Christopher Walken ပါဝင်သော ဇာတ်ကားများ

Dune: Part Two (2024) ထွက်ရှိလာပါပြီ... အညွှန်းကိုတော့ part 1က ဟာကိုပဲ စပွိုင်လာရှောင်တဲ့အနေနဲ့ထည့်ပေးထားပါတယ်... သာမန် Sci- fic​တွေထက် အပုံကြီးကျယ်ပြန့်တဲ့ Frank Herbertရဲ့ Duneစာအုပ်​တွဲ​တွေကို မှီငြမ်းရိုက်ကူးထားတဲ့ ဇာတ်လမ်း၊ ​Timotheé Chalamet, Zendaya, Oscar Issac, တို့အပါအဝင် ကောင်း​ပေ့ဆိုတဲ့ Cast​တွေ၊ Legendary soundtrack ​တွေပဲ တီးခတ်တဲ့ Hans Zimmer၊ ​ ပြောင်​မြောက်လွန်းတဲ့ VFXနဲ့ CGI​တွေရဲ့ ​​ပေါင်းစပ်မှုအပြီးမှာ DUNE 2021ဇာတ်ကားဟာ ပရိတ်သတ်​တွေ အ​​မျှော်လင့်ဆုံး ဇာတ်ကားဆိုရင်လည်း မမှားနိုင်ပါဘူး။ အနာဂတ်နှစ်​ပေါင်း၂၀၀၀၀​ကျော်မှာ အ​ခြေပြုထားတဲ့ ​ ခေတ်လွန် Dune Universeထဲမှာ Known Universeကို အုပ်ချုပ်​နေတဲ့ Emperorဆိုတာရှိပြီး သူတို့ရဲ့လက်​အောက် မှာ​တော့ Houses​တွေက နယ်​မြေအသီးသီးကို အုပ်ချုပ်ပါတယ်။ ဒီဇာတ်လမ်းရဲ့ အဓီကအ​ကြောင်းရင်းက​တော့ House​ Harkonnen​တွေ နှစ်​ပေါင်း၈၀ကြာ​​​အောင် အုပ်ချုပ်လာတဲ့ Planet Dune တဖြစ်လဲ Planet Arrakisကို Emperorရဲ့ အထက်အမိန့်အရ House Atreides​တွေကို ​ပြောင်းလဲ အုပ်ချုပ်​စေခြင်းကစပါတယ်။ ဒါ​ပေမဲ့ Harkonnen​တွေဟာ Arrakis ဂြိုလ်​​ပေါ်ကရတဲ့ Spiceဆိုတဲ့အရာ​ကြောင့် ဂြိုလ်ကိုလွယ်လွယ်လက်လွှတ်မခံနိုင်ပါဘူး၊ Spiceဆိုတာဟာ Dune universeတစ်ခုလုံးမှာ အဖိုး အတန်ဆုံးအရာပါ၊ Spiceကိုစားသုံးရင် စိတ်အာရုံနိုးကြားကာ အသိဉာဏ်ပညာတိုးပွားလာခြင်း၊ သက်ရှည်ကျန်းမာ​စေခြင်းစတဲ့ စွမ်းအား​တွေရရှိမှာဖြစ်ပြီး သူ့ကိုလည်း Arrakisဂြိုလ်တစ်ခုထဲ မှာပဲ တူး​ဖော်နိုင်မှာပါ၊ တူး​ဖော်ခွင့်ရှိတဲ့ Houseဟာလည်း Emperorထက်​တောင် ပိုပြီးချမ်းသာသွားမှာပါ။ ဒါ​ကြောင့်မလို့ နိုင်ငံ​ရေးအရ​ရော၊ စီးပွား​ရေးအရပါ အချက်အချာ ဖြစ်​နေတဲ့ Duneဂြိုလ်ကို လွှဲ​ပြောင်းယူလိုက်ရတဲ့ House Atreides အ​နေနဲ့ House Harkonnenရဲ့ ဒုက္ခ​ပေးလာမှု​ရော၊ Emperorနဲ့ တခြားHouse​တွေရဲ့ ရန်စလာမှုကိုပါ ဘယ်လိုကြံ့ကြံ့ခိုင်ရမလဲ၊ House Atreidesရဲ့ သား​​​​တော်... အိမ်​တော်ရဲ့အနာဂတ် The Oneအဖြစ် တင်စားခံရတဲ့ Paulက​ရော Atreides​တွေကို ဘယ်​​လောက်ထိ ​ ခေါင်း​ဆောင်​ပေးသွားမလဲ...... Dune: Part Two (2024) ဇာတ်လမ်းအကျဉ်း Dune ဒုတိယမြောက်ရုပ်ရှင်မှာတော့ အေထရီးဒီး အိမ်တော်ကျဆုံးပြီး ပေါလ်အေထရီးဒီးတို့သားအမိ ဖရေးမန်းတွေနဲ့ပူးပေါင်းမိသွားတာကနေ စပါတယ်။ ဖရေးမန်းတွေထဲက ဘာသာရေးယုံကြည်သူတွေအလိုအရ အေထရီးဒီးရဲ့ မိခင်က မယ်တော်ကြီးဖြစ်လာပြီး ပေါလ်အေထရီးဒီးကလည်း သူ့ကို လီဆန် အာ-ဂါရစ်ဆိုတဲ့ ကယ်တင်ရှင်ပရောဟိတ်လို့ ယုံကြည်နေကြသူတွေနဲ့ မယုံကြည်ကြသူတွေကို စည်းရုံးပြီး ဟာကွန်နင်အိမ်တော်နဲ့ အင်ပါယာကို ဖြုတ်ချဖို့ ကြိုးစားပါတော့တယ်။ ပထမ ရုပ်ရှင်က ဇာတ်လမ်းအပျိုးမို့ နိုင်ငံရေးနဲ့တိုက်ပွဲအသေးစားတွေပဲ ပါပေမယ့် ဒီရုပ်ရှင်မှာတော့ အဆုံးအဖြတ်တိုက်ပွဲကြီးတွေ ဖြစ်လာပြီး နောက်ရုပ်ရှင်အတွက် ပိုကြီးတဲ့တိုက်ပွဲတွေကိုလည်း အစပျိုးသွားပါပြီ။ ကြည့်လိုက်ကြပါဦး..... File size…  (7.3 GB)/ (1.77 GB) / (928MB) Quality…WEB-DL 4K HEVC/1080p  / 720p Format…mp4 Duration….2h 46m Genre ….. Action , Adventure , Drama Subtitle….Myanmar Subtitle (Hard Sub) Encoder….Min Wai , Ka Naung Translated by Mr. Andreson

Severance (2022) IMDb Rating (8.7) / Rotten Tomatoes (97%) အလုပ်ခေါ်စာတွေထဲမှာ မိသားစုအလုပ်လေးပါတို့၊ ဝိုင်းလုပ်ဝိုင်းစားတို့၊ အောက်သက်ကြေအောင် သင်ပေးမှာပါတို့နဲ့ ဂျင်းတွေထည့်ခံရဖူးကြသေးလား။ Apple tv+က နာမည်ကြီးနေတဲ့ series လေးကိုကြည့်ကြည့်လိုက်ပါ။ Lumon ဆိုတဲ့ ကုမ္ပဏီလေးအကြောင်းပေါ့။ အလုပ်သမားတွေကို စေတနာနဲ့ အလုပ်ချိန်မှာ တောင်တောင်အီအီမတွေးနိုင်အောင် ဦးနှောက်ကို ခွဲစိတ်ပေးထားလိုက်ပါတယ်။ အလုပ်ချိန်မှာ ကိုယ်ရေးကိုယ်တာကိစ္စတွေကို ဘာမှမမှတ်မိသလို၊ အပြင်ကိုရောက်ရင်လည်း အလုပ်ထဲကကိစ္စတွေ ဘာမှမမှတ်မိတော့ပါဘူး။ ဘယ်လောက်အလုပ်ဖြစ်လဲ။ Mark ဆိုတဲ့လူငယ်တစ်ဦးဟာ သူ့မိန်းမဆုံးသွားတဲ့အတွက် ပူ‌ဆွေးမှုကို သက်သာအောင် Severanceဆိုတဲ့ ခွဲစိတ်မှုကို ပြုလုပ်ပြီး Lumon ဆိုတဲ့ အဲဒီ ကုမ္ပဏီမှာ အလုပ်လုပ်ဖို့ဆုံးဖြတ်ခဲ့ပါတယ်။ Lumon ကုမ္ပဏီဆိုတာကလည်း အများထင်သလို မဟုတ်ဘဲအထဲမှာရော ဘာတွေဖြစ်ပျက်နေတာလဲ? သူ့ရဲ့ ကိုယ်ပိုင်ဘဝနဲ့ အလုပ်ဘဝရယ် ကုမ္ပဏီရဲ့လျို့ဝှက်ချက်တွေရယ် တဖြည်းဖြည်းပေါ်လာတာကို ပဟေဠိအနေနဲ့ ကြည့်ရှုရမှာပါ။ နာမည်ကြီး သရုပ်ဆောင် Ben Stiller ကဒါရိုက်တာအနေနဲ့ရိုက်ကူးထားတဲ့ thriller series ဖြစ်ပြီး Adam Scott,Brit Lower တို့အပြင် ဝါရင့်မင်းသားကြီးတွေဖြစ်တဲ့ Christopher Walkenနဲ့ John Turturro ပါ၀င်ထားပါတယ်။ဇာတ်လမ်းကလျှိ့ဝှက်ဆန်းကြယ်ပြီး ယနေ့ခေတ်ရဲ့ပြောင်းလဲလာတဲ့ စံနှုန်း‌တွေကို မှတ်ချက်ပြုထားပါတယ်။ အခုတော့ Rotten tomato-97%,IMDb 8.2/10 ရထားပါတယ်။ File size…400 Mb Quality….Webrip 720p Format…mp4 Duration….50 Min Genre...Sci-fi, Fantasy Subtitle….Myanmar Subtitle (Hardsub) Encoder….Mr. Anderson,DoubleK Translated by SP

Wild Mountain Thyme(2020)အညွှန်း ခေါင်းမာပြီး တဇွတ်ထိုးနိုင်တဲ့ ရိုစ့်မယ်ရီမယ်ဒွန်းဆိုတဲ့ကောင်မလေး။ ငယ်ငယ်ကတည်းက ကြိတ်ကြိုက်ခဲ့ရတဲ့ အန်တိုနီရိုင်လီဆိုတဲ့အိမ်နီးချင်းကောင်လေးရဲ့ အချစ်ကိုပိုင်ဆိုင်ရဖို့ သူမရဲ့ နှလုံးသားကို ပြင်ဆင်ထားတယ်။ ဟိုဖက်အိမ်က ကောင်ကလေးပေါ့။ ဒါပေမဲ့ အန်တိုနီက မိသားစုကိစ္စပြဿနာတွေနဲ့ အလုပ်ရှုပ်နေပြီး သူမရဲ့အချစ်ကို မမြင်ခဲ့ဖြစ်နေပါတယ်။ တနေ့ သူမရဲ့အမေဆုံးပါးသွားတဲ့နောက်မှာတော့ လောကကြီးအပေါ် ရှုမြင်ပုံတွေပြောင်းလဲသွားပါတော့တယ်... ဘာတွေဆက်ဖြစ်မလဲဆိုတာကိုတော့ ခံစားကြည့်လိုက်ပါဉီး... ဒီကားမှာ Fifty Shapes of Gery ရဲ့ မင်းသားချော Jamie Dornan နဲ့ A Quiet Place က မင်းသမီး Emily Blunt တို့က အတွဲညီညီသရုပ်ဆောင်ထားပြီး ရသတစ်မျိုးရစေမယ့် ကားကောင်းတစ်ကားပဲဖြစ်ပါတယ်... ဇာတ်လမ်းအညွှန်းနဲ့ဘာသာပြန်သူကတော့ Thithtoo Zawပဲဖြစ်ပါတယ်... File Size :(1.8GB) and (961MB) Quality :WEB-DL1080P, 720p Format…mp4 Duration…01:48:00 Genre : Romance , Drama Subtitle : Myanmar Subtitle (Hard Sub) Translated by Thithtoo Zaw Encoded by Phyo Pyae

The Jungle Book (2016) (4K) IMDB : 7.3 Rotten Tomatoes : 94% Genre : Adventure / Fantasy Jungle Book (2016) ကတော့ Walt Disney ရဲ့ Live Action ရုပ်ရှင်တစ်ခုဖြစ်ပါတယ်။ ငယ်ဘဝမှာ ကျွန်တော်တို့ မော်ဂလီဆိုပြီး ကြည့်ခဲ့ကြတဲ့ Jungle Book Animation ကို ပြန်အသက်သွင်းထားတာပါ။ ဒီ Live Action ဟာ အကောင်းဆုံး Live Action တွေထဲက တစ်ခုဖြစ်ပြီး ဝေဖန်သူတွေကြားထဲမှာ အပေါင်းဘက်ဆန်ခဲ့တဲ့ ရုပ်ရှင်လည်းဖြစ်ပါတယ်။ ဇာတ်ညွှန်း ဝံပုလွေအုပ်ကြားထဲမှာ ဝံပုလွေမဟုတ်တဲ့ လူသားပေါက်စလေးတစ်ယောက်ရှိနေတယ်။ သူ့နာမည်က မော်ဂလီ။ မော်ဂလီဟာ ငယ်ငယ်ကတည်းက မိဘတွေမရှိတော့ဘူး။ မိဘမဲ့‌လေး မော်ဂလီကို ကျားသစ်နက်ကြီး ဘာဂီးရားကတွေ့ခဲ့ပြီး ဝံပုလွေအုပ်ထဲကို အပ်နှံခဲ့ပါတယ်။ ဝံပုလွေအုပ်မှာရှိတဲ့ ဝံပုလွေမိခင်ကြီးတစ်ယောက်က မော်ဂလီကို သူ့သားအရင်းလိုမျိုး စောင့်ရှောက်ခဲ့ပါတယ်။ ဒါပေမဲ့ တောထဲမှာ အရမ်းကိုဆိုးတဲ့ ကျားကြီးရှီးရားခန်းဆိုတာရှိတယ်။ တစ်ရက် မိုးခေါင်ပြီး ငြိမ်းချမ်းရေးကျောက်ဆောင်ကြီး ပေါ်လာတဲ့အချိန်မှာ တစ်တောလုံး ယာယီငြိမ်းချမ်းရေးယူခဲ့ပါတယ်။ ကျားကြီးရှီးရားခန်းမှာ ရည်ရွယ်ချက်တစ်ခုရှိတယ်။ အဲဒါကတော့ မော်ဂလီရဲ့ အသက်ကိုနှုတ်ယူပြီး အသားကိုမြည်းကြည့်ဖို့ပါပဲ။ ဝံပုလွေအုပ်ရဲ့ လက်အောက်ကိုရောက်နေတဲ့ မော်ဂလီကို ကျားကြီးရှီးရာခန်း မထိနိုင်ဖြစ်နေခဲ့ပါတယ်။ ဒါပေမဲ့ ကျားချောင်းချောင်းပြီး အလစ်အငိုက်ကိုစောင့်နေတဲ့အခါဘာတွေဆက်ဖြစ်မှာလဲဆိုတာကို ခံစားကြည့်လိုက်ကြပါခင်ဗျာ။ ဒီရုပ်ရှင်က Cast တွေအနေနဲ့လည်း တော်တော်လေးကိုမိုက်ပါတယ်။ ရှီးရားခန်းအဖြစ် မင်းသား Idris Elba ဘာလူးအဖြစ် ဟာသမင်းသားကြီး Bill Murray မြွေကြီး ကားအဖြစ် မင်းသမီး Scarlett Johansson ဘုရင်ကြီး လူဝီအဖြစ် မင်းသား Christopher Walken ဘာဂီးရား အဖြစ် Ben Kingsley ဝံပုလွေအုပ်ခေါင်းဆောင်အဖြစ် ကြက်ကြော်ဆိုင်ပိုင်ရှင် Giancarlo Esposity တို့ဖြစ်ပါတယ်။ ကြည့်ရှုခံစားလိုက်ကြပါခင်ဗျာ။ File size… 6.4 GB / 3 GB/ 1 GB Quality… BluRay 4K / 1080p / 720p Format… mp4 Duration…. 1h 46m Genre .... Adventure, Comedy, Family Subtitle…. Myanmar Subtitle (Hard Sub)

အက်ဒီဟာ ငယ်ငယ်ကတည်းက အိုလံပစ်မှာ ဝင်ပြိုင်ပြီး ချန်ပီယံဖြစ်ချင်ခဲ့သူပါ။ အဲဒီအိပ်မက်နောက်ကို လိုက်ရင်း အားကစားတစ်မျိုးပြီးတစ်မျိုး စမ်းလုပ်လာခဲ့ပြီး နောက်ဆုံးမှာ နှင်းတောင်ပေါ် စကီးစီးတာကို သဘောကျသွားပါတယ်။ ဒီအားကစားမှာ ပါရမီရှိပေမယ့် အသင်းအတွက် အရွေးမခံရတဲ့အခါ စကီးစီးရင်း တောင်ပေါ်က ခုန်ချရတဲ့ အားကစားကို ပြောင်းရွေးလိုက်တယ်။ အသက်အန္တရာယ်များတဲ့ ဒီအားကစားမှာ လူသစ်တစ်ယောက်ဖြစ်တဲ့ အက်ဒီက အိုလံပစ်အထိ ရောက်ဖို့ ဘယ်လိုကြိုးစားမလဲဆိုတာ ပြထားပါတယ်။ ၁၉၈၈ အိုလံပစ်က အက်ဒီရဲ့ ဖြစ်ရပ်မှန်အကြောင်းကို အခြေခံရိုက်ကူးထားပြီး Hugh Jackman ပါဝင်သရုပ်ဆောင်ထားတဲ့ အားကစားဒရာမာဇာတ်ကားပါ။

ဆံပင်ရှည်ရှည်အူကြောင်ကြောင် ဂျိုးဒတ်ကတော့ 2005 ခုနှစ်မှာ Joe Dirt 2 Beautiful Loser ဆိုတဲ့ဇာတ်ကားနဲ့ ပြန်လာခဲ့ပါပြီ။ ပထမကားကိုကြည့်ပြီးတဲ့ လူတွေကတော့သိကြမှာပါ။ဂျိုးဒတ်ဆိုတာ ပိန်းတိန်းတိန်းနဲ့ အမြဲတမ်းကံဆိုးနေသူတစ်ယောက် အနိုင်ကျင့်ခံရနေသူ တစ်ယောက် သူ့လောက်ကံဆိုးတာလည်းသူပဲရှိတဲ့ လူတစ်ယောက်ဖြစ်ပေမဲ့ ဘယ်တော့မှလောကကြီးကို အရှုံးမပေးပဲရှေ့ဆက်လျှောက်လှမ်းတဲ့အတွက် နာမည်ကြီးလာခဲ့ပြီး သူ့ကိုစံနမူနာထားတဲ့လူတွေပါရှိလာခဲ့ပါတယ်။ဒီနောက်ပိုင်း မှာတော့ ဂျိုးဒတ်ကသူချစ်ရတဲ့ ဘရန်ဒီနဲ့ ဆေးလ်ဗားတောင်းဆိုတဲ့မြို့လေးမှာပဲ လက်ထပ်ခဲ့ပြီး သမီးလေးသုံးယောက်မွေးဖွားခဲ့ပါတယ်။ဒါပေမယ့်ဂျိုးဒတ်ရဲ့ ထုံးစံအတိုင်း အိမ်ထောင်ဦးစီးဖြစ်လာခဲ့ပေမယ့် တခြားလူတွေကသူ့ကိုအနိုင်ကျင့်တာကို မိန်းမနဲ့ ကလေးဖြစ်သူတွေကမြင်သွားတဲ့အခါမှာတော့ စိတ်ဓာတ်တွေဘုန်းဘုန်း ကျသွားခဲ့ပါတော့တယ်။ဒီလိုနဲ့ ကလေးတွေရဲ့ ယုံကြည်မှုအားကိုးမှုကို ပြန်ရဖို့အခွင့်အရေး တစ်ခုရလာတဲ့အခါမှာဆုပ်ကိုင်လိုက်ရင်း သူတောင်မမွေးသေးတဲ့ အတိတ်ကာလကို ပြန်ရောက်သွားပါတော့တယ်။အဲ့လို အတိတ်ကိုပြန်ရောက်သွားတဲ့အခါမှာတော့ ပျော်ရွှင်သာယာနေခဲ့တဲ့ ဂျိုးဒတ်ရဲ့ဘ၀လေးကအစက နေတစ်ဖန်ပြန်လည်စတင်ရပါ တော့တယ်။ဒါပေမယ့် သူ့ရဲ့တုံးအမှုတွေ လွဲချော်မှုတွေကြောင့်ဘ၀ကအရင်ထက်ပို ခက်ခဲသွားတဲ့အခါမှာတော့ ဘယ်လိုအခက်အခဲတွေ ဟာသတွေကိုကျော်ဖြတ်ရင်း အနာဂတ်ကိုပြန်ရောက်အောင်ကြိုးစားမလဲဆိုတာကိုကြည့်ရမဲ့ Joe Dirt နောက်ဆက်တွဲ ဇာတ်ကားလေးပဲဖြစ်ပါတယ်။ File size…1.99GB / 887MB Quality…Blu-Ray 1080p/ 720p Format…mp4 Duration….1h 47m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Saw Lay

Seven Psychopaths (2012) ဆိုတဲ့ Comedy, Crime ဇာတ်ကားလေးကတော့ ရယ်ရသလို ကြည့်လို့လဲကောင်းပါတယ်။ နက်နက်နဲနဲတွေးချင်ရင်လည်း ရပါသေးတယ်။ ဒီဇာတ်ကားကို ကျွန်တော့်ဉာဏ်လေးမတောက် တခေါက်နဲ့ ညွှန်းလိုက်ရင်ပေါ့သွားမှာ ဆိုးလို့ ကောင်းတယ်၊ရယ်ရတယ် ဒီလောက်ပဲညွှန်းပါရစေ။ ဇာတ်လမ်းအကျဉ်းကတော့ အရူး ၇ ယောက်အကြောင်းကို ဇာတ််လမ်းရေးမယ့် စာရေးဆရာ အရက်သမားတစ်ယောက် ဇာတ်လမ်း စဉ်းစားရကြပ်နေပါတယ်။ နောက်တော့ ခွေးကို ပြန်ပေးဆွဲနေတဲ့ သူ့သူငယ်ချင်းနှစ်ယောက်နဲ့ အတူ ဇာတ်ရှုပ်တစ်ခုထဲကို ဝင်မိကြပါတယ်။ အဲဒီမှာ သူ့ဇာတ်လမ်းအတွက် အရူးတွေကို ထပ်တွေ့လာပြီး သူ့သူငယ်ချင်းနှစ်ယောက်က သူ့ဇာတ်လမ်းကို ဘယ်လိုကူရေးပေးကြမလဲ ကြည့်ရမှာပါ။ Rating တွေကလည်း ကောင်းပါတယ်။ IMDB 7.2 ရှိပြီး Rotten Tomatoes 82% ရရှိထားပါတယ်။ Translated & Review By D3mon Encoded By LK

တစ်ခေတ်တစ်ခါက မိုက်ဖော်မိုက်ဖက်ဖြစ်ခဲ့ကြတဲ့ သူငယ်ချင်းသုံးယောက်ကို အခြေခံထားတဲ့ မှုခင်းဟာသဇာတ်ကားပါ။ သူတို့ခေတ်မှာတော့ သုံးယောက်စလုံး မခေကြသူတွေဖြစ်ပေမယ့် တစ်နေ့မှာ အလုပ်ကိစ္စကြောင့် သူငယ်ချင်းအချင်းချင်း ပြန်သတ်ရမယ့် အခြေအနေတစ်ခု ပေါ်လာပါတယ်။ အချိန် ဆယ်နာရီလောက်ပဲ ကျန်တော့တဲ့အချိန်မှာ ဒီသူငယ်ချင်းတွေက တက်ညီလက်ညီနဲ့ မြို့တစ်မြို့လုံးကို ပတ်ပြီး မွှေကြတော့တယ်။ တစ်ချိန်က လူမိုက်ကြီးတွေ အခုခေတ်မှာ ဘယ်လိုသောင်းကျန်းကြမလဲဆိုတာကို အကြမ်းအရမ်းအခန်းတွေနဲ့ အလွဲတွေကြားက ဟာသတွေ ရောပြီး ပြထားပါတယ်။ Fisher Stevens ရိုက်ကူးထားပြီး Alfredo James Pacino၊ Christopher Walken နဲ့ Alan Arkin တို့က အဓိကပါဝင်သရုပ်ဆောင်ထားပါတယ်။

ဒီတစ်ခါမှာတော့ 2009 ခုနှစ်ကထွက်ရှိထားတဲ့ The Maiden Heist ဆိုတဲ့ဇာတ်ကားလေးကိုတင်ဆက်ပေးချင်ပါတယ် ဒီဇာတ်ကားထဲမှာ ပါဝင်ထားတဲ့သရုပ်ဆောင်တွေကလည်း ဝါရင့်သရုပ်ဆောင်ကြီးတွေဖြစ်တဲ့ Morgan Freeman,Christopher Wlaken နဲ့ William H Macy တို့ကအဓိကပါဝင်ထားပါတယ် ဇာတ်လမ်းအကျဥ်းလေးကတော့ ရော်ဂျာရယ် ချားလ်စ်ရယ် ဂျော့ဂျ်ရယ်ဆိုတဲ့ အရွယ်တစ်ခုရောက်နေပြီဖြစ်တဲ့လူသုံးယောက်ဟာ ပြတိုက်တစ်ခုကလုံခြုံရေးဝန်ထားတွေပါ သူတို့တွေဟာ အဲ့ပြတိုက်မှာရှိတဲ့အနုပညာလက်ရာတစ်ခုစီကိုစွဲလမ်းနေကြတာကြောင့် အခုချိန်ထိအနားမယူပဲတာဝန်ထမ်းဆောင်နေကြတာပါ ရော်ဂျာနဲ့ချားလ်စ်က ပန်းချီကားတစ်ခုစီကိုစွဲလန်းနေကြပြီး ဂျော့ဂျ်ကတော့ ရုပ်ထုကြီးတစ်ခုကိုစွဲလမ်းနေပါတယ် ဒါပေမဲ့ တစ်ရက်မှာ သူတို့အလုပ်လုပ်နေတဲ့ပြတိုက်က ဒိန်းမတ်မှာရှိတဲ့ပြတိုက်တစ်ခုနဲ့သဘောတူညီမှုရသွားပြီ ဒီကအနုပညာလက်ရာအချို့ကို ဒိန်းမတ်ကိုရွှေ့ပြောင်းဖို့ဖြစ်လာပါတော့တယ် ကံဆိုးချင်တော့ သူတို့စွဲလမ်းနှစ်သက်နေတဲ့အနုပညာလက်ရာသုံးခုလုံးရွှေ့ပြောင်းမယ့်စာရင်းထဲပါလာတဲ့အခါ........... သူတို့ရဲ့စွဲလမ်းမှုတွေကို အဝေးကိုရောက်မသွားအောင်သူတို့ဘာလုပ်ကြမလဲ အသက်အရွယ်ရလာမှ သူတို့နှစ်သက်တဲ့အနုပညာလက်ရာတွေတခြားနိုင်ငံကိုရောက်မသွားအောင် သူတို့ဘယ်လိုဆောင်ရွက်ကြမလဲဆိုတာကိုကြည့်ရှုခံစားရမှာပါ ဒီဇာတ်ကားလေးမှာ ဝါရင့်သရုပ်ဆောင်တွေပါဝင်ထားပြီး ဇာတ်လမ်းလေးကလည်းကောင်း ဟာသနှောပြီးရိုက်ကူးထားတာကြောင့် အပျင်းပြေစေမယ့်ရုပ်ရှင်တစ်ကားပါ

Genre – Comedy, Crime, Sport IMDB – 5.3/10 ပင်ပေါင်အားကစားကို အခြေခံထားတဲ့ အရင်တုန်းက ကားဟောင်းလေးနဲ့ တင်ဆက်ပေးချင်ပါတယ်။ အားကစားဆိုလို့ အတည်မထင်လိုက်ပါနဲ့ သောက်ခွက်ပြောင်ထားတဲ့ ဟာသကားလေးပါ။ သရုပ်ဆောင်တွေဆိုရင်လည်း ရုပ်ရှင်ကြည့်နေကြလူတွေနဲ့ မစိမ်းတဲ့လူတွေကို မြင်ရမှာပါ။ အဓိကမင်းသားဆိုရင် Fantastic Beasts ဇာတ်ကားတွေထဲက လူချစ်များတဲ့ Mr. Jacob လုပ်တဲ့ ဝတုတ်ကြီးပါ နောက်ပြီး ဆရာကြီး Christopher Walken တို့လည်းပါပြီး ငယ်ချစ်ဖြစ်တဲ့ မမ Maggie Q တောင် ပါဝင်ထားပါသေးတယ်ဗျာ။ Terry Crews တောင် မျက်ခွက်ဝင်ပြောင်ထားပါသေးတယ်။ ဇာတ်လမ်းကလည်း ပြောရမယ်ဆိုအလေကြီး ၁၉၈၈ ခုနှစ် အမေရိကန်မှာ ပါရမီရှင် ၁၂ နှစ်အရွယ် ပင်ပေါင်ကစားသမားလေး ရန်ဒီဆိုတာ ရှိတယ်။ တစ်နိုင်ငံလုံးက အသေအားပေးကြတာပေါ့ ဒီလိုနဲ့ ဆိုးလ်အိုလံပစ်ပွဲမှာ ပြိုင်ရတဲ့အချိန်ကျ ဖအေဖြစ်သူနဲ့ ပြဿနာတစ်ခုတက်ပြီး ပရမ်းပတာဖြစ် ရှုံးခဲ့ရတဲ့အပြင် အရှက်တွေပါ ကွဲ အဖေဖြစ်သူလည်း သေဆုံးရတဲ့ထိ ဖြစ်ခဲ့ပါတယ်။ နှစ်ပေါင်းများစွာ ကြာလာတော့ ရန်ဒီတစ်ယောက် သူ ကျွမ်းကျင်တဲ့ ပင်ပေါင်အားကစားကို ပြပွဲလေးတစ်ခုမှာ ပြစားပြီး အသက်မွေးဝမ်းကြောင်းနေရတာပေါ့။ တစ်ရက်ကျ FBI တွေက ရောက်လာပြီး နာမည်ကြီးလူဆိုးတစ်ယောက်ကို ဖမ်းဆီးဖို့အတွက် သူ့ရဲ့ ပင်ပေါင်အရည်အချင်းကို အလိုရှိကြောင်း လျှို့ဝှက်စစ်ဆင်ရေး စေလွှတ်ချင်ကြောင်းတွေ ပြောပြပြီး တရုတ်တန်းက မျက်မမြင်ဘိုးတော်ကြီးနဲ့ သင်တန်းအပ်ကာ ဒီလူဆိုးကြီးကို ဘယ်လိုတွေ ဖမ်းကြမလဲဆိုတာ ပေါက်တတ်ကရ ဟာသတွေနဲ့ ပျော်ပျော်ပါးပါး ကြည့်ရမှာပဲ ဖြစ်ပါတယ်။ ရုပ်တည်ကြီးတွေ ထထဖောက်တဲ့ ဟာသတွေဆို တကယ်ရယ်ရပါတယ်။ တစ်ခုပြောချင်တာကတော့ ဒီလိုဟာသကားကို Rating မကြည့်လိုက်ပါနဲ့ ဒီလို စိတ်မောလူမောကာလလေးမှာ မိတ်ဆွေတို့ကို တင်္ဒကလောက်တော့ အမောအပန်းတွေ ပြေသွားစေမယ့် ဟာသကားဟောင်းလေးပါလို့ ပြောလိုက်ပါရစေဗျာ…။ File size…      1.4 GB /   763 MB Quality… BluRay 1080p / 720p Format… mp4 Duration…. 1h 40m Genre ..... Comedy/Sport Subtitle…. Myanmar Subtitle (Hard Sub) Encoder…. Thit San Khant Translated by Thura Aung

Man of the Year (2006) ဒီ ဇာတ်ကားထဲက တွမ်ဒေါ့ဘ်စ်နေရာမှာ သရုပ်ဆောင်သွားတဲ့သူဟာ မင်းသားကြီး Robin Williams ဖြစ်ပြီး သူ့ကို မျက်လုံးထဲမြင်အောင်ပြောရရင် Jumanji (1995) မှာ အဓိကနေရာက ပါဝင်ခဲ့တဲ့မင်းသားပါ။ ဒီဇာတ်ကားမှာ Robin Williams ဟာ Jon Stewartနဲ့ Bill Maherတို့လို နိုင်ငံရေး သရော်စာ တီဗီရှိုးတစ်ခုရဲ့ လူရွှင်တော်တွမ်ဒေါ့ဘ်စ်Tom Dobbsအဖြစ် သရုပ်ဆောင်ထားပါတယ်။ တွမ်ဟာ ပြည်သူတွေရဲ့ နိုင်ငံရေးအပေါ် စိတ်ပျက်မှုတွေကို အခွင့်ကောင်းယူပြီး သူ့ရှိုးမှာ သမ္မတရွေးကောက်ပွဲဝင်ဖို့ အကြံပြုခံရချိန်မှာ အစပိုင်းမှာ ဟာသအနေနဲ့သာ တုံ့ပြန်ခဲ့ပေမယ့် အွန်လိုင်းကနေ ထောက်ခံမှု ၄ သန်းရရှိလာတဲ့အခါ တကယ်ပဲ သမ္မတလောင်းအဖြစ် ဝင်ရောက်ယှဉ်ပြိုင်ဖို့ ဆုံးဖြတ်ခဲ့ပါတယ်။ သူဟာ ပြည်နယ် ၁၃ ခုမှာ မဲဆန္ဒစာရင်းထဲ ဝင်ရောက်နိုင်ခဲ့ပြီး ဒီမိုကရက်တစ်သမ္မတ ကယ်လော့ဂ်နဲ့ ရီပတ်ဘလစ်ကင်လွှတ်တော်အမတ် မီးလ်စ်တို့နဲ့အတူ အမျိုးသားအဆင့် စကားစစ်ထိုးပွဲမှာ ပါဝင်ယှဉ်ပြိုင်ခဲ့တယ်။ ဒီစကားစစ်ထိုးပွဲမှာ တွမ်ဟာ သူ့ရဲ့ဟာသဉာဏ်နဲ့ ရိုးသားတဲ့ ဝေဖန်မှုတွေကို အသုံးပြုပြီး ပြည်သူတွေရဲ့ အာရုံစိုက်မှုကို ဘယ်လိုတွေဖမ်းစားသွားမလဲဆိုတာ ကြည့်လိုက်ကြပါဦး။ File Size - 2.18 GB/ 1.07 GB Quality - WEB-DL 1080p/ 720p Duration - 1h 55 m Format - mp4 Genre - Comedy, Drama, Romance Subtitle - Myanmar Subtitle (Hard Sub)

ဘဝဆိုတာ ဘာများလဲ....။ ဘဝမှာ ရှင်သန်ဖို့ အလုပ်လုပ်ကြတာလား အလုပ်လုပ်ဖို့ ရှင်သန်ကြတာလား..... ရှင်သန်ဖို့ အလုပ်လုပ်ကြရင်း ဘဝရဲ့ အဓိပ္ပါယ်က အလုပ်လုပ်ဖို့ ရှင်သန်သလို ဖြစ်သွားကြသူတွေလည်း ရှိတက်ပါတယ်။ ဒီ ဇာတ်လမ်းလေးရဲ့ အစမှာ မိုက်ကယ်ဆိုတဲ့ အလုပ်ပဲ အချိန်ပြည့်လုပ်နေတက်တဲ့ ဗိသုကာပညာရှင်တစ်ယောက်ရှိပါတယ်။မိသားစု အားလပ်ရက်ကိုပါ ဖျက်ပြီး အလုပ်ပဲ အချိန်ပြည့် လုပ်နေတတ်ပါတယ်။ အဲ့ဒီလိုနဲ့ လူရဲ့လက်ထဲ အရာအားလုံးကို ထိန်းချုပ်ထားနိုင်တဲ့ ရီမု ကွန်ထရိုး တစ်ခု ရောက်လာခဲ့ပါတယ်။ ဘဝကို ဇာတ်ကား တစ်ခုလို ကျော်ပစ်လို့ရတဲ့အခါ စိတ်မရှည်တဲ့ အခန်းတွေကို သူ ကျော်ပစ်ခဲ့ပါတယ်။ ဒီလို ကျော်ပစ်ရင်း...မိသားစု အပါအဝင် အရာအားလုံးနဲ့ သူ ကင်းကွာလာခဲ့ပါတယ်၊ ဘဝဆိုတာ ဖြတ်သန်းဖို့ပါပဲ... စိတ်ပျက်စရာ ငြီးငွေ့စရာတွေ အများကြီးပါပဲ ဒီအခါမှာ ချစ်ခြင်းတရားဟာ အရေးပါလာပါပြီ။ ကျွန်တော်တို့ ကိုယ့်ကို ချစ်တဲ့ လူတွေရဲ့ ချစ်ခြင်း ပျော်ရွှင်မှု..တွေကို ဘယ်လောက်ထိ လျစ်လျှူ ရှု့ပြီး ကြပြီလဲ။ ဖြစ်ချင်တာတွေက အများကြီး ဖြစ်မလာသေးတာတွေက အများကြီး ဒါပေမဲ့ ဒါတွေက ဘယ်လောက်များ အရေးပါလဲ။ မျှဝေ ခံစားမဲ့သူ မရှိတဲ့ အောင်မြင်မှုတစ်ခုကရော ပျော်ရွှင်မှု ဟုတ်ပါ့မလား။ အောင်မြင်မှု ရော ဟုတ်ပါ့မလား။ ဘဝမှာ ဘယ်အရာမဆို အစွန်းမရောက်ဖို့ လိုပါတယ်။ မိုက်ကယ်လို အလုပ်အရမ်း လုပ်ပြီး ပတ်ဝန်းကျင်နဲ့ ကိုယ်ချစ်တဲ့ လူတွေကို ပစ်ပယ်မိကြသူတွေ အများကြီး ရှိနိုင်ပါတယ်။ အဲ့ဒီလို လူမျိုးတွေအတွက် ဒီကားလေးဟာ သူတို့ရဲ့ စိတ်ပြတင်းပေါက်ကို ပွင့်စေမှာပါ။ ဒီကားလေးဟာ Rating 6.4ပဲ ရှိပေမဲ့ အတော်လေးကောင်းတဲ့ ဇာတ်ကားတစ်ခုပါပဲ။ တစ်ခုခုကိုတော့ ဒီကားလေးကနေ သင် ရမှာ သေချာပါတယ်။ File size…(2.1 GB)/(1.2 GB) Quality….Blu-Ray 1080p / 720p Format… mp4 Duration…. 01:47:00 Genre... Comedy, Drama, Fantasy, Romnace Subtitle….Myanmar Subtitle (Hardsub) Encoder….Garfield Translated by WiRa Thu

ကွာရှင်းမှုတွေမှာ ကြားဝင်ညှိနှိုင်းပေးတဲ့အလုပ် လုပ်ကြတဲ့ ဂျွန်နဲ့ ဂျရဲမီဟာ ငယ်ပေါင်းကြီးဖော် သူငယ်ချင်းနှစ်ယောက်ပါ။ သူတို့နှစ်ယောက်ရဲ့ ဝါသနာကတော့ အဖိတ်မခံရတဲ့ မင်္ဂလာပွဲတွေကို လိုက်တက်ဖို့ပါပဲ။ ပွဲရှင်တွေအကြောင်း ကြိုစုံစမ်းပြီး သတို့သားရဲ့အသိလိုလို၊ သတို့သမီးဘက်က အမျိုးလိုလို ဇာတ်ကြောင်းတွေ ဖန်တီးကာ ဝင်ရောကြတယ်။ ပွဲမှာ အလကားစားသောက်ရင်း မျက်စိကျတဲ့ မိန်းကလေးတွေနဲ့ တစ်ညတာ ပျော်ပါးကြတာက သူတို့အတွက် အလေ့အထတစ်ခု ဖြစ်နေပါပြီ။ တစ်နေ့ ဘဏ္ဍာရေးဝန်ကြီးက သူ့သမီးရဲ့ မင်္ဂလာပွဲကို ကြေညာလိုက်တဲ့အခါ သူတို့နှစ်ယောက်လည်း အဆင့်မြင့်အသိုင်းအဝိုင်းက မိန်းကလေးတွေနဲ့ တွေ့ရတော့မယ်ဆိုပြီး ပွဲတက်လာကြတယ်။ ဒါပေမဲ့ ပွဲမှာ သတို့သမီးအရံအဖြစ် ပါလာတဲ့ ဝန်ကြီးသမီး ကလဲရာကို တွေ့ပြီး ဂျွန်တစ်ယောက် တကယ်ချစ်မိသွားပါတယ်။ ကိုယ့်အကြောင်းကို အစကတည်းက လိမ်ပြောထားတဲ့သူအတွက် ဒီတစ်ခါတော့ ခါတိုင်းလို ပျော်ပြီးပြန်ဖို့ မလွယ်တော့ဘူး။ ဂျရဲမီကလည်း ကလဲရာရဲ့ညီမ ဂလော်ရီရာနဲ့ တွေ့ဆုံသွားပြီး သူငယ်ချင်းနှစ်ယောက်ဟာ အဲဒီမိသားစုရဲ့ အပန်းဖြေအိမ်အထိ ပါသွားကြတယ်။ ဂျွန်နဲ့ ကလဲရာကြားက အချစ်ရေးဟာ သူဖန်တီးထားတဲ့ အလိမ်အညာတွေကြား ဘယ်လိုဆက်ဖြစ်မလဲ၊ ဂျရဲမီနဲ့ ဂလော်ရီရာတို့ကရော ဘာတွေကြုံကြမလဲဆိုတာကို အချစ်နဲ့ ဟာသ ရောယှက်တင်ပြထားပါတယ်။ ဂျွန်အဖြစ် Owen Wilson၊ ဂျရဲမီအဖြစ် Vince Vaughn တို့ သရုပ်ဆောင်ထားပြီး Christopher Walken နဲ့ Rachel McAdams တို့လည်း ပါဝင်ထားပါတယ်။

Around the Bend (2004) IMDb Rating (6.4) / Rotten Tomatoes (29%) အော်စကာဆုရ မင်းသားကြီး Michael Caine နဲ့ Christopher Walken တို့ နှစ်ယောက်စလုံးကို တစ်ကားတည်းမှာ အဖေနဲ့သားအဖြစ် အပြိုင်အဆိုင် ကြည့်ရမှာက တကယ်ကိုတန်တဲ့ Around the Bend" ဆိုတဲ့ မိသားစုဒရမ်မာ ကားကောင်းလေးတစ်ကားဖြစ်ပါတယ်။ မျိုးဆက်လေးဆက်က အမျိုးသားတွေရဲ့ ပတ်သက်မှု၊ ခွင့်လွှတ်မှုနဲ့ သံယောဇဉ်အကြောင်းကို ခရီးသွားရင်း ပုံဖော်ထားတဲ့ (Road Movie) အမျိုးအစားပါ။ Jason Lair (Josh Lucas)ဟာ သူ့ရဲ့ အဖိုးဖြစ်သူ Henry ( Michael Caine)၊ သူ့ရဲ့ သားငယ်လေးတို့နဲ့အတူ နေထိုင်နေတဲ့ တစ်ခုလပ်ဖခင်တစ်ဦးပါ။ တစ်နေ့မှာတော့ သူတို့မိသားစုဆီကို နှစ်ပေါင်းများစွာ ပျောက်ခြင်းမလှ ပျောက်ကွယ်နေခဲ့တဲ့ Jason ရဲ့ဖဖေဖြစ်သူ Turner (Christopher Walken) ပြန်ရောက်လာပါတယ်။ အဖိုးဖြစ်သူ Henry မကွယ်လွန်သွားခင် သူ့ရဲ့ နောက်ဆုံးဆန္ဒအရ ကျန်ရစ်တဲ့ မျိုးဆက် ၃ ဆက် (အဖိုး၊ အဖေနဲ့ မြေး) တို့ဟာ အမေရိကန်အနောက်တောင်ပိုင်းဆီကို ကားမောင်းပြီး ခရီးထွက်ခဲ့ကြပါတယ်။ ဒီခရီးလမ်းမှာ သူတို့မိသားစုရဲ့ ဟောင်းနွမ်းနေတဲ့ ဒဏ်ရာတွေ၊ လျှို့ဝှက်ချက်တွေနဲ့ တစ်ယောက်ကိုတစ်ယောက် နားလည်ခွင့်လွှတ်ဖို့ ကြိုးစားပုံတွေကို ရင်နင့်စရာရော၊ ပျော်ရွှင်စရာခံစားမျိုးစုံနဲ့ မိသားစုကြားက အဖုအထစ်တွေကို ဘယ်လိုဖြေရှင်းရမလဲဆိုတာကို သင်ခန်းစာပေးထားတဲ့ ဂန္တဝင်ဇာတ်ကားမျိုးဖြစ်ပါတယ်။ File size… (1.3 GB) / (850 MB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 01:23:34 Subtitle…. Myanmar Subtitle (Hardsub)

“လောဘကြောင့် မင်းအသိစိတ်ပျောက်သွားပြီ” ကိုယ့်ထက်နိမ့်ကျတဲ့သူတစ်ယောက် ကိုယ့်ထက်သာသွားတဲ့အချိန်မှာ မနာလိုဖြစ်ဖူးလား? 2004 ခုနှစ်က ထွက်ရှိခဲ့ပြီး ဒီဇာတ်ကားမှာတော့ Night at the Museum နဲ့ The secret life of Walter Mitty တို့လိုကားတွေမှာ သရုပ်ဆောင်ခဲ့ဖူးတဲ့ ရုပ်ရှင်ထုတ်လုပ်သူ/မင်းသား Ben Stiller နဲ့ Kung Fu Panda Po ဇာတ် ကောင်ရဲ့ အသံသရုပ်ဆောင်တစ်ဖြစ် Gulliver’s Travel လို နာမည်ကျော် ကားတွေမှာ သရုပ်ဆောင်ဖူးတဲ့ Jack Black တို့ ပါဝင်သရုပ်ဆောင်ထားပါ တယ်။ ဂျက်နဲ့တင်မ်တို့က အိမ်နီးချင်းတွေဖြစ်ပြီး နေ့စဉ်အလုပ်အတူတူ သွားကြတဲ့ လုပ်ဖော်ကိုင်ဖက်တွေလည်းဖြစ်ပါတယ်။ အလုပ်ခွင်မှာတော့ တင်မ်က အလုပ် ပိုတော်တဲ့အတွက် ရာထူးပိုမြင့်ပြီး ကိုယ်ပိုင်ရုံးခန်းပိုင်ပါတယ်၊ ဂျက်ကတော့ အလုပ်ပေါ်အာရုံစိုက်နိုင်စွမ်း အားနည်းတဲ့အတွက် သာမန်ဝန်ထမ်းလေးတစ် ယောက်ပါပဲ။ တစ်ရက် အလုပ်ကအ‌ပြန်လမ်းမှာ လူတစ်ယောက် ခွေးချေးကျုံး နေတာကိုမြင်ပြီး ဂျက်တစ်ယောက် Vapoorize ဆိုတဲ့အရာကို တီထွင်ဖို့ အကြံ ရသွားပါတယ်၊ တင်မ်ကတော့ အဓိပ္ပါယ်မရှိဘူးလို့ပြောပြီး ဂျက်ရဲ့ပြောစကားကို အဖက်မလုပ်ခဲ့ပါဘူး။ ဒီလိုနဲ့ ဂျက်တစ်ယောက် သူ့ရဲ့တီထွင်မှု အောင်မြင်သွားတဲ့ အခါမှာ တင်မ်တစ်ယောက် ဘယ်လိုမျိုးတွေဖြစ်လာမလဲ။ သူတို့နှစ်ယောက်ရဲ့ ခင်မင်မှုကရော အရင်အတိုင်း ရှိပါဦးမလား... ဒါတွေကိုသိရဖို့အတွက် Envy ဆိုတဲ့ ဇာတ်ကားလေးကို ဆက်ပြီးကြည့်ရှုကြရအောင်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thura Aung ဖြစ်ပါတယ်) File Size..........(1.55 GB) / (720 MB) Quality............WEB-DL 1080p / 720p Duration.........1Hr 39Min Subtitle...........Myanmar Hardsub Format............MP4 Genre..............Comedy Translator.......Thura Aung Encoder..........SWM

IMDb-(7.7) The Equalizer 3 ထဲမှာပြန်လည်ဆုံတွေ့ကြတဲ့ Denzel Washington နဲ့ Dakota Fanning တို့ ငယ်ငယ်တုန်းက ရုပ်ရှင်ဇာတ်ကားကြီးကို Quality အမိုက်စားနဲ့ပြန်လည်တင်ဆက်လိုက်ပါတယ်။ ဇာတ်လမ်းကတော့.... နှုတ်ခမ်းမွေး မုတ်ဆိတ်မွေး ဗရပွနဲ့ လူတစ်ယောက်...သူက အတိတ်က လုပ်ခဲ့တဲ့ ကိစ္စတစ်ရဲ့ အမှားတစ်ချို့ ကိုမေ့ပျောက်ဖို့ အတွက် အရက်ကို အချိန်ပြည့်နီးပါးအဖော်ပြုနေတဲ့သူ....တစ်နေ့တော့ သူ့သူငယ်ချင်းတစ်ယောက်က လာပြောတယ် ဒီအတိုင်းနေမယ့် အတူတူ အပြုအမူလေးတွေဆင်ခြင်ပြီးတော့ ချမ်းသာတဲ့ အသိုင်းအဝန်းက အိမ်မှာ ဘော်ဂီဂတ်လုပ်ဖို့ အကြံပေးလာတယ်... သူဟာ အတိတ်တုန်းက စစ်မှုထမ်းခဲ့ပြီး စစ်မှုထမ်းသက်လည်း အတော်ရှိခဲ့ပြီး ထူးချွန်ခဲ့တဲ့သူတစ်ယောက်... ဘော်ဒီဂတ်လုပ်ရမှာကပြန်ပေးမှုအများဆုံးဖြစ်နေတဲ့ မက္ကဆီကို ..သူဒီအလုပ်ကိုလက်ခံလိုက်တယ်... ဒီကားက တော်တော်များများကြားဖူး ကြည့်ဖူးပြီးသားဖြစ်မှာပါ...ဒါရိုက်တာTony Scott ရိုက်ကူးပြီး ကျွန်တော်တို့ရဲ့ အသည်းစွဲမင်းသားကြီး  Denzel Washington, ပါဝင်သရုပ်ဆောင်ထားပါတယ်.... ပရိယာယ်များပြီး ဘယ်ကိစ္စမဆို ယုံကြည်လို့မရတဲ့ ဒီလောကကြီးမှာ ကျွန်တော်ကတော့  Denzel Washington ရိုက်တဲ့ ကားတွေကို ချွင်းချက်ထားလိုက်ချင်တယ်... သိတဲ့အတိုင်း သူ့ကားတွေဟာ မကောင်းတဲ့ကားတောင်မရှိသလောက်ရယ်...ဒီကားမှာလည်း တိုတိုပြတ်ပြတ်ပြောပြီးအလုပ်ကိုတာဝန်ကျေတဲ့သူတစ်ယောက်... သူစောင့်ရှောက်ရတဲ့ ကလေးမလေးအပေါ် သမီးလေးတစ်ယောက်လိုသံယောဇဉ်တွယ်ပြီး တဖြည်းဖြည်းပြောင်းလဲလာတဲ့ ဆက်ဆံရေး.. ရှုပ်ထွေးပွေလီလှတဲ့ ကလေးငယ်ပြန်ပေးဆွဲမှုတွေ....ပြင်းရှရက်စက်တဲ့အက်ရှင်စွန့်စားခန်းတွေနဲ့ မနားတမ်းဆွဲခေါ်သွားမှာပါ။ (ရုပ်ရှင်အညွှန်းနဲ့ဘာသာပြန်ကို JtheKoala မှ တင်ဆက်ထားပါတယ်။) File size…(5 GB)/(1.9 GB) Quality….BluRay Remux 1080p /720p Format…mp4 Duration….02:26:07 Subtitle….Myanmar Subtitle(Hardsub) Encoder….Ka Naung Translated by JtheKoala

မိန်းမတွေက အိမ်ထောင်ရေးနိုင်နင်း (ပြောချင်တာက ထမင်းချက် သန့်ရှင်းရေးလုပ် အိမ်အလုပ်တွေအကုန်လုပ် ကလေးတွေကိုထိန်း ဂရုစိုက်)၊ ယောက်ျားတွေက စီးပွားရှာ ပြန်လာတဲ့အချိန်မှာ ယောက်ျားကို အပြုံးမျက်နှာနဲ့ ပျော်စရာတွေအပြည့်နဲ့ ပြေးကြို လိုအပ်တာတွေလုပ်ပေး အဲဒါမျိုးကို လူတိုင်းလိုချင်ကြမှာပေါ့။ ဒါပေမဲ့ ဖြစ်နိုင်ပါမလား။ စိတ်ကူးယဉ်ပုံပြင်တွေထဲက ပြီးပြည့်စုံပြီး ပျော်စရာကောင်းတဲ့ အိမ်ထောင်ရေးဆိုတာ အပြင်မှာရော တကယ်ရှိနိုင်ပါမလား။ ထက်လွန်းတဲ့ မိန်းမတွေကို ရထားတဲ့ ယောက်ျားတွေက ဖောက်ပြန်ဖို့ ရာခိုင်နှုန်းအများဆုံးလို့ပြောကြတယ်။ အဲဒီတော့ အိမ်ထောင်ရေးသာယာဖို့ဆိုတာ မိန်းမတွေက ယောက်ျားတွေထက် မတော်မှဖြစ်တော့မှာပေါ့လို့ ပြောစရာဖြစ်လာရော။ ခပ်တုံးတုံးမိန်းမတွေပဲ အိမ်ထောင်ပြုလို့ ရမယ်ဆိုတဲ့ ကောက်ချက်ကြီးက တော်တော်လေးကို အဆင်မပြေတာပါ။ ဒါပေမဲ့လည်း အိမ်ထောင်ရေးဆိုတာက အများကြီးရှုပ်ထွေးပြီး နားလည်ရခက်ပါတယ်။ အပြန်အလှန်နားလည် ကူညီဖေးမ ထောက်ပံ့နေကြရင် အဆင်အပြေဆုံးဖြစ်နိုင်လောက်တယ် ဆိုတာကလွဲပြီး ဘာမှဝင်မပြောတော့ပါဘူး။ ဒီဇာတ်ကားမှာတော့ အိမ်ထောင်ရေးဆိုတဲ့အပိုင်းမှာ အမျိုးသမီးတွေရဲ့ အခန်းကဏ္ဍက တော်နေတတ်နေရုံနဲ့ အဆင်မပြေနိုင်ဘူးဆိုတာကို ပြထားတယ်လို့ ထင်တာပါပဲ။ ဒါပေမဲ့ အိမ်ထောင်ရေးဆိုတာ နှစ်ယောက်ပေါင်းမှ ဖြစ်တဲ့ ကိစ္စမဟုတ်လားဗျာ။ အဲဒီတော့ မိန်းမတွေ ပေးဆပ်ထားသလောက် ယောက်ျားတွေကလည်း ပြန်ပေးနိုင်ပြီး အပြန်အလှန်နားလည်နိုင်ကြမှ အဆင်ပြေမှာကိုး။ ခုလို Comedy, Horror, Sci-Fi ဇာတ်ကားလေးဖြစ်တဲ့ The Stepford Wives မှာ အရမ်းတော် အရမ်းထက်နေတဲ့ အမျိုးသမီးများ တစ်ခုခုတော့ စဉ်းစားစရာရသွားပြီး အမျိုးသားများလည်း တွေးစရာတစ်ခုရသွားနိင်တယ်လို့ ထင်ပါတယ်။ စကားမစပ် မင်းသမီးကလည်း အလန်းစားမမ Nicole Kidman ဖြစ်ပြီး လှပကျော့မော့တဲ့ Stepford က ဇနီးသည်တွေလည်းပါနေတဲ့အတွက် အစ်ကိုကာလသားများ မျက်စိပသာဒဖြစ်ကြမယ်ထင်ပါတယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 1.8GB, 805MB Quality - 1080p, 720p Format - mp4 Duration - 1H 33Min Genre - Comedy, Horror, Sci-Fi Subtitle - Myanmar Subtitle (Hardsub) Translated by 666 Encoded by Y

Quality Updated, Fixed Subtitle And Sound 2003 ခုနှစ်ကထွက်ရှိခဲ့ပြီး IMDb မှာ Rating 6.7 ရရှိခဲ့တဲ့ဇာတ်ကားဖြစ်ပါတယ်။ 2002 ခုနှစ်က The Scorpion King ဇာတ်ကားနဲ့အောင်မြင်ခဲ့တဲ့ Dwayne (The Rock) Johnson  အတွက်တော့ လူပိုသိလာတဲ့ဇာတ်ကားတစ်ကား ဖြစ်ခဲ့ပါတယ်။ ကိုယ်ပိုင်စားသောက်ဆိုင်တစ်ဆိုင်မှာ စားဖိုမှူးအဖြစ်အသက်မွေးချင်တဲ့ ဘက်ခ်ဟာ သူ့သူဌေးအတွက် အကြွေးလိုက်တောင်းပေးရတဲ့ လူမိုက်တစ်ဦးပဲဖြစ်ပါတယ်။ ဒါပေမယ့် သူက သေနတ်မသုံးသလို မလိုအပ်ပဲထိခိုက်အောင်မလုပ်ပဲ စည်းစနစ်ကြီးတဲ့သူတစ်ဦးလည်း ဖြစ်ပါတယ်။ သူ့သူဌေးရဲ့သားကို ဘရာဇီးတောထဲက ပြန်ခေါ်ပေးနိုင်ရင် သူလိုချင်တဲ့စားသောက်ဆိုင်ရမှာဖြစ်ပြီး လူမိုက်ဘဝကကျွတ်မှာဖြစ်တဲ့အတွက် ဘက်ခ်က လက်ခံခဲ့ပါတယ်။ ဒါပေမယ့် ရှေးဟောင်းရတနာကို လိုက်ရှာနေတဲ့ သူ့သူဌေးရဲ့သားကို ဘရာဇီးတောထဲမှာ ဘုရင်တစ်ပါးလို မင်းမူနေတဲ့ ဟတ်ချာဆိုတဲ့ရွှေတွင်းပိုင်ရှင်က ပြန်မလွှတ်ချင်တဲ့အခါမှာတော့ ဘာတွေဆက်ဖြစ်ကြမလဲ .......သူ့သူဌေးရဲ့သားကရော ရှေးဟောင်းရတနာကို ဟတ်ချာမသိခင် ရှာတွေ့နိုင်မလား...... .ဘားဆိုင်ထဲက ကောင်မလေးကရော ဘာတွေလျှို့ဝှက် ထားသလဲဆိုတာကို ဆက်လက်ရှု့စားကြပါ။ အက်ရှင်ဇာတ်ကားဆိုပေမယ့် The Rock နဲ့ Seann William Scott တို့ရဲ့ သရုပ်ဆောင်မှုတွေက ဟာသရသကိုလည်း တပြိုင်နက်ခံစားရစေမှာပါ။ အက်ရှင်ဇာတ်ကားကောင်းနဲ့ The Rock ပရိသတ်တွေအတွက် လက်မလွှတ်သင့်တဲ့ ဇာတ်ကားဖြစ်ပါတယ်။ (ဇာတ်ကားထဲမှာပါတဲ့ပေါ်တူဂီစကားတွေကို လိုက်ရှာရင်းနဲ့ ဒီကားအတွက် Movie Mistakes ကိုလည်း တွေ့ထားပါတယ်။ အချိန်ရရင် သပ်သပ်တင်ပေးလိုက်ပါ့မယ်) (ဇာတ်လမ်းအညွှန်း နဲ့ မြန်မာစာတန်းထိုးဘာသာပြန်ကတော့ ကိုညီညီကျော်မြင့်မှ ရေးသားတင်ဆက် ထားပါတယ်။)

ဉာဏ်ကောင်းပေမယ့် လမ်းမှားရောက်နေတဲ့ လူငယ် ဖရန့်နဲ့ သူ့ကိုဖမ်းဆီးဖို့ တာဝန်ရှိတဲ့ ကားလ်ဟန်ရက်တီတို့အကြောင်းကို ရိုက်ကူးထားတဲ့ ဇာတ်ကားပါ။ ကားလ်အတွက်တော့ ဒီလူငယ်ကို ဖမ်းမိဖို့သာမက လမ်းမှန်ပြန်ရောက်လာစေဖို့ကလည်း အရေးပါနေပါတယ်။ သူတို့နှစ်ယောက်ကြားက ဆက်ဆံရေးကို ဇာတ်လမ်းနဲ့အတူ လိုက်ကြည့်ရမှာပါ။ Steven Spielberg ရိုက်ကူးထားပြီး Leonardo နဲ့ Tom Hanks တို့ အဓိကပါဝင်ပါတယ်။ Tom Hanks က ကားလ်ဟန်ရက်တီအဖြစ် သရုပ်ဆောင်ထားတာပါ။ မူရင်းမိတ်ဆက်စာမှာ ဖြစ်ရပ်မှန်ကို အခြေခံတဲ့ဇာတ်ကားအဖြစ် ဖော်ပြထားပြီး အဓိကသရုပ်ဆောင်နှစ်ယောက်ရဲ့ သရုပ်ဆောင်မှု၊ သူတို့ကြားက ဆက်ဆံရေးနဲ့ ဇာတ်လမ်းတည်းဖြတ်ပုံတို့ကို အလေးထား ညွှန်းထားပါတယ်။

ဟောင်းသွားပေမယ့် ကောင်းနေဆဲရုပ်ရှင်ကားတွေကတော့ ယခုထိတိုင်ရှိနေဆဲပါ။ အခုတင်ဆက်ပေးမယ့် ကားလေးကလည်း ၂၀၀၁ တုန်းကထွက်ရှိခဲ့တဲ့ Old But Gold ဇာတ်ကားလေးဖြစ်တဲ့ Joe Dirt ပဲဖြစ်ပါတယ်။ IMDb Rating 6.0 ရရှိထားပြီးဇာတ်ကားနာမည်အတိုင်း ဂျိုးဒတ်ဆိုတဲ့ ဇာတ်ကောင်တစ်ယောက်ကိုအဓိကထားပြီးရိုက်ကူးထားတာဖြစ်ပါတယ်။ ဒီကားလေးက ဟာသကားဆိုပေမဲ့ ကြည့်တတ်ရင်တကယ်ပညာရတဲ့ ကားလေးပါ။ ကိုယ့်ဘ၀မှာ နေ့စဉ်ကြုံတွေ့နေရတဲ့ အခက်အခဲတွေကိုပြုံးပြုံးလေးရင်ဆိုင်ပြီး အကောင်းမြင်စိတ်နဲ့ ဘ၀ကိုသွားရင် ကိုယ်ရောက်ချင်တဲ့ပန်းတိုင်ကိုအရောက် လှမ်းနိုင်တယ်ဆိုတာကို အဓိကပုံဖော်ရိုက်ကူးထားတာပဲဖြစ်ပါတယ်။ဂျိုးဒတ်ဆိုတဲ့ ကောင်လေးတစ်ယောက်က အသက် ၈ နှစ်မှာမိဘတွေနဲ့ ခရီးသွားရင်းတစ်ယောက်တည်း ကျန်ရစ်ခဲ့ပြီး လမ်းပျောက်နေခဲ့ပါတယ်။မိဘတွေကလည်း သူ့ကိုပြန်လာမရှာတာနဲ့ သူ့အားသူကိုးပြီး သူ့ဘ၀ကိုဆက်လျှောက်လှမ်းခဲ့ပါတယ်။ကျန်းမာရေးအခြေအနေကြောင့် ဆံပင်တုကို ခေါင်းနဲ့တွဲ ချုပ်ထားရတဲ့အတွက် အဲ့ဒီပုံစံခပ်ဆန်းဆန်းဆံပင်တုကြီးကို လှောင်ပြောင်ဟားတိုက်ခံခဲ့ရတာလည်း အသက်ကြီးတဲ့အထိပါပဲ။မိဘမဲ့ဂေဟာတွေ တစ်ခုပြီးတစ်ခုပြောင်းခဲ့ရပြီး သူ့ဘ၀မှာ အိမ်လို့ခေါ်လို့ရတဲ့နေရာဆိုတာမရှိခဲ့ပါဘူး။ သူ့မိဘတွေကို သူ့ကိုပြန်လာမရှာပေမယ့် သူကတော့မိဘတွေကိုရှာဖို့ရည်မှန်းချက်ရှိ နေတုန်းပါ။တစ်နေ့မှာတော့ နာမည်ကြီးရေဒီယိုအစီအစဉ်တစ်ခုမှာ ကံကောင်းပြီးတော့ ပါဝင်ခွင့်ရခဲ့ပါတယ်။သူ့ဘ၀ဇာတ်ကြောင်းက အရမ်းစိတ်ဝင်စားဖို့ကောင်းတဲ့အတွက် အဲ့ဒီအကြောင်းကို ရေဒီယိုမှာနားထောင်ကြသူတွေများလာကြပြီး သူလည်းနာမည်ကြီး လာခဲ့ပါတော့တယ်။ဒီလိုနဲ့အခက်အခဲတွေအများကြီးကို အမြဲတမ်းကြုံတွေ့နေရပေမယ့် အရာရာကိုအကောင်းမြင်စိတ်နဲ့ မြင်တတ်တဲ့ ဂျိုးဒတ်တစ်ယောက်မိဘတွေကိုပြန်တွေ့ သွားမလား။သူ့ဘ၀မှာအလိုချင်ဆုံး အိမ်ဆိုတဲ့အရာကိုရောပိုင်ဆိုင်သွားရမလားဆိုတာကို ကြည့်ရမဲ့ဇာတ်ကားကောင်းလေးပဲဖြစ်ပါတယ်။ File size…1.67GB / 887MB Quality…Blu-Ray 1080p/ 720p Format…mp4 Duration….1h 31m Genre ….. Comedy , Drama , Adventure Subtitle….Myanmar Subtitle (Hard Sub) Encoder….Min Wai Translated by Saw Lay

The Prophecy 3: The Ascent (2000) IMDb Rating (5.4) / Rotten Tomatoes (20%) နတ်တမန်စစ်ကို အဆုံးသတ်ပေးမယ်လို့ ဗျာဒိတ်ပေးခံထားရတဲ့ နတ်သွေးနှောလူသား ဒန်နေယယ်တစ်ယောက် မထင်မှတ်ဘဲ လုပ်ကြံခံလိုက်ရပြီးနောက် အလောင်းတိုက်ထဲ ပြန်နိုးထလာချိန်ကျမှပဲ ကောင်းကင်ဘုံစစ်ပွဲမှာ ဘယ်လောက်အရေးပါတဲ့ အခန်းကဏ္ဍကနေ သူ ပါဝင်နေတယ်ဆိုတာကို အသိဝင်လာခဲ့တယ်။ ဒီဇာတ်ထဲမှာ နတ်သတ်ခြွေခံရပြီး လူ့ဘဝရောက်နေတဲ့ မရဏနတ်မင်းဟောင်း ဂေဘရီယယ်ရော.. ၊ ဒန်နေယယ်ရဲ့ချစ်သူ မက်ဂီနဲ့အတူ ဒန်နေယယ့်နောက် တရကြမ်းလိုက်လာတဲ့ နတ်တမန်-ဇိုဖေယယ်တို့ကပါ ပါဝင်လာတဲ့နောက်မှာ ဘုရားကိုဖြုတ်ချပြီး စကြဝဠာကိုအုပ်စိုးဖို့ ကြံနေတဲ့ ပေရီယယ်ဆိုတဲ့ နတ်တမန်ကို တားဆီးရမယ့် ဒန်နေယယ်ရဲ့ အစတည်းက ခက်ထန်တဲ့ခရီးမှာ ပိုကြမ်းတမ်းဖို့ ဖြစ်လာတော့တယ်။ မင်းသားကြီး Christopher Walken ကို ဂေဘရီယယ်အဖြစ် နောက်ဆုံးမြင်ရမယ့် Prophecy: The Ascent ကတော့ ဇာတ်လမ်းပိုင်းမှာ Prophecy II ထက် ပိုအားထုတ်ထားတယ်လို့ ပြောရမှာပါ။ Horror legend ဖြစ်တဲ့ Brad Douriff လည်း တစ်ခန်းပါထားသေးတဲ့ ဒီကားကတော့ star power မပါဘဲ ခရီးဆက်တော့မယ့် Prophecy franchise ရဲ့ နောက်ကားတွေအတွက် အကောင်းဆုံးအမြည်းလို့ ပြောရပါမယ်။ (အညွှန်းနဲ့ဘာသာပြန်ကတော့ Costanza ဖြစ်ပါတယ်။) File size…(1.7 GB) / (870 MB) Quality….Blu-Ray 1080p HEVC / 720p Format…. mkv/mp4 Genre….Fantasy,Horror,Thriller Duration….01:24:09 Subtitle….Myanmar Subtitle (Hardsub) Encoder….Double K Translated by Costanza

ပရိတ်သတ်ကြီးရေ ထူးဆန်းထွေလာ စိတ်ကူးယဉ်ဇာတ်လမ်းတွေနဲ့ ပတ်သတ်လာရင် The Mummy, George of the Jungle, Journey ကားတွေလို ္Fantasy တွေနဲ့ နာမည်ကြီးတဲ့ မင်းသားကြီး Brendan Fraserကို မေ့ထားလို့မရပါဘူး။ ကျွန်တော်ဆိုလည်း ငယ်ငယ်ကတိုင် သူ့ရဲ့ဇာတ်လမ်းတွေကို သိပ်သဘောကျခဲ့တာပါ။ အခုလည်း စီအမ်ပရိသတ်ကြီးအတွက် မင်းသားကြီးရဲ့ အချစ်/ဟာသ ဇာတ်လမ်းလေဟောင်းတစ်ပုဒ် တင်ဆက်ပေးပါရစေ။ ၁၉၉၉ ခုနှစ်ကထွက်တာဆိုတော့ ကျွန်တော်နဲ့ သက်တူရွယ်တူပဲဗျ။ ဖေဖော်ဝါရီလမှာ ထွက်တာဆိုတော့ ကျွန်တော့်ထက်တောင် လပိုင်းကြီးသေးဗျာ။ ဘရန်ဒန့်ဇာတ်လမ်းပီပီ သောင်းပြောင်းထွေလာတွေ မပါမှာကလည်း ပူစရာမလို့ပါဘူး ဇာတ်လမ်းအစမှာတော့ သူ့ရဲ့နောက်ခံဝန်းကျင်က ၁၉၆၂ ခုနှစ် ဆိုဗီယက်တွေနဲ့ အမေရိကန်တို့ တင်းမာမှုတွေ ရှိနေတဲ့ အချိန်ကာလပေါ့၊ အဲဒီမှာ ကယ်ဗင်ဆိုတဲ့ သိပ္ပံပညာရှင်တစ်ယောက်က နျူကလီးယား တိုက်ခိုက်မှုတွေ ရှိလာတဲ့အခါ ဘေးရှောင်နိုင်ဖို့ မြေအောက်ဗုံးခိုကျင်းကြီး တစ်ခု တည်ဆောက်ခဲ့တယ်။ နျူကလီးယားကိုတောင် ခံနိုင်ရည်ရှိတယ်ဆိုတော့ တွေးသာကြည့်ပေးတော့ပေါ့။ ဒီလိုနဲ့ သူပြင်ဆင်ထားသလိုပဲ တစ်နေ့မှာ ဒီကိစ္စတွေ ဖြစ်လာပြီး သူ့မိန်းမ ကိုယ်ဝန်သည် ဟယ်လင်နဲ့အတူ နျူကလီးယားနောက်ဆက်တွဲဒဏ်တွေ ကာကွယ်ဖို့ မြေအောက်မှာပဲ ၃၅ နှစ်ကြာနေဖို့ အခြေအနေဖြစ်လာခဲ့တယ် ။ မွေးလာတဲ့ သား အဒမ်ကိုလည်း မြေအောက်ထဲမှာပဲ အကုန်ပျိုးထောင်သင်ကြားပေးခဲ့တာပေါ့။ တကယ်တော့ သူတို့ထင်သလို နျူကလီးယား ပေါက်ကွဲခဲ့တာမဟုတ်တဲ့အတွက် ကမ္ဘာကြီးရော လူတွေပါ ပုံမှန်လည်ပတ်နေခဲ့တာပါ။ ဒါကို မသိတဲ့ ကယ်ဗင်တို့ မိသားစုကတော့ မြေအောက်မှာပဲ ဆက်နေခဲ့ကြပါတယ်။ မြေပြင်ပေါ်မှာ ၃၅ နှစ်တာ ခံမယ့် အဆိပ်ငွေ့ ရှိတယ်ဆိုတဲ့ ယုံကြည်မှုကြောင့် တစ်ခါမှလည်း တက်ကြည့်ဖို့ မကြိုးစားခဲ့ကြပါဘူး ဒီလိုနဲ့ ၃၅ နှစ်အကြမှာ မြေပြင်ပေါ်ကို တစ်ယောက်တည်း အရင်တက်ကြည့်ပြီး ခေတ်အပြောင်းအလဲတွေကို လိုက်မမီတဲ့ ကယ်ဗင်ကြီးက ကမ္ဘာကြီး အရင်လိုမဟုတ်တော့ဘူး မြေအောက်မှာပဲ ဆက်နေရမယ်တွေ ဖြစ်ပြီး သားဖြစ်သူ အဒမ်ကို မြေပြင်ပေါ်တက် ရိက္ခာရှာခိုင်းတဲ့ အချိန်မှာတော့ ........ File size…( 2.03GB) / (1.44GB) / (660MB) Quality….  Web 1080P / 720p / 480P Format…mp4 Duration….01:52:00 Genre... Comedy / Drama / Romance Subtitle….Myanmar Subtitle (Hardsub) Encoder….Mr. Anderson Translated by Act Molemy

IMDb Rating (7.3) / Rotten Tomatoes (70%) Sleepy Hollow လို့ပြောရင် သိတဲ့သူနည်းတယ်ဆိုပေမယ့် ခေါင်းပြတ်နေတဲ့မြင်းစီးသရဲကြီးက ခေါင်းလိုက်ဖြတ်တဲ့ကားလေ လို့ပြောရင် တော်တော်များများသိထား ကြည့်ဖူးပြီးသားဖြစ်ကြမှာပါ။ ဟုတ်ပါတယ် ဒီဇာတ်ကား က ၁၉၉၉ ကရိုက်ခဲ့တဲ့ မင်းသားကြီး Johnny Depp ရဲ့ ဇာတ်ကားပါ။ Stephen King တို့နဲ့ပြိုင်နာမည်ကြီးတဲ့ စာရေးဆရာ Washington Irving ရဲ့ဝတ္တုကို ခပ်ဆန်းဆန်းပုံစံတွေနဲ့ တင်ဆက်တတ်တဲ့ နာမည်ကြီး ဒါရိုက်တာ Tim Burton ကရိုက်ကူးထားတာဖြစ်ပါတယ်။ ကျိုးကြောင်းဆင်ခြင်တတ်ပြီး ယုတ္တိကျကျ အတွေးရှိလို့ ခေတ်နောက်ပြန်ဆွဲနေတဲ့ အထက်လူကြီးတွေက ရာထူးအနိမ့်ဆုံးထိချထားခြင်းခံရတဲ့ ရဲသားကရိန်း(Johnny Depp) တစ်ယောက် Sleepy Hollow ဆိုတဲ့ရွာငယ်လေးက လေးလောင်းပြိုင်ခေါင်းဖြတ်သတ်မှုတွေ အကြောင်းကို ဖိအားပေး စုံစမ်းဖို့စေလွတ်ခြင်းခံရပါတယ်။ ယုတ္တိကျတာကိုပဲ ယုံတတ်တဲ့ရဲသားကရိန်းတစ်ယောက် သဘာဝလွန်ဖြစ်ရပ်များနဲ့ကြုံတွေ့လာတဲ့အခါ သူ့ရဲ့ငယ်ဘဝအတိတ်ဆိုးတွေကြောင့် ဖြစ်နေတဲ့ အကြောက်လွန်ရောဂါကိုဘယ်လိုကျော်လွှားပြီး သဘာဝလွန်အမှုတစ်ခုကို သိပ္ပံပညာနဲ့ပေါင်းစပ်ပြီး ဘယ်လိုဖော်ထုတ်သွားမယ်ဆိုတာ ဇာတ်ကားမှာဆက်ပြီး ကြည့်လိုက်ကြပါ။ ခေတ်တစ်ခေတ်ရဲ့အကူးအပြောင်းမှာ ကျန်နေခဲ့ချင်သူတွေ နဲ့ ဆက်ပြီးတိုးသွားချင်သူတွေ၊ သိပ္ပံပညာနဲ့ သဘာဝလွန်တို့ကိုပေါင်းစပ်ဖော်ပြထားတာတွေကို စိတ်ဝင်စားစရာ ဖြစ်အောင်တင်ဆက်ထားတာကို မင်းသား Johnny Depp ရဲ့ကြောင်တောင်တောင်သရုပ်ဆောင်ချက်တွေနဲ့ ပိုမိုအသက်ဝင်အောင်အားဖြည့်ထားတာကိုတွေ့ရမှာပါ။ အပြောင်းအလဲကိုလက်ခံသူတွေ လက်မခံသူတွေ ဘယ်လိုပဲဖြစ်ဖြစ် ခေတ်ကြီးကတော့ ရှေ့ကိုဆက်နေဦးမှာပါပဲ။ ( အညွှန်းနဲ့ဘာသာပြန်ကို d3mon တင်ဆက်ထားပါတယ်။) File size…(6.6 GB)/(2.9 GB)/(1.2 GB) Quality….BluRay 4K HDR HEVC/1080p/720p Format…mkv/mp4 Duration….01:45:31 Subtitle….Myanmar Subtitle(Hardsub) Encoder….Ka Naung Translated by d3mon

The Prophecy II (1998) နတ်တမန်ချင်း စစ်ခင်းကြတဲ့ကြား လူတွေရောက်ခဲ့ရပြီးနောက် ၄ နှစ်အကြာမှာ ငရဲပြည်မှာ ပိတ်လှောင်ခံထားရတဲ့ နတ်မင်းတမန် ဂေဘရီယယ် လူ့ပြည်ကို ပြန်တက်လာခဲ့တယ်။ ဒီတစ်ခေါက်မှာ သူ့ရည်ရွယ်ချက်က နတ်တမန်စစ်ပွဲကို အဆုံးသတ်ပေးလိမ့်မယ်လို့ ဗျာဒိတ်ပေးခံထားရတဲ့ကလေး မွေးမလာခင်မှာ လက်ဦးမှုယူပြီး သုတ်သင်ပစ်ဖို့ပဲ။ ဒီလိုနဲ့ ဘုရားသစ္စာတော်ခံနတ်တမန် ဒန်နေယယ်နဲ့ ပေါင်းဖက်ရာကနေ ကိုယ်ဝန်ရှိသွားခဲ့တဲ့ ဗယ်လာရီဆိုတဲ့ မိန်းကလေးနောက်ကို ဂေဘရီယယ် တောက်လျှောက်လိုက်ရင်းက ဘာတွေဆက်ဖြစ်မလဲဆိုတာ ကြည့်ရမယ်။ ဒီ The Prophecy II ဟာ ၁၉၉၅ က ထွက်ရှိခဲ့တဲ့ The Prophecy ရဲ့ နောက်ဆက်တွဲဖြစ်ပြီး အရင်ကားမှာ သရုပ်ဆောင်စွမ်းပြခဲ့တဲ့ Christopher Walken ကပဲ ဂေဘရီယယ်နေရာမှာ ဆက်သရုပ်ဆောင်ထားတဲ့ ဘာသာရေး ဟော်ရာဇာတ်လမ်း ဖြစ်ပါတယ်။ (အညွှန်းနဲ့ဘာသာပြန်ကတော့ Costanza ဖြစ်ပါတယ်။) File size… (1.6 GB) / (770 MB) Quality…. Blu-Ray 1080p HEVC / 720p Format…. mkv/mp4 Genre…. Fantasy, Horror, Thriller Duration…. 01:24:18 Subtitle…. Myanmar Subtitle (Hardsub) Encoder…. Benjamin Translated by Costanza

ဇီဆိုတဲ့ ပုရွက်ဆိတ်လေးက သူ့ကိုလိုနီထဲက တခြားပုရွက်ဆိတ်တွေနဲ့ အတွေးအမြင်မတူသူပါ။ လက်ရှိနေရတဲ့နေရာမှာ မပျော်ဘဲ တခြားနေရာသစ်တစ်ခု ရှိလိမ့်မယ်လို့ ယုံကြည်နေတယ်။ သူငယ်ချင်းတွေနဲ့ စကားပြောရင်လည်း ဒီနေရာက သူနဲ့မကိုက်တဲ့အကြောင်း ညည်းတွားနေတတ်ပါတယ်။ တစ်နေ့ ဘယ်လာဆိုတဲ့ ပုရွက်ဆိတ်မင်းသမီးလေးနဲ့ တွေ့ဆုံပြီးနောက် ဇီရဲ့ဘဝ ပြောင်းလဲလာတယ်။ သူချစ်တဲ့ မင်းသမီးလေးနဲ့ နီးစပ်ဖို့ ဘယ်လိုကြိုးစားမလဲ၊ လမ်းမှာကြုံလာတဲ့ ပြဿနာတွေကို ရင်ဆိုင်နိုင်ပါ့မလား၊ သူတို့နှစ်ယောက် နီးစပ်ခွင့်ရပါ့မလားဆိုတာကို ဇာတ်လမ်းက ဆက်ပြထားပါတယ်။ ၁၉၉၀ ပြည့်နှစ်များက ထွက်ရှိခဲ့တဲ့ ဒီအန်နီမေးရှင်းကို Tim Johnson နဲ့ Eric Darnell တို့ ပူးတွဲရိုက်ကူးထားပြီး Sylvester Stallone နဲ့ Jennifer Lopez တို့ အသံသရုပ်ဆောင်အဖြစ် ပါဝင်ထားပါတယ်။

ဒီတစ်ခါကတော့ကတော့ စိတ်သက်သာရာရစေမယ့် ရုပ်ရှင်တွေထဲကတစ်ကားဖြစ်ပါတယ်။ အတော်လေးလည်းကြည့်လို့ကောင်းသလို ဘဝအမောတွေကိုလည်း ပြေပျောက်စေမယ့် ရုပ်ရှင်တစ်ကားဖြစ်ပါတယ်။ မိသားစုနှင့်လည်းကြည့်လို့ရတဲ့ ဟာသကားကောင်းတစ်ကားမလို့ ကြည့်လိုက်ကြပါလို့ တိုက်တွန်းပါရစေ။ ဇာတ်ညွှန်း အာနီ နဲ့ လားစ်တို့ ဟာ ညီအစ်ကိုတွေဖြစ်ပါတယ်။ အာနီ ဟာစားသောက်ဆိုင်ပိုင်ရှင်တစ်ယောက်ဖြစ်ပြီး လားစ်ကတော့ သူ့အဖေနဲ့ အတူတူ ချည်မျှင်စက်ရုံတစ်ခုကို အတူတူလုပ်ကိုင်နေတဲ့လူတစ်ယောက်ဖြစ်ပါတယ်။ သူတို့နှစ်ယောက်ရဲ့အဖေဆုံးသွားတော့ အမွှေအနေနဲ့ ကံကောင်းစေတဲ့ ချည်မျှင်လေးတစ်ချောင်းရယ်၊ ချည်မျှင်စက်ရုံတစ်ခုရယ် အပေါင်ခံထားတဲ့အိမ်ကြီးတစ်လုံးရယ်ကို အမွေချန်ထားခဲ့ပါတယ်။ အာနီက ပိုက်ဆံဘာမှမချန်ထားခဲ့လို့ စိတ်ဆင်းရဲနေပေမယ့် လားစ်ကတော့ အဖေနဲ့ပိုပြီး ရင်းနှီးတဲ့လူတစ်ယောက်ဖြစ်တာကြောင့် အဖေ့ကိုအပြစ်မမြင်ရက်ဖြစ်နေပါတယ်။ ဒီလိုနဲ့ ကံဆိုးချင်တော့ နှစ်ယောက်သား လမ်းဘေးရောက်သွားပြီး အမွေထားခဲ့တဲ့အိမ်ကြီးပေါ်ကိုတက်နေဖို့ဖြစ်လာပါတော့တယ်။ အဲဒီမှာ သူတို့ဟာ ဒီအိမ်ပျက်ကြီးက သာမန်အိမ်အိုအိမ်ဟောင်းကြီးတစ်ခုမဟုတ်ပဲ နာမည်ကျော် ဗိသုကာပညာရှင် လရူး ရဲ့အိမ်တော်ကြီးဆိုတာကိုသိလိုက်ရပါတယ်။ ဒီလိုနဲ့ အိမ်တော်ကြီးကိုရောင်းဖို့ကြံတော့ အဲဒီအိမ်မှာ နဂိုကတည်းက နေထိုင်ခဲ့တဲ့ ကြွက်တစ်ကောင်က သူတို့ကိုလိုက်နှောင့်ယှက်ပါတော့တယ်။ ညီအစ်ကိုနှစ်ယောက်နဲ့ကြွက်ကြားက တိုက်ပွဲကို ဘယ်လိုများ ဟာသအမြင်နဲ့ဖော်ပြသွားမလည်းဆိုတာ ရှုစားလိုက်ကြပါ။ File Size :  2.2 GB, 889 MB Quality : Blu-Ray 1080p / 720p Running Time : 1hr 38min Format : Mp4 Genre : Comedy, Family Subtitle : Myanmar Subtitle (Hard Sub) Translated by : Lucifer Maximoff Encode by : Thit San Khant

The Prophecy (1995) IMDb Rating (6.4) / Rotten Tomatoes (46%) အယ်လ်အေမြို့က စုံထောက် သောမတ်စ်ဒက်ဂတ် သူလက်ရှိကိုင်နေရတဲ့ အမှုကြောင့် ဒွိဟတွေ အကြီးအကျယ် ဝင်နေရတယ်။ ခက်တာက ဒီဒွိဟဟာ အမှုထောက်လှမ်းရေးမှာတင် မကဘူး၊ သူ့ကိုးကွယ်ယုံကြည်မှုအပိုင်းနဲ့ပါ ပတ်သက်နေတာပဲ။ ဒက်ဂတ်က ခရစ်ယာန်ဘုန်းတော်ကြီးအဖြစ် ခံယူဖို့ ကြိုးစားပေးမဲ့ မအောင်မြင်ခဲ့တဲ့နောက် ဘုရားသခင်အပေါ် သူ့သက်ဝင်ယုံကြည်မှုအပေါ် မေးခွန်းထုတ်လာတဲ့သူ။ အဲဒီလိုလူအတွက် သူ့ရဲစခန်း-ရင်ခွဲခန်းထဲက အလောင်းကောင်ဟာ သူ့ဘဝကို တစ်ဆစ်ချိုး ပြောင်းစေတော့မယ့်အရာ ဖြစ်နေတယ်။ အကြောင်းကတော့ ဒီအလောင်းဟာ ကောင်းကင်ဘုံက သက်ဆင်းလာတဲ့ နတ်တမန်တစ်ယောက်လို့ ယုံကြည်စရာ အကြောင်းအချက်တွေကို သူတို့မြင်လာရတာမို့ပဲ။ ဒီလိုနဲ့ အမှုကို ဆက်ထောက်လှမ်းရင်း ဒီသေသူ့လက်စွဲ သမ္မာကျမ်းစာထဲက စာတစ်ပိုဒ်မှာ ဘုရားသခင်ရဲ့ သစ္စာတော်ခံတွေနဲ့ လူတွေကိုမလိုလားတဲ့ တခြားနတ်တမန်တွေကြား လူသားတွေကို အကြောင်းပြုပြီး ဒုတိယမြောက် ကောင်းကင်ဘုံစစ်ကြီး ဖြစ်နေတယ်လို့ ဆိုထားတာနဲ့ ကိုက်ညီနေတဲ့ အဖြစ်တွေကို ဒက်ဂတ် လက်တွေ့မြင်လာရတဲ့နောက် လူသားတစ်ရပ်လုံးရဲ့ကြမ္မာကို အဆုံးအဖြတ်ပေးမယ့် ဒီစစ်ပွဲမှာ သူကိုယ်တိုင် အဓိကနေရာက ပါဝင်နေရမှန်း ရိပ်စားမိလာတော့တယ်။ ၁၉၉၅ ခုနှစ်က ထွက်ခဲ့တဲ့ ဒီ The Prophecy ဟာ သုံးသပ်သူတွေဆီက အမှတ်ပြည့်မရခဲ့ပေမဲ့ ဟော်ရာပရိသတ်တွေကြား cult following တစ်ခု ရှိနေပြီး၊ လူသိများတဲ့ charactor actor ဖြစ်တဲ့ Elias Coteas က ဇာတ်လိုက်နေရာက ပါဝင်ထားသလို ရယ်စရာရော စက်ဆုပ်စရာပါကောင်းတဲ့ Christopher Walken ကြီးရဲ့ နတ်တမန်ဇာတ်ရုပ်ကိုပါ တွေ့ရမှာဖြစ်ပေမဲ့၊ Prophecy ရဲ့ လူပြောအများဆုံးဂုဏ်ပုဒ်ကတော့ LotR ပရိသတ်တွေ အသည်းစွဲ Viggo Mortensen က လူစီဖာဇာတ်ကောင်ကို ကျောချမ်းရအောင် သရုပ်ဆောင်ပြသွားတဲ့ဇာတ်ကား ဖြစ်နေခြင်းပါပဲ။ (အညွှန်းနဲ့ဘာသာပြန်ကတော့ Costanza ဖြစ်ပါတယ်။) File size… (2.8 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Action, Crime, Drama, Fantasy, Horror, Mystery, Thriller Duration…. 01:38:06 Subtitle…. Myanmar Subtitle (Hardsub) Encoder…. Benjamin Translated by Costanza

ရထားဘူတာတစ်ခုမှာ ထူးဆန်းတဲ့လူနှစ်ယောက်က တစ်စုံတစ်ယောက်ကို လုပ်ကြံသတ်ဖြတ်ခိုင်းဖို့ ကြုံရာလူတစ်ယောက်ကို ရွေးနေကြပါတယ်။ အဲဒီအချိန်မှာ ဇနီးနဲ့ ကွာရှင်းပြတ်စဲလုနီးပါးဖြစ်နေတဲ့ မစ္စတာဝက်ဆန်ဟာ သမီးလေးလက်ကို ဆွဲပြီး ဘူတာထဲ ဝင်လာတယ်။ သူတို့ထဲက တစ်ယောက်က ဝက်ဆန်ကို သူတို့အစီအစဉ်အတွက် သင့်တော်တဲ့သူလို့ သတ်မှတ်လိုက်ပါတယ်။ ဒီလိုနဲ့ ဝက်ဆန်ဟာ သမီးလေးကို အကြောင်းပြု ခြိမ်းခြောက်အကျပ်ကိုင်ခံရပြီး ကယ်လီဖိုးနီးယားပြည်နယ် အုပ်ချုပ်ရေးမှူးကို လုပ်ကြံဖို့ စေခိုင်းခံရတော့တယ်။ သတ်မှတ်ထားတဲ့ အချိန်အတွင်းမှာ လူသုံးယောက်ရဲ့ဘဝ ဘယ်လိုပြောင်းလဲသွားမလဲ၊ သမီးအတွက်ပါ စိုးရိမ်နေရတဲ့ ဝက်ဆန်က မှန်ကန်တဲ့ ဆုံးဖြတ်ချက်တွေ ချနိုင်ပါ့မလားဆိုတာကို အခြေခံထားတဲ့ မှုခင်းနဲ့ အက်ရှင်ပါဝင်သော သည်းထိတ်ရင်ဖိုဇာတ်ကားပါ။

Pulp Fiction (1994) IMDb Rating (8.9) / Rotten Tomatoes (94%) အကောင်းဆုံးရုပ်ရှင် ၁၀၀ ဆိုပြီးရှာကြည့်လိုက်ရင် ဒီကားက နံပါတ် ၄ခုမြောက်မှာရှိပါတယ်.. ကောင်းဆို ဒီရုပ်ရှင်ရဲ့ ဒါရိုက်တာက သူ့ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဒီဖက်ခေတ်ရဲ့ လွမ်းမိုးမှုကြီးမားတဲ့ ဒါရိုက်တာ Quentin Tarantino  ဖြစ်ပါတယ်... Pulp Fiction (1994) က သူ့ရဲ့ ဒုတိယမြောက်ရုပ်ရှင်ကားဖြစ်ခဲ့ပြီး ဒီရုပ်ရှင်ကားကနေ သူဟာ နာမည်ကျော်ဒါရိုက်တာဘဝကို စလှမ်းနိုင်ခဲ့တယ် ဆိုရပါမယ်။ .အကောင်းဆုံးဆိုတာကိုရွေးချယ်တဲ့နေရာမှာ ရွေးချယ်တဲ့စံနှုန်း ရွေးချယ်တဲ့ အဖွဲ့တွေမတူညီပေမယ့် ဒီကားက တော်တော်များများရဲ့ စာရင်းထဲမှာပါနေတယ်. အမေရိကန်ရုပ်ရှင်လောက်ကမှာ အကောင်းဆုံးဆိုတဲ့ ကာလအဖြစ်သတ်မှတ်ထားတဲ့ ၁၉၉၀ ခုနှစ်ကာလကို မသိနားမလည်စွာ မှတ်ချက်ချမိတာကဒီဘက်ခေတ်အမြင်နဲ့ဆို အံမဝင်ဘူးလို့ ကလေးဆန်ဆန်တွေးမိသွားတယ်.. တကယ့်လို ကျွန်တော့်လိုအတွေးမျိုးခင်ဗျားတို့ဆီမယ်ရှိနေရင် နီးစပ်ရာမြောင်းထဲကိုသာလွှင့်ပစ်လိုက်ပါလို့အကြံပြုပါရစေ.. .ဒီကားက ခပ်ဆိုးဆိုးလူတွေ ဒိုင်ယာလော့ စကားလုံး ခပ်ကြမ်းကြမ်းတွေနဲ့တည်ဆောက်ထားတယ်....ဆဲဆိုတဲ့စကားလုံး၂၆၅ လုံးတောင်ပါသတဲ့...ပြီးတော့ ဒိုင်ယာလော့တွေက ဘာသာပြန်အတွက် အတော်လေးအခက်အခဲရှိခဲ့ပါတယ်.. တစ်ချို့စကားပြောတွေက အဆဲလေးနဲ့မှပိုရုပ်လုံးကြွတဲ့သဘောရှိပေမယ့် ချန်ထားတဲ့အဆဲစကားလုံအချို့ရှိပါတယ်.. .ဒီကားထဲကအဓိကသရုပ်ဆောင်တွေဖြစ်တဲ့ John Travolta, Uma Thurman, Samuel L. Jacksonနဲ့ Bruce Willis တို့ကိုတော့ တော်တော်များများသိမယ်ထင်ပါတယ်. .ဒီကားက ဒေါ်လာ ၈သန်းခန့်မျှသာကုန်ကျခဲ့ပြီး ၂၁၃သန်းကျော် ဝင်ငွေ ရရှိခဲ့ပါတယ်..အော်စကာဇာတ်ညွှန်းဆုလည်းရရှိခဲ့ပါတယ်...ဒီကားကိုအညွှန်းမရေးတတ်သလို ရေးလည်းမရေးချင်ပါဘူး. .ဘာလို့ဆိုကြည့်ရှုသူရဲ့ ခံစားဖြန့်ကျက်နိုင်မှုစွမ်းအားများလေ ရသမြောက်လေဖြစ်တဲ့အတွက်ကြောင့် ကျွန်တော့်ရဲ့ ခပ်ညံ့ညံ့အရေးအသားအောက်မှာ သေးနုတ်တဲ့ဘောင်ကျဉ်းတစ်ခုကွပ်လိုက်သလိုဖြစ်သွားမှာစိုးရိမ်တဲ့အတွက်ကြောင့်ပါ.. ကိုင်း......ခံစားကြည့်လိုက်ပါဦးလို့။ File size…(7.8 GB)/(2.5 GB )/(1.3 GB) Quality….BluRay 4K HEVC/ 1080p HEVC / 720p Format…mkv/mp4 Duration….02:34:30 Subtitle….Myanmar Subtitle (Hardsub) Encoder….Ka Naung Translated by JtheKoala

True Romance (1993) ~ IMDb - 7.9/10, Rotten Tomatoes - 93% ~ True Romance ဆိုတာက Boomers တို့ခေတ်တုန်းက နာမည်ကြီးခဲ့တဲ့ သဲထိတ်ရင်ဖို အက်ရှင် ဒရာမာ အချစ်ဇာတ်ကားကောင်းတစ်ကားဖြစ်ပါတယ်။ ဇာတ်ဆောင်တွေအနေနဲ့ သူ့ခေတ်သူ့အခါက နာမည်ကြီးခဲ့တဲ့ မင်းသား Christian Slater နဲ့ Beyond Rangoon လိုကားနဲ့ မြန်မာပရိသတ်တွေ သိကြလောက်မယ့် မင်းသမီး Patricia Arquette တို့ ပါဝင်ထားတာဖြစ်ပြီး ယနေ့ခေတ်ရဲ့ ဝါရင့်ဂန္ထဝင်သရုပ်ဆောင်တွေဖြစ်တဲ့ Val Kilmer, Brad Pitt, Samuel L. Jackson, Gary Oldman နဲ့ Christopher Walken တို့က ဇာတ်ဆောင်အနေနဲ့ ပါဝင်အားဖြည့်ထားပေးပါတယ်။ ၁၉၈၆ ထွက် Tom Cruise ရဲ့ ပထမဆုံး Top Gun ဇာတ်ကားရဲ့ ဒါရိုက်တာ Tony Scott က ရိုက်ကူးထားတာဖြစ်တဲ့အပြင် Quentin Tarantino ကြီးကပါ ဇာတ်ညွှန်းဝင်ရေးထားတာဖြစ်တဲ့တွက် Quality Movie ကောင်းတစ်ခုဆိုတာ သေချာသလောက်ရှိနေပါပြီ။ ဇာတ်ရုပ်ပိုင်းကလည်း ၂၀ ရာစုရဲ့ အနုပညာလောကအတွင်းမှာ ဖြစ်ပျက်နေတဲ့ ဒုစရိုက်မှုတွေကို ပေါ်လွင်အောင်ရိုက်ပြနိုင်ခဲ့တဲ့အတွက် IMDB rating လည်း 7.9/10 အထိ ရရှိထားပါသေးတယ်။ ~ ဇာတ်လမ်းအကျဉ်း ~ လူလတ်ပိုင်းအရွယ်ရောက်ခါစဖြစ်တဲ့ ကလဲရန့်ဆိုတဲ့သူက နှစ်တိုင်းလိုလို သူ့ရဲ့မွေးနေ့မှာ တစ်ယောက်တည်း ရုပ်ရှင်သွားကြည့်လေ့ရှိပါတယ်။ အဲဒီအချိန်မှာ ကလဲရန့်ဆိုတဲ့ ဒက်ထရွိုက်ရောက်ပြီး ညဉ့်ငှက်အသိုင်းအဝိုင်းထဲဝင်ခါစ အမျိုးသမီးငယ် အလဘားမားက အကြောင်းအမျိုးမျိုးကြောင့် ကလဲရန့် ထိုင်နေတဲ့ ထိုင်ခုံပေါ်ကို မတော်တဆ ပေါက်ပေါက်ဆုပ် မှောက်ချမိသွားပါတယ်။ ဒီလိုနဲ့ မြင်မြင်ချင်းစိတ်ဝင်စားသွားကြတဲ့ မင်းသားနဲ့မင်းသမီးဟာ တစ်ညတာ မတ်တပ်ရပ်ဖြစ်သွားပါတယ်။ ဆိုပေမဲ့ နှစ်ယောက်သား အတည်ချစ်ကြိုက်မိသွားတဲ့အတွက် အခြေချဖို့ ပြင်ဆင်ကြတဲ့အခါမှာ အလဘားမားရဲ့ အတိတ်ဆိုးက သူတို့ဘဝကိုစပြီးနှောင့်ယှက်လာပါတော့တယ်။ ဒါကို ကလဲရန့်က ရန်ကြိုးပြတ်ဖို့အတွက် စာရင်းသွားရှင်းတဲ့အခါမှာတော့ ထင်သလိုနဲ့ ကိစ္စတွေက မပြတ်သားလာခဲ့ဘဲ ပိုပိုပြီး ရှုပ်ထွေးလာပါတော့တယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 1.6GB, 845MB Quality - 1080p, 720p IMDb Rating - 7.9/10 Format - mp4 Duration - 1H 59Min Genre - Drug Crime, Crime, Drama, Romance, Thriller Subtitle - Myanmar Subtitle (Hardsub) Translated by Mark Encoded by Y

Batman Returns က Tim Burton director လုပ်ခဲ့တဲ့ Batman သုံးကားထဲ တစ်ကား အပါအဝင်ပါ။ Gotham မြို့ရဲ့ ရေဆိုးမြောင်းတွေထဲမှာ ပင်ဂွင်းလူတစ်ကောင် ရှိနေတယ်ဆိုပြီး ကောလဟာလတွေ ထွက်ပေါ်လာချိန်.. Max shreck အမည်ရတဲ့ ဂေါ်သမ်မျက်နှာဖုံးသူဋ္ဌေးတစ်ယောက်ဟာ တစ်မြို့လုံးက စွမ်းအင်တွေကို စုတ်ယူမဲ့ Power Generator တစ်ခု လုပ်ဖို့ ကြံစည်နေချိန်.. လူလေးစား ပင်ဂွင်းဟာ Max ရဲ့ အကြံတွေကို သိပြီး Max နဲ့ ပေါင်းပြီး.. မြို့တော်ဝန်လုပ်ဖို့ ကြံခဲ့တယ်။ max သူ့အကြံကို သိသွားတဲ့..Selena ကို နှုတ်ပိတ်သတ်ဖို့ ကြံခဲ့တယ်။ Selena မသေပဲ Catwoman ဖြစ်သွားတဲ့အခါ Batman အနေနဲ့ ဗီလိန်သုံးကောင် ကိုယ်တစ်ကောင် နွဲဖို့ ဖြစ်လာခဲ့ပါတယ်။ တစ်ဖက်တစ်လမ်းကလည်း Bruce wayne အနေနဲ့ Selena နဲ့ ချစ်ကြိုက်မိတဲ့အခါ......။ ဆက်ဖြစ်လာဦးမဲ့ Batman ရဲ့ စွန့်စားခန်းတွေကိုတော့ ကိုယ်တိုင်ပဲ ခံစားကြည့်ကြပါ။ Gotham ကြည့်တဲ့ Oswald Cobblepot ရဲ့ fanတွေအတွက် ပင်ဂွင်း Adult ကို ခံစားရမဲ့ ဇာတ်ကားဆိုလည်း မမှားပါဘူး။ ထူးခြားချက်အနေနဲ့ Catwoman ရဲ့ Nine Live abilityကို ထည့်သွင်းသွားပါတယ်။ Gotham ရဲ့ Catwoman ပေါက်စလေးနဲ့ ဒီထဲက Catwoman ရဲ့ ဒီဇိုင်းက အတော်ဆင်ပါတယ်။ Batman Returns(1992) File size…(999MB) and (300MB) Quality…BR-Rip 1080p Format…mp4 Duration….02:03:22 Subtitle….Myanmar Subtitle (Hardsub) Translated by WiRa Aung Encoded by Naing Aung Latt

နယူးမက္ကဆီကိုပြည်နယ်က မီလန်ဂရိုဆိုတဲ့ မြို့ငယ်လေးမှာ လူပေါင်း ၄၅၀ လောက် နေထိုင်ကြပါတယ်။ အရင်က ရေပေါများပြီး စိုက်ပျိုးရေးအဆင်ပြေခဲ့ပေမယ့် ဆည်တည်ဆောက်ပြီးနောက် မြို့အတွက် ရေလွှတ်မပေးတော့လို့ စိုက်ခင်းတွေ ခြောက်သွေ့ကုန်တယ်။ ဒေသခံတွေ ဘာမှစိုက်လို့မရချိန်မှာ မြို့ကို ပြန်လည်ပြုပြင်နေတဲ့ အံ့ဖွယ်တောင်ကြားပရောဂျက်က ကုမ္ပဏီအတွက်တော့ သီးသန့်ရေမြောင်း ဖောက်ပေးထားပါတယ်။ အဲဒီရေကို ဒေသခံတွေ သုံးခွင့်မရှိပါဘူး။ တစ်နေ့မှာ ဒေသခံလယ်သမား ဂျိုး မွန်ဒရာဂွန်ဟာ အလုပ်လည်းရှား၊ စိုက်ပျိုးလို့လည်းမရတဲ့အဖြစ်ကို စိတ်ပေါက်ပေါက်နဲ့ ရေမြောင်းကို ကန်လိုက်မိတယ်။ ရေမြောင်းပေါက်သွားပြီး သူ့ပဲခင်းထဲကို ရေဝင်သွားရာက ပြဿနာစတော့တာပါ။ ပဲခင်းငယ်တစ်ခင်းကို ရေသွင်းမိတဲ့ကိစ္စကနေ ဂျိုးဟာ ကုမ္ပဏီကြီးနဲ့ ထိပ်တိုက်ရင်ဆိုင်လာရပြီး နိုင်ငံရေးအရှုပ်အထွေးတွေပါ ပါလာပါတယ်။ ၁၉၈၈ ခုနှစ်ထွက် ဒီဇာတ်ကားကို John Nichols ရဲ့ အမည်တူဝတ္ထုအပေါ် အခြေခံပြီး Robert Redford က ရိုက်ကူးထားပါတယ်။ ဒရာမာ၊ ဟာသနဲ့ စိတ်ကူးယဉ်အကြောင်းအရာတွေ ရောစပ်ထားပြီး ၁၉၈၉ ခုနှစ်မှာ မူရင်းနောက်ခံတေးဂီတအတွက် အော်စကာဆု ရရှိခဲ့ပါတယ်။

IMDb Rating (6.3/10) ရရှိထားပါတယ်…။ ဒီ ဇာတ်ကားကတော့ မင်းသား Roger Moore ရဲ့  နောက်ဆုံးဂျိမ်းစ်ဘွန်းဇာတ်ကားဖြစ်ပါတယ်.. ရှောင်ကွန်နရီနေရာမှာ အကောင်းဆုံးအစားထိုးနိုင်တဲ့ ဘွန်းအဖြစ် ရော်ဂျာမိုးကို သတ်မှတ်ကြပါတယ်.. တည်ငြိမ်ရင့်ကျက်တဲ့ ဘွန်းရဲ့ အရသာကို ခံစားရမှာပါ။ File size…(2.4 GB) and (1.3 GB) Quality….BluRay 1080p and 720p Format…mp4 Duration….02:11:00 Subtitle….Myanmar Subtitle (Hardsub) Encoder….Nyeinsaeya Aung Translated by San Thu Aung

ကျောင်းဆရာ ဂျွန်နီစမစ်ဟာ ယာဉ်မတော်တဆမှုတစ်ခုကြောင့် ငါးနှစ်ကြာ ကိုမာဝင်သွားပါတယ်။ ပြန်သတိရလာတဲ့အခါမှာတော့ လူတစ်ယောက်ကို ထိလိုက်ရုံနဲ့ အဲဒီလူရဲ့အနာဂတ်ကို မြင်နိုင်တဲ့အစွမ်း သူ့မှာ ရှိလာတာကို သိလိုက်ရတယ်။ အစပိုင်းမှာ ကိုယ့်ကိုယ်ကို မယုံနိုင်ဖြစ်နေပေမယ့် နောက်တော့ ဒီအစွမ်းနဲ့ လူတွေကို ကူညီပေးလာပါတယ်။ တစ်နေ့မှာ ရွေးကောက်ပွဲဝင်နေတဲ့ အမတ် ဂရက်ဂ်စတေးလ်ဆန်နဲ့ လက်ဆွဲနှုတ်ဆက်မိသွားတယ်။ အဲဒီနောက် ဂျွန်နီ ဘယ်လိုဆုံးဖြတ်ချက်တွေ ချမလဲဆိုတဲ့နေရာကနေ ဇာတ်လမ်း ဆက်သွားပါတယ်။ ဒီဇာတ်ကားက ၁၉၇၉ ခုနှစ်မှာ ထွက်ရှိခဲ့တဲ့ Stephen King ရဲ့ The Dead Zone ကို အခြေခံရိုက်ကူးထားတာပါ။ ဂျွန်နီစမစ်အဖြစ် အော်စကာဆုရှင် Christopher Walken၊ သူ့ရည်းစားအဖြစ် Brooke Adams နဲ့ အမတ် ဂရက်ဂ်စတေးလ်ဆန်အဖြစ် Martin Sheen တို့ ပါဝင်သရုပ်ဆောင်ထားပါတယ်။

ကြေးစားစစ်သား တွေရဲ့ ဘဝနဲ့ စစ်ဆင်ရေးတွေကို အပိုအလိုမရှိ လက်တွေ့ဆန်ဆန် ရိုက်ကူးပြသထားတဲ့ စစ်ပွဲအက်ရှင် ဇာတ်ကားကောင်းတွေကို နှစ်သက်တဲ့ ပရိသတ်ကြီးအတွက် ဒီနေ့မှာတော့ ၁၉၈၀ ပြည့်နှစ်က ထွက်ရှိခဲ့တဲ့ ဂန္ထဝင် အက်ရှင်ဇာတ်ကားကြီး "The Dogs of War (၁၉၈၀)" ကို တင်ဆက် ပေးချင်ပါတယ်။ နာမည်ကျော် စာရေးဆရာကြီး Frederick Forsyth ရဲ့ ရောင်းအားအကောင်းဆုံး ဝတ္ထုကို ဒါရိုက်တာ John Irvin က အသက်သွင်းထားပြီး အော်စကာဆုရှင် မင်းသားကြီး Christopher Walken နဲ့ Tom Berenger တို့ အဓိက ပါဝင်သရုပ်ဆောင်ထားတဲ့ စစ်ပွဲအက်ရှင် ကားကောင်းကြီးတစ်ကား ဖြစ်ပါတယ်။ ဇာတ်လမ်းကတော့ ဂျေမီ ရှန်နွန် ဆိုတဲ့ အတွေ့အကြုံရင့် အမေရိကန် ကြေးစားစစ်သား ခေါင်းဆောင်တစ်ယောက်ကနေ စတင်ပါတယ်။ သူဟာ ဒရူ အပါအဝင် သူ့ရဲ့ သစ္စာရှိ ကြေးစားစစ်သား အဖွဲ့သားတွေနဲ့အတူ ဗဟိုအမေရိကတိုက်က ပြည်တွင်းစစ်တစ်ခုမှာ တာဝန်ထမ်းဆောင်ပြီးနောက် အမေရိကန်ကို ပြန်ရောက်လာခဲ့ပါတယ်။ အဲဒီအချိန်မှာပဲ သတ္တုတွင်း လုပ်ငန်းရှင်ကြီးတွေရဲ့ ကိုယ်စားလှယ်ဖြစ်သူ အန်ဒင်း က ရှန်နွန် ကို လျှို့ဝှက်အလုပ်တစ်ခု ကမ်းလှမ်းလာပါတယ်။ အဲဒါကတော့ အာဖရိက အနောက်ပိုင်းက ပလက်တီနမ် သတ္တုသိုက်တွေ အမြောက်အမြားရှိနေတဲ့ ဇန်ဂါရို (Zangaro) ဆိုတဲ့ နိုင်ငံငယ်လေးရဲ့ စစ်ရေးအခြေအနေကို သွားရောက်ထောက်လှမ်းပေးဖို့ပါပဲ။ ဇန်ဂါရိုနိုင်ငံဟာ ရက်စက်ကြမ်းကြုတ်ပြီး အာဏာရှင်ဆန်တဲ့ သမ္မတ ကင်မ်ဘာ ရဲ့ အုပ်ချုပ်မှုအောက်မှာ ဖိနှိပ်ခံနေရတဲ့ နိုင်ငံဖြစ်ပါတယ်။ ရှန်နွန် ဟာ သဘာဝငှက်ကြည့် ဓာတ်ပုံဆရာတစ်ယောက်အဖြစ် ဟန်ဆောင်ပြီး ဇန်ဂါရိုနိုင်ငံထဲကို ဝင်ရောက်သွားခဲ့ပေမယ့် သူလျှိုအဖြစ် သံသယဝင်ခံရပြီး ဖမ်းဆီးနှိပ်စက်ခြင်း ခံရပါတော့တယ်။ အကျဉ်းထောင်ထဲမှာ ရက်ရက်စက်စက် ရိုက်နှက်ခံထားရတဲ့ ရှန်နွန် ကို နိုင်ငံရေးအကျဉ်းသားအဖြစ် ဖမ်းဆီးခံထားရတဲ့ ပညာတတ် ဒေါက်တာ အိုကိုယေး က ဆေးကုသပေးရင်း ကူညီစောင့်ရှောက်ပေးခဲ့ပါတယ်။ ထောင်ကနေ ပြန်လွတ်လာပြီးနောက်မှာတော့ ရှန်နွန် ဟာ သူ့ကို နှိပ်စက်ခဲ့တဲ့ အာဏာရှင် ကင်မ်ဘာ ကို လက်စားချေဖို့အတွက် သူ့ရဲ့ ကြေးစားအဖွဲ့သားဟောင်းတွေကို ပြန်လည်စုစည်းပြီး၊ ဥရောပ မှောင်ခိုဈေးကွက်ကနေ လက်နက်တွေဝယ်ယူကာ ဇန်ဂါရို သမ္မတနန်းတော်ကို အပြီးသတ် ဝင်ရောက်သိမ်းပိုက်မယ့် အာဏာသိမ်း စစ်ဆင်ရေးကြီးကို ဘယ်လို ဆင်နွှဲမလဲ ဆိုတာကို စိတ်လှုပ်ရှားဖွယ် ကြည့်ရှုရမှာပါ။ Christopher Walken ၏ အထူးချွန်ဆုံး သရုပ်ဆောင်မှု The Deer Hunter (၁၉၇၈) နဲ့ အော်စကာဆု ရရှိပြီး သိပ်မကြာခင်မှာပဲ ရိုက်ကူးခဲ့တဲ့ ဒီဇာတ်ကားထဲမှာ မင်းသားကြီး Christopher Walken ရဲ့ သရုပ်ဆောင်မှုက အထူးခြားဆုံး အသက်ဝင်နေပါတယ်။ စကားနည်းပြီး အေးစက်မာကျောတဲ့ ကြေးစားစစ်သား တစ်ယောက်ရဲ့ အသွင်အပြင်သာမက၊ စစ်ပွဲတွေကြားမှာပဲ အသားကျနေလို့ သာမန်လူ့အဖွဲ့အစည်းနဲ့ သူ့ရဲ့ ဇနီးဟောင်း ဆီကို ပြန်မသွားနိုင်တော့တဲ့ အထီးကျန် စစ်သားတစ်ယောက်ရဲ့ စိတ်ဒဏ်ရာကို မျက်လုံးအကြည့်တွေနဲ့တင် ပီပီပြင်ပြင် ပုံဖော်သွားနိုင်ပါတယ်။ "The Dogs of War (၁၉၈၀)" ဟာ ၈၀ ပြည့်လွန်နှစ်တွေရဲ့ အကောင်းဆုံး ကြေးစားစစ်သား အက်ရှင်ဇာတ်ကားတွေထဲမှာ ထိပ်ဆုံးက ပါဝင်တဲ့ ဇာတ်ကားကြီး ဖြစ်ပါတယ်။ ဇာတ်အိမ်ခိုင်မာပြီး လက်တွေ့ဆန်တဲ့ စစ်ပွဲဗျူဟာတွေ၊ ပစ်ခတ်တိုက်ခိုက်မှုတွေနဲ့ မင်းသားကြီး Christopher Walken ရဲ့ အမိုက်စား သရုပ်ဆောင်မှုတွေကို ခံစားချင်တဲ့ ပရိသတ်တွေ မဖြစ်မနေ ကြည့်ရှုသင့်တဲ့ ဂန္ထဝင်ကားကောင်းတစ်ကားအဖြစ် ညွှန်းဆိုပေးလိုက်ပါတယ်။ File size… 2.68 GB / 1.19 GB Quality… Blu-ray 1080p / 720p Format… mp4 Duration…. 1h 58m (US Cut - 1h 44m)Genre ..... Action, Adventure, Drama, War Subtitle…. Myanmar Subtitle (Hard Sub)

စစ်ပွဲတစ်ခုဆိုတာ လူတွေကို ဘာများ ပြောင်းလဲသွားစေနိုင်သလဲ....။ လူတွေရဲ့ နေ့စဉ် နိစ္စဓူဝတွေအပေါ် ဘာတွေသက်ရောက်မှုရှိသွားနိုင်သလဲ....။ ပင်ဆဲဗေးနီးယားက မြို့ငယ်လေးတစ်မြို့မှာ သူငယ်ချင်းတွေ အုပ်စုလိုက်ရှိကြတယ် ၊ စက်ရုံမှာ အလုပ်အတူတူလုပ်တယ်၊ အမဲလိုက်တူတူထွက်ကြတယ်၊ အရက်ဆိုင်လေးမှာ ပျော်ပျော်ပါး တူတူသောက်ကြတယ်။ သူငယ်ချင်း မင်္ဂလာပွဲမှာ စိတ်လွတ်ကိုယ်လွတ် လူငယ်သဘာဝ ပျော်ရွှင်ကြမယ် ဗီယက်နမ် စစ်ပြန်တွေကို အားကျတယ်။ ဒီလိုနဲ့ အဖွဲ့ထဲက လူငယ်လေး ၃ ယောက်ဟာ တိုင်းပြည်ကို စစ်မှုထမ်းပေးချင်တာကြောင့် ဗီယက်နမ်ကို စစ်လိုက်ခဲ့ပါတော့တယ်။ ဒီမှာ သူတို့ထင်ထားသလိုမဟုတ်ပဲ ဗီယက်နမ်နိုင်ငံက သူတို့ကို ရက်စက်စွာနဲ့ ကြိုဆိုခဲ့ပါတော့တယ်၊ သေအံ့နီးနီး အဖြစ်အပျက်တွေကနေ မနည်းအသက် လွတ်အောင် ရုန်းကန်ခဲ့ရပြီး တကွဲတပြားနဲ့ ပြန်ရောက်လာခဲ့ပါတယ်။ ဒီမှာပဲ ဘဝတွေဟာ ပြောင်းလဲလာပါတော့တယ် ကိုယ့်မြို့လေးကို ပြန်လာနိုင်ခဲ့တယ် ဆိုပေမယ့် ဒီစစ်ကြီးရဲ့ ဆိုးရွားတဲ့အမှတ်တရဟာ နေ့စဉ်နှိပ်စက်လာပါတော့တယ်။ သွားခဲ့တဲ့ သူငယ်ချင်း ၃ ယောက်ဟာ တစ်ယောက်တစ်မျိုးစီ ဘယ်လိုတွေ ဖြစ်ပျက်ခဲ့သလဲ၊ ပြန်ပြီး အံဝင်ခွင်ကျဖြစ်အောင် ဘယ်လိုကြိုးစားနေထိုင် ကြမလဲ၊ ကိုယ့်မြို့ကိုပြန်ရောက်တဲ့လူရော ရှိလား မရှိရင် ဘာတွေဖြစ်နေမလဲ၊ ဒီလောက်ထိ ဆိုးဝါးတဲ့ အတွေ့အကြုံဟာ ဘာတွေများဖြစ်နေလို့လဲ စသဖြင့် ရင်သပ်ရှုမောဖွယ်ရာကို ၃ နာရီစာ အားပါးတရ မင်းသားကြီးကောင်းကောင်း တွေနဲ့ ကြည့်ရှုရမှာပဲ ဖြစ်ပါတယ်။ အမေရိကန်အတွက် ဒီဗီယက်နမ်စစ်ကြီးဟာ ကောင်းကျိုးမရပဲ ရှုံးနိမ့်ခဲ့တဲ့ တစ်ခုတည်းသောစစ်ပွဲဖြစ်ပြီး ဘာတွေကြောင့်များ ဒီလိုဖြစ်ရသလဲဆိုတာ တစ်ပိုင်းတစ်စတွေ့မြင်ရမှာလည်း ဖြစ်ပါတယ်။ မင်းသားကြီး Robert De Niro ကတော့ ဒီထဲမှာ နုပျိုငယ်ရွယ်တုန်းဖြစ်ပြီး သူ့ရဲ့ အားပါလှတဲ့ သရုပ်ဆောင်ကောင်းမှုတွေကြောင့် ဇာတ်လမ်းကို စီးမျောနိုင်ဦးမှာပဲဖြစ်ပါတယ်....။ File size…2.97GB / 1.06GB Quality…WEB-DL 1080p5.1CH/ 720p Format…mp4 Duration….3h 3m Genre ..... Drama , War Subtitle….Myanmar Subtitle (Hard Sub) Encoder….Min Wai Translated by Thura Aung