လူကြည့်များသော ရုပ်ရှင်များ

ဗီဒယာဆိုတဲ့ နာမည်ကြီးမင်းသမီးတစ်ဦးက အထီးကျန်လွန်းတဲ့ဘဝမှာ သူမအတွက်အကာအကွယ်ပေးနိုင်မယ့်ချစ်သူဖြစ်သူနဲ့ လက်ထပ်လိုက်ပါတယ်။ မင်းသမီးယောကျာ်းဖြစ်လာချိန်မှာတော့ ချစ်သူမဖြစ်ခင်က အယောင်ဆောင်ဘဝက မျက်နှာဖုံးကွာကျသွားခဲ့ပြီး ငွေအတွက်ကလွဲကျန်တာမကြည့်တတ်တဲ့ သရဲဘောကြောင်သူတစ်ယောက်ဖြစ်လို့နေပါတယ်။ လူမိုက်အုပ်စုနဲ့တွေ့ပြီး မင်းသမီးရဲ့ ဂုဏ်သိက္ခာကို ထိပါးလာတဲ့အချိန် ဘာမှအကာအကွယ်မပေးနိုင်တဲ့ယောကျာ်းဖြစ်သူအကြောင်းကိုသိသွားတဲ့အခါမှာ အိမ်ပေါ်က နှင်ချလိုက်ပါတော့တယ်။ ဗီဒယာရဲ့ယောကျာ်း ကရော ဘယ်လိုမျိုး သူ့ကိုပြန်ယုံကြည်လာအောင် ကြိုးစားမလဲဆိုတာကို စောင့်ကြည့်ရမယ့် အိန္ဒိယ အက်ရှင်လက်စားချေဟာသဇာတ်ကားကောင်းလေးဖြစ်ပြီး နိုင်ငံတကာမှာလည်း Rating 6.3/10 အထိ ရရှိထားတဲ့ ဇာတ်ကားလေးဖြစ်လို့ လက်မလွတ်တမ်းကြည့်ရှုသင့်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

Warfare ရုပ်ရှင်ဟာ 2006 ခုနှစ် အီရတ်စစ်ပွဲအတွင်းက အမေရိကန် Navy Seal တပ်ဖွဲ့ရဲ့ စစ်ရေးအမှတ်တရ ဖြစ်ရပ်မှန် အတွေ့အကြုံတွေကို ရိုက်ကူးထားတာဖြစ်ပါတယ်။ 2006 ခုနှစ်၊ အီရတ်နိုင်ငံ Ramadi မြို့ထဲမှာ တိုက်ခိုက်ခံရပြီး အိမ်တစ်အိမ်ထဲမှာ ဒဏ်ရာရသူတွေနဲ့ပိတ်မိနေတဲ့ Navy Seal တပ်ဖွဲ့က အဖွဲ့သားတွေ ကယ်ထုတ်ဖို့နဲ့ ဘေးလွတ်ရာရွှေ့ဖို့ ဆက်သွယ်ကြိုးပမ်းရတာတွေကို တပ်ဖွဲ့ဝင်တွေရဲ့ မှတ်ဉာဏ်တွေအပေါ် အခြေခံ ရိုက်ကူးထားပါတယ်။ လက်ရှိတပ်ထဲမှာ တာဝန်ထမ်းဆောင်နေတဲ့ တပ်ဖွဲ့ဝင်တွေရှိတာကြောင့် Identity လျှို့ဝှက်ပေးဖို့ အဓိကဇာတ်ကောင် Ray နဲ့ Elliot တို့ကလွဲပြီး ရုပ်ရှင်ထဲက အဖွဲ့သားတွေရဲ့နာမည်တွေကို ပြောင်းပေးထားပါတယ်။ Rotten Tomatoes 92% နဲ့ IMDB Rating 7.8/10 ရထားပြီး စစ်သားတွေရဲ့ လက်တွေ့ဖြစ်ရပ်တွေကို ပေါ်လွင်အောင် ပုံဖော်ထားလို့ ဝေဖန်သူတွေ ချီးကျူးနေတဲ့ လက်ရာကောင်းလို့ ညွှန်းချင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇစ်ဂီဆိုတဲ့ influencer မလေးတစ်ယောက်ဟာ Nature Oath ဆိုတဲ့မျိုးစေ့ထုတ်လုပ်ရေးကုမ္ပဏီတစ်ခုရဲ့ brand ambassador အဖြစ်ကမ်းလှမ်းခြင်းခံခဲ့ရပါတယ် ဒီလိုနဲ့ဇစ်ဂီဟာ အဲဒီ့ကုမ္ပဏီနဲ့စာချုပ်ချုပ်ဆိုပြီး ပထမနေ့မှာပဲ မွေးရပ်မြေကိုပြန်ဖို့အတွက်အကြောင်းဖန်လာခဲ့ပါတယ် ဇစ်ဂီကို brand ambassador အဖြစ်ကမ်းလှမ်းခဲ့တဲ့နောက်ကွယ်မှာ ဇစ်ဂီဆီကတစ်ခုခုအလိုရှိလို့အသုံးချခဲ့တဲ့အကြောင်းအရာတစ်ခုပေါ်လာတဲ့ပချိန်မှာတော့ ဇစ်ဂီတစ်ယောက်ဘာတွေရင်ဆိုင်ရမလဲ ကုမ္ပဏီကအလိုရှိနေတဲ့သူမရဲ့အဖိုးတန်အမွေတစ်ခုကိုထိန်းသိမ်းစောင့်ရှောက်နိုင်ပါ့မလားဆိုတာကို ပေါ့ပေါ့ပါးပါးလေးနဲ့ရသစုံစွာကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဒီတစ်ခေါက် ကျားဖြန့်ကားကတော့ ပေါ့ပေါ့ပါးပါးဟာသဆန်ဆန်လေးနဲ့ကြည့်ရမယ့် ကျားဖြန့်တွေကို ကတုံးပေါ်ထိပ်ကွက်မယ့်ကားပါ။ ရှေးယခင်ကတည်းက လိမ်လည်မှုတိုက်ဖျက်ရေးအဖွဲ့အစည်းကြီးတစ်ခုရှိပြီးတော့ ကိုယ့်ပိုင်နက်နဲ့ကိုယ် ကိုယ့်နည်းနဲ့ကိုယ် လူလိမ်တွေကိုဖမ်းဆီးကြ လိမ်လည်မှုတွေကို တိုက်ဖျက်ပေးကြတယ်။ အားလမ်တို့အဖွဲ့ဟာက ကျားဖြန့်‌တွေကိုကပ်ကာ နောက်ကွယ်က ကြိုးကိုင်သူကြီးတွေကို ဖမ်းဖို့ကြိုးစားနေကြတယ်။ သူတို့ကိုယ်တိုင်လူလိမ်တွေနဲ့ ပေါင်းလိမ်ကြပြီး ဆရာကြီးကိုဖမ်းရဖို့ စောင့်ဆိုင်းနေကြတယ်။ သူတို့ဖမ်းရမယ့်ဆရာကြီးက လွန်ခဲ့တဲ့ ၂၅ နှစ်ကတည်းက ပျောက်သွားပြီး ကိုယ်ရေးအချက်အလက်ပြောင်းကာ ထပ်ပြီးလိမ်လည်မှုကြီးတွေကိုကျူးလွန်နေသူဆိုတော့ ဘယ်လိုတွေဖော်ထုတ်ရှင်းလင်းကြမှာလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

အမေရိကန်အ‌နောက်ပိုင်းဇာတ်ကားဖြစ်ပြီး 1882 ခုနှစ် Wyoming ပြည်နယ်က အဖြစ်အပျက်တွေကို အခြေခံထားပါတယ်။ အထူးသဖြင့် အဲဒီခေတ်က တရားစီရင်ပုံနဲ့ သေဒဏ်ပေးတဲ့ဓလေ့ကို ပြချင်တာပါ။ မိဘတွေသေဆုံးသွားပြီး ဆွေမျိုးလည်းမရှိလို့ ညီငယ်လေးကို စောင့်ရှောက်နေရတဲ့ ဆယ်ကျော်သက်ကောင်လေး လူးကပ်စ်...ညီလေးကိုကာကွယ်ရင်း လူတစ်ယောက်သေသွားရာမှာ လူးကပ်စ်ကို အပြစ်ရှိတယ်ဆိုပြီး သေဒဏ်ချလိုက်ကြတယ်။ အဲဒီအချိန်မှာမှ သူတို့အမေရဲ့အဒေါ်ဖြစ်သူက လာတွေ့သလို နှစ်အတော်ကြာ ပျောက်နေတဲ့ အဘိုးရာဇဝင်လူဆိုးကြီး ဟာလန်ရက်စ်ကပါ သူ့ကိုလာကယ်ထုတ်သွားတယ်။ နှစ်ယောက်လုံးက အကျော်အမော်တွေဆိုတော့ မာရှယ်တွေက လိုက်နေတဲ့အပြင် ဆုကြေးထုတ်ထားလို့ ဆုကြေးမုဆိုးတွေကပါ အသည်းအသန်လိုက်ရှာနေကြတာပေါ့။ ကာယကံရှင်နှစ်ဦးသားကတော့ ပြေးရင်းလွှားရင်းနဲ့ပဲ အတိတ်က ဖြစ်ရပ်တွေ အမှတ်တရတွေကို ပြန်လည်ရှာဖွေရင်း‌ နောက်ဆုံးမှာ မြေးအဘိုးသံယောစဉ်ကို ဖော်ကျူးထားတဲ့ ဇာတ်လမ်းတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

မိန်းမလိုချင်တဲ့သားအဖနှစ်ယောက်ကြားက ဖြစ်ပေါ်လာတဲ့အလွဲများနဲ့ဖြေရှင်းပုံနည်းလမ်းအမှားတွေကို တင်ဆက်ပေးထားတဲ့ အချစ်ဟာသဇာတ်ကားလေးတစ်ကားပဲဖြစ်ပါတယ်။ ရာမာနာက ဇနီးဖြစ်သူ သေဆုံးသွားပြီးကထဲက သားဖြစ်သူ ကာရှာနာကို တစ်ဦးထဲပြုစုပျိုးထောင်ပေးခဲ့တာပါ။ သားဖြစ်သူအရွယ်ရောက်လာတော့ မိန်းမပေးစားဖို့ လိုက်ပြီးတောင်းရမ်းပေးပေမဲ့ သားအဖနှစ်ဦးထဲ ဖြစ်သလိုနေနေတဲ့ အိမ်ကို ဘယ်သမီးရှင်ကမှ သူတို့သမီးကို ထည့်မပေးလိုကြပါဘူး။ မိသားစုတစ်ခု ရရှိလာဖို့အချစ်ကိုရှာကြတဲ့အချိန်မှာ မထင်မှတ်ဘဲ သားအဖနှစ်ယောက်စလုံးက ချစ်သူကိုယ်စီ ရှာဖွေတွေ့ရှိသွားပါတယ်။ သူတို့ရှာတွေ့သွားတဲ့ချစ်သူတွေကြားက ပြဿနာတွေက ဘာတွေဖြစ်မလဲ။ ဒီပြဿနာတွေကို သားအဖနှစ်ယောက်ပေါင်းပြီး ဘယ်လို‌ဖြေရှင်းကြမလဲဆိုတာကို ဟာသနှောပြီး ရိုက်ကူးထားတဲ့ အိန္ဒိယတီလဂူစကားပြော ဇာတ်ကားကောင်း‌လေး တစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

လီယိုဆိုတဲ့ကောင်လေးက သူ့ကောင်မလေးနဲ့လက်ထပ်ဖို့ပြင်ဆင်နေချိန်မှာ သူ့ရဲ့ကျန်ရှိနေတဲ့ တစ်ဦးတည်းသောမိသားစုဝင်ဖြစ်တဲ့ သူ့ဦးလေး အေဒန်နဲ့ပြန်ပြီး အဆင်ပြေအောင်လုပ်မယ်ဆိုတဲ့ရည်ရွယ်ချက်နဲ့ သူ့ဦးလေးအိမ်ကိုသွားကြပါတယ် ဒါပေမယ့် သူ့ရဲ့အဓိကရည်ရွယ်ချက်က အဲဒါမဟုတ်ပါဘူး သူ့ဦးလေး အေဒန်ရဲ့မိသားစုမှာလည်း ထူးခြားတဲ့ဇာတ်လမ်းလေးတွေရှိပါတယ် အေဒန်မှာသားတစ်ယောက်ရှိခဲ့ပေမယ့် သူ့သားမရှိတော့တဲ့နောက်ပိုင်း သူ့သားအနေနဲ့ စက်ရုပ်တစ်ခုတီထွင်ထားပါတယ် အဲဒီစက်ရုပ်ကို သူ့သားနာမည် ရော်ဘင်ဆိုတဲ့အတိုင်း နာမည်ပေးထားတာပါ တစ်နေ့မှာ မတော်တဆမှုကြောင့် အတိတ်မေ့သွားတဲ့ရော်ဘင်ရဲ့အိမ်ဖော် ဖရီယာက ရုတ်တရက်ပျောက်ဆုံးသွားပြီး ရဲတွေလာရောက်စုံစမ်းကြပါတယ် စုံစမ်းရင်း အမှုဖော်နိုင်ကြပါ့မလား တရားခံကိုရော ဖမ်းမိပါ့မလား လီယိုရော သူ့ဦးလေးရဲ့အိမ်ကိုလာတဲ့သူ့ရည်ရွယ်ချက် အောင်မြင်ပါ့မလားဆိုတာကို သည်းထိပ်ရင်ဖိုဇာတ်လမ်းဖြစ်တဲ့အတွက် ရင်တလှပ်လှပ်နဲ့ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဒီတစ်ခေါက်မှာ "Crazxy 2025" ဆိုတဲ့ Movie နဲ့မိတ်ဆက်ပေးပါမယ် 7/10 နီးပါးရထားတာဖြစ်တဲ့အတွက် Rating မြင့်တဲ့ကားလို့ပြောလို့ရပါတယ် သူ့ပုံစံက One day Survival Drama တွေလိုမျိုး တစ်ရက်တည်းမှာ ကြုံရတဲ့ပြဿနာတွေကနေ ဘယ်လိုရုန်းထွက်ရလဲဆိုတဲ့ ပုံစံပါ ဇာတ်လမ်းအကျဉ်းကတော့ ဒေါက်တာအဘီမန်နူဆွတ်က အရမ်းတော်တဲ့ခွဲစိတ်ဆရာဝန်တစ်ယောက် သူ့မှာ Down syndrome ရောဂါခံစားနေရတဲ့ သမီးတစ်ယောက်ရှိတယ် ဒီကလေးမလေးကို သူကအရမ်းမုန်းတယ် တစ်နေ့မှာ မတော်တဆ လူနာတစ်ဦးသေသွားတာကိုအကြောင်းပြုပြီး လျော်ကြေးပေးဖို့ဖြစ်လာတယ် ဒါကိုသွားပေးတဲ့ရက်မှာ သူ့သမီးကိုပြန်ပေးဆွဲခံလိုက်ရတယ် ဒီအခါမှာ သူ့ဘဝကိုရွေးမလား? သူမုန်းတဲ့ သူ့သမီးကိုရွေးမလား ? အစကတော့ ပေါ့ပေါ့ပါးပါးနဲ့ ပြီးမှ တဖြည်းဖြည်း ဇာတ်ရှိန်တက်ပြီး မွန်းကြပ်လာတာ အရမ်းမိုက်တယ် ထပ်တိုး Review ပေးချင်တာက OST တွေ အရမ်းကောင်းတယ် ဒီလောက်ဆို လုံးဝကြည့်သင့်တဲ့ဇာတ်ကားဖြစ်နေတာမို့ တင်ဆက်ပေးလိုက်ပါပြီ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီဇာတ်ကား​လေးက​​တော့ ထိုင်းကားကြိုက်ကြတဲ့ပရိသတ်ကြီး​တွေနဲ့ရင်းနှီးပြီးသား ထိုင်းဟာသသရုပ်​ဆောင်များစွာပါဝင်ထားတဲ့ အက်ရှင်ဟာသကား​လေးဖြစ်ပါတယ်။ ကူရာဂါရွာ​လေးမှာ ​နေထိုင်ကြတဲ့ ဒူအန်းတို့ လိင်တူချစ်သူအဖွဲ့ဟာ သူတို့တိုင်းပြည်ကို သိမ်းပိုက်ဖို့ကြံစည်​နေတဲ့ ရန်သူ့နယ်​မြေထဲကို ဝင်​ရောက်ပြီး သူလျှိုလုပ်ကာ တိုက်ပွဲနဲ့ပတ်သက်တဲ့အချက်အလက်​တွေကို ​ထောက်လှမ်းဖို့ ကြိုးစားရပုံကို သရုပ်​​ဖော်ရိုက်ကူးထားပါတယ်။ ဒူအန်းတို့အ​နေနဲ့ ​ပေးအပ်ထားတဲ့တာဝန်ကို ​အောင်မြင်စွာလုပ်​ဆောင်နိုင်မှာလား၊ သူတို့ရွာကို​ရော ကာကွယ်နိုင်မှာလားဆိုတာကို ဟာသဇာတ်ကွက်များစွာနဲ့ ခံစားကြည့်ရှုရမယ့် ထိုင်းအက်ရှင်ဟာသကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

၁၉၇၂ ခုနှစ်က Riyoko Ikeda ရေးသားခဲ့သော နာမည်ကြီး မန်ဂါကို အခြေခံပြီးရိုက်ကူးထားတဲ့ ၁၈ ရာစုအလယ်ပိုင်း ပြင်သစ်နိုင်ငံတွင် ဖြစ်ပျက်ခဲ့တဲ့ ပြင်သစ်တော်လှန်ရေးကာလကို နောက်ခံထားပြီရိုက်ကူးထားတဲ့ ကားလေးဖြစ်ပါတယ်၊ ဇာတ်ကားထဲမှာတော့ ပန်းလေးနှစ်ပွင့်အဖြစ်တင်စားကာ ဖော်ပြထားတဲ့ ငယ်စဉ်ကတည်းကတော်ဝင်အစောင့်မျိုးရိုးကြောင့်‌ မိန်းကလေးဖြစ်ပေမယ့် ယောက်ျားလေးအဖြစ် လက်နက်ကိုင်တာဝန်ထမ်းဆောင်ရတဲ့ Oscar François de Jarjayes ၊ နှစ်နိုင်ငံမဟာမိတ်ကြောင့် ငယ်စဉ်ကတည်းက ပြင်သစ်ကိုထိမ်းမြားဖို့ရောက်ရှိလာရတဲ့ ဘုရင်မလောင်း Marie Antoinette အဲ့ဒီဇာတ်ကောင်နှစ်ခုကို အဓိကထားပြီး ပြင်သစ်နိုင်ငံတော်လှန်ရေး လူအတန်းအစားခွဲခြားမှု ဝတ္တရားကြားကဆန့်ကျင်မှုတွေ ဒါတွေကိုရိုက်ကူးထားတဲ့ဇာတ်လမ်းကောင်းလေးမလို့ လက်လွှတ်မခံကြည့်ရှုသင့်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

Marrying the Mafia ရဲ့ ငါးကားမြောက် ရုပ်ရှင်ဖြစ်ပြီး IMDb Rate 4.9 ရရှိထားပါတယ်။ လူဆိုးလူမိုက်ဘဝတွေကနေ ဘဝသစ်စထားရတဲ့ မိသားစုမှာ ညီအစ်ကိုသုံးယောက်ခမျာ လုပ်သမျှ တလွဲဖြစ်တာများပြီး သူတို့ယောက်ဖဖြစ်သူကို ကြည့်မရရာကနေ ဘယ်လိုတွေ လွဲပြီး ဘယ်လိုတွေ အူပြတ်မတတ် ရယ်ရမလဲဆိုတာ ကြည့်ကြည့်လိုက်ပါနော်။ ဘာသာပြန်နှင့် အညွှန်းတင်ဆက်သူ - ခန့်ကြော့ဇင်

မင်းသား Anthony Mackie၊ Martin Lawrence နဲ့ Laurence Fishburne တို့အသံသရုပ်ဆောင်အဖြစ် ပါဝင်ပေးထားတဲ့ Comedy/ Adventure Animated Film အသစ်တစ်ခု တင်ဆက်ပေးချင်ပါတယ်။ ‘အက်ဒ်ဆင်’ဆိုတဲ့ အထက်တန်းကျောင်းသားလေးတစ်ယောက်က အားကစားဖိနပ်ဂါလာပွဲတစ်ခုကို လာရောက်ရင်း ကံစမ်းမဲပေါက်သွားပါတယ်။ သူကံစမ်းမဲပေါက်သွားတဲ့ဖိနပ်လေးက ဘက်စကက်ဘောသမားတွေ ခုန်တဲ့အခါမှာ ပိုမိုလွယ်ကူအောင်လို့ အထူးထုတ်လုပ်ထားတဲ့ Alchemy 24s ဆိုတဲ့ ဖိနပ်လေးပါ။ အားကစားဖိနပ်ဂါလာဆိုမှတော့ ဖိနပ်စုဆောင်းသူတွေလည်း လာကြပြီး အဲ့ထဲက တကယ့်ဘီးကြဲတစ်ယောက်က အက်ဒ်ဆင်မဲပေါက်သွားတဲ့ ဖိနပ်ကို အသေရရ အရှင်ရရလိုချင်နေသူ တစ်ဦးဖြစ်တယ်။ အက်ဒ်ဆင်က မရောင်းဘူးလို့ အပြတ်ငြင်းလိုက်တဲ့အတွက် အဲ့’စုဆောင်းသူ’က အက်ဒ်ဆင်ရဲ့ အိမ်အထိလိုက်ပြီး ဖိနပ်ခိုးပါတော့တယ်။ ဖြစ်ချင်တော့ ဖိနပ်လေးတွေက အသက်ဝင်နေတာဖြစ်ပြီး ‘မက်ဆင်း’လို့ခေါ်တဲ့ ဖိနပ်တစ်ခြမ်းက အက်ဒ်ဆင်နဲ့ နေချင်တယ်။ ‘တိုင်’လို့ ခေါ်တဲ့ နောက်တစ်ဖက်ကကျ စုဆောင်းသူရဲ့ လက်ထဲမှာ ဇိမ်နဲ့နေချင်တယ်။ ဒါပေမဲ့ စုဆောင်းသူက ဖိနပ်ခိုးပြီး အိမ်ပြန်လာတဲ့လမ်းမှာ တိုင်နဲ့ မက်ဆင်းရန်ဖြစ်ကြရင်း တိုင်က လမ်းတဝက်မှာတင် ပြုတ်ကျကျန်ခဲ့တော့တယ်။ ဒီတော့ ဖိနပ်လေး ၂ ဖက် အချင်းချင်းပြန်တွေ့ကြဖို့ ဘယ်လိုစွန့်စားခန်းတွေ ထွက်ကြရမလဲဆိုတာကတော့...။ အညွှန်းနဲ့ ဘာသာပြန်ကတော့ LYKZ ဖြစ်ပါတယ်။

ဒီဇာတ်လမ်းကတော့ စိန့်မာတင်ကောလိပ်ကိုအသစ်ရောက်လာတဲ့ ယူဝါရဲ့ဇာတ်လမ်းပဲဖြစ်ပါတယ်။ အဲဒီကျောင်းမှာ အရင်ကသူငယ်ချင်းဖြစ်ခဲ့ပေမဲ့ အခုရန်သူဖြစ်နေတဲ့ ကျောင်းရဲ့နာမည်ကြီးစီနီယာဇေဗီယာနဲ့ တွေ့လိုက်ရတယ်။ အတိတ်မှာရန်ကြွေးတွေရှိခဲ့တဲ့သူတို့ အခုမျက်နှာချင်းဆိုင်ပြန်တွေ့လိုက်ရချိန်မှာ ရင်ထဲကမီးတွေကပိုတောက်လာကြတယ်။ ကောလိပ်ရဲ့ပွဲတော်ကြီးနီးလာတော့ ယူဝါနဲ့ဇီတို့ကြားက ရန်ငြှိုးကလည်းပိုပိုတိုးလာတယ်။ ကောလိပ်ပွဲတော်ကို စီနီယာတွေကကျင်းပမယ် ဂျူနီယာတွေကကျင်းပမယ်နဲ့ ပဋိပက္ခတွေဖြစ်ပြီး တဖြည်းဖြည်း တခြားကျောင်းသားတွေပါလာပြီးတော့ စီနီယာတွေတစ်ဘက် ဂျူနီယာတွေတစ်ဘက်နဲ့ ကျောင်းတော်ရဲ့ရန်ပွဲကြီးကပိုပိုကြီးလာပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဒီကားလေးမှာဆိုရင်တော့ စိတ်ရောဂါအထူးကုဆရာဝန်တစ်ယောက်ဖြစ်တဲ့ မီရန်ဒါက ကလိုဝီဆိုတဲ့ကောင်မလေးတစ်ယောက်နဲ့ စကားပြောနေခဲ့ပါတယ်။ ဒါပေမဲ့ နေ့ချင်းညချင်းမှာပဲ သူမက ကလိုဝီကြုံတွေ့သလို ကြုံတွေ့ရဖို့ဖြစ်လာတဲ့အခါ...။ သေဆုံးသွားပြီးတဲ့သူတွေကရော သူမနဲ့ ဘယ်လိုမျိုး ပတ်သတ်ဆက်နွှယ်မှုတွေရှိလာမှာလဲ။ စိတ်ရောဂါကုဆရာဝန်တစ်ယောက်က ထင်ယောင်ထင်မှားဖြစ်တာမျိုးလား တကယ်ပဲ မကောင်းဆိုးရွားတွေကိုမြင်နေရတာလား ဒီအခက်အခဲတွေကိုရော သူမကျော်လွှားနိုင်ပါ့မလားဆိုတာကို ဒီကားလေးမှာ စိတ်ဝင်စားဖွယ်ကြည့်ရှုနိုင်မှာပဲဖြစ်ပါတယ်။ အညွှန်းနဲ့ ဘာသာပြန်ကတော့ N ဖြစ်ပါတယ်။

ယောကျာ်းသေပြီး ကလေးတစ်ယောက်နဲ့ မုဆိုးမဖြစ်သွားတဲ့ ဗိုင်အိုလက်ဆိုတဲ့ အမျိုးသမီးက နှစ်တွေအများကြီးကြာပြီးမှ App က တစ်ဆင်တွေ့တဲ့ သူ့ဒိတ်နဲ့ စားသောက်ဆိုင်မှာချိန်းပြီး ညစာစားပါတယ်။ ဒါပေမဲ့ အဲဒီ ပထမဆုံးဒိတ်ကနေ ရင်တုန်စရာ အန္တရာယ်တွေ ပေါ်လာပြီး သက်စွန့်ဆံဖျား စွန့်စားခန်းကြီး ဖြစ်သွားတာ စိတ်ဝင်စားဖို့ကောင်းပါတယ်။ ဗိုင်အိုလက်နဲ့ ဒိတ်တဲ့ဟင်နရီက ရိုးသားအေးဆေးပြီး မြို့တော်ဝန်ရဲ့ ဓာတ်ပုံဆရာဖြစ်ပါတယ်။ သာသာယာယာဒိတ်မယ်ဆိုပြီး ချိန်းလိုက်ပေမယ့် ဗိုင်အိုလက်ဆိုင်ထဲရောက်လာတည်းက သူ့ဖုန်းထဲကို Airdrop ကနေ ပုံမှန်မဟုတ်တဲ့ စာတွေဝင်လာပြီး ခြိမ်းခြောက်နေပါတယ်။ အိမ်မှာကျန်ခဲ့တဲ့သားလေးရဲ့ အသက်နဲ့ပါ ခြိမ်းခြောက်လာတာမို့ ဒိတ်ပေါ်အာရုံမရောက်တော့ဘဲ ဆိုင်ထဲက ဘယ်သူ့လက်ချက်လဲဆိုတာ ဖော်ထုတ်ဖို့ ကြိုးစားရင်း ပိုကြီးမားတဲ့အမှုတွဲထဲ ပါသွားတဲ့အဖြစ်ကို ရှုစားရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

အားဝါ၊ အားကော့နဲ့ အားဖေးတို့ဟာ Traid ဂိုဏ်းတစ်ခုက ဖာကွမ်ဆိုသူရဲ့ တပည့်တွေဖြစ်ကြပြီး သံယောဇ‌ဉ်ကြီးကြတယ်။ ဆရာဖြစ်သူဖာကွမ် ဂိုဏ်းချုပ်အဖြစ်အရွေးခံရတော့မယ့်အချိန်မှာ သူတို့ ၃ ယောက်ဟာ အမှားတစ်ခုကို လုပ်လိုက်မိရာကနေ ပြဿနာအကြီးအကျယ်တက်သွားခဲ့ရပြီး အားလုံးရဲ့အသက်အန္တရာယ်စိုးရိမ်ရမယ့် အခြေအနေကိုရောက်ကုန်တာကြောင့် သူတို့ညီအစ်ကိုသုံးယောက် ဘယ်လိုတွေဖြေရှင်းကြရမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ရှူးလို့ခေါ်တဲ့ကောင်မလေးဟာသူနာပြုကျောင်းသူတစ်ယောက်ဖြစ်ပြီး မိခင်ဖြစ်သူနဲ့မပြေလည်မှုတွေရှိနေတဲ့သူလဲဖြစ်ပါတယ် ရှူးဟာသူမရဲ့ချစ်သူကောင်မလေးနဲ့အတူနေထိုင်လျက်ရှိပါတယ် တစ်နေ့မှာတော့ ရှူးဟာဝေးလံခေါင်ဖျားလှတဲ့အိုင်ဟာလန်ကရွာလေးတစ်ရွာမှာအဘွားတစ်ယောက်ကိုပြုစုစောင့်ရှောက်ဖို့တာဝန်ပေးခြင်းခံခဲ့ရပါတယ် တောတောင်ထဲက‌မှောင်မှောင်မိုက်မိုက်အိမ်မှာပက်ခ်လို့ခေါ်တဲ့အဘွားအိုကိုပက်ခ်တစ်ယောက်ပြုစုစောင့်ရှောက်ပေးရာမှာဘယ်လိုအခက်အခဲတွေကြုံရမလဲ အကြောက်လွန်ရောဂါသည်ဖြစ်ပြီး ရူးနေတယ်လို့ရွာသားတွေကသတ်မှတ်ထားတဲ့အဘွားအိုရဲ့ဂျီကျမှုတွေကိုရှူးတစ်ယောက်သည်းခံနိုင်ပါ့မလား လျှို့ဝှက်ဆန်းကြယ်မှုတွေများပြားလှတဲ့အိမ်ကြီးထဲမှာပက်ခ်နဲ့ရှူးတို့ဘယ်လိုနှစ်ပါးသွားကြမလဲ သည်းထိတ်ရင်ဖိုဇာတ်လမ်းဆိုပေမဲ့ အရမ်းအော်ဟစ်ပြီးကြောက်စရာကောင်းရတာမျိုးမဟုတ်ပဲ ငြိမ့်ငြိမ့်ကလေးအသည်းတလှပ်လှပ်ခြောက်ခြားစွာနဲ့ကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဒီဇာတ်ကား​လေးက​​​တော့ ဖြစ်ရပ်မှန်ဇာတ်လမ်း​လေးကို အ​ခြေခံရိုက်ကူးထားတဲ့ အင်ဒို​ဟော်ရာကား​လေးဖြစ်ပါတယ်။ ညားခါစစုံတွဲကို ကွဲကွာ​စေချင်လို့ ​အောက်လမ်းပညာနဲ့ ကျိန်စာတိုက်ခံထားတဲ့အ​ကြောင်းကို ရိုက်ကူးထားခြင်းဖြစ်ပါတယ်။ မာယာနဲ့ ဒွန်မာတို့ဟာ သူငယ်ချင်းမကရည်းစားမကျဆက်ဆံ​ရေးရှိထားတဲ့ သူငယ်ချင်း​တွေပါ။ မာယာဟာ အိမ်​ထောင်ပြုပြီး သာယာတဲ့မိသားစုဘဝကို အမြန်ဆုံးတည်​ဆောက်ချင်သူဖြစ်ပြီး သူ့ကိုတကယ်မြတ်နိုးတယ်ဆိုရင် သူ့အ​ဖေဆီလာ​​တောင်းရမ်းယူဖို့ ဒွန်မာကို ​ပြောခဲ့ပါတယ်။ ဒွန်မာက​တော့ ​ငွေ​ကြေးစု​ဆောင်းပြီးမှ လက်​ထပ်ရ​အောင်ဆိုကာ သူတို့ဘွဲ့ယူတဲ့​နေ့မှာပဲ သူ့ရွာ​​လေးကို ပြန်သွားခဲ့ပါတယ်။ ဒီလိုနဲ့ မာယာ့ကို လက်ထပ်ယူချင်တဲ့ အန်ဒီဆိုတဲ့အမျိုးသားတစ်ဦး မာယာ့ဘဝထဲကို​ ရောက်လာခဲ့ပါတယ်။ မိဘ​တွေကလည်း သ​ဘောတူကြည်ဖြူလို့ သူတို့နှစ်ဦး​ရွှေလက်တွဲခဲ့ပါတယ်။ မာယာတို့လက်ထပ်တဲ့ကာလအပိုင်းအခြားကို ​သေချာရိုက်ပြထားပြီး အချိန်နဲ့အမျှ သူတို့အိမ်​ထောင်​​ရေးမှာ အတိုက်အခိုက်​တွေ​ပေါ်လာပြီး ရုန်းကန်ရပုံ၊ သူတို့အိမ်​ထောင်​ရေးကို ပြိုကွဲ​စေချင်တဲ့သူ​တွေရဲ့ကျိန်စာကို သူတို့ရင်ဆိုင်ရပုံ၊ သဘာဝလွန်ဖြစ်ရပ်ဆန်း​တွေ ကြုံ​တွေ့ရပုံစသဖြင့် ထိတ်လန့်စရာဇာတ်ဝင်ခန်းများစွာနဲ့ ခံစားကြည့်ရှုရမှာပဲ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အစဥ်အလာကြီးမားတဲ့ နာမည်ကြီး ကိုရီးယားသရဲကားစီးရီးဖြစ်တဲ့ Whispering Corridors(စင်္ကြံထက်မှ တီးတိုးသံများ)ရဲ့အမြစ်စတွယ်ရာ ဇာတ်လမ်းဖြစ်ပြီး IMDb Rate 5.9 ရရှိထားတဲ့ Old but Gold ရုပ်ရှင်တစ်ပုဒ်လဲ ဖြစ်ပါတယ်။ လူတစ်ယောက်စီအတွက် အကောင်းအဆိုး ရောယှက်နေတဲ့ အမှတ်ရစရာမျိုးစုံကို ယူဆောင်ပေးတတ်တဲ့ "ကျောင်း"ဆိုတဲ့ နေရာမျိုးမှာ ကျောင်းသူတစ်ယောက်၊ ဆရာမတစ်ယောက်၊ ဆရာတစ်ယောက် ဘဝဇာတ်သိမ်းမလှဘဲ ဆုံးထားရင်တော့ အဲဒီကျောင်းက ခြောက်ခြားစရာကောင်းနေမှာ အမှန်ပါပဲ။ အထက်တန်း တတိယနှစ်ရောက်ရင် ဖိအားတွေ များလာတာနဲ့အမျှ သူငယ်ချင်းကောင်းတွေလဲ ရှားလာတတ်တာ သဘာဝဆိုပေမဲ့ ဒုတိယနှစ်အထိ အထီးကျန်နေသူ ယွန်ဂျယ်အီ(Choi Kang Hee)ကတော့ တတိယနှစ်ရောက်မှ သူ့အပေါ် စိတ်ရင်းနဲ့ ခင်ပေးမဲ့ အင်ဂျီအို(Kim Gyu Ri)ဆိုတဲ့ ပန်းချီဝါသနာအိုး သူငယ်ချင်းကောင်းလေး ပေါ်လာပါတော့တယ်။ သူတို့ရဲ့အရင်အတန်းပိုင် "မြေခွေးအိုမကြီး"ကတော့ ကျောင်းမှာတင် ပဟေဠိဆန်ဆန် သတ်သေသွားတာဖြစ်ပြီး လက်ရှိအတန်းပိုင်ဆရာ "ခွေးရူး"ကလဲ စာမှစာပဲ အားပေးသလိုလိုနဲ့ နှာမှနှာထနေတဲ့ နှာဘူးဆရာတစ်ယောက်ဖြစ်နေလေရဲ့..။ အဲဒီနှာဘူးခွေးရူးဆရာဟာ စာကလွဲပြီး ကျန်တာဆိုရင် သရဲခေါ်တာကအစ ကျွမ်းကျင်တဲ့ အင်ဂျီအိုနဲ့တော့ ရန်သူတော်ကြီးပေါ့။ တစ်နေ့မှာတော့ နှာဘူးခွေးရူးဆရာခမျာ ပျောက်ချင်းမလှပျောက်သွားပြီး စာသင်ခန်းထဲမှာ သွေးစီးကြောင်းတစ်ခု ပေါ်လာပါလေရော။ တစ်ဖက်မှာတော့ အတန်းပိုင်ဟောင်း မြေခွေးအိုမကြီ

ဒီကားလေးကတော့ 2006ခုနှစ်ကထွက်ရှိခဲ့တာဖြစ်ပြီး ဟိုတလောကမှ တင်ဆက်ထားတာဖြစ်တဲ့ 2001တုန်းကထွက်ခဲ့တဲ့My boss,My heroရဲ့ ဇာတ်လမ်းအဆက်လေးပါ။ လူမိုက်ဂိုဏ်းခေါင်းဆောင် ဂယ်ဒူရှစ်တစ်ယောက် အထက်တန်းကျောင်းအောင်ပြီးပေမဲ့ သူတို့လူမိုက်အစ်ကိုကြီးရဲ့အမိန့်နဲ့ တက္ကသိုလ်ဆက်တက်ခဲ့ရပြန်ပါတယ်။ တက္ကသိုလ်ကို သူကိုယ်တိုင်မတက်ဘဲ သူ့တပည့်ဖြစ်သူ ဂင်ဆန်းဒူကို သူ့နေရာအစားထိုး ဝင်တက်ခိုင်းခဲ့ပါတယ်။ ဒါပေမဲ့ နောက်ဆုံးနှစ်မလို့ အထက်တန်းကျောင်းတစ်ခုမှာ ကွင်းဆင်းပြီး သူကိုယ်တိုင် ဆရာလုပ်ရဖို့ဖြစ်လာခဲ့ပါတယ်။ ဒီတစ်ခေါက်မှာလည်း ဂယ်ဒူရှစ်၊ ဂင်ဆန်းဒူနဲ့ ခေါင်းကြီး တို့ဘယ်လိုအလွဲတွေနဲ့ ထပ်ခွီးရမလဲဆိုတာ ကြည့်ရှုကြရမဲ့ ကားလေးတစ်ကားပါ။ ဒီကားကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

Horror ကားကိုမှ ဟာသ ​နှောထားတဲ့ ဇာတ်ကား​ကောင်း လာပါပြီ။ အ​ပျော်စခန်း ပိုင်ရှင်​တွေဖြစ်တဲ့ ဂျွန်နဲ့ ကက်သီက တစ်ညမှာ ရက်ရက်စက်စက် သတ်ဖြတ်ခံလိုက်ရပါတယ်။ အဲဒီကိစ္စကို မသိဘဲ တစ်​နေ့ကျ​တော့ အ​ပျော်စခန်းထွက်သူ​တွေ ​ရောက်လာကြပါတယ်။ အဲဒီထဲမှာ ​ဂျေဆင် ဆိုသူလည်း ပါဝင်ပြီး ဂျွန်နဲ့ ကက်သီ မရှိ​ချိန် သူက ​စခန်းခေါင်း​ဆောင်အ​နေနဲ့ ဦး​ဆောင်ခဲ့ပါတယ်။ သိပ်မကြာခင်မှာပဲ အဖွဲ့ထဲက တစ်​ယောက်ပြီး တစ်​ယောက် အသတ်ခံရပါ​​တော့တယ်။ အဲဒီကိစ္စကို ဂျေဆင်က သတိပေး​​ပေမဲ့ အားလုံးက ​နောက်​နေတယ်လို့ပဲ ထင်ကြပါတယ်။ ​​နောက်​တော့ ​​သေဆုံး​နေသူ​တွေကို မျက်မြင် ​တွေ့တော့မှ လန့်ဖျပ်ပြီး ထွက်​ပြေးဖို့ လုပ်​ပေမဲ့ ကားက စက်နှိုးလို့ မရခဲ့ပါဘူး။ ဒါ့အပြင် ဖုန်း​တွေလည်း မရှိ​တော့တာမို့ အကူအညီ တောင်းမရ ဖြစ်​နေခဲ့ပါတယ်။ သူတို့လည်း မတတ်နိုင်တဲ့အဆုံး အခန်းထဲ ပိတ်​နေခဲ့ပါတယ်။ ဒါ​ပေမဲ့ ​ဂျေဆင်ကို လူသတ်သမားလို့ သံသယ ဝင်လာတဲ့အခါ ဘာ​တွေ ဆက်ဖြစ်ကြမလဲ။ တရားခံကို ဖမ်းမိမှာလားဆိုတာ ရင်ခုန်စိတ်လှုပ်ရှားစွာ ​ကြည့်ရှုခံစားလိုက်ကြပါဦး။ ဒီဇာတ်ကားအတွက် အညွန်း​​ရေးသားသူနှင့် ဘာသာပြန်မှာ Poe Yin Thar ဖြစ်ပါတယ်။

ဒီဇာတ်ကားက နာမည်ကျော် ဓာတ်ပုံဆရာ Diane Arbus ရဲ့ ဘဝကို စိတ်ကူးယဉ်ဆန်ဆန် ပုံဖော်ထားတဲ့ ဒရာမာဇာတ်ကားတစ်ကားဖြစ်ပါတယ်... ဇာတ်လမ်းက ၁၉၅၈ ခုနှစ် နယူးယောက်မြို့မှာ စတင်ပြီး Diane Arbus (Nicole Kidman) ဟာ သူမရဲ့ ဓာတ်ပုံဆရာခင်ပွန်း Allan (Ty Burrell) ရဲ့ လက်ထောက်အဖြစ် အိမ်ထောင်ရှင်ဘဝမှာ ပိတ်မိနေတဲ့ အမျိုးသမီးတစ်ဦးအဖြစ် စတင်ပေါ်ထွက်လာပါတယ်။ သူမရဲ့ တည်ငြိမ်ပြီး သမားရိုးကျဘဝဟာ အိမ်နီးချင်း လျှို့ဝှက်ဆန်းကြယ်တဲ့ Lionel Sweeney (Robert Downey Jr.) နဲ့ တွေ့ဆုံတဲ့အခါ ပြောင်းလဲသွားပါတယ်။ Lionel ဟာ သူ့ရဲ့ ထူးခြားတဲ့ ရုပ်ရည်နဲ့ အနုပညာဆန်တဲ့ စိတ်ဓာတ်ကြောင့် Diane ရဲ့ စူးစမ်းလိုစိတ်ကို နှိုးဆွပေးပြီး သူမရဲ့ ဖိနှိပ်ထားတဲ့ အနုပညာစိတ်ကို လွတ်မြောက်စေပါတယ်။ Lionel ရဲ့ လွှမ်းမိုးမှုအောက်မှာ Diane ဟာ သူမရဲ့ ကိုယ်ပိုင်အနုပညာခရီးကို စတင်ပြီး လူ့အဖွဲ့အစည်းရဲ့ အစွန်းရောက်တွေနဲ့ ထူးခြားသူတွေကို ဓာတ်ပုံရိုက်ဖို့ ရဲဝံ့လာပါတယ်။ အဆုံးသတ်မှာ Diane ရဲ့ အနုပညာခရီးနဲ့ Lionel နဲ့ ဆက်ဆံရေးရဲ့ နောက်ဆက်တွဲကို ရှင်းရှင်းလင်းလင်း ဖြေရှင်းမပြတဲ့အပြင် Diane ရဲ့ လွတ်မြောက်မှုဟာ တကယ်ပဲ ပြီးပြည့်စုံခဲ့လား၊ ဒါမှမဟုတ် သူမရဲ့ ရှာဖွေမှုဟာ ပိုမိုနက်ရှိုင်းတဲ့ မေးခွန်းတွေဆီ ဦးတည်နေတာလားဆိုတာကို ကိုယ်တိုင်ပဲကြည့်ရှုခံစားကြည့်လိုက်ပါ..... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zeke ဖြစ်ပါတယ်

2013 ခုနှစ်ကထွက်ရှိခဲ့ပြီး IMDB rating 8 အထိရရှိခဲ့တဲ့ မင်းသားကြီး Joaquin Phoenix သရုပ်ဆောင်ထားတဲ့ Her ဆိုတဲ့ဇာတ်ကားလေးနဲ့မိတ်ဆက်ပေးပါရစေ ဇာတ်လမ်းထဲတွင် အိမ်ထောင်ရှင်အမျိုးသားတစ်ယောက်နဲ့ AI တို့အကြားဖြစ်ပေါ်ခဲ့တဲ့ အချစ်ဇာတ်လမ်းလေးကို ပုံဖော်ထားတဲ့ဇာတ်ကားအမျိုးအစားလေးဖြစ်ပါတယ် သီရေဒိုသူဟာ စိတ်ခံစားချက်ကိုမထိန်းနိုင်ခြင်းကြောင့် မိန်းမနဲ့ကွာရှင်းရလုဖြစ်နေပြီး တစ်ယောက်တည်းအထီးကျန်လာတဲ့အတွက် စကားပြောဖော် AI တစ်ယောက်ကိုဖန်တီးမိရာကစပြီး ထို AI ဖြင့် ချစ်ကြိုက်ဇာတ်လမ်းများဖြစ်ပေါ်လာပါတော့တယ် ဇာတ်လမ်းထဲတွင် AI အတွက် Voice Actor မှာ Scarlett Johansson ကိုထည့်အသုံးပြုထားပြီး ထိုအသံကို AI ရဲ့မြှူဆွယ်တဲ့နေရာမှာအသုံးပြုထားတဲ့အတွက် Open AI ရဲ့ CEO နဲ့ အချင်းများခဲ့ကြပါသေးတယ် ဤရုပ်ရှင်အနေနဲ့ Original Screenplay ဆုနဲ့ Oscar ဆုအပြင် တခြားဆုများစွာရရှိထားတဲ့ လူနှင့် AI ကြားက Sci-Fi/Romance ကားလေးမို့ လက်မလွှတ်တမ်းကြည့်စေချင်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kitto ဖြစ်ပါတယ်

လူဖီတို့ ကောက်ရိုးဦးထုပ်အဖွဲ့သားတွေဟာ သရဖူရတနာကို ရှာဖို့အတွက် သရဖူကျွန်းဆီ စွန့်စားရေးခရီးထွက်ခဲ့ပါတယ်။ သရဖူကျွန်းဟာ ဆန်းကြယ်တဲ့ တိရစ္ဆာန်တွေနဲ့ ကျွန်းတစ်ခုဖြစ်ပြီး ဒီကျွန်းမှာ လူသားကလေးတစ်ယောက်ဖြစ်တဲ့ မိုဘန်ဘီဆိုတဲ့ ကောင်လေးပါရှိပါတယ်။ မိုဘန်ဘီဟာ အဖေဖြစ်သူကို ပင်လယ်ဓားပြတွေသတ်တာခံခဲ့ရလို့ ပင်လယ်ဓားပြတွေကို မုန်းသူပါ။ ဒီလိုနဲ့ ချိုပါတစ်ယောက် အကြောင်းကြောင်း အဖန်ဖန်ဖြစ်ရင်း ကျွန်းရဲ့ တိရစ္ဆာန်ဘုရင်အဖြစ် အထင်မှားအပ်နှင်းခံလိုက်ရပါတော့တယ်။ ဒီကျွန်းမှာ လူဖီတို့အပြင် သရဖူရတနာကိုရှာနေတဲ့ လူဆိုးတစ်သိုက်လည်း ရှိပါတယ်။ ဒီဇာတ်ကားလေးမှာတော့ ကျွန်းကို ဒုက္ခပေးနေတဲ့ လူဆိုးတွေကို ဘယ်လိုနှိမ်နင်းမလဲ ချိုပါရော တိရစ္ဆာန်ဘုရင်အဖြစ် အထင်မှားနေရာကနေ ဘယ်လိုဖြေရှင်းနိုင်မလဲ စတာတွေအပြင် လူဖီတို့ ဘယ်လိုစွန့်စားပြီး ဘယ်လိုတိုက်ခိုက်ကြမယ်ဆိုတာ ခွန်အားတက်ဖွယ် ကြည့်ရှုခံစားရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်