Kenneth Branagh ပါဝင်သော ဇာတ်ကားများ

Mayday (2026) IMDb Rating (7.2) / Rotten Tomatoes (84%) ဒီဇာတ်ကားကတော့ Apple Original Films နဲ့ Skydance တို့ ပူးပေါင်းထုတ်လုပ်ထားတဲ့ Action-Adventure အမျိုးအစား ရုပ်ရှင်ဇာတ်ကားသစ်ကြီးပဲ ဖြစ်ပါတယ်။ Game Night နဲ့ Dungeons & Dragons: Honor Among Thieves တို့ကို ရိုက်ကူးခဲ့တဲ့ နာမည်ကျော် ဒါရိုက်တာနှစ်ဦးဖြစ်တဲ့ Jonathan Goldstein နဲ့ John Francis Daley တို့က ပူးတွဲရိုက်ကူးထားပြီး သရုပ်ဆောင်တွေအဖြစ် ဟောလိဝုဒ်ရဲ့ နာမည်ကြီး အက်ရှင်မင်းသား Ryan Reynolds နဲ့ ဝါရင့်မင်းသားကြီး Kenneth Branagh တို့က အဓိက ခေါင်းဆောင်ပါဝင်ထားကြသလို မင်းသမီးချော Maria Bakalova ကလည်း အားဖြည့်ပါဝင်ထားပါတယ်။ ဇာတ်လမ်းအကျဉ်း ရေတပ်ဗိုလ်ကြီး ထရွိုင်ဟာ စစ်အေးတိုက်ပွဲကာလမှာ စပိုင်လေယာဉ်ကို ဆိုဗီယက်နယ်မြေထဲ မောင်းနှင်ပြီး ဓာတ်ပုံရိုက်ထောက်လှမ်းတဲ့တာဝန်ကို ယူထားရပါတယ်။ တစ်နေ့မှာတော့ လေယာဉ်ပစ်ချခံရပြီး ဇာတ်လမ်းနာမည်အတိုင်း မေဒေးဖြစ်သွားပါတယ်။ သူ့ကို ကယ်ထားတဲ့ ရုရှားနိုင်ငံသားကတော့ နီကိုလိုင်း ဆိုတဲ့ ကေဂျီဘီဟောင်းတစ်ဦးဖြစ်ပြီး အမေရိကန်နိုင်ငံကို သဘောကျတဲ့သူ ဖြစ်နေပါတယ်။ အဲဒီမှာပဲ ကေဂျီဘီဟောင်းကြီးကို အမေရိကန်မှာ ခိုလှုံခွင့်ပေးဖို့ ကတိပေးပြီး ထရွိုင်နဲ့ နီကိုလိုင်း တို့ ရုရှားနယ်မြေထဲက အန္တရာယ်မျိုးစုံကို ရင်ဆိုင်ပြီး လွတ်မြောက်ဖို့ ကြိုးစားကြပါတော့တယ်။ ဒီရုပ်ရှင်မှာလည်း Ryan Reynolds ရဲ့ ထုံးစံအတိုင်း ပေါ့ပေါ့ပါးပါး ဟာသအပြောအဆိုတွေရော အက်ရှင်အကြမ်းပတမ်း ပြကွက်တွေရော အချိုးကျကျ ပေါင်းစပ်ထားမယ့် ကားမျိုးဖြစ်ပြီး Kenneth Branagh လို သရုပ်ဆောင်ကောင်းတဲ့ မင်းသားကြီးနဲ့ ထိပ်တိုက်တွေ့ဆုံရတာက ဇာတ်လမ်းကို ပိုပြီး စိတ်ဝင်စားစရာ ကောင်းစေမှာပါ။ File size… (6.3 GB) / (2.3 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action, Adventure, Comedy, Thriller Duration…. 01:50:00 Subtitle…. Myanmar Subtitle (Hardsub)

The Devil Wears Prada 2 (2026) 4K HEVC +++++++++++ IMDb Rating (6.6) / Rotten Tomatoes (77%) ပထမကားထွက်ပြီး နှစ် ၂၀ အကြာမှာ အားလုံးက အရမ်းကို စောင့်မျှော်ခဲ့ရတဲ့ The Devil Wears Prada 2 ရုပ်ရှင်ကြီး ထွက်လာပါပြီ။ အရင်ကားက မူလသရုပ်ဆောင်တွေဖြစ်တဲ့ Meryl Streep, Anne Hathaway, Emily Blunt နဲ့ Stanley Tucci တို့ အကုန်ပြန်ပါလာတာမို့လို့ တကယ့်ကို အလွမ်းပြေစေမယ့် ကားလေးပါ။ ဇာတ်လမ်းအကျဉ်း ++++++++++++ ဒီကားမှာ အဓိကပြသွားတာက ခေတ်တွေပြောင်းသွားပြီး ဒစ်ဂျစ်တယ်မီဒီယာတွေ လွှမ်းမိုးလာတဲ့အချိန် ပုံနှိပ်မဂ္ဂဇင်းကြီးဖြစ်တဲ့ Runway ဘယ်လိုရုန်းကန်ရလဲ ဆိုတာပါပဲ။ ဇာတ်လမ်းစစချင်းမှာ အန်ဒီ (Andy) က သတင်းဌာနတစ်ခုမှာ အလုပ်လုပ်နေရင်း ရုတ်တရက် အလုပ်ပြုတ်သွားတယ်။ အဲဒီမှာ သူပြောခဲ့တဲ့ စကားတွေက အွန်လိုင်းမှာ နာမည်ကြီး ဖြစ်သွားရော။ တစ်ဖက်မှာလည်း မစ္စ မီရန်ဒါ (Miranda) က မဂ္ဂဇင်းကို ဆက်ရပ်တည်နိုင်ဖို့ အတော်လေး ခေါင်းခဲနေရတယ်။ ပိုဆိုးတာက သူ့ရဲ့ လက်ထောက်ဟောင်း အမ်မလီ (Emily) က အခုဆိုရင် Dior လို ဇိမ်ခံဘရန်းမှာ အမှုဆောင်အရာရှိကြီး ဖြစ်နေပြီး ကြော်ငြာကိစ္စတွေမှာ မီရန်ဒါနဲ့ အပြိုင်အဆိုင် ဖြစ်နေတာပါ။ အဲဒါနဲ့ Runway မဂ္ဂဇင်းရဲ့ နာမည်ကို ပြန်ဆယ်ဖို့ ဥက္ကဋ္ဌကြီးက အန်ဒီကို Feature Editor အနေနဲ့ ပြန်ခေါ်ခန့်လိုက်တယ်။ အန်ဒီ Runway ကို ပြန်ရောက်သွားတဲ့အချိန်မှာ မီရန်ဒါက သူ့ကို လုံးဝမမှတ်မိသလို ဟန်ဆောင်နေတာတွေ၊ လက်ထောက်အသစ်တွေနဲ့ အန်ဒီတို့ ဘယ်လိုတွေ အချင်းများကြမလဲ၊ အမ်မလီနဲ့ရော ဘယ်လိုတွေ ထိပ်တိုက်တွေ့ကြမလဲ ဆိုတာကို ရိုက်ပြထားတာပါ။ ဒီကားက ပထမကားလောက် အဆိပ်မပြင်းပေမဲ့ မူရင်းအငွေ့အသက်တွေ အပြည့်ပါပဲ။ ဖက်ရှင်တွေကတော့ ပြောစရာမလိုအောင် မိုက်တုန်းပဲ။ အန်ဒီနဲ့ အမ်မလီတို့ရဲ့ အချိတ်အဆက်တွေက ကြည့်ရတာ တော်တော်လေး သဘောကျစရာကောင်းတယ်။ ခေတ်သစ် အွန်လိုင်းမီဒီယာ အခက်အခဲတွေကိုပါ ထည့်ရိုက်ထားတာမို့လို့ ဇာတ်လမ်းက အသက်ဝင်ပါတယ်။ နည်းနည်းလေး ဟာတာကတော့ အန်ဒီရဲ့ အချစ်ရေးဇာတ်လမ်း အသစ်လေးက သိပ်ပြီး ဆွဲဆောင်မှုမရှိတာပါပဲ။ ဒါပေမဲ့ အရင်ကားကို ကြိုက်ခဲ့တဲ့ ပရိသတ်တွေအတွက်တော့ ကျေနပ်စရာ ကားကောင်းတစ်ကားပါ။ နာမည်ကြီး ဧည့်သည်သရုပ်ဆောင်များ: ဒီကားထဲမှာ Lady Gaga နဲ့ Donatella Versace တို့က Cameo အနေနဲ့ ပါဝင်သရုပ်ဆောင်ထားပါတယ်။ Lady Gaga ဆိုရင် 70s စတိုင် ဂါဝန်ကြီးဝတ်ပြီး မော်ဒယ်တွေ လမ်းလျှောက်တဲ့အချိန် သီချင်းတောင် ဆိုပြသွားသေးတယ်။ မီရန်ဒါနဲ့ နိုင်ဂျယ်လ် (Nigel) တို့ ပါတဲ့ အခန်းတစ်ခန်းကို အီတလီနိုင်ငံ၊ မီလန်ဖက်ရှင်ဝိခ် (Milan Fashion Week) က တကယ့် Dolce & Gabbana ပွဲမှာ သွားရိုက်ခဲ့တာပါ။ ဒေါ်လာ သန်း ၁၀၀ ပဲ အကုန်ခံရိုက်ခဲ့ပေမဲ့ ရုံတင်ဝင်ငွေ ဒေါ်လာ ၆၈၅.၅ သန်းအထိ ရခဲ့ပြီး ၂၀၂၆ ခုနှစ်ရဲ့ တတိယမြောက် ဝင်ငွေအကောင်းဆုံး ရုပ်ရှင်ဖြစ်ခဲ့ပါတယ်။ အမ်မလီရဲ့ ကောင်လေး Tech-bro အနေနဲ့ Justin Theroux က ပါဝင်ထားပြီး၊ မရန်ဒါရဲ့ လက်ထောက်အသစ် Amari နေရာမှာတော့ Bridgerton မင်းသမီး Simone Ashley က သရုပ်ဆောင်ထားပါတယ်။ ပထမကားကို 20th Century Fox က ထုတ်လုပ်ခဲ့တာဖြစ်ပြီး အခု အဲဒီစတူဒီယိုကို Disney က ဝယ်လိုက်ပြီဖြစ်ပေမဲ့ Runway မဂ္ဂဇင်းရဲ့ အငွေ့အသက်တွေကို မပျောက်ပျက်အောင် အကောင်းဆုံး ထိန်းသိမ်းပြီး ရိုက်ကူးထားနိုင်ခဲ့ပါတယ်။ လက်မလွတ်တမ်းကြည့်ရမဲ့ ဒရာမကားကောင်းတစ်ကားပါပဲ။ File Size… (5.54GB)/(1.70GB) / (958MB) Quality… WEB-DL 4K HEVC /1080p HEVC / 720p Format…mkv / mp4 Duration…1h 59m Genre ….Comedy , Drama Subtitle….Myanmar Subtitle (Hard Sub)

ဒီကာတွန်းဇာတ်ကားလေးမှာတော့ နာမည်ကျော် ဂျိမ်းဘွန်းမင်းသား ပီရာ့စ် ဘရိုစနန်တို့ Moon Knight မင်းသား အော်စကာ အိုင်းဆက်တို့ ပါဝင်ကာ အသံသရုပ်ဆောင်ထားပြီးတော့ IMDb မှာ 7.1/10 နှင့် Rotten Tomatoes မှာ 63% တောင် ရရှိထားပြီး ပူပူနွေးနွေး ထွက်ရှိထားတဲ့ ကာတွန်းကောင်းလေးဖြစ်ပါတယ်။ ဇာတ်လမ်းအကျဉ်း +++++++++++++ ပြဇာတ်ရုံပိုင်ရှင် ချားစ်ဆိုတဲ့ ပုံပြောဆရာက အဆော့မက်ပြီးတော့ ဘုရင်အာသာနဲ့ လက်စွဲတော်မှော်ဝင်အက်စ်ကာလီဘာဓားကို ရူးသွပ်နေတဲ့ သားဖြစ်သူ ဝေါ်တာလေးကို လိမ္မာရေးခြားရှိအောင် ဘုရင်များရဲ့ ဘုရင်ဆိုတဲ့ ပုံပြင်တစ်ပုဒ်ကို ပြောပြရာက အစချီထားပြီးတော့ ဘုရားသား‌တော် ယေရှု ခရစ်တော် (Jesus Chist) မွေးဖွားလာရာကစလို့ သေဆုံးချိန်အထိ ဖြစ်ကြောင်းကုန်စင်ကို စိတ်ဝင်စားဖွယ်ရာ ဗဟုသုတရဖွယ်ရာ ကာတွန်းရုပ်ရှင်အနေနဲ့ ရိုက်ကူးတင်ဆက်ထားခြင်းဖြစ်ပါတယ်။ ခရစ်ယာန်ဘာသာဖြစ်တည်လာတဲ့သမိုင်းကြောင်းကို စိတ်ပါဝင်စားပြီးတော့ အထူးတလည် ရှာမဖတ်ချင်ဘူးဆိုရင် ပုံပြင်ထဲက ပုံပြင်ပုံစံလိုပြောပြထားတဲ့ ဒီကာတွန်းကားလေးကို ကြည့်လိုက်ရုံပါပဲ။ File size… (2.00GB) / (1.12GB) Quality… WEB-DL 1080p HEVC /720p Format…mkv / mp4 Duration….2h 5m Genre …..Animation , Family Subtitle….Myanmar Subtitle (Hard Sub) Encoder….Min Wai Translated by Matteo

Blue Eye Samurai (2023) Nov 3 ကမှ ပူပူနွေးနွေး ထွက်ရှိထားတဲ့ animated series လေးပါ။ Animation ဆိုပေမဲ့ 18နှစ်အထက်မှ ကြည့်ဖို့ သတိပေးချင်ပါတယ်ဗျ.. နာမည်မှာ မြင်တဲ့အတိုင်း ဆာမူရိုင်းသိုင်းကားပါခင်ဗျ။ ဂျပန်ခေတ် Edo Period ကို နောက်ခံထားပြီး သိုင်းကွက်တွေ မြိုင်မြိုင်ဆိုင်ဆိုင်နဲ့ မြင်တွေ့ရပါမယ်။ ဇာတ်ကြောင်းကတော့ ကပြား ဓားသမားတစ်ယောက် ရုပ်ဖျက်ပြီး ငယ်စဉ်က စိတ်ဒဏ်ရာတစ်ခုအတွက် လက်စားချေဖို့ ကြိုးစားတဲ့ ဇာတ်လမ်းမျိုးပါ။ သူဘာလို့ ရုပ်ဖျက်ထားတာလဲ ဘာကို လက်စားချေချင်တာလဲ ဘယ်သူ့ကို လက်စားချေချင်တာလဲ သိရဖို့ အပိုင်း 8 ပိုင်းပါဝင်တဲ့ ဒီစီးရီးကို ကြည့်ရှုပေးကြပါဦးခင်ဗျာ File Size – 1GB / 500MB Quality – 1080p NF WEB DL Duration – 1h 3mins Subtitle – Myanmar Hardsub Format – Mp4 Genre : Action & Adventure, Animation, Drama Translator – CM Team Encoder – Thit San Khant

( စုံထောက်ကြီး ဟာကျူလီ ပွာရိုး နဲ့ ဝိညာဉ်လူသတ်သမား ) ဒီရုပ်ရှင်ကတော့ အဝေးပြေးရထားလူသတ်မှု၊ နိုင်းမြစ်လူသတ်မှု ရုပ်ရှင်တွေအပြီးမှာ ထပ်မံထွက်ရှိလာတဲ့ စုံထောက်ရုပ်ရှင်ပဲ ဖြစ်ပါတယ်။ အရင်ရုပ်ရှင်တွေလိုပဲ ကောင်းပါတယ်။ အပြင်လူမလာနိုင်တဲ့ ပိတ်မိနေတဲ့နေရာတစ်ခုမှာ သံသယရှိသူတွေကို တစ်ယောက်ချင်း စုံစမ်းရပြီး အဖြေရတာမျိုးပါပဲ။ ဒီရုပ်ရှင်ထဲမှာတော့ စုံထောက်ကြီး ပွာရိုးဟာ စုံထောက်အလုပ်ကနေအငြိမ်းစားယူပြီး ဗင်းနစ်မှာ အနားယူနေပါပြီ။ သူ့ဆီကို အမှုလာအပ်တဲ့သူတွေနဲ့အတွေ့မခံချင်လို့ သက်တော်စောင့်တစ်ယောက်တောင် ငှားထားရပါတယ်။ ဒါပေမဲ့ တစ်နေ့မှာတော့ မိတ်ဆွေဟောင်း နာမည်ကျော် စာရေးဆရာမ ရောက်လာပြီး အကူအညီတစ်ခု တောင်းလာပါတော့။ အဲဒါကတော့ နာမည်ကျော် ဝိညာဉ်ဟောဆရာမ (မီရှဲယို) တစ်ယောက်ရဲ့ သရဲခြောက်တဲ့အိမ်ကြီးထဲက ဝိညာဉ်ခေါ်ပွဲကို တက်ပေးဖို့ပါပဲ။ အဲဒီဝိညာဉ်ဟောဆရာမ လုပ်ပြနေတာတွေကို စာရေးဆရာမက ဘယ်လိုမှ လိမ်နေကြောင်းသက်သေမပြနိုင်တာမို့ စုံထောက်ကြီးက ဖော်ထုတ်ပေးဖို့ လာအကူအညီ တောင်းတာပါ။ ဒါပေမဲ့ စုံထောက်ကြီးကိုယ်တိုင် သရဲခြောက်တဲ့အိမ်ကြီးထဲမှာ ပိတ်မိနေပြီး လူသတ်မှုတွေ ဖြစ်ပေါ်လာပါတယ်။ ဖြစ်လာသမျှလူသတ်မှုတွေရဲ့ သက်သေတွေကရဲ့ ဝိညာဉ်၊ သရဲလက်ချက်လို့ပဲ အဖြေထွက်နေတဲ့အခါ... File size… 3.3GB/1.67GB / 652MB Quality…WEB-D 4K, 1080P 5.1CH / 720p Format…mp4 Duration….1h 43m Genre ….. Crime , Drama , Horror Subtitle….Myanmar Subtitle (Hard Sub) Encoder….Min Wai Translated by Mr. Anderson

IMdb Rating (8.5) / Rotten Tomatoes (93%) ဒါရိုက်တာ ခရစ္စတိုဖာနိုလန်ရဲ့ အကောင်းဆုံးရုပ်ရှင်တွေထဲက တစ်ကားဖြစ်တဲ့ အော့ပန်ဟိုင်းမားကို 4K IMAX HDR/SDR Quality တွေနဲ့ တင်ဆက်လိုက်ပါတယ်။ Peaky Blinder ရဲ့ မင်းသား Cillian Murphy က ဒေါက်တာ ဂျေ ရောဘတ် အော့ပန်ဟိုင်းမားအဖြစ် ခေါင်းဆောင်ပါဝင်ထားပြီး၊ နာမည်ကြီးတွေဖြစ်တဲ့ Robert Downey Jr., Emily Blunt, Matt Damon, Rami Malekတို့ အစုံပါဝင်ထားပါတယ်။ ဒီရုပ်ရှင်ဟာ သမိုင်း၊ ဒရာမာ၊ အထ္ထုပ္ပတ္တိ အမျိုးအစားပဲဖြစ်ပါတယ်။ သမိုင်းကို နည်းနည်းလေး ကြားဖူးသူတိုင်းတောင် ဟီရိုရှီးမားနဲ့ နာဂါဆာကီကို ကြားဖူးကြမှာပါ။ ဒီရုပ်ရှင်ထဲက ပုဂ္ဂိုလ်ကတော့ အဲဒီမြို့နှစ်မြို့ကို ကျဲချခဲ့တဲ့ အနုမြူဗုံးကို တီထွင်ခဲ့တဲ့ သူပါပဲ။ သမိုင်းတလျှောက် အကျော်ကြားဆုံးလူတွေထဲကတစ်ယောက်ဖြစ်ပါတယ်။ ဒီရုပ်ရှင်ကို နိုလန်ရဲ့ထုံးစံအတိုင်း အတန်းလိုက်မဟုတ်တဲ့ ဇာတ်ကြောင်းပြောပုံတွေရယ်၊ နောက်ကြောင်းပြန်ပုံတွေရယ်နဲ့ စိတ်ဝင်စားစရာကောင်းအောင်ရိုက်ကူးထားပါတယ်။ အော့ပန်ဟိုင်းမားရဲ့ ကျောင်းသားဘဝ၊ ပါမောက္ခဘဝ၊ ကွန်မြူနစ်နောက်ခံ ဘဝတွေကနေ အမေရိကန်ရဲ့ အကြီးမားဆုံး စီမံကိန်းဖြစ်တဲ့ မန်ဟက်တန်စီမံကိန်းကို လော့စ် အာလာမို့စ်မှာ ဦးဆောင်ခဲ့ရပုံတွေကိုပြသထားပါတယ်။ အနုမြူဗုံးကိုအောင်မြင်စွာဖန်တီးပြီး စစ်နိုင်သွားတဲ့နေရာမှာ ရပ်သွားတာမဟုတ်ဘဲ အဲဒီနောက်ပိုင်းမှာ သမ္မတနဲ့ အစိုးရကိုပါ အတိုက်အခံလုပ်ပြီး အနုမြူလက်နက် ကန့်သတ်ရေးကို လှုပ်ရှားခဲ့တဲ့ဘဝအကြောင်းတွေပါ ပါဝင်ပါတယ်။ ပထမဆုံး အဖြူအမည်း IMAX ရိုက်ချက်တွေကို ဖန်တီးထည့်သွင်းထားသလို ရုပ်ရှင်တစ်ကားလုံးကို CGI မသုံးခဲ့တဲ့အတွက်လည်း နာမည်ကြီးနေပါသေးတယ်။ ပြီးတော့ အော့ပန်ဟိုင်းမားနဲ့ခေတ်ပြိုင် နာမည်ကြီး သိပ္ပံပညာရှင်တွေလည်း အချက်အလက်အသေးစိတ်ထည့်သွင်းထားပါသေးတယ်။ အဲဘတ်အိုင်းစတိုင်း၊ ကာ့ထ်ဂိုဒဲ၊ ရစ်ချက်ဖိုင်းမန်းတို့လို ဇာတ်ကောင်တွေကိုလည်း အသေးစိတ်ဖန်တီးထားပါတယ်။ အတော်ကိုကြည့်ကောင်းတဲ့ ရုပ်ရှင်ပါပဲ။ (4K Quality ကို IMAX Version ကိုမှ ကာလာပိုလှပတဲ့ HDR Version နဲ့ ရိုးရိုး SDR Version ၂ ခုစလုံးတင်ဆက်ပေးထားပါတယ်။ HDR ကိုတော့ HDR Play နိုင်တဲ့ ခေတ်ပေါ် Device များမှာသာ ကြည့်ရှုလို့ရမှာဖြစ်ပြီး SDR ကတော့ ဘာနဲ့ကြည့်ကြည့်ရပါတယ်ခင်ဗျာ။) File size… (5.8 GB)/ (10 GB) /(2.35 GB) /  (1.05 GB) Quality… BluRay  4K HDR/SDR /1080p / 720p Format… mkv/mp4 Duration…. 3 hr Genre .....  Drama, History Subtitle…. Myanmar Subtitle (Hard Sub) Encoder…. Thit San Khant,Ka Naung Translated by Mr. Anderson

"မိန်းက​လေးဆိုတာ မီးသတ်သမားလုပ်လို့ မရဘူး​လေ" "အဲ့ဒါက စည်းမျဥ်းနဲ့ မညီဘူး" အဲ့စကား​လေး​တွေက အ​ဖေတစ်​ယောက်က မီးသတ်သမားသိပ်ဖြစ်ချင်တဲ့ သူ့သမီးကို ​ပြောလိုက်တဲ့ စကားပါ။ ​ဘယ်လိုပဲ ကျားမတန်းတူအခွင့်အ​ရေးလို့ ​ပြော​နေကြပါ​စေ လူ​တွေရဲ့ စိတ်ထဲမှာ အမျိုးသမီး​တွေဆိုရင် အားနည်းတယ်လို့ ​မြင်​နေကြသလို အလုပ်ခွင်မှာလည်း တန်းတူအခွင့်အ​ရေး ရတာနည်းပါတယ်။ ဒီ ကာတွန်းကား​လေးက​တော့ မိန်းက​လေး​တွေလည်း မီးသတ်သမားလို သက်စွန့်စံဖျား အလုပ်​တွေမှာ ရဲဝံ့စွာ လုပ်နိုင်​ကြောင်း မီး​မောင်းထိုး ရိုက်ကူးပြထားပါတယ်။ ဇာတ်လမ်းအကျဥ်း​လေးက​တော့ ဖခင်ဖြစ်သူ မီးသတ်သမား​ဟောင်းကို အားကျတဲ့ သမီး​လေးက ငယ်ငယ်ကတည်းက ဖခင်လို မီးသတ်သမားကြီးလုပ်ပြီး လူ​တွေရဲ့ အသက်ကို ကယ်တင်ချင်သူပါ။ ဒါ​ပေမယ့် မိန်းက​လေးဖြစ်​နေခဲ့​တော့ သူ့အိပ်မက်​တွေကို ​ဘေးချိတ်ထားခဲ့ရပါတယ်။ ဒါ​ပေမယ့် တစ်ရက်မှာ​တော့ မြို့​တော်မှာ ထူးဆန်းတဲ့ မီး​လောင်မှု​တွေ​ ဆက်တိုက်ဖြစ်လာပြီး မီးသတ်သမား​​တွေ တစ်​ယောက်ပြီးတစ်​ယောက် ​​​ပျောက်ခြင်းမလှ ပျောက်ဆုံးကုန်တဲ့အခါ...... မင်းသမီးနဲ့ သူ့အ​ဖေတို့ ဘာ​တွေဆက်ဖြစ်ကြမလဲ..... အိပ်မက်​တွေက တကယ်ပဲခက်ခဲသလား.... အိပ်မက်​တွေ အ​ကောင်အထည်​​ပေါ်လာနိုင်မလား.....ဆိုတာ ဇာတ်ကား​လေးမှာပဲ ဆက်လက် ကြည့်ရှုအား​ပေးလိုက်ရ​အောင်.......။ ၁၉၈၂ ခုနှစ်မှာမှ နယူးယောက်မြို့ရဲ့ ပထမဆုံးအမျိုးသမီး မီးသတ်သမားရှိလာတဲ့ အကြောင်းကို ဂုဏ်ပြုရိုက်ကူးထားတဲ့ ကားလေးဆိုလည်း မမှားပါဘူး။ က​လေး​တွေပဲဖြစ်ဖြစ် မိဘ​တွေပဲဖြစ်ဖြစ် ကြည့်သင့်တဲ့ ပညာ​ပေးကာတွန်းကား​လေးဖြစ်လို့ လက်လွတ်မခံဘဲ အား​ပေးကြပါဦးလို့ တိုက်တွန်းပါရ​စေ။ ဇာတ်လမ်းအညွှန်းကို Richard Wai က​ရေး​ပေးထားပြီး ဘာသာပြန်​ပေးထားတာက​တော့ Richard Wai, Thuu Thuu, Milkeux, Khaing Khin တို့ပဲ ဖြစ်ပါတယ်။ Genre.....Adventure, Animation, Comedy Quality….WEB-DL 1080p and 720p File size…1.6GB, 806MB and 276MB Format…mp4 Duration….1h 32min Subtitle….Myanmar Subtitle (Hardsub) Translator ..... Richard Wai, Thuu Thuu, Milkeux, Khaing Khin Encoder ..... August

နိုင်းမြစ်ထဲက သင်္ဘောကြီးတစ်စီးပေါ်မှာ လူသတ်မှုဖြစ်လာပြီး စုံထောက်ကြီး ဟာကျူလီ ပွာရိုးနဲ့ ဘုခ်တို့ အမှုလိုက်ကြရပါတယ်။ တရားခံဟာ သင်္ဘောပေါ်က ခရီးသည်တွေထဲမှာပဲ ရှိနေတာမို့ တစ်ယောက်ချင်းစီကို စစ်မေးပြီး ရလာတဲ့သဲလွန်စတွေကို ဆက်စပ်ဖော်ထုတ်ရတော့တယ်။ Murder on the Orient Express ရဲ့ နောက်ဆက်တွဲဖြစ်တဲ့ ဒီရုပ်ရှင်မှာ ဘယ်သူအသတ်ခံရမလဲဆိုတာကစလို့ ဘာကြောင့်သတ်တာလဲ၊ ဘယ်သူက ဘယ်လိုသတ်ခဲ့တာလဲအထိ မေးခွန်းတွေ တစ်ခုပြီးတစ်ခု ပေါ်လာပါတယ်။ နာမည်ကျော်သရုပ်ဆောင်များစွာ ပါဝင်ထားပြီး အမှုရဲ့အဖြေတွေကို နောက်ဆုံးပိုင်းရောက်မှ ရှင်းပြထားတာဖြစ်လို့ စုံစမ်းမှုတစ်လျှောက် သဲလွန်စတွေနဲ့အတူ လိုက်ခန့်မှန်းရမှာပါ။

Inception နဲ့ Interstellar တို့ကို ရိုက်ကူးခဲ့တဲ့ ခရစ္စတိုဖာနိုလန်ရဲ့ Tenet ဟာ အချိန်လမ်းကြောင်းကို ပြောင်းပြန်သွားခြင်းဆိုတဲ့ စိတ်ကူးနဲ့ တည်ဆောက်ထားတဲ့ သိပ္ပံစိတ်ကူးယဉ် အက်ရှင်ရုပ်ရှင်ပါ။ လူတွေနဲ့ အရာဝတ္ထုတွေဟာ ပုံမှန်အားဖြင့် အချိန်နဲ့အတူ ရှေ့ကို ဆက်သွားနေကြပါတယ်။ ဥပမာ ၇ နာရီမှာ ရှိနေတဲ့လူတစ်ယောက်ဟာ ဆယ်မိနစ်ကြာရင် ၇ နာရီ ၁၀ မိနစ်ကို ရောက်လာမှာပါ။ အချိန်နဲ့ဆန့်ကျင်ဘက်ကို သွားနေရင်တော့ ၇ နာရီကနေ ဆယ်မိနစ်ကြာတဲ့အခါ ၆ နာရီ ၅၀ မိနစ်ကို ရောက်သွားမယ်ဆိုတဲ့ သဘောဖြစ်ပါတယ်။ ဒီလိုပြောင်းပြန်ဖြစ်နေတဲ့ အခြေအနေမှာ အကျိုးသက်ရောက်မှုကို အရင်တွေ့ရပြီး အကြောင်းရင်းက နောက်မှ ပေါ်လာနိုင်ပါတယ်။ နံရံမှာ မြုပ်နေတဲ့ ကျည်ဆံတစ်တောင့်က သေနတ်ထဲကို ပြန်ဝင်သွားတာမျိုးပါ။ လူတစ်ယောက်က အချိန်ပြောင်းပြန်သွားနေရင်တော့ ပစ္စည်းတွေလို မလွယ်ဘဲ အသက်ရှူတာ၊ မြင်တာ၊ ကြားတာတွေ ပုံမှန်မဖြစ်နိုင်ဘူးလို့ မူရင်းမိတ်ဆက်စာက ရှင်းပြထားပါတယ်။ အတိတ်နဲ့ အနာဂတ်ကြား ပစ္စည်းပို့နိုင်ပုံကိုလည်း ဥပမာတစ်ခုနဲ့ ရှင်းထားတယ်။ ပစ္စည်းတစ်ခုကို ၂၀၂၀ နိုဝင်ဘာ ၃၀ ရက် မနက် ၉ နာရီမှာ မြေမြှုပ်ထားတယ်ဆိုပါစို့။ ၂၀၅၀ ခုနှစ်မှာ တစ်ယောက်ယောက်က အဲဒီပစ္စည်းကို တူးယူပြီး အချိန်ပြောင်းပြန်သွားနိုင်အောင် လုပ်ကာ မူလနေရာမှာ ပြန်မြှုပ်လိုက်မယ်ဆိုရင် ပစ္စည်းက အတိတ်ဘက်ကို ရွေ့လာနိုင်မယ်ဆိုတဲ့ စိတ်ကူးပါ။ အဲဒီသဘောအရ ၂၀၂၀ ခုနှစ်ကလူဟာ မူလအချိန်မှာပဲ နှစ်သုံးဆယ်ခန့် အနာဂတ်က ပြန်လာတဲ့ပစ္စည်းကို တူးယူနိုင်မလား၊ ဒီနည်းနဲ့ အချိန်ကာလနှစ်ခုကြား သတင်းစကားပါးနိုင်မလားဆိုတာကို တွေးကြည့်နိုင်ပါတယ်။ မူရင်းက ဆက်ရှင်းထားတဲ့ အယူအဆတစ်ခုက Grandfather paradox လို့ခေါ်တဲ့ အဘိုးဝိရောဓိပါ။ လူတစ်ယောက် အတိတ်ပြန်သွားပြီး ကိုယ့်အဘိုးကို သတ်လိုက်ရင် ကိုယ်တိုင်လည်း မွေးလာနိုင်တော့မှာ မဟုတ်ပါဘူး။ မွေးမလာခဲ့ရင် အတိတ်ကိုပြန်ပြီး အဘိုးကိုသတ်မယ့်သူလည်း ရှိနိုင်တော့မှာ မဟုတ်ဘူး။ ဒီလို အကြောင်းနဲ့အကျိုး ပြန်ငြိနေတဲ့ ပြဿနာကို Tenet ရဲ့ အချိန်ဆိုင်ရာစိတ်ကူးတွေနဲ့ တွဲစဉ်းစားဖို့ မိတ်ဆက်ထားပါတယ်။ အတိတ်ကို ပြောင်းလဲနိုင်ခဲ့ရင် ရလဒ်မတူတဲ့ အချိန်လမ်းကြောင်းတွေ ကွဲထွက်လာနိုင်မလား၊ စကြဝဠာအမျိုးမျိုး တည်ရှိလာနိုင်မလားဆိုတာကလည်း မူရင်းမှာ အဖြေသတ်မှတ်မထားတဲ့ မေးခွန်းတွေပါ။

Marvel Cinematic Universe: Phase Three ကတော့ MCU ရဲ့ အကောင်းဆုံးအစိတ်အပိုင်းလို့ဆိုရတဲ့အထိ လူကြိုက်များပြီး ထောင့်စေ့ခဲ့ပါတယ်။Phase 3 မှာတော့ Infinity Stone ခေါ် စကြာဝဠာကျောက်တုံး(၆) တုံးနဲ့ စကြာဝဠာလူကြမ်းကြီး သားနို့စ်နဲ့ မျက်နှာချင်းဆိုင်ဖိုက်ကြတဲ့အထိ ကြမ်းကုန်ကြပါပြီ။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 3 မှာတော့ ရုပ်ရှင် ၁၁ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Captain America: Civil War (2016) Doctor Strange (2016) Guardians of the Galaxy Vol. 2 (2017) Spider-Man: Homecoming (2017) Thor: Ragnarok (2017) Black Panther (2018) Avengers: Infinity War (2018) Ant-Man and the Wasp (2018) Captain Marvel (2019) Avengers: Endgame (2019) Spider-Man: Far From Home (2019) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Avengers: Infinity War (2018) IMDb Raing (8.4) / Rotten Tomatoes (85%) "Avengers: Infinity War" သည် MCU Phase 3 ရဲ့ ၇ ကားမြောက် ဇာတ်ကားဖြစ်ပြီး၊ 10 နှစ်တာ MCU ဇာတ်လမ်းတွဲရဲ့ အထွတ်အထိပ်အဖြစ် စကြဝဠာလူကြမ်းကြီး Thanos နဲ့ Avengers တို့ ထိပ်တိုက်ရင်ဆိုင်တိုက်ပွဲကို ဖော်ပြထားပါတယ်။ Infinity Stones အားလုံးကို Thanos က စုဆောင်းပြီး စကြဝဠာ့လူဦးရေတစ်ဝက်ကို ဖျက်ဆီးပစ်မယ့် အကြံအစည်ကို Avengers တွေက တားဆီးနိုင်ပါ့မလားဆိုတာကြည့်ကြရမှာပါ။ Budget $325-400 million ကုန်ကျခဲ့ပြီး Box office ဝင်ငွေ $2.052 billion ထိပြန်လည်ရရှိခဲ့တာကြောင့် 2 Billion ကျော်သွားတဲ့ ပထမဆုံး MCU ဇာတ်ကားဖြစ်လာပါတယ်။ ကြုံလို့ MCU ရဲ့ Infinity Stones အကြောင်းတွေနဲ့ MCU အကြောင်းကို အကြမ်းဖျဉ်းမိတ်ဆက်ပေးခဲ့ပါမယ်။ Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေပါတယ်။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ File size…(8.2 GB)/ (3.6 GB )/(2.2 GB) Quality…WEB-DL IMAX 4K HEVC/ 1080p HEVC / 720p Format…mkv/mp4 Duration….02:30:00 Subtitle….Myanmar Subtitle (Hardsub) Encoder….Ka Naung Translated by Littleneo

IMDb - 6.5/10 Rotten - 61% စာရေးဆရာမ အဂါသာ ခရစ္စတီးရဲ့ ၁၉၃၄ တုန်းက နာမည်ကျော်ဝတ္ထုကို အခြေခံပြီး ဒါရိုက်တာကဲနက်ဘရာနက် က ရိုက်ကူးထားတာပါ။ ၁၉၃၄ ဆောင်းရာသီကာလ မြင်ကွင်းနဲ့အတူ နာမည်ကျော် ဘယ်လ်ဂျီယံစုံထောက် ဟာဂျူလီပွိုင်ရော့တ်ဟာ ဂျေရုဆလင်က ခိုးမှုတစ်ခုကို ဖော်ထုတ်ပြီးနောက် ခရီးသွားပြီးအပန်းဖြေဖို့ စီစဉ်ခဲ့ပါတယ်။အဲဒါနဲ့ အစ္စတန်ဘူလ်ကို သွားခဲ့ပြီးOrient Express ရထားကုမ္ပဏီ ဒါရိုက်တာ သူ့မိတ်ဆွေဘော့နဲ့ တွေ့ဆုံခဲ့ပါတယ်။ လန်ဒန်ကနေ သံကြိုးစာရတဲ့အတွက် ပွိုင်ရော့တ်တစ် ယောက်ဘော့စီစဉ်ပေးတဲ့ရထား ခရီးစဉ်နဲ့ အရေးပေါ်အိမ်ပြန်ဖို့ ဖြစ်ခဲ့ပါတယ်။ အဲဒီနောက်ပွိုင် ရော့တ်ကို ဆမ်မြူရယ်ရက်ချက် ဆိုတဲ့ အမေရိကန်သူဌေးတစ် ယောက်က သုံးရက်တာ ရထား ခရီးစဉ်အတွင်းမှာ သက်တော် စောင့်လုပ်ဖို့ကမ်းလှမ်းခဲ့ပါတယ်။ အမည်မသိပါတီတစ်ခုရဲ့ အသက်အန္တရာယ်ခြိမ်းခြောက်စာပို့ခံရတဲ့ အတွက် ပွိုင်ရော့တ်ကိုငှားတာ ဖြစ်ပေမယ့် ပွိုင်ရော့တ်ကလက် မခံခဲ့ပါဘူး။ နောက်တစ်နေ့ မနက်မှာ တော့ မစ္စတာဆမ်မြူရယ်ဟာ ဓားနဲ့အချက်ပေါင်းများစွာ အထိုး ခံရပြီး အသတ်ခံရတာကြောင့် ပွိုင်ရော့တ်ဟာဘော့နဲ့အတူ စုံစမ်းဖော်ထုတ်ဖို့လုပ်ခဲ့ပါတယ်။ အခင်းဖြစ်တဲ့နေရာက သဲလွန်စတွေ၊ သက်သေတွေရဲ့ ထွက်ဆိုချက်အရ အမျိုးသားတစ် ယောက်က ဆမ်မြူရယ်ကို သတ်သွားခဲ့တာဖြစ်ပြီး ဆမ်မြူရယ်ဟာလည်း လူသတ်မှုတစ်ခုကို ကျူးလွန်ပြီး နာမည်ပြောင်းလဲနေ ထိုင်သူတစ်ယောက်ဖြစ်တယ်ဆို တာကိုပါ သိခဲ့ကြပါတယ်။ သို့လောသို့လောအခြေအ နေတွေနဲ့အတူ သဲလွန်စတွေကိုဆက်စပ်ရင်း မသင်္ကာစရာတွေ များနေတဲ့ ဆမ်မြူရယ်ရဲ့လူသတ် မှုကို ပွိုင်ရော့တ်တစ်ယောက် ဘယ်လိုနည်းနဲ့ ဖော်ထုတ်မှာလဲ ဆိုတာကို ဆက်ကြည့်ရအောင်လို့ ဖော်ပြလိုက်ပါတယ်။ ဒီဇာတ်ကားမှာ ကဲနက်ဘရာ နက်၊ တော်မ်ဘိတ်မန်း၊ ပန်နီလိုပီခရုဇ်၊ ဝီလျံဒါဖိုး၊ ဂျော်နီဒက်ပ်စတဲ့သရုပ်ဆောင်များစွာ ပါဝင် ထားကြပါတယ်။ (ဇာတ်လမ်းအညွှန်းကို 7daily Website မှကူးယူဖော်ပြသည်) File Size : (3.7 GB) / (1 GB)/ (952 MB) Quality : Blu-Ray 4K HEVC /1080p HEVC/ 720p Running Time : 1hr 54min Format : Mp4 Genre :Crime, Drama, Mystery Subtitle : Myanmar Subtitle (Hard Sub) Translated by Lex Luthor Encoded by Thanhtike Zaw,Nyeinsaeya Aung

Dunkirk (2017) IMDb Rating (7.9) / Rotten Tomatoes (92%) စစ်ပွဲတွေကိုရုပ်ရှင်ရိုက်ပြပြီး စစ်ကိုမုန်းတီးအောင်လုပ်ဖို့ဆိုတာသိပ်တော့လွယ်တဲ့အလုပ်မဟုတ်ပါဘူး။ Imitation Game ရုပ်ရှင်ဇာတ်ကားထဲက ဇာတ်ကောင် Alan Turing စကားကိုပြန်ပြောပါရစေ “You know why people like violence? Because it’s feel good’’လူတော်တော်များများက စစ်ပွဲနောက်ခံရုပ်ရှင်တွေဆို တိုက်ပွဲခပ်ကြီးကြီး လူသေအလောင်းတွေခပ်များများပါမှ သဘောကျတတ်တာများပါတယ်။တကယ်တော့စစ်ဆိုတာ ရုပ်ရှင်ကြည့်လို့ စာအုပ်ဖတ်လို့ စကားအဖြစ်ပြောလို့ပဲကောင်းတာရယ်။တကယ်တမ်းစစ်ဆိုတာဖြစ်လာရင်နိုင်တဲ့ဘက်ရော ရှုံးတဲ့ဘက်ရော ကြားနေတဲ့အဖွဲ့ရော အကုန်ထိခိုက်ရတာပဲမဟုတ်လား။ Christopher Nolan ကို ရုပ်ရှင်အကြောင်းသာမန်တီးမိခေါက်မိတဲ့ သူတွေတောင်သိပါလိမ့် မယ်။21 st century ရဲ့ အကောင်းဆုံး Director အဖြစ်စာရင်းပေါက်တဲ့ အပြင် သမိုင်းတစ်လျောက်အကျိုးအမြတ်အများဆုံး ရရှိဖူးတဲ့ Director တွေထဲကတစ်ယောက်ပါ။သူ့ကိုတော်တော်များများက နာမည်ကျော် Superhero Batman ရုပ်ရှင် The Dark Knight Trilogy နဲ့တွဲသိကြမယ်ထင်ပါတယ်။ ရိုက်ခဲ့သမျှရုပ်ရှင်အားလုံးနီးပါး IMDB rating 8/10 ကျော်တဲ့ထဲပါပါတယ်။သူရိုက်ခဲ့ရုပ်ရှင်တွေက Sci-fi,Thriller,superhero,etc… Genre တော်တော်စုံခဲ့ပြီပြောလို့ရပါတယ်။Dunkirk ကတော့သူ့ရဲ့ပထမဆုံး စစ်ပွဲနောက်ခံ ရုပ်ရှင်ပါ။ Dunkirk ဆိုတာ ပြင်သစ်မှာရှိတဲ့ကမ်းခြေတစ်ခုပါ။ဒုတိယကမ္ဘာစစ်အစပိုင်းမှာ ဟစ်တလာရဲ့ ဂျာမနီ တပ်တွေဟာပြင်သစ်နဲ အင်္ဂလိပ်တပ်တွေကို Dunkirk ကမ်းခြေမှာချောင်ပိတ်ထားနိုင်ခဲ့ပါတယ်။ ရေလက်ကြားခံပြီး ကယ်စရာသင်္ဘော မရှိတာကြောင့် မဟာမိတ်စစ်သား 400000 လောက်ဟာ ကူရာကယ်ရာမယ့်နေတဲ့အခြေအနေပါ။အဲ့လိုအခြေအနေကို ဗြိတိန်ဘက်ကမ်းက ရှိသမျှ အရပ်သား ငါးဖမ်းသင်္ဘောတွေ၊အသက်ကယ်လှေတွေ၊ ရွက်လှေတွေ ပါသုံးပြီ;စစ်သား လေးသိန်းနီးပါးကိုကယ်ထုတ်နိုင်ခဲ့ပါတယ်။တကယ်လို့သာ Dunkirk မှာဒီတပ်တွေ အကုန်ကုန်သွားရင် သမိုင်းဟာနောက်တစ်မျိုးပြောင်းလဲသွားစရာရှိပါတယ်၊မျှော်လင့်ချက်မဲ့နေတဲ့ အနေအထားကနေ မယုံနိုင်စရာကောင်းလောက်အောင်အောင်အောင်မြင်မြင် ဆုတ်ခွာနိုင်ခဲ့တာဟာ ဗြိတိန်တပ်တွေရဲ့စိတ်ဓာတ်ပိုင်းကိုအများကြီးသက်ရောက်ခဲ့ပါတယ်။ဗြိတိန်တပ်တွေကိုကယ်ထုတ်နေချိန်မှာ ပြင်သစ်တပ်တွေဟာ အင်္ဂလိပ်တွေ ကယ်ထုတ်ဖို့အချိန်ပိုရအောင်သူတို့အတွက် လွတ်ဖို့မျှော်လင့်ချက်မရှိတဲ့ တိုက်ပွဲကိုတိုက်ပေးခဲ့ပါတယ်။Dunkirk ရဲ့ကံကောင်းမှုတစ်ခုက ဟစ်တလာ ရဲ့ ရူးကြောင်ကြောင်ဆုံးဖြတ်ချက်ပါ ။ ပြင်သစ်ကိုသိမ်းပြီးသူ့ရဲ့ဥရောပ က နောက်ဆုံးရန်သူဗြိတိန်ရဲ့ တပ်မတော်တစ်ခုလုံးနီးပါးကို ကမ်းခြေတစ်ခုမှာ ချောင်ပိတ်ထားနိုင်တယ်၊ရန်သူစစ်သားတွေရဲ့စိတ်ဓာတ်က လုံးဝထိုးကျနေပြီ၊ဒီအချိန်မှာသူက ထိုးစစ်ဆင်နေတဲ့ ဂျာမနီ တပ်မတော်ကို အနားယူဖို့ အင်အားပြန်ဖြည့်ဖို့ အမိန့်ပေးခဲ့ပါတယ်။ဒါက ကျွန်တော်သိသလောက် Dunkirk ရဲ့တကယ့် သမိုင်းပါ။ Nolan ကတော့ သူ့ထုံးစံအတိုင်း ဇာတ်ကားကို တစ်သတ်မတ်တည်းမသွားပဲ Timeline ကစားထားပါတယ်။ပြောချင်တာ တစ်ခုက သူ့ ရုပ်ရှင်မှာ စစ်ရဲ့ အနိဋ္ဌာရုံတွေ ကို သွေးသံတရဲရဲ ကြောက်စရာကောင်းအောင်ပြမယ့်အစားစစ်သားငယ်ငယ်လေးတွေရဲ့ မျှော်လင့်ချက်မဲ့မျက်နှာတွေ ဆောင်းသူမဲ့ ဦးထုပ်တွေ ကမ်းခြေမှာပုံထားတာတွေစတဲ့ နမိတ်ပုံတွေပဲသုံးထားပါတယ်။ကျွန်တော့်အမြင်အရတော့ ဒါမျိူးတွေမြင်ရတာပိုပြီးစိတ်ထိခိုက်စရာကောင်းပါတယ်။ပုန်းစရာမရှိ ကွယ်စရာမရှိ ဟင်းလင်းပြင်ကြီးထဲမှာ လေယာဉ်တွေ ဗုံးလာကြဲတာမြင်ရတာ တော်တော်ကြီးစိတ်ဓာတ်ကျစရာ ပါ။ပိတ်ကားကိုကြည့်နေရတဲ့ကိုယ်တောင်စိတ်ဓာတ်ကျလာရင် တကယ်ရင်ဆိုင်ခဲ့ရတဲ့ စစ်သားတွေအတွက်တော့ ဘယ်တော့မှပြန်မရချင်တဲ့အတွေ့အကြုံပါပဲ။Nolan ကဒီ Feeling ကိုအတိအကျခံစားရအောင်ရိုက်ပြနိုင်ပါတယ်။ဇာတ်လမ်းပိုင်းကတော့ တကယ်ဖြစ်ခဲ့တဲ့ ဖြစ်ရပ်တစ်ခုကိုရိုက်ပြတာဖြစ်တာဆိုတော့ သိပ်ပြီးတော့ remarkable ဖြစ်လောက်တဲ့ဇာတ်ကားတော့မဟုတ်ပါဘူး။ဒါပေမယ့် ရိုက်တဲ့ သူက Christopher Nolan ဆိုတော့ကား ဇာတ်လမ်းရဲ့ Timeline ကို သေချာသိဖို့ နာရီဝက်လောက်ကြာလိုက်ပါတယ်။ ဒီဇာတ်ကားမှာအကြိုက်ဆုံးဇာတ်ကောင်ပြောရရင် Tom Hardy ပါ။မျက်လုံးပဲဖော်ခွင့်ရတဲ့ Pilot နေရာကနေသရုပ်ဆောင်သွားပြီး Emotion ကိုမြင်နေရတာ မယုံနိုင်စရာပါ။ နောက် Harry Style၊ MTV တွေမှာ သရုပ်ဆောင်မကောင်းသလောက်ဒီကားမှာတော့ ဝေဖန်ရေးတွေ ဝိုင်းချီးကျူးလောက်အောင် ကောင်းခဲ့ပါတယ်။ဒါကကျွန်တော်အကြိုက်ဆုံးနှစ်ယောက် ကိုပြောပြတာကျန်တဲ့သူတွေလဲတစ်ခန်းဆိုတစ်ခန်းလောက်ကို ပညာပြခဲ့ကြပါတယ်။သွေးထွက်သံယိုမပါတဲ့ စစ်ကား၊စစ်ကိုမုန်းသွားစေမယ့် စစ်ကား တစ်ကားပါ။ဝုန်းဒိုင်းကြဲ မှကြည့်တတ်ပြီး ပစ်ခန်းခတ်ခန်း မပါရင် မကြည့်တတ်တဲ့ သူတွေအတွက်တော့ ပျင်းစရာဖြစ်ပါလိမ့်မယ်။ When 400,000 men couldn't get home, home came for them.စစ်သားအယောက် လေးသိန်းအိမ်မပြန်နိုင်တဲ့အခါ အိမ်ကသူတို့ဆီ ရောက်လာပါတယ် ဂေါ့ဒ်အော့ဖ် မိုးရှင်းပစ်ချား ခရစ်စတိုဖာနိုလန်ရဲ့ နောက်ထပ် မိုင်းဘလုန်းမဖြစ်တဲ့ မိုင်းဘလုန်းစစ်ကားတစ်တကားပါ.. (ရုပ်ရှင်အညွှန်းကို  Bombe Digital Solutions FB Page  မှကူးယူဖော်ပြပါသည်။) File size…(7.8 GB )/(2.6 GB)/ (1.5 GB) Quality….BluRay IMAX 4K HEVC/1080p HEVC / 720p Format…mkv/mp4 Duration….01:46:38 Subtitle….Myanmar Subtitle (Hardsub) Encoder….Ka Naung

Jack Ryan, as a young covert CIA analyst, uncovers a Russian plot to crash the U.S. economy with a terrorist attack. File Size : (850 MB) Quality : Blu-Ray 720p Running Time : 1hr 45min Format : Mp4 Genre : Action, Drama, Thriller Subtitle : Myanmar Subtitle (Hard Sub) Source : 720p.BluRay.x264-SPARKS Translated by Myat Noe Wutt Yi Encoded by Thanhtike Zaw

My Week with Marilyn (2011) ~ IMDb - 6.9/10, Rotten Tomatoes - 83% ~ ဒီရုပ်ရှင်ကို ကောလင်းကလတ်ရေးတဲ့ The Prince, The Showgirl and Me နဲ့ My Week with Marilyn ဆိုတဲ့ ဒိုင်ယာရီစာအုပ်နှစ်အုပ်ကနေ ရိုက်ထားတာ။ The Prince and the Showgirl (1957) ကို မာရီလင်မွန်ရိုးနဲ့ လောရန့်အိုလီဗာတို့ ရိုက်ခဲ့ကြတုန်းက အကြောင်းပေါ့။ ဒီဇာတ်လမ်းကို သူ့ခေါင်းစဉ်အတိုင်းပဲ စာရေးဆရာ ကောလင်းကလတ်ရဲ့ ရှုထောင့်ကနေပဲ ပုံဖော်ထားတယ်။ ဒီဇာတ်လမ်းရဲ့ အဓိကက ကောလင်းလို့ပြောလို့ရပေမဲ့ သူက ဒီဇာတ်လမ်းထဲ အားကောင်းလှတဲ့ ဇာတ်ကောင်တော့ မဟုတ်နေဘူး။ သူက မွန်ရိုးကိုချစ်မိတဲ့ တတိယအဆင့်လက်ထောက်ဒါရိုက်တာနေရာက သူ့အမြင်ကို ဖော်ပြသွားရုံပဲ။ ဒီဇာတ်လမ်းရဲ့ အားအကောင်းဆုံး ဇာတ်ကောင်၂ကောင်ကတော့ မွန်ရိုးနဲ့ ဆာလောရန့်ပါပဲ။ မွန်ရိုးဘယ်သူလဲတော့ ဘယ်သူမှ ရေခင်းပြစရာမလိုပါဘူး။ ဆာလောရန့်ကလည်း ခေသူတော့မဟုတ်ပါဘူး။ အော်စကာလေးဆုနဲ့ တခြား ရွှေကမ္ဘာလုံးဆုတွေ ဘာတွေ အစုံရထားဖူးတဲ့ဘဲပါ။ သူယူထားတဲ့မိန်းမဆိုလည်း လေရူးသုန်သုန်ရုပ်ရှင်ထဲက မင်းသမီး Vivien Leigh... ဆာလောရန့်က ဒါရိုက်တာလုပ် မင်းသားလည်းလုပ်ပြီး The Prince and the Showgirl ကို ရိုက်ဖို့လုပ်တယ်။ မာရီလင်မွန်ရိုးနဲ့ဆို အရာရာအဆင်ပြေမယ်လို့ သူမျှော်လင့်ခဲ့တာပေါ့။ တကယ်တမ်းကျ မွန်ရိုးနဲ့ ရိုက်ကာမှပဲ သူ့ဆီမှာ ခေါင်းအစားဆုံးအခြေအနေတွေဖြစ်လာတယ်။ ဇာတ်အရတော့ မာရီလင်မွန်ရိုးကို အဲဒီခေတ်ကတည်းက အခမ်းနားဆုံးမင်းသမီးလို့ လက်ခံထားကြပြီးသား၊ ဒါပေမဲ့ ခေတ်တစ်ခေတ်ရဲ့ အခမ်းနားဆုံး မင်းသမီးဖြစ်နေပေမဲ့လည်း မာရီလင်မွန်ရိုးမှာ မိန်းမဆန်တဲ့စိတ်က အပြည့်ရှိနေတယ်။ အားငယ်တတ် သံသယများတတ် အချစ်ခံချင် မျက်ရည်လွယ် စိတ်ဓာတ်ကျလွယ် စိတ်ပျော်လွယ် ဆိုတဲ့ အချက်တွေလို့ပဲ ယေဘုယျထားပါတော့...။ သာမန်မိန်းမတစ်ယောက်အတွက်တောင် ဒီအရာတွေက သူ့စိတ်ကို ဒုက္ခပေးနိုင်တဲ့ နှုန်းမြင့်တယ်။ မာရီလွန်မွန်ရိုးဟာ သူ့ခေတ်ရဲ့ ဟိုးထိပ်ဆုံးကလူဖြစ်သလို လုပ်နေတဲ့အလုပ်ကလည်း မြင့်တက်ဖို့ခက်ပေမဲ့ ပြုတ်ကျဖို့လွယ်တဲ့ သရုပ်ဆောင်အလုပ်။ ဒီအလုပ်နဲ့ ဒီလောက်မိန်းမဆန်ခြင်း အပြည့်ရှိနေတဲ့ မာရီလင်မွန်ရိုး ဘယ်လောက်တောင် ဒုက္ခများမလဲ တွေးကြည့်လို့ရတယ်။ ဆာလောရန့်အတွက်လည်း ဒုက္ခတော်တော်များခဲ့တယ်။ သူက ဒါရိုက်တာဆိုတော့ ရိုက်ကွင်းထဲ မင်းသမီးလုပ်သမျှတွေက သူ့ကိုရိုက်ခတ်နေတာကိုး။ အားလုံးကတော့ မာရီလင်မွန်ရိုးကို စတားဆိုတဲ့ စိတ်နဲ့ ခွင့်လွှတ်ပေးလို့ရနေပေမဲ့ ဆာလောရန့်ကိုယ်တိုင်ကလည်း သူ့ခေတ်ရဲ့စတားဆိုတော့ မာနတော့ရှိသေးတယ်။ ဒီတော့ မွန်ရိုးအပေါ် သူက ခက်ထန်တယ်။ အဲဒီလိုခက်ထန်လေ မွန်ရိုးဘက်က အခြေအနေပိုဆိုးလာလေနဲ့ ရုပ်ရှင်ရိုက်ဖို့က တော်တော်လေး ဂျာအေးသူ့အမေရိုက်နေခဲ့တယ်။ ဒီလိုနဲ့ ဆာလောရန့်ခန့်ထားတဲ့ တတိယလက်ထောက်ဒါရိုက်တာ ကောလင်းက ဒီနှစ်ယောက်ကြား ပေါင်းကူးပေးဖို့ဖြစ်လာတယ်။ သူက ဒီ၂ယောက်ကြားက အခြေအနေကို ကောင်းကောင်းနားလည်သလို မွန်ရိုးကိုလည်း ချစ်မိသွားတဲ့လူဆိုတော့ သူက မွန်ရိုးကို ကောင်းကောင်းနားလည်ပေးပြီး ပေါင်းကူးပေးနိုင်ခဲ့တယ်။ စိတ်ပျော့တဲ့ မွန်ရိုးနဲ့ ခုမှ လူလားစမြောက်တဲ့ သူနဲ့ကြားလည်း အချစ်ဇာတ်လမ်းတစ်ပုဒ်ဖြစ်လာခဲ့တယ်။ မာရီလင်မွန်ရိုးဟာ သူ့အချစ်ဦးဖြစ်လာခဲ့တယ်။ ဒီဇာတ်လမ်းဟာ မွန်ရိုးတို့ဘက်ကိုကြည့်ရင် ဟောလိဝုဒ်ရဲ့ သမိုင်းကို ပြန်လွမ်းမောရယ့် ဘိုင်အိုဂရပ်ဖီရုပ်ရှင်ပေါ့။ တစ်ခေတ်တစ်ခါက စတားတွေအများကြီးရဲ့ စရိုက်တွေ ခံယူချက်တွေ အချိုးအကွေ့တွေကို မြင်ရမယ့် ရုပ်ရှင်ပေါ့။ တကယ်လို့သာ ခင်ဗျား ကောလင်းဘက်က ကြည့်ခဲ့ရင်တော့ ဒီဇာတ်လမ်းဟာ လူငယ်လေးတစ်ယောက်ရဲ့ အချစ်ဦးဇာတ်လမ်းတစ်ပုဒ်ပဲ။ အချစ်ဦးဇာတ်လမ်းတွေဆိုတာ အမြဲဆိုသလို နာကျင်ဖွယ် ချိုမြိန်ခြင်းများအတိနဲ့ ကဗျာတွေပဲ။ ပြောရရင် ဒီဇာတ်လမ်းဟာ နာကျင်ဖွယ် ချိုမြိန်ခြင်းများအကြောင်းပါပဲ။ သူ့ရဲ့မွန်ရိုးတမ်းချင်းလို့ ပြောလည်းရတယ်။ ဒီရုပ်ရှင်ရဲ့ စီနီမာတိုဂရပ်ဖာ Ben Smithardက ၂၀၂၀တုန်းက အန်သိုနီဟော့ကင်းမင်းသားဆုရသွားပြီး ဇာတ်ညွှန်းဆုပါရသွားတဲ့ The Father ရဲ့ စီနီမာတိုဂရပ်ဖာဖြစ်တယ်။ Primetime Emmy Award for Outstanding Cinematography ဆုလည်းရဖူးတယ်။ သရုပ်ဆောင်တွေကလည်း ဟောလိဝုဒ်ရုပ်ရှင်တွေနဲ့ သေချာကျွမ်းဝင်တဲ့လူတွေ ထိတ်ထိတ်ကြဲတွေလို့ လက်ခံပြီးသားလူတွေချည်း။ မွန်ရိုးနေရာက Michelle Williams... မနှစ်က Blonde ထဲက မွန်ရိုးထက် သူ့မွန်ရိုးက ပိုသာတာတော့ သေချာတယ်။ ဒါလည်း ထည့်ပြောစရာမလိုပါဘူး။ မစ်ချဲလ်ဝီလီယမ် ဘယ်သူလဲ သိတဲ့လူတွေ မပြောလည်း သိကြမယ့်အချက်ပဲ။ ပြီးတော့ Eddie Redmayne... သူ့ကိုတော့ The Theory of Everything တို့၊ The Danish Girl တို့နဲ့ အားလုံးသိကြမှာပဲ။ သရုပ်ဆောင်စကေးကလည်း ပြောပြဖို့မလိုနေဘူး။ နောက် အခုဆို ဟာကျူလီပွာရိုတွေချည်း ဆက်တိုက်ရိုက်နေတဲ့ Kenneth Branagh, ဂျိမ်းစဘွန်းထဲက M တစ်ဖြစ်လဲ မင်းသမီးကြီး Judi Dench, နောက် အင်္ဂလန်ရဲ့ကျက်သရေဆောင် Emma Watson... ဒီထဲမှာမှ မစ်ချဲလ်နဲ့ ကန်းနက်တို့က အော်စကာမှာ မင်းသမီးဆုနဲ့ ဇာတ်ပို့ဆု အသီးသီးဆန်ခါတင်ဝင်ခဲ့ကြတယ်။ ထုတ်ထားတဲ့ ဘဲကလည်း လက်ရှိဟောလိဝုဒ်ရဲ့ နာမည်အပျက်ဆုံးလူလို့ ပြောလို့ရတဲ့ အဲဒီပျက်တဲ့နာမည်နဲ့ မလိုက်အောင်ဘဲ သူထုတ်တဲ့ ကားမှန်သမျှ ဂေါ်ထွက်နေတဲ့ ဟာဗေးဝင်းစတိန်း။ အဘက်ဘက်ကတော့ သူ့နည်းသူ့ဟန်နဲ့ ဟုတ်နေတာပါပဲ။ ကြည့်ဖို့မကြည့်ဖို့ကတော့ ခင်ဗျားတို့အလုပ်ပေါ့။ မာရီလင် မွန်ရိုးသို့ တမ်းချင်း "ဆင်းရဲခြင်းက ဒုက္ခ"တဲ့။ နီလာရောင် ရေချိုးခန်း "ပဲရစ်"ရေမွှေး ဖျန်းထားသော ပန်းခြံ မရန်းရောင် ရှမ်ပိန်၊ ရေခဲစိမ် "မာတနီ" ငွေခြည်ရောင် ရေခဲသေတ္တာတို့ ကြားမှာ အဆိပ်သောက် သေဆုံးသွားသော ဟောလိဝုဒ်၏ ကြယ်ပွင့်အပြာ အို၊ မာရီလင် မွန်ရိုး။ "ချမ်းသာခြင်းမှာ ဘာဒုက္ခများ တွေ့ခဲ့လဲ"။  ။ ~ သုခမိန်လှိုင် (ဂျွန်လ၏ မိုးရေများ - ၁၉၇၀) (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.55GB, 730MB Quality - 1080p, 720p IMDb Rating - 6.9/10 Format - mp4 Duration - 1H 39Min Genre - Biography, Drama Subtitle - Myanmar Subtitle (Hardsub) Translated by WiRa Aung Encoded by Y

The Boat That Rocked (2009) Rock & Roll ဂီတနဲ့ Comedy ကားကောင်းတွေကို ကြိုက်နှစ်သက်တဲ့ ပရိသတ်တွေအတွက် ဂန္ထဝင်ဇာတ်ကား "The Boat That Rocked" ကို မိတ်ဆက်ပေးချင်ပါတယ်။ ၁၉၆၀ ပြည့်လွန်နှစ်တွေက ဗြိတိန်နိုင်ငံမှာ Rock & Roll ဂီတအကြီးအကျယ်ခေတ်စားနေပေမဲ့၊ အစိုးရပိုင် BBC ရေဒီယိုကတော့ တစ်နေ့ကို ၄၅ မိနစ်လောက်ပဲ ပေါ့ပ်သီချင်းတွေကို ထုတ်လွှင့်ခွင့်ပေးထားပါတယ်။ ဒီတော့လူငယ်တွေနားထောင်ချင်တဲ့သီချင်းတွေကို ၂၄ နာရီလုံးဖွင့်ပေးနေတာကတော့ ပင်လယ်ပြင်အလယ်က သင်္ဘောတစ်စီးပေါ်မှာ အခြေစိုက်ထားတဲ့ "Pirate Radio" လို့ခေါ်တဲ့ တရားမဝင် ရေဒီယိုလိုင်းပါပဲ။ ဇာတ်လမ်းအကျဥ်း ကျောင်းထုတ်ခံလိုက်ရတဲ့လူငယ်လေးကာလ်တစ်ယောက်၊ သူ့အမေက သူရဲ့အချိုးတွေကို ပြင်ဖို့ဆိုပြီး ဒီသင်္ဘောပေါ်မှာရှိတဲ့ သူ့ရဲ့ခေါင်းကိုင်ဖခင်ကွမ်တင်ဆီကို ပို့လိုက်ရာကနေ စတင်ပါတယ်။ တကယ်တမ်းသင်္ဘောပေါ်ရောက်သွားတဲ့အခါမှာတော့ သူ့အမေထင်သလို စည်းကမ်းကြီးတဲ့နေရာမဟုတ်ဘဲ၊ ဂီတရူးသွပ်သူတွေ၊ ထူးဆန်းတဲ့ဒီဂျေတွေနဲ့ ပြည့်နှက်နေတဲ့လွတ်လပ်မှုနယ်မြေဖြစ်နေတာကို တွေ့လိုက်ရပါတယ်။ တစ်ဖက်မှာလည်း သဘောထားတင်းမာတဲ့ အစိုးရဝန်ကြီးတစ်ယောက်က ဒီရေဒီယိုလိုင်းကို အကျင့်ပျက်ခြစားမှုရဲ့အရင်းအမြစ်လို့သတ်မှတ်ပြီး အပြုတ်ဖြုတ်ဖို့နည်းလမ်းပေါင်းစုံနဲ့ ကြိုးပမ်းလာပါတော့တယ်။ ပင်လယ်ပြင်က ဂီတသမားတွေနဲ့ ကုန်းမြေပေါ်က အာဏာပိုင်တွေရဲ့အားပြိုင်ပွဲမှာ ဘယ်သူအနိုင်ရမလဲ... လူငယ်သန်းပေါင်းများစွာရဲ့နှလုံးသားကို ဖမ်းစားထားတဲ့ Rock & Roll သီချင်းသံတွေ ပင်လယ်ပြင်ကနေဆက်လက်ပျံ့လွင့်နိုင်ပါ့မလားဆိုတာကိုတော့ ဂီတ Vibe အပြည့်နဲ့ ကြည့်ရှုခံစားရမှာဖြစ်ပါတယ်။ File size…2.37GB / 853MB Quality… BluRay 1080p/ 720p Format…mp4 Duration….1h 57m Genre ….. Period drama, Comedy, Music, Drama Subtitle….Myanmar Subtitle (Hard Sub)

Valkyrie(2008) ဒုတိယကမ္ဘာစစ်အခြေခံ ဖြစ်ရပ်မှန်ဇာတ်လမ်းတွေကိုမှ ကြည့်ချင်ပါတယ်ဆိုတဲ့ သူတွေအတွက်2008 ခုနှစ်ထဲ ထွက်ခဲ့တဲ့ Valkyrie ဆိုတဲ့ ဇာတ်ကားလေး တင်ဆက်ပေးချင်ပါတယ်.. Valkyrie ဆိုတဲ့အဓိပ္ပာယ်က နော်ဝေ ဒဏ္ဍာရီထဲက စစ်ပွဲထဲမှာ ဘယ်သူသေမယ် ဘယ်သူရှင်မယ်ဆိုတာကိုဆုံးဖြတ်ပေးတဲ့ နတ်သမီးတစ်ပါးရဲ့နာမည်ဖြစ်ပြီး ဒီဇာတ်လမ်းထဲမှာတော့ Valkyrie ဆိုတာဟစ်တလာက သူ့အစိုးရကိုအရေးပေါ်ကာကွယ်ဖို့ ဘာလင်မြို့ပေါ်မှာ ဖွဲ့စည်းထားတဲ့ အရေးပေါ်အရံစစ်တပ်ပဲဖြစ်တယ် ... အဲဒီအတွက် ဒီစစ်တပ် လုပ်တဲ့ စစ်ဆင်ရေးကို Valkyrie စစ်ဆင်ရေးလို့ခေါ်တယ် ... ဟစ်တလာအစိုးရအဖွဲ့ထဲက ခေါင်းဆောင်တွေကို ဝေဖန်လို့ ရှေ့တန်းအပို့ခံရတဲ့ တပ်ရင်းမှူးစတက်ဖန်ဘာ့ (တွမ်ခရုစ်) ဟာ ဒဏ်ရာတွေရပြီး ဘာလင်ကို ပြန်ရောက်လာတယ်...မကြာခင် ဥရောပမဟာမိတ်တွေက ဘာလင်ကိုချီတက် သိမ်းပိုက်တော့မယ့်အခြေအနေမှာ ဘာလင်ပြည်သူတွေရဲ့ဘေးကိုတွေးမိတဲ့ စတက်ဖန်ဘာ့ ဟာ ဘယ်သူသေသေ ငတေမာရင်ပြီးရောလုပ်နေတဲ့ဟစ်တလာကိုလုပ်ကြံဖို့ ကြိုးစားပုံကို သည်းထိတ်ရင်ဖိုဖြစ်အောင် ရိုက်ကူးထားတဲ့အတွက်ရင်တမမ နဲ့ ကြည့်ရှုရမယ့် ဇာတ်ကားပဲဖြစ်တယ်.... IMDb - 7.1/10 ရရှိထားပြီးတော့ Box office မှာ အမေရိကန်ဒေါ်လာ 201 သန်းခွဲရရှိထားတဲ့ ဇာတ်ကားဖြစ်တဲ့အတွက် အပြေးသားကြည့်ကြတော့ ကိုယ့်လူတို့ရေ.. ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်.. File Size :  2.29GB & 870MB Quality : Blu-Ray 1080p 5.1 CH, Blu-Ray 720p Format…mp4 Duration…02:03:00 Genre :  History, Drama, Thriller Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

Platform 9¾ ကနေ ပြန်လည် ကြိုဆိုပါတယ်။ Hogwarts ရထားကြီးနဲ့ wizarding world ကို အလည်တစ်ခေါက် ထပ်သွားပြီး Chapter တစ်ခုချင်းစီကို အစဉ်လိုက် ပြန်အလွမ်းသည်ကြမယ်ဗျာ ... ခင်ဗျားက muggle မဟုတ်ရင်တော့ အသက်ရှင်ကျန်ခဲ့သူ ကောင်လေးအကြောင်း ကြားဖူးပြီးသားဖြစ်မှာပါ ... သူ့နာမည်က Harry Potter တဲ့ .. ထင်ရှားတဲ့အမှတ်အသားဆို နဖူးမှာ အမာရွတ်လေးနဲ့ မှန်ကြောင်ကောင်လေးတစ်ယောက်ပါပေါ့ ။ ဒီ အမာရွတ်လေး ရခဲ့တဲ့ ညကနေ စလို့ သူဟာ သူကိုယ်တိုင် မသိပါဘဲ မှော်လောကမှာ ကျော်ကြားလာခဲ့တယ်... မနာခံသူ မှန်သမျှ အရှင်မထားတတ်တဲ့ မှော်ဆရာကြီး တစ်ယောက်ရဲ့ လက်က လွတ်မြောက်ခဲ့သူအဖြစ်ပေါ့... မှော်ဆရာကြီးက ဘယ်သူလဲတော့ လာမမေးပါနဲ့ ... ကျွန်တော်တို့ သူ့နာမည်ကို ထုတ်မပြောကြဘူး ... သိုပေမဲ့ Harry Potter ဆိုတဲ့ မှော်ဆရာလေးကတော့ ငယ်ငယ်ရွယ်ရွယ်နဲ့ ရဲစွမ်းသတ္တိအပြည့်မွေးပြီး ရွန်၊ ဟာမွိုင်နီဆိုတဲ့ သူငယ်ချင်း ၂ ယောက်နဲ့အတူ ဒီမှော်ဆရာကြီးနဲ့ အချိန်အကြာကြီး ရင်ဆိုင်ခဲ့ပါတယ် ... အဆိုးနဲ့အကောင်း အမှောင်နဲ့အလင်း အမည်းနဲ့အဖြူလို ဆန့်ကျင်နေတဲ့ ဒီ မှော်ဆရာ ၂ ယောက်ရဲ့ တိုက်ပွဲရှည်ကြီးကို ပြန်လှန်လေ့လာလိုက်ကြပါစို့... မြန်မြန်တက်ကြဗျို့ Hogwarts ရထားကြီး ထွက်တော့မယ် !! (The Philosopher's Stone(or)The Sorcerer's Stone (2001) နဲ့ The Chamber of Secrets (2002) နှစ်ကားက ရုံတင်ဗားရှင်းထက် 10မိနစ်စာလောက်ပိုပါတဲ့ EXTENDED Version ထွက်ထားပါတယ်။ဒါကြောင့်မို့ 1080p နဲ့ 720p ကို EXTENDED version နဲ့ တင်ဆက်ထားပြီး 4K ကတော့ ရုံတင်ဗားရှင်းဖြစ်ပါတယ်။) File size…(5.7 GB) /(2.5 GB)/(1.1 GB) Quality….BluRay 4K HEVC/EXTENDED 1080p /720p Format…mkv/mp4 Duration….02:54:24 Subtitle….Myanmar Subtitle (Hardsub) Encoder….Nyeinsaeya Aung Translated by Yoon Sandi Aung

အယ်လ်ဒိုရာဒိုဆိုတာ ရှေးနတ်ဘုရားတွေ ဖန်ဆင်းထားခဲ့ပြီး ရွှေတွေ ပြည့်နေတဲ့ မြို့တော်ကြီးလို့ သိထားကြပါတယ်။ ဒါပေမဲ့ အဲဒီမြို့ကို ရှာတွေ့ဖို့ကတော့ လွယ်တဲ့ကိစ္စ မဟုတ်ဘူး။ မီဂယ်လ်နဲ့ တူလီယိုကလည်း ရတနာရှာဖွေသူတွေ မဟုတ်ဘဲ လောင်းကစားဝိုင်းမှာတောင် လိမ်ပြီး အနိုင်ယူတတ်တဲ့ အကြံအဖန်သမားနှစ်ယောက်ပါ။ တစ်ရက်တော့ လောင်းကစားလုပ်ရင်း အယ်လ်ဒိုရာဒိုကို သွားလို့ရမယ့် မြေပုံတစ်ခု သူတို့လက်ထဲ ရောက်လာတယ်။ အဲဒီနောက် ပြေးရင်းလွှားရင်းနဲ့ပဲ ရှာရခက်တယ်ဆိုတဲ့ ရွှေမြို့တော်ကြီးဆီ သူတို့နှစ်ယောက် ဆိုက်ဆိုက်မြိုက်မြိုက် ရောက်သွားကြပါတယ်။ ရွှေတွေရှိတဲ့နေရာကို ရောက်လာပြီဆိုတော့ ဒီအကြံအဖန်သမားနှစ်ယောက် ဘယ်လိုများ ခိုးထုတ်ကြမလဲဆိုတာကို စွန့်စားခန်းနဲ့ ဟာသ ရောထားတဲ့ ကာတွန်းဇာတ်ကားထဲမှာ ဆက်တွေ့ရမှာပါ။

ဗိုလ်ကြီး Jim West(Will Smith)ဟာ အမေရိကန်ပြည်တွင်းစစ်ပွဲတစ်ခုက ဗိုလ်ကြီးဟောင်းတစ်ယောက်ပါ Artemus Gordon(Kevin Kline)ကတော့ ရုပ်ဖျက်တဲ့နေရာမှာကျွမ်းကျင်လွန်းပြီး ဆရာလုပ်လွန်းတဲ့ အမေရိကန်ထိပ်တန်းရဲအရာရှိတစ်ဦးဖြစ်ပါတယ် တစ်နေ့မှာ General MacGrath(Salma Hayek)ဆိုသူက အမေရိကန်နိုင်ငံနိုင်ငံရဲ့ ထိပ်တန်းသိပ္ပံပညာရှင်တွေကို ပြန်ပေးဆွဲခဲ့တယ် ဒီပြန်ပေးဆွဲတဲ့အမှုကိုလိုက်ဖို့ ဌာနအသီးသီးက ခေါင်းဆောင်တွေက Jim West နဲ့ Atemus Gordonကို တာဝန်ပေးအပ်ခဲ့ပါတယ် ဒါ့အပြင် Dr.Arliss Loveless(Kenneth Brangah)အမည်နဲ့ ဆိုက်ကိုကောင်တစ်ကောင်က အမေရိကန်နိုင်ငံကို လက်နက်ချဖို့အတွက် ထူးဆန်းတဲ့လက်နက်တွေတီထွင်ထားပြီး သမ္မတကြီးကို ခြိမ်းခြောက်ခဲ့တယ် ဒီအတွက် သမ္မတကြီးက အမေရိကန်နိုင်ငံကို ကယ်တင်နိုင်ဖို့အတွက် ဒီလူစွမ်းကောင်းနှစ်ယောက်ကို ခေါ်လိုက်ရပါတော့တယ် အဲ့ဒီနောက်မှာတော့ သေနတ်တရမ်းရမ်းလုပ်နေတတ်တဲ့ Jim West နဲ့ Artemus Gordon တို့နှစ်ယောက်ဆုံတဲ့အခါမှာတော့ ဖြစ်လာတဲ့တလွဲတွေကို ရယ်စရာအဖြစ်မြင်တွေ့ခံစားရမှာပါ General MacGrathကရော ဘာအတွက်သိပ္ပံပညာရှင်တွေကို ပြန်ပေးဆွဲခဲ့တာလဲ Dr.Arliss Lovelessနဲ့ရော ဘယ်လိုပတ်သတ်ဆက်နွှယ်နေပြီး အပေးအယူ အကြံအစည်တွေရှိနေသလဲဆိုတာကို ရင်တထိတ်ထိတ်နဲ့ ခံစားကြည့်ရှုရမယ့် ရုပ်ရှင်ဇာတ်ကားကောင်းတစ်ကားဖြစ်ပါတယ် Translated by Yuki Aurora Encoded by sithu

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

IMDb - 5.7/10 RT - 60% ဇ ာတ်လမ်းအကျဉ်းကို ပြောပြရရင် အောင်မြင်နေတဲ့ ရှေ့နေတစ်ယောက်ဖြစ်တဲ့ ရစ်ခ် မက်ဂရူဒါ (Kenneth Branagh) ဟာ ဇနီးသည် လီယန် (Famke Janssen)နဲ့ ကွာရှင်းထားရသလို လုပ်ဖော်ကိုင်ဖက်တွေနဲ့ပါမကျန် ဇာတ်ရှုပ်ချင်သူဖြစ်ပါတယ်။ တစ်ညမှာတော့ စားပွဲထိုးမလေး မယ်လိုရီ (Embeth Davidtz) ကို အိမ်ပြန်လိုက်ပို့ပေးရင်း ငြိသွားကြပါတယ်။ နောက်ပိုင်းမှာတော့ မယ်လိုရီကို သူမရဲ့အဖေ ဒစ်ဆင် (Robert Duvall)က လိုက်နှောက်ယှက်ပြီး စိတ်ဒုက္ခပေးနေတာကို သိရတော့ ဒစ်ဆင်ကို စိတ်ကျန်းမာရေးဆေးရုံရောက်အောင် သူတတ်နိုင်တဲ့နည်းနဲ့ လုပ်လိုက်ပါတယ်။ ဒါပေမယ့် ခေသူမဟုတ်တဲ့ ဒစ်ဆင်ကလည်း ဆေးရုံကနေ ထွက်ပြေးလာပြီး ရစ်ခ်နဲ့ သူနဲ့ပတ်သတ်သူတွေကို အန္တရာယ်ပြုပါတော့တယ်။ သူခေတ်သူ့အခါက နာမည်ကျော် သရုပ်ဆောင်တွေ ဖြစ်တဲ့ ဆာဘွဲ့ရ Kenneth Branagh ၊ စနိုက်ပါ မင်းသားကြီး Tom Berenger ၊ Daryl Hannah ၊ Embeth Davidtz ၊ Robert Duvall တို့အပြင် MCU ရဲ့ သခင်ကြီး RDJ ရဲ့ ငယ်နုစဉ်က သရုပ်ဆောင်ပုံတွေကိုပါ ရှုစားရမှာပါ။ အဖော်အချွတ်အချို့ပါလို့ R-rated ပါ။ ဇာတ်ညွှန်း‌ရေးသားသူ John Grisham နဲ့ Clyde Hayes ဖြစ်ပြီး ဒါရိုက်တာ Robert Altman ဖြစ်ပါတယ်။ အညွှန်းနဲ့ ဘာသာပြန်သူ Thompson ဖြစ်ပါတယ်။ File size…(2.8 GB)/(1.5 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Thriller  Subtitle….Myanmar Subtitle (Hardsub) Encoder….Swan Min Htet Translated by Thompson