Terrence Howard ပါဝင်သော ဇာတ်ကားများ

အပိုင်း ( ၁ မှ ၈ ) အထိ စ / ဆုံး ဖြစ်ရပ်မှန်ကိုပြန်လည်ရိုက်ကူးထားတဲ့ Fight Night: The Million Dollar Heist စီးရီးကတော့ Crime ၊Drama အမျိုးအစားဖြစ်ပြီး Kevin Hart ၊ Samuel L. Jackson နဲ့ Terrence Howard တို့လိုအကျော်အမော်တွေပါဝင်သရုပ်ဆောင် ပေးထားပါတယ်။ ခရမ်းချဥ်သီးပုပ်မှာတော့ ၉၃ ရာခိုင်နှုန်းက review ကောင်းတွေပေးထားပြီး rating ကတော့ 7.1/10 ဖြစ်ပါတယ်။ ဇာတ်လမ်းအကျဉ်း ၁၉၇၀ ပြည့်နှစ်က မိုဟာမက်အလီနဲ့ဂျယ်ရီကွာရီရဲ့သမိုင်းဝင်လက်ဝှေ့ပွဲ ညမှာဖြစ်ခဲ့တဲ့ လက်နက်ကိုင်လုယက်မှုဖြစ်ရပ်မှန်ကို ပြန်လည်ရိုက်ကူး ထားတာဖြစ်ပါတယ်။ အတ္တလန်တာမြို့မှာ ပိုက်ဆံရဖို့မကောင်းတဲ့ လုပ်ငန်းအကုန်လုပ်တဲ့ချစ်ကန်းမန်းဟာ မိုဟာမက်အလီရဲ့လက်ဝှေ့ပွဲ အတွက် ရောက်ရှိလာတဲ့ နာမည်ကြီးရာဇဝတ်ဂိုဏ်းခေါင်းဆောင်တွေ အတွက် ပါတီကျင်းပပေးဖို့ကြိုးစားခဲ့ပါတယ်။ ချစ်ကန်းမန်းရဲ့ရည်ရွယ်ချက်က လုပ်ကွက်နဲ့ငွေရဖို့ဖြစ်ပေမယ့် တကယ်တမ်း ပါတီကျင်းပချိန်မှာတော့ တစ်နေရာတည်းမှာစုပေးလိုက်သလိုဖြစ်သွားတဲ့ ဒီဂိုဏ်းခေါင်းဆောင်တွေကိုလုယက်ဖို့ကြံစည်ထားတဲ့အဖွဲ့တစ်ခုရှိနေတယ် ဆိုတာတော့ ချစ်ကန်းမန်းတစ်ယောက်မသိရှိခဲ့ဘဲ ထောင်ချောက်ထဲတိုးဝင် သွားခဲ့မိပါတော့တယ်။ File Size – 902 MB / 465 MB Quality –WEB-DL 1080p HEVC  , 720p Episodes -  8 Eps Duration -  56 min Subtitle – Myanmar Hardsub Format – mkv / mp4 Genre : Action , Crime , Drama Translator – JULY , Muse , Aoi Encoder – Min Wai

Shirley (2024) ဒီဇာတ်ကားလေးကတော့ ၁၉၇၂ မှာ အမေရိကန်ပြည်ထောင်စုရဲ့ သမ္မတရွေးကောက်ပွဲမှာ သမ္မတနေရာအတွက် ဝင်ရောက်ယှဉ်ပြိုင်ခဲ့တဲ့ သမိုင်းမှာ ပထမဆုံးသော လူမဲအမျိုးသမီး ရှာလီ ချီဆန်အကြောင်းကို တင်ဆက်ရိုက်ကူးထားတဲ့ ဗဟုသုတရဖွယ် သမိုင်းကြောင်းဇာတ်ကားလေးဖြစ်ပါတယ်။ ဇာတ်လမ်းအကျဉ်း ရှာလီချီဆန်ဟာ ဘရွတ်ကလင်က သာမန်လူမဲကျောင်းဆရာမလေးဘဝကနေ လူထုမေတ္တာခံယူရင်းနဲ့ နယူးရော့ခ်ရဲ့ ၁၂ ကြိမ်မြောက် ဗဟိုပြည်နယ်ညီလာခံမှာ လွှတ်တော်အမတ်အဖြစ် ရွေးချယ်ခံခဲ့ရပါတယ်။ သူမဟာ လူဖြူတွေကြီးစိုးတဲ့ ကျားရဲတွင်းသဖွယ် လွှတ်တော်ထဲမှာ နိုင်ငံသားအခွင့်အရေး၊ ကျားမတန်းတူညီမျှရေး၊ လူမျိုးရေးခွဲခြားဆက်ဆံမှု အစရှိတဲ့ အဓိကပြဿနာတွေကို ရွပ်ရွပ်ချွံချွံ ဖြေရှင်းဖို့ ကြိုးစားရင်း ပြည်သူ့အကျိုးကို ဒီထက်ပိုပြီး ထိထိရောက်ရောက် တာဝန်ထမ်းဆောင်နိုင်ဖို့အတွက် သမ္မတရွေးကောက်ပွဲကို ဝင်ရောက်ယှဉ်ပြိုင်ပါတော့တယ်။ ကျားမခွဲခြားမှု ပြင်းထန်နေသေးတဲ့ခေတ်ကာလမှာ လူမဲအမျိုးသမီးဖြစ်တဲ့ သူမဟာ သမိုင်းမှာ မကြုံစဖူး ရွေးကောက်ပွဲ ဝင်ရောက်ယှဉ်ပြိုင်တဲ့အခါ ဘယ်လိုအခက်အခဲ အတားအဆီးတွေကို ကျော်ဖြတ်ရမလဲ၊ အနာဂါတ်မျိုးဆက်သစ်တွေကိ ဘယ်လို လမ်းစဖောက်ပေးခဲ့လဲဆိုတာက အားတက်ဖွယ် အတုယူဖွယ် ကြည့်ရှုရမှာဖြစ်ပါတယ်။ IMDb မှာ Rating 6.3/10 ရရှိထားပြီးတော့ Rotten Tomatoes မှာတော့ Rating 72 % ရရှိထားပါတယ်။ ဘာသာပြန်ဆိုသူကတော့ Matteo ဖြစ်ပါတယ်။

Skeletons in the Closet (2024) ဒီတစ်ခေါက်ကတော့ လောကမှာ ကိုးကွယ်သင့်တဲ့နတ်တွေရှိသလို မကိုးကွယ်သင့်တဲ့ နတ်ဆိုးတွေလည်းရှိတာကို ပြထားပြီး ပထမ War Machine မင်းသားကြီး Terrence Howard ပါဝင်ထားတဲ့ Skeletons in the Closet ဆိုတဲ့ သည်းထိတ်ရင်ဖိုကားတစ်ကားဖြစ်ပါတယ်။ ~ ဇာတ်လမ်းအညွှန်း ~ သမီးဖြစ်သူ ဂျန််နီရဲ့ ကင်ဆာရောဂါကိုကုသဖို့ အာမခံကြေးကလည်းမလုံလောက်၊ ယောကျာ်းဖြစ်သူ မာ့ခ်ကလည်း အလုပ်ပြုတ်သွားတာကြောင့် ဗယ်လက်တီနာတစ်ယောက် အခက်တွေ့နေတုန်းမှာပဲ ခင်ပွန်းဖြစ်သူ မိတ်ဆက်ပေးတဲ့ အကြားအမြင်ဆရာတစ်ယောက်နဲ့ တွေ့ဆုံပြီး ပြဿနာတွေပြေလည်ဖို့ အပေးအယူလုပ်လိုက်ရာက ကြုံတွေ့လာရမယ့် ဖြစ်ရပ်ဆိုးတွေ နတ်ဆိုတိုင်းမကိုးကွယ်သင့်တာကို ရိုက်ပြထားတဲ့ သည်းထိတ်ရင်ဖိုကားတစ်ကားပါပဲ။ (ဒီဇာတ်ကားနဲ့အညွှန်းကို DB မှ ပြန်ဆို ရေးသားထားပါတယ်) Size - 1.1GB, 510MB Quality - 1080p, 720p Format - mp4 Duration - 1H 38Min Genre - Horror, Thriller Subtitle - Myanmar Subtitle (Hardsub) Translated by DB Encoded by Y

Showdown at the Grand (2023) ~ Rotten Tomatoes - 100% ~ ငယ်ငယ်တည်းက မိသားစုအမွေအနှစ်ဖြစ်တဲ့ ရုပ်ရှင်ရုံလုပ်ငန်းကို ဆက်ခံခဲ့ပြီး အမှတ်တရတွေပြည့်နေတဲ့ ဂန္ထ၀င်ရုပ်ရှင်ရုံကြီးကို တန်ဖိုးထား ဂုဏ်ယူတဲ့ ဂျော့ရှ်... အချိန်တွေကြာလာတော့ စီးပွားရေးသိပ်အဆင်မပြေတော့ပေမဲ့ မစွန့်ပစ်ဘဲ ဆက်လက်ထိန်းသိမ်းခဲ့သူ။ ဂျော့ရှ်အကြိုက်ဆုံး အက်ရှင်ကားတွေရဲ့ ဇာတ်လိုက်ကျော်သူရဲကောင်းက ကလော့လုဟယ်လီဒေးဖြစ်ပြီး သူပါသမျှရုပ်ရှင်တိုင်း မလွတ်တမ်းကြည့်ခဲ့ပြီး ပစ္စည်းတွေပါ စုဆောင်းထားပါတယ်။ ပြသာနာက အဖွဲ့အစည်းတစ်ခုက ဂျော့ရှ်တို့ရပ်ကွက်မှာ ခေတ်မီ Facilities တွေ အရာအားလုံးပါ၀င်တဲ့ အိမ်ရာစီမံကိန်းလိုမျိုးဆောက်ဖို့ စီစဉ်တာကနေ စပါတယ်။ ဂျော့ရှ်ရဲ့ရုပ်ရှင်ရုံရော အနားတစ်ဝိုက်က နေရာတွေကိုပါ ၀ယ်ပြီး ဖယ်ခိုင်းတာကြောင့်ပါ။ ဂျော့ရှ်က သူ့အတွက်အရာရာဖြစ်တဲ့ နေရာကိုမရောင်းဘူးငြင်းဆန်တဲ့အခါ... Developers တွေက နည်းမျိုးစုံသုံးပြီး ဖယ်ပေးအောင် ကြိုးပမ်းပါတော့တယ်။ ဂျော့ရှ်ကလည်း တစ်ဖက်မှာ သူ့ရုံလူ၀င်အောင် သူ့ရဲ့သူရဲကောင်းကြီး ဟယ်လီဒေးကို မရရအောင် ဖိတ်ခေါ်ခဲ့ပါတယ်။ ဟယ်လီ‌ဒေးရောက်လာတဲ့နေ့မှာပဲ ရန်သူတွေက ၀င်ရောက်အကြမ်းဖက်တဲ့အခါ ဂျော့ရှ်တစ်ယောက် သူ့ရဲ့ရုပ်ရှင်စတားနဲ့အတူ တိုက်ခိုက်ကာကွယ်တာကို ရှုစားရမှာပါ။ ဂျော့ရှ်က ရုပ်ရှင်ခရေဇီဖြစ်တဲ့အလျောက် တစ်ကားလုံး ဂန္ထ၀င်ရုပ်ရှင်ကားနာမည်တွေနဲ့ ဒိုင်ယာလော့တွေပါ ထည့်သုံးပြောသွားတာကိုပါ မြင်ရမှာဖြစ်ပါတယ်။ ပထမဆုံး War Machine ဖြစ်ခဲ့တဲ့ Terrence Howard အပြင် The Mentalist စီးရီးနဲ့ နာမည်ကျော်ခဲ့တဲ့ Amanda Righetti ကိုပါ ပြန်တွေ့ရမှာဖြစ်ပြီး ကိုယ်တွေကလေးဘဝတုန်းက ရုရှားအာနိုးလို့ ခေါ်ခဲ့ကြတဲ့ Dolph Lundgren ကြီးကိုလည်း ပြန်‌အားပေးနိုင်မယ့်ကားကောင်းတစ်ကားပါပဲ။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size - 1.85GB, 800MB Quality - 1080p, 720p IMDb Rating - 5.4/10 Format - mp4 Duration - 1H 32Min Genre - Action, Comedy Subtitle - Myanmar Subtitle (Hardsub) Translated by Shune Lai KK Encoded by Y

တယ်ရီဆဲဗေ့ဂျ်ဟာ တိုင်းပြည်အတွက် အသက်စွန့်တိုက်ပွဲဝင်ခဲ့ပြီး စစ်မြေပြင်မှာ ဆုတံဆိပ်တွေ ရခဲ့တဲ့ စစ်သားတစ်ယောက်ပါ။ ဒါပေမယ့် တာဝန်ပြီးလို့ အိမ်ပြန်ရောက်ချိန်မှာ အစိုးရရဲ့ လျစ်လျူရှုမှုကို ခံရပြီး သူ့ဘဝက တဖြည်းဖြည်း အဆင်မပြေဖြစ်လာတယ်။ နောက်ဆုံး သမီးအသက်ကို ကယ်ဖို့ ဆေးဖိုးလိုလာတဲ့အခါ ကြံရာမရတော့ဘဲ ဒုစရိုက်သမားဆီက လုယူဖို့ ကြိုးစားရင်း အဖမ်းခံလိုက်ရပါတယ်။ ဒီလိုနဲ့ သားအဖနှစ်ယောက်စလုံး အခက်တွေ့နေရချိန်မှာ ရဲမင်းကြီးဟာဗီက ကမ်းလှမ်းချက်တစ်ခုနဲ့ ဆက်သွယ်လာတယ်။ ပုဂ္ဂလိကအကျဉ်းထောင်တွေထဲက အကျင့်ပျက်ခြစားမှုကို ဖော်ထုတ်ဖို့ ဆဲဗေ့ဂျ်က သူလျှိုအဖြစ် ဝင်ပြီး အထောက်အထားယူပေးရမှာပါ။ အဲဒီအလုပ်ကို လုပ်ပေးရင် သူကြုံနေရတဲ့ ဒုက္ခတွေကို တာဝန်ယူဖြေရှင်းပေးမယ်လို့ ဟာဗီက ကတိပေးတယ်။ တခြားရွေးစရာမရှိတဲ့ ဆဲဗေ့ဂျ်လည်း ထောင်ထဲဝင်ပြီး လျှို့ဝှက်ချက်တွေကို စုံစမ်းပါတော့တယ်။ ဒါပေမယ့် သူရှာတွေ့လာတဲ့ အမှန်တရားတွေက သူ့အခြေအနေကို ပိုဆိုးလာစေတယ်။ Tyrese Gibson နဲ့ Terrence Howard တို့ ပါဝင်ထားတဲ့ အက်ရှင်၊ မှုခင်းဇာတ်ကားပါ။

St Vincent(2014) IMDb Rating - 7.2/10 ကျွန်တော်တို့ ကြားဖူးကြတဲ့ Saint ဆိုတဲ့ သူတော်စင်တွေဟာ တကယ်တော့ ကျွန်တော်တို့လို လူသားစင်စစ်တွေပါပဲ လူသားတွေဖြစ်တဲ့ ကျွန်တော်တို့နဲ့ ဘာမှမကွဲပြားကြပါဘူး ဒါပေမယ့် သူတို့ကို ဘယ်အရာတွေက သူတော်စင်ဆိုပြီး ဖြစ်သွားစေတာလဲ သာမန်လူတစ်ယောက်ထက် ဘယ်အရာတွေက ထူးခြားသွားစေနိုင်တာလဲ ဆိုတာကိုတော့ ဒီ ဇာတ်ကားလေး ကို ကြည့်ရှုရင်း ခံစားကြည့်လိုက်ပါဗျာ မင်းသားကတော့ GhostBusters,The Grand Budapest Hotel,Lost In Translation အစရှိသဖြင့် ဇာတ်ကားကောင်းများစွာနဲ့ နာမည်ကြီးပြီး Marvel ရဲ့ လာမယ့် Ant Man and the Wasp 3 မှာပါ ပါမယ်လို့ Confirmedထားတဲ့ မင်းသားကြီး Bill Murrayပဲ ဖြစ်ပါတယ် ဇာတ်လမ်းအကျဉ်းဆိုပြီး ရေးပေးချင်ပေမယ့် ဘာကိုမှ များများစားစား ညွှန်းစရာမလိုဘဲ ကြည့်ကောင်းတဲ့ ဇာတ်လမ်းလေးမလို့ အချိန်ကုန်ရကျိုးနပ်ပါတယ်လို့ ပဲ ပြောချင်ပါတယ် (ဘာသာပြန်ပြီး အညွှန်းရေးသားထားသူကတော့ Thura Hein ပဲ ဖြစ်ပါတယ်) File Size__(1.8GB) / (950MB) Quality__1080p, 720p IMDb Rating__7.2/10 Format__mp4 Duration__01:42:00 Type__Comedy , Drama Subtitle__Myanmar Subtitle (Hardsub) Translated by Thura Hein Encoded by Naing Aung Latt

မူးယစ်ဆေးဝါးတိုက်ဖျက်ရေး အထူးတပ်ဖွဲ့ခေါင်းဆောင် ဘရစ်ချာနဲ့ သူ့အဖွဲ့ဟာ မူးယစ်ဂိုဏ်းတစ်ခုရဲ့စခန်းကို ဝင်စီးကြပါတယ်။ အဲဒီမှာ ဖမ်းဆီးရမိတဲ့ ငွေပုံကြီးထဲက ဒေါ်လာဆယ်သန်းကို ခိုးယူပြီး ဖွက်ထားခဲ့ကြတယ်။ တိုက်ခိုက်မှုတွေပြီးလို့ ငွေပြန်ယူဖို့ သွားတဲ့အခါမှာတော့ ဖွက်ထားတဲ့ငွေတွေ ပျောက်နေပြီး တစ်ဖွဲ့လုံးလည်း ခိုးမှုနဲ့ စစ်ဆေးခံရပါတော့တယ်။ ခြောက်လကြာ စစ်ဆေးပေမယ့် မသင်္ကာစရာမတွေ့တာကြောင့် သူတို့ ပြန်တာဝန်ထမ်းဆောင်ခွင့်ရလာပါတယ်။ ဒါပေမယ့် အဲဒီနောက်မှာ အဖွဲ့ဝင်တွေ တစ်ယောက်ပြီးတစ်ယောက် ရက်ရက်စက်စက် အသတ်ခံလာရတယ်။ စစ်ဆေးရေးမှူးအမျိုးသမီးတစ်ယောက်နဲ့ ပူးပေါင်းပြီး တရားခံကို လိုက်ရှာကြရင်း သံသယရှိသူတွေ တွေ့လာပေမယ့် အဖွဲ့ထဲမှာလည်း သေဆုံးသူတွေ ဆက်တိုးနေပါတယ်။ ဘရစ်ချာရဲ့ဇနီး အသတ်ခံခဲ့ရတဲ့အတိတ်နဲ့ လက်ရှိအဖွဲ့သားတွေ ကြုံနေရတဲ့ပြဿနာတွေကြားကနေ လူသတ်သမားကို ရှာဖော်ရမှာပါ။ အာနိုးက ဘရစ်ချာအဖြစ် ဦးဆောင်ပါဝင်ပြီး Sam Worthington လည်း သရုပ်ဆောင်ထားပါတယ်။

Rating လဲမကောင်း.. 18+ တွေလဲပါတဲ့ ဇာတ်ကားကို ဘာလို့တင်တာလဲလို့ မေးစရာရှိပါတယ်... တစ်ခါတစ်လေမှာ စိတ်ရှုပ်ထွေးစရာတွေအပြင်လောကမှာကြုံဆုံနေတဲ့အခါမျိုးမှာ.. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းတဲ့ ဒီလိုဇာတ်ကားမျိုးကြည့်ခြင်းက သင့်ဦးနှောက်ကို အသစ်အဆန်းတစ်မျိုးနဲ့ မိတ်ဆက်ပေးရာရောက်လိမ့်မယ်လို့ ထင်မိလို့ပါ... ဒီဇာတ်ကားကို နာမည်ကြီးသရုပ်ဆောင်ပေါင်းများစွာနဲ့ ဒါရိုက်တာပေါင်းများစွာက ဆယ်စုနှစ်တစ်ခုစာလောက်ကြာအောင် ရိုက်ကူးထုတ်လုပ်ခဲ့ပါတယ်။ ကဲ… rating ကတော့မြင်တဲ့အတိုင်းပဲ (Rating- IMDb : 4.3/10 , RT:4 , Matacritis : 18%) ဖြစ်ပါတယ်… အဲ့ဒီရုပ်ရှင်ထဲက Cast တွေအနေနဲ့ကတော့….… Kate Winslet , Emma Stone , Naomi Watts , Kate Bosworth , Chloe Grace Moretz , Helle Berry , Anna Faris (Scary Movie) , Elizabeth Banks , Uma Thurman , Kristen Bell , Leslie Bibb အစရှိတဲ့ နာမည်ကြီး အမျိုးသမီးသရုပ်ဆောင်တွေအပြင် Richard Gere , Gerard Butler , Hugh Jackman , Chris Pratt , Terrence Howard , Josh Duhamel , Dannis Quaid ,Gerg Kinner , Jeremy Allen , Stephen merchant , Christopher Mintz-Plasse , Justin Long , Kieran Culkin , Jason Sudeikis , Jimmy Bennet စတဲ့နာမည်ကြီး အမျိုးသားသရုပ်ဆောင်တွေပါဝင်ထားပါတယ်။ ဒါတင်မကသေးပါဘူး ၊ ဒါရိုက်တာအနေနဲ့လည်း Steven Brill, Peter Farrelly, Elizabeth Banks စသည်တို့အပါအဝင် စုစုပေါင်းဒါရိုက်တာ 13ဦးရိုက်ကူးပြီး ဇာတ်ညွှန်းပိုင်းမှာလဲ ဇာတ်ညွှန်းရေးဆရာ အယောက် 20အထိပါဝင်ထားတဲ့ဒီရုပ်ရှင်ကိုရိုက်ကူးထုတ်လုပ်ရာမှာ အစောကပြောခဲ့သလို ဆယ်စုနှစ်တစ်ခုစာလောက်ကြာမြင့်ခဲ့ပါတယ်။ ဇာတ်ညွှန်းကိုထုတ်ဝေသူအများစုကငြင်းပယ်ခြင်း၊ ကမ်းလှမ်းတဲ့သရုပ်ဆောင်တွေကသရုပ်ဆောင်ရန် ငြင်းဆန်ခြင်း ၊ ရိုက်လက်စသူအချို့ကလဲ ဆက်မရိုက်တော့ဘူးဆိုကာ ရိုက်ကူးရေးမှထွက်ချင်ခြင်း စတဲ့အခက်အခဲပေါင်းများစွာရင်ဆိုင်ခဲ့ပြီးနောက် 2013 Junuary 25 မှာထွက်လာခဲ့တဲ့ Movie 43 ဟာ 34ကြိမ်မြောက် Golden Raspberry ဆုပေးပွဲမှာ Worst Picture, Worst Director, Worst Screenplay စတဲ့ဆုသုံးဆုကိုဆွတ်ခူးရရှိခဲ့ပါတယ်။ ထို့အပြင် one of the worst films of all time ရဲ့စာရင်းထဲကိုလဲဝင်သွားခဲ့ပါသေးတယ်။ ကြာမြင့်ချိန် 98 မိနစ်ရှိပြီး Indie / Comedy အမျိုးအစားဖြစ်တဲ့ ဒီရုပ်ရှင်ရဲ့ထူးခြားချက်ကတော့ ရိုက်ကူးရေးအတွက် စုစုပေါင်းကန်ဒေါ်လာ 6 မီလီယံ ကုန်ကျခဲ့ပြီး Box office မှာ 32.4 မီလီယံဒေါ်လာထိပြန်ရခဲ့ပါတယ်။ ဇာတ်လမ်းလေးကတော့ …… Calvin Culter နဲ့သူ့သူငယ်ချင်း JJ တို့ဟာ သူတို့ရိုက်ကူးထားတဲ့ပေါကြောင်ကြောင် Video တစ်ခုကို Youtube မှာ တင်လိုက်ပြီး မိနစ်ပိုင်းတွင်းမှာပဲ သူတို့ရဲ့ Video ဟာ 1,000,000 view ရသွားတဲ့အခါ အကြီးအကျယ်ပျော်ရွှင်နေကြပါတယ်။ ဒါပေမဲ့ သူတို့ရဲ့အပျော်ဟာကြာကြာမခံလိုက်ပါဘူး…ဘာဖြစ်လို့ဆိုတော့ အဲ့ဒိ့viewer အများကြီးတိုးလာတာက Calvin ရဲ့ညီ ကွန်ပျူတာကျွမ်းကျင် Baxter ရဲ့ April Fool’s Prank ဖြစ်နေလို့ပါ…အရမ်းစိတ်ဆိုးသွားတဲ့ Calvin Culter နဲ့ JJတို့ဟာ Baxter ကိုပြန်ကလဲ့စားချေဖို့ကြံစည်ပါတော့တယ်။ သူတို့ရဲ့အကြံအစည်က Baxter ရဲ့ laptop ထဲကို Virus တွေထည့်ဖို့ပါပဲ….. သူတို့လက်စားချေခြင်းရဲ့ပထမအဆင့်အနေနဲ့ကတော့ Baxter ရဲ့ Laptop ကိုခိုးဖို့ပါ..အဲ့လိုခိုးဖို့အတွက် Baxter ကိုသူ့အခန်းထဲကနေအောင် Movie 43 အကြောင်းလုပ်ကြံပြီးပြောရာကနေပြီး ဇာတ်လမ်းလေးဖြစ်လာခဲ့တာပါ…. ဒီရုပ်ရှင်ကိုကြည့်ချင်မိသွားတာက 24 Bad Movies You Forgot Starred Some of Today’s Greatest Actors ဆိုတဲ့ ဆောင်းပါးကိုစဖတ်မိရကပါ။ အဲ့ဒိဆောင်းပါးမှာ moviefone က အဲ့ဒီရုပ်ရှင်အတွက် အားနာမိတဲ့သရုပ်ဆောင်တွေကို ဖော်ပြရမှာ “Kate Winslet & Everyone else” လို့ဖော်ပြခဲ့လို့ပါ။ Rating နည်းနည်းလေးပဲရထားပြီး နာမည်ကြီးသရုပ်ဆောင်ပေါင်းများစွာ ပါဝင်ထားတဲ့ဒီရုပ်ရှင်ဟာ စကြည့်လိုက်တာနဲ့ဆက်ကြည့်ချင်သွားအောင်ဆွဲဆောင်နိုင်ပါတယ်…. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းပါတယ်။ (ကျနော်ဆို ကြည့်နေရင်းနဲ့ပါးစပ်အဟောင်းသားဖြစ်မိပါတယ်… သူ့ဇာတ်လမ်းတွေက အံ့သြသင့်စရာကောင်းလွန်းလို့ပါ).. ဘယ်လိုပဲဖြစ်ဖြစ် သင်ဟာ ရုပ်ရှင်ဝါသနာအိုးတစ်ယောက်ဆိုရင်တော့ ဒီကားလေးကိုလက်လွတ်မခံပဲကြည့်ဖို့တိုက်တွန်းပါရစေ….။ #Nucleon_Review #Admin_T (ရုပ်ရှင်အညွှန်းကို Nucleon's FB Page မှကူးယူဖော်ပြပါသည်။) File size…(700MB) Quality…Blu-Ray Rip 720p Format…mp4 Duration….01:38:01 Subtitle….Myanmar Subtitle (Hardsub) Encoder….Nyeinsaeya Aung

Prisoners (2013) IMDb Rating (8.2) / Rotten Tomatoes (82%) Duneတို့ Blade Runner 2049တို့ Arrivalတို့နဲ့ အော်စကာတွေ တစ်သီကြီးရဖူးသလို ပရိသတ်လက်ခံမှုအားလည်းများတဲ့ Denis Villeneuveရဲ့ Prisonersကို မကြည့်ဖူးတဲ့ လူလည်း မရှိလောက်တော့ပါဘူး။ သရုပ်ဆောင်တွေကလည်း Jake Gyllenhaalတို့ Hugh Jackmanတို့ Paul Danoတို့ David Dastmalchianတို့လို သရုပ်ဆောင်ပိုင်းမှာ နာမည်ကောင်းအပြည့်ရထားတဲ့ လူတွေချည်းပါပဲ။ အရင်ငါးနှစ်လောက်ကတည်းက တင်ထားခဲ့တာမို့ အားလုံးလည်းကြည့်ပြီးနေပြီမို့ Screenrantက Prisoners Ending Explained: Does Loki Find Keller?ဆိုတဲ့‌ ဆောင်းပါးထဲက အချက်တွေကို ပြန်ထုတ်နုတ်ထည့်ပြီး ဇာတ်လမ်းအစဉ်လိုက်အတိုင်းပဲ ဖြည့်စွက်ပြန် ပြောပြထားပါတယ်။ မကြည့်ရသေးရင်တော့ ဒီလောက်ထိပဲ ဖတ်သင့်ပါတယ်။ အားလုံးသိတဲ့အတိုင်း ဒီရုပ်ရှင်ရဲ့ဇာတ်က ကလေးအခိုးခံရတာကို ပြန်ရှာတဲ့ဇာတ်ပါပဲ။ ကျေးဇူးတော်နေ့မှာ ဒိုဗာ ( ဟုချ်ဂျက်မန်း)တို့ မိသားစုက အိမ်နီးချင်းအိမ်ကို သွားလည်တယ်။ အိမ်နီးချင်းရဲ့သမီးလေးနဲ့ သူ့သမီးလေးက အပြင်ထွက်သွားရာက ပျောက်သွားတယ်။ ကလေးတွေပျောက်သွားတဲ့အမှုကို စုံထောက်လိုက်ီ ( ဂျိတ်)က ဦးဆောင်ပြီးစုံစမ်းတယ်။ သူတို့ စုံစမ်းတာကို အားမရတဲ့ ဒိုဗာက သူ့နည်းသူ့ဟန်နဲ့ ကလေးကိုရှာတယ်။ ဒါကို အစကနေ အဆုံးအထိ ကွင်းဆက်တွေ ချိတ်ဆက်ပြီး Denis Villeneuve တင်ဆက်ထားပုံက ကြည့်ရှုသူတွေအတွက် တော်တော်လေးအားရစရာကောင်းသလို , သူတို့ရှာတွေ့သမျှ အရာအားလုံးက လမ်းစတွေဖြစ်နေသလို အဲဒီအရာအားလုံးကပဲ လမ်းပျောက်စေခဲ့တာက ဒီရုပ်ရှင်ထဲက ခံစားနေရသူတွေအတွက် ကြည့်ရှုတွေအနေနဲ့ တော်တော်လေးအားမလို အားမရဖြစ်စရာကောင်းခဲ့တယ်။ ဒီရုပ်ရှင်ထဲက စုံထောက်လိုကီ လိုက်စုံစမ်းခဲ့သမျှ လူတွေဟာ တကယ့်တရားခံမဟုတ်ခဲ့ပေမဲ့ တရားခံနဲ့ တိုက်ရိုက်ဖြစ်စေ သွယ်ဝိုက်ဖြစ်စေ ပတ်သက်နေတဲ့ လူတွေချည်းပဲ။ သူတို့စစစုံစမ်းခဲ့တဲ့သူက အဲလက်စ်ဂျုန်းပါ။ ကလေးတွေကို ကားပေါ်တင်ခေါ်သွားမိပေမဲ့ ဘာအပြစ်မှမရှိဘူးလို့ ကောက်ချက်ချထားကြတဲ့ ၁၀နှစ်ကလေး ဉာဏ်ရည်နဲ့ လူပါ။ ရုပ်ရှင်စစချင်းတော့ သူက တရားခံလိုလိုထင်ခဲ့ရပေမဲ့ တကယ်တမ်း သူလည်း ဂျုန်းလင်မယားရဲ့ ပထမဆုံးနစ်နာသူတစ်ယောက်ဖြစ်နေခဲ့တယ်။ သူ့ကားပေါ်ပါသွားတယ်လို့ ယူဆထားတော့ ရဲတွေက သူ့ကိုဖမ်းပြီး စစ်ဆေးတဲ့အချိန်မှာ ဆယ်နှစ်ကလေးဉာဏ်ရည်ပဲရှိတာသိခဲ့ရပြီး သူ့ဆီက ဘာမှမေးမရခဲ့လို့ ပြန်လွှတ်ပေးလိုက်ရတယ်။ ဒါပေမဲ့ သူက သဲလွန်စတွေ အများကြီးပေးခဲ့ပါတယ်။ ဒိုဗာကို သူပြောခဲ့တဲ့ " ကျွန်တော်မထားခဲ့ခင်အထိ သူတို့မငိုသေးဘူး"ဆိုတဲ့ စကားရယ် ။ "ကျွန်တော်က အဲလက်စ် မဟုတ်ဘူး"ဆိုတဲ့ စကားရယ်။ " ကျွန်တော်စောင့်နေပေမဲ့ သူရောက်မလာခဲ့ဘူး"ဆိုတဲ့ စကားရယ်။ "သူတို့က ဝင်္ကပါထဲမှာ"ဆိုတဲ့ စကားရယ်က ဒီကားလုံးမှာ သူ့ဘာသာပြောခဲ့တဲ့ စကားအကုန်ပါပဲ။ ဒီစကားတွေ အားလုံးကလည်း အမှုရဲ့အဖြေဆီ ဦးတည်နေခဲ့တယ်။ တကယ်လို့သာ ဒီစကားတွေကို လိုကီသိခဲ့ရင် အစကတည်းက ကွင်းဆက်မိပြီး မြန်မြန်ဖြေရှင်းနိုင်လောက်ပါတယ်။ ဒါပေမဲ့ ရဲတွေကို မယုံတော့တဲ့ ဟုချ်က သူ့ဘာသာပဲ ကြိတ်လုပ်ခဲ့လို့ ကွင်းဆက်က မမိခဲ့တာကတော့ သူတို့ကို တော်တော်လေးစိတ်ထဲ အားမလိုအားမရဖြစ်စေခဲ့သလို ရုပ်ရှင်ရဲ့ thrillerအရသာကလည်း အရသာပိုရှိသွားခဲ့တယ်။ အဲလက်စ်ဟာ Paul Danoရဲ့ သရုပ်ဆောင်သက်တမ်းမှာ သူ့အရည်အချင်းကို ထုတ်ပြနိုင်ခဲ့တဲ့ ဇာတ်ကောင်တွေထဲက တစ်ခုဖြစ်ခဲ့သလို Paul Danoဟာလည်း ၁၀နှစ်ကလေးဉာဏ်ရည်နဲ့ လူကြီးဖြစ်နေတဲ့ အဲလက်စ် ဇာတ်ကောင်ကို ကောင်းကောင်းပုံဖော်သွားနိုင်ခဲ့တယ်။ အဲလက်စ်ဂျုန်းကို လွှတ်ပေးပြီးတဲ့နောက် စုံထောက်လိုကီဟာ တစ်အိမ်တက်တစ်အိမ်ဆင်းလိုက်ရှာခဲ့တယ်။ ဒီမှာ သူထပ်တွေ့ခဲ့ရတာက ဖာသာရဲ့ မြေအောက်ခန်းထဲက အလောင်းပါပဲ။ ဖာသာကတော့ အဲဒီလူကိုသတ်တာဟာ အဲဒီလူဟာ ကလေး၁၆ယောက်ကိုသတ်ခဲ့ကြောင်းပြောပြီး သူ့ဆီအာပတ်လာဖြေရင်း ဘုရားသခင်နဲ့ စစ်ပွဲဆင်နေတဲ့အကြောင်းပြောခဲ့လို့ပါပဲ။ နောက်ပိုင်းမှာတော့ အဲဒီလူဟာ မစ္စတာဂျုန်းဖြစ်ကြောင်း ဟော်လီဂျုန်းရဲ့စကားနဲ့ဆက်စပ်နဲ့ ဆက်စပ်ပြီး သိခဲ့ရတယ်။ ဟော်လီဂျုန်းအိမ်က ပုံထဲက မစ္စတာဂျုန်းပုံမှာလည်း အလောင်းမှာတွေ့ရတဲ့ ဝင်္ကပါပုံစံလည်ဆွဲကို ဝတ်ဆင်ထားခဲ့တယ်။ ဒါကို လိုကီက နောက်ဆုံးမှ သိခဲ့ပါတယ်။ တကယ်လို့သာ လိုကီသာ အဲလက်စ်နဲ့ဆက်စပ်ပြီး ဂျုန်းကို သံသယဝင်ခဲ့လို့ ဒါကိုစောစောသတိထားမိခဲ့ရင် ဖာသာစကားနဲ့ချိတ်ဆက်ပြီး ဂျုန်းလင်မယားဟာ ကလေးခိုးသူတွေဖြစ်ကြောင်း ပိုစောစောသိရင်လည်း သိခဲ့နိုင်ပေမဲ့ ဒီမှာလည်း ထပ်လွတ်ပြန်တာပါပဲ။ ဖာသာက သူသတ်ခဲ့တဲ့ ကလေးသူခိုး (ဝါ) မစ္စတာဂျုန်းက မိသားစုနဲ့အတူလုပ်ခဲ့တာလို့ ပြောခဲ့တယ်လို့ပါ ပြောပြခဲ့ပေမဲ့လည်း လွတ်သွားတာပါပဲ။ တော်တော်လေး လက်တွေ့ကျတယ်လို့တောင် ပြောရမလားမသိပါဘူး။ ရှိနေတဲ့ သဲလွန်စအများကြီးမှာမှ မိချင်တဲ့ဟာပဲမိပြီး နောက်ဆုံးမှအမှုပေါ်သွားတာမျိုးပေါ့။ နောက်ထပ် စုံထောက်လိုကီ သံသယဝင်ခဲ့တဲ့သူကတော့ ဘော့တေလာပါ။ သူ့ကိုတော့ တရားခံအစစ်လို့ပါ သေချာထင်ခဲ့ကြတယ်။ သူကိုယ်တိုင်လည်း ဂျုန်းမိသားစုခိုးတာခံခဲ့ရတဲ့ ကလေးတစ်ယောက်ပါပဲ။ တရားခံအစစ်လို့ ထင်လည်းထင်ချင်စရာပါပဲ သူကတော့ တော်တော်စားတဲ့ ဇာတ်ကောင်ပါပဲ။ လိုကီဟာ သူ့ကို သံသယဝင်ပြီး သူ့အိမ်လိုက်သွားတော့ သူ့အိမ်မှာ သွေးစွန်းနေတဲ့ ကလေးအဝတ်တွေအများကြီးတွေ့ခဲ့ရသလို မြွေတွေ ဝင်္ကပါပုံတွေလည်း တွေ့ခဲ့ရတယ်။ သွေးစွန်းနေတဲ့ ကလေးအဝတ်တွေမှာ ပျောက်သွားတဲ့ကလေးတွေရဲ့ အဝတ်တွေပါနေတယ်လို့ မိသားစုက အတည်ပြုပြီးတဲ့နောက် သူ့ကိုပဲ တရားခံလို့ ကောက်ချက်ချပြီး ကလေးတွေအလောင်းရှိတဲ့နေရာကို ဆက်တိုက်မေးခဲ့ပေမဲ့ သူကတော့ ဝင်္ကပါပုံတွေပဲ ထိုင်ဆွဲပေးခဲ့တယ်။ နောက်ဆုံး သူ့ကိုယ်သူ သတ်သေသွားခဲ့တယ်။ ဒီမြွေတွေ ဝင်္ကပါတွေ ကလေးသတ်တာတွေဟာ တကယ်တမ်း မစ္စတာဂျုန်းစိတ်ဝင်စားခဲ့တဲ့ အရာတွေပါ။ သူ့ထရော်မာက လာတာတွေပါပဲ။ တကယ်တမ်း သူက ကလေးတွေကို မသတ်ခဲ့ဘဲ မစ္စတာဂျုန်းကို လိုက်တုပြီး ဝက်သွေးတွေနဲ့ ကလေးအဝတ်တွေနဲ့ အတုလုပ်ခဲ့တာဖြစ်ခဲ့တယ်။ သူဟာ မစ္စတာဂျုန်းပြန်ပေးဆွဲတာခံရပြီး လွတ်လာခဲ့သူဖြစ်ပေမဲ့ ဘာမှမမှတ်မိဘူးလို့ ကောက်ချက်ချထားခဲ့ကြပေမဲ့ ဒါတွေက သူမှတ်မိနေတာကိုတော့ ပြနေတယ်။ သူ့ကွင်းဆက်မှာတော့ ဖာသာ့ဆီက မစ္စတာဂျုန်းအလောင်းကဆွဲပြားနဲ့ တေလာဆွဲထားတဲ့ ဝင်္ကပါပုံတူနေတာကို လိုကီက သတိထားမိခဲ့ပေမဲ့ ဟော်လီဂျုန်းကို ကွင်းဆက်မမိခဲ့ပြန်ပါဘူး။ ပြောရရင် ဒီရုပ်ရှင်မှာ တကယ့်သဲလွန်စအစစ်တွေကို လိုကီရော ဒိုဗာရော ရခဲ့ပေမဲ့ တစ်ယောက်တစ်ခြမ်းစီလိုဖြစ်နေပြီး နှစ်ခုပေါင်းလိုက်ရင် ပြည့်စုံသွားမှာပေမဲ့ ဒိုဗာက လိုကီကို ဘယ်လိုမှမယုံတာကြောင့် မချိတ်ဆက်မိခဲ့တာကလည်း တော်တော်လေး အားမလိုအားမရဖြစ်စရာပါပဲ။ တကယ်တမ်း ဘယ်သဲလွန်စကိုမှ သူတို့မချိတ်ဆက်မိခဲ့ပါဘူး။ ကလေးမလေးနှစ်ယောက်ထဲက တစ်ယောက်ဖြစ်တဲ့ ဂျွိုင်းက ထွက်ပြေးပြီး လွတ်လာတဲ့အချိန် ဂျွိုင်းက ဒိုဗာကို "ဦးလေး အဲဒီမှာရှိခဲ့တယ်"လို့ ပြောမှပဲ ဒိုဗာက ဟော်လီဂျုန်းကို ကွင်းဆက်မိသွားသလို လိုကီကလည်း ဒိုဗာရှိမယ်ထင်တဲ့နေရာနောက်လိုက်ရင်း အဲလက်စ်ဂျုန်းကို တွေ့လို့ ရဲမှူးခိုင်းတဲ့အတိုင်း ဟော်လီဂျုန်းဆီသွားရင်းမှ ပုံကလည်ဆွဲကိုတွေ့သလို ကလေးကိုဆေးထိုးနေတာကိုလည်း လက်ပူးလက်ကြပ်မိခဲ့တာပါပဲ။ တော်တော်လေး မချင့်မရဲဖြစ်စရာကောင်းတဲ့ တည်ဆောက်ပုံနဲ့ thrillerအရသာအပြည့်ထွက်အောင် လုပ်သွားတဲ့ Villeneuveနဲ့ ဇာတ်ညွှန်းဆရာ Aaron Guzikowskiကို ဆလံပေးရမှာပါပဲ။ တစ်ချိန်လုံး အားမလိုအားမရဖြစ်စရာတွေ စိတ်ထဲမချင့်မရဲဖြစ်ချင်စရာတွေနဲ့ပဲ အသက်ဆက်သွားခဲ့တဲ့ ဒီကားဟာ အဆုံးထိလည်း ဒီလိုပဲ လုပ်သွားခဲ့ပါတယ်။ အရှိန်ကုန်တင်လိုက်တယ်လို့တောင် ပြောလို့ရတယ်။ လိုကီဟာ တွင်းထဲအပိတ်ခံထားရတဲ့ ဒိုဗာဝီစီမှုတ်တဲ့အသံ သဲ့သဲ့ကို‌တော့ ကြားလိုက်သလိုလိုဖြစ်နေတဲ့ အခန်းနဲ့ အဆုံးသတ်သွားခဲ့တာပါ။ တွေ့မတွေ့တော့ မပါတော့ပါဘူး။ တွင်းထဲက ဒိုဗာကို လိုကီတွေ့မလား မတွေ့ဘူးလားဆိုတဲ့ မသေချာမှုနဲ့ အဆုံးသတ်သွားခဲ့တာက ပရိသတ်တွေအတွက် စိတ်ထဲ မကျေမလည်ဖြစ်ချင်စရာ ကောင်းနေတယ်။ ဒါပေမဲ့ Screenrantက ဆောင်းပါးထဲတော့ Prisonersလို ရုပ်ရှင်မျိုးဟာ လုံးဝသေချာနေတဲ့ Happy Endingနဲ့ အဆုံးသတ်ရင် ကြောင်တောင်တောင်ဖြစ်သွားမယ်လို့ ဆိုပါတယ်။ သူ့စကားကို တွေးကြည့်တော့ ဟုတ်လည်းဟုတ်ပါတယ်။ ဒီလိုမဟုတ်ပေမဲ့ လူပျောက် ပြန်တွေ့ ပျော်စရာဇာတ်သိမ်းနဲ့ အဆုံးသတ်သွားတဲ့ကားတွေ ကျွန်တော်တို့ကြည့်ခဲ့ဖူးပါတယ်။ နည်းနည်းပေါနေတဲ့ ကားတွေ ဖြစ်နေတတ်တာလည်း များသလို ဒီကားရဲ့အဆုံးသတ်ကို မိသားစုပြန်ပေါင်းစည်းကြလေသတည်းဆိုပြီး ကိုယ့်ဘာသာတွေးကြည့်တော့လည်း အခုအဆုံးသတ်လို အရသာရှိမနေပြန်ပါဘူး ဒီတိုင်းသာ အကောင်းဆုံးလို့ပဲ သူ့စကားအတိုင်း ထောက်ခံရမှာပါပဲ။ တစ်ချိန်တည်းမှာပဲ ဒိုဗာအတွက် စိတ်မကောင်းဖြစ်စရာကောင်းသလို တစ်ဖက်မှာလည်း ဒိုဗာ အဲလက်စ်အပေါ်လုပ်ခဲ့တဲ့ လုပ်ရပ်တွေအရ ဖြစ်သင့်လို့ဖြစ်လာတယ်လို့ ထင်ချင်စရာလည်း နည်းနည်းကောင်းတယ်။ ဒါပေမဲ့ ကျွန်တော့်အမြင်တော့ ဒိုဗာမမှားခဲ့ပါဘူး။ အဲလက်စ်ဟာ ၁၀နှစ်ကလေးဉာဏ်ရည်ပဲရှိသလို အပြစ်ကင်းတယ်လို့ အဆုံးမှာ ကောက်ချက်ချခဲ့ပေမဲ့ တကယ်တမ်း ဟော်လီဂျုန်းစကားအတိုင်းဆို အဲလက်စ်ဟာ ဟော်လီဂျုန်းဆီ ကလေးတွေကို မခေါ်သွားခဲ့ရင် ကလေးတွေအဖမ်းမခံရပါဘူး။ ဟော်လီဂျုန်းကတော့ အဲလက်စ်ဟာ ကလေးတွေကို ခေါ်ပဲခေါ်လာတာ လက်ဖျားနဲ့တောင် မထိခဲ့ဘူးလို့ ဒိုဗာ့ကို ကျင်းထဲ ပစ်မချခင်ပြောခဲ့ပါတယ်။ ဒါကလည်း ဒိုဗာ့ကို အပြစ်ရှိစိတ်ဝင်စေချင်လို့ပဲ ဖြစ်နိုင်ပါတယ်။ ကြောက်လို့ပဲဖြစ်ဖြစ် စိတ်မနှံ့လို့ပဲဖြစ်ဖြစ် ဟော်လီဂျုန်းဆီမှာ ရှိနေတာသိသိနဲ့ ဟော်လီဂျုန်းကို သူလုံးဝမဖော်ခဲ့တဲ့အချက်ကလည်း တကယ်မပြောတတ်လို့ပဲဆိုဆို အပြစ်ကင်းတယ်လို့ မထင်ရပြန်ပါဘူး။ အပြစ်ကင်းနေရင်တောင် ချုပ်ထားခဲ့တဲ့ ဒိုဗာမမှားခဲ့ပါဘူး။ ဟော်လီဂျုန်းက အဲလက်စ်မရှိလို့ သူအထီးကျန်လွန်းလို့ ကလေးတွေကို ကျင်းထဲကနေ ထုတ်ပေးခဲ့တယ်လို့ ပြောခဲ့ပါတယ်။ ဒိုဗာသာ အဲလက်စ်ကို မချုပ်ထားခဲ့ရင် ဂျွိုင်းလည်း လွတ်လာမှာမဟုတ်သလို သူတို့လည်း ဘယ်တော့မှ တွေ့တော့မှာမဟုတ်ပါဘူး။ ဒိုဗာရဲ့လုပ်ရပ်တွေဟာ လွန်ကျူးခဲ့ပေမဲ့ မမှားခဲ့လို့ ဒီကံကြမ္မာနဲ့ မထိုက်တန်ခဲ့ပါဘူး။ ဝမ်းနည်းစရာကောင်းတာက ဒီအမှုကို တကယ်တမ်းဖြေရှင်းလိုက်တာက ဒိုဗာဖြစ်ခဲ့ပေမဲ့ သူ့သမီးက လိုကီ့ဆီလာလည်တော့ သူ့အ‌မေက သူ့သမီးက သူ့သူရဲကောင်းကိုလာတွေ့တာလို့ပြောခဲ့တာပါပဲ။ တကယ်တမ်း သူလွတ်လာတဲ့ အကျိုးဆက်ဖြစ်လာစေခဲ့တဲ့ အကြောင်းတရားဖြစ်ခဲ့တဲ့ သူ့သူရဲကောင်းအစစ်ဖြစ်ခဲ့တဲ့ သူ့အဖေကတော့ လူဆိုးသက်သက်ဖြစ်သွားသကိုး။ သူ့အဆုံးသတ်က လိုကီက ဒိုဗာကိုတွေ့မတွေ့က မရေမရာဖြစ်နေပေမဲ့ ကျွန်တော်တော့ တွေ့မယ်လို့ပဲ မြင်ပါတယ်။ အားလုံးထွက်သွားပြီး မီးတွေပါအမှောင်ချသွားခဲ့တဲ့ ညလယ်ခေါင်နားမှာ ဒိုဗာဟာ ဒီအသံကို ကျိန်းသေရှာတွေ့မှာပါပဲ။ ဘာလှုပ်ရှားမှုမှမရှိတော့တဲ့ ညနက်ရဲ့ တိတ်ဆိတ်တဲ့ဓာတ်ဟာ အသံ အရွေ့အနံ့စသဖြင့် အပြောင်းအလဲသေးသေးလေးတွေကိုတောင် တော်တော်ထင်းစေတဲ့ ဓာတ်မျိုးပါပဲ။ ဒီတိုင်း အရာအားလုံးတိတ်နေငြိမ်နေလို့ ထင်ရှားသွားတယ်ဆိုတာထက် သူ့ဓာတ်မှာကို တစ်ခုခုရှိနေသလို ကျွန်တော်တော့ ခဏခဏခံစားမိဖူးတယ်။ ဒီတော့ တွေ့ကိုတွေ့မယ်လို့ပဲ ယုံပါတယ်။ ရုပ်ရှင်ရဲ့ အကျဉ်းသားများဆိုတဲ့ နာမည်ကိုတော့ Screenrantက အဓိဇာတ်ကောင်၂ကောင် သူတို့ကိုယ်တိုင်အကျဉ်းသားဖြစ်လာတဲ့ အကျိုးဆက်နဲ့ ရင်ဆိုင်လာရတာကိုပြောချင်တာလို့ အဓိပ္ပာယ်ကောက်ထားပါတယ်။ ဒိုဗာကလည်း သူ့သမီးကိုရှာဖို့ သူ့လူသားဆန်မှုကို ကျောခိုင်းပြီး သောကတွေရဲ့ အကျဉ်းသားဖြစ်လာခဲ့သလို နောက်ဆုံးမှာ ကျင်းထဲမှာ အကျဉ်းသားဖြစ်သွားရတယ်။ လိုကီကလည်း ကလေးတွေကိုရှာဖို့ အရမ်းစိတ်စွဲနေတာကြောင့် သူ့အမှုမှာ သူပိတ်မိပြီး သူ့အမှုရဲ့အကျဉ်းသားဖြစ်ခဲ့ပေမဲ့ အန်နာကိုကယ်ပြီး ဒီအကျဉ်းထဲက ထွက်လာနိုင်ခဲ့တယ်ဆိုပါတယ်။ ဒါပေမဲ့ ကျွန်တော်တော့ ဒိုဗာကိစ္စက သူ့အတွက် မတင်မကျဖြစ်နေသေးတာမို့ ဒိုဗာကိုရှာမတွေ့မချင်း ဒီအမှုမှာ လိုကီဟာ အကျဉ်းသားဖြစ်နေဦးမယ်လို့မြင်တယ်။ ဒိုဗာကို လိုကီတွေ့ခဲ့ရင်တော့ နှစ်ယောက်စလုံး အကျဉ်းသားဘဝက လွတ်မြောက်သွားမှာပါ။ တစ်နည်းပြောရရင် ဝင်္ကပါထဲက လွတ်သွားမှာပါ။ ဒိုဗာကို လိုကီမတွေ့ခဲ့ရင်တော့ နှစ်ယောက်စလုံး အကျဉ်းသားအဖြစ် ကျန်ရှိနေမှာပါပဲ။ ဘယ်လိုဖြစ်စေချင်လဲကတော့ ထုံးစံအတိုင်း ကျွန်တော်တို့ရဲ့ လွတ်လပ်ခွင့်ပေါ့။ (ရုပ်ရှင်အညွှန်းနဲ့ဘာသာပြန်ကို WiRa Aung မှ တင်ဆက်ထားပါတယ်။) File size…(5.6 GB)/(1.8 GB )/(1.3 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:33:00 Subtitle….Myanmar Subtitle (Hardsub) Encoder….Ka Naung Translated by WiRa Aung

စာရေးဆရာဟာပါရဲ့ စာအုပ်က မရောင်းရတာကြောင့် ထုတ်ဝေသူက ဆက်မထုတ်ပေးတော့ဘဲ သူငယ်ချင်းဟောင်းဖြစ်တဲ့ အားကစားသမားလန့်စ်ရဲ့ အတ္ထုပ္ပတ္တိကို ရေးဖို့ အကြံပေးလာပါတယ်။ ဇနီးကလည်း ကလေးမွေးတော့မှာမို့ ငွေလိုနေတဲ့ဟာပါဟာ ဒီအကြံကို လက်ခံသင့်မသင့် တွေဝေနေတယ်။ အဲဒီအချိန်မှာ သူငယ်ချင်းဟောင်းတစ်ယောက်လည်းဖြစ်၊ လန့်စ်ရဲ့ဇနီးလည်းဖြစ်တဲ့ မီယာက ခရစ်စမတ်ပိတ်ရက်မှာ သူငယ်ချင်းတွေ အတူပြန်ဆုံကြဖို့ ဖိတ်လာပါတယ်။ ငယ်သူငယ်ချင်းတွေ ပြန်တွေ့ပြီး အရင်လို ခင်ခင်မင်မင်နေနိုင်ဖို့ ကြိုးစားကြပေမဲ့ သူတို့ကြားမှာ ရင်ဆိုင်ရမယ့်ကိစ္စတွေလည်း ရှိနေတယ်။ ဟာပါက ငွေကြေးအခက်အခဲကို ဖြေရှင်းဖို့ လန့်စ်ရဲ့အတ္ထုပ္ပတ္တိကို ရေးဖြစ်မလား၊ ရေးဖို့ဆုံးဖြတ်ရင် လန့်စ်ကို ဘယ်လိုစည်းရုံးမလဲ။ ခရစ်စမတ်မှာ ပြန်ဆုံကြတဲ့ ဒီသူငယ်ချင်းတွေကြားက သံယောဇဉ်တွေနဲ့ ပြဿနာတွေကို ဟာသ၊ ဒရာမာ ရောပြီး ပြထားပါတယ်။

၁၉၂၀ ခုနှစ်မှာ လူမည်းအိမ်ဖော်တွေရဲ့သားအဖြစ် မွေးဖွားလာတဲ့ Cecil Gaines ဟာ အဖေဖြစ်သူ အသတ်ခံရပြီးနောက် ငယ်ငယ်ရွယ်ရွယ်နဲ့ပဲ တစ်နယ်တစ်ကျေးကို ထွက်လာခဲ့ရပါတယ်။ အဖိနှိပ်ခံ အိမ်စေဘဝကနေ အိမ်ဖြူတော်ရဲ့ အိမ်တော်ထိန်းဖြစ်လာတဲ့အထိ သူ့ဘဝတစ်လျှောက် ဖြတ်သန်းရပုံကို ဇာတ်လမ်းတည်ထားတာပါ။ အိမ်ဖြူတော်မှာ သမ္မတအဆက်ဆက်အတွက် တာဝန်ထမ်းဆောင်ရင်း Cecil ကြုံတွေ့ခဲ့တဲ့ လူမျိုးရေးပြဿနာတွေနဲ့ သမိုင်းဖြစ်ရပ်တွေကို သူ့အမြင်၊ သူ့ခံစားချက်တွေကနေ ပြထားပါတယ်။ ၁၉၅၀ ပြည့်လွန်နှစ်တွေမှာ လူမည်းတွေ ဘယ်လိုဖိနှိပ်ခံခဲ့ရသလဲ၊ ကိုယ့်အခွင့်အရေးအတွက် ဘယ်လိုတောင်းဆိုခဲ့ကြရသလဲဆိုတာကိုလည်း ရှုထောင့်အမျိုးမျိုးကနေ တွေ့ရတယ်။ ၂၀၁၃ ခုနှစ်ထွက် အမေရိကန်သမိုင်းနောက်ခံ အတ္ထုပ္ပတ္တိဒရမ်မာဖြစ်ပါတယ်။

လွန်ခဲ့တဲ့နှစ်အနည်းငယ်က ရန်ကြွေးတစ်ခုကြောင့် ဗစ်တာဟာ အယ်လ်ဖွန်စေရဲ့ ဂိုဏ်းထဲကို အယောင်ဆောင်ဝင်ထားပါတယ်။ လမ်းတစ်ဖက်ခြမ်းမှာ နေပြီး သူ့ကို စောင့်ကြည့်နေတဲ့ ဘီးထရစ်စ်ဆိုတဲ့ ကောင်မလေးကတော့ သူကျူးလွန်တဲ့ မကောင်းမှုတစ်ခုကို မမျှော်လင့်ဘဲ မြင်သွားခဲ့တယ်။ ဗစ်တာက သူ့စိတ်ထဲ မတင်မကျဖြစ်နေရတဲ့ ကိစ္စတစ်ခုကို ဖြေရှင်းချင်လို့ ဘီးထရစ်စ်ကို ချဉ်းကပ်ပါတယ်။ ဘီးထရစ်စ်ဘက်ကလည်း သူလိုချင်တဲ့ လက်စားချေမှုကို ဗစ်တာက လုပ်ပေးနိုင်မလားဆိုတာ သိချင်နေတယ်။ ဒီလိုနဲ့ နှစ်ယောက်သား ချိန်းတွေ့ကြပြီး တစ်ယောက်ရဲ့ တကယ့်ရည်ရွယ်ချက်ကို တစ်ယောက် သိလာကြပါတယ်။ လက်စားချေချင်နေတဲ့ သူတို့နှစ်ယောက် အချင်းချင်း ကူညီနိုင်ကြမလား၊ ဗစ်တာကရော သူ့မိသားစုအတွက် လက်စားချေနိုင်ပါ့မလား။ ကြမ်းတမ်းတဲ့ ဗစ်တာနဲ့ သိမ်ငယ်နေရတဲ့ ဘီးထရစ်စ်တို့ကြားက သံယောဇဉ်ကလည်း သူတို့ရည်ရွယ်ချက်တွေကို အနှောင့်အယှက်ဖြစ်လာစေနိုင်မလားဆိုတာ ရှိနေပါတယ်။ လျှို့ဝှက်ဖုံးကွယ်ထားမှုတွေ၊ အားပြိုင်မှုတွေနဲ့ ဇာတ်ကွက်အလှည့်အပြောင်းတွေကို အက်ရှင်ခန်းတွေနဲ့ တွဲဖက်ထားတဲ့ ရာဇဝတ်မှုဒရာမာပါ။

ဒုတိယကမ္ဘာစစ်အတွင်းမှာ Tuskegee airmen လို့ ခေါ်ကြတဲ့ အာဖရိကန်အမေရိကန် လေသူရဲတွေဟာ လူမျိုးရေးခွဲခြားမှုနဲ့ နေရာမပေးချင်မှုတွေကို ကြုံနေရပါတယ်။ အဲဒီအတားအဆီးတွေကြားကနေ လေသူရဲတွေအဖြစ် တာဝန်ထမ်းဆောင်ပြီး ဘာလင်ကို ဗုံးကြဲတဲ့ စစ်ဆင်ရေးမှာပါ ပါဝင်ခဲ့ကြတဲ့ သူတို့အကြောင်းကို ရိုက်ထားတာပါ။ တကယ့်ဖြစ်ရပ်တွေကို အခြေခံထားပေမယ့် စိတ်ကူးယဉ်ဇာတ်ကောင်တွေနဲ့ ပေါင်းစပ်တင်ဆက်ထားပါတယ်။ ဂျော့လူးကပ်စ်က ဒီရုပ်ရှင်ကို စတင်စီစဉ်ခဲ့ပြီး ၂၀၁၂ ခုနှစ်မှာ ထွက်ရှိခဲ့ပါတယ်။ ရိုက်ကူးမှုအများစုကိုတော့ Anthony Hemingway က တာဝန်ယူထားတာပါ။ Terrence Howard၊ Cuba Gooding Jr. နဲ့ Michael B. Jordan တို့အပါအဝင် လူမဲသရုပ်ဆောင်တွေ ပါဝင်ထားပါတယ်။ ဇာတ်ကားမှာ လေကြောင်းတိုက်ပွဲတွေကို ဆက်တိုက်အသားပေးထားပြီး ကိုယ်ထင်ရာလုပ်တတ်၊ အမိန့်မနာခံတတ်တဲ့ လေသူရဲတစ်ယောက်ရဲ့ တိုက်ခိုက်ခန်းတွေလည်း ပါတယ်။ မူရင်းသုံးသပ်ချက်အရတော့ ဒရာမာနဲ့ ဇာတ်ကောင်အချင်းချင်း ဆက်ဆံရေးကို အချိန်ပေးဖော်ပြတာ နည်းပြီး တချို့နေရာတွေမှာ ရုတ်တရက် ထည့်ထားသလို ဖြစ်နေပါတယ်။ လေကြောင်းတိုက်ခိုက်မှုတွေကတော့ ခဏနားပြီး ပြန်တိုက်ကြတဲ့ပုံစံနဲ့ ဇာတ်ကားတစ်လျှောက် အများအပြား ပါဝင်နေပါတယ်။

လူငယ်စာရေးဆရာ ဆယ် ပါရာဒိုက်ဟာ အဖေဆုံးသွားပြီးနောက် စာရေးဖို့ စိတ်ကူးဉာဏ်တွေ ပျောက်ဆုံးနေပါတယ်။ အဲဒီအချိန်မှာ ဒင်းနဲ့ တွေ့ပြီး စိတ်တူကိုယ်တူ သူငယ်ချင်းတွေ ဖြစ်သွားကြတယ်။ ဒင်းက မူးယစ်ဆေးသုံးတယ်၊ မိန်းမလိုက်စားတယ်၊ အရှုပ်အထွေးတွေလည်း လုပ်တတ်သူပါ။ ဆယ်နဲ့ ဒင်းတို့ဟာ အမေရိကတစ်ခွင်က လမ်းမတွေပေါ် ခရီးထွက်ပြီး ပျော်စရာတွေ လိုက်ရှာကြတယ်။ ခရီးတစ်လျှောက် လူအမျိုးမျိုး၊ စိတ်အထွေထွေနဲ့ ဆုံတွေ့ကြရင်း ဘဝအတွေ့အကြုံတွေ ရလာကြပါတယ်။ သူကြုံခဲ့ရတဲ့အကြောင်းတွေနဲ့ ဒင်းရဲ့ဘဝအကြောင်းတွေကို မှတ်တမ်းတင်ထားတဲ့ ဆယ်ရဲ့မှတ်စုစာအုပ်ကနေ “On the Road” ဆိုတဲ့ စာအုပ်တစ်အုပ် ဘယ်လိုဖြစ်လာမလဲဆိုတာ ဆက်ပြထားပါတယ်။ ဒါရိုက်တာ Walter Salles ရိုက်ကူးထားပြီး အမေရိကန်စာရေးဆရာ Jack Kerouac ရဲ့ နာမည်တူစာအုပ်ကို အခြေခံထားတာပါ။ မူရင်းစာအုပ်မှာ Jack က သူ့ကိုယ်သူ ဆယ်အဖြစ်၊ သူငယ်ချင်းစာရေးဆရာ Allen Ginsberg ကို ကာလိုအဖြစ် ထည့်ရေးထားပြီး သူငယ်ချင်းတွေနဲ့ ခရီးသွားခဲ့ကြတဲ့အကြောင်းနဲ့ ကြုံတွေ့ခဲ့ရတဲ့ လူ့ဘဝအကြောင်းတွေကို ရေးသားထားပါတယ်။ အရွယ်ရောက်သူတွေအတွက် ရည်ရွယ်တဲ့ ဇာတ်ဝင်ခန်းနဲ့ စကားပြောတွေ ပါဝင်ပါတယ်။

The Ledge (2011) IMDb Rating (6.5) ဟိုးအမြင့်ကြီးက အမိုးစွန်းနားလေးမှာ သေကြောင်းကြံစည်ဖို့ ခုန်ချတော့မယ့် လူတယောက်... လေတွေက တဟူးဟူးနဲ့ အသည်းယားစရာ ရပ်နေ... ဒီတော့ ရဲစခန်းကစုံထောက်တယောက်ရောက်ချလာပြီး ပြတင်းပေါက်နားကနေ ဒီလူ့ကို နားချတယ် .... ဘာလို့ခုန်ချမှာလဲ...အိမ်ထောင်ရှိလို့လားတဲ့ ဟိုလူက မရှိပါဘူးတဲ့... ဟ..အိမ်ထောင်လဲမရှိဘဲ ဘာတွေစိတ်ညစ်လို့ ခုန်ချမှာလဲ ငါ့ကောင်တဲ့။ ဒီတော့ ခုန်ချမယ့်လူက ပြန်ပြောတယ် စုံထောက်ကြီး...ခင်ဗျားကတော့ သေချာပေါက်အိမ်ထောင်ရှိပုံပဲတဲ့။ ဒီလိုနဲ့ သူတို့နှစ်ယောက်ဟာ တယောက်ပြသနာတယောက်သိသွားကြပြီး အမိုးစွန်းနဲ့ ပြတင်းပေါက်နားကနေ သူတို့ဘဝတွေကို နောက်ကြောင်းပြန်ကြပါတော့တယ်။ ယောကျ်ားတယောက်ဘဝကို ဘယ်အရာကများ ကပြောင်းကပြန် လှုပ်နိုင်စွမ်းရှိမလဲ.... သိပ်သေချာတာပေါ့ဗျာ ဣတ္ထိယ မိန်းမတို့ပါပဲ.... ဘယ်လိုတွေဖြစ်လို့ အမိုးစွန်းကနေ ကိုယ့်ကိုယ်ကိုခုန်ချဖို့ထိ ဆုံးဖြတ်သွားရတာလဲဆိုတာတော့ အသည်းတယားယားနဲ့ကြည့်ရှုကြရမှာပါ။ အသည်းယားဆို မင်းသမီးက Liv Tyler ကြီးဗျ.... လူ့သဘာဝရဲ့အမှောင်ခြမ်းတွေကိုရိုက်ထားတာဆိုတော့ အိပ်ရာခန်းတချို့နဲ့ လှုပ်လှုပ်ခတ်ခတ် ဇာတ်နာထားရပါသေးတယ်။ မင်းသားတွေကတော့ Charlie Hunnam , Patrick Wilson , Terrence Howard တို့နဲ့ လေးလေးနက်နက်ဇာတ်ကားတကားပါပဲ။ File size…(1.4 GB )/ (635 MB) Quality…BluRay 1080p HEVC / 720p Format…mkv/mp4 Duration….01:41:00 Subtitle….Myanmar Subtitle (Hardsub) Encoder….Ka Naung Translated by Shwe Eain Si

The Princess and the Frog (2009) (4K) IMDB : 7.2 Rotten Tomatoes : 86% Genre : Family / Musical “မင်းသမီးလေးနှင့်ကိုရွှေဖား” ရုပ်ရှင်က Disney ရဲ့ အကောင်းဆုံး Animation တွေထဲကတစ်ခုဖြစ်ပါတယ်။ ပြောရရင်တော့ ဒီရုပ်ရှင်က ဇာတ်လိုက် တီယာနာနဲ့ မင်းသားတို့ထက် လော့တီကြောင့် ဇာတ်ကကြွတယ်လို့ပြောရရင် ပိုမှန်ပါလိမ့်မယ်။ “Spoiled but not Rotten” ဆိုတဲ့ စကားဟာ လော့တီကို တမင်ရည်ညွှန်းထားတယ်လို့တောင်ထင်ရလောက်အောင် ဖြစ်သွားစေတဲ့ ဇာတ်ကောင်တစ်ခုလည်းဖြစ်ပါတယ်။ တော်တော်လေးလည်းရယ်ရပြီး တော်တော်လေးလည်း သဘောကျစရာကောင်းတဲ့ Fairy Tale ဇာတ်လမ်းလေးတစ်ပုဒ်ဖြစ်ပါတယ်။ ဇာတ်ညွှန်း ကလေးမလေးနှစ်ယောက်ရှိတယ်။ တစ်ယောက်က‌ လော့တီ။ သူက လိုချင်တာမှန်သမျှရတယ်။ ရွှေပေါ်မြတင်နေရတဲ့ လိုတရ သူဌေးသမီးလေးတစ်ယောက်။ သူ့မှာသူငယ်ချင်းတစ်ယောက်ရှိတယ်။ သူက တီယာနာ။ တီယာနာကတော့ ဆင်းရဲတယ်။ လိုချင်တာရဖို့ ဘဝကိုတိုက်ပွဲဝင်ရတဲ့ မိသားစုမှာမွေးဖွားခဲ့တဲ့ ကလေးမလေး။ သူ့အဖေမှာ စိတ်ကူးတစ်ခုရှိတယ်။ အဲဒါကတော့ စားသောက်ဆိုင်လေးဖွင့်မယ်။ သူတို့ရဲ့လက်ရာကို တစ်ကမ္ဘာလုံးက လူတွေသူတို့ဆိုင်ကိုလာမယ်ပေါ့။ ဒါပေမဲ့ သူက အိမ်မက်တွေကို မတွေ့ခင် သေမင်းက သူ့ကိုအရင်ရှာတွေ့ခဲ့တယ်။ ဆိုတော့ သူ့အဖေရဲ့ အိမ်မက်ကိုဖြည့်ဆည်းပေးဖို့က တီယာနာရဲ့ခေါင်းပေါ်ကိုကျလာခဲ့တယ်။ ရသမျှအလုပ်ကိုလုပ်ရင်းနဲ့ စားသောက်ဆိုင်လေးဖွင့်ဖို့ ပိုက်ဆံကိုကြိုးစားစုခဲ့တယ်။ ဒါပေမဲ့ ချမ်းသာတဲ့လူတွေအတွက် စားသောက်ဆိုင်လေးတစ်ခုဖွင့်ဖို့ဆိုတာ ဘာမှမဟုတ်ပေမဲ့ တီယာနာအတွက်တော့ တက်ရမယ့်တောင်က တော်တော်လေးကိုမြင့်နေတယ်။ ပွဲတစ်ခုရှိတယ်။ အဲဒီပွဲကို မင်းသားလေး နီဗန်လည်းတက်မယ်တဲ့။ “ပျိုတိုင်းကြိုက်တဲ့ နှင်းဆီခိုင်” မင်းသားလေးကို ငမ်းငမ်းတက်လိုချင်တဲ့လူတွေအများကြီး။ အဲထဲမှာမှ ငမ်းငမ်းကို ဒဘလယ်တက်တာက လော့တီပဲ။ ခက်တာက မင်းသားကလည်း နန်းတော်ကနေနှင်ချခံရပြီး ချွတ်ချုံကျတဲ့ ဘွတ်ကလုံမဖြစ်နေခဲ့တယ်။ ဒါကို လော့တီမသိခဲ့ဘူး။ လော့တီသိတာကတော့တစ်ခုပဲရှိတယ်။ အဲဒါကတော့ ယောကျ်ားလိုချင်တာ။ အဲဒီပွဲကြောင့်ပဲ တီယာနာရဲ့ စားသောက်ဆိုင်အိမ်မက်လေးက ပြည့်လုပြည့်ခင်ဖြစ်ခဲ့တယ်။ ခက်တာက မင်းသားလေးက ကျိန်စာကြောင့် တော်တော်ကိုစကားများတဲ့ ဖားလေးတစ်ကောင်ဖြစ်သွားတယ်။ အဲဒီမှာ တီယာနာနဲ့တွေ့ တီယာနာကို ဖားလေးကိုနမ်း ဖားကနေမင်းသားဖြစ် မင်းသားလေးနဲ့ညား… ဒီလိုမျိုးဖြစ်မယ်လို့ထင်ပေမဲ့ ဒီဇာတ်လမ်းက အဲလိုမျိုးဟုတ်မနေပြန်ဘူး။ ဘယ်လိုမျိုးဖြစ်သွားမှာလဲ။ ဇာတ်လမ်းက “မင်းသမီးနဲ့ ကိုရွှေဖား” သာဆိုတယ်။ ခုထိမင်းသမီးလည်းမပါဘူး။ လော့တီကလည်းမင်းသမီးမဟုတ်ဘူး။ တီယာနာဆိုပိုဆိုး။ ခုထိဖားတစ်ကောင်ပဲပါသေးတယ်။ ဘာတွေဆက်ဖြစ်လာမှာလဲ။ ဘယ်လိုတွေခွီရမလဲဆိုတာ ကြည့်လိုက်ကြပါခင်ဗျာ။ File size… 1.6 GB/ 800 MB Quality… BluRay 1080p & 720p Format… mp4 Duration…. 1h 37m Genre ..... Musical / Comdey / Romance Subtitle…. Myanmar Subtitle (Hard Sub)

Small-town boy Shawn MacArthur has come to New York City with nothing. Barely earning a living selling counterfeit goods on the streets, his luck changes when scam artist Harvey Boarden sees that he has a natural talent for streetfighting. When Harvey offers Shawn help at making the real cash, the two form an uneasy partnership.

Marvel Cinematic Universe: Phase One ဆိုတာ MCU ရဲ့အစဖြစ်ပြီး စူပါဟီးရိုးရုပ်ရှင်သမိုင်းမှာ ကြီးမားကျယ်ပြန့်တဲ့ Universe ကို အောင်မြင်စွာမိတ်ဆက်နိုင်ခဲ့ပါတယ်။ ဒီ Phase 1 ထဲမှာတော့ MCU ဇာတ်ကောင်တွေကို Solo တွေအနေနဲ့ ပရိတ်သတ်တွေ စတင်ထိတွေ့ခွင့်ရခဲ့ပြီး ဇာတ်ကောင်တိုင်း ပရိတ်သတ်ရင်ထဲ ကိုယ်စီရောက်ရှိခဲ့ကြပါတယ်။ MCU Phase 1/2/3 ကို The Infinity Saga လို့ပေါင်းခေါ်ပြီးတော့ MCU Phase 4/5/6 ကိုတော့ The Multiverse Saga လို့ ပေါင်းခေါ်ကြပါတယ်။ Phase 1 မှာတော့ ရုပ်ရှင် ၆ ကားရှိပြီး အောက်ပါအတိုင်း အစဉ်လိုက် ကြည့်ရှုကြရမှာပါ။ Iron Man (2008) The Incredible Hulk (2008) Iron Man 2 (2010) Thor (2011) Captain America: The First Avenger (2011) The Avengers (2012) Marvel Cinematic Universe ဇာတ်ကားအားလုံးကို CM App>>>https://www.cmapp.tv/?share=15957066C1681DF နဲ့  https://www.channelmyanmar.to/category/special-package/mcu/ ဒီလင့်တွေမှာ ကြည့်လို့ရပါတယ်။ ++++++++++++++ Iron Man (2008) IMDb Rating (7.9) / Rotten Tomatoes (94 %) MCU ရဲ့ အရေးအပါဆုံးဇာတ်ကောင်ဖြစ်တဲ့ မင်းသားကြီး Robert Downey Jr. ရဲ့  Iron Man ကို ပထမဆုံး မိတ်ဆက်ခဲ့တဲ့ ရုပ်ရှင်ဖြစ်ပါတယ်။ Budget $130–140 million ကုန်ကျခဲ့ပြီး Box office ဝင်ငွေ $585.8 million ထိပြန်လည်ရရှိခဲ့သလို အောင်မြင်မှုလဲကြီးမားခဲ့ပါတယ်။ Marvel Studios အနေနဲ့ ဒီလို Cinematic Universe ကြီး အစတည် ဖြစ်တည်လာဖို့အတွက် ၁၇ နှစ်တာအချိန်ယူပြင်ဆင်ခဲ့ရပါတယ်။ File size…(5.7 GB)/ (2 GB )/(1.3 GB) Quality…BluRay 4K HEVC/1080p HEVC / 720p Format…mkv/mp4 Duration….02:08:00 Subtitle….Myanmar Subtitle (Hardsub) Encoder….Ka Naung Translated by Phyo Pyae

ဒီရုပ်ရှင်ကားလေးကို ရုပ်ရှင်ကြည့်သူများ လက်ထဲ အရောက်ပို့ဖို့ အတွက် မျက်ရည်တွေ ဝိုင်းပြီး ဘာသာပြန်ပေးခဲ့သူကတော့ Tariq L Walker ဖြစ်ပါတယ် ဘာသာပြန်ဖို့ စေခိုင်းသူကတော့ ကျနော်ပါ ဘာကြောင့်လဲဆိုတော့ ရုပ်ရှင်ချစ်သူတွေ ကြည့်သင့်တဲ့ ရုပ်ရှင်ကားကောင်း တစ်ခုဖြစ်တယ်လို့ နှလုံးသားထဲကနေ သိနေလို့ပါ... ဒီရုပ်ရှင်ကားမှာ ကျနော် ကြည့်စေ သိစေချင်တဲ့ အကြောင်းရာက ချစ်ခြင်းမေတ္တာတရားပါ ဇတ်လမ်း ပုံစံ ကတော့ အောင်မြင်နေတဲ့ လုပ်ငန်းရှင် တစ်ဦးဖြစ်တဲ့ ကလေ (Clay) ဟာ ဖခင် သေဆုံးမှု အပေါ် အမေ ဖြစ်သူရဲ့ အပြစ်မကင်းဟု မှတ်ယူပြီး အမေ နှင့် အစေးမကပ်တဲ့ သူဌေးသား တစ်ဦး ဖြစ်ကာ လက်ထပ် ယူတော့မယ့် ချစ်သူ ဆမ် လဲ ရှိနေပြီ ဖြစ်ပါတယ်.. ကလေ မှာ ချစ်ရသော ချစ်သူ ဆမ် အပြင် အချစ်ဆုံး သူငယ်ချင်းဖြစ်သော ဆရာဝန် ဖြစ်သူ ဂျက် လဲ ရှိပါသေးတယ်.... ကလေ ဟာ အရာအားလုံး ပြည့်စုံနေသော်လဲ နှလုံးရောဂါ ကြောင့် သက်တမ်းရှည်ရှည်နေနိုင်ဖို့ အခက်အခဲ ဖြစ်နေပြီး နှလုံးအစားထိုး ခွဲစိတ်ကုသဖို့ လိုအပ်နေသူ တစ်ဦးလဲ ဖြစ်ပါတယ်.. တစ်နေ့မှာတော့ ကလေ ဟာ သူ့အချစ်ဆုံး သူငယ်ချင်း ဖြစ်သူ ဂျက် ကိုယ်တိုင်ပါဝင်ခွဲစိတ်မယ့် နှလုံးအစားထိုး ခွဲစိတ်ကုသမှု ကို လက်ခံပြီး ခွဲစိတ်ကုသရန် ပြင်ဆင်ပါတော့တယ်... အရာအားလုံးအဆင်ပြေခါနီးမှ နှလုံးခွဲစိတ်နေရင်း ကလေ တစ်ယောက် သေအံ့ဆဲဆဲ အနေအထားဖြင့် စိတ်မျှောလွင့်ပြီး ဝိဉာဉ် အဖြစ် နှင့် သက်ရှိကိုယ် မှ ထွက်ခွာသွားခဲ့သော အခါ..... (သစ်ဆန်းခန့်)

2007 ခုနှစ်က ထွက်ရှိခဲ့တဲ့ August Rush ဆိုတဲ့ ဇာတ်ကားလေးကိုတော့ အားလုံးသိကြမယ်ထင်ပါတယ်။ Musical Drama အမျိုးအစားဖြစ်ပြီးတော့ ဆုတွေအများကြီးပတ်ယူခဲ့တဲ့အပြင် 2008 ခုနှစ် Oscar ဆုပေးပွဲမှာလည်း အကောင်းဆုံးသီချင်းဆုအတွက် ဆန်ကာတင်စာရင်းထဲဝင်ခဲ့ပါသေးတယ်။ Freddie Highmore, Keri Russell,Jonathan Rys Meyers, Terrence Howard, Robin Williams စတဲ့ နာမည်ကြီးသရုပ်ဆောင်များစွာပါဝင်ထားပြီးတော့ Kirsten Sheridan ရိုက်ကူးထားပါတယ်။ ဇာတ်လမ်းအကျဉ်း…… လွန်ခဲ့တဲ့ 12 လောက်တုန်းက Washington Square ရဲ့ လရောင်လွှမ်းတဲ့ ခေါင်မိုးလေးတစ်ခုပေါ်မှာ ငယ်ရွယ်တဲ့ဆယ်လိုသမားလေး Lyla Novecek နဲ့ အိုင်းရစ်ချ် အဆိုတော်လေး Louis Connelly တို့ဟာ (Moondance) လို့ခေါ်တဲ့လမ်းဘေးဂီတပညာရှင်ဖျော်ဖြေပွဲကအပြန်မှာ တွေ့ခဲ့ကြပြီးတော့ ချစ်ကျွမ်းဝင်သွားကြပါတယ်။သူမဘဝရဲ့ ကြည်နူးစရာအကောင်းဆုံးညကို ဖြတ်သန်းပြီးတဲ့အခါမှာတော့ Lyla ဟာ Louis ကိုပြန်လာပြီးတွေ့မယ်လို့ကတိပေးခဲ့ပါတယ်။ ဒါပေမယ့်လဲ သူမအဖေရဲ့တားဆီးမှုတွေကြောင့် Lyla ဟာ Louis ကိုပြန်လည်တွေ့ခွင့်မရခဲ့ပါဘူး။ Louis ကလည်းစိတ်ဓာတ်ကျပြီးတော့ ဂီတာကိုဆက်မတီးတော့ပဲနဲ့ သူ့ရဲ့ဂီတကို စွန့်လွှတ်လိုက်ပါတော့တယ်။ Lyla ဟာလည်း သူ့ရဲ့ချစ်အိပ်မက်လေးဆုံးရှူံးသွားပြီး လအနည်းငယ်အကြာမှာလည်း သူတို့ရဲ့ ရင်သွေးလေးကို ကားမတော်တဆမှူတစ်ခုမှာ ဆုံးရှုံးလိုက်ရပြီလို့ ယုံကြည်ခဲ့ရပါတယ်။ မိဘမဲ့ဖြစ်သွားတဲ့ သူတို့ရဲ့ကလေး(Freddie Highmore)ဟာ သူ့မှာပါရမီပါလာတဲ့ ဂီတစွမ်းရည်ကို သဲလွန်စတစ်ခုအနေနဲ့ အသုံးပြုပြီးတော့ သူ့ရဲ့ မိဘတွေကို လိုက်ရှာရပါတော့တယ်။ ဇာတ်ကားကောင်းလေးတစ်ပုဒ်ဖြစ်လို့ မကြည့်ရသေးတဲ့ သူတွေရော ကြည့်ပြီးသားသူတွေရောပါ ထပ်မံကြည့်ရှုသင့်တဲ့ ဇာတ်ကားလေးဖြစ်ပါတယ်။ File size…(1.7 GB)/(892 Mb) Quality….Webrip 1080p / 720p Format… mp4 Duration…. 01:54:00 Genre... Drama, Music Subtitle….Myanmar Subtitle (Hardsub) Encoder….Garfield Translated by Nay

ဖြစ်ရပ်မှန်ကို အခြေခံရိုက်ကူးထားတဲ့ ၁၉၇၄ ခုနှစ်နောက်ခံ အားကစားဒရမ်မာ ဇာတ်ကားလေးတစ်ခုကို တင်ဆက်ပေးချင်ပါတယ်။ ဖယ်လာဒဲဖီးယားပြည်နယ်က ရေကူးနည်းပြ ဂျင်မ်အဲလစ်စ်ရဲ့ ဘဝဇာတ်လမ်းဆိုလည်း မမှားပါဘူး။ ၁၉၇၄ ခုနှစ်မှာ ကောလိပ်ဘွဲ့ရ ဂျင်မ်အဲလစ်အတွက် အလုပ်ရှာရခက်ခဲတဲ့ အခြေအနေတစ်ခုကို ရင်ဆိုင်နေရချိန် ဖြစ်ပါတယ်။ နောက်ဆုံးမှာတော့ မြို့တော်ဌာနကနေ ဖယ်လာဒဲဖီးယားက ရပ်ကွက်ငယ်လေးတစ်ခုက အပန်းဖြေစင်တာတစ်ခုကို ပိတ်သိမ်းပေးဖို့ ကမ်းလှမ်းတလာတဲ့ အလုပ်တစ်ခုကို လက်ခံခဲ့ပါတယ်။ အဆိုပါစင်တာမှာ အလုံးစုံပျက်ဆီးနေတဲ့ ရေကူးကန်တစ်ခုကို ဂျင်မ်အနေနဲ့ ပြန်လည်အသုံးပြုလို့ရတဲ့အထိ ပြင်ဆင်ခဲ့ပါတယ်။ ရပ်ကွက်ထဲက လူမည်းဆယ်ကျော်သက် ယောကျ်ားလေးတွေကို ရေကူးဖို့ ဖိတ်ခေါ်ခဲ့ပြီးနောက်မှာတော့ ရေကူးအသင်းတစ်ခု တည်ထောင်ဖို့အထိ စည်းရုံးနိုင်ခဲ့ပြီး တက္ကသိုလ်အဆင့် ပြိုင်ပွဲတွေထိပါ ခြေဆန့်နိုင်ဖို့ အိပ်မက်ကိုယ်စီ ပိုင်ဆိုင်နိုင်ခဲ့ကြပါတယ်။ ယောကျ်ားလေးတွေပဲ ရှိတဲ့ ရေကူးအသင်းထဲကို ဝီလီဆိုတဲ့ ပါရမီရှင်ရေကူးသမား အမျိုးသမီးငယ်လေး ပါ ပူးပေါင်းလာချိန်မှာတော့ တခြားလူဖြူရေကူးအသင်းတွေတန်းတူ အစွမ်းပြလာနိုင်ခဲ့ပါတယ်။ လူမည်း ရေကူးသမားတွေကို နေရာတိုင်းမှာ နှိမ့်ချဆက်ဆံလူမျိုးရေးခွဲခြားခံနေရတဲ့ အချိန်ကာလကြီးမှာ ဂျင်မ်အဲလစ်စ်က သူ့ရဲ့ရေကူးသမားဘဝက မပြီးဆုံးနိုင်ခဲ့တဲ့အိပ်မက်ကို ဆက်လက်အကောင်အထည်ဖော်ဖို့ မျှော်လင့်ချက် ရောင်ခြည်သမ်းလာခဲ့ပါတယ်။ ရေကူးအသင်းသားတွေရဲ့ ရေကူးကန်အတွင်းနဲ့ အပြင်ဘဝကိုပါ ထိန်းကျောင်းပေးရင်းနဲ့ပဲ ဂျင်မ်အဲလစ်စ်ရဲ့ ရေကူးအသင်းလေးဟာ ဘယ်လ်တီမိုးတက္ကသိုလ် အမျိုးသားရေကူးပြိုင်ပွဲဗိုလ်လုပွဲအထိပါ တက်ရောက်လာနိုင် ခဲ့ပါတယ်။ Pride, Determination, Resilience နဲ့ Philadephia Department of Recreation ကို ကိုယ်စားပြုတဲ့ Team PDR ရဲ့ ကြိုးစားအားထုတ်မှုတွေကို အပြည့်အဝမြင်တွေ့ရမှာဖြစ်ပါတယ်။ " နိုင်သည်ဖြစ်စေ၊ ရှုံးသည်ဖြစ်စေ မဆုတ်မနစ်ကြိုးစားသူတွေရဲ့ဆီမှာ ဂုဏ်သိက္ခာကတော့ အမြဲတမ်း ရှိနေမှာပါ" ဘဝရဲ့ အနိမ့်အမြင့် အတက်အကျ နဲ့ အခက်အခဲတွေကို ရင်ဆိုင်ကျော်ဖြတ်မယ့် စိတ်ခွန်အားဆေးကောင်း တစ်ခွက် ဖြစ်နိုင်စေဖို့အတွက် ဒီဇာတ်လမ်းကလေးကို CM ကနေ ပရိသတ်များကြည့်ရှုနိုင်ဖို့ တင်ဆက် ပေးလိုက်ပါတယ်။ File size…    1.3 GB /  852 MB Quality… Web-Rip 1080p / 720p Format… mp4 Duration…. 1h 44m Genre ..... Drama/Sport Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

ဒီတစ်ခါမှာတော့ မမဂျိုဒီဖို့စတာကို သေနတ်တစ်လက်နဲ့ မြင်ရမယ့် ဇာတ်ကားအဟောင်းလေးတစ်ကားနဲ့ မိတ်ဆက်ပေးလိုက်ပါတယ်။ “Street Walk” လို့ခေါ်တဲ့ ရေဒီယိုအစီအစဉ်တစ်ခုရဲ့ တင်ဆက်သူ အဲရစ်ကာဘိန်းဟာ နယူးယောက်မြို့ကြီးကို ချစ်မြတ်နိုးသူဖြစ်ပြီး သိပ်မကြာခင်မှာပဲ ချစ်ရသူနဲ့ လက်ထပ်တော့မှာ ဖြစ်ပါတယ်။ ဘဝမှာ ပျော်မွေ့တဲ့အလုပ်အကိုင်ရယ် မြတ်နိုးရတဲ့ လက်တွဲဖော်ရယ်ရှိပြီဆို ဘာများလိုအပ်ဦးမှာလဲ၊ အဲရစ်ကာအဖို့တော့ ကမ္ဘာကြီးက သုခဘုံပါပဲ။ ဒီလို အဲရစ်ကာဘိန်းအတွက် တစ်ညတာက အရာအားလုံးကို ပြောင်းလဲစေခဲ့ပါတယ်။ ဒီနေရာလေးမှာ ဘာဖြစ်ခဲ့တယ်ဆိုတာကို မပြောတော့ဘဲ ၃ပတ်တာ ကိုမာဝင်နေရာကနေ ပြန်နိုးလာတဲ့ အဲရစ်ကာအကြောင်းကနေ ပြန်ဆက်လိုက်ပါမယ်။ အဲရစ်ကာ ပြန်သတိရတဲ့အချိန်မှာတော့ သူ့ချစ်သူကို သင်္ဂြိုဟ်ပြီးသွားပါပြီ။ နယူးယောက်မြို့ကြီးဟာ သူ့အဖို့ အရင်လို ပျော်စရာမဟုတ်ဘဲ ကြောက်မက်ဖွယ်အတိဖြစ်လာတဲ့အလျောက် သေနတ်ဝယ်ကိုင်ဖို့ ဆုံးဖြတ်လိုက်ပါတယ်။ ဒီလိုနဲ့ အဲရစ်ကာဟာ နောက်ထပ် မတော်တဆမှုတစ်ခုမှာ အခန့်မသင့် ပါဝင်ပတ်သတ်မိရင်း ပထမဆုံး လူတစ်ယောက်ကို စသတ်မိရာကနေပြီးတော့ သူ့အတွက်ကော နယူးယောက်မြို့သားတွေအတွက်ပါ အပြောင်းအလဲကြီးတစ်ခု ဖြစ်လာခဲ့ပြီး “စေတနာ့လူသတ်သမား”ဆိုတဲ့ နာမတစ်ခုဟာ နယူးယောက်တစ်ခွင် ဟိန်းသွားပါတော့တယ်။ ဘာတွေ ဘယ်လိုဆက်ဖြစ်မလဲဆိုတောတော့ ဆက်ကြည့်လိုက်ကြပါဦး။ File size…    1.7 GB /  775MB Quality… BluRay 1080p / 720p Format… mp4 Duration…. 2h 2m Genre ..... Crime / Action Subtitle…. Myanmar Subtitle (Hard Sub) Encoder…. Thit San Khant Translated by Z

2005 ခု နှစ်တုန်းက ထွက်ရှိခဲ့တဲ့ Four Brother ဆိုတဲ့ဇာတ်ကားကို ဒါရိုက်တာ John Singleton ကရိုက်ကူးတင်ဆက်ထားပါတယ်.. IMDb Rating ကလည်း 6.9 ရရှိထားတာမို့ကားကောင်းတစ်ကားလို့ဆိုလိုရမှာဖြစ်ပါတယ်.. အက်ရှင်ဇာတ်ကားအကြမ်းတွေ ကြိုက်နှစ်သက်တဲ့သူတွေအတွက်တော့သဘောတွေ့မယ့်ဇာတ်ကားကောင်းတစ်ကားလည်းဖြစ်ပါတယ်.. ဇာတ်လမ်းပုံစံလေးကတော့..အင်မတန်ဆိုးတဲ့ ညီအကိုလေးယောက်...သူတို့ဟာဆိုးလွန်းလို့လူတိုင်းကသဘောမကျကြဘူး.. အကြီးဆုံးအကိုကြီးဆိုရင်..မြို့ထဲမှာတောင်နေလို့မရတဲ့အဆင့်ထိပါပဲ.. တစ်နေ့မှာ သူတို့လေးယောက် ကို ငယ်ငယ်ကတည်းက မွေးစားခဲ့တဲ့ အမျိုးသမီးအသတ်ခံရတဲ့အချိန်မှာတော့ ရဲတွေကရော..မြို့လူထု ကရော သူတို့ကိုသံသယဝင်နေကြပါတယ်.. သူတို့တကယ်ပဲ သူတို့ရဲ့မွေးစားမိခင်ကိုသတ်တာလား.. သူတို့ရဲ့ဆိုးသွမ်းမှုတွေကြောင့်အထင်ခံရတာလား.. ဒီကိစ္စတွေကိုသူတို့ဘယ်လိုဖြေရှင်းမှာလဲ ဆိုတာတွေကို..စိတ်ဝင်တစားနဲ့ ဆက်လက်ကြည့်ရှုကြပါ File Size : (850 MB) and (355 MB) Quality : Blu-Ray 720p Running Time : 1hr 49min Format : Mp4 Genre : Action, Crime, Drama Subtitle : Myanmar Subtitle (Hard Sub) Source : 720p.BluRay.x264-SPARKS Translated by Myat Noe Wutt Yi Encoded by Thanhtike Zaw

Hustle & Flow ဆိုတဲ့ ဒီကားက ဘဝမှာ ရုန်းကန်နေကြရတဲ့သူတိုင်း .. ကြိုးစားနေတဲ့သူတိုင်း ကြည့်ရမယ့် ဇာတ်ကားတစ်ကားပါ။ ဇာတ်ကားထဲမှာ အောင်မြင်တဲ့ ရက်ပါ တစ်ယောက် ဖြစ်အောင် ကြိုးစားနေတဲ့ ဖျာခေါင်းတစ်ယောက်ရဲ့ အကြောင်းကို ရိုက်ပြ ပေးထားတာဖြစ်ပါတယ်။ ဖျာခေါင်းတစ်ယောက်ဟာ သူ့ဘဝကို သူကိုယ်တိုင် မရှက်ဘဲ ဘဝရဲ့ ဆင်းရဲ မွဲတေမှုတွေကြားထဲက ရုန်းထွက်ဖို့ ကြိုးစားနေတဲ့အကြောင်း၊ ဂီတဖန်တီးတဲ့အခါ ဘယ်လို အခက်အခဲတွေ ကြုံရတတ်သလဲဆိုတဲ့အကြောင်းနဲ့ သူ့ဘဝအကြောင်း တွေကို ပွင့်ပွင့်လင်းလင်း ဘွင်းဘွင်းရှင်းရှင်း ရွတ်ထားတဲ့ ရက်ပ် စာသားတွေအကြောင်း ဒီကားထဲမှာ ကြည့်ရှုလေ့လာခွင့် ရမှာ ဖြစ်ပါတယ်။ ဒါ့အပြင် ဒီဇာတ်ကားထဲမှာ တကယ့် အပြင်က ရက်ပါ Ludacris လည်း ပါဝင် အားဖြည့်ပေးထားပါသေးတယ်။ ဒီဇာတ်ကားက လူရာမသွင်းခံရတဲ့ ဖျာခေါင်းတစ်ယောက်ရဲ့ ဘဝကိုပဲ ရိုက်ပြပေးထားတာ မဟုတ်ပါဘူး။ ဘဝမှာ ဘာတွေပဲ အခြေအနေတွေ ဘယ်လောက်ဆိုးဆိုး ကိုယ့်မှာ ရှိတဲ့ အင်အားနဲ့ ရှေ့ဆက် ကြိုးစားတဲ့ သူတစ်ယောက်အကြောင်း ရိုက်ပြပေးထားတာလည်းဖြစ်ပါတယ်။ ကိုယ့်အနေနဲ့ အိပ်မက်တွေ .. မျှော်လင့်ချက်တွေအကြောင်း အရမ်းကောင်းတဲ့ မက်ဆေ့နဲ့ ကြည့်ရှုသူတွေ ခွန်အားဖြစ်အောင် ရိုက်ပြထားတဲ့ ဇာတ်ကားတစ်ကားကို ရှာနေတယ်ဆိုရင်တော့ ဒီကားက သေချာပေါက် ကြည့်ရမယ့် ဇာတ်ကားပါပဲ။ ( အညွှန်းနဲ့ ဘာသာပြန်ကတော့ BZW ပဲ ဖြစ်ပါတယ် ) File size…3.57GB / 1.53GB Quality…WEB-DL 1080p HEVC / 720p Format…mkv / mp4 Duration….1h 56m Genre ….. Crime , Drama , Music Subtitle….Myanmar Subtitle (Hard Sub) Encoder….Min Wai Translated by BZW

နာမည်ကြီး rapper 50 cent ရဲ့ ဖြစ်ရပ်မှန် တကယ့်ဘဝအကြောင်းကို ရိုက်ကူးထားတဲ့ ဇာတ်လမ်းတစ်ပုဒ်ဖြစ်ပါတယ်။ အမေဆုံးသွားပြီးနောက်ပိုင်း 12 နှစ်အရွယ်မှာ drug dealer အဖြစ်နဲ့ အသက်မွေးဝမ်းကြောင်းခဲ့ရာကနေ Rapper တစ်​ယောက်ဖြစ်လာအောင် ကြိုးစားခဲ့တဲ့ Marcus ရဲ့ဘဝဖြတ်သန်းပုံတွေကို ရိုက်ကူးထားပြီးတော့ 50 Cent ရဲ့ ဘဝဇာတ်ကြောင်းကို သိမြင်စေနိုင်မဲ့ Autobiography/ Crime ဇာတ်လမ်းတစ်ပုဒ်ပဲ ဖြစ်ပါတယ်။ လူမဲရပ်ကွက်က gangsta တွေ အဖွဲ့ဂိုဏ်းတွေနဲ့ နယ်မြေစွဲပြီး territory ဆန်တဲ့ ဂိုဏ်းတွေကြားက ရန်ငြိုးနဲ့ပစ်ခတ်မှုတွေပါဝင်ပြီး Marcusရဲ့ ကြမ်းတမ်းတဲ့ဘဝကနေ အရှုံးမပေးဘဲ ဘယ်လိုတွေကြိုးစားခဲ့လဲဆိုတာ ရင်ဖိုစိတ်လှုပ်ရှားစွာ ကြည့်ရှုရမှာပဲဖြစ်ပါတယ်။

Crash ဆိုတဲ့ ဇာတ်​ကား​က​တော့ ​လော့စ်​အန်​ဂျလိစ်​မြို့​တော်​တွင်​း လူမျိုး​ရေးခွဲခြားမှု​တွေ လူ့အသိုင်​းအဝိုင်​းကြားတင်​းမာမှု​တွေကို ရိုက်​ကူးပုံ​ဖော်​ထားတဲ့ ဇာတ်​ကားပဲဖြစ်​ပါတယ်​ လူဖြူ လူမည်​းခွဲခြားမှု​တွေကြားမှာ လူဖြူ​တွေကို မုန်​းတီးပြီး အနုကြမ်​းစီးတတ်​တဲ့ Anthnoy ဟာ သူ့အ​ဖော်​နဲ့အတူ လူဖြူ​ရှေ့​နေ Rick နဲ့ သူ့ဇနီး Jean တို့ရဲ့ကားကို လုခဲ့ပါတယ်​။ ဒီဇာတ်​ကား​လေးထဲမှာ ို​သေနတ်​နဲ့ခြိမ်​း​ခြောက်​ခံခဲ့ရတဲ့အတွက်​ လူမည်​း​တွေကို ​ကြောက်​ရွံ့​သွားပြီး သူ့အိမ်​မှာအလုပ်​လာလုပ်​တဲ့ လူမည်​း​​တွေကို မယုံကြည်​နိုင်​​တော့တဲ့ Jean ကျည်​ဆံသံ​တွေ​ကြား အိမ်​ခဏခဏ​ပြောင်​းခဲ့တဲ့ ​သော့ပြင်​ဆရာ Daniel ​သော့ပြင်​ဆရာနဲ့အ​ခြေအတင်​စကားများပြီး​နောက်​ လူမည်​း​သော့ပြင်​ဆရာ​ကြောင်​့ သူ့ဆိုင်​​ဖောက်​ထွင်​းခံရတယ်​ ယူဆထားသူ Farhand လူမည်​းတစ်​​ယောက်​ဖြစ်​တဲ့အတွက်​ ဇနီးဖြစ်​သူကို ရဲတစ်​ဦး လက်​သရမ်​းတာကို ကြည်​့​နေခဲ့ရတဲ့ လူမည်​းရုပ်​ရှင်​ဒါရိုက်​တာ Cameron ဖခင်​ရဲ့​ရောဂါ​ကြောင်​့ ​ဆေးရုံမှတာဝန်​ရှိသူ လူမည်​းအမျိုးသမီးကို မ​ကျေမနပ်​ဖြစ်​​နေသူ ရဲအရာရှိ Ryan လူမျိုး​ရေးခွဲခြားမှု​ကြောင်​့ ဖြစ်​​ပေါ်လာတဲ့ လူသတ်​မှုတစ်​ခုကို စုံစမ်​း​နေသူ လူမည်​းစုံ​ထောက်​တစ်​​ယောက်​ဦး Graham waters စတဲ့ဇာတ်​​ကောင်​​တွေရဲ့ လှုပ်​ရှားမှု​တွေနဲ့ ​အ​မေရိကန်​လူ့အသိုင်​းအဝိုင်​းကြား ဖြစ်​ရပ်​​တွေကို ပုံ​ဖော်​ထားတာ​တွေ့ရမှာပါ။ ပါဝင်​ထားတဲ့ သရုပ်​​ဆောင်​​တွေက​တော့ ခရိုင်​​ရှေ့​နေ Rick အဖြစ်​ Brendan Fraser ခရိုင်​​ရှေ့​နေ Rick ရဲ့ဇနီး Jean အဖြစ်​ Sandra Bullock စုံ​ထောက်​ Graham Waters, အဖြစ်​ Don Cheadle ရဲအရာရှိ Ryan အဖြစ်​ Matt Dillon ဒါရိုက်​တာCameron Thayer အဖြစ်​ Terrence Howard ကားလု​ပြေးသူ Anthony အဖြစ်​Ludacris တို့ပဲအပြင်​ Jennifer Esposito, William Fichtner, Brendan Fraser, Chris "Ludacris" Bridges, Michael Peña, and Ryan Phillippe တို့လည်​း ပါဝင်​ထားပါတယ်​။ ဒီဇာတ်​ကား​ထဲက ဇာတ်​ဝင်​ခန်​း​တွေမှာ ဖြစ်​ရပ်​မှန်​​တစ်​ချို့ ထည်​့သွင်​းရိုက်​ကူးထားကို​တွေ့ရပြီး ​ဝေဖန်​​ရေးဆရာ​တွေရဲ့ မှတ်​ချက်​​ကောင်​း​တွေရရှိထားတဲ့ ဇာတ်​ကား​လေးလည်​း ဖြစ်​ပါတယ်​။ File Size : 850 Mb / 350 Mb Quality :WEB-DL 720p Format…mp4 Duration…01:54:00 Genre : Crime, Drama, Thriller Subtitle : Myanmar Subtitle (Hard Sub) Translated by Lwin Lwin Aung Encoded by Littleneo

အော်စကာ ၂ ဆု ၊ အခြား ဆုပေါင်း ၅၃ ခုနဲ့ ဆန်ကာတင်ရွေးချယ်ခံရမှု စုစုပေါင်း ‌၅၅ အခုထိရရှိခဲ့တဲ့ အမေရိကန် ဂန္တ၀င် တေးရေး တေးဆိုနဲ့ စန္ဒရားပညာရှင်တစ်ယောက်ဖြစ်တဲ့ ရေးချားလ်စ်ရဲ့ ဂီတအတ္ထုပတ္တိ ဒရာမာရုပ်ရှင်ကားတစ်ကားနဲ့ မိတ်ဆက်ပေးပါရစေ။ ဇာတ်လမ်းအကြောင်းမပြောချင်မှာ ရေးချားလ်စ်ရော်ဘင်ဆန် အကြောင်းကို အနည်း‌ငယ် ပြောပြချင်ပါတယ်။ ရေးချားလ်စ်ရော်ဘင်ဆန်ကို စက်ဘင်တာလ ၂၃ ရက်နေ့ ၁၉၃၀ ခုနစ်မှာ အမေရိကန်နိုင်ငံ ဂျော်ဂျီယာပြည်နယ်က အယ်လ်ဘာနီမြို့မှာဖွားမြင်ခဲ့ပြီး အသက် ၇၃ နှစ်အရွယ်မှာ ကယ်လီဖိုးနီးယားပြည်နယ် ဘာဗလီဟေးစ်မှာ ဆုံးပါးခဲ့ပါတယ်။ ရေးချားလ်စ်ဟာ အသက် ၇ နှစ်ကတည်းက ရေတိမ်ရောဂါနဲ့ မျက်စိကွယ်ခဲ့ရပါတယ်။ ရေးလ်ချားလ်စ်ဟာ စန္ဒရားတီးခတ်တဲ့နေရာမှာ တစ်ဖက်ကမ်းခတ်အောင်ကျွမ်းကျင်ပြီး သူ့ရဲ့သီဆိုဟန်ကိုတော့ ထိုခေတ်အခါက နာမည်ကြီး အမေရိကန် ဂျက်ဇ်အဆိုတော်တစ်ဦးဖြစ်တဲ့ Nat King Cole ကို အဓိကလွှမ်းမိုးမှုအဖြစ် ကိုးကားခဲ့တယ်လို့ဆိုပါတယ်။ ဒါ့အပြင် ရေးချားလ်စ်ဟာ နာမည်ကြီးအဆိုတော်တွေရဲ့ အသံတွေကိုပါ တုပပြီးသီဆိုနိုင်စွမ်းရှိပါတယ်။ ရေးချားလ်စ်ဟာ Soul ဂီတအမျိုးအစားကို စတင်ထီထွင်ခဲ့ပြီး သူ့ရဲ့သီချင်းတွေဟာ အဓိကအားဖြင့် Blues , Jazz , Gospel စတိုင်လ်တွေကို ပေါင်းစပ်ထားတာဖြစ်ပါတယ်။ ရေးချားလ်စ်ဟာ တေးသံသွင်းကုမ္ပဏီကြီးတွေက တစ်ကိုယ်တော်အမ်လ်ဘမ်ထုတ်‌ပေးပြီး စာချုပ်ချုပ်ငှားရမ်းတာခံခဲ့ရတဲ့ ပထမဆုံး လူမည်းဂီတပညာရှင်တစ်ဦးလည်းဖြစ်ပါသေးတယ်။ ဇာတ်လမ်းကိုတော့ ရေးချားလ်စ်တစ်‌ယောက် စီရက်တယ်မြို့မှာ အလုပ်လုပ်ဖို့ ကြုံရာဘတ်စ်ကားစီးပြီးရောက်လာခဲ့တာနဲ့ စထားပါတယ်။ ဒီရုပ်ရှင်ထဲမှာတော့ ရေးချားလ်စ်ဟာ ကြုံရာ ဘားအသေးလေးတွေ ကပွဲရုံအသေးလေးတွေမှာ ၀င်ရောက်တီးခတ်ရင်း ဘ၀ကို အောက်ခြေကနေစတင်ခဲ့ပြီး အသံသွင်းကုမ္ပဏီကြီးတွေဆီက ထိုခေတ်အခါက မည်သည့်ဂီတပညာရှင်မှ မရရှိခဲ့ဖူးတဲ့ အခွင့်အရေးတွေ ကမ်းလှမ်းမှုတွေနဲ့ ကမ်းလှမ်းခံရတဲ့အဆင့်အထိရောက်အောင် တက်လှမ်းနိုင်ခဲ့ပါတယ်။ ဇာတ်လမ်းအကြောင်းကိုတော့ အများကြီးထပ်မပြောတော့ပါဘူး။ အော်စကာနှစ်ဆုတောင်ရရှိခဲ့ပြီး ရုပ်ရှင်ပရိတ်သတ်တိုင်း အကြိုက်တွေ့စေမဲ့ရုပ်ရှင်ဖြစ်တာကြောင့် Jazz, County, Blues နဲ့ တခြားသော တေးဂီတသံတွေကို နားဆင်ခံစားရင်း ရေးလ်ချားလ်စ်ကြီးတစ်ယောက် ဘ၀ရဲ့အနိမ့်အမြင့်အတက်အကျတွေကို ဖြတ်သန်းရင်း အောင်မြင်မှုတွေဆွတ်ခူးနိုင်ခဲ့ပုံကို ကြည့်ရှုလိုက်ကြပါဦး။ File size…(3.8 GB)/(2 GB) Quality….Webrip 1080p / 720p Format…mp4 Duration….02:39:00 Genre...Drama, Biography, Music Subtitle….Myanmar Subtitle (Hardsub) Encoder….Garfield Translated by Steven Khant

ဒုတိယကမ္ဘာစစ်ကာလ တပ်သားစုဆောင်းရေးမှာ ဥပဒေဒုတိယနှစ်ကျောင်းသား သောမတ်စ်ဟာ့တ်လည်း ပါဝင်သွားပါတယ်။ အဖေက တပ်ထဲမှာ ထူးချွန်တဲ့ အရာရှိကြီးတစ်ယောက်ဖြစ်ပေမယ့် ဟာ့တ်ကိုယ်တိုင်ကတော့ စစ်ပွဲနဲ့ အကျွမ်းတဝင်မရှိဘဲ လက်ဖ်တင်နင်ဘဝနဲ့ပဲ ကျေနပ်နေသူပါ။ တစ်နေ့ အထက်အရာရှိတစ်ယောက်ကို လိုက်ပို့ရင်း ဂျာမန်တွေရဲ့ ဖမ်းဆီးခြင်းကို ခံလိုက်ရတယ်။ အဲဒီနောက် ဟာ့တ်ဟာ စစ်သုံ့ပန်းစခန်းကို ရောက်သွားပြီး Bruce Willis သရုပ်ဆောင်ထားတဲ့ ဇာတ်ကောင်တို့နဲ့ ဆုံတွေ့ရပါတယ်။ အဲဒီကနေ သုံ့ပန်းဘဝမှာ သူကြုံရမယ့် ပြဿနာတွေအကြောင်း ဆက်ပြထားတယ်။ အပြင်လောကမှာတင်မက စစ်တပ်အတွင်းမှာပါ ရှိနေတဲ့ လူဖြူ၊ လူမည်း ဆက်ဆံရေးကိုလည်း ထည့်သွင်းဖော်ပြထားပါတယ်။ Bruce Willis နဲ့ Collin Ferrell တို့ ပါဝင်ထားတဲ့ စစ်ဒရာမာကားပါ။ ဖြစ်ရပ်မှန်ဇာတ်လမ်းလို့ အပြည့်အဝမဆိုနိုင်ပေမယ့် စာရေးဆရာ John Katzenbach က အဖေဖြစ်သူ Nicholas ရဲ့ စစ်တွင်းအတွေ့အကြုံတွေကို မှီငြမ်းထားပါတယ်။

Big Momma's House (2000) စုံထောက်မင်းသားက မိန်းမဝဝ ဝတ်စုံကြီးဝတ်ပြီး အမှုလိုက်တဲ့ကားလို့ ကျွန်တော်တို့ငယ်ငယ်က သိခဲ့တဲ့ Big Momma's House ကို CM ပရိတ် သတ်ကြီးအတွက် တင်ဆက်ပေးလိုက်ပါတယ်။ Big Momma's House (1,2,3)ဆိုပြီး 3ကားရှိတဲ့ထဲက ဒါကတော့ (2000)ခုနှစ်မှာ ထွက်ခဲ့တဲ့ ပထမ ဆုံးကားဖြစ်ပါတယ်။ ကျွန်တော်ငယ်ငယ်ကလည်း အရမ်းကြိုက်ခဲ့ရတဲ့ ငယ်ဘဝအမှတ်တရကားဖြစ်ပြီး ဒီကားက ကျွန်တော့်ထက် ၅နှစ်တောင် ကြီးပါသေးတယ်။ ဇာတ်လမ်းအညွှန်းကတော့ FBIရဲဝန်ထမ်း မယ်လ်ကွန်ဟာ ထောင်ဖောက် ပြေးတဲ့အကျဉ်းသားကို ပြန်လိုက်ဖမ်းတဲ့မစ်ရှင်မှာ ထောင်ဖောက်အကျဥ်း သားရဲ့ ရည်းစားဟောင်းကောင်မလေးရှယ်ရီပီးယားစ်ရဲ့ ကွဲကွာနေတဲ့အဘွား ဖြစ်သူ (Big Momma-မေမေကြီး)ရဲ့အိမ်ကို စောင့်ကြည့်ရတဲ့တာဝန်ကိုယူ ရပါတယ်။ တစ်နေ့ မေမေကြီးမရှိခိုက် ရှယ်ရီက အိမ်ကိုပြန်လာမယ်ဆိုတဲ့ သတင်းကြောင့် မယ်လ်ကွန်က မိန်းမဝဝ ဝတ်စုံကြီးဝတ်ပြီး မေမေကြီးနေရာ ဝင်နေလိုက်ပါတယ်။ အဲဒီနောက် အလွဲပေါင်းစုံနဲ့ မယ်လ်ကွန့်မစ်ရှင်ကြီး စတင်တော့တာပေါ့ဗျာ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(1.93 GB) / (939 MB) Quality............BLU-RAY 1080p / 720p Duration.........1Hr 39Min Subtitle...........Myanmar Hardsub Format............MP4 Genre..............Action, Comedy, Crime Translator.......Ngwe Zin Encoder..........SWM