Reina Ueda ပါဝင်သော ဇာတ်ကားများ

Mao (2026) IMDB - 7.7/10, MyAnimeList - 7.1/10 Mao ဆိုတဲ့ ဒီ သဘာဝလွန် လျှို့ဝှက်ဆန်းကြယ်ဇာတ်လမ်းလေးဟာ နာမည်ကြီး Inuyasha တို့ Ranma 1/2 တို့ကိုပဲ ရေးသားခဲ့တဲ့ ဆရာမကြီး Rumiko Takahashi ရဲ့ နောက်ထပ်လက်ရာတစ်ပုဒ် ဖြစ်ပါတယ်။ အခုတော့ Anime အဖြစ် အသက်သွင်းလိုက်ကြပါပြီ။ ထုံးစံအတိုင်း သူ့လက်ရာဆိုတော့ Inuyasha လို ခေတ်နှစ်ခုကြား ကူးပြောင်းသွားလာတာတွေ မိစ္ဆာတွေနဲ့ တိုက်ခိုက်တာတွေ ပါပါမယ်။ ရှေးဟောင်းဂမ္ဘီရဆိုင်ရာ မကောင်းဆိုးဝါး နာနာဘာဝ ကျိန်စာ စသဖြင့် ထူးဆန်းဖွယ်လာတွေ မြင်ရမှာပဲ ဖြစ်ပါတယ်။ သူ့ဇာတ်လမ်းလေးကတော့ Nanoka ဆိုတဲ့ အထက်တန်းကျောင်းသူလေးက ငယ်စဉ်တုန်းက ၁ တန်းအရွယ်မှာ ဈေးတန်းတစ်ခုရှေ့မှာ မိဘတွေနဲ့အတူ ကားမှောက်ပြီး တစ်ဦးတည်း ထူးဆန်းစွာ ရှင်ကျန်ခဲ့သူလေးတစ်ဦးပေါ့။ အခု အသက်ကြီးပြီး အထက်တန်းရောက်လာတော့လည်း ဒီဈေးတန်းလေးက ထူးဆန်းတဲ့အသံတွေကြားပြီး သရဲခြောက်တာလိုလို ဘာလိုလိုနဲ့ နာမည်ကြီးနေရော။ ဒါနဲ့တစ်ရက်ကျ ဒီဈေးတန်းလေးထဲကို Nanoka တစ်ယောက် ဝင်သွားလိုက်တော့ အံ့သြစရာကောင်းစွာနဲ့ ၁၉၂၀ ဝန်းကျင် Taisho ခေတ်ကာလကို ရောက်သွားခဲ့ပါတယ်။ အဲဒီမှာပဲ မိစ္ဆာကြီးတစ်ကောင် တိုက်ခိုက်တာခံရတဲ့အချိန် Onmyoji (နတ်ဆရာ) ဖြစ်တဲ့ Mao ဆိုတဲ့ အေးတိအေးစက်နဲ့ လျှို့ဝှက်ဆန်းကြယ်တဲ့ လူတစ်ယောက်နဲ့ သူ့တပည့်လေးဖြစ်တဲ့ Otoya တို့က ကယ်တင်ပေးလိုက်ပါတယ်။ ဒီတော့ Nanoka တစ်ယောက် ဘာလို့ ဒီနေရာကိုဝင်ရင် ဒီခေတ်ကို ရောက်လာရသလဲ၊ သူ့ခန္ဓာကိုယ်က ပြောင်းလဲမှုတွေကရော ဘာလဲ၊ ငယ်စဉ်ကတည်းက မတော်မဆမှုကရော သွေးရိုးသားရိုးလား ပရောဂတစ်ခုခုပါနေသလား စတဲ့အဖြေတွေကို Mao ဆီကနေ သိရဖို့ ကြိုးပမ်းပါတော့တယ်။ Mao ကိုယ်တိုင်ကလည်း ထူးဆန်းတဲ့ကျိန်စာတစ်ခုမိထားတာဖြစ်ပြီး သူတို့နှစ်ဦးရဲ့ကံကြမ္မာက ဘယ်လိုဆက်ဖြစ်လာမလဲဆိုတာတော့ ဖန်သားပြင်ပေါ် ဆက်လက်ရှုစားရမှာပဲ ဖြစ်ပါတယ်...။

Takopi's Original Sin (2025) IMDB – 9.2/10, MyAnimeList – 8.9/10 ဒီစီးရီးကို မကြည့်ခင် အရင်သတိပေးချင်တာကတော့ စိတ်မခိုင်ရင် “မကြည့်ကြပါနဲ့” တစ်ယောက်တည်းအထီးကျန်နေတယ်ဆိုရင် “မကြည့်ကြပါနဲ့” စိတ်ထိခိုက်စရာ စိတ်မအီမသာဖြစ်စေနိုင်တာတွေ မခံစားနိုင်ရင် “မကြည့်ကြပါနဲ့”။ စိတ်သောကဝေဒနာတွေ ဖြစ်ရပြီး ခါးသီးတဲ့အမှန်တရားနဲ့အတူ လက်တွေ့အရမ်းဆန်တဲ့ ချည်းကပ်မှုနဲ့ကြောင့် Anime ဆိုပြီး ပျော်စရာကောင်း စိတ်အပန်းဖြေလန်းဆန်းစေမယ့် ဇာတ်လမ်းမျိုး မဟုတ်ပါဘူး အဆင့်သတ်မှတ်ချက်ကလည်း R-Rated 17+ ဖြစ်ပါတယ်။ ကျွန်တော့်အနေနဲ့လည်း Grave of the Fireflies ရုပ်ရှင်ပြီးတဲ့နောက်ပိုင်းမှာ ဒီစီးရီးက စိတ်ကို ဆိုးဆိုးရွားရွား ထိခိုက်စေပြီး တစ်ခါပဲ ကြည့်မယ်လို့ စိတ်ပိုင်းဖြတ်ထားတဲ့ ဇာတ်လမ်းမျိုးပါ။ ဒါပေမဲ့ ဒီစီးရီးရဲ့ အပိုင်း ၁ ဟာ ၂၀၂၅ ခုနှစ် IMDB ရဲ့ Rating အများဆုံး Anime တစ်ခု ဖြစ်ခဲ့ပါတယ် (ဘာလို့လဲဆို OP ရဲ့ ဟိုတစ်ပတ်အပိုင်းက ပြန်ကျော်တက်သွားခဲ့လို့ပါ)။ Rating တွေကလည်း ဘယ်ပလက်ဖောင်းမှာနေနေ မိုးထိုးနေအောင် ရှယ်ကောင်းနေပါတယ်။ ဒီတော့ ကိုယ်အဆင်ပြေတယ်ဆိုရင် ကြည့်ကြပါခင်ဗျာ။ ကဲ ဇာတ်လမ်းအကျဉ်းလေး ပြောပြပါ့မယ်။ Shizuka ဆိုတဲ့ ၄ တန်းအရွယ် ကောင်မလေးဟာ ဖခင်က စွန့်ပစ်သွားခဲ့လို့ Date Girl လိုလို ရွှေကြာလိုလို လုပ်နေရတဲ့ မိခင်ဖြစ်သူနဲ့ နေပါတယ်။ ဒီအလုပ်လုပ်နေတော့ သိတဲ့အတိုင်း သမီးဖြစ်သူကို ဂရုစိုက်ပေးခြင်းမရှိလို့ ဖြစ်သလိုနေနေရတဲ့ဘဝလေးပါ။ ကျောင်းမှာဆိုလည်း ရွယ်တူကောင်မလေးတစ်ယောက်ရဲ့ လူမဆန်တဲ့ နှိပ်စက်ညှင်းပန်းမှုတွေ အနိုင်ကျင့်မှုတွေကို ခါးစည်းခံနေရပြီး အဖော်မွန်ဆိုလို့ ဖခင်ပေးခဲ့တဲ့ Chappy ဆိုတဲ့ ခွေးလေးပဲရှိပါတယ်။ ဒီလိုနဲ့တစ်ရက်မှာ Happy ဂြိုလ်ပေါ်က ရေဘဝလိုဂြိုလ်သားလေးက စကြာဝဠာတလျှောက် ပျော်ရွှင်မှုတွေကို ဖြန့်ဝေပေးရမယ်ဆိုတဲ့ တာဝန်နဲ့အတူ ကမ္ဘာမြေပေါ် ရောက်လာပါတယ်။ ဒါပေမဲ့လည်း လူတွေလိုက်ဖမ်းတာကို ရှောင်ပြေးရင် ငတ်ပြတ်သေတော့မယ့်အချိန် Shizuka နဲ့ တွေ့ပြီး သူ့ကို ပေါင်မုန့်ကျွေး ကယ်တင်ပေးခဲ့ပါတယ်။ ဒါကြောင့် အမြဲတမ်း စိတ်အားငယ်ဝမ်းနည်းနေတတ်တဲ့ Shizuka လေးကို ပျော်ရွှင်လာအောင် ကြိုးစားပေးမယ်ဆိုပြီး သူ့ရဲ့ ထူးထူးဆန်းဆန်း ဂြိုလ်ကိရိယာတွေနဲ့ ကူညီပေမဲ့လည်း တစ်ရက်မှာ သူ့ကူညီမှုကနေ Shizuka လေးတစ်ယောက် ကြမ္မာငင်ခဲ့ရချိန်မှာတော့… လူသားတွေရဲ့သဘောသဘာဝကို နားမလည်တဲ့ ရေဘဝဂြိုလ်သားလေး Takopi တစ်ယောက် Shizuka ကို ကူညီဖို့ ဘယ်လိုမျိုးတွေ ဆက်လက် ကြုံတွေ့ရမလဲဆိုတာကို ပညာပေးအနေနဲ့ ဂရုဏာသက်စရာ စိတ်ထိခိုက်စရာ ဖော်ကျူးသီကုံးထားတဲ့ ဇာတ်လမ်းလေးတစ်ပုဒ် ဖြစ်ပါတယ်။ (အညွန်းနဲ့ ဘာသာပြန်ကတော့ Thura Aung ဖြစ်ပါတယ်) File size…  400 MB (Appx;)@Episode Quality… WEB DL 1080p Format… mp4 Duration…. 25m @Episode Genre ..... Animation, Drama Subtitle…. Myanmar Subtitle (Hard Sub)

Sword of the Demon Hunter: Kijin Gentosho (2025) IMDB – 7.6/10, MyAnimeList – 7.6/10 “ခေတ်အဆက်ဆက် နှစ်ပေါင်း ၁၇၀ ကြာ ဖြတ်သန်းခဲ့သော မကောင်းဆိုးဝါး နှိမ်နှင်းသူ၏ စွန့်စားခန်းရှည်” ခုလက်ရှိထုတ်လွှင့်နေတဲ့အထဲ တော်တော်ကို Dark & Grim ဖြစ်ပြီး ဟာသဆိုလည်း မပါသလောက်ကို နည်းတယ် နောက်ပြီး ဒိုင်ယာလော့ခ် ဇာတ်ညွန်းတွေမိုက်တယ် ရုပ်ထွက်လည်း ဖိုင်းတယ် ဓားသိုင်း ပါဝါ အက်ရှင်တွေပါတယ် ဝမ်းနည်းကြေကွဲစရာ Deep ဖြစ်တဲ့ ဇာတ်ဝင်ခန်းတွေနဲ့ရော ရှယ်ပါပဲ။ ပထမဆုံးအပိုင်းမှာတင် ၁ နာရီလောက်ကြာမြင့်တဲ့ Epic ဆန်ဆန် အစပျိုး ဇာတ်လမ်းတည်ထားတယ်။ ဇာတ်လမ်းအကျဉ်း ပြောပြရမယ်ဆို မကောင်းဆိုးဝါးမျက်လုံးနဲ့ Suzune ဆိုတဲ့ကလေးမလေးရယ် အစ်ကိုဖြစ်သူ Jinta ရယ် အိမ်ကနေထွက်ပြေးလာတော့ လမ်းမှာ လူကြီးတစ်ယောက်က ကယ်တင်ပေးခဲ့တယ်။ သူနေတဲ့ Kadono ရွာကို ခေါ်သွားပြီး မိသားစုအဖြစ် ပျိုးထောင်ပေးခဲ့တာပေါ့။ သူ့မှာလည်း Shirayuki ဆိုတဲ့ သမီးအရင်းလေးတစ်ယောက်ရှိသေးတယ်။ ဒီလိုနဲ့ ကြီးပြင်းလာတော့ကျ သမီးဖြစ်တဲ့ Shirayuki က တောင်ပေါ်နတ်ကွန်းမှာ နတ်ဆရာမ Miko အဖြစ်နေရတယ်။ Jinta ကကျ သူ့ကို ကာကွယ်စောင့်ရှောက်ပေးရတဲ့ ကင်းစောင့်သမားလေး။ မကောင်းဆိုးဝါးမျက်လုံးနဲ့ Suzune ကျ အသက်အရွယ်ကြီးမလာပဲ ဒီပုံစံလေးအတိုင်းပဲပေါ့။ အဲဒီမှာ အားလုံး အေးအေးချမ်းချမ်း ရှိနေကြတဲ့အချိန် မကောင်းဆိုးဝါး မိစ္ဆာနှစ်ကောင်ရောက်ရှိလာပြီး ငြိမ်သက်သာယာနေတဲ့ဘဝလေးကို ဝင်ရောက်ဖျက်ဆီးလိုက်တဲ့အချိန်ကစပြီး Jinta တစ်ယောက် ရွာမှာအထွတ်အမြတ်ထားတဲ့ Yarai ဆိုတဲ့ မကောင်းဆိုးဝါးနှိမ်နှင်းရေးဓားနဲ့ နှစ်ပေါင်း ၁၇၀ ကျော် စွန့်စားခန်းရှည် ထွက်ဖို့ ဖြစ်လာခဲ့တော့တယ်…။ အခုထက်ထိ ဇာတ်လမ်းဇာတ်အိမ်ခိုင်ခိုင် အချိတ်အဆက်ကောင်းကောင်းနဲ့ ရင်ထဲရောက်အောင် လုပ်ပေးနေတဲ့ စီးရီးကောင်းလေးဖြစ်လို့ ပရိသတ်တွေကိုလည်း အလားတူ ခံစားနိုင်အောင် တင်ဆက်ပေးလိုက်ရပါတယ်ဗျာ။ (အညွန်းနဲ့ ဘာသာပြန်ကတော့ Thura Aung ဖြစ်ပါတယ်)

Scarlet (2025) IMDB - 6.3/10, MyAnimeList - 6.3/10 ၂၀၂၅ ခုနှစ် ရုံတင် Anime ရုပ်ရှင်တွေထဲက ဇာတ်လမ်းကောင်းလေးတစ်ကား ထွက်ရှိလို့လာခဲ့ပါပြီ။ ဒီကားကို ရိုက်ကူးပေးခဲ့တဲ့ ဒါရိုက်တာ Mamoru Hosoda ဆိုတာက Mirai တို့ Wolf Children တို့ The Girl Who Leapt Through Time တို့ Summer Wars တို့လို Anime ဇာတ်ကားကောင်းတွေကို ရိုက်ကူးခဲ့သူပါပဲ။ ဒီရုပ်ရှင်လေးထဲမှာတော့ 2D 3D ပေါင်းစပ်ရိုက်ကူးထားပြီး Visual အလှတရားတွေရယ် Soundtrack အမိုက်တွေ သီချင်းအကောင်းတွေ ခံစားနိုင်ဦးမှာပါ။ ဇာတ်လမ်းလေးကတော့…. ၁၆ ရာစုနှောင်းပိုင်း ဒိန်းမတ်နိုင်ငံမှာ အများပြည်သူက ချစ်ခင်လေးစား ကြည်ညိုပြီး စစ်မက်ဖြစ်ပွါးတာကို မလိုလားတဲ့ ဘုရင်တစ်ပါး အုပ်ချုပ်နေပါတယ်။ ဒါပေမဲ့ သူနဲ့ အယူဝါဒချင်း မတူညီ စိတ်သဘောထားချင်း မတူညီတဲ့ ညီတော်ဖြစ်သူက မနာလိုဝန်တိုပြီး တိုင်းပြည်ရော မိဖုရားကိုရော သိမ်းပိုက်ပြီး အစ်ကိုတော်ကို ကွပ်မျက်လိုက်ပါတယ်။ ဖခင်ဖြစ်သူ အသတ်ခံရတာကို မြင်လိုက်ရတဲ့ Scarlet တစ်ယောက် သူ့ဦးရီးတော်ကို လက်စားချေဖို့ ဘဝတလျှောက်လုံး ဓားပညာတွေခိုးသင်ပြီး အသက်အရွယ်ရလာချိန် လက်စားချေတဲ့အခါမှာတော့ ထင်သလိုဖြစ်မလာပဲ သူပဲ သေဆုံးသွားခဲ့ရပါတယ်။ ဒါပေမဲ့လည်း ပြန်နိုးထလာတဲ့အခါမှာတော့ Scarlet တစ်ယောက် သေခြင်းနဲ့ရှင်ခြင်း အတူတူဖြစ်တည်နေတဲ့ ထူးဆန်းတဲ့ဘုံကမ္ဘာတစ်ခုကို ရောက်နေပါတော့တယ်။ ဒီနေရာမှာပဲ ၂၁ ရာစု ဂျပန်ပြည်က ဆေးအကူဝန်ထမ်းကောင်လေး Hijiri နဲ့ တွေ့ဆုံပြီး တစ်ဖက်က အာဃာတတွေနဲ့ ပူလောင်နေတဲ့ Scarlet နဲ့ ဆန့်ကျင်ဖက်ဖြစ်သူ Hijiri တို့ ဒီကမ္ဘာကြီးထဲမှာ ဘယ်လိုတွေ စွန့်စားပြီး ဘာတွေကြုံဆုံကြမလဲဆိုတာကို စိတ်ဝင်စားဖွယ် ကြည့်သွားရမယ့်အပြင် Scarlet တစ်ယောက် အောင်မြင်စွာ လက်စားချေနိုင်သွားမလား၊ Hijiri နဲ့ရော ဘာဇာတ်လမ်းလေးတွေ ဖြစ်ပေါ်လာမလဲ၊ ဒီကမ္ဘာထဲကနေ ပြန်လည်လွတ်မြောက်နိုင်ပါ့မလားဆိုတာကတော့...............။

Colorful Stage! The Movie: A Miku Who Can't Sing (2025) Colorful Stage ဆိုတာက Free to Play ရတဲ့ Rhythm Game တစ်မျိုး ဖြစ်ပါတယ်။ အဲဒီကနေမှ ရုပ်ရှင်ဇာတ်လမ်းလေးအဖြစ် ပုံဖော်ထားတဲ့ Anime ဇာတ်ကားလေး ဖြစ်ပါတယ်။ ဇာတ်လမ်းအကျဉ်းလေးကတော့ SEKAI ဆိုတဲ့ စစ်မှန်တဲ့ ခံစားချက်ကနေ ဖြစ်ပေါ်လာတဲ့ လျှို့ဝှက်ဆန်းကြယ် တခြား Dimension လိုမျိုးဆိုတာ ရှိပါတယ်။ အဲဒီလိုမျိုး SEKAI တစ်ခုစီမှာလည်း Miku ဆိုတဲ့ ဇာတ်ကောင် ကောင်မလေးတစ်ယောက်ရှိတတ်ကြတယ်။ ဒါပေမဲ့ ထူးဆန်းစွာနဲ့ ဘယ် SEKAI ကမှ မဟုတ်ပဲ အားလုံးဆီမှာ လာပေါ်ပေါ်နေတဲ့ Miku လေးတစ်ယောက် ရှိနေခဲ့ပါတယ်။ သူက သီချင်းဆိုလို့လည်း မရတော့သလို အသံလည်းမထွက် လူတွေဆီလည်း ခံစားချက်တွေ မပို့ပေးနိုင်ပဲ ဒုက္ခရောက်နေတာပါ။ အဲဒီမှာ မတူညီတဲ့ လူငယ်အဖွဲ့လေး ၅ ဖွဲ့နဲ့ အဲဒီ Miku လေးနဲ့ သွားတွေ့ကြပြီး အသံပြန်ထွက်နိုင်အောင် ဘယ်လိုမျိုး ကူညီပေးကြမလဲဆိုတာကို တေးဂီတသီချင်းလေးတွေနဲ့ နားဆင်ကြည့်ရှု ခံစားရမှာ ဖြစ်ပါတယ်။

Demon Slayer: Kimetsu no Yaiba - The Movie 3: Infinity Castle (2025) IMDB - 8.5/10 ဒီနှစ်ထဲမှာ အကြမ်းဆုံး ရုံတင်ဝင်ငွေအများဆုံး လူကြိုက်အများဆုံးဆိုတဲ့ Demon Slayer Infinity Castle ရုပ်ရှင် Blu-ray ထွက်လာခဲ့ပါပြီ။ အဲဒါကြောင့် အမြန်ဆုံး တင်ဆက်ပေးလိုက်ရပါတယ်ဗျာ..။ Muzan ရဲ့ Infinity ဝင်္ကပါရဲတိုက်ကြီးထဲကို ပြုတ်ကျသွားကြတဲ့ Demon Slayer Corp အဖွဲ့သားတွေက ဘယ်သူတွေက ဘယ်ကောင်တွေနဲ့တွေ့ပြီး ဘာဆက်ဖြစ်မလဲဆိုတာ ကြည့်ရမှာပါ။ ဒီ ရုပ်ရှင်ထဲမှာတော့ အဓိကတိုက်ပွဲ ၃ ပွဲကို မြင်ရမှာ ဖြစ်ပြီး Shinobu Vs Doma (Upper Rank 2) ရယ် Zenitsu Vs Kaigaku (Upper Rank 6) ရယ် Tanjiro + Giyu Vs Akaza (Upper Rank 3) တို့ ပွဲစဉ်တွေပဲ ဖြစ်ပါတယ်။ Battle တိုင်းကို ရှယ်လှတဲ့ Animation တွေနဲ့ ခံစားရမှာဖြစ်ပြီး နောက်ခံတေးဂီတတွေဆိုတာလည်း ကြည့်ရင်းနဲ့ ကြက်သီးတွေတဖွားဖွား ဖြစ်လာစေမှာမို့ ရုံတင်တုန်းက မကြည့်လိုက်ရသေးတဲ့လူတွေရော ကြည့်ပြီးလို့ နောက်တစ်ခါ ပြန်ခံစားချင်သူတွေရော အပြေး ကြည့်လိုက်ကြပါတော့လို့ ပြောရင်း နိဂုံးချုပ်ပါရစေ...။

Chainsaw Man – The Movie: Reze Arc (2025) 4K IMDB - 8.5/10, MyAnimeList - 9.1/10 ဒီကောင်ကတော့ Demon Slayer:Infinity Castle ရုံတင်ပြီး ၂ လအကြာမှ ရုံတင်တာဖြစ်ပေမဲ့ Digital Release ကတော့ သူများထက်စောပြီး ထွက်ရှိလာခဲ့ပါပြီ။ အဲဒါကြောင့် ပရိသတ်တွေအတွက် အမြန်ဆုံးတင်ဆက်ပေးလိုက်ရပါတယ်။ ဇာတ်လမ်းကတော့ Standalone မဟုတ်ပဲ Season 1 အပြီး တိုက်ရိုက်ဆက်ထားတာကြောင့် S1 မကြည့်ရသေးရင် အရင်ကြည့်ပြီးမှ ဒါကို ကြည့်စေချင်ပါတယ်။ (Season 1 ကိုလည်းတင်ဆက်ပေးပြီးသားပါ) ကဲ ဒီတော့ Katana Man ဖြစ်ရပ်တွေအပြီးမှာ မောင် Denji တစ်ယောက် Gun နတ်ဆိုးကောင်ကို လိုက်ရှာဖို့ ငါးမန်းမိစ္ဆာတစ်ကောင်နဲ့ အတူတူတွဲလုပ်ရမယ်ဆိုပြီး အီးမှန်နေတဲ့အချိန် Makima ကနေ ဒီနွားကလေးတော့ ထိန်းရတော့မယ်ဆိုပြီး သူနဲ့အလုပ်တူတူတွဲလုပ် ငါ နင်နဲ့ ဒိတ်ပေးမယ်ဆိုပြီး အိပ်မက်တွေပေးလိုက်ပြီး တကယ်လည်း ဒိတ်ပေးခဲ့လိုက်ပါတယ်။ အဲဒီမှာ ဘဝတလျှောက် ကြုံခဲ့သမျှ မိန်းကလေးတွေဆို သူ့ကို သတ်ချင်တဲ့လူတွေပဲဖြစ်နေလို့ စိတ်ပျက်နေတဲ့ Denji အတွက် Makima-san လေးကို သူမှလွဲ၍တခြားမရှိဆိုသလို နတ်ဘုရားမအဖြစ် ကိုးကွယ်ချစ်ကြည်နူးနေတဲ့အချိန် မိုးထဲလေထဲတစ်ရက် ဖုန်းရုံလေးထဲ ဝင်ခိုနားတုန်း ကော်ဖီဆိုင်မှာ အလုပ်လုပ်ပြီး ချစ်စဖွယ်အကျင့်စရိုက်လေးနဲ့ Reze ဆိုတဲ့ကောင်မလေးက သူ့ရင်ထဲ ဝင်ရောက်လာတဲ့အချိန်မှာတော့... စကီလေးနှစ်ယောက်နဲ့ ဗျာများတော့မယ့် Denji တစ်ကောင် ဘာတွေဆက်ဖြစ်မလဲဆိုတာ ကြည့်ရမှာဖြစ်ပါတယ်။ ဇာတ်လမ်းအစပိုင်း နာရီဝက်လောက် ဇာတ်လမ်းကိုပျိုးနေလို့ စကားပြောခန်းတွေနဲ့ Romance ဆန်ဆန်လေး ခံစားရမယ်ဆိုပေမဲ့ ပြီးသွားတာနဲ့ ဇာတ်ကားပြီးတဲ့ထိ တောက်လျှောက်ရှယ်ကြုံးရှယ်ဖိုက်တာကို အသက်ရှုဖို့မေ့ရလောက်အောင်ပါ ကြည့်ရမှာပါ။ Rating တွေလည်းရှယ်ပဲ.... နောက်ပြီး Chainsaw Man ဆိုတော့ တအားလည်း ညွန်းမနေချင်တော့ဘူး၊ ရုံမှာ မကြည့်ခဲ့လိုက်ရဘူးဆိုရင်တော့ သူများထက်ဦးအောင်အပြေးသာကြည့်လိုက်ကြပါတော့လို့...။ (Anime ကားဆိုပြီး ကလေးကြည့်မထင်ပါနဲ့နော် R-Rated ဖြစ်တာကြောင့် သတိထားပြီး ကြည့်ရှူစေလိုပါကြောင်း) File size… 3.47GB / 1.7 GB / 760 MB Quality… WEB-DL 4K HEVC /1080p / 720p Format… mp4 Duration…. 1h 40m Genre ..... Anime, Action, Fantasy Subtitle…. Myanmar Subtitle (Hard Sub)

Blue Box (2024) IMDb Rating (7.9) လူသားတွေအတွက် မဖြစ်မနေရှင်သန်ဖို့ အောက်စီဂျင်လိုတယ်ဆိုရင်… ကျွန်တော့်အတွက် မမ ရှိမှဖြစ်လိမ့်မယ်… အပင်လေးတွေ နေရောင်မြင်ရမှ အသက်ဆက်နိုင်မယ်ဆိုရင်… ကျွန်တော် မမကို မြင်ရမှ ဖြစ်လိ့မ်မယ်… သူများတွေဟာ နေ့သစ်တစ်ရက်ကို ဘယ်လိုအစပြုသလဲ မသိရပေမဲ့ ကျွန်တော်ကတော့ မနက်အရုဏ်လင်းတာနဲ့ အားကစားရုံထဲကိုပြေး အဲဒီမှာ တစ်ချက်ခုန်လိုက်တာနဲ့ ပုခုံးဂုတ်ဝဲနဲ့ ပုံကျနေတဲ့ ဆံနွယ်လေးတွေ၊ ပစ်သွင်းရမယ့် ကျင်းထဲကို အာရုံစိုက်ကြည့်နေတဲ့ ဝိုင်းစက်ရွှန်းလဲ့တဲ့ မျက်လုံး၊ ပစ်လွှတ်လိုက်တဲ့ ဖြူနုသွယ်လျတဲ့ လက်ချောင်းပိုင်ရှင် မမကို တွေ့လိုက်ရမှ နေ့သစ်တစ်ရက်တာ ပြီးပြည့်စုံစေတယ်။ ဟုတ်ပါတယ်… သူဆိုတာ ကျွန်တော့်ထက် တစ်နှစ်ကြီးတဲ့ အထက်တန်း ဒုတိယနှစ် ဘတ်စကတ်ဘောသမား Chinatsu-Senpai ကို ပြောချင်တာ။ ကျွန်တော်က ပထမနှစ် ကြက်တောင်သမား လူသစ်လေးတစ်ယောက်၊ အားကစားရုံနဲ့ အိမ်နဲ့နီးတဲ့အတွက် အရင်ကတည်းက Senpai ကို ကြည့်ပြီး သဘောကျနေခဲ့တဲ့ ကောင်လေးပေါ့။ Senpai ဆိုတာက ဘတ်စကတ်ဘောအသင်းထဲမှာ ထူးချွန်တဲ့အပြင် ရုပ်ရော စိတ်သဘောထားရော လှပကျော့ရှင်းသူ ဖြစ်တဲ့အတွက် လူကြားသူကြား နာမည်ကြီးလှတဲ့ ကြယ်ပွင့်ကလေးတစ်လုံးပါ။ ကျွန်တော့်အတွက်တော့ ခူးဆွတ်ဖို့ဆိုတာက နတ်ပြည်ထိ ဓာတ်လှေကားဆောက်တက်မယ်ဆိုရင်တောင် သိပ်မသေချာတဲ့ အခြေအနေမျိုးပေါ့။ တစ်ရက်အရောက်မှာတော့ မခူးရ မပန်ရရင်နေပါ အလှကြည့်နေရလည်း ကျေနပ်ပါတယ်ဆိုတဲ့ ဘဝလေးကိုမှ ရက်ရက်စက်စက် မုန်တိုင်းပြင်းတစ်ခုက တိုက်စားသွားလေရဲ့… အဲဒါကတော့ သူ မိသားစုနဲ့အတူ နိုင်ငံခြားကို အပြီး ပြောင်းတော့မယ်တဲ့။ ရင်ဘတ်တစ်ခုလုံး ဗြောင်းဆန်ကြေကွဲနေတဲ့အချိန်မှာပဲ ကံကြမ္မာနတ်ဘုရားက သရော်အပြုံးလေးတစ်ချက်နဲ့ မေးရိုးကြီးပါ မြေကြီးအောက်ပုံကျသွားလောက်ရအောင် ကျီစယ်လှည့်စားလိုက်တဲ့အချိန်မှာတော့….။ Sport ရယ် Romance ရယ် ပေါင်းစပ်တင်ပြထားတဲ့ Anime ကောင်းတစ်ခုပါ။ Animation တွေဆိုရင်လည်း Telecom Animation Film အနေနဲ့ နောက်ခံတွေရော လူတွေရော အထူးသဖြင့် မျက်လုံးဆွဲထားတာတွေ တော်တော်ကြီး မိုက်ပါတယ်။ OP တွေ ED တွေကလည်း ဇာတ်သဘောအလိုက် ကောင်းမွန်နေပြန်ရော။ သူက အချစ်ဇာတ်လမ်းဆိုတော့ လူနှစ်ယောက်အကြောင်းတင်မကပဲ သုံးပွင့်ဆိုင်အပြင် တခြားဘေးနားကလူတွေရဲ့အကြောင်းလေးတွေကိုရော ထည့်ထားပေးလို့ ပျင်းနေရမှာကို မဟုတ်ပါဘူး။ ကြည့်ရင်နဲ့တောင် ငါက Team ဘယ်သူဘာညာဆိုပြီး ကွဲပြားသွားနိုင်ပါသေးတယ်။ Anime တို့ ထုံးစံအတိုင်း အားကစားလည်း ပါဝင်နေတဲ့အတွက် မဆုတ်မနစ် ကြိုးစားချင်တဲ့စိတ်တွေနဲ့ ခက်ခက်ခဲခဲ အားစိုက်ထုတ်မှုရဲ့ အသီးအပွင့်တွေ ဘယ်လိုခံစားရကြောင်း၊ အထက်တန်းကျောင်းသူကျောင်းသားတွေ ဖြစ်တဲ့အတွက် အချစ်ရေးနဲ့ ကိုယ့်ဝါသနာတွေကို ဘယ်လိုမျိုး လွန်ဆွဲပြီး ဘယ်အရာကို ဦးစားပေးကြမလဲဆိုတာကို မီးမောင်းထိုးပြ ပညာပေးသလိုပဲ ကြည့်လို့ရကြောင်း၊ လူငယ်သဘာဝ အချစ်ဇာတ်လမ်းလေးတွေကိုလည်း ရင်ခုန်လို့ရစေကြာင်း စသဖြင့်အစုံအလင် ခံစားစီးမျောနိုင်မှာပါ။ Fall season နဲ့ Winter season ရဲ့ အကောင်းဆုံး Romance စီးရီးတစ်ခုလို့ ပြောမယ်ဆိုရင် မလွန်လှဘူးလို့ နိဂုံးချုပ်လိုက်ပါရစေခင်ဗျာ...။ (အညွှန်းနဲ့ဘာသာပြန်ကတော့ Thura Aung ဖြစ်ပါတယ်။) File size…(400 MB) Quality….WEB-DL 1080p Format…. mp4 Genre….Animation,Comedy,Drama Duration….00:25:12 Subtitle….Myanmar Subtitle (Hardsub) Encoder….Thit San Khant Translated by Thura Aung

MyAnimeList – 7.1/10 နောက်ထပ် အချစ်-ဟာသ Anime စီးရီးလေးတစ်ခုနဲ့ မိတ်ဆက်ပေးချင်ပါတယ်။ သူကတော့ Rom-com ဆိုပေမဲ့လည်း ကျွန်တော် ကြည့်ရသလောက် Slice of life ပုံစံလေးရယ် နွေးထွေးတဲ့ မေတ္တာတရားအကြောင်းကို ဖော်ပြထားသလိုဆိုရင်လည်း မမှားပါဘူး။ ဇာတ်လမ်းလေးကတော့ တစ်ယောက်တည်းနေထိုင်တဲ့ အထက်တန်းကျောင်းသားလေး Hitoyoshi ရဲ့ အိမ်ကို နွေရာသီကျောင်းပိတ်ရက်မှာ ထူးခြားပြီး လှပချောမောတဲ့ အိမ်ဖော်အဝတ်အစားလေးနဲ့ အစေခံအဖြစ် လုပ်ကိုင်ပါရစေဆိုပြီး ပဟေဠိဆန်ဆန် ရောက်ချလာပါတယ်။ ဖြစ်ချင်တော့ ဒီကောင်မလေးဟာ သူ့တစ်ဘဝလုံး လူတွေသတ်လာတဲ့ လုပ်ကြံသတ်ဖြတ်ရေးသမားဟောင်းပါ၊ ဒီတော့ Hitoyoshi တစ်ယောက်ခင်ဗျာ လုပ်ကြံရေးသမားတော့ မလိုဘူး တစ်ယောက်တည်းနေတာမို့ အိမ်အကူအဖြစ် အိမ်ဖော်အဖြစ်လုပ်ချင်ရင်တော့ လုပ်လို့ရတယ် လုပ်မှာလားဆိုပြီး အတူတူ နေထိုင်ခဲ့ရာကနေ အစပြုထားပါတယ်…။ ငယ်စဉ်ကတည်းက မိဘနဲ့ ပတ်သက်တဲ့ စိတ်ဒဏ်ရာရှိပြီး ရိုးသားဖြူစင်စွာ နေထိုင်တတ်သူ Hitoyoshi ရယ် လူမဆန်စွာ ကြီးပြင်းခဲ့ရပြီး အတိတ်ဆိုးပေါင်းများစွာနဲ့ ဖြတ်သန်းခဲ့ရတဲ့ လုပ်ကြံသတ်ဖြတ်ရေးသမား ကောင်မလေးရယ် ဘယ်လိုမျိုး တစ်ဦးအပေါ်တစ်ဦး လိုအပ်ချက်တွေကို ဖြည့်စည်း ကူညီဖေးမရင်း ရှေ့ဆက်ကြမလဲဆိုတာ ဟာသတွေရော အချစ်ရေးလေးတွေရော ဒရမ်မာလေးတွေရော စသဖြင့် ပုံဖော်တင်ဆက်ထားတဲ့ အသစ်ထွက် Anime လေးပဲ ဖြစ်ပါတယ်။ သူနဲ့ အတူတူထွက်ရှိထားတဲ့ Yakuza Fiancé ထဲက Toxic ဆက်ဆံရေးတွေ Red flag ဆန်ဆန် ဇာတ်ကောင်တွေနဲ့ သူက ဆန့်ကျင်ဖက်ဖြစ်ပြီး ကြည့်ရတာ အေးချမ်းပြီး ဇာတ်ကောင်လေးတွေကလည်း Green Flag ဖြစ်တာကြောင့် သာယာစီးမျောနိုင်ဦးမှာ အမှန်ပါပဲ။ File Size :  450 MB Quality : WEB-DL 1080p Running Time : 23min Format : Mp4 Genre : Comedy, Slice of Life, Romance Subtitle : Myanmar Subtitle (Hard Sub) Translated by : Thura Aung Encode by : Thit San Khant

IMDB – 7.4/10, MyAnimeList – 7.1/10 ဒါကတော့ တိုက်ခိုက်တာတွေ ချတာတွေကို ရိုးနေမယ့် Anime ဖန်တွေအတွက် Rom-com အမျိုးအစား အသစ်ထွက်စီးရီးလေး ဖြစ်ပါတယ်။ Rom-com ဆိုလို့ အချစ်အကြောင်းတွေချည်း မဟုတ်ပဲ စီးရီးနာမည်အတိုင်း ယာကူဇာတွေရဲ့လောက သဘာဝတွေလည်း ပါဝင်ပါသေးတယ်။ ဇာတ်ကြောင်းလေး ပြောရမယ်ဆိုရင်တော့ Tokyo က ယာကူဇာမိသားစုရဲ့ မြေးဖြစ်သူနဲ့ Osaka က ယာကူဇာမိသားစုရဲ့ မြေးမလေးဖြစ်သူတို့ကို ပေးစားဖို့ဆိုပြီး ကောင်မလေးက Tokyo ကို ကျောင်းသွားတက်ရာကနေ အစချီထားတယ်။ သူရောက်သွားတဲ့အချိန်တော့ သူလက်ထပ်ရမယ့် သတို့သားလောင်းက ရုပ်ချောချောနဲ့ အမြဲတမ်း ပြုံးရယ်နေတတ်တဲ့လူပေါ့။ အကုန်လုံး အစစအရာရာ ကူညီပေး သဘောကောင်းပြီး အဆင်ပြေတယ်ဆိုပြီး ထင်ထားတဲ့အချိန်မှ သကောင့်သားက မင်းသားခေါင်းဆောင်းကို ချွတ်ပြီး ဘီလူးဆိုင်း တီးပါတော့တယ်။ ဒီကောင်မလေး ဘယ်လိုလုပ်မလဲ ကြောက်ကြောက်နဲ့ ပြန်ပြေးမလား အဘိုးပြောတဲ့အတိုင်း ၁ နှစ်ကို သည်းခံနေပြီး ဒီကောင့်ကို ပြန်ဖြဲမလား စသဖြင့် မင်းသမီးနဲ့ မင်းသား ဘုနဲ့ဘောက် အချိုးမပြေ ရန်သတ်ရင်း Toxic Relationship တစ်ခုကို ဘယ်လိုတည်ဆောက်ပြသွားမလဲဆိုတာ ကြည့်ရမှာပဲ ဖြစ်ပါတယ်။ မင်းသားက Red Flag လိုကောင်မျိုးမှ ကြည့်ချင်တာ ကြိုက်တာဆိုရင်တော့ ဒါ သင်တို့အတွက်ပါပဲ။ Rom-com ဆိုပေမဲ့ ယာကူဇာမိသားစုအကြောင်းတွေ ဇာတ်ရှုပ်ကြတာတွေ သတ်တာဖြတ်တာတွေအပြင် ဟာသလေးတွေလည်း ပါတာမို့ ရသစုံလေးပါပဲ။ File Size : 250 MB Quality : 1080p Running Time : 23min Format : Mp4 Genre : Comedy, Drama, Romance Subtitle : Myanmar Subtitle (Hard Sub) Translated by : Thura Aung Encode by : Thit San Khant

မထွက်ခင်ကတည်းက နာမည်ကြီးနေတဲ့ Anime စီးရီးကောင်းတစ်ခု ၂၀၂၄ ခုနှစ် နှစ်သစ်မှာ ပွဲဦးထွက်လာပါပြီ။ ဘာလို့ နာမည်ကြီးရသလဲဆိုတော့ Art style တွေ လှလွန်းလို့ဆိုပြီး နာမည်ကြီးနေတဲ့ ကိုရီးယား Webtoon ကို ဂျပန် Anime ပုံစံ အခြေခံ ရိုက်ကူးထားတာ ဖြစ်လို့ပါပဲ။ ထုတ်လုပ်ပေးမယ့် A1 Pictures ဆိုတာ နာမည်ကျော် Anime ဖြစ်တဲ့ Sword Art Online တို့ Fairy Tail တို့ Love is War တို့ Darling in the FranXX နဲ့ တခြားကောင်းမွန်ရာတွေကို ထုတ်လုပ်ပေးခဲ့တဲ့ ကုမ္ပဏီ ဖြစ်ပါတယ်။ သူလည်း Season အလိုက်လာမှာ ဖြစ်ပြီး Season 1 မှာတော့ ၂၅ ပိုင်း ပါဝင်သွားမယ်လို့ ထုတ်ပြန်ထားပါတယ်။ အဲဒါကြောင့် CM ကနေ အပတ်စဉ် အပိုင်းတိုင်းကို ထွက်တာနဲ့ အချိန်နဲ့တပြေးညီ အမြန်ဆုံး တင်ဆက်သွားမှာလည်း ဖြစ်ပါတယ်။ ဇာတ်လမ်းအကြောင်း ပြောရမယ်ဆိုရင်တော့ ဇာတ်အိမ်တည်ထားတဲ့ ကမ္ဘာကြီးမှာ Gate - ဂိတ် တွေ ပေါ်ပေါက်လာခဲ့တာ ဆယ်စုနှစ်ကျော်နေပါပြီ။ ဒီ ဂိတ်တွေဟာ ဘာလဲဆိုတော့ ကမ္ဘာနဲ့ တခြားကမ္ဘာခြားတွေကို ဆက်သွယ်ထားတဲ့အရာတွေပဲ ဖြစ်ပါတယ်။ နောက်ပြီး ဂိတ်ပေါက်တွေ ပွင့်လာကတည်းက လူတချို့ဟာလည်း သဘာဝလွန်စွမ်းအင်တွေ ပိုင်ဆိုင်လာကြပါတယ် ဒီလူတွေကို Hunter - မုဆိုးတွေလို့ ခေါ်ကြပါတယ်။ ဒီ မုဆိုးတွေဟာ သူတို့အစွမ်းတွေကို သုံးပြီး ဂိတ်ထဲက မကောင်းဆိုးဝါးတွေရှိတဲ့ Dungeon - မြေအောက်အကျဉ်းစခန်းတွေကို သွားရောက်တိုက်ခိုက် ပစ္စည်းရှာပြီး အသက်ရှင်နေထိုင်ကြတာပေါ့။ ဒါပေမဲ့လည်း ဒီကမ္ဘာမှာ အားအနည်းဆုံးမုဆိုးဆိုတာ ရှိပါတယ် အဲဒါ ကျွန်တော်တို့ဇာတ်ကောင် Jinwoo Sung ပေါ့ဗျာ သူ့ခမျာ မလုပ်ချင်ပေမဲ့လည်း အမေဆေးရုံဖိုးလေးရအောင် ဒဏ်ရာပေါင်းစုံနဲ့ ရှာကျွေးနေရသူပေါ့။ တစ်ရက်ကျ Jinwoo တစ်ယောက် အဆင့်နိမ့် မြေအောက်စခန်းတစ်ခုကို သွားရာကနေ အဆင့်မြင့်နေရာကို မှားရောက်သွားပြီး သေခါနီးဆဲဆဲမှာ ဘယ်လို စွန့်စားခန်းမိုက်မိုက်တွေ ဆက်ဖြစ်လာမလဲဆိုတာတော့ အပတ်စဉ် ဆက်လက်ကြည့်ရှုရမှာပဲ ဖြစ်ပါတယ်။ File Size –  700mb / 300mb Quality – 4K / 1080p Duration – 24 minute (@Episode) Total Episodes: 25Eps Subtitle – Myanmar Hardsub Format – Mp4 Genre :  Animation / Action  / Adventure Translator – Thura Aung Encoder – Thit San Khant

Trapezium (2024) IMDb - 6.2/10 ဇာတ်လမ်းအကျဉ်းကတော့ Azuma Yuu ဆိုတဲ့ East High ကျောင်းကအထက်တန်းကျောင်းသူလေးဟာ idol တွေကိုရူးသွပ်သလို သူ့ရဲ့အိပ်မက်ကလည်း idol တစ်ယောက်ဖြစ်လာဖို့ပါ. သူ့ရဲ့ဆန္ဒကတော့ အရှေ့အနောက်တောင်မြောက်ဖြစ်တဲ့ အနောက်ပိုင်း Techno အသက်မွေးဝမ်းကျောင်း အထက်တန်းကျောင်း, တောင်ပိုင်းသူတော်စင် Teneritas ကျောင်းနဲ့, North High ကျောင်းက ကျောင်းသူလန်းလန်းလေးတွေကိုစုပြီး NEWS (north east south west)ဆိုတဲ့ idolအဖွဲ့ဖွဲ့ချင်တာပါ. ကျောင်းတစ်ကျောင်းချင်းစီက စကီအလန်းလေးတွေကို သူငယ်ချင်းလိုက်ဖွဲ့ရင်း idol အဖွဲ့တစ်ခုဖြစ်လာအောင် ကျောင်းသူလေး Azuma Yuuရဲ့ ကြိုးစားအားထုတ်ပုံတွေကို သူငယ်ချင်းတွေကြားက ကိုယ်စီဘဝဇာတ်ကြောင်းတွေနဲ့ drama လေးတွေကြားက ကြည့်ရှုရမှာပါ....

(Special Episode ၃ ပိုင်း ထွက်လာလို့ တင်ဆက်ပေးလိုက်ပါတယ် ဒီ Special Ep ထဲမှာတော့ မင်္ဂလာဆောင်မတိုင်ခင် Miyo နဲ့ Kiyoka တို့ ဘာပြဿနာလေးတွေ ကြုံရဦးမလဲ မင်္ဂလာဆောင်ရော အောင်မြင်ပါ့မလားဆိုတာ ကြည့်ရမှာပါ...) Miyo Saimori ဆိုတဲ့ မိန်းကလေးက လူကြီးတွေစီစဉ်ထားလို့သာ လက်ထပ်ထားတဲ့ အချစ်မရှိတဲ့အိမ်ထောင်ရေးကနေမွေးဖွားလာတဲ့ ကံအကြောင်းမလှတဲ့ မိန်းကလေးပါ။ တစ်နေ့ သူ့အမေဖြစ်သူ ဆုံးသွားတော့ အဖေဖြစ်သူက သူ့ရဲ့ချစ်သူနဲ့ သမီး Kaya ကို အိမ်ခေါ်လာခဲ့ပါတယ်။ အဲ့‌အချိန်ကနေစပြီး Miyo ရဲ့ ဘဝဟာ အစေခံသာသာအဖြစ်သို့ ရောက်ရှိသွားပါတယ်။ ပိုဆိုးတာကတော့ Miyo ဟာ မိသားစုအမွေဖြစ်တဲ့ စိတ်စွမ်းအင်ကို မဆက်ခံနိုင်ပဲ အဖေ့နောက်မိန်းမရဲ့ သမီးဖြစ်သူ Kaya က ဆက်ခံနိုင်စွမ်းရှိတာကြောင့် Miyo ရဲ့ ဘဝဟာ အမှိုက်သာသာအဆင့်သို့ ရောက်သွားရပါတော့တယ်။ နှစ်များစွာ အမှိုက်တစ်ခုလိုဆက်ဆံခံလာရတာကြောင့် Miyo ဟာ နာကျင်စရာတွေကို လက်ဝယ်ပိုက်ရင်း အရာအားလုံးကိုခေါင်းငုံခံကာ အမိန့်မှန်သမျှကိုနာခံခဲ့ရပါတယ်။ တစ်နေ့မှာတော့ မမျှော်လင့်ပဲ ကြောက်မက်ဖွယ်ကောင်းလှအောင် ရက်စက်လှပါတယ်လို့ သတင်းထွက်နေတဲ့ စစ်တပ်ခေါင်းဆောင် Kiyoka Kudou နဲ့ လက်ထက်ဖို့အိမ်က စီစဉ်ပေးတာကို လက်ခံခဲ့ရပါတယ်။ မထင်မှတ်ထားတာကတော့ Kiyoka ဆိုသူဟာ လူတွေပြောနေကြသလို ရက်စက်တဲ့မဟုတ်ပဲ ကြင်နာတတ်တဲ့လူဖြစ်နေတာကြောင့် Miyo ရဲ့ အိမ်ထောင်ရေးဘဝဟာ ဘယ်လိုမျိုး ပျော်ရွင်မှုတွေအပြည့်နဲ့ စောင့်ကြိုနေမလဲဆိုတာကို တွေ့ရမှာဖြစ်ပါတယ်။ File size… 600 MB Quality… WEB-DL 1080p Format… mp4 Duration…. 1h 40m Genre ..... Romance / Drama Subtitle…. Myanmar Subtitle (Hard Sub) Encoder…. Zin Sann Oo

Mashle: Magic and Muscles Genre – Anime, Action, Adventure, Comedy IMDB – 7.6/10 MyAnimeList – 7.6/10 Harry Potter နဲ့ One Punch Man ကို ပေါင်းစပ်ထားသလို ဖြစ်မယ့် Anime ကောင်းလေး လာပါပြီ။ Harry Potter နဲ့ တူတယ်ဆိုတာက Hogwart ကျောင်းပုံစံတွေ ဦးထုပ်နဲ့ အဆောင်ခွဲတာမျိုးတွေ တံမြက်စည်းပျံ Quidditch ပြိုင်ပွဲတွေ မှော်ကြိမ်လုံးတွေ စသဖြင့် တခြားဟာတွေလည်း ပါဝင်ပါသေးတယ်။ One Punch Man နဲ့ တူတာကတော့ လေ့ကျင့်ခန်းအသေလုပ်ထားပြီး အသေကြမ်းထော်နေတဲ့ကောင်ပေါ့ ဒါပေမဲ့ ရုပ်တည်ကြီးနဲ့ သောက်ခွက်ပြောင်လို့ အသေရယ်ရတာမျိုးရယ် ကျန်တာတော့ သိပ်ပြောလို့မကောင်းပါဘူး Spoil သလို ဖြစ်မှာစိုးလို့ ကိုယ့်ဘာသာ ကြည့်လိုက်ကြပါတော့။ ဒီလိုပြောလို့ ဇာတ်လမ်းကတော့ သူ့ဟာနဲ့သူ သီးသန့်ကွဲထွက်နေတဲ့ Storyline ပါ မှော်လောကဆိုတာကိုပဲ ဖရိန်ယူထားတဲ့သဘော။ ဇာတ်လမ်းကတော့ တစ်လောကလုံးက မှော်ပညာတတ်စွမ်းကြပြီး လူသားတွေရဲ့ နိစ္စဓူဝမှာ မပါမဖြစ် ရှိနေတဲ့ကမ္ဘာမှာ ဇာတ်အိမ်တည်ထားတယ်။ မှော်ပညာမတတ်ရင် အဖမ်းခံရ အသတ်ခံရတာမျိုးထိပါ ရှိတာပေါ့။ ဒီမှာ ကျွန်တော်တို့ ဇာတ်လိုက်ကျော်ကြီး Mash ဆိုတဲ့ကောင်က ဘာမှော်ပညာမှ မတတ်တဲ့ကောင် အဲဒါကြောင့် သူ့အဖေဖြစ်သူက လူသူနဲ့ဝေးတဲ့ တောထဲမှာပဲ ပြုစုပျိုးထောင်ခဲ့တာ။ တစ်ခုခုဆို ခုခံနိုင်အောင်ဆိုပြီး လေ့ကျင့်ခန်းတွေလည်း မဟားတရားလုပ်ခိုင်းထားတော့ လူမဆန်ပဲ အ ားအသေသန်တဲ့ကောင်ကြီး ဖြစ်နေရော။ ဒါပေမဲ့ တစ်ရက်ကျ သိတဲ့အတိုင်း တားမြစ်ထားတာကိုမှ လုပ်ချင်ကြတဲ့ ဆယ်ကျော်သက်အရွယ်ဆိုတော့ မြို့ထဲကိုထွက်ပြီး မုန့်ထွက်ဝယ်ရာကနေ သူ့ရဲ့ ဖြစ်တည်မှုကို သိသွားကြလို့ မှော်ဝန်ကြီးဌာနက အသေလိုက်ဖမ်းတော့တာပေါ့။ ဒီလိုနဲ့ လိုက်ဖမ်းတဲ့လူက ဖအေမျက်နှာကိုထောက်ရင် အပေးအယူတစ်ခုလုပ်ရမယ်ဆိုပြီး ကမ်းလှမ်းခဲ့တယ်။ အဲဒါကတော့ မှော်အကယ်ဒမီကျောင်းကိုတက်ပြီး နတ်ဘုရားလူရည်ချွန်ဆု ရအောင်ယူခဲ့ရင် မင်းတို့သားအဖကို အေးဆေးလွှတ်ပေးမယ်ဆိုတော့ Mash တစ်ယောက် အူကြောင်ကြောင်နဲ့ မှော်ပညာမတတ်ပဲ တတ်ချင်ဟန်ဆောင်ပြီး လူရည်ချွန်ဆုရဖို့ မှော်ကျောင်းတက်တဲ့ စွန့်စားခန်းအကြောင်းတွေကို ကြည့်ရမှာပါ။ ကိုယ်ပိုင်အမြင်ပြောရရင် အသေရယ်ရပါတယ် ချတာတွေမိုက်တယ် နောက်ခံသီချင်းတွေ မိုက်တယ်။ ဟယ်ရီပေါ်တာတို့လို မှော်ကြိမ်လုံးနဲ့ အစွမ်းတွေထုတ် ချကြတာဆိုပေမဲ့ ဒီမှာကျ လူတစ်ယောက်မှာ ကိုယ်ပိုင်မှော်ပညာတစ်မျိုး ရှိတာမျိုး ထည့်ထားတာ တော်တော်မိုက်တယ်။ နောက်ပြီး မှော်ပညာမတတ်တဲ့ မင်းသားက မှော်ကျောင်းမှာ ဘယ်လိုတွေ အခွက်ပြောင်ပြီး အတန်းတက်တယ်ဆိုတာလည်း အူတက်နေအောင် ရယ်ရပါတယ် Physical ပိုင်း အရမ်းကြမ်းနေတော့ ဘယ်လိုမျိုး နည်းဗျူဟာတွေနဲ့ မှော်ပညာအယောင်ဆောင်မလဲဆိုတာ ဆက်တိုက် ခွီနေရပါတယ်။ သေချာတာတော့ ဒါကြည့်ပြီးရင် Cream Puff မုန့် စားချင်လာကြပါလိမ့်မယ်လို့ ပြောရင်း နိဂုံးချုပ်လိုက်ပါစေဗျ။ File size…    400 MB Quality… Web-DL 1080p Format… mp4 Duration…. 23m Genre ..... Comedy/Anime Subtitle…. Myanmar Subtitle (Hard Sub) Encoder…. Thit San Khant Translated by... Thura Aung

My Next Life as a Villainess: All Routes Lead to Doom! The Movie (2023) IMDb - 6.7/10 , MyAnimeList - 7.1/10 ဒီ Anime Movie ထဲမှာတော့ ဇာတ်လိုက်မင်းသမီးဟာ သူ့ရဲ့သူငယ်ချင်းဆီက "မနက်ဖြန်ကိုရှာဖွေခြင်း"ဆိုတဲ့" ဂိမ်းခွေကို ငှားပြီးဆော့ကြည့်ခဲ့ပါတယ်။ အဲဒီနောက်မှာတော့ ကောင်မလေးက ဂိမ်းထဲကဇာတ်ကောင် သခင်မလေး Catarina အဖြစ်နဲ့ ပြန်ပြီးမွေးဖွားလာခဲ့ပါတယ်။ ဇာတ်လမ်းအကျဉ်လေးကတော့ ဂိမ်းထဲကဇာတ်ဆောင်မင်းသား Aaqil ဟာ Mutrac တိုင်းပြည်ကနေ Catarina တို့ရှိတဲ့ Sorcier တိုင်းပြည်ဆီကို သူတို့ဆီကခိုးယူသွားခဲ့တဲ့ နတ်ဟင်္သာကြီးကိုပြန်ယူဖို့အတွက် တမန်တော်တွေနဲ့အတူရောက်လာခဲ့ပါတယ်။ Mutrac ဘုရင်ကြီးရဲ့မျိုးဆက်တွေဟာ တိရစ္ဆာန်လေးတွေရဲ့ စိတ်ကိုနားလည်ပြီး သူတို့ကို ထိန်းချုပ်နိုင်စွမ်းလည်းရှိပါတယ်။ မင်းသားလေး Aaqil လည်း သူပိုင်ထားတဲ့စွမ်းရည်တွေနဲ့ တိရစ္ဆာန်လေးတွေကိုထိန်းချုပ်ပြီး နယ်လှည်ဈေးသည်အဖွဲ့နဲ့ နယ်လှည့်ပြီးပြပွဲတွေကပြပါတော့တယ်။ Sorcier တိုင်းပြည်က မင်းသားလေး Geordoရဲ့သတို့သမီးလောင်း Catarinaဟာ မြို့ထဲကိုထွက်ကာ အစားအသောက်တွေ စာအုပ်တွေထွက်ဝယ်လေ့ရှိပါတယ်။ အဲဒီအချိန်မှာ နယ်လှည့်ဈေးတန်းကြီးကို မြင်တန်းသွားပြီး Aaqilတို့အကအဖွဲ့နဲ့တွေ့ဆုံဖို့ဖြစ်လာပါတော့တယ်။ တစ်ဖက်မှာလည်း Aaqilတို့အဖွဲ့ဟာ တမန်တော်အဖြစ်နဲ့ နန်းတော်ရဲတိုက်ထဲကိုဝင်ကို နတ်ဟင်္သာကြီးကို ဘယ်လိုရှာပုံတော်ဖွင့်ကြမလဲဆိုတာရယ် ဂိမ်းထဲကဖြစ်ပျက်သမျှအကြောင်းတွေကို မှတ်မိသွားတဲ့ သခင်မလေး Catarinaနဲ့ရော ဘယ်လိုတွေကြုံတွေ့ရဦးမလဲဆိုတာ ကြည့်ရှုပေးကြပါဦး...။

Maboroshi (2023) ~ IMDb - 6.4/10, RT - 62%, MyDramaList - 7.3/10 ~ အဲဒီမြို့ကလေးမှာ လူတွေဟာ ဘယ်တော့မှ ရုပ်ရော နာမ်ရောပြောင်းလဲမလာကြဘူး။ ဒီအဖြစ်တွေဟာ မြို့ကလေးရဲ့ကောင်းကင်မှာ အက်ကွဲကြောင်းတွေပေါ်လာပြီး ဒီမြို့ကလေးရဲ့ အချက်အချာ စတီးစက်ရုံကြီးကို နတ်ဘုရားတွေ ဝင်စီးရာက စတယ်။ ဒီစတီးစက်ရုံကြီးက တစ်မြို့လုံးက လူတွေအားလုံးကို အလုပ်ပေးထားတဲ့နေရာတစ်ခု။ ကောင်းကင်မှာ အက်ကွဲကြောင်းတွေပေါ်လာပြီး တစ်ခုသောမနက်မှာ စတီးစက်ရုံကြီးဟာ ဘယ်သူမှ ဝင်လည်ပတ်ပေးစရာမလိုဘဲ သူ့ဘာသာ လည်ပတ်နေတော့တယ်။ စက်ရုံက အဓိကထုတ်ပေးတာက ဝံပုလွေလို သဏ္ဍာန်ရှိတဲ့ မီးခိုးတွေပေါ့။ အဲဒီမီးခိုးတွေက အလုပ်၂ခုလုပ်တယ်။ တစ်ခုက ကောင်းကင်က အက်ကွဲကြောင်းကိုဖာတာ၊ တစ်ခုက လူတွေကို ပျောက်ကွယ်အောင်လုပ်တာ။ ဘယ်လိုလူတွေကိုပျောက်ကွယ်အောင် လုပ်သလဲဆိုရင်တော့ ခံစားချက်ရှိတဲ့လူတွေကို...။ အဲဒီမြို့ကလေးက လူတွေဟာ ခံစားချက်ရှိနေလို့မရဘူး။ ခံစားချက်မရှိအောင်လည်းနေရတယ်။ ခံစားချက်တစ်ခုရှိလာပြီဆိုတာနဲ့ မီးခိုးဝံပုလွေတွေဟာ အဲဒီလူကို ဝါးမြိုသွားတတ်တယ်။ ခံစားချက်ရှိလာလေ လူတွေရဲ့ နှလုံးသားမှာ အက်ကွဲကြောင်းတွေပေါ်လာလေ မြို့ကလေးရဲ့ ကောင်းကင်က အက်ကွဲကြောင်းတွေကလည်း ပိုအက်ကွဲလာပြီး မြို့ဟာ ပိုပျက်လာတတ်တယ်။ မြို့က လူကြီးတွေက အဲဒီမြို့ကလေးကလူတွေကို အပြောင်းအလဲမရှိအောင်ရော ခံစားချက်မရှိအောင်ရော ထိန်းချုပ်ထားတယ်။ သူတို့ခံစားချက်တွေ မပြောင်းလဲကြသလိုပဲ အဖြစ်တွေ ရာသီတွေကလည်း မပြောင်းလဲဘူး။ အမြဲတမ်း ဆောင်းကျနေတဲ့ မြို့ကလေးမှာ သူတို့အသက်တွေကလည်း ကြီးမလာကြသလို မြို့ကလေးကလူတွေမှာ ဘယ်လိုဒဏ်ရာမျိုးပဲရရ နာကျင်မှုဆိုတာလည်း မရှိဘူး။ ရုပ်ရဲ့အထိအခိုက်နဲ့ နာကျင်မှုကို သူတို့တွေရှာကြည့်ကြပေမဲ့လည်း နာကျင်မှုက သူတို့ဆီ ရောက်မလာခဲ့ဘူး။ သူတို့ကိုနာကျင်စေနိုင်တဲ့ တစ်ခုတည်းသောအရာက ချစ်မိခြင်းပဲရှိခဲ့တယ်။ ချစ်မိသူတွေများလာရင်လည်း မြို့ကလေးရဲ့ကောင်းကင်မှာ အက်ကွဲကြောင်း‌တွေ တိုးသည်ထက်တိုးလာရင်း မြို့ကလေးရဲ့ပျက်ကပ်ဟာ ဆိုက်ရောက်လာလိမ့်မယ်။ တချို့ကတော့ ဒီမြို့ကလေးဟာ နတ်ဘုရားတွေရဲ့ အမျက်တော်ရှခံနေရတာလို့ ဆိုကြတယ်။ တစ်ချို့ကတော့ ဒီမြို့ကလေးဟာ နတ်ဘုရားတွေရဲ့ ကရုဏာလို့ဆိုကြတယ်။ မြို့ကလေးကလူတွေကို ရှိခဲ့ဖူးတဲ့ အလှပဆုံးအချိန်တစ်ခုမှာ သိမ်းဆည်းထားပေးချင်တာလို့ ဆိုကြတယ်။ အလှပဆုံးအချိန်တွေမှာ ခံစားချက်မဲ့စွာရှင်သန်မလား... ခံစားချက်တစ်ခုရဲ့ အရွေ့မှာ မြို့ကလေးရဲ့ ကောင်းကင်အက်ကွဲကြောင်းတစ်ခုတိုးစေမလား... ကတော့ မြို့ကလေးက လူတွေရဲ့ ရွေးချယ်မှုပေါ့။ Maboroshi မှာ အဲဒီရွေးချယ်မှုတွေ ဘယ်လောက်ခက်ခဲပြီး အဲဒီရွေးချယ်မှုတွေ ဘယ်လောက်လှပလဲ မြင်ရလိမ့်မယ်။ အခုပြောနေတဲ့ဇာတ်ကြောင်းဟာ စတိသဘောပါပဲ။ Maboroshi ရဲ့ ဇာတ်ကြောင်းဟာ ဒီထက်အများကြီးပိုရှုပ်ထွေးတယ်။ Maboroshiဟာ ဘယ်လိုကားမျိုးလဲပြောရရင် ကျွန်တော့်အတွက်တော့ Fragmentation တစ်ကြောင်းကို ပြန်အမှတ်ရစေခဲ့တယ်။ "ပြောင်းလဲမရနိုင်တဲ့ရင်နာစရာတွေအတွက် ချစ်စရာ အနုပညာထွက်ပေါက်ဟာ အိမ်နီးချင်းတိုတိုရိုကလေးမှာ ရှိနေတယ်" ဆိုတဲ့ စာသားတစ်ကြောင်းပေါ့။ တိုတိုရိုနဲ့ မတူတာက ဒီရုပ်ရှင်ကတော့ အရှိတရားကို လက်ခံပြီး ဒီထွက်ပေါက်တွေကနေ ကျွန်တော်တို့ရွေ့ပြီး ပိုလှတဲ့နေ့တွေအတွက် ရှေ့ဆက်မလား။ ဒီထွက်ပေါက်ကလေးကိုပဲ မက်မောပြီးနေလိုက်မလားဆိုတာကို ပြသွားခဲ့တယ်။ Maboroshi ဟာ အန်နမဲကြည့်နေကျမဟုတ်တဲ့လူတွေအတွက်တော့ အဆင်ပြေဖို့မသေချာပေမဲ့ အန်နမဲဖန်တွေအတွက်တော့ ကားကောင်းတစ်ကားဖြစ်နေလိမ့်မယ်။ Perfect Blue, Paprika, The Prestige, Inception, Shutter Island နဲ့ Predestionation တို့လို ရုပ်ရှင်တွေကြိုက်တဲ့လူတွေလည်း ကြိုက်ကောင်းကြိုက်ကြပါလိမ့်မယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 1.4GB, 720MB Quality - 1080p, 720p IMDb Rating - 6.4/10 Format - mp4 Duration - 1H 51Min Genre - Animation, Drama, Fantasy Subtitle - Myanmar Subtitle (Hardsub) Translated by WiRa Aung Encoded by Y

One piece red film ................................. IMDb 6.9/10 Rotten Tomatoes 95% ဒီကားက​တော့ One Piece Animation Movie​တွေရဲ့၁၅ကား​မြောက်ရုပ်ရှင်ပါ။ မထွက်ခင်ကတည်းက ပရိသတ်​တွေကြား ​တော်​တော်ကိုhypeခဲ့ကြသလို ထွက်လာ​တော့လည်း Jujutsu no Kaisen movieကို ရုံဝင်​ငွေမှာ ​အ​မေရိကန်​ဒေါ်လာ၁၈၀သန်းနဲ့တောက်ချပစ်ခဲ့ပါတယ်။ ဒီရုပ်ရှင်ဟာ one piece anine seriesရဲ့အပိုင်း၁၀၀၀ပြည့်​မြောက်တဲ့ အထိမ်းအမှတ်နဲ့ထုတ်ခဲ့တာပါ။ ဒါ​ပေမဲ့ one piece film red စီးရီးဇာတ်လမ်းနဲ့​တော့ဆက်မ​နေပဲ alternate timelineအ​နေနဲ့(non canon)ပဲရှိပါတယ်။ ဆို​တော့ကာ စီးရီးကြည့်ပြီး Shanksရဲ့သမီးက ဘယ်က​ပေါ်လာတာလဲစဥ်းစားမ​နေနဲ့ဗျ။ ဇာတ်လမ်းအကျဥ်းကို​ပြောရရင်​တော့ ဖျက်ဆီးခံလိုက်ရပြီလို့လူသိများတဲ့ Elegiaကျွန်း​ပေါ်မှာ နာမည်​ကျော်အဆို​တော်မ​လေး Utaဟာ သမိုင်းတွင်​လောက်မယ့်ရှိုးပွဲတစ်ခုကိုလုပ်ဖို့ စီစဥ်ထားတာ​ကြောင့် ငဖီတို့အဖွဲ့လည်း ရှိုးပွဲကြည့်ဖို့​ရောက်လာပါတယ်။ ရှိုးပွဲကို​​ရောက်​တော့ ငဖီနဲ့ Uta​တွေ့ဆုံချိန်မှာ Utaဟာ ငဖီရဲ့ငယ်သူငယ်ချင်းဖြစ်​နေတာကိုသိလိုက်ရပါတယ်။ Utaဟာ သူ့ရဲ့ရှိုးပွဲဟာ ရာသက်ပန်​ပျော်ရွှင်​စေမယ့်ပွဲဖြစ်​စေရမယ်လို့ ​ကြေညာခဲ့ပြီး ​ရွှေပွဲလာပရိသတ်​တွေကိုလည်းဆန်းကြယ်တဲ့​ ဖျော်​ဖြေမှု​တွေနဲ့တင်ဆက်ခဲ့ပါတယ်။ ဒါ​ပေမဲ့ သူ့ရဲ့ရှိုးပွဲ​နောက်ကွယ်မှာ​တော့ ​မှောင်မိုက်တဲ့လျှို့ဝှက်ချက်တစ်ခုဟာ ​စောင့်ကြို​နေပါတယ်။ အဲ့ဒီလျှို့ဝှက်ချက်က​တော့..... File size…2.68GB / 1.36GB Quality…1080p HEVC / 720p  Format…mp4 Duration….1h 55m Subtitle….Myanmar Subtitle(Hard Sub) Encoder….Thit San Khant Translated by Dr.Nyan

Godzilla Anime Trilogy (2017-2018) ဒီ Godzilla Anime ၃ ကားတွဲက ကျွန်တော်တို့ မြင်ဖူးနေကြ Monster ကြီးတွေ အချင်းချင်းတွေ တိုက်ခိုက်တာကို ဦးစားပေးတဲ့ အက်ရှင်ကားမျိုး မဟုတ်တော့ပါဘူး။ နည်းပညာတွေ တိုးတက်လာပြီး ထိပ်ဆုံးကိုရောက်ရှိလာတဲ့ လူသားတွေရဲ့ အတ္တလောဘ ဒေါသတွေအကြောင်း၊ သဘာဝတရားရဲ့ တုံ့ပြန်မှုနဲ့ ရှင်သန်ခြင်း အနက်အဓိပ္ပာယ်ဆိုတာတွေကို Sci-fi တစ်ဖြစ်လဲ ဒဿနဆန်စွာနဲ့ ဖော်ကျူးပေးထားတဲ့ ၃ ကားတွဲ Trilogy တစ်ခုပဲ ဖြစ်ပါတယ်။ ပထမဆုံးကား Godzilla: Planet of the Monsters က ၂၀၁၇ ခုနှစ်မှာ ထွက်ရှိခဲ့ပြီး ဒုတိယကား Godzilla: City on the Edge of Battle နဲ့ တတိယကား Godzilla: The Planet Eater တို့ကတော့ ၂၀၁၈ ခုနှစ်မှာတင် အကုန်ထွက်ရှိထားတာပဲ ဖြစ်ပါတယ်။ အကုန်လုံးကို ခြုံပြီး အညွန်းပြောပြပေးရမယ်ဆိုရင်တော့ ကမ္ဘာမြေပေါ်က လူသားတွေ Kaiju ဘုရင်ကြီး Godzill ‌ကြောင့် ကမ္ဘာမြေကို စွန့်ခွာလာခဲ့ရပြီး အာကာသကြီးထဲမှာ ဘယ်သွားရမလဲမသိပဲ အရင်းအမြစ်တွေ ကုန်ဆုံးလာပြီး ဒုက္ခသည်တွေအနေနဲ့ လွင့်မျောနေကြရပါတယ်။ အဲဒီမှာတင် အဓိကဇာတ်လိုက်ဖြစ်တဲ့ Haruo ဆိုတဲ့ လူငယ်လေးက ငယ်ဘဝကလေးအရွယ်ကတည်းက အမိမြေကို စွန့်ခွာလာခဲ့ရတာဆိုတော့ Godzilla ကို စက်ဆုပ်ရွံရှာပြီး သတ်ပစ်ချင်နေတဲ့သူ ကမ္ဘာပေါ်ကို ပြန်ချင်နေတဲ့သူပေါ့။ ဒီတော့ Godzilla ကို သတ်ဖို့ အကြံအစည်တွေရှိပါတယ် တခြားဂြိုလ်တွေ ရှာမတွေ့မယ့်အတူတူ အမိမြေကိုပဲ ပြန်ပြီး ပြန်သိမ်းပိုက်မယ်ဆိုပြီး ပြန်လာခဲ့ကြပါလေရော။ အဲဒီမှာတင် သူတို့က ယာဉ်ပေါ်မှာ ၂၂ နှစ်ပဲ အချိန်ကြာမြင့်ပေမဲ့ အာကာသခုန်ကူးမှုစနစ်ကြောင့် ကမ္ဘာပေါ်မှာတော့ နှစ်ပေါင်း ၂ သောင်းလောက် ကြာသွားခဲ့ပါပြီ။ ဆရာသမား Godzilla ရဲ့ အုပ်စိုးမှုအောက်မှာ ဂေဟစနစ်တွေလည်း ပြောင်းလဲနေခဲ့တာပေါ့။ Haruo ဦးဆောင်တဲ့ တိုက်ခိုက်ရေးတပ်ဖွဲ့တွေ Godzilla ကို နှိမ်နှင်းကြမယ်ဆိုပြီး ကမ္ဘာပေါ် ပြန်ဆင်းခဲ့ကြတာကစလို့ ဒီ ၃ ကားတွဲဇာတ်လမ်းရှည်ကြီး ဖြစ်ပေါ်လာခဲ့ပါတော့တယ်။ ပထမကားမှာ Haruo တို့နဲ့ ကမ္ဘာပေါ်က လက်ကျန် Godzilla ကြီးတို့ တိုက်ပွဲတို့ ဒုတိယကားမှာဆို ကမ္ဘာပေါ်က လက်ကျန်မျိုးနွယ်စုနဲ့ တခြားစိတ်ဝင်စားစရာအကြောင်းအရာတို့ နောက်ဆုံးကားမှာဆို တခြားနာမည်ကျော် Kaiju ‌တွေရော ပါလာပြီး ရှယ်ဇာတ်သိမ်းပေးထားတာမို့ Godzilla ဖန်တွေရော Anime ဖန်တွေရော Sci-fi ဖန်တွေရော လက်လွတ်မခံသင့်တဲ့ Trilogy ဖြစ်တာကြောင့် အားပေးကြည့်ရှုဖို့ ဖိတ်ခေါ်လိုက်ပါရစေဗျာ...။

Konosuba Season 1 ထွက်ထားတာကြာပြီဆိုပေမယ့် cmဗားရှင်းအနေနဲ့ မရှိတာရော အတော်လေးလဲရယ်ရပြီး အကြိုက်ဆုံး Animeစီးရီးတခုမလို့ တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ အမြဲတမ်း ကွန်ပြူတာဂိမ်းတွေဆော့ပြီး နေထွက်လိူ့ ထွက်မှန်းတောင် မသိတဲ့ ကာဇူမဟာ နေသာတဲ့ မနက်ခင်းတစ်ခုမှာ ဂိမ်းခွေအသစ်ထွက်၀ယ်တာကနေ စရမှာပါပဲ။ နေသာတဲ့မနက်ခင်းနဲ့ ကာဇူမက တကယ့်ရန်သူလိုပါပဲ တနေကုန်ဂိမ်းဆော့ အိမ်တွင်းအောင်းနေတဲ့ ကာဇူမအတွက် နေရောင်က တကယ့်ရန်သူလိုဖြစ်နေတာပေ့ါဗျာ။ ဒါနဲ့ သူဂိမ်းဆိုင်ဆီလျှောက်လာရင်း အမြန်လမ်းမပေါ်မှာ လယ်ထွန်စက်တစီးက မောင်းလာတာကို မမြင်တဲ့ စကီလေးတဗွေကို တိုက်မိမှာ‌ဆိုးလိူ့ ကယ်မယ်ဆိုပြီး အပြေးမှာ လယ်ထွန်စက်က စကီလေးကိုလဲ မတိုက် သူ့လဲ မတိုက်ပဲ သူက အသလွတ်ကြီး လန့်ဖြန့် ရှူးရှူးထွက်ပြီး သေဆုံးခဲ့ရပါတော့တယ်။ ဒါနဲ့ သူ့ဝိညာဉ်က ‌ကောင်းကင်ဘုံတံခါး၀ကိုရောက်သွားပြီး နတ်ဘုရားမလေး Aquaနဲ့‌ဆုံတွေ့ခဲ့ရပါတော့တယ်။ အဲ့ဒီမှာစပြီး သူ့ဘ၀ဟာ နဂိုတည်းက ဗရမ်းဗတာဖြစါရကြားထဲ နတ်ဘုရားမလေး Aquaနဲ့တွေ့မှ ငါးပါးပါမှောက်တာကို အတော်လေးခွီ၇အောင် ရေးထားတဲ့ ဇာတ်အိမ်မလို့ စိတ်အပန်းဖြေကြည့်ရအောင် တင်ဆက်ပေးလိုက်ပါတယ်။ Translated by : Aung Tayza Encoded by : Thit San Khant Quality : 1080p HEVC File Size : 300MB Duration : 24  min per  episode