Kevin Hart ပါဝင်သော ဇာတ်ကားများ

72 HOURS (2026) +++++++++ ဒီကားလေးကတော့ ၂၀၂၆ ဇူလိုင်လ ၂၄ ရက်နေ့မှာ Netflix ကနေ အသစ်ထွက်ရှိထားတဲ့ 72 Hours ဆိုတဲ့ Action-Comedy ကားလေးပါ။ ကယ်ဗင်ဟတ် (Kevin Hart) ပါဝင်သရုပ်ဆောင်ထားပြီး လူငယ်တွေကြားထဲ အတင်းဝင်ဆံ့အောင် လုပ်ရင်း အလွဲလွဲအချော်ချော်တွေဖြစ်ပုံကို ရယ်ရလွန်းလို့ အူတက်ရမယ့် R-rated ကားမျိုးပေါ့။ Hang Over ကားလိုမျိုးပါပဲ။ ဇာတ်လမ်းအကျဉ်း ++++++++++++ ဂျိုး (Kevin Hart) က အသက် ၄၀ အရွယ် ကြော်ငြာကုမ္ပဏီက အလုပ်အမှုဆောင်တစ်ယောက်ပါ။ သူ့အလုပ်အကိုင်က သိပ်အဆင်မပြေဖြစ်နေပြီး ဘော့စ်ကလည်း သူ့ကို အသက်ကြီးနေပြီလို့ ထင်နေတာပေါ့။ တစ်ရက်ကျတော့ လူငယ်အုပ်စုတစ်စုက လူပျိုညပွဲ (bachelor party) လုပ်ဖို့ ဖုန်းထဲမှာ ဂရုချတ်ဖွဲ့ရာကနေ ဂျိုးကို လူမှားပြီး ထည့်လိုက်မိရော။ ဂျိုးကလည်း လူမှားလက်စနဲ့ လူငယ်တွေနဲ့ လိုက်လျောညီထွေဖြစ်အောင်ဆိုပြီး မိုင်ယာမီ (Miami) မှာ ၃ ရက် (၇၂ နာရီ) ကြာမယ့် အဲဒီခရီးစဉ်ကို ရောယောင်ပြီး လိုက်သွားပါတော့တယ်။ ရည်ရွယ်ချက်ကတော့ လူငယ်တွေနဲ့ ပေါင်းပြီး သူ့ရဲ့ကျဆင်းနေတဲ့ ပုံရိပ်ကို ပြန်ဆယ်ဖို့ပါပဲ။ ဒါပေမဲ့ ပျော်စရာခရီးစဉ်လေးကနေ ရဲတွေနဲ့ ငြိတာတွေ၊ မူးယစ်ဆေးဂိုဏ်းပြဿနာတွေ၊ ရွက်လှေပါတီတွေနဲ့ ပါတီဘတ်စ်ကားပေါ်မှာ တကယ့်ကို ဗြောင်းဆန်သွားပါတော့တယ်။ မျိုးဆက်မတူတဲ့ လူငယ်တွေကြားမှာ အတင်းဝင်ဆံ့အောင်ကြိုးစားရင်း ဘယ်လိုတွေ ဆက်ဖြစ်မလဲဆိုတာကို ပေါ့ပေါ့ပါးပါး ရိုက်ကူးထားတာပါ။ ဒါရိုက်တာ Tim Story က ရိုက်ကူးပေးထားတာပါ။ ဟာသတွေ တောက်လျှောက်ဖောက်ထားပြီး ပေါ့ပေါ့ပါးပါးနဲ့ စိတ်အပန်းဖြေကြည့်ချင်သူတွေအတွက် အဆင်ပြေမယ့် ကားလေးဖြစ်ပါတယ်။ ရုံးပိတ်ရက်မှာ အပျင်းပြေ ကြည့်ဖို့ တကယ်ကို အကြံပေးချင်ပါတယ်။ File Size… (2.15GB) / (1.11GB) Quality… WEB-DL 1080p HEVC / 720p Format…mkv / mp4 Duration…1h 45m Genre ….Comedy Subtitle….Myanmar Subtitle (Hard Sub)

အပိုင်း ( ၁ မှ ၈ ) အထိ စ / ဆုံး ဖြစ်ရပ်မှန်ကိုပြန်လည်ရိုက်ကူးထားတဲ့ Fight Night: The Million Dollar Heist စီးရီးကတော့ Crime ၊Drama အမျိုးအစားဖြစ်ပြီး Kevin Hart ၊ Samuel L. Jackson နဲ့ Terrence Howard တို့လိုအကျော်အမော်တွေပါဝင်သရုပ်ဆောင် ပေးထားပါတယ်။ ခရမ်းချဥ်သီးပုပ်မှာတော့ ၉၃ ရာခိုင်နှုန်းက review ကောင်းတွေပေးထားပြီး rating ကတော့ 7.1/10 ဖြစ်ပါတယ်။ ဇာတ်လမ်းအကျဉ်း ၁၉၇၀ ပြည့်နှစ်က မိုဟာမက်အလီနဲ့ဂျယ်ရီကွာရီရဲ့သမိုင်းဝင်လက်ဝှေ့ပွဲ ညမှာဖြစ်ခဲ့တဲ့ လက်နက်ကိုင်လုယက်မှုဖြစ်ရပ်မှန်ကို ပြန်လည်ရိုက်ကူး ထားတာဖြစ်ပါတယ်။ အတ္တလန်တာမြို့မှာ ပိုက်ဆံရဖို့မကောင်းတဲ့ လုပ်ငန်းအကုန်လုပ်တဲ့ချစ်ကန်းမန်းဟာ မိုဟာမက်အလီရဲ့လက်ဝှေ့ပွဲ အတွက် ရောက်ရှိလာတဲ့ နာမည်ကြီးရာဇဝတ်ဂိုဏ်းခေါင်းဆောင်တွေ အတွက် ပါတီကျင်းပပေးဖို့ကြိုးစားခဲ့ပါတယ်။ ချစ်ကန်းမန်းရဲ့ရည်ရွယ်ချက်က လုပ်ကွက်နဲ့ငွေရဖို့ဖြစ်ပေမယ့် တကယ်တမ်း ပါတီကျင်းပချိန်မှာတော့ တစ်နေရာတည်းမှာစုပေးလိုက်သလိုဖြစ်သွားတဲ့ ဒီဂိုဏ်းခေါင်းဆောင်တွေကိုလုယက်ဖို့ကြံစည်ထားတဲ့အဖွဲ့တစ်ခုရှိနေတယ် ဆိုတာတော့ ချစ်ကန်းမန်းတစ်ယောက်မသိရှိခဲ့ဘဲ ထောင်ချောက်ထဲတိုးဝင် သွားခဲ့မိပါတော့တယ်။ File Size – 902 MB / 465 MB Quality –WEB-DL 1080p HEVC  , 720p Episodes -  8 Eps Duration -  56 min Subtitle – Myanmar Hardsub Format – mkv / mp4 Genre : Action , Crime , Drama Translator – JULY , Muse , Aoi Encoder – Min Wai

ဂိမ်းလောကရဲ့လူကြိုက်အများဆုံး ဂိမ်းတွေထဲက တစ်ခုဖြစ်တဲ့ ဘော်ဒါလန်းကို ရုပ်ရှင်အဖြစ် ရိုက်ကူးထားတာဖြစ်ပါတယ်။ Knock Knock ရဲ့ ဒါရိုက်တာ Eli Roth ရိုက်ကူးထားပြီး၊ ကိတ်ဘလန့်ချက် နဲ့ ကယ်ဗင်ဟာ့တို့ ပါဝင်ထားပါတယ်။ စက်ရုပ်လေး ကလပ်ထရပ် နေရာမှာတော့ ဂျက်ဘလက်က အသံသရုပ်ဆောင်ပေးထားတာပါ။ သိပ္ပံစိတ်ကူးယဉ် အက်ရှင် ဟာသ အမျိုးအစားမို့ အပန်းဖြေလို့ ကောင်းမှာပါ။ ဇာတ်လမ်းအကျဉ်း ပန်ဒါရာဂြိုလ်ပေါ်က အီရီဒီရန်မျိုးနွယ်တွေဟာ ဂလက်ဆီတစ်ခုလုံးကို အုပ်စိုးနိုင်ခဲ့တဲ့ အသိဉာဏ်မြင့် နည်းပညာမြင့် မျိုးနွယ်စုတွေ ဖြစ်ပါတယ်။ သူတို့တွေ မျိုးတုံးပျောက်ကွယ်သွားပြီးတဲ့နောက်မှာ ပန်ဒိုရာဂြိုလ်ကြီးတစ်ခုလုံးမှာ အီရီဒီရန်နည်းပညာလက်ကျန်လေး တွေကို ရှာနေတဲ့မုဆိုးတွေ၊ ဓားပြတွေ၊ အဖွဲ့အစည်းကြီးတွေ ခြေရှုပ် နေကြပါပြီ။ အားလုံးရဲ့ အကြီးဆုံးရည်မှန်းချက်ကတော့ အီရီဒီရန်တွေရဲ့ လျှို့ဝှက်အလုံခန်းပါပဲ။ အဲဒီအလုံခန်းထဲမှာအဆင့်အမြင့်ဆုံး နည်းပညာ လျှို့ဝှက်ချက်တွေရှိနေပြီး ပိုင်ဆိုင်တဲ့သူဟာ တန်ဖိုးမဖြတ် နိုင်လောက်အောင် ချမ်းသာပြီး စွမ်းအားကြီးသွားမှာပါ။ အဲဒီ အလုံခန်းရှာတဲ့အရှုပ်တော်ပုံကြီးထဲကိုမှ စစ်သားဟောင်းတစ်ယောက် ၊ ကြေးစားမုဆိုးတစ်ယောက်၊ ကော်ပိုရိတ်ကြီးတစ်ခုရဲ့ ခေါင်းဆောင်ရဲ့ သမီးတစ်ယောက်၊ စိတ္တဇဂိုဏ်းဝင်တစ်ယောက် ကြားညပ်ပြီး ပူးပေါင်းမိ ကြတဲ့ခါ အလုံခန်းခန်းကို မသမာသူတွေလက်ထဲမရောက်ဖို့ တိုက်ခိုက်ကြရ ပါတော့တယ်။ File size…4.33GB / 2.06GB / 1.08GB Quality…WEB-DL 4K HEVC 1080p  / 720p Format…mkv / mp4 Duration….1h 41m Genre ….. Action , Adventure, Comedy , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

Action , Comedy , နာမည်ကြီး Comedy Actor တွေဖြစ်တဲ့ Kevin Hart နဲ့ John Sena တို့ရဲ့ Die Hart 2 ဖြစ်ပါတယ်... ဟာသလောကနေအနားယူပြီး တွမ်ခရုစ်လို အက်ရှင် စတားဖြစ်ချင်တဲ့ ကယ်ဗင်ဟတ်အတွက်...စီဂျီအိုင် ဂရင်းစခရင်တွေဆိုတာ စိတ်ပျက်စရာဖြစ်လာတယ်... စတန့်သမားမပါဘဲ အက်ရှင်တွေကို ကိုယ်တိုင်လုပ်မယ်ဆိုပြီး ကယ်ဗင်ဟတ်ဟာ သူ့ရဲ့သစ္စာအရှိဆုံး စတန့်သမားကို အလုပ်ဖြုတ်လိုက်ပါတယ်.... အဲ့ဒီနောက်ကစပြီး သူ့ဘဝမှာ ဂြိုလ်ဆိုးဝင်သလိုဖြစ်ပြီး.... လူဆိုးဂိုဏ်းတစ်ခုက ပြန်ပေးဆွဲတာကို ခံလိုက်ရတယ်... ဒါပေမယ့် သူကိုယ်တိုင်ကတော့ အက်ရှင်ရုပ်ရှင်ရိုက်နေတယ် ထင်ပြီး အလိုက်သင့်နေနေခဲ့တယ်... ဒါပေမယ့် အဖြစ်အပျက်တွေအားလုံးဟာ သူ့ career ကို ပျက်စီးဖို့ကြံနေတဲ့ လူတစ်ယောက်က နောက်ကွယ်ကနေ ကြိုးကိုင်နေကြောင်းသိလိုက်ရတဲ့အခါမှာတော့ ကယ်ဗင်ဟတ်နဲ့ ဂျွန်ဆီးနားတို့ရဲ့ စွန့်စားခန်းတွေကိုကြည့်ရမယ့် အက်ရှင်ဟာသကားကောင်းလေးဖြစ်ပါတယ်.... ( အညွှန်းနဲ့ဘာသာပြန်ကိုတော့ Thiha Yan Naing ကရေးသားထားပါတယ် ) File size…1.35GB / 624MB Quality…WEB-DL 1080p 5.1CH / 720p Format…mp4 Duration….1h 32m Genre ….. Action , Comedy Subtitle….Myanmar Subtitle (Hard Sub) Encoder….Min Wai Translated by Thiha Yan Naing

Lift (2024) ဟာသမင်းသား ကယ်ဗင်ဟာ့ အတည်ပေါက်ရိုက်ထားတဲ့ နက်ဖလစ် သူခိုး အက်ရှင်ကားအသစ်လာပါပြီ။ ဒါရိုက်တာကလည်း The Italian Job လို နာမည်ကျော်သူခိုးကားတွေရဲ့ ဒါရိုက်တာ F. Gary Gray ပါပဲ။ ~ ဇာတ်လမ်းအကျဉ်း ~ ဆိုင်းရပ်တို့အဖွဲ့က နိုင်ငံတကာရဲတပ်ဖွဲ့ကနေ အလိုရှိနေတဲ့ သန်းချီတဲ့အနုပညာလက်ရာတွေကို လိုက်ခိုးနေတဲ့ သူခိုးအုပ်စုပါ။ အင်တာပိုက သူတို့အဖွဲ့ကို ဖမ်းမိသွားပြီး ထောင်ထဲမဝင်ချင်ရင် သူတို့ခိုးခိုင်းတာ တစ်ခုခိုးဖို့ပါပဲ။ ခိုးရမှာက‌တော့ သန်း ၅၀၀ တန် ရွှေချောင်းတွေပါ။ အင်တာပိုက သက်သေမရှိလို့ ထိလို့ မရတဲ့ ရာဇဝတ်ကောင် သူဌေးကြီးတစ်ယောက်က ဟက်ကာတွေကို သန်း ၅၀၀ ဖိုး ရွှေချောင်းပေးပြီး ကမ္ဘာ့အနှံ့မှာ ရေနဲ့လျှပ်စစ်ပေးဝေရေး ဌာနကြီးတွေကို တိုက်ခိုက်ခိုင်းမှာဖြစ်ပါတယ်။ လူတွေ ရေကြီးရေလျှံတာတွေနဲ့ ဒုက္ခရောက်တာကို အသုံးချပြီး ရှယ်ယာအမြတ်ရအောင်လုပ်မဲ့အကြံပါပဲ။ အဲဒီအကြံကိုတားဖို့ သန်း ၅၀၀ တန်ရွှေချောင်းတွေကို လေယာဉ်ပေါ်မှာ ကြားဖြတ်ခိုးရမယ်၊ သူဌေးက လိုက်သတ်မခံရအောင် သူတို့ခိုးမှန်းလည်းမသိအောင်လုပ်ရမဲ့ အခြေအနေမှာ Mission Impossible ဆန်ဆန် ဘယ်လိုဆက်လုပ်ကြမလဲ ကြည့်ရမှာပါ။ (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size - 2GB, 1.05GB Quality - 1080p, 720p IMDb Rating - 5.4/10 Format - mp4 Duration - 1H 44Min Genre - Action, Comedy, Crime Subtitle - Myanmar Subtitle (Hardsub) Translated by Mr. Anderson Encoded by Y

ဒီအက်ရှင်ဟာသကားမှာ ကယ်ဗင်ဟာ့ထ်က သူ့နာမည်နဲ့ပဲ ဇာတ်ကောင်အဖြစ် ပါဝင်သရုပ်ဆောင်ထားပါတယ်။ ဇာတ်လမ်းထဲက ကယ်ဗင်ဟာ ဒဝိန်း သရော့ ဂျွန်ဆန်နဲ့အတူ အက်ရှင်မင်းသားရဲ့ တွဲဖက်ဟာသဇာတ်ကောင်အဖြစ် ကားတွေ အများကြီး ရိုက်လာရတာကို စိတ်ပျက်နေပြီ။ သူက ဟာသလုပ်ရတဲ့သူအဖြစ်ပဲ ဆက်မနေချင်တော့ဘဲ အက်ရှင်မင်းသားတစ်ယောက်အဖြစ် တကယ်သရုပ်ဆောင်ချင်နေတာပါ။ ဒါပေမဲ့ သူ့ဆန္ဒကို ဘယ်သူမှ အလေးအနက်မထားကြဘူး။ အဲဒီအချိန်မှာ အက်ရှင်ဒါရိုက်တာ ကလောက်ဗန်ဒဗဲဒီက သူ့ကို ဇာတ်ကားတစ်ကားမှာ မင်းသားလုပ်ဖို့ ကမ်းလှမ်းလာပါတယ်။ သို့ပေမဲ့ အဲဒီအခွင့်အရေးရဖို့ အက်ရှင်သင်တန်းတစ်ခုကို အောင်အောင်မြင်မြင် တက်ပြီးရမယ်ဆိုတဲ့ စည်းကမ်းပါလာတယ်။ ဒါရိုက်တာပြောပုံအရ အဲဒီကျောင်းက စတားလုံး၊ ဂျေဆန်စတေသန်၊ ဂျက်ကီချန်းနဲ့ ဂဲဂဒေါ့တို့လို သရုပ်ဆောင်တွေကို မွေးထုတ်ပေးခဲ့တဲ့ကျောင်းပါ။ ကယ်ဗင် အဲဒီလျှို့ဝှက်အက်ရှင်ကျောင်းကို ရောက်သွားတဲ့အခါ ဘယ်လိုအလွဲတွေ ကြုံရမလဲ။ Nathalie Joanne Emmanuel လည်း ပါဝင်သရုပ်ဆောင်ထားပါတယ်။

တက်ဒီက ဘာလုပ်လုပ် တလွဲဖြစ်တတ်လွန်းလို့ အလုပ်မှာလည်း မအောင်မြင်တဲ့သူတစ်ယောက်ပါ။ သူ့မိတ်ဆွေတွေကြားမှာ တစ်ယောက်ယောက် အမှားလုပ်မိရင်တောင် တက်ဒီမလုပ်နဲ့လို့ ပြောင်ပြောကြရတဲ့အထိပါပဲ။ ဇနီးရဲ့မွေးနေ့အတွက် တဲအိမ်တစ်ခုကို သွားပြီး ပြင်ဆင်နေရာချဖို့ လုပ်တဲ့အခါမှာလည်း သူ့ထုံးစံအတိုင်း တဲအိမ်မှားပြီး ရောက်သွားပြန်တယ်။ အဲဒီတဲအိမ်ထဲကလူတွေကတော့ တိုရန်တိုကလူလို့ နာမည်ကြီးတဲ့ ကြေးစားလူသတ်သမားတစ်ယောက်ကို စောင့်နေကြတာပါ။ အဲဒီလူက နှိပ်စက်ပြီး စစ်မေးတဲ့အလုပ်ကိုပါ လုပ်သူဖြစ်ပေမယ့် စောင့်နေသူတွေက သူ့မျက်နှာကို တစ်ခါမှ မမြင်ဖူးကြဘူး။ အဲဒါကြောင့် နေရာမှားရောက်လာတဲ့ တက်ဒီကို သူတို့စောင့်နေတဲ့လူလို့ ထင်သွားကြပြီး တက်ဒီလည်း အရှုပ်အထွေးကြီးထဲ ပါသွားပါတော့တယ်။ ကယ်ဗင်ဟာ့နဲ့ ဝူဒီ ဟာရယ်ဆန်တို့ ပါဝင်သရုပ်ဆောင်ထားတဲ့ နက်ဖလစ် ဟာသအက်ရှင်ဇာတ်ကားပါ။

ဆွန်နီနဲ့ ဟက်တို့က ငယ်ပေါင်းကြီးဖော် သူငယ်ချင်းတွေဖြစ်ပြီး ဟက်ရဲ့ မွေးနေ့တိုင်းကိုလည်း အတူဖြတ်သန်းခဲ့ကြပါတယ်။ အသက်ကြီးလာချိန်မှာတော့ ဆွန်နီက ဇနီးနဲ့ ကလေးနှစ်ယောက်ရှိတဲ့ မိသားစုဘဝကို ရောက်နေပြီ။ မိသားစုနဲ့ ကလေးတွေကိုပဲ အချိန်ပေးနေရလို့ ကိုယ့်အတွက် အချိန်မရှိသလို ဟက်နဲ့ ငယ်ငယ်ကလို ပျော်ပျော်ပါးပါး မနေဖြစ်တာလည်း ကြာနေပါပြီ။ တစ်ရက်မှာ ဇနီးနဲ့ ကလေးတွေ အားလပ်ရက်ခရီး ထွက်ကြတဲ့အခါ ဇနီးက ဆွန်နီ့ကို ကိုယ့်အတွက် အချိန်ပေးနိုင်အောင် တစ်ယောက်တည်း နေခဲ့ဖို့ ပြောပါတယ်။ အဲဒီလိုနဲ့ ဆွန်နီဟာ မလုပ်ဖြစ်တာတွေ ပြန်လုပ်ရင်း ဟက်ရဲ့ ၄၄ နှစ်ပြည့် မွေးနေ့ပါတီကို သွားဖြစ်တယ်။ မတွေ့တာကြာတဲ့ သူငယ်ချင်းနှစ်ယောက် ပြန်ဆုံပြီး ပါတီပွဲတွေနဲ့အတူ အလွဲတွေလည်း ဆက်တိုက်ဖြစ်လာကြပါတယ်။ ဆွန်နီအဖြစ် Kevin Hart နဲ့ ဟက်အဖြစ် Mark Wahlberg တို့ ပါဝင်သရုပ်ဆောင်ထားပါတယ်။

စူပါမန်းရဲ့ခွေး ခရစ်ပတိုနဲ့ သူ့သူငယ်ချင်း အေ့စ်တို့ကို အဓိကထားပြီး DC စူပါဟီးရိုးတွေရဲ့ အိမ်မွေးတိရစ္ဆာန်လေးတွေအကြောင်း ရိုက်ကူးထားတဲ့ အန်နီမေးရှင်းပါ။ ခရစ်ပတိုအဖြစ် The Rock၊ အေ့စ်အဖြစ် ကယ်ဗင်ဟာ့တို့က အသံသရုပ်ဆောင်ထားကြပြီး ဘတ်မန်းနေရာမှာ ကီရာနူးရိဗ်၊ စူပါမန်းနေရာမှာ ဂျွန်ကရာဆင်းစကီးတို့ ပါဝင်ထားပါတယ်။ တိရစ္ဆာန်လေးတွေရဲ့ စွန့်စားခန်းတွေကို အက်ရှင်နဲ့ ဟာသရောစပ်ပြီး မိသားစုအတူ ကြည့်နိုင်တဲ့ပုံစံနဲ့ တင်ဆက်ထားတာပါ။ လက်စ်လူသာရဲ့ စမ်းသပ်ခန်းကနေ လွတ်လာတဲ့ လူလူဆိုတဲ့ ပူးလေးဟာ စူပါစွမ်းအားတွေ ရသွားပြီး ဂျက်စတစ်လိဂ်တစ်ဖွဲ့လုံးကို ဖမ်းထားလိုက်တယ်။ လူလူက လက်စ်လူသာကို ကယ်တင်ပြီး ကမ္ဘာကြီးကို အုပ်စိုးဖို့အထိ ကြံစည်နေတာပါ။ ဒီအခါ ခရစ်ပတိုတို့ စူပါတိရစ္ဆာန်အဖွဲ့က ပူးပေါင်းပြီး ဖမ်းဆီးခံထားရသူတွေကို ဘယ်လိုကယ်တင်ကြမလဲဆိုတာ ဆက်ကြည့်ရမှာဖြစ်ပါတယ်။

စိတ်၀င်စားဖို့ ကောင်းတဲ့ Crime-Drama မီနီစိးရီးလေးတစ်ခုနဲ့ မိတ်ဆက်ပေးချင်ပါတယ်။ ဒီဇာတ်လမ်းရဲ့ ဇာတ်လိုက် comedian Kid ရဲ့ ကာရိုက်တာကို အပြင်မှာ တကယ့် comedian တစ်ယောက်ဖြစ်တဲ့ Kevin Hart က သရုပ်ဆောင်ထားပြီး ကျွန်တော်တို့ ငယ်ငယ်က အရမ်းကြိုက်ခဲ့ကြတဲ့ Blade ကားတွေရဲ့ မင်းသားကြီး Wesley Snipes က Kid ရဲ့ အစ်ကို ဖြစ်သူ Carlton အဖြစ် ပါ၀င်ထားပါတယ် ဇာတ်လမ်းအကျဉ်း Kid ဟာ အောင်မြင်ကျော်ကြားပြီး ပရိသတ်ချစ်တဲ့ comedian တစ်ယာက်ပါ။ King of Comedy လို့တင်စားရလောက်တဲ့ထိအောင် သူ့ရဲ့ ပြက်လုံးတွေက လူတွေအပေါ် လွှမ်းမိုးထားပါတယ်။ ဒီတော့ ခြုံပြောရရင် သာယာတဲ့ ဘ၀ကို ပိုင်ဆိုင်ထားတဲ့ အနုပညာရှင်တစ်ယောက်လို့ ဆိုရပါမယ်။ ဒါပေမဲ့ သာယာနေတဲ့ သူ့ဘ၀ဟာ နယ်လှည့်ဖျော်ဖြေရေးအတွက် သူ့ရဲ့ ဇာတိမြေ Philadelphia ကို ရောက်တဲ့အခါ မိုးနဲ့မြေလို ပြောင်းပြန်ဖြစ်ကုန်ပါတော့တယ်။ အစ်ကိုဖြစ်သူရဲ့ ဥပဒေနဲ့ဆန့်ကျင်တဲ့ အရှုပ်တော်ပုံတွေကြား ပဲလှော်ကြားဆားညပ်ပြီး Kid တစ်ယောက် အောင်မြင်မှုနဲ့ မိသားစုကြား အကျပ်ရိုက်စရာတွေ ကြုံလာပါတော့တယ်။ ဖြစ်လာတဲ့ ပြဿနာတိုင်းက သူ့ရဲ့ အောင်မြင်မှုနဲ့ တိုက်ရိုက်အချိုးကျနေတဲ့အခါ Kid တစ်ယောက် ဒီဒုက္ခတွေကနေ ဘယ်လို ရုန်းထွက်ဖြေရှင်းမလဲ .... ဖြေရော ဖြေရှင်းနိုင်ပါ့မလားဆိုတာ ကြည့်ရှုလိုက်ကြရအောင်ပါ Translated by Yoon Sandi Aung, MTA, Thaung Htike Zaw  Encoded by Mr. Anderson

ကဲ ဒီတစ်ခါတော့ CM ပရိသတ်တွေအတွက် June 18 ပူပူနွေးနွေးလေး ထွက်ရှိထားတဲ့ Fatherhood လို့အမည်ရတဲ့ Netflix movie လေးကို တင်ဆက်ပေးချင်ပါတယ် ရုပ်ရှင်ကလည်း ပူပူနွေးနွေး ထွက်ရှိထားတာ မကြာသေးသလို ဇာတ်အိမ်ကလည်း ဖခင်တစ်ဦးရဲ့မေတ္တာကို ဖော်ကျူးထားတဲ့အတွက် ကြည့်ရှုသူတိုင်းကို နှလုံးပီတိ ဂွမ်းဆီထိစေမှာ အသေအချာပါပဲ ကဲ ဒါဆို ဇာတ်လမ်းအသွားအလာလေးကို အရင်စပြီး မိတ်ဆက်ပေးတာပေါ့ အဓိက ဇာတ်လိုက်ဖြစ်တဲ့ မတ်လိုဂယ်လင်းကနေ စကြတာပေါ့ မတ်ဟာ သူရဲ့ကိုယ်ဝန်ကို လွယ်ထားရတဲ့ ချစ်ဇနီးလေးလစ်ဇ်နဲ့အတူ တစ်အိုးတစ်အိမ်ထူထောင်ထားတဲ့ အိမ်ထောင်ဦးစီးတစ်ယောက်ပေါ့ ဒီလိုနဲ့ ကလေးမွေးပြီး ဖခင်တစ်ဦးရဲ့ဘဝကို ကျေနပ်နေတဲ့ မတ်တစ်ယောက်ကို ကံကြမ္မာက မျက်နှာသာ မပေးခဲ့ပါဘူး မတ်ရဲ့ကြင်သူလစ်ဇ်မှာ မတ်ရဲ့ဘဝထဲကို ချစ်စရာကောင်းတဲ့ သမီးလေး မတ်ဒီကို မွေးဖွားပေးခဲ့ပေမဲ့ သူကိုယ်တိုင်ကတော့ မတ်ကိုကျောခိုင်းပြီး တမလွန်ကို ကူးသွားခဲ့ပါတယ် ကလေးပုခက်တောင် ဖြောင့်အောင် မဆင်တတ်တဲ့မတ်တစ်ယောက် သူ့သမီးလေးကို ပြုစုပျိုးထောင်နိုင်ပါ့မလား...... သူတစ်ယောက်ထဲနဲ့ မတ်ဒီလေးရဲ့ မိခင်အဖြစ်ရော ဖခင်အဖြစ်ပါ လိုလေသေးမရှိအောင် ဖြည့်ဆည်းစောင့်ရှောက်ပေးနိုင်ပါ့မလား..... အမြဲ အလွဲလွဲအချော်ချော်ဖြစ်တတ်တဲ့ မတ်ရဲ့ သမီးလေးအပေါ်မှာ ဖခင်တာဝန်တွေ ကျေပွန်အောင် ကြိုးစားပုံတွေကို ဟာသလေးနှောပြီး ကြည်နူးစွာ ကြည့်ရှုနိုင်မှာ ဖြစ်ပါတယ် Jumanji ကားထဲက ဟာသသရုပ်ဆောင် ကီဗင်ဟာ့တ်က မတ်နေရာက ပါဝင်သရုပ်ဆောင်ထားတာဆိုတော့ ရိုက်နေကျဇာတ်ရုပ်မဟုတ်ဘဲ ဖခင်မေတ္တာလေးကို ကီဗင်တစ်ယောက် ဘယ်လိုရင်နဲ့ရင်းပြီး ဖော်ကျူးသွားမလဲဆိုတာ စိတ်ဝင်စားစရာပါပဲ Comedy Drama အမျိုးအစားလေးဖြစ်ပြီး IMDb Rating ကလည်း 6.7/10 တောင်ရရှိထားတာဆိုတော့ မနက်ဖြန်ပိတ်ရက်မှာ ဒီလို Netflix movie ကောင်းကောင်းလေးနဲ့ Chill လိုက်ကြတာပေါ့.. Translated and Review By Shwe Pyae and Shwe Pu Encoded by  : YK File Size : 1.7Gb and 877Mb Quality :1080p WEB H264 5.1Ch. and 720p Duration : 1h 49min

Secret Life Of Pets (2016) ရဲ့ Sequel အနေနဲ့ထွက်ရှိထားတဲ့ ဒုတိယမြောက်ဇာတ်ကားလေးပါ။ ပထမကားထက် Character ပိုစုံလာသလို ဇာတ်လမ်းဇာတ်ကွက်ကလည်း မြိုင်မြိုင်ဆိုင်ဆိုင်ရှိတဲ့အတွက် ပရိသတ်ကြီးတို့ သဘောကျကြဦးမှာပါ။ ကျွန်တော်တို့ ဇာတ်လိုက်လေး Max ဟာ အခုတော့ Duke နဲ့ အတော်လေး အပေးအယူမျှသွားကြပါပြီ။ ဆိုတော့ အရင်ကလို သခင်နဲ့အတူ အပူအပင်ကင်းကင်းနေတော့မယ်ဆိုတဲ့အချိန်မှ Katie ဟာ ရုတ်တရက် အိမ်ထောင်ကျသွားပါတယ်။ ဒီလိုနဲ့ Liam ဆိုတဲ့ ကလေးလေး မွေးဖွားလာခဲ့ပါတယ်။ အာရုံနောက်တာ မကြိုက်တဲ့ Max တစ်ယောက် တိုင်ပတ်တာပေါ့ဗျာ။ မြင်မြင်ရာ အလွတ်မပေးတတ်တဲ့ Liam နဲ့ ထိပ်တိုက်မတွေ့အောင် ရှောင်ရင်းတိမ်းရင်းပဲ အချိန်တွေကုန်လာခဲ့ပါတယ်။ ဒီလိုနဲ့ Liam လေး အရွယ်ရောက်လာတဲ့အခါမှာ Max နဲ့ သံယောဇဉ်တွယ်လာခဲ့သလို Max ဟာလည်း မျက်စိရှေ့က အပျောက်မခံနိုင်လောက်အောင်ကို အဖြစ်သည်းလာခဲ့ပါတယ်။ Liam ကို ခြေမွှေးမီးမလောင်လက်မွှေးမီးမလောင် ကာကွယ်ရင်း ဗျာများနေရတဲ့ Max အဖြစ်ကို မြင်ရမှာဖြစ်သလို တစ်ဖက်မှာလည်း ယုန်လေး Snowball ဟာ အရင်ကလို ယုန်ကြမ်းကြီး မဟုတ်တော့ဘဲ တိအကျိုးကို သယ်ပိုးထမ်းရွက်မဲ့ ဟီးရိုးတစ်ယောက်ဖြစ်လို့နေပါပြီ။ တိဥပဒေ စိုးမိုးရေးကို အကောင်အထည်ဖော်နိုင်ဖို့ ကြံဆနေတုန်း သူ့ကို အကူအညီလာတောင်းတဲ့ အမှုသည်တစ်ယောက် ဆိုက်ဆိုက်မြိုက်မြိုက်ရောက်ရှိလာတာမို့ အရူးဘုံမြောက် ဝမ်းပမ်းတသာ ကူညီပေးရှာပါတယ်။ ဒီလိုနဲ့ ကယ်တင်ရေးမစ်ရှင် စွန့်စားခန်းထွက်ကြတယ်ပေါ့ဗျာ။ ကာတွန်းကားဆိုပေမဲ့ ယူသင့်ယူထိုက်တဲ့ သင်ခန်းစာလေးတွေကို ပါးပါးနပ်နပ် ထည့်သွင်းပြသသွားတာမို့ အချိန်ပေးကြည့်ရှုရတာ တန်ပါတယ်ဗျာ။ (အညွှန်းနဲ့ ဘာသာပြန်သူကတော့ Thet Hnin Hsu ဖြစ်ပါတယ်) File size…     3.8 GB /    1.7 GB /    917 MB Quality… BluRay 4K HDR / 1080p / 720p Format… mp4 Duration…. 1h 30m Genre .....  Animation / Adventure Subtitle…. Myanmar Subtitle (Hard Sub) Encoder…. Thit San Khant Translated by Thet Hnin Hsu

The Upside (2017) IMDB : 7.1 Genre : Comedy / Drama ဒီရုပ်ရှင်ကတော်တော်လေးကို ရှားတယ်ပြောရပါမယ်။ ဘာလို့လဲဆိုတော့ မင်းသား Kevin Hart ရုပ်တည်နဲ့ ဟာသသိပ်မလုပ်တဲ့ ရှားပါးရုပ်ရှင်တွေထဲက တစ်ခုမလို့ဖြစ်ပါတယ်။ ဒါပေမဲ့ ဒီရုပ်ရှင်ရဲ့ အဓိကမင်းသားက Kevin Hart တင်မဟုတ်ပဲ အချစ်တော်မင်းသားကြီး Bryan Cranston လည်း ပါဝင်နေတာဖြစ်ပါတယ်။ ဒါတင်မကသေးပဲ မင်းသမီး Nicole Kidman ကပါ ပါဝင်အားဖြည့်ထားတာမလို့ ကြည့်ရတာ တော်တော်လေးကို တန်မယ့်ရုပ်ရှင်မျိုးပါပဲ။ ဒီရုပ်ရှင်ကိုကြည့်မိတော့ ၁၉၄၆ ခုနှစ်ထွက် It's a Wonderful Life ကို သွားသတိရမိတယ်။ It's a Wonderful Life ကတော့ Top Tier ရုပ်ရှင်ဆိုတော့ The Upside အနေနဲ့ ပုခုံးချင်းတော့ သွားတန်းလို့မရပေမဲ့ ပေးချင်တဲ့ ရုပ်ရှင်အနှစ်သာရကတော့ အတူတူပါပဲ။ The Upside ကတော့ ပြင်သစ်ရုပ်ရှင် The Intouchables (2011) ကို ပြန်လည်ရိုက်ကူးထားတဲ့ ရုပ်ရှင်ဖြစ်ပါတယ်။ ဇာတ်ညွှန်း ဒဲလ်ဆိုတာက ကောင်းမှုကလွဲရင် အကုန်လုပ်တဲ့ အိမ်ထောင်ကွဲ ကလေးအဖေတစ်ယောက်ဖြစ်ပါတယ်။ ကလေးအဖေဆိုပေမဲ့ ကလေးကလည်း သူနဲ့လိုက်မနေသလို အိမ်ထောင်ကလည်း ကန်ထုတ်ခံရပြီး ကွဲတဲ့ အနေအထားမျိုးဖြစ်ပါတယ်။ ထောင်ကထွက်ပြီး အလုပ်လုပ်ကြောင်း၊ အလုပ်အမှန်တကယ်ရှာဖွေနေကြောင်း ပြဖို့အတွက် အလုပ်ရတာ မရတာထား အလုပ်လျှောက်ခဲ့တဲ့နေရာမှန်သမျှမှာ လက်မှတ်ထိုးခိုင်းရင်း ခံဝန်အရာရှိကို ပြန်ပြန်ပြနေရပါတယ်။ ဒီလိုနဲ့ တစ်ရက်မှာ သန့်ရှင်းရေးအလုပ်သွားလျှောက်ခဲ့ပါတယ်။ ဒါပေမဲ့ ရောက်သွားတဲ့အချိန်မှာ သန့်ရှင်းရေးအလုပ်မဟုတ်ပဲ လူမှုဝန်ထမ်းလုပ်ရမယ့် အလုပ်ဆိုတာကို သိလိုက်ရပါတယ်။ ဖိလစ်ဆိုတာက မတော်တဆမှုတစ်ခုကြောင့် ပါးစပ်ကလွဲပြီး ကျန်တာလှုပ်လို့မရတော့တဲ့ သူဌေးကြီးတစ်ယောက်ဖြစ်ပါတယ်။ တစ်ရက်သူ့ကို ပြုစုစောင့်ရှောက်ဖို့ အလုပ်ခေါ်တဲ့နေရာမှာ သန့်ရှင်းရေးအလုပ်ထင်လို့ လာလျှောက်တဲ့ ဒဲလ်ကိုတွေ့ရာကနေ သဘောကျသွားပြီး အတွင်းရေးမှူး အီဗွန်တားနေတဲ့ကြားကနေ ခန့်လိုက်ပါတယ်။ ဆိုတော့ တွေးကြည့်ရရင် အရာအားလုံးမှာ ဆန့်ကျင်ဘက်ဖြစ်နေတဲ့ ဒဲလ်နဲ့ ဖိလစ်တို့နှစ်ယောက် ဘယ်လိုမျိုး ရှေ့ဆက်ကြမှာလဲ… ဆိုတာကို ခံစားကြည့်လိုက်ကြပါခင်ဗျာ။ File size…    2.1 GB / 1 GB Quality… BluRay1080p / 720p Format… mp4 Duration…. 2h 5m Genre ..... Comedy / Drama Subtitle…. Myanmar Subtitle (Hard Sub)

Fast and Furious ရုပ်ရှင်ကားတွေအကုန်လုံးကို 4K DD.5.1 Quality နဲ့  Extended Version တွေချည်း တင်ဆက်လိုက်ပါတယ်... ဒီမှာ  https://www.channelmyanmar.to/category/special-package/fast-and-furious/ ကြည့်ပါ။ Family အဓိက...ဘော်ဒါအဓိကဆိုတဲ့ Fast & Furious Franchise ဟာ ရုပ်ရှင်ထွက်လာလိုက်တိုင်း Box Office ဝင်ငွေကြမ်းခဲ့တာချည်းပါပဲ။ 1. The Fast & The Furious (2001) - $ 207 M 2. 2 Fast 2 Furious (2003) - $ 236 M 3. The Fast & The Furious : Tokyo Drift (2006) - $ 158 M 4. Fast & Furious (2009) - $ 360 M 5. Fast Five ( 2011 ) - $ 626 M 6. Fast & Furious 6 ( 2013 ) - $ 788 M 7. Furious 7 (2015) - $ 1.515 B 8. The Fate Of The Furious (2017) - $ 1.236 B 9. Fast & Furious Presents: Hobbs & Shaw ( 2019 ) - $ 760 M 10. F9 ( 2021 ) - $ 726 M 11. Fast X (2023) - $ 714 M +++++++++++++++++++ Fast and Furious Presents: Hobbs & Shaw (2019) IMDb Rating (6.5) / Rotten Tomatoes (67%) Fast and Furious ကနေခွဲထွက်လာတဲ့ ၂၀၁၉ ရုပ်ရှင်ကားအသစ်ကို တင်ပေးထားပါတယ်။ အဓိက သရုပ်ဆောင်၂ယောက်ကတော့ ဒဝိန်းဂျွန်ဆန် နဲ့ ဂျေဆင် စတာသန် တို့ပါပဲ။ The rock ကြီးနဲ့ transporter မင်းသားဆို ပိုသိကြမှာပါ။ ဒီရုပ်ရှင်ကတော့ အက်ရှင်အသားပေးပါပဲ သာမန်လူတွေ မလုပ်နိုင်လောက်မယ့် အမိုက်စား အကြမ်းစားအက်ရှင်တွေနဲ့ပေါ့။ နောက်ပြီးတော့ မင်းသား ၂ ယောက် မတည့်အတူနေ ပုံစံနဲ့ ကြည့်ရှုတဲ့သူတွေကိုဟာသရသလေးတွေ ပျော်ရွှင်ဖွယ်ရာဖြစ်အောင်ထည့်ပေးထားပါသေးတယ်။ ကမ္ဘာကြီးတစ်ခုလုံးကို သေစေနိုင်လောက်တဲ့ ဗိုင်းရပ်စ်ပိုးတစ်မျိုးကို အသုံးချမယ့် အစွန်းရောက်အဖွဲ့တစ်ဖွဲ့ ရှိပါတယ်။ အဲဒီဗိုင်းရပ်စ်ကို သယ်ဆောင်ထားရတဲ့ စီအိုင်အေး အေးဂျင့်မလေးကိုသူတို့နှစ်ယောက် လိုက်ကယ်ရင်း အဲဒီ အဖွဲ့နဲ့ ရင်ဆိုင်ကြတာပေါ့။ ဒီမင်းသားကြီး ၂ ယောက် ကယ်တင်နိုင်ပါ့မလားဆိုတာကိုတော့ ခံစားကြည့်လိုက်ပါဦး။ အလန်းစားအက်ရှင်ခန်းတွေနဲ့ ရင်သပ်ရှုမောဖွယ်ရာ စတန့်ခန်းတွေကို တစ်၀ကြီးမြင်တွေ့ရမှာဖြစ်လို့ ကြည့်လိုက်ကြပါဦးဗျို့...... File Size : (7.4 GB) /(2.5 GB) / (1.2 GB) Quality : BluRay 4K HEVC/ 1080p HEVC/ 720p Running Time : 2hr 17 min Format : Mkv/Mp4 Genre :Action, Crime, Thriller Subtitle : Myanmar Subtitle (Hard Sub) Translated by Littleneo Encoded by Than Htike Zaw/Ka Naung

အကုန်လုံးစောင့်နေတဲ့ Jumanji တော့လာပါပြီ IMDb 7 နဲ့ toamtoes မှာ 71 ရထားပါတယ် ပထမကထက်ပိုပြီးစိတ်လှုပ်ရှားဖို့ကောင်းပြီးတော့ ဟာသတွေပိုပါဝင်လာမှာပါ စပန်ဆာတစ်ယောက်နေရင်းထိုင်ရင်း Jumanji ထဲပြန်ဝင်သွားရာကနေ ဇာတ်ရှုပ်ပါတော့တယ် အဲဒီမှာပဲသူ့ကောင်မလေးနဲ့ကျန်ခဲ့တဲ့သူငယ်ချင်းတွေကပြန်လိုက်ခေါ်ဖို့လုပ်ပါတော့တယ် ဒါပေမယ့်ဂိမ်းထဲကိုပြန်ဝင်လာတာသူတို့အုပ်စုတင်မဟုတ်ပဲ စပန်ဆာရဲ့အဖိုးနဲ့သူငယ်ချင်းဖြစ်သူတို့ပါပါလာတဲ့အခါမှာတော့ ဇာတ်လမ်းကပိုပြီးအရှိန်တက်လာပါတော့တယ် ဂိမ်းထဲကိုရောက်တဲ့အခါမှာလည်း ပထမတစ်ကားတုန်းကဇာတ်ကောင်တွေမဟုတ်တော့ပဲ ဇာတ်ကောင်အပြောင်းအလဲတွေဖြစ်သွားတဲ့အခါမှာ ဘယ်လိုတွေတိုင်ပတ်ကြမလဲ အခက်အခဲတွေကိုထုံးစံအတိုင်းဘယ်လိုကျော်ပြီး အပြင်ကိုဘယ်လိုပြန်ထွက်မလဲ သူတို့ကိုလုပ်ခိုင်းတဲ့ missionကိုရောပြီးမြောက်အောင်လုပ်နိုင်မလားဆိုတာ...။ File Size : (4.6 GB)/(2.2 GB)/(1.2 GB) Quality : BluRay 4K HEVC / 1080p /720p Running Time : 2 hr 03 min Format : mkv/mp4 Genre : Action , Adventure , Comedy Subtitle : Myanmar Subtitle (Hard Sub) Translated by Phue Encoded by Moe Myint Lwin,Nyeinsaeya Aung

၀၁၉ နှစ်သစ်အချိန်အခါသမယလေးမှာ မျှော်လင့်ချက်အသစ်တွေယူဆောင်လာပေးမယ့် ပျော်ရွှင်စရာ ရယ်မောစရာ ဇာတ်ကားလေးတစ်ကား တင်ဆက်ပေးချင်ပါတယ်… Kevin Hart , Tiffany Haddish စတဲ့ နာမည်ကြီး ဟာသသရုပ်ဆောင်တွေပါဝင်တဲ့အတွက် ပျော်ရွှင်ရယ်မောရမယ်ဆိုတာကိုတော့ ကြိုပြောထားချင်ပါတယ်။…. တက်ဒီ ဆိုတဲ့ကောင်လေးတစ်ယောက်ဟာ စာမကြိုးစားချင်ဘဲ အထက်တန်းကျောင်းကထွက်လာတဲ့ လူတစ်ယောက်ဖြစ်ပြီး အပြင်လောကကြီးကို စာသင်ကျောင်းသဖွယ်မှတ်ယူထားသူပေါ့… အထက်တန်းကျောင်းကနေထွက်ပြီး ၁၅ နှစ်ကြာတဲ့အချိန်မှာ အောင်မြင်တဲ့အရောင်းသမားတစ်ဦးအဖြစ်ရှိနေစဉ်ကာလမှာ သူအလုပ်လုပ်ရာဆိုင်မှာ ပေါက်ကွဲမှုတစ်ခုဖြစ်ပြီး အလုပ်ကနေပြုတ်ခဲ့ပါတယ်… အထက်တန်းလွှာက အင်ဂျင်နီယာတစ်ယောက်ကို ရည်းစားတော်ထားတဲ့ တက်ဒီဟာ သူ့ရည်းစားစိတ်မပျက်ရလေအောင် အလုပ်ရှာဖို့ကြိုးစားပါသော်လည်း အထက်တန်းမအောင်တဲ့သူ့အတွက် လစာကောင်းတဲ့အလုပ်တွေ မရနိုင်လို့ အထက်တန်းအောင်လက်မှတ်ရဖို့ ဘယ်လိုတွေကြိုးစားအားထုတ်ခဲ့တယ်ဆိုတာ မြင်တွေ့ရမှာပါ..။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဇွဲခန့်သွင်ပါ) File Size : (900 MB) and (400 MB) Quality : WEB-DL 720p Running Time : 1h 51min Format : Mp4 Genre : Comedy Subtitle : Myanmar Subtitle (Hard Sub) Source : 720p.WEB-DL.DD5.1.H264-CMRG Translated by Zuel Khant Thwin Encoded by Thanhtike Zaw

ဒီကာတွန်းကားလေးက အမေရိကားရဲ့ ကလေးကြိုက်ကာတွန်းစီးရီးစာအုပ်ကို Dreamwork Animation ကနေ ရုပ်ရှင်အဖြစ် ပြန်ပြီးတော့ အသက်သွင်းထားတာပါ။မူရင်း ကာတွန်းစီးရီးက ၁၂ အုပ်တိတိ ရှိပြီး ၃ ကြိမ်တိုင်တိုင် ပြန်လည် ထုတ်ဝေထားပါတယ်။ဒီကာတွန်းကို ဘာသာစကားပေါင်း ၂၀ကျော်လောက်နဲ့ဘာသာပြန်ထုတ်ဝေခဲ့ပြီးစာအုပ်ပေါင်းသိန်း၇၀လောက်ရောင်းရခဲ့တဲ့ကာတွန်းစီးရီးလေးပါ။ ဇာတ်လမ်းလေးကတော့ ကျောင်းသားလေးနှစ်ယောက်နဲ့ သူငယ်ချင်းသံယောဇဉ်ကို ဖော်ကျူးထားတဲ့ဇာတ်လမ်းမျိုးလေးပါ။           ကာရိုးဒ်နဲ့ ဂျော့ရှ်က အစအနောက်သန်တဲ့ စတုတ္ထတန်းကျောင်းသားလေးတွေပါ။သူတို့က ဟာသဉာဏ်ရွှင်ပြီးတော့ ကာတွန်းရုပ်ပြတွေကို အတူဖန်တီးရေးဆွဲနေတဲ့ သူငယ်ချင်းနှစ်ယောက်ပါ။သူတို့က ကက်ပတိန်အန်ဒါပန့်လို့ခေါ်တဲ့ စူပါဟီးရိုး ကာတွန်းရုပ်ပြလေးကို အတူတူရေးဆွဲခဲ့တယ်။           သူတို့ရဲ့ကျောင်းအုပ်ကြီးက စိတ်တိုစိတ်ဆိုး စည်းကမ်းတင်းကြပ်တဲ့သူမို့ သူတို့နှစ်ယောက်ကို ကြည့်မရပါဘူး။ သူတို့နောက်ပြောင်နေတာကို သက်သေမရှိသေးလို့ ဘာမှမလုပ်နိုင်သေးပေမယ့် တစ်နေ့နေ့တော့ စောင့်ဖမ်းပြမယ်လို့ကြုံးဝါးထားပါတယ်။တစ်နေ့ သူတို့ပြဿနာရှာတာကို လက်ပူးလက်ကြပ်မိတဲ့ အခါမှာတော့ အကြီးဆုံးပြစ်ဒဏ်အနေနဲ့ သူတို့နှစ်ယောက်ကို  အတန်းခွဲထားဖို့ လုပ်ပါတော့တယ်။ သူတို့သူငယ်ချင်းနှစ်ယောက် မခွဲချင်တာနဲ့ ကြံမိကြံရာနဲ့ ကျောင်းအုပ်ကြီးကို အိပ်မွေ့ချကြိုးစားတာ ရလိုက်တယ်။ အိပ်မွေ့ချထားရင်း ကျောင်းအုပ်ကြီးက သူတို့ပြောတဲ့အတိုင်း ဖြစ်တာမို့ သူတို့ရဲ့ကာတွန်းဇာတ်ကောင်လေး ကပ္ပတိန်အန်ဒါပန့်အဖြစ် အိပ်မွေ့ချထားလိုက်မိတဲ့အခါမှာတော့          သူတို့ကာတွန်းဇာတ်ကောင်လို တကယ့်စူပါဟီးရိုးပဲဖြစ်လာမလား ပေါက်တတ်ကရတွေ လျောက်လုပ်တတ်တဲ့ စူပါဟီးရိုးပဲဖြစ်မလား ဘာတွေဆက်ဖြစ်မလဲဆိုတာကိုတော့ ရှုစားကြည့်လိုက်ပါ (ဘာသာပြန်ကတော့ Little May ပါ) File Size : (700 MB) and (400 MB) Quality : 720pBluray Running Time : 1hr 29minutes Format : Mp4 Genre : Animation, Action, Comedy Subtitle : Myanmar Subtitle (Hard Sub) Translated by Little May Encode by Thanhtike Zaw

၁၉၉၅ လောက်ကတည်းက ပရိသတ်တွေ ရင်းနှီးခဲ့ပြီးသား Jumanji ဇာတ်လမ်းပြီးနောက် သီးခြားဇာတ်လမ်းတစ်ခုနဲ့ ထပ် ထွက်လာတာမို့ ရသအသစ်အဆန်းလေး ဖြစ်တဲ့အတွက် ပရိ သတ်တွေ သဘောကျကြမှာပါ။ဇာတ်လမ်းအဓိကအကြောင်းအရာကတော့ ဆယ်ကျော်သက်ကလေးလေးယောက် ဗီဒီယိုဂိမ်းကစားကာ ဂျူမန်းဂျိ ကမ္ဘာထဲရောက်သွားပြီး စွန့်စားခန်းမျိုးစုံ ဖြတ်ကျော်ရတဲ့ အကြောင်းလေး တင်ဆက်ထားတာ ဖြစ်ပါတယ်။ ၁၉၉၆ ကာလက အဲလက်စ် ဆိုတဲ့ ဆယ်ကျော်သက်ကောင် လေးဟာ ဂျူမန်းဂျိဂိမ်းဘုတ်ပြား လေးကို ကမ်းခြေနားက ကောက်ရ ခဲ့ပေမယ့် ဗီဒီယိုဂိမ်းတွေပဲ ကစား ဖြစ်နေတာမို့ ဂိမ်းမကစားဖြစ်ဘဲ သိမ်းထားခဲ့ပါတယ်။ ဒီလိုနဲ့ တစ် ညမှာ ဂျူမန်းဂျိဘုတ်ပြားထဲက ဂိမ်းတွေဟာ ဗီဒီယိုဂိမ်းအဖြစ် ပြောင်းသွားပြီး အဲလက်စ်က ဂိမ်း စက်ဖွင့်လိုက်ပြီးနောက်မှာတော့ သူပါပျောက်သွားခဲ့ပါတယ်။နှစ် ၂၀ လောက်ကြာခဲ့ပြီး နောက်မှာတော့ ဂျူမန်းဂျိဂိမ်းစက် က ပြန်ပေါ်လာခဲ့ပါတယ်။ စပန် ဆာ၊ ဘယ်သန်နီ၊ မာသာနဲ့ ဖရစ်ဂျ်ဆိုတဲ့ ဆယ်ကျော်သက် လေးယောက် အခန်းထဲက အရှုပ်တွေကို ရှင်းရင်းနဲ့ ဂျူမန်းဂျိဂိမ်းစက်ကို ရှာတွေ့ခဲ့တာပါ။ လက်ထဲရောက်လာတဲ့ အသစ်အဆန်းဆို စူးစမ်းချင်တဲ့ သူတို့တွေ ဂိမ်းစက်ကိုဖွင့်ဆော့ရင်း ဗီဒီယိုဂိမ်းထဲ ရောက်သွားပါတော့တယ်။ ဂိမ်းထဲမှာ အပြင်ကလူတွေ မဟုတ်တော့ဘဲ သူတို့ရွေးလိုက် တဲ့ ဇာတ်ကောင်အလိုက် ကိုယ် စားပြုဂိမ်းဇာတ်ကောင်တွေအဖြစ် ပြောင်းသွားပြီး လှုပ်ရှားရပါတော့တယ်။ Welcome to the Jungle ဆိုတဲ့အတိုင်းပဲ တောနက်ထဲကို ရောက်သွားကြတဲ့ သူတို့လေး ယောက် လမ်းခရီးတစ်လျှောက် စွန့်စားခန်းမျိုးစုံနဲ့ ကြုံခဲ့ကြရပြီး အန္တရာယ်ခရီးကြမ်းတွေကို တက် ညီလက်ညီ ကျော်ဖြတ်ခဲ့ကြရပါတယ်။ စပန်ဆာတို့အဖွဲ့တွေ ဂျူမန်းဂျိကမ္ဘာထဲက ဘယ်လိုတွေ ဖြတ်သန်းပြီးမှ လွတ်မြောက်နိုင်မှာလဲဆိုတာကို စွန့်စားခန်း၊ အက်ရှင်၊ ဟာသ၊ ရသမျိုးစုံခံစားရင်းဆက်ကြည့်ရအောင်လို့ ဖော်ပြလိုက်ပါတယ်။ ဒီဇာတ်ကားမှာ ဒွိန်းဂျွန်ဆင်၊ ဂျက်ဘလက်ခ်၊ ကယ်ရန်ဂျီလန်၊ ကီဗင်ဟက်၊ နစ်ခ်ဂျိုနက်စ်၊ ဘော့ဘီကန်နာဗေးလ်နဲ့ သရုပ်ဆောင်များစွာ ပါဝင်ထားပါတယ်။ (ဇာတ်လမ်းအညွှန်းကို 7Daily Website မှ ကူးယူဖော်ပြပါသည်) File size…(6.4 GB)/(1.9 GB) Quality….BluRay 4K HEVC/1080p Format…mkv/mp4 Duration….01:59:03 Subtitle….Myanmar Subtitle (Hardsub) Encoder….Nyeinsaeya Aung Translated by CM Team

၂၀၁၆ ခုနှစ်က ထွက်ရှိခဲ့ပြီး လူကြီးလူငယ်မရွေး သဘောကျနှစ်သက်ခဲ့ကြတဲ့ The Secret Life Of Pets ကာတွန်းကားလေးကို ပိုမိုကောင်းမွန်တဲ့ Quality နဲ့ ထပ်မံ တင်ဆက်ပေးချင်ပါတယ်။ ကိုယ်အိမ်မှာမရှိတုန်း တိလေးတွေ ဘာလုပ်နေမလဲလို့ တွေးကြည့်ဖူးလားဗျ။ ကျွန်တော် ငယ်ငယ်ကတော့ အပြင်သွားချင်ယောင်ဆောင်ပြီး အိမ်က ခွေးလေးတွေ ဘယ်လိုနေထိုင်ကြလဲ စောင့်ကြည့်ဖူးပါတယ်။ ဒီကာတွန်းကားလေးဟာလည်း သခင်တွေအိမ်မှာမရှိတုန်း အပီအပြင်သောင်းကျန်းကြတဲ့ တိလေးတွေရဲ့ လျှို့ဝှက်ဘဝကို ဟာသနှော တင်ဆက်သွားတာပါ။ IMDb 6.8 နဲ့ Box Office မှာ 760$ Millions ထိ အောင်မြင်နေတဲ့ ဒီကားလေးရဲ့ ဇာတ်လမ်းအကျဉ်းကတော့..... အဓိကဇာတ်လိုက်ကတော့ Max ဆိုတဲ့ တယ်ရီယာခွေးပုလေးပေါ့ဗျာ။ သခင်ဖြစ်သူ Katie နဲ့ နယူးယောက်မြို့တော်ကြီးမှာ အပူအပင်ကင်းကင်း ဘဝကိုဖြတ်သန်းနေတဲ့ကောင်လေးပေါ့။ သူ ကြုံရတဲ့ အခက်အခဲဆိုလို့ Katie မနက် ရုံးသွားတိုင်း အတင်းလိုက်ဆွဲရတဲ့ ဒုက္ခပဲရှိပါတယ်။ ဒါပေမဲ့လည်း Katie ပြန်ရောက်တဲ့အထိ တစ်နေကုန် တံခါးရှေ့ထိုင်စောင့်တာပါပဲ။ ဘာပဲပြောပြော ချစ်ရတဲ့သခင်နဲ့ နှစ်ကိုယ်တည်း အေးချမ်းနေတဲ့ သူ့ဘဝလေးဟာ တစ်နေ့မှာတော့ Katie အသစ်မွေးစားလာတဲ့ Duke ဆိုတဲ့ တခြားခွေးတစ်ကောင်ကြောင့် ဗြောင်းဆန်ကုန်ပါတယ်။ နဂိုရရှိထားတဲ့ အခွင့်အရေးတွေကိုပါ လက်လွှတ်ဆုံးရှုံးလာရတာမို့ Duke ကို အိမ်ပေါ်က နှင်ထုတ်ဖို့ ကြံရင်းဖန်ရင်း အလွဲလွဲအချော်ချော် ဖြစ်ပုံလေးကို ရယ်ရယ်မောမော ကြည့်ရှုခံစားရမှာပါဗျ။ မိသားစုနဲ့အတူ ဘာကားကြည့်ရမလဲ မသိဖြစ်နေရင် ဒီကားလေးကို ရွေးချယ်ကြည့်ရှုဖို့ တိုက်တွန်းပါတယ်။ (အညွှန်းနဲ့ ဘာသာပြန်သူကတော့ Thet Hnin Hsu ဖြစ်ပါတယ်) File size…     4.7 GB /    2 GB /    1 GB Quality… BluRay 4K HDR / 1080p / 720p Format… mp4 Duration…. 1h 30m Genre .....  Animation / Adventure Subtitle…. Myanmar Subtitle (Hard Sub) Encoder…. Thit San Khant Translated by Thet Hnin Hsu

[Unrated Version BluRay ကိုပြန်လည်တင်ဆက်ထားခြင်းဖြစ်ပါတယ်။] Datshin Review : Central Intelligence (2016) Action , Comedy , Crime . Storyline . တစ်ချိန်တုန်းက ကျောင်းမှာ Bully လုပ်ခံခဲ့ရတဲ့ Bob တစ်ယောက် ထိုအချိန်ထဲကပျောက်သွားပြီး နောက်နှစ်ပေါင်းများစွာကြာမှ ကျောင်းသားဟောင်းတွေတွေ့စုံပွဲကို CIA Agent အဖြစ်ပြန်လည်ရောက်ရှိလာပြီး ကျောင်းတုန်းကခင်ခဲ့တဲ့သူငယ်ချင်းဖြစ်သူ Calvin ကိုသူ့ရဲ့ Top Secret Case ထဲကိုအတင်းဆွဲသွင်းပြီး ထိုပြဿနာတွေကိုဖြေရှင်းကြတဲ့အကြောင်းဟာသနှောပြီးရိုက်ကူးတင်ဆက်ထားတာပါ။ . Review . Central Intelligence….. ဒီဇာတ်ကားကို Trailer တွေစပြကတည်းကကြည့်ချင်ခဲ့တာ။ အကြောင်းအမျိုးမျိုးကြောင့် ရုံမှာသွားမကြည့်ခဲ့ရပေမဲ့ အခုအခွေတွေထွက်လာတော့ကြည့်တဲ့အခါမှာ တော်တော်ရီရတဲ့ဇာတ်ကားတစ်ကားဆိုတာတွေ့ပါတယ်။ ဒီဇာတ်ကားက Comedy ကြီးသက်သက်ကို ဒီတိုင်းပြရင်တောင် ဒီလောက်ရီရမှာမဟုတ်ပဲ အခုလို CIA Agent တစ်ယောက်ကသူငယ်ငယ်တုန်းကခင်ခဲ့တဲ့ ငယ်သူငယ်ချင်းကို သူ့Case ထဲအတင်းဆွဲသွင်းပြီး ရုပ်တည်ကြီးနဲ့ ပေါက်ကရတွေပါလုပ်တာကြောင့် ကြည့်ရှုတဲ့လူကိုတော်တော် Entertain ဖြစ်စေတာအမှန်ပါပဲ။ ဒါပေမဲ့လဲ Central Intelligence မှာဇာတ်လမ်းကတော့ ဘာမှသိပ်မရှိပါဘူး။ Central Intelligence ဟာ သူ့ရဲ့ဇာတ်လမ်းအတိုလေးကိုဆွဲဆန့်ထားပြီး ဟာသတွေနဲ တွဲရိုက်ထားတဲ့ဇာတ်ကားတစ်ကားပါ။ ဒီဇာတ်ကားထဲမှာ Dwayne Johnson နဲ့ Kevin Hart တို့နှစ်ယောက်ကြားက Chemistry ကလဲတော်တော်လိုက်ဖက်ညီပါတယ်။ ဒါပေမဲ့သူတို့နှစ်ယောက်ရဲ့ Chemistry က Simon Pegg နဲ့ Nick Frost တို့နှစ်ယောက်ရဲ့ Chemistry ကိုတော့မမှီဘူးလို့ထင်တယ်။ နှစ်ယောက်စလုံးရဲ့ Acting ကတော့ဘာမှသိပ်ပြောစရာမလိုပါဘူး။ . ဒီဇာတ်ကားမှာတကယ့် Star ကတော့ Dwayne Johnson ပါပဲ။သူ့ရဲ့ ဗလကြီးကြီး Body ကြီးနဲ့ Unicorn ပုံပါတဲ့ အင်္ကျီတွေဝတ် ၊ ဖိနပ်အဝါကြီးစီးပြီး ရုပ်တည်ကြီးနဲ့ဟာသတွေလုပ်နေတာကတော့ တော်တော်ရီရပါတယ်။ Dwayne Johnson အနေနဲ့ 2016 ရဲ့ဝင်ငွေအများဆုံးမင်းသားစာရင်းထဲမှာပါခဲ့တာလဲသိပ်တော့မဆန်းဘူးလို့တွေးမိပါတယ်။ ဘာဖြစ်လို့လဲဆိုတော့ သူ့ရဲ့ Acting ကအရင်ထက်စာရင်တော်တော်ကိုကောင်းမွန်နေပြီး ဇာတ်ရုပ်တွေနဲ့လိုက်ဖက်အောင်သရုပ်ဆောင်နိုင်တာကိုတွေ့ရပါတယ်။ ဒီဇာတ်ကားရဲ့ အားနည်းချက်တွေထဲကတစ်ခုကတော့ တစ်ချို့အခန်းတွေကတော့ ဇာတ်လမ်းပိုင်းမှာယုတ်တိသိပ်မရှိတာတွေပါနေပြီး တစ်ချို့အခန်းတွေကတော့ မလိုအပ်တဲ့ နဲနဲခပ်ပေါပေါဟာသလုပ်ကွက်တွေပါနေတာတွေရှိပါတယ်။ . အချုပ်ပြောရရင်တော့ Central Intelligence ဟာကြည့်ရှုသူကိုပေါ့ပေါ့ပါးပါးနဲ့ရီစရာတွေပေးပြီး Entertain ဖြစ်စေမဲ့ဇာတ်ကားတစ်ကားထက်တော့မပိုပါဘူး။ ကြည့်နေတုန်းရီစရာတွေ ပျော်စရာတွေပေးတဲ့အတွက်ကြောင့် အလုပ်တွေပင်ပန်းလို့ ပေါ့ပေါ့ပါးပါးနဲ့ရီစရာကောင်းတဲ့ဇာတ်ကားတစ်ကားကြည့်ချင်တယ်ဆိုရင်တော့ Central Intelligence ကအချိန်ပေးရကျိုးနပ်မဲ့ဟာသကားတစ်ကားပါပဲ။ . Movie Information Director : Rawson Marshall Thurber Top Billed Cast : Dwayne Johnson , Kevin Hart , Amy Ryan , Aaron Paul Production : New Line Cinema , RatPac-Dune Entertainment Distribution : Warner Bros. Pictures Budget : $50 Million Box office : $217 Million . Rating Datshin : 3.5/5 IMDB : 6.3/10 RT : 70% . ~  TiiT ~ (ရုပ္ရွင္အညႊန္းကို Datshin Facebook Page မွ ကူးယူေဖာ္ျပပါသည္။) File size…(1.1 GB) and (460 MB) Quality…BluRay 720p Format…mkv Duration….01:56:00 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

အတ္တလန္တာရဲဌာနက စုံထောက်ဘန်ဟာ အမှုတစ်ခုကို လိုက်နေရင်း မရည်ရွယ်ဘဲ မူးယစ်ဂိုဏ်းတစ်ခုရဲ့ခြေရာကို တွေ့သွားပါတယ်။ အဲဒီကနေ မိုင်ယာမီအထိ သွားရောက်စုံစမ်းဖို့ အကြောင်းပေါ်လာတော့ သူနဲ့အတူ အရာရှိဂျိမ်းစ်ပါ လိုက်ပါလာတယ်။ ဂျိမ်းစ်က ဘန်ရဲ့ညီမနဲ့ မကြာခင် လက်ထပ်တော့မယ့် ယောက်ဖလောင်းဖြစ်ပြီး ရာထူးချခံထားရသလို ခံဝန်နဲ့လည်း နေနေရသူပါ။ ဒီနှစ်ယောက် မိုင်ယာမီမှာ အတူအမှုလိုက်ကြရင်း ကြုံရတဲ့ အလွဲအချော်တွေကို ပြထားတဲ့ စုံထောက်ဟာသဇာတ်ကားဖြစ်ပါတယ်။

Doug Harris ဆိုတဲ့ လူမှု့ ဆက်ဆံရေး ညံတဲ့ သူဟာ Gal ဆိုတဲ့ ကောင်မလေးနဲ့ လက်ထပ်ဖို့ ၂ပတ်လောက်သာ လိုတော့တဲ့ချိန်ထိ သတို့သားအရံမရှိသေးပါဘူး ဒါနဲ့ပဲ သူက အချိန်မရှိတော့ဘူးဆိုပြီး Best Man Inc ဆိုတဲ့ သတို့သားအရံရှာဖွေရေး အေဂျင်ဆီကို အပ်လိုက်တဲ့နောက်... သတို့သားအရံလုပ်မယ့်သူတွေနဲ့ မဂ်လာပွဲကြား အရှုပ်အရှင်းတွေကို ဟာသနှောပြီး ရိုက်ပြထားတဲ့ ဇာတ်ကားကောင်းလေးတစ်ကားမို့ လက်မလွှတ်တမ်း ကြည့်ရှု့လိုက်ကြပါတော့ ....။ ( ဘာသာပြန်ပြီး အညွှန်းရေးသားထားသူကတော့ Mark ပါ ) File size_(1.6GB)/(850MB) Quality_Blu-Ray 1080p / 720p Format_mp4 Duration_01:41:00 Genre_Comedy, Romance Subtitle_Myanmar Subtitle (Hardsub) Encoder_a hao Translated by Mark

ချမ်းသာတဲ့ စီးပွားရေးမန်နေဂျာ ဂျိမ်းစ်ကင်းဟာ ငွေကြေးအလွဲသုံးစားလုပ်မှု၊ လိမ်လည်မှုစတဲ့ စွဲချက်တွေနဲ့ ဖမ်းဆီးခံရပြီး ထောင်ဆယ်နှစ် ချမှတ်ခံလိုက်ရပါတယ်။ ထောင်မဝင်ခင် လိုအပ်တာတွေ ပြင်ဆင်ဖို့ ရက်သုံးဆယ်ရပေမယ့် ဂျိမ်းစ်ကတော့ ထောင်ထဲမှာ မိနစ်ပိုင်းတောင် ခံနိုင်မှာမဟုတ်ဘူးလို့ တွေးပြီး ယောင်ယောင်ချာချာ ဖြစ်နေတယ်။ အဲဒီအချိန်မှာ ဒါနဲလ်နဲ့ တွေ့ပြီး သူ့ကို ထောင်ထွက်လူမိုက်တစ်ယောက်လို့ အထင်မှားသွားပါတယ်။ တကယ်တော့ ဒါနဲလ်ဟာ ကားရပ်နားမှုအတွက် ဒဏ်ကြေးဖြတ်ပိုင်းတောင် မရဖူးတဲ့သူပါ။ ဒါကိုမသိတဲ့ ဂျိမ်းစ်က ထောင်ထဲမှာ အသက်ရှင်နေတတ်အောင် သင်ပေးဖို့ ဒါနဲလ်ကို ဆရာတင်လိုက်တဲ့အခါ နှစ်ယောက်သား အလွဲတွေနဲ့ ကြုံကြရတော့တယ်။ ဂျိမ်းစ်က တကယ်ပဲ ငွေလိမ်ခဲ့တာလား၊ နောက်ကွယ်မှာ ဘယ်သူတွေရှိနေသလဲဆိုတာလည်း ရှင်းရဦးမှာပါ။ ၂၀၁၅ ခုနှစ်ထွက် ဒီဟာသဇာတ်ကားမှာ Will Ferrell က ဂျိမ်းစ်ကင်းအဖြစ်၊ Kevin Hart က ဒါနဲလ်အဖြစ် သရုပ်ဆောင်ထားပါတယ်။ R-rated ဖြစ်ပြီး လူကြီးကြည့်အခန်းတချို့နဲ့ ကြမ်းတမ်းတဲ့စကားအသုံးအနှုန်းတွေ ပါဝင်ပါတယ်။

ဘန်က စာသင်ကျောင်းတစ်ခုမှာ လုံခြုံရေးဝန်ထမ်းအဖြစ် အလုပ်လုပ်ပြီး အားလပ်ချိန်ဆို ဂိမ်းဆော့ရင်း ပေါ့ပေါ့ပါးပါးနေတတ်သူပါ။ သူနဲ့ ချစ်သူအန်ဂျလာတို့က လက်ထပ်ဖို့ အဆင်သင့်ဖြစ်နေကြပေမယ့် အန်ဂျလာရဲ့အစ်ကို ဂျိမ်းစ်က သဘောမတူဘူး။ ဂျိမ်းစ်ဟာ အမှုတစ်ခုကို နှစ်နဲ့ချီပြီး လိုက်တတ်တဲ့အထိ အလုပ်အပေါ် တာဝန်ကျေပြီး ဇွဲရှိတဲ့ ရဲတစ်ယောက်ပါ။ ညီမကို သိပ်ချစ်တဲ့သူက ယောက်ဖလောင်းဘန်ကိုတော့ ကြည့်မရဖြစ်နေတယ်။ တစ်နေ့ ဘန်က အတ္တလန်တာရဲသင်တန်းကျောင်းကို ဝင်ခွင့်ရသွားပြီး ဂျိမ်းစ်ကို ပြောပြလိုက်ပါတယ်။ အဲဒီအခါ ဂျိမ်းစ်က ဘန်ဟာ ရဲတစ်ယောက်ဖြစ်ဖို့ ထိုက်တန်ရဲ့လားဆိုတာ စမ်းသပ်ဖို့ သူကင်းလှည့်တဲ့အခါ အကူအဖြစ် လိုက်ခိုင်းလိုက်တယ်။ ဒီလိုနဲ့ သဘောထားမတိုက်ဆိုင်တဲ့ ယောက်ဖလောင်းနှစ်ယောက် ကင်းလှည့်ထွက်လာကြပြီး ဘယ်လိုအလွဲတွေ ကြုံကြမလဲဆိုတာကို ဆက်ကြည့်ရမယ့် ရဲအက်ရှင်ဟာသဇာတ်ကားပါ။

IMDb 6.6 ရရှိထားတဲ့ဇာတ်ကားလေးဖြစ်ပြီး Dark Comedy/ Horror ကားပရိတ်သတ်တွေအတွက်ရည်ရွယ်ပါတယ် ဇာတ်ကားနာမည်နဲ့လိုက်ဖက်စွာပဲ ကမ္ဘာပျက်တဲ့အကြောင်းကိုရိုက်ကူးထားတာပါ ထူးခြားတာက တစ်ကားလုံးသရုပ်ဆောင်တွေဟာ သူတို့ရဲ့ နာမည်အရင်းတွေ career အစစ်တွေအဖြစ်ပါဝင်သရုပ်ဆောင်ထားတာပါပဲ Harry Potter မင်းသမီးလေး Emma Watson ရော Rihanna ရော ဧည့်သည်သရုပ်ဆောင်အဖြစ်ပါဝင်ထားပါတယ် ဇာတ်လမ်းအကျဉ်းလေးကတော့ နာမည်ကျော်မင်းသား James Franco ကသူ့ LA ကအိမ်သစ်ကြီးမှ အိမ်သစ်တက်ပွဲပါတီကျင်းပပါတယ် နာမည်ကျော်တို့ရဲ့ထုံးစံအတိုင်း ခမ်းခမ်းနားနားပါပဲ တခြားနာမည်ကြီးသရုပ်ဆောင်တွေအဆိုတော်တွေလည်း လာကြတာပေါ့ အဲ့အချိန်မှာမှ ကောင်းကင်ပေါ်ကအပြာရောင်အလင်းတန်းတွေ ကျလာပြီး လူတွေကိုခေါ်သွားတဲ့အခါမှာတော့... Translated & Review By May Myat Thu Encoded By LK

လက်ဝှေ့သမား ရေဇာနဲ့ ကစ်တို့ဟာ အချင်းချင်း ယှဉ်ပြိုင်ခဲ့ရာမှာ တစ်ယောက်တစ်ပွဲစီ အနိုင်ရထားကြပါတယ်။ ဘယ်သူသာသလဲဆိုတာ အဆုံးအဖြတ်ပေးမယ့် နောက်တစ်ပွဲ မထိုးရသေးခင်မှာပဲ ရေဇာက လက်ဝှေ့လောကကနေ အနားယူသွားခဲ့တယ်။ နှစ်သုံးဆယ်ကြာတဲ့အခါ ဒန်တေးဆိုသူက သူတို့ကို ဆက်သွယ်လာပြီး ရေဇာနဲ့ ကစ်တို့ ပြန်ဆုံဖြစ်ကြပါတယ်။ ပြိုင်ဘက်ဟောင်းနှစ်ယောက် ပြန်တွေ့ကြတဲ့အခါ ဘာတွေဖြစ်လာမလဲ၊ ဒန်တေးက သူတို့အတွက် ဘာတွေစီစဉ်ထားမလဲ။ ရေဇာတစ်ယောက် အရင်က ဘယ်လိုပြဿနာတွေကြောင့် လက်ဝှေ့လောကကို ကျောခိုင်းခဲ့တာလဲဆိုတာကိုလည်း ၂၀၁၃ ခုနှစ်ထွက် ဒီအားကစားဟာသဒရာမာထဲမှာ ဆက်သိရမှာပါ။

2009 ခုနှစ်ကထုတ်ဝေထားပြီး review ကောင်းတွေနဲ့နာမည်ကျော်တဲ့ Steve Harvey ရဲ့ "Act like a lady, think like a man" ဆိုတဲ့မိန်းမတွေအတွက်ယောက်ျားတွေရဲ့လျှို့ဝှက်ချက်တွေကိုဖော်ထုတ်ပြထားတဲ့စာအုပ်ကိုအခြေခံရိုက်ကူးထားတာပဲဖြစ်ပါတယ် IMDb 6.5/10. Rotten tomatoes 54%ထိရရှိထားပြီးဗျူဟာအသစ်တွေနဲ့အချစ်စမ်းကြမဲ့အမျိုးသမီးတွေနဲ့ အမျိုးသားထုကြီးအကြောင်းကိုဟာသဆန်ဆန်ရိုက်ကူးထားတာကိုတွေ့ရမှာပါ Kevin Hart နဲ့သူငယ်ချင်းတွေကတော့အမျိုးသားထုကြီးကိုကိုယ်စားပြုထားတာဖြစ်ပြီး Steve ရဲ့စာအုပ်ကြောင့်သူတို့ရဲ့အချစ်ရေးကိစ္စတွေမှာပရမ်းပတာတွေဖြစ်သွားပါတော့တယ် စာအုပ်ဖတ်ပြီးတစ်ကွက်ကြိုမြင်နေတဲ့အမျိုးသမီးတွေဖက်ကစစချင်းတစ်ပန်းသာနေခဲ့ပေမဲ့ ကစားပွဲအလှည့်အပြောင်းတစ်နေရာအရောက်မှာတော့... နည်းဟောင်းတွေနဲ့တိုက်လို့မရတော့တဲ့အတွက်‌အမျိုးသားထုကြီးကလည်းဗျူဟာအသစ်တွေထုတ်သုံးရပါတော့တယ် ဒီလိုနဲ့အမြဲတမ်းလွန်ဆွဲနေတဲ့အချစ်စစ်ပွဲမှာဘယ်သူတွေကအနိုင်ရသွားမလဲဆိုတာကိုပေါ့ပေါ့ပါးပါးကြည့်ရှုရမဲ့ဇာတ်ကားကောင်းတစ်ကားဖြစ်ပါတယ်

Death at a Funeral (2010) IMDb...5.7 ရယ်မောစရာ ဇာတ်လမ်းကောင်းတွေကို ကြည့်ရှူချင်ကြတဲ့ ပရိတ်သတ်တွေအတွက် IMDb – 5.4/10 ရှိတဲ့ Death at a Funeral ဆိုတဲ့၂၀၁၀ထွက် ဇာတ်ကားကောင်းတစ်ကား တင်ဆက်ပေးချင်ပါတယ်…. ရုပ်မြင်ရင်ကိုရယ်ဖို့ကောင်းနေတဲ့  Martin Lawrence ကြီးအပြင် အခြားနာမည်ကြီးသရုပ်ဆောင်ပေါင်းများစွာပါဝင်ထားလေရဲ့.... အသုဘနဲ့ဟာသဆိုတာ ဘယ်လိုမှမနီးစပ်နိုင်ဘူးလို့ ထင်စရာကောင်းတဲ့အရာတွေပါ… ဒါပေမယ့် ဒီဇာတ်ကားထဲမှာတော့ အသုဘတစ်ခုကို ဖန်တီးလိုက်ကြပြီး နာမည်ကြီးလူမည်းဟာသသရုပ်ဆောင်တွေကို အသုဘတစ်ခုမှာ တွေ့ဆုံပေးလိုက်ခြင်းအားဖြင့် မရယ်မောဘဲ မနေနိုင်စေတဲ့ တလွဲတချော်ဖြစ်ရပ်တွေကိုအခြေတည်ပြီးတော့ ပေါ့ပေ့ါပါးပါး ရယ်မောစရာကိစ္စတွေထဲမှာ လေးနက်တဲ့လူ့ဘဝအဓိပ္ပာယ်တွေကို ပါးပါးလေးထည့်ထားတာ မြင်တွေ့ရမှာပါ ဇာတ်လမ်းအကျဉ်းကတော့ လူမည်းတစ်ယောက်ဖြစ်တဲ့ အက်ဒ်ဝပ်ရဲ့ အသုဘမှာ လူမည်း လူဖြူမိတ်ဆွေတွေ လာရောက်ဆုံစည်းကြရင်း မသေခင်ကလျှို့ဝှက်ချက်တစ်ခုပေါ်ပေါက်လာတဲ့အခါ သူ့ရဲ့သားတွေ ဒီလျှို့ဝှက်ချက်ကို လိုက်လံဖုံးဖိကြတာပဲဖြစ်ပါတယ်… ကြည့်ရှုခံစားတော်မူကြပ....ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်... File Size : (900 MB) and (372 MB) Quality : Blu-Ray 720p Format…mp4 Duration…01:30:00 Genre :  Comedy Subtitle : Myanmar Subtitle (Hard Sub) Translated by Zuel Khant Thwin Encoded by Aaron

Little Fockers (2010) ရုပ်ရှင်အညွှန်း သားမက် နဲ့ ယောက္ခထီးဆိုတာ များသောအားဖြင့်မတည့်ကြတာ များပါတယ် တည့်ပြန်ရင်လည်း သားမက်ဘက်ကနေ သည်းခံရတဲ့အပိုင်း‌တွေ ယောက္ခထီး အထင်ကြီးအောင်လို့လုပ်ယူနေရတဲ့အပိုင်းတွေရှိတာပါပဲ ဒီဇာတ်လမ်းကလည်း သားမက်နဲ့ ယောက္ခမ ကြားက အလွဲအချော်တွေ အထင်လွဲတာတွေကိုမှ အတည်ပေါက်ဟာသလေးတွေနှောပြီး ရိုက်ထားတဲ့ Meet The Parents trilogy ရဲ့ နောက်ဆုံး ရုပ်ရှင်ပဲဖြစ်ပါတယ် နောက်ဆုံး ရုပ်ရှင်ဖြစ်သလို အခွီရဆုံးလည်းဖြစ်မှာပါ မင်းသားကြီး Robert De Niro နဲ့ Ben Stiller တို့ရဲ့ bromance တွေ Dramatic moments တွေကို ပိုမြင်ရမယ့် အပိုင်းဆိုလည်း မမှားပါဘူး အဲ ယောက္ခထီးနဲ့ သားမက်ရဲ့ လက်ရုံးရည်ချင်းယှဉ်ကြတဲ့ အခန်းတွေလည်းပါသေးတယ်နော် ဇာတ်လမ်းကတော့ ဂရက်နဲ့ ပမ်နဲ့ လက်ထပ်ပြီးတဲ့ နောက် သားလေးတစ်ယောက် သမီးလေးတစ်ယောက် ဆိုပြီး အမြွှာနှစ်ယောက်ရခဲ့ပါတယ် ကလေးရပြီးတဲ့နောက်ပိုင်းမှာ သူတို့ အိမ်ထောင်ရေးအခြေအနေက အရင်လိုသာယာနိုင်ဦးမလား ဘယ်လိုအနှောင့်အယှက်တွေရှိလာဦးမလဲ ဂျက် ကလည်း သူတို့‌မြေးလေးနှစ်ယောက်ရဲ့ ငါးနှစ်ပြည့်မွေးနေ့ပါတီအတွက်အိမ်အလည်လာရင်းနဲ့ ဂရက်ရဲ့ တလွဲတချော်တွေကို ဘယ်လိုအထင်လွဲမိပြီး ဘယ်လို ပြန်အဆင်ပြေသွားမလဲ ဆိုတာ ကြည့်ရှုခံစားရမှာပါ (ဘာသာပြန်ပြီး အညွှန်းရေးသားထားသူကတော့ Thura Heinပဲ ဖြစ်ပါတယ်) File Size__(1.75GB) / (950MB) Quality__1080p, 720p IMDb Rating__5.5/10 Format__mp4 Duration__01:38:00 Type__Comedy, Romance Subtitle__Myanmar Subtitle (Hardsub) Translated by Thura Hein Encoded by Naing Aung Latt

Rick Ricker ဟာ Dragonfly လို့ခေါ်တဲ့ သဘာဝလွန်ပုစဉ်းတစ်ကောင် အကိုက်ခံရပြီး ပုစဉ်းလူသားဖြစ်လာပါတယ်။ အစွမ်းတွေရလာတဲ့ သူတစ်ယောက် ဘယ်လိုပေါက်ကရတွေ လုပ်မိမလဲ၊ ကြုံလာတဲ့ အခက်အခဲတွေကို ဘယ်လိုကျော်ဖြတ်မလဲဆိုတာ ဟာသပုံစံနဲ့ ပြထားတာပါ။ ဒီကားက စူပါဟီးရိုးဇာတ်ကားတွေထဲက အဖြစ်အပျက်တွေနဲ့ ဇာတ်ကောင်တွေကို ယူပြီး လှောင်ပြောင်ထားပါတယ်။ ဘတ်မန်းရဲ့ မိဘတွေဆုံးပါးတဲ့အဖြစ်ကနေ စပိုက်ဒါမန်းရဲ့ အန်ကယ်ဘန်ဆုံးပါးတဲ့အဖြစ်အထိ ပုံစံယူထားသလို X-Men ထဲက ချားစ်ဇေးဗီးယား၊ ဝူဗာရင်းနဲ့ Fantastic Four တို့လည်း ပါဝင်တယ်။ စပိုက်ဒါမန်းရဲ့ အစွမ်းနဲ့ တာဝန်အကြောင်း ပြောတဲ့ နာမည်ကြီးစကားကိုတောင် အစွမ်းကြီးလာရင် မိန်းမချောတွေပါ ကပ်ပါလာမယ်ဆိုပြီး ဟာသလုပ်ထားပါတယ်။

Scary Movie ဆိုတာကတော့ သူ့ခေတ်အခါက နာမည်ကြီးမှန်သမျှတွေကို ဟာသသက်သက် လှောင်ပြောင်ထားသော ဇာတ်ကားများဖြစ်ပါတယ်။ အထူးသဖြင့်တော့ နာမည်ကြီး ဇာတ်ကားတွေ သရုပ်ဆောင်တွေကို လှောင်ပြောင်ထားတာပါ။ မူရင်းဇာတ်ကားတွေကို ကြည့်ဖူးထားရင် Scary Movie ရဲ့ လှောင်ပြောင်ချက်တွေက အတော်လေး ခွီနေရပါတယ်။ (Scary Movie စုစုပေါင်း ၅ ကားထွက်ထားပါတယ်။ အခုကတော့ နံပါတ် ၄ ဇာတ်ကားကိုတင်ပေးလိုက်တာပါ။ နောက်ဇာတ်ကားတွေကိုလဲ အဆင်ချောသလို တင်ဆက်သွားပါ့မယ်။ တစ်ကားနဲ့တစ်ကား အဆက်အစပ်မရှိတဲ့အတွက်ဘယ်ကကြည့်ကြည့်အဆင်ပြေပါတယ်။) ဒီနံပါတ် ၄ ဇာတ်ကားထဲမှာ.... Arachnophobia (1990)...Final Destination (2000)...Thir13en Ghosts (2001).... R. Kelly: Bump and Grind - You Be the Judge (2002)....Saw (2004).... Scooby Doo 2: Monsters Unleashed (2004) ....Shaun of the Dead (2004).... Kill Bill: Vol. 2 (2004) ....What the #$*! Do We (K)now!? (2004).....The Village (2004) ..... The Grudge (2004) ....Million Dollar Baby (2004)....Hustle & Flow (2005) ..... The Amityville Horror (2005) ...."The Oprah Winfrey Show: Episode dated 23 May 2005" (2005)..... War of the Worlds (2005) .....Dark Water (2005) ....Deuce Bigalow: European Gigolo (2005) .... The 40 Year Old Virgin (2005).....Brokeback Mountain (2005)....Saw II (2005)စတဲ့ဇာတ်ကားတွေကို ဟာသဖောက်ထားတာကြောင့် အဲ့ဒီဇာတ်ကားတွေကို ကြည့်ဖူးထားရင် ပိုရယ်ရမှာပါ။ Scary Movie တွေနဲ့ ပတ်သတ်ပြီး မှတ်မိနေတာကတော့....ကျွန်တော် ငယ်ငယ်တုန်းက... Horror ဇာတ်ကားဆိုရင် ညဖက် အိပ်မပျော်အောင်ထိ ကြောက်ခဲ့ဖူးပါတယ်။ ဒါပေမယ့် Scary Movie တွေ ကြည့်ပြီးနောက်မှာ ဘယ် Horror ဇာတ်ကားမှ မကြောက်တတ်တော့ပါ။ သူတို့လှောင်ထားတဲ့ Horror ဇာတ်ကားတွေကြည့်ပြီး ရယ်ပဲရယ်ချင်တော့ပါတယ်။ File Size : 2.5 GB / 1 GB Quality : Blu-Ray 1080p / 720p Running Time : 1hr 23min Genre : Comedy Subtitle : Myanmar Subtitle (Hard Sub)

"အသက် ၄၀ လူတွေမေးတယ် ဘယ်တော့များမှ စားရမှာလဲ" ဆိုတာကြားဖူးကြတယ်ဟုတ်။ အဲဒီလို ရုပ်ရှင်မျိုးပါပဲ ဒီကားလဲ။ ဒါပေမယ့် ဒီကားမှာ သဘောကျစရာလေးတွေပါနေပြန်ပါတယ်။ ကြိုတော့ ပြောထားပါရစေ။ ဒီကားက 18+ ပါ။ ဒါမယ့် အရမ်းရိုင်းတဲ့အခန်းတွေမပါပါဘူး။ အကုန်လုံးလဲ American Pie တို့ဘာတို့ ကြည့်ကြတာပဲမဟုတ်လား။ ဒီလိုပါပဲ။ သူက အသက် ၄၀ သာပြည့်သွားတယ်။ အဲဒီအချိန်အထိ လိင်မဆက်ဆံဖူးဘူး။ ပြောရရင် လူပျိုကြီးပေ့ါ။ အိမ်မှာပဲ တစ်ယောက်တည်းနေတယ်။ ရည်းစားလည်းမရှိ၊ အပေါင်းအသင်းလည်းမရှိ။ အိမ်မှာ တီဗီရှိုးတွေကြည့်လိုက်၊ အားကစားလုပ်လိုက်၊ အရုပ်တွေဝယ်စုလိုက်နဲ့ ဘဝကိုလွတ်လွတ်လပ်လပ်နေနေခဲ့တယ်။ ဒါပေမယ့် တစ်ရက်သား အလုပ်ထဲမှာ ဝိုင်းဖွဲ့စားသောက်ရင်း ရည်းစားနဲ့ကြုံဖူးခဲ့တဲ့ အမှတ်တရတွေပြောကြတဲ့အခါမှာတော့ သူ့အကြောင်းကို တစ်ခြားသူတွေသိသွားရော။ အဲဒီအချိန်မှာပဲသူ့ကို တွေ့သမျှကောင်မလေးနဲ့ ချိတ်ပေးတော့တယ်။ ရည်းစားစကားဘယ်လိုပြောရလဲ။ intro ဘယ်လို ဝင်ရတယ်ဘာညာ။ သူကလည်း လူအေးအေးကြီး။ စကားကိုလည်း ခပ်ပြတ်ပြတ်ပဲပြောတယ်။ ပြီးတော့ sex ကိစ္စကိုလည်း အသည်းအသန်မဟုတ်တော့ သူ့ကိုတွန်းရတာ အတော်လေးကိုလက်ပေါက်ကပ်တယ်။ ကြားထဲ ပြဿနာတွေဖြစ်၊ ဟာသတွေဖြစ်နဲ့ နောက်ဆုံးမှာတော့ သူလည်းသူချစ်တဲ့သူနဲ့တွေ့သွားပါတယ်။ ဒီကားမှာဆိုရင် sex ဆိုတာထက် ချစ်ခြင်းမေတ္တာကပိုအရေးကြီးတယ်ဆိုတာ ဟာသနှောပြီးပြသွားတယ်။ ပြီးတော့ အချစ်အတွက် စွန့်လွှတ်ရမှာတွေရှိတယ်။ လူဆိုတာ အများနဲ့ယှဉ်လာရင် ကိုယ့်ဘို့ပဲကိုယ်ကြည့်တယ်ဆိုတာတွေ ပါးပါးလေးနဲ့ပုတ်သွားတာအများကြီးပါ။ Steve Carell တို့ Seth Rogen တို့ရဲ့ သရုပ်ဆောင်ပုံတွေက အခုခေတ်မှာပြန်ကြည့်ရင် တစ်မျိုးကြီးဖြစ်နိုင်ပေမယ့် ကြည့်နေရင်းကို အဲဒါတွေသတိထားမိတော့မှာမဟုတ်ပါဘူး။ သာမန်ဟာသကားတွေ၊ အချစ်အကြောင်းတွေကြည့်ရတာ ပျင်းလာပြီ၊ လေးတယ်လို့ထင်နေရင်တော့ ဒီကားသာကြည့်ပါ။ ပထမဆုံးအပိုဒ်မှာ သတိပေးခဲ့တာလည်း မမေ့ကြနဲ့ဦးနော်... (အညွှန်းအတွက် မူရင်းရေးသားသူကို Credit ပေးပါတယ်) Size - 2GB, 1.5GB Quality - 1080p, 720p IMDb Rating - 7.1/10 Format - mp4 Duration - 2H 10Min Type - Comedy, Romance Subtitle - Myanmar Subtitle (Hardsub) Translated by Alias Encoded by Y

ဒီဇာတ်လမ်းကတော့ Boomers ခေတ်က နာမည်ကြီးသရုပဆောင်တွေဖြစ်တဲ့ Ben Stiller, Jennifer Aniston, Debra Messing နဲ့ ကွယ်လွန်သွားပြီဖြစ်တဲ့ ဟာသမင်းသားကြီး Philip Hoffman တိုက ပါဝင်သရုပဆောင်ထားတာပဲဖြစ်ပါတယ်။ ဒါ့အပြင် နာမည်ကြီးမင်းသား Kevin Hart တိုရဲ့ ရုပ်ရှင်လောကကို စတင်ဝင်ရောက်တဲ့ နောက်ခံသမားဘဝကိုလည်း ဒီဇာတ်လမ်းထဲမှာလည်း စတင်တွ့ရမှာဖြစ်ပါတယ်။ ဘန်လိုခေါ်တဲ့ Risk Analyst တစ်ယောက်ဟာ သမားရိုးကျအမျိုးသားတစ်ဦးလိုပဲ အသက်အရွယ်ရောက်လာတဲ့အခါမှာ အိမ်ထောင်ပြုပြီး အခြေချနေထိုင်ချင်သူတစ်ယောက်ပါ။ သူ့ရဲ့တောင်းဆုအတိုင်း မင်္ဂလာဆောင်နိုင်ခဲ့ပေမယ့်လည်း ဟန်းနီမွန်း သူ့အမျိုးသမီးက နောက်အမျိုးသားတစယောက်ဖောက်ပြန်သွားခဲ့ပါတယ်။ ဒီလိုနဲ့ပဲ ဘန်ရဲ့အိမ်ထောင်ရေးဘဝဟာ ထင်ထားသလိုဖြစ်မလာခဲ့ပဲ သူ့ရဲ့တစ်ကိုယတော်ဘဝကိုရှေ့ဆက်နိုင်အောင် ဘယ်လိုလုပ်လဲဆိုတာကို ဒီဇာတ်လမ်းထဲမှာ တွေ့မြင်ရမှာပဲဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ Mark ပါ ) File size_(2.3GB)/(1GB) Quality_Blu-Ray HEVC 1080p / 720p Format_mp4 Duration_01:30:00 Genre_Comedy, Romance Subtitle_Myanmar Subtitle (Hardsub) Encoder_a hao Translated by Mark

Scary Movie ဆိုတာကတော့ သူ့ခေတ်အခါက နာမည်ကြီးမှန်သမျှတွေကို ဟာသသက်သက် လှောင်ပြောင်ထားသောဇာတ်ကားများဖြစ်ပါတယ်။ အထူးသဖြင့်တော့ နာမည်ကြီး ဇာတ်ကားတွေ သရုပ်ဆောင်တွေကို လှောင်ပြောင်ထားတာပါ။ မူရင်းဇာတ်ကားတွေကို ကြည့်ဖူးထားရင် Scary Movie ရဲ့ လှောင်ပြောင်ချက်တွေက အတော်လေး ခွီနေရပါတယ်။ (Scary Movie စုစုပေါင်း ၅ ကားထွက်ထားပါတယ်။ အခုကတော့ နံပါတ် ၃ ဇာတ်ကားကိုတင်ပေးလိုက်တာပါ။ နောက်ဇာတ်ကားတွေကိုလဲ အဆင်ချောသလို တင်ဆက်သွားပါ့မယ်။ တစ်ကားနဲ့တစ်ကား အဆက်အစပ်မရှိတဲ့အတွက်ဘယ်ကကြည့်ကြည့်အဆင်ပြေပါတယ်။ Scary Movie တွေနဲ့ ပတ်သတ်ပြီး မှတ်မိနေတာကတော့....ကျွန်တော် ငယ်ငယ်တုန်းက... Horror ဇာတ်ကားဆိုရင် ညဖက် အိပ်မပျော်အောင်ထိ ကြောက်ခဲ့ဖူးပါတယ်။ ဒါပေမယ့် Scary Movie တွေ ကြည့်ပြီးနောက်မှာ ဘယ် Horror ဇာတ်ကားမှ မကြောက်တတ်တော့ပါ။ သူတို့လှောင်ထားတဲ့ Horror ဇာတ်ကားတွေကြည့်ပြီး ရယ်ပဲရယ်ချင်တော့ပါတယ်။ File Size : 2.5 GB / 1 GB Quality : Blu-Ray 1080P / 720p Running Time : 1hr 24min Genre : Comedy Subtitle : Myanmar Subtitle (Hard Sub)