Mike Starr ပါဝင်သော ဇာတ်ကားများ

On the edge of revolutionary change at their all boys private high school, three friends set out to have one last great weekend while dodging authority, love affairs and violent foes in the longest weekend of their lives.

IMDb Rating - 6.0/10 သတို့သမီးတစ်ယောက်နဲ့ လူသတ်သမားသတို့သားတစ်ဖွဲ့လုံး ချရတဲ့ ကားပါ။ ဇာတ်ကားနာမည်က မင်္ဂလာဆောင်တွေမှာ သစ္စာဆိုတဲ့စကား ပါပဲ။ သေမှပဲ တို့တွေခွဲမယ်တို့ သက်ဆုံးတိုင်မခွဲဘူး ဘာညာပေါ့။ ဒီကား ကိုကြည့်ရင် Kill Bill ကို ပြေးမြင်မိမယ်ထင်ပါတယ်။ သတို့သမီးက လုပ် ကြံရေးအဖွဲ့ကြီးတစ်ခုရဲ့ အဖွဲ့ဝင်ပါ။ အဲဒီအဖွဲ့ကနေ အရှင်ထွက်ခွင့်မရှိပါ ဘူး။ ဒါပေမဲ့ သတို့သမီးက သူနဲ့အတူ တွဲလုပ်ခဲ့တဲ့ တွဲဘက်လူသတ်သမားနဲ့ ကြိုက်သွားပြီး မင်္ဂလာမဆောင်ခင်ရက်ပိုင်းမှာပဲ ဒီအဖွဲ့ထဲကနေ ထွက်ချင် လို့ ထွက်ပြေးပါတော့တယ်။ ဒါကို သတို့သားနဲ့ သတို့သားအရံ၊ သူငယ်ချင်း လူသတ်သမားတွေက အုပ်လိုက်ကြီးပြန်လိုက်ဖမ်းတာပါ။ အဲဒီတော့ တစ် ကားလုံး အပြန်အလှန်သတ်ဖို့ကြိုးစားကြတာပေါ့။ ဟာသ၊ အက်ရှင်၊ ဟော် ရာဖြစ်လို့ ခပ်ပြောင်ပြောင်အခန်းတွေလည်း မြင်ရမှာပါ။ အတော်လေး ဖျော် ဖြေမှုပေးတဲ့ ရုပ်ရှင်ပါပဲ ကြည့်ကြည့်လိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(2.0 GB) / (490 MB) Quality............WEB-DL 1080p / 720p Duration.........1Hr 49Min Subtitle...........Myanmar Hardsub Format............MP4 Genre..............Action, Comedy, Horror Translator......Mr.Anderson Encoder..........SWM

Sweetwater က ဘတ်စကတ်ဘောကစားသမား ဆွိဝါးတားကလစ်ဖ်တန်ရဲ့ ဘဝကို အခြေခံထားတဲ့ ကိုယ်ရေးအတ္ထုပ္ပတ္တိရုပ်ရှင်ပါ။ လီဘရွန်ဂျိမ်း၊ မိုက်ကယ်ဂျော်ဒန်တို့လို လူမည်းကစားသမားတွေ အောင်မြင်ကျော်ကြားလာတဲ့ခေတ်မတိုင်ခင် NBA မှာ လူမည်းတစ်ယောက် ဝင်ကစားခွင့်ရဖို့ ဘယ်လောက်ခက်ခဲခဲ့သလဲဆိုတာကို သူ့အကြောင်းကနေ ပြောပြထားပါတယ်။ လူဖြူတွေပဲ ကစားခွင့်ရှိသလို ဖြစ်နေတဲ့လိဂ်မှာ ဆွိဝါးတားအတွက် စာချုပ်ချုပ်ခွင့်ရဖို့နဲ့ ပွဲတစ်ပွဲ ဝင်ကစားနိုင်ဖို့က အလွယ်တကူ ဖြစ်လာတာမဟုတ်ဘူး။ နည်းပြတွေ၊ အသင်းပိုင်ရှင်တွေကအစ ဆန့်ကျင်မှုတွေကြားမှာ သူနဲ့ သူ့အတွက် ကြိုးစားပေးသူတွေ ဘယ်လိုရင်ဆိုင်ခဲ့ရသလဲဆိုတာကို တွေ့ရပါတယ်။ ကျွန်စနစ်ကို ဥပဒေနဲ့ ဖျက်သိမ်းပြီးတဲ့နောက်မှာတောင် လူမည်းတွေအပေါ် ခွဲခြားဆက်ဆံမှုတွေ ရှိနေသေးတဲ့ အခြေအနေကိုလည်း ဖော်ပြထားတယ်။ သူ့ရဲ့ ကြိုးစားမှုနဲ့ ဘတ်စကတ်ဘောလောကမှာ အပြောင်းအလဲတစ်ခု ဖြစ်လာခဲ့ပုံကို ဇာတ်အိမ်ဖွဲ့ထားတာဖြစ်ပြီး ဘဝဖြစ်ရပ်တွေကို ရုပ်ရှင်အဖြစ် ပြန်တင်ဆက်ရာမှာ ဒရာမာအတွက် အတိုးအလျှော့လုပ်ထားတဲ့ အပိုင်းတွေလည်း ရှိပါတယ်။

ဒီတစ်ခါမှာတော့ ကြည့်ရှုသူပရိတ်သတ်ကြီးကို ၂၀၀၃ခုနှစ်ကထွက်ရှိခဲ့တဲ့ Bad Santa 2003 ရဲ့အဆက်ဖြစ်တဲ့ Bad Santa 20016ဆိုတဲ့ ဒုတိယမြောက် ဇာတ်ကားလေးနဲ့ မိတ်ဆက်ပေးပါရစေ ဒီဇာတ်ကားကိုတော့ဒါရိုက်တာ Mark Waters က ရိုက်ကူးပုံဖော်ထားပြီး မင်းသားWilly Bob Thornton,Tony Cox နှင့် မင်းသမီး Kathy Batesတို့ကပါဝင်အားဖြည့်သရုပ်ဆောင်ထားပါတယ် ဒီဇာတ်ကားမှာလည်း ဝီလီ အဖြစ်သရုပ်ဆောင်ထားတဲ့ မင်းသား Willy Bob Thornton က ဇာတ်ကားနာမည်အတိုင်း အရင်လိုဆိုးပေနေတဲ့ ဆန်တာကလော့စ်ဖြစ်နေသေးတုန်းပဲဆိုတာကို မြင်တွေ့ရမှာဖြစ်ပါတယ် ဒီဇာတ်လမ်းက ထောင်ကထွက်လာတဲ့ သူငယ်ချင်းဖြစ်သူ မားကတ်နဲ့ ဝီလီတို့ ပရဟိတအဖွဲ့အစည်းတစ်ခုရဲ့ မီးခံသေတ္တာကို ဖောက်ထွင်းဖို့ ကြိုးစားကြပုံကို ကြည်နူးပျော်ရွှင်ဖွယ် ကြည့်ရှုရမှာဖြစ်ပါတယ် ဝီလီတို့သူငယ်ချင်းနှစ်ယောက် မီးခံသေတ္တာကိုဖောက်ထွင်းဖို့အတွက် ချီကာဂိုမြို့ကိုရောက်တဲ့အခါမှာတော့ ဝီလီ မျှော်လင့်မထားတဲ့ လုပ်ငန်းစပ်တူလုပ်ကိုင်ရမည့် ပါတနာတစ်ယောက်ပါလာပါတယ် အဲ့တာကတော့ ဝီလီကိုငယ်ငယ်လေးကတည်းက ပစ်သွားတဲ့ ဝီလီရဲ့ အမေ ဆန်နီဆုတ်ပဲ ဖြစ်ပါတယ် နှစ်ပေါင်းများစွာဝေးကွာ သွားပြီးနောက် သားမိနှစ်ယောက်ပြန်လည်ဆုံတွေ့တဲ့ အခါမှာကော ဘယ်လိုတွေဆက်ဖြစ်ကြမလဲ ဝီလီအမေကရော ဘာလို့ ငယ်ငယ်ရွယ်ရွယ်နဲ့ ဝီလီကိုပစ်သွားရတာလဲ သူတို့တွေအောင်မြင်အောင်ကော လုပ်ဆောင်နိုင်ကြပါ့မလား ဒီဇာတ်ကားမှာ ဝီလီရဲ့စိတ်ကိုနူးညံ့ပျော့ပြောင်းသွားစေတဲ့ ဇာတ်ကောင်တစ်ယောက်လည်း ရှိပါသေးတယ် အဲတာကတော့ ဝီလီကိုငယ်ငယ်လေးကတည်းက အခုချိန်ထိကပ်တွယ်နေတဲ့ သားမန်းဆိုတဲ့ကောင်လေးဖြစ်ပါတယ် ငယ်ငယ်ကတည်းကမိဘမေတ္တာငတ်မွတ်ခဲ့တဲ့ သားမန်းဆိုတဲ့ကောင်လေးကရော ဘာလို့ဝီလီက ဆန်တာကလော့စ်အစစ်မဟုတ်မှန်း သိတာတောင် တကောက်ကောက်လိုက်နေရသေးတာလဲ သားမန်းတစ်ယောက်ဝီလီတို့ တစ်တွေ နေထိုင်တဲ့ချီကာဂိုမြို့အထိလိုက်လာခဲ့ရာမှာတော့ ဘယ်လိုတွေဆက်ဖြစ်ကြမလဲ သူကရော ဝီလီရဲ့စိတ်ကိုဘယ်လိုမျိုးနူးညံ့ပျော့ပြောင်းသွားစေမလဲ ဆိုတာ ဒီဇာတ်ကားလေးထဲမှာ စီးမျောကြည့်ရှုလိုက်ပါဦး ဒီဇာတ်ကားဟာ Comedy,Crime&Dramaအမျိုးအစားကိုမှ ကြည့်ရှုရတာကြိုက်နှစ်သက်သူတွေ မလွတ်စတမ်းကြည့်ရှုသင့်တဲ့ ဇာတ်ကားကောင်းလေးတစ်ကား ဖြစ်ပါတယ်... File size…1.45GB / 712MB Quality…Blu-Ray 1080p / 720p Format…mp4 Duration….1h 32m Genre ….. Comedy , Crime , Drama Subtitle….Myanmar Subtitle (Hard Sub) Encoder….Min Wai Translated by Eh Phaw

အက်ရှင်ကားတွေထဲမှာ အဖိုးကြီးတွေကြမ်းရင် လူငယ်တွေကြမ်းတာထက်ကို နှစ်ဆပိုပါတယ်။ ဘာလို့လဲဆိုတော့ သူတို့ကကြမ်းတမ်းတဲ့အရာတွေကို ကြုံတွေ့ခဲ့ရတဲ့အတွေ့အကြုံကပိုများပြီး ရှေ့ဆက်ရမဲ့ ဘ၀ဆိုတာကလဲသေမထူးနေမထူးဖြစ်နေလို့ပါပဲ။ အခုလည်းရှယ်ကြမ်းပြီး ရှယ်သွေးအေးတဲ့နာမည်ကြီး လူသတ်သမားကြီးတစ်ယောက်ရဲ့ဘ၀အတွေ့အကြုံတွေကို ပုံဖော်ထားတဲ့ IMDb Rating 5.9 ရရှိထားတဲ့ Chicago Overcoat ဆိုတဲ့ဇာတ်ကားဟောင်းတစ်ကားကိုတင်ဆက် ပေးချင်ပါတယ်။ "လူ" ဆိုတဲ့အဖိုးကြီးတစ်ယောက်ကငယ်ရွယ်စဉ်မှာ ကြေးစားလူသတ်မှုပေါင်းများစွာကိုလုပ်ဆောင်ခဲ့သူဖြစ်ပြီး အခုဆိုရင် သူလူမသတ်ပဲအနားယူနေခဲ့တာတော်တော်ကို ကြာနေခဲ့ပါပြီ။ဒါပေမယ့် သူ့သမီးလေးနဲ့မြေးလေးတို့ရဲ့ နောင်ရေးအပြင် သူကိုယ်တိုင်ကလဲ လက်စ်ဗီးဂတ်စ်မှာ သွားအနားယူချင်နေတဲ့အတွက် ပိုက်ဆံကလိုလာပါတော့တယ်။ ဒီလိုနဲ့ သူ့အတွက်သေနတ်ကိုင်ပြီး လူပြန်သတ်ဖို့အကြောင်းဖန် လာပါတော့တယ်။ဒါပေမယ့် သူပြန်လာတာကိုသိနေခဲ့တဲ့ လူတစ်ယောက်ရှိနေခဲ့ပါတယ်။အဲ့ဒီလူကတော့ဟိုးအရင်တုန်းက ပန်းပို့သမားဆိုပြီး "လူ" နာမည်ကြီးခဲ့တဲ့အချိန်ကတည်းက လိုက်နေခဲ့တဲ့စုံထောက်တစ်ယောက်ဖြစ်ပါတယ်။အခုလည်း "လူ" ကအရင်ပုံစံအတိုင်းပြန်လာတဲ့အခါမှာတော့ တစ်ချိန်တုန်းကနာမည်ကြီး လူသတ်သမားတစ်ယောက်ကို အသည်းအသန်လိုက်ဖမ်းပုံတွေနဲ့ ဒုစရိုက်အရှုပ်တော်ပုံတွေ များစွာကိုကြည့်ရှုရမဲ့ဇာတ်ကားလေးပဲဖြစ်ပါတယ်။ File size…1.73GB / 864MB Quality…WEB-Rip 1080p  / 720p Format…mp4 Duration….1h 34m Genre ….. Action , Adventure , Crime Subtitle….Myanmar Subtitle (Hard Sub) Encoder….Min Wai Translated by Saw Lay

The Black Dahlia (2006) ခုတခေါက်တင်ဆက်ပေးမယ့် ကားလေးကတော့ The Black Dahlia ဆိုတဲ့ Crime/Thriller အမျိုးအစား ဇာတ်ကားလေးပဲဖြစ်ပါတယ်...၁၉၄၇ ခုနှစ်မှာ အမှန်တကယ်ဖြစ်ပွားခဲ့တဲ့ The Black Dahlia မှုခင်းအပေါ် မှီငြမ်းဇာတ်အိမ်တည်ရေးထားတဲ့ဝတ္ထုကို ဒါရိုက်တာကြီး Brian De Palma က ရုပ်ရှင်အနေနဲ့ ပြန်လည်ဖန်တီးထားတာဖြစ်ပါတယ်... ယင်းဒါရိုက်တာ Brian De Palma ဟာဆိုရင် နာ‌မည်ကျော်ရုပ်ရှင်ကားများဖြစ်တဲ့ Carrie(1976), Dresses to Kill(1980), Scarface(1983), The Untouchables(1987) နဲ့ Mission: Impossible (1996) တို့ရဲ့ ခေါင်းကိုင်ဖခင်ကြီးလည်းဖြစ်ပါတယ်... ဇာတ်လမ်းအကျဉ်း Bucky Bleichert နဲ့ Lee Blanchard တို့ဟာ လော့စ်အိန်ဂျလိရဲဌာနက လက်ဝှေ့သမားဟောင်း ရဲအရာရှိများဖြစ်ပြီး တစ်နေ့ကျ သံသယရှိတရားခံကို တူတူစောင့်ကြရင်း မမျှော်လင့်ထားတဲ့ သေနတ်ပစ်ခတ်မှုဖြစ်စဉ်မှာ Lee ဟာ သူ့တွဲဖက်ကို ကယ်တင်နိုင်ခဲ့ပါတယ်... အဲဒီအချိန်ကစပြီး Bucky တစ်ယောက် သူ့တွဲဖက်ကို ယုံကြည်အားကိုးကာ ကျေးဇူးတင်မဆုံးဖြစ်ရပါတော့တယ်... ထိုဖြစ်စဉ်အပြီးမကြာမီမှာပဲ ရက်စက်စွာအသတ်ခံရတဲ့ မိန်းမငယ်လေး Elizabeth Short အမှုပေါ်ပေါက်လာပြီး ရဲဌာနတစ်ခုလုံး ခေါင်းရှုပ်ရပါတော့တယ်...တပြိုင်တည်းမှာ Lee ကိုင်တွယ်ဖမ်းဆီးခဲ့တဲ့ လူသတ်မှုတရားခံတွေကလည်း လွတ်ငြိမ်းခွင့်ရကာ လော့စ်အိန်ဂျလိစ်မြို့ဆီပြန်ရောက်နေခဲ့ပါတယ်... မိန်းမငယ်လေး သေဆုံးမှုအတွက် ၎င်းရာဇဝတ်သားများကို သံသယရှိသူ Bucky နဲ့ အပြည့်အဝကာကွယ်ပေးသူ Lee တို့ သဘောထားချင်းမတိုက်ဆိုင်ချိန်မှာတော့… ဒီရုပ်ရှင်ကားလေးဟာ ကျယ်ပြန့်ရှုပ်ထွေးတဲ့ဇာတ်ကောင်တွေနဲ့ ဖွဲစည်းထားပြီး အမှုကနေအံချော် ကောက်ချက်ဆွဲနိုင်စရာဖြစ်ရပ်တွေနဲ့ ပုံဖော်ထားလို့ ဇာတ်ကားပြီးဆုံးချိန်နားထိ မြှုပ်ကွက်တွေရှာရင်း ကြည့်ရှုရမှာဖြစ်တဲ့အတွက် ဇာတ်အိမ်ရှုပ်ရှုပ်ထွေးထွေးနှစ်သက်သူ ရုပ်ရှင်ချစ်ပရိသတ်များ ကြည့်ရှုခံစားနိုင်ရန် ညွှန်းဆိုပေးလိုက်ရပါတယ်ခင်ဗျာ... File Size : 2.05GB / 762MB Quality : BluRay 1080p 5.1ch / 720p Duration : 2hr Genres : Crime, Thriller Subtitle : Myanmar Subtitle (Hard Sub) Translated by Ye Thiha Htet Encoded by Heather Oo

ခရစ္စမတ်​ဇာတ်လမ်း​လည်းဖြစ်၊ Comedy​ အမျိုး​အစား​လည်း​ဖြစ်​ပေမဲ့ Home Alone လို ပျော်ရွှင်​ကြည်နူး​ရမှာမျိုးမဟုတ်ဘဲ မသတီစရာဇာတ်ကောင်တွေက မမျှော်လင့်​ထားတဲ့ အခင်းအကျင်းတွေမှာ ရုန်းကန်​ရှင်သန်​ဖို့ကြိုးစားပုံကို လက်ရာ​မြောက်​စွာ ရိုက်ကူး​တင်ဆက်​ထားတဲ့ Black Comedy​ / Crime ရုပ်ရှင်​ကောင်း​တစ်ခုဖြစ်​ပါတယ်။ John Cusack က အဓိက​ဇာတ်​ကောင်​ Charlie အဖြစ် သရုပ်ဆောင်​ထားပါတယ်။ ဇာတ်လမ်းအကျဥ်းကတော့​ Charlie က ကလိမ်​ကကျစ်ကျတဲ့ ရှေ့နေလူလည်ဖြစ်ပြီး Wichita မြို့​မှာနေထိုင်​ပါတယ်။ ​ခရစ္စမတ်အကြိုညမှာ Charlie နဲ့ Vic တို့နှစ်ယောက်သား ဒုစရိုက်​လုပ်ငန်း​ရှင်သူဌေး Bill ဆီက ဒေါ်လာ​နှစ်သန်းအလစ်သုတ်လာခဲ့ပြီး Bill မရိပ်မိခင် Wichita က လစ်ပြေးဖို့ကြံပေမဲ့ ရာသီဥတု​အခြေအနေကြောင့် ချက်ချင်း​ပြေး​လို့​မရဘဲ ခရစ္စမတ်​အ​ကြို​ညကို Wichita မှာပဲကုန်ဆုံးဖို့ဖြစ်လာပါတော့တယ်။ အဲဒီ​အချိန်​မှာ​ပဲ သူတို့​နှစ်ယောက်​ကို Bill​ ရဲ့တပည့်လူဆိုး Roy က စုံစမ်း​နေတာကို Charlie သိရှိသွားတဲ့အချိန်မှာတော့ ဘာတွေ​ဆက်​ဖြစ်​မလဲ ကြည့်ရှု​ရမှာ​ဖြစ်ပါတယ်။ ဇာတ်လမ်း​က ရှုပ်ထွေး​မှုမရှိပေမဲ့ ဇာတ်​ကောင်​တွေရဲ့စရိုက်ကြောင့် စိတ်မအီမသာဖြစ်တဲ့ ခံစား​မှု​မျိုး​ကိုပေးပြီး တစ်ချိန်​တည်း​မှာ Dark​ Humor တွေနဲ့အတူ Crime/Thriller​ ဇာတ်ကား​တစ်​ကား​ရဲ့ရသကိုလည်း ပေးနိုင်​တဲ့ဇာတ်ကားဖြစ်ပါတယ်။ ရုပ်ရှင်​တစ်ခု​လုံး​မှာ အပေါ်​ယံရွှေမှုန်ကြဲထားပေမဲ့ အတွင်း​မှာလှိုက်​စားပျက်စီးနေတဲ့ Wichita လူအဖွဲ့အစည်းကို ဖော်ညွန်းထားပြီး အဲဒီအသိုင်းအဝိုင်းကနေ ထွက်​ပြေးဖို့ကြိုးစားနေတဲ့ Charlie နဲ့ သူငယ်ချင်း​ဖြစ်သူ​ Pete ကို တွေ့မြင်​ရမှာဖြစ်ပါတယ်။ ရုန့်ရင်း​ကြမ်းတမ်း​တဲ့ စကားလုံး​တွေပါဝင်တာကြောင့် ကလေး​တွေ ကြည့်ရှုဖို့မသင့်ပါဘူး။

တက်ကြွဖျတ်လတ်သော တေးထုတ်လုပ်သူတစ်ဦးဖြစ်တဲ့ အိုလီထရင်ကီ ဆိုတဲ့လူငယ်လေးက အလုပ်ကြိုးစားသောဝန်ထမ်းတစ်ဦးဖြစ်သလို မိခင်ဆုံးပါးသွားတဲ့သမီးလေးကို စောင့်ရှောက်နေရသော ဖခင်တစ်ဦးလည်းဖြစ်ပါတယ်။ လုပ်ငန်းခွင်အတွင်း အဆင်မပြေမှုတွေ၊မိသားစုရေးပြသနာတွေ ကြုံတွေ့ရချိန်မှာတော့ ဖိအားပေါင်းများစွာရဲ့ ဒဏ်တွေကြောင့် အလုပ်ကိုဆုံးရှုံးခဲ့ရပြီး သမီးလေးအနားမှာ အချိန်ပေးဖို့ ဆုံးဖြတ်ခဲ့ပါတယ်။ သို့သော် အမှတ်မထင် ကြက်ကန်းဆန်အိုးတိုးဆိုတဲ့အတိုင်း အလုပ်အကိုင်အခွင့်အရေးပြန်ရချိန်မှာတော့ သူသိပ်ချစ်ရတဲ့သမီးလေးအတွက် ဘယ်လိုအခက်အခဲတွေရှိလာမလဲ အောင်မြင်မှုနေရာ ပြန်ရနိုင်မလား သူ့ဘဝရဲ့ လက်တွဲဖော်ကိုရော ထပ်တွေ့ခွင့်ရဦးမှာလား ဆိုတာကိုတော့ ဒီဇာတ်လမ်းလေးထဲမှာပဲ ဆက်လက်ကြည့်ရှုပေးကြပါခင်ဗျာ ရုပ်ရှင်ကားကို Kay Khaing Htun မှ ဘာသာပြန်ပေးထားပါတယ်

ဒီဇာတ်ကားကတော့ ဖြစ်ရပ်မှန်နဲ့ စိတ်ကူးယဉ် ပေါင်းစပ်ထားတဲ့ဇာတ်ကားဖြစ်ပါတယ်။ ၁၉၇၆ နဲ့ ၁၉၇၇ ခုနှစ်တုန်းက နယူးယောက်မှာ ဆမ်ရဲ့သားလို့ အမည်ခံတဲ့ ကွင်းဆက်လူသတ် သမားတစ်ယောက် ပေါ်လာခဲ့ပါတယ်။ သူ့ကိုဖမ်းမိတဲ့အချိန်မှာ လူ‌ခြောက်ယောက်ကိုသတ်ခဲ့ပြီးပါပြီ။ ဆမ်ရဲ့သားဟာ .၄၄ ပြောင်းဝအကျယ် ရှိတဲ့ သေနတ်တစ်လက်နဲ့ ကားပေါ်မှာ ချိန်းတွေ့နေတဲ့ အတွဲတွေကို ပစ်ခတ်လေ့ရှိပါတယ်။ ဆမ်ရဲ့သား ဆိုတဲ့ လူသတ်သမားက ဒီဇာတ်ကားမှာ အရေးကြီးတဲ့နေရာက ပါဝင်နေပေမယ့် လူသတ်သမားရဲ့အကြောင်းကို အလေးထားရိုက်ပြထားတာတော့မဟုတ်ပါဘူး။ ဒီလူသတ်သမားကြီးစိုးနေတဲ့အချိန်မှာ ပြည်သူတွေ ဘယ်လိုနေကြလဲဆိုတာကို ပိုပြီး အသားပေး ရိုက်ထားပါတယ်။ ဇာတ်လမ်းအကြောင်းပြောရမယ်ဆိုရင် ဆမ်ရဲ့သား လူတွေပြန်စသတ်တဲ့အချိန်မှာ ရစ်ချီဆိုတဲ့ ကောင်လေးဟာ သူ့အရင်နေခဲ့တဲ့ ရပ်ကွက်ကိုပြန်ရောက်လာပါတယ်။ ရစ်ချီရဲ့ ပန့်ခ်ပုံစံအဝတ်အစားတွေ ခပ်ကြောင်ကြောင်အပြုအမူတွေကြောင့် သူ့ရဲ့ ငယ်သူငယ်ချင်း ဗင်နီ ကလွဲလို့ တခြားသူတွေက သူ့ကိုသဘောမကျကြပါဘူး။ ကြောက်စိတ်တွေများနေကြတဲ့ ရပ်ကွက်ကသူတွေဟာ ရစ်ချီကို လူသတ်သမားလို့ သံသယဝင်လာကြတဲ့အခါမှာတော့... File size…(3 GB)/(1.7 GB) Quality….Blu-Ray 1080p / 720p Format…mp4 Duration….02:22:00 Genre... Crime, Drama, Romance Subtitle….Myanmar Subtitle (Hardsub) Encoder….Garfield Translated by Alvaro

အံစာတုံးနှစ်တုံးလုံးမှာ တစ်မှတ်စီကျတာကို မြွေမျက်လုံးနှစ်လုံးနဲ့ တူလို့ Snake Eyes လို့ ခေါ်ကြပြီး ကံဆိုးမှုနဲ့လည်း တင်စားကြပါတယ်။ ဒီဇာတ်ကားမှာ Nicolas Cage က အကျင့်ပျက်ချစားမှု၊ ငွေညှစ်မှုနဲ့ ဖောက်ပြန်မှုတွေ ရှိနေတဲ့ ရဲသား ရစ်ချက်ဆန်တိုရိုအဖြစ် သရုပ်ဆောင်ထားပါတယ်။ ရစ်က လောင်းကစားလုပ်ဖို့နဲ့ ရာထူးတိုးဖို့အတွက် သူငယ်ချင်းရဲ့ အကြီးအကဲကို မျက်နှာလုပ်ဖို့ဆိုပြီး ဟဲဗီးဝိတ်ချန်ပီယံပွဲကို သွားခဲ့တယ်။ ဒါပေမဲ့ သူလောင်းထားတဲ့ဘက်က နိုင်ဖို့ သေချာနေရာက ရှုံးသွားသလို သူ အကူအညီတောင်းဖို့ ကြံထားတဲ့ အကြီးအကဲကလည်း ပွဲခင်းထဲမှာပဲ လုပ်ကြံခံလိုက်ရပါတယ်။

“ဧရာမ မက်မွန်သီးကြီးတစ်လုံးနဲ့ ကောင်လေးတစ်ယောက်မှ ပိုးကောင်လေးတွေနဲ့အတူ နယူးယောက်မြို့သို့ စွန့်စားခန်းထွက်တော်မူခန်း….” Animation စတိုင်ပေါင်းစုံ ရှိတဲ့ထဲမှ Stop-motion စတိုင် ကြိုက်တဲ့လူဆို အရင်ခေတ်က ဒီကားဟောင်းလေးကို ကြည့်သင့်တယ်လို့ ညွန်းပေးလိုက်ပါရစေ။ Stop-motion စတိုင်ဆိုတာ ဘယ်လိုမျိုးလဲ ဥပမာပေးရရင်တော့ Kubo and the Two Strings တို့ Corpse Bride တို့ဆိုရင် သိကြမယ်ထင်ပါတယ်ဗျ။ ဒီ ဒါရိုက်တာ Henry Selick ဆိုရင်လည်း နာမည်ကျော် The Nightmare Before Christmas တို့ Coraline တို့ကို ရိုက်ခဲ့တဲ့လူဖြစ်ပြီး Little Nightmare ဆိုတဲ့ ချစ်စရာတစ်ဖြစ်လဲ ကျောချမ်းစရာ P4 ဂိမ်းလေးကိုလည်း ဖန်တီးပေးထားတဲ့လူတစ်ယောက်ပါ။ ဇာတ်လမ်းကလည်း နာမည်ကျော်ဖြစ်တဲ့ Charlie and the Chocolate Factory တို့ BFG တို့လို ဝတ္ထုတွေကို ရေးသားခဲ့တဲ့ ဗြိတိသျှစာရေးဆရာကြီး Roald Dahl ရဲ့ ဝတ္ထုကိုပဲ မှီငြမ်းထပ်တူပြု ရိုက်ကူးထားတာပါ။ ဘယ်လောက် Fantasy ဆန်မလဲ စဉ်းစားသာ ကြည့်လိုက်ပါတော့။ ဇာတ်လမ်းလေး အကျဉ်းချုပ်ပြောရမယ်ဆို ဂျိမ်းစ်ဆိုတဲ့ကောင်လေးက မိဘဖြစ်သူကို ဆုံးပါးလိုက်ပြီး အင်မတန် နှိပ်စက်တဲ့ အဒေါ်နှစ်ယောက်ရဲ့လက်အောက်မှာ နေနေရတာပေါ့။ မိဘတွေရှိစဉ်က အတူတူမက်ခဲ့တဲ့ အိပ်မက်လေးကတော့ မြို့တော်ကြီး နယူးယောက်ကို အတူတူသွားကြဖို့ပဲ ဖြစ်ပါတယ်။ ဒီလိုနဲ့ ပိုးကောင်တွေကိုမုန်းတဲ့ အဒေါ်တွေနဲ့ နှိပ်စက်ခံပြီး နေနေရချိန်မှာ တစ်ရက်ကျ ထူးဆန်းတဲ့ လူကြီးတစ်ယောက်နဲ့ တွေ့ပြီး ဒီလူကြီးက မိကျောင်းလျှာလို့ ခေါ်တဲ့ ထူးထူးဆန်းဆန်း အစိမ်းရောင်လေးတွေ ပေးသွားခဲ့ပါတယ်။ ဒီအရာလေးတွေကြောင့် အပင်ပေါ်က မက်မွန်သီးတစ်လုံးက နဂိုမူလအရွယ်ကနေ ဧရာမအကြီးကြီး ဖြစ်သွားခဲ့ပါတယ်။ သူ့အဒေါ်တွေက ဒါကြီးကို ပြစားနေတုန်း ဂျိမ်းစ်တစ်ယောက် မက်မွန်သီးထဲရောက်သွားပြီး ပိုးကောင်တွေဖြစ်တဲ့ ပင့်ကူ၊ ကင်းခြေမျှား၊ ဓားခုတ်ကောင်၊ တီကောင်၊ လေဒီဘတ်ဂ်၊ ပိုးစုန်းကြူး စသဖြင့် အဖော်တွေ ရပြီး ဒီလူတွေနဲ့အတူ အဒေါ်တွေလက်ကနေ နယူးယောက်ကို ဘယ်လို စွန့်စွန့်စားစွား ထွက်ပြေးကြရမလဲဆိုတာ ကြည့်ရှုရမှာပဲ ဖြစ်ပါတယ်။ File size…    1.6 GB /  717 MB Quality… BluRay 1080p / 720p Format… mp4 Duration…. 1h 19m Genre ..... Animation/Adventure Subtitle…. Myanmar Subtitle (Hard Sub) Encoder…. Thit San Khant Translated by Thura Aung

Ed Wood (1994) ရုပ်ရှင်ကိုချစ်တဲ့လူ ရုပ်ရှင်ကြည့်တဲ့သူ ရုပ်ရှင်ရိုက်တဲ့လူတွေအကြောင်း ဇာတ်လမ်းတွေ ကျွန်တော် တော်တော်များများကြည့်ဖူးတယ်။ များသောအားဖြင့်တော့ ကြီးကျယ်ခမ်းနဲ့ ရုပ်ရှင်တစ်ကားကို ရိုက်ပြနိုင်ခဲ့တဲ့သူတွေပါပဲ။ ခမ်းနားတဲ့အရာတစ်ခု ဖြစ်လာဖို့ ကြုံရတဲ့ အခက်အခဲတွေအကြောင်းပေါ့။ ဒီလူတွေလည်း ရုပ်ရှင်ကို ချစ်ခဲ့တဲ့သူတွေပဲပေါ့။ ဒါပေမဲ့ မအောင်မြင်ခဲ့တဲ့ အခါခါကြိုးစားရင်း အခါခါ ခွက်ထိုးခွက်လန်ရှုံးနိမ့်ခဲ့တဲ့ ဘာမှဖြစ်မလာသလောက်ဖြစ်ခဲ့တဲ့ သူတို့နည်းသူတို့ဟန်နဲ့ ရုပ်ရှင်ကို ချစ်ခဲ့ကြသူတွေလည်း မနည်းရှိသေးတယ်။ သမိုင်းရဲ့ အမေ့ပျောက်ခံတွေလည်း ဖြစ်ချင်ဖြစ်မယ်။ အက်ဒ်ဝုကတော့ လုံးဝကြီးအမေ့ပျောက်ခံဖြစ်ခဲ့တာမဟုတ်ပေမဲ့ သူရှင်နေတဲ့ ကာလတစ်လျှောက်လုံး ခွက်ထိုးခက်လန်ရှုံးနိမ့်ခဲ့တဲ့ သူတွေထဲက တစ်ယောက်ပါပဲ။ ကမ္ဘာ့အဆိုးရွားဆုံး ဒါရိုက်တာဆုကိုတောင် ရခဲ့တဲ့သူပေါ့။ သူ့အကြောင်းတွေကို Scott Alexanderနဲ့ Larry Karaszewski ပြန်လည်တူးဖော်ဇာတ်ညွှန်းရေးပြီး တင်ဘာတန်က ခံစားတင်ဆက်ပေးခဲ့ရာကနေ ဒီဇာတ်လမ်းဖြစ်လာတယ် ပြောရမှာပါပဲ။ အက်ဒ်ဝုအကြောင်းရုပ်ရှင်ဟာ အက်ဒ်ဝုရဲ့ရုပ်ရှင်တွေလိုပဲ ငွေရေးကြေးရေးအရ ရှုံးခဲ့ပြန်တာပါပဲ။ အက်ဝုဒ်ရဲ့ရုပ်ရှင်တွေနဲ့မတူတာကတော့ တင်ဘာတန်ရဲ့ အက်ဝုဒ်ဟာ ဇာတ်ပို့ဆုနဲ့ မိတ်ကပ်ဆုအော်စကာရခဲ့သလို ဝေဖန်ရေးသမားတွေရဲ့ ချီးကျူးခြင်းကိုလည်း ခံခဲ့ရတယ်။ Plot အက်ဝုဒ်ဆိုတဲ့ လူက ဘာမှမဖြစ်လာတဲ့ဘဝမှာ သူက ရုပ်ရှင်ဒါရိုက်တာဖြစ်ချင်ခဲ့တယ်။ ဒါရိုက်တာဖြစ်လာမယ့် အခွင့်အရေးရဖို့ သူ ကျားကုတ်ကျားခဲ ကြိုးစားခဲ့တယ်။ လူတိုင်းကို အောက်ကျခံပြီး လူတိုင်းကို ကပ်ပေါင်းပြီး ကြိုးစားခဲ့တယ်။ တစ်နေ့မှာ သူ့ဘဝရဲ့ ပထမဆုံးရုပ်ရှင်ဖြစ်ခဲ့တဲ့ ဒရာကူလာရုပ်ရှင်ထဲကမင်းသားကို သူတွေ့ခဲ့ရတယ်။ ဘယ်လာလူဂိုစီဆိုတဲ့ မင်းသားပေါ့။ ဒီမင်းသားကို ဒရာကူလာကားကြည့်ပြီးကတည်းက သူက မတရားကြိုက်သွားပြီး သူ့ကားတိုင်း ကြည့်ခဲ့တယ် သူ့ပရိသတ်ဖြစ်ခဲ့တယ်။ ဒီတော့ သူ့အိုင်ဒေါကို သူတွေ့ရတော့ သူတော်တော်လေး ဝမ်းသာသွားခဲ့တယ်။ ဘယ်လာလူဂိုစီကလည်း သူ့စကားအတိုင်း ဝါးပြီး အချိုရည်ကုန်ရင် ထွေးထုတ်တဲ့ ဟောလိဝုဒ်ရုပ်ရှင်လောကကြီးရဲ့ စွန့်ပစ်မှုကို ခံလိုက်ရပြီး ဆင်းဆင်းရဲရဲ ချို့ချို့တဲ့တဲ့နေနေရတဲ့သူဖြစ်နေခဲ့တယ်။ မူးယစ်ဆေးလည်း စွဲနေခဲ့တယ်။ အက်ဒ်ဝုဟာ သူ့အိုင်ဒေါကြီးအတွက်လည်း အလုပ်ရ သူလည်း ဒါရိုက်တာဖြစ် ။ သူ့အိုင်ဒေါကြီးနာမည်ကို သုံးပြီး ပရိုဂျူဆာကို ဇာတ်ကားတစ်ကား ရိုက်ခွင့်ပေးဖို့ စွယ်နိုင်ခဲ့တယ်။ အောင်မြင်အောင် ရိုက်လိုက်နိုင်ပေမဲ့ သူ့မှာ ရိုက်ချင်တဲ့စိတ်နဲ့ ချစ်စိတ်သာရှိနေတာ အရည်အချင်းလည်းမပြည့်စုံသလို အခက်အခဲတွေကများတော့ ဖြစ်ဖြစ်မြောက်မြောက်တော့ မဖြစ်သွားဘူး။ အဆိုးရွားဆုံးကားလို့ ဩဘာပေးခံလိုက်ရတယ်။ ဒီလိုနဲ့ သူ့ကိုယုံကြည်တဲ့လူမရှိတော့ဘဲ နောက်ကားတွေအတွက် ကိုယ်ထူကိုယ်ထ သူကြိုးစားပြီး ရိုက်ခဲ့တယ်။ အခက်အခဲတွေ အများကြီးနဲ့လည်း ကြုံခဲ့ရတယ်။ ဒါပေမဲ့ အဆုံးထိ သူရုပ်ရှင်တွေ ရိုက်သွားခဲ့တာပါပဲ။ ဒီရုပ်ရှင်က ကမ္ဘာ့အဆိုးရွားဆုံးဒါရိုက်တာလို့ သတ်မှတ်ခံခဲ့ရတဲ့ ဒီလိုဒါရိုက်တာတစ်ယောက်ရဲ့ ဘဝဇာတ်ကြောင်းပါပဲ။ ရှင်သန်ခြင်းဟာ မွေးလာခြင်းနဲ့ သေခြင်းကြားမှာ ရှိနေတဲ့ ကာလစတစ်ခုသက်သက်ပေါ့။ မသေနိုင် မသေရဲသရွေ့ အဓိပ္ပာယ်တွေ ကျွန်တော်တို့ရှာကြတယ်။ အဓိပ္ပာယ်တွေ တစ်ခုပြီးတစ်ခု ဘဝထဲ သွတ်သွင်းကြတယ်။ ဘာကမှတော့ အဓိပ္ပာယ်မရှိတာလည်း ဖြစ်ချင်ဖြစ်မပေါ့။ ရှင်သန်နိုင်ဖို့အတွက် တစ်ခါတလေ အရှိတရားတွေကို ဖယ်ထားဖို့ လိုကောင်းလိုမှာပဲ။ ဒီအဓိပ္ပာယ်မရှိတဲ့ တိုတောင်းတဲ့ ရှင်သန်ခြင်းကို အဓိပ္ပာယ်ရှိစေဖို့ လူတွေဟာ သူတို့ဘဝကို အဓိပ္ပာယ်ရှိစေမယ့်အရာတွေ လုပ်ကြတယ်။ သူတို့သေပြီးသွားရင် သူတို့သမိုင်းအဖြစ် ကျန်ခဲ့မယ့်အရာတွေ။ တခြားလူတွေ သူတို့ကို မှတ်မိစေမယ့်အရာတွေ။ တစ်ယောက်ယောက်ရဲ့ မှတ်ဉာဏ်ထဲက ဖြတ်ခနဲရုပ်ပုံလွှာတွေ ဖြစ်သွားမယ့်အရာတွေ လုပ်ကြတယ်။ အနုပညာသမားလို့ နာမည်တပ်လို့ရတဲ့ လူအများစုကတော့ ဒီလိုပဲနေပါမယ်။ အက်ဝုဒ်ရုပ်ရှင်ထဲကလူတွေလည်း ဒီလိုပဲ။ သူတို့ကို လူတွေမှတ်ထင်ကျန်စေမယ့် ပုံရိပ်တစ်ခုကို ဖန်တီးဖို့ကြိုးစားတဲ့လူတွေပေါ့။သူတို့ယုံကြည်ချက်နဲ့ သူတို့ ကောင်းမယ်ထင်တာတွေ ဖန်တီးရင်း စုတ်ပြတ်သတ်သွားတာလည်းဖြစ်နိုင်တာပါပဲ။ သူတို့ချစ်စိတ်နဲ့သူတို့လုပ်ခဲ့ကြတာပါပဲ။ အသိအမှတ်ပြုရလိမ့်မယ်။ ဝေဖန်တဲ့လူတွေကို မဝေဖန်နဲ့ ပြောနေတာလားဆိုတော့ မဟုတ်ပြန်ဘူး။ ဝေဖန်တဲ့လူတွေဆိုတာလည်း သူတို့အလုပ် သူတို့လုပ်နေကြတာပါပဲ။ သူတို့မရှိရင်လည်း ချို့ယွင်းချက်တွေကနေ ပြည့်စုံလုနီးတဲ့ အနေရောက်တယ်ဆိုတာမျိုး ရှားသွားမယ်။ ကိုယ့်အလုပ်ကိုယ်လုပ်နေကြတယ်ဆိုတဲ့ အချက်ကို သိထားဖို့ပဲပေါ့။ အက်ဝုဒ်ရဲ့ရုပ်ရှင်တွေဟာ ပေါကားလို့ပြောရမယ့် ရုပ်ရှင်တွေဖြစ်ခဲ့ပေမဲ့ ဒီထဲက တစ်ချို့ဇာတ်ကောင်တွေမှာ ဒီအရာနဲ့ပတ်သက်တဲ့ အတွေးအမြင်ကို မြင်နေရတယ်။ သူတို့က အင်တာတိန်းမန့်ကားပဲ။ သရဲကားတစ္ဆေကားပဲ ရိုက်ချင်လို့ကို ရိုက်နေကြတာ ဆိုတာမျိုးပေါ့။ တစ်ခါတလေကျလည်း အရာရာဟာ အနုပညာဆန်ဖို့မလိုနေခဲ့ဘူး။ အနုပညာဆိုတာကိုကလည်း အဲဒီလို သတ်မှတ်ထားကြသလို အရာမျိုးလည်း မဟုတ်ပါဘူး။ အက်ဝုဒ်ဟာ သူ့ရုပ်ရှင်ကို သူချစ်ခဲ့ပါတယ်။ သူချစ်တဲ့ ဒရာကူလာရုပ်ရှင်ထဲက မင်းသားကိုလည်း အဆုံးထိ သူ့နည်းသူ့ဟန်နဲ့ ကူညီပေးခဲ့တယ်။ သူ့ရုပ်ရှင်တွေဟာ တန်းမဝင်ခဲ့ပေမဲ့ အညံ့ဆုံးဒါရိုက်တာဆုကို ရခဲ့ပေမဲ့ အက်ဝုဒ်ကတော့ သူဖြစ်ချင်တာကို သူသိပြီး သူဖြစ်ချင်တာကို သူရအောင်လုပ်ခဲ့တယ် ပြောရမှာပဲ။ လူတွေ သူ့ကို ဘယ်ရုပ်ရှင်နဲ့ မှတ်မိနေကြမလဲဆိုတာကို သူရွေးချယ်နိုင်ခဲ့တယ်။ ကိုယ်ဘာကောင်လဲ ကိုယ်သိရင် ဘာကောင်ကြီးမှ ဖြစ်ဖို့လည်း မလိုပါဘူး။ အဓိပ္ပာယ်လုပ်ယူနေရတဲ့ ဒီစက်ဝိုင်းကြီးထဲ ကိုယ်ဘာကောင်လဲ ကိုယ်သိဖို့တော့ လိုတယ်။

Coen Brothers က ရိုက်ကူးခဲ့တဲ့ ဒီဟာသရုပ်ရှင်ဇာတ်လမ်းမှာဆိုရင် The Shawshank Redemption ထဲက မင်းသား Tim Robbins က အဓိကပါဝင်သရုပ်ဆောင်ထားပါတယ်။ ဇာတ်လမ်းအကျဉ်းကတော့ - Hudsucker Industries ရဲ့ ဥက္ကဋ္ဌ၊ ဘုတ်အဖွဲ့ရဲ့ အကြီးအကဲနဲ့ စတော့ရှယ်ယာအများဆုံးပိုင်ဆိုင်သူ ‘ဝဲရင်း ဟတ်ဆက်ကာ’ သေဆုံးသွားပြီးနောက် ဘုတ်အဖွဲ့က ရှယ်ယာရှင်တွေအနေနဲ့ စတော့ရှယ်ယာတွေ ဒီထက်ပို ပိုင်ဆိုင်ချင်တဲ့အတွက် သူတို့ ကုမ္ပဏီရဲ့ စတော့ကျဆင်းသွားအောင် လုပ်ဖို့ ဝိုင်းဝန်းကြံစည်ကြပါတော့တယ်။ ကုမ္ပဏီကို ငတုံးတစ်ကောင်ကို ဦးစီးခိုင်းလိုက်ရင် သူတို့ဖြစ်စေချင်သလို ကုမ္ပဏီကြီးက ကပြောင်းကပြန် ဖြစ်သွားတော့မှာပါ။ ဒီတော့ ဥက္ကဋ္ဌအသစ်အဖြစ် တင်မြှောက်မယ့်လူကို လိုက်ရှာနေချိန် အကြောင်းတိုက်ဆိုင်စွာနဲ့ပဲ ‘နော်ဗီးလ် ဘန်းစ်’ဆိုတဲ့ အူတူတူ အတတပုံစံနဲ့ လူတစ်ယောက်က သူတို့ရှေ့ကို ဆိုက်ဆိုက်မြိုက်မြိုက်ကြီး ရောက်လာပါတော့တယ်။ နော်ဗီးလ်က ငတုံးတစ်ကောင် ပုံစံဖြစ်နေပေမယ့် တကယ်က စီးပွားရေးနဲ့ပတ်သက်ပြီး ဘွဲ့ရထားသူပါ။ ဒီတော့ ဘုတ်အဖွဲ့က ကြိုးဆွဲရာ လိုက်ကမယ့် ရုပ်သေးရုပ်မဟုတ်တဲ့ နော်ဗီးလ်တစ်ယောက် ဘာတွေဆက်လုပ်မလဲဆိုတာကို ကြည့်ရှုလိုက်ကြပါဦး။ File size…(1.9 GB)/(990 Mb) Quality….Blu-Ray 1080p / 720p Format… mp4 Duration…. 01:51:00 Genre... Satire, Work Drama, Comedy, Drama, Fantasy Subtitle….Myanmar Subtitle (Hardsub) Encoder….Garfield Translated by Nway Oo K Zaw

Baby's Day Out (1994) IMDb Rating (6.2) ၁၉၉၄ ခုနှစ်ဆိုတာ ရုပ်ရှင်လောကအတွက် တကယ့်ဂန္တဝင်ကားတွေ ထွက်တဲ့နှစ်ပါပဲ..Baby's Day Out ရုပ်ရှင်ကလဲ ၁၉၉၄ နှစ်ထုတ်ကုန်တခုဖြစ်ပြီး အမြဲတမ်းအမှတ်တရ ပြန်ပြန်ကြည့်နေရတဲ့ရုပ်ရှင်တကားပါပဲ။ ကလေးလေးတယောက်နဲ့ လူဆိုး၃ယောက်သာ အဓိကထားရိုက်ပြထားတဲ့ ဒီဟာသကားလေးက ကြည့်ဖူးသူတိုင်းကို အပန်းဖြေရယ်မောစေခဲ့ရသလို ပြန်ပြန်ကြည့်တိုင်းလဲ ကြည်နူးပျော်ရွှင်ရစမြဲပါပဲ အဓိကဇာတ်ကောင် ကလေးလေး Baby Bink အတွက် အမြွှာညီအစ်ကို နှစ်ယောက်ဖြစ်တဲ့ Adam Robert နှင့် Jacob Joseph Worton တို့နှစ်ယောက်စလုံးနဲ့ ရိုက်ကူးခဲ့တာပါ။ Adam နဲ့ Jacob Worton တို့ညီအစ်ကိုရဲ့ တစ်သက်လုံးမှာ တစ်ကားတည်း သရုပ်ဆောင်ဖူးတဲ့ ရုပ်ရှင်ဖြစ်ပြီး သူတို့ဟာ နောက်ထပ် ဘာကားမှ ထပ်မရိုက်ခဲ့ပါဘူး။ Baby’s Day Out ကို အခုချိန်မှာ ဂန္တဝင်ဟာသကားတစ်ကားလို သတ်မှတ်ထားကြပေမယ့် ထွက်ရှိချိန်တုန်းကတော့ ကလေးကို အန္တရာယ်ကြီးမားတဲ့ နေရာတွေ လျှောက်သွားပုံ ရိုက်ထားတဲ့အတွက် ဝေဖန်ခံရပြီး Box Office မှာ အရှုံးပေါ်ခဲ့တယ်။ Box Office ရုံဝင်ငွေ ထင်သလောက် မရခဲ့တာကြောင့် အစက “Baby’s Trip to China” အမည်နဲ့ နောက်ဆက်တွဲ Sequel ဆက်ရိုက်မယ့် အစီအစဉ် ဖျက်လိုက်ရပါတယ်။ မဟုတ်ရင် အနည်းဆုံး Baby’s Day Out နှစ်ကားကြည့်ရမှာ ဖြစ်တယ်။ ဘယ်လိုပဲဖြစ်နေပါစေ ကျွန်တော်တို့ဘဝမှာ ကိုယ်ဖြစ်စေချင်တဲ့ဇာတ်လမ်းလေးတခု တကယ်ပဲကြည့်ခဲ့ရပါတယ်.... အဲ့ဒါကတော့ အလိမ်အညာတွေ၊လူဆိုးတွေပြည့်နေတဲ့ လောကကြီးထဲမှာ ဘာမှနားမလည်တဲ့ ရိုးသားဖြူစင်တဲ့ လူငယ်လေးတယောက်က သူလုပ်ချင်ရာကို စွန့်စွန့်စားစားလုပ်ချသွားပြီး နောက်ဆုံးမှာ ရန်သူတွေကိုယ်တိုင်တောင်မှ မမုန်းရက်တဲ့ဇာတ်လမ်းလေးတခု တကယ်ပဲရှိခဲ့ပါတယ်ပေါ့။ File size…(3.2 GB )/ (1.4 GB) Quality…BluRay 1080p HEVC / 720p Format…mkv/mp4 Duration….01:39:30 Subtitle….Myanmar Subtitle (Hardsub) Encoder….Ka Naung

ဗုံးဖြုတ်တပ်ဖွဲ့မှာ လက်ထောက်အရာရှိအဖြစ် တာဝန်ထမ်းဆောင်နေတဲ့ ဂျင်မီဟာ ချစ်ရတဲ့‌လုပ်ဖော်ကိုင်ဖက်တွေ လုပ်ကြံခံရတာနဲ့ပတ်သက်ပြီး စုံစမ်းရင်း လုပ်ကြံသူဟာ မိမိမိတ်ဆွေဟောင်း ဖြစ်ပြီး အတိတ်ဖြစ်ရပ်ဟောင်းအတွက် သူ့ကိုလက်စားချေတာဖြစ်ကြောင်းသိလိုက်ရပါတယ်။ ဂျင်မီနဲ့မိတ်ဆွေဟောင်းဖြစ်သူကြား ဘယ်လိုပတ်သက်မှုရှိလဲ၊ နောက်ဆက်တွဲလုပ်ကြံ‌မှုတွေကို ဘယ်လိုဖြေရှင်းမလဲဆိုတာကို စိတ်ဝင်တစားကြည့်ရှုရမှာပါ။ File size…(2.1 GB)/(1.1 GB) Quality….Blu-Ray 1080p / 720p Format…mp4 Duration….02:01:00 Genre... Action, Crime, Drama Subtitle….Myanmar Subtitle (Hardsub) Encoder….Garfield Translated by Tina

မင်းသားကြီး Steven Seagalရဲ့ အက်ရှင်ကားဟောင်းလေးကို တင်ဆက်ပေးလိုက်ပါတယ်။ ခရစ်ရှန်ဘေးလ်ရဲ့ ဘတ်မန်းရုပ်ရှင်တွေထဲက အိမ်တော်ထိန်းကြီးမစ္စတာအဲလ်ဖရက်ကြီးတစ်ယောက် ဒီထဲမှာတော့ ဗီလိန်ကြီးအဖြစ် ပါဝင်ထားပါတယ်။ ဇာတ်လမ်းအကျဉ်းပြောရရင် သယံဇာတပေါကြွယ်လှတဲ့ အလက်စကာပြည်နယ်မှာ အေးဂျက်စ်ရေနံကုမ္ပဏီကြီးတစ်ခုရှိတယ်။ ရေနံတူးစင်မှာ မကောင်းတဲ့စက်ကိရိယာတွေကို အသုံးပြုထားတဲ့အတွက် လူတွေသေ၊ သမုဒ္ဒရာထဲကို ဆီတွေယိုဖိတ်၊ သဘာ၀ပတ်ဝန်းကျင်ညစ်ညမ်းရပေမဲ့ အရေးယူခြင်းမခံရပါဘူး။ ဖောရက်စ်ကတော့ အေးဂျက်စ်ရေနံကုမ္ပဏီရဲ့ ပြဿနာတွေကို ရှာပြီးဖုံးဖိပေးရတဲ့သူ။ သူ့အလုပ်သူလုပ်ပြီး ဘ၀ကိုအေးဆေးစွာ ဖြတ်သန်းနေပေမဲ့ ကုမ္ပဏီရဲ့ လူမဆန်တဲ့လုပ်ရပ်တွေကို သိလာရတဲ့အခါ။ ကုမ္ပဏီကပါ သူ့ကိုအသက်အန္တရာယ်ပြုလာတဲ့အခါမှာတော့။ အရင်တုန်းက မင်းသားကြီး စတီဗင်ဆေးဂဲရဲ့ အသတ်အပုတ် အတိုက်အခိုက်တွေကို ပြန်လည်ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Pyae Phyo ဖြစ်ပါတယ်) File size…(1.8 GB)/(970 Mb) Quality….Blu-Ray 1080p / 720p Format…mp4 Duration….01:41:00 Genre... Action, Adventure, Thriller Subtitle….Myanmar Subtitle (Hardsub) Encoder….Garfield Translated by Pyae Phyo

Lloyd Christmas နဲ့ Harry Dunne တို့က အချစ်ဆုံးသူငယ်ချင်းတွေ ဖြစ်ပေမယ့် လုပ်လိုက်သမျှ အလွဲလွဲအချော်ချော် ဖြစ်နေတတ်တဲ့ နှစ်ယောက်ပါ။ Jim Carrey သရုပ်ဆောင်ထားတဲ့ Lloyd က ဇိမ်ခံကားမောင်းတဲ့ ဒရိုင်ဘာဖြစ်ပြီး Jeff Daniels သရုပ်ဆောင်ထားတဲ့ Harry က ခွေးတွေကို ရေချိုးအလှပြင်ပေးတဲ့ဆိုင်မှာ အလုပ်လုပ်ပါတယ်။ အလုပ်အကိုင်ကလည်း နှစ်ယောက်စလုံး မမြဲချင်ဘဲ ဇာတ်လမ်းအစမှာတင် အလုပ်ပြုတ်သွားကြတယ်။ အလုပ်မပြုတ်ခင် Lloyd ဟာ Aspen ကို ခရီးသွားမယ့် Mary Swanson ကို လေဆိပ်ဆီ လိုက်ပို့ပေးခဲ့ရပါတယ်။ လမ်းမှာ စကားပြောကြရင်း Mary ကို မြင်မြင်ချင်း ချစ်မိသွားတယ်။ သူ လေဆိပ်ထဲဝင်သွားတာကို လိုက်ကြည့်နေတုန်း လက်ဆွဲသေတ္တာတစ်လုံး ကျန်ခဲ့တာတွေ့လို့ Lloyd က ပြေးယူထားလိုက်ပါတယ်။ တစ်ဖက်မှာလည်း Harry က ရေချိုးအလှပြင်ပေးထားတဲ့ ခွေးတွေကို ရှိုးပွဲဆီ အချိန်မီ မပို့နိုင်တဲ့အပြင် တခြားအလွဲတွေပါ လုပ်မိလို့ အလုပ်ပြုတ်လာတယ်။ အလုပ်လက်မဲ့ဖြစ်နေကြတဲ့ နှစ်ယောက်ဟာ လက်ဆွဲသေတ္တာကို ပြန်ပေးဖို့ Mary သွားတဲ့ Aspen ဆီ လိုက်သွားကြပါတယ်။ Lloyd ကတော့ သေတ္တာပြန်ပေးရင်း အချစ်ရေးလည်း အဆင်ပြေချင်နေတယ်။ ဒီလိုနဲ့ သူငယ်ချင်းနှစ်ယောက်ရဲ့ အလွဲတွေနဲ့ ပြည့်နေတဲ့ ခရီးစဉ် စလာပါတယ်။ လမ်းတစ်လျှောက် ဘာတွေ ထပ်လုပ်မိကြဦးမလဲ၊ Lloyd ရဲ့ မျှော်လင့်ချက်ကရော ပြည့်မလား၊ သူတို့တကူးတက သွားပို့တဲ့ လက်ဆွဲသေတ္တာကရော ဘယ်လိုသေတ္တာ ဖြစ်နေမလဲ။

နာမည်ကျော် မင်းသမီးနဲ့ အဆိုတော် ရေချယ်မဲရွန်ဆီကို အသက်အန္တရာယ် ခြိမ်းခြောက်စာတွေ ခပ်စိတ်စိတ် ရောက်လာပါတယ်။ ဒါကြောင့် နိုင်ငံတော်သမ္မတကိုတောင် ကာကွယ်ပေးခဲ့ဖူးတဲ့ သက်တော်စောင့် ဖရန့်ဖားမားကို ငှားရမ်းလိုက်ကြတယ်။ အန္တရာယ်တွေ ဝိုင်းနေတဲ့ ရေချယ်ကို ကာကွယ်ရင်း ဖရန့်တစ်ယောက် ဘယ်လိုအခက်အခဲတွေ ကြုံရမလဲ၊ နောက်ကွယ်က တရားခံအစစ်ကို ဘယ်လိုရှာဖွေမလဲဆိုတာနဲ့ ဇာတ်လမ်းဆက်သွားပါတယ်။ နာမည်ကျော်မင်းသမီးနဲ့ သူ့သက်တော်စောင့်တို့ကြားမှာ ဘယ်လိုအကြောင်းတွေ ဆက်ဖြစ်လာမလဲဆိုတာလည်း စောင့်ကြည့်ရမှာပါ။ ကီဗင်ကော်စတာနဲ့ ဝစ်နေးဟော်စတန်တို့ ပါဝင်ထားတဲ့ ဒီရုပ်ရှင်ဟာ ဒေါ်လာ ၂၅ သန်း ကုန်ကျခဲ့ပြီး ရုံဝင်ငွေ ဒေါ်လာ ၄၁၁ သန်းကျော် ရရှိခဲ့တဲ့ WB ရုပ်ရှင်ပါ။ ဒိုင်ယာလော့ဂ်တွေနဲ့ ဇာတ်ဝင်တေးတွေမှာ ခေတ်ဆန်မှုနဲ့ ဂန္တဝင်အငွေ့အသက်ကို တွဲဖက်ထားပါတယ်။

IMDb...8.7,,,,Rotten....96% IMDbရဲ့ အကောင်းဆုံး ရုပ်ရှင်ကား (၂၀)  စာရင်းထဲမှာပါတယ်....တကယ့်အဖြစ်မှန်ကို အခြေခံရိုက်ကူးထားပါတယ်.. ဒါရိုက်တာ Martin Scorsese  ရဲ့ အကောင်းဆုံးလက်ရာထဲက တစ်ကားပါ...   အော်စစကာ တစ်ဆုရရှိခဲ့ပြီး  အခြားဆုပေါင်း (၄၄)ဆုလည်း ဆွတ်ခူးခဲ့ပါတယ်... ဒီကားကို အညွှန်းမရေးပါရစေနဲ့... ရေးဖို့လည်းမစွမ်းသာတဲ့ကားမို့ပါ... ခံစားကြည့်လိုက်ပါဦးဗျို့.. ဘာသာပြန်သူကတော့ Thaw Thaw Wai Oo ပဲဖြစ်ပါတယ်...... File Size :(2.3 GB) and (1.12 GB) Quality : Blu-Ray 720p and 1080p Format…mp4 Duration…02:26:00 Genre : Crime , Drama  Subtitle : Myanmar Subtitle (Hard Sub) Translated by Thaw Thaw Wai Oo Encoded by Phyo Pyae

မြို့ရဲ့အကြီးဆုံးဂိုဏ်းကို ဦးဆောင်နေတဲ့ Leo ဆီ တခြားဂိုဏ်းခေါင်းဆောင် Caspar က တောင်းဆိုချက်တစ်ခုနဲ့ ရောက်လာပါတယ်။ သူ့ကို သစ္စာဖောက်သွားတဲ့ Bernie ကို သူ့လက်ထဲ အပ်ပေးဖို့ပါ။ ဒါပေမဲ့ Bernie ဟာ Leo ရဲ့ချစ်သူကောင်မလေးရဲ့ မောင်ဖြစ်နေတာကြောင့် Leo က လက်မခံဘဲ ငြင်းလိုက်တယ်။ Leo အယုံကြည်ရဆုံးလူဖြစ်တဲ့ Tom ကတော့ ဒီဆုံးဖြတ်ချက်ကို သဘောမတူပါဘူး။ တခြားဂိုဏ်းခေါင်းဆောင်တစ်ယောက်နဲ့ မကျေမလည်ဖြစ်ရမယ့်အစား Bernie ကို အပ်လိုက်ဖို့ အကြံပေးတယ်။ ဒီကိစ္စကနေ ဂိုဏ်းနှစ်ဂိုဏ်းကြား အာဏာချိန်ခွင်လျှာ ပျက်ယွင်းလာတဲ့အခါ Tom တစ်ယောက် ဘယ်လိုဝင်ထိန်းပြီး ဖြေရှင်းရမလဲဆိုတာ ဆက်တွေ့ရမှာပါ။

Lean on Me ဇာတ်ကားဟာဆိုရင် စာရေးသူ Michael Schiffer ရဲ့၀တ္ထုကို ဒါရိုက်တာ John G. Avildsen ရိုက်ကူးထားပြီး Morgan Freeman တို့ပါဝင်သရုပ်ဆောင်ထားတဲ့ 1989 ခုနှစ် အမေရိကန်ရဲ့ အတ္ထုပ္ပတ္တိဒရာမာဇာတ်ကားပဲဖြစ်ပါတယ်။ New Jersey , Paterson မြို့တွင်းက အထက်တန်းကျောင်းအုပ် Joe Louis Clark ရဲ့ Eastside High ကျောင်းဇာတ်လမ်းကိုအခြေခံရိုက်ကူးထားတာဖြစ်ပြီး ‌ဒေါ်လာ ၃၁သန်းရခဲ့တဲ့ ဇာတ်ကားလည်းဖြစ်ပါတယ် 1987 ခုနှစ်မှာ Eastside အထက်တန်းကျောင်းဟာ မူးယစ်ဆေးဝါးအလွဲသုံးမှုနဲ့ ရာဇ၀တ်မှုတွေကြောင့် ယိုယွင်းလာခဲ့တယ် ကျောင်းသားအများစုဟာ အခြေခံအရည်အချင်းစစ်စာမေးပွဲကိုပင် မဖြေဆိုနိုင်ကြဘဲ ဆရာဆရာမတွေပါအုပ်စုဖွဲ့ အကြမ်းဖက်တာကိုခံလာကြရတယ် ကျောင်းသား 75% က အနိမ့်ဆုံးအခြေခံ အရည်အချင်းစစ်စာမေးပွဲမအောင်ရင် ကျောင်းကို ပြည်နယ်အုပ်ချုပ်ရေးဆီလွှဲပြောင်းမယ်လို့ သိလာရတဲ့အခါ ကျောင်းအုပ်ကြီး Dr. Frank Napier နဲ့ မြို့တော်၀န်က တိုင်ပင်ပြီးကျောင်းအုပ်အသစ်အဖြစ် ကျောင်းရဲ့ဆရာဟောင်း Joe Louis Clark ကို ငှားရမ်းဖို့ ဖြစ်လာခဲ့တော့တယ်။ အပြောဆိုး အလုပ်ကြမ်းတဲ့ Crazy Joe လို့လူသိများတဲ့ကျောင်းအုပ် Clark က စစရောက်ချင်းမှာပဲ ဆိုးသွမ်းပြီးမူးယစ်ရောင်း၀ယ်ဖောက်ကားနေတဲ့ ကျောင်းသားတွေကို စာရင်းပြုစုပြီး ကျောင်းကနေထုတ်ပယ်လိုက်တော့တယ် ကျောင်းအုပ် Clark ရဲ့ ကျောင်းအပေါ်ထားတဲ့စိတ်ထားနဲ့ ပြုပြင်ပြောင်းလဲမှုတွေကို ကျောင်းသားနဲ့မိဘတွေ လက်ခံနိုင်မှာလား ဘယ်လို အတိုက်အခံတွေဖြစ်လာမလဲ စာမေးပွဲရလဒ်ကကော 75% ထိအောင်ချက်ကောင်းလာမလား။ ဘယ်လိုအခက်အခဲတွေ ရင်ဆိုင်ရမလဲဆိုတာ ခံစားကြည့်ရှုရမယ့် ကျောင်းအုပ်တစ်ယောက်ရဲ့ ကျောင်းအပေါ်ထားတဲ့ စိတ်ထားလေးကို မြင်တွေ့ရနိုင်မယ့် ကားကောင်းလေးပဲဖြစ်ပါတယ်။ File size…(2.5 GB)/(1.3 GB) Quality….Blu-Ray 1080p / 720p Format… mp4 Duration…. 01:48:00 Genre... Biography, Drama Subtitle….Myanmar Subtitle (Hardsub) Encoder….Garfield Translated by Wai Thwin

New York Stories (1989) ~ IMDb - 6.4/10, Rotten Tomatoes - 76% ~ New York Stories ကို အမေရိကရဲ့ ထိတ်ထိတ်ကြဲ ဒါရိုက်တာတွေဖြစ်တဲ့ Martin Scorsese, Francis Ford Coppola နဲ့ Woody Allen တို့ သုံးယောက်တွဲ ရိုက်ထားတယ်။ ဒီ Anthology Film မှာ Life Lessons, Life Without Zoë, Oedipus Wrecks ဆိုတဲ့ ဇာတ်လမ်း၃ခုပါတယ်။ ဒီသုံးခုလုံးမှာ တူညီတာဆိုလို့ နယူးယောက်မှာ ဇာတ်အိမ်တည်ထားတဲ့အချက်ပဲရှိတယ်။ ထိတ်ထိတ်ကြဲဒါရိုက်တာကြီးတွေချည်း ရိုက်တာပေမဲ့ အများကြီးတော့ မမျှော်လင့်ထားစေချင်ဘူး။ ပထမဆုံးဇာတ်လမ်းဖြစ်တဲ့ Life Lessons ကိုတော့ Martin Scorsese က ရိုက်ထားတယ်။ ဇာတ်လမ်းကိုတော့ ဒီမတိုင်ခင် သူ့ကို The Color of Money (1986) မှာ ဇာတ်ညွှန်းရေးပေးခဲ့တဲ့ Richard Price က ရေးပေးထားတယ်။ သူတို့၂ယောက်က The Color of Money မှာ အတွဲညီသလို ဒီမှာလည်းညီတယ်ပြောရမယ်။ တကယ်လို့သာဆို ဒီဇာတ်နဲ့ ဒီဇာတ်ကောင်တွေက စကောဆေးစိထက် ကော်ပိုလာ့ဟန်နဲ့ သွားတူမယ်။ ဇာတ်အကြောင်းအရာကတော့ ဂျက်ဆန်ပေါလော့လို Abstract Expressionism ပန်းချီဆရာတစ်ယောက်ရဲ့ နယူးယောက်က ဘဝနဲ့ သူ့ရူးသွပ်မှုအကြောင်း ရိုက်ပြထားရုံပဲ။ မင်းသားကိုတော့ Nick Nolte ကို သုံးထားတယ်။ ဒီကားပြီးတဲ့နောက်ထွက်တဲ့ Cape Fear မှာလည်း သူ့ကို ထပ်ထည့်ရိုက်ခဲ့သေးတယ်။ နယူး‌ယောက်စတိုရီဆိုတာနဲ့ အလိုက်ဖက်ဆုံးဇာတ်လမ်းလည်းဟုတ်တယ်။ Life Without Zoë ကတော့‌ ကော်ပိုလာနဲ့ သူ့သမီးဆိုဖီယာကော်ပိုလာက ဇာတ်ညွှန်းရေးထားပြီး ကော်ပိုလာက ရိုက်ထားတယ်။ ဇာတ်တော့ စိတ်ဝင်စားစရာကောင်းမလိုလေးနဲ့ နည်းနည်းဆန်းပြားမလိုလေးနဲ့ အားရစရာမကောင်းဆုံး ဇာတ်ဖြစ်သွားတယ်။ သူတို့သားအဖ၂ယောက်တွဲလုပ်ရင် အကျိုးမပေးတာတော့ အမှန်ပဲ။ ၁၂နှစ်သမီးလေးရယ် သူ့အဖေနဲ့အ‌မေရဲ့ အရှုပ်တော်ပုံတွေရယ် ‌အကြောင်းပေါ့။ ကော်ပိုလာရိုက်တယ်လို့ မထင်အောင် စုတ်ပြတ်တယ်လို့ ပြောချင်ပေမဲ့လည်း ကော်ပိုလာက မထော်မနန်း လုပ်ချင်တာလုပ်တဲ့ဘဲဖြစ်သလို သူ့သမီးဇာတ်ကိုပဲရိုက်ချင်လို့ ပိုမထော်မနန်းလုပ်ချလိုက်လားတော့ မသိဘူး။ စုတ်ပြတ်ပေမဲ့လည်း မထော်မနန်းလုပ်တတ်တဲ့ ကော်ပိုလာရဲ့စရိုက်နဲ့ချိန်ကြည့်ရင် ဖြစ်တတ်ပါတယ်လို့ တွေးရမယ့်ဇာတ်ပဲ။ ဒီထဲက အညံ့ဆုံးဇာတ်လည်းဟုတ်တယ်။ Adrien Brody အတွက်‌တော့ ဒီဇာတ်လမ်းက သူ့အတွက် ပထမဆုံးပွဲဦးထွက်ရုပ်ရှင်ဖြစ်ခဲ့တယ်။ Oedipus Wrecks ကိုတော့ ဝူဒီအယ်လန်ကိုယ်တိုင် ရေးပြီး ရိုက်ပြီး သရုပ်ဆောင်ထားတယ်။ ဒီဇာတ်အတွက်စကားကတော့ ဝူဒီအယ်လန်ကတော့ ဝူဒီအယ်လန်ပဲ။ ဒီဇာတ်နဲ့ ခုနောက်ပိုင်းထိ သူရိုက်နေတဲ့ဇာတ်တွေနဲ့ သူ့ဟန်က သူ့ဟန်အဖြစ်မြင်သာထင်နေတုန်းပဲ။ အယ်လန်ဟာ ပိုစတာမြင်ရင်တောင် သူ့ကားလို့ အလိုလိုသိစေမယ့်ဘဲပီသစွာပဲ ဒီနယူးယောက်စတိုရီရဲ့ ပိုစတာကလည်း သူ့ဟန်လို့ မြင်သာတယ်။ ဇာတ်က‌တော့ တကျီကျီနားပူ လူကြားသူကြားထိပါနားပူ လိုက်အရှက်ခွဲ‌နေတဲ့ အမေကြောင့် တိုင်ပတ်နေတဲ့ အသက်၆၀အရွယ် လူကြီးတစ်‌ယောက်ရဲ့ အဖြစ်ပေါ့။ အသက်သာ ၆၀ဖြစ်လာတယ် သူ့ကိုကလေးလို့ထင်နေသေးတဲ့ သူ့အမကြောင့် သူတိုင်ပတ်ရပုံတွေကိုပြထားတယ်။ ဝူဒီအယ်လန်ရဲ့ဇာတ်လို့ မြင်သာထင်သာရှိတဲ့ဇာတ်ပါပဲ။ ပုဂ္ဂလိက အမြင်အရဆိုရင်တော့ ဒီဇာတ်က ဒီထဲ ကျွန်တော့်အကြိုက်ဆုံးဇာတ်ပဲ။ ဝူဒီအယ်လန် ပရိသတ်ဖြစ်နေတာကြောင့်လည်းပါပါလိမ့်မယ်။ နယူးယောက်စတိုရီဆိုတဲ့ နာမည်နဲ့လိုက်ဖက်တဲ့အရသာတော့ ပေးနိုင်တယ်မမြင်ဘူး။ အဲဒီအရသာကို သူတို့ထဲ စကောဆေးစိတစ်ယောက်ပဲ ပေးနိုင်ခဲ့တာပါပဲ။ ဝူဒီ့ဇာတ်မှာ သရုပ်ဆောင်တွေအဖြစ် သူကိုယ်တိုင်ပါထားသလို သူ့အချစ်တော် Mia Farrow နဲ့ Julie Kavner တို့လည်းပါဝင်ထားတယ်။ Kirsten Dunst ရဲ့ ပွဲဦးထွက်ဇာတ်လမ်းလည်းဟုတ်တယ်။ New York Stories ကို ဒါရိုက်တာကြီး၃ယောက်ရဲ့ လက်ရာတွေကို တစ်ကားတည်းကြည့်ရမယ့် မျှော်လင့်ချက်ကြီးနဲ့တော့ ကြည့်လို့မဖြစ်ပါဘူး။ ပုဂ္ဂလိက အမြင်အရတော့ ဒီထဲ ကိုယ့်ဟန်ကိုယ်ထိန်းထားနိုင်တာ ဝူဒီအယ်လန်ပဲရှိတယ်။ သူတို့၃ယောက်ကို ချစ်လို့ပဲ ကြည့်သင့်တဲ့ ရုပ်ရှင်ပါပဲ။ ဒီလို ထိတ်ထိတ်ကြဲ၃ယောက်တွဲရိုက်ထားတဲ့ ရုပ်ရှင်က မရှိသလောက်ရှားတယ်မဟုတ်လား။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.15GB, 955MB Quality - BluRay 1080p, 720p IMDb Rating - 6.4/10 Format - mp4 Duration - 2H 4Min Genre - Satire, Comedy, Drama, Romance Subtitle - Myanmar Subtitle (Hardsub) Translated by WiRa Aung Encoded by Y

Born on the Fourth of July(1989) ဒီရုပ်ရှင်ဟာ အမေရိကန်ရဲ့လွတ်လပ်ရေးနေ့ဖြစ်တဲ့၊ ဂျူလိုင် ၄ရက်နေ့မှာမွေးဖွားခဲ့တဲ့ စစ်ဆန့်ကျင်ရေးလှုပ်ရှားသူ အမေရိကန်-ဗီယက်နမ် စစ်ပြန်ကြီး Ron Kovicအကြောင်းဇာတ်အိမ်တည်ရိုက်ကူးထားတဲ့ စစ်ဆန့်ကျင်ရေး အတ္ထုပတ္တိကားကောင်းတစ်ကားပဲဖြစ်ပါတယ်။ Ronရဲ့ငယ်စဥ်ကလေးဘဝဟာ ထိုခေတ်ထိုကာလကထုံးစံအတိုင်း စစ်ပွဲအောင်နိုင်မှုတွေအကြောင်း၊ တိုင်းပြည်တာဝန်ထမ်းပြီး စစ်တိုက်ရတာမှဂုဏ်ရှိတယ်၊ ကွန်မြူနစ်ဝါဒကို တိုက်ဖျက်ရမယ်ဆိုတဲ့ ပတ်ဝန်းကျင်မှာကြီးပြင်းခဲ့ရပါတယ်။ ဒါ့ကြောင့်လည်း အမေရိကန်-ဗီယက်နမ်စစ်ပွဲဖြစ်တော့ သူကိုယ်တိုင်ရော သူငယ်ချင်းတွေပါစိတ်လိုလက်ရ မရိန်းတပ်ထဲဝင်ပြီး တိုက်ပွဲဝင်ပါတော့တယ်။ ဒီစစ်ပွဲအတွင်းမှာပဲ စစ်ပွဲရဲ့ခါးသီးမှုတွေကြုံခဲ့ရပြီး စိတ်ဝေဒနာလည်းရ အကြောပါသေ၊ မြုံတဲ့ဘဝ ဒုက္ခိတဖြစ်ခဲ့ရပါတယ်။ ဒါပေမယ့်လည်း အဲ့အချိန်ထိ သူ့ရဲ့ စစ်ပွဲအပေါ်အယူအဆတွေက ပြောင်းလဲမသွားသေးပါဘူး။ စစ်ဆေးရုံကဆင်း မွေးရပ်ကိုပြန်ရောက်တော့မှ အဲ့ကာလမှာ စစ်ဆန့်ကျင်ရေးလှုပ်ရှားသူတွေ၊ နိုင်ငံရဲ့လက်ရှိအခြေအနေတွေကိုမြင်ရကြားရပြီး မျက်စိပွင့်နားပွင့်ဖြစ်လာကာ၊ ကိုယ်ကိုယ်တိုင်ကလည်း စစ်ပွဲနဲ့ပတ်သက်ပြီး စိတ်မလုံခဲ့သူမို့... Ron Kovidတစ်ယောက် စစ်တိုက်ရတာဂုဏ်ယူတဲ့လူငယ်လေးဘဝကနေ စစ်ဆန့်ကျင်ရေးသမားကြီးဘဝကို ဘယ်လိုကံကြမ္မာတွေ၊ အဖြစ်အပျက်တွေကြောင့် ရောက်လာလဲဆိုတာ ရိုက်ကူးပြသထားတဲ့ anti-war movieလေးပါပဲ။ File Size :(3.3GB)(1.3GB) and (714MB) Quality : BLU-RAY 1080P5.1Ch,720p Format…mp4 Duration…02:25:00 Genre : War, Biography , Drama Subtitle : Myanmar Subtitle (Hard Sub) Translated by Themes Encoded by Phyo Pyae

ပေါ့ပေါ့ပါးပါး စခွီထစရာ ရုပ်ရှင်ကားဟောင်းလေးတစ်ကားကြည့်ပြီးတော့ အချိန်ကောင်းလေးတွေ ပိုင်ဆိုင်လိုက်ပါ..။ ဟိုးရှေးရှေးတုန်းကပေါ့ဗျာ..။ အခု ဒီဇာတ်ကားကို ဒေါင်းလုဒ်လုပ်ပြီး ကြည့်မယ့်သူတချို့ မွေးချင်မှတောင် မွေးဦးမယ့်အချိန်တုန်းက..။ ခပ်ငယ်ငယ် မင်းသားဘဝနဲ့ Tom Hanks က 'ငွေယိုပေါက်' လို့ မြန်မာလို အလွယ်တကူ ဘာသာပြန်လိုက်လို့ရမယ့် ရုပ်ရှင်တစ်ကားရိုက်ခဲ့သေးတာပေါ့..။ ဇာတ်လမ်းအကျဉ်းကတော့ ချစ်သူကောင်မလေးရဲ့ အိမ်မှာ ကပ်နေနေရာကနေ အိမ်ပိုင်ရှင်ဖြစ်သူ ကောင်မလေးရဲ့ ခင်ပွန်းဟောင်း ဥရောပကနေ ပြန်ရောက်ချလာတဲ့အခါ Tom Hanks တစ်ဖြစ်လည်း ဝေါ်လ်တာတစ်ယောက် နေစရာ ရှာရတော့တာပေါ့..။ အဖြစ်ကဆိုးတယ်..။ တိုက်ခန်းလေး တစ်ခန်းရှာရာကနေ အချိုအချောင်ဈေးနဲ့ အိမ်တစ်လုံးရလိုက်တဲ့ ဝေါ်လ်တာနဲ့ သူ့မဟေသီတစ်ယောက် ဘယ်လို စခန်းသွားကြမလဲ..? ဒီအိမ်ကိုရော ဘာလို့များ ငွေယိုပေါက် လို့ ခေါ်ရသလဲဆိုတာ ဟာသနှောပြီး ကြည့်ရှုနိုင်တော့မှာပါ..။ ဖြစ်ပျက်သမျှ တလွဲအဖြစ်အပျက်တွေမှာ Tom Hanks ရဲ့ သရုပ်ဆောင် ပိုင်ဆိုင်နိုင်ပုံ မျက်နှာအမူအရာတွေနဲ့ ရောစပ်ပေါင်းထည့်လိုက်တဲ့အခါ တခွိခွိကို ဖြစ်နေစေရမှာ..။ ညဘက်ရောက်မှ အေးအေးဆေးဆေး ကြည့်မယ်ဆိုပြီး အိပ်ရာထဲမှာ မကြည့်စေချင်ပါဘူး..။ လူအိပ်ချိန်ရောက်မှ အသံပြဲနဲ့ အော်ရယ်နေလို့ အိမ်ကလူတွေ ထရိုက်နေရင်တော့ တာဝန်မယူဘူးဗျာ..။ ​ပြီးတော့ ဒီဇာတ်ကားမှာ နောက်ထပ် ပြောစရာရှိတာ အရင်ခေတ်က အမျိုးသမီး သရုပ်ဆောင်ပေါ့..။ တောက်ပြောင်နေတဲ့နှုတ်ခမ်းဆိုးဆေးရွှန်းရွှန်းစိုစိုလေးနဲ့ မိတ်ကပ်က ဒီဘက်ခေတ်ထိ လှနေဆဲ ၊လှတုန်းပါပဲ..။ သရုပ်ဆောင်ထားတာကလည်း ဇာတ်ရုပ်နဲ့ အပိုအလိုမရှိ ၊ ကွက်တိ..။ တကယ်တော့ အညွှန်းအတွက် လိုအပ်လို့သာ ဒီလောက် ပြောပြနေရသေးတာပါ..။ Tom Hanks ဆိုတာ ဘယ်သူ ဘယ်ဝါရယ်လို့ ညွှန်းစရာမလိုပဲ သူ့ဇာတ်ကားရွေးချယ်မှုကိုပဲ ယုံကြည်ပြီးတော့ကို ကြည့်လိုက်လို့ရတဲ့အထိ သူ့အနုပညာသက်တမ်းတစ်လျှောက်မှာ သက်သေပြခဲ့ပြီးပြီပဲ မဟုတ်လား..? ဒါကတော့ ဟိုးတုန်းက ဇာတ်ကားတစ်ကားပါ..။ တောင်းဆိုထားတဲ့သူတွေအတွက် ဟော့ဒီမှာ Tom Hanks ရဲ့ The Money Pit ရပါပြီဗျား..။ အခုပဲ ဒေါင်းလုဒ်ဆွဲလိုက်ပါ..။ File size…(1.73 GB)/(1.23 GB)/(491.93 MB) Quality….Webrip 1080p / 720p / 480p Format…mp4 Duration….01:31:00 Genre...Comedy Subtitle….Myanmar Subtitle (Hardsub) Encoder….Mr. Anderson Translated by Shin Mann Htet Myat

ဂျက်ကီချမ်း သရုပ်ဆောင်ထားတဲ့ တရုတ်လူမျိုးရဲက အမေရိကန်မှာ အခြေချနေတာ ဆယ်နှစ်ရှိပါပြီ။ သူနဲ့ သူ့တွဲဖက်ရဲက ကိုယ်လုပ်ချင်သလို လုပ်တတ်ကြသူတွေပါ။ တစ်နေ့ လူအများရှေ့မှာ ဂုဏ်သရေရှိသူတစ်ယောက်အဖြစ် နေထိုင်နေတဲ့ နာမည်ကြီးလူဆိုးတစ်ဦးရဲ့ ပါတီပွဲကို သွားတက်ကြရင်း အဲဒီလူရဲ့သမီး သူတို့ရှေ့မှာတင် ပြန်ပေးဆွဲခံလိုက်ရပါတယ်။ အမှုကို စုံစမ်းကြည့်တော့ ဟောင်ကောင်က လူဆိုးဂိုဏ်းတစ်ခုနဲ့ ဆက်နွှယ်နေတာကို သိရတယ်။ ဒါကြောင့် ရဲနှစ်ယောက်လည်း ဟောင်ကောင်အထိ လိုက်လာကြပြီး အဲဒီတစ်မြို့လုံးအပေါ် ဩဇာညောင်းတဲ့ ဂိုဏ်းခေါင်းဆောင်ကို ရင်ဆိုင်ရဖို့ ဖြစ်လာပါတယ်။ ဒီကားက ဂျက်ကီချမ်း ဟောလိဝုဒ်မှာ စတင်အခြေချစဉ်က ရိုက်ခဲ့တဲ့ ကားဟောင်းတစ်ကားဖြစ်ပြီး အမေရိကန်ဒါရိုက်တာ ရိုက်ကူးထားတာပါ။ သူနဲ့ တွဲဖက်သရုပ်ဆောင်သူကလည်း The Godfather Part II၊ Once Upon a Time in America နဲ့ Leon: The Professional တို့မှာ ပါဝင်ဖူးတဲ့ အမေရိကန်မင်းသားတစ်ယောက် ဖြစ်ပါတယ်။ ဂျက်ကီချမ်းရဲ့ အက်ရှင်ခန်းတွေနဲ့ ဟာသတွေကို တွဲဖက်ထားပါတယ်။