Sam Neill ပါဝင်သော ဇာတ်ကားများ

Untamed (2025) Season 01 (စ/ဆုံး) IMDb Rating (7.3) / Rotten Tomatoes (78%) crime, mystery, thriller, drama ဇာတ်လမ်းအမျိုးအစားဖြစ်ပြီး IMDb rating 7.3 ရရှိထားတဲ့ NETFLIX ရဲ့ mini series တစ်ခုပဲဖြစ်ပါတယ်။ Yosemite National park ထဲမှာဇာတ်အိမ်တည်ပြီးရိုက်ကူးထားတဲ့မှုခင်းဇာတ်လမ်းတွဲတစ်ခုပါ။ ဇာတ်လမ်းအကျဉ်း သဘာဝတောရိုင်းဥယျာဉ်ထဲက အမျိုးသမီးငယ်လေးတစ်ဦးတောင်ထိပ်ပေါ်ကပြုတ်ကျလာတဲ့အကြောင်းအရင်းကိုစုံစမ်းစစ်ဆေးရင်း သဘာဝတရားကြီးရဲ့လျှို့ဝှက်နက်နဲတဲ့အလှအပတွေထဲမှာ ရှုပ်ထွေးပွေလီလှတဲ့စရိုက်တွေနဲ့ လူသားတွေဟာ သားကောင်ဖြစ်နေတာလား မုဆိုးဖြစ်နေတာလား ဆိုတာကိုလျှို့ဝှက်ချက်များစွာနဲ့စိတ်ဝင်စားဖွယ်ရိုက်ကူးတင်ဆက်ပြသထားတဲ့ဇာတ်လမ်းလေးပဲဖြစ်ပါတယ်။ (အညွှန်းနဲ့ဘာသာပြန်ကတော့ Senju ဖြစ်ပါတယ်။) File size… (2.7 GB) / (900 MB) / (450 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime,Drama, Mystery, Thriller Duration…. 50min Subtitle…. Myanmar Subtitle (Hardsub) Encoder…. Benjamin Translated by Senju

Family dramaကြိုက်တဲ့ CMပရိသတ်တို့အတွက် IMDb 6.9 ရထားတဲ့ peacock tv ရဲ့drama mystery ဇာတ်လမ်းတွဲလေးတစ်ခု တင်ဆက်ပေးချင်ပါတယ်။ ငွေကြေးချမ်းသာပြီး West Palmရဲ့ဂုဏ်သရေရှိမိသားစုလည်း ဖြစ်တဲ့ တင်းနစ်သင်တန်းကျောင်းဖွင့်ထားတဲ့ ဒလန်နီမိသားစုထဲက အရှုပ်အရှင်းတွေကို မြင်တွေ့ရမယ့် ဇာတ်လမ်းလေးတစ်ပုဒ်ပေါ့။ မြို့ရဲ့မျက်နှာဖုံး ဂုဏ်သရေရှိ တင်းနစ်ချန်ပီယံ ဂျွိုင်းနဲ့စတန်တို့မှာ ထရွိုင်း လိုဂန် ဘရွတ်ခ်နဲ့ အေမီဆိုတဲ့ သားသမီး ၄ ယောက်ရှိပြီး အောင်မြင်တဲ့ တင်းနစ်သင်တန်းကျောင်းကြီးကို ဦးစီးနေကြတာပေါ့။ သားသမီး ၄ ယောက်ထဲမှာ အဖေနဲ့အမေလို တင်းနစ်ပါရမီပါတဲ့ သူတွေရှိပေမဲ့လည်း ဘယ်သူမှ တင်းနစ်သင်တန်း‌ကျောင်းကို ဦးစီးမယ့်သူမရှိလေတော့ သူတို့အနားယူချိန်မှာ သင်တန်းကြီးကို ပိတ်လိုက်ရတာပေါ့။ လူတိုင်းက အလုပ်လုပ်နေရချိန်မှာတော့ ပင်စင်ယူချိန် အနားယူချိန်ကိုတမ်းတနေတတ်ကြပြီး အနားယူရင် ဘာလုပ်မယ် ညာလုပ်မယ် ကြိုတင်စီစဉ်နေပေမဲ့ တကယ်တမ်းပင်စင်ယူရချိန် မှာတော့ ရင်ထဲဟာပြီး အလိုမကျဖြစ် စိတ်ဆတ်တတ်ကြပါသတဲ့။ ဂျွိုင်းနဲ့စတန်တို့လည်း ဒီလူတွေထဲမှာ အပါအဝင်ပါပဲ။ ယှဉ်ပြိုင်လို စိတ်များပြီး တသက်လုံးအလုပ်နောက်လိုက်နေခဲ့တဲ့ စတန်နဲ့ဂျွိုင်းတို့ အချိန်တန်ပင်စင်ယူချိန်ရောက်တော့လည်း သားသမီး ၄ ‌ယောက်က အဖေနဲ့အမေအပေါ် နွေးနွေးထွေးထွေး မရှိကြပါဘူး။ အမြဲတမ်း miss callမြင်ရင် ဖုန်းပြန်မခေါ်တာမျိုး စာမပြန်တာမျိုး မရှိတဲ့ ဂျွိုင်းတစ်ယောက် စာမပြန်ချိန် ဖုန်းမကိုင်ဖြစ်ချိန်မှာတော့ သားသမီး ၄ ယောက် စပြီး‌တော့ စိတ်ပူပြီး အဖေ့ကိုဖုန်းဆက်၊ အဖေကလည်း အမေပျောက်နေတဲ့အကြောင်းကို လိမ်ပြီးလှည့်ပတ် ပြောနေလို့စုံစမ်းရာကနေ အမေပျောက်နေတာ ၄ ရက်ရှိပြီဆိုတာနဲ့ အမေမပျောက်ခင်မှာ သူတို့အိမ်မှာ ဆဗန်နာဆိုတဲ့မိန်းကလေး တစ်ယောက် အတူလာနေသွားတာကို သိလိုက်ရချိန်မှာတော့.... နွေးထွေးမှုတွေပျောက်ဆုံးနေတဲ့ မိသားစုပီပီ ခပ်တန်းတန်း‌‌နေခဲ့ရာကနေ တကယ်တမ်း အမေပျောက်သွားတော့မှ လိုက်စုံစမ်းရင်းနဲ့မှ ဘာလျှို့ဝှက်ချက်တွေ ထွက်လာမလဲဆိုတာ ကြည့်ရှုခံစားလိုက်ရအောင်ပါ။ File Size –  736 GB / 346 MB Quality –WEB-DL 1080p , 720p Duration – 54 Min  (@Episode) Total Episodes: 7 Eps Subtitle – Myanmar Hardsub Format – Mp4 Genre : Drama , Mystery Translator – TD , Aoi & Muse Encoder – Min Wai

ဒီဇာတ်လမ်းကတော့ ဓားပြတိုက်မှုမှာပါခဲ့တဲ့ ဒါရိုက်ဘာတစ်ယောက် သူ့သူဌေးဆီကနေ ထူးခြားတဲ့အမိန့်တစ်ခုကိုရခဲ့တယ်။ အဲဒါကတော့ ဓားပြတိုက်တဲ့ လူနှစ်ယောက်ထဲက လူသစ်ကောင်လေးက ပိုက်ဆံခိုး ခဲ့တယ်ဆိုတဲ့ သံသယဝင်မှုနဲ့ စစ်မေးပြီးသတ်ဖို့ သူတို့ဆီခေါ်လာခိုင်းတာ ဖြစ်ပါတယ်။ အဲဒီမှာ ရိုးသားပွင့်လင်းတဲ့ကောင်လေးကို အသတ်ခံရဖို့ ခေါ်ခဲ့ရမလား ဒါမှမဟုတ် သူ့ကိုအမှန်အတိုင်းဖွင့်ပြောပြီး လွှတ်ပေးရ မလားဆိုတာကို ဒါရိုက်ဘာလုပ်သူက စဥ်းစားရပါတော့တယ်။ ဒီဇာတ်လမ်းက သစ္စာရှိမှုနဲ့ ကိုယ်ကျင့်တရားကို အဓိကပုံဖော်ထားပြီး ကြည့်နေရင်းရင်ထဲခံစားသွားရစေမဲ့ဇာတ်လမ်းကောင်းတစ်ပုဒ်ဖြစ်ပါ တယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thwal Htoo zin ဖြစ်ပါတယ်) File Size..........(1.44 GB) / (553 MB) Quality............WEB-DL 1080p / 720p Duration.........1Hr 36Min Subtitle...........Myanmar Hardsub Format............MP4 Genre..............Crime, Thriller Translator.......Thwal Htoo zin Encoder..........Zin Phyo Aung

ပေါ့ပေါ့ပါးပါးနဲ့ ကာတွန်းလေးပဲကြည့်ချင်တယ်ဆိုတဲ့သူတွေအတွက် လတ်တလောကမှထွက်ရှိထားတဲ့ ကာတွန်းကားလေးကို တင်ဆက်ပေးလိုက်ချင်ပါတယ်။ ဇာတ်လမ်းအကျဉ်းကို ပြောပြရမယ်ဆိုရင်တော့ ဂြိုဟ်တစ်ခုပေါ်က အလင်းမြို့တော်ဆိုတဲ့ မြို့မှာ Doctor Maybeeဆိုတဲ့ သိပ္ပံပညာရှင်တစ်ဦးရှိပါတယ်။ သူဟာအဲ့ဂြိုဟ်ရဲ့ နေလုံးကနေစွမ်းအားတွေစုပ်ယူပြီး စမ်းသပ်ချက်တွေပြုလုပ်နေသူပါ။ ဒါ့အပြင် အဲ့ဂြိုဟ်မှာအရမ်းရှားတဲ့ ရေဘဝဲတွေကိုလည်း ကြေးစားတွေငှားပြီးရှာဖမ်းခိုင်းထားပါသေးတယ်။ တစ်ဖက်က အလင်းမြို့တော်နဲ့ဝေးတဲ့ နေရာမှာတော့ ဘလစ်စတာဆိုတဲ့ရေဘဝဲကြီးရှိပြီး နေရောင်ခြည်စွမ်းအင်လျော့ကျလာတာကြောင့် သေဆုံးကုန်ကြတဲ့အပင်တွေကို သူ့အစွမ်းနဲ့ပြန်လည်ရှင်သန်အောင်ကူညီပေးနေသူပါ။ သူ့မှာ အာကီ လို့ခေါ်တဲ့ သမီးလေးတစ်ယောက်ရှိပြီး အာကီက စက်တွေတီထွင်ရတာကိုဝါသနာပါသူဖြစ်ပါတယ်။ တစ်နေ့မှာတော့ အလောင်းကစားတွေလုပ်တာကြောင့် အကြွေးတွေဝိုင်းနေလို့ ရေဘဝဲလာရှာတဲ့ ဘန်နီဂုရု နဲ့ ဥ တို့နှစ်ယောက်ရယ် အာကီရယ်ဆုံမိကြပြီး အလင်းမြို့တော်ကိုသွားဖို့အကြောင်းဖန်လာပါတော့တယ်။ဇာတ်လမ်းအကျဉ်းကတော့ ဒီလောက်ပါပဲ။ ဇာတ်လမ်းသွားလေးကလည်း ပျင်းစရာမကောင်းဘဲပေါ့ပေါ့ပါးပါးရှိပြီး animation တွေကလည်း အတော်ကိုကောင်းလှပါတယ်။ Australia ကရိုက်တဲ့ကားမို့ Australian accent ကိုလေ့လာချင်တဲ့သူတွေလည်းကြည့်သင့်တဲ့ကာတွန်းလေးပါ။ ဒီတော့ ဇာတ်ကားလေးကို ခံစားကြည့်ရှုလိုက်ကြပါဦး။ File size…1.56GB / 743MB Quality…WEB-DL 1080p 5.1 CH/ 720p Format…mp4 Duration….1h 48m Genre ….. Animation , Adventure , Fantasy Subtitle….Myanmar Subtitle (Hard Sub) Encoder….Min Wai Translated by Muse

အလုပ်အင်တာဗျူးသွားမယ့်နေ့မှ ဖိနပ်ကြိုး နှစ်ခါပျက်တာမျိုး၊ စာအုပ်ထဲက ဇာတ်ကောင် ရေပန်းထဲပြုတ်ကျတဲ့အချိန် အပြင်မှာလည်း လူတစ်ယောက် ရေပန်းထဲပြုတ်ကျတာနဲ့ ကြုံရပြီး သွားကူရင်း ဖူးစာဆုံတာမျိုးကို တိုက်ဆိုင်မှုလို့ပဲ သဘောထားတတ်ကြပါတယ်။ ဒါပေမယ့် ဒီအဖြစ်အပျက်တွေနောက်မှာ တစ်စုံတစ်ယောက်က စီစဉ်ပေးနေတာဆိုရင်ရော။ မှင်စာတွေနဲ့ မှော်ဆရာတွေက လူတွေရဲ့ အတွေးနဲ့ အာရုံတွေကို ထိန်းချုပ်ပြီး တိုက်ဆိုင်မှုတွေ ဖန်တီးပေးနေတာ ဖြစ်နိုင်မလား။ အလုပ်ရှာနေတဲ့ Paul Carpenter ကလည်း တိုက်တိုက်ဆိုင်ဆိုင်ပဲ JW Wells ဆိုတဲ့ လုပ်ငန်းတစ်ခုမှာ အလုပ်ရသွားပါတယ်။ သူနဲ့အတူ ထက်မြက်တဲ့ မိန်းကလေး Sophie လည်း အလုပ်သင်အဖြစ် ဝင်လာတယ်။ အလုပ်ရသွားပေမယ့် Paul က သူဘာလုပ်ရမှာလဲဆိုတာ မသိသေးသလို ကုမ္ပဏီကလူတွေ ဘာအလုပ်လုပ်နေကြမှန်းလည်း နားမလည်ဘူး။ အဲဒီအချိန်မှာ CEO Humphrey Wells က သူ့ကို လျှို့ဝှက်တာဝန်တစ်ခု ပေးလိုက်ပါတယ်။ ခရီးသွားတံခါးလို့ခေါ်တဲ့ တံခါးတစ်ခုကို ပြန်ရှာပေးဖို့ပါ။ မမြင်ရတဲ့တံခါးကို ရှာတွေ့ဖို့ Paul ကြိုးစားနေတုန်း Sophie နဲ့ ဝန်ထမ်းအချို့က Humphrey ကို သတိထားဖို့ လာပြောကြတယ်။ Humphrey က ဒီတံခါးကို ဘာကြောင့် ဒီလောက်လိုချင်နေတာလဲ၊ တံခါးက ဘယ်ကိုရောက်အောင် ပို့ပေးနိုင်သလဲ၊ အဲဒီနောက်မှာ ဘာလျှို့ဝှက်ချက်တွေ ရှိနေသလဲဆိုတာ Paul အတွက် မေးစရာဖြစ်လာပါတယ်။

Henry Golding သရုပ်ဆောင်ထားတဲ့ မော်ဂန်ဟာ ကြေးစားလူသတ်သမားဘဝကနေ ထွက်ချင်နေသူပါ။ သူ့ဆရာအပြောအရ ဒီလောကက ထွက်ကြတဲ့ အကြောင်းရင်းက သုံးခုပဲရှိတယ်။ ဘုရားသခင်ကို ရှာတွေ့လို့၊ အမျိုးသမီးတစ်ယောက်ကြောင့်၊ ဒါမှမဟုတ် သေသွားလို့တဲ့။ မော်ဂန်ကတော့ အမျိုးသမီးတစ်ယောက်ကြောင့် အလုပ်ကို ရပ်ချင်နေတာပါ။ အဲဒီအချိန်မှာပဲ သူ့ဆီ အလုပ်တစ်ခု ရောက်လာပါတယ်။ လူခြောက်ယောက်ကို သတ်ပေးရမှာဖြစ်ပြီး တစ်ယောက်အတွက် ဒေါ်လာတစ်သန်းစီ ရမယ်။ မော်ဂန်က ဆုံးဖြတ်ချက်ကို မပြင်ဘဲ ဒီအလုပ်ကိုလည်း ငြင်းဖို့ တွေးထားတယ်။ ဒါပေမယ့် ပစ်မှတ်ခြောက်ယောက်က သာမန်လူတွေ မဟုတ်ဘဲ သူ့လို ကြေးစားလူသတ်သမားတွေ ဖြစ်နေပါတယ်။ သူတို့ဆီကိုလည်း အလားတူ အလုပ်ကမ်းလှမ်းထားတာကြောင့် ကြေးစားအချင်းချင်း လိုက်သတ်ကြရမယ့် အခြေအနေ ဖြစ်နေတယ်။ မော်ဂန်က လက်မခံချင်လည်း ကျန်တဲ့ခြောက်ယောက်က သူ့ကို လာသတ်ကြမှာပါ။ ဒါကြောင့် မဖြစ်မနေ ပြန်တိုက်ခိုက်ရင်း ဒီအလုပ်တွေရဲ့ နောက်ကွယ်မှာ ဘယ်သူရှိနေသလဲ၊ ဘာကြောင့် သူတို့ကို အချင်းချင်း သတ်ခိုင်းနေသလဲဆိုတာပါ လိုက်ဖော်ထုတ်ရပါတော့တယ်။

Jurassic World ရဲ့ ပထမကားမှာ ပန်းခြံပျက်စီးသွားခဲ့ပြီး ဒုတိယကားမှာတော့ ဒိုင်နိုဆောတွေ ကမ္ဘာအနှံ့ ပျံ့နှံ့လာခဲ့ပါတယ်။ ဒီတတိယကားက ဒိုင်နိုဆောတွေနဲ့ ဒီအန်အေတူတဲ့ ဧရာမကျိုင်းကောင်တွေ ပေါ်လာပြီး လယ်ကွင်းတွေကို ဖျက်ဆီးနေတဲ့ ပြဿနာနဲ့ စထားပါတယ်။ အိုဝင်နဲ့ ကလယ်ရာတို့ကလည်း ချားလော့ရဲ့ ကလုန်းကောင်မလေး မေစီကို ကယ်တင်လာပြီး လူတွေနဲ့ဝေးတဲ့နေရာမှာ ဖွက်ထားကြတယ်။ ဒါပေမဲ့ မေစီကို လူတစ်စုက ဖမ်းခေါ်သွားသလို ရပ်ပ်တာမကြီး ဘလူးရဲ့ ကလေးကိုလည်း ဖမ်းသွားကြပါတယ်။ အိုဝင်တို့စုံတွဲက မေစီနဲ့ ဘလူးရဲ့ကလေးကို ကယ်ဖို့ လိုက်လာကြတယ်။ တစ်ဖက်မှာလည်း သိပ္ပံပညာရှင် သူငယ်ချင်းနှစ်ယောက်က ကျိုင်းကောင်တွေကို မျိုးဗီဇပြောင်းထားတဲ့ တရားခံကို ရှာနေကြပါတယ်။ သူတို့ ပူးပေါင်းမိလာတဲ့အခါ စွန့်စားခရီးကို အတူဆက်ကြရပါတော့တယ်။

Avengers: Endgame အပြီးမှာ သောရ်က Guardians of the Galaxy နဲ့အတူ အာကာသထဲ စွန့်စားခန်းထွက်လာခဲ့ပါတယ်။ Thor၊ Thor: Dark World နဲ့ Thor Ragnarok တို့နောက် စတုတ္ထမြောက် သောရ်ရုပ်ရှင်မှာတော့ သူရင်ဆိုင်ရမယ့်သူက နတ်ဘုရားသတ်သမား ဂေါရ်ပါ။ ဂေါရ်ဟာ အရင်က နတ်ဘုရားတွေကို ယုံကြည်ကိုးကွယ်ခဲ့သူတစ်ယောက် ဖြစ်ပါတယ်။ ဒါပေမယ့် သူတို့ဂြိုလ်မှာ အငတ်ဘေးဆိုက်ပြီး သမီးလေးပါ သေဆုံးသွားတာကို နတ်ဘုရားတွေက လျစ်လျူရှုပြီး ပျက်ရယ်ပြုခဲ့ကြတယ်။ အဲဒီနောက် ဂေါရ်က နတ်ဘုရားတွေကို မုန်းတီးသွားပြီး သူ့လက်ထဲကိုလည်း နတ်ဘုရားတွေကို သတ်နိုင်တဲ့ ရှေးဟောင်းလက်နက်၊ ကျိန်စာသင့် နက်ခရိုဓား ရောက်လာပါတယ်။ ဂေါရ်က အဲဒီဓားနဲ့ စကြဝဠာတစ်ခွင်က နတ်ဘုရားတွေကို လိုက်သတ်ရင်း နတ်ဘုရားအားလုံးကို တစ်ကြိမ်တည်းနဲ့ အပြီးသတ်နိုင်မယ့် နည်းလမ်းကို ရှာနေတယ်။ အဲဒီမှာ သောရ်နဲ့ ထိပ်တိုက်တွေ့လာပါတယ်။ သောရ်နဲ့အတူ မီအောရ်နာတူကို ကိုင်ဆောင်ထားတဲ့ ရည်းစားဟောင်း ဂျိန်းဖော်စတာနဲ့ ဖယ်ခရီတို့ပါ ပါဝင်တိုက်ခိုက်လာပြီး စကြဝဠာတစ်ခုလုံးက နတ်ဘုရားတွေကို ကယ်တင်ဖို့ ကြိုးစားကြရပါတယ်။

Peter Rabbit 2: The Runaway (2021) IMDb Rating - 6.2/10 ဒရမ်သမားလေး ယုန်ပီတာကို မှတ်မိကြသေးလား??? ဒုတိယကားလေးကိုလည်း စောင့်နေကြမှန်းသိလို့ CM က တင်ဆက်ပေးလိုက်ပါပြီနော်... အိမ်ပြေးပီတာ.. ပီတာအိမ်ပြေးတစ်ယောက် ဒီဇာတ်လမ်းမှာလည်း ပြေးရပြန်ပါပြီ။ ပေါ့ပေါ့ပါးပါးနေတတ်တဲ့ ပီတာ လေးက အရာရာကိုပေါ့ပေါ့လေးပဲပြောပေမယ့် ပေါ့ပေါ့လေးတော့ မခံစားတတ်ပါဘူး။ အဓိကကတော့ ပီတာရဲ့ မတည့် အတူနေ မစ္စတာမဂ်ဂရက်ဂေါ ကြီးက အခုထိ ပီတာ့အပေါ် အမြင်စောင်းနေတုန်းပါပဲ ။ စောင်းဆို ပီတာကလည်း ဘယ် တော့မှအတည့်မနေဘူး.. လုပ်လိုက်ရင် တလွဲကြီးပဲ🤣 ပထမကားမှာ အီစီကလီဖြစ်ခဲ့တဲ့ ဘီ နဲ့ မဂ်ဂရက်ဂေါက အခုတော့လက်ထပ်ပြီး ယုန်လေးပီတာအကြောင်းကို စာအုပ်ထုတ် ဝေခဲ့ပါတယ်။ စာအုပ်ရဲ့ အောင်မြင်ချက်ကတော့ ဘီ ကို ဒုတိယအုပ်ရေးဖို့ ကမ်းလှမ်းခံရပြီး ယုန်လေးပီတာကို ဗီလိန် အဖြစ် ရေးဖို့ အကြံပြုပါတော့တယ်။ ဒါကို ဘယ်သူမှမကန့်ကွက်တဲ့အပြင် ပီတာက ဗီလိန်နဲ့ပိုတူတယ်လို့တောင် ဝိုင်းပြီးပြောကြဆိုကြနဲ့ ယုန်ဖြူစင်တာ ယုန်ပဲသိတယ်လေ😥 ဝေဖန်ဒဏ်တွေ စွပ်စွဲချက်တွေကို မခံစားနိုင်တော့တဲ့ ပီတာလေး စိတ်ပေါက်ပေါက်နဲ့ လျှောက်သွားရင်း မရင်းနှီးတဲ့မြို့ကြီးမှာ ဘယ်လိုမျိုးအလွဲတွေနဲ့ကြုံရပြီး တကယ့်ဗီလိန်အစစ်ကရော ဘယ်သူလဲဆိုတာကိုတော့ ရုပ်ရှင်ထဲကသီချင်းလေးတွေနဲ့အတူ စီးမြောရင်း အဖြေရှာလိုက်ရအောင်နော် . . . (ဒီဇာတ်လမ်းရဲ့ အညွှန်းကို Jo Jo Va မှရေးသားပေးပြီး၊ ဘာသာပြန်ရေးသားပေးသူကတော့ Jo Jo Va, Yoon Sandi Aung, Amelia, Thet Hnin Su တို့ပဲဖြစ်ပါတယ်။) Quality – 1080p, 720p WebRip Duration - 1h 33min Subtitle – Myanmar Hardsub Format – Mp4 Genre : Animation, Adventure, Comedy Source : 1080p.WebRip Translator – Jo Jo Va, Yoon Sandi Aung, Amelia, Thet Hnin Su Encoder – SWM

IMDb - 6.6/10 Rotten - 63% ဖေဖော်ဝါရီလတုန်းကမှ ရုံတင်သွားတဲ့ Peter Rabbit ဇာတ်ကားကိုတော့ အများကြီးညွှန်းဆိုစရာ မလိုဘူးထင်ပါတယ်။ အမေရိကန်အင်္ဂလိပ် စာရေးဆရာမ Beatrix Potter ရဲ့ နာမည်ကျော် The Tale of Peter Rabbit စာအုပ်ကိုပြန်လည်ပြီး ရိုက်ကူးထားတဲ့ ဇာတ်ကားပဲဖြစ်ပါတယ်။ IMDb score 6.6 တောင်ရရှိထားပြီးတော့ ဒေါ်လာသန်း ၅၀ နဲ့ရိုက်ကူးခဲ့တဲ့ကားဟာ ဒေါ်လာသန်း၃၀၀ နီးပါးပြန်လည်ရရှိခဲ့တဲ့အတွက် ငွေကြေးအရ အောင်မြင်တယ်လို့ ဆိုနိုင်ပါတယ်။ ဇာတ်လမ်းအကျဉ်း ယုန်ကလေး Peter ဟာ မိဘနှစ်ဦးသေဆုံးပြီးတဲ့ နောက်မှာ ညီမသုံးယောက် ဝမ်းကွဲအစ်ကိုတစ်ယောက်နဲ့အတူ နေထိုင်လျက်ရှိပါတယ်။ တခြားတိရစ္ဆာန်တွေလို အစားကိုပုံမှန်ရှာစားလည်းဖြစ်ပေမယ့် စွန့်စွန့်စားစားလုပ်လိုက်ရမှ ကျေနပ်တဲ့ Peter က Joe McGregor ဆိုတဲ့ ဒေါသအိုးအဘိုးကြီးရဲ့ ခြံထွက်သီးနှံတွေကိုသာ ခက်ခက်ခဲခဲခိုးစားလေ့ရှိပါတယ်။ တစ်ရက် အဘိုးကြီး McGregor ရုတ်တရက်သေဆုံးသွားတဲ့အချိန်မှာ Peter တို့မောင်နှမတစ်သိုက်ဟာ သူ့အိမ်ကြီးမှာ ပျော်ရွှင်စွာမင်းမူကြပါတော့တယ်။ သို့ပေမယ့် အဘိုးကြီးဟာ မသေခင် လန်ဒန်မြို့မှာနေထိုင်တဲ့ သူ့တူ Thomas McGregor ကို အမွေပေးခဲ့တယ်ဆိုတာကို ယုန်ကလေးတွေမသိခဲ့ပါဘူး။ လောလောလတ်လတ် အလုပ်ပြုတ်ထားတဲ့ Thomas McGregor ဟာ ရှိလို့ရှိမှန်းမသိခဲ့တဲ့ ဦးလေးဆီက တန်ဖိုးကြီးအိမ်ကြီးအမွေရလိုက်တာကြောင့် အိမ်ကိုရောင်းစားပြီး ဆိုင်ဖွင့်မယ်ဆိုတဲ့အကြံနဲ့ အဆိုပါအိမ်ကြီးဆီကိုရောက်လာပါတော့တယ်။ ထိုအိမ်ကြီးထဲမှာ အပြီကဲနေတဲ့ Peter တို့တစ်သိုက်နဲ့ အိမ်ပိုင်ရှင်အသစ် Thomas McGregor တို့ အဲဒီမှာပဲ ထိပ်တိုက်တွေ့ဆုံကြပါတော့တယ်။ Peter နဲ့ Thomas တို့ရဲ့ယှဉ်ပြိုင်မှုတွေကို ဟာသလေးတွေနှောပြီးရိုက်ကူးထားတဲ့အတွက် ပေါ့ပေ့ါပါးပါးပဲကြည့်ချင်တဲ့ ပရိသတ်ကြီးအတွက် တင်ဆက်လိုက်ပါတယ်။ File Size - 821 MB Qty - 720p Bluray Format - mp4 Duration - 1hr 35min Gern - Comedy Translator - Myo Thant Kyaw Encoder - Kyaw Ye Aung

မိုက်ကယ်မက်ကော်လေ ဟာ စုံထောက်အလုပ်ကနေအ နားယူပြီးတဲ့နောက် အာမခံလုပ် ငန်း တစ်ခုမှာ အလုပ်ဝင်နေခဲ့ပါ တယ်။ ခရီးဝေးမှာ နေရတာ ကြောင့် အလုပ်တက်၊ အလုပ် ဆင်းကို ရထားနဲ့ပုံမှန်သွားနေသူ ပါ။ တစ်ရက်မှာတော့ ဂျီအန်နာ ဆိုတဲ့ အမျိုးသမီးတစ်ဦးက ရထားပေါ်မှာမိုက်ကယ်ကို လာ မိတ်ဆက်ခဲ့ပါတယ်။ နောက် တော့ စကားပြောဆိုရင်း ရထား ပေါ်မှာ လျှို့ဝှက်လိုက်ပါလာတဲ့ သူတစ်ယောက်ကို နောက်ဆုံးဘူ တာမရောက်မီ ဖော်ထုတ်ပေးဖို့ တောင်းဆိုခဲ့ပါတယ်။ အကယ်၍ ဖော်ထုတ်နိုင်ခဲ့ ရင် ဒေါ်လာတစ်သိန်းရမယ်ဆို တာကြောင့် အလုပ်အကိုင်လည်း သိပ်အဆင််မပြေတဲ့ မိုက်ကယ် က စိတ်ဝင်စားခဲ့ပြီး လက်ခံခဲ့ပါ တော့တယ်။ အဲဒါနဲ့ ဂျိုဟန်နာ ပြောတဲ့ သဲလွန်စတွေ နဲ့အတူသူ ခိုင်းတာကို ရှာပုံတော် ဖွင့်ခဲ့ပါ တယ်။ ဂျိုဟန်နာရဲ့ ကမ်းလှမ်းချက် ကို အောင်မြင်အောင်လုပ်နိုင်ခဲ့ မယ်ဆိုရင် ရမယ့်ပိုက်ဆံတွေကို လည်း ရှာတွေ့ခဲ့ပေမယ့် တကယ် တမ်း လုပ်ကြည့်တဲ့အခါမှာ လှည့် ကွက်တွေရှိနေတယ်ဆိုတာ ရိပ် မိခဲ့လို့ ရှေ့မဆက်ဖို့ မိုက်ကယ် ဆုံးဖြတ်ခဲ့ပါတယ်။ ဒါပေမဲ့လည်း ဂျိုဟန်နာ ပြောသလို ဆက်မလုပ်ခဲ့ဘူးဆိုရင် သူနဲ့မိိသားစုဝင်တွေရော၊ အခြား ခရီးသည်တွေအတွက်ပါ အန္တ ရာယ်ရှိတဲ့ အနေအထားမို့ မိုက်ကယ်ခမျာ ရှေ့တိုးရခက်၊ နောက်ဆုတ်ရခက်အခြေအနေနဲ့ ကြုံခဲ့ရ ပါတော့တယ်။ ဂျိုဟန်နာက ဘယ်လိုရည် ရွယ်ချက်နဲ့ မိုက်ကယ်ကိုစေခိုင်းခဲ့ တာလဲ။ မတိုးသာ၊ မဆုတ်သာအ ခြေအနေမှာ မိုက်ကယ် ဘာတွေ ဆက်လှုပ်ရှားမလဲဆိုတာတော့ ကိုယ်တိုင်ဆက် ကြည့်ရအောင်လို့ ဖော်ပြလိုက်ပါ တယ်။ ဒီဇတ်ကားမှာ မင်းသားကြီးလီယမ်နီးဆန်က မိုက်ကယ်နေရာကနေ အဓိကဇာတ်ဆောင် အဖြစ် ပါဝင်ထားပြီး ဗီရာဖာမီဂါ၊ ပက်ထရစ်ဝီလ်ဆင်၊ ဂျိုနသန်ဘန့်စ်၊ အဲလိဇဘက် မက်ဂိုဗာန်စတဲ့ သရုပ်ဆောင်တွေ ပါဝင်ပါတယ်။ (ဇာတ်လမ်းအညွှန်းကို 7daily Website မှကူးယူဖော်ပြသည်) File Size : (899 MB) and (375 MB) Quality : Blu-Ray 720p Running Time : 1hr 45min Format : Mp4 Genre : Action, Crime, Drama Subtitle : Myanmar Subtitle (Hard Sub) Source : 720p.BluRay.x264-DRONES Translated by May Thazin Myint Encoded by Thanhtike Zaw

ဆိုကိုဗီးယားစစ်ပွဲအပြီး နှစ်နှစ်အကြာမှာ သောဟာ မီးမိစ္ဆာဆာတာရဲ့ ဖမ်းဆီးတာကို ခံထားရပါတယ်။ ဆာတာက သောရဲ့ဖခင် အိုဒင်ဟာ အက်စ်ဂါ့တ်မှာ ကြာကြာနေရတော့မှာ မဟုတ်ကြောင်းနဲ့ အရာအားလုံးကို သူ့မီးလျှံတွေနဲ့ ဖျက်ဆီးပစ်မယ့်အကြောင်း ပြောလာတယ်။ သောကတော့ ဆာတာကို အနိုင်ယူပြီး အက်စ်ဂါ့တ်ကို ပြန်ရောက်လာခဲ့ပါတယ်။ အဲဒီနောက် မွေးစားညီအစ်ကို လိုကီရဲ့အကူအညီနဲ့ ဖခင်ကို ရှာဖွေရင်း ကမ္ဘာမြေပေါ်က နော်ဝေးမှာ ရှိနေကြောင်း သိလာရတယ်။ သူတို့နှစ်ယောက် လိုက်သွားပေမယ့် အိုဒင်ကတော့ မရှိတော့ပါဘူး။ တစ်ဖက်မှာလည်း နှစ်ပေါင်းများစွာ အကျဉ်းကျနေခဲ့တဲ့ အိုဒင်ရဲ့သမီးဦး ဟီလာ ပေါ်လာပြီး အက်စ်ဂါ့တ်အတွက် ရန်သူဖြစ်လာပါတယ်။ ဟီလာဟာ သောရဲ့လက်စွဲတော်တူကို ဖျက်ဆီးလိုက်သလို သောနဲ့ လိုကီကိုလည်း အာကာသထဲရောက်အောင် ပို့ပြီး အပြတ်ရှင်းဖို့ ကြိုးစားတယ်။ အက်စ်ဂါ့တ်ကို ရောက်သွားတဲ့အခါမှာတော့ စစ်တပ်တွေကို ဖျက်ဆီးပြီး အရင်က သူနဲ့အတူ တိုက်ခိုက်ခဲ့ဖူးတဲ့ သေဆုံးသူကို ပြန်ရှင်စေကာ လက်အောက်ခံအဖြစ် အသုံးချပါတော့တယ်။ သောတစ်ယောက် ဟီလာကို တားဆီးပြီး အက်စ်ဂါ့တ်ကို ကာကွယ်နိုင်ပါ့မလား။ ဒီကားဟာ ၂၀၁၁ နဲ့ ၂၀၁၃ ခုနှစ်တွေမှာ ထွက်ခဲ့တဲ့ Thor ဇာတ်ကားတွေရဲ့ တတိယမြောက်အဆက်ဖြစ်ပြီး တိုက်ကာ ဝိတ်တီက ရိုက်ကူးထားပါတယ်။ ခရစ္စဟမ်းစ်ဝေါ့သ်၊ အန်တိုနီဟော့ပ်ကင်းစ်၊ ဘန်နီဒစ်ကန်ဘာဘက်ချ်၊ ကိတ်ဘလန်ချက်နဲ့ ကန်လန်စီဘရောင်းတို့ ပါဝင်ထားပြီး သိပ္ပံစိတ်ကူးယဉ်၊ စွန့်စားခန်း၊ ဟာသနဲ့ အက်ရှင်တို့ ရောစပ်ထားတဲ့ ဇာတ်ကားပါ။ MCU Phase 3 ရဲ့ ပဉ္စမမြောက်ကားဖြစ်ပြီး Avengers: Age of Ultron နဲ့ Avengers: Infinity War အကြားက အချိန်ကာလကို ဇာတ်အိမ်တည်ထားပါတယ်။ ထုတ်လုပ်ရေးကုန်ကျစရိတ် ဒေါ်လာသန်း ၁၈၀ ရှိခဲ့ပြီး ရုံဝင်ငွေ ဒေါ်လာ ၈၅၅ သန်း ရရှိခဲ့ပါတယ်။

Hunt for the Wilderpeople (2016) ~ IMDb - 7.8/10, Rotten Tomatoes - 97% ~ သွေးမတော်သားမစပ် လူကြီးနဲ့ ကလေးတစ်ယောက် သူတို့နောက်လိုက်တဲ့ အစိုးရအဖွဲ့တွေဆီကနေ ထွက်ပြေးတဲ့ ဇာတ်လမ်းပါ။ ရစ်ကီဘိက်ကာဆိုတဲ့ မိဘမဲ့ကောင်လေးကို ဟိက်နဲ့ ဘယ်လာဆိုတဲ့ ယာသမားစုံတွဲက မွေးစားရာကနေ အရှုပ်ထုပ်တွေစခဲ့တာပါ။ ရစ်ကီက ကလေးသူငယ်စောင့်ရှောက်ရေးအဖွဲ့အတွက်တော့ ဆိုးသွမ်းခိုးနှိုက် ဖျက်ဆီးတတ်တဲ့ ပြသာနာကောင်လေးပေါ့။ ရစ်ကီရဲ့မွေးစားအမေ ဘယ်လာကတော့ သူ့ကို ဂရုတစိုက်စောင့်ရှောက်ပေးပါတယ်။ ဟိက်ကတော့ သူ့ဟာသူနေတာပါ။ တစ်နေ့မှာ ဘယ်လာ ဆုံးသွားပြီး ဟိက်က ပြစ်မှုမှတ်တမ်းဟောင်းကြောင့် ရစ်ကီကို မွေးစားခွင့်မရတဲ့အခါ ရစ်ကီက ပြန်မလိုက်ချင်ဘဲ ထွက်ပြေးဖို့ ကြံစည်ပါတော့တယ်။ အဲဒီဒေသက လူတွေ ခြုံလို့ခေါ်တဲ့ တောအုပ်ထဲမှာ မျက်စိလည် လမ်းပျောက်ပြီး ဟိက်နဲ့ ဆုံတဲ့အခါ... ရဲတွေ အစိုးရအဖွဲ့တွေ လိုက်ဖမ်းနေလို့ မတည့်အတူနေ၂ယောက် တောထဲပုန်းခိုရင်း မထင်မှတ်ဘဲ အထင်လွဲမှုတွေဖြစ်သွားပြီး သတင်းကြီးလာတဲ့အခါ... သူတို့ ၂‌ယောက် တောထဲမှာ ဘယ်လိုပြသာနာတွေကြုံရဦးမလဲ... နောက်ဆုံးမှာ ရဲတွေလက်ကလွတ်အောင် ပြေးနိုင်ပါ့မလား... Deadpool 2 ထဲက ဖက်တီးလေးနဲ့ Jurassic Park အပြင် ကားကောင်းတွေတော်တော်များများရိုက်ခဲ့တဲ့ Sam Neill တို့ခေါင်းဆောင်ပါဝင်ထားတဲ့အပြင် Jojo Rabbit နဲ့ What We Do in the Shadows တို့လိုကားကောင်းတွေရိုက်ခဲ့တဲ့ ဒါရိုက်တာ Taika Waititi ရဲ့ လက်ရာတစ်ပုဒ်ကို ရှုစားပေးကြပါဦး။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.9GB, 820MB Quality - 1080p, 720p IMDb Rating - 7.8/10 Format - mp4 Duration - 1H 41Min Genre - Adventure, Comedy, Drama Subtitle - Myanmar Subtitle (Hardsub) Translated by Shune Lai KK Encoded by Y

Escape Plan (2013) IMDb Rating – 6.7/10 ဒီရုပ်ရှင်ကတော့ နာမည်ကျော်မင်းသားကြီး Stallone နဲ့ Arnold တို့ ပါဝင်ထားတဲ့ Action-thriller ရုပ်ရှင်ဇာတ်ကားပဲ ဖြစ်ပါတယ်။ Escape Plan သုံးကားထဲက ပထမဆုံးရုပ်ရှင်ဇာတ်ကားဖြစ်ပြီး ၂၀၁၃ ခုနှစ်က ထွက်ရှိခဲ့တာဖြစ်ပါတယ်။ Escape Plan ၃ ကားလုံးကို 4K Quality နဲ့ ဒီမှာ https://www.channelmyanmar.to/?s=escape+plan+stallone ဒေါင်းလို့ရပါတယ်။ ဇာတ်လမ်းအကျဉ်းကတော့ ‘ရေး ဘရက်စလင်’က အကျဉ်းထောင်တွေကို အဆင့်မြင့်လုံခြုံရေးစနစ်ရှိ-မရှိ လိုက်လံစစ်ဆေးတဲ့အနေနဲ့ နိုင်ငံတဝှမ်းမှာရှိတဲ့ အကျဉ်းထောင်ပေါင်း တစ်ဒါဇင်ကျော်လောက်ကို ဝင်လိုက် -ထောင်ဖောက်ကြည့်လိုက်နဲ့ ပုဂ္ဂလိကလုံခြုံရေးကုမ္ပဏီတစ်ခုနဲ့ လက်တွဲကာအလုပ်လုပ်နေတဲ့ လုံခြုံရေး အဆောက်အဦဆိုင်ရာ လေ့လာသူတစ်ဦးဖြစ်ပါတယ်။ တစ်ရက်မှာတော့ စီအိုင်အေက လူတစ်ယောက်က သူ့ကို ဒေါ်လာသန်းနဲ့ချီပေးကာ အကျဉ်းထောင်တစ်ခုကို ဖောက်ခိုင်းပါတော့တယ်။ ထောင်ထဲကို ရောက်ပြီးမှ သိလိုက်ရတာက အဲ့ဒီထောင်ရဲ့ လုံခြုံရေးစနစ်က မြင့်မားလွန်းတဲ့အပြင် သူ့ကို အလုပ်လာအပ်တဲ့ သူကလည်း လိမ်လည်သွားခဲ့တာပါပဲ။ အပြင်က သူ့ကိုကူညီပေးနေတဲ့ သူ့အဖွဲ့သားတွေနဲ့လည်း အဆက်အသွယ်ပြတ်သွားတဲ့ ရေး တစ်ယောက် ဘယ်လိုတွေ ဆက်လုပ်မလဲဆိုတာကို ကြည့်ရှုလိုက်ကြပါဦး။ (ရုပ်ရှင်အညွှန်းနဲ့ ဘာသာပြန်ကို Nway Oo K Zaw မှတင်ဆက်ထားပါတယ်။) File size…(4.2 GB) / (1.6 GB) / (1 GB) Quality….BluRay 4K HEVC/1080p HEVC / 720p Format…mkv/mp4 Duration….01:55:00 Subtitle….Myanmar Subtitle (Hardsub) Encoder….Ka Naung Translated by Nway Oo K Zaw

ကိုယ်သာ အတိတ်မေ့သွားမယ်ဆို ကိုယ်ချစ်တဲ့သူကို ပြန်သတိရနိုင်မှာလား အချစ်တွေကိုရောမေ့သွားနိုင်မှာလား ဇာတ်လမ်းကတော့ လီယို နဲ့ ပိချ့်တို့ဟာ သိပ်ချစ်ကြတဲ့လင်မယားတွေပါ တစ်ယောက်ကို တစ်ယောက်ကို ဖေးမရင်း ပျော်ရွှင်တဲ့အိမ်ထောင်ရေးကို တည်ဆောက်ကြသူတွေပါ ဒါပေမယ့်တစ်နေ့မှာ ကံဆိုးစွာနဲ့ သူတို့နှစ်ယောက်အက်ဆီးဒင့်ဖြစ်ခဲ့ပါတယ် အဲ့နောက်မှာ ပိချ့်ဟာ မှတ်ဉာဏ်ပျောက်ဆုံးသွးပြီး သူမခင်ပွန်း လီယိုကို မမှတ်မိနိုင်ဖြစ်သွားပါတယ် ပိချ့်ဟာ လီယိုကို ပြန်မှတ်မိနိုင်မှာလား ဒါမှမဟုတ် လီယိုကိုရော လီယိုအပေါ်အချစ်တွေကိုရော လုံးဝပြန်မမှတ်မိနိုင်တော့ဘူးလား……. လီယိုကေရော ပိချ့်ပြန်ချစ်လာအောင် ပြန်မှတ်မိလာအောင်လုပ်နိုင်မလား ပိချ့်က လီယို့ကိုပြန်မချစ်နိုင်တော့ပဲ ပိချ့်ရဲ့အရင်ချစ်ရသူ ဂျဲရမီကိုပဲ ရွေးသွားမလား……........... (ဘာသာပြန်သူကတော့ အဉ္ဇလီသန်းထိုက်ပါ) File Size : (930 MB) and (380 MB) Quality : Blu-Ray 720p Running Time : 1hr 44min Format : Mp4 Genre :Drama, Romance Subtitle : Myanmar Subtitle (Hard Sub) Source : BluRay 1080p DTS x264-beAst Translated by Inzail Thanhtike Encoded by Thanhtike Zaw

Rotten tomatoes - 72% IMDb - 6.7 မာတင်ဟာ မုဆိုးတစ်ယောက်ဖြစ်ပြီး ကုမ္ပဏီကြီးတွေကလိုချင်တဲ့ အကောင်ကိုမှရွေးပြီး အမဲလိုက်ပေးတဲ့ကြေးစားတစ်ယောက်ပါ။ တစ်နေ့မှာတော့ သစ်ရွက်နီ လို့ခေါ်တဲ့ စက်ဖက်ဆိုင်ရာ ဇီဝနည်းပညာကုမ္ပဏီတစ်ခုက အလုပ်ကမ်းလှမ်းလာ‌တာကြောင့် တက်စမေးနီးယန်း ဒေသကိုသွားခဲ့ပါတယ်။ သစ်ရွက်နီလိုချင်နေတာကတော့ မျိုးသုဉ်းသွားခဲ့ပြီလို့ ယူဆထားကြတဲ့ တက်စမေးနီးယန်း ကျားရဲ့ ဒီအန်အေပါပဲ။ ဒီလိုနဲ့ မာတင်တစ်ယောက် တက်စမေးနီးယန်း တောင်တန်းတွေပေါ်မှာမှာ ရှိဖို့တောင်မှအာမခံချက်မရှိတဲ့ ကျားကို သုတေသနပညာရှင်ဟန်ဆောင်ပြီးလိုက်ရှာရင်း ဒေသခံတွေနဲ့ရင်းနှီးလာခဲ့ပါတော့တယ်။ ဒီလိုနဲ့ သစ်ရွက်နီ ကုမ္ပဏီက တက်စမေးနီး ကျားရဲ့ ဒီအန်အေကို လိုချင်တဲ့အကြောင်းပြချက်နဲ့ ဒေသခံတွေသေဆုံးမှုတစ်ချို့ကို မာတင်သိသွားခဲ့တဲ့အချိန်မှာတော့ မာတင်တစ်ယောက် ဘယ်လိုမျိုးအန္တရာယ်တွေနဲ့ရင်ဆိုင်လာရမလဲဆိုတာကို ဆင်လက်ကြည့်ရှုလိုက်ကြပါဦး။ မာတင်ရဲ့နေရာမှာသရုပ်ဆောင်ထားတာကတော့မင်းသားကြီး Willem Dafoe ဖြစ်ပြီး တောတွင်းအမဲလိုက်ရုပ်ရှင်တွေကို သဘောကျတဲ့သူတွေအတွက် ကြည့်လို့ကောင်းမဲ့ ကားတစ်ကားပါပဲဗျ။ File size…(2 GB)/(1 GB) Quality….Webrip 1080p / 720p Format…mp4 Duration….01:42:00 Genre...Drama, Thriller, Adventure Subtitle….Myanmar Subtitle (Hardsub) Encoder….Mr. Anderson Translated by TMMT

အမိုက်စား အက်ရှင် Animation ကားမို့ BLU-RAY1080P5.1CH ပါတင်ဆက်ပေးထားပါတယ်..... ယခုတင်ဆက်ပေးတဲ့ Animation ကားလေးကတော့ Legend of the Guardians:The Owl of Ga'hoole (2010) ကားလေးပဲဖြစ်ပါတယ်။Old but Gold လို့ပြောရမယ့် ဒီကားလေးကတော့ 2010 ကထွက်ရှိခဲ့တာဖြစ်ပြီး Imdb Rating 6.9/10ရရှိထားတဲ့ ကားကောင်းလေးပါ။ဇာတ်လမ်းအကျဉ်းလေးကိုလဲ အနည်းငယ် တင်ပြလိုပါသေးတယ်။ ဆောရန်နဲ့ ကလတ် ဆိုတာ အသိုက်တစ်ခုထဲမှာ မွေးဖွားလာတဲ့ ဇီးကွက်ပေါက်လေး နှစ်ကောင်ပါ။ တစ်ကောင်က စိတ်ထားနူးညံ့သူဖြစ်သလို အခြားတစ်ကောင်က စိတ်ထားကြမ်းတမ်းသူပါ။စိတ်ထားခြင်းလားလားမှမတူတဲ့ သူတို့ညီအကိုနှစ်ယောက် တစ်နေ့တော့ အသိုက်ကနေ ထွက်ကျပြီးအိမ်ကနေခွဲခွာခဲ့ရပါတော့တယ်။ မပျံနိုင်သေးတဲ့ဇီးကွက်ပေါက်လေးတွေကိုစုဆောင်းကာ ကျွန်အဖြစ်ခိုင်းစားနေတဲ့ သန့်စင်သူများဆိုတဲ့ဇီးကွက်တိုင်းပြည်ကို သူတို့ရောက်ခဲ့ပါတော့တယ်။သူတို့နှစ်ယောက်ဘယ်လိုဆက်ဖြစ်မယ်၊ဘယ်လိုတွေ ဆက်ရင်ဆိုင်ရမယ်ဆိုတာ စိတ်ဝင်စားစွာဆက်လက်ကြည့်ရှုရမှာပါ။စိတ်ဓါတ်ခွန်အားတွေအများကြီးပေးစွမ်းနိုင်တဲ့ဒီကားလေးကို Channel Myanmarပရိသတ်ကြီးအတွက် တင်ဆက်ပေးလိုက်ရပါတယ်။ File Size : (1.7GB)(900 MB) Quality : Blu-Ray 1080p 5.1 CH, Blu-Ray 720p Format…mp4 Duration…01:37:00 Genre : Adventure, Animation,Action Subtitle : Myanmar Subtitle (Hard Sub) Translated by Aye Mon Kyaw Encoded by Phyo Pyae

Daybreakers (2009) IMDB: 6.4 Rotten Tomatoes: 69% Metacritic: 57% Daybreakers (2009) ကတော့ ဗန်ပိုင်းယားကားကိုမှ ခပ်ဆန်းဆန်းလေးရိုက်ထားတဲ့ ဇာတ်ကားတစ်ခုဖြစ်ပါတယ်။ ကြည့်လို့ကောင်းတဲ့ ဇာတ်လမ်းတစ်ခုလည်းဖြစ်ပါတယ်။ မင်းသားတွေကလည်း တော်တော်လေးပြီးပြည့်စုံတာမလို့ ကြည့်ရတန်တဲ့ ဇာတ်လမ်းကောင်းတစ်ခုလည်းဖြစ်ပါတယ်။ ဇာတ်ညွှန်း : အနာဂတ်မှာ လူသားတွေကပ်ဆိုက်လာတာကြောင့် လူတွေဟာဗန်ပိုင်းယားအဖြစ်သို့ ဆေးထိုးပြီးပြောင်းလဲခဲ့ပါတယ်။ သွေးသောက်၊ အသက်ရှည်တာကလွဲရင် ကျန်တာလူနဲ့အတူတူပဲဖြစ်ပါတယ်။ ဗန်ပိုင်းယားကြီးစိုးတဲ့ ကမ္ဘာထဲ လူသားတွေဟာ ပုန်းပြီးနေထိုင်ခဲ့ရပါတယ်။ ဒါပေမယ့်လည်း လူသားတွေမျိုးသုန်းလာတာနဲ့အမျှ သွေးဟာလည်းရှားပါးလာပါတယ်။ အဲဒါကြောင့် သွေးအစားထိုးလုပ်ဖို့အတွက် ဒေါက်တာအက်ဒ်ဝေါ့ဒ် ဦးဆောင်တဲ့ အဖွဲ့ဟာ စမ်းသပ်မှုတွေပြုလုပ်ခဲ့ပါတယ်။ တစ်ရက် အက်ဒ်ဝေါ့ဒ်တစ်ယောက် ညဘက်ကားမောင်းပြီး ပြန်နေတုန်း လူသားတွေမောင်းလာတဲ့ ကားတစ်စီးကိုဝင်တိုက်ခဲ့ပါတယ်။ အဲကစလို့ အက်ဒ်ဝေါ့ဒ်ရဲ့ဘဝဟာလည်း တစ်စစ်ချိုးပြောင်းလဲသွားခဲ့ပါတယ်။ ဘာတွေပြောင်းလဲပြီး ဘာတွေဆက်ဖြစ်မယ်ဆိုတာကိုတော့ခံစားကြည့်လိုက်ကြပါ။ အက်ဒ်ဝေါ့ဒ်အဖြစ် အချစ်တော်မင်းသား (ယောက်ခမကြီး) Ethan Hawke လိုင်ယွန်နယ်အဖြစ် မင်းသားကြီး Willem Dafoe မစ္စတာဘရွန်လေအဖြစ် မင်းသား  Sam Neill တို့က အားဖြည့်သရုပ်ဆောင်ထားကြပါတယ်။ File size… 4.2 GB / 1.3 GB / 615 MB Quality… WEB-DL 4K HEVC / 1080p / 720p Format… mkv / mp4 Duration…. 1h 38m Genre ..... Action / Horror / Sci-fi Subtitle…. Myanmar Subtitle (Hard Sub) Encoder…. Thit San Khant Translated by Lucifer Maximoff

Jurassic Park 3 ကို ဒါရိုက်တာJoe Johnston ကရိုက်ကူးထားပြီး 2001 ခုနှစ်တွင် ရုံတင်ခဲ့ပါသည်။ IMDb 5.9 နှင့် RT 50% သာရရှိထားသော်လည်းGoogle user 86% က Like ပေးထားကြသည်။ ပထမဦးဆုံးဇာတ်ကားမှ ဒေါက်တာအလန်ဂရန့်(သတ္တရုပ်ကြွင်းပညာရှင်) လည်း ပြန်လည်ပါဝင်လာခဲ့သည်။ ဒုတိယဇာတ်ကားတွင် တိုင်ရန်နိုဆောရပ်စ်အမျိုးအစားဒိုင်နိုဆောများက သားပျောက်ရှာပုံတော်ဖွင့်ခဲ့ပုံကိုရိုက်ကူးထားပြီး ဤဇာတ်ကားတွင်မူ လူသားမိဘများက သားပျောက်ရှာပုံတော်ဖွင့်ခဲ့ပုံကို ရိုက်ကူးထားသည်။ ယနေ့အချိန်ထိ ဒိုင်နိုဆောတို့၏ပြင်ပအရောင်အသွေးများကို တိတိကျကျမဖော်ပြနိုင်ကြသေးပေ။ ပတ်ဝန်းကျင်အရောင်ကိုလိုက်၍ အရောင်ပြောင်းနိုင်ကြသည်ဟူ၍သာ ယေဘုယျလက်ခံထားကြသည်။ ဤဇာတ်ကားတွင် ဒိုင်နိုဆောများ၏ အရောင်ကိုပြောင်းလဲရိုက်ကူးထားရုံမျှမကဘဲ အသားစားဒိုင်နိုဆောများထဲတွင် အရွယ်အစားအကြီးဆုံးဖြစ်သော စပိုင်နိုဆောရပ်စ်နှင့် ဒိုင်နိုဆောခေတ် ငှက်များကိုပါ ထည့်သွင်းရိုက်ကူးထား သောကြောင့် ရင်သပ်ရှုမောဖွယ်ကောင်းလှပါသည်။ အသက်၁၃နှစ်အရွယ်အဲရစ်သည် အမေ၏မိတ်ဆွေ ဘန် နှင့်အတူ မော်တော်ဘုတ်ဆွဲ လေထီးစီး၍ ဆော်နာကျွန်းရှိဒိုင်နိုဆောများကို ကင်မရာဖြင့်ရိုက်ကူးရန်ကြိုးစားခဲ့ကြရင်းဆော်နာကျွန်းပေါ်သို့ လေထီးဖြင့် ပြုတ်ကျသွားခဲ့သည်။ အဲရစ်၏မိဘများ ဖြစ်ကြသော မစ္စတာကာဘီနှင့် အမန်ဒါတို့က အဲရစ်ကိုရှာဖွေရန်ဆုံး ဖြတ်ခဲ့ကြပြီး ဒေါက်တာအလန်ဂရန့်ကို မလိမ့်တပတ်လုပ် ခေါ်ဆောင်ကာ ဆော်နာကျွန်းသို့ခရီးနှင်ခဲ့ကြသည် အဲရစ်နှင့်ဘန်ကို ရှာတွေ့နိုင်ပါ့မလား ဆော်နာကျွန်းပေါ်က ပြန်ထွက်နိုင်ကြပါ့မလား ဆိုတာကိုတော့ ရင်သပ်ရှုမောဖွယ် ကြည့်ရှုခံစားကြပါစို့လား… မှတ်ချက်။ ။Jurassic Park သုံးကားလုံး မိသားစုနှင့်ကြည့်လျှင်ပိုကောင်းပါသည်။ File Size : 3.7 GB / 1.2 GB Quality : BluRay 1080p / 720p Running Time : 1h 44min Genre : Animation, Adventure,Sci-Fi Subtitle : Myanmar Subtitle (Hard Sub) Encoded by Thit San Khant

The Dish (2000) IMDb Rating (7.2) / Rotten Tomatoes (96%) ခုနေများ ကြုံကြိုက်လို့ လပေါ်ကိုရောက်ရင် အောက်ပါစာတန်းပါတဲ့ ကဗျည်းနဲ့ အမေရိကန်အလံကို ရှာကြည့်ပါ။ Here men from the planet Earth first set foot upon the Moon. July 1969, A. D. We came in peace for all mankind. ဤနေရာတွင် ကမ္ဘာဂြိုလ်မှ လူသားများ လပေါ်တွင် ပထမဆုံး ခြေချနိုင်ခဲ့သည်။ ဇူလိုင်လ ၁၉၆၉ ခုနှစ် အေဒီလူသားမျိုးနွယ်စုအားလုံးအတွက် ကျွန်ုပ်တို့ ငြိမ်းချမ်းစွာလာခဲ့သည်။ ဒါ လူသားမျိုးနွယ်တို့ရဲ့ မဟာအောင်ပွဲပါ။ အာကာသယာဉ်မှူး ‌နီးလ် အမ်စ‌ထရောင်းပြောခဲ့သလို "လူသားတစ်ယောက်ရဲ့ အဲဒီခြေလှမ်းသေးသေးလေးဟာ လူသားမျိုးနွယ်အတွက်တော့ ကြီးမားတဲ့ ခုန်ပျံကျော်လွှားမှု တစ်ခုပါပဲ" ဒါတွေဟာ နာဆာရဲ့ အပိုလိုမစ်ရှင်တွေထဲက ၁၁ကြိမ်မြောက်မှာ လပေါ်ကို ပထမဆုံး ခြေချနိုင်ခဲ့တဲ့ ဖြစ်စဉ်ပါ။ ခုနေ ယူကျုဘ်ကနေ First Moon landing ဆိုရှာရင် ခုန်ပေါက်ပြနေတဲ့ အာကာသယာဉ်မှူးကို မြင်ရမှာပါ။ ဒီ ရုပ်ပုံတွေကို ၁၉၆၉ ခုနှစ်တုန်းက လပေါ်ကနေ တိုက်ရိုက်ထုတ်လွှင့်ပြသခဲ့တာရော သင်သိပါသလား။ အဲဒီလို ပြသနိုင်အောင် အဓိကစွမ်းဆောင်ခဲ့တာကတော့ အခု ရုပ်ရှင်ရဲ့ ခေါင်းစဉ် The Dish ပါ။ ရေဒီယိုတယ်လီစကုပ်တစ်ခုဖြစ်ပြီး ဩစတြေးလျနိုင်ငံ ပက်စ်မြို့လေးရဲ့ သိုးစားကျက်ကွင်းအလယ်မှာရှိပါတယ်။ အဲဒီ'စလောင်း'ကို အသုံးပြုပြီး Moon walking လုပ်တာကို အခက်အခဲတွေကြားက ရအောင် ထပ်ဆင့်လွှင့်ပေးနိုင်ဖို့ကြိုးစားကြတဲ့ ဇာတ်လမ်းပါ။ ဖြစ်ရပ်မှန်ကို မှီငြမ်းရိုက်ကူးထားတာဖြစ်ပြီး တကယ့် နေရာ၊ တကယ့်စလောင်း နဲ့ တကယ့် Footage တွေကို ထည့်သွင်းထားပါတယ်။ ဇာတ်လမ်းကိုအများကြီး မညွှန်းလိုပေမယ့် သူ့ခေတ်သူ့အခါက နာမည်ကြီး သရုပ်ဆောင်တွေ၊ နိုင်ငံရေးအပါအဝင် ပျက်လုံးတွေထုတ်ပုံ၊ အင်္ဂလိပ်စကားကိုပဲ ဩစီ နဲ့ အမေရိကန်ပြောပုံမတူလို့ စကားပြန်နဲ့ပြောရပုံတွေ၊ Moon landing လုပ်ပုံတွေကို ရှုစားရမှာပါ။ သရုပ်ဆောင်တွေ အ‌နေနဲ့ ဒိုင်နိုဆောဆရာကြီး Sam Neill က ဦးဆောင်ထားပြီး Roy Billing, Patrick Warburton, Kevin Harrington, Tom Long နဲ့ အခြားသရုပ်ဆောင်များစွာ ပါဝင်ပါတယ်။ ဒါရိုက်တာက Rob Sitch ဖြစ်ပါတယ်။ Nominations ၁၀ ခု ဝင်ထားပြီး Soundtrack, Music နဲ့ screen play ဆု သုံးခု ရထားပါတယ်။ တစ်ကားလုံးမှာ ပျင်းစရာမပါအောင်ပြသွားသလို အကြိုက်ဆုံးစကားတစ်ခွန်းနဲ့ နိဂုံးချုပ်ချင်ပါတယ်။ "ရှုံးနိမ့်ခြင်းဆိုတာ နောင်တလောက် ကြောက်စရာကောင်းတဲ့ အရာမျိုးမဟုတ်ဘူး" (အညွှန်းနဲ့ဘာသာပြန်ကတော့ T Lone ဖြစ်ပါတယ်။) File size… (3.4 GB) / (1.3 GB) Quality….Blu-Ray 1080p HEVC / 720p Format…. mkv/mp4 Genre….Comedy, Drama, History Duration….01:42:28 Subtitle….Myanmar Subtitle (Hardsub) Encoder….Benjamin Translated by T Lone

Bicentennial Man (1999) ဒီကားလေးကတော့ ၁၉၉၉ ခုနှစ်ကထွက်ရှိခဲ့တဲ့ ခေတ်ဟောင်းစက်ရုပ်ကားလေးပါ။ အခုခေတ်ကားတွေလို စက်ရုပ်တွေ အကြမ်းဖက် လူသတ် ကမ္ဘာသိမ်းဇာတ်လမ်းမျိုးမဟုတ်ဘဲ စက်ရုပ်တစ်ရုပ်ရဲ့ ဘ၀ဇာတ်ကြောင်းကို အလွမ်းအဆွေး တွေးစရာတွေနဲ့တင်ဆက်ထားတာဖြစ်ပါတယ်။ ဟာသမင်းသားကြီး Robin Williams ရဲ့ အကောင်းဆုံးကားတစ်ကားလို့ရည်ညွှန်းကြတဲ့အတွက် အချိန်ပေးရတန်စေမယ့်ကား၊ သူ့အလွမ်းပြေကြည့်ရမယ့်ကားဆိုလည်း မမှားပါဘူး။ မာတင်မိသားစုက မီးဖိုချောင်သုံးစက်ရုပ်တစ်ရုပ်ကို၀ယ်ခဲ့ပြီး အန်ဒရူးလို့နာမည်ပေးခဲ့ပါတယ်။ အန်ဒရူးက သာမန်စက်ရုပ်မဟုတ်ဘဲ ခံစားချက်တွေ ကိုယ်ရည်ကိုယ်သွေးတွေရှိနေတဲ့အချိန်မှာတော့ မာတင်မိသားစုက မီးဖိုချောင်မှာမခိုင်းတော့ဘဲ သိသင့်သိထိုက်တာတွေသင်ပေးပြီးတဲ့နောက်မှာတော့ အန်ဒရူးတစ်ယောက် စက်ရုပ်အဖြစ်ကနေမှ လူသားအဖြစ်ကို တဖြည်းဖြည်းပြောင်းလဲလာပြီး အချစ်ကိုထိတွေ့ခံစားမိပုံကို စိတ်၀င်တစားကြည့်ရှုရမှာပါ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2.9GB, 1.15GB Quality - 1080p, 720p IMDb Rating - 6.9/10 Format - mp4 Duration - 2H 12Min Genre - Drama, Romance, Sci-Fi Subtitle - Myanmar Subtitle (Hardsub) Translated by Soe Thiri Swe Encoded by Y

IMDb 6.7/10 Horse Whisperer ဆိုတဲ့အတိုင်း လူနဲ့တိရိစ္ဆာန်တွေကြားက ချစ်ခြင်းမေတ္တာ၊ မိသားစုကြားက နွေးထွေးမှု၊ မွန်တာနာကျေးလက်ဒေသက သဘာဝအလှတရားတွေ စတာတွေအကုန်လုံးကို စုံလင်စွာကြည့်ရှုနိုင်မယ့် ဇာတ်ကားကောင်းတစ်ကားဖြစ်ပါတယ်............. စိတ်ဒဏ်ရာတွေကို ကုစားဖို့က မေတ္တာတရားနဲ့ အချိန်ကာလတစ်ခုပဲ လိုအပ်တယ်ဆိုတာကို ပြသပေးသွားမယ့် ရုပ်ရှင်တစ်ကားပဲဖြစ်ပါတယ်............. ဆယ်ကျော်သက်အရွယ် ဂရေ့စ်နဲ့ သူ့အချစ်ဆုံးသူငယ်ချင်း ဂျူဒီတို့က မြင်းစီးထွက်လာခဲ့ကြရင်း မတော်တဆမှုတစ်ခုနဲ့ ကြုံတွေ့ခဲ့ရာကနေ သူ့အချစ်ဆုံးသူငယ်ချင်း ဂျူဒီဟာ သေဆုံးသွားခဲ့ရတယ်။ ဂရေ့စ်ရော ဂရေ့စ်ရဲ့ မြင်း Pilgrimရော ဆိုးရွားတဲ့ဒဏ်ရာတွေရရှိခဲ့ကြပြီး ဂရေ့စ်အတွက် စိတ်ရောကိုယ်ပါ ထိခိုက်မှုတွေ ဖြစ်သွားစေခဲ့တယ်။ Pilgrim ကလည်း ဒီမတော်တဆမှုကြောင့် စိတ်ဒဏ်ရာအပြင်းအထန်ရရှိခဲ့တာကြောင့် ဂရေ့စ်ရဲ့ အမေ အန်နီက သူ့သမီးရဲ့မြင်းကို ကုစားပေးဖို့ မွန်တာနာကျေးလက်ဒေသရှိ Tom Booker ဆီကို ခေါ်သွားခဲ့ပါတယ်။ Tom Booker က မြင်းတွေရဲ့ စိတ်ကို နားလည်နိုင်စွမ်းရှိသူဖြစ်ပြီးတော့ Grace နဲ့ Pilgrim တို့ကို စိတ်ရှည်ရှည်နဲ့ ပြန်လည်ကုစားပေးဖို့ ကူညီပေးခဲ့တယ်။ အချိန်ကြာလာတာနဲ့အမျှ Annie နဲ့ Tom တို့ကြား ရင်းနှီးမှုတွေ တိုးလာခဲ့ပြီး ရှုပ်ထွေးတဲ့စိတ်ခံစားချက်တွေ ဖြစ်လာခဲ့တယ်။ ဒီစိတ်ခံစားချက်ကြောင့် Annie ရဲ့ အိမ်ထောင်ရေးနဲ့ မိသားစုဘဝကို စိန်ခေါ်မှုတွေဖြစ်လာခဲ့တဲ့အခါမှာ... Annie က ဘယ်သူ့ကို ရွေးချယ်မှာလဲ???? သမီးလေးရဲ့အဖေ Robert လား ဒါမှမဟုတ် သူချစ်မိသွားခဲ့တဲ့သူ Tom လားဆိုတာကိုတော့ The Horse Whisperer ဆိုတဲ့ ဇာတ်ကားလေးမှာ ဆက်လက်ကြည့်ရှုလိုက်ကြပါအုံး...................... File size…(2,2 GB)/(1.3 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Adventure, Drama, Romance Subtitle….Myanmar Subtitle (Hardsub) Encoder….Swan Min Htet Translated by Su Mon

လူသားတွေ လပေါ်မှာ အပြီးတိုင် အခြေချပြီး ၂၅ နှစ်အကြာမှာ အလင်းထက်မြန်အောင် သွားနိုင်တဲ့ ပထမဆုံးအာကာသယာဉ် Event Horizon ကို လွှတ်တင်ခဲ့ကြပါတယ်။ ဒီယာဉ်ဟာ ယာဉ်အတွင်းမှာ အာကာသတွင်းနက်တစ်ခု ဖန်တီးပြီး အလင်းနှစ်များစွာ ဝေးတဲ့ နေရာတွေကို မျက်စိတစ်မှိတ်အတွင်း ရောက်နိုင်အောင် ဒီဇိုင်းထုတ်ထားတာပါ။ ဒါပေမဲ့ နေစကြဝဠာရဲ့ အစွန်အဖျားဆီ သွားမယ့် ပထမဆုံးခရီးမှာပဲ ပျောက်ဆုံးသွားခဲ့တယ်။ ခုနစ်နှစ်ကြာပြီးနောက် အာကာသယာဉ်အသွားအလာ နည်းလွန်းတဲ့ နက်ပ်ကျွန်းဂြိုဟ်အနားကနေ အရေးပေါ်ကယ်ဆယ်ရေး အချက်ပြမှုတစ်ခု ရောက်လာပါတယ်။ ကယ်ဆယ်ရေးယာဉ် Louise & Clarke က ကျွမ်းကျင်သူ ဒေါက်တာဝီယာနဲ့အတူ သွားကြည့်တဲ့အခါ အကူအညီတောင်းနေတဲ့ယာဉ်က ပျောက်ဆုံးနေခဲ့တဲ့ Event Horizon ဖြစ်နေတယ်။ ယာဉ်ပေါ်ရောက်ပြီးနောက် အရင်အဖွဲ့ ဘယ်လိုအဖြစ်ဆိုးတွေ ကြုံခဲ့ရသလဲဆိုတာကို တဖြည်းဖြည်း သိလာရသလို ကယ်ဆယ်ရေးအဖွဲ့ကိုယ်တိုင်လည်း မသင်္ကာစရာတွေ ဆက်တိုက်ကြုံလာရပါတယ်။ နောက်ဆုံး သူတို့အသက်ရှင်ဖို့အတွက် ဒီ Event Horizon ကိုပဲ အားကိုးရမယ့် အခြေအနေထဲ ရောက်လာတော့တယ်။ Paul W.S. Anderson ရိုက်ကူးပြီး Paramount က ထုတ်လုပ်ထားတဲ့ သိပ္ပံစိတ်ကူးယဉ် သည်းထိတ်ရင်ဖိုကားဖြစ်ကာ Laurence Fishburne အဓိက ပါဝင်ထားပါတယ်။ ရုံတင်ဝင်ငွေအရ မအောင်မြင်ခဲ့ပေမယ့် နောက်ပိုင်းမှာ ပရိသတ်တစ်စုရဲ့ အားပေးမှုနဲ့ Cult Classic အဖြစ် ရပ်တည်လာခဲ့ပြီး အကြမ်းဖက်သွေးထွက်သံယိုခန်းတွေလည်း ပါဝင်ပါတယ်။

In the Mouth of Madness (1994) IMDb Rating (7.1) / Rotten Tomatoes (58%) ဂျွန်ထရန့်ဟာ အာမခံစုံစမ်းစစ်ဆေးရေးမှူးတစ်ယောက်ဖြစ်ပြီး လူတစ်ယောက် မရိုးသားတာ၊ တစ်ခုခုကိုဖုံးကွယ်ထားတာတွေကို မြင်ရုံနဲ့တန်းသိနိုင်တာကြောင့် နာမည်ကြီးပါတယ်။ တစ်နေ့တော့ နာမည်ကျော် ဟော်ရာစာရေးဆရာတစ်ယောက်ဖြစ်တဲ့ Sutter Cane ဟာ အသစ်ထွက်မယ့်စာအုပ်လက်ရေးမူနဲ့အတူပျောက်ဆုံးသွားတဲ့အခါသူ့ကိုလိုက်ရှာဖို့ ထရန့်ဆီအလုပ်လာအပ်ပါတယ်။ Sutter Cane ရဲ့စာအုပ်တွေဟာ စိတ်မခိုင်တဲ့စာဖတ်သူတွေအပေါ်ရူးသွပ်သွားစေနိုင်တဲ့အထိသက်ရောက်မှုရှိကြောင်း နာမည်ကြီးနေပြီး ဘာကိုမှအယုံအကြည်မရှိတဲ့ ထရန့်ကတော့ခပ်ပေါ့ပေါပဲသဘောထားခဲ့ပါတယ်။ ဒါပေမယ့်လည်း Sutter Cane ကိုခြေရာခံရင်း သူကိုယ်တိုင် Sutter Cane ရဲ့၀တ္ထုတွေထဲက မြို့တစ်မြို့ကိုရောက်သွားတဲ့အချိန်မှာတော့ ဒါတွေဟာ တကယ်မဟုတ်ဘူးလို့ ကိုယ့်ကိုယ်ကိုအတန်တန်ပြောရင်း သူကိုယ်တိုင်ပါ စိတ်ကူးယဉ်နဲ့လက်တွေ့ဘ၀ကို ခွဲခြားရခက်လာတဲ့အထိ ခြောက်ခြားစရာဖြစ်ရပ်တွေကို ရင်ဆိုင်ရပါတော့တယ်။ နာမည်ကျော် ဟော်ရာဆရာကြီး John Carpenter ရဲ့လက်ရာဖြစ်ပြီး Apocalypse Trilogy သုံးကားတွဲထဲကနောက်ဆုံးဇာတ်ကားဖြစ်ပါတယ်။ အဲ့ဒီခေတ်အခါအနေနဲ့လက်ရာဆန်းသစ်လွန်းတာကြောင့် ရုံတင်စဉ်က လူကြိုက်နည်းခဲ့ပေမယ့်ဗီဒီယိုအဖြစ်ဖြန့်ချိချိန်မှာ အရောင်းရဆုံးစာရင်းဝင်ခဲ့ပြီး ပရိသတ်အခိုင်အမာရခဲ့တဲ့ကားပါ။ ဇာတ်ကားထဲမှာ သုံးသွားတဲ့ ပြကွက်တွေအယူအဆတွေဟာ နောက်ပိုင်း ဟော်ရာ ဂိမ်းတွေ၊ ရုပ်ရှင်တွေမှာ ပြန်အတုခိုးကြတဲ့အထိ ဩဇာလွှမ်းမိုးမှုရှိခဲ့ပါတယ်။ File size… (1.7 GB) / (830 MB) Quality…. Blu-Ray 1080p HEVC / 720p Format…. mkv/mp4 Genre…. Horror,Mystery Duration…. 01:35:41 Subtitle…. Myanmar Subtitle (Hardsub)

Jurassic Park (1993) မြန်မာစာတန်းထိုး ဒါရိုက်တာSteven Spielberg၏လက်ရာတစ်ခုဖြစ်သောJurassic Parkသည် IMDb 8.1နှင့်RT 91% ရရှိထားပြီး ဒိုင်နိုဆောရုပ်ရှင်များထဲတွင် ဇာတ်လမ်းဇာတ်အိမ် အခိုင်ဆုံးဖြစ်သည်ဟု မှတ်ချက်ပြုခြင်းခံခဲ့ရသည်။ ဒိုင်နိုဆောရုပ်ရှင်တို့၏ဘိုးအေကြီးလည်းဖြစ်ပြီး ဤဇာတ်လမ်းကိုအခြေခံ၍ နောက်ဆက်တွဲရုပ်ရှင် များစွာရိုက်ကူးခဲ့ကြသည်။ ဂျွန်ဟမ်ဦးဆောင်သောအသင်းသည် ကော်စတာရီကာကမ်းလွန်ရှိကျွန်းတစ်ကျွန်းကို ငှားရမ်း၍ ဒိုင်နိုဆောကမ္ဘာတစ်ခုတည်ဆောက်ခဲ့ကြသည်။ ထိုအပန်းဖြေစခန်းကြီးဖွင့်လှစ်လုလုအချိန်တွင် လုံခြုံရေးဆောင်ရွက်မှုအားနည်းချက်များကြောင့် လူသေဆုံးမှုများဖြစ်ပေါ်လာပြီး လျော်ကြေးငွေများစွာအသုံးပြုခဲ့ရသောကြောင့် ထောက်ပံ့သူရှယ်ယာရှင်များလက်တွန့်လာခဲ့ကြသည်။ ဤအခက်အခဲကိုဖြေရှင်းရန် သိပ္ပံပညာရှင်သုံးဦး၏ထောက်ခံကြောင်းလက်မှတ်များလိုအပ်လာပြီး ထိုကျွန်းကိုစစ်ဆေးလေ့လာရန်ရောက်ရှိလာခဲ့ကြသည်။ ထောက်ခံချက် ရမည် မရမည် ဆိုတာကိုတော့ ကိုယ်တိုင်ပဲဆက်လက်ကြည့်ရှုခံစားကြည့်ကြပါ။ နှစ်ပေါင်းသန်းပေါင်း ၆၅ သန်းလောက်ကမျိုးတုန်းပျောက်ကွယ်သွားတဲ့ သတ္တဝါတွေကို သဘာဝတရားကိုလွန်ဆန်ပြီး ပြန်လည်ဖန်တီးတဲ့အခါမှာ ဘယ်လိုဘေးအန္တရာယ်ဆိုးတွေကျရောက်လာမလဲဆိုတာ ကြည့်လိုက်ရအောင်လား File Size : 5 GB / 2 GB Quality : Blu-ray 720p Running Time : 2hr 07 min Format : Mp4 Genre :Adventure , Sci-Fi , Thriller Subtitle : Myanmar Subtitle (Hard Sub) Source : Blu-Ray 1080p Translated by Naing Win Swe Encoded by Moe Myint Lwin

~ IMDb - 7.5/10, Rotten Tomatoes - 88% ~ ဒီရုပ်ရှင်က စာ​ရေးဆရာ Tom Clancy ရဲ့ ဇာတ်​ကောင် Jack Ryan တစ်ယောက် စာမျက်နှာ​ထက်က​နေ ပိတ်ကား​ပေါ်ကို စတင်​ရောက်ရှိခဲ့တဲ့ရုပ်ရှင်ဆို မမှားပါဘူး။ Prime ရဲ့ Jack Ryan shows တွေလိုပဲ ရုပ်ရှင်ဘက်မှာ Jack Ryan Franchise ဆိုပြီး ဇာတ်ကား၅ကား ထွက်ခဲ့ဖူးပါတယ်။ CM မှာ 2014 ခုနှစ်ထွက် Jack Ryan ဇာတ်ကားကို တင်ပြီးပြီဖြစ်ပြီး အခုတင်ဆက်​ပေးမှာက​တော့ ဒီ Franchise ထဲက ပထမဆုံးကားပါ။ ဒီဇာတ်ကားက ၁၉၉၀မှာထွက်ရှိခဲ့တာဖြစ်ပြီး Jack Ryan's Theme ဖြစ်တဲ့ Political Spying ပုံစံကို သေချာခံစားရလို့ Old but Gold မှ ကြိုက်တယ်ဆိုသူ​တွေ​ရော Action ကားပရိသတ်​တွေပါ ကြိုက်မယ့် ဇာတ်ကားပါပဲ။ ဇာတ်လိုက်၂​ယောက်က​တော့ အားလုံးသိတဲ့ ဂျိမ်းစ်ဘွန်းမင်းသားကြီး Sean Connery နဲ့ Pearl Harbor နဲ့ Beetlejuice အပြင် တခြားကားပေါင်းများစွာထဲက မင်းသားကြီး Alec Baldwin ပါ။ ရုရှား​ရေတပ်ကပ္ပတိန် ရေးမီယပ်စ် ဦး​ဆောင်တဲ့ Red October ဆိုတဲ့ အဖျက်ရေငုပ်သင်္ဘောကြီးဟာ ရုရှားပြည်တွင်းက​နေ အ​မေရိကန်ကို ထွက်​ပြေးလာပြီးနောက် ရုရှားနိုင်ငံတွင်းက ​ရေတပ်သင်္ဘောအားလုံး သူတို့ပိုင်သင်္ဘောကို ပြန်ရဖို့ ဖမ်းဆီး​ရေးခရီးစဉ်ကို စတင်ခဲ့ပါတယ်။ ရေးမီယပ်စ်က မထွက်ခွာခင် ​ရုရှားရေတပ်ရဲ့ဗိုလ်ချုပ်ကြီးပါဒိုရင်ကို အ​မေရိကန်ဘက်မှာ ခိုလှုံမယ့်အ​ကြောင်းစာပို့ခဲ့တာဖြစ်လို့ ရုရှား​တွေ အသည်းအသန်တားဆီးဖို့ အ​ကြောင်းဖန်လာတာပါ။ အ​မေရိကန်​တွေအမြင်မှာ​တော့ တာ​​ဝေးပစ်ဒုံး​တွေ သယ်​ဆောင်လာတဲ့ ဆိုဗီယက်ပိုင်​ရေငုပ်သင်္ဘောကြီးက အ​ကြောင်းအရင်းမသိရဘဲ သူတို့နိုင်ငံဘက်ကို ဦးတည်လာတဲ့အတွက် တားဆီးရဖို့ဖြစ်လာပါတယ်။ Red October ရဲ့ ရည်ရွယ်ချက်အစစ်ကို သတိပြုမိခဲ့က​တော့ CIA ရဲ့ သု​တေသီ ဂျက်ရိုင်ယန်ဖြစ်ပြီး သူ့အ​နေနဲ့ အဆိုပါသင်္ဘောရဲ့ကပ္ပတိန် ရေးမီယပ်စ်ရဲ့ ခိုလှုံချင်တဲ့သ​ဘောထားကို ယူအက်စ်​အာဏာပိုင်​တွေ၊ ရေတပ်အရာရှိ​​တွေ ယုံကြည်အောင် နားချရပါ​တော့တယ်။ ဆိုဗီယက်အစိုးရဘက်ကလည်း သူတို့ရဲ့​ရေငုပ်သင်္ဘောကြီး သူတို့ရဲ့မဟာရန်သူ လက်ထဲ အလွယ်တကူအ​ရောက်မခံနိုင်လို့ ​​သွေးထိုးမှု​တွေ ဆက်တိုက်လုပ်လာခဲ့လို့ ဂျက်ရိုင်ယန်နဲ့ ကပ္ပတိန်ရေးမီယပ်စ်တို့ဟာ အ​မေရိကန်နဲ့ ဆိုဗီယက်တို့ရဲ့ ​ရှေ့​နောက်ညှပ်တိုက်မှုကို ခံရမယ့်အ​​​ခြေအ​နေပါ။ ဂျက်အ​​နေနဲ့ ဆိုဗီယက်ရဲ့​သွေးထိုးမှု​တွေကို ယူအက်စ်​​အာဏာပိုင်​တွေ နားမ​ယောင်​အောင် ​ပြောနိုင်မလား။ အ​နောက်ကလိုက်ပါလာတဲ့ ရုရှားအဖျက်သင်္ဘော​တွေရန်က​နေ Red October ကိုကယ်တင်ပြီး ခိုလှုံခွင့်တောင်းချင်တဲ့ ကပ္ပတိန်ရေးမီယပ်စ်တို့ရဲ့ ရည်ရွယ်ချက်အမှန်ကို ချပြနိုင်မလားဆိုတာ ကြည့်ရှုရမယ့် Action Thriller ဇာတ်ကားကောင်းတစ်ကားပါပဲ။ (ဒီဇာတ်ကားနဲ့အညွှန်းကို X မှ ပြန်ဆို ရေးသားထားပါတယ်) Size - 2.4GB, 780MB Quality - 1080p, 720p IMDb Rating - 7.5/10 Format - mp4 Duration - 2H 15Min Genre - Action, Adventure, Thriller Subtitle - Myanmar Subtitle (Hardsub) Translated by X Encoded by Y

ဆူဇန် ဟာ ဒုတိယကမ္ဘာစစ်အတွင်း ပြင်သစ်နိုင်ငံမှာ ဗြိတိသျှတော်လှန်ရေးသမားတစ်ဦးအဖြစ် တာဝန်ထမ်းဆောင်ခဲ့ပြီး စစ်ပြီးသွားတဲ့အခါမှာတော့ ငြိမ်သက်လွန်းတဲ့ သူရဲ့ဘဝကို ကျေနပ်မှုမရှိ ဖြစ်နေခဲ့ပါတယ်။ စစ်ပွဲအတွင်းက ကြုံတွေ့ခဲ့ရတဲ့ စိတ်လှုပ်ရှားစရာတွေနဲ့ အဓိပ္ပာယ်ရှိတဲ့ အချိန်တွေကို ပြန်တောင့်တရင်း သူဟာ ပတ်ဝန်းကျင်နဲ့ သဟဇာတမဖြစ်ဘဲ စိတ်ပိုင်းဆိုင်ရာ ရုန်းကန်မှုတွေနဲ့ ရင်ဆိုင်ရပါတော့တယ်။ ဒီလိုနဲ့ ဆူဇန် ဟာ သံတမန်တစ်ဦးဖြစ်တဲ့ ရေမွန် နဲ့ လက်ထပ်ခဲ့ပေမယ့်လည်း သူရဲ့ တစ်ကိုယ်ကောင်းဆန်မှုတွေ၊ စိတ်မြန်လက်မြန်ရှိမှုတွေကြောင့် အိမ်ထောင်ရေးမှာ အဆင်မပြေမှုတွေ ကြုံတွေ့ရပါတယ်။ ပြောင်းလဲလာတဲ့ ဗြိတိသျှ လူ့အဖွဲအစည်းကြားမှာ မိမိကိုယ်ကိုယ် ပြန်လည်ရှာဖွေရင်း ဘဝရဲ့ အနိမ့်အမြင့်တွေကို ရိုက်ကူးထားတဲ့ ဇာတ်ကားကောင်းဖြစ်လို့ အခုပဲ အမြန်ကြည့်လိုက်တော့နော်

စပိုင်တစ်ယောက်ဖြစ်တဲ့ မာ့ခ်ဟာ မစ်ရှင်ပြီးလို့ ဇနီးအန်နာနဲ့ သားလေးဘော့ဘ်ရှိရာ အိမ်ကို ပြန်လာချိန်မှာ ကွာရှင်းပေးဖို့ တောင်းဆိုခံရပါတယ်။ အကြောင်းရင်းကို မေးကြည့်တော့ အန်နာက တခြားလူရှိလို့ မဟုတ်ဘူးလို့ အကြိမ်ကြိမ်ငြင်းပေမယ့် တကယ်တော့ သူ့မှာ နောက်တစ်ယောက်ရှိနေတယ်။ မာ့ခ်က အိမ်နဲ့ကလေးကို ပေးခဲ့ပြီး ခွဲနေလိုက်ပေမယ့် အန်နာဟာ သားကို အိမ်မှာ ရက်သတ္တပတ်အတော်ကြာ တစ်ယောက်တည်းထားပြီး ဘယ်သွားမှန်းမသိ ထွက်သွားနေပါတယ်။ မာ့ခ်လည်း စိတ်ညစ်လို့ အရက်သောက်ရင်း အရက်ကြောင်တဲ့အထိ ဖြစ်လာတယ်။ ဒါပေမဲ့ သားလေးရဲ့အခြေအနေကို တွေ့လိုက်ရတဲ့အခါ အိမ်ကိုပြန်လာနေဖို့ ဆုံးဖြတ်လိုက်ပါတယ်။ အန်နာကို ပြန်မလာဖို့ ပြောထားပေမယ့် သူက ကလေးကို အကြောင်းပြပြီး လာချင်တဲ့အချိန် လာလိုက်၊ ထူးထူးဆန်းဆန်းတွေ လုပ်ပြီး ပြန်ထွက်သွားလိုက်နဲ့ပါပဲ။ ချစ်သူအသစ်ဆီမှာ နေနေတာလားလို့ မာ့ခ်က စုံစမ်းကြည့်တော့လည်း ထင်ထားသလို မဟုတ်ပြန်ဘူး။ အန်နာ ဘယ်ကိုသွားနေသလဲ၊ ဘာတွေဖုံးကွယ်ထားသလဲဆိုတာကို မာ့ခ် ဆက်စုံစမ်းရပါတော့တယ်။ သွေးထွက်သံယိုနဲ့ ဝတ်လစ်စလစ်အခန်းတချို့ ပါဝင်တဲ့ ထိတ်လန့်သည်းဖိုဇာတ်ကားပါ။