Amy Adams ပါဝင်သော ဇာတ်ကားများ

Cape Fear (2026) Season 01 ( စ/ဆုံး ) ဒီရက်ပိုင်းမှာ သည်းထိတ်ရင်ဖို ဇာတ်လမ်းကောင်းကောင်းလေး ရှာနေတယ်ဆိုရင်တော့ Apple TV+ ကနေ ၂၀၂၆ ခုနှစ် ဇွန်လ ၅ ရက်နေ့ကမှ လတ်တလော အသစ်ထွက်လာတဲ့ Cape Fear (Season 1) စီးရီးကိုသာ ကြည့်လိုက်ပါ။ ဒီစီးရီးက ၁၉၆၂ နဲ့ ၁၉၉၁ ခုနှစ်တုန်းက နာမည်ကြီးခဲ့တဲ့ ရုပ်ရှင်ကို အခုခေတ်နဲ့အညီ TV Series အနေနဲ့ ပြန်လည်အသက်သွင်းထားတာပါ။ ပါဝင်တဲ့ သရုပ်ဆောင်တွေကလည်း အကြမ်းစားတွေချည်းပဲနော်။ အော်စကာဆုရှင်တွေဖြစ်တဲ့ မင်းသားကြီး Javier Bardem နဲ့ မင်းသမီး Amy Adams တို့အပြင် Patrick Wilson တို့က အဓိက ခေါင်းဆောင်ပါဝင်ထားပါတယ်။ ဇာတ်လမ်းအကျဉ်း ဇာတ်လမ်းက Anna နဲ့ Tom Bowden ဆိုတဲ့ ရှေ့နေ လင်မယားနှစ်ယောက်အကြောင်းပါ။ သူတို့ မိသားစုလေး အေးအေးချမ်းချမ်း နေထိုင်နေကြရင်းကနေ တစ်နေ့ကျတော့ Max Cady ဆိုတဲ့ လူသတ်သမားကြီး ထောင်ကလွတ်လာရာကနေ ပြဿနာတွေ စပါတော့တယ်။ ဒီ Max Cady ဆိုတာက အရင်တုန်းက Anna နဲ့ Tom တို့ကိုယ်တိုင် ထောင်ချဖို့ ကူညီပေးခဲ့ဖူးတဲ့သူ ဖြစ်နေတာကိုး။ ထောင်ကထွက်လာတဲ့အခါမှာတော့ Max တစ်ယောက် သူ့ကို ထောင်ထဲရောက်အောင် လုပ်ခဲ့တဲ့ ရှေ့နေလင်မယားကို ကလဲ့စားချေဖို့ ရောက်လာပြီး မိသားစုကို အမျိုးမျိုး ဒုက္ခပေး ခြောက်လှန့်တော့တာပါပဲ။ Max Cady နေရာကနေ သရုပ်ဆောင်ထားတဲ့ Javier ရဲ့ အိုက်တင်က တကယ်ကို ကြက်သီးထစရာကောင်းပါတယ်။ အရင်တုန်းက Robert De Niro သရုပ်ဆောင်ခဲ့တဲ့နေရာကို အခု Javier က သူ့စတိုင်နဲ့သူ တည်တည်ငြိမ်ငြိမ်နဲ့ ကြောက်စရာကောင်းတဲ့ သားကောင်ရှာနေသူတစ်ယောက်လို သရုပ်ဆောင်သွားတာ တွေ့ရမှာပါ။ အရင်ရုပ်ရှင်တုန်းကနဲ့ မတူတာက ဒီစီးရီးမှာ အခုခေတ်နည်းပညာတွေဖြစ်တဲ့ AI ဖန်တီးမှုတွေ၊ Social Media ပြဿနာတွေ၊ True Crime Podcast လိုမျိုးတွေပါ ထည့်သွင်းထားတာမို့ ပိုပြီး လက်တွေ့ကျကျ ရင်ဖိုစရာ ကောင်းလာပါတယ်။ ဒီစီးရီးကို နာမည်ကြီး ဒါရိုက်တာတွေဖြစ်တဲ့ Steven Spielberg နဲ့ Martin Scorsese တို့က Executive Producer အနေနဲ့ ပါဝင်အားဖြည့်ထားတာမို့ အရည်အသွေးပိုင်းကတော့ ပြောစရာမလိုအောင် စိတ်ချရပါတယ်။ ဒီစီးရီးက စုစုပေါင်း အပိုင်း (၁၀) ပိုင်း ပါဝင်မှာဖြစ်ပြီး Apple TV+ မှာ ဇွန်လ ၅ ရက်နေ့ကစလို့ ပထမဆုံး အပိုင်း (၂) ပိုင်းကို စတင်ကြည့်ရှုနိုင်နေပါပြီ။ ကျန်တဲ့အပိုင်းတွေကိုတော့ ဇူလိုင်လကုန်အထိ အပတ်စဉ် သောကြာနေ့တိုင်း တစ်ပိုင်းစီ ဆက်လက်ထွက်ရှိသွားမှာပါ။ အပိုင်း (၁၀) ပိုင်းဆိုတော့ နည်းနည်းတော့ ရှည်တယ်လို့ ခံစားရနိုင်ပေမယ့်၊ ဇာတ်လမ်းရဲ့ အရှိန်တင်သွားတာတွေ၊ မျှော်လင့်မထားတဲ့ အကွေ့အကောက်တွေနဲ့ စိတ်လှုပ်ရှားစရာ ကောင်းတာမို့ Psychological Horror Thriller ကြိုက်တဲ့သူတွေ လက်မလွတ်သင့်တဲ့ စီးရီးတစ်ခုလို့ ပြောပါရစေ။ File size… (3 GB) / (1.2 GB) / (500 MB) Quality…. WEB-DL 4K HEVC / 1080p HEVC / 720p Format…. mkv/mp4 Episodes... 10 Genre…. Crime, Drama, Thriller Duration…. 55min Subtitle…. Myanmar Subtitle (Hardsub)

E.B. White's Charlotte's Web (2025) S1 +++++++++++++++++++ အပိုင်း ( ၁ မှ ၃ ) အထိ စ / ဆုံး ၂၀၂၅ ခုနှစ်၊ အောက်တိုဘာလတုန်းက HBO Max မှာ ပြသခဲ့တဲ့ အသစ်စက်စက် ကာတွန်းဗားရှင်း "Charlotte's Web" (2025) က အရင်ကလို ရုပ်ရှင်အရှည်ကြီး မဟုတ်ဘဲ ၃ ပိုင်းခွဲပြီး ရိုက်ကူးထားတဲ့ မီနီစီးရီး (Miniseries) ပုံစံမျိုး ဖြစ်သွားတာပါ။ ဒီစီးရီးလေးမှာ အပိုင်း ၃ ပိုင်း ပါဝင်ပြီး တစ်ပိုင်းကို ၄၅ မိနစ်စီ ကြာမြင့်ပါတယ်။ စာရေးဆရာ E.B. White ရဲ့ ၁၉၅၂ ခုနှစ်ထွက် ဂန္ထဝင်ကလေးပုံပြင်စာအုပ်ကို မူရင်းအတိုင်း အသေးစိတ် အသက်သွင်းပုံဖော်ထားတာပါ။ အော်စကာဆုရ ရုပ်ရှင်ဖန်တီးရှင် Luke Matheny က ကိုယ်တိုင်ဦးစီးပြီး ဇာတ်ညွှန်းရေးသားထားတာဖြစ်ပြီး၊ ကလေးအကြိုက် Sesame Street ကို ထုတ်လုပ်တဲ့ Sesame Workshop နဲ့ Guru Studio တို့ ပူးပေါင်းဖန်တီးထားတာ ဖြစ်ပါတယ်။ ခေတ်မီ 3D CGI ကာတွန်းစနစ်ကို အသုံးပြုထားတာမို့လို့ တိရစ္ဆာန်လေးတွေရဲ့ ပုံစံက ပိုအသက်ဝင်ကာ ချစ်စရာကောင်းနေပါတယ်။ ဒီဗားရှင်းသစ်မှာ နာမည်ကြီး ဟောလီဝုဒ်မင်းသား၊ မင်းသမီးတွေက အသံနဲ့ ပါဝင်အားဖြည့်ပေးထားကြတာမို့ အသံတွေကို နားထောင်ရုံနဲ့တင် တန်နေပါတယ်။ ဇာတ်လမ်းက Wilbur ဆိုတဲ့ ဝက်ကလေးကနေ စပါတယ်။ သူက မွေးကတည်းက အကောင်သေးလွန်းလို့ ပိုင်ရှင်က သတ်ပစ်ဖို့ လုပ်တဲ့အချိန်မှာ Fern ဆိုတဲ့ ကောင်မလေးက သနားပြီး မွေးစားလိုက်ပါတယ်။ အဲဒီလိုနဲ့ Wilbur လေးဟာ Fern ရဲ့ ဂရုစိုက်မှုအောက်မှာ ချစ်စရာကောင်းတဲ့ ဝက်ကလေးအဖြစ် ကြီးပြင်းလာပါတယ်။ Wilbur နည်းနည်းကြီးလာတော့ ဦးလေးဖြစ်သူရဲ့ ခြံကို ရောက်သွားပါတယ်။ အဲဒီခြံထဲမှာ တခြားတိရစ္ဆာန်တွေနဲ့အတူ နေရရင်း ခြံရဲ့ ထုတ်တန်းမှာနေတဲ့ Charlotte ဆိုတဲ့ ပင့်ကူမကြီးနဲ့ သူငယ်ချင်း ဖြစ်သွားပါတယ်။ ဝက်ဆိုတဲ့ အမျိုးက ဆောင်းရာသီရောက်ရင် အသားပေါ်ခံရမှာကို သိသွားတဲ့ Wilbur တစ်ယောက် အရမ်းကြောက်နေချိန်မှာ၊ ပင့်ကူမကြီး Charlotte က သူ့ကို မသေစေရဘူးဆိုပြီး ကတိပေးလိုက်ပါတယ်။ Wilbur ကို ကယ်ဖို့အတွက် Charlotte ဟာ သူ့ပင့်ကူအိမ်မှာ "Some Pig" (ထူးခြားတဲ့ ဝက်ကလေး)၊ "Terrific" (အံ့မခန်းပဲ) စတဲ့ စာသားလေးတွေကို ညဘက်မှာ ခက်ခက်ခဲခဲ ရက်လုပ်ပါတော့တယ်။ မနက်မိုးလင်းလို့ လူတွေတွေ့တဲ့အခါ Wilbur ဟာ သာမန်ဝက်မဟုတ်ဘူးဆိုပြီး ယုံကြည်သွားကြကာ သတ်မယ့်အစီအစဉ်ကို ဖျက်သိမ်းလိုက်ကြပါတယ်။ ဒီဇာတ်လမ်းက မူရင်းစာအုပ်အတိုင်းပဲ ဇာတ်ကောင်လေးတွေရဲ့ ကိုယ်ချင်းစာတရား၊ နှိမ့်ချမှု၊ ဇွဲလုံ့လရှိမှုနဲ့ သူငယ်ချင်းချင်းအပေါ် သစ္စာရှိပုံတွေကို အလေးပေး ပုံဖော်ထားပါတယ်။ ခေတ်မီ 3D ကာတွန်းရုပ်ထွက်နဲ့ ချစ်စရာကောင်းတဲ့ တိရစ္ဆာန်လေးတွေရဲ့ သရုပ်ဆောင်မှုတွေကြောင့် ကလေးငယ်လေးတွေအပါအဝင် မိသားစုလိုက် ပေါ့ပေါ့ပါးပါးနဲ့ စိတ်ချမ်းသာကိုယ်ချမ်းသာ ကြည့်ရှုဖို့ အကောင်းဆုံးအဆင့်သတ်မှတ်ချက်ရရှိထားတဲ့ မီနီစီးရီးကောင်းလေး တစ်ခုဖြစ်ပါတယ် .... Size – 660MB / 370MB Quality –WEB-DL 1080p HEVC / 720p Episodes -  3 Eps Duration -  46m Subtitle – Myanmar Hardsub Format – mkv /mp4 Genre :  Adventure , Animation , Comedy , Family , Fantasy

Nightbitch (2024) IMDb Rating (5.7) / Rotten Tomatoes (59%) Man of Steel (2013)မှာ လူးဝစ်လိန်းအဖြစ်တမျိုး Enchanted(2007)မှာ ဂျစ်ဆဲလ်အဖြစ်တဖုံ သရုပ်ဆောင်ခဲ့တဲ့ မင်းသမီး Amy Adamsရဲ့ ဇာတ်ကားသစ်ကို တင်ဆက်ပေးလိုက်ပါတယ်။ black comedyလည်းဖြစ် horrorလည်းဟုတ်တဲ့ ဒီရုပ်ရှင်မှာတော့ မင်းသမီး Amy Adamsက စိတ်ပျက်လက်ပျက်ဖြစ်နေတဲ့ သက်လတ်ပိုင်း ကလေးအမေတစ်ယောက်အဖြစ် သရုပ်ဆောင်ထားပါတယ်။ နှစ်နှစ်အရွယ်သားလေးကို အိမ်မှာပဲနေပြီး အချိန်ပြည့်ပြုစုပေးဖို့ ပန်းချီဆရာမအလုပ်ကိုယ်စွန့်လွှတ်လိုက်ဖို့ ကိုယ့်စိတ်နဲ့ကိုယ် ဆုံးဖြတ်ခဲ့တဲ့ မိခင်တစ်ယောက်။ ခင်ပွန်းဖြစ်သူနဲ့တိုင်ပင်ကြည့်တဲ့အခါ ပြုံးပြီး မင်းသဘောပြောခဲ့တော့ အိမ်မှာပဲနေဖို့ ဆုံးဖြတ်လိုက်တယ်။ ဒါပေမဲ့ အိမ်မှာပဲနေရင်း သားဖြစ်သူနဲ့လင်ဖြစ်သူကို စောင့်ရှောက်ရင်းနဲ့ ပင်ပန်းဆင်းရဲမှုတွေ နောင်တတွေ မခံချင်စိတ်တွေ ကြုံတွေ့ခံစားလာရတဲ့အခါမှာတော့ ထင်ယောင်မှားမှုတွေလား၊ အစစ်အမှန်လား မသဲကွဲတော့ဘဲ ရှင်သန်ရာပတ်ဝန်းကျင်မှာ ကမောက်ကမတွေဖြစ်လာခဲ့ပါတော့တယ်။ မိခင်ဘ၀ကို ရှုထောင့်တစ်ခုကနေ သေချာလေးတင်ဆက်ထားပြီး သင်ခန်းစာယူနိုင်စရာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Pyae Phyo ဖြစ်ပါတယ်။) File size…(3.9 GB) / (1.3 GB) / (760 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Comedy, Horror Duration….01:40:01 Subtitle….Myanmar Subtitle (Hardsub) Encoder….Benjamin Translated by Pyae Phyo

Disenchanted က ၂၀၀၇ ခုနှစ် Enchanted ရဲ့အဆက်ဖြစ်ပြီး သီချင်းတွေပါဝင်တဲ့ ဒစ္စနေးရဲ့ မှော်စိတ်ကူးယဉ်ဇာတ်ကားပါ။ အန်ဒလေးရှားတိုင်းပြည်ကနေ နယူးယောက်ကို ရောက်လာခဲ့တဲ့ ဂျစ်ဆဲလ်ဟာ ရောဘတ်နဲ့ မော်ဂန်တို့သားအဖနဲ့ တွေ့ဆုံခဲ့ပါတယ်။ ဒီတစ်ခါမှာတော့ ရောဘတ်နဲ့ ဂျစ်ဆဲလ်တို့မှာ ဆိုဖီယာဆိုတဲ့ သမီးလေးတစ်ယောက် ရလာပြီး မိသားစုလိုက် နယူးယောက်ကနေ မွန်ရိုဗီးဆိုတဲ့ ကျေးလက်မြို့လေးကို ပြောင်းလာကြတယ်။ နေရာသစ်မှာ အခက်အခဲတွေ ကြုံရသလို မော်ဂန်နဲ့လည်း အဆင်မပြေဖြစ်လာတော့ ဂျစ်ဆဲလ်က ပုံပြင်ထဲကလို ဘဝမျိုးကို လိုချင်လာပါတယ်။ ပုံပြင်ကမ္ဘာမှာ ကြီးပြင်းခဲ့ပြီး အမြဲပျော်ပျော်ရွှင်ရွှင် နေချင်တဲ့သူမဟာ လက်ဆောင်ရထားတဲ့ ဆုတောင်းနှင်တံကို သုံးပြီး ဆုတောင်းလိုက်မိတယ်။ ဒါပေမယ့် ပုံပြင်ကမ္ဘာမှာ ပျော်စရာတွေအပြင် ဗီလိန်တွေလည်း ရှိတာကြောင့် သူမရဲ့ဆုတောင်းနဲ့အတူ အန္တရာယ်ကြီးတွေပါ ရင်ဆိုင်လာရပါတယ်။

Dear Evan Hansen (2021) "ဘယ်သူမှ အနားမှာ မရှိဘူးလို့ ခံစားနေရပါသလား ..... ဘယ်မှာရှိမှန်းမသိဘဲ အမေ့ခံဘဝလို့ ခံစားရဖူးပါသလား ..... ပျောက်ကွယ်သွားရင် ကောင်းမယ်လို့ ခံစားခဲ့ရဖူးပါသလား ..... ငါသာ လဲကျသွားရင် ဘယ်သူမှ ကြားမှာ သိမှာ မဟုတ်ဘူး ဆိုတာမျိုးပေါ့" အဲဒီလို ခံစားနေရပြီ ဆိုရင် ဒီ Musical Drama လေးကို ကြည့်လိုက်ပါ။ ကိုယ်က တစ်ယောက်ထဲ မဟုတ်ဘူးဆိုတဲ့ ခံစားချက် ကို ရလာမှာပါ။ အထီးကျန်တယ်ဆိုတဲ့ ခံစားချက်ကို ဟိုးဝေးဝေးထိ လွင့်ဖျောက်နိုင်မှာပါ။ ဇာတ်လမ်းအစကတော့ ချစ်သော အယ်ဗန် ဟန်ဆန် ..... ဆိုပြီး ဒီလိုမျိုး စထားပါတယ်။ Movie တွေထဲမှာ ရှားရှားပါးပါး Musical Genre ပဲ ဖြစ်ပါတယ်။ အယ်ဗန် ဟန်ဆန် ဆိုတာကတော့ ..... လူမှုရေးအားနည်းသူ တစ်ယောက် ဖြစ်ပြီး လူတွေနဲ့ စကားပြောရမှာကို ကြောက်တဲ့လူတစ်ယောက် ဖြစ်ပါတယ်။ ဒီတော့ စိတ်ရောဂါကုဆရာဝန် နဲ့ ပြသပြီးတော့ သူ့ကိုယ်သူ စာပြန်ရေးတဲ့ အိမ်စာကို လုပ်ရပါတယ်။ အစမှာ ရေးထားခဲ့သလို "ချစ်သော အယ်ဗန် ဟန်ဆန် ...." ဆိုပြီး အစချီပြီးတော့ပေါ့။ ကျောင်းပိတ်ရက်မှာလည်း သစ်သီးခြံကို သွားတုန်း လက်ကျိုးပြီး ကျောက်ပတ်တီး စည်းထားခဲ့ရပါတယ်။ ကျောင်းမှာဆိုလည်း တစ်ယောက်ထဲပဲ နေတဲ့ အယ်ဗန် သူငယ်ချင်းဆိုလို့ ရှားရှားပါးပါး တစ်ယောက်ထဲပဲရှိတဲ့ အယ်ဗန် တစ်နေ့မှာတော့ ကျောင်းက လူဆိုးလေး ကော်နာ နဲ့ ဆုံပါတော့တယ်။ ကော်နာက သူ့ရဲ့ကျောက်ပတ်တီးမှာ "ကော်နာ" ဆိုပြီး လက်မှတ်ထိုပေးခဲ့ပါတယ်။ "ချစ်သော အယ်ဗန် ဟန်ဆန်" ဆိုတဲ့ စာကိုလည်း ယူသွားခဲ့ပါတယ်။ မထင်မှတ်ထားတာတွေ ဖြစ်လာတာကတော့ "ကော်နာ" တစ်ယောက် ကိုယ့်ကိုယ်ကို သတ်သေသွားခဲ့တာပါပဲ။ ကော်နာရဲ့မိဘတွေက အဲဒီစာနဲ့ အယ်ဗန့်ဆီကို ရောက်လာပြီးတော့ အယ်ဗန့်လက်က ကျောက်ပတ်တီးပေါ်က နာမည်ကိုပါ တွေ့သွားတဲ့အချိန်မှာတော့ ...... Musical Drama ဖြစ်တဲ့အတွက် အဓိပ္ပါယ်ရှိတဲ့ သီချင်းတွေအများကြီးကို တစ်ကားထဲမှာ နားထောင်ရမှာပါ။ တေးရေးတွေကတော့ နာမည်ကြီးရုပ်ရှင်တွေဖြစ်တဲ့ "La La Land" နဲ့ "The Greatest Showman" ရဲ့ တေးရေးဆရာတွေပဲ ဖြစ်ပါတယ်။ သီချင်းတိုင်းက ရသအဖုံဖုံကို ပေးပေမယ့် ကျွန်တော် အကြိုက်ဆုံးသီချင်းတစ်ပုဒ်တော့ ရှိပါတယ်။ "You will be found" (မင်းကို ရှာတွေ့ပါလိမ့်မယ်) ဆိုတဲ့ သီချင်းပါ။ ကိုယ့်ကိုယ်ကို တစ်ယောက်တည်းလို့ မထင်ပါနဲ့။ လူတွေနဲ့ စကားပြောကြည့်ပါ။ လူတွေနဲ့ ရင်းရင်းနှီးနှီးနေကြည့်ပါ။ တစ်နေ့နေ့မှာ ကိုယ့်ကို ချစ်တဲ့ခင်တဲ့လူတွေက ကိုယ့်ကို တွေ့လာမှာပါ။ ဘယ်သူမှ တစ်ယောက်ထဲ မဟုတ်ပါဘူး။ ဒီဇာတ်ကားကတော့ ၂၀၁၅ တုန်းက Broadway Project တစ်ခုကို Adaptation လုပ်ထားတာပဲ ဖြစ်ပါတယ်။ Pitch Perfect ဇာတ်ကားတွေမှာ ပါဝင်ခဲ့ဖူးတဲ့ အဆိုတော် Ben Platt က ခေါင်းဆောင်ပြီးတော့ ပါဝင်ထားတာပဲ ဖြစ်ပါတယ်။ မင်းသမီးကြီး Julian Moore ကလည်း မိခင်တစ်ယောက်အနေနဲ့ အားဖြည့်ပါဝင်ထားပါတယ်။ စိတ်ဒဏ်ရာတွေ ပြေပျောက်စေမယ့် ရုပ်ရှင်ကားကောင်း တစ်ကားပဲ ဖြစ်ပါတယ်။ အညွှန်းကိုတော့ "ဝါခေါင်" က ရေးပေးထားပြီးတော့ ဘာသာပြန်တွေကတော့ F&R Gurls ပဲ ဖြစ်ပါတယ်။ Quality…. Bluray 1080p HEVC, WEB-SCREENER 720p and 480p File size… 1.6GB, 1.7GB and 491MB Format…mp4 Duration….2h 17min Subtitle….Myanmar Subtitle (Hardsub) Translator ..... Shwe pyae, Thwal Yadi, Jerrica, MTA Encoder ..... August

အေမီ အဒမ် နဲ့ ဂယ်ရီအိုးမန်းတို့ ပါဝင်ထားတဲ့ crime drama mystery လေး ကြည့်လိုက်ရောင်။ Best Seller ဝတ္ထုတစ်အုပ်ကို ပြန်ရိုက်ကူးထားတာပါပဲ ဒီကားက လှည့်ကွက်တွေပါတော့ အများကြီးတော့ ပြောမပြေတော့ပါဘူး။ အန်နာဟာ ယောကျာ်းရယ် သမီးရယ်နဲ့ ကွဲပြီး တစ်ယောက်ထဲ နေနေတဲ့ အမျိုးသမီးတစ်ယောက်ပါ။ အမြဲအထီးကျန်နေပြီး ပတ်ဝန်းကျင်အိမ်တွေကိုပဲ ပြတင်းပေါက်ကနေ ငေးနေတတ်တဲ့သူမျိုးပေါ့ စိတ်ကျရောဂါကြောင့် ဆရာဝန်ပြနေရသလို ဆေးတွေလည်းသောက်နေရပါတယ်။ တစ်နေ့မှာတော့ သူ့အိမ်ရဲ့ လမ်းဟိုဘက်က အိမ်မှာ လူသတ်မှုဖြစ်သွားတာကို တွေ့ပြီး ရဲတွေကို ဖုန်းဆက်ခေါ်လိုက်ရပါတယ်။ ဒါပေမယ့် ဘာတွေဆက်ဖြစ်လာလဲဆိုတာ.... File size…(၁.၅ GB) and (1GB) Quality….WEB-DL 1080p and 720p Format…mp4 Duration….01:40:00 Subtitle….Myanmar Subtitle (Hardsub) Encoder….Mr.Anderson Translated by Mr.Anderson

Superman သေဆုံးသွားပြီးနောက် Mother Box သုံးခု နိုးထလာချိန်ကနေ ဇာတ်လမ်းစထားပါတယ်။ Steppenwolf က အဲဒီ Mother Box တွေကို လိုက်စုနေပြီး သူတို့ရဲ့အစွမ်း ဘယ်လောက်ကြီးမားတယ်ဆိုတာ Wonder Woman က သိထားတယ်။ ဒါကြောင့် Bruce Wayne ကို အကြောင်းစုံပြောပြပြီး ရှေ့မှာကြုံလာမယ့်အန္တရာယ်ကို တားဆီးဖို့ လူစုခိုင်းလိုက်ပါတယ်။ Bruce Wayne လည်း Justice League အဖွဲ့ ဖြစ်လာမယ့်သူတွေကို စတင်စုစည်းပါတော့တယ်။ ဒီဇာတ်ကားက ၂၀၁၇ ခုနှစ်ထွက် Justice League နောက်မှာ ပရိသတ်တွေ တောင်းဆိုခဲ့ကြတဲ့ Zack Snyder ရဲ့ဗားရှင်းဖြစ်ပြီး လေးနှစ်အကြာမှာ ထွက်လာခဲ့တာပါ။ လေးနာရီကြာတဲ့ ဇာတ်ကားထဲမှာ ဇာတ်ကောင်တချို့ရဲ့ နောက်ခံအကြောင်းကိုလည်း အသေးစိတ် ထည့်ပြထားပါတယ်။ ပုံရိပ်အချိုးကတော့ Zack Snyder ရဲ့မူလပုံစံအတိုင်း ဒေါင်လိုက်ပိုရှည်တဲ့ အချိုးနဲ့ တင်ဆက်ထားတယ်။

IMDb...7.0 "လူတစ်ယောက်က သူဘယ်လိုဘ၀မျိုးမှာ  မွေးဖွားလာသလဲဆိုတာကို ပြောင်းလဲလို့မရပေမဲ့ ….. ဘယ်လိုဘ၀မျိုးနဲ့ ဆက်လက်ရှင်သန်မလဲဆိုတာကိုတော့ ရွေးချယ်ခွင့်ရှိတယ်" လို့ J.D ကို သူ့ရဲ့အဘွားက ငယ်ငယ်လေးထဲက ဆုံးမလေ့ရှိပါတယ်.... ဒီဇာတ်ကားထဲမှာ J.D ရဲ့ အဘိုးအဘွားတွေက ခေတ်ပညာတွေတတ်ဖို့ဝေးစွ...ယဉ်ကျေးတဲ့ လူ့အသိုင်းအဝိုင်းလို့တောင် ကင်ပွန်းတပ်လို့မရတဲ့ တောင်ပေါ်ကျေးလက်ဒေသကနေ....မြို့ငယ်လေးကို ပြောင်းရွှေ့နေထိုင်ခဲ့ကြတဲ့သူတွေ ဖြစ်ပါတယ်.... မိမိကိုယ်တိုင်က စရိုက်ကြမ်းလွန်းတဲ့ အဖေဖြစ်သူနဲ့ နေခဲ့ရတဲ့အတွက်... J.D ရဲ့အမေဖြစ်သူ ဘက်ဗ် ဟာ  J.D တို့မောင်နှမအပေါ်မှာ ပြုစုပျိုးထောင်ပုံတွေ စနစ်မကျခဲ့ပါဘူး... ငယ်ရွယ်ချောမောတဲ့ တစ်ခုလပ်အမျိုးသမီး တစ်ယောက်ဖြစ်တဲ့ ဘက်ဗ် ဟာ...သူ့သားသမီးတွေရဲ့ လိုအပ်ချက်တွေကို ဖြည့်ဆည်းပေးနိုင်ဖို့ဆိုတဲ့ အကြောင်းပြချက်နဲ့...ယောက်ျားတွေနဲ့ ထည်လဲတွဲပါတယ်....  တစ်ဖက်မှာတော့ J.D အနေနဲ့ သူ့အမေရဲ့ ဒေါသကြီးတဲ့စရိုက်တွေ....ယောက်ျားတွေနဲ့ ရှုပ်တာတွေကို စိတ်ပျက်လာပြီး ဆယ်ကျော်သက်တို့ ထုံးစံအတိုင်း....အပေါင်းအသင်းတွေမှားပြီး ပျက်စီးဖို့လမ်းစပြုလာတဲ့အခါ.....အဘွားဖြစ်သူဟာ သူ့မြေးကို လမ်းမှန်ရောက်အောင် တည့်မတ်ပေးဖို့ ကြိုးစားပါတော့တယ်.... ဒီဇာတ်ကားဟာ အပြင်မှာအမှန်တကယ်ရှိခဲ့တဲ့ မိသားစုတစ်စုရဲ့ အိမ်တွင်းရေးပဋိပက္ခတွေအကြောင်းကို ဒါရိုက်တာ Ron Howard က ပြန်လည်ရိုက်ကူး ထားတာပဲဖြစ်ပါတယ်.... အခြေခံလူတန်းစားဘ၀မှာ မွေးဖွားလာတဲ့ သာမန်ကောင်လေးတစ်ယောက်ကို...ကမ္ဘာမှာ နာမည်ကျော်တဲ့ ရေးလ်တက္ကသိုလ်က  ဥပဒေကျောင်းသားတစ်ယောက် ဖြစ်တဲ့အထိ အနစ်နာခံ မြေတောင်မြှောက်ပေးခဲ့ပုံတွေကို ဇာတ်လမ်းဇာတ်ကွက် ခိုင်ခိုင်မာမာနဲ့ ဖန်တီးတင်ဆက်ထားတဲ့အတွက် ဇာတ်ကားကောင်း တစ်ကားပဲ ဖြစ်ပါတယ်ခင်ဗျာ... ဇာတ်လမ်းအညွှန်းနဲ့ ဘာသာပြန်သူကတော့ Thar Htet ပဲ ဖြစ်ပါတယ်… File Size :(2.06 GB) and (1.07GB) Quality :Web-DL 1080P, 720p Format…mp4 Duration…01:56:00 Genre :Drama Subtitle : Myanmar Subtitle (Hard Sub) Translated by Thar Htet Encoded by Phyo Pyae

IMDb....7.2,,,,Rotten....66% ((Blu-Ray 10805.1ch နဲ့ 720pတို့ဖြင့်ပြန်လည် Updateပေးထားပါသည်..)) ဒီဇာတ်ကားက  Makeup and Hairstyling အတွက်အော်စကာဆုရခဲ့သလို   ထရန်စဖော်မာ မင်းသားကြီးလို့တင်စားရတဲ့ Christian Bale နဲ့ မင်းသမီးAmy Adams တို့ အော်စကာဆန်ကာတင်စာရင်း ဝင်ခဲ့တာ အတော်များများလည်း သိကြမယ်ထင်ပါတယ်... ၂၁ ရာစုအစပိုင်းကာလ အမေရိကန်သမိုင်းကို တစေ့တစောင်း သိစေနိုင်မယ့် ဒုသမ္မတတစ်ဦးရဲ့ အကြောင်းကိုပြန်လည်ရိုက်ကူးထားတဲ့ ရုပ်ရှင်ဇာတ်ကားကြီးပဲဖြစ်ပါတယ်.... D ick Cheney ဟာ ငယ်ဘဝက ဘယ်လောက်တောင်ဆိုးခဲ့လဲဆိုတော့ မူးရူးသောာင်းကျန်းလွန်းလို့ တက္ကသိုလ်ကတောင်ကျောင်းထုတ်ခံရတဲ့အထိပါပဲ... သို့ပေမယ့် အဲ့ဒီဘဝကနေ  အမေရိကန်သမိုင်းမှာ အထင်ကရဖြစ်စေခဲ့တဲ့ ဒုသမ္မတတစ်ယောက်ဖြစ်လာအောင် သူကြိုးစားခဲ့တယ်.. သူဘယ်လိုတွေကြိုးစားခဲ့လဲ? ဒုသမ္မတဖြစ်လာချိန်မှာပဲ သူမတူတဲ့အရည်အချင်းတွေကြောင့် သမ္မတအပေါ် ဘယ်လိုလွှမ်းမိုးမှုတွေရှိနေသလဲဆိုတာပါ ခင်ဗျားတို့တွေ့ရလိမ့်မယ်... ဒါ့အပြင်  အမေရိကန်သမိုင်းကို   သူ့စိတ်တိုင်းကျ အမျိုးမျိုး ပုံဖော်ခဲ့သူ… ၂၀ ရာစုနှောင်းပိုင်းနဲ့ ၂၁ ရာစုအစပိုင်းမှာ ဖြစ်ပျက်ခဲ့တဲ့ အားလုံးမှတ်မိကြလောက်တဲ့ 9/11 ဖြစ်ရပ်အပေါ်မှာ ဒုသမ္မတရဲ့ တုံ့ပြန်လုပ်ဆောင်အကွက်ချမှုတွေ… ဒီဇာတ်ကားကိုကြည့်ရင်းနဲ့ အမေရိကန်သမိုင်းအပြင် ကမ္ဘာ့သမိုင်းကိုပါ တစေ့တစောင်းလေ့လာနိုင်မှာဖြစ်ပါတယ်… Dick Cheney အဖြစ် သရုပ်ဆောင်ထားတဲ့ Christian Bale ရဲ့ သူ့ရဲ့သရုပ်ဆောင်ပီပြင်မှုဟာလည်း ဘယ်လောက်တောင်ကောင်းလဲဆိုရင် ရွှေကမ္ဘာလုံးဆုကိုပါ ဆွတ်ခူးသွားနိုင်တဲ့အထိပါပဲ… အသက်ငယ်ရွယ်တဲ့နဂိုပုံစံကနေ အိုမင်းတဲ့အထိ အဆင့်ဆင့် သရုပ်ဆောင်နိုင်ဖို့ ကိုယ်အလေးချိန်တွေ တိုးအောင် တမင်လုပ်ခဲ့ရတယ်ဆိုတော့ သူ့အနေနဲ့ ဒီလို သမိုင်းဝင်ဇာတ်ကားကို ဘယ်လောက်ထိ အာရုံစိုက်ထားခဲ့လဲဆိုတာ သိနိုင်မှာပါ….. တကယ့်ပြင်ပလောကထဲက သူတို့မိသားစုဟာ အားကျစရာအပြည့်.. လိင်တူချစ်တတ်တဲ့ သမီးကိုလည်း လိင်တူလက်ထပ်ခွင့်ဥပဒေကို ဖန်တီးပေးခဲ့တဲ့ အဖေ... ဒီကားက Biography ဖြစ်တဲ့အပြင် နိုင်ငံရေးကားဖြစ်လို့ ပျင်းစရာကြီးလို့ထင်မသွားလိုက်နဲ့.... ငယ်ဘဝတစ်လှည့် ...ဒုသမ္မတလုပ်ခဲ့စဉ် အခက်အခဲမျိုးစုံတလှည့်ကိုရသမြောက်အောင်ပြသွားနိုင်လို့ film Editing အတွက် အော်စကာဆန်ကာတင်စာရင်းတောင်ဝင်ခဲ့ပါသေးတယ်...ခံစားကြည့်လိုက်ဦး... ဒေါင်းပြီးသိမ်းထားသင့်တဲ့ကားဖြစ်ကြောင်းပြောပါရစေ... ဇာတ်လမ်းအညွှန်းနဲ့ ဘာသာပြန်သူကတော့ Crystal Win ပဲဖြစ်ပါတယ်.... File Size : (4.8GB) and (816MB) Quality : BLU-RAY.1080P5.1Ch,720P Format…mp4 Duration…02:12:00 Genre : Biography, Comedy, Drama Subtitle : Myanmar Subtitle (Hard Sub) Translated by Crystal Win Encoded by Phyo Pyae

ဒါရိုက်တာ ဇက်ခ်စနိုင်ဒါရဲ့ လက်ရာဖြစ်ပြီး DC Comics စူပါဟီးရိုးတွေဖြစ်တဲ့ Batman, Superman, Wonder Woman, Flash, Aquaman နဲ့ Cyborg တို့ တစုတစည်း ပါဝင်ထားတာမို့ ပရိသတ်တွေ တပျော်ကြီး ရှုစား ရာမှာပါ စူပါမန်း သေဆုံးပြီးနောက် တစ်ကမ္ဘာလုံးပူဆွေးဝမ်းနည်းနေ ချိန်မှာ စူပါဗီလိန် Steppenwolf နဲ့  သူ့ရဲ့အပေါင်းအပါ Parade-mons တွေဟာ Mother Boxes တွေကို ရှာဖွေဖို့ ကမ္ဘာကိုပြန်လည်အခြေချခဲ့ပါတယ်။ Mother Box တွေရဲ့ သတင်းအစရဖို့ S.T.A.R Labs ရဲ့ ဝန်ထမ်းအတော်များများကို ဖမ်းဆီးခဲ့ကြတယ်။ အဲဒါနဲ့ ဘီလျံနာတစ် ယောက်ဖြစ်တဲ့ ဘရုစ်ဝိန်း (Bat-man) က လူစွမ်းကောင်းတွေစု စည်းပြီး Justice League ဆိုတဲ့ အဖွဲ့ဖွဲ့စည်းကာ Steppenwolf တို့ကို ပြန်လည်တိုက်ခိုက်နိုင်ဖို့ လုပ်ပါတော့တယ်။ Steppen-wolf တို့ကလည်း Mother Box ရဖို့ အသည်းအသန်ကြိုးပမ်းနေ ချိန်မှာ Batman ဦးဆောင်တဲ့ Justice League က စူပါဟီးရိုး တွေ ကမ္ဘာကို ဘယ်လိုကာကွယ်ကြမှာလဲဆိုတာ စိတ်ဝင်စားစရာပါ။ ဗီလိန်ဇာတ်ရုပ်၊ စူပါဟီးရိုး ဇာတ်ရုပ်တွေကိုပေါ်လွင်အောင် ချပြသလို Justice League ရဲ့ ဖြစ်တည်မှုကို အက်ရှင်ဇာတ်ကွက် အမိုက်စားတွေနဲ့အတူ ရှုစားရမှာ ပါ။ ဒီဇာတ်ကားနဲ့ ပတ်သက်လို့ နိုင်ငံတကာရော၊ ပြည်တွင်းရော အကောင်းအဆိုးဝေဖန်မှုတွေက အပြိုင်အဆိုင်ထွက်လာပေမယ့် အထူးပြုလုပ်ချက်တွေနဲ့ ဇာတ်လမ်းတင်ဆက်ပုံကြောင့် စူပါဟီးရိုးပရိသတ်တွေ အကြိုက်တွေ့မှာ သေချာပါတယ်။ အဓိကဇာတ်ဆောင်တွေက တော့ ဘရုစ်ဝိန်း (Batman) အဖြစ် ဘန်အက်ဖလက်၊ ကလပ်ကန့် (Superman) အဖြစ် ဟန်နရီကာ ဗီလ်၊ ဒိုင်ယာနာပရင့်စ် (Wonder Woman) အဖြစ် ဂဲလ်ဂါဒေါ့၊ ဘယ်ရီအယ်လန် (Flash) အဖြစ် အက်ဇ်ရာမစ်လာ၊ အာသာကာရီ (Aquaman) အဖြစ် ဂျေဆင်မိုမို ရာ၊ ဗစ်တာစတုန်း (Cyborg) အဖြစ် ရေးဖစ်ရှာတို့ ပါဝင်ထား ကြပါတယ်။ (ဇာတ်လမ်းအညွှန်းကို 7Daily Website မှ ကူးယူဖော်ပြပါသည်) (ဘာသာပြန်သူကတော့ Littleneo ဖြစ်ပါတယ်) File Size : (2.05 GB) , (1.10 GB) and (480 MB) Quality : Blu-Ray (1080p 5.1,720p,360p) Running Time : 2hr 00min Format : Mkv and Mp4 Genre : Action, Adventure, Fantasy Subtitle : Myanmar Subtitle (Hard Sub) Source : 1080p.BluRay.x264-SPARKS Translated by Littleneo Encode by Thanhtike Zaw

Nocturnal Animals (2016) IMDb Rating (7.6) / Rotten Tomatoes (74%) မင်းသား Jake Gyllenhaal နဲ့ Aaron Taylor-Johnson , ရုပ်ချင်းခပ်ဆင်ဆင် မင်းသမီးနှစ်ယောက်ဖြစ်တဲ့ Amy Adams နဲ့ Isla Fisher စတဲ့သရုပ်ဆောင်တွေနဲ့ Psychological Thrillers အမျိုးအစား ရင်ဘတ်ထဲက ၃ ၄ ရက်ခန့် ထုတ်မရဆိုတဲ့ ရုပ်ရှင်ကားကြီးပါ။ ဇာတ်လမ်းက အစမှာ ရွံစရာကောင်းတဲ့ စိတ်မသက်မသာအခန်းတွေနဲ့စလာပါမယ်...ပြီးရင်တော့ ထိုင်ရာမထဆွဲခေါ်သွားမယ့် ဇာတ်လမ်းဇာတ်ကွက်တွေနဲ့ အဆုံးမှာတော့ ရင်ဘတ်ထဲက ထုတ်မရ အတွေးတွေများသွား။ အနုပညာ ပြခန်းတခန်းကနေ ဆူစန် (သူဌေး) စထွက်လာတာကနေစတယ် သူမ အိမ်ကို ရောက်သွားတယ် သူမ မအိပ်ဖြစ်တာ အတော်ကြာနေတဲ့ ပုံပါပဲ... ထူးထူးခြားခြားသူမဆီကို ပါဆယ်တစ်ခု ရောက်နေလို့ တိပ်တွေကို လျင်လျင်မြန်မြန် ဆွဲဖွင့်တဲ့အခါ စက္ကူသားကြောင့် လက်ရှသွားပြီး ဝန်ထမ်းတစ်ယောက်ကိုဖွင့်ခိုင်းပြီး စာကို ဖတ်ခိုင်းတဲ့အခါ သူမ ယောင်္ကျားဟောင်း အက်ဝဒ် မှ ဆူစန် ဖတ်ဖို့ ဝတ္တုစာမူကြမ်းကို ပေးပို့ပေးလိုက်တာပါ... အလုပ်ပိတ်တဲ့ ဒီတစ်ပတ်မှာ သူမ လက်ရှိ ယောင်္ကျားနဲ့ အပန်းဖြေ ခရီးထွက်ချင်နေပေမယ့် ခြေလှမ်းတွေ ပျက်နေတဲ့ ယောင်္ကျားဖြစ်သူဟာ ဆူစန်အနားမှာ ရှိမနေခဲ့ပါဘူး... ၁၉ နှစ်ကျော် ကြာအထိ သူမ နဲ့ အဆက်အသွယ် မလုပ်ခဲ့တဲ့ ခင်ပွန်းဟောင်းဖြစ်သူ အက်ဝဒ်ရဲ့ဝတ္တုစာအုပ်မူကြမ်းကို စိတ်လိုလက်ရဖတ်ဖို့မရှိပေမယ့် တစ်ယောက်ထဲ ဖြစ်နေတဲ့ အချိန်မှာတော့ သူမဟာ စာအုပ်ကို ကိုင်ဆွဲပြီး အိပ်ရာထက်ဝင်ခဲ့ပါတော့တယ်... (စာအုပ်ထဲက ဇတ်လမ်း) ဟေးစတင်းဟာ သူ့ မိန်းမ လော်ရာ နှင့် သမီးဖြစ်သူ အင်ဒိယတို့ကိုခေါပြီး တက္ကဆက်ပြည်နယ်မြောက်ပိုင်းဘက်သို့ မိသားစု ၃ ယောက်ထဲ ကားမောင်းပြီး ထွက်လာပါတယ်... တက္ကဆက် မြောက်ပိုင်း အဝေးပြေး လမ်းမဟာ လူပြတ်ပြီး ဖုန်းလိုင်းမမိတဲ့ နေရာလဲ ဖြစ်ပါတယ်.... ဒီလိုနဲ့ ကားမောင်းလာနေရင်း ဟေးစတင်းတို့ ကားကို အမူးသမား တစ်ချို့မှ ဘေးတိုက် ဆွဲချပြီးပြသနာရှာခဲ့ပါတယ်... ဟေးစတင်းက တားဆီးနေတဲ့ကြားက သူ့မိန်းမ နဲ့ သမီး ကို အမူးသမားတွေမှ ကားပေါ်ချုပ်တင်ပြီး ခေါ်သွားခဲ့ပါတယ် သူ့ကိုလဲ ကားတစ်စီးဖြင့် ခေါ်သွားရာမှ လမ်းမှာ ထွက်ပြေးလွတ်မြောက်ခဲ့ပါတယ်... ဒါပေမယ့် မိန်းမ နဲ့ သမီးအပေါ် ပူပင်နေတဲ့ သူ့စိတ်က ရေမြေအဆုံး လိုက်ရှာဖို့ပဲ အားသန်နေခဲ့ပါတော့တယ်.... (စာအုပ်အချ) ဆူစန် စိတ်တွေ ဂယောင်ချောက်ခြားဖြစ်သွားခဲ့တယ် စာအုပ်ထဲက ဟေးစတင်း နေရာမှာ သူရောက်သွားသလိုပဲ သူမ နှလုံးသားသည်လဲ ဟေးစတင်း နှင့် ထပ်တူ နာကျင်ခံစားလိုက်ရတယ်.... စာအုပ်ကို ဆက်လဲ ဖတ်ချင်တယ် ဟေးစတင်း ဘာဆက်ဖြစ်မလဲ သိချင်နေပေမယ့် ဖြစ်လာမယ့် အရာကိုလဲ သူမ ကြိုတွေးနေမိခဲ့တယ်... ဒီလိုနဲ့ စာအုပ်ကို ဆက်ဖတ်ဖြစ်ခဲ့ပါတယ်... စာအုပ်နာမည်ကတော့ " Nocturnal Animals " ဒီစာအုပ်ကို ဖတ်နေတဲ့ ဆူစန်ရဲ့ ဇာတ်လမ်း တစ်ခု ရယ် စာအုပ်ထဲက ဇာတ်ကောင် ဟေးစတင်းရဲ့ မိန်းမပျောက် သမီးပျောက် ရှာပုံတော် ဇာတ်လမ်း ၂ ခု ဟာ သင့်ကို ထိုင်ရာက မထစတမ်း ဆွဲဆောင်သွားမယ့် ရုပ်ရှင်ကားကောင်းတစ်ခုဆိုတာညွှန်းဆိုလိုက်ပါရစေ... (ရုပ်ရှင်အညွှန်းကို Thit San Khant မှ ရေးသားပြီး ဘာသာပြန်ကို Htet Wai Lwin မှ တင်ဆက်ထားပါတယ်။) File size…(2.1 GB )/(870 MB) Quality….BluRay 1080p HEVC / 720p Format…mkv/mp4 Duration….01:57:07 Subtitle….Myanmar Subtitle (Hardsub) Encoder….Ka Naung Trasnlated by Htet Wai Lwin

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Batman vs Superman: Dawn of Justice (2016) Ultimate Edition-Extended Cut Version IMDb Rating (6.5) / Rotten Tomatoes (29%) ကျွန်တော်တို့အားလုံး စောင့်စားနေတဲ့ BvS Ultimate Cut အကြည်ထွက်လာခဲ့ပါပြီ။ ဒီအကြည်မှာ မိနစ် ၃၀ စာခန့် အခန်းတွေ ပြန်ပါလာပြီ။ ဒီဇာတ်ကားကို ရုံတင်တုန်းက ကျေနပ်မှုမရခဲ့တဲ့ ပရိသတ်တွေ ရှိခဲ့သလို လူမှုကွန်ယက်တွေမှာ ဒါရိုက်တာ Zack Snyder ကို အပြစ်တင်တဲ့ စာတွေ အများအပြားထွက်လာခဲ့ဖူးပါတယ်။ ဒါပေမယ့် ခု ထွက်လာတာကို ကြည့်ပြီးနောက်မှာ အင်တာနာစာမျက်နှာ မှာ ဒါရိုက်တာကြီးကို ပြန်လည်တောင်းပန်မှုတွေ အများအပြား ပေါ်ပေါက်လာခဲ့ပါတယ်။ ကျွန်တော်အမြင်မှာလဲ တကယ်ကို အဲဒါ မှန်ကန်တယ်ထင်တာပါပဲ။ ဇာတ်လမ်းဟာ အများကြီးပိုချိတ်ဆက်မိပြီး လေးနက်သွားပါပြီ။ ကြည့်ပြီးသားဖြစ်စေ မကြည့်ဘဲစောင့်နေသည် ဖြစ်စေ ကြည့်ဖို့ သိပ်တန်တဲ့ ကားတစ်ကား ဖြစ်လာတာပါပဲ။ ဇာတ်လမ်းအကျဉ်းကတော့.... သူသာ စိတ်ထဲမှာ လုပ်ချင်ရင် ကမ္ဘာဂြိုလ်တစ်ခုလုံးကို ရှင်းပစ်နိုင်တဲ့ ဂြိုလ်သားကို အန္တရာယ်ကောင်လို့ မြင်နေတဲ့ လင်းနို့လူသား.... ဥပဒေရဲ့အထက်မှာ တရားစီးရင်နေတဲ့လင်းနို့ကို မရှိသင့်ဘူးထင်တဲ့ သံမဏိလူသားတို့ ရဲ့ ရပ်တည်ချက်ထိပ်တိုက် တင်းမာနေချိန်မှာ.... စူပါမန်းသွားလေရာမှာ သံသယဖြစ်စရာ လူသေမှုတွေ ဆက်တိုက်ပေါ်နေလို့ သဲလွန်စလိုက်ရှာနေတဲ့ သတင်းထောက်မလေး လူးဝစ်လိန်း။ - စွမ်းအားအကြီးဆုံးလူမှန်ရင် လူကောင်းမဖြစ်နိုင်ဘူး -လူကောင်းစစ်စစ်ဆိုရင်စွမ်းအားမပြည့်စုံတော့ဘူး ဆိုတော့ အတွေးနဲ့ ငယ်စဉ်ကတည်းက ဖန်ဆင်းရှင်အပေါ် နာကျည်းတဲ့ စိတ်ဒဏ်ရာကို God နဲ့ ဆင်တူလာတဲ့ စူပါမန်း အပေါ်မှာ ပုံချလိုက်တဲ့ လက်စ်လူသာတို့ရဲ့ စိတ်ဝင်စားစရာဇာတ်လမ်းနဲ့..... နောက်နှစ်မှာ လာမယ့် Justice League ရဲ့ ကြိုတင် set up လှလှလေးကို ခံစားရမှာပါ။ File size…(16 GB)/(4 GB) / (1.9 GB) Quality….BluRay Extended Cut 4K HEVC/1080p HEVC / 720p Format…mkv/mp4 Duration….03:02:33 Subtitle….Myanmar Subtitle (Hardsub) Encoder….Ka Naung Translated by Kaung Myat Thu

Arrival (2016) IMDb Rating (7.9) / Rotten Tomatoes (94%) Mystery/Science fiction Arrival ဆိုတာ လေဆိပ်မှာဆိုရင်တော့ ဆိုက်ရောက်ပေါ့ဗျာ.. ဒီဇာတ်ကားထဲမှာလဲ တစ်စုံတစ်ဦးက တစ်နေရာရာကို ဆိုက်ရောက်လာတာနဲ့ပတ်သက်ပြီး ဖြစ်ပေါ်လာတဲ့အကျိုးဆက်တွေကိုမြင်တွေ့ရမှာပါ။ အမှန်ပြောရရင် ကျွန်တော်ဒီကားကို Trailer လည်းမကြည့်ဖြစ်တော့ ဇာတ်ကားမကြည့်ခင်အထိ အာကာသနဲ့ ပတ်သက်တဲ့ ဇာတ်ကားလို့ပဲထင်ခဲ့ဖူးတယ်။ တကယ်တမ်းမှာ ကမ္ဘာမြေကို ရောက်ရှိလာတဲ့ ဧည့်သည်တွေနဲ့ ပတ်သက်တဲ့ ဇာတ်ကားဖြစ်နေတာပါ။.. ဇာတ်ကားအမျိုးအစားကို Mystery/Science fiction လို့ ဖော်ပြကြပေမယ့် ကျွန်တော်ကတော့ Drama ဇာတ်ကားကောင်းတစ်ကားကို ကြည့်ခွင့်ရလိုက်တယ်လို့ပဲ ခံစားရပါတယ်။ Director Denis Villeneuve က ရိုက်ကူးပြီး မင်းသမီး Amy Adams နဲ့ မင်းသား Jeremy Renner တို့က အဓိကပါဝင်သရုပ်ဆောင်ထားပါတယ်။ ဇာတ်လမ်းအကြောင်းပြောရမယ်ဆိုရင်တော့…. Dr. Louise Banks ရဲ့ ဘဝဇာတ်ကြောင်းနဲ့ အစပြုထားပါတယ်။ သူမက ကလေးငယ်တစ်ဦးရဲ့ မိခင်တစ်ယောက်ဖြစ်ပြီး သမီးလေးကို တစ်ဦးတည်း ထိန်းကြောင်းနေတဲ့ ပုံရိပ်တွေကိုမြင်တွေ့ရမှာပါ။ လက်မှာ လက်ထပ်လက်စွပ်လည်းဝတ်ထားပြီး ခင်ပွန်းအကြောင်းကို မရိုက်ပြထားတော့ မုဆိုးမ / တစ်ခုလပ်အနေနဲ့ပဲ ဘဝကို သမီးလေးနဲ့ အတူဖြတ်သန်းနေပုံတွေကို အဆင့်ဆင့်ဖော်ပြထားကာ နောက်ဆုံးမှာ သူ့သမီးလေးက ဆယ်ကျော်သက်အရွယ်ရောက်တဲ့အခါမှာ ရောဂါဝေဒနာတစ်ခုကိုခံစားရပြီး ဆေးရုံတက်နေရင်းနဲ့ သူမရဲ့ လက်ထက်မှာပဲသေဆုံးသွားခဲ့ပါတယ်။ သူမက ဘာသာဗေဒနဲ့ပတ်သက်ပြီး Doctor ဘွဲ့ရရှိထားတာဖြစ်ပြီး တက္ကသိုလ်တစ်ခုမှာ စာပြလျက်ရှိပါတယ်။ တစ်နေ့တော့ သူမရဲ့ စာသင်ခန်းမှာ သာမန်ထက်ကျောင်းသားတွေ ပိုနည်းနေပြီး စာသင်နေရင်းနဲ့ တွေ့ရှိရတဲ့ သတင်းတစ်ခုကတော့.. ကမ္ဘာမြေပေါ်ကို အမည်မသိ ယာဉ်ပျံကြီး (၁၂)စင်း ရောက်ရှိနေပြီး မတူညီတဲ့ နိုင်ငံ (၁၂)ခုမှာ ဆင်းသက်ရပ်နားထားတယ်ဆိုတဲ့ .. သတင်းပါ။ သက်ဆိုင်ရာ နိုင်ငံအသီးသီးက အစိုးရတွေကလည်း ဒီယာဉ်ပျံတွေနဲ့ပတ်သက်ပြီး စုံစမ်းစစ်ဆေးနေဆဲဖြစ်သလို .. အံ့သြစရာကောင်းလောက်အောင် ကြီးမားနေတာကြောင့် ပြည်သူလူထုကလည်း အထိပ်တလန့်နဲ့ လှုပ်လှုပ်ရှားရှားဖြစ်ကုန်ပါတယ်။ ဒါဟာ နိုင်ငံတစ်နိုင်ငံထဲရဲ့ အရေးမဟုတ်တော့ပဲ.. တစ်ကမ္ဘာလုံးရဲ့ အရေးဖြစ်တာကြောင်း United Nation (UN) ကဝင်ရောက်ကိုင်တွယ်နေသလို ကမ္ဘာ့နိုင်ငံအသီးသီးကလည်း တစ်နိုင်ငံနဲ့ တစ်နိုင်ငံ ဆက်သွယ်ပြီး သတင်းအချက်အလက်များ ဖလှယ်ကာ စုံစမ်းဖော်ထုတ်လျက်ရှိပါတယ်။ Dr. Louise Banks တို့ တက္ကသိုလ်ကလည်း အခြေအနေမတည်ငြိမ်မှုတွေကြောင့် ကျောင်းရှိလူကုန်ကို အိမ်ပြန်စေပါတယ်။ Dr. Louise Banks ကတော့ သူမတစ်ဦးတည်း နေထိုင်တဲ့ အိမ်ကို သက်သက်သာသာပဲပြန်လာခဲ့လိုက်ပါတယ်။ နောက်ရက်မှာတော့ သူမက တာဝန်အရ ကျောင်းကို ပြန်သွားခဲ့ပါတယ်။ ဒါပေမယ့် သူမတပည့်တွေကတော့ ဘယ်သူမှ ကျောင်းလာမတက်ကြတော့ပါဘူး.. သူမရုံးခန်းမှာရှိနေစဉ်မှာ မဖိတ်ခေါ်ထားတဲ့ ဧည့်သည်အမျိုးသား (၃)ဦးရောက်ရှိလာခဲ့ပြီး သူမကို ဘာသာပြန်ပေးဖို့အလုပ်အပ်ပါတယ်။ ဒါပေမယ့် ဘာသာပြန်ပေးရမှာက အသံသွင်းထားတဲ့ စက်ထဲက ထူးထူးဆန်းဆန်းအသံတွေကိုပါ။ အချက်အလက်မပြည့်စုံပဲ.စကားပြောဆိုတဲ့သူကိုလည်း မတွေ့ရတာကြောင့် သူမက ဘာသာပြန်ဖို့ဆိုတာမဖြစ်နိုင်ဘူးလို့ ငြင်းခဲ့ပါတယ်။ ဒါပေမယ့် နောက်တစ်နေ့ မနက်အစောပိုင်းမှာပဲ သူမရဲ့ အိမ်ကို ရောက်ရှိလာပြီး ဒီတစ်ခါတော့ အသံသွင်းထားတဲ့ File ကို ဘာသာပြန်ရမှာမဟုတ်ပဲ.. အသံထွက်တဲ့ နေရာအထိခေါ်သွားဖို့အတွက် ရောက်ရှိလာတာပါ… အဲဒီနောက်မှာတော့ … စစ်သုံးရဟတ်ယာဉ်ပေါ်မှာ Ian Donnelly ဆိုတဲ့ ရူပဗေဒသိပ္ပံပညာရှင်နဲ့ တွေ့ဆုံပြီး သူတို့အလုပ်အတူတွဲလုပ်ရမှာဖြစ်ပါတယ်။ သူတို့နှစ်ဦးတွေ့ဆုံမှုမှာ ပထမဆုံးပြောတဲ့ Dialogue လေးတွေက စိတ်ဝင်စားစရာကောင်းတာကြောင့် ပြန်လည်ဖော်ပြလိုက်ပါတယ်။ Ian က Louise ရေးသားတဲ့ ဘာသာဗေဒ စာအုပ်ထဲက စာသားအချို့ကို ရွတ်ပြခဲ့ပါတယ်။ “ Language is the foundation of civilization. It is the glue that holds the People together. It is the First weapon drawn in a conflict” (ဘာသာစကားဆိုတာ.. လူ့အဖွဲ့အစည်းရဲ့ အခြေခံ အုတ်မြစ်ဖြစ်ပြီး လူသားတွေကို အတူတကွရှိနေစေတဲ့ ကြားခံတစ်ခုပါ။ ရှုပ်ထွေးမှုတွေ အငြင်းပွားမှုတွေကိုဖြစ်စေတဲ့ ပထမဆုံးလက်နက်တစ်ခုလည်းဖြစ်တယ်။ ) Ian ရဲ့ စာသားအပေါ်မှတ်ချက်ကတော့ “It is great. Even if it is wrong” (မှားနေပေမယ့် ရေးထားတာအရမ်းကောင်းပါတယ်တဲ့) Louise က သံယောင်လိုက်ပြီး ပြန်မေးပါတယ်။ “It is wrong?” မှားနေတာလား ?? အဲဒီအခါမှာ Ian က သူ့ရဲ့ သဘောထားကို ပြန်ပြောခဲ့ပါတယ်။ “ The cornerstone of civilization isn’t language. It’s Science” (လူ့အဖွဲ့အစည်းရဲ့ အခြေခံအုတ်မြစ်က ဘာသာစကားမဟုတ်ပါဘူး.. သိပ္ပံပညာသာဖြစ်ပါတယ်) တဲ့ … အယူအဆမတူတဲ့ သူနှစ်ဦးက အလုပ်တစ်ခုကို တွဲလုပ်ကြရတော့မှာပါ… အဲဒီနောက်မှာတော့ ယာဉ်ပျံတစ်စီးရှိနေတဲ့ အရပ်ကို ရောက်ရှိလာပါပြီ… လေထုပြသနာရှိတာကြောင့် ၁၈နာရီမှာမှ တစ်ကြိမ် (နာရီအနည်းငယ်ခန့်)သာ ယာဉ်ပျံပေါ်တက်ရောက်ပြီး ဂြိုလ်သားတွေ့နဲ့ တွေ့ဆုံခွင့်ရှိတာကြောင့် ပထမဆုံး ဆုံတွေ့ချင်းမှာ.. တစ်ယောက်ပြောတဲ့ စကားကို တစ်ယောက်က နားမလည်ခဲ့တာပါဘူး။ ဒုတိယအကြိမ်မှာတော့ တစ်ယောက်နဲ့ တစ်ယောက် အက္ခရာချင်းဖလှယ်လို့ရအောင် ကြိုးစားပါတော့တယ်… အဲဒီမှာသိလာရတာက စက်ဝိုင်းပုံတစ်ပုံဟာ ဝါကျတစ်ကြောင်းဖြစ်ပြီး ပါဝင်တဲ့ အစက်ကလေးတွေနဲ့ ပုံသဏ္ဍာန်တွေအပေါ်မှာ မူတည်ပြီး အဓိပ္ပာယ်တွေကွဲပြားသွားပါတယ်။ တစ်ဖက်မှာလည်း ..လူတွေက ဒီယာဉ်ပျံကြီးတွေနဲ့ပတ်သက်လို့ ကြောက်ရွံ့ထိပ်လန့်မှုတွေပိုမိုတိုးပွားလာလျက်ရှိပြီး တစ်ပြိုင်နက်တည်းမှာပဲ.. အကြောက်တရားနဲ့ အတ္တတို့ပေါင်းစပ်ကာ.. တိုင်းပြည်မငြိမ်သက်မှုများ.. ဆူပူအုံကြွမှုများ နဲ့ အစိုးရပေါ်ဖိအားပေးမှုတွေရှိလာပါတော့တယ်။ Ian နဲ့ Louise တို့ကြိုးစားအဖြေရှာနေကြသလိုပဲ.. တခြားနိုင်ငံတွေကလည်း ဘာသာစကားကို နားလည်ဖို့ကြိုးစားနေကြပါတယ်။ သူတို့ အဓိကသိချင်ကြတဲ့ မေးခွန်းတွေကတော့.. ဂြိုလ်သားတွေ ကမ္ဘာမြေကို ရောက်ရှိလာတဲ့ ရည်ရွယ်ချက်ပါပဲ… အဲဒီလိုအဖြေရှာနေစဉ်ကာလအတွင်းမှာ Louise က သူမရဲ့ သမီးလေးနဲ့ပတ်သက်ပြီး မကြာခဏ သတိရလာသလို တိုက်ဆိုင်မှုတွေကိုလည်း မြင်နေရပါတယ်။ စိတ်ရောကိုယ်ပါ ပင်ပန်းနေတဲ့ Louise တစ်ယောက် အက္ခရာတွေကို ဖော်ထုတ်အဖြေရှာနိုင်ပါ့မလားဆိုတာ… အဲဒီအချိန်မှာပဲ တရုတ်နိုင်ငံက General Shang က ဘာသာစကားနဲ့ ပတ်သက်ပြီး သူတို့ ဖော်ထုတ်လို့ရတာက … Use the weapon လို့ အဖြေထုတ်လိုက်ပါတယ်။ ဒါဟာတစ်နည်းအားဖြင့် စစ်ကြေညာတာလို့ သူတို့က နားလည်လက်ခံလိုက်ပါတယ်။ Louise က အဖြေထုတ်ရာမှာတော့ Offer weapon လို့ အဖြေထုတ်ပါတယ်။ တနည်းအားဖြင့် နည်းပညာ/ လက်နက်တစ်ခုခုကို စီးပွားရေးဆန်ဆန် လာရောက်ရောင်းချတာမျိုးဖြစ်နိုင်တယ်လို့ သူမက ယုံကြည်ပါတယ်။ ဆိုတော့ကာ… တရုတ်အပါအဝင် အခြားနိုင်ငံတော်တော်များများက ယာဉ်ပျံတွေကို ၂၄ နာရီအတွင်း ကမ္ဘာမြေကထွက်ခွာဖို့ သတိပေးလိုက်ပြီး မထွက်ခွာပါက တိုက်ခိုက်မယ်လို့ ဆုံးဖြတ်လိုက်ပါပြီ.. Russia နိုင်ငံကဲ့သို့ စစ်အင်အားကြီးနိုင်ငံအပါအဝင် Sudan, Pakistan အစရှိတဲ့နိုင်ငံတွေကပါ တရုတ်နိုင်ငံနဲ့ ပူးပေါင်းပြီး စစ်ရေးအရပဲ ဖြေရှင်းဖို့ ကြိုးစားနေကြပါတယ်။ Louise တို့ရဲ့စခန်းနဲ့လည်း အဆက်အသွယ်မလုပ်တော့သလို သတင်းအချက်အလက်များကိုလည်း ဝေမျှခြင်းမရှိတော့ပဲ…သိပ်မကြာခင်မှာ နိုင်ငံတော်တော်များများက ကမ္ဘာတစ်ဝှန်းလုံးက ယာဉ်ပျံတွေကို စစ်ကြေညာပြီး ထွက်ခွာဖို့ တောင်းဆိုလိုက်ပါတယ်။ ဒီယာဉ်ပျံတွေကရော အလွယ်တကူ ထွက်ခွာသွားမလား.. ကမ္ဘာမြေကရော အန္တရာယ်ကင်းပါ့မလားဆိုတာ…. “Full Spoiler Alert” Louise က မတည်ငြိမ်တဲ့အခြေအနေတစ်ခုမှာ .. တော်တော်များများကလည်း စခန်းကို သိမ်းဆည်းနေပြီး စစ်ကြေညာဖို့ပြင်ဆင်နေတာကြောင့် .. သူမက အရဲစွန့်ပြီး ယာဉ်ပျံရှိရာဆီကို တစ်ဦးတည်း သွားရောက်ပြီး ဂြိုလ်သားနဲ့ ဆက်သွယ်ဖို့ကြိုးစားပါတယ်။ အဲဒီမှာပဲ သူမသဘောပေါက်လိုက်တာက သူမက အနာဂတ်ကို ကြိုမြင်တဲ့ အစွမ်းရှိနေတာပါ။ ကျွန်တော်တို့ဇာတ်လမ်းအစမှာ ကြည့်ခဲ့ရတဲ့ သူမနဲ့ သူမရဲ့ သမီးလေးဆိုတာကလည်း တကယ်တမ်းတော့ Louise ကြိုမြင်နေရတဲ့အရာတွေပါ။ သမီးရဲ့ဖခင်ကတော့ သူမရဲ့လုပ်ဖော်ကိုင်ဖက် ရူပဗေဒသိပ္ပံပညာရှင် Ian ပဲဖြစ်ပါတယ်။ ဒါပေမယ့် Louise က သူမရဲ့အနာဂတ်ကို ကြိုမြင်နိုင်စွမ်းကို ခင်ပွန်းဖြစ်သူ ရူပဗေဒသိပ္ပံပညာရှင် Ian ကို ဖွင့်ပြောခဲ့တာကြောင့် Ian ကလက်မခံနိုင်ပဲ အချင်းများရာက လမ်းခွဲလိုက်ကြပုံပါပဲ။ နောက်ဆုံးမှာတော့ Louise က သူမရဲ့ အနာဂတ်အကြောင်းကို သိရှိခဲ့ရသလိုပဲ.. သူမရဲ့ အနာဂတ် ကြိုမြင်နိုင်စွမ်းကို အသုံးချကာ တရုတ်နိုင်ငံက General Shang ကို နားလည်အောင်ရှင်းပြနိုင်ခဲ့တာကြောင့် စစ်ဖြစ်ပွားခြင်းမရှိတော့ပဲ ငြိမ်းချမ်းစွာဖြေရှင်းနိုင်ခဲ့ပါတယ်။ တကယ်တမ်းမှာ Louise ဘာသာပြန်ခဲ့သလို Offer weapon မဟုတ်ပဲ Offer Gift ဖြစ်နေတာပါ။ ဂြိုလ်သားနဲ့ ဆက်သွယ်ရင်းနဲ့ Louise က အနာဂတ်ကို ကြိုမြင်နိုင်စွမ်းတဲ့လက်ဆောင်ကို ရရှိခဲ့ခြင်းပဲဖြစ်ပါတယ်။ ဂြိုလ်သားတွေလာရောက်ဆက်သွယ်တဲ့ကိစ္စကလည်း တကယ်တမ်းမှာ သူတို့တွေအနေနဲ့ နောင်တစ်ချိန်မှာ လူသားတွေရဲ့အကူအညီလိုအပ်လာမှာဖြစ်လို့အခုကတည်းက လာရောက်ဆယ်သွယ်ထားခြင်းပဲဖြစ်ပါတယ်။ ဇာတ်လမ်းရဲ့ အဆုံးသတ်မှာ ဂြိုလ်သားတွေ အကြောင်းကို အသေးစိတ်ရှင်းမပြခဲ့ပဲ လက်ရှိရင်ဆိုင်နေရတဲ့ အခက်အခဲတွေ အဆင်ပြေကျော်လွှားနိုင်ခဲ့တယ်ဆိုတာလောက်ပဲ ပြသသွားခဲ့ပါတယ်။ ဒီဇာတ်ကားကိုကြည့်ပြီး ခံစားမိတာကတော့.. လူတွေက ကြောက်စိတ်နဲ့ အတ္တပေါင်းစပ်လာရင် ကြမ်းတမ်းခက်ထန်လာတတ်တာပါပဲ.. ..(လူတွေက ဒီယာဉ်ပျံကြီးတွေနဲ့ပတ်သက်လို့ သေချာမသိရသေးခင်မှာပဲ စိုးရိမ်ပူပန်မှုတွေလွန်ကဲကာ အကြောက်တရားနဲ့ အတ္တတို့ပေါင်းစပ်ပြီး .. တိုင်းပြည်မငြိမ်သက်မှုများ.. ဆူပူအုံကြွမှုများ နဲ့ အစိုးရပေါ်ဖိအားပေးမှုတွေရှိလာပါတယ်လို့ ကျွန်တော်ထင်ပါတယ်။ ) နောက်ထပ်ခံစားမိတာတစ်ခုက အက္ခရာတွေကို အဓိပ္ပာယ်ဖော်တဲ့နေရာမှာ “use the weapon” နဲ့ “offer weapon” လို့ ဘာကြောင့်အဓိပ္ပာယ်ကွဲသွားရတာလဲဆိုတဲ့အချက်ပါ.. ကျွန်တော့်ရဲ့အမြင်အရတော့ Louise ရဲ့ စိတ်အခံက ဂြိုလ်သားတွေနဲ့ပတ်သက်ပြီး ရင်နှီး နှစ်လိုဖွယ်ရှိပြီး General Shang တို့ကတော့ နဂိုစိတ်ရင်းမှာကိုက ဂြိုလ်သားတွေအပေါ်မှာသံသယထားပြီး နှစ်မြို့ပုံမရတာကြောင့် ဘာသာပြန်တဲ့နေရာမှာအဓိပ္ပာယ်ကွဲပြားသွားတယ်လို့ ကျွန်တော်မြင်ပါတယ်။ လက်တွေ့ဘဝမှာလည်း လူတွေက မိမိတို့ကြားနေမြင်နေတာတွေကို ကိုယ့်ရဲ့စိတ်ခံစားချက်ပေါ်မူတည်ပြီးအဓိပ္ပာယ်ကောက်လေ့ရှိကြတယ်မဟုတ်ပါလား…. ဒါကြောင့် ချစ်သောစိတ်ဖြင့် မြင်နိုင်ကြားနိုင်ကြပါစေလို့ ဆုတောင်းရင်း…. #Arrival_2016, #Nucleon_Content, #Admin_N (ရုပ်ရှင်အညွှန်းကို Nucleon FB Page မှကူးယူဖော်ပြပါသည်။) File size…(2.8 GB )/(910 MB)/ (730 MB) Quality….BluRay 4K HEVC/ 1080p HEVC / 720p Format…mkv/mp4 Duration….01:56:31 Subtitle….Myanmar Subtitle (Hardsub) Encoder….Ka Naung

Big Eyes (2014) IMDb - 7.0/10 Rotten - 72% ဒီကားရိုက်ရဲ့ ဒါရိုက်တာ Tim Burton ရိုက်ထားတဲ့ Big Fish, Alice In Wonderland, Edward scissorhands တို့ Charlie and the chocolate Factoryတို့လို ဇာတ်ကားကောင်းတွေကို ကြည့်ဖူးကြမှာပါ။ Tim Burtonရဲ့ ကားတွေဟာ ရိုက်ဟန်ထူးခြားပြီး ပစ်ရတဲ့ကားလည်း မရှိသလောက်ပါပဲ။ အခု Big Eye ကလည်း သူရိုက်ခဲ့တဲ့ Biography ကားတစ်ကားပါပဲ။ အနုပညာဆိုတာ ကိုယ်ရေးကိုယ်တာ အရမ်းဆန်ပါတယ်။ ကိုယ်ပိုင်ခံစားချက်ကို စကားလုံး ရုပ်ပုံ နိမိတ်ပုံ သံစဉ် အစရှိသဖြင့်ကူးပြောင်းရတာမျိုးပါ။ နှလုံးသားထဲက ထွက်လာတယ်ဆိုလည်း မမှားဘူးပေါ့ဗျာ။ Margaretဆိုတဲ့ ပန်းချီဆရာမ တစ်ယောက်ဟာ သူ့ခံစားချက်တွေကို ပန်းချီဆွဲတဲ့ အခါတိုင်း မျက်လုံးကို အရှိတရားထက် ကြီးအောင် ရေးဆွဲပြီး ခံစားချက်ပေါ်လွင်အောင် ဆွဲလေ့ရှိတယ်။ သူ့စကားအတိုင်းဆို " မျက်လုံးဆိုတာ စိတ်ဝိညာဉ်ရဲ့ တံခါးပေါက်တွေ" ပေါ့ဗျာ အနုပညာသမားတစ်ယောက်အတွက် အဆိုးရွားဆုံး ခံစားချက်က ဘာများဖြစ်မလဲ။ သူ့ရဲ့အနုပညာကို ခိုးယူခံရပြီး တခြားသူတစ်ယောက်ရဲ့ နာမည် တပ်ခံရတာပါပဲ... လူမသိ သူမသိ မြုံနေခဲ့ရတဲ့ သူ့ ရဲ့ ထူးခြားတဲ့ ပန်းချီဟန်တွေဟာ နာမည်ကြီးမဲ့ တစ်နေ့ကို ရောက်လာခဲ့တယ်။ ဒါပေမဲ့ပေါ့... သူဆွဲတဲ့ အနေနဲ့ မဟုတ်ပဲ အနုပညာဂုတ်သွေးစုပ်သူတစ်ယောက်ရဲ့ အမည်နာမ အောက်မှာ ကျော်ကြားသွားခဲ့ပါတယ်။ အဲ့ဒီ ဂုတ်သွေးစုပ်သူကလည်း အနုပညာရဲ့ တန်ဖိုးကို နားလည်ပေမဲ့ ကိုယ်တိုင်မဖန်ဆင်းနိုင်တဲ့ လူတစ်ယောက်ပါ။ ကြားဖူးတဲ့ စကားလေးလိုပေါ့ "အနုပညာဆိုတာ မှော်ဆရာတိုင်း ကလို့ရတဲ့ ဓားပညာမှ မဟုတ်ပဲ" ဒီလိုဆိုးရွားလွန်းတဲ့ အနုပညာ ဂုတ်သွေးစုပ်ခံရတဲ့ အဖြစ်အပျက်ဟာ ဆယ်နှစ်တာ ကြာခဲ့ပါတယ်။ ဘာရယ် ဘယ်လိုတွေကြောင့် Margaret ဒီလောက် သည်းသီးခံခဲ့လည်းဆိုတာကိုတော့ Big Eye ဆိုတဲ့ ဖြစ်ရပ်မှန် ကားလေးကို ခံစားကြည့်ကြပါ။ Margaret အဖြစ်နဲ့တော့ Amy Aadam သရုပ်ဆောင်ထားပြီး အတော်လည်း ပီပြင်ခဲ့တဲ့အပြင် Imdb 7 နဲ့ ခရမ်းချဉ်သီး 72လုံးရထားပါတယ်။ (အညွှန်းနဲ့ဘာသာပြန်သူကတော့ WiRa Aung ဖြစ်ပါတယ်) File size__(909 MB) Quality__BR-Rip 720p IMDb Rating__7.1/10 Rotten Tomatoes 72% Format__mp4 Duration__01:46:00 Type__Biography, Crime , Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Her (2013) IMDb Rating (8.0) / Rotten Tomatoes (95%) မင်းသား Joaquin Phoenix နဲ့ သူ့ဇနီးဖြစ်သူ Rooney Mara, Amy Adams ,Olivia Wilde, Chris Pratt စတဲ့နာမည်ကြီးသရုပ်ဆောင်တွေအပြင် AI အသံသရုပ်ဆောင်အဖြစ် Scarlett Johansson ပါ ပါဝင်ထားပါတယ်။ Open AI မှာ Scarlett Johansson ရဲ့ခွင့်ပြုချက်မရဘဲ သူ့အသံကိုထည့်သွင်းထားတယ်ဆိုပြီး ပြသနာတက်နေတာလဲ ဒီရုပ်ရှင်ထဲက အစပြုတာပါ.... Her (2013) ထဲမှာ ညှို့ငင်ဆွဲဆောင်နိုင်တဲ့ AI အသံကို Scarlett Johansson က အသက်ဝင်အောင် သရုပ်ဆောင်ခဲ့ပြီး ဒီအသံကို Open AI ရဲ့  ညှို့ငင်မြူစွယ်တဲ့နေရာမှာ သုံးစွဲထားတာကြောင့် Scarlett Johansson နဲ့ Open AI ရဲ့ CEO ဖြစ်သူ Sam Altman တို့ကြား အချင်းများစရာဖြစ်နေတာပါ။ Her ရုပ်ရှင်ကလဲ AI ကို ချစ်မိသွားတဲ့လူသားတစ်ယောက်ရဲ့ဇာတ်လမ်းဆိုတော့ကာ.... AI နဲ့ လူသားကြားက ပြသနာတွေကို မြင်တွေ့ရမယ့် Sci-Fi/Romance ဆန်ဆန်ဇာတ်လမ်းမျိုးဖြစ်ပါတယ်။ ရုပ်ရှင်အနေနဲ့ အောင်မြင်မှုကြီးကြီးမားမားရရှိခဲ့ပြီး Original Screenplay ဆုနဲ့ Oscar ဆုအပြင် တခြားဆုပေါင်းများစွာလဲ ထိုက်ထိုက်တန်တန်ရရှိခဲ့တဲ့ရုပ်ရှင်ကားပါ။ File size…(1.7 GB) / (860 GB) Quality….BluRay 1080p/720p Format…mp4 Duration….02:05:33 Subtitle….Myanmar Subtitle (Hardsub) Encoder….Ka Naung Translated by Boomy Chan

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Man of Steel (2013) IMDb Rating (7.1) / Rotten Tomatoes (56%) Director: Zack Snyder ရိုက်ကူးတင်ဆက်ထားပြီးJune 14, 2013 (USA) မှာ ရုံတင်ပြသခဲ့တဲ့ Super Man ဇာတ်ကားအသစ်ဖြစ်ပါတယ်... Super Man ဆိုတိုင်း ထူးမခြားနား ပုံစံအတိုင်းထူးဆန်းတဲ့ မိုးကောင်းကင်ကနေကျလာတဲ့ လူသားလေးကို ရိုးသားတဲ့ တောသူတောင်သူ လင်မယားကမွေးစားလိုက်တဲ့ ဇာတ်လမ်းပါပဲ ဒါပေမယ့် ထူးခြားနေပါတယ်.... Spoiler Alert.... Super Man ခေါ် ခါအလ် ရဲ့ မွေးဖွားခြင်းနဲ့ သူ နေထိုင်ရာ ဂြိုလ်ပျက်စီးခြင်းကိုတွဲမြင်ရမှာဖြစ်ပါတယ် ဂြိလ်ပြန်လည်တည်ထောက်ဖို့ ပင်မ သော့ကိုတော့Super Man ရဲ့ ဖခင် ဂျိုအယ် နဲ့ မိခင် လာရာ က သူ့သား ရဲ့ယဉ်ငယ်ကိုယ်ထဲကို ထည့်သွင်းပေးပြီးတော့ကမ္ဘာဂြိုလ်ဆီသို့ ယဉ်ငယ်လေးနဲ့ ပို့လွှတ်လိုက်ပါတယ်.... အရင်လို မဟုတ်ပဲ ထူးခြားတာကတော့ Super Man ရဲ့ငယ်ဘ၀ မှာ လူတွေနဲ့ အဆင်မပြေနေထိုင်ခဲ့ရပါတယ် ကျနော်တို့ ထင်သလို ငယ်စဉ်ကတည်းက Hero လူစွမ်းကောင်းမဟုတ်ခဲ့ပါဘူး လူတိုင်းရဲ့ အထူးအဆန်းအဖြစ် ကြည့်ရှုမြင်နေမှုကိုရရှိခဲ့ရတာပါ... ဒီလိုနဲ့ တစ်ရက် ကျောင်းကား မတော်တဆ ဖြစ်ပြီး ရေနစ်တဲ့အချိန်မှာSuper Man က ရေထဲကနေ ကားကို ကုန်းပေါ်ပြန်တွန်းတင်ခဲ့ပါတယ်.. ဒါကို မြင်လိုက်တဲ့ ကျောင်းသား အချို့က ပြန်ပြောပြတော့ မွေးစားဖခင်ကSuper Man ကို ခေါ်ပြီး ဘယ်သူ သေသေ ဒုက္ခရောက်ရောက်အစွမ်းကို ဘယ်တော့မှ ထုတ်မပြပါနဲ့လို့ ကတိတောင်းခဲ့တယ်... ဒီလိုနဲ့ Super Man လဲ တည်ငြိမ်စွာနဲ့ ဘ၀ ကို ဖြတ်သန်းလာပြီးနောက်လူပျိုပေါက်အရွယ်မှာပဲ မွေးစား အဖေ အမေ နဲ့ အတူ ခရီးထွက်လာရင်းလမ်းတဝက်မှာ လေမုန်တိုင်း ရုတ်တရက်ဝင်လာပါတော့တယ်... လူတွေကို သားအမိသားအဖ သုံးယောက်လိုက်ကူပြီး နေရာရွှေ့ပေးနေတဲ့အချိန်မှာပဲ ကားထဲမှာ ခွေးလေး ကျန်နေခဲ့လို့ ဖခင်ဖြစ်သူက သွားကယ်တဲ့အချိန်မှာပဲ ခွေးလေးကို ကယ်လို့ လွှတ်ပေးအပြီး လေမုန်တိုင်းက အဲ့ဒီနေရာကို ဝင်လာခဲ့ပါတော့တယ် အကာအကွယ်ရှိတဲ့နေရာကနေ ဖခင်ကိုကယ်ဖို့ ထွက်ဖို့လုပ်နေတဲ့ Super Man ကို ဖခင်က ခေါင်းတစ်ချက်ခါပြခဲ့တယ် မလာနဲ့ သား မင်းကတိကို မင်းတည်ပါ ဆိုတဲ့ အဓိပ္ပါယ်တစ်ခု သက်ရောက်နေခဲ့မှာပါ.... ဒီလိုနဲ့ ဂြိုလ်ပျက်စီးခဲ့စဉ်က ထိန်းသိမ်းထားခဲ့တဲ့ သစ္စာဖောက်အကျဉ်းသားတွေလဲ Super Man ရဲ့ အနံ့ကို ခံပြီး ကမ္ဘာမြေပေါ် ရောက်လာတဲ့အချိန်မှာတော့....။ File size…(10 GB)/(2.4 GB) / (1.5 GB) Quality….BluRay Remux 4K HEVC/1080p HEVC / 720p Format…mkv/mp4 Duration….02:23:00 Subtitle….Myanmar Subtitle (Hardsub) Encoder….Ka Naung

ဒါရိုက်တာကြီး David O. Russell ရိုက်ကူးထားပြီး Christian Bale, Amy Adams, Bradley Cooper, Jeremy Renner, Robert DeNiro နဲ့ Jennifer Lawrence တို့ သရုပ်ဆောင်ထားတဲ့ ၂၀၁၃က ရုပ်ရှင်လေးတစ်ကားကို တင်ဆက်ပေးလိုက်ပါပြီ...... IMDb - 7.2, RT - 92% ထိရရှိခဲ့တဲ့ ဇာတ်ကားလေးတစ်ကားပါ။ အဲဒီလောက်ရလို့ ဆုအနေနဲ့ကြည့်ရင်လည်း အော်စကာ နိုမီက ၁၀ခု တကယ်ရရှိသွားတဲ့ ဆုက ၇၀ နဲ့ နိုမီချည်းပဲကို စုစုပေါင်း ၂၂၇ခုထိ ရရှိခဲ့တဲ့ကားလေးပါပဲ..... ဇာတ်လမ်းလေးကတော့ မာဖီးယားဂိုဏ်းနဲ့ ရဲတွေရဲ့အရှုပ်တော်ပုံအကြောင်းပါပဲ ဇာတ်လမ်းကို သိပ်ညွှန်းစရာမလိုလောက်အောင် ဒါရိုက်တာတွေနဲ့ ပါဝင်ထားတဲ့ သရုပ်ဆောင်တွေကိုကြည့်လိုက်တာနဲ့ "မီးလက်ဝါး"လိုကားတောင် ကြည့်ကောင်းသွားမယ်ဆိုတာ ရဲရဲကြီးအာမခံရင်းနဲ့ပဲ စောင့်မျှော်နေသူတွေရော တကယ့် ရုပ်ရှင်ကားကောင်းကိုကြည့်ချင်သူတွေရောပါ လက်မလွှတ်တမ်းကြည့်လိုက်ကြပါဦးလို့............. File size…(2 GB)/(1 GB) Quality….Webrip 1080p / 720p Format…mp4 Duration….02:18:00 Genre...Drama, Crime Subtitle….Myanmar Subtitle (Hardsub) Encoder….Garfield

The Master (2012) Joker 2019 ကိုကြည့်ပြီးတဲ့နောက် ဇာတ်လမ်းကို ကြိုက်သည်ဖြစ်စေ မကြိုက်သည်ဖြစ်စေ... Joaquin Phoenix ရဲ့ သရုပ်ဆောင်ဟန်တွေကိုတော့ အားလုံးလိုလို ချီးကျူးခဲ့မိကြမယ်ထင်ပါရဲ့... ဒါ့ကြောင့် သူ့ရဲ့ဇာတ်ကားတွေထဲက အကောင်းဆုံးစာရင်းဝင်တဲ့ The Master ကို တင်ဆက်ပေးလိုက်ပါတယ်။ ဇာတ်လမ်းအကျဉ်း ဒုတိယကမ္ဘာစစ်ကြီးပြီးသွားတဲ့အချိန် စိတ်ဝေဒနာရှင်မိခင်တစ်ယောက်ရဲ့ သားဖြစ်သူဟာ... စစ်တပ်ကထွက်ပြီး အရပ်ဘက်အလုပ်တွေလုပ်ကိုင်ခဲ့တယ်။ ကံဆိုးတာက သူကိုယ်တိုင်က... အမေဘက်လိုက်တယ်လို့ ဆိုရမလား မသိ...သူ့မှာလည်း စိတ်ဝေဒနာအခံက ရှိနေပြန်တယ်။ သူဟာ ကောင်မလေးတစ်ယောက်ကို ချစ်မိခဲ့တယ်။ သူကိုယ်သူလည်း ဘာချို့ယွင်းချက်ရှိနေလဲသိတော့... စိတ်ပညာရှင် မာစတာနဲ့ တွေ့ပြီးတော့...သူ့ရဲ့ဖြစ်တည်မှုကို ပြင်ဖို့ကြိုးစားပါတော့တယ်... ဘာတွေဆက်ဖြစ်မှာလဲဆိုတာ စိတ်ဝင်တစားနဲ့ ရသမျိုးစုံ ပေါင်းစုံခံစားရမှာဖြစ်လို့ ... လုံးဝလက်မလွတ်သင့်တဲ့ ဇာတ်ကားကောင်းဖြစ်ပါတယ်။ IMDb 7.2 နဲ့ Rotten 85% ရထားတာဖြစ်လို့ ... အထူးတလည်ညွှန်းနေစရာတော့ မလိုတော့ဘူးထင်ပါတယ်ဗျာ။ ဇာတ်လမ်းအညွှန်းနဲ့ ဘာသာပြန်သူကတော့ Initiative ပဲဖြစ်ပါတယ်.... File Size : 1.9 GB / 850 MB Quality : 1080p / 720p Format : mp4 Duration : 02:18:00 Genre : Drama Subtitle : Myanmar Subtitle (Hard Sub) Translated by Initiative Encoded by Heather Oo

IMDb - 6.8 ဂန္တဝင်မင်းသားကြီး Clint Eastwood, လူးဝစ် လိန်းသရုပ်ဆောင် Amy Adams နဲ့ Justin Timberlake တို့ ပါဝင်သရုပ်‌ဆောင်ထားတဲ့ အားကစား ဒရာမာရုပ်ရှင်ကားကောင်းလေးတစ်ကားကိုတင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ ဂတ်စ် လိုဘယ် (Clint Eastwood) ဟာ ဘေ့စ်ဘောကင်းထောက်တစ်ယောက်ဖြစ်ပြီး ဘရေ့ဗ်အသင်းမှာ အလုပ်လုပ်ပါတယ်။ ငယ်တုန်းကတော့ အသင်းအတွက် ကစားသမားကောင်းတွေ သေချာရှာပေးနိုင်ပေမဲ့ ဇရာရလာပြီဖြစ်လို့ အမြင်အာရုံကလည်း ချို့ယွင်းစပြုလာခဲ့ပြီး ကစားသမားကောင်းရွေးနိုင်စွမ်းလည်းကျလာခဲ့ပါတယ်။ မိတဆိုး သမီးလေးဖြစ်သူ မစ်ကီ (Amy Adams) နဲ့လည်း အခေါ်အပြောဆက်ဆံရေးလောက်ပဲရှိပြီး ရင်းနှီးတဲ့ဆက်ဆံရေးမရှိခဲ့ပါဘူး။ မစ်ကီကတော့ အဖေနဲ့ နီးစပ်ချင်လို့ကြိုးစားခဲ့ပေမဲ့လည်း ဂတ်စ်ကိုယ်တိုင်ကရှောင်နေခဲ့တာပါ။ တနေ့မှာတော့ ဂတ်စ်တယောက် မြောက်ကယ်ရိုလိုင်းနားက နာမည်ကြီးနေတဲ့ ဘို ဂျန်ထရီဆိုတဲ့ ကစားသမားကို ကင်းထောက်သွားဖို့ရင်း မိတ်ဆွေဖြစ်သူ ပိပ်ရဲ့ အကူအညီတောင်းမှုကြောင့် သမီးဖြစ်သူ မစ်ကီလည်းလိုက်လာပြီး ကင်းထောက်တာကို ကူညီပေးရင်းနဲ့ အဖေနဲ့ သမီးနှစ်ယောက်ကြားက အေးစက်တဲ့ဆက်ဆံရေးတစ်ခုပြန်လည်နွေးထွေးလာပုံကို ဆက်လက်ကြည့်ရှုလိုက်ကြပါဦးဗျ။ File size…(1.7 GB)/(885 MB) Quality….Webrip 1080p / 720p Format…mp4 Duration….01:45:00 Genre... Drama, Romance  Subtitle….Myanmar Subtitle (Hardsub) Encoder….Mr. Anderson Translated by TMTT

လူငယ်စာရေးဆရာ ဆယ် ပါရာဒိုက်ဟာ အဖေဆုံးသွားပြီးနောက် စာရေးဖို့ စိတ်ကူးဉာဏ်တွေ ပျောက်ဆုံးနေပါတယ်။ အဲဒီအချိန်မှာ ဒင်းနဲ့ တွေ့ပြီး စိတ်တူကိုယ်တူ သူငယ်ချင်းတွေ ဖြစ်သွားကြတယ်။ ဒင်းက မူးယစ်ဆေးသုံးတယ်၊ မိန်းမလိုက်စားတယ်၊ အရှုပ်အထွေးတွေလည်း လုပ်တတ်သူပါ။ ဆယ်နဲ့ ဒင်းတို့ဟာ အမေရိကတစ်ခွင်က လမ်းမတွေပေါ် ခရီးထွက်ပြီး ပျော်စရာတွေ လိုက်ရှာကြတယ်။ ခရီးတစ်လျှောက် လူအမျိုးမျိုး၊ စိတ်အထွေထွေနဲ့ ဆုံတွေ့ကြရင်း ဘဝအတွေ့အကြုံတွေ ရလာကြပါတယ်။ သူကြုံခဲ့ရတဲ့အကြောင်းတွေနဲ့ ဒင်းရဲ့ဘဝအကြောင်းတွေကို မှတ်တမ်းတင်ထားတဲ့ ဆယ်ရဲ့မှတ်စုစာအုပ်ကနေ “On the Road” ဆိုတဲ့ စာအုပ်တစ်အုပ် ဘယ်လိုဖြစ်လာမလဲဆိုတာ ဆက်ပြထားပါတယ်။ ဒါရိုက်တာ Walter Salles ရိုက်ကူးထားပြီး အမေရိကန်စာရေးဆရာ Jack Kerouac ရဲ့ နာမည်တူစာအုပ်ကို အခြေခံထားတာပါ။ မူရင်းစာအုပ်မှာ Jack က သူ့ကိုယ်သူ ဆယ်အဖြစ်၊ သူငယ်ချင်းစာရေးဆရာ Allen Ginsberg ကို ကာလိုအဖြစ် ထည့်ရေးထားပြီး သူငယ်ချင်းတွေနဲ့ ခရီးသွားခဲ့ကြတဲ့အကြောင်းနဲ့ ကြုံတွေ့ခဲ့ရတဲ့ လူ့ဘဝအကြောင်းတွေကို ရေးသားထားပါတယ်။ အရွယ်ရောက်သူတွေအတွက် ရည်ရွယ်တဲ့ ဇာတ်ဝင်ခန်းနဲ့ စကားပြောတွေ ပါဝင်ပါတယ်။

မားပက်ထ်ဆိုတာက ငယ်ငယ်က‌ကလေးတိုင်းရဲ့အကြိုက်ဆုံး တီဗီရှိုးတစ်ခုဖြစ်ခဲ့ပြီး မားပက်ထ် character တွေဟာလည်း အားလုံးရဲ့အချစ်ခံတွေ ဖြစ်ခဲ့တာပေါ့။ ဒါပေမဲ့လည်း ကမ္ဘာကြီးက တိုးတက်ပြောင်းလဲလာတာနဲ့အမျှ ပိုကောင်းပြီးလူကြိုက်များတဲ့ တီဗီရှိူးတွေက အစားထိုးဝင်ရောက်လာခဲ့ပြီး မားပက်ထ်ရှိုးကတော့ အပိုင်းသစ်ရိုက်ကူးခြင်းလည်းမရှိတော့သလို မားပက်ထ်ဇာတ်ကောင်တွေကိုယ်တိုင်လည်း တကွဲတပြားစီနဲ့ တိမ်မြုပ်ပျောက်ကွယ်ကုန်ကြပါတယ်။ မားပက်ထ်စတူရီယိုကိုယ်တိုင်တောင် ပရိသတ်တွေအတွက် အလည်အပတ်နေရာတစ်ခုအဖြစ်ပဲ ကျန်ရှိပါတော့တယ်။ ဝေါလ်တာကတော့ စမောတောင်းလို့ခေါ်တဲ့ မြို့ငယ်လေး‌တစ်မြို့က ကောင်လေးတစ်ယောက်ဖြစ်ပြီး မားပက်ထ်ကိုအရူးအမူးစွဲလမ်းသူပါ။ ဒီလိုနဲ့တစ်ရက်မှာတော့ ဝေါ်လ်တာရယ်၊ သူ့အစ်ကိုဂယ်ရီနဲ့ မယ်ရီတို့ဟာ အလည်အပတ်ခရီးထွက်ရင်း မားပက်ထ်စတူရီယိုကို ရောက်လာကြပါတယ်။ ဒီမှာတင်ထင်မှတ်မထားဘဲ ဆိုးဝါးတဲ့ရေနံလုပ်ငန်းရှင်တစ်ယောက်ရဲ့ စတူရီယိုကိုဖြိုချပြီး ရေနံတူးမဲ့အစီအစဉ်ကို ကြားခဲ့ရပါတယ်။ မားပက်ထ်တွေအနေနဲ့ကလည်း ပိုင်ဆိုင်မှုလွဲအပ်ကြောင်းစာချုပ်က ချုပ်ဆိုပြီးသားဖြစ်နေပြီး စာချုပ်ဖျက်သိမ်းဖို့ တစ်ခုတည်းသောနည်းလမ်းက ဒေါ်လာ (၁၀) မီလီယံလျော်ဖို့ပါပဲ။ ဒီလိုနဲ့သုံးယောက်သားဟာ မားပက်ထ်ကိုပြန်ကယ်တင်ဖို့ရည်ရွယ်ချက်နဲ့ တကွဲတပြားစီဖြစ်နေတဲ့ မားပက်ထ်တွေကို လိုက်လံစုစည်းပါတော့တယ်။ The Muppets ဇာတ်ကားဟာ 2011 တုန်းကထွက်ရှိခဲ့တဲ့ ဇာတ်ကားတစ်ကားဖြစ်ပြီး Musical ကားတစ်ကားဖြစ်ပေမဲ့ ပျင်းစရာကောင်းလောက်အောင် သီချင်းတွေဆိုနေတာမျိုးမဟုတ်ဘဲ comedy ဆန်ဆန်နဲ့ ကြည့်ရှုသူကိုဆွဲခေါ်သွားပြီး IMDB rating 7.1 အထိရရှိထားတာမို့ အားလပ်ရက်မှာ အပန်းဖြေရင်းကြည့်သင့်တဲ့ ဇာတ်ကားကောင်းတစ်ကားပါပဲ File size…(1.2 GB) Quality….Webrip 720p Format…mp4 Duration….01:43:00 Genre...Music, Comedy Subtitle….Myanmar Subtitle (Hardsub) Encoder….Mr. Anderson Translated by Mariposa

IMDb (7.9/10) ...Rotten Tomatoes (90%) Christian Bale နဲ့ Mark Wahlberg တို့လို မင်းသားကြီးနှစ်ယောက်ပါဝင်ထားလို့ ဇာတ်ကားကောင်းဆိုတာ သိပ်ပြောစရာလိုမယ်မထင်ပါဘူး။ ဒါ့အပြင် ၈၃ ကြိမ်မြောက် အော်စကာဆုပေးပွဲမှာ အကောင်းဆုံးအမျိုးသားဆုနဲ့ အမျိုးသမီးဆုကို Christian Bale နဲ့ Melissa Leo တို့မှ ရရှိခဲ့တဲ့ဇာတ်ကားပါ။ လက်ဝှေ့သမား Micky Ward နဲ့ သူ့အစ်ကို Dicky Eklund တို့ရဲ့ ဖြစ်ရပ်မှန်ကို အခြေခံရိုက်ကူးထားပြီး Biography,Drama,Sport အမျိုးအစား အမေရိကန်ဇာတ်ကားဖြစ်ပါတယ်။ ရင်ထဲစွဲကျန်မယ့် ဇာတ်ကားကောင်းလေးမို့ လက်မလွတ်တမ်းကြည့်ရှုခံစားသင့်ကြောင်းပါ။ File size…(999MB) Quality…Blu-Ray Rip 720p Format…mp4 Duration….01:56:00 Subtitle….Myanmar Subtitle (Hardsub) Encoder….Nyeinsaeya Aung

သာမန်ချိန်မှာဆိုရင် ယောင်္ကျားလေးကပဲ ချစ်သူရည်းစားမိန်းကလေးကို လက်ထပ်ခွင့်တောင်းကြပေမယ့် Leap Year ရက်ထပ်နှစ်ရဲ့ Feb 29 ရက်နေ့မှာဆိုရင်တော့ မိန်းကလေးတွေက ကိုယ်ချစ်တဲ့သူကို လက်ထပ်ခွင့်တောင်းလို့ရတဲ့အစဉ်အလာရှိပါတယ်။ ဒီအကြောင်းကိုအခြေခံရိုက်ကူးထားတဲ့ မင်းသမီး Amy Adams နဲ့ မင်းသား Matthew Goode တို့ရဲ့ Romance Comedy ရုပ်ရှင်လေး Leap Year (2010) ကိုခံစားကြည့်ရှုကြပါဦး။ IMDb (6.4/10) ထိ ရရှိထားပြီး ဒီနေ့လို့ ဖေဖော်ဝါရီ ၂၉ ရက်နေ့မှာ သေချာပေါက်ကြည့်သင့်ပါတယ်။ အောက်မှာတော့ Ye Hut Khoung Wordpress ကကူးယူလာတဲ့ ရုပ်ရှင်ခံစားမှုဆောင်းပါလေး ရှိပြီးတော့ စပွိုင်လာတချို့ပါနိုင်ပါတယ်။ +++++++++++++++++++++++ LEAP YEAR (2010) ◾ ဘော့စတွန် မြို့ကကောင်မလေးတစ်ယောက်။အိမ်ခြံမြေ အလုပ်မှာ အတော်လေး နေရာရပီး ဝင်ငွေ ကောင်းပြီး အလုပ်အကိုင် လည်း အရမ်းအဆင်ပြေနေတဲ့ မိန်းကလေး။ သူက ဖော်ရွေပြီး ချစ်စရာကောင်းတယ်။ သတ္တိလည်းရှိသလို တဇွတ်ထိုးလည်း လုပ်တတ်တယ်။ ဒါပေမယ့် စိတ်ကောင်းရှိတယ်။ ◾ အိုင်ယာလန်ကို လေယဉ်နဲ့ ခရီးထွက်လာတယ်။ ခရီးဆောင်အိတ်‌ တွေနဲ့ပေါ့။ အိုင်ယာလန်မှာလည်း သူ့သူငယ်ချင်းမင်္ဂလာဆောင် ရှိတယ်။ ဖိတ်လည်းထားတယ်။ ပြီးတော့ သူ့ချစ်သူကလည်း နှလုံးအထူးကု ဆရာဝန်။ အိုင်ယာလန်က ဒပ်ဗလင်မြို့မှာ ဆေးပညာ ညီလာခံ တစ်ခုတက်ဖို့ရှိနေတယ်။သူ့ချစ်သူနဲ့လည်း တွေ့ဖို့ ရှိတယ်။ အခုလာတာလည်း သူ့အတွက်ပဲ ။ချစ်ကြိုက်ကြတာ လေးနှစ်ရှိနေပြီလေ။ အခုအချိန်ထိ Proposal မလုပ်သေးဘူး။ လက်ထပ်ခွင့်မတောင်းသေးဘူး။အဲဒီတော့ စိတ်တိုချင်စရာကြီးပေါ့။ အလုပ်ကို ပဲ တစ်ချိန်လုံးအာရုံစိုက်နေသူကြီးကို သူကပဲ စပြီး လက်ထပ်ဖို့ ကမ်းလှမ်းလိုက်တော့မယ်။ဒါပေမယ့် ဒီနိုင်ငံရဲ့ ထူးခြားပြီး မိန်းကလေးတွေ ရဲ့ အခွင့်အရေးဖြစ်ပြီး ငြင်းပယ်ရခက်၊ရိုမက်တစ်လည်းဆန်အောင် ရက်ထပ်ရက် ဖြစ်တဲ့ ဖေဖော်ဝါရီ ၂၉မှာ ဆောင်ရွက်ဖို့ ‌လျှို့ဝှက် အစီအစဉ်ရေးဆွဲထားပါတယ်။ ◾ လေမုန်တိုင်းကြောင့် လေယာဉ် အရေးပေါ် ပြောင်းလည်း ဆင်းသက်ရပီး ဝေလ(Wales) ပြည်ကို ရောက်သွားရပါတယ်။ အဲဒီကနေ ဘုတ်ငှားပြီး ဒန်ဂယ်လို့ခေါ်တဲ့ တံငါရွာ တစ်ရွာကို ရောက်သွားပါတော့တယ်။အခက်အခဲတွေ ကြုံရတယ်။ ခရီးသွားလုပ်ငန်းတစ်ခုက ကားနဲ့ ဒပ်ဗလင်ကို မောင်းပို့ပေးဖို့ စတာလင်ပေါင် ၅၀၀ နဲ့ သဘောတူခဲ့တယ်။ သူက ပို့ချင်တာမဟုတ်ဘဲ ကောင်မလေးက အတင်းအကြပ် သဘော တောင်းဆိုခဲ့တာဖြစ်ပါတယ်။ကောင်မလေး ဒပ်ဗလင်ထိရောက်ဖို့ ကောင်လေးမှာတာဝန်ရှိသွားပြီ။ ◾ လမ်းမှာ နွားအုပ်ကြီးနဲ့တွေ့တယ်။ကားက သွားမရတော့ဘူး။ နွားတွေက ပိတ်ဆို့နေတယ်။ ကောင်မလေးက ဆင်းမောင်းတယ်။ အကောင်းစားဖိနပ်မှာ နွားချေးတွေပေတယ်။ ကားပျက်တော့ တွန်းရင်း ကောင်လေးမောင်းလာတဲ့ကားလည်း ‌စမ်းချောင်းရေထဲထိုးကျသွားတယ်။ကောင်လေးစိတ်ညစ်သွားတယ်။ ခရီးဆောင်အိတ်တွေ ဆွဲပြီး လမ်း‌ေလျာက်ထွက်လာတယ်။မြို့ကြီးသူ၊ ကိန်းခန်းကြီးပြီး စမတ်ကျကျနဲ့ လှချင်နေတဲ့ ‌မိန်းကလေးနဲ့ ရိုးရိုးရှင်းရှင်း ကျေးလက်က လူငယ်တစ်ယောက်တို့ရဲ့ ခရီးလမ်း အဆင်မပြေမှုတွေကိုလည်း ရယ်စရာလေးတွေ အဖြစ် မြင်တွေ့ရပါတယ်။‌ ကောင်မလေးက ဇီဇာကြောင်သလောက်၊စိတ်မြန်သလောက် ကောင်လေးက အေးအေးဆေးဆေး၊မ ထုံ တက်တေး။လမ်းမှာ လမ်းကြုံအဖြစ် ဗင်ကားတစ်စီး ကို တားပြီး အကူအညီတောင်းတယ်။ကောင်လေးက အဲလူတွေ မယုံရဘူးလို့ ကျိတ်ပြောပြီး တားဆီးသေးတယ်။ မရဘူး။အိတ်တွေ တင်အပြီး လူတွေ မတက်ရသေးခင်မှာ ကားက ထွက်ပြေးမောင်းသွားတယ်။ အိတ်တွေ အလုခံလိုက်ရ‌ေတာ့ ကောင်မလေး အတော်စိတ်ညစ်သွားတယ်။ဒါပေမယ့် လမ်း ဘေးအရက်ဆိုင် တစ်ဆိုင်မှာ လူဆိုးတွေဆီကနေ ရအောင် ရဲရဲဝံ့ဝံ့တိုက်ခိုက်ပြီး ပြန်လုပ်ပေးရှာပါတယ်။ ◾ သူတို့ရထားနဲ့ ဆက်သွားဖို့ ရထားအလာကိုစောင့်ကြပါတယ်။ အချိန်က လိုသေးတာကြောင့် အနီးအနားတောင်ကုန်းပေါ်က ရှေးဟောင်းဘုရားကျောင်း ကိုတက်ကြည့်ကြပါတယ်။ အဲဒီမှာ ဒဏ္ဍာရီလာ ဇာတ်လမ်းတစ်ပုဒ်၊ဒဿနတစ်ပုဒ်ကို ကောင်လေးကပြောပြပါတယ်။ အသက်ကြီးတဲ့ ယောက်ကျားတစ်ယောက်ကိုလက်ထပ်ထားတဲ့ မချစ်မနှစ်သက်ပဲနေရတဲ့ ရှေးခေတ်ကကောင်မလေး အကြောင်းပါ။ မီးလောင်တဲ့ အချိန်မှာ စက္ကန့်၆၀လောက် ရတဲ့ အချိန်အတွင်းမှာ လူတွေ ဘာလုပ်ကြသလဲဆိုတဲ့ ဒဿန လည်း ပြောပြဖြစ်ပါတယ် ။‌ ကုန်းမြင့်ပေါ်ကရှေးဘုရားကျောင်း ရဲ့ ဇာတ်ဝင်ရှုခင်းတွေက အတော်ကြည့်ကောင်းပါတယ်။ ရုတ်တရက် မိုးတွေ ရွာချပြီး တောင်ကုန်းက ပြေးအဆင်းမှာ ဒလိမ့်ခေါက်ကွေး ကျပြီး ရွှံ့တွေ ဗွက်တွေ အလူးလူးနဲ့ ဖြစ်ရပါတယ်။ရထားနဲ့လည်း လွဲသွားခဲ့ရပြန်တယ်။ ◾ တည်းခိုခန်းကလည်း အခက်အခဲ ရှိ၊ရှေးရိုးစွဲ ကွန်ဆာဗေးတစ် လူတွေလည်း အများစု နေထိုင်ကြတဲ့ ဒေသမို့ တည်းရေးခိုရေး အတွက် အဆင်မပြေလှဘူး။ သူတို့ဟာ လင်မယား ယောင်ဟန်ဆောင်ပြိး တည်းခိုခဲ့ကြရပါသေးတယ်။ကောင်မလေး ကြောင့် ရှောခ် ဖြစ်မီးပျက်သွားတော့ ကောင်လေး ချက်တာ ပြုတ်တာတွေကို စားလိုက်ရတယ်။ ကောင်လေးက စာဖိုမှုး တစ်ယောက်လည်းဖြစ်တယ် လေ။ အဲဒီညက ဒေသခံ မိသားစုရဲ့ မိတ် ဆုံစားပွဲလေး တက်ဖြစ်ကြတယ်။ အယအစာ မစားခင် လင်မယားချင်း စုံတွဲ လိုက် အကြင်နာ ပေးတော့ သုတို့လည်း အတော် အကြပ်တွေ့ပြီး လိုက်လုပ်လိုက်ရပါတယ်။အဲဒီညက သူတို့ဟာ ကုတင်တစ်လုံးထဲပေါ်မှာ ကန့်ပြီးအိပ်ခဲ့ကြရတယ်။ သူတို့ဟာ တစ်ခုခုကို ခံစားခဲ့ကြရတာ ကိုယ်စီ သိပေမယ့် ဘယ်သူကမှ ဝန်မခံခဲ့ကြပါဘူး။ သန့်သန့်ရှင်းရှင်းပဲ ဆက်ဆံကြတယ်ဆိုပါတော့။ ◾ သူ့သူငယ်ချင်းမင်္ဂလာဆောင်ပွဲ ကိုတက်ဖြစ်တယ်။ ဝိုင်တွေ သောက်လိုက်တာ များသွားတယ်။ အဲဒီည က လူတွေ ကကြ ခုန်ကြ၊သောက်ကြစားကြ ပေါ့။ ကောင်မလေး အန်တယ် ။အမူးလွန်တယ်။မူးမူးနဲ့ ကောင်လေးကို ရစ်တယ်။ ကောင်လေးက အပြစ်မပြောဘူး။သည်းခံရှာတယ်။ အမှားမလုပ်မိအောင်ကူညီ ထိန်းပေးတယ် ။ ◾အဲဒီည က ပွဲ ပြီးတော့ သူ့ရည်းစားဆီ သွားမယ့် ကားစောင့်ရင်းအပြင်ဘက်ခုံတန်းလျားမှာ နှစ်ယောက်ထိုင်စောင့်ရင်း အိပ်ပျော်သွားတယ်။ ကောင်လေးရဲ့ ပေါင်ပေါ်မှာ အိပ်ပျော်သွားတယ်။ ကောင်လေးက ဘာအခွင့်အရေးမှ မယူဘူး။ မိုးလင်းသွားတယ်။ နိုးတော့ ကောင်လေးမရှိတော့ဘူး။ သူတစ်ယောက်ပဲ ကျန်တော့တယ်။ ရင်ထဲ ဟာတာတာ လိုဖြစ်သွားတယ်။ သူသိပ်ဆိုးသွားမိတာလား။ သူ့ကို စိတ်ပျက်သွားတာလား။ အခုတော့ ကားမှတ်တိုင်မှာ တစ်ယောက်တည်း။ သူမရှိမှ လွမ်းသလိုလိုခံစားရတယ်။ သူ့ကို ဖြူစင်စွာ စောင့်ရှောက်ပေးခဲ့တဲ့ လူငယ်ကို သတိယနေမိတယ်။ နောက်ကနေ လှမ်းနုတ်ဆက်တယ်။ ကောင်လေးပြန်လာပြီ။ လက်ထဲမှာ ပူပူနွေးနွေး ချောကလက် ကော်ဖီ နှစ်ခွက်ကိုင်ထားတယ်။ မင်း ဆာ‌ နေမှာစိုးလို့ သွားဝယ်တာ လို့ပြောတယ်။ ကောင်မလေး ပျော်သွားတယ်။ သူ့အထင်နဲ့သူ အတွေးချော်နေမိတာကိုလည်း ရှက်မိတယ်။ ◾ အတိုချုပ်လိုက်ရအောင်။ ကောင်မလေး ရည်းစား ရှိတဲ့ ဟိုတယ်ကို ရောက်သွားကြပြီ။သုံးပွင့်ဆိုင် တွေ့ကြတယ်။ ကောင်မလေးက သူ့ရည်းစားကိုမိတ်ဆက်ပေးတယ်။ ဒါ ဒီမြို့က သူ့ကို ကူညီ ခဲ့တဲ့ သူပါပေါ့။ သူ့ရည်းစားက အလုပ်အကိုင်ကောင်းတယ်။ ခန့်တယ်။ အလုပ်ကို အလေးနက်ထားတယ်။ ငွေရေးကြေးရေး အဆင်ပြေတယ်။ ဘာမဆို တိတိကျကျ လုပ်တယ်။ ထက်မြက်တယ်။ နေတာထိုင်တာ သပ်ရပ်တယ်။ အခု သူ့ရည်းစားက ကောင်လေးကို အလုပ်ဘာလုပ်လဲလို့ဆိုပြီး မေးတယ်။ ကောင်မလေးက မမေးဖို့ နဲ့ မကြိုက်ကြောင်းအမူအယာပြတယ်။ သိမ်ငယ်သွားမှာစိုးတဲ့ သဘောပါ။ ကောင်လေးက ပြန်ဖြေတယ်။ သူက အကြော်ဆရာပါ။စားဖိုမှုးပါပေါ့။ နုတ်ဆက်နေကြရင်းနဲ့ ပြောပြောဆိုဆို စပရိုက် လုပ်လိုက်တယ်။ ‌သူ့ရည်းစားက ရုတ်တရက် ထိုင်ချလိုက်ပြီး Will you marry me လို့ ပြောလိုက်တယ်။ဟော်တယ်ရဲ့ လော်ဘီ အခန်းမှာကိုပဲ စပရိုက် လုပ်ချလိုက်တယ်။ ကောင်မလေး အရမ်း အံ့အားသင့်သွားတယ်။ ဝမ်းလည်းသာ သွားတယ်။ ဖြတ်ကနဲ သတိယလို့ ကောင်လေးကို ကြည့်တော့ မရှိတော့ဘူး။ အခန်းအပြင်ဘက် မှာ တံခါးကို ကျောခိုင်းပြီး ရှောင်ပေးတာ တွေ့လိုက်ရတယ်။ ကောင်မလေး လက်ခံလိုက်တယ်။ ◾ ဒါပေမယ့် နောက်ရက်မှာ ကောင်မလေး ဝေဒနာ စပြီ။ ဘော်စတွန်ကို ပြန်လာခဲ့ရပေမယ့် စိတ်က မတင်မကျဖြစ်နေတယ်။ သုကောင် လေးကို အခုထိ ဘာလို့ သတိယနေသေးတာလဲပေါ့။ ခရီးသွားဟန်လွဲ တွေ့ခဲ့ကြတာပဲလေ။ စသဖြင့် စိတ်တင်းထားပေမယ့်မရဘူး။ စေ့စပ်မယ့်နေရောက်ပီ။ ကောင်မလေး စက္ကန့် ခြောက်ဆယ် သဘောတရားကို စမ်းသပ်လိုက်တယ်။ မီးလောင်တဲ့ အချက် ပေးခေါင်းလောင်းကို နိုပ်လိုက်ပြီး သူ့ရည်းစားဘာလုပ်မလဲစောင့်ကြည့်တယ်။ သူ့ရည်းစားက သူမြတ်နိုးတဲ့ နာရီ၊ဖုန်း၊တက်ပလက်၊လက်ပ်တော့ကွန်ပျူတာ တွေကိုပဲ သိမ်းနေတာ မြင်လိုက်ရတယ်။ သူ့ကို သတိမရဘူး။ ကောင်မလေးဆုံးဖြတ်လိုက်တယ်။ ငွေတွေ ရှိပေမယ့်၊တိုက်တာတွေနဲ့ နေနေရပေမယ့် ငါ့ဘဝက ဘာမှ မထူးဘူး။ သူလိုချင်တဲ့ အရာတွေ သူ့ဆီမှာ မရှိဘူးဆိုတာ သိလိုက်ရတယ်။ ဟုတ်ပြီ ဒါဆိုရင် ဘယ်သူ့ဆီမှာရှိလဲ ။ ◾ ကောင်မလေး ဘော်စတွန်ကနေ ကောင်လေးရှိရာ ဒန်ဂယ်ကို ထွက်လာခဲ့ပါတယ်။ ကောင်လေးက အကြော်ဆရာ လုပ်နေတယ်။ ကောင်လေး ရဲ့ ဆိုင်ကို လာပြီး ဟင်းလျာတစ်ပွဲမှာစားလိုက်တယ်။ ပြီးတော့ မကောင်းဘူး ပြင်ပေးပါဆိုပြီး ဝိတ်တာက တစ်ဆင့် အကြော်ဆရာကို သတင်းပါးခိုင်းတယ်။ အကြော်ဆရာ ထွက်လာတယ်။ ဟင်းပွဲကို ကိုင်ပြီး ဘယ်သူပြင်ခိုင်းတာပါလဲ လို့ စားသောက်သူတွေ ကြားထဲ ကို ဟိုဟိုဒီဒီ ရှာဖွေရင်း မေးလိုက်တယ်။ “Me” ကျွန်မပါပဲ လို့ ဆိုပြီး ကောင်မလေး ထလာတယ်။ သူ့ဆီတစ်လှမ်းချင်းလျောက်လာတယ်။ ကောင်လေးက တစ်ခွန်း ရေရွတ်တယ်။” What the hell are you doing here ” မင်းဒီကို ဘာလာလုပ်တာလဲ တဲ့။ ခပ်မာမာ လေသံမျိုးဖြစ်နေတယ်။ လူတွေ ဟာ တစ်ခါတစ်လေမှာ သူမြတ်နိုးတာ တစ်ခုခု ကို ဆုံးရှုံးခံခဲ့ရဖူးတဲ့ အခါ၊လက်လွတ်လိုက်ရတဲ့ အခါ နှလုံးသားတွေ မက လေသံတွေပါ မာကြောသွားတတ်ကြတာမျိုးလည်းရှိတယ်လေ။ ◾ ကောင်မလေးက သူပြန်လာတာဖြစ်ကြောင်း၊ စက္ကန့်ခြောက်ဆယ် စမ်းသပ်မှုမှာ သူအဖြေကိုသိသွားပြီဖြစ်ကြောင်း၊ သူ့ရည်းစားကို အဆက်ဖြတ်ခဲ့ပြီး သူနဲ့ လက်တွဲဖို့အကြောင်း ၊ သဘာဝပါတ်ဝန်းကျင်ဆိုင်ရာ ထိမ်းသိမ်းရေး သူလည်းပါဝင်လုပ်ဆောင်ကူညီလိုတဲ့အကြောင်း ၊သူနဲ့ လက်တွဲ လိုတဲ့အကြောင်းတွေ ပြောပြလိုက်တယ်။ ကောင်မလေးမျက် လုံးတွေက အရောင်တလက်လက်တောက်နေတာတွေ့ရတယ်။ဇာတ်ကားတစ်ခုလုံးမှာ အဲဒီ အခန်းမှာ မျက်ဝန်းက အရည်အလဲ့ဆုံးပါပဲ။ဒါ‌ ပေမယ့်ကောင်လေး လက်မခံခဲ့ဘူး။ မယုံကြည်တဲ့ပုံစံ ပြုံးပြီး နဲ့ လှည့်ထွက်သွားတယ်။ ကောင်မလေး ဂွမ်းပြီပေါ့။ စားသောက်ဆိုင်ထဲက ပြေးထွက်တယ်။ ပင်လယ်ကမ်းစပ်က ချောက်ကမ်းပါးစွန်းကို တစ်ယောက်တည်းထွက်ပြေးလာခဲ့ပြီး ချောက် ထိပ်မှာ ရပ်ပြီး ပင်လယ်ကြီးကို ကြည့်နေတယ်။ မျက်ရည်တွေက စီးကျလျက်ပေါ့။ သူ့ဘဝဟာ အဓိပ္ပါယ်မရှိတော့သလို ခံစားလိုက်ကတယ်။ ◾ သိပ်မကြာခင်မှာပဲ လူ‌တစ်ယောက် က သူ့ကို နောက်ကနေ လှမ်းခေါ်နုတ်ဆက် တယ်။ လှည့်ကြည့်တော့ ကောင်လေးဖြစ်နေတယ်။ ကျွန်မကို ဘာလို့ငြင်းပယ်လိုက်တာလဲ လို့ မေးတော့ ဘယ်မှာငြင်းလို့လဲတဲ့။ရှင်ထွက်သွားတယ်လေဆိုတော့ သူ့မှာ အစီအစဉ်ရှိလို့ပါ၊လက်စွပ်သွားယူတာပါ ဆိုပြီး ကောင်လေးက ဒူးထောက်ထိုင်ချလိုက်တယ်။Will you marry me ?လို့ ပရိုပိုဆယ် လုပ်တယ်။ လက်ထပ်ခွင့်တောင်းတယ်။ ကောင်မလေး ပျော်ရပြီလေ။ သူအလွန်ချစ်တဲ့၊သူ့ကိုပဲ သတိယနေမိတဲ့၊သူလိုချင်တဲ့ အရာတွေ အကုန်ရှိနေတဲ့ ကောင်လေး သူ့ကို ပစ်မထားပဲ လက်ထပ်ခွင့်လာတောင်းနေပြီလေ။ ◾ ဇာတ်သိမ်းက ပျော်စရာ ကြီးပေါ့။ ရိုက်ချက်လေးတွေ လည်း အတော်လှပါတယ်။ လူငယ်ဆန်ဆန် သရုပ်ဆောင်ချက်လေးတွေ က သဘာဝ ကျပြီးပီပြင်ပါတယ်။ ကောင်လေးကလည်း ပုသိုင်းမွေးနဲ့ ဆိုပေမယ့် အရပ်ရှည်ပြီး ကြင်နာတတ်တဲ့ မျက်လုံးရှိတယ်။ ကောင်မလေးနေရာက သရုပ်ဆောင်တဲ့ Amy Adams မျက်လုံး ကတော့ ပြောစရာတောင်မလိုတော့ဘူးထင်ပါတယ်။ ◾ ကျွန်တော် ထည့်မရေးမိတဲ့အထဲမှာ ကောင်လေးက စေ့စပ်ထားဖူးတယ်။သူ့ရည်းစားက နောက်ယောက်ကျားယူသွားပြီး လက်ထပ်မယ့်အစီအစဉ် ပျက်သွားလို့ သူ့လက်ထပ်လက်စွပ်ကို ပြန်တောင်းတယ်။ သူ့အမေ ရဲ့ အမွေ လေ။ ဒီလက်စွပ် ရ ရင် ရောင်းပြီး ဒန်ဂယ်မြို့ရဲ့ လိုအပ်နေတဲ့ သဘာဝ ပါတ်ဝန်းကျင် ထိန်းသိမ်းရေးတွေမှာ လှူဒါန်းမယ်လို့ပြောတာတွေ ပါတယ်။ ကျွန်တော် အင်္ဂလိပ်စာ အားနည်းလို့ ဘာသာပြန်တဲ့အခါ အမှားအယွင်းလေးတွေ ရှိခဲ့ရင်လည်း နားလည်ပေးစေချင်ပါတယ်။ ဇာတ်လမ်းတစ်ခုလုံးကို တစ်ခါတည်းကြည့်ပီး မှမိသလောက်ပြန်ရေးရတဲ့အတွက် လွဲ နေတာ တွေ့ရင်လည်း ထောက်ပြပေးပါ။ ◾ဒီဇတ်ကားနဲ့ ပါတ်သက်လို့ ရုံတင်တဲ့ အခါ ဒေသခံတွေ ထဲက မလိုလားသူတွေက ပြင်းထန်စွာ ကန့်ကွက်ခဲ့ကြသေးကြောင်းသိရပါတယ်။ ဒါပေမယ့်လည်း အကောင်းမြင်စိတ်နဲ့ နားလည်ပေးတဲ့သူက ပိုများတယ်၊ပိုအားပေးကြတယ်လို့သိရပါတယ်။ အနောက်နိုင်ငံတွေကတော့ သိပ်ပြသနာမရှိလှပေမယ့် အာရှ နိုင်ငံတွေ အတွက်တော့ ပြောစရာ တွေ၊အမြင်မတူတာတွေတော့ ရှိလာမယ်ထင်ပါတယ်။ ◾ မိတ်ဆွေရော? အငြင်းပွားစရာ ဒီလိုယဉ်ကျေးမှုတွေနဲ့ ချစ်စရာ လူငယ်သဘာဝတွေကြား ဘယ်လို မြင်မိပါသလဲ။ဒီဇာတ်ကားလေး အပေါ်မှာ ပြောစရာ တစ်ခုခု ရှိခဲ့ရင် အောက်မှာ ရေးပေးခဲ့စေချင်ပါတယ်။ (ရုပ်ရှင်အညွှန်းကို Ye Hut Khoung Wordpress မှ ကူးယူဖော်ပြပါသည်။) File size…(1.9 GB)/(970 MB) Quality….BluRay 1080p /720p Format…mp4 Duration….01:40:03 Subtitle….Myanmar Subtitle(Hardsub) Encoder….Ka Naung Translated by Poe Thinzar Kyaw

သဘာဝသမိုင်းပြတိုက်မှာ ညစောင့်လုပ်ခဲ့တဲ့ လယ်ရီ ဒဲလ်လေဟာ အခုတော့ သူတီထွင်ထားတဲ့ အိမ်သုံးပစ္စည်းတွေကို ရောင်းချရင်း အောင်မြင်တဲ့ လူသုံးကုန်ပစ္စည်းကုမ္ပဏီတစ်ခုရဲ့ CEO ဖြစ်နေပါပြီ။ သူ့ရည်မှန်းချက်အတိုင်း အလုပ်လုပ်နိုင်ခဲ့ပေမယ့် ပြတိုက်ဟောင်းကို အလည်ပြန်ရောက်လာတဲ့အခါ အရင်က မိသားစုလိုဖြစ်ခဲ့တဲ့ မိတ်ဆွေတွေ တကွဲတပြားစီ ဖြစ်ရတော့မယ်ဆိုတာ သိလိုက်ရတယ်။ လူကြိုက်နည်းလာတဲ့ ပြတိုက်ပစ္စည်းတွေကို ခေတ်မီသုံးဖက်မြင်စက်ပစ္စည်းတွေနဲ့ အစားထိုးဖို့ စီစဉ်နေပြီး အရုပ်တွေကိုတော့ ပြည်ထောင်စုမော်ကွန်းတိုက်ရဲ့ မြေအောက်ခန်းဆီ ပို့တော့မှာပါ။ လယ်ရီ ထွက်သွားခဲ့တာကို စိတ်နာနေကြတဲ့ မိတ်ဆွေတွေထဲမှာ စကားနာထိုးသူလည်းရှိသလို သူ့ကို မကြည့်ချင်လို့ မျက်နှာလွှဲသူလည်း ရှိတယ်။ လယ်ရီက သူတို့နဲ့ တစ်ညတာအတူနေပြီး နှုတ်ဆက်ခဲ့ပါတယ်။ ဒါပေမယ့် မျောက်ကလေး ဒက်ဇ်တာက ရွှေကျောက်စာကို မော်ကွန်းတိုက်ရဲ့ အောက်ထပ်ဆီ ခိုးယူသွားတဲ့အခါ ကမ္ဘာ့အကြီးဆုံးပြတိုက်ကြီး အသက်ဝင်လာတယ်။ အသက်ဝင်လာသူတွေထဲမှာ လယ်ရီ့မိတ်ဆွေ အခမ်းရာ့ရှ်ရဲ့ အစ်ကိုလည်း ပါလာပါတယ်။ သူဟာ စိတ်ဓာတ်ယုတ်ညံ့လို့ ထီးနန်းမအပ်ခံခဲ့ရတဲ့ ဖာရိုဘုရင်မျိုးရိုးဝင်တစ်ယောက်ဖြစ်ပြီး ကမ္ဘာကို အုပ်စိုးချင်နေသူပါ။ သူက လယ်ရီ့လက်ထဲက ကျောက်စာကို လုယူပြီး တမလွန်မြေအောက်ကမ္ဘာက မိစ္ဆာစစ်တပ်ကို ခေါ်ထုတ်ဖို့ ကြိုးစားလာပါတယ်။ ဒီစွန့်စားခရီးမှာ လယ်ရီနဲ့အတူ လိုက်ပါကူညီသူကတော့ သတ္တိရှိတဲ့ အမျိုးသမီးလေယာဉ်မှူးတစ်ယောက်ပါ။ လယ်ရီ့ကို မြတ်နိုးတဲ့စိတ်နဲ့ ကူညီပေးနေတဲ့ သူတို့နှစ်ယောက်ရဲ့ မေတ္တာအကြောင်းကိုလည်း ဟာသနဲ့ စွန့်စားခန်းတွေကြားမှာ တွဲဖော်ပြထားပါတယ်။

သံရုံးမှာ အလုပ်လုပ်တဲ့ ခင်ပွန်းဖြစ်သူ ပဲရစ်မှာ တာဝန်ကျတော့ အမျိုးသမီးတစ်ယောက်လည်း သူနဲ့အတူ လိုက်လာပါတယ်။ ခင်ပွန်းကို ဖွယ်ဖွယ်ရာရာ ချက်ကျွေးချင်လို့ ဟင်းချက်နည်းစာအုပ်တွေ လိုက်ရှာရာက တွေ့သမျှ ပြင်သစ်ဟင်းလျာချက်နည်းတွေဟာ ပြင်သစ်ဘာသာနဲ့ပဲ ရေးထားတာ ဖြစ်နေတယ်။ အဲဒီကနေ လုပ်ဖော်ကိုင်ဖက်တချို့နဲ့အတူ ပြင်သစ်ဟင်းလျာချက်နည်းတွေကို အင်္ဂလိပ်လိုရေးပြီး စာအုပ်ထုတ်ဖို့ ကြိုးစားလာပါတယ်။ ဒါပေမယ့် ထုတ်ဝေသူရှာရတာ မလွယ်ဘဲ အခက်အခဲတွေနဲ့ ပယ်ချခံရတာတွေကို ကြုံရတယ်။ ပြင်သစ်ဟင်းလျာချက်နည်းတွေကို အမေရိကန်ဆီ ယူဆောင်လာပေးတဲ့ ဒီအမျိုးသမီးရဲ့အကြောင်းကို အခြေခံထားပြီး သူတို့ရေးထားတဲ့စာအုပ် ထုတ်ဝေနိုင်ဖို့ ဘယ်လိုဆက်ကြိုးစားကြမလဲဆိုတာ ပြထားပါတယ်။

စိန့်နီကိုးလပ်စ် ကတ်သလစ်စာသင်ကျောင်းမှာ စစ်စတာအယ်လိုဝစ်ရှက်စ်ဟာ စည်းကမ်းတင်းတင်းကျပ်ကျပ်နဲ့ အုပ်ချုပ်သူတစ်ယောက်ပါ။ ဖာသာဖလင်းကတော့ ခေတ်မီတဲ့အမြင်ရှိပြီး စည်းကမ်းတွေကို ဖြေလျှော့ကာ ကျောင်းသားတွေနဲ့ ရင်းရင်းနှီးနှီး နေတတ်ပါတယ်။ ကျောင်းတစ်ကျောင်းတည်းမှာ ရှိနေပေမယ့် သူတို့နှစ်ယောက်ရဲ့ သဘောထားနဲ့ ချဉ်းကပ်ပုံက ကွာခြားနေပါတယ်။ တစ်နေ့ စစ်စတာဂျိမ်းစ်က ဖာသာဖလင်းဟာ ကျောင်းသားတစ်ယောက်ကို အထူးအရေးပေး ဆက်ဆံနေကြောင်း စစ်စတာအယ်လိုဝစ်ရှက်စ်ကို ပြောပြလာတယ်။ ဘာကြောင့် ဒီလိုဆက်ဆံနေသလဲဆိုတာကိုတော့ သူတို့ သေချာမသိကြပါဘူး။ ဒါပေမယ့် အဲဒီမသေချာမှုကနေ စတင်ပြီး စစ်စတာအယ်လိုဝစ်ရှက်စ်ဟာ ဖာသာဖလင်းကို ရာထူးကနေ ဖယ်ရှားဖို့ ကြိုးစားလာပါတယ်။ John Patrick Shanley ရေးသားတဲ့ Doubt: A Parable ကို သူကိုယ်တိုင် ဒါရိုက်တာအဖြစ် ရုပ်ရှင်ပြန်ရိုက်ထားတာပါ။ ဇာတ်ကောင်တွေရဲ့ သရုပ်ဆောင်မှုနဲ့ အပြန်အလှန်ပြောစကားတွေကို အလေးထားတင်ပြထားပါတယ်။

Enchanted (2007) Enchanted ကတော့ ၂၀၀၇ ခုနှစ်က ထွက်ရှိခဲ့တဲ့အမေရိကန်သက်ဝင်လှုပ်ရှားရုပ်ရှင်၊ ကာတွန်းနဲ့ဂီတပေါင်းစပ်ဖန်တီးထားတဲ့ စိတ်ကူးယဉ်ဇာတ်လမ်းဖြစ်ပါတယ်။ Kevin Lima က ဒါရိုက်တာလုပ်ရိုက်ကူးထားပြီး Bill Kelly က ဇာတ်ညွှန်းရေးကာ Amy Adams၊ Patrick Dempsey၊ James Marsden နဲ့ Susan Sarandon တို့က ပါဝင်သရုပ်ဆောင်ထားပါတယ်။ စိတ်ကူးယဉ်ကာတွန်းကမ္ဘာဖြစ်တဲ့ Andalasia မှာနေထိုင်တဲ့ Giselle အမည်ရှိတဲ့ ကောင်မလေးဟာ Prince Edward နဲ့တွေ့ဆုံချစ်ကြိုက်မိရာကနေ ချက်ချင်းလက်ထပ်ဖို့စီစဉ်ခဲ့ကြပါတယ်။ ဒါပေမဲ့ Edward ရဲ့ မိထွေးတော် Queen Narissa ဟာ သားတော်လက်ထပ်ရင် နန်းစည်းစိမ်ဆုံးရှုံးရမှာစိုးရိမ်တာနဲ့ပဲ Giselle ကို ဆန္ဒပြည့်ရေတွင်းထဲတွန်းချလိုက်ပါတယ်။ အဲဒီတွင်းထဲကပြန်ထွက်ပေါ်လာတာက လူသားအသွင် Giselle ဖြစ်နေပြီး လက်တွေ့ကမ္ဘာရဲ့နယူးယောက်မြို့ Times Square ထဲမှာ ရောက်ရှိနေခဲ့ပါတယ်။ စုံတွဲတွေကိုကွာရှင်းပေးရတဲ့ရှေ့နေဖြစ်သူ Robert နဲ့သူ့သမီးငယ်လေး Morgan က Giselle ကို ကယ်တင်ထားခဲ့ကြပြီး Robert ကိုယ်တိုင်က အချစ်ကိုယုံကြည်မှုမရှိသူဖြစ်ပေမယ့်လည်း Giselle ရဲ့စိတ်ကူးယဉ်ဆန်မှုတွေနဲ့ရင်ဆိုင်လိုက်ရတဲ့အခါ Giselle ကို ချစ်မိသွားခဲ့ပါတော့တယ်။ တစ်ချိန်တည်းမှာပဲ Prince Edward နဲ့ Giselle ရဲ့ရှဉ့်လေး Pip ဟာ Giselle ကိုရှာဖွေကယ်တင်ဖို့ Andalasia ကနေလိုက်လာခဲ့ကြသလို Queen Narissa ရဲ့အကြံပေးချုပ် Nathaniel ကလည်း Giselle ကိုအဆိပ်ခတ်သတ်ဖို့ လက်တွေ့ကမ္ဘာကို ရောက်ရှိလာခဲ့ပါတယ်။ နာမည်ကျော် Disney ဂီတပညာရှင် Alan Menken နဲ့ Stephen Schwartz တို့က Enchanted ဇာတ်ကားအတွက် တေးဂီတတွေဖန်တီးပေးထားပြီး Disney ရဲ့ပုံပြင်တွေကို နှစ်သက်သူတွေအတွက်တင်မက ဟာသနဲ့စိတ်ကူးယဉ်ဇာတ်လမ်းတွေကို နှစ်သက်သူတွေအတွက်ပါ ကြည်နူးပျော်ရွှင်စရာဇာတ်ကားကောင်းတစ်ကားဖြစ်ပါတယ်။ File Size -1.64 GB/ 964 MB Quality - BluRay 1080p/ 720p Duration - 1h 47m Format - mp4 Genre - Comedy, Family, Fantasy, Romance Subtitle - Myanmar Subtitle (Hard Sub)

"ကျုပ်မှာ အတော်ဆိုးတဲ့အိမ်နီးချင်းလူကြီးတစ်ယောက်ရှိခဲ့ဖူးတယ်.. မစ္စတာချားတဲ့...ဒီလူကြီးက အိမ်နီးချင်းတွေရဲ့ခွေးတွေ သူ့ပန်းခင်းကို လာနှောင့်ယှက်တာကိုမနှစ်မြို့ဘူး...တစ်နေ့တော့ လမ်းမှာ အော်သံတစ်ခုကြားလိုက်ရတယ်...ကျုပ်ရဲ့ခွေးဟာ သွေးတွေနဲ့မချိမခံမဆန့်ခံစားရင် လူးလှိမ်နေတယ်...မစ္စတာချားဆိုတဲ့သူက ခွေးစာနဲ့ဖန်ပုလင်းအကြေတွေနဲ့ရောကြိတ်ပြီးကျွေးလိုက်လို့ပါ...သွေးတွေအန်ရင်း ကျုပ်ခွေးသေသွားတယ်..." "အဲ့ဒီတော့ရှင်ဘာပြန်လုပ်လိုက်လဲ" "သူ့က ရွေးကောက်ခံအာဏာပိုင်ဗျ...မြို့ကောင်စီရဲ့ဥက္ကဌ..(၂)နှစ်ပြည့်တိုင်း ပြန်ရွေးခံရင်သူပဲပြန်ရမှာမြေကြီးလက်ခတ်မလွဲပဲ...ရွေးကောက်ပွဲရက်ကြတော့ တစ်ခါမှမဲမပေးဖူးသေးတဲ့ လူမဲတွေဆီကျုပ်ကားမောင်းသွားလိုက်တယ်...ကျုပ်အသက်(၁၃)နှစ်အရွယ်ပေါ့..လူမဲတွေကို မဲပေးမဲ့နေရာထိကားမောင်းပို့တယ်..မဲပေးပြီးရင်အိမ်ပြန်ပို့ပေးတယ်" "မဲပေးဖို့ကားထဲက မထွက်ခင်သူတို့ကိုပြောတာတော့ရှိတယ်..ခင်ဗျားတို့ဆန္ဒကိုချုပ်ချယ်တာတော့မဟုတ်ဘူး..မစ္စတာချားကတော့ ကျုပ်ခွေးကိုရက်ရက်စက်စက်သတ်ခဲ့တာကိုတော့ ခင်ဗျားတို့သိသင့်တယ်လို့အကုန်လုံးကိုပြောခဲ့တယ်...အဲ့ဒီမှာ မစ္စတာချားကြီး (၁၄)မဲနဲ့ရှုံးသွားတယ်..." ဒီစကားကိုပြောနေတဲ့သူကတော့ အမေရိကန်လွှတ်တော်အမတ် ချာလီဝီလ်ဆင်ပင်ဖြစ်သည်..သူက ရုံးမှာတောင်မိန်းမလှတွေချည်း ခန့်ထားသူ..အရက်ကို တစ်ဂွပ်ဂွပ်သောက်သည်..ရုံးချိန်တွင်းပါသောက်သည်..ပြောရရင်တစ်ချိန်လုံးသောက်နေတယ်လို့တောင်ပြောရမည်... ဇိမ်မယ်တွေနဲ့တောင်ပျော်ပါးတတ်တဲ့သူ..သို့ပေမယ့် သူဟာ အထက်ကပြောခဲ့သလိုပင် အဓိကပျော့ကွက်ဟာကွက်တွေကို ခလုတ်နှိပ်ရမှာ တစ်ဖက်ကမ်းခတ်ကျွမ်းကျင်တဲ့သူပင်...ဒါကြောင့်လည်း လွှတ်တော်အမတ်နေရာမှာ ဖင်မြဲနေတဲ့သူ... ဒီလိုနဲ့သူဟာ အာဖဂန်နစ္စတန်နဲ့ ရုရှားတို့ရဲ့ တို့ရဲ့စစ်ပွဲကိုမြင်တွေ့ပြီးတဲ့အချိန်မှာ ကူညီပေးလိုစိတ်ပေါ်လာတယ်... ဒါပေမယ့် အမေရိကန်က ဝင်ကူတာလို့ ရုရှားကို မသိစေလိုတဲ့အခါ၊ အမေရိကန် အစိုးရအဖွဲ့ဝင်တွေကလည်း အာဖဂန်နစ္စတန်တွေကို မယုံကြည်တဲ့အခါ ချာလီတစ်ယောက် နိုင်ငံရေး လှည့်ကွက်တွေသုံးပြီး မိမိလိုချင်တဲ့အကွက်ရအောင် ကြိုးစားရပါတော့မယ်။လွှတ်တော်အမတ်ချာလီဝီလ်ဆင်အဖြစ် ကျွန်တော်တို့ရဲ့ မင်းသားကြီး Tom Hanks က သရုပ်ဆောင်ထားပါတယ်.... ဖြစ်ရပ်မှန်ဇာတ်ကားကောင်းဖြစ်တဲ့အပြင် မင်းသားကြီး တွမ်ဟန့်ကိုယ်တိုင်သရုပ်ဆောင်ထားပြီး သူဘယ်လိုတွေ ခလုတ်နှိပ်မလဲဆိုတာတော့ ခံစားကြည့်လိုက်ဦးဗျို့.... ဇာတ်လမ်းအညွှန်းနဲ့ ဘာသာပြန်သူကတော့ Myo Khant Maung ပဲဖြစ်ပါတယ်.... File size…(2.3 GB)/(1.6 GB) Quality….Blu-Ray 1080p / 720p Format…mp4 Duration….01:42:00 Genre...Biography, Comedy, Drama Subtitle….Myanmar Subtitle (Hardsub) Encoder….Garfield Translated by Myo Khant Maung

မြို့ငယ်လေးတစ်မြို့က ဘာသာတရားကိုင်းရှိုင်းတဲ့ မိသားစုမှာ ကြီးပြင်းလာတဲ့ JB က ရော့ခ်ဂီတကို အရမ်းဝါသနာပါတယ်။ မိသားစုရဲ့ အစဉ်အလာနဲ့ ဆန့်ကျင်နေပေမယ့် ရော့ခ်ဂီတသမား ဖြစ်ချင်တဲ့စိတ်ကို မလျှော့ဘူး။ သူနေတဲ့ပတ်ဝန်းကျင်မှာ ဒီအိပ်မက်ကို အကောင်အထည်ဖော်ဖို့ မဖြစ်နိုင်ဘူးလို့ ယူဆပြီး အဆိုတော် Dio ရဲ့ လမ်းညွှန်မှုနဲ့ အိမ်ကထွက်လာရာက ဟောလိဝုဒ်ကို ရောက်သွားပါတယ်။ ဟောလိဝုဒ်မှာ လမ်းဘေးဖျော်ဖြေသူ KG နဲ့ တွေ့တော့ သူ့ရဲ့ ဂစ်တာလက်သံကို သဘောကျသွားတယ်။ ရော့ခ်ဂီတသမားကောင်းတစ်ယောက် ဖြစ်ချင်တဲ့ JB က KG ဆီမှာ တပည့်ခံပြီး သူပေးတဲ့ သင်ခန်းစာတွေနဲ့ စတင်လေ့ကျင့်ပါတယ်။ အောင်မြင်နေတဲ့ ရော့ခ်ဂီတသမားတွေကို လေ့လာရင်း သူတို့သုံးနေတဲ့ ဂစ်တာခတ်ပြားက တစ်မျိုးတည်းဖြစ်နေကြောင်းလည်း သိသွားကြတယ်။ ဒါနဲ့ သူတို့ရဲ့ သီချင်းတွေ ဂန္ထဝင်မြောက်လာဖို့ နတ်ဆိုးဂစ်တာခတ်ပြားကို ရအောင် လိုက်ရှာကြတော့တယ်။ ဒီခတ်ပြားကို ရှာတွေ့ရင် သူတို့မျှော်လင့်သလို အောင်မြင်လာမလား၊ ဆရာတင်ထားတဲ့ KG ရဲ့ သရုပ်မှန်ကရော ဘာဖြစ်မလဲဆိုတဲ့ မေးခွန်းတွေကြားမှာ ရော့ခ်သီချင်းတွေနဲ့ ဟာသတွေ ရောနှောထားပါတယ်။ ဂျက်ဘလက်ခ်နဲ့ ကိုင်းဂတ်စ်တို့က လက်တွေ့မှာလည်း Tenacious D ဆိုတဲ့ ရော့ခ်အဖွဲ့ကို ဖွဲ့ထားကြပြီး ကိုယ်တိုင်သီချင်းရေး၊ တီးခတ်၊ သီဆိုသူတွေပါ။ ဒီဇာတ်ကားကတော့ ဆဲဆိုမှုနဲ့ ရိုင်းစိုင်းတဲ့အကြောင်းအရာတွေ ပါဝင်တဲ့ R-rated ဂီတဟာသကား ဖြစ်ပါတယ်။

Kat Ellis ဆိုတဲ့ကောင်မလေးကတော့ အပျိုကြီးဖြစ်ရမှာကို ကြောက်နေတဲ့သူတစ်ယောက်ပေါ့ တစ်နေ့မှာ သူ့ညီမဖြစ်သူက သူ့ထက်အရင် မဂ်လာဆောင်ပြီလို့ သိလိုက်ရတဲ့နောက်... သူ့ညီမ မဂ်လာပွဲကို သွားဖို့ ရည်းစားအဖြစ် လိုက်ပေးမယ့်သူကို ရှာငှားတော့တာပေါ့ ဒီလိုနဲ့ သူ့ညီမ မဂ်လာဆောင်မှာ ဘာတွေဖြစ်ကုန််မလဲဆိုတာကို ဟာသနှောပြီး ရိုက်ကူးထားတဲ့ ရိုမန့်တစ်ဆန်ဆန်ကားလေးပဲဖြစ်ပါတယ် ။ ( ဘာသာပြန်ပြီး အညွှန်းရေးသားထားသူကတော Mark ပါ ) File size_(2GB)/(1.1GB) Quality_Blu-Ray 1080p / 720p Format_mp4 Duration_01:30:00 Genre_Comedy, Romance Subtitle_Myanmar Subtitle (Hardsub) Encoder_a hao Translated by Mark

ဉာဏ်ကောင်းပေမယ့် လမ်းမှားရောက်နေတဲ့ လူငယ် ဖရန့်နဲ့ သူ့ကိုဖမ်းဆီးဖို့ တာဝန်ရှိတဲ့ ကားလ်ဟန်ရက်တီတို့အကြောင်းကို ရိုက်ကူးထားတဲ့ ဇာတ်ကားပါ။ ကားလ်အတွက်တော့ ဒီလူငယ်ကို ဖမ်းမိဖို့သာမက လမ်းမှန်ပြန်ရောက်လာစေဖို့ကလည်း အရေးပါနေပါတယ်။ သူတို့နှစ်ယောက်ကြားက ဆက်ဆံရေးကို ဇာတ်လမ်းနဲ့အတူ လိုက်ကြည့်ရမှာပါ။ Steven Spielberg ရိုက်ကူးထားပြီး Leonardo နဲ့ Tom Hanks တို့ အဓိကပါဝင်ပါတယ်။ Tom Hanks က ကားလ်ဟန်ရက်တီအဖြစ် သရုပ်ဆောင်ထားတာပါ။ မူရင်းမိတ်ဆက်စာမှာ ဖြစ်ရပ်မှန်ကို အခြေခံတဲ့ဇာတ်ကားအဖြစ် ဖော်ပြထားပြီး အဓိကသရုပ်ဆောင်နှစ်ယောက်ရဲ့ သရုပ်ဆောင်မှု၊ သူတို့ကြားက ဆက်ဆံရေးနဲ့ ဇာတ်လမ်းတည်းဖြတ်ပုံတို့ကို အလေးထား ညွှန်းထားပါတယ်။

ဂျိုးက တရားရုံးသမ္မာန်စာတွေကို သက်ဆိုင်သူတွေဆီ လိုက်ပို့ပေးရသူပါ။ စာရွက်စာတမ်းပို့ရုံပဲဆိုပေမယ့် လက်ခံရမယ့်သူတွေက သူ့ကိုရှောင်နေကြလို့ အလုပ်တစ်ခုအတွက် တစ်ပတ်လောက် အချိန်ကုန်တတ်တယ်။ အဲဒါကြောင့် သူဌေးရဲ့ အပြစ်တင်တာကိုလည်း ခံနေရပါတယ်။ တစ်နေ့မှာ ဆာရာမိုးဆိုတဲ့ အမျိုးသမီးဆီ ကွာရှင်းစာချုပ် သွားပို့ရတယ်။ ဆာရာက သူလာမယ့်သတင်းကို ကြိုသိပြီး ရှောင်သွားနိုင်တော့ သူဌေးက ဂျိုးကိုဆူပြီး အလုပ်ကို တခြားသူဆီ လွှဲပေးလိုက်ပါတယ်။ မကျေနပ်တဲ့ဂျိုးက ဆာရာ့လိပ်စာကို ထပ်ရှာပြီး နောက်ဆုံးမှာတော့ စာရွက်စာတမ်းတွေ ပေးနိုင်သွားတယ်။ အဲဒီမှာ ဆာရာက ဂျိုးကို ကမ်းလှမ်းချက်တစ်ခု ပြန်ပေးလာပါတယ်။ သူ့ခင်ပွန်း ဂေါ်ဒွန်မိုးဆီ ကွာရှင်းစာချုပ်ကို အရင်ရောက်အောင် ပို့ပေးနိုင်ရင် ဒေါ်လာတစ်သန်း ပေးမယ်ဆိုတာပါ။ ဒီလိုနဲ့ ဆာရာနဲ့ဂျိုးတို့ ဂေါ်ဒွန်ဆီ အချိန်မီစာပို့နိုင်ဖို့ ကြိုးစားကြရတော့တယ်။ ဂျိုးရဲ့အလုပ်ကို ဘယ်သူက နှောင့်ယှက်နေတာလဲဆိုတာလည်း အဖြေရှာရဦးမယ်။ သူရော ဒေါ်လာတစ်သန်းရပြီး အိပ်မက်ထဲက စပျစ်ခြံလုပ်ငန်းကို လုပ်နိုင်ပါ့မလား။

ဆီဘတ်ရှန်ဟာ အနေအထိုင်ဆိုးလွန်းတာကြောင့် ကျောင်းပြောင်းပေးခံရတဲ့ ဆယ်ကျော်သက်တစ်ယောက်ပါ။ ကျောင်းပြောင်းရတဲ့အပြင် အဖေနဲ့ မိထွေးရှိရာ အိမ်ကြီးကို ပြောင်းနေပြီး ချမ်းသာတဲ့မိသားစုက သားတစ်ယောက်အဖြစ် နေထိုင်လာရပါတယ်။ အဲဒီမှာ မိထွေးရဲ့သမီး ကတ်သရင်းနဲ့အတူ ကျောင်းတက်ရတယ်။ ကတ်သရင်းကတော့ ကျောင်းက တခြားသူတွေရဲ့ လိင်မှုရေးရာကို ဝင်ရောက်ခြယ်လှယ်ဖို့ ကြံစည်နေသူပါ။ သူ့စနက်တွေထဲ ဆီဘတ်ရှန်ပါ ဝင်ပါမိရာက ဇာတ်လမ်းဆက်သွားပါတယ်။ ကတ်သရင်းအဖြစ် Amy Adams သရုပ်ဆောင်ထားပြီး Sarah Thompson နဲ့ Teresa Hill တို့လည်း ပါဝင်ထားကြတယ်။ ပထမကားနဲ့ အကြောင်းအရာဆင်တူပေမယ့် သရုပ်ဆောင်တွေတော့ ပြောင်းထားပါတယ်။ လိင်မှုဆိုင်ရာပြကွက်တွေ ပါဝင်တဲ့အတွက် မိသားစုနဲ့အတူ ကြည့်ဖို့ မသင့်တဲ့ အချစ်ဟာသဇာတ်ကားပါ။

၂၀၀၀ ခုနှစ်ထွက် Psycho Beach Party က ကမ်းခြေပါတီတစ်ခုမှာ ဖြစ်ပွားတဲ့ လူသတ်မှုတွေကို ဟာသနဲ့ ရောစပ်ထားတဲ့ ဇာတ်ကားပါ။ အသက် ၁၇ နှစ်အရွယ် ဖလော်ရန့်စ်ဟာ သူနဲ့ရွယ်တူ ကောင်မလေးတွေ လူကြီးစိတ်ဝင်လာကြတာကို စိတ်ပျက်နေသူဖြစ်ပါတယ်။ တစ်နေ့ ကမ်းခြေမှာ ရေလွှာလျှောစီးနေသူတွေကို တွေ့ပြီး သူလည်း စီးချင်လာတယ်။ ရေလွှာလျှောစီးတဲ့ ကောင်လေးတွေက သူ့ကို ကြက်ပေါက်လို့ နာမည်ပေးလိုက်ရာက အဲဒီအမည် တွင်သွားပါတယ်။ ကြက်ပေါက်မှာ စိတ်ကျန်းမာရေးပြဿနာတစ်ခုရှိပြီး တစ်ခါတလေ အန်နီဘိုးမန်းဆိုတဲ့ လူတစ်ယောက်အဖြစ် ပြောင်းလဲသွားတတ်ပါတယ်။ တိုက်တိုက်ဆိုင်ဆိုင်ပဲ ကမ်းခြေမှာ လူသတ်မှုတွေ တစ်ခုပြီးတစ်ခု ဖြစ်လာတော့ အသိစိတ်လွတ်နေချိန်က ကြက်ပေါက်ရဲ့ လက်ချက်ဖြစ်နိုင်မလားဆိုတဲ့ သံသယ ဝင်လာတယ်။ ဒါမှမဟုတ် လူသတ်သမားက တခြားတစ်ယောက် ဖြစ်နေဦးမလားဆိုတာ မသိရသေးပါဘူး။

ဒီဇာတ်ကားလေးကတော့ Spidermanဇာတ်ကားသုံးတွဲမှာ MJအနေနဲ့ သရုပ်ဆောင်ခဲ့တဲ့ မင်းသမီး Kirsten Dunst ရဲ့ဇာတ်ကားလေးပါပဲ။ သူ့အပြင် တစ်ခြားအလှမင်းသမီးတွေလည်း ပါဝင်ပါသေးတယ်။ ဇာတ်လမ်းအကျဥ်းကတော့ အမေရိကန်နိုင်ငံမှာ ဆယ်ကျော်သက်မင်းသမီးလေးအလှမယ်ပြိုင်ပွဲဆိုပြီး အလှမယ်ပြိုင်ပွဲတစ်ခုရှိပါတယ်။ ဒီပြိုင်ပွဲကို မြို့နယ်ကနေ ပြည်နယ်အဆင့် ပြည်နယ်ကနေ နိုင်ငံအဆင့်ထိ ယှဥ်ပြိုင်ကြရပါတယ်။ ဇာတ်လမ်းအခြေတည်ထားတာကတော့ နယ်မြို့လေးဖြစ်တဲ့ မောင့်ရို့စ်ဆိုတဲ့နယ်မြို့‌‌လေးမှာပါပဲ။ ဒီမြို့လေးမှာလည်း အလှမယ်ပြိုင်ပွဲကျင်းပရင်း ပြိုင်ပွဲအဖွဲ့အစည်းရဲ့ ဥက္ကဌသမီးက နိုင်ဖို့အစွမ်းကုန်ကြိုးစားပါတော့တယ်။ သူမက ဒီပြိုင်ပွဲကိုအနိုင်ရဖို့ ဘယ်လောက်တောင်လုပ်ဆောင်သွားမလဲ။ ဇာတ်လိုက်ဖြစ်တဲ့ နောက်တွဲကားမှာ အမေနဲ့နှစ်ယောက်ထဲ နေထိုင်နေရတဲ့ ကျွန်တော်တို့ရဲ့ ဇာတ်လိုက်မင်းသမီးလေးကရော အခက်အခဲတွေကို ဘယ်လိုကျော်ဖြတ်မလဲဆိုတာကို ကြည့်ရမှာပါ။ ရိုက်ကူးထားတဲ့ပုံစံကလည်း သာမန်နဲ့မတူဘဲ အလှမယ်ပြိုင်ပွဲကို မှတ်တမ်းတင်ရိုက်ကူးနေတဲ့ပုံစံနဲ့ရိုက်ကူးထားတာလည်း ဖြစ်ပါတယ်။ အလှမယ်ပြိုင်ပွဲလေးတစ်ခုအတွက် ဘယ်လောက်ထိရက်စက်ကြမလဲ။ မင်းသမီးကရော အနိုင်ရပါ့မလား။ ပေါ့ပေါ့ပါးပါးနဲ့ကြည်ရှုနိုင််မယ့် ဇာတ်လမ်း‌လေးတစ်ခုပဲဖြစ်ပါတယ်။ File size…(2.3 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy  Subtitle….Myanmar Subtitle (Hardsub) Encoder….Swan Min Htet Translated by Lwin