Johnny Lever ပါဝင်သော ဇာတ်ကားများ

Housefull 5 (2025) Housefull franchiseရဲ့ ငါးကားမြောက် Housefull 5 ဆိုတဲ့ ဟာသလျှို့ဝှက်သည်းဖိုရုပ်ရှင်ကားကြီးထွက်ရှိလာခဲ့ပါပြီ။ ဒီနှစ်ထဲ အတည်ပေါက်ထွက်ခဲ့သမျှ ဆရာကြီးအရှေးရဲ့ အသစ်ထွက်လာတဲ့ဟာသရုပ်ရှင်ပေါ့။ ပရိတ်သတ် အသဲစွဲ မင်းသမီးတွေဖြစ်ကြတဲ့ ဂျက္ကလင်း ဖနန်ဒေ့ဇ် ဆိုနမ်ဘဂ်ျဝါ နရ်ဂစ်ဆ် ဖက်ဟီရ် ကျစ်သရန်ဂဒါဆင်းဂ်တို့အပြင် စွန်ဒရာယာ ရှရ်မားကလည်း ကမီယိုအဖြစ် ပါဝင်ထားပါတယ်။ နောက်ပြီး အဘီရှက်ဘချမ်း၊ ဆန်ဂျေးဒတ်၊ ဂျက်ကီရှရော့ဖ်တို့လို ဒိတ်ဒိတ်ကြဲ ဝါရင့်သရုပ်ဆောင်ကြီးတွေကလည်းအတည်ပေါက်နဲ့ ဝင်နောက်ထားကြပါသေးတယ်။ ဇာတ်လမ်း အကျဉ်း ယူကေမှာ နေထိုင်တဲ့ သူဌေးကြီး ရန်ဂျီးတ်ဘတိုဘရီယားလ်ဆိုတဲ့ သူဌေးကြီးဟာ သူ့ရဲ့ နှစ် ၁၀၀ပြည့် မွေ့နေ့ကို ပင်လယ်ထဲက ဇိမ်ခံသင်္ဘောကြီးပေါ်မှာ ကျင်းပဖို့ စီစဉ်ထားပေမဲ့ ရုတ်တရက် သေဆုံးကွယ်လွန်သွားခဲ့ပါတယ်။ သူ့ရဲ့ သေတမ်းစာအရ ပိုင်ဆိုင်မှုတွေကို သူ့ရဲ့ သားကြီး ဂျော်လီ့ကို လွှဲပေးဖို့ သား‌ငယ် ဒေ့ဗ်ကို တာဝန်ပေးထားခဲ့တာပါ။ ဒါပေမဲ့ မွေးနေ့ရက်မှာ ရောက်လာတဲ့ ဂျော်လီက တစ်ယောက်တည်း မဟုတ်ဘဲ ၃ယောက် ဖြစ်နေတာကြောင့် ဒေ့ဗ်နဲ့ သူ့ရဲ့ ဘုတ်အဖွဲ့ဝင်တွေအားလုံး အကျပ်ရိုက်သွားခဲ့ရပါတယ်။ ကဲ အဲဒီ ဂျော်လီ ၃ယောက်ထဲက ဘယ်တစ်ယောက်က ဂျော်လီ အစစ်ဖြစ်မလဲ... ဘယ်လို အရှုပ်ထွေးတွေနဲ့ ကြုံဆံကြရမလဲ... ရန်ဂျီးတ်ရဲ့ ပိုင်ဆိုင်မှုတွေ ဘယ်သူ့လက်ထဲ ရောက်သွားမလဲ... ဆိုတာတွေကိုတော့ ဇာတ်လမ်းထဲမှာပဲ အဖြေ ရှာပေးကြပါလို့... ဇာတ်လမ်းကတော့ ရှေ့မှာ ပရိသတ်တွေကို အမျိုးမျိုးသောဟာသတွေနဲ့ ရီမောစေခဲ့သလို အံ့ဩစေမဲ့လှည့်ကွက်လေးတွေနဲ့ စိတ်ဝင်စားစရာတင်ဆက်ထားတာမလို့ ဘောလိဝုဒ် ပရိသတ်များ လုံးဝ လက်မလွှတ်သင့်ပါကြောင်း... ဘာသာပြန်ကတော့ သိုက်ဆန်းပဲ ဖြစ်ပါတယ်။ File size… 9.09 GB / 2.9 GB / 1.5 GB Quality…WEB DL 4K / 1080p HEVC/ 720p Format…mkv/ mp4 Duration….2h 43min Subtitle….Myanmar Subtitle (Hard Sub) Encoder….YK Translated by Thaik San

Be Happy 2025 (ဘဝကို ပျော်ပျော်နေပါ) မင်းသားကြီး အဘီရှိတ်ဘချမ်း၊ လတ်တလောကမှ အမေရိကန်အဆိုတော် ဂျေဆန်ဒရူလိုနဲ့ တွဲဖက်သီဆိုခဲ့ပြီး အိန္ဒိယတောင်ပိုင်းရောမြောက်ပိုင်းကားတွေမှာပါ အကမယ်အဖြစ်ပါဝင်ခဲ့တဲ့ နိုရာတိုရဲ့ အသစ်ထွက်ရှိလာတဲ့ရုပ်ရှင်ကိုတင်ဆက်ပေးလိုက်ပါတယ်။ ရှီဗာဆိုသူဟာ ဇနီးဖြစ်သူ ဆုံးပါးသွားပေမဲ့ ကျန်ရစ်ခဲ့တဲ့ သမီးလေးကို စောင့်ရှောက်ရင်းနဲ့ စ င်ဂယ်လ်ဖခင်တစ်ယောက်အနေနဲ့အတူ နေထိုင်နေပါတယ်။ ရှီဗာ့သမီးလေး ဒါရာကတော့ အကကရတာကို ဝါသနာပါသူဖြစ်ပြီးတော့ ပါရမီလေးကလည်းပါတော့ ထူးထူးထွေထွေ သင်ကြားတာမျိုးမရှိဘဲ အကဗီဒီယိုလေးတွေ ကြည့်ပြီး လေ့ကျင့်တာနဲ့တင် ကျွမ်းကျွမ်းကျင်ကျင် ကတတ်တဲ့သူလေးပေါ့။ ဒါရာလေးရဲ့ အိုင်ဒေါလ်စံပြကတော့ မက်ဂီဆိုတဲ့ အကဆရာမတစ်ယောက်ပါပဲ။ တစ်နေ့မှာတော့ မက်ဂီဦးစီးပြီးလုပ်တဲ့ အကပြိုင်ပွဲတစ်ခု ဒါရာတိုကျောင်းမှာ လုပ်ခဲ့ပါတယ်။ အဲဒီပြိုင်ပွဲမှာ ဒါရာလေးဟာ ဝင်ပြိုင်ရင်း ပထမဆုရကာ မက်ဂီဦးစီးတဲ့ အကကျောင်းမှာ တက်ရောက်ခွင့်ရဖို အခွင့်အရေးရခဲ့ပါတယ်။ သိုပေမဲ့ မက်ဂီရဲ့အကကျောင်းဟာ မွမ်ဘိုင်းမှာဖြစ်နေတဲ့အတွက် ဒါရာ့အဖေကတော့ ကျောင်းသွားတက်ဖို ခွင့်မပြုပေးခဲ့ပါဘူး။ ဒီလိုနဲ့ပဲ ဒါရာလေးတစ်ယောက် မက်ဂီ့ကျောင်းကိုသွားနိုင်ဖိုအတွက် ဘယ်လိုနည်းလမ်းတွေ သုံးပြီး ဖခင်ဖြစ်သူကို စည်းရုံးမလဲ ....... ဒါရာလေး ဝါသနာပါရာ အကလမ်းခရီးကရော ဘယ်လိုတွေ ဖြစ်လာမလဲ ...... စင်ဂယ်လ်ဖခင်တစ်ယောက်နဲ့ တစ်ဦးတည်းသောသမီးလေးဒါရာတိုရဲ့ ဆက်ဆံရေးကရော ဘယ်လိုတွေ ဖြစ်မလဲ .... ဆိုတာကို ကြည့်ရှုရမဲ့ မိသားစုဒရာမာကားလေးဖြစ်ပါတယ်။ (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်) File size…2.2 GB / 1.2 GB Quality…WEB DL 1080p HEVC / 720p Format…mkv/mp4 Duration….2h 9min Subtitle….Myanmar Subtitle (Hard Sub) Encoder….YK Translated by CM Bollywood Team

I Want to Talk (2024) "ဒုတိယအခွင့်အရေး" IMDb 7.1 မင်းသားအမီတာဘဂျမ်းရဲ့ သားဖြစ်သူ အာဘီရှက်ဘဂျမ်း သရုပ်ဆောင်တဲ့ ဟင်ဒီဒရာမာရုပ်ရှင်လေးကို တင်ဆက်လိုက်ပါတယ် အိန္ဒိယဖွား အမေရိကန်အခြေစိုက်သူ မစ္စတာစန်ဟာဆိုရင် မားကတ်တင်းအလုပ်ကိုကျွမ်းကျင်ပြီး စကားအပြောအဆို သွက်လက်ညက်ညောတဲ့လူ အိမ်ထောင်ရေးပြိုကွဲမှုကြောင့် သမီးငယ်ဖြစ်သူ ရီယာကို သတ်မှတ်ရက်မှာသာ ထိန်းကျောင်းခွင့်ရပြီး အဖေနဲ့သမီးဆက်ဆံရေးဟာတော့ သူ့အလုပ်လောက် မချောမွေ့လှပါဘူး တစ်ရက်အလုပ်မှာ ချောင်းဆိုးရင်းသွေးပါလာတော့ ဆေးစစ်ရာမှာ လည်ချောင်းကင်ဆာဖြစ်နေမှန်းသိလိုက်ရတဲ့အပြင် အသက်ရှင်သန်ခွင့် ရက် ၁၀၀ ထက်နည်းမယ်လို့ ခန့်မှန်းရတာကြောင့် သူ့ဘဝဟာ နေ့ချင်းညချင်းပြောင်းလဲသွားခဲ့ပြီးနောက်မှာ ဘဝကိုဘယ်လိုကြိုးစားရင်ဆိုင်သွားမှာလဲ သမီးဖြစ်သူနဲ့ ဆက်ဆံရေးတိုးတက်လာအောင် သူဘယ်လိုပြုပြင်မှာလဲ ဒီရုပ်ရှင်ဇာတ်လမ်းလေးထဲမှာ ခံစားကြည့်ရှုပေးကြပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 1.6 GB / 764 MB Quality…WEB DL 1080p HEVC/ 720p Format…mkv/ mp4 Duration….2h 2min Subtitle….Myanmar Subtitle (Hard Sub) Encoder….YK Translated by CM Bollywood Team

သွေးသားမတော်စပ်ကြပေမယ့် မိသားစုတစ်စုတည်းမှာ အတူကြီးပြင်းလာရင် မောင်နှမရင်းတွေလို ချစ်ခင်ရိုင်းပင်းကြမယ်ဆိုတာကို ဆရာဝန်တစ်ယောက်က သက်သေပြချင်နေပါတယ်။ သူ့ရဲ့စူးစမ်းလိုစိတ်နဲ့ စမ်းသပ်မှုတစ်ခု လုပ်လိုက်ရာက ဒီဇာတ်လမ်း စလာတာပါ။ အမြွှာနှစ်တွဲထဲက တစ်ယောက်စီကို အပြန်အလှန်လဲပြီး မိသားစုနှစ်စုဆီ တစ်တွဲစီ မွေးစားဖို့ ပေးလိုက်တယ်။ နောက်တော့ ရုပ်ချင်းတူပေမယ့် လူချင်းလွဲနေတဲ့ အဲဒီအမြွှာနှစ်တွဲ တစ်မြို့တည်းမှာ ဆုံမိသွားကြပါတယ်။ အဲဒီကစပြီး လူမှားရာက ဖြစ်လာတဲ့ အလွဲအချော်တွေ တစ်ခုပြီးတစ်ခု ပေါ်လာတော့တယ်။ ဒီဘောလီဝုဒ်ဟာသကားမှာ ရန်ဗီးဆင်းက နှစ်ကိုယ်ခွဲ သရုပ်ဆောင်ထားပါတယ်။ ပူးဂျာဟစ်ဂဒေ၊ ဂျက်ကလင်းဖာနန်ဒက်ဇ်တို့အပြင် ဟာသသရုပ်ဆောင်တွေဖြစ်တဲ့ ဂျွန်နီလီဗာနဲ့ ဆန်ဂျေးမစ်ရှရားတို့လည်း ပါဝင်ပြီး ဒီပီကားပါဒူကွန်ကတော့ ဧည့်သည်သရုပ်ဆောင်အဖြစ် ပါဝင်ထားပါတယ်။

Kannum Kannum Kollaiyadithaal(2020) IMDb..7.7 App Developerနဲ့ Animator တို့ သူငယ်ချင်း ၂ယောက် ရှိတယ်။ နည်းပညာသမား သူငယ်ချင်း၂ယောက်ပေါ့။ အမြဲလိုလို သောက်လိုက်စားလိုက်၊ ပါတီသွားလိုက်၊ မိန်းမပွေးလိုက်နဲ့ သူတို့ဘဝက  လောကနိဗ္ဗန်ပဲ.... မကြာခင်မှာပဲ သူတို့နှစ်ယောက်ရဲ့ ဘဝကိုတည်ငြိမ်သွားစေမဲ့ ချစ်သူလေးကိုယ်စီတွေ့ဖို့အကြောင်းဖန်လာခဲ့တယ်.... တကယ်တော့ ဒီနည်းပညာသမား(၂)ယောက်ဟာ သူတို့တတ်စွမ်းတဲ့ ပညာကိုအသုံးချပြီး ခိုးမှုများစွာကျူးလွန်ထားတဲ့သူတွေဖြစ်ကြပါတယ်... ဘဝကိုတည်တည်ငြိမ်ငြိမ်လေးနေဖို့ကြိုးစားခါမှ  သူတို့ ကျူးလွန်ထားတဲ့ ရာဇဝတ်မှုအတွက် ရဲချုပ်ကြီးဟာ မီးခိုးကြွက်လျှောက် လိုက်လံစုံစမ်းပါတော့တယ်... ရဲချုပ်ကိုယ်တိုင် အင်တိုက်အားတိုက်လိုက်လံဖမ်းဆီးရအောင် သူတို့ ဘယ်လောက်ဆိုးတဲ့ အမှုတွေကျူးလွန်ခဲ့လဲ...ဒီအမှုတွေကြောင့် နောက်ဆက်တွအကျိုးဆက်တွေဘယ်လိုဖြစ်မလဲ... သူတို့(၂)ယောက်ကရော ဖြတ်ကျော်နိုင်ပါ့မလားဆိုတာကိုတော့.... ဇာတ်လမ်းအညွှန်းနဲ့ဘာသာပြန်သူတွေကတော့ Myint Thu & Nyi Koe တို့ပဲဖြစ်ပါတယ်... File Size :(900 MB) and (436MB) Quality : WEB-DL 720p Format…mp4 Duration…02:40:00 Genre : Drama, Romance, Thriller Subtitle : Myanmar Subtitle (Hard Sub) Translated by Myint Thu & Nyi Koe Encoded by Phyo Pyae

ရာဂျုးကူလီက ငယ်ငယ်တုန်းက မမျှော်လင့်ပဲ သူ့အမေနဲ့ ရထားဘူတာတစ်ခုမှာ ရှင်ကွဲကွဲသွားခဲ့ပါတယ်။ ဘူတာက လူတစ်ယောက်က သူ့ကို ကူလီထမ်းပြီး ဘဝကို ပျော်ပျှော်ရွှင်ရွှင်နဲ့ ရှေ့ဆက်ဖို့ သင်ကြားပေးခဲ့သတဲ့။ ဒီလိုနဲ့ သူကြီးလာတော့ ဘူတာမှာ လူတကာရဲ့ အထုပ်တွေကိုသယ်ရင်း အလုပ်လည်းကြိုးစားသလို ဉီးဆောင်နိုင်စွမ်းလည်း ရှိလေတော့ ရာဂျုးကူလီ နံပါတ် ၁ ဆိုပြီး နာမည်ကြီးနေပါတော့တယ်။ မစ္စတာရိုဇာရီယိုဆိုတဲ့ လောဘကြီးသူဋ္ဌေးရဲ့ အိမ်ကိုလည်း ပုဏ္ဏားတစ်ယောက်က မင်္ဂလာကိစ္စကမ်းလှမ်းဖို့ သားရှင်မိသားစုနဲ့အတူ ရောက်လာတယ်။ ရိုဇာရီယိုက "အစားအသောက်ပစ္စည်းဝယ်ရင်တောင် လေယာဉ်နဲ့ထွက်ဝယ်တဲ့သူမျိုး၊ နိုင်ငံတစ်နိုင်ငံက ပိုက်ဆံလိုရင်တောင် သူ့အရှေ့လက်လာဖြန့်ရမယ့်သူမျိုးကိုပဲ သားမက်တော်နိုင်မယ်"လို့ လေလုံးထွားလိုက်ပါတယ်။ပုဏ္ဏားကြီးဟာ သူ့သက်တမ်းတစ်လျှောက် ဒီလိုမျိုးမကြုံဘူးတော့ အရမ်းရှက်သွားတယ်...ဒါ့ကြောင့် ဘဝင်လေဟပ်နေတဲ့မိသားစုကို လက်စားချေဖို့ လွန်စွာမှာ နိမ့်ကျတယ်လို့ ယူဆတဲ့ ရာဂျူးကူလီနံပါတ် ၁ ကို အကူအညီတောင်းပြီး ရွှေဇွန်းကိုက်တဲ့သမီးတော်ကို ရဖို့ကြိုးစားပါတော့တယ်... ကူလီသမားကို သူဌေးကြီးပုံစံဖြစ်အောင် ပုဏ္ဏားကြီးဘယ်လိုကြိုးစားမလဲ... သူတို့ဘယ်လိုအကွက်ချကြမလဲ..အောင်မြင်နိုင်ပါ့မလား....ဆိုတာကိုတော့... တော်တော်လေး ရယ်ရတဲ့ ဇာတ်ကားဖြစ်လို့ Comedyကားကြိုက်သူများ လက်မလွှတ်သင့်ပါကြောင်း .... ဘာသာပြန်သူကတော့ Thaik San ပဲ ဖြစ်ပါတယ်.... File Size :(2.54GB) and (1.1GB) Quality : HEVC 1080p 5.1, 720p Format…mp4 Duration…02:15:00 Genre : Comedy Subtitle : Myanmar Subtitle (Hard Sub) Translated by Thaik San Encoded by Phyo Pyae

မွေးရပ်မြေနေရာဟောင်းဆီ ကို ပြန်လာကြတဲ့ ဂိုပဲလ်၊ မာဒက်ဗ်၊လပ်ကီး၊ လက်စ်မန်ပရာဆပ်နဲ့ လက်စ်မန်တို့ဟာ အသစ်ပြန် လည်မွမ်းမံထားတဲ့ မိသားစုပိုင်အိမ်ကြီးမှာ နေကြပါတယ်။ ဂိုပဲလ်တို့မှာ ကလေးဘဝကတည်းက မတည့်ကြတဲ့ အဖွဲ့တစ်ဖွဲ့ရှိပြီး အရွယ်ရောက်လာတဲ့အချိန်ထိ မတည့်ကြဘဲ ပြန်ရောက်လာတဲ့ ဂိုပဲလ်တို့နဲ့ တွေ့တာနဲ့ကို ရန်ဖြစ် ကြပါတော့တယ်။ တစ်ရက်မှာတော့ ဂိုပဲလ် တစ်ယောက် အိမ်ကြီးမှာနေရင်း ထူးဆန်းတဲ့ အဖြစ်အပျက်တွေကြုံ ရလို့ တခြားသူတွေကို ပြောပြပေမယ့် ဂိုပဲလ်ကို တစ်ယောက်မှ မယုံပါဘူး။ ဒါပေမဲ့ နောက်တော့ အိမ်ကြီးထဲက ဆန်းကြယ်မှုတွေကို အကုန်ကြုံရတဲ့အခါမှာတော့ အ ခြောက်အလှန့်တွေရှိ တယ်ဆို တာ သဘောပေါက်ခဲ့ပါတယ်။ ဒါနဲ့ သရဲတစ္ဆေတွေမောင်း ထုတ်ဖို့ဆိုပြီး ဆရာတွေ မျိုးစုံခေါ် လုပ်ပေမယ့် ထူးခြားမှုမရှိဘဲ အ ခြောက်အလှန့်မျိုးစုံနဲ့သာ ကြုံရပါတယ်။ ဂိုပဲလ်တို့ရဲ့ အဖြစ်အပျက်တွေကို ဟာသဇာတ်ကွက် လေးတွေနဲ့ တင်ဆက်ထားတာမို့ ရယ်မောရဦးမှာပါ။ အိမ်ကြီးထဲက အခြောက်အ လှန့်တွေနောက်ကွယ်မှာ ဘယ်လိုအကြောင်းရင်းတွေရှိနေလဲ၊ ဂို ပဲလ်တို့အဖွဲ့က ဒီပြဿနာကို ဘယ်လိုနည်းလမ်းတွေနဲ့ ရှင်းထုတ်မှာလဲဆိုတာတော့ ဘောလိဝုဒ်ဇာတ်ကားတွေရဲ့ ထုံးစံအတိုင်း ကကွက်အလှ၊ ရိုက်ချက်အလှတွေနဲ့အတူ ဆက်ကြည့်ဖို့ ဖော်ပြလိုက်ပါတယ်။ ပါဝင်ထားသူတွေကတော့ Ajay Devgn၊ ParineetiChopra၊ Tabu ၊ Arshad Warsi၊ Tushar Kapoor၊ ShreyasTalpade၊ Kunal Khemu စသူတွေဖြစ်ပါတယ်။ (ဇာတ်လမ်းအညွှန်းကို 7Daily Website မှ ကူးယူဖော်ပြပါသည်) File Size : (1.1 GB)  Quality : Blu-Ray 720p Running Time : 2hr 20min Format : Mp4 Genre :Action, Comedy, Fantasy Subtitle : Myanmar Subtitle (Hard Sub) Source : 1080p BluRay x264 DTS 5.1 Hon3y Translated by Mie Mie Encoded by Thanhtike Zaw

ကျောင်းတွင်းလူသတ်မှုကြောင့် ထောင်ကျခဲ့တဲ့ ဘောစ့်ကို ဖခင်ဖြစ်သူက သားတစ်ယောက်လို မဆက်ဆံတော့ပါဘူး။ ပြစ်ဒဏ်ကျခံပြီး ထောင်ကထွက်လာတဲ့နောက် ဘောစ့်ဟာ ဂိုဏ်းစတားတစ်ယောက် ဖြစ်လာပေမယ့် အကူအညီလိုနေသူတွေကို လိုက်ကူပေးရင်း နေထိုင်နေပါတယ်။ တစ်နေ့မှာ ဆက်ယာကန့်ဆိုသူက လူတစ်ယောက်ကို သတ်ပေးဖို့ ဘောစ့်နဲ့ စာချုပ်ချုပ်လာတယ်။ ပစ်မှတ်ဖြစ်နေသူကတော့ ဘောစ့်ရဲ့ညီ ရှိဗ့်ပါ။ ရှိဗ့်ဟာ ရဲမှူးအက်ရှုမန်ရဲ့ညီမနဲ့ ချစ်ကြိုက်နေပြီး အက်ရှုမန်က သူတို့အချစ်ရေးကို သဘောမတူဘူး။ အဲဒီအတွက် အက်ရှုမန် ဘယ်လိုလုပ်ကြံလာမလဲဆိုတာနဲ့အတူ ဘောစ့်ဟာ ဖခင်နဲ့အဆင်မပြေတဲ့ကြားက မိသားစုကို ကာကွယ်ပေးဖို့ ကြိုးစားရပါတော့တယ်။ အက်ရှုမန်ရဲ့ရန်ကို ဘောစ့် ဘယ်လိုရင်ဆိုင်မလဲဆိုတာအပြင် သူထောင်ကျခဲ့ရတဲ့ ကျောင်းတွင်းလူသတ်မှုနောက်ကွယ်မှာ ဖုံးကွယ်ထားတဲ့အကြောင်းတွေကလည်း ရှိနေပါတယ်။ ဘောစ့်အဖြစ် Akshay Kumar သရုပ်ဆောင်ထားပြီး အတိုက်အခိုက်နဲ့ ဟာသကို တွဲဖက်ထားတဲ့ ဇာတ်ကားပါ။

Golmaal 3 (2010) ပရမ်းပတာ ၃ အဂျေးနဲ့ ကရီနာကပူးရ်တို့ရဲ့ Golmaal series ထဲက တတိယမြောက်ကားကို ပရိသတ်တွေအတွက် ထပ်မံတင်ဆက်ပေးချင်ပါတယ်။ ဒီ တတိယမြောက် Golmaal ရုပ်ရှင်ဟာဆိုရင် သူ့ခေတ်သူခါမှာတော့ တစ်နှစ်တာ ဒုတိယဝင်ငွေအများဆုံးဖြစ်ခဲ့တဲ့ထိ အောင်မြင်ခဲ့တာပါ။ ဇာတ်လမ်းလေးကတော့ Golmaal ကားတွေရဲ့ထုံးစံ.. အစပိုင်းမှာ ဂိုပယ်တို့မိသားစု ဂိုအာကမ်းခြေမှာ စီးပွားရေးပေါင်းစုံလုပ်ဖို့ ကြိုးစားနေကြတုန်းမှာ ဘာလုပ်လုပ် သူတို့နဲ့ အကြံတူနေပြီး မြင်တာနဲ့ ရန်ဖြစ်ကြတဲ့ သားအဖလေးယောက်နဲ့ ကွိုင်တွေတက်ပုံကို မြင်ကြရမှာပါ။ ဒါပေမဲ့ အဲဒီသားအဖလေးယောက်ထဲက မုဆိုးဖိုအဖေကြီးက ဂိုပယ်တို့အမေရဲ့ ရည်းစားဦးဖြစ်နေပြီး သူတို့ ပြန်ပေါင်းထုပ်ဖို့ ကြိုးစားကြတာကို သားတော်သမီးတော်များက မတည့်မရှုနဲ့ တကျက်ကျက်ဆန့်ကျင်ကြပုံတွေကို ဟာသတွေတခွီခွီနဲ့ ဒီရုပ်ရှင်ထဲမှာ မြင်ကြရမှာဖြစ်ပါတယ်။ ဒါ့အပြင် ဘောလီးဝုဒ်ရွှေခေတ်ရဲ့ ထုံးစံ အဆိုအကကောင်းကောင်း စော်လန်းလန်းတွေကို ကမ်းခြေမှာပတ်ပြေးခိုင်းထားတဲ့ သီချင်းအလန်းလေးတွေပါ ကြည့်ရမှာဖြစ်လို့ ရှေ့က Golmaal ကားတွေကိုကြိုက်နှစ်သက်ကြတဲ့ CM ပရိသတ်ကြီးအတွက် ဘာသာပြန်တင်ဆက်ပေးထားတာကြောင့် လက်မလွတ်တမ်းအားပေးလိုက်ဖို့ ညွှန်းဆိုတိုက်တွန်းလိုက်ပါတယ်။….. File size… 6.1 GB / 3.2 GB Quality…BluRay 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….YK Translated by CM Bollywood Team

ဆာချင်ဟာ သူများတွေ ဘာပြောပြော ကိုယ့်အလုပ်ကို အာရုံစိုက်ပြီး ဖြစ်အောင်လုပ်မယ်ဆိုတဲ့ ရည်ရွယ်ချက်နဲ့ ကြိုးစားနေတဲ့ ကန်ထရိုက်တာတစ်ယောက်ပါ။ ဒါပေမဲ့ လုပ်လိုက်သမျှက တလွဲတချော်တွေ ဖြစ်နေတော့ အလုပ်ကလူတွေရော အိမ်သားတွေကပါ သူ့ကို အကောင်းမပြောကြဘူး။ မူရင်းမှာ သူ့ကို ရိုးသားကြိုးစားသူအဖြစ် ဖော်ပြထားသလို ကိုယ့်အတွက်ပဲ ကြည့်တတ်ပြီး ဘဝင်မြင့်သူအဖြစ်လည်း ဖော်ပြထားပါတယ်။ ဒီလိုနဲ့ တစ်နေ့မှာ ဆာချင်ဟာ သူ့အချစ်ဦးကို ပြန်တွေ့လိုက်ရတယ်။ သူတို့ပြန်ဆုံမှုကနေ ဘာတွေ ဆက်ဖြစ်လာမလဲ၊ ဆာချင်ကိုယ်တိုင် လုပ်ချင်နေတဲ့အလုပ်တွေကရော အောင်မြင်လာနိုင်မလား။ အက်ရှေးကုမားရ်နဲ့ တရီရှာခရစ်ရှ်နန်းတို့ ပါဝင်ထားတဲ့ ဘောလိဝုဒ်အချစ်ဟာသဇာတ်ကားဖြစ်ပြီး အကျင့်ပျက်ချစားမှုတွေအကြောင်းကိုလည်း ထည့်သွင်းထားပါတယ်။

De Dana Dan (2009) (ဘယ်တစ်ယောက် ညာတစ်ယောက်) ဒီတစ်ခါမှာတော့ ဟောင်းပေမဲ့ကောင်းနေဆဲ ဇာတ်ကားတစ်ခု တင်ဆက်ပေးပါရစေဗျ။ De Dana Dan ဆိုတဲ့ ၂၀၀၉ ခုနှစ်ထွက် အိန္ဒိယ-ဟင်ဒီစကားပြော ဟာသအချစ်ဇာတ်ကားဟာ ဆုပေါင်း ၉ ခုတောင် လျာထားစာရင်းဝင်ခဲ့တဲ့အပြင် Box Office မှာလည်း အထူးအောင်မြင်ခဲ့တာပဲဖြစ်ပါတယ်။ အောင်မြင်တာလည်း မပြောနဲ့လေ။ ဆုပေါင်းမရေမတွက်နိုင်လောက်အောင်ရရှိထားတဲ့ နာမည်ကျော်မင်းသားကြီး အရှေးကူးမားကိုယ်တိုင် ပါဝင်သရုပ်ဆောင်ထားတာကိုးဗျ။ IMDb rating ကလည်း 5.9 ရရှိထားပါသေးတယ်။ ဇာတ်လမ်းအကျဉ်းကတော့ နီတင်ဘန်ကာလို့ခေါ်တဲ့ ကောင်လေးဟာ လက်အောက်ငယ်သားများအပေါ်အင်မတန်နှမြောတွန့်တိုတတ်တဲ့ သန်းကြွယ်သူဌေးမကြီးကူဂျိကာအတွက် ကားမောင်းပေးရတဲ့ မျက်နှာမွဲလူဆင်းရဲဒရိုင်ဘာလေးတစ်ယောက်ပေါ့ဗျာ။ ဒါပေမဲ့ သူ့မှာ သူ့ကိုအင်မတန်ချစ်ပေးတဲ့ နီတင်ဆိုတဲ့ ချစ်သူလေးတစ်ယောက်ရှိသတဲ့။ သူ့ချစ်သူလေးတို့မိသားစုဟာ အရင်က မိဘချင်းခင်မင်ရင်းနှီးကြပေမဲ့ ထီဆုကြီးပေါက်သွားတဲ့နောက်မှာတော့ သူ့အဖေကြီးက ဘဝမေ့ပြီး ဆင်းရဲသားနင်းပြားနီတင်နဲ့ သဘောမတူဘဲ သူ့သမီးကို ချမ်းသာတဲ့သူနဲ့ပဲလက်ထပ်ပေးချင်နေပါတယ်။ နီတင်ဘန်ကာရဲ့အချစ်ဆုံးသူငယ်ချင်း ရမ်မီရှာရာဆိုတဲ့ကောင်လေးဟာလည်း အကြွေးတွေနစ်နေပြီး အမေနဲ့ညီမအတွက်ဘဝကိုရုန်းကန်နေရတဲ့သူပဲဖြစ်ပါတယ်။ သူ့ရဲ့ချစ်သူလေးဟာလည်း စင်္ကာပူမှာအချမ်းသာဆုံးမိသားစုတွေကနေ ဆင်းသက်လာသူလေးပါ။ သူ့ရဲ့ဇာတာခွင်က ထူးခြားတာကြောင့် သူနဲ့ဇာတာတူသူ အမျိုးသားကိုပဲ လက်ထပ်ခွင့်ရမယ့်သူဖြစ်ပါတယ်။ ဒီလိုနဲ့ နီတင်နဲ့သဘောမတူတဲ့ သူဌေးလက်သစ်ရယ် ချမ်းသာသလောက် ဇာတာခွင်ကိုယုံကြည်တဲ့စင်္ကာပူသူဌေးကြီးရယ်တို့ဟာ သူတို့စိတ်ကြိုက်သတို့သားလောင်းတစ်ယောက်ကိုတွေ့ပြီး လက်ထပ်ပေးဖို့စီစဉ်ပါတော့တယ်။ ဖြစ်ချင်တော့ အဲဒီသတို့သားက တစ်ဦးတည်းဖြစ်နေသလို သူတို့ထင်သလို သူဌေးသားစင်းလုံးချောလေးဖြစ်မနေဘဲ လူလိမ်လူညာမိသားစုသာ ဖြစ်နေတဲ့အခါမှာတော့... Nomination ၆ ခု စာရင်းဝင်ထားတဲ့ဇာတ်ကားဖြစ်တာကြောင့် မင်းသားကြီးအရှေးကူးမားရဲ့ပြောင်မြောက်တဲ့သရုပ်ဆောင်ချက်တွေနဲ့အတူ သီချင်းသံတွေ အကအလှတွေမြိုင်မြိုင်ဆိုင်ဆိုင်နဲ့ ဇာတ်လမ်းဇာတ်ကွက်တွေကို မပျင်းရဘဲ ခံစားကြည့်ရှုနိုင်မှာပါဗျ။ ( ဘာသာပြန်နဲ့အညွှန်းကတော့ CM Bollywood Team ပဲဖြစ်ပါတယ် ) File size… 3.5 GB / 1.7 GB Quality…WEB DL 1080p HEVC/ 720p Format…mkv/ mp4 Duration….2h 42m Subtitle….Myanmar Subtitle (Hard Sub) Encoder….YK Translated by CM Bollywood Team

ဆိုနီယားဟာ အလွန်ချမ်းသာတဲ့ ကာစီနိုပိုင်ရှင်တစ်ယောက်ဖြစ်ပြီး တစ်နှစ်ခွဲအရွယ် သားလေးနဲ့ နှစ်ယောက်တည်း နေထိုင်သူပါ။ အသက်နဲ့အမျှ ချစ်ရတဲ့ သားလေး ပျောက်သွားတာ ရက်အတော်ကြာနေပြီဖြစ်လို့ ပြန်ရှာတွေ့သူကို ဆုငွေ ၂၅ သိန်း ပေးမယ်ဆိုပြီး သတင်းစာထဲမှာ ကြေညာထားပါတယ်။ တစ်ရက်မှာတော့ ကလေးကို တွေ့ထားတဲ့ အတွဲတစ်တွဲက အဲဒီကြေညာချက်ကို သိပြီး ဆိုနီယားဆီ သားလေးကို ပြန်ပို့ပေးဖို့ လာကြတယ်။ ဒါပေမယ့် အဲဒီညမှာပဲ ဆိုနီယား အသတ်ခံလိုက်ရပါတယ်။ သူအသတ်ခံရတဲ့ညအတွင်း အိမ်ထဲကို ကိုယ့်အကြံအစည်နဲ့ကိုယ် ဝင်ထွက်သွားလာခဲ့သူတွေကလည်း အများကြီးရှိနေတော့ အဲဒီလူတွေထဲက ဘယ်သူဟာ လူသတ်တရားခံလဲဆိုတာ ရှာဖွေရတော့မှာပါ။ ရှာဟစ်ကပူး၊ အရှေးခန်နားနဲ့ ကရီနားကပူးတို့ အဓိက ပါဝင်ထားပြီး ဂျွန်နီလီဗာနဲ့ ပရေရှ်ရာဝလ်တို့လည်း သရုပ်ဆောင်ထားပါတယ်။ လူသတ်မှု ပဟေဠိကို ဖော်ထုတ်ရတဲ့ ဇာတ်လမ်းကြားမှာ ဟာသခန်းတွေလည်း ရောနှောပါဝင်တယ်။

Hera Pheri ရဲ့ အဆက်ဖြစ်တဲ့ ဒီကားမှာ ရာဂျူး၊ ရှာမ်နဲ့ ဘာဘူရောင်းတို့ဟာ ငွေအများကြီးရထားပြီး သူဌေးတွေ ဖြစ်နေကြပါပြီ။ ဒါပေမယ့် ချမ်းသာလာတာနဲ့တင် မတင်းတိမ်နိုင်ဘဲ ပိုလိုချင်နေကြတုန်းပါ။ လောဘနောက်လိုက်မိရာက အလိမ်ခံလိုက်ရပြီး သုံးယောက်စလုံး ပြန်မွဲသွားကြပါတယ်။ ဒီလိုဖြစ်သွားလည်း အလွယ်တကူ ချမ်းသာချင်တဲ့စိတ်က မပျောက်တော့ မဟုတ်တဲ့နည်းလမ်းတွေနဲ့ ငွေပြန်ရှာဖို့ ကြိုးစားကြပြန်တယ်။ သူတို့သုံးယောက်ရဲ့ အကြံအစည်တွေနောက်မှာ ဘယ်လိုအလွဲတွေ ကြုံလာဦးမလဲဆိုတာ ဟာသအဖြစ် ဆက်ထားပါတယ်။ အရှေးကူမား၊ ဆူနီးရှက်တီး၊ ဗီပါရှားဘာဆူးနဲ့ ရီမီဆန်တို့အပြင် ဟာသသရုပ်ဆောင် ဂျွန်နီလီဗာနဲ့ ပရေရှ်လာဝလ်တို့လည်း ပါဝင်ထားပါတယ်။

Main Prem Ki Diwani Hoon (2003)"အချစ်ကြောင့်ရူး" လက်ပွားမင်းသားကြီး ရီသိက်ရိုရှန်းနဲ့ မင်းသမီးကြီး ကရီနာကပူးရ်တို့ ငယ်ရွယ်စဉ်က တွဲဖက်ရိုက်ကူးခဲ့တဲ့ ၂၀၀၃ ခုနှစ်ထွက် အချစ်ဟာသ ကလက်စစ်ရုပ်ရှင်ဟောင်းလေးကို ဘောလိဝုဒ်ပရိသတ်တွေအတွက် ပြန်လည် တင်ဆက်ပေးချင်ပါတယ်။ ဇာတ်လမ်းလေးကတော့ ရိုးမလိုနဲ့ ဆန်းပါတယ်။ အိန္ဒိယကမိဘတွေရဲ့ မိဘအိမ်ထောင်ချပေးရင် သားသမီးခေါင်းငြိမ့်ဆိုတဲ့ ဓလေ့ကို ချိုးဖျက်ချင်နေတဲ့ ဆန်ဂျနာဆိုတဲ့ ကောင်မလေး။ ဆန်ဂျနာဟာ သူတင်မကဘဲ သူများတွေကိုပါ ကိုယ်ချစ်တဲ့သူကိုလက်ထပ်ဖို့ တိုက်တွန်းနေပေမဲ့ သူ့အမေကတော့ သူ့ကို ပရမ်းဆိုတဲ့ ဥစ္စာပေါ၊ ရုပ်ချော သူဌေးလေးတစ်ယောက်နဲ့ ပေးစားဖို့အတွက် ကြိုးပမ်းလာခဲ့ပါတယ်။ ခေတ်ပညာတတ်မလေး ဆန်ဂျနာဟာ အစပိုင်းမှာ အချစ်ဟာသရုပ်ရှင်တွေရဲ့ထုံးစံ ဇာတ်လိုက်ပရမ်းကို ဒုက္ခတွေပေး၊ ပြန်ပြေးအောင် ကြံစည်ပေမဲ့ ဥစ္စာပေါ ရုပ်ချောရုံသာမက တော်ကီပါကောင်းတဲ့ ပရမ်းကို ကြွေစပြုလာတဲ့အချိန်မှာ ဘယ်သူမှမထင်ထားတဲ့ကိစ္စတစ်ခုဖြစ်လာခဲ့ပြီး ပရမ်းနဲ့ ဆန်ဂျနာတို့ ဆက်ကြုံတွေ့ရတဲ့ဖြစ်ရပ်တွေကို ဒီအချစ်ဟာသရုပ်ရှင်လေးထဲမှာ မြင်တွေ့ခံစားကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 3.8 GB / 2.1 GB Quality…WEB DL 1080p HEVC/ 720p Format…mkv/ mp4 Duration….3h 17mins Subtitle….Myanmar Subtitle (Hard Sub) Encoder….YK Translated by CM Bollywood Team

Chori Chori Chupke Chupke 2001 (ချစ်ခြင်းလှည့်ကွက်) CMကနေပြီးတော့ Bollywood ပရိသတ်ကြီးအတွက် အဟောင်းထဲကနေ ကောင်းနေဆဲဖြစ်တဲ့ ဆာလ်မန်ခန် နဲ့ ရာနီမူကာဂျီတို့ရဲ့ ဇာတ်ကားဟောင်းလေးကို တင်ဆက်ပေးလိုက်ပါတယ်။ ရာ့ဂျ်နဲ့ ပရီယာတို့ဟာ လက်ထပ်ထားခါစ ဇနီးမောင်နှံအသစ်စက်စက်လေးပေါ့။ အိမ်ထောင်ရေးအဆင်ပြေခဲ့ပြီး ပရီယာတစ်ယောက် ကိုယ်ဝန်ရခဲ့ပေမဲ့ ကံမကောင်းစွာနဲ့ပဲ ကလေးဟာ ပျက်ကျခဲ့ပြီး ပရီယာတစ်ယောက် ထပ်မံ ကိုယ်ဝန်ဆောင်ဖို့အတွက် မဖြစ်နိုင်တော့ဘူးဖြစ်သွားခဲ့ရပါတယ်။ ဒီလိုနဲ့ မျိုးဆက်လိုချင်တဲ့ ရာ့ဂျ်တို့ဟာ ကလေးလိုချင်လွန်းလှတဲ့အတွက် အငှားကိုယ်ဝန်ဆောင်နဲ့မွေးဖို့အတွက် လုပ်ကြပါတော့တယ်။ ဒီလိုနဲ့ ပြည့်တန်ဆာတစ်ယောက်ဖြစ်တဲ့ မာဒူဘာလာနဲ့ ချိတ်ဆက်မိရင်း ရာ့ဂျ်နဲ့ ပရီယာတို့ရဲ့ ရင်သွေးလေးကို မာဒူဘာလာတစ်ယောက် မွေးဖွားပေးဖို့ ဖြစ်လာခဲ့ပါတော့တယ်။ ဒီလိုနေလာရင်း တဖြည်းဖြည်းနဲ့ ရာ့ဂျ်တစ်ယောက် မာဒူဘာလာ့အပေါ်မှာ သံယောဇဉ်ဖြစ်မိရင်း ချစ်မိသွားရာကနေ ရာ့ဂျ်၊ ပရီယာနဲ့ မာဒူဘာလာ တို့ရဲ့ သုံးပွင့်ဆိုင် ဇာတ်လမ်း ပေါ်ပေါက်လာပါတော့တယ်။ ဒီသုံးပွင့်ဆိုင် အချစ်ဇာတ်လမ်းဟာ ဘယ်လိုများ အဆုံးသတ်သွားမလဲ ....... ရာ့ဂျ်တစ်ယောက် မိန်းမဖြစ်သူနဲ့ သူ့ရင်သွေးကို လွယ်ပေးထားရတဲ့ ချစ်ရသူ ဘယ်သူ့ကိုရွေးချယ်သွားမလဲ ...... ဆိုတာကို ဆက်လက်ကြည့်ရှုပေးပါဦး။ ဇာတ်လမ်းလေးဟာ အချစ်ဒရာမာဟာသ ဇာတ်လမ်းလေးဖြစ်တဲ့အတွက် ကြည်နူးတာလေးတွေကြည့်ရင်း ဟာသလေးတွေနှောရင်း စိတ်အမောပြေစေနိုင်မဲ့ ဇာတ်လမ်းကောင်းလေးတစ်ကားဖြစ်ပါတယ်။ (အညွှန်းနဲ့ ဘာသာပြန်ကတော့ ToMo ~ Yunni ~ Cym ~ KKKZ ~ Zwe Yan တို့ပဲဖြစ်ပါတယ်) File size… 2.9 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2h 45m Subtitle….Myanmar Subtitle (Hard Sub) Encoder….YK Translated by ToMo ~ Yunni ~ Cym ~ KKKZ ~ Zwe Yan

ရှာရွတ်ခန်းနဲ့ ကာရီနာကပူးတို့ အဓိကပါဝင်ထားတဲ့ Aśoka က သီရိဓမ္မာသောကမင်းလို့ သိကြတဲ့ အာသောကမင်းအကြောင်းကို အခြေခံထားပါတယ်။ ကာလက ခရစ်တော်မပေါ်မီ ဘီစီ ၂၆၀ ဝန်းကျင်ပါ။ အာသောကဟာ ဗိန္ဓုသာရမင်းနဲ့ ဓမ္မာမိဖုရားတို့ရဲ့ သားတော်ဖြစ်ပြီး မောရိယနိုင်ငံတော်ကို တည်ထောင်ခဲ့တဲ့ စန္ဒဂုတ္တမောရိယရဲ့ မြေးတော်ဖြစ်ပါတယ်။ ဘိုးတော်လက်ထက်က မသိမ်းပိုက်နိုင်သေးတဲ့ အိန္ဒိယအရှေ့ပိုင်းနဲ့ တောင်ပိုင်းဒေသတွေကို သူ့လက်ထက်မှာ ဆက်လက်သိမ်းပိုက်ဖို့ ကြိုးပမ်းခဲ့တယ်။ အရှေ့ဘက်ကမ်းက ကလိင်္ဂတိုင်းကို ဝင်တိုက်တဲ့အခါမှာတော့ တိုင်းသူပြည်သားတွေက ရဲရဲဝံ့ဝံ့ ခုခံကြတဲ့အတွက် ပြင်းထန်တဲ့ တိုက်ပွဲနဲ့ ရင်ဆိုင်ရပါတယ်။ လူအများအပြား သေကျေပျက်စီးရတဲ့ ဒီစစ်ပွဲက သူလိုချင်တဲ့ အောင်နိုင်မှုရဲ့ တန်ဖိုးကို ပြန်စဉ်းစားစရာ ဖြစ်လာစေတယ်။ မူရင်းမိတ်ဆက်စာမှာ အာသောကမင်းရဲ့ သမိုင်းနောက်ခံအဖြစ် ပြည်သူ့အကျိုးအတွက် ဆောင်ရွက်ခဲ့တာတွေကိုလည်း ဖော်ပြထားပါတယ်။ တင်းကျပ်လွန်းတဲ့ ဥပဒေတွေကို ဖြေလျှော့ပေးတာ၊ တိရစ္ဆာန်ဘေးမဲ့ဂေဟာတွေ တည်ဆောက်တာ၊ လမ်းဖောက်တာနဲ့ ဆည်မြောင်းတာတမံတွေ ဆောက်လုပ်တာတို့ပါ။ တခြားဘာသာတွေကို လွတ်လပ်စွာ ကိုးကွယ်ခွင့်ပေးခဲ့သလို နိုင်ငံခြားကို ဗုဒ္ဓသာသနာပြုတွေ စေလွှတ်ခဲ့ပြီး သီဟိုဠ်ကျွန်းမှာလည်း သာသနာထွန်းကားလာခဲ့ပါတယ်။ ဒီရုပ်ရှင်ကို ဘဝဖြစ်စဉ်တစ်ခုလုံး ပြန်ပြောပြတာထက် အာသောကမင်း လျှောက်လှမ်းခဲ့တဲ့လမ်းနဲ့ ဓမ္မအယူအဆကို အသားပေးတဲ့ ဇာတ်ကားအဖြစ် မိတ်ဆက်ထားပါတယ်။ အဲဒီဓမ္မအယူအဆက မန္တန်ရွတ်ဖတ်ပူဇော်တာနဲ့ ဘာသာရေးဓလေ့ထုံးတမ်းတွေကို လိုက်နာတာထက် လူ့အဖွဲ့အစည်း တိုးတက်ရေးနဲ့ လူ့လောကအကျိုးကို ဆောင်ရွက်ဖို့ ဦးတည်ပါတယ်။ ဒီအယူအဆတွေကို သူ့ရဲ့ကျောက်စာတွေမှာလည်း ဖော်ပြထားခဲ့တယ်။

ရှရွတ်ခန်းနဲ့ Juhi Chawla တို့ ပါဝင်ထားတဲ့ ဒီနိုင်ငံရေးနောက်ခံ အချစ်ဒရမ်မာမှာ အဂျေးက လူသိများတဲ့ သတင်းထောက်တစ်ယောက်ပါ။ သူ့ကိုယှဉ်ပြိုင်ဖို့ ရောက်လာသူကတော့ သတင်းထောက်မလေး ရီယား။ ပြိုင်ဘက်ရုပ်သံလိုင်းတွေမှာ အလုပ်လုပ်နေကြတဲ့ သူတို့နှစ်ယောက်က တွေ့လိုက်တိုင်း တကျက်ကျက်ဖြစ်နေကြပါတယ်။ တစ်နေ့ နိုင်ငံရေးပါတီတစ်ခုရဲ့ ဟောပြောပွဲမှာ လူသတ်မှုဖြစ်သွားတဲ့နောက် ဒီနှစ်ယောက်က အမှုနောက်ကွယ်က အမှန်တရားကို လိုက်ရှာကြတယ်။ အဲဒီလိုနဲ့ နိုင်ငံရေးအရှုပ်အထွေးတွေထဲ ရောက်သွားကြပါတယ်။ ငွေနဲ့အာဏာကြားမှာ သာမန်လူတစ်ယောက် ဘယ်လောက်ရိုးသားပါစေ ဒုက္ခရောက်နိုင်တဲ့ အခြေအနေကိုလည်း ဇာတ်လမ်းက ပြထားတယ်။ ငွေအင်အား၊ အာဏာအင်အား မရှိတဲ့ သတင်းထောက်နှစ်ယောက်က စဉ်းလဲတဲ့ နိုင်ငံရေးလောကရဲ့ ဘေးဒဏ်ကို ခံနိုင်ပါ့မလား၊ သူတို့ရှာနေတဲ့ တရားမျှတမှုကိုရော ရယူပေးနိုင်ပါ့မလား။

Yes Boss (1997) ဒီဇာတ်ကားလေးကတော့ ဘောဝုဒ်ရဲ့ Kingလို့တင်စားကြတဲ့ မင်းသားကြီး ရှာရွတ်ခန်းနဲ့ မင်းသမီးကြီး ဂျူဟီးချောင်လာတို့ရဲ့ Romance/Dramaအမျိုးအစား ဇာတ်ကားလေးတစ်ကားဖြစ်ပြီး IMDb ratingကလည်း 6.7အထိ ရရှိထားပါတယ်။ ဇာတ်လမ်းအကျဉ်း ရာဟူးလ်ရဲ့သူဋ္ဌေးဆစ်ဒါးသ်ဟာ တရားဝင်မိန်းမရှိသူဖြစ်သော်လည်း ဆီမာဆိုတဲ့ မိန်းကလေးကိုသဘောကျကာ ချဥ်းကပ်နိုင်ဖို့အတွက် ရာဟူလ်းကို အခကြေးပေးကာ အကူအညီတောင်းပါတယ်။ ဒါပေမဲ့ ရာဟူးလ်ဟာ ဆီမာကို နှစ်သက်စွဲလမ်းကာ ချစ်မိသွားပြီး သူ့ရဲ့အလုပ်နဲ့ နှလုံးသားနှစ်ခုထဲက တစ်ခုကို ရွေးချယ်မှရတော့မယ့် အခြေအနေ ဆိုက်ရောက်လာတဲ့အခါ ... ရာဟူးလ်တစ်ယောက် သူ့ရဲ့အချစ်ကို ရွေးချယ်နိုင်မှာလား ... ဘယ်လို အခက်ခဲအတားအဆီးတွေက စောင့်ကြိုနေမလဲ ... ဆိုတာတွေကိုတော့ ဇာတ်ကားထဲမှာပဲ ကြည့်ရှူပေးကြပါလို့ ... ဇာတ်လမ်းဇာတ်အိမ်ကောင်းကောင်းနဲ့ Darama/Romanceအပြင် ဟာသတွေပါ ရောနှောထည့်သွင်းထားပြီး ပျင်းစရာလုံးဝမကောင်းတဲ့ ကားကောင်းလေး တစ်ကား ဖြစ်တာမလို့ ဘောလိဝုဒ်ပရိတ်သတ်များ လုံးဝ လက်မလွှတ်သင့်ပါကြောင်း ... ဘာသာပြန်သူတွေကတော့ Thaik San,Intelligenceနဲ့ Soe Kalayarတို့ပဲ ဖြစ်ပါတယ်။ File size…1.23GB Quality…720p Format…mp4 Duration….2h 43m Subtitle….Myanmar Subtitle (Hard Sub) Encoder….YK Translated by Thaik San ~ Intelligence ~ Soe Kalayar

Raja Hindustani 1996 ကြမ္မာချစ်သူ Imdb 6.1/10 ဒီကားကတော့ ၁၉၉၆ ခုနှစ်က ထွက်ရှိခဲ့ပြီး ဒါရိုက်တာဒါမက်ရှ်ဒါရှန်ရဲ့အချစ်နဲ့ ဒရာမာကို ပေါင်းစပ်တင်ဆက်ထားတဲ့ လက်ရာမြောက် ဇာတ်ကားတစ်ကားပါ အိန္ဒိယရုပ်ရှင်သမိုင်းမှာလည်း အောင်မြင်မှုအများကြီးရခဲ့တဲ့ ရုံတင်ဇာတ်ကားတစ်ကားဆိုလည်း မမှားပါဘူး ဒီဇာတ်ကားမှာ အဓိက သရုပ်ဆောင်တွေကတော့ ဘောလိဝုဒ်ရဲ့ နာမည်ကြီး မင်းသား အာမီရ် ခန်းနဲ့ မင်းသမီး ကာရစ္စမာကာပူးရ်တို့က အချိတ်အဆက်မိမိသရုပ်ဆောင်ပေးထားပြီးနဲ့ အစွမ်းကုန်ချောမောပေးထားကြပါသေးတယ် ဇာတ်လမ်းရဲ့ အစကတော့ အိန္ဒိယနိုင်ငံ၊ ကိုယင်ဘာတိုနားက တောင်ကုန်းမြို့လေးတစ်ခုမှာ တက္ကစီဒရိုင်ဘာအဖြစ် အသက်မွေးဝမ်းကျောင်းပြုနေတဲ့ ရာဂျာဆိုတဲ့ လူငယ်တစ်ယောက်နဲ့ စတင်ပါတယ် ရာဂျာက အရမ်းရိုးသားဖြောင့်မတ်ပြီး ဘဝကို ပျော်ပျော်ရွှင်ရွှင် ပေါ့ပေါ့ပါးပါး ဖြတ်သန်းတတ်သူပါ သူ့ရဲ့ အပေါင်းအသင်းတွေနဲ့လည်း ပျော်ပျော်နေတတ်တဲ့ ဒေသခံလူငယ်လေးတစ်ဦးပေါ့ မိဘတွေက ငယ်စဉ်ကတည်းကဆုံးပါးသွားကြလို့ တွေ့ရာလူနဲ့ အဆင်ပြေပြေပေါင်းပြီး ဘဝကိုဖြတ်သန်းခဲ့ပါတယ် တစ်ဖက်မှာတော့ မွန်ဘိုင်းမြို့က ချမ်းသာကြွယ်ဝပြီး ခေတ်မီတဲ့ မိသားစုက ဆင်းသက်လာသူ အာရ်တီဆိုတဲ့ အလှပဂေးလေးတစ်ဦးရှိပါတယ် အာရ်တီက အမေမရှိတော့တဲ့ကလေးတစ်ယောက်ဖြစ်ပြီး သူ့ရဲ့ ဖခင်ဖြစ်သူနဲ့ မိထွေးရဲ့ ပြုစုစောင့်ရှောက်မှုအောက်မှာ ကြီးပြင်းလာခဲ့တာပါ နွေရာသီအားလပ်ရက်အဖြစ် ကိုယင်ဘာတိုနားက ပါလန်ခက်ရွာလေးဆီကို သွားရောက်လည်ပတ်ဖို့ ဆုံးဖြတ်ခဲ့ပါတယ် သူ့ရည်ရွယ်ချက်ကတော့ မိခင်ဖြစ်သူ မကွယ်လွန်ခင်က ပိုင်ဆိုင်ခဲ့တဲ့ ရွာအိမ်လေးကို မြင်တွေ့ချင်တဲ့ ဆန္ဒကြောင့်ပါ အာရ်တီက ပါလန်ခက်ကိုရောက်ဖို့ တက္ကစီဌားရပါတော့တယ် အဲဒီမှာပဲ ရာဂျာနဲ့ မထင်မှတ်ဘဲ ဆုံဆည်းမိကြပြီး သူတို့နှစ်ဦးရဲ့ ဘဝလမ်းကြောင်းတွေဟာ အဲဒီကစပြီး တစ်ခုနဲ့တစ်ခု ဆက်စပ်မိသွားပါတော့တယ် ရာဂျာက အာရ်တီကို ရွာအိမ်လေးဆီ ပို့ဆောင်ပေးရင်း သူတို့နှစ်ဦးဟာ တဖြည်းဖြည်း ရင်းနှီးလာကြပြီး မြို့ပြက ချမ်းသာတဲ့ ကောင်မလေးနဲ့ ရိုးသားတဲ့ တက္ကစီဒရိုင်ဘာလေးတို့ကြားက ဆုံဆည်းမှုဟာ ဘယ်လိုဆက်ပြီး ဖြစ်ပေါ်လာမလဲဆိုတာကတော့ လိုက်ပါစီးမျောလိုက်ပါဦး တစ်ခေတ်တစ်ခါက နာမည်ကြီးခဲ့တဲ့ဇာတ်ကားဖြစ်လို့ အချစ်ကားကောင်းကြိုက်သူတွေအတွက် လက်မလွှတ်သင့်တဲ့ဇာတ်ကားပါလို့ ညွှန်းဆိုရင်း... ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size…4.3 GB / 2 GB Quality…WEB DL 1080p HEVC / 720p Format…mkv/mp4 Duration….2h 57min Subtitle….Myanmar Subtitle (Hard Sub) Encoder….YK Translated by CM Bollywood Team

ရှရွတ်ခန်း သရုပ်ဆောင်ထားတဲ့ ဇာတ်ကောင်ဟာ ငယ်ငယ်ရွယ်ရွယ်နဲ့ နာမကျန်းဖြစ်နေတဲ့ မိခင်ကို စောင့်ရှောက်နေရသူပါ။ သူများအိမ်မှာ တောက်တိုမယ်ရ အလုပ်တွေလုပ်ပြီး ရလာတဲ့ငွေနဲ့ အမေ့အတွက် ဆေးနဲ့ စားစရာ ဝယ်ပေးတယ်။ အမေ စားရဖို့အတွက် ကိုယ်တိုင် အငတ်ခံရတဲ့အချိန်တွေလည်း ရှိပါတယ်။ သူတို့မိသားစုဟာ အရင်ကတော့ ချမ်းချမ်းသာသာနဲ့ ပြည့်ပြည့်စုံစုံ နေခဲ့ရသူတွေပါ။ မိဘနှစ်ပါးက သူတစ်ပါးကို ကြင်နာပြီး ယုံကြည်ပေးတတ်ပေမယ့် အလုပ်သမားတစ်ဦးရဲ့ ကောက်ကျစ်မှုကြောင့် ဖခင်ကို ဆုံးရှုံးရသလို ပိုင်ဆိုင်သမျှလည်း လက်လွှတ်ခဲ့ရတယ်။ လမ်းဘေးရောက်သွားတဲ့အထိ ဘဝပျက်ခဲ့ရပြီး မိခင်ကလည်း ခင်ပွန်းဆုံးတဲ့စိတ်နဲ့ အိပ်ရာထဲ လဲသွားတာကြောင့် သားငယ်က ပြန်စောင့်ရှောက်နေရတာပါ။ ဒီလိုနဲ့ သူဟာ မိသားစုဘဝကို ဖျက်ဆီးခဲ့သူကို ရှာပြီး လက်စားချေဖို့ ငယ်စဉ်ကတည်းက စိတ်ပိုင်းဖြတ်ထားခဲ့တယ်။ တစ်နေ့မှာတော့ အဲဒီလူနဲ့ ထိပ်တိုက်ရင်ဆိုင်ရမယ့် အချိန် ရောက်လာပါတယ်။ Baazigar ဟာ ရှရွတ်ခန်းကို လူသိများလာစေခဲ့တဲ့ ဇာတ်ကားဖြစ်သလို ကာဂျိုးနဲ့ သူ ပထမဆုံး တွဲဖက်သရုပ်ဆောင်ခဲ့တဲ့ ရုပ်ရှင်လည်း ဖြစ်ပါတယ်။ Shilpa Shetty အတွက်လည်း ပွဲဦးထွက်ဇာတ်ကားဖြစ်ပြီး ဒီကားနဲ့ပဲ ပရိသတ်တွေကြား နာမည်ရလာခဲ့ပါတယ်။