လူကြည့်များသော ရုပ်ရှင်များ

ဘယ်သူကသေရမယ် ရှင်ရမယ်ဆိုတာကို လူအချင်းချင်း ဆုံးဖြတ်ပေးခွင့်ရှိပါသလား။ မိမိရဲ့ အနာဂတ်ကို ကိုယ်တိုင်ဆုံးဖြတ်ခြင်းကသာ အဖြစ်သင့်ဆုံးပါ။ Deus: The Dark Sphere ကတော့ အဲဒီအချက်ကို ထင်းလင်းမြင်သာနိုင်မယ့် sci-fi ဇာတ်‌လမ်းကောင်းတစ်ပုဒ် ဖြစ်ပါတယ်။ ဂြိုလ်ပတ်လမ်းကြောင်းပေါ်မှာ လျိုဝှက်ဆန်းပြားတဲ့ အနက်ရောင်ကမ္ဘာလုံးသဏ္ဍာန်ကြီးတစ်ခုကို ရှာဖွေတွေ့ရှိခဲ့ကြပါတယ်။ အဲဒီအကြောင်းကိုစုံစမ်းဖိုအတွက် လူ ၆ ယောက်အဖွဲကို စေလွှတ်ခဲ့ပါတယ်။ အဲဒီထဲမှာ ကာလာဂရေးလည်း တစ်ယောက်အပါအ၀င်ပေါ့။ သူမဟာ မတော်တဆမှုကြောင့် မိသားစုကိုဆုံးရှုးရပြီး မကြာခင်မှာပဲ ယာဉ်ပေါ်တက်ခဲ့ရသူပါ။ အာကာသထဲမှာ ကမ္ဘာလုံးနက်ကြီးအကြောင်း စုံစူးစမ်းကြရင်း တစ်ရက်တော့ အဲဒီကနေထုတ်လွှင့်လာတဲ့ စကားလုံးတစ်လုံးကို ရရှိခဲ့ပါတယ်။ အဲဒါကတော့ "Deus" ပါ။ လက်တင်လို ဘုရားသခင်လို အဓိပ္ပါယ်ရပါတယ်။ အဲဒီမှာတင် ယုံကြည်မှုတွေ၊ သဘောထားတွေကွဲပြားပြီး ပြဿနာတွေစတင်လာပါတယ်။ ကာလာတိုအဖွဲ အဲဒီကမ္ဘာလုံးနက်ကြီးအကြောင်း စူးစမ်းကြရင်း မထင်မှတ်တဲ့အမှန်တရားကို ရှာတွေ့သွားပါတော့တယ်။ အဲဒီနောက်မှာတော့ ရှုပ်ထွေးနက်နဲတဲ့အခြေအနေတွေကို ဘယ်လိုဆက်ရင်ဆိုင်သွားမလဲ‌ဆိုတာ စိတ်၀င်စားဖွယ်ကြည့်ရမှာဖြစ်ပါတယ်။ Sci-fi ရုပ်ရှင်ချစ်သူတို ကြည့်ထားသင့်တဲ့ ဇာတ်လမ်းတစ်ပုဒ်ပါပဲ။ ဇာတ်ကားအညွှန်းနဲ့ဘာသာပြန်သူကတော့ Scarlett-Joe ဖြစ်ပါတယ်

Thor: Love and Thunder (2022) ဒီတစ်ခေါက် တင်ဆက်ပေးမယ့်ကားကတော့ Marvel movie တစ်ကားဖြစ်‌တဲ့ Thor: Love and Thunder ပါ။ ဒီဇာတ်ကားက စိတ်လှုပ်ရှားစရာ အက်ရှင် ဇာတ်ကားတစ်ဖြစ်တဲ့အပြင် အချစ်နဲ့ ဟာသဆန်တာလေးကိုပါ ယှဉ်တွဲ ရိုက်ကူးထားတာပါ။ အရင်တစ်ကားဖြစ်တဲ့ Thor: Ragnarok နဲ့တောင် ကွာခြားတယ်လို့ မြင်မိပါတယ်။ ဇာတ်လမ်းအစမှာ ဂေါက သူ့သမီးနဲ့ ကန္တာရထဲ ဒုက္ခရောက်နေတဲ့ အချိန် သူယုံကြည်ရာဖြစ်တဲ့ နတ်ဘုရားကို တမ်းတဆုတောင်းပေမယ့် သူ့သမီးလေး သေသွားရတာပဲ အဖက်တင်တဲ့အခါ နတ်ဘုရားတွေ အပေါ် မုန်းတီးစိတ်ဖြစ်လာပါတယ်။ အဲ့နောက်မှာ သူက နက်ခရိုဓားကို စွဲကိုင်ပြီး ဂြိုလ်တိုင်းမှာရှိတဲ့ နတ်ဘုရားတွေကို လိုက်လံသတ်ဖြတ်ခဲ့ပါတယ်။ ဒီနတ်ဘုရားတွေရဲ့ဘေးကို မိုးကြိုးနတ်ဘုရားဖြစ်တဲ့ သောရ်က ဘယ်လို တိုက်ခိုက်မလဲဆိုတာ ပေါ့ပေါ့ပါးပါးနဲ့ စိတ်ဝင်တစားကြည့်ရှူရမယ့် ဇာတ်ကားကောင်းတစ်ကားဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

နာမည်ကြီးဟာသသရုပ်ဆောင်တွေဖြစ်တဲ့ Kevin Hart နဲ့ Mark Wahlbergတို့ပါဝင်သရုပ်ဆောင်ထားတဲ့ ဒီဟာသဇာတ်ကားလေးဟာဆိုရင် ကိုယ့်အတွက်အချိန်ပေးကြရင်းလုပ်မိတဲ့အလွဲလေးတွေကိုရိုက်ကူးထားတာဖြစ်ပါတယ်။ ဆန်နီနဲ့ဟတ်ခ်တို့ဟာ ငယ်သူငယ်ချင်းတွေဖြစ်ကြပြီးတော့ ဟတ်ခ်ရဲ့မွေးနေ့တိုင်းမှာလည်း ဆန်နီကအတူတူဖြတ်သန်းပေးလေ့ရှိပါတယ်။ ဒါပေမဲ့ ဆန်နီအိမ်ထောင်ကျပြီး ကလေးနှစ်ယောက်ရလာတဲ့အချိန်မှာ အရင်လိုမပျော်ပါးနိုင်တော့ပဲ အိမ်မှုကိစ္စတွေနဲ့ သူ့အချိန်ဆိုတာမရှိတော့ပါဘူး။ အဲဒါကြောင့် ဆန်နီရဲ့မိန်းမက သူတစ်ယောက်တည်းအချိန်ဖြုန်းလို့ရအောင် ကလေးတွေကိုခေါ်ပြီးခရီးထွက်သွားပါတယ်။ ကဲချင်တိုင်းကဲလို့ရတဲ့တစ်ပတ်တာကာလမှာ ဆန်နီတစ်ယောက် သူ့သူငယ်ချင်းဟတ်ခ်ရဲ့မွေးနေ့ပါတီကိုသွားရင်းဘယ်လိုအလွဲတွေနဲ့ရယ်စရာတွေဖန်တီးမလဲဆိုတာကြည့်လိုက်ရအောင်။ ဇာတ်ကာအညွှန်းနဲ့ဘာသာပြန်သူကတော့ Ei Thinzar Nyein ဖြစ်ပါတယ်။

ဇာတ်လမ်းအစကနေအဆုံးထိ ဇာတ်ရှိန်ကျမသွားဘဲ ရင်တထိတ်ထိတ်ကြည့်ချင်သူတွေအတွက်တော့ ဒီဇာတ်ကားလေးက အကြိုက်တွေ့မှာပါ။ ဇာတ်လမ်းအကျဥ်းကတော့.....မိခင်ရဲ့မွေးရပ်မြေဖြစ်တဲ့ တောင်အာဖရိကကို အလည်လာကြတဲ့ နိတ်တို့သားအဖသုံးယောက်ရဲ့ ဇာတ်လမ်းလေးပါ။ အဲဒီမှာ သူ့အဖေနဲ့အမေရဲ့ အောင်သွယ်တော်ကြီး သဘာဝတောရိုင်းကောင်လေးတွေကို ကာကွယ်ပေးတဲ့ မာတင်ဆိုတဲ့လူကြီးလည်းရှိတယ်။ မာတင်ဟာ နိတ်တို့သားအဖကို တောရိုင်းကောင်တွေရဲ့ သဘာဝအလှတွေကို လိုက်ပြပေးဖို့ တောအုပ်ကြီးထဲကို လိုက်ပို့ပေးခဲ့တယ်။ ဒါပေမဲ့ အဲဒီအချိန်မှာ မထင်မှတ်ဘဲ တရားမဝင်မုဆိုးတွေရဲ့စည်းကမ်းမဲ့ အမဲလိုက်မှုကြောင့် ​ ဒဏ်ရာရနေတဲ့ခြင်္သေ့နာတကောင်ဟာ တရွာလုံးကလူတွေကို ကိုက်သတ်ပြီး တွေ့သမျှလူတွေအားလုံးကို လိုက်ပြီးအမဲဖျက်နေတယ်။ အဲဒီနေရာကို ရောက်သွားတဲ့ နိတ်တို့သားအဖ ကလဲ့စားချေခြင်နေတဲ့ ခြင်္သေ့နာလက်ထဲက ဘယ်လိုလွတ်မြောက်အောင်ထွက်ပြေးကြမလဲဆိုတာကို စိတ်ဝင်စားဖို့ကောင်းလောက်အောင် ကြည့်ရှုရမယ့် ဇာတ်ကားဖြစ်ပါတယ်။ ဇာတ်ကားအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်။

ဒီဇာတ်ကားလေးကတော့ ၂၀၁၅တုန်းက ထွက်ရှိခဲ့တဲ့ Web Drama လေးပါ။ ပရိသတ်ကြီးတို့ရော ကိုယ့်အိမ်နားကို ကိုယ်သဘောကျရတဲ့ အိုင်ဒေါလ်တွေ၊ နာမည်ကျော်တွေ ပြောင်းလာခဲ့ရင် ဘယ်လိုနေကြမလဲ။ ဒီဇာတ်လမ်းထဲက ကံထူးသူ ဂျီယွန်ဟီးကတော့ အိမ်ခြံမြေအကျိုးဆောင် အမေရယ်၊ ပေါကြောင်ကြောင် မောင်လေးရယ်နဲ့ အတူနေတဲ့ အသက် ၂၃နှစ်အရွယ် သာမန်ကျောင်းသူလေးတစ်ယောက်ပါ။ သူ့မှာ ရှက်လာရင် ကျောက်တုံးလို မလှုပ်မယှက်နိုင်ဖြစ်ပြီးတော့ မျက်နှာတွေနီရဲလာတတ်တဲ့ အားနည်းချက်ရှိတာကြောင့် အခုအချိန်အထိ FA ဖြစ်နေသူပေါ့။ တစ်နေ့တော့ အေးအေးလူလူ ရပ်ကွက်မှာ လူမသိသူမသိ ခဏနေဖို့ပြင်နေတဲ့ Exo အဖွဲ့ဝင် ၄ယောက် သူတို့ရပ်ကွက်ထဲ ပြောင်းလာခဲ့ပါတယ်။ ဖြစ်ချင်တော့ Exo တို့ နေတဲ့အိမ်က ယွန်ဟီးတို့ရဲ့ အိမ်ရှေ့အိမ် ဖြစ်နေခဲ့တယ်။ ယွန်ဟီးတစ်ယောက် Exo တို့အိမ်မှာ သန့်ရှင်းရေး အချိန်ပိုင်းလုပ်ပေးရဖို့ ဖြစ်လာပြီးတော့ သူ့ရဲ့ အားနည်းချက်ကြောင့် တလွဲတွေလုပ်တော့တာပေါ့။ အဲ့ဒါတင်မကဘဲ Exo အဖွဲ့ဝင်တစ်ယောက်က သူ့ရဲ့ ကလေးဘဝက သူငယ်ချင်းဖြစ်နေတာကို သိလိုက်ရတဲ့အခါ... နမော်နမဲ့ကောင်မလေးနဲ့ Exo အဖွဲ့ဝင်တွေကြားက အလွဲတွေကို ဟာသနှောပြီး ရိုက်ကူးထားတဲ့ ပေါ့ပေါ့ပါးပါး ဇာတ်လမ်းလေး ဖြစ်တဲ့အပြင် Exo ပရိတ်သတ်တို့အတွက်လည်း လွန်ခဲ့တဲ့ ၇နှစ်က Exo တို့ရဲ့ ပုံရိပ်ကို ပြန်လည်မြင်တွေ့ခံစားနိုင်မှာဖြစ်တဲ့ Exo Next Door ဇာတ်လမ်းလေးကို M-Sub Movie မှာ ကြည့်ရှုနိုင်ပါပြီ။ ဇာတ်ကားအညွှန်းနဲ့ ဘာသာပြန်သ

ဒီဇာတ်ကားလေးကတော့ ခရစ်ယာန်သင်းအုပ်ဆရာ လင်မယား နှစ်ယောက်အကြောင်းရိုက်ကူးထားတဲ့ ဟာသဇာတ်ကားလေးပဲဖြစ်ပါတယ်။ သင်းအုပ်ဆရာချာလ်နဲ့ သူ့မိန်းမဟာ တစ်ခါကအရမ်းအောင်မြင်ခဲ့ကြတဲ့ တရားဟောသူတွေဖြစ်ခဲ့ကြပါတယ်။ အဆောင်အရောင်တွေနဲ့အတူ ကြွယ်ဝချမ်းသာတွေလည်း ဖြစ်ခဲ့ကြတာပေါ့။ ဒါပေမယ့် နောက်ပိုင်းမှာ လိင်တူချစ်သူတွေကိုဆန့်ကျင် ဟောပြောမိတာကြောင့် စွပ်စွဲချက်တွေနဲ့ တရားရင်ဆိုင်ခဲ့ရပါတယ်။ တရားရင်ဆိုင်အပြီးမှာတော့ သူတို့ပိုက်ဆံတွေလည်း ဆုံးရှုံးသွားခဲ့ရပြီး သူတို့ရဲ့ ဘုရားကျောင်းလေးကို ပြန်ဖွင့်နိုင်ဖို့ ကြိုးစားခဲ့ကြပါတယ်။ ဘဝဇာတ်လမ်းရိုက်ကူးရေးကို ရိုက်ကူးနေပြီး အီစတာနေ့မှာ ဘုရားကျောင်းပြန်ဖွင့်နိုင်ဖို့ကြိုးစားခဲ့ပါတယ်။ တစ်ဖက်မှာလဲ တက်သစ်စ သင်းအုပ်ဆရာလင်မယားဖြစ်တဲ့ ဆက်တာတို့ ပေါ်လာတာကြောင့် ချာလ်တို့ဆီကိုဝတ်ပြုသူတွေလာဖို့ ပိုခက်ခဲသွားခဲ့ပါတယ်။ သူတို့ဘယ်လိုကြိုးစားခဲ့လဲဆိုတာကို ဟာသဆန်ဆန် ဒရမ်မာဆန်ဆန် ကြည့်ရှုရမယ့် ကားလေးပဲဖြစ်ပါတယ်။ ဇာတ်ကားအညွှန်းနဲ့ ဘာသာပြန်သူကတော့ Adrian ဖြစ်ပါတယ်။

၂၀၂၀ လောက်တုန်းကထွက်ခဲ့တဲ့ "Khuda Haafiz" ဆိုတဲ့ကားလေးရဲ့နောက်ဆက်တွဲ Chapter 2 ပဲဖြစ်ပါတယ်။ ဒီကားထဲမှာတော့စမီးဟာ သူ့မိန်းမနာဂစ်ကိုကယ်လာပြီးတဲ့နောက်ဘဝကိုအေးအေးချမ်းချမ်းပဲဖြတ်သန်းနေပါတယ်။ဒါပေမဲ့နာဂစ်ဟာအတိတ်ကအရိပ်ဆိုးကြီးကနေမရုန်းထွက်နိုင်ဘဲစိတ်ကျရောဂါကိုခံစားနေရပါတယ်။ ဒီလိုနဲ့တစ်ရက်မှာတော့နန္ဒီနီဆိုတဲ့ကလေးလေးတစ်ယောက် ကလေးလေးသူတို့ဘဝထဲကိုရောက်လာခဲ့ပါတယ်။ နန္ဒီနီလေးရောက်လာပြီးတဲ့နောက်မှာ အမြဲတမ်းစိတ်ဆင်းရဲမှုတွေပဲရှိနေခဲ့တဲ့အိမ်လေးဟာစိုပြေလာခဲ့ပြီးတော့ နာဂစ်ရဲ့စိတ်ကျရောဂါလည်း သက်သာလာခဲ့ပါတယ်။ ဒါပေမယ့်ကံတရားကသူတို့ကို ကြာကြာပျော်ရွှင်ခွင့်မပေးခဲ့ပါဘူး။ နန္ဒီနီလေးဟာလူယုတ်မာတစ်သိုက်ရဲ့ မုဒိမ်းကျင့်သတ်ဖြတ်ခြင်းကိုခံရပြီး သေဆုံးသွားခဲ့ပါတယ်။ ဒါကြောင့်စမီးဟာသူ့ဘဝရဲ့ပျော်ရွှင်မှုဖြစ်တဲ့ နန္ဒီနီကိုဆွဲထုတ်သွားတဲ့သူတွေကိုလက်စားချေဖို့စပြီးကြိုးစားပါတော့တယ်။ စမီးရဲ့လက်စားချေမှုအောင်မြင်သွားမလား။ မုဒိမ်းကောင်တွေကိုအပြစ်ပေးနိုင်မလားဆိုတာကိုတော့ဆက်လက်စောင့်ကြည့်ပေးကြပါဦးနော်။ ဇာတ်ကားနဲ့ အညွှန်းဘာသာပြန်သူကတော့ Yoon Cherry Kyaw ဖြစ်ပါတယ်။

တခါတလေ လောကကြီးမှာ ကိုယ်ဒုက္ခတွေ့နေတဲ့အချိန်မှာ ကူညီပေးမယ့်သူ ပေါ်လာတတ်တယ်။ ဒါပေမဲ့ တကယ်စိတ်ရင်းနဲ့ ကူညီမယ့်သူလား ကိုယ့်ကိုအသုံးချမယ့်သူလားဆိုတာကို ဆုံးဖြတ်ချိန်မရှိတဲ့အခါ ပိုနက်တဲ့ဒုက္ခတွင်းထဲကိုကျတော့တာပါပဲ။ နိုက်ဒါဟာလည်း တရက်မှာ စီးပွားရေးလုပ်ရင်း အလိမ်ခံလိုက်ရပြီး အကြွေးတွေအများကြီးတင်သွားခဲ့တယ်။ အဲဒီလိုနဲ့ ထောင်နှုတ်ခမ်းနားရောက်ခါနီးမှာ လူတယောက်ရောက်လာခဲ့ပြီး သူနဲ့အပေးအယူလုပ်ခဲ့တယ်။ အပေးအယူက သူခိုင်းတာလုပ်ပေးရင် စနိုက်ဒါတို့ မိသားစု ငွေကြေးအတွက်နဲ့နောက်ထပ်ဘယ်တော့မှ ဒုက္ခမရောက်တော့ဘူးဆိုတာပဲ။ ဒါပေမဲ့ အဲဒီနောက်မှာ သူ့သမီးဟာ ပုံမှန်မဟုတ်တော့ဘူးဆိုတာကို သိလိုက်ရတဲ့အခါ......။ ဇာတ်ကားကို အညွှန်းနဲ့ ဘာသာပြန်သူကတော့ Marip Pan ဖြစ်ပါတယ်။

အခု ရုပ်ရှင်လေးက‌တော့ Machine Gun Kelly ရဲ့ အသစ်ထွက်ထားတဲ့ One Way ဆိုတဲ့ ဇာတ်ကားလေးပဲဖြစ်ပါတယ်။ ဖရက်ဒီ ဆိုတဲ့ လူငယ်တစ်ဦးက အရင်သူ အလုပ်လုပ်ခဲ့တဲ့ ရာဇဝတ်ဂိုဏ်းတစ်ခုကနေ ဘိန်းတွေ ပိုက်ဆံတွေ ယူပြီး ထွက်ပြေးလာခဲ့တာပါ။ အများသုံးဘတ်စ်ကားနဲ့ ထွက်ပြေးတဲ့ ဖရက်ဒီက သေနတ်လဲ ထိမှန်ထားတာကြောင့် ဒုက္ခတွေလဲ ရင်ဆိုင်နေရပါတယ်။ ဒီပိုက်ဆံတွေကိုယူပြီး မိန်းမနဲ့ သမီးကို ပေးချင်တဲ့ ဖရက်ဒီတစ်ယောက် သူ့နောက်ကို လိုက်နေတဲ့ လူဆိုးဂိုဏ်းက လွတ်မြောက်နိုင်ပါ့မလား။ အဆုံးသတ်မှာ ဘာဖြစ်သွားမလဲဆိုတာ စိတ်ဝင်တစား ကြည့်ရှုရမယ့် ဇာတ်ကားကောင်း တစ်ကားပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

စိတ္တဇလူသတ်သမားဇာတ်ကားတွေထဲကမှ ဒီDahmer ဆိုတဲ့ ဇာတ်ကားရဲ့ထူးခြားချက်ကတော့ ဖြစ်ရပ်မှန်အတ္ထုပ္ပတိရုပ်ရှင်ကားတကားဖြစ်နေတာပါ။ အမေရိကန်နိုင်ငံက Jeffery Dahmer ဆိုတဲ့ ကွင်းဆက်လူသတ်သမားအကြောင်းကို ပြန်လည်ရိုက်ကူးထားတဲ့ ဖြစ်ရပ်မှန်ရုပ်ရှင် ဇာတ်ကားဖြစ်ပါတယ်။ Jerrfery က 1978 ကနေ 1991 ခုနှစ်အတွင်း စုစုပေါင်း လူ ၁၇ ယောက်ကို သတ်ဖြတ်ခဲ့ပါတယ်။ စိတ္တဇလူသတ်သမားဆိုတဲ့အတိုင်း သွေးအေးအေးနဲ့ရက်စက်တတ်တဲ့ Jeffery ရဲ့ အကျင့်စရိုက်တွေကို တွေ့ရှိရမှာပါ။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Marip Pan ဖြစ်ပါတယ်။

ဒီဇာတ်ကားလေးမှာတော့ တောင်တက်တာကို စိတ်ဝင်စားကြတဲ့ အတွဲနဲ့သူငယ်ချင်းကောင်မလေးတို့.. တောင်တက်ရင်း Becky ရဲ့ယောကျာ်း Dan တောင်ပေါ်က ပြုတ်ကျပြီးသေဆုံးသွားပါတယ် Dan သေဆုံးမှုကို လက်မခံနိုင်သေးတဲ့ Becky တစ်ယောက် အရက်သောက်ပြီးအချိန်ကို ကျော်ဖြတ်နေတဲ့အချိန်မှာ.. သူငယ်ချင်း Hunt/Hunter က အမြင့်ပေ ၂၀၀၀ ရှိတဲ့တာဝါတစ်ခုကို စိတ်ပြေလက်ပျောက်သူနဲ့ အတူတက်ဖို့ လာခေါ်ရင်း.. သူငယ်ချင်း ၂ ယောက်အတူတူတာဝါကိုတက်ရင်း ပြန်ဆင်းဖို့လမ်းမရှိတော့တဲ့အခါ ဘယ်လိုနည်းလမ်းတွေသုံးကြမလဲ.. ဘယ်လိုအသက်ရှင်ကြမလဲဆိုတာကို ကြည့်ရှုရမှာဖြစ်ပါတယ်.. ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Alice ဖြစ်ပါတယ်။

တခြားဘယ်အကြောင်းရင်းမှမရှိ ပါးလေးတစ်ချက်အရိုက်ခံရတာကြောင့် ကွာရှင်းမယ် ဒါကဖြစ်နိုင်ပါရဲ့လားပေါ့။ အန်ရီတာဆိုတဲ့ အမျိုးသမီးလေးတစ်ယောက် ၊ ဆွေကြီးမျိုးကြီးအမျိုးသားလေးတစ်ယောက်ရထားပြီး အိမ်ထောင်ရေးကံကောင်းရှာတယ်ပေါ့။ ဘဝကို ကိုယ်ပိုင်ရပ်တည်ချက်ခိုင်ခိုင်မာမာနဲ့ ဖြတ်သန်းနေတဲ့ အမျိုးသမီးတစ်ယောက်။ သူ့ဘဝမှာလိုချင်တာနှစ်ခုပဲရှိတယ် လေးစားမှုနဲ့ပျော်ရွှင်မှု။ အဲ့ဒီနှစ်ခုပဲရှိတဲ့ ဆန္ဒကို အမျိုးသားဖြစ်သူက ရိုက်ခတ်လာတဲ့အခါ။ ထိုအမျိုးသမီးလေး ဘာလုပ်မလဲ။ ထပ်တိုက်ရင်ဆိုင်မလား။ ရှောင်ဖယ်သွားမလား။ လူ့ဘောင်အဖွဲ့အစည်းအတွင်း အိမ်ထောင်ရေးလောကမှာဖြစ်ပျက်တတ်တာတွေကို ရိုက်ပြထားတာကြောင့် ကြည့်ရသိပ်တန်ပါတယ်။ ပါးလေးတစ်ချက်ဆိုပေမဲ့ နာတာကနာတာပါပဲ။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

2022 ခုနှစ်ကမှ‌ လောလောလတ်လတ် ထွက်ရှိထားခဲ့တဲ့ Vanished Seachring For My Sister ဆိုတဲ့ ရုပ်ရှင်ဇာတ်ကားလေးကတော့ ညီအမ သံယောဇဉ်ကို အခြေပြုထားတဲ့ ဇာတ်ကားလေးပဲ ဖြစ်ပါတယ်။ အမွှာ ဖြစ်ပေမယ့် အကျင့်စရိုက်ရော နေထိုင်ရှင်သန်နေတဲ့ ပတ်ဝန်းကျင်ရော မတူတဲ့ ညီအမ နှစ်ယောက်ကြားမှာ ဘယ်လို ကွာခြားမှုတွေရှိနေမလဲ။ တစ်ယောက်တစ်အိမ်ထောင်ဆီ နဲ့ ကိုယ့်ဘဝကိုယ် လျှောက်လှမ်းနေကြပေမယ့် အခက်အခဲ ရှိချိန်တိုင်း အကူအညီပြေးတောင်းတတ်တဲ့ ညီမ ဖြစ်သူအတွက် အရာရာကို မတုံမဆိုင်း ကူညီပေးတတ် တဲ့ အမ တစ်ယောက်ရဲ့ သံယောဇဉ်တွေနဲ့ ပေးဆပ်မှုတွေရယ်။ ရုတ်တရက် သဲလွန်စ မရှိပါဘဲ ပျောက်ဆုံးသွားတဲ့ ညီမ ဖြစ်သူကို ရှာဖွေဖို့ အတွက်ကို ကိုယ်တိုင် မကျင်လည်ဘူးတဲ့ ညီမဖြစ်သူရှင်သန်နေတဲ့ နယ်ပယ်ထဲမှာ ဟန်ဆောင်လိမ်ညာပြီး လိုက်လံစုံစမ်းနေရင်း ဘယ်လို အခက်အခဲတွေ ၊ ထိန့်လန့်စရာတွေကို ကြုံတွေ့ရမလဲ။ညီမဖြစ်သူ ပျောက်ဆုံးသွားတဲ့ တကယ့် ဖြစ်ရပ်မှန်ကကော ဘာတွေဖြစ်မလဲ ဆိုတာကိုတော့ စိတ်ဝင်စားဖွယ် ကြည့်ရှုရမယ့် ရုပ်ရှင်ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ကယ်လီဖိုးနီးယားရဲ့ပြည်နယ်လေးတစ်ခုကတောင်ကြားထဲမှာ မွေးမြူရေးခြံတစ်ခြံရှိပြီး ဟေးဝဒ်မိသားစုကပိုင်ဆိုင်တာဖြစ်ပါတယ်။ ဟေးဝဒ်မိသားစုဟာ သူတို့ရဲ့ခြံမှာမြင်းတွေကိုလေ့ကျင့်ပေးသလို သူတို့လေ့ကျင့်ထားတဲ့မြင်းတွေကို စီးပွားရေးကြော်ငြာတွေနဲ့ တခြားဖျော်ဖြေရေးကိစ္စတွေမှာ ငှားရမ်းလေ့ရှိပါတယ်။ တစ်ရက်မှာ ဟေးဝဒ်သားအဖလေ့ကျင့်နေတုန်း ကောင်းကင်ပေါ်ကနေ ထူးဆန်းတဲ့ပစ္စည်းတွေပြုတ်ကျလာပြီး အဖေဖြစ်သူရဲ့မျက်စိကနေတစ်ဆင့် ခေါင်းထဲစိုက်ဝင်ကာသေဆုံးသွားခဲ့ပါတယ်။ ဖခင်ဖြစ်သူဆုံးပါးပြီးတဲ့နောက် အဲဒီခြံကို သားဖြစ်သူ အိုဂျေနဲ့သမီး အမ်မရို့ဒ်က အမွေဆက်ခံခဲ့ရပါတယ်။ ဒါပေမဲ့ သူ့အဖေသေဆုံးခဲ့ရတဲ့အကြောင်းအရင်းကို အိုဂျေတစ်ယောက်ရှာဖွေဖို့အတွက်ကြိုးပမ်းနေခဲ့ပါတယ်။ တစ်ရက်မှာ အိုဂျေ့ခြံထဲကမြင်းတွေဟာ ထူးဆန်းတဲ့အသံတွေထွက်လာပြီးရင် ကောင်းကင်ပေါ်ကပန်းကန်ပြားပျံလိုအရာရဲ့ယူဆောင်သွားတာကိုသူမြင်လိုက်ရပါတယ်။ ဒီထူးဆန်းတဲ့အရာကြောင့် သူ့အဖေသေဆုံးခဲ့ရတာဖြစ်မလား။ အဲဒီအရာကရော တကယ်ပန်းကန်ပြားပျံဖြစ်နေမလားဆိုတာကို ဟေးဝဒ်မောင်နှမနဲ့အတူတူ ရှာဖွေလိုက်ကြရအောင်။ ဒီဇာတ်လမ်းရဲ့အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ကင်မရာတစ်လုံးက လူတွေရဲ့အသက်ကိုနှုတ်ယူတယ်ဆိုတာ ဖြစ်နိုင်လား။ ဓာတ်ပုံပညာမေဂျာရဲ့ထိပ်တန်းကျောင်းသားဖြစ်တဲ့ ဒန်ဟာ သူ့ရဲ့ဘွဲ့ကြိုစာတမ်းအတွက် ပြင်ဆင်တဲ့နေရာမှာ သူ့ရဲ့ပါမောက္ခကသူ့ကို SLRကင်မရာတစ်လုံးပေးခဲ့ပြီး အဲဒီကင်မရာနဲ့ လူ၇ယောက်ရဲ့ဓာတ်ပုံတွေကိုရိုက်လာဖို့ခိုင်းလိုက်ပါတယ်။ ဒန်က သူ့သူငယ်ချင်းနှစ်ယောက်နဲ့အတူ လူတွေရဲ့ဓာတ်ပုံကိုလိုက်ရိုက်ရင်း ၆ယောက်မြောက်ဓာတ်ပုံရိုက်ပြီးတဲ့နောက်မှာ ထူးဆန်းတဲ့အဖြစ်ဆိုးကြီးတစ်ခုဖြစ်နေပြီဆိုတာကို သူတို့သဘောပေါက်သွားကြပါတယ်။ ဒန်နဲ့သူ့သူငယ်ချင်းနှစ်ယောက် အဲဒီအဖြစ်ဆိုးကြီးကို ဘယ်လိုရင်ဆိုင်သွားကြမလဲ။ အဲဒီထူးဆန်းတဲ့အဖြစ်ဆိုးကြီးကရော ဘာဖြစ်မလဲ။ ဒန်ရဲ့ပါမောက္ခပေးထားတဲ့ကင်မရာကပဲ ပြဿနာရှိနေတာလား။ ဒီလိုစိတ်ဝင်စားဖွယ်ရာအကြောင်းအရာတွေကို ဒီဇာတ်ကားထဲမှာ ဆက်လက်ကြည့်ရှုလိုက်ကြပါ။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ကမ္ဘာ့နိုင်ငံကြီးတွေမှာ နျူးကလီးယားလက်နက်တွေ တီထွင်နေကြပေမယ့် နျူးကလီးယားလက်နက်ကိုခုခံနိုင်မယ့် လက်နက်တစ်ခု မရှိဘူးဖြစ်နေတယ်.. အိန္ဒိယနိုင်ငံက နျူးကလီးယားလက်နက်ကို ခုခံနိုင်တဲ့ လက်နက်တစ်ခုကို အောင်မြင်စွာ တီထွင်လို့အပြီးမှာ တီထွင်သူဟာ နိုင်ငံတော်ကို သစ္စာဖောက်သွားခဲ့ပါတယ်... အဲ့ဒီသစ္စာဖောက်ကို တပ်ဖွဲ့တစ်ခုဖွဲ့စည်းပြီး လိုက်လံဖမ်းဆီးဖို့ နိုင်ငံတော်က တာဝန်ပေးလိုက်တယ်.. ဒီကိစ္စဟာ ထင်သလိုမရိုးရှင်းလာဘဲ လှည့်ကွက်လေးတွေပါနေတဲ့အခါ ဇာတ်ကွက်တစ်ခုချင်းစီကို ဘယ်လိုဖော်ထုတ်မလဲဆိုတာကို စိတ်ဝင်တစားကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yoon Cherry Kyaw ဖြစ်ပါတယ်

ဒီတစ်ခေါက်တင်ဆက်ပေးချင်တာကတော့ တရုတ်ရုပ်ရှင်သမိုင်းရဲ့ ဝင်ငွေအများဆုံးရုပ်ရှင်တွေထဲက တစ်ခုအပါအဝင်ဖြစ်တဲ့ The Battle At Lake Changjin ဆိုတဲ့ ဇာတ်ကားလေးပဲဖြစ်ပါတယ်။ ဒီဇာတ်ကားဟာ ၁၉၅၀ ဝန်းကျင်က အမေရိကန်နဲ့ မြောက်ကိုရီးယားစစ်ပွဲကို အခြေခံရိုက်ကူးထားတဲ့ ဇာတ်ကားတစ်ကားဖြစ်ပါတယ်။ အစောဆုံးထွက်ရှိထားတဲ့ ဇာတ်ကား ၁ မှာတော့ Changjin စစ်ပွဲ အကြောင်း ကြည့်ရှုရမှာ ဖြစ်ပြီး ဒီ ဇာတ်ကား ၂ မှာတော့ အမေရိကန်တပ်တွေ ပြန်လည်ဆုတ်ခွာရာလမ်းကြောင်းဖြစ်တဲ့ စူမန်တံတားကို ဖောက်ခွဲဖို့ တာဝန်ယူကြရတဲ့ အပိုင်းပဲ ဖြစ်ပါတယ်။ ဒီတစ်ခေါက်တိုက်ပွဲမှာရော တပ်ရင်းမှူးဟာ သူ့တပ်သားတွေကို အောင်မြင်မှုနဲ့အတူ အိမ်ပြန်ခေါ်သွားနိုင်မလားဆိုတာကိုတော့ ဇာတ်လမ်းထဲမှာ ဆက်လက်ကြည့်ရှုပေးကြပါနော်။ စစ်ကားကြိုက်တဲ့ ပရိသတ်တွေအတွက် ကြည့်ရတာတကယ် တန်တဲ့ ဇာတ်ကားကောင်းတစ်ကား ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Andrea Linn ဖြစ်ပါတယ်

ဖရာခနုံဆိုတဲ့ရွာလေးမှာ ဒန်းဆိုတဲ့ကလေးသရဲလေးတစ်ကောင်ရှိပါတယ်။ သူဟာ အသေကောင်လေးအနေနဲ့မွေးလာတာဖြစ်ပြီး မကျွတ်နိုင်သေးတာပါ။ ဒါကို ရွာက ကလေးတွေကလွဲပြီး ရွာသားအားလုံးကသိထားကြပါတယ်။ ဒန်းဟာ ရွာမှာ ၁၀ နှစ်ကျော်နေလာခဲ့သော်လည်း အပျော်သဘောခြောက်လှန့်တာကလွဲပြီး တစ်စုံတစ်ယောက်ကိုမှထိခိုက်အောင်မပြုလုပ်ပါဘူး။ အဲတာကြောင့်ပဲ ရွာသားအားလုံးက ဒန်းကိုချစ်ခင်ကြပြီး အစားအသောက်တွေပါပို့ပေးကြပါတယ်။ ဒါပေမယ့်တစ်နေ့မှာတော့ ညဘက်တွေလွန်လွန်ကျူးကျူးသရဲခြောက်ခံလာရပြီး လူတစ်ယောက်ကလည်း သေသွားတဲ့အခါ.. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Angelina ဖြစ်ပါတယ်

စားသောက်ဆိုင်လုပ်ငန်းတစ်ခုရဲ့ဆိုင်ခွဲမန်နေဂျာဖြစ်သူ အမ်ဘာဟာ လုပ်သက်၉နှစ်ကျော်ကြာလာတဲ့အခါ ကုမ္ပဏီကနေအကုန်အကျခံပြီးပို့ပေးတဲ့ အီတလီပရိုဂရမ်ခရီးစဉ်ကိုသွားဖို့ အခွင့်အရေးရခဲ့ပါတယ်။ အဲဒီပရိုဂရမ်မှာ သူ့လိုပဲတခြားဆိုင်ခွဲမန်နေဂျာတွေလည်းပါဝင်ပြီးတော့ သူတို့အကုန်လုံးအီတလီမှာသွားစုံကြပါတယ်။ အထူးအခွင့်အရေးနဲ့အီတလီကိုရောက်လာရတဲ့အပြင် ချမ်းသာတဲ့လုပ်ငန်းစုပိုင်ရှင် နစ်ခ်နဲ့တွေ့ဆုံခွင့်ရလာတဲ့အခါ နစ်ခ်နဲ့ရိုမန်တစ်ဆန်ဆန်အချိန်လေးတွေကို ပိုင်ဆိုင်ခွင့်ပါရလာပါတယ်။ ဒါပေမဲ့ ဒီခရီးစဉ်ကတကယ်ပဲ ရိုးရှင်းပြီး ရိုမန့်တစ်ဆန်ပါ့မလား ။ ဘယ်လိုစွန့်စားစရာ ထိတ်လန့်စရာတွေက အီတလီမှာစောင့်ကြိုနေမလဲ ။ ရိုမန့်တစ်ဆန်တဲ့နစ်ခ်မှာရော ဘယ်လိုထူးဆန်းတဲ့နောက်ကြောင်းတွေရှိနေမလဲ ကြည့်လိုက်ကြရအောင်။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီဇာတ်ကားလေးကတော့ Thirteen Lives ဇာတ်ကားလိုမျိုးပဲ ထိုင်းနိုင်ငံက ကလေး၁၃ယောက်အကြောင်း အခြေခံရိုက်ကူးထားတဲ့ကားလေးဖြစ်ပါတယ်။ ဗြိတိန်ရေငုပ်သမားတစ်ယောက်ကို အသားပေးရိုက်ကူးထားတာလည်းဖြစ်ပါတယ်။ ဒီဇာတ်လမ်းလေးကတော့ အားလုံးသိကြတဲ့ဇာတ်လမ်းဖြစ်တဲ့အတွက် အထွေအထူးရှင်းပြနေစရာလိုမယ်မထင်ပါဘူး။ သူတို့ဘယ်လိုတွေကယ်တင်ခဲ့လဲ ဘယ်လိုတွေကြုံတွေ့ခဲ့ရလဲဆိုတာကို ကြည့်ရှုခံစားရမှာဖြစ်ပါတယ်။ Thirteen Lives ကြည့်ဖူးသူတွေလည်း ထပ်ကြည့်သင့်တဲ့ကားလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Adrian ဖြစ်ပါတယ်

အိန္ဒိယနိုင်ငံမှာဆယ့်ခြောက်မိနစ်စီတိုင်းအမျိုးသမီးငယ်တစ်ယောက်စီအဓမ္မပြုကျင့်ခံနေရပါတယ်။ဒါ့အပြင်သက်ငယ်မုဒိမ်းမှုတွေကလဲအဘက်ဘက်ကပါဝင်နေပါသေးတယ်။ဒီကားကတော့ 'ဂါဂီ'ဆိုတဲ့အမျိုးသမီးငယ်နှင့်သက်ငယ်မုဒိမ်းမှုနဲ့ပတ်သက်တဲ့အကြောင်းအရာကိုအသားပေးရိုက်ကူးထားတာပဲဖြစ်ပါတယ်။ ဂါဂီဟာကျောင်းဆရာမလေးတစ်ဦးဖြစ်ပြီး တစ်နေ့မှာတော့ဂါဂီကျောင်းကနေစာပြပြီးပြန်လာချိန်အဖေအိမ်ပြန်မရောက်သေးတာကြောင့် မေးမြန်းကာလိုက်လာခဲ့ရင်းကအဖေဖြစ်သူဟာ ကလေးငယ်တစ်ယောက်ကိုအဓမ္မပြုကျင့်သည်ဆိုတဲ့ခေါင်းစဥ်အောက်အထိန်းသိမ်းခံထားရကြောင်းမထင်မှတ်ပဲသိလိုက်ရပါတယ်။ အံ့သြသွေးပျက်စရာအကြောင်းကိုကြားသိလိုက်ရတဲ့ဂါဂီတစ်ယောက်သူ့အဖေဖြစ်သူတကယ်ပဲလုပ်ခဲ့တာလား ဒါမှမဟုတ် မတရားချောက်ချခံရခြင်းလားဆိုတာကိုစုံစမ်းစစ်ဆေးဖို့အပတ်တကုတ် ကြိုးစားရင်း မထင်မှတ်ထားတာတွေဖြစ်လာတဲ့အခါ ဂါဂီတစ်​ယောက်ဘယ်လိုဆက်လုပ်မလဲ။ အမှန်တရားဘက်ကပဲရပ်တည်မလား ဒါမှမဟုတ် အမှန်တရားကိုဖုံးကွယ်ပြီးဆက်နေထိုင်သွားမှာလားဆိုတာကို စိတ်ဝင်စားဖွယ်ကြည့်ရှုရမှာပါ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဒီဇာတ်ကားလေးက တော်တော်များများသိကြမယ့် နာမည်ကြီး အိန္ဒိယဇာတ်‌ကားကောင်းလေးပါ။ ပြန်ပြီးကြည့်ရှုခံစားချင်တဲ့သူတွေအတွက် တင်ဆက်ပေးလိုက်ပါတယ်။ အီရှန်ဆိုတဲ့ကလေးလေးဟာ ဒီလက်စထရာ ဆိုတဲ့ သင်ယူနိုင်စွမ်းအားနည်းတဲ့ လက္ခဏာကို ခံစားနေရတာဖြစ်ပါတယ်။ အားနည်းချက်နဲ့ အားသာချက် ဒွန်တွဲနေတတ်တယ်ဆိုသလိုပဲ ပန်းချီပညာမှာတော့ အီရှန်ဟာ တစ်ဖက်ကမ်းခတ်ထူးချွန်နေခဲ့ပါတယ်။ အတန်းထဲမှာ အမြဲတမ်းနောက်ဆုံးအဆင့်ရတဲ့ အီရှန်ကို ဘယ်သူမှနားလည်မပေးနိုင်ကြပါဘူး။ ပြဿနာပေါင်းများစွာဖြစ်ပြီးတဲ့အချိန်မှာတော့ အီရှန်ရဲ့အဖေက သားဖြစ်သူကို အတင်းအကြပ် အဆောင်ဝင်ခိုင်းလိုက်ပါတော့တယ်။ အဆောင်နေနေ့ရက်တွေက ကလေးငယ်ငယ်လေးတစ်ယောက်အတွက်တော့ စိတ်ဖိစီးစရာပါပဲ။ အကြပ်ရိုက်နေတဲ့အီရှန်အတွက် တစ်နေ့တော့ မျှော်လင့်ချက်ရောင်ခြည်လေးသမ်းလာပါတယ်။ အဲဒါကတော့ သူတို့ကျောင်းက ပန်းချီဆရာဖြစ်သူပါပဲ။ ဆရာက အီရှန်ခံစားနေရတဲ့ လက္ခဏာအကြောင်းသေချာသိနေပြီး ခက်ခဲတဲ့နေ့ရက်တွေထဲကနေ အီရှန့်ကိုဆွဲထုတ်ပေးဖို့ ကြိုးစားပါတော့တယ်။ ဆရာတပည့်နှစ်ယောက် အခက်အခဲတွေကိုဘယ်လိုဖြေရှင်းကြမလဲဆိုတာကို စိတ်ဝင်စားဖွယ်ကြည့်ရှုရမယ့် movieတစ်ခုဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yoon Cherry Kyaw ဖြစ်ပါတယ်

မြင်မြင်ချင်းချစ်မိသွားခဲ့လို့ လက်တွဲခဲ့ကြပေမဲ့ လက်ထပ်ပြီးနောက်ပိုင်းမှာမှ ခင်ပွန်းဖြစ်သူရဲ့ရိုက်နှက်တာကိုခံလာရတဲ့ ရိုးသားတဲ့ဇိုဟာတစ်ယောက် ခင်ပွန်းဖြစ်သူရဲ့အိမ်တွင်းအကြမ်းဖက်မှုဒဏ်ကို မကျေမနပ်နဲ့သည်းခံနေရင်း သူတို့ဘဝထဲကိုသမီးလေးတစ်ယောက်ရောက်လာတဲ့အခါ ထွက်သွားဖို့ပြင်နေတဲ့ဇိုဟာတစ်ယောက် နှောင်ကြိုးတွေနဲ့ရစ်ပတ်လာပါတော့တယ်။ သမီးလေးတစ်ယောက်ရလာပေမဲ့လည်း သူ့ယောက်ျားရဲ့စိတ်တိုရင်လက်ပါတတ်တဲ့အကျင့်ဟာ ပျောက်မသွားပါဘူး။ အကြမ်းဖက်တဲ့ဒဏ်ကိုလည်းမခံနိုင် သမီးနဲ့လည်းမခွဲနိုင်တဲ့ဇိုဟာက နောက်ဆုံးမှာသူ့ကိုယ်သူကာကွယ်နိုင်မဲ့နည်းပေါင်းစုံကိုလေ့လာရင်း ကွန်ဖူးဆရာကြီးတစ်ယောက်နဲ့ဆုံမိသွားတဲ့နောက် သူ့ကိုယ်သူဘယ်လိုဆက်ပြီးကာကွယ်သွားမလဲဆိုတာကိုကြည့်ရှုကြရမဲ့ ဇာတ်ကားတစ်ကားဖြစ်ပါတယ်။ ဒီဇာတ်လမ်းရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဟန်တာက တာမီရာဆိုတဲ့ မိန်းကလေးနဲ့ ဘလိုင်းဒိတ်လုပ်ဖို့ ချိန်းခဲ့တယ်။ ဒါပေမဲ့ တာမီရာက သူ့ကိုသတ်ဖို့ ရောက်လာတဲ့သူဖြစ်နေတဲ့အခါ .. တယောပညာရှင်ပီတာက သူ့မိန်းမအန်ဂျီကို အရမ်းချစ်တယ်။ ဒါပေမဲ့ သူ့မိန်းမရဲ့ ဖောက်ပြန်မှုကို ကိုယ်တိုင်တွေ့လိုက်ရတဲ့အခါ.. ဇီးနဲ့လီလီက အရမ်းချစ်ကြတဲ့ စုံတွဲတွေပေါ့။ ဒါသူတို့က စားသောက်ဆိုင်က ဝန်ထမ်းတွေဆိုတော့ မပြည့်စုံတဲ့ဘဝပေါ့။ အဲဒီအချိန်မှာပဲ ဇီးက ဒေါ်လာသန်းချီတန်တဲ့ မူးယစ်ဆေးထုပ်ကို ရသွားပြီး မူးယစ်ရာဇာတွေနဲ့ ပက်သတ်လာတဲ့အခါ သူတို့နှစ်ယောက်လိုချင်တဲ့ဘဝသစ်ကို ရနိုင်ပါ့မလား။ စားသောက်ဆိုင်မန်နေဂျာ မိုက်ကယ်က ဆိုင်ကပိုက်ဆံတွေကိုခိုးတဲ့အပြင် အန်ဂျီဆိုတဲ့ လင်ရှိမိန်းမနဲ့လည်း ဖောက်ပြန်နေတဲ့သူပေါ့။ သူတို့နှစ်ယောက်ရဲ့ ဖောက်ပြန်နေတာကို အန်ဂျီရဲ့ယောကျာ်းကသိသွားသလို စားသောက်ဆိုင်ပိုင်ရှင်ကလည်း သူပိုက်ဆံခိုးတာကိုလည်း သိသွားတဲ့အခါ သူတို့နှစ်ယောက် ဘယ်လိုရင်ဆိုင်ကြမလဲ။ ကြာချိန်တစ်နာရီခွဲအတွင်းမှာ အတွဲ (၄)တွဲရဲ့ မတူညီတဲ့ အကြောင်းအရာကို စိတ်ဝင်တစားကြည့်ရှူရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ marip pan ဖြစ်ပါတယ်