့ လာလာအပေါ်လည်း ကျရောက်လာတယ်။ တစ်ဖက်မှာ သူ့ချစ်သူကလည်း လက်ထပ်ဖို့ တောင်းဆိုနေပါပြီ။ ဒါပေမယ့် လာလာက ညီမလေးယောက်ကို မင်္ဂလာဆောင်ပေးပြီးမှ ကိုယ်တိုင်အိမ်ထောင်ပြုမယ်လို့ မိခင်မဆုံးခင် ကတိပေးခဲ့ဖူးတယ်။ မိခင်ကိုပေးထားတဲ့ ကတိတည်ဖို့ အားထုတ်နေတဲ့ လာလာဟာ အဲဒီကတိကို ဖြည့်ဆည်းနိုင်ပါ့မလား၊ သူ့အချစ်ရေးကရော ဖြောင့်ဖြူးနိုင်ပါ့မလား။ မိသားစုအတွက် သူကြိုးစားရတဲ့အကြောင်းကို အလွဲအချော်တွေ၊ လောကဓံကြောင့် ကြုံရတဲ့ ဝမ်းနည်းစရာတွေနဲ့ တွဲဖော်ပြထားတဲ့ မိသားစုဟာသဒရာမာပါ။

မင်းသားကြီး အရှေးကူးမားရဲ့zကားကို တင်ဆက်ပေးလိုက်ပါတယ်။ ဒီကားထဲမှာတော့ မင်းသားကြီးက ဘက်စုံရတဲ့ လူလတ်ပိုင်းတစ်ယောက်ပေါ့။ အိန္ဒိယနိုင်ငံမှာ လေယာဉ်ပြန်ပေးမှုတွေ နှစ်စဉ်လိုလို ဆက်တိုင်ဖြစ်လာခဲ့စဉ်က အဲ့ဒီလေယာဉ်ပြန်ပေးမှု တစ်ခုမှာ သူ့အတွက် စိတ်နာစရာ အကြောင်းတစ်ခု ရှိလာတယ်။ အဲ့ဒီကိစ္စဟာ သူကတော့ သာမန်ပဲ ဖြစ်ပျက်ခဲ့တာလို့ ထင်ထားခဲ့ပေမဲ့ RAW အေးဂျင့်တစ်ချို့ရဲ့ ပြောပြမှုကြောင့် အဖြစ်မှန်ကို သိခဲ့ရတယ်။ အဲ့ဒီမှာ သူဟာ နိုင်ငံတော်အတွက်နဲ့ ပုဂ္ဂိုလ်ရေး ဒဏ်ရာတွေရဲ့ တွန်းအားနဲ့ လေယာဉ်ပြန်ပေးအဖွဲ့ကို ဖမ်းဆီးဖို့ ဖြစ်လာခဲ့ပါတယ်။ ကဲ အထူးတလည် ပြောပြနေလည်း ကိုယ်တိုင်ကြည့်တာကသာ အရသာတွေ့မှာမို့ မြန်မြန်လေးသာ ခံစားကြည့်လိုက်ပါတော့ဗျာ။ File size…1.29GB / 1.8Gb / 606MB Quality…1080p WEB  DL DD+5.1 / 720p / 480p Format…Mp4 Duration….2h 3min Subtitle….Myanmar Subtitle (Hard Sub) Encoder….Than Htike Zaw Translated by Nyi Koe & Myint Thu & Thaik San

Atrangi Re (2021) ရင်ကူး(Sara Ali Khan) ဟာ သူ့ချစ်သူမျက်လှည့်ဆရာလေး ဆာဂျတ်ဒ်အလီ (Akshay Kumar) ကိုအရူးအမူးချစ်ခင်စွဲလန်းသူဖြစ်ပါတယ်။ မတူညီတဲ့ ဘာသာရေးနောက်ခံတွေကြောင့် ရင်ကူးရဲ့အယူအစွဲကြီးတဲ့အသိုင်းအ၀ိုင်းဟာ သူခိုးရာလိုက်ပြေးတိုင်း မရရအောင်လိုက်ခွဲလေ့ရှိပြီး နောက်ဆုံးတစ်ကြိမ်မှာတော့ ဆာဂျတ်ဒ် မဟုတ်ရင်ပြီးရောဆိုပြီး လူတစ်ယောက်ကိုပြန်ပေးဆွဲခေါ်လာပြီး အတင်းအကျပ်လက်ထပ်ပေးလိုက်ပါတော့တယ်၊ အဲ့ဒီလူကတော့ တမီလ်နာဒူးပြည်နယ်ကလာတဲ့ ဆရာဝန်လောင်းလေးဖြစ်တဲ့ ဗီရှူး (Dhanush) ပါပဲ။ ပြဿနာက ဗီရှူးမှာလဲ မကြာခင်စေ့စပ်တော့မယ့်သတို့သမီးလောင်းရှိနှင့်နေပြီးဖြစ်နေတာပါ။ မိဘသဘောတူရုံသက်သက် အချစ်ဆိုတာ ဘာမှန်းမသိဘဲ လက်ထပ်လုဆဲဆဲ ဗီရှူးဟာ တစ်ပါးသူကိုအရူးအမူးချစ်နေတဲ့ ရင်ကူးကိုစွဲလန်းစပြုလာရာကနေ သုံးပွင့်ဆိုင်ဇာတ်လမ်းတစ်ခုအဖြစ်အသက်ဝင်လာပါတော့တယ်။ Dhanush ရဲ့နာမည်ကျော် hindi ဇာတ်ကား Raanjhanaa ရဲ့ဖန်တီးရှင် ဒါရိုက်တာကြီး Aanand L. Rai ရဲ့လက်ရာဖြစ်ပြီး ဂီတပိုင်းကိုတာဝန်ယူထားတဲ့သူက A R Rahman ဖြစ်နေတဲ့အတွက် သီချင်းကောင်းကောင်းလေးတွေ လှပတဲ့ရှုမျှော်ခင်းတွေ ရိုက်ကွင်းရိုက်ကွက်တွေကို ရိုးရာဟန်မပျောက်ဘဲ တွဲဖက်မြင်တွေ့ရမှာပါ။ ဇာတ်လမ်းကိုယ်တိုင်ကလဲ ထွေလာထဲကနဲ့မတူပဲ ထူးခြားတဲ့အချိုးအကွေ့အလှည့်အပြောင်းတွေကိုမြင်တွေ့ရပါလိမ့်မယ်။ အညွှန်းကိုတော့ Alias က ရေးထားပေးပြီးတော့ ဘာသာပြန်ထားတာကတော့ Alias, Pyi Ti Nyein နဲ့ Chit Tee တို့ပဲ ဖြစ်ပါတယ်။ Genre..... Comedy, Drama, Romance Quality….4K HEVC 1080P, WEB-DL 1080p and 720p and 360p File size…4.67VB, 1.94GB and 1.1GB and 300MB Format…mp4 Duration….2h 18min Subtitle….Myanmar Subtitle (Hardsub) Translator ..... Alias, Pyi Ti Nyein, Chit Tee Encoder ..... August

မြန်မာစာတန်းထိုး ဒီ Sooryavanshi ကားကတော့ ပူပူနွေးနွေးထွက်ရှိလာတဲ့ Akshay Kumar နဲ့ Katrina Kaif တို့ အဓိကပါဝင်သရုပ်ဆောင်ထားပြီး Singham , Simmba ကားတွေနဲ့ ရှေ့မှာ မိတ်ဆက်ခဲ့တဲ့ ကားဆိုလည်း မမှားပါဘူး။ ဟောလိဝုဒ်မှာလို ပြောရရင် Sooryavanshi ကို မိတ်ဆက်တဲ့ Solo ကားလို့ပဲ ဆိုရမယ်။ မတူတာကို ပြောရရင် ဆူရိယဗန်သျှီက အကြမ်းဖက်နှိမ်နင်းရေးဘက်ကမို့ ဟိုး 1993 ခုနှစ်က အိန္ဒိယနိုင်ငံတဝှမ်းမှာ ဖြစ်ပျက်ခဲ့တဲ့ အစဥ်လိုက် ဗုံးဖောက်ခွဲမှုတွေက စတင်ပြီး မျက်မှောက်ခေတ်မှာ ဘုံဘေမြို့ (ယခု မွန်ဘိုင်း) အတွင်း ဖောက်ခွဲရေးအဖျက်လုပ်ငန်းတွေ လုပ်မယ့် အကြမ်းဖက်သမားတွေကို လိုက်လံတားဆီးမယ့် အက်ရှင်ဆို လေပေါ်မပျံ ၊ အိုဗာတွေ မပါတဲ့ အမိုက်စား ဇာတ်ကားဖြစ်နေတဲ့ အချက်ပါပဲ။ အသတ်အပုတ်တွေထက် အပစ်အခတ်များများပါတဲ့ လူဆိုးနဲ့ရဲ့ ဥာဏ်ချင်းယှဥ်မယ့် ကြည့်ပျော်တဲ့ ကားကောင်းတကားဖြစ်ပါတယ်။ ဒါ့အပြင် မင်းသမီးချော Katrina Kaif ရဲ့ အလှအပကိုပါ ငေးခွင့်ရဦးမယ်ဆိုတော့ အတိုင်းထက်အလွန်ပေါ့ဗျာ။ File size…  5.68GB / 2.2GB / 1.49GB Quality…4k HEVC Web-Dl / 1080p AAC 5.1Ch / 720p Format…MKV / Mp4 Duration….2h 25mins Subtitle….Myanmar Subtitle (Hard Sub) Encoder….Nyein Saeya Aung & YK Translated by Myint Thu & Thaik San & Mr.Anderson

၂၀၂၀ ကိုဗစ်ကာလမှာ ဇာတ်ကားတွေ ရှားပါးတဲ့အထဲ မင်းသားကြီး အရှေးကတော့ Remakeတစ်ခုဖြစ်တဲ့ Laxmiiက ထွက်လာခဲ့ပါတယ်။ အားလုံးလည်း မင်းသားကြီးကို လွမ်းနေမယ်ဆိုတာ သေချာပါတယ်။ ဇာတ်လမ်းအကြောင်းအရာကတော့ အရင် တာတေကြီးလို့ အများသိတဲ့ Kanchanaနဲ့ မကွာတော့ ထွေထွေထူးထူး ပြောပြနေစရာ မလိုဘူး ထင်ပါတယ်။ အရင်ကားဟောင်းကို မကြည့်ဖူးသူတွေအတွက် ပြောပေးရမယ်ဆိုရင် တစ္ဆေမကြောက်တတ်တဲ့ လူတစ်ယောက်ကို အဖြစ်ဆိုးနဲ့သေဆုံးခဲ့ရတဲ့ လူတစ်ယောက်က ဝင်းပူးတာပါ။ အဖြစ်ဆိုးအတွက် သူ့ရဲ့ တုန်ပြန်မှု၊ သူ့ဘဝနောက်ကြောင်းတွေ၊ သူရဲ့ ကြင်နာသနားတတ်မှုတွေက ကြည့်ရှုသူတိုင်းကို သနားကရုဏာသက်စေမှာပါ။ ဒီတော့ တခြားခန္ဓာကိုယ်တစ်ခုမှာ ဝင်ပူးပြီး သူ ဘာလုပ်မယ် ဆုံးဖြတ်ခဲ့သလဲ ဘယ်လိုတွေ ကြံစည်လာဦးမလဲ ဆိုတာကို ဟာသနှောပြီး ကြည့်ရှုရမှာပါ။ ဇာလမ်းအညွှန်းနဲ့ဘာသာပြန်သူက Myint Thu နဲ့ Nyi Koeတို့ပဲ ြဖစ်ပါတယ်.... File Size :(1.28GB) and (494MB) Quality : WEB-DL 720p Format…mp4 Duration…02:21:00 Genre : Action,Comedy,Horror Subtitle : Myanmar Subtitle (Hard Sub) Translated by Myint Thu & Nyi Koe Encoded by Phyo Pyae

ဘရန်စတူးဝဒ် က FBI မှာ အလုပ်လုပ်နေတဲ့ ဓားစာခံညှိနှိုင်းရေးအရာရှိဖြစ်ပြီး ဓားစာခံညှိနှိုင်းရေးနဲ့ပတ်သတ်တဲ့ အတန်းတွေကိုလည်း ပို့ချနေသူပါ။ ရမ်မီ ကတော့ နယူးယောက်ရဲတပ်ဖွဲ့မှာလုပ်ကိုင်နေတဲ့ ဓားစာခံညှိနှိုင်းရေးမှူးဖြစ်ပြီး ဓားစာခံခေါ်ထားတဲ့ ပြစ်မှုကျူးလွန်သူတွေနဲ့ ညှိနှိုင်းရာမှာ ကျွမ်းကျင်လွန်းသူတစ်ယောက်ဖြစ်ပါတယ်။ ဒီလိုနဲ့ တစ်ရက်မှာတော့ အမေရိကရဲ့ ဗဟိုဘဏ်ကြီးကို ဓားပြတစ်ဖွဲ့က ဝင်ရောက်တိုက်ခိုက်ပြီး အထဲမှာ ဓားစာခံတွေကိုပါ ထိန်းသိမ်းထားလိုက်ပါတော့တယ်။ နိုင်ငံနဲ့ဆိုင်တဲ့ အမှုဖြစ်သွားလို့ နယူးယောက်ရဲတပ်ဖွဲ့နဲ့တင်မပြီးတော့ဘဲ FBI က အေးဂျင့် စတူးဝဒ် တို့ပါ ရောက်လာရပါတယ်။ ဒီဘဏ်ဓားပြတွေကရော ဘယ်သူတွေလဲ၊ သူတို့ရည်ရွယ်ချက်က ဘာလဲ၊ ဘာကြောင့် ဗဟိုဘဏ်ကိုမှ ဓားပြတိုက်ရသလဲ။ အေးဂျင့်စတူးဝဒ် နဲ့ စုံထောက် ဘရန်တို့ရော ဓားစာခံတွေကို အန္တရာယ်မဖြစ်စေဖို့ ဓားပြတွေနဲ့ ညှိနှိုင်းနိုင်ပါ့မလား။ ဒီအမှုကြီးကို ဘယ်လိုဖြေရှင်းကြမလဲဆိုတာ စိတ်ဝင်တစား ကြည့်ရှုကြရမဲ့ ဇာတ်ကားကောင်းလေးတစ်ကားဖြစ်ပါတယ်။ File size… (1.74 GB) / ( 1.00 GB) Quality… WEB-DL 1080p HEVC /720p Format…mkv / mp4 Duration….1h 45m Genre …..Action, Crime , Thriller Subtitle….Myanmar Subtitle (Hard Sub) Encoder….Min Wai Translated by Wil

Blank (2019) "ကွက်လပ်" IMDb - 6.1/10 ၂၀၁၉ခုနှစ်က ထွက်ရှိခဲ့တဲ့ ဟင်ဒီအက်ရှင်ဇာတ်ကြမ်းကားကြီးကို တင်ဆက်ပေးလိုက်ပါတယ်။ မင်းသာကြီး ဆန်နီဒိုး၊ ငယ်ဘ၀ကတည်း ရုပ်ရှင်တွေ၊ ရှိုးတွေရိုက်ကူးခဲ့တဲ့ မင်းသားကာရန်တို့ အဓိကပါဝင်ထားကြပါတယ်။ မြို့ထဲကို RDXထက် အဆပေါင်းများစွာ ပေါက်ကွဲအားပြင်းတဲ့ ဖောက်ခွဲရေးပစ္စည်း ၂၅ကီလိုကျော်ခိုးသွင်းလာတဲ့ သတင်းကိုသိရပေမဲ့ ဘယ်သူတွေ၊ ဘယ်နှစ်ယောက်၊ ဘယ်ကလာတာလဲ ဘာဆိုဘာမှန်းမသိရဘဲနဲ့ ထောက်လှမ်းရေးတပ်ဖွဲ့တွေ ဗျာများနေရချိန်။ မတော်တဆမှုတစ်ခုကြောင့် ဆေးရုံရောက်လာတဲ့လူနာက အသေခံဗုံးခွဲတဲ့သူဖြစ်နေပြီး အတိတ်ကလည်း မေ့နေတဲ့အခါ...။ ဖောက်ခွဲရေးပစ္စည်းတွေကို အချိန်မီဖမ်းဆီးနိုင်မှာလား...။ အတိတ်မေ့နေတဲ့ အသေခံဗုံးခွဲသမားရဲ့ တကယ့်အကြောင်းအရင်းမှန်ကရော...။ (အညွှန်းနဲ့ဘာသာပြန်ကတော့ V ~ Thura ~ ToMo ~ Alex ~ Zweတို့ပဲဖြစ်ပါတယ်။ File size… 1.5 GB / 784 MB Quality…WEB DL 1080p HEVC/ 720p Format…mkv/ mp4 Duration….1h 47m Subtitle….Myanmar Subtitle (Hard Sub) Encoder….YK Translated by V ~ Thura ~ ToMo ~ Alex ~ Zwe

အားလုံးကို သတင်းကောင်းလေး ပေးချင်ပါတယ်။ ကျူပ်တို့ ဖက်က အာမခံနိုင်တာတစ်ခုကတော့ သတင်းကောင်းပါပဲ ဒါက ဂျိုရှီဆေးရုံရဲ့ ကြော်ငြာ၊ နေ့စဉ် ကလေးမရတတ်တဲ့ ဇနီးမောင်နှံတို့ရဲ့ အားထားရတဲ့ နေရာ။ ကလေးလိုချင်ပေမဲ့ မရတတ်ကြတဲ့ ဗာရွန်တို့ ဗတ္တရားလင်မယားမှာ ညီမနဲ့ယောက်ဖရဲ့လမ်းညွှန်ချက်ကြောင့် ဒီဆေးရုံကို ရောက်လာခဲ့ပါတယ်။ အဲ့ဒီမှာပဲ ဗာရွန်တို့ လင်မယားနဲ့ ဟန်နီးတို့ လင်မယားကို တွေ့ဆုံဖို့ ဖြစ်လာပါတယ်။ သူတို့က နာမည်အဖျားတွေ တူနေကြတယ်။ နှစ်တွဲလုံးက ဗတ္တရားတွေ၊ ဒီလိုနဲ့ ဆရာဝန်က ပြောလိုက်ပါတယ်။ ကျူပ်တို့ရဲ့ အတွေ့အကြုံရင့်ကျက်လှတဲ့ ပညာရှင်တွေဟာ သုက်နှစ်စုံကို နာမည်တူနေတော့ ရောထွေးမိသွားပါတယ်တဲ့။ ကဲ အဲ့ဒီမှာ ဇာတ်လမ်းက စပြီ။ ဟန်နီးရဲ့ သုက်က ဒီးပ်တီးဆီ ရောက်သွားပြီး ဗာရွန်ရဲ့ သုက်က မိုနီကားဆီ မှားပြီး ရောက်သွားပြီလို့ သိလိုက်ရတဲ့ အခါမှာတော့..... ကဲ ကိုယ့်လူတို့.... ဟာသကားကောင်း နာမည်ကြီး တစ်ကားမို့ လက်မလွတ်တမ်းကြည့်သင့်ပါတယ်ဆိုတာ မပြောလည်း သိကြမယ်မဟုတ်လား။ ဒီကားမှာ ခင်ဗျားတို့တွေ ခွီလည်းခွီရမယ် မျက်ရည်လည်းကျရမယ်ဆိုတာ ရဲရဲကြီးအာမခံပါတယ် ပေးရတဲ့အချိန်နဲ့တန်တဲ့ အိန္ဒိယကားကောင်းတစ်ကားကြည့်ချင်ရင်တော့ လက်မနှေးဘဲ အပြေးသာဒေါင်းလိုက်ကြပါတော့ IMDbမှာတော့ 7.6/10 အထိရထားပြီး ဝါရင့်သရုပ်ဆောင်တို့ရဲ့ ပြောင်မြောက်လှတဲ့ သရုပ်ဆောင်မှုတွေကို ခံစားကြည့်ရှူကြပါဦးဗျာ။ ဇာတ်လမ်းအညွှန်းနဲ့ ဘာသာပြန်ပေးထားကြသူတွေကတော့ စီအမ်ရဲ့အိန္ဒိယဇာတ်ကားဘာသာပြန်တွေဖြစ်ကြတဲ့ ဇော်ထူး၊ ညီကိုးနှင့် မြင့်သူတို့ပဲဖြစ်ပါတယ် File Size : (2.0 GB) and (950 GB) Quality : AMZN WEB-DL (1080p 5.1, 720p) Running Time : 2hr 14min Format : Mp4 Genre : Comedy, Drama Subtitle : Myanmar Subtitle (Hard Sub) Source : 1080p.AMZN.WEB-DL.DD+5.1.x264-Telly Translated by Zaw Htoo, Nyi Nyi Koe & Myint Thu Encoded by Thanhtike Zaw

KESARI 2019 IMDb Rating - 7.8/10 IMDb Rating - 7.8/10 မကြာသေးမီကမှ ရုံတင်သွားတဲ့ အရှေးကူးမားရဲ့ သမိုင်းဖြစ်ရပ်မှန် ရုပ်ရှင်ဇာတ်ကားကို မနေ့က အကြည်လေး တက်တက်ချင်း မြန်မြန်ဆန်ဆန်လေး တင်ပေးလိုက်ပါတယ်။ ဒီဇာတ်လမ်းဟာ ၁၉ရာစုဝန်းကျင်မှာ ဖြစ်ပွားခဲ့တဲ့ စစ်ပွဲကို အခြေပြုထားပါတယ်။ မင်းသားကြီး အရှေးကိုတော့ ဒီဇာတ်ကားထဲမှာ ဗြိတိသျှတပ်မတော်ရဲ့ တပ်ကြပ်ကြီး တစ်ယောက်အဖြစ် မြင်တွေ့ရမှာဖြစ်ပါတယ်။ ဗြိတိသျှ လက်အောက်မှာ သူ တာဝန်ထမ်းဆောင်နေမဲ့ ဇာတ်လမ်းရဲ့အစမှာတော့ သူကိုယ်သူ စစ်သားတစ်ယောက်အဖြစ် ဂုဏ်ယူနေခဲ့ပါတယ်။ ဒီလိုနဲ့ ပတ္တရောင်လှည့်နေစဉ်အတွင်း မွတ်စလင်တွေလူမျိုးတွေဟာ သူတို့ ဘာသာဝင် မိန်းကလေးတစ်ယောက်ကို သတ်မလို့ လုပ်နေတုန်း အရှေးဟာ အထက်အရာရှိရဲ့ အမိန့်ကို ဆန့်ကျင်ပြီး သွားကယ်ခဲ့ပါတယ်။ ဒီအမိန့်မနာခံမှုကြောင့် အရှေးဟာ နယ်ပြောင်းရွှေ့ခံခဲ့ရပါတယ်။ အင်္ဂလိပ်တွေရဲ့ အိန္ဒိယလူမျိုးအပေါ် ဆက်ဆံပုံကို အမှန်အတိုင်းမြင်ခဲ့ရပြီး ကျွန်ဘဝကို နားလည်လာရာမှာတော့....၊ ဆစ်ခ်ဘာသာဝင် အရှေးတို့ကို မွတ်စလင်တွေဟာ ပြန်တိုက်ဖို့ ကြိုးပမ်းလာခဲ့ရာမှာတော့..... File Size : (1.18GBand (454MB) Quality : WEB-DL 720p, Format…mp4 Duration…02:30:00 Genre :  Drama, Action,History Subtitle : Myanmar Subtitle (Hard Sub) Translated by Myint Thu & Nyi Koe

Akshay Kumar ရဲ့ 2019မှာ ထွက်လာခဲ့တဲ့ ဟာသကားတစ်ကားဆိုတာတော့ မိတ်ဆက်စရာ လိုမယ်မထင်ပါ။ ဇာတ်လမ်းအကျဉ်းကို ပြောပြရရင် အရှေးကူးမား(ဟယ်ရီ)ဟာ အမြဲ အိပ်မက်ဆိုးတွေနဲ့ တွေ့ကြုံနေရသူပေါ့။ အတိတ်ဘဝတစ်ခု လို့ ပြောလို့ရမယ့် နန်းတွင်း ရာဇဝင် ဇာတ်လမ်းတစ်ခုကို အမြဲလိုလို မြင်ယောင်နေတယ်။ လတ်တလောမှာလည်း ငွေကြေး အရမ်းလိုနေတော့ ညီအစ်ကို ၃ယောက်ဟာ လန်ဒန်ရဲ့ လူကုံထံကြီးရဲ့ သမီး၃ယောက်ကို ကြံနေကြသူတွေ။ အဲ့ဒီမိန်းကလေး၃ယောက်ကို လက်ထပ်နိုင်ရင် သူတို့အတွက် ငွေကြေးပြေလည်သွားမယ်ဆိုတာ သူတို့ ကြံဆထားပြီးသား။ ဒီလိုနဲ့ သူတို့ ၃တွဲ အပျော်ခရီး တစ်ခု ထွက်ရာမှာ သူရဲ့ အိပ်မက်တွေဟာ.... အတိတ်ဘဝတစ်ခုရဲ့ ပုံရိပ်တွေဆိုတာ အခါအားလျှော်စွာ သိလိုက်ရချိန်မှာတော့.....။ ဒီဇာတ်ကားထဲမှာ ရှေ့ခေတ် နောက်ခေတ်တွေ သရော်တာမျိုးတွေ၊ ဘာဟူဘာလီ သီချင်းတွေကို အပျော်အပျက်လုပ်ပြီး ထည့်တာမျိုးတွေ၊ ခုခေတ် အကမင်းသားကို ရှေးခေတ်က အကနတ်ဘုရားအဖြစ် ထည့်ထားတာမျိုး၊ ဘူဟူဘာလီတူအဖြစ် ဘာဟူဘာလီဇာတ်ကားထဲ သရုပ်ဆောင်ခဲ့သူကို မင်းက ဘာဟူဘာလီ တူလား ဆိုပြီး မေးတာမျိုး၊ (ပြဇာတ်ဆန်ဆန် ဟာသနှောတာမျိုးတွေ) ပါဝင်နေပါတယ်။ ဘာသာပြန်နှင့် အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်။ File Size : (1.20 GB ) and (600 MB) Quality : WEB-DL 720p Running Time : 2hr 25min Format : Mp4 Genre : Action, Comedy, Fantasy Subtitle : Myanmar Subtitle (Hard Sub) Source : 1080p.HotStar.WEB-DL.AAC.x264-Telly Translated by Nyi Nyi Koe And Myint Thu Encoded by Thanhtike Zaw

Mission Mangal(2019) မိုဘိုင်းဖုန်းဆိုတာ ဘာမှန်းမသိသေးတဲ့အချိန်တစ်ခုကို ကျွန်တော်တို့ ပြန်သွားကြည့်ရအောင်.. . အဲ့လိုအချိန်တစ်ခုရဲ့ စကားဝိုင်းတစ်ခုမှာ "နောင်ကျရင် လူတွေက ရန်ကုန်နဲ့ မန်းလေး ဆက်သွယ်စကားပြောဖို့ကို ငါးလက်မလောက်ပဲရှိတဲ့ ပစ္စည်းလေးရှိရုံနဲ့ စကားပြောလို့ရတော့မှာ" လို့ ကျွန်တော် ပြောလိုက်ရင် ခင်ဗျားတို့အကုန်လုံး ဝိုင်းလှောင် ဝိုင်းဟားကြမှာပါ "သိပ္ပံအောင်မြင်မှုဆိုတာ တစ်ချိန်တုန်းကတော့ ဟာသတစ်ပုဒ်လိုပါပဲ" တဲ့ ISRO ဆိုတဲ့ အိန္ဒိယအာကာသ သုတေသနအဖွဲ့က သိပ္ပံပညာရှင် ရာကိရှ်ဒါဝမ်မှ သူ့ကို ဝေဖန်လာတဲ့သူကို ပြန်ချေပလိုက်တဲ့စကားပါ... ဒါဆို သူက ဘယ်လိုဟာသတွေ ပြောလိုက်တာပါလိမ့် မားစ်ဂြိုဟ်ကိုလေ့လာဖို့ ဂြိုဟ်တုလွှတ်တင်မယ်လို့ ပြောလိုက်တာပါ.. . အဲ့ဒီအချိန်တုန်းက မားစ်ကိုသွားဖို့ ကြိုးစားရာမှာ ကမ္ဘာ့ထိပ်သီးနိုင်ငံတွေဖြစ်တဲ့ ရုရှားနဲ့ အမေရိကန်လည်း ပါဝင်ပါတယ်.. .သူတို့တွေ အောင်မြင်ခဲ့လားဆိုတော့ မအောင်မြင်ခဲ့ပါဘူး...ရုရှားဟာ ရှစ်ကြိမ်တိုင်တိုင် ကျရှုံးခဲ့ပြီး အမေရိကန်ဟာလည်း လေးကြိမ်တိုင်အောင် ကျရှုံးထားတာပါ.. . ဒါကို အိန္ဒိယသိပ္ပံပညာရှင် ရာကိက ဘာပြောလဲဆိုတော့ "ပထမဆုံးအကြိမ်မှာကို အောင်မြင်အောင် လုပ်ပြမယ်" တဲ့ ဒီလိုစကားပြောရအောင်သူ့မှာ ဘယ်လိုယုံကြည်ချက်တွေ ဘယ်လိုအရည်အချင်းတွေရှိလို့များပါလိမ့်... သူဘယ်လိုတွေဆက်လုပ်ပြမလဲဆိုတာကိုတော့ ဖြစ်ရပ်မှန် အိန္ဒိယသိပ္ပံကားလေးမှာပဲ ကြည့်ကြည့်လိုက်ကြပါ... ဇာတ်ကားကောင်းမို့ လက်မလွှတ်စေချင်ပါကြောင်း.... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်..... File Size : (1.01GB) and (380 MB) Quality :WEB-DL 720p, Format…mp4 Duration…02:10:00 Genre :  Drama, History Subtitle : Myanmar Subtitle (Hard Sub) Translated by Paing Encoded by Phyo Pyae

Gold (သို့မဟုတ် ) အိပ်မက်အဟောင်းအအို အား တူးဖော်ခြင်း ~~~~~~~~~~~~~~~~~~~~~~~~~~~~ ကျွန်တော် မှတ်မိပါသေးတယ်။ ကျွန်တော့်အိပ်မက်ကို စတင်ဖြစ်စေခဲ့တဲ့1936 ခုနှစ်တုန်းကပေါ့ ။ " ဘာလင်မြေပေါ်မှာ ဂျာမဏီကိုအနိုင်ယူပြီးသကာလ အိုလံပစ်ရွှေတံဆိပ်တွေနဲ့ ကျွန်တော်တို့ အိန္ဒိယဟော်ကီအသင်းသားတွေ။ ဒီအချိန်မှာ ယူနီယံဂျက်အလံကြီးကဖျတ်ဖျတ်လွင့်ရင်း မလွတ်လပ်သေးတဲ့အိန္ဒိယနိုင်ငံကို လှောင်ရယ်နေခဲ့တယ်။ ဒီအခြေအနေဟာ ဗြိတိသျှအိန္ဒိယလို့ခေါ်ဝေါ်ခံရတဲ့ ကျွန်တော်တို့အတွက်တော့ ကြီးမြတ်တဲ့ အောင်မြင်မှုအပြည့်အ၀ မဟုတ်ခဲ့ရပါဘူး " ဒီမှာတင် ဂျူနီယာမန်နေဂျာ ဖြစ်တဲ့ ကျွန်တော် Tupan Das နဲ့ ဟောကီအသင်းသားတွေဟာအိပ်မက်တစ်ခု ကို အတူတကွ မက်ခဲ့ကြတယ်။ ဒါဟာ လွတ်လပ်တဲ့ အိန္ဒိယနိုင်ငံအဖြစ်နဲ့ အိုလံပစ်ရွှေတံဆိပ်ကို ပြန်ယူပြမယ်။ ပြီးရင် ြင်မ်သက်အနေအထားနဲ့ ဇာတိမာန် သီချင်းကို ဆိုကြမယ်။ ရင်ဘတ်ထဲက သုံးရောင်ခြယ် နိုင်ငံတော်အလံကို လွှင့်ထူမယ်။ ဒါပေမယ့်ဗျာ။ ကမ္ဘာ့စစ်တွေကြောင့် အိုလံပစ် ကို နှစ်ကြိမ်တိုင်တိုင် ဖျက်သိမ်းလိုက်ကြတယ်။ ဒီတော့ ကျွန်တော်ဟာ စိတ်လေရတယ်။ ကျွန်တော် အရက်တွေချည်း ဖိသောက်တယ်။ မိန်းမရဲ့လက်ဝတ်လက်စား တွေပါမကျန် ခိုးရောင်းပြီး အရက်သောက်ပစ်တယ်။ ဒါက ကျွန်တော်ဆိုးသွမ်းခဲ့တဲ့ အမှန်တရားတွေ ။ တစ်ဖက်မှာလည်း အမှန်တရားရှိပါတယ်။ ဒါကတော့ ကျွန်တော်ဟာ ဟောကီကို မြတ်နိုးပြီး နိုင်ငံကို ချစ်တတ်တယ် ဆိုတာပါပဲ။ တစ်နေ့မှာတော့ သတင်းစာဖြတ်ပိုင်းလေးတစ်ခုက ကျွန်တော့်ရင်ကို လှုပ်နှိုးလိုက်ပါတော့တယ်။ "1948 ခုနှစ် အိုလံပစ်ပြိုင်ပွဲအား လန်ဒန်၌ ကျင်းပမည် " ဟာ …… ကျွန်တော် ပြန်ရပ်တည်ရတော့မယ်။ ကျွန်တော် ကြိုးစားရတော့မယ်။ ဒီတော့ ကျွန်တော် ဟာ ဟောကီအဖွဲ့အစည်း အကြီးအကဲ ဆီ သွားတယ်။ အိန္ဒိယ အသင်းကို ကျွန်တော်ဦးစီးပါရစေ ဆိုပြီး တောင်းခံတယ်။ သူကလည်း အခွင့်အရေး ပေးလိုက်ပါတယ်။ ကျွန်တော့်အတွက် ပျော်စရာကောင်းတဲ့ အနေအထားတွေပဲဗျာ။ အဲ့ဒီနောက် ဟော်ကီကစားသမား ဟောင်းတွေကို ပြန်စုတယ်။ မျိုးဆက်သစ်တွေကိုလည်း လက်တွဲခေါ်ပြီးရွေးချယ်ခဲ့တယ်။ တစ်ယောက်ချင်းရဲ့ အလေးသာမှု တွေကို ကြည့်ပြီး လေ့ကျင့်ခဲ့တယ်။ ဒါ့ကြောင့်လန်ဒန်မြေက ရွှေကို အမိမြေဆီသယ်လာဖို့ ကျွန်တော်တို့ စိတ်ပြင်းပြနေခဲ့ကြတယ်။ ဒါပေမဲ့ လောက ဟာ အချိုးအကွေ့တွေသိပ်များတယ်။ ပြုံးခါနီးမှ ငိုရမယ့် မျက်လုံးတွေ ကို ပြန်ငှားရတယ်။ သိပ်ကို အထာကျတဲ့ ဒုက္ခပြက်လုံးတွေပေါ့ဗျာ။ အဲ့ဒီအချိန်မှာ ကျွန်တော်တို့နိုင်ငံကို အိန္ဒိယနဲ့ ပါကစ္စတန်ဆိုပြီး ခွဲကွာစေလိုက်ကြတဲ့အခါမှာတော့ ကျွန်တော်တို့လည်း ……………? ကဲ ………ဘယ်လိုဖြစ်သွားကြမှာလိမ့် ။ ဇာတ်ကား သို့ချဉ်းကပ်ခြင်း •••••••••••••••••••••••••••••••••••• ကျွန်တော်အနေနဲ့ ဒီဇာတ်ကားကို ချဉ်းကပ်ကြည့်ရရင် အင်မတန်မှ ရည်ရွယ်ချက် ကောင်းမွန်လှတဲ့ ဇာတ်အိမ်ဟုသာ ဆိုလိုက်ချင်ပါတယ်။ လွတ်လပ်ရေးမရမီ နိုင်ငံသားတစ်ယောက်ရဲ့ ခံယူချက်တွေ / အချုပ်အနှောင်ကင်းတဲ့ သုံးရောင်ခြယ်အလံတလူလူနဲ့ အမျိုးသားရေးစိတ်ကို အနုပညာနဲ့ဖော်ကျူးသွားခဲ့ပါတယ်။ အားကစားဖက်ကို ရိုက်ကူးပြရာတွင်လည်း ဟန်ပြ ထက် သေချာလေ့ကျင့်စေပြီးမှ အသက်ဝင်စေခဲ့ပါတယ်။ ဟောကီ စစ်သည်တော်ကြီး Sandeep Sigh ကို ခေါ်ယူ သင်ကြားပေးစေပြီးမှ ပီပြင်စေခဲ့တာပါ။ Sandeep Sigh ဆိုတာကလည်း Soorma ဇာတ်ကားထဲက ဟောကီဂန္တဝင်။ အောက်ပိုင်းသေပြီးမှ ဟောကီကွင်းထဲ ပြန်ရောက်ခဲ့တဲ့ စစ်သည်တော်။ ဒါ့ကြောင့် ဒီဇာတ်ကားဟာ အားကစား အရည်အသွေးမနိမ့်ပါဘူး။ ဟော်ကီကစားသမား ချင်းကြားက စည်းလုံးမှုတည်ဆောက်ပုံတွေကလည်း အားကျဖို့ကောင်းလှပါတယ်။ ဒါ့ပြင် ဒီဇာတ်ကားရဲ့ နောက်တစ်ကွက်က #မတ်ခ်တွန်း ပြောခဲ့တဲ့ စကားလေးအတိုင်းပါပဲ ။ ( သေနတ် ဇာတ်ဝင်ခန်းကို အရှေ့မှာပြသခဲ့ရင် နောက်ဇာတ်ဝင်ခန်းတွေမှာ ပစ်ကို ပစ်ပြရပါမယ် ) -မတ်ခ်တွန်း ဒီ Gold ဇာတ်ကားမှာတော့ မထင်မှတ်ထားတဲ့ ဇာတ်ဝင်ခန်းက ဇာတ်သိမ်းခန်းအထိ အရေးသိပ်ကြီးခဲ့ပါတယ်။ သိပ်ကို ထောင့်စေ့မှုရှိတဲ့ ဇာတ်ညွှန်းတစ်ခုပါပဲ။ အချုပ်ဆိုရရင် ဒီဇာတ်ကားဟာ ဖြစ်ရပ်မှန် အဖြစ်အပျက်များကို အခြေပြုရင်း စိတ်ကူးစိတ်သန်းစုံလင်စွာ ပေါင်းစည်းမှုတစ်ခု ဖြစ်ခဲ့တယ်။ ဖြစ်ရပ်မှန် အပြည့်အ၀ မဟုတ်သော်ငြားလည်း ၁၂ နှစ်ကြာမှရရှိခဲ့တဲ့ ရွှေတံဆိပ် ဟာ အခုထိ အရောင်တလက်လက် ဖြစ်နေခဲ့ပါတော့တယ်။ ဒါဟာ အိပ်မက်အဟောင်းအအို လေးမှဖြစ်တည်လာသော စည်းလုံးခြင်းမှသည် လုံးဝလွတ်လပ်သော အိန္ဒိယနိုင်ငံသားတိုင်းရဲ့ တူညီသော အိပ်မက်တစ်ခု ရှင်သန်ပေါက်ဖွားခဲ့ခြင်းသာ ဖြစ်ပါလိမ့်မယ် ဟု ထင်မြင်ရင်း ………။ #linnkhayan ရုပ်ရှင်အညွှန်းကို Linnkhäyañ မှတင်ဆက်ပေးထားပါတယ်။ (ဘာသာပြန်သူတွေကတော့ CM Team မှ ကိုဟိန်းမင်းထွန်းနဲ့ကိုမျိုးသန့်ပါ) File Size : (1.10 GB) and (550 MB) Quality : AMZN WEB-DL 720p Running Time : 2hr 31min Format : Mkv Genre : Drama , History , Sport Subtitle : Myanmar Subtitle (Hard Sub) Source : 1080p AMZN WEB-DL H264 DDP5.1 - NbT Translated by Hein Min & Myo Thant Encoded by Thanhtike Zaw

ဘောလီဝုဒ်ရဲ့ နာမည်ကြီးမင်းသား ရန်ဗီးဆင့်ရဲ့ ၂၀၁၉ ထွက် နာမည်ကျော် ရုံတင်ဇာတ်ကားကြီးအကြည်ထွက်လာလို့ အမြန်ဆုံးနင်ဆက်ပေးလိုက်ပါတယ် ဒါရိုက်တာကလည်း တခြားသူမဟုတ်ဘဲ အက်ရှင်အသားပေး ဒါရိုက်တာကြီး ရိုဟစ် ရှက်တီဖြစ်တဲ့အတွက်အက်ရှင်အလန်းစားတွေ မျှော်လင့်နေသူတိုင်းအတွက် အကြိုက်တွေ့မှာ အမှန်ပါပဲ နောက်ခံသီချင်းအလန်းစားတွေနဲ့ ကြမ်းမှကြိုက်သူတွေကတော့ လုံးဝကို လက်လွတ်မခံပါနဲ့ ဆင်(မ်)ဘား နာမည်အပြည့်အစုံကတော့ ဆန်ဂရမ် ဘာလေရောင်သူ့မှာ ရည်ရွယ်ချက်တစ်ခုပဲရှိတယ် သူကောင်းစားရေး "ဒါ ၂၁ ရာစုပဲ၊ ဒီမှာ လူတိုင်းဟာ ရည်ရွယ်ချက်တစ်ခုအတွက်နဲ့ပဲရှင်သန်နေကြတာ အဲ့ဒါက ကိုယ့်ကောင်းစားရေးအတွက်ပဲ" ငယ်စဉ်ကတည်းက ခါးပိုက်နှိုက်လုပ် မရိုးမသားငွေရှာတဲ့ ဆင်(မ်)ဘားတစ်ယောက် တနေ့ ရဲအဖမ်းခံရပါလေရာ၊ သူ သြဇာရှိလွန်းတယ်ထင်တားတဲ့သူခိုးခေါင်းဆောင်က ရဲအရှေ့ရောက်တော့ ခွေးရှေ့က ကြောင်လေးလိုဖြစ်သွားပြီး ပိုက်ဆံတွေပေးလိုက်ရတာ မြင်လိုက်ရတယ် အဲ့ဒိအချိန်မှာ သူသိလိုက်ရတာ လောကမှာ သြဇာအာဏာအရှိဆုံးကယူနီဖေါင်း၊ ယူနီဖေါင်းဝတ်ထားတဲ့သူကို လူဆိုး လူမိုက်မှန်သမျှ ကြောက်ရတယ် သူ့အတွက် ပိုက်ဆံရှာဖို့ အလွယ်ဆုံးနဲ့ အာဏာရှိဖို့က ရဲလုပ်မှဖြစ်မယ်ဆိုတဲ့ အတွေးနဲ့ ရဲတစ်ယောက်ဖြစ်အောင်လုပ်ပြီးအကျင့်ပျက်ချစား၊ လာဘ်ယူတဲ့နေရာမှာ နာမည်ကျော်တဲ့ ရဲတစ်ယောက်ဖြစ်လာခဲ့ပါတယ် ဒါပေမဲ့ မီရာမာ(ရ်) ရဲစခန်းကို ပြောင်းရွေ့မိန့်ကျတဲ့အခါမှာတော့ သူ့ဘဝအတွက် ကြီးမားတဲ့အပြောင်းလဲကြီး တစ်ခုဖြစ်လာပါတော့တယ် ခံစားချက်မဲ့ လောဘသားလို့ထင်ထားတဲ့ ဆင်(မ်)ဘားဟာအဲ့ဒိမြို့မှာ ညီမလေးတစ်ယောက်လို သံယောဇဉ်ရှိတဲ့ မိန်းကလေးတစ်ယောက်ရှိပါတယ် အဲ့ဒိညီမလေးကို သူလာဘ်ယူနေတဲ့ လူဆိုးလူမိုက်တွေ ဒုက္ခပေးလာတဲ့အခါ ဂိုအာမြို့ရဲ့ ထိပ်တန်း ရာဇဝတ်ကောင် ဒူရ်ဝါး ရာနာဒေးနဲ့ ထိပ်တိုက်တွေ့ကြလေသော အခါ (Littleneo နဲ့  Zaw Htoo ဘာသာပြန်တင်ဆက်ပေးထားပါတယ်) File size… 2.55 GB / 1.35 GB Quality…WEB DL 1080p HEVC / 720p Format…mkv/mp4 Duration….2h 38m Subtitle….Myanmar Subtitle (Hard Sub) Encoder….YK Translated by Littleneo ~  Zaw Htoo

၂၀၁၈ ခုနှစ်မှာ ထွက်ထားတဲ့ ဟင်ဒီစတားနဲ့တမီးလ်စတားတို့ အားပြိုင်ထားတဲ့ ၂၀၁၈ရဲ့ ဝင်ငွေအကောင်းဆုံး ဇာတ်ကားတစ်ကားပါ။ ဒီဇာတ်ကားဟာ ၂၀၁၀မှာ ထွက်ခဲ့တဲ့ Enthiranရဲ့ အဆက်ဆိုလည်း မမှားပါဘူး။ ပထမဇာတ်ကားထဲမှာတော့ ချက်တီးစက်ရုပ်ကိုမသမာသူတွေရဲ့ လက်ချက်ကြောင့် သိမ်းဆည်းခံခဲ့ရတာ အားလုံးသိမယ်ထင်တယ်။ ဇာတ်လမ်းအကျဉ်းကို ချပြရမယ်ဆိုရင်လူတိုင်းလည်းသိပြီးထားလောက်ပါပြီ။ မြို့ထဲမှာ ထူးခြားဖြစ်စဉ်တစ်ခု ဖြစ်ပျက်ပုံကို စတင်တွေ့မြင်ရမှာပါ။ ရှိရှိသမျှ မိုဘိုင်းဖုန်းတွေဟာ ဘာရယ်ကြောင့်မှန်းမသိaလထဲ လွင့်ထွက်ပျံသန်းသွားခဲ့ပါတယ်။ ဒါတင်မကသေးပါဘူး။ တခြားမိုဘိုင်းဖုန်းအရောင်းကိုယ်စားလှယ်တွေနဲ့ဆက်သွယ်ရေးဝန်ကြီးတွေပါ အသတ်ခံရပါသေးတယ်။ ဖုန်းတွေ ဘယ်ရောက်သွားကြတာလဲ။ ဘယ်သူ့လက်ချက်လဲ ဆိုတာ အားလုံး ပဟေဠိဖြစ်နေကြချိန်မှာ ဒါကို အဖြေရှာဖို့ ဒေါက်တာဗာစီကရန်ဟာ ကြိုးစားခဲ့ပါတယ်။ ဒီလိုနဲ့ စစ်တပ်ကတောင် မနိုင်တဲ့ ထိုအရာကြီးကိုချေမှုန်းဖို့... ချက်တီးစက်ရုပ်ကို ပြန်လည်အသက်သွင်းဖို့ အကြောင်းဖန်လာပါပြီ။ ကဲ ချက်တီးနဲ့အတူ မိုက်ခရိုဘော့လေးတွေလည်းပါဝင်ခံစားလိုက်ပါဦးဗျာ။ (အညွန်းနဲ့ ဘာသာပြန်ကတော့ Myint Thu နဲ့ Nyi Nyi Koe တို့ ညီအစ်ကိုပါ) File Size : (2.20 GB) , (1.10 GB)  Quality : AMZN WEB-DL (1080p 5.1,720p) Running Time : 2hr 28min Format : Mp4 Genre : Action, Sci-Fi, Thriller Subtitle : Myanmar Subtitle (Hard Sub) Source : 1080p.MULTI.AMZN.WEB-DL.DDP.5.1.H.264-SiGMA Translated by Nyi Koe & Myint Thu Encode by Thanhtike Zaw

" ကျွန်တော်တို့ အိန္ဒိယဟာ ပြသနာပေါင်းသောင်းခြောက်ထောင်နဲ့ နိုင်ငံပါ ကျွန်တော်ရှာတွေ့ခဲ့တဲ့ပြသနာက အမျိုးသမီးတွေဓမ္မတာလာတဲ့ ၅ရက်တာ ပြသနာပါ ဓမ္မတာလာပြီဆိုရင် အမျိုးသမီးတွေဟာ ဘာအလုပ်မှလုပ်ခွင့်မရှိဘဲ အိမ်အပြင်ထွက်ထိုင်နေရပါတယ် သန့်ရှင်းရေးအတွက်ကျလည်း အဝတ်စုတ်တွေသုံးနေကြတယ် ဒီကိစ္စကို ကျွန်တော့်မိန်းမလည်းလုပ်နေတာမြင်တော့ တခုခုလုပ်ဖို့ကြံမိပါတယ်။ အမျိုးသမီးတယောက်ကို ပဒ်အသုံးပြုခိုင်းခြင်းဟာ သူ့အတွက် အချိန် ၂လထပ်အပိုပေးလိုက်သလိုပါပဲ ရှင်းပြပါမယ် ၁လကို ၅ရက်၊ ၁၂လဆို ရက် ၆၀၊ တနှစ်မှာ ၂လပါ။ အမျိုးသားတွေကျတော့ တနှစ်မှာ ၁၂လရပြီး အမျိုးသမီးတွေမှ ဘာကြောင့် ၁၀လပဲ ရ,ရမှာလဲ နာရီဝက်လောက်ပဲ အမျိုးသားတစ်ယောက်က အမျိုးသမီးတွေလိုသွေးထွက်ကြည့်လိုက်၊ တန်းသေပြီပဲ " ဒီမိန့်ခွန်းကို အင်္ဂလိပ်ဝေါဟာရမကြွယ်မဝနဲ့ အမေရိကန်ပြည်ထောင်စု၊ နယူးယောက်မြို့မှာဟောပြောခဲ့သူကတော့ ပဒ်မန်းလို့ အမည်တွင်ခဲ့တဲ့ လက်(ရှ်)မီးကန့် ချော်ဟန့်ပဲဖြစ်ပါတယ်။ သူ့ဘဝဇာတ်ကြောင်းကို ပုံဖေါ်ထားပြီး အိမ်ထောင်ကျပြီးချိန်မှသိပ်ချစ်လွန်းတဲ့ဇနီးဖြစ်သူရဲ့ ဒီဒုက္ခကိုဖြေရှင်းပေးဖို့ကြိုးစားရင်းအရူး၊ တဏှာရူး၊ လူညစ်ပတ် စသဖြင့်ပေါင်းစုံဝေဖန်အပြစ်တင်မှုတွေခံခဲ့ရပြီးနောက်ဆုံး သိပ်ချစ်ရတဲ့ဇနီးနဲ့ပါ ကွဲရတဲ့အထိဖြစ်ခဲ့ရပါတယ် ဒါလည်း သူ့ယုံကြည်ရာကို ဇွဲမလျော့ဘဲ ကြိုးစားမှုကြောင့်လက်(ရှ်)မီးဟာ ပဒ်မန်းဖြစ်လာခဲ့ပါတယ်။ သူဘဝမှာဘယ်လိုတွေ ခက်ခဲကြိုးပမ်းခဲ့ရလဲဘယ်သူတွေက အပြစ်တင်ကြပြီးဘယ်သူတွေက ကူညီပေးခဲ့လဲဆိုတာ သူ့ဘဝဇာတ်ကားကြီးမှာ ခံစားမှုပေါင်းစုံနဲ့ စီးမျောလိုက်ကြပါဦးဗျာ (#ဒီကားက အကြည်ထွက်တာကြာပြီဆိုပေမယ့် စာဖိုင်အမှန်မထွက်သေးလို့ မတင်ပေးနိုင်တာပါ အခုလည်း နားထောင်ပြီး ဘာသာပြန်ထားတာဖြစ်လို့လိုအပ်ချက်တွေရှိရင် သည်းခံပေးကြပါကုန်) (ဇာတ်လမ်းအညွန်းနဲ့ဘာသာပြန်သူကတော့ ကိုဇော်ထူးပါ) File Size : (950 MB) and (400 MB) Quality : WEB-DL 720p Running Time : 2hr 20min Format : Mp4 Genre : Biography, Comedy, Drama Subtitle : Myanmar Subtitle (Hard Sub) Source : 1080p.WEB-DL.H264.AAC2.0 DTOne Translated by Zaw Htoo Encoded by Thanhtike Zaw