Kevin Pollak ပါဝင်သော ဇာတ်ကားများ

Time of Death (2026) ++++++++++ ရန့်ခ်‌‌မော်လီဆိုသူဟာ ဝါရင့်စုံထောက်ကြီးတစ်ယောက် ဖြစ်ပါတယ်။တစ်နေ့တော့ လူသူဝေးပြီး ခေါင်တဲ့ အကျဉ်းထောင်ဟောင်းတစ်ခုက အကျဉ်းသားတစ်ယောက်ဟာ ထွက်ပြေးသွားခဲ့ပါတယ်။ ဒီကိစ္စနဲ့ စပ်လျဉ်းပြီး စုံထောက်ကြီးဖရန့်ခ်ကို အထက်ကနေ သွားရောက်ကိုင်တွယ် ဖြေရှင်းဖို့ တာဝန်ပေးခဲ့ပါတယ်။ ဒါပေမဲ့ ဖရန့်ခ်က သူ့ရဲ့ တပည့်ကောင်းတစ်ယောက်ဖြစ်တဲ့ အလန်ကို အတွေ့အကြုံရစေချင်လို့ဆိုပြီး သူ့ကိုယ်စား ထောင်ကြီးကို လွှတ်ပြီး အမှုကိုင်ခိုင်းလိုက်ပါတယ်။ လွှတ်ပြီးမကြာဘူး အလန်ဟာ ထူးဆန်းစွာနဲ့ သေဆုံးသွားခဲ့တဲ့အပြင် ဖရန့်ခ်ကိုလည်း အရေးကြီးတယ် သူ့အကူအညီလိုတယ်ဆိုပြီး အသံမက်ဆေ့ဂ်ျတစ်စောင်လည်း ချန်ခဲ့ပါသေးတယ်။ ဒီလိုနဲ့ ဖရန့်ခ်တစ်ယောက် လူသူဝေးတဲ့ ထောင်ကြီးရှိရာဆီကို ကိုယ်တိုင်ခရီးနှင်ပြီး အမှုလိုက်ဖို့ ဖြစ်လာခဲ့ပါတော့တယ်။ File Size… (1.76GB) / (664MB) Quality… WEB-DL 1080p HEVC / 720p Format…mkv / mp4 Duration…1h 47m Genre ….Horror , Mystery , Thriller Subtitle….Myanmar Subtitle (Hard Sub)

Couples Weekend (2026) IMDb Rating (4.8) / Rotten Tomatoes (50%) နာမည်ကြီးမင်းသမီး Alexandra Daddario နဲ့ Emily in Paris ထဲက Ashley Park တို့လို သရုပ်ဆောင်ကောင်းတွေပါဝင်ထားတဲ့ လူမှုရေးဖောက်ပြန်မှုနဲ့ သူငယ်ချင်းဆက်ဆံရေးတွေကြားက လှည့်စားမှုတွေကို ရိုက်ပြထားတဲ့ Dark Comedy / Drama ကားကောင်းတစ်ကား ဖြစ်ပါတယ်။ ဇာတ်လမ်းကတော့ နှစ်သစ်ကူးညမှာ အတူတူအနားယူဖို့ ရောက်ရှိလာကြတဲ့ စုံတွဲ ၂ တွဲ အကြောင်းပါ။ သူတို့ရဲ့ အားလပ်ရက်ဟာ အေးအေးဆေးဆေး ဖြစ်လိမ့်မယ်လို့ ထင်ရပေမဲ့... မထင်မှတ်ဘဲ လဲကျသွားတဲ့ သစ်ပင်တစ်ပင်ကြောင့် သူတို့ရဲ့ ခရီးစဉ်ဟာ လမ်းကြောင်းပြောင်းသွားပါတော့တယ်။ ဒီဖြစ်ရပ်ကနေတစ်ဆင့် သူတို့တစ်ယောက်နဲ့တစ်ယောက် ဖုံးကွယ်ထားကြတဲ့ လျှို့ဝှက်ချက်တွေ၊ လှည့်စားမှုတွေနဲ့ စိတ်ရင်းအမှန်တွေ တစ်ခုပြီးတစ်ခု ပေါ်ထွက်လာပါတယ်။ အချင်းချင်းကြားက လိမ်ညာမှုနဲ့ ဖောက်ပြန်မှုတွေ ကိုယ့်ကိုယ်ကိုယ် ပြန်လည်လိမ်ညာနေမိတဲ့ အချက်တွေကို ရင်ဆိုင်ရင်းသူတို့ရဲ့ လေးပွင့်ဆိုင်ဆက်ဆံရေးဟာ ဘယ်လိုမျိုး စမ်းသပ်ခံရရင်းနဲ့ နှစ်သစ်ကူးညကို ချမ်းအေးတဲ့ သစ်လုံးအိမ်လေးထဲမှာ ဘယ်လိုဖြတ်သန်းသွားမလဲ ကြည့်ရမယ့် comedy ဇာတ်လမ်းကောင်းတစ်ပုဒ်ဖြစ်ပါတယ်။ File size… (1.3 GB) / (830 MB) Quality…. WEB-Rip 1080p HEVC / 720p Format…. mkv/mp4 Genre…. Comedy,Drama Duration…. 01:34:43 Subtitle…. Myanmar Subtitle (Hardsub)

The Girl in the Pool (2025) IMDb Rating (4.3) / Rotten Tomatoes (36%) ရေကန်ထဲကမိန်းကလေးဆိုတဲ့ ဇာတ်လမ်းနာမည်အတိုင်းပါပဲ ရေကန်ထဲကမိန်းကလေးအလောင်းတစ်ခုကနေ စတဲ့ဇာတ်လမ်း။ ခင်ပွန်းဖြစ်သူရဲ့မွေးနေ့ပွဲကို စပရိုက်စ်ပါတီပေးဖို့ လုပ်နေကြတဲ့ ချမ်းသာတဲ့မိသားစုတစ်ခု။ ခင်ပွန်းဖြစ်သူက ရေကန်ထဲက မိန်းကလေးအလောင်းနဲ့ တိုင်ပတ်နေတဲ့အချိန်။ အဲဒီမိန်းကလေးကလည်း သူနဲ့ဖောက်ပြန်နေတဲ့ မိန်းကလေး။ မိသားစုမထိခိုက်ဖို့အရေး အလောင်းဖျောက်ဖို့ ကြိုးစားနေတဲ့အချိန် စပရိုက်စ်ပါတီကြောင့် တစ်အိမ်လုံးမှာ မိသားစုမိတ်ဆွေအသိုင်းအဝိုင်းတွေ ရောက်လာကြရာကစပြီး။ မိန်းကလေးက မတော်တဆကြောင့်သေတာလား? အသတ်ခံလိုက်ရတာလား? ဆိုတာ တဖြည်းဖြည်းရုပ်လုံးပေါ်လာမှာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Pyae Phyo ဖြစ်ပါတယ်။) File size…(1.2 GB) / (610 MB) Quality….WEB-Rip 1080p HEVC / 720p Format…. mkv/mp4 Genre….Thriller Duration….01:29:21 Subtitle….Myanmar Subtitle (Hardsub) Encoder….Double K Translated by Pyae Phyo

IMDb – 6.3/10 RT – 78% (6.2/10) ဇာတ်လမ်းအကျဉ်း အန်ဒီဂွတ်ရစ်ချ် (Michael Keaton) ဟာ ပန်းချီပြခန်းလေးတစ်ခုကို ဦးစီးနေတဲ့ အလုပ်စွဲနေသူတစ်ဦးဖြစ်ပါတယ်။မိသားစုကိုလဲ ဂရုမစိုက်သလို အငြင်းလဲ အင်မတန်သန်သူဖြစ်ပါတယ်။ အဲဒါတွေကြောင့်ပဲ ပထမအိမ်ထောင်နဲ့ကွဲကွာခဲ့ရပြီး ဒုတိယလက်ရှိအိမ်ထောင်နဲ့လဲ အဆင်မပြေလှပါ။ တစ်ညမှာတော့ လက်ရှိဇနီးက ဆေးဖြတ်စခန်း (ရုပ်ရှင်ထဲကအသုံးအနှုန်းကတော့ ပြန်လည်ထူထောင်ရေးစခန်း)ကနေ ဖုန်းလှမ်းဆက်ပြီး ရက်ပေါင်း ၉၀ စခန်းဝင်မယ့်အကြောင်းကို ပြောပြချိန်မှာတော့ သူတစ်သက်နဲ့တစ်ကိုယ် မလုပ်ဖူးတာတွေ စလုပ်ရပါတော့တယ်။ တစ်ချိန်တည်းလိုလိုမှာပဲ နဂိုကတည်းက ယိုင်နဲ့နေတဲ့ ပန်းချီပြခန်းကလည်း အကျပ်အတည်းတွေ ရင်ဆိုင်နေရပြီး ရုန်းကန်နေရပါတယ်။ လက်ရှိအိမ်ထောင်နဲ့မွေးထားတဲ့ အမွှာနှစ်ယောက်ကို ကြည့်ပေးဖို့ ပထမအိမ်ထောင်နဲ့ရထားတဲ့ လက်ရှိကိုယ်ဝန်ဆောင်နေတဲ့သမီး ဂ‌ရေ့စ် (Mila Kunis) ကို အကူအညီတောင်းရပါတော့တယ်။ နောက်ဆုံးမှာတော့ဇာတ်လိုက်ကြီး အန်ဒီတစ်ယောက် သမီးဂ‌ရေ့စ် တစ်သက်လုံးမရဘူးတဲ့ အဖေအဖြစ် ပြောင်းလဲသွားနိုင်မလား ၊ ပန်းချီပြခန်းလုပ်ငန်းလေးကို အသက်ပြန်ဆက်နိုင်မလား၊ ဆေးစွဲနေတဲ့ ဇနီးကကော အိမ်ပြန်လာပါ့မလားဆိုတာတွေကို ရှုစားကြည့်ပါ။ မသိသူမရှိလောက်တဲ့ ဝါရင့်မင်းသားကြီး Michael Keaton ဦးးဆောင်ပါဝင်ထားပြီး Mila Kunis, Carmen Ejogo တို့က ဇာတ်ရံပေးထားပါတယ်။ အညွှန်းနဲ့ ဘာသာပြန် Tlone ဖြစ်ပါတယ် File size…(1.2 GB)/(773 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Drama  Subtitle….Myanmar Subtitle (Hardsub) Encoder….Swan Min Htet Translated by T Lone

Sweetwater က ဘတ်စကတ်ဘောကစားသမား ဆွိဝါးတားကလစ်ဖ်တန်ရဲ့ ဘဝကို အခြေခံထားတဲ့ ကိုယ်ရေးအတ္ထုပ္ပတ္တိရုပ်ရှင်ပါ။ လီဘရွန်ဂျိမ်း၊ မိုက်ကယ်ဂျော်ဒန်တို့လို လူမည်းကစားသမားတွေ အောင်မြင်ကျော်ကြားလာတဲ့ခေတ်မတိုင်ခင် NBA မှာ လူမည်းတစ်ယောက် ဝင်ကစားခွင့်ရဖို့ ဘယ်လောက်ခက်ခဲခဲ့သလဲဆိုတာကို သူ့အကြောင်းကနေ ပြောပြထားပါတယ်။ လူဖြူတွေပဲ ကစားခွင့်ရှိသလို ဖြစ်နေတဲ့လိဂ်မှာ ဆွိဝါးတားအတွက် စာချုပ်ချုပ်ခွင့်ရဖို့နဲ့ ပွဲတစ်ပွဲ ဝင်ကစားနိုင်ဖို့က အလွယ်တကူ ဖြစ်လာတာမဟုတ်ဘူး။ နည်းပြတွေ၊ အသင်းပိုင်ရှင်တွေကအစ ဆန့်ကျင်မှုတွေကြားမှာ သူနဲ့ သူ့အတွက် ကြိုးစားပေးသူတွေ ဘယ်လိုရင်ဆိုင်ခဲ့ရသလဲဆိုတာကို တွေ့ရပါတယ်။ ကျွန်စနစ်ကို ဥပဒေနဲ့ ဖျက်သိမ်းပြီးတဲ့နောက်မှာတောင် လူမည်းတွေအပေါ် ခွဲခြားဆက်ဆံမှုတွေ ရှိနေသေးတဲ့ အခြေအနေကိုလည်း ဖော်ပြထားတယ်။ သူ့ရဲ့ ကြိုးစားမှုနဲ့ ဘတ်စကတ်ဘောလောကမှာ အပြောင်းအလဲတစ်ခု ဖြစ်လာခဲ့ပုံကို ဇာတ်အိမ်ဖွဲ့ထားတာဖြစ်ပြီး ဘဝဖြစ်ရပ်တွေကို ရုပ်ရှင်အဖြစ် ပြန်တင်ဆက်ရာမှာ ဒရာမာအတွက် အတိုးအလျှော့လုပ်ထားတဲ့ အပိုင်းတွေလည်း ရှိပါတယ်။

Injustice ရဲ့ ဇာတ်လမ်းကို ဂိမ်းထဲမှာ ကာတွန်းစာအုပ်ထဲမှာရင်းနှီးပြီးသား လူတွေလည်း ရှိမှာပါ။ DC Comic ရဲ့ အအောင်မြင်ဆုံး ဇာတ်လမ်းတွေထဲက တစ်ခုုပါပဲ။ DC ရဲ့ နတ်ဘုရားအစွမ်းနဲ့ လူသားဆန်တဲ့ စူပါမန်းတစ်ယောက် လူသားဆန်လွန်းသွားတဲ့အခါ ဘာတွေဖြစ်လာမလဲ။ ပထမဆုံးအကြိမ် လူသတ်မိလိုက်ပြီးနောက်မှာ ဘာတွေဖြစ်လာမလဲ။ ငြိမ်းချမ်းရေးကို အကြမ်းဖက်ရယူမလား ငြိမ်းချမ်းစွာရယူမလား ဂျက်စတစ်လိ မန်ဘာတွေ ရွေးချယ်ဖို့ကြုံလာတဲ့အခါ ဘယ်ဘက်ကိုရွေးကြမလဲ။ လူတိုင်းဟာ ဒုတိယအခွင့်အရေးနဲ့ တန်မတန်ဆိုတာကို ဘယ်လိုဖြေကြမလဲပေါ့။ ဒီ ကာတွန်းဟာ မူရင်း injustice လောက် မပြည့်စုံပေမယ့် ကျောရိုးချင်း တူတာမို့ အပမ်းဖြေဖို့အတွက် လုံလောက်မှာပါ။ File size… 1.1 Gb Quality….BluRay 1080p Format…mkv Duration….01:10:00  Subtitle….Myanmar Subtitle (Hardsub) Encoder…. Mr. Anderson Translated by Mr. Anderson

ဒီကားလေးကတော့IMDb 7.2တောင်ရထားတဲ့ တကယ့်ပညာပေးဇါတ်ကားကောင်းတစ်ကားပါ Englishဆရာတစ်ယောက်ဖြစ်တဲ့ လူးဝစ်ဟာ သူ့အတန်းထဲကျောင်းသားတစ်ယောက်ဟာအတန်းထဲက ကလေးတွေကိုအနိုင်ကျင့်နေတာကိုတားဆီးချင်တဲ့သူတစ်ယောက်ဖြစ်ပါတယ် အဲဒီကျောင်းသားရဲ့မိဘတွေက ချမ်းသာတာကြောင့်ကျောင်းကလည်း အရေးမယူပဲမျက်နှာလွှဲထားကြပါတယ် နောက်ဆုံးသူအနိုင်ကျင့်တာကိုခံရတဲ့စုံတွဲမှာ ကောင်လေးကလည်းမျက်လုံးကန်း ကောင်မလေးကလည်းသတ်သေတဲ့အထိတွေဖြစ်လာတော့ လူးဝစ်တစ်ယောက်သူကိုယ်တိုင်အဲဒီကောင်လေးကို ဖမ်းဆီးဖို့လုပ်ပါတော့တယ်သူဘယ်လိုတွေအကွက်ချပြီးကောင်လေးကိုဖမ်းမလဲ ဒါပေမယ့်လည်းအဲဒီလိုလုပ်ရင်းကောင်လေး ဒီလိုတွေဖြစ်နေရတဲ့အကြောင်းရင်းကိုလူးဝစ်တစ်ယောက်သိသွားချိန်မှာ ဘယ်လိုဖြေရှင်းမလဲဆိုတာကိုကြည့်ရမှာပါ File Size : ( 938 MB ) Quality :  WEB-DL 720p Running Time : 1 hr 40min Format : Mp4 Genre : Drama  Subtitle : Myanmar Subtitle (Hard Sub) Translated by Phue Encoded by Moe Myint Lwin

Genre – Drama, History, Biography IMDB – 6.1/10 ၁၉၈၈ ခုနှစ်တုန်းက အမေရိကန်နိုင်ငံ သမ္မတနေရာအတွက် ယှဉ်ပြိုင်ခဲ့ကြတဲ့ လွှတ်တော်အမတ်လောင်းတစ်ယောက်ရဲ့ ဖြစ်ရပ်မှန် ရုပ်ရှင်ဇာတ်ကား ဖြစ်ပါတယ်။ အမတ်လောင်းနေရာကိုတော့ ကျွန်တော်တို့ မင်းသားကြီး Hugh Jackman က သရုပ်ဆောင်ထားပြီး Conjuring အပနှင် ကျွမ်းကျင်သူ Vera Famiga နဲ့ ဇာတ်ပို့မင်းသားကြီးဖြစ်တဲ့ JK Simmon တို့လည်း ပါဝင်ထားတဲ့ သမိုင်းနောက်ကြောင်းခံ နိုင်ငံရေးကားပါ။ ၁၉၈၄ ခုနှစ်မှာ ကော်လိုရာဒိုက လွှတ်တော်အမတ် ဂယ်ရီဟာ့တ်ဟာ တခြားတစ်ယောက်ဖြစ်သူကို ရှုံးနိမ့်ခဲ့ပြီးနောက် ၁၉၈၈ ခုနှစ်မှာ အမေရိကန်သမ္မတဖြစ်ဖို့အတွက် ဝင်ရွေးကောက်ပွဲ ပြိုင်ပါတော့တယ်။ ကမ်ပိန်းတလျှောက်လုံး အဆင်ပြေပြီး တစ်ပြေးနေတဲ့အချိန်ကျမှ သတင်းထောက်တစ်ယောက်ကို ဂယ်ရီ စိန်ခေါ်လိုက်ရာကနေ ပြဿနာတွေ ဖြစ်ပါတော့တယ်။ သူက အဲဒီသတင်းထောက်ကို ပိတ်ရက်တွေ ကမ်ပိန်းလုပ်မနေတဲ့အချိန် ဇရှိရင် နောက်ကလိုက်ကြည့်ပေါ့ မင်းပျင်းတောင်ပျင်းသွားမယ်ဆိုပြီး စိန်ခေါ်လိုက်တာပဲ ဖြစ်ပါတယ်။ အဲဒီမှာ တစ်ဖက်မှာလည်း ဒီ အမတ်လောင်းနဲ့ ဖောက်ပြားနေတာရှိပါတယ်ဆိုပြီး သတင်းပေးတဲ့ လူတွေကလည်းပေးဆိုတော့ Miami Herald သတင်းစာတိုက်ကနေ နောက်ကွယ်ကချောင်းမြောင်းလိုက်ရာကနေ ဇနီးသည်မဟုတ်တဲ့ အမျိုးသမီးတစ်ယောက်နဲ့ အိမ်မှာ ညအချိန်ကုန်ဖြုန်းပါတယ်ဆိုပြီး သတင်းမပြည့်စုံရာကနေ အမြန်နာမည်ကြီးချင်တာနဲ့ တင်လိုက်တဲ့ အချိန်မှာတော့…။ လွှတ်တော်အမတ်လောင်းတစ်ယောက်ရဲ့ အခက်အခဲဒုက္ခတွေ ဖိအားတွေ၊ သတင်းစာတိုက်တွေရဲ့ စည်းမစောင့်မှုတွေ၊ နိုင်ငံရေးလောကက လူတွေရဲ့အကြောင်းတွေ ရိုက်ကူးထားတဲ့ နိုင်ငံရေးအခြေစိုက် ဖြစ်ရပ်မှန်ကားပါ။ ( ဒီဇာတ်လမ်းရဲ့ အညွှန်းကိုတော့ Thura Aung မှ ရေးထားပြီးတော့ ဘာသာပြန်ထားတာကတော့  Thura Aung , Elizabeth Khant ဖြစ်ပါတယ် ) File size…2.09GB / 803MB Quality…Blu-Ray 1080p 5.1 CH/ 720p Format…mp4 Duration….1h 53m Genre ..... Biography , Drama , History Subtitle….Myanmar Subtitle (Hard Sub) Encoder….Min Wai Translated by Thura Aung & Elizabeth Khant

War Dogs (2016) IMDb Rating (7.1) / Rotten Tomatoes (62%) ဒီကားဟာ ထူးခြားတဲ့ ပေါင်းစပ်မှုကားလေးပါ။ ဟိုးအရင်တုန်းက နာမည်ကြီးခဲ့တဲ့ Hot Shot ကားလို စစ်ကားဟာသလိုင်းလေး ဖြစ် ပါတယ်။ ဟောလိဝုဒ်မှာ Genre ကို တစ်မျိုးတစ်စားတည်း မလုပ်ကြတော့ဘဲ Multi တွေ လုပ်လာကြတယ်။ ဘယ်လိုလဲဆိုတော့ ဟာသဆိုရင် လည်း ဟာသတစ်ခုတည်း မဟုတ်ဘဲ အချစ်လေးပါထည့်ပြီး comedy romance လေးတွေ လုပ်ကြတယ်။ ဥပမာ ကိုရီးယားနိုင်ငံရဲ့ အချစ်ဟာသ ဇာတ်လမ်းတွဲလေးတွေလိုပေ့ါ။ ဟာသသရဲကား၊ ဟာသအက်ရှင်ကား စသဖြင့် အစုံပေါင်းစပ်ပြီး ပရိသတ်စိတ်ဝင်စားလာအောင် လုပ်ကြတယ်။ ဒီတစ်ပတ်မှာတော့ ပေ့ါပေါ့ပါးပါးအနေနဲ့ ဟာသအက်ရှင်၊စစ်ကားလေးကို ဖော်ပြလိုက်ရပါတယ်။ War Dogs ... မြန်မာလိုဘာသာပြန်ရင် လက်နက်ရောင်းဝယ်သူလို့ အမည်ရပါတယ်။ ဒီဇာတ်ကားဟာ ဖြစ်ရပ်မှန်ကိုပြန်လည်ရိုက်ကူးထားတဲ့ Documentary အမျိုးအစားဖြစ်ပြီး ထူးခြားတာက ပျင်းစရာမကောင်းတာပါပဲ။ တစ်ခြားသော ဇာတ်ကားအမျိုးအစားတွေနဲ့ မတူပဲ တစ်ကားလုံး စိတ်ဝင်စားဖို့ကောင်းပြီး  အဆုံးထိဆွဲဆောင်နိုင်တဲ့ ကားတစ်ကားပါ။ ဇာတ်လမ်းကြောရိုးကတော့ မိုင်ယာမီမှာ သမရိုးကျ အနှပ်သည်လုပ်ငန်းနဲ့ အသက်မွေးဝမ်းကျောင်းပြုနေတဲ့ လူငယ်လေးတစ်ယောက်ဟာ မွေးရပ်မြေကို ပြန်လည်ရောက်ရှိလာတဲ့ ငယ်သူငယ်ချင်းတစ်ယောက်နဲ့ ပေါင်းမိပြီး အန္တရာယ်များတဲ့ လက်နက်ရောင်းဝယ်ရေးလုပ်ငန်းကို ခြေချမိရာကနေပြီး သူမမျှော်မှန်းထားတဲ့ အခြေအနေကို ရောက်ရှိသွားတာကို ရိုက်ကူးထားတာပဲ ဖြစ်ပါတယ်။ ဇာတ်ဆောင်အားလုံးကလည်း လူငယ်တွေပေမယ့် အရမ်းပီပြင်ပြီး ဆုံးခန်းတိုင်အောင် စွဲဆောင်နိုင်တဲ့ ကားတစ်ကားပါ။ ဂျိုးနာ့ဟီလ် ဒီကားမှာ ဟာသသရုပ်ဆောင်ဖြစ်တဲ့ ဂျိုးနာ့ဟီလ်အပြင် ဝက်ဝက်ကွဲအောင်မြင်ခဲ့တဲ့ ဟာသကား Hangover ထဲက မင်းသားချော ဘရက်ဒလေကူးပါးလည်း ပါဝင်ထားတယ်။ ဒါပေမဲ့ အဓိက သရုပ်ဆောင်ကတော့ ဟာသ သရုပ်ဆောင်ဖြစ်တဲ့ ဂျိုးနာ့ဟီလ်ပဲ ဖြစ်ပါတယ်။ ဂျိုးနာ့ဆိုတာ တခြားသူ မဟုတ်ပါဘူး။ မင်းသားချော ချန်နင်တက်တွန်နဲ့ တွဲပြီး စုံထောက်ကားမှာ သရုပ်ဆောင်ခဲ့တဲ့ မင်းသားပဲ ဖြစ်ပါတယ်။ ဂျိုးနာ့ဟာ ဟာသသရုပ်ဆောင်ဆိုပေမယ့် ထူးချွန်တဲ့ သရုပ်ဆောင်ပါ။ ၂၀၁၃ခုနှစ်က The Wolf of Wall Street ကားနဲ့ အကောင်းဆုံးဇာတ်ပို့ မင်းသား အကယ်ဒမီဆုကို ဆွတ်ခူးရရှိခဲ့သူ ဖြစ်ပါတယ်။ ဖော်ဘီမဂ္ဂဇင်းကြီးက ဖော်ပြခဲ့တဲ့ ကမ္ဘာ့အနုပညာကြေးအမြင့်ဆုံးသရုပ်ဆောင်တွေထဲ မှာ အဆင့် ၂၈ချိတ်ခဲ့တဲ့သူလည်း ဖြစ်ပါတယ်။ လီယိုနာဒိုဆီက အကြံရခဲ့ခြင်း ဂျိုးနာ့နဲ့လီယိုနာဒိုတို့ဟာ The Wolf of Wall Street မှာ အတူတွဲပြီး သရုပ်ဆောင်ဖူးခဲ့ကြတယ်။ အဲဒီတုန်းက လီယိုက ဂျိုးနာ့ကို သရုပ်ဆောင်တာနဲ့ ပတ်သက်ပြီး အကြံပေးခဲ့ဖူးတယ်။ ကိုယ်သရုပ်ဆောင်မယ့်ဇာတ်ရုပ်နဲ့ ပတ်သက်ပြီး ဇာတ်ကောင်အလိုက် အပြင်မှာ တူတဲ့ ဇာတ်ကောင်စရိုက်လူတွေကို ရှာပြီး လေ့လာပါ။ ဒါမှမဟုတ် အပြင်လောကမှာ လူတွေနဲ့ တွေ့ပါ။ အကဲခတ်ပါ။ လိုတာကို ယူပါ။ မလိုတာကို ထားခဲ့ပါဆိုပြီး သင်ပေးခဲ့ဖူးတယ်။ ကိုယ့်ဟာကိုယ် တည်းဖြတ်ပြီး သင်ယူပါလို့ ညွှန်ကြားပေးခဲ့ဖူးကြောင်း ဂျိုးနာ့က ပြောကြားခဲ့တယ်။ မိုင်လ်စ်တယ်လာ ဒီမင်းသားဟာလည်း ခေတဲ့သူ မဟုတ်ပါဘူး။ ဝင်ငွေအရရော ဝက်ဝက်ကွဲအောင်မြင်ခဲ့ပြီး အနုပညာအရလည်း အောင်မြင်ခဲ့တဲ့ Whiplash ကားမှာ ခေါင်းဆောင်မင်းသားအဖြစ် သရုပ်ဆောင်ခဲ့တဲ့ လူငယ်မင်းသားတစ်လက် ဖြစ်ပါတယ်။ Whiplash ကားဟာ (၈၇)ကြိမ်မြောက် အကယ်ဒမီဆုပေးပွဲမှာ အကယ်ဒမီဆု ငါးဆု ဆွတ်ခူးရရှိခဲ့တဲ့ကားဖြစ်ပါတယ်။ တယ်လာရဲ့ အနုပညာဟာ အသက်ငယ်သလောက် ပြောင်မြောက် လှသလို သူ့ရဲ့ဘဝဟာလည်း ထူးခြားလှပါတယ်။ ၂၀၀၇ခုနှစ်မှာ သေလုမျှောပါး ကားအက်စီးဒန့်စ်ဖြစ်ခဲ့ပြီး မျက်နှာနဲ့လည်ပင်းမှာ သေရာပါ အမာရွတ်တွေ ကျန်ခဲ့ပါတယ်။ ဒါပေမဲ့လည်း သူ့အနုပညာကို သူ့မျက်နှာနဲ့လည်ပင်းက အမာရွတ်တွေဟာ အဟန့်အတားမဖြစ်စေခဲ့ပါဘူး။ (အညွှန်းကို themyanmarreview.com မှကူးယူဖော်ပြပါသည်။) File size… (5.7 GB) / (1.6 GB) / (960 MB) Quality…. Blu-Ray 4K HEVC / 1080p HEVC / 720p Format…. mkv/mp4 Genre…. Comedy,Crime,Drama Duration…. 01:54:24 Subtitle…. Myanmar Subtitle (Hardsub)

The Lost Room (2006 Only On Bioscope) IMDB : 8.1 Rotten Tomatoes : 77% Genre : Sci-Fi The Lost Room က ၂၀၀၆ ခုနှစ်ထွက် အပိုင်း ၃ ပိုင်းသာပါတဲ့ Miniseries တစ်ခုဖြစ်ပါတယ်။ တစ်ပိုင်းကို ၁ နာရီခွဲခန့်ကြာပြီးတော့ တော်တော်လေးကိုကြည့်လို့ကောင်းတဲ့ သိပ္ပံစိတ်ကူးယဉ် ဇာတ်လမ်းကောင်းလေးတစ်ခုဆိုလည်းမမှားပါဘူး။ ဇာတ်ညွှန်း ဂျိုးမေလာ ဟာ စုံထောက်တစ်ယောက်ဖြစ်ပြီး တစ်နေ့မှာတော့ ထူးဆန်းတဲ့ သော့တစ်ချောင်းက လက်ထဲရောက်လာပါတယ်။ အဆိုပါသော့ဟာ သာမန်သော့မဟုတ်ဘဲ သော့ပေါက်ပါတဲ့ ဘယ်တံခါးကိုမဆို ဖွင့်လိုက်တာနဲ့ အခန်းတစ်ခုထဲကို ရောက်သွားစေနိုင်တဲ့ မှော်ဆန်တဲ သော့ဖြစ်ပါတယ်။ အဲဒီအခန်းထဲကနေမှတစ်ဆင့် ကမ္ဘာပေါ်က ဘယ်နေရာကိုမဆို မျက်စိတစ်မှိတ်အတွင်း သွားနိုင်တဲ့သော့လည်းဖြစ်ပါတယ်။ ဒါပေမဲ့ ဂျိုးမသိလိုက်တာက သော့ရဲ့နောက်ကွယ်မှာ သော့ကိုလိုက်ရှာနေတဲ့လူတွေရှိနေတယ်ဆိုတာပါပဲ။ နောက်ထပ်မသိလိုက်တဲ့တချက်က အဆိုပါသော့လိုမျိုးပစ္စည်းတွေ အများကြီးရှိပြီးတော့ တစ်ခုခြင်းဆီမှာ အစွမ်းတစ်ခုစီရှိနေပါတယ်။ “ပစ္စည်း”တိုင်းက အချင်းချင်းဆွဲငင်ကြပြီးတော့ လိုက်ရှာနေတဲ့ အဖွဲ့တွေကလည်း အန္တရာယ်တော်တော်လေးကိုကြီးလှပါတယ်။ အရှုပ်တော်ပုံအလယ်ထဲကို မထင်မှတ်ပဲရောက်သွားတဲ့ ဂျိုးမေလာရဲ့ သမီးလေးဟာ အခန်းထဲကိုရောက်သွားပြီး အခန်းက Reset ကျသွားတာကြောင့် အခန်းထဲကနေပျောက်သွားခဲ့ပါတယ်။ အခက်ခဲဆုံးအပိုင်းကတော့ ဘယ်ရောက်လို့ရောက်သွားမှန်းမသိ ဘယ်မှာသွားရှာရမှန်းမသိဖြစ်သွားတာပါပဲ။ အပ်ပျောက်ရှာပုံတော်ဖွင့်ရတော့မယ့် ဂျိုးတစ်ယောက် ပစ္စည်းတွေက ဒုက္ခပေးတာ၊ ပစ္စည်းတွေကို ပိုင်တဲ့လူတွေက ပြဿနာရှာတာ၊ ပစ္စည်းတွေကို လိုက်စုဆောင်းသူတွေက အသက်ရန်ရှာရတာတွေကြုံလာရပါတော့တယ်။ ဒီလိုနဲ့ ဂျိုးတစ်ယောက် ဘယ်လိုရင်ဆိုင်ဖြေရှင်းသွားမလဲဆိုတာ စိတ်လှုပ်ရှားဖွယ်ရာကြည့်ရမယ့် ဇာတ်လမ်းတွဲတစ်ခုမလို့ လက်မလွှတ်သင့်ပါကြောင်း… ဂျိုးမေလာအဖြစ် 9-1-1 ထဲမှ အချစ်တော် ဘော်ဘီအဖြစ်သရုပ်ဆောင်ထားတဲ့ မင်းသား Peter Krause ကလေးသရုပ်ဆောင် သမီးလေး အန်နာအဖြစ် အချစ်တော် ချစ်မွှေးမင်းသမီး Elle Fanning တို့က ပါဝင်သရုပ်ဆောင်ထားပါတယ်။ File size…    2.5 GB/ 1 GB Quality… WEB-DL 1080p / 720p Format… mp4 Duration…. 1h 32m Genre .....Sci-Fi Subtitle…. Myanmar Subtitle (Hard Sub)

ဒီကားကတော့ မင်းသားကြီး Bruce Willis ကို နာမည်ကြီး လာစေတဲ့ ကားတွေထဲက တစ်ကားပါပဲ ဒီကားထဲမှာလည်း သူရဲ့ သရုပ်ဆောင်နေကျ ဇာတ်ကောင်အတိုင်း အမှု့စစ်ရဲအရာရှိဟောင်း တစ်ယောက် အဖြစ်ပါ၀င်ထားပါတယ် ဇာတ်လမ်းကတော့ မိသားစုတစ်စု ဓားစာခံအဖြစ် ဖမ်းဆီးခံရပြီး သူကိုယ်တိုင်က ရဲမှုးဟောင်းဆိုတော့ အရှုပ်အရှင်းကြားထဲ ၀င်ပါမိတာပေါ ့ အဲ့ကနေ ဇာတ်လမ်းစတာပါပဲ... သူ့မိသားစုကိုပါ လူဆိုးတွေက ပြန်ပေးဆွဲသွားတဲ့နောက် .... သူ့အနေနဲ့ မိသားစုကို ကယ်မလား မသိတဲ့သူစိမ်းတွေကို ကယ်မလား... ခပ်မိုက်မိုက်လေးကြည့်ရှု့ရမှာဖြစ်လို့ တင်ဆက်ပေးလိုက်ပါတယ် ( ဘာသာပြန်ပြီး အညွှန်းရေးသားထားသူကတော့ mark ပါ ) File size_(2GB)/(1GB) Quality_Blu-Ray 1080p / 720p Format_mp4 Duration_01:54:00 Genre_Action, Drama Subtitle_Myanmar Subtitle (Hardsub) Encoder_a hao Translated by Mark

ဒီတစ်ခါမှာတော့ Walt Disney က ထုတ်လုပ်ရိုက်ကူးတဲ့ The Santa Clause 2ကိုတင်တက်ပေးချင်ပါတယ် The Santa Clause (1994)ရဲ့အဆက်ဖြစ်ပါတယ် ဒီဇာတ်ကားမှာတော့ ဆန်တာကလော့ဖြစ်သွားတဲ့ စကော့တစ်ယောက် ဆန်တာအဖြစ်မှအနားယူရမယ့်ပြဿနာတစ်ခုပေါ်ပေါက်လာပါတော့တယ် အဲ့ဒါကတော့ ခရစ္စမတ်အကြိုညမတိုင်မီ မိန်းမရှာပုံတော်ဖွင့်ရမှာပါ အချိန်မီမရှာနိုင်ရင် အစွမ်းတွေအားလုံးပျောက်သွားမှာဖြစ်ပြီး ဆန်တာအဖြစ်မှာရပ်စဲသွားမှာဖြစ်ပါတယ် အချိန်ကလည်းအရမ်းကပ်နေပြီဖြစ်ပြီး 28ရက်ခန့်သာလိုတော့တာပါ အဲ့ဒါကြောင့် သူ့ရဲ့လက်ထောက်နတ်သူငယ်လေးဖြစ်တဲ့ ကားတစ်ဟာ သူတီထွင်ထားတဲ့စက်ယန္တရားကြီးကိုအသုံးပြုပြီး စကော့နဲ့တစ်ထေရာတည်း ရုပ်ချင်းဆင်တဲ့ အရုပ်ဆန်တာကြီးကိုတီထွင်လိုက်ပါတယ် စကော့ဟာ အဲ့ဒီအရုပ်ဆန်တာကြီးကို သူ့အနေနဲ့ဟန်ဆောင်အဖြစ်ထားခဲ့ပြီး သူကတော့နေအိမ်ကိုပြန်လာကာ မိန်းမရှာပုံတော်ဖွင့်ပါတော့တယ် ဒါပေမဲ့ အရုပ်ဆန်တာကြီးက ထင်ထားသလိုမဟုတ်ဘဲ "ကိုယ်မွေးတဲ့မျောက် ကိုယ့်ပြန်ခြောက်"ဆိုသလိုပဲ ကားတစ်ကိုယ်တိုင်မထိန်းနိုင်တော့တဲ့အထိ သောင်းကျန်းပါတော့တယ် စကော့တစ်ယောက် အချိန်မီမိန်းမရှာရမှာကတစ်ကြောင်း သူ့နေရာအစားထိုးဝင်နေတဲ့အရုပ်ဆန်တာကသောင်းကျန်းနေတာကတစ်ကြောင်းနဲ့ ဘယ်လိုတွေဖြေရှင်းရဦးမလဲဆိုတာကြည့်ရှုရမှာဖြစ်ပါတယ် Disney ရဲ့ထုံးစံအတိုင်း လှလှပပရိုက်ကူးထားတဲ့​ဇာတ်ကားတစ်ကားဖြစ်ပါတယ် File size…(2 GB)/(1 GB) Quality….Webrip 1080p / 720p Format…mp4 Duration….01:39:00 Genre... Drama, Comedy, Family, Fantasy  Subtitle….Myanmar Subtitle (Hardsub) Encoder….Mr. Anderson Translated by Ruby Jane

The Whole Nine Yards (2000) ~ IMDb rating - 6.7/10 ~ Nicholas "Oz" Oseransky ဟာ လူချစ်လူခင်များပြီး စိတ်ထားကောင်းတဲ့ ကူညီတတ်တဲ့ သွားဆရာဝန်တစ်ယောက်ဖြစ်ပါတယ်။ ဒါပေမဲ့လည်း အိမ်မှာတော့ သူ့ကိုတစ်ချိန်လုံးထိုင်နှိပ်စက်နေတဲ့ဇနီးဆိုးနဲ့ ယောက္ခမဆိုးတွေကြောင့် ဒီအိမ်ထောင်ရေးကနေထွက်ပေါက်ရှာချင်နေတဲ့သူပါ။ တစ်နေ့မှာတော့ သူတို့ဘေးအိမ်ကိုပြောင်းလာတဲ့လူဟာ သူ့ဂိုဏ်းခေါင်းဆောင်ကိုလက်ထောက်ချပြီး လာရှောင်တိမ်းနေတဲ့ နာမည်ကျော် ကြေးစားလူသတ်သမားဖြစ်တဲ့ Jimmy The Tulip ဆိုတာကို သူသိလိုက်ရပြီး သူ့မိန်းမကိုပြောပြမိခဲ့ပါတယ်။ အဲဒီမှာပဲ မလည်ရှုပ်လုပ်ချင်တဲ့ သူ့မိန်းမဟာ ကြံကြီးစည်ရာလို့ပြောရမယ့် အကြံကြီးတစ်ခုကိုစိတ်ကူးပေါက်ပြီး သူ့ကိုအတင်းအကျပ်ခိုင်းပါတော့တယ်။ အဲဒီအကြံကတော့ Jimmy ရဲ့ ဂိုဏ်းကိုသွားဆက်သွယ် Jimmy ကို လက်ထောက်ချပြီး ဂိုဏ်းကပေးတဲ့ဆုကြေးကိုထုတ်ဖို့ပါပဲ။ ကြေးစားလူသတ်သမားဖြစ်တဲ့ Jimmy ကတော့ Oz ကိုခင်ခင်မင်မင်လာပေါင်းတဲ့အတွက် Oz ကသူ့ဇနီးခိုင်းတာကိုမလုပ်ချင်ပေမယ့် မလွန်ဆန်နိုင်တဲ့အတွက် ရှေ့ဆက်တိုးရတဲ့အခါမှာတော့... ကြေးစားလူသတ်သမားဖြစ်ချင်တဲ့ Oz ရဲ့ လက်ထောက်ကောင်မလေး Jill, Jimmy ကိုအသေအကြေမုန်းတီးနေတဲ့ ဂိုဏ်းခေါင်းဆောင် Janni, Jimmy ရဲ့ဇနီးဟောင်းမိန်းမလှလေး Cynthia, အဲဒီ Cynthia ကိုမှချစ်မိသွားတဲ့ Oz တို့ကြားမှာ တစ်ယောက်နဲ့တစ်ယောက် လှည့်စားအနိုင်ယူရမယ့် ဉာဏ်ကစားပွဲတစ်ခုဖြစ်လာပါတော့တယ်။ အားလုံးသိကြတဲ့မင်းသားကြီး Bruce Willis နဲ့ Friends ပရိသတ်တွေရဲ့အသည်းစွဲ Chandler တဖြစ်လဲ Matthew Perry တို့ခေါင်းဆောင်ပါဝင်ထားတာပါ။ Matthew ဟာ Bruce နဲ့အတူဒီဇာတ်ကားရိုက်နေချိန်မှာ အလောင်းအစားတစ်ခုလုပ်ခဲ့ပါတယ်။ အဲဒါကတော့ ဒီဇာတ်ကားသာ ဝင်ငွေကောင်းခဲ့မယ်ဆိုရင် Friends မှာဧည့်သည်အဖြစ်လာရိုက်ပေးဖို့ပါပဲ။ Bruce ကိုယ်တိုင်ကလဲ အဲ့ဒီလောက်အောင်မြင်မယ်မထင်ခဲ့မိတဲ့အတွက်လက်ခံခဲ့ပြီး ဒီဇာတ်ကားက အံ့သြစရာကောင်းလောက်အောင် ဝင်ငွေကောင်းခဲ့ချိန်မှာတော့ သူရှုံးသွားခဲ့တဲ့အတွက် Friends မှာပါလာခဲ့တာဖြစ်ပါတယ်။ Friends ထဲက Bruce ရဲ့ဇာတ်ကောင်ဖြစ်တဲ့ Ross ရဲ့ယောက္ခမလောင်း Paul Stevens ကိုမှတ်မိကြဦးမှာပါ။သူ့သမီးနဲ့ Ross ကိုသဘောမတူနိုင်ပဲ တစ်ချိန်လုံးအပြစ်ရှာ ထိုင်ဖောက်နေတတ်တဲ့ဘဲကြီးပေါ့။ အခုဇာတ်ကားမှာတော့ ကြေးစားလူသတ်သမားအဖြစ် သူ့ရဲ့မထီတရီအပြုံးတွေ အေးစက်စက်အကြည့်တွေကိုပြန်မြင်ရမှာဖြစ်ပြီး Matthew ရဲ့ဇာတ်ကောင် Oz ကတော့ Chandler နဲ့စရိုက်ချင်းတူတဲ့အတွက် Friends တုန်းကအတိုင်း အလွဲလွဲ အချော်ချော်ဖြစ်ရပ်တွေနဲ့ပွဲကျစေဦးမှာပါပဲ။ Comedy နဲ့ Crime ကိုမျှမျှတတ ပေါင်းစပ်ထားတဲ့အတွက် အားလုံးအကြိုက်တွေ့မယ့် ဇာတ်ကားမျိုးဖြစ်ပါတယ်။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 2GB, 890MB Quality - 1080p, 720p IMDb Rating - 6.7/10 Format - mp4 Duration - 1H 38Min Genre - Comedy, Crime Subtitle - Myanmar Subtitle (Hardsub) Translated by Alias Encoded by Y

IMDb Rating 5.9/10 ဆယ်ကျော်သက်အချစ်ရုပ်ရှင်ကားတစ်ကားပေမဲ့ ပုံမှန်ဆယ်ကျော်သက်ကားတွေနဲ့ မတူညီတဲ့ ရှုထောင့်ကနေ ခံစားသက်ဝင်ပြီး ကြည့်ရှုရမယ့် She’s All That ……………. မင်းသားချောလေး Freddie Prinze Jr ပါဝင်ထားတဲ့ ကြည်နူးစရာအချစ်ကားလေးတစ်ကားဖြစ်ပြီး ဒီကားမှာ ဖရတ်ဒီက ကျောင်းရဲ့ နာမည်ကျော် King ဇက်ဆိုင်လာအဖြစ် ပါဝင်သရုပ်ဆောင်ထားတာဖြစ်ပါတယ်.... ကျောင်းရဲ့ နာမည်ကျော် King ဇက်ဆိုင်လာက Queen တေလာဗန်ဟာရဲ့ စွန့်ပစ်ခြင်းကို ခံလိုက်ရပြီး အသဲကွဲနေသောအခါ... သူ့သူငယ်ချင်းတွေက အသဲကွဲနေတဲ့သူ့ကို နှစ်သိမ့်ကြရင်း အလောင်းအစားတစ်ခုကို လောင်းကြဖို့ အခြေအနေတစ်ခုဖြစ်လာပါတယ်.... အဲ့အလောင်းအစားကတော့ ဒီကျောင်းက တစ်ယောက်ယောက်ကို ရွေးချယ်ပြီး ဇက်ဆိုင်လာက Queen ဖြစ်အောင် ဖန်တီးပေးရမှာ ဖြစ်ပါတယ် သူတို့ဖန်တီးပေးရမယ့် သားကောင်က ကျောင်းက လူထူးဆန်းမလေး လန်နီဖြစ်နေတဲ့အခါ...... သူ့ရဲ့အလောင်းအစားကို အနိုင်ရဖို့ ဇက်ဆိုင်လာက လန်နီကို ချဉ်းကပ်ခဲ့ရင်း တစ်ယောက်နဲ့ တစ်ယောက်နီးစပ်သွားတဲ့အချိန်မှာ ဘာတွေဆက်ဖြစ်ကြမလဲ? ဇက်ဆိုင်လာက အလောင်းအစားမှာ အနိုင်ရနိုင်မလား??? ဒါမှမဟုတ် လန်နီကို တကယ်ချစ်မိသွားမလားဆိုတာကို ရင်ခုန်ကြည်နူးဖွယ် ကြည့်ရှုရမယ့် ဆယ်ကျော်သက်အချစ်ကား တစ်ကားဖြစ်ပါတယ်။ File size…(1.8 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Romance Subtitle….Myanmar Subtitle (Hardsub) Encoder….Swan Min Htet Translated by Su Mon

သက္ကရာဇ် ၂၀၀၀ ကို ရောက်တော့မယ့်အချိန်၊ ကမ္ဘာပျက်မလားဆိုတဲ့ စိုးရိမ်မှုတွေ ရှိနေကြတဲ့ နောက်ခံနဲ့ ဇာတ်လမ်းစထားပါတယ်။ ၁၉၉၉ ခုနှစ် နှစ်သစ်ကူးအကြိုညမှာ နယူးယောက်မြို့ရဲ့ လမ်းမတွေပေါ် လူတွေ ကြက်ပျံမကျ စည်ကားနေကြတယ်။ ဇာတ်လမ်းထဲမှာတော့ ထောင်စုနှစ်အဆုံး၌ စေတန်ဟာ ငရဲအကျဉ်းထောင်ကနေ လွတ်မြောက်လာပြီး ကမ္ဘာပျက်နေ့ကို ယူဆောင်လာမယ်ဆိုတဲ့ အကြောင်းရှိနေပါတယ်။ လူစီဖာဟာ ကမ္ဘာပေါ်ကိုတက်လာပြီး ရွေးချယ်ခံမိန်းကလေးတစ်ယောက်ကို ရှာဖို့ ရည်ရွယ်ထားတယ်။ အဲဒီမိန်းကလေးနဲ့ ကိုယ်လက်နှီးနှောပြီး သူ့မျိုးဆက်ကို ချန်ထားဖို့၊ ငရဲတံခါးကို ဖွင့်ပြီး ကမ္ဘာပျက်နေ့ကို ယူဆောင်လာဖို့ပါ။ ဒီအချိန်မှာပဲ အာနိုးသရုပ်ဆောင်ထားတဲ့ ဇာတ်ကောင်က တာဝန်ယူစောင့်ရှောက်နေရတဲ့ လုပ်ငန်းရှင်ရဲ့ကိုယ်ထဲ လူစီဖာ ဝင်ပူးသွားပါတယ်။ အဖြစ်အပျက်တွေ ဆက်တိုက်ကြုံလာရင်း အာနိုးရဲ့ဇာတ်ကောင်ဟာ ရွေးချယ်ခံမိန်းကလေးကို ကာကွယ်ပေးရမယ့် အခြေအနေ ရောက်လာတယ်။ လူစီဖာ သူ့အနား မရောက်နိုင်အောင် ပြေးလွှားရှောင်တိမ်းကြရင်း လူသားတစ်ယောက်နဲ့ စေတန်နတ်ဆိုးတို့ ထိပ်တိုက်ရင်ဆိုင်ကြရပါတယ်။

Buffalo '66 (1998) ~ IMDb - 7.4/10, Rotten Tomatoes - 76% ~ အဟောင်းအကောင်း Old but Gold ဇာတ်ကားကောင်းတွေထဲက တစ်ကားဖြစ်ပါတယ်။ IMDb Rating (7.4/10) ရထားတဲ့ ဒီဒရာမာ ဟာသ ရိုမန့်စ်ကားလေးက ဆုပေါင်း(၆)ဆုဆွတ်ခူးထားပြီး Nomination တွေလည်း (၁၁)ခုထိ ၀င်ထားခဲ့ပါသေးတယ်။ ကြည့်ရှုသူများကလည်း ကြည့်ဖူးသမျှထဲမှာ အကောင်းဆုံး Independent Film လို့ရည်ညွှန်းခံရတဲ့ကားလေးပါ။ ဘီလီဘရောင်းဆိုတဲ့သူက ထောင်ငါးနှစ်ကျပြီး ထွက်လာခဲ့တာပါ။ မိဘတွေကို ထောင်ကျခဲ့တာလို့မပြောဘဲ အလုပ်ကိစ္စကြောင့်အဝေးရောက်‌နေပြီး အိမ်ထောင်လည်းကျနေပြီလို့ လိမ်ညာခဲ့မိတာကြောင့် မိဘအိမ်ပြန်ဖို့လိုလာတဲ့အချိန် ပြစရာဇနီးလိုလို့ လမ်းကြုံကောင်မလေးတစ်ယောက်ကို ပြန်ပေးဆွဲရာကနေ ဒီဇာတ်လမ်းက စတင်လာခဲ့ပါတယ်။ ဒီကားလေးက သရုပ်ဆောင်နယ်ပယ်မှာ နာမည်ကြီးပြီး ဆုတွေအများကြီးလည်းရဖူးတဲ့ Golden Lion ဆုအတွက်လည်း Nomi အကြိမ်ကြိမ်၀င်ဖူးတဲ့ Vincent Gallo ရဲ့ ဒါရိုက်တာအဖြစ် ပွဲဦးထွက်ခဲ့တဲ့ကားလေးဖြစ်ပါတယ်။ ဇာတ်ညွှန်းကိုလည်း သူကိုယ်တိုင်ပဲရေးသားထားပြီး သူကိုယ်တိုင်ပဲသရုပ်ဆောင်ထားတာပါ။ သူ့ကို Mainstream ပေါ် တင်ပေးခဲ့တဲ့ကားဆိုရင်လည်း မမှားပါဘူး။ မင်းသမီးဆိုရင်လည်း ကြည့်ရှုသူတွေနဲ့မစိမ်းတဲ့ ၁၉၉၁ ခုထွက် The Addams Family ထဲက မူလလက်ဟောင်း ဗုဒ္ဓဟူးမလေးပါ။ သူရဲ့ပျိုမျစ်လတ်ဆတ်တဲ့အလှရယ် ညှို့ငင်တတ်တဲ့မျက်၀န်းနက်နက်လေးတွေရယ် ဘိုးလင်းရုံမှာကတဲ့ Tap Dance အခန်းလေးတွေက ဒီဇာတ်ကားလေးကို အသက်၀င်စေတဲ့ သွေးကြောလေးတွေပါပဲ။ အားလုံးပဲ ကြည့်ရှုခံစားလိုက်ကြပါဦး။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2.4GB, 960MB Quality - 1080p, 720p IMDb Rating - 7.4/10 Format - mp4 Duration - 1H 50Min Genre - Comedy, Drama, Romance Subtitle - Myanmar Subtitle (Hardsub) Translated by Soe Thiri Swe Encoded by Y

၁၉၆၄ ခုနှစ်၊ Pennsylvania ပြည်နယ် Erie မြို့က လူငယ်လေးယောက်ပါ တီးဝိုင်းတစ်ဖွဲ့ဟာ ကိုယ်တိုင်ရေး၊ ကိုယ်တိုင်တီး၊ ကိုယ်တိုင်ဆိုထားတဲ့ သီချင်းတစ်ပုဒ်နဲ့ မမျှော်လင့်ဘဲ လူသိများလာပါတယ်။ တဖြည်းဖြည်း နာမည်ရလာတာနဲ့အမျှ အသံသွင်းကုမ္ပဏီကြီးတစ်ခုဆီက ကမ်းလှမ်းချက်လည်း ရောက်လာတယ်။ နိုင်ငံတစ်ဝန်း ဖျော်ဖြေပွဲတွေ သွားရ၊ ဓာတ်ပုံတွေ ရိုက်ရနဲ့ သူတို့လေးယောက် မအားမလပ် ဖြစ်လာကြပါတယ်။ လူမသိသူမသိဘဝကနေ ရုတ်တရက် တိုင်းသိပြည်သိ အနုပညာရှင်တွေ ဖြစ်လာတဲ့အခါ အောင်မြင်မှုနဲ့အတူ ပါလာတဲ့ဝန်ကို ဘယ်လိုထမ်းကြမလဲ။ ဘဝင်မမြင့်ဘဲ အောင်မြင်မှုကို ဆက်ထိန်းထားနိုင်ပါ့မလား။ ဇာတ်လမ်းက တီးဝိုင်းလေးရဲ့ နာမည်ရလာပုံကနေ အောင်မြင်ပြီးနောက် ကြုံရတဲ့အခြေအနေတွေဆီ ဆက်သွားပါတယ်။ ၁၉၉၆ ခုနှစ်ထွက် That Thing You Do! ကို Tom Hanks က ဒါရိုက်တာနဲ့ ဇာတ်ညွှန်းရေးသူအဖြစ် ပွဲဦးထွက်လုပ်ထားပြီး ဇာတ်ပို့သရုပ်ဆောင်အဖြစ်လည်း ပါဝင်ထားပါတယ်။ Tom Everett Scott၊ Johnathon Schaech၊ Steve Zahn နဲ့ Liv Tyler တို့ အဓိကသရုပ်ဆောင်ထားတဲ့ ဒီဂီတဟာသဒရာမာမှာ အမည်တူ မူရင်းဇာတ်ဝင်သီချင်းလည်း ပါဝင်တယ်။ ဦးသန့်ကို တလေးတစား ထည့်သွင်းဖော်ပြထားတဲ့ စာတစ်ကြောင်းနဲ့ ဇာတ်ဝင်ခန်းတစ်ခန်းလည်း ရှိပါတယ်။

ဒီဇာတ်ကားကတော့ ပထမကား Grumpy Old Men ရဲ့ အဆက်ဖြစ်ပြီး Wabasha မြို့လေးက နာမည်ကျော် ရန်ဘက်အဖိုးကြီးနှစ်ယောက်ဖြစ်တဲ့ "John Gustafson " နဲ့ "Max Goldman" တို့ရဲ့ အလွဲတွေကို ဆက်လက်တင်ဆက်ထားတာပါ။ အခုတစ်ခေါက်မှာတော့ သူတို့နှစ်ယောက်ဟာ အရင်လိုပဲ ငါးမျှားရင်း အချင်းချင်း ပြိုင်ဆိုင်နေကြတုန်းပါပဲ။ ဒါပေမဲ့ သူတိုရဲ့ ရန်ပွဲတွေကြားထဲက မာရီယာ ရောက်ရှိလာတဲ့အခါမှာတော့ အခြေအနေတွေက ဗြောင်းဆန်လာပါတော့တယ် ​သူတို အမြဲသွားနေကျ ငါးမျှားပစ္စည်းဆိုင်ကို "မာရီယာ" က အီတလီစားသောက်ဆိုင်အဖြစ် ပြောင်းလဲပစ်လိုက်တာကို "ဂျွန်"နဲ့ "မက်စ်" က အကြီးအကျယ် မကျေနပ်​ဖြစ်ခဲ့ကြတာပါ။ သူတို့နှစ်ယောက်ပူးပေါင်းပြီး မာရီယာရဲ့စားသောက်ဆိုင်ကို နှောင့်ယှက်ဖို့ ကြိုးစားကြပါတော့တယ်။ "အချစ်ဟာ အသက်အရွယ်မရွေးဘူး"ဆိုတဲ့အတိုင်း "မာရီယာ" ကို နှောင့်ယှက်ရင်း "မက်စ်" တစ်ယောက် "မာရီယာ" အပေါ် စိတ်ဝင်စားသွားတဲ့အခါမှာတော့ ​အခြေအနေတွေက ဘယ်လိုပြောင်းလဲသွားမလဲ... အဖိုးကြီးနှစ်ယောက်ရဲ့ အပြန်အလှန် "အချစ်ကြီးလို့ အမျက်ကြီး" တဲ့ ရန်ပွဲလေးတွေကို ကြည့်ရင်း အသက်အရွယ်ဆိုတာ ကိန်းဂဏန်းတစ်ခုသာဖြစ်ပြီး လူတစ်ယောက်ရဲ့ ရင်ဘတ်ထဲက နုပျိုမှုနဲ့ ချစ်ခြင်းမေတ္တာဟာ ဘယ်တော့မှ အိုမင်းမသွားဘူးဆိုတာကို သိလာရပါလိမ့်မယ်။

Casino (1995) IMDb..... 8.2/ Rotten....80 HEAT,THE SCORE,THE INTERN,GOODFELLAS စတဲ့ ကားတွေကြည့်ပြီး Robert De Niro ကိုသတိထားမိသွားတယ်... ဒီဘိုးတော်ကြီးကားတော်တော်များများ ဟာ ခမ်းနားထည်ဝါလွန်းတယ်.... ဒါကြောင့် casino (1995)ကားကို စူးစမ်းကြည့်မိတယ် .... Top Rated Movies #145 ထဲမှာပါသလို ဆုပေါင်းများစွာလည်း ရရှိထားတယ်... Sam Ace Rothestein အဖြစ် Robert De Niro ကသရုပ်ဆောင်ထားတယ်... သူဟာ လောင်းကစားတွေနဲ့ပတ်သက်လို့ထက်မြက်တယ်... သူ့မျက်လုံးတစ်စုံဟာ ၃၆ဝဒီဂရီပတ်ကြည့်ပြီးတာနဲ့ ဘယ်ဝိုင်းက ထိုးသားအခြေအနေ လောင်းကြေးတွေက ဘယ်သူ့ဘက်အလေးသာနေတယ် ဘယ်သူတွေက မသာမာမှုတွေလုပ်နေတယ်ဆိုတာကို အကဲဖြတ်စွမ်းနိုင်စွမ်းရှိတယ်..  တစ်ဆက်တည်း သူလိုချင်တဲ့အနေအထားကိုလည်း ပြောင်းလဲနိုင်စွမ်းရှိတယ်.. ဒါကြောင့် ကာစီနိုတွေကိုချုုပ်ကိုင်နေတဲ့သူတွေက သူ့ကို ကာစီနိုဝိုင်းတွေကိုကွပ်ကဲပေးဖို့ငှားခဲ့တယ်....သူကလည်းလက်ခံခဲ့တယ်... သူ့ကိုလက်ဖျားနဲ့မပြောနဲ့ စကားကြမ်းပြောတဲ့သူတောင် အနားမှာမရှိအောင် လူမိုက်အကြီးအစားတစ်ယောက်ကို သူ့အနားမှာထားပေးတယ်... အဲဒီအလုပ်ကို သူလက်ခံပြီးတဲ့နောက်မှာ အပြောင်းအလဲတွေ အများကြီးသူကြုံရတော့တာပဲ....လူမိုက်တွေ...ရဲတွေ.....အစိုးရအကြီးအကဲတွေ.... ဥပဒေကိုလက်တစ်လုံးခြားလုပ်နေတဲ့သူတွေ..... ဒီကားမျိုးက ကြည့်ပြီးတွေးမြင်ခံစားလို့ကောင်းတဲ့ကားမျိုးဆိုတော့ ဆက်မပြောတော့ပါဘူး...... ဒီကားက တချို့သူတွေအတွက်တော့ ဂျင်းပေါ့ဗျာ.အယ်..တချို့သူတွေအတွက်တော့ (gem)ဖြစ်သွားလိမ့်မယ်.... File Size : 5.19GB/ 1.67GB Quality : Blu-Ray 1080p 5.1 CH/ 720p Format…mp4 Duration…02:58:50 Genre : Crime , Drama Subtitle : Myanmar Subtitle (Hard Sub) Translated by Theint Yadanar Oo Encoded by Tiff

The Usual Suspects (1995) IMDB..........8.6 Rotten.....96% IMDb နဲ့ Rotten ကို ကြည့်ရုံနဲ့ ဒီဇာတ်ကားရဲ့ အခြေအနေကို နည်းနည်းတော့ ရိပ်စားမိမယ်လို့ထင်ပါတယ် .. ဝတ္ထု ရုပ်ရှင် ပြဇာတ် မျက်လှည့် ဖျော်ဖြေရေးတွေမှာ ကျွန်တော်အာရုံကိုဆွဲဆောင်နိုင်မဲ့ အရာမျိုးက ဘာဖြစ်မယ်လို့ထင်လဲ အားလုံးကိုခြုံငုံပြီး ဖျော်ဖြေရေးလို့သုံးလိုက်တဲ့အတွက်တော့ သည်းခံပေးပါ....... တစ်ယောက်နဲ့တစ်ယောက် အမြင်တော့ နည်းနည်းကွဲပါလိမ့်မယ် ဒါပေမဲ့ အတော်များများ သိစိတ်ကရော မသိစိတ်ကရော လက်ခံထားတဲ့အရာတစ်ခုတော့ရှိမယ်ထင်တယ်....... ဥပမာ မျက်လှည့်ပဲထား ငှက်မွေးလေးတစ်ခုကိုမီးရှို့ပြီး ဖြတ်ခနဲ့လက်အဝှေ့ ခိုဖြူလေးက မျက်လှည့်ဆရာရဲ့လက်ပေါ် အတောင်တဖြတ်ဖြတ်ခတ်ရင်း တက်နားသွားတယ် .. ကျွန်တော်တို့ လက်ခုပ်သံတွေ တဖြောင်းဖြောင်းပေါ့ .. ဒါကဘာလဲဆိုတော့ မမျှော်လင့်တဲ့ လှည့်ကွက်လေးမို့ အံဩ မင်သက်သွားတာ .. ဒီလိုပဲ ဝတ္ထု ရုပ်ရှင်တွေမှာလည်း ကောင်းမွန်သောသရုပ်ပါမှု ရှုမငြီးနိုင်တဲ့ဇာတ်လမ်း ထိမိတဲ့ ဒိုင်ယာလော့တွေကို မဟာလှည့်ကွက်တွေနဲ့ပေါင်းစပ်လိုက်ရင် ကျွန်တော်တို့ကို ဘယ်လောက်တောင်ဆွဲဆောင်နိုင်လိုက်မလဲ .. ဘာဖြစ်လို့ကျွန်တော် ဒါတွေပြောနေရတာလဲဆိုတော့ ရုပ်ရှင်သမိုင်းရဲ့ အကောင်းဆုံးသော Twist စာရင်းထဲပါတဲ့ The usual suspects ဆိုတဲ့ကားကြောင့်ပါပဲ .. ပြီးတော့ ဇာတ်လမ်းအညွှန်းရေးမယ်ဆိုရင် spoil အဆင့်ရောက်သွားမှာလည်း စိုးမိတယ် .. ဒီကားရဲ့ Plot ,dialogue ,Tempo ,Twist စတဲ့ ရသတွေဟာ ကျွန်တော့ရဲ့ ဝါကျဖွဲ့စည်းမှု ခပ်ညံညံအောက်မယ် ကြည့်ရှုသူအတွက် စိတ်အနှောင့်ယှက်ဖြစ်သွားမှာ စိတ်ပူမိတဲ့အပြင် The usual suspects ရဲ့ ကြီးကျယ်ခမ်းနားမှုမှေးမှိန်သွားမှာ ကြောက်မိလို့ပါ....... ကိုင်း ကျွန်တော်ပြောတာဟုတ်မဟုတ်ဆိုတာကိုတော့ ကြည့်ရှုခံစားလိုက်ပါဦး ပရိသတ်ကြီးရေ......... (ဇာတ်လမ်းအညွှန်းကို Aye Mon Kyaw မှ ရေးသားပေးထားပါတယ်) File Size… 2.82GB, 674 MB Quality… BLU-RAY 1080p, 720p Format…mp4 Duration…01:46:00 Subtitle…Myanmar Subtitle(Hardsub) Encoder...AHtet Translated by Aye Mon Kyaw

ဒီတစ်ခါမှာတော့ 1993 က ထွက်ထားတဲ့ "Grumpy Old Men"ဇာတ်ကားလေး ကြည့်ကြရအောင်ပါ။ ဒီဇာတ်ကားကို ဒါရိုက်တာ Donald Petrie က ရိုက်ကူးထားတာပဲဖြစ်ပါတယ်။ ဇာတ်လမ်းအကျဥ်းက​တော့ Minnesota ပြည်နယ်မှာ နေထိုင်တဲ့ အသက်ကြီးပြီး အမြဲတမ်း တစ်ယောက်နဲ့တစ်ယောက် မျက်မုန်းကျိုးနေတဲ့ မတည့်အတူနေ အိမ်နီးချင်းနှစ်ယောက်​က​တော့ "ဂျွန် ဂတ်စတာဖန်" နဲ့ "မက်စ်ဂိုးလ်မန်း" တို့ပဲ ဖြစ်ပါတယ်။ ဒါပေမယ့် တစ်နေ့မှာ "အေရီရယ်" ဆိုတဲ့ မိန်းက​လေးတစ်ယောက် သူတို့ရဲ့ အိမ်ဘေးကို ပြောင်းလာတဲ့အခါ ပြောင်းလဲမှုတွေ စတင်ဖြစ်လာပါတော့တယ်။ "ဂျွန်" နဲ့ "မက်စ်" နှစ်ယောက်လုံး "​အေရီရယ်" ကို ချစ်မိသွားကြပြီး သူတို့ကြားက စိတ်အခန့်မသင့်မှုတွေက ပိုဆိုးလာပါတော့တယ်။ မိန်းမတစ်ယောက်အတွက်နဲ့ ပြိုင်ဆိုင်ရာကနေ တစ်ဖက်ကနေလည်း သူတို့နှစ်ယောက်ရဲ့ မိတ်ဆွေသဘော အသက်ကြီးလာမှုနဲ့ လူ့ဘဝရဲ့ တန်ဖိုးတွေကိုလည်း သိလာစေခဲ့ပါတယ်။ နောက်ဆုံးမှာတော့ မုန်းတီးမှုထက် မိတ်ဆွေ​ဖြစ်မှုက ပိုအရေးကြီးတယ်ဆိုတာ..... အသက်ကြီးလာတာနဲ့အမျှ ချစ်ခြင်းနဲ့ နားလည်မှုတွေက ပိုလိုအပ်လာတယ်ဆိုတာ.... သူတိုက သိလာနိုင်ပါ့မလား.... "အေရီရယ်"ကရော သူငယ်ချင်းနှစ်ယောက်ထဲက ဘယ်သူ့ကို ရွေးချယ်သွားမလဲဆိုတာကတော့....ဆက်လက်ကြည့်လိုက်ကြရအောင်ပါရှင်

A Few Good Men (1992) IMDb.....7.7,,,,,Rotten.....82% Rules of Engagementဆိုတဲ့ စစ်ကား ကိုတော့ တော်တော်များများကြည့်ဖူးကြမယ်ထင်တယ်... အဲဒီလိုကားမျိုးကို သဘောကျတဲ့ဆိုရင်တော့ ဒီကားကိုကြည့်သင့်တယ်..... ဒီကားက နယ်ခြားစောင့်စစ်တပ်မှာ စစ်သည်တစ်ယောက်သေဆုံးတဲ့အကြောင်းကို အဓိကဇာတ်အိမ်တည်ပြီးရိုက်ကူး ထားတယ်.... စစ်သည်အချင်းချင်းအပြစ်ပေးရာကနေ မတော်တဆသေဆုံးသွားတယ်.... ဒီအမှုကို ကိုင်တွယ်ဖို့ စစ်တရားရုံးရှေ့နေအဖြစ် Tom Cruise ကိုတာဝန်ပေးခြင်းခံရတယ်...ဒီကားက ကျွန်တော်ကြည့်ခဲ့တဲ့ စစ်ကားထဲမှာ အကောင်းဆုံးစာရင်းဝင်လို့တောင်ပြောလို့ရတယ်.. အယ် လက်နက်ကြီး လက်နက်ငယ်တွေနဲ့ စစ်ဆင်ရေးဆင်နွှဲနေတဲ့ကားတော့မဟုတ်ဘူး.... သို့ပေမဲ့ စကားလုံးတွေနဲ့ စွမ်းအားကတော့ လက်နက်ကြီးထက်ပြင်းထန်ပုံရတယ်... ဇာတ်လမ်းက စစချင်းကိုဆွဲဆောင်မှုရှိတယ်....ကျွန်တော်ပြောရင် Spoiler ဖြစ်သွားမှာစိုးလို့ ခံစားကြည့်လိုက်ပါဦး....ဒီကားရဲ့ ဒိုင်ယာလော့တွေကို အတတ်နိုင်ဆုံး အလှပဆုံး မြန်မာမှုပြုပေးတဲ့ ဘာသာပြန်ကတော့ Ko Ye Pye Sone ပါ.... IMDbရော Rotten ရော အမြင့်ဆုံးမှာရှိနေသလို သရုပ်ဆောင်တွေကလည်း.  Tom Cruise, Jack Nicholson, Demi Mooreတို့ဖြစ်လို့  ဒေါင်းကြည့်သင့် မသင့် ဆုံးဖြတ်ကြပေတော့..... File Size : 2.18GB/ 870MB Quality : Blu-Ray 1080p 5.1 CH/720p Format…mp4 Duration…02:18:00 Genre :  Drama, Thriller Subtitle : Myanmar Subtitle (Hard Sub) Translated by Ye Pye Sone Encoded by Tiff

မှော်ပညာတွေ၊ နတ်သမီးတွေ၊ ဘီလူးတွေ၊ ကျိန်စာတွေ၊ လူပုလေးတွေနဲ့ ငလက်မလေးတွေ တကယ်ရှိနေတဲ့ စိတ်ကူးယဉ်လောကမှာ ဝီလိုဆိုတဲ့ လူပုလေးတစ်ယောက် နေထိုင်ပါတယ်။ သူက သာမန်လယ်သမားတစ်ယောက်ဖြစ်ပေမယ့် မှော်ဆရာဖြစ်ဖို့ အရမ်းဆန္ဒရှိနေသူပါ။ တစ်နေ့မှာတော့ ဒိုင်ကီနီမျိုးနွယ်က ကလေးတစ်ယောက် မြစ်ထဲမျောလာပြီး သူ့ဆီ ရောက်လာတယ်။ ဒီကလေးဟာ ဆိုးသွမ်းတဲ့ မှော်ဆရာမဘုရင်မ ဘက်ဗ်မော်ဒါကို ဖြုတ်ချမယ့်သူလို့ နိမိတ်ဖတ်ခံထားရသူပါ။ အဲဒါကြောင့် ဘုရင်မက လိုက်သတ်နေရာကနေ မြစ်ထဲမျောလာခဲ့တာဖြစ်ပါတယ်။ ဝီလိုက ရွာသားတွေကို ကလေးအကြောင်း အသိပေးလိုက်ပေမယ့် ဘယ်သူမှ လက်မခံထားရဲကြဘူး။ ကလေးကို ပြန်ပေးဖို့ ဆုံးဖြတ်ကြပြီး အဲဒီတာဝန်ကို ဝီလို့ဆီပဲ အပ်လိုက်ကြတော့ သူလည်း စွန့်စားခရီး ထွက်ရပါတော့တယ်။ ၁၉၈၈ ခုနှစ်မှာ ထွက်ရှိခဲ့တဲ့ စိတ်ကူးယဉ်စွန့်စားခန်းရုပ်ရှင်ဖြစ်လို့ ဒီနေ့ခေတ်ကနေ ပြန်ကြည့်ရင် အထူးပြုလုပ်ချက်နဲ့ ဇာတ်လမ်းပိုင်းမှာ အားနည်းချက်တချို့ ရှိကောင်းရှိနိုင်ပါတယ်။