Book of Joshua: Walls of Jericho (2025) +++++++++++++ ဒီရုပ်ရှင်က သမ္မာကျမ်းစာထဲက ယောရှုမှတ်စာကို အခြေခံထားတာဖြစ်ပြီး မိုးဇက်ရုပ်ရှင်ကြီးတွေလို အရည်အသွေးမမီပေမယ့် ကျမ်းစာပုံပြင်ကို စိတ်ဝင်စားသူတွေအတွက်တော့ ကြည့်လို့ကောင်းတဲ့ ရုပ်ရှင်တစ်ကားပါပဲ။ ရုပ်ရှင်ရဲ့ အဓိကဇာတ်လမ်းက မောရှေဆီကနေ ခေါင်းဆောင်တာဝန်ကို ဆက်ခံထားရတဲ့ ဂျော့ရှဝါက အစ္စရေးတွေကို ခါနန်ပြည်ထဲခေါ်ဆောင်သွားတဲ့ အကြောင်းဖြစ်ပါတယ်။ သူတို့ရဲ့ပထမဆုံးစစ်ရေးခရီးက ခိုင်ခံ့ပြီးထိုးဖောက်မရတဲ့ ဂျေရီကိုမြို့ရိုးကြီး ဖြစ်ပါတယ်။ ဘုရားသခင်က စစ်ရေးနည်းဗျူဟာနဲ့မဟုတ်ဘဲ ယုံကြည်ခြင်းနဲ့ ဆောင်ရွက်ရမယ့် အံ့ဖွယ်နည်းလမ်းကို ညွှန်ကြားထားပါတယ်။ အစ္စရေးတွေဟာ ဘုရားသခင် ညွှန်ကြားတဲ့အတိုင်း ခြောက်ရက်တိတိ တံပိုးမှုတ်ရင်း မြို့ရိုးကို တစ်ပတ်စီ ပတ်ကြတယ်။ သတ္တမနေ့မှာတော့ ခုနစ်ပတ်ပတ်ပြီး လူအားလုံးက တံပိုးအပြင် "အော်" ဆိုတဲ့ အသံကြီးနဲ့ပါ ဟစ်အော်ကြတဲ့အခါ ဘုရားသခင်ရဲ့တန်ခိုးတော်ကြောင့် မြို့ရိုးကြီးတွေပြိုကျသွားပါတယ်။ ရုပ်ရှင်ရဲ့ဇာတ်လမ်းက သမ္မာကျမ်းစာနဲ့ အတော်အတန်ကိုက်ညီပါတယ်။ ဒါပေမဲ့ ဇာတ်လမ်းပိုပြည့်စုံအောင် အနုပညာသဘောအရ တီထွင်ဖြည့်စွက်ထားတဲ့ အပိုင်းလေးတွေလည်း ပါဝင်ပါတယ်။ ရုပ်ရှင်ရဲ့ ကာတွန်းအရအရည်အသွေးက "Prince of Egypt" လောက်တော့ မမီပါဘူး။ တချို့သော ကာတွန်းရှုခင်းတွေကို ထပ်ကာထပ်ကာ အသုံးပြုထားတာကို တွေ့ရမှာဖြစ်ပါတယ်။ ကာတွန်းပုံစံဖြစ်ပေမယ
ဇာတ်ကားကြည့်ရန်
