Will Patton ပါဝင်သော ဇာတ်ကားများ

You Can't Win (2026) ဒီဇာတ်လမ်းက Jack Black ( နာမည်အရင်းကိုတော့ ဘယ်သူမှမသိတဲ့ စာရေးဆရာရဲ့ ကလောင်အမည် ) ရဲ့ 1926 ကိုယ်ရေးအထုပတ္တိ မှတ်တမ်းတင်စာအုပ်ကို အခြေခံပြီးရိုက်ကူးထားတဲ့ ဖြစ်ရပ်မှန်ဇာတ်လမ်းပဲ ဖြစ်ပါတယ်။ ဒီစာအုပ်မှာ Jack ရဲ့ 19 ရာစုနှောင်းပိုင်းနဲ့ 20 ရာစုအစောပိုင်းကာလအတွင်း နှစ် ၃၀ ကြာ သူကျင်လည်ခဲ့တဲ့ US နဲ့ ကနေဒါတစ်လျှောက် ရာဇဝတ်လောကရဲ့ သူ့ရဲ့ကိုယ်တွေ့ အတွေ့အကြုံတွေကို ရေးထားတာပဲ ဖြစ်ပါတယ်။ ဇာတ်လမ်းအကျဉ်း Jack က Yegg တစ်ယောက်ပဲ ဖြစ်တယ်။ Yegg ဆိုတာက သာမန်သူခိုးဓားပြတွေလို မဟုတ်ဘဲ မီးခံသေတ္တာတွေကို ကျွမ်းကျွမ်းကျင်ကျင် ဖောက်နိုင်တဲ့ ရာဇဝတ်သားတွေထဲက အဆင့်အမြင့်ဆုံး professional အလုပ်တစ်ခုပေါ့။ သူက US အနောက်ပိုင်းနဲ့ ကနေဒါတစ်လျှောက် ရဲတွေမမိအောင် အိမ်ခြေမဲ့တစ်ယောက်လို ရထားတွေ လိုက်စီးပြီး အခြေတကျမနေဘဲ အမြဲတမ်းခရီးထွက်နေတဲ့သူ ဖြစ်တယ်။ ဒီဇာတ်လမ်းက သူ့ရဲ့ ရာဇဝတ်သားဘဝ၊ တရားမဝင်လုပ်ငန်းတွေ၊ ဆေးစွဲတာ‌တွေ၊ သူတိုဒေသရဲ့ ရာဇဝတ်ပိုင်းဆိုင်ရာ တရားရေးစနစ်နဲ့ သူ့ရဲ့ ထောင်ဒဏ်ကျချိန်အတွင်း ကာလတွေကို အစစ်အမှန်အတိုင်း ရိုက်ပြထားပြီး Jack ရဲ့ ရာဇဝတ်သားအဖြစ်ကနေ လူကောင်းတစ်ယောက် ဖြစ်လာအောင် သူ့ဘဝကို ပြောင်းလဲနိုင်မလားဆိုတာကို သူနဲ့အတူ အဖြေရှာကြည့်ရမှာပဲဖြစ်ပါတယ်။ File size… (1 GB) / (620 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:48:00 Subtitle…. Myanmar Subtitle (Hardsub)

Train Dreams (2025) +++++++++ IMDb Rating (7.6) / Rotten Tomatoes (95%) Train Dreams ဟာ Denis Johnson ရဲ့ နာမည်ကြီး ဝတ္ထုတိုကို အခြေခံထားတဲ့ ဇာတ်ကားဖြစ်ပါတယ်။ ဇာတ်လိုက်ကတော့ Robert Grainier (Joel Edgerton) ဆိုတဲ့ သစ်ထုတ်လုပ်သူနဲ့ မီးရထားလမ်း တည်ဆောက်သူတစ်ယောက်ရဲ့ ဘဝအကြောင်းပါ။ ၂၀ရာစု အမေရိကန်ပြည်ထောင်စုရဲ့ ကျေးလက်ဒေသမှာ သူ့ဘဝရဲ့ ပျော်ရွှင်မှု၊ အချစ်ရေးနဲ့ ကြီးမားတဲ့ ဆုံးရှုံးမှုတွေကို အေးဆေးတည်ငြိမ်စွာ ဖြတ်သန်းရတဲ့ အကြောင်းကို ရိုက်ကူးထားတာပါ။ ဒီဇာတ်ကားဟာ လူသဘာဝနဲ့ သဘာဝပတ်ဝန်းကျင်ဆက်စပ်မှု၊ အတိတ်နဲ့ပစ္စုပ္ပန်၊ ပျော်ရွှင်မှုနဲ့ ဝမ်းနည်းမှုဆိုတဲ့ ဆန့်ကျင်ဘက်စိတ်ခံစားချက်တွေကို လှပစွာ ဖော်ပြသွားတဲ့ ဒရာမာဇာတ်ကားတစ်ကား ဖြစ်ပါတယ်။ ဒါရိုက်တာ Clint Bentley က ဇာတ်ကားကို သဘာဝအလင်းရောင်တွေနဲ့ အဓိက ရိုက်ကူးထားပြီး ကြည့်ရှုသူတွေကို စဉ်းစားဆင်ခြင်ဖို့ နေရာပေးထားတဲ့ ကဗျာဆန်တဲ့ ရိုက်ကူးမှုစတိုင်လ်ကို အသုံးပြုထားပါတယ်။ နိုင်ငံတကာရုပ်ရှင်ပွဲတော်တွေမှာ ဆုတွေအများကြီး သိမ်းပိုက်ရရှိခဲ့တဲ့ရုပ်ရှင်လည်းဖြစ်ပါတယ်။ Train Dreams က ဘဝရဲ့ရိုးရှင်းမှု၊ ဆုံးရှုံးမှုရဲ့နာကျင်မှုနဲ့ ဘဝကို ဆက်လက်ရှင်သန်ရပ်တည်နိုင်မှုဆိုတဲ့ ဘဝသဘောတရားတွေကို သိမ်မွေ့စွာဖော်ကျူးထားတာဖြစ်လို့ ဒရာမဇာတ်ကားကြိုက်သူတွေ လက်လွတ်မခံသင့်တဲ့ ဇာတ်ကားကောင်းတစ်ကားပါပဲ။ File Size… (1.48GB) / (1.05GB) Quality… WEB-DL 1080p HEVC /720p Format…mkv / mp4 Duration…1h 42m Genre … Drama Subtitle….Myanmar Subtitle (Hard Sub)

ဒီတစ်ခေါက်မှာတော့ မိုးအေးအေးလေးနဲ့ ကော်ဖီတစ်ခွက်ဘေးချပြီး တွေးလို့ကောင်းမဲ့ A24 film တစ်ခုကိုတင်ဆက်ပေးပါရစေ။ ပထမဆုံးအနေနဲ့ ဒီရုပ်ရှင်ဟာ အတွေးဒဿနကိုဦးစားပေးတာ ဖြစ်တဲ့အတွက် ဇာတ်လမ်းအသွားအလာ တည်ငြိမ်ကြောင်းကို ကြိုတင်အသိပေးပါစေ။ ဒီရုပ်ရှင်ရဲ့ အဓိက ဇာတ်ကောင်ကတော့ Title ထဲကအတိုင်း ဂျဲနက်ဆိုတဲ့အမျိုးသမီးပဲဖြစ်ပါတယ်။ ဂျဲနက်မှာ ၁၁နှစ်အရွယ် သမီးလေး တစ်ယောက်ရှိပြီး သားအမိနှစ်ယောက်တူတူနေထိုင် ကြပါတယ်။ အဲဒါကို ဂျဲနက်ရဲ့ ကမ္ဘာလေး (Janet Planet) လို့ တင်စားထားတာမျိုးပါ။ ရုပ်ရှင်ထဲမှာ ဇာတ်လမ်းကို ၃ ပိုင်း ခွဲခြားထားပြီး ဂျဲနက်ရဲ့ ကမ္ဘာလေးထဲကို ဧည့်သည် ၃ယောက်အလည်လာခဲ့ပုံကို တစ်ပိုင်းစီ ရိုက်ပြထားပါတယ်။ အဲဒီဧည့်သည်တွေကတော့ ဝိန်းဆိုတဲ့ ဂျဲနက်ရဲ့ရည်းစားရယ်၊ ရက်ဂျီနာဆိုတဲ့ ဂျဲနက်ရဲ့သူငယ်ချင်းရယ်၊ ရက်ဂျီနာရဲ့ ရည်းစားဟောင်း အာဗီဆိုတဲ့လူရယ်ပါ။ သူတို့သုံးယောက်ဟာ တစ်ယောက်ကို စရိုက် တစ်မျိုးစီ၊ အခြေအနေတစ်မျိုးစီနဲ့ ဂျဲနက်ရဲ့ကမ္ဘာလေးထဲကိုတစ်လှည့်စီ ဝင်လာခဲ့ကြပါတယ်။ အဲဒီဧည့်သည်တစ်ယောက်ချင်းစီနဲ့ ဂျဲနက်ရဲ့ စကားပြောခန်းလေးတွေဟာ ဒီရုပ်ရှင်ရဲ့ အနှစ်ပါပဲ။ ဒီရုပ်ရှင်ကိုကြည့်ပြီးသွားရင် လူ့သဘော လူ့သဘာဝတွေ၊ နေ့စဉ်ဘဝအကြောင်းအရာတွေ၊ ဘာသာရေးအကြောင်းတွေ၊ ဒဿနတွေ၊ အနုပညာတွေ စတဲ့ အရာအားလုံးနဲ့ပတ်သတ်ပြီး မေးခွန်း ဒါမှမဟုတ် အတွေး တစ်ခုခုတော့ စိတ်ထဲကျန်နေခဲ့မှာပါ။ ဆို‌တော့... ဒီရုပ်ရှင်ဟာ တည်ငြိမ်အေးဆေးပြီး အတွေးများစွာပေးနိုင်မဲ့ ရုပ်ရှင်တစ်ကားဖြစ်ကြောင်း ညွှန်းဆိုလိုက်ပါရစေ။ File size…3.14GB / 0.98GB Quality…WEB-DL 1080p 5.1CH / 720p Format…mp4 Duration….1h 53m Genre ….. Drama Subtitle….Myanmar Subtitle (Hard Sub) Encoder….Min Wai Translated by Muse

ဒီဇာတ်ကားလေးကတော့ ဒါရိုက်တာ Kevin Costner က ပြောင်မြောက်စွာ ရိုက်ကူးတင်ဆက်ထားတဲ့ ဂန္ဓဝင်အနောက်တိုင်းရုပ်ရှင်ဇာတ်ကားဖြစ်ပြီးတော့ An American Saga Trilogy ရဲ့ ပထမဆုံးဇာတ်ကားဖြစ်ကာ နောက်ထပ် Sequel နှစ်ကားလာဖို့ ရှိပါသေးတယ်။ ဇာတ်လမ်းလေးကတော့ အမေရိကန်လူမျိုးတွေဟာ အမေရိကတိုက်ကြီးရဲ့ မိုးကုပ်စက်ဝိုင်းလို့ ခေါ်ဝေါ်သမုတ်တဲ့ အနောက်ဖက်အရပ်ရဲ့ ဆွဲဆောင်ညို့ယူမှုကို ခံရပြီး အမေရိကန်နိုင်ငံရဲ့နယ်နိမိတ်ကို တိုးချဲ့တိုင်းတာသတ်မှတ်ဖို့ တရွေ့ရွေ့ ခြေဆန့်ခရီးဆက်လာတဲ့အချိန်မှာ ယနေ့ခေတ်အခေါ် ဟစ်ပီတွေ တဖြစ်လည်း ဒေသခံတိုင်းရင်းသားလူမျိုးရင်းမျိုးနွယ်စုတွေဖြစ်တဲ့ အပါချီမျိုးနွယ်စုနဲ့ တခြားမျိုးနွယ်စုခွဲတွေအတွက်ကတော့ သူတို့ပိုင်ဆိုင်တဲ့မြေကို တစတစ ဖဲ့ပေးနေရတာဖြစ်တဲ့အတွက် သူတို့ကြားထဲမှာ တိုက်ပွဲတွေ ဖြစ်ပွားနေတဲ့အကြောင်းနဲ့ စတင်ထားပါတယ်။ ယဉ်ကျေးမှုနှင့် နည်းပညာတိုးတက်မှုတို့ အချိုးကျကျပေါင်းစပ်ကာ ဂီတ အနုပညာ ဖက်ရှင် ဖျော်ဖြေရေးတွေ ထွန်းကားလာပြီးတော့ ရွှေခေတ်လို့ တင်စားကြတဲ့ ၉၀ ရာစုပြည့်နှစ်တွေ မရောက်ရှိလာခင် ခေတ်အချိုးအကွေ့ရဲ့ ကနဦးအစောပိုင်းကာလကို မတူညီကွဲပြားတဲ့ ဇာတ်ကောင်တွေ ရှုထောင့်တွေနဲ့ အဘက်ဘက်ကနေ ထဲထဲဝင်ဝင် အစပျိုး ရိုက်ကူးတင်ဆက်ထားပါတယ်။ Box Office မှာ ၃၂ သန်းနီးပါး ရရှိခဲ့ပြီး IMDb Rating 6.9/10 နှင့် Rotten Tomatoes မှာ Audience Score 70% ရရှိထားကာ ဒီနေ့ခေတ် အမေရိကန်နိုင်ငံဆိုတာ ဖြစ်လာဖို့ ဘယ်ကနေ စတင်ခဲ့တယ်ဆိုတာကို စိတ်ကူးယဉ်ဇာတ်အိမ်တွေနဲ့ လက်တွေ့သမိုင်းကြောင်းတို့ကို ရောပြွန်းတင်ဆက်ထားတဲ့ ဇာတ်လမ်းကောင်းလေးဖြစ်လို့ မဖြစ်မနေ ကြည့်ရှုသင့်တဲ့ဇာတ်ကားဆိုလည်း မမှားပါဘူး။ File size…(4.7 GB)/(2.2 GB) Quality….Webrip 1080p / 720p Format…mp4 Duration….03:01:00 Genre... Western, Drama Subtitle….Myanmar Subtitle (Hardsub) Encoder….Mr. Anderson Translated by Matteo

Outer Range (2022) IMDb Rating - 8.2/10 ဒီစီးရီးကတော့ ထွက်ထွက်ချင်း IMDb 9 အထိ ပေးကြတဲ့ စီးရီးအသစ်လေးပါပဲ။ ခေါင်းဆောင်မင်းသားကတော့ Old Boy, Thanos, Cable ဇာတ်ကောင်တွေနဲ့ လူတွေရင်းနှီးပြီးသား ဂျို့ရှ် ဘရိုလင်ပါ။ အမျိုးအစားကတော့ သည်းထိပ်ရင်ဖို့ ထူးခြားဆန်းကြယ် အမျိုးအစားပါပဲ။ Stranger Things လိုစတိုင်ပါ။ (၈) ပိုင်းပါဝင်ပြီး အပတ်စဥ◌် သောကြာနေ့တိုင်း တစ်ပတ်နှစ်ပိုင်းထွက်ပါလိမ့်မယ်။ ဇာတ်လမ်းကိုတော့ ဂရိနတ်ဘုရား ခရိုနို့စ် အပေါ်မှာအခြေခံထားပါတယ်။ ခရိုနို့စ်ဟာ သူ့ရဲ့ တံစဉ်းလက်နက်နဲ့ ကောင်းကင်ဘုံနဲ့ကမ္ဘာမြေကြီးကြားထဲက အာကာသနေရာတစ်ခုကို အပေါက်တစ်ခုဖြစ်အောင် ခုတ်ဖြဲခဲ့ပါတယ်။ အဲဒီကနေ လက်ရှိကမ္ဘာနဲ့ အခြားကမ္ဘာကို ခြားနားပေးထားလိုက်တာပါပဲ။ ဒီစီးရီးထဲမှာတော့ မင်းသား ဂျို့ရှ်က ရိုင်ရယ်ဆိုတဲ့ နာမည်နဲ့ နွားခြံပိုင်ရှင်ကြီးတစ်ယောက်အနေနဲ့ သရုပ်ဆောင်ထားပါတယ်။ သူ့အတိတ်ကို သူမမှတ်မိ၊ သူ့နောက်ကြောင်းကို ဘယ်သူမှမသိကြပေမဲ့ သူ့မှာ မိန်းမတစ်ယောက် နဲ့ သားတွေနဲ့ မိသားစုရှိနေပြီ၊ ရီဘက်ကာဆိုတဲ့ မိန်းကလေးတစ်ယောက် သူတို့မိသားစုထဲကနေ ထူးထူးခြားခြားပျောက်ဆုံးသွားခဲ့တာကနေ ဇာတ်လမ်းကို စတင်ထားပါတယ်။ ကျန်တာတွေကိုတော့ သို့လော သို့လောနဲ့ ဆက်ကြည့်လိုက်ကြပါဦး။ (ဒီစီးရီးရဲ့ အညွှန်းနဲ့ဘာသာပြန်ရေးသားပေးသူကတော့ Mr.Anderson  ဖြစ်ပါတယ်။) File Size - (500 MB) / (250 MB) Quality – WEBDL 1080p / 720p Duration - 50Min (@Episode) Subtitle – Myanmar Hardsub Format – MP4 Genre : Drama, Mystery Translator – Mr.Anderson Encoder – SWM

မျက်နှာဖုံးတပ်ပြီး ဓားရှည်တစ်ချောင်း ကိုင်ထားတဲ့ မိုက်ကယ်မိုင်ယာစ်ဟာ Halloween ရုပ်ရှင်တွေရဲ့ အမှတ်ရစရာပုံရိပ်ပါ။ စုစုပေါင်း ၁၃ ကားအထိ ရှိလာတဲ့ ဒီထိတ်လန့်ရုပ်ရှင်တွဲထဲက Halloween Ends ကတော့ ၂၀၂၂ ခုနှစ်ထွက် ဇာတ်ကားဖြစ်ပါတယ်။ ဒီတစ်ခါမှာ မိုက်ကယ်မိုင်ယာစ်လက်က လွတ်မြောက်ခဲ့တဲ့ မြေးအဘွားနှစ်ယောက်နဲ့ တစ်မြို့လုံးက မုန်းတီးနေကြတဲ့ ကောင်လေးတစ်ယောက်အကြောင်းကို အခြေခံထားတယ်။ လှည့်ကွက်တွေနဲ့ ရက်စက်ကြမ်းတမ်းတဲ့ မြင်ကွင်းတွေ ပါဝင်ပြီး ၂၀၁၈ နဲ့ ၂၀၂၁ ခုနှစ် Halloween ဇာတ်ကားတွေနဲ့ ဆက်စပ်နေပါတယ်။

အားလုံးစောင့်မျှော်နေကြတဲ့ Halloween Kills ထွက်ရှိလာပါပြီ ... ၂၀၁၈ ခုနှစ်က ထွက်ရှိတဲ့ခဲ့ Halloween ရဲ့တိုက်ရိုက်အဆက်ဖြစ်ပြီးတော့ ရင်ဖိုစိတ်လှုပ်ရှားစရာ အကောင်းဆုံး ရိုက်ကွက်တွေနဲ့ ကြည့်ရှုရမှာဖြစ်ပါတယ်ဗျ.. ဘိုဂီမန်း နာမည်ခံ မိုက်ကယ်မိုင်ယာ ဆိုတဲ့သူက ဟန်ဒန်ဖီးဒ်မြို့လေးကို ခြောက်လန့်နေတာ နှစ် ၄၀ ကြာပါပြီ။ မိုက်ကယ်ကြောင့် ဘယ်လောက်တောင် စိတ်ဒဏ်ရာရခဲ့လဲဆိုရင် ဟောလိုးဝင်းနေ့မှာ မိုက်ကယ်မိုင်ယာနာမည်ကို မပြောရဲသလောက်ပဲ... ပြီးတော့ မိုင်ယာအိမ်ဆိုလည်း စိတ္တဇအိမ်ဆိုပြီးတော့ ရှောင်ကြတာအခုထိပါပဲ။ မိုက်ကယ်အဓိကပစ်မှတ်ထားတာတော့ လော်ရီစထရိုက်ဒါဆိုတဲ့အမျိုးသမီး၊ အနှစ် (၄၀)ကြာတာတောင် မပြေနိုင်တဲ့ကျောင်းတော်ရန်ငြိုးတွေပေါ့။ ဒီတစ်ခါ မိုက်ကယ်ကြောင့် သေခဲ့ရသူတွေ၊ မသေဘဲလွတ်မြောက်ခဲ့သူတွေက အကြွေးဟောင်းရော အကြွေးသစ်ပါ ရောသမမွှေပြီး သတ်လို့မသေနိုင်တဲ့ ဇာတ်လိုက်ကျော်ဘိုဂီမန်းကို ဟောလိုးဝင်းမှာ ဘယ်လိုစာရင်းရှင်းကြမလဲဆိုတာတော့ ကြည့်ရှုလိုက်ပါတော့ဗျာ ။ ။ အညွှန်းကို JoJoVa က ရေးသားပေးထားပြီးတော့ ဘာသာပြန်ထားတာကတော့ JoJoVa နဲ့ MTA ပဲ ဖြစ်ပါတယ်။ Quality….WEB-DL 1080p and 720p File size…1.6GB and 1.1GB Format…mp4 Duration….1h 48min Subtitle….Myanmar Subtitle (Hardsub) Translator ..... JoJoVa and MTA Encoder .....August

Purge ရုပ်ရှင်တွေကို အတော်များများတော့ ရင်းနှီးကြမှာပါ။ အမေရိကန်နိုင်ငံရဲ့ အစိုးရသစ်လက်ထက်မှာ ဓလေ့တစ်ခုရှိတယ်ဗျာ။ နှစ်စဉ်နှစ်တိုင်းတစ်နှစ်ကို တစ်ရက်တိတိ သန့်စင်ရေးနေ့ဆိုပြီး ခွင့်ပြုပေးတယ်။ အဲဒီနေ့မှာတစ်နိုင်ငံလုံးကလူတွေကို ဘယ်ရာဇဝတ်မှုနဲ့မှအရေးမယူပါဘူး။ လူပဲသတ်သတ် ကြိုက်တာလုပ်လို့ရပါတယ်။ အဲဒီလိုနေ့မှာ သတ်ဖို့ကြိုးစားတဲ့သူတွေ၊အသက်ရှင်ဖို့ ကြိုးစားတဲ့သူတွေ အစုံပေါ့။ ဒီရုပ်ရှင်ကတော့ လေးကားမြောက်ပါ။ အရင် Purge တွေထက် ပိုဆိုးသွားပါပြီ။ ၂၄ နာရီပြည့်တာတောင်တစ်နိုင်ငံလုံးကို အရင်လိုတားလို့မရတော့ဘူး forever purge ဆိုတဲ့ လှုပ်ရှားမှုပေါ်ပေါက်လာပါပြီ။ ပိုဆိုးတာက စတင်လိုက်တဲ့သူတွေက လူဖြူကြီးစိုးရေး အစွန်းရောက်မျိုးချစ်တွေ ဖြစ်နေတာကြောင့် မက္ကဆီကိုသားတွေ အခြားနိုင်ငံသားတွေအားလုံးကို ဦးတည်သတ်ဖြတ်လာပါတော့တယ်။ ဒီလူသတ်ကောင်တွေကြားထဲကနေ အမေရိကန်တွေနဲ့ မက္ကဆီကိုသားတွေ ပူးပေါင်းပြီး ဘယ်လိုအလွတ်ရုန်းရမလဲဆိုတာ File size…(1.8 GB) and (1 Gb) Quality….web 1080p and 720p Format…mp4 Duration….01:43:00 Subtitle….Myanmar Subtitle (Hardsub) Encoder….Mr. Anderson Translated by Mr. Anderson

IMDb Rating. = 7.7/10 Rotten Tomatoes. = 100% Minari ဟာ အတော် ရိုးရှင်းတယ်။ ပြောတတ်သလို အနီးစပ်ဆုံး ဥပမာပေးရရင်ဦးဖိုးကျားရဲ့ စကားပြေတွေလိုပဲ။ အကြောင်းအရာ အရေးအသားရိုးရှင်းတယ်။ ဒါပေမဲ့ ထိတယ်။ အမေရိကန်ရောက်ကိုရီးယားမိသားစုတစ်စုကို အခြေပြုပြီးအမေရိကန်အိပ်မက်မက်ကြသူတွေရဲ့ဘ၀အကြောင်းကို ပြသွားရုံပဲ။ မိသားစုဆိုတဲ့ဝေါဟာရကိုကျယ်ကျယ်ပြန့်ပြန့် အဓိပ္ပာယ်ဖွင့်သွားတယ်။ ဒီလိုပြသွားပုံလေး‌ဟာ အတော်လှတယ်ကြည်နူးစရာနဲ့ လှတာတော့မဟုတ်ဘူး။ရင်နာနာနဲ့ လှတာ။ သိပ်လှတဲ့အချက်ကလေးတွေအများကြီးရှိတယ်။ ဒါပေမဲ့ အညွှန်းရဲ့မူလရည်ရွယ်ချက်ကခံစားမှုကိုလမ်းကြောင်းပေးဖို့ဆိုတော့ကာဇာတ်အိမ်ရိုးရှင်းတဲ့ ရုပ်ရှင်ကိုကျွန်တော် ဇာတ်လမ်းများများရေးပြဖို့ရာမသင့်ဘူး။ အနုပညာပစ္စည်းကိုခံစားရတာကြိုက်တဲ့လူတွေမှာသိပ်ချစ်စရာကောင်းတဲ့ ဗီဇတစ်ခုရှိတယ်။ ကိုယ်ခံစားရနှစ်သက်တာကိုတစ်ပါးသူတွေကိုလည်း ခံစားကြည့်စေချင်တဲ့ဆန္ဒပေါ့။ ကျွန်တော်လည်း ခင်ဗျားကိုဒီရုပ်ရှင်ကို ခံစားကြည့်စေချင်တယ်။ကျွန်တော့်အမြင်အရတော့လီချန်းဒုံရုပ်ရှင်တွေရဲ့ ဇာတ်လမ်းတင်ပြပုံနဲ့ဆင်တယ်။ဒါရိုက်တာရဲ့ ရက်စက်မှုပါးတယ်။ မသိမှုထည့်တာ ပါးတယ်။သုံးထားတဲ့ စကားလုံးတွေဟာလက်တွေ့ကျကျနဲ့သိပ်လှတယ်။ဇာတ်လမ်းက မိသားစုရဲ့အိမ်နဲ့စိုက်ခင်းရှိခဲ့တဲ့ နေရာဟာ ဒီရုပ်ရှင်ကဇာတ်ညွှန်းသမားနဲ့ဒါရိုက်တာလုပ်ထားတဲ့Lee Isaac Chungရဲ့ ကြီးပျင်းခဲ့တဲ့နေရာနဲ့အတူတူပဲ။ သရုပ်မှန်များလို့ပဲထင်တယ်သိပ်လက်တွေ့ကျတယ်။အော်စကာ Best Picture ပြိုင်ဖို့ရဖို့တန်မတန်ဆိုတာပညာရှင်တွေဆုံးဖြတ်ရမယ့်အလုပ်,ဒါပေမဲ့ မနှစ်က BPရတဲ့ Parasiteထက်ခံစားရပိုစစ်မှန်တယ်ဆိုတာ‌ကတော့ကျွန်တော်ရဲရဲကြီး အာမခံတယ်။ (ရုပ်ရှင်အညွှန်းနဲ့ ဘာသာပြန်ကို WiRa Aung မှ ခံစားတင်ဆက်ထားတာပါ။) File size…(1.6 GB) Quality….WEBscr 720p Format…mp4 Duration….01:55:00 Subtitle….Myanmar Subtitle (Hardsub) Encoder….Nyeinsaeya Aung Translated by WiRa Aung

ဒီ series ကတော့ Titans နဲ့ Doom Patrol အပြီး DC Universe ရဲ့ တတိယမြောက် series ပါ။ Gene ကတော့ Superheroe horror drama type ပဲဖြစ်ပါတယ်။ SwampThing ဆိုတဲ့ DC comic ထဲက ဇာတ်ကောင်ကို အခြေခံပြီး ဇာတ်အိမ်ဖွဲ့ထားတာပါ။ ဒီ series တစ်ခုလုံးကို produce လုပ်တဲ့အထဲမှာ The Conjuring Universe ရဲ့ ဖခင်ကြီး James Wan လည်း ပါဝင်နေပါတယ်။ ဒါ့ကြောင့် Jump Scare တွေ တစ်ပုံတစ်ပင်ကြီး ခံစားရမှာဖြစ်ပါတယ်။ ဒီဇာတ်ကားရဲ့ အဓိကဇာတ်ကောင် Abby Crane နေရာမှာလည်း Teen Wolf ထဲက မင်းသမီးချော Crystal Reed ပါဝင်သရုပ်ဆောင်ထားပါတယ်၊ ဇာတ်လမ်းအကျဉ်းကတော့ Marais ဆိုတဲ့ မြို့လေးရဲ့ ညတစ်ည စိမ့်တောထဲမှာ မသင်္ကာစရာ လှေသမားတစ်အုပ်ဟာ ရေအိုင်ထဲ ပစ္စည်းတစ်ခုခုချဖို့ လုပ်နေခဲ့တယ်။ အဲဒီမှာပဲ သစ်ပင်အမြစ်တွေလို ထူးဆန်းတဲ့အရာတစ်ခု သူတို့ကို စတင်တိုက်ခိုက်ပြီး သတ်ဖြတ်လိုက်တော့တယ်။ အဲဒီနောက်နေ့မှာပဲ စာသင်ခန်းအတွင်း ကလေးတစ်ယောက် ရောဂါပိုးကူးစက်ခံရပါတော့တယ်။ ဘာရောဂါပိုးမှန်း ဆရာဝန်တွေ အဖြေရှာမရတဲ့အချိန် CDC လို့ခေါ်တဲ့ Center of Diseas Control အဖွဲ့က ဒေါက်တာမလေး အက်ဘီကရိန်းကို တာဝန်ပေးလိုက်ပါတော့တယ်။ တိုက်ဆိုင်စွာနဲ့ပဲ အဲဒီမြို့လေးက ဒေါက်တာမလေးရဲ့ ဇာတိမြို့ဖြစ်နေပါတယ်။ မြို့ကို ပြန်ရောက်တဲ့အချိန် ဒီကပ်ဆိုးအမှုက ပိုပိုပြီး ထူးဆန်းလာခဲ့ပါတယ်။ နောက်ဆုံးအနေနဲ့ ထပ်ညွှန်းရရင် ဒီseries က superhero horror series ဖြစ်တဲ့အတွက် လုံးဝ Deep တာ Dark တာ ကြိုက်တဲ့ ပရိသတ်တွေ လုံးဝ အကြိုက်တွေ့မှာပါ။ တစ်ပတ်တစ်ပိုင်းနှုန်းနဲ့ ၁၀ ပိုင်း ထွက်ရှိလာမှာပဲဖြစ်ပါတယ်။ Translator : Ye Man Aung Encoder : Moe Myint Lwin

လူတိုင်းလူတိုင်းဟာ ကံကောင်းပြီးမွေးလာကြတာမဟုတ်ပါဘူး အဲ့ထဲမှာ စိတ်ပိုင်းဆိုင်ရာ ချို့ယွင်းပြီး မွေးလာတဲ့ Michael တစ်ယောက်လဲ အပါဝင်ပေါ့ ကလေးဘဝကတည်းက လူသတ်ရတာခုံမင်တဲ့ Michael Halloween ညတွေမှာ စိတ္တဇမျက်နှာဖုံး စွပ်ပြီးလိုက်လံသတ်ဖြတ်ခဲ့တဲ့သွေးအေး လူသတ်သမား Michael လူသတ်မှုှုနဲ့ စိတ္တဇ ဆေးရုံရောက်နေခဲ့တာ နှစ် ၄၀ ရှိနေခဲ့ပြီ သူသတ်ဖို့ကြိုးစားခဲ့ တဲ့ Laurie Strode ဆိုတဲ့ကောင်မလေးလဲ ဟယ်ဒန်ဖီလ်း ဆိုတဲ့မြို့မှာ ရှိနေခဲ့တာ နှစ် ၄၀ ကြာမြင့်ခဲ့ပြီ ဒါပေမယ့် နှစ်တွေဘယ်လောက်ကြာကြာ သူတို့နှစ်ယောက်ကြားက အငြိုးတွေကတော့ ဖြိုဖျက်ဖို့ မဖြစ်နိုင်သေးပါဘူး ဒီလိုနဲ့ Halloween ညမတိုင်ခင်မှာမှ တိုက်တိုက်ဆိုင်ဆိုင်ပြန်လွတ်သွားတဲ့ Michael Myers တစ်ယောက်ဘယ်လို ရက်ရက်စက်စက် သတ်ဖြတ်မှုတွေကျူးလွန်မလဲဆိုတာ စိတ် တုန်လှုပ်ခြောက်ခြားစွာ ကြည့်ရှုရမှာပါ ဒီ Halloween ကိုပြောလို့ပြောတာမဟုတ်ဘူး ကျွန်တော်လဲ ရှေ့ကားတွေမကြည့်ဖူးပါဘူး ဒါပေမယ့် အသေချာပြောနိုင်တာက Friday the 13th ကားထဲက Jason Vorhees နဲ့ အတော်လေးဆင်ပါတယ် မသိဘူး သတ်မယ်ဆိုတဲ့သကောင့်သားတွေပေါ့ ဇာတ်လမ်း ကလဲရိုးရိုးရှင်းရှင်းလေး ကြည့်ရတာဘာမှအာရုံနောက်စရာမရှိဘူး Thriller ဖီးလ်လေးကို ခံစားရတာကလွဲလို့ပေါ့ slasher film လို့ပြောထားတဲ့အတိုင်းပဲ အသတ်အဖြတ်အကြမ်းအရမ်းတွေ ဘုံးဘောလအော ထည့်ပေးထားပါတယ် ကိုယ်တိုင်က Friday the 13th တို့ Black Sails တို့ Spartacusတို့လို အသတ်အဖြတ်ကားတွေအကြည့်များလို့လားတော့မသိဘူး :3 ဒီ Halloweenက သတ်ဖြတ်တာတွေကိုသိပ်အားမရဘူး ဒါပေမယ့် Michael Myers ဆိုတဲ့သွေးအေး လူသတ်သမားဇာတ်ရုပ်ကို သဘာဝဆန်ဆန် ဘွင်းခနဲမြင်ရမှာပါ အဲ့လိုမြင်အောင်လဲနောက်က theme songကအတော်လေး ပံ့ပိုးပေးထားတာတွေ့ရပါတယ် ပြီးတော့အခု Halloween ကားက လွန်ခဲ့တဲ့ နှစ် ၄၀ က ရိုက်ခဲ့တဲ့ Halloween(1978)ကားနဲ့ တိုက်ရိုက်ချိတ်ဆက်ထားတာပါ IT(2017) လိုမျိုး လက်ရှိရောက်နေတဲ့ခုနှစ်နဲ့ ဇာတ်ကားထဲက plot နဲ့ ကွက်တိဆိုသလိုပေါ့ rating အနေနဲ့ကတော့ IMDb 7.1 Rotten Tomatoes မှာ 79% ရထားပါတယ် Halloween ကားဟာ Halloween ညမှမဟုတ်ပါဘူး ဘယ်ညဖြစ်ဖြစ်ကြည့်လို့ ခြောက်ခြားစရာကောင်းမှာ အမှန်ပါပဲ ဒီရုပ်ရှင်ကားကို Hein Thet Naing က ဘာသာပြန်ပေးထားပြီး ကိုယ်တိုင် အညွှန်းရေးပေးထားပါတယ် Korensub စာတန်းထိုး အသေဖြင့် ထွက်ရှိလာတာဖြစ်ပြီး ဘာသာပြန်မှု အနည်းငယ် မှားယွင်းနိုင်ပါသဖြင့် အလွဲတစ်ချို့ ရှိပါက နားလည်ပေးကြပါလို့ မေတ္တာရပ်ခံပါတယ် BluRay Version ထွက်လာခဲ့လျင် ပြန်လည် Update လုပ်ပေးပါမည်။

ဖြစ်ရပ်မှန်ကားကောင်းလေးတွေကိုမှကြိုက်တဲ့သူတွေအတွက်၂၀၁၇ထွက် rating7.1ထိရထားတဲ့ခွေးကားကောင်းလေးတစ်ကားလာပြီ။ တကယ့်အပြင်ကဖြစ်ရပ်မှန်ကိုအခြေပြုရိုက်ကူးထားတာပါ။ ဒုတပ်ကြပ်မီဂန်လီဗီနဲ့ သူ့ရဲ့ရဲဘော်ရဲဖက်စစ်ခွေးလေးတို့ရဲ့အကြောင်းလေးကိုရိုက်ကူထားတာပါ။ မီဂန်ဟာအိမ်တွင်းရေးအဆင်မပြေမှုတွေကြားကအလုပ်ကပြုတ်တဲ့အပြင်သူ့ရဲ့အချစ်ဆုံးသူငယ်ချင်းသေဆုံးသွားပြီးနောက်မှာတော့အမေရိကန်မရိန်းတပ်ထဲဝင်ဖို့ဆုံးဖြတ်လိုက်ပါတော့တယ်။ စစ်တပ်ထဲရောက်တဲ့အချျိန်မှာတော့မီဂန်ရဲ့ခြောက်သွေ့နေတဲ့ဘဝလေးဟာရက်စ်ဆိုတဲ့ခွေးလေးနဲ့တွေ့ပြီးပြန်လည်စိုပြေလာပါတော့တယ်။ ရက်စ်ဆိုတာကအမေရိကန်စစ်တပ်ကလေ့ကျင့်ပေးထားတဲ့တိုက်ပွဲဝင်စစ်ခွေးလေးတစ်ကောင်ပါ။ ရက်စ်ကိုထိန်းကျောင်းရဖို့ကံကြမ္မာပါလာတဲ့မီဂန်တစ်ယောက်သူတို့နှစ်ဦးကြားဘယ်လိုချည်နှောင်မှုတွေရှိလာမလဲ။ ဘယ်လိုတိုက်ပွဲတွေအလီလီအတူတူဖြတ်ကျော်ကြမဘဲဆိုတာဇာတ်ကားလေးကိုဆက်ကြည့်ပြီးခံစားလိုက်ပါ။ တကယ့်အပြင်မှာမီဂန်နဲ့ရက်စ်တို့ဟာအတူတူတိုက်ပွဲပေါင်း၁၀၀၀ကျော်ဆင်နွဲခဲ့ပြီးလူ့အသက်ပေါင်းများစွာကိုကယ်တင်နိုင်ခဲ့ကြတဲ့စစ်သည်ကောင်းတွေအဖြစ်အသိအမှတ်ပြုခံခဲ့ရသူများဖြစ်ပါတယ်။ ဇာတ်ကားလေးဟာလည်းသူတို့နှစ်ယောက်ရဲ့ကြားကဖြစ်တည်မှုလေးကိုသေသေချာချာရင်ထဲထိအောင်ရိုက်ပြထားတာတွေ့ရမှာပါ။ တကယ့်ဖြစ်ရပ်မှန်အခြေခံရိုက်ထားတဲ့ကားကောင်းလေးတွေကိုကြိုက်နှစ်သက်သူများအတွက်ဒီကားလေးဟာကြည့်သင့်တဲ့ကားလေးပါလို့ညွန်းပါရစေဗျာ။ Rotten Egg ratingအနေနဲ့လည်း84%အထိရရှိထားတာဆိုတာ့အထူးတလည်ပြောနေစရာမလိုဘူးထင်ပါတယ်ဗျာ။ (ဘာသာပြန်သူကတော့ သားပြည့်စုံဇော်ပါ) File Size : (850 MB) and (378 MB) Quality : 720p Bluray Running Time : 1hr 56min Format : Mp4 Genre :Biography, Drama, War Subtitle : Myanmar Subtitle (Hard Sub) Translated by Thar Pyae Sone Zaw Encode by Thanhtike Zaw

စတားဆိုတဲ့ ကောင်မလေးက ကိုယ့်ကလေးမဟုတ်တဲ့ ကလေးနှစ်ယောက်ကို ထိန်းကျောင်းပေးနေရပြီး သူ့ကို အမြဲလိင်ပိုင်းဆိုင်ရာ စော်ကားနေတဲ့ ဖခင်နဲ့အတူ နေထိုင်နေရပါတယ်။ တစ်ရက် အိမ်ပြန်ဖို့ ကားတားနေတုန်း ဂျိတ်တို့အဖွဲ့နဲ့ ဆုံတယ်။ စူပါမားကတ်ထဲမှာ ဂျိတ် ကျကျန်ခဲ့တဲ့ဖုန်းကို လိုက်ပြန်ပေးရာကနေ ဂျိတ်က သူတို့ရဲ့ မဂ္ဂဇင်းရောင်းတဲ့အဖွဲ့မှာ အလုပ်သွင်းပေးလိုက်ပါတယ်။ ဒီလိုနဲ့ စတားဟာ အရောင်းအဖွဲ့နဲ့အတူ ကန်းဆက်မြို့ဆီ လိုက်သွားပြီး သူ့အိပ်မက်ကို အကောင်အထည်ဖော်ဖို့ ကြိုးစားလာတယ်။ လမ်းတစ်လျှောက် မဂ္ဂဇင်းရောင်းရင်း ကိုယ့်ဘဝလမ်းကြောင်းကို ကိုယ်တိုင်ပုံဖော်ဖို့ ဆုံးဖြတ်ထားပေမယ့် စိန်ခေါ်မှုတွေကလည်း မနည်းပါဘူး။ ပျော်ရွှင်ရတဲ့အချိန်တွေ၊ စိတ်ပျက်ရတာတွေ၊ ခင်မင်မှုတွေနဲ့ ဝယ်သူတွေဆီက ကြုံရတဲ့ အန္တရာယ်တွေကြားမှာ သူ ဆက်ရှင်သန်ရတယ်။ အိမ်ကထွက်လာပြီးနောက် ကြုံတွေ့ရတဲ့ အခက်အခဲတွေနဲ့အတူ လူငယ်တစ်ယောက်ရဲ့ စူးစမ်းလိုစိတ်၊ စွန့်စားချင်စိတ်နဲ့ အိပ်မက်နောက်လိုက်တဲ့ ခရီးကို ပြထားပါတယ်။ ၂၀၁၆ ခုနှစ်ထွက် ဒီဇာတ်ကားမှာ Sasha Lane၊ Shia LaBeouf နဲ့ Riley Keough တို့ အဓိကပါဝင်ထားပါတယ်။ အကြိမ် ၇၀ မြောက် BAFTA မှာ အကောင်းဆုံး British Film ဆုအတွက် ဆန်ကာတင်ဝင်ခဲ့ပြီး ၂၀၁၆ ကိန်းစ်ရုပ်ရှင်ပွဲတော်မှာလည်း Palme d’Or ဆုအတွက် ရွေးချယ်ခံခဲ့ရသလို Jury Prize ကို ရရှိခဲ့ပါတယ်။ အဖော်အချွတ်၊ မူးယစ်ဆေးသုံးစွဲမှုနဲ့ ကြမ်းတမ်းတဲ့စကားအသုံးအနှုန်းတွေ ပါဝင်ပါတယ်။

The November Man (2014) IMDb Rating (6.3) / Rotten Tomatoes (36%) Pierce Brosnanရဲ့ Iconicအဖြစ်ဆုံး ဇာတ်ကောင်က ကျွန်တော့်အတွက်တော့ ဂျိမ်းစ်ဘွန်းပဲ။ ကျွန်တော်တို့ငယ်ငယ်ကခေတ်မှာတော့ သူ့ဂျိမ်းစ်ဘွန်းကို ကျွန်တော်တို့အရွယ်တွေ ပိုသိခဲ့ကြတယ်။ ဒီနိုဝင်ဘာမန်းကလည်း စီအိုင်အေအေးဂျင့်တစ်ယောက်အကြောင်း ဇာတ်လမ်းပဲ။ ကာရိုက်တာကတော့ ဂျိမ်းစ်ဘွန်းလိုတော့ မဟုတ်ပေမဲ့ ဇာတ်ကတော့ ခပ်ဆင်ဆင်ပါပဲ။ ဒီထဲက သူ့ဇာတ်ကောင်ကတော့ အေးဂျင့်ပိုဆန်တဲ့ ဇာတ်ကောင်မျိုးပဲ။ သွေးအေးတယ်။ ရက်စက်တယ်။ အမိန့်ကလွဲ ဘာမှမသိဘူးပေါ့။ အဲဒီလိုသွေးအေးလွန်းလို့ သူဖြတ်သန်းသွားပြီးတဲ့နေရာတွေမှာ အသက်ရှင်ကျန်ရစ်သူမရှိဘူးဆိုတဲ့ သဘောနဲ့ သူ့လုပ်ဖော်ကိုင်ဖက်တွေက နိုဝင်ဘာမန်းလို့ နာမည်ပေးထားကြတယ်။ ဆောင်းဦးရဲ့နောက်ဆုံးလ ဆောင်းရဲ့အကူးလ နိုဝင်ဘာလို အေးစက်တယ်ဆိုတဲ့ သဘောမျိုးပေါ့။ ဒီဇာတ်လမ်းက အဲဒီအေးဂျင့်ရဲ့ နောက်ဆုံးမစ်ရှင်လို့ပြောလို့ရတဲ့ မစ်ရှင်တစ်ခုအကြောင်းပဲ။ ရုပ်ရှင်တွေ တော်တော်များများထဲမှာတော့ စီအိုင်အေလည်ပတ်ပုံက တာဝန်ချပေးထားတာကလွဲ လုပ်ပုံကိုင်ပုံ ဘာညာက ဖရီးလန့်တော်တော်ဆန်တယ်။ တစ်ခါတလေကျ အထက်က မသိဘဲ အောက်မှာ ဖြစ်ချင်တာဖြစ်တတ်တဲ့ ပုံမျိုးလည်း ပုံဖော်ကြတယ်။ တစ်ခါတလေကျလည်း တွေးမိပါတယ်။ ဒီလိုပြတဲ့ကားတွေက လုပ်ချင်တာလုပ်ပြီးမှ ငါတို့အမိန့်မပေးပါဘူးဆိုပြီး ဖာထေးချင်လို့ ရိုက်ထားတဲ့ သဘောဆန်ဆန် ပေါ်လစီကားတွေများဖြစ်နေမလားလို့ပေါ့။ ဘာနေနေ The November Manကတော့ ဂျိမ်းစ်ဘွန်းကားတွေ , စပိုင်ကားတွေ, အက်ရှင်ကားတွေကြိုက်ရင် ဇာတ်အိမ်လည်းကောင်းတဲ့ ကားကောင်းပါပဲ။ File size… (2.3 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Action,Crime,Thriller Duration…. 01:49:29 Subtitle…. Myanmar Subtitle (Hardsub)

ရဲလုပ်သက်ရင့်ပြီး လူဂွစာတစ်ယောက်လည်းဖြစ်တဲ့ အက်ဒီ ဒူဂန် (Richard Gere) ဟာ အငြိမ်းစားယူဖို့ ပြင်ဆင်နေပါတယ်။ အငြိမ်းစားယူဖို့ တစ်ပတ်ပဲလိုတော့တဲ့အချိန်မှာ ဌာနရဲ့အစီအစဉ်အသစ်အတွက် တာဝန်ပေးခံရပြီး ရဲတပ်သားသစ်တစ်ယောက်ကို လေ့ကျင့်ပေးဖို့ သူနဲ့အတူ လှည့်ကင်းခေါ်ထွက်ရတယ်။ ကလဲရန့်စ် (Don Cheadle) ကတော့ ရုံးမှာပဲ အလုပ်လုပ်ရတဲ့ ရာထူးမျိုးကို တိုးချင်လို့ တန်ဂိုဆိုတဲ့ နာမည်ဝှက်နဲ့ မူးယစ်ဆေးဝါးဂိုဏ်းတစ်ခုထဲ အသွင်ယူနေသူပါ။ ဒီအလုပ်ကြောင့် သူ့အိမ်ထောင်ရေးလည်း ပျက်ပြားသွားခဲ့တယ်။ ထောင်ထဲမှာ အသွင်ယူနေစဉ်က အသက်ကယ်ပေးခဲ့ဖူးတဲ့ မူးယစ်ဂိုဏ်းခေါင်းဆောင် ကတ်ဇ်ကိုတော့ သူက မိတ်ဆွေရင်းချာလို သဘောထားနေပါတယ်။ ဒါပေမယ့် တစ်နေ့မှာ အထက်လူကြီးတွေက ကတ်ဇ်ကို ထောင်ထဲပြန်ရောက်အောင် လုပ်ဖို့ သူ့ကို တာဝန်ပေးလာတယ်။ မူးယစ်ရဲတပ်ဖွဲ့ဝင် ဆဲလ် (Ethan Hawke) မှာလည်း မိသားစုအတွက် ပူပန်နေရတဲ့ကိစ္စရှိပါတယ်။ လက်ရှိနေတဲ့အိမ်မှာ မှိုပြဿနာရှိပြီး ကိုယ်ဝန်ဆောင်ဇနီးကို ထိခိုက်လာတာကြောင့် အိမ်အသစ်ဝယ်ဖို့ ငွေစုနေတာပါ။ ရဲဝန်ထမ်းလစာက နည်းသလို ငွေပေးချေရမယ့်ရက်ကလည်း နီးလာပြီး အိမ်ရောင်းမယ့်သူက တောက်လျှောက်ဖုန်းဆက်မေးနေတယ်။ နောက်ဆုံးတော့ ဆဲလ်ဟာ မူးယစ်ဆေးဝါးဂိုဏ်းတွေကို ဝင်စီးချိန်မှာ တွေ့ရတဲ့ငွေတွေကို ခိုးယူဖို့ ကြိုးစားလာပါတယ်။ ဌာနမတူ၊ အချင်းချင်းလည်း မသိကြတဲ့ ဘရွတ်ကလင်းက ရဲသုံးယောက်ရဲ့ တစ်ပတ်တာကို လိုက်ပြထားတဲ့ ဇာတ်လမ်းပါ။ ဆဲလ်က လိုနေတဲ့ငွေကို ရှာနိုင်မလား၊ ကလဲရန့်စ်က သူလိုချင်တဲ့ရာထူးကို ရွေးမလား၊ ကတ်ဇ်ကိုရော ကယ်နိုင်မလား၊ ဒူဂန်က အငြိမ်းစားမယူခင် ဘာတွေ လုပ်ဖြစ်မလဲဆိုတာကို သူတို့အသီးသီးရဲ့ ပြဿနာတွေနဲ့အတူ ဆက်ပြထားတယ်။ ရဲဝန်ထမ်းတွေရဲ့ လစာနည်းပါးမှုအပြင် လူမျိုးရေးခွဲခြားမှု၊ လာဘ်စားမှု၊ ရာဇဝတ်မှုနဲ့ မူးယစ်ဂိုဏ်းတွေကြားက ပြဿနာတွေကိုလည်း ထည့်သွင်းထားပါတယ်။

Canyon (2023) ဇာတ်လမ်းအကျဉ်း "နစ်ခ်" နှင့် "လော်ရီ" တို ဟာ ချစ်သူနှစ်ယောက်ဟာ မိဘတွေသဘောမတူတဲ့ကြားကနေ ခိုးပြေးခဲ့ကြပါတယ်။ ဒီလိုနဲ့ ခရီးမှာ "ဟင်နရီ" ဆိုတဲ့ လမ်းပြတစ်ယောက်နဲ့ မမျှော်လင့်ဘဲ ဆုံတွေ့ခဲ့ပြီးနောက် တောခရီးကို စွန့်စားခရီး ထွက်ခွာခဲ့ကြပါတယ်။ ဒါပေမယ့်လည်း ခရီးလမ်းဝက်မှာပဲ လမ်းပြဖြစ်သူ ဟင်နရီဟာ မြွေကိုက်ခံရပြီး သေဆုံးသွားခဲ့တဲ့အတွက် သူတိုနှစ်ယောက် လမ်းပျောက်ခဲ့ကြပါတော့တယ်။ အစားအသောက်တွေ အကူအညီကင်းမဲ့နေတဲ့အပြင် တောရိုင်းတွေရဲ့ ဘေးအန္တရာယ်ပါ ခြိမ်းခြောက်လာချိန်မှာတော့... သူတိုနှစ်ယောက် ရာသီဥတုနှင့် သဘာဝတရားရဲ့ ရက်စက်မှုကြားကနေ အသက်ရှင်လျက် အိမ်ပြန်ရောက်နိုင်ပါ့မလား?ဆိုတာကို ရင်သပ်ရှုမော စောင့်ကြည့်ရမည့် သဘာဝလွန် စွန့်စားခန်း ဇာတ်ကားတစ်ကား ဖြစ်ပါတယ်။

Resident evil, Hell Boy, Survivor, Expendables 3 အစရှိတဲ့ဇာတ်လမ်းကောင်းပေါင်းများစွာရဲ့ မင်းသမီးဖြစ်သူ Milla Jovovich က ယခုရုပ်ရှင်ကို ပြောင်မြောက်လှတဲ့ သရုပ်ဆောင် skillတွေနဲ့ ဇာတ်လမ်းကိုဦးဆောင်သရုပ်ထားပါတယ်။ ဒါအပြင် Star Trek , Evidence တို့ရဲ့ ပဲ့ကိုင်ရှင် Olatunde Osunsanmiကလည်း ယခုကားမှာ Director လုပ်ထားပြီး ကိုယ်တိုင်လည်း ပါဝင်သရုပ်ဆောင်ထားပါတယ်။ ဟိုတလောလေးကမှ အမေရိကန်နိုင်ငံက ဂြိုဟ်သားတွေရဲ့ တည်ရှိမှုကို အတည်ပြုပေးလိုက်တာဆိုတော့ အချိန်အခါနဲ့အားလျော်သွားအောင် CMကနေ ဂြိုဟ်သားရုပ်ရှင် ကောင်းကောင်းလေး ကို တင်ဆက်ပေးလိုက်ပါတယ်။ ဒီရုပ်ရှင်တွေက သာမန်ဂြိုဟ်သားရုပ်ရှင်လို တိုက်တာခိုက်တာမျိုးမဟုတ်ပါဘူး။ Science Fiction Psychological horror thriller film ဆိုတော့ နက်နဲပြီး ကြောက်စရာကောင်းပြီး ထူးဆန်းထွေလာပုံစံမျိုး ကြည့်ရှု့ရမှာဖြစ်ပါတယ်။ ကြည့်ပြီးသွားရင်တော့ သေချာပေါက် တွေးစရာ ၂ခုပေါ်လာမှာဖြစ်ပြီး အဆုံးမှာတော့ ကိုယ် ယုံကြည်မယ့် အရာကို ကိုယ်ကိုယ်တိုင်ပဲ ဆုံးဖြတ်ရမှာဖြစ်ပါတယ်။ ကဲကဲ ဇာတ်လမ်းအကြောင်း စလိုက်ကြတာပေါ့ဗျာ။ လောလောလတ်လတ်ကမှ ဒေါက်တာ အက်ဘီဂေလ်း အမ်မလီ တိုင်လာရဲ့ ခင်ပွန်းဖြစ်သူ ဝေလ်က ဆန်းကြယ်စွာနဲ့ သေဆုံးခဲ့ပါတယ်။ ဝေလ် တစ်ယောက် အသတ်ခံလိုက်ရတယ်လို့ အက်ဘီကတော့ တစ်ထစ်ချ ယုံကြည်နေပါတယ်။ အက်ဘီရော ဝေလ်ရောက စိတ်ကုထုံးဆရာဝန်တွေပါ။ အက်ဘီက သူ့ရဲ့ခင်ပွန်းကို သတ်သွားတဲ့ တရားခံကို ရှာမတွေ့ခင်မှာ သူ့ရဲ့ဘဝကို ပုံမှန်အတိုင်းဖြစ်ဖို့ move on ရပါတော့တယ်။ စိတ်ကုထုံးဆရာဝန်ဆိုတော့ သူ့ဆီကို လူနာတွေ လာပြကြတာပေါ့။ ဒါပေမယ့် ထူးဆန်းတာတစ်ခုက သူ့ဆီလာပြတဲ့ လူနာတွေ အကုန်လုံးရဲ့ ရောဂါလက္ခဏာက တူနေကြပါတယ်။ လူနာတွေအကုန်လုံးက ည၃နာရီဆိုရင် လန့်နိုးလာကြပြီး ဆက်အိပ်လို့မရတော့တာပါ။ သူတို့ အိပ်လို့မရတဲ့အကြောင်းရင်းက ဇီးကွက်တစ်ကောင်က စိုက်ကြည့်နေလို့ပါတဲ့။ အဲဒါနဲ့ အက်ဘီက သူ့ရဲ့ လူနာတွေကို အိပ်မွေ့ချတဲ့နည်းနဲ့ ကုသကြည့်ပါတော့တယ်။ အိပ်မွေ့ချတဲ့နည်းနဲ့ ကုသကြည့်မှ လူနာတွေ မြင်နေရတဲ့ ဇီးကွက်က ဇီးကွက် မဟုတ်နေသောအခါ ..... လူနာတွေက တကယ်ပဲ အိပ်မပျော်တာလား ဒါမှမဟုတ်တာ တခြားတစ်ခုခုကြောင့်လား ..... အိပ်မပျော်တဲ့ရောဂါနောက်မှာ ပိုပြီးကြီးမားကျယ်ပြန့်တဲ့ ကိစ္စအကြီးကြီး တစ်ခုခု ရှိနေသောအခါ ..... အက်ဘီ တစ်ယောက် သူမသိသေးတဲ့ အရာတစ်ခုကို ဘယ်လိုရင်ဆိုင်သွားမလဲ ..... လူတွေကရော သူ့ကိုယုံကြည်ကြပါ့မလား ..... အစရှိတာတွေကို ရုပ်ရှင်ထဲမှာ စီးမြောရမှာပါ။ ယခု ရုပ်ရှင်ကို ကြည့်ပြီးသွားရင် တွေးစရာ ၂ခု သေချာပေါက် ခေါင်းထဲ ဝင်လာပါလိမ့်မယ်။ တွေးရတာကြိုက်တဲ့ ရုပ်ရှင်ပရိသတ်တွေအတွက် ဒီရုပ်ရှင်က ထူးရှယ်ဖြစ်နေမှာသေချာပါတယ်။ ဒါပေမယ့် အဆုံးမှာတော့ ကိုယ် ယုံကြည်မယ့် အရာကို ကိုယ်ကိုယ်တိုင်ပဲ ဆုံးဖြတ်ရမှာဖြစ်ပါတယ်။ ရုပ်ရှင်ကြည့်ပြီးသွားလို့ ယုံကြည်မယ့်အရာတစ်ခုကို ဆုံးဖြတ်ပြီးသွားရင်လည်း mentခဲ့ကြပါဦးခင်ဗျာ။ အညွှန်းနဲ့ ဘာသာပြန်သူက Minn Khant Kyi Win ဖြစ်ပါတယ်။ File size…(1.8 GB)/(940 MB) Quality….Webrip 1080p / 720p Format…mp4 Duration….01:38:00 Genre...Mystery, Science Fiction, Thriller Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

ဒီကားလေးကို ကြည့်မိတော့ လေးဖြူ ဆိုထားတဲ့ လေလွင့်သူ သီချင်းလေး ပြေးမြင်မိတယ် “ဘယ်ကိုသွားမလဲမသိတဲ့ အတိအကျမသိတဲ့ ခရီးသည်တစ်ဦးရဲ့ ညနေများ…” ဆိုသလိုပဲ ဝန်ဒီဆိုတဲ့ ကောင်မလေးတစ်ယောက်နဲ့ သူ့ သူငယ်ချင်း ခွေးမလေးဖြစ်တဲ့ လူစီနဲ့ နှစ်ယောက်သား ကားလေးတစ်စီးနဲ့ အင်ဒီယာနာကနေ အလက်စကားကို ခရီးနှင်နေတာပေါ့။ အိုရီဂွန်ကိုရောက်တော့ ကားက ပျက်သွားတယ် ဒီလိုနဲ့ ခွေးစာလည်း မရှိ လူစာလည်းမရှိတဲ့အပြင် ငွေကလည်းသိပ်မရှိတော့ ဝန်ဒီတစ်ယောက် စတိုးဆိုင်ထဲမှာ အလစ်သုတ်ရာကနေ အဖမ်းခံလိုက်ရတယ်။ ဒဏ်ကြေးဆောင်ပြီး ပြန်ထွက်လာတော့ စတိုးဆိုင်ရှေ့ ချည်ထားတဲ့လူစီလေးက မရှိတော့ဘူး ပျောက်ခြင်းမလှ ပျောက်သွားပါလေရော။ အဲဒီမှာ ကားကလည်းပျက် ငွေကလည်းမရှိ အိပ်စရာမရှိ တစ်ဦးတည်းသောအဖော် လူစီကလည်းပျောက်ပြီး ပါကင်စောင့် ဦးလေးကြီးရဲ့ အကူအညီလေးနဲ့ပဲ ဒုက္ခတောတွေကြားကနေ လူစီလေးကို ပြန်လိုက်ရှာဖို့ ကြိုးပမ်းရပါတော့တယ်။ ဒီ ဒရမ်မာကားလေးက Slow Burn စတိုင်လေးဆိုတော့ သာမန်ဒရမ်မာနဲ့ မတူပဲ ဇာတ်ကို ဒိုင်ယာလော့ခ်နည်းနည်းရယ် တင်ဆက်ပုံ ခပ်လေးလေးနဲ့ ရိုက်ပြထားတာပါ။ သရုပ်ဆောင်ထားတဲ့ မင်းသမီးကလည်း The Greatest Showman တို့ Shutter Island တို့ Manchester by the Sea တို့ထဲမှာ အပိုင်သရုပ်ဆောင်ထားတဲ့ Michelle Williams ဖြစ်ပြီး ဒီ ၂၀၀၈ ခုနှစ်ရုပ်ရှင်ထဲမှာတော့ အတော်ငယ်သေးတဲ့ပုံပဲ ရှိပါသေးတယ်။ File size…(1.5 GB)/(750 Mb) Quality….Webrip 1080p / 720p Format…mp4 Duration….01:20:00 Genre...Drama Subtitle….Myanmar Subtitle (Hardsub) Encoder….Garfield Translated by Thura Aung

အက်ရှင်ကားကောင်းတွေကိုကြိုက်တက်တဲ့ CM Fans တွေအတွက် ဇာတ်ကားကောင်းတစ်ကားနဲ့ မိတ်ဆက်ပေးလိုက်ပါတယ်။ဒီဇာတ်ကားကတော့ Marvel Superhero Fans တွေအကြိုက်တွေတဲ့ The Punisher ဇာတ်ကားဖြစ်ပါတယ်။ဒါပေမဲ့ Superhero တစ်ယောက်မဟုတ်ပဲ သာမန် စေတနာ့ဝန်ထမ်း မကောင်းသူပယ် ကောင်းသူကယ် ဝန်ထမ်း တစ်ယောက် သာမန် လူတစ်ယောက်သာဖြစ်ပါတယ်။ဇာတ်လမ်းအကျဉ်းလေးကတော့... FBI ရဲ့ လျို့ဝှက်အေးဂျင့်တစ်ယောက်ဟာ သူ့မိသားစုကို ရက်ရက်စက်စက်သတ်ဖြတ်သွားတဲ့ စီးပွားရေးသမားတစ်ယောက်ကို လက်စားချေရန် လိုက်ရှာရာမှ မကောင်းမှုတွေဖယ်ရှားသော စေသနာ့ဝန်ထမ်း သုတ်သင်ရှင်းလင်းရေးသမားတစ်ယောက် ဖြစ်လာခဲ့သည်။ သူရှာနေသော သူ့ရန်သူတော်ကို လက်စားချေနိုင်မလား၊ လမ်းကြုံလို့ အမြင်မတော်တာတွေ ဖြေရှင်းရင်းမှ အန္တရာယ်တွေနဲ့ ကြုံတွေ့ရမလားဆိုတာကို ကြည့်ရှုလိုက်ကြပါစို့လားဗျာ။ Tariq L Walker File Size : 1GB / 350 MB Quality : 720P Running Time : 2hr Format : Mp4 Genre : Action, Crime, Drama Translator : Moonlight777 Encoder :Tariq L Walker

ဂျွန်ကလိုင်းက ဝါရှင်တန်ဒီစီပို့စ်သတင်းဌာနရဲ့ အောင်မြင်တဲ့ သတင်းထောက်ဖြစ်သလို သာယာတဲ့အိမ်ထောင်ရေးတစ်ခု ပိုင်ဆိုင်ထားသူတစ်ယောက်ပါ။ တစ်ညမှာ သူနဲ့ဇနီးသည်တို့ ‌အိမ်ပြန်လာစဉ် ကားမတော်တဆမှုနဲ့ ဇနီးဖြစ်သူဆုံးပါးသွား ပါတယ်။ သေခါနီးအချိန် ဇနီးသည်က ကားတိုက်မှုမဖြစ်ခင် သူမြင်ခဲ့တဲ့ အရာတစ်ခုကို ဂျွန်ရောမြင်ခဲ့ရဲ့လားလို့ မေးခွန်း ထုတ်သွားခဲ့သလို ဂျွန်ကိုယ်တိုင်လည်း ဇနီးသည် ဝှက်ခဲ့တဲ့ ပဟေဠိကို အဖြေရှာမရဘဲ အချိန်၂နှစ်ကုန်သွားပါတယ်။ ၂နှစ်ကြာတဲ့အထိ ဇနီးဖြစ်သူသေဆုံးမှုကနေ ရုန်းမထွက်နိုင် ဖြစ်နေတဲ့ ဂျွန်ဟာ တစ်ညမှာအလုပ်ခရီးသွားရင်း ကားပျက် သွားလို့ နီးရာအိမ်ကို အကူအညီဝင်တောင်းခဲ့ရာ မထင်မှတ် ထားတဲ့ ကိစ္စတစ်ခုကို သိလိုက်ရပါတယ်။ အိမ်ပိုင်ရှင်တွေက ဂျွန်ကို ၃ညဆက်တိုက် မနက်၂နာရီခွဲတိုင်း တံခါးလာခေါက် တဲ့ Stalkerအဖြစ်စွပ်စွဲဖမ်းဆီးပြီး ရဲလက်အပ်လိုက်တာပါ။ ဒါ့အပြင် သူရောက်နေတဲ့နေရာက ဝါရှင်တန်နဲ့မိုင်၄၀၀ကျော် ဝေးတဲ့ အိုဟိုင်းယိုးဖြစ်နေတာပါ။ မနက်၁နာရီထိုးမှ အိမ်ကစထွက်လာပေမယ့် မနက်၂:၃၀မှာ နေ့ဝက်ခရီးလောက် မောင်းရမယ့် အိုဟိုင်းယိုးကိရောက်နေ သလို အရှေ့၂ရက်လောက်ကတည်းက သူတို့ကိုနှောင့်ယှက် နေသူအဖြစ် အိမ်ရှင်တွေက စွပ်စွဲနေတာကြောင့် ဂျွန်လည်း ဘူမသိကိုးမသိ ရဲဖမ်းခံလိုက်ရပါတယ်။ အဆိုပါရဲနဲ့ စကား စပ်မိတဲ့အခါ ဒီမြို့မှာလည်း ထူးဆန်းတဲ့အရာ‌ကို မြင်တွေ့ နေသူတွေရှိကြောင်း သိလိုက်ရတဲ့အခါ ဇနီးဖြစ်သူပြောခဲ့တဲ့ ပဟေဠိဆန်တဲ့ အရာအကြောင်း စဉ်းစားမိပြီး ဇနီးသည်ရဲ့ ပုံမှန်မဟုတ်တဲ့သေဆုံးမှုနဲ့ ထိုပဟေဠိဖြစ်တည်မှုအကြောင်း လိုက်လံစုံစမ်းရာမှ သဘာဝလွန်ဖြစ်ရပ်ဆန်းကြယ်တွေထဲ ဝင်တိုးမိသွားပါတော့တယ်။ File size…2.35GB / 889MB Quality…1080p BluRay / 720p Format…mp4 Duration….1h 59m Subtitle….Myanmar Subtitle (Hard Sub) Encoder….YK Translated by JimX

ဆရာကြီး Nic Cageရဲ့ နုစဉ်အခါက ဇာတ်ကားဟောင်း တစ်ခုကို တင်ဆက်ပေးလိုက်ပါတယ်။ Need for Speed F&Fတို့လို vibeမျိုးဖြစ်ပြီး Nic ရဲ့ ကားမောင်းစွမ်းရည် တွေကို မြင်တွေ့ရမှာပါ။ အဲဒီအပြင် မမဂျိုလီရဲ့ နုပျိုတဲ့ အလှတရားတွေကိုလည်း တွေ့ရဦးမှာပါ။ ဇာတ်လမ်းကတော့ ကားသူခိုးအလုပ်ကနေ အနားယူပြီး ကောင်းရောင်းကောင်းဝယ် လုပ်စားနေတဲ့ မမ်ဖစ်ရိန်းစ် တဖြစ်လဲ နစ်ကေ့ဂ်ျကြီးဆီကို မကောင်းတဲ့အလုပ်တွေက ဆိုက်ဆိုက်မြိုက်မြိုက် ရောက်လာခဲ့ပါတယ်။ ညီဖြစ်သူ ကစ်ပ်က ကား‌မှောင်ခိုဂိုဏ်းတစ်ခုအတွက် ကားခိုးပေးဖို့ အလုပ်လက်ခံပြီး အောင်မြင်အောင် မလုပ်နိုင်လို့ ဖမ်းခံ ထားရပြီး အသတ်ခံရမယ့်အရေးနဲ့ ကြုံနေရတာပါ။ အဲဒီအတွက် ညီဖြစ်သူကိုကယ်တင်ဖို့ အပေးအယူအနေနဲ့ မမ်ဖစ်တစ်ယောက် အဲဒီဂိုဏ်းအတွက် ကားခိုးပေးရမယ့် အခြေအနေ ဖြစ်လာပါတယ်။ ခိုးပေးရမယ့် ကားအစီးရေ ကလည်း အစီး၅၀တိတိ ဖြစ်ပြီး လေးရက်အတွင်း အပြီး ခိုးပေးရမှာပါ။ ဒါ့အပြင် သူနဲ့ နောက်ကြောင်းတွေ ရှိခဲ့တဲ့ နယ်ခံစုံထောက်တွေကလည်း သူ့ကို မျက်စိဒေါက်ထောက် ကြည့်နေတာမလို့ မမ်ဖစ်တစ်‌ယောက် သူ့ကားသူခိုးအဖွဲ့နဲ့ ရဲတွေလက်ကလွတ်အောင် ကားအစီး၅၀ကို ဘယ်လိုမျိုး ခိုးကြမလဲဆိုတာ ကြည့်ရှုရမှာပါ။ File Size :  1.9 GB, 922 MB Quality : Blu-Ray 1080p / 720p Running Time : 1hr 58min Format : Mp4 Genre : Action, Crime, Thriller Subtitle : Myanmar Subtitle (Hard Sub) Translated by : JimX Encode by : Thit San Khant

Remember the Titans (2000) “အသားဖြူသည်ဖြစ်စေ အသားမည်းသည်ဖြစ်စေ အတော်ဆုံးကစားသမားကတော့ ကစား‌မှာပဲ” မင်းသားကြီး Denzel Washington ရဲ့ ရုပ်ရှင်ကားကောင်းလေး တစ်ကားကို CM Fan တွေ အတွက် ထပ်မံ တင်ဆက်ပေးလိုက်ပါတယ်။ ဒီဇာတ်ကား‌လေးကတော့ လူဖြူလူမည်းခွဲခြားဆက်ဆံမှု‌ပြင်းထန်ဆဲကာလဖြစ်တဲ့ ၁၉၇၁ ခုနှစ်ဝန်းကျင်လောက်က ဗာဂျီးနီးယား၊ အလက်ဇန်ဒရီးယားမှာရှိတဲ့ တီစီဝီလီယမ်အထက်တန်းကျောင်းမှာဖြစ်ပွါးခဲ့တဲ့ လူဖြူလူမည်းခွဲခြားမှုတွေကို ဖြတ်ကျော်ပြီး အောင်မြင်ခဲ့တဲ့ American football အသင်းအကြောင်းကို ရိုက်ကူးထားတာပဲဖြစ်ပါတယ်။ ဇနီးသည်နဲ့ကွာရှင်းပြီး သမီးဖြစ်သူနဲ့အတူ တီစီဝီလီယမ်အထက်တန်းကျောင်းရဲ့ ဘောလုံးနည်းပြအဖြစ် တာဝန်ထမ်းဆောင်နေတဲ့ ဘေလ်ရို့စ်... တစ်နေ့မှာတော့ မြို့ထဲမှာ လူဖြူစတိုးဆိုင်ပိုင်ရှင်တစ်ယောက်က လူမည်းတစ်ယောက်ကို သတ်လိုက်တဲ့အတွက် လူမည်းတွေက ဆန္ဒပြအုံကြွလာကြပါတယ်။ အာဏာပိုင်တွေက အုံကြွနေကြတဲ့လူမည်းတွေကို ငြိမ်သက်သွားစေဖို့ ရို့စ်ကို နည်းပြရာထူးကဖယ်ရှားပြီး တခြားမြို့ကနေပြောင်းလာတဲ့ ဟာမန်ဘွန်းလို့ခေါ်တဲ့ လူမည်းတစ်ယောက်ကို နည်းပြရာထူးခန့်အပ်လိုက်ပါတယ်။ ဒီလိုနဲ့ ဟာမန်ဘွန်းနဲ့ ဘေလ်ရို့စ်တို့က နည်းပြနဲ့ လက်ထောက်နည်းပြအဖြစ် လူဖြူလူမည်းရောနေတဲ့ အသင်းကို လေ့ကျင့်ပေးဖို့ဖြစ်လာပါပြီ။  လူမျိုးရေးခွဲခြားမှုပြင်းထန်ခြင်းကြောင့် ကောင်လေးတွေ အချင်းချင်းမတည့်ကြတာကို နည်းပြနှစ်ယောက် ဘယ်လိုဖြေရှင်းကြမလဲ... လူမျိုးရေးခွဲခြားရေးဝါဒီသမားတွေရဲ့ အမြင်ကို ဘယ်လိုမျိုး ပြောင်းလဲပစ်ကြမလဲ... သူတို့ရဲ့ ဘောလုံးအသင်းအနေနဲ့ အခက်အခဲတွေများစွာရှိတဲ့ကြားထဲကနေမှ အောင်မြင်မှုတွေကို ဆွတ်ခူးကြပုံကို IMDb rating 7.8 ၊ Rotten Tomatoes rating 72% ရရှိထားပြီး ဆုပေါင်း ၈ ခုနဲ့ Nominations ၁၇ ခု ရရှိထားတဲ့ ဒီကားလေးထဲမှာ ဆက်လက်ကြည့်ရှုလိုက်ကြရအောင်... File size…   11 GB /   2.8 GB /   1.1 GB Quality… BluRay 4K HDR / 1080p / 720p Format… mp4 Duration…. 1h 53m Genre .....  Sport , Drama Subtitle…. Myanmar Subtitle (Hard Sub) Encoder…. Thit San Khant Translated by Benni

Entrapment ကတော့ မင်းသားကြီး Sean Connery ရဲ့ ၁၉၉၉ ခုနှစ်မှာထွက်ရှိခဲ့တဲ့ thriller, crime အမျိုးအစား ရုပ်ရှင်တစ်ကားပဲဖြစ်ပါတယ်။ ဇာတ်လမ်းလေးကတော့ အာမခံကုမ္ပဏီအေးဂျန့် ဗာဂျီးနီးယား ဘာကာဆိုတဲ့အမျိုးသမီးငယ်လေးဟာ အခိုးခံလိုက်ရတဲ့နာမည်ကျော် တန်ဖိုးကြီးပန်းချီကားအမှုကိုစုံစမ်းနေရင်း သံသယဖြစ်စရာတရားခံကဟာ ဂန္တဝင်သူခိုးကြီးတစ်ဦးဖြစ်ကြောင်း သိလိုက်ရပြီးနောက် သူမအနေနဲ့ ဒီပန်းချီကားကိုပြန်ရဖို့ ဘယ်လိုတွေအကွက်ချစီစဉ်ပြီး သူခိုးကြီးအနားကိုရောက်သွားမလဲဆိုတာကို ဇာတ်အိမ်တည်ထားတာပါ… ဒါပေမယ့် ဒီကောင်မလေးကတစ်ကယ်ပဲအမှုစုံစမ်းနေတာလား တစ်ခြားဘာရည်ရွယ်ချက်တွေရှိနေသေးလဲ … ဂန္တဝင်သူခိုးကြီးကရော ကောင်မလေးရဲ့လှည့်ကွက်ကိုကြိုမမြင်နိုင်ဘူးလား … ဘယ်သူကဘယ်သူ့ကိုလှည့်စားအသုံးချနေတာလဲဆိုတာကို စိတ်ဝင်စားဖွယ် အကွက်ကျကျဖန်တီးရိုက်ကူးထားတဲ့ ဇာတ်ကားကောင်းလေးတစ်ကားပဲဖြစ်ပါတယ် … မင်းသားကြီး Sean Connery နဲ့ မင်းသမီးချော Catherine Zeta-Jones တို့ရဲ့တွဲဖက်ညီညီ chemistry မိမိသရုပ်ဆောင်ချက်တွေကို mind game ဆန်ဆန် action လန်းလန်း mission ကြမ်းကြမ်းတွေအပြင် romance လေးပါရောထားတော့ ရသစုံစုံနဲ့ Old but gold ဆိုတဲ့ဇာတ်ကားလေးတစ်ကားမို့ ကြည့်ရှူခံစားကြည့်လိုက်ကြပါဦး… File size…(1.5 GB)/(832 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Romance drama , Mystery  Subtitle….Myanmar Subtitle (Hardsub) Encoder….Swan Min Htet Translated by Khin Sakr Khin

Armageddon (1998) (Disaster Film/Thriller) နာမည်ခပ်ဆန်းဆန်းဆိုတော့ ကြည့်ဖူးပြီးသားသူတွေက မှတ်မိနေမှာဖြစ်ပေမယ့် မကြည့်ဖူးသေးတဲ့ သူတွေအတွက် တော့ အနည်းငယ် ခေါ်ရခက်နေမယ်ထင်ပါတယ်။ Armageddon ဆိုတာက သမ္မာကျမ်းစာထဲက စကားလုံးဖြစ်ပြီး End of the things အရာအားလုံးရဲ့ အဆုံးသတ်လို့ အဓိပ္ပာယ်ရပါတယ်။ Armageddon ရဲ့ အစက …. NASA လွန်းပျံယာဉ် Atlanti က အာကာသမှာ စူးစမ်းရေးလုပ်နေစဉ်မှာပဲ ဥက္ကာပျံ ထိမှန်ပြီး ပျက်စီးသွားခဲ့ပါတယ်။ NASA သူတို့ယာဉ်ပျက်စီးတဲ့အကြောင်းရင်းကို ရှာဖွေရင်း ယာဉ်ပျံကို Texas ပြည်နယ်နီးပါးကြီးမားတဲ့ ဥက္ကာပျံ က ဝင်တိုက်မိပြီး ပျက်ဆီးသွားခြင်းဖြစ်တယ်ဆိုတာကို သိရှိခဲ့ပါတယ်။ ဒါပေမယ့် ဥက္ကာပျံက အာကသယာဉ်ကို ပျက်စီးသွားစေရုံပဲလားဆိုတော့ မဟုတ်ပါဘူး။ ဒီဥက္ကာပျံရဲ့ လမ်းကြောင်းက ကမ္ဘာမြေကို ဦးတည်နေပြီး လက်ရှိ အရှိန်နှုန်းနဲ့ အရွယ်အစားအရ ကမ္ဘာကို တိုက်မိမယ်ဆိုရင် ကမ္ဘာကြီးတစ်ခုလုံးပျက်စီးသွားပြီး ဒိုင်နိုဆောတွေ မျိုးတုန်းသလို လူသားတွေမျိုးတုန်းသွာမယ်လို့ တွက်ချက်ခန့်မှန်းရပါတယ်။ လက်ရှိမှာလည်း တစ်ချို့ ဥက္ကာပျံအစိတ်အပိုင်းတွေကမ္ဘာပေါ်ကျရောက်လောက်ပြီး လူတစ်ချို့က အသက်အိုးအိမ်တွေ ပျက်စီးနေကြပါတယ်။ အန္တရယ်အများဆုံးနဲ့ အကြီးဆုံးအစိတ်အပိုင်းဖြစ်တဲ့ ဥက္ကာပျံက ကမ္ဘာကြီးကို (၁၈)ရက် နေရင် ကျရောက်လာတော့မှာပါ။ ဒီအန္တရယ်ဆိုးကြီးမှ လွတ်မြောက်ဖို့အတွက် NASA အကြီးအကဲ Dan Truman က ဥက္ကာပျံဆီရောက်အောင်သွားပြီး အဲဒီဥက္ကာပျံရဲ့ အတွင်းအလယ်ဗဟိုနေရာအထိ တွင်းတူးကာ nuclear ဗုံးကို ထည့်ခွဲရင် ၎င်းဥက္ကာပျံကြီး အစိတ်စိတ်အမွှာမွှာကွဲကာ.. ကမ္ဘာမြေနဲ့ ဝေးရာကို လွင့်စင်သွားမှာဖြစ်လို့ အဲဒီလိုနည်းနဲ့ ဖြေရှင်းမယ်လို့ စီစဉ်ပါတော့တယ်။ ဒါပေမယ့် ဒီလို အန္တရယ်မျိုးတွေ ကျရောက်လာရင် ဖြေရှင်းနိုင်အောင်လို့ ကြိုတင်တွက်ချက်ကာ.. ရေနံတွင်းတူးစက်(Drilling Machine) နဲ့ ပုံစံတူ ယာဉ်ပုံစံဒီဇိုင်း ထုတ်ထားတာရှိပေမယ့် စက်ကို ကိုင်တွယ်အသုံးပြုဖို့ တော့ အာကသယာဉ်မှုးတွေကို သင်တန်းပေးတုန်းရှိပါသေးတယ်။ အဲဒီတော့ကာ… Harry Stamper သူက အရမ်းတော်တဲ့ အတွေ့အကြုံပြည့်ဝတဲ့ Drilling Engineer တစ်ဦးဖြစ်ပြီး သမီးဖြစ်သူ Grace ကိုလည်း သူနဲ့အတူ ကမ်းလွန်ရေနံတွင်းတူးစဉ်မှာအတူအလုပ်လုပ်ကိုင်ဖို့ ခေါ်ထားတဲ့ သမီးကိုအလွန်ချစ်တဲ့ ဖခင်ကောင်းတစ်ဦး.. နောက်တစ်ခုက NASA က တီထွင်ထားတဲ့ ယာဉ်ပျံရဲ့ အတုခိုးထားရတဲ့ Drill Design ကို ဖန်တီးရေးဆွဲသူတစ်ဦး A.J သူကတော့ Harry ရဲ့လက်အောက်မှာ (၅)နှစ်ခန့် တာဝန်ထမ်းဆောင်နေတဲ့ Drilling Enginner ဖြစ်ပြီး Harry ရဲ့ သမီး Grace နဲ့ မေတ္တာမျှနေတဲ့ ထက်မြက်ပြီး တစ်ဇွတ်ထိုးခေါင်းမာတဲ့ လူငယ်လေး တစ်ဦး…. ဒါ့အပြင် ရေနံစင်ပေါ်မှာ သက်စွန့်ဆံဖျားလုပ်ကိုင်နေကြတဲ့ Harry ရဲ့ ဆိုးတူကောင်းဖက် ရဲဖော်ရဲဖက်တွေဖြစ်တဲ့ Chick, Rockhound, Oscar, Bear, Max စတဲ့ လူတစ်စုကလည်း ရေနံစင်ပေါ်မှာ နေ့စဉ်လုပ်ကိုင်မြဲဖြစ်တဲ့ လုပ်ငန်းတာဝန်တွေကို လုပ်ကိုင်နေတုန်းမှာပဲ… FBI က Harry ကို NASA စခန်းဆီသို့ ခေါ်ဆောင်ပြီး ယာဉ်ပျံပေါ်လိုက်ပါကာ ဥက္ကာပျံကို ဖျက်ဆီးရာမှာ တာဝန်ယူဆောင်ရွက်ပေးဖို့ စေခိုင်းပါတယ်။ Harry ကလည်း သူရဲ့ လုပ်ဖော်ကိုင်ဖက်တွေနဲ့သာ အတူတကွ ပူးပေါင်းလုပ်ကိုင်လိုကြောင်း ပြန်လည်တောင်းဆိုတဲ့အခါမှာ NASA က တာဝန်ရှိသူတွေကလည်း သဘောတူလက်ခံခဲ့ရပါတယ်။ အဲဒီနောက်မှာတော့ Freedom နဲ့ Independence ဆိုတဲ့ ယာဉ်ပျံနှစ်စင်းနဲ့ လူနှစ်စုခွဲပြီး ကမ္ဘာကထွက်ဖို့ အတွက် လိုအပ်တဲ့ စစ်ဆေးမှုတွေ လေ့ကျင့်မှုတွေကို ပြုလုပ်ပြီး အစီအစဉ်ဆွဲကြပါတော့တယ်။ ယာဉ်(၂)စင်းက လမ်းတစ်ဝက်မှာ Russia အာကာသယာဉ်စခန်းမှာ ဆီဖြည့်ပြီး လကိုပတ်ကာ ဥက္ကာပျံဆီ သွားရဖို့ စီစဉ်ထားပါတယ်။ ဒါပေမယ့် တင်လွှတ်တဲ့ အာကာသယာဉ်တိုင်းက ရည်ရွယ်ရာနေရာကို အောင်မြင်စွာရောက်သွားတဲ့ ယာဉ်တွေရှိသလို လမ်းမှာ အကြောင်းအမျိုးမျိုးနဲ့ ပျက်ဆီးသွားခဲ့တဲ့ အတွေ့အကြုံတွေရှိတယ်ဆိုတာ အားလုံးက သိရှိနားလည်ထားပြီးဖြစ်ကြတဲ့အလျှောက်.. Freedom နဲ့ Independence ဆိုတဲ့ ယာဉ်ပျံနှစ်စင်းကရော ကမ္ဘာမြေကို ကယ်တင်နိုင်ပါ့မလား.. သူတို့အတွက်အပြန်လမ်းရောရှိပါ့မလားဆိုတာ… ဒီဇာတ်ကားမှာ Disaster Film/Thriller သက်သက်မဟုတ်ပဲ Harry ရဲ့ ဖခင်တစ်ယောက်ရဲ့ မေတ္တာ၊ ခေါင်းဆောင်ကောင်းတစ်ယောက်ရဲ့ အရည်အချင်း နဲ့ စိတ်ဓာတ် သူရွေးခြယ်ထားတဲ့ လုပ်ဖော်ကိုင်ဖက်တွေရဲ့ ရဲဘော်ရဲဖက်စိတ်ဓာတ် .. AJ နဲ့ Grace တို့ရဲ့ ချစ်ခြင်းမေတ္တာတရားတွေကိုလည်း တွေ့မြင်ခံစားရမှာပါ.. သရုပ်ဆောင်တွေကိုတော့ ကျွန်တော်ဒီကားကို စစကြည့်ကြည့်ချင်းမှာ ဘယ်သူတွေမှန်းသိပ်မသိဘူးဗျ.. (ကျွန်တော် ၉တန်းလောက်က ပထမဆုံးကြည့်ဖူးတာမို့လို့) နောက်ပိုင်း ပြန်ကြည့်ကာမှပဲ.. Harry အဖြစ် Die Hard မင်းသားကြီး Bruce Willis A.J အဖြစ် Bat Man ကြီး Ben Affleck Grace အဖြစ် Liv Tyler တို့အပြင် သရုပ်ဆောင်ကောင်းများစွာပါဝင်အားဖြည့်ထားပါတယ်။ 1998က ထွက်တယ်ဆိုပေမယ့် ခုချိန် ကြည့်လဲ ဆက်တင်ပိုင်းတွေက ခေတ်မှီဆဲပါ Budget USD 140Millions သုံးပြီး USD 553.7 Millions ရရှိလောက်သည်အထိ အောင်မြင်ခဲ့ပါတယ်။ Movie Soundtruck တစ်ပုဒ်ဖြစ်တဲ့ Aerosmith အဖွဲ့ရဲ့ I Don't Want to Miss a Thing သီချင်းလေးကလဲ Aerosmith ရဲ့ အအောင်မြင်ဆုံးသီချင်းတစ်ပုဒ်ဖြစ်တဲ့အတိုင်းပဲ နားထောင်လို့ အတော်ကောင်းသဗျ။ ထွက်ထားတာကြာပေမယ့် အခုချိန်မှာထိခေတ်မှီပြီးကြည့်ကောင်းနေတာမို့ Bruce Willis Collection ဒါမှမဟုတ် Ben Affleck Collection အခွေတွေထဲမှာ ပြန်ရှာဝယ်လို့ရနိုင်မယ့် ကားတစ်ကားဖြစ်မယ်ထင်ပါတယ်။ #Admin_Y (ရုပ်ရှင်အညွှန်းကို Nucleon FB Page မှ ကူးယူဖော်ပြထားပြီး ရုပ်ရှင်ဘာသာပြန်ကိုတော့ Myo Min Aung(MMA)  မှခံစားတင်ဆက်ထားပါတယ်။) File size…(9.1 GB)/(3.6 GB)/(2 GB) Quality….BluRay 4K HEVC/1080p/720p Format…mkv/mp4 Duration….02:31:29 Subtitle….Myanmar Subtitle(Hardsub) Encoder….Ka Naung Translated by Myo Min Aung (MMA)

Inventing the Abbotts (1997) Joker ဇာတ်ရုပ်ကို ပီပြင်စွာ သရုပ်ဆောင်ခဲ့တဲ့ Joaqin Phoenix နဲ့ LoTR ထဲက Liv Tyler တို့ အဓိက သရုပ်ဆောင်ထားတဲ့ ဒီဇာတ်လမ်းလေးမှာ Jennifer Connelly နဲ့ Billy Crudup စတဲ့ နာမည်ကြီးတွေလည်း ပါဝင်ထားကြပါတယ်... ခုလို မိုးအကုန်ကာလမှာ စောင်လေးခြုံပြီး ကော်ဖီလေးတစ်ခွက်နဲ့ စီးကရက်လေးခဲပြီး ဆွေးချင်ရင်တော့ ဒီကားလေးက အဖော်ပြုပေးမှာပါ... မိသားစုနှစ်ခုရဲ့ ပြဿနာတွေ..ချမ်းသာတဲ့ မိသားစုရဲ့ လူတန်းစားခွဲခြားမှုတွေ..စတဲ့ မတူညီမှုတွေ ကြားထဲမှာ ချစ်ခြင်းမေတ္တာဆိုတာ ဒါပါပဲလားလို့ ခံစားမိစေမယ့် ဇာတ်ကားလေးဖြစ်မယ်ဆိုတာ ပြောကြားလိုက်ရင်း... (ဇာတ်ကားနဲ့အညွှန်းကို Sai Thurein Lynn မှ ပြန်ဆိုရေးသားထားပါတယ်) Additional hints Size - 1.6GB, 1.1GB Quality - 1080p, 720p IMDb Rating - 6.4/10 Format - mp4 Duration - 1H 52Min Type - Drama, Romance Subtitle - Myanmar Subtitle (Hardsub) Translated by Sai Thurein Lynn Encoded by Y

Copycat (review) (၁၉၉၅) ခုနစ်က ထွက်ရှိခဲ့တဲ့ Psychological Thriller ဇာတ်ကားကောင်း “Copycat”ကတော့ ရှေ့က ဖြစ်ပျက်ခဲ့တဲ့ နာမည်ကျော် ကွင်းဆက်လူသတ်သမားတွေကို ကျောရိုးယူပြီး လူသတ်မှုတွေကို တစ်ပုံစံတည်း ထပ်တူလိုက်ဖန်တီးနေတဲ့ ပုံစံတူလိုက်လုပ်တဲ့ ကွင်းဆက်လူသတ်သမားတစ်ယောက်ကို ဒေါက်တာဟတ်ဒ်ဆန်နဲ့ စုံထောက်တွေ ဖော်ထုတ်ကြတဲ့ မှုခင်းပိုင်းဆိုင်ရာ ဇာတ်ကားကောင်းတစ်ကားပဲ ဖြစ်ပါတယ်။ ဒေါက်တာဟတ်ဒ်ဆန်က မှုခင်းပိုင်းဆိုင်ရာစိတ်ပညာရှင်တစ်ယောက် ဖြစ်ပြီးတော့ ကွင်းဆက်လူသတ်သမားတွေရဲ့ စိတ်ပိုင်းဆိုင်ရာနဲ့ ပတ်သက်တာတွေကို စာအုပ်ထုတ်လုပ်ရေးသားထားသူတဖြစ်လည်း ကျွမ်းကျင်သူတစ်ယောက်လည်း ဖြစ်ပါတယ်။ သူ့ရဲ့ ဟောပြောပို့ချပွဲတစ်ခု ပြီးတဲ့နောက် ဒေါက်တာဟတ်ဒ်ဆန်ဟာ လူသတ်သမားတစ်ယောက်ရဲ့ လုပ်ကြံမှုကို ခံလိုက်ရပါတော့တယ်။ အဲ့ဒီအဖြစ်အပျက်ရဲ့ လူသတ်သမားကို ဖမ်းဆီးခဲ့မိပေမယ့်လည်း ကြုံတွေ့ခဲ့ရတဲ့အဖြစ်အပျက်က ဒေါက်တာဟတ်ဒ်ဆန်ရဲ့ စိတ်ကို ဒဏ်ရာအကြီးအကျယ်ရသွားစေခဲ့တာကြောင့် Agoraphobia လို့ ခေါ်တဲ့ လူတောထဲသွားရမှာ ကြောက်တဲ့စိတ်၊ အိမ်ထဲကနေ အိမ်အပြင်ကို ထွက်ရမှာကြောက်တဲ့ စိတ်တွေနဲ့ အကြောက်လွန်စိတ်ပိုင်းဆိုင်ရာထိခိုက်မှုတစ်မျိုး ဖြစ်သွားခဲ့ပါတယ်။ တစ်နှစ်လောက်လည်းကြာကော အလားတူ လူသတ်မှုတွေဟာ ထပ်မံဖြစ်ပွားလာပါတော့တယ်။ နာမည်ဆိုးနဲ့ကျော်ကြားလှတဲ့ ကွင်းဆက်လူသတ်သမားတွေရဲ့အမှုတွေနဲ့ ထပ်တူကျတဲ့ လူသတ်မှုတွေဟာ ဆက်တိုက်ဆိုသလို ဖြစ်လာခဲ့တာကြောင့် သေမှုသေခင်းဌာနက စုံထောက်တွေဟာ ဒေါက်တာဟတ်ဒ်ဆန်ရဲ့အကူအညီကို လိုအပ်လာပါတော့တယ်။ ဆိုတော့ (၁၉၉၅) ခုနှစ်ထွက် “Copycat” ဇာတ်ကားထဲမှာ အိမ်ထဲကနေ အိမ်အပြင်ကိုတောင် မထွက်နိုင်တဲ့ ဒေါက်တာဟတ်ဒ်ဆန်က ဒီကွင်းဆက်အမှုတွေကို ဖော်ထုတ်တဲ့ နေရာမှာ အကူအညီပေးမှာလား ဒါမှမဟုတ် ​လူသတ်သမားကို ဖော်ထုတ်ပေးသွားနိုင်မှာလား ဆိုတာကို ခံစားကြည့်ရှုလို့ရပြီပဲ ဖြစ်ပါတယ်။

ညီအစ်ကိုနှစ်ယောက် တောထဲမှာ ဆော့ကစားနေတုန်း ရှေ့နေတစ်ယောက် သေကြောင်းကြံတဲ့အမှုကို မျက်မြင်တွေ့လိုက်ကြပါတယ်။ ဒီရှေ့နေ သေဆုံးမှုက လွှတ်တော်အမတ်တစ်ယောက် ပျောက်ဆုံးနေတဲ့အမှုနဲ့ ဆက်စပ်နေတော့ သူမသေခင် နောက်ဆုံးတွေ့လိုက်ရတဲ့ ကလေးနှစ်ယောက်ထဲက အကြီးဖြစ်သူ Mark ဟာ မီဒီယာတွေနဲ့ မာဖီးယားအဖွဲ့ရဲ့ ပစ်မှတ်ဖြစ်လာတယ်။ အမတ်ပျောက်ဆုံးမှုကို လိုက်နေတဲ့ ရှေ့နေကြီး Roy ကလည်း Mark ဆီက အချက်အလက်တွေ ရဖို့ မေးမြန်းဖိအားပေးနေပါတယ်။ တစ်ဖက်မှာတော့ မာဖီးယားတွေက မပြောသင့်တာတွေ ပြောမိရင် အသတ်ခံရမယ်လို့ ခြိမ်းခြောက်ထားကြတယ်။ ဒီလိုအကျပ်အတည်းတွေကြားက လွတ်နိုင်ဖို့ လည်လည်ဝယ်ဝယ်ရှိတဲ့ Mark ဟာ ရှေ့နေတစ်ယောက် ငှားလိုက်ပါတယ်။ Mark နဲ့ ရှေ့နေတွေကြား ဘာတွေ ဆက်ဖြစ်မလဲ၊ မာဖီးယားတွေရဲ့ ရန်ကနေ ဘယ်လိုရှောင်နိုင်မလဲ၊ သူသိထားတဲ့အကြောင်းတွေက အမတ်ပျောက်ဆုံးမှုနဲ့ ဘယ်လိုဆက်စပ်နေသလဲဆိုတဲ့ မေးခွန်းတွေနဲ့ ဇာတ်လမ်းကို ဆက်ထားပါတယ်။ Tommy Lee Jones ပါဝင်သရုပ်ဆောင်ထားတဲ့ မှုခင်းဒရာမာဇာတ်ကားပါ။

ဒီဇာတ်လမ်းဟာ အာဏာနဲ့ လူသားရဲ့မာယာဆန်တဲ့ လှည့်ကွက်တွေကို ရင်ဆိုင်ရပြီး ဘယ်သူ့ကိုမှ ယုံမရတဲ့ ကမ္ဘာကြီးကို မီးမှောင်းထိုးပြထားပါတယ်။ စိတ်ဝင်စားဖို့ကောင်းပြီး ထိတ်လန့်ဖွယ်ရာ ဇာတ်ကွက်တွေနဲ့ ပြည့်နှက်နေတဲ့ ဇာတ်လမ်းတစ်ပုဒ်ဖြစ်ပါတယ်။ ဆူဆန်ဆိုတဲ့ မိန်းခလေးနဲ့ ပတ်သတ်နေတဲ့‌ ရာထူးရှိလူတန်းစား အမျိုးသားနှစ်ယောက် ဆူဆန်အသက်ခံရတဲ့အခါ ဘယ်သူက တရားခံဖြစ်ပြီး ဘယ်သူက တာဝန်ယူရမလဲ။ သူတို့ ဖန်တီးထားတဲ့ သူလျှိုဇာတ်ကောင် ယူရီကရောတကယ်ရှိရဲ့လား။ အသက်ရှုကြပ်ကြပ် နားလည်ရခက်တဲ့ စိတ်ဝင်စားဖွယ်ဇာတ်လမ်လေးပါဘဲ။ File size…(2.7 GB)/(1.6 GB) Quality….Blu-Ray 1080p / 720p Format… mp4 Duration…. 01:54:00 Genre... Action, Crime, Drama, Mystery, Romance, Thriller Subtitle….Myanmar Subtitle (Hardsub)

ဘဝကိုသာမန်ဖြတ်သန်းနေတဲ့ ပေါလ်ဟတ်ကတ်ဟာ ကော်ဖီဆိုင်မှာဆုံခဲ့တဲ့ မာစီဆိုတဲ့အမျိုးသမီးကြောင့် စိတ်လှုပ်ရှားစရာအ‌ကောင်းဆုံး၊ အဆိုးရွားဆုံးညတစ်ညကို ဖြတ်သန်းလာရဖို့ ဖြစ်လာပါတယ်။ ကံဆိုးမသွားရာ မိုးလိုက်လို့ရွာဆိုသလို ကံဆိုးမှုတွေ ထပ်ခါထပ်ခါကြုံနေရတဲ့ ပေါလ်ဟတ်ကတ် ဘယ်လိုလွတ်မြောက်မလဲဆိုတာကို အသည်းတယားယားနဲ့ ကြည့်ရှုရမှာဖြစ်ပါတယ်။ File size…(1.7 GB)/(800 Mb) Quality….Blu-Ray 1080p / 720p Format…mp4 Duration….01:37:00 Genre... Comedy, Crime, Drama Subtitle….Myanmar Subtitle (Hardsub) Encoder….Garfield Translated by Tina