Banerjee ပါဝင်သော ဇာတ်ကားများ

Sing Geetham (2026) သီချင်းရွာ ပရိသတ်တွေနဲ့ ဝေဖန်ရေးသမားတွေကြားမှာ ချီးကျူးမှု အများအပြား ရရှိထားတဲ့ တေလေဂူး စိတ်ကူးယဉ်ကျေးလက်ဂီတဟာသ ရုံတင်ရုပ်ရှင်ကောင်းလေးကို တင်ဆက်ပေးပါရစေ။ ဒီရုပ်ရှင်ဟာ အိန္ဒိယရဲ့ ဂန္ထဝင်ဒါရိုက်တာကြီး ဆင်ဂီသမ်ဆရီနာဗာဆာရောဝ်ရဲ့လက်ရာဖြစ်ပါတယ်။ ကူဘေရာပူရမ်ဆိုတဲ့ရွာလေးဟာ သတ္တုတူးမှုတွေကြောင့်မိုးခေါင်ရေရှားပြီး ပျက်စီးနေတဲ့ရွာလေးတစ်ရွာဖြစ်ပါတယ်။ အဲဒီရွာမှာ သဘာဝပတ်ဝန်းကျင်ကို မြတ်နိုးတဲ့ ဂေါ်ရီဆိုတဲ့ကောင်မလေးဟာ ကွင်းပြင်ကြီးထဲမှာ နောက်ဆုံးကျန်နေတဲ့သစ်ပင်ကြီးကို ကာကွယ်နေသူပါ။ တစ်နေ့မှာတော့ ငွေကြေးလိမ်လည်မှုနဲ့ ထောင်ကျဖူးပြီး လောဘဇောတိုက်နေတဲ့ ပရာတပ်ဆိုတဲ့ ရွှေတွင်းပိုင်ရှင် လူငယ်ဟာအဲဒီရွာကို ရောက်လာပြီး ဂေါ်ရီနဲ့ရင်းနှီးသွားပါတယ်။ ဒါပေမဲ့ တခြား မိုင်းတွင်းပိုင်ရှင်တွေဟာ ရွာရဲ့ နောက်ဆုံးသစ်ပင်ကြီးကို မြေထိုးစက်နဲ့ ခုတ်လှဲပစ်လိုက်တဲ့အခါမှာတော့ ရွာသားအားလုံးဟာ ပုံမှန်စကားမပြောနိုင်တော့ဘဲ စိတ်ခံစားချက်၊ ဝေဖန်မှု၊ အပြောအဆိုမှန်သမျှကို သီချင်းဆိုပြီးပဲ ပြောလို့ရတော့တဲ့ ထူးဆန်းတဲ့ ကျိန်စာတစ်ခု သင့်သွားကြပါတော့တယ်။ ဒီကျိန်စာကနေ လွတ်မြောက်ဖို့ ရွာသားတွေနဲ့ ပရာတပ်တို့ဟာ သူတို့လောဘတွေကို ပြန်ဆန်းစစ်ပြီး သဘာဝတရားနဲ့ သဟဇာတဖြစ်အောင် ဘယ်လိုကြိုးစားရမလဲဆိုတာကိုသီချင်းသံမြိုင်မြိုင်နဲ့ ရယ်မောဖွယ်ကြည့်ရှုရမယ့်ရုပ်ရှင်ကောင်းလေးဖြစ်ပါတယ်။ File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 15min Subtitle….Myanmar Subtitle (Hard Sub)

Veeraaraju 1991 (2025) ပင်လယ်ပြာကလဲ့စား နယ်လိုပင်လယ်ကမ်းရိုးတန်းတစ်လျှောက်က တံငါရွာလေးအတွက်တော့ ပင်လယ်ပြာကြီးဟာ သဘာဝကပေးတဲ့ရွှေတွင်းပါပဲ။ ငါးတွေလှိုင်လှိုင်ပေါတဲ့ ဒီပင်လယ်ရွာလေးမှာ တစ်ရွာလုံး တံငါလုပ်ငန်းနဲ့ အသက်မွေးကြတာပေါ့။ ဒီရွာလေးမှာ တံငါသည်တွေကို အနိုင်ကျင့်နေတဲ့လူကတော့ ဒေဗာရာဂျူဆိုတဲ့သူ ဇာတ်မြင့်တဲ့သူဆိုပီပီ အပေါ်ဖားအောက်ဖိ လူတစ်သိုက်နဲ့ တံငါသည်ရွာသားတွေကို ညှင်းပန်းနေပြီး ဖိနှိပ်ပြီးတော့ သူ့ရဲ့သားဖြစ်သူကလည်း မိန်းမပျိုမြင်ရင် အပျိုအအိုမရှောင် ခြေတော်တင်ချင်တဲ့ ရေပေါ်ဆီပါ။ ဒါပေမဲ့ ဒီရွာလေးမှာ နောက်ထပ်ရာဂျူတစ်ယောက်ရှိပါသေးတယ်။ သူကတော့ ဗယ်ရာရာဂျူပါပဲ။ သူကတော့ ဒေဗာရာဂျူနဲ့ဆန့်ကျင်ဘက်ဖြစ်ပြီး + ရွာသားတွေကို အနိုင်ကျင့်သူတွေကို ကောင်းကောင်းပညာပြတတ်တဲ့ ယမကာလုလင် အမှန်တရားဘက်တော်သားလေးပေါ့။ ဒီလိုနဲ့တစ်နေ့ ဒေဗာရာဂျူရဲ့သားဖြစ်သူက ဗယ်ရာရာဂျူရဲ့ညီမ ဗယ်လီကို ဆွဲလားရမ်းလားလုပ်ရင်းကနေ ဗယ်ရာရာဂျူနဲ့ငြိပြီးတော့ နှုတ်ခမ်းမွေးရိတ်တာခံလိုက်ရပါတော့တယ်။ ဒါကတော့ နှုတ်ခမ်းမွေးဆိုတာ ‌ယောက်ျားမာန ယောက်ျားသိက္ခာလို့ မှတ်ယူထားတဲ့ ဒေဗာရာဂျူကို အကြီးအကျယ်ပေါက်ကွဲသွားစေတော့တာပါပဲ။ ဒီကနေစလိုက်တဲ့ ရာဂျူနှစ်ယောက် အားပြိုင်မှုက ဘာတွေဆက်ဖြစ်ကြမလဲဆိုတာ ကိုယ်တိုင်ပဲ ရှုစားလိုက်ကြပါဦး။ (အညွှန်းနဲ့ဘာသာပြန်ကတော့ Alex ~ Cym ~ KKKZ ~ Yunniတို့ပဲဖြစ်ပါတယ်) File size… 2.2 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 1min Subtitle….Myanmar Subtitle (Hard Sub) Encoder….YK Translated by Alex ~ Cym ~ KKKZ ~ Yunni

Game changer (2025) ဝှက်ဖဲ RRR၊ ဘိုင်ရာဗားကားတို့နဲ့ လူသိများတဲ့ မင်းသားရမ်ချာရန်ရဲ့ရုံတင်ကားသစ်လေးဒစ်ဂျစ်တယ်ဗားရှင်းနဲ့အတူပဲ ပရိသတ်ရှေ့မှောက်သို့ ရရှိလာပါပြီ။ RRR ကားပြီးကတည်းက ထွက်သမျှကားတိုင်း ထင်သလောက်မပေါက်ဖြစ်နေတဲ့ ဘိုင်ရာဗားတို့ ဒီတကားတော့ ဘယ်လိုကြမ်းနိုင်ဦးမှာလဲ …. ရမ်ချာရန်ရဲ့ကောင်းမွန်တဲ့သရုပ်ဆောင်မှုတွေ တောင်ပိုင်းကားဆန်ဆန်ပဲ အိန္ဒိအစိုးရဘာညာရှိတာအကုန်ဖဲ့ တွေ့တာအကုန်ကြုံးတဲ့ အက်ရှင်ခန်းတွေနဲ့အတူ ဘိုင်ရာဗားပရိသတ်တွေတော့ အားပေးသင့်တဲ့ဇာတ်ကားကောင်းလေးပါပဲ။ မင်းသမီးကတော့ ကျန်တဲ့သူတော့မသိ ကျွန်တော်တော့ Lust Stories ထဲမှာမှတ်မိနေတဲ့ ကီယာရာအဒ်ဘာနီက တွဲဖက်သရုပ်ဆောင်ထားပါတယ်။….. ဇာတ်လမ်းအကျဉ်းလေးကတော့ ရမ်နန်ဒန်ဟာ ရာထူးတိုးပြီးလို့ နယ်ပြောင်းတာကို နောက်ကလိုက်ရန်ရှာတဲ့လူမိုက်ငချွတ်လေးတွေရှိလို့ အေးဆေးရထားလေးစီးမသွားရပဲ ငချွတ်လေးတွေကို ဆုံးမပေးပြီးမှ ခရီးဆက်ရတဲ့ ဘက်စုံတော်ဖြောင့်မတ်တဲ့အရာရှိတစ်ဦးပါ။ မိုပီဒေဗီကတော့ လက်ရှိပြည်နယ်မှာဝန်ကြီးချုပ်ဖြစ်ချင်နေပေမယ့် အဖေရောညီနဲ့ပါမတည့်တာကြောင့် ပါတီမှာ ပြသနာပတ်ရှာနေတဲ့ ဝန်ကြီးတစ်ယောက်ပေါ့ အဲ့ချိန်မှာ အားလုံးကိုပြုပြင်ပြောင်းလဲရေးဝင်မယ့် ခရိုင်မှူးကြီးရမ်နန်ဒန်နဲ့ ဟောက်စားတစ်သိုက် ရင်ဆိုင်ရတဲ့ပွဲမှာ ဘယ်သူ့လက်ထဲက ဘာဝှက်ဖဲတွေထုတ်လာပြီး ဘယ်လိုအနိုင်ကျဲကြမလဲဆိုတဲ့ နိုင်ငံရေးအက်ရှင်ဘောလိဝုဒ်ဇာတ်ကားလေးကို ပရိသတိကြီးအတွက် တင်ဆက်ပေးပါရစေ အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ်။ File size… / Quality…WEB DL 1080p HEVC/ 720p Format…mkv/ mp4 Duration….2h 45min Subtitle….Myanmar Subtitle (Hard Sub) Encoder….YK Translated by CM Bollywood Team

Viswam 2024 ဒီတစ်ခေါက် 2024 ခုနှစ်ထွက် ဘောလိဝုဒ်ဇာတ်ကားအသစ်လေးနဲ့ မိတ်ဆက်ပေးပါရစေ။ ပါကစ္စတန်နဲ့ အိန္ဒိယတို့အကြား အကြမ်းဖက်မှုတွေကိုလုပ်ဆောင်နေတဲ့ လူတစ်စုက ကလေးငယ်လေးတစ်ယောက်ကို လိုက်လံရှင်းလင်း သတ်ဖြတ်ကြမယ့်စိတ်ဝင်စားစရာ ဇာတ်လမ်းလေးပါ။ ဇာတ်လမ်းအကျဉ်း အကြမ်းဖက်လုပ်ငန်းတွေကို ဦးဆောင်လုပ်ကိုင်နေတဲ့ ဂျာလာလူဒင်ကာရက်ရှီဆိုတဲ့လူက ဦးဆောင်ပြီး သူတို့လမ်းမှာ အဟန့်အတားဖြစ်လာမယ့် ဝန်ကြီးတစ်ဦးကို အဲဒီဝန်ကြီးရဲ့ညီဖြစ်သူနဲ့ပေါင်းသတ်လိုက်ပါတယ်။ သူတို့အဲဒီလို ဒုစရိုက်မှုကျူးလွန်နေတာကို မတော်တဆ ကလေးမလေးတစ်ယောက်ကမြင်သွားခဲ့ပါတယ်။ ဂျာလာလူဒင်တို့လည်း ဒီမျက်မြင်သက်သေကလေးမလေးကို သတ်ဖို့လုပ်ကြတော့တာပေါ့။ ထိတ်လန့်နေတဲ့ ဒီကလေးမလေးကို သူ့အဘိုးဖြစ်သူတို့က သက်သာရာသက်သာကြောင်း ဘုရားကျောင်းလိုက်ပို့တဲ့အချိန်မှာ သူ့ကိုသတ်ဖို့လိုက်လာတဲ့ လူမိုက်အုပ်စုနဲ့တွေ့ပါတော့တယ်။ ဒီကလေးမလေးနဲ့ သူတို့မိသားစုကို ကယ်တယ်ပေးသွားမယ့် ကယ်တင်ရှင်က ဘယ်သူဖြစ်ပြီး ဘယ်လိုအကြောင်းအရာများနဲ့ပေါ်လာပြီး ဘာတွေဆက်ဖြစ်မလဲဆိုတာ စိတ်ဝင်တစားကြည့်ရှုရမှာဖြစ်ပါတယ်။ (အညွှန်းနဲ့ဘာသာပြန်ကတော့ CM Bollywood Team ကပဲဖြစ်ပါတယ်ခင်ဗျာ။) File size… 3.5 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb 8.8/10 တောင်ပိုင်း တက်သစ်စ မင်းသမီးချောလေး ရူဟနီရှာမာရဲ့ မှုခင်း ရုံကားသစ် Her Chapter 1 ကြည်၊ တောက်၊ ရှင်း ဗားရှင်း ထွက်ရှိလို့လာပါပြီ။ အာချာနာဆိုတဲ့ ဒုရဲအုပ်မလေးဟာ ကိစ္စတစ်ကြောင့် တာဝန် ၆ လ ရပ်ဆိုင်းခံရတာနေ အလုပ်ပြန်ဝင်တဲ့အချိန်မှာပဲ စစချင်းကြုံရတဲ့အမှုက ရှုပ်ထွေးတဲ့ နှစ်လောင်းပြိုင်လူသဝာ်မှုတစ်ခုဖြစ်နေပါတယ်။ အဲဒီအမှုက ရည်ရွယ်ချက်ရှိရှိကျူးလွန်တဲ့အမှုလား၊ ခရီးသွားဟန်လွှဲဖြစ်သွားတဲ့အမှုလား၊ အာချာနာကရော အတိတ်မှာဘာတွေကြုံခဲ့ရတာလဲဆိုတာကို တောင်ပိုင်းမှုခင်းကားတွေရဲ့ထုံးစံ စိတ်ဝင်စားဖို့ကောင်းအောင်မြင်တွေ့ရမယ့် ရုပ်ရှင်လေးပဲဖြစ်ပါတယ်...။ ( ဒီရုပ်ရှင်ရဲ့ အညွှန်းနဲ့ ဘာသာပြန်တွေကတော့ V, ToMo, Dee နဲ့ Zwe Yan တို့ပဲဖြစ်ကြပါတယ်။ ) File size… 1.67GB / 879MB Quality…1080p WEB DL /720p Format…mp4 Duration…1h 43m Subtitle….Myanmar Subtitle (Hard Sub) Encoder….YK Translated by V~ ToMo~ Dee~ Zwe Yan

နှစ်ပေါင်း ၈၀၀ ဝန်းကျင်ကတည်းက တည်ရှိလာတဲ့ ဓမ္မစသာလီနဲ့ ပမ်မာဂတ်တမ်ဟာ ဂျီဟာဗာရာမြစ်ရဲ့ တစ်ဖက်တစ်ချက်မှာ ရှိပြီး ဆစ်ဟာဗာနမ်တောအုပ်ကြီး ဝန်းရံထားတဲ့ မြို့နှစ်မြို့ပါ။ ဒေသခံတွေဟာ မယ်တော်ဂတ်တာမာကို ယုံကြည်ကိုးကွယ်ပြီး ဓမ္မတရားကို လက်ကိုင်ထားကာ အေးအေးချမ်းချမ်း နေလာခဲ့ကြတယ်။ စီးပွားရေးသမား ဘာဆာဗာ ရောက်လာတဲ့အခါ အခြေအနေတွေ ပြောင်းလဲသွားပါတယ်။ သူက ဒီဒေသတွေမှာ မိုင်းတွင်းတူးချင်နေတဲ့ ရာသော့လက်ထဲကို မြို့နှစ်မြို့အပ်နိုင်ဖို့ ယုတ်မာတဲ့နည်းမျိုးစုံနဲ့ ကြိုးစားလာတယ်။ ဘာဆာဗာက ဓမ္မစသာလီကို အုပ်စိုးပြီးနောက် အရင်ကရှိခဲ့တဲ့ ဂုဏ်ကျက်သရေတွေ ပျောက်ဆုံးလာပြီး မြို့နှစ်မြို့ကြားမှာလည်း ပဋိပက္ခတွေ ဖြစ်လာပါတယ်။ အဲဒီအချိန်မှာ အာချာရာဆိုတဲ့လူက လက်သမားယောင်ဆောင်ပြီး ဓမ္မစသာလီကို ရောက်လာတယ်။ ဘာဆာဗာက ဒေသခံတွေအပေါ် ကျူးလွန်နေတဲ့ ဒုစရိုက်တွေကို သူက တိတ်တဆိတ် ဝင်တားဆီးနေပါတယ်။ သူနဲ့မသက်ဆိုင်သလို ထင်ရတဲ့ ဒီဒေသခံတွေကို ဘာကြောင့် ကူညီနေသလဲ၊ နောက်ကွယ်မှာ ဘာအကြောင်းရှိသလဲ၊ ဘာဆာဗာရဲ့ အုပ်စိုးမှုကိုရော ရပ်တန့်နိုင်မလားဆိုတဲ့ မေးခွန်းတွေကနေ ဇာတ်လမ်းဆက်သွားပါတယ်။

ချီရူဟာ အမေ၊ အဒေါ်လေးယောက်နဲ့ အစ်မ၊ ညီမတွေရဲ့ အချစ်ကိုရပြီး ကြီးပြင်းလာသူပါ။ မိန်းမသား ဆယ့်ငါးယောက်လောက် ဝန်းရံနေတဲ့ မိသားစုထဲမှာ ငယ်ငယ်ကတည်းက ဖူးဖူးမှုတ်ခံခဲ့ရပေမဲ့ အဲဒီအချစ်တွေက တစ်ဖက်မှာ သူ့အတွက် အချုပ်အနှောင် ဖြစ်လာပါတယ်။ အထူးသဖြင့် အိမ်ထောင်ဖက်ရွေးတဲ့ ကိစ္စမှာပါ။ သူ့အတွက် အကောင်းဆုံးကိုပဲ ရစေချင်တယ်ဆိုတဲ့ မိသားစုက အိမ်ထောင်ဖက်အဖြစ် လာတွေ့သမျှ မိန်းကလေးတိုင်းကို အကြောင်းမျိုးစုံရှာပြီး ငြင်းပယ်ကြတယ်။ ဒီလိုနဲ့ ချီရူဟာ အသက်သုံးဆယ့်ငါးနှစ်အထိ အိမ်ထောင်မကျသေးပါဘူး။ မိုးရွာတဲ့တစ်နေ့မှာ အာဒီယာနဲ့ မထင်မှတ်ဘဲ ဆုံတွေ့ခဲ့ပြီးနောက် အိမ်ထောင်ဖက်ရွေးတာကနေ လက်ထပ်ပွဲအထိ သူကိုယ်တိုင် စီစဉ်ဖို့ ဆုံးဖြတ်လိုက်ပါတယ်။ ချီရူရဲ့ လက်ထပ်ရေးအစီအစဉ်က ဘယ်လိုဆက်ဖြစ်လာမလဲ။ သူ့ကို ဝိုင်းချစ်နေကြတဲ့ မိသားစုရဲ့ အနှောင်အဖွဲ့တွေကြားက ဘယ်လိုရုန်းထွက်မလဲဆိုတာနဲ့အတူ အာဒီယာနဲ့ သူ့ကြား အချစ်ဇာတ်လမ်းကလည်း ဘယ်လိုဖြစ်လာဦးမလဲဆိုတာ စောင့်ကြည့်ရမှာပါ။

၁၉၇၃ ခုနှစ်ကို အခြေခံထားတဲ့ ဒီဇာတ်လမ်းထဲက မိန်းကလေးဟာ ဓနရှင်တွေနဲ့ အခြေခံလူတန်းစားတို့ကြား တိုက်ပွဲတွေဖြစ်နေချိန်မှာ မွေးဖွားလာခဲ့သူပါ။ မိခင်ဆီက ခေါင်းမာတဲ့စိတ်၊ ဖခင်ဆီက စာပေနဲ့ ကဗျာဖတ်တဲ့အလေ့အထကို အမွေရထားပြီး ကိုယ်မှန်တယ်ထင်ရင် နောက်ဆုတ်တတ်သူ မဟုတ်ပါဘူး။ တစ်နေ့တော့ သူငယ်ချင်းရဲ့အစ်ကိုဆီက စာအုပ်တစ်အုပ်ကို ဖတ်မိရာက လူတန်းစားအားလုံး တန်းတူညီမျှရှိသင့်တယ်ဆိုတဲ့ အတွေးတွေ ဝင်လာပါတယ်။ စာအုပ်ထဲက အကြောင်းအရာတွေတင်မကဘဲ ရေးသားသူကိုပါ စွဲလမ်းသွားတဲ့အခါ မထင်မှတ်ထားတဲ့ အရှုပ်အထွေးတွေထဲ သူဘယ်လို ပါဝင်ပတ်သက်မိမလဲဆိုတာကို ဆက်ပြထားပါတယ်။ အဓိကဇာတ်ဆောင်နှစ်ဦးအဖြစ် Rana Daggubati နဲ့ Sai Pallavi တို့ ပါဝင်ထားပါတယ်။

မူးယစ်ရာဇာ စစ်ဒါးသ်ဟာ မွမ်ဘိုင်းကနေ လွတ်ထွက်လာပြီး ဟိုက်ဒရာဘတ်ကတစ်ဆင့် စင်ကာပူကို ထွက်ပြေးဖို့ ကြိုးစားနေပါတယ်။ ဒီအချိန်မှာ အာဂျွန်ကတော့ အိမ်ထောင်ကျခါစ တက္ကစီမောင်းသမားတစ်ယောက်ပါ။ ဘွဲ့ရထားပေမယ့် သူ့မိန်းမကို ကားစီးစေချင်လို့ တက္ကစီမောင်းတာလို့ ပြောတတ်တယ်။ ရထားတဲ့ဘွဲ့နဲ့ အလုပ်ဝင်ရင် ဆိုင်ကယ်ဝယ်ဖို့တောင် မလွယ်ဘူးဆိုတာက သူ့အကြောင်းပြချက်ပါ။ တစ်နေ့ တက္ကစီမောင်းပြီး အိမ်ပြန်လာတဲ့လမ်းမှာ လမ်းကြုံလို့ လူနှစ်ယောက်ကို တင်ခေါ်လာခဲ့တယ်။ အဲဒီနှစ်ယောက်က မူးယစ်ဂိုဏ်းနဲ့ ပတ်သက်နေသူတွေ ဖြစ်နေပါတယ်။ လမ်းမှာ အာဂျွန်ပြောပြခဲ့တာတွေကြောင့် သူ့အကြောင်းကိုလည်း သိထားကြတယ်။ နောက်တော့ သူ့ဇနီးကို ပြန်ပေးဆွဲပြီး အာဂျွန်ကို သူတို့ခိုင်းတဲ့အတိုင်း လုပ်ဖို့ အကျပ်ကိုင်လာကြပါတယ်။

ဘာစာဗာက ဒေါသကို ရှေ့တန်းတင်ထားပြီး ကိုယ့်ကိုရန်ပြုလာသူဆို လျင်လျင်မြန်မြန် သုတ်သင်ပစ်တတ်တဲ့သူပါ။ သူ့ဘဝထဲမှာတော့ သူ့ကို သိပ်ချစ်တဲ့ ဖခင်အိုကြီးတစ်ယောက် ရှိပါတယ်။ အကြမ်းပတမ်းအဖြစ်တွေနဲ့အတူ ဒီသားအဖနှစ်ယောက်ကြားက မေတ္တာကိုလည်း ဖော်ပြထားတယ်။ ဘာစာဗာနဲ့ သူ့ရန်ဘက် ဘာဒရာတို့ကြားမှာ သွေးကြွေးနဲ့ ကလဲ့စားချေလိုစိတ်တွေ ရှိနေပါတယ်။ သူတို့ ဘာကြောင့် ဒီလောက်ရန်ငြိုးထားကြတာလဲ၊ အပြန်အလှန် ဘယ်လိုတိုက်ခိုက်ကြမလဲ၊ နောက်ဆုံးမှာ ဘယ်သူအနိုင်ရမလဲဆိုတာကို ဆက်ပြထားတဲ့ အက်ရှင်ဇာတ်ကားပါ။ သွေးထွက်သံယိုနဲ့ အကြမ်းဖက်ခန်းတွေ ပါဝင်ပါတယ်။

၁၉၈၀ ပြည့်နှစ်တွေက ရန်ဂက်စ်တလန်ဆိုတဲ့ ရွာလေးမှာ ချစ်တီးဘာဘူဟာ လယ်တွေကို ရေသွင်းတဲ့အလုပ် လုပ်နေပါတယ်။ သူက မွေးရာပါ နားလေးပေမယ့် မဟုတ်မခံတတ်တဲ့သူပါ။ မျက်စိရှေ့မှာ မတရားတာတွေ့ရင် ဝင်ရင်ဆိုင်ဖို့ နှစ်ခါစဉ်းစားနေတတ်သူ မဟုတ်ဘူး။ ရွာထဲမှာတော့ ရွာသားတွေကို ငွေချေးပြီး အတိုးအဆမတန်ယူကာ ခေါင်းပုံဖြတ်နေတဲ့ အဖွဲ့တစ်ဖွဲ့ရှိပါတယ်။ အဲဒီအဖွဲ့ကို နောက်ကွယ်က ချုပ်ကိုင်ထားသူက နှစ်သုံးဆယ်ဆက်တိုက် သူကြီးဖြစ်နေတဲ့သူပါ။ သူနဲ့ ထိပ်တိုက်တွေ့သူတွေ အသက်ဆုံးရှုံးရလေ့ရှိတာကြောင့် ရွာသားတွေက ကြောက်ပြီး မရင်ဆိုင်ရဲကြဘူး။ ဒါပေမဲ့ ဒူဘိုင်းကနေ ပြန်လာတဲ့ ပညာတတ် ကူမာရ်ဘာဘူကတော့ ဒီအဖွဲ့ကို ရင်ဆိုင်ပြီး သူကြီးနေရာ ဝင်ပြိုင်မယ်လို့ စိန်ခေါ်လိုက်ပါတယ်။ ကူမာရ်ဟာ ချစ်တီးဘာဘူရဲ့ အစ်ကိုပါ။ မတရားမှုကို ဆန့်ကျင်ရင်း သူကြီးအဖွဲ့နဲ့ ထိပ်တိုက်တွေ့လာတဲ့ အစ်ကိုကို ချစ်တီးဘာဘူ ဘယ်လိုကာကွယ်ပေးမလဲဆိုတာ ဆက်တွေ့ရမှာပါ။ ရမ်ချရန်း ပါဝင်သရုပ်ဆောင်ထားပြီး အက်ရှင်ခန်းတွေနဲ့ သီချင်းတွေလည်း ပါဝင်ပါတယ်။

Mirchi (2013)"ငရုတ်သီး" မြန်မာ ပရိသတ်ကြားမှာ ဘာဟူဘာလီဇာတ်ကောင်နဲ့ လူအများဆုံးသိကြတဲ့ တေလေဂူး မင်းသားကြီးပရာဘာ့စ်ရဲ့ ရုပ်ရှင်ဟောင်းလေးကို ရှာဖွေတင်ဆက်ပေးလိုက်ပါတယ်။ ဒီရုပ်ရှင်ဟာ ၂၀၁၃ ခုနှစ်မှာထွက်ရှိခဲ့တာဖြစ်ပြီး Devara တို့၊ Archarya တို့လို ရုပ်ရှင်တွေရဲ့ပဲ့ကိုင်ရှင် ဆုရဒါရိုက်တာ ကိုရာတာလာရှီလာက ရိုက်ကူးထားတာပါ။ ဇာတ်လမ်းကတော့.. အမေရိကမှာနေတဲ့ ဂျေးဆိုတဲ့ အိန္ဒိယသားလေးဟာ မာနာဆာဆိုတဲ့ကောင်မလေးကို မတော်တဆကူညီပေးမိရာကနေ မာနာဆာကို ချစ်မိသွားခဲ့ပါတယ်။ မာနာဆာကလည်း ဂျေးကို စိတ်ယိုင်ပေမဲ့ အိန္ဒိယမှာရှိတဲ့ မာနာဆာ့အမျိုးတွေက ရမ်းကားဆိုးသွားတာကြောင့် ဂျေးကိုပြန်မကြိုက်ရဲဘဲ အိန္ဒိယကိုပြန်သွားခဲ့ပါတယ်။ မာနာဆာကို ချစ်မိသွားတဲ့ဂျေးက အမေရိကကနေ အိန္ဒိယကိုပါကျောင်းပြောင်းပြီးလိုက်သွားခဲ့ပေမဲ့ အိန္ဒိယမှာရှိတဲ့ မာနာဆာရဲ့မိသားစုနဲ့ ဂျေးရဲ့မိသားစုဟာ အစဉ်အဆက်ရန်ငြိုးရှိခဲ့တဲ့မိသားစုတွေဖြစ်နေတဲ့အခါမှာတော့...။ မင်းသား ပရာဘာ့စ်ရဲ့ အချစ်ဟာသအက်ရှင်ဇာတ်ကားဟောင်းလေးကို ပရိသတ်တွေအတွက် B Team ကနေ ညွှန်းဆိုဘာသာပြန်ရှာဖွေတင်ဆက်ပေးလိုက်ပါတယ်...။ File size… 3.5 GB/ 2 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….B Encoder Translated by B Team