လူကြည့်များသော ရုပ်ရှင်များ

ဒီဇာတ်ကားမှာဆိုရင် အဓိကဇာတ်ကောင်၄ဦးပါဝင်ပြီးတော့ ဇာတ်ကောင်တစ်ခုစီတိုင်းကို ခွဲပြီးရိုက်ပြထားပါတယ်။ ဇာတ်ကောင်တွေကတော့ တွမ် ၊ ဆန်ဒရာ၊ မက်စ် နဲ့ မန်ဒလင်းတို့ဖြစ်ပြီး တွမ်နဲ့ဆန်ဒရာတို့နှစ်ယောက်နဲ့ ဇာတ်လမ်းစထားပါတယ်။ တွမ်က ရိုးသားတဲ့စာအုပ်ဆိုင်ပိုင်ရှင်ဖြစ်ပြီးတော့ ဆန်ဒရာက စာအုပ်လာဝယ်တဲ့ တက္ကသိုလ်ကျောင်းသူပါ။ သူတို့နှစ်ယောက်က မြင်မြင်ချင်းချစ်သွားကြပြီး တစ်ယောက်နဲ့တစ်ယောက် ယုံကြည်မှုတွေလည်းတိုးလာကြပါတယ်။ ထင်မှတ်မထားလောက်စရာကတော့ ဆန်ဒရာက တွမ့်ဆီကနေ ဒေါ်လာပေါင်းများစွာလိမ်သွားခဲ့တာပါပဲ။ ပထမဆုံးအလိမ်ခံလိုက်ရသူကတော့ တွမ်ပေါ့။ ဒီလိုပဲ နောက်ပိုင်းဇာတ်ကောင်တွေလည်း ဘယ်လိုဆက်ပြီး လှည့်စားခံရဦးမလဲ။ ကြည့်နေရတဲ့ကိုယ်တောင် အလိမ်ခံနေရပြီလားလို့တောင်ခံစားသွားစေရမဲ့ လှည့်စားတော်တဲ့ ဇာတ်ကားတစ်ကားဖြစ်ပါတယ်။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီတစ်ခေါက် တင်ဆက်ပေးမယ့် ဇာတ်ကားလေးကတော့ ၂၀၀၅ ခုနှစ်မှာ ထွက်ရှိခဲ့တဲ့ ထိုင်း horror movie တစ်ခုပဲဖြစ်ပါတယ်။ ငယ်သူငယ်ချင်း ခြောက်ယောက် ကျောင်းတွေပြီးကြတဲ့ အချိန် ပြန်ဆုံကြပြီး တာ ဆိုတဲ့ကောင်လေးရဲ့ အိမ်ကို အလည်သွားကြတဲ့ အခါ မထင်မှတ်ထားတဲ့ ဖြစ်ရပ်တွေနဲ့ ကြုံ‌တွေ့ခဲ့ကြရပါတယ်။ ဒီဇာတ်ကားလေးထဲမှာတော့ အောက်လမ်းပညာဆိုတာ တစ်ခါ လုပ်ဖူးရင် အဆုံးသတ်မှာ ကိုယ်ကပဲ ပြန်ခံရမယ်ဆိုတဲ့ အကြောင်းကို ကြောက်မက်ဖွယ် ရိုက်ကူးထားတာပဲ ဖြစ်ပါတယ်။ ထိုင်းသရဲကားတွေရဲ့ ထုံးစံအတိုင်း ကြောက်စရာ ဇာတ်ဝင်ခန်းတွေနဲ့ မသတီစရာ ဇာတ်ဝင်ခန်း အနည်းတော့ပါဝင်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

အဓိကရုပ်ရှင်Rating နှစ်ခုမှာမဆိုးတာထက်ကောင်းတဲ့ ဒီကားဟာ အချို့လူတွေအတွက်တော့ ရတနာတစ်ခုဖြစ်နေနိုင်ပေမယ့် အချို့လူတွေအတွက်ကတော့ ဇာတ်ကားအဓိပ္ပာယ်နဲ့ ဘာပြောချင်လဲဆိုတာကိုတောင် သိမှာမဟုတ်ပါဘူး ဇာတ်ကားဟာအမှန်တကယ်မှာလည်း တကယ့်ပြချင်တဲ့ရှုထောင့်တစ်ခုမရှိပဲ ပုံမှန်ဇာတ်လမ်းတွေကနေကွဲထွက်နေပြီး သင်မြင်နိုင်တဲ့ရှုထောင့်ပေါင်းစုံကနေ ပညာယူနိုင်တဲ့ဇာတ်ကားလေး တစ်ခုဖြစ်ပါတယ် Anne Hathawayလိုမင်းသမီးချောလေးဟာ မရင့်မကျက်နဲ့လုပ်ချင်ရာလုပ်တဲ့ Paul graffနေရာကနေ သရုပိဆောင်ထားတဲ့ Bamks Repetaရဲ့ အမေအနေနဲ့ပါဝင်သရုပ်ဆောင်ထားပါတယ် ဇာတ်လမ်းဟာ၁၉၈၀ မှာအခြေခံထားတာဖြစ်ပြီး အဲဒီတုန်းက လူမျိုးရေးခွဲခြားမှုတွေနဲ့ ကောင်းမွန်တဲ့ လွမ်းဆွတ်စရာအတိတ်ဟောင်းတွေကိုလည်း ခံစားကြည့်ရှုနိုင်ကြမှာပါ ဇာတ်လမ်းဟာ အတက်အကျဆိုတဲ့ပုံမှန်အရာမျိုးမရှိပေမယ့် နေ့လည်ခင်းအေးအေးဆေးဆေးလေးမှာ ကြည့်ရှု ဖို့သင့်တဲ့ဇာတ်ကားကောင်းလေ းတစ်ကားဖြစ်ပါတယ် ဒီဇာတ်ကားမှာ တိတိကျကျ pointမရှိသော်ငြားလည်း လုပ်ချင်ရာလုပ်သူငယ်ချင်းနှစ်ယောက်ရဲ့chemistryမိနေတာတွေ မိဘတွေရဲ့အတ္တတွေ ကလေးတွေကိုမသိပဲပေးမိနေတဲ့သူတို့ရဲ့ဒုက္ခတွေနဲ့ traumaတွေ အခုချိန်ထိရှိနေသေးတဲ့လူမျိုးရေးခွဲခြားတာတွေကို ဒီဇာတ်လမ်းက ကွက်ကွက်ကွင်းကွင်းမဟုတ်ရင်တောင် အတွေးထဲကျန်ရစ်နေစေခဲ့မယ့် ဇာတ်ကားကောင်းလေးတစ်ခုဖြစ်တဲ့အတွက် ကြည့်ရှုံစားနိုင်ကြဖို့တင်ဆက်ပေးရင်းနဲ့ပဲ.... ဇာတ်လမ်းအညွှန်းနဲ့ ဘာသာပြန်သူကတော

ယခုတစ်ခါတင်ဆက်ပေးချင်တဲ့ကားလေးကတော့ လူပျောက်မှုတစ်ခုကိုစုံစမ်းရာကနေ အကြီးစားလျှို့ဝှက်ချက်ကြီးတစ်ခုပေါ်ပေါက်လာတဲ့ အကြောင်း‌ဖြစ်ပါတယ်။ အီရှန်ဆိုတ‌ဲ့ လမ်းဘေးပြဇာတ်အနုပညာရှင်တစ်ယောက်၊ ပျောက်ချင်းမလှပေ‌ျာက်သွားတယ်၊‌ ပျောက်ပြီးနှစ်ပိတ်ကြာတော့ အစ်မဖြစ်သူက တိုင်ချက်လာဖွင့်တယ်။ ဒါပေမဲ့ ရဲတွေကစုံစမ်းစစ်‌‌ေဆးယောင်ဆောင်ပြီး တစ်ခုခုကိုဖုံးကွယ်ချင်နေကြတယ်။ အီရှန်ကိုလည်း အကြမ်းဖက်အဖွဲ့နဲ့အဆက်အသွယ်ရှိနေတဲ့သူပါလို့ အခိုင်အမာ‌ေပြာကြတယ်။ အီရှန်က တကယ်ပဲ အကြမ်းဖက်အဖွဲ့နဲ့အဆက်အသွယ်ရှိနေတာလား၊ ဖုံးကွယ်ထားတဲ့ဘာလျှို့ဝှက်ချက်တွေရှိ‌ေနလဲဆိုတာကို စိတ်ဝင်တစားနဲ့ ကြည့်ရှူကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

လောကကြီးမှာမကောင်းမှုလုပ်တဲ့လူတွေအတွက်ပြေးစရာနေရာမရှိပါဘူး။ကိုယ်လုပ်ခဲ့တဲ့မကောင်းမှုရဲ့အကျိုးဆက်ကိုတစ်ချိန်ချိန်မှာတော့ပြန်ခံစားရမှာမလွဲဧကန်ပါပဲ။ဒီကားမှာဂျွန်ဆိုတဲ့လူကအိမ်ထောင်ရှိလျက်နဲ့တခြားကောင်မလေးတစ်ယောက်နဲ့ဖောက်ပြန်ခဲ့ပါတယ်။ဒါပေမယ့်ဇနီးဖြစ်သူကမိသားစုကိုအရမ်းတန်ဖိုးထားတဲ့သူဖြစ်တဲ့အတွက်သူ့ကိုခွင့်လွှတ်ပေးပြီးအဲ့ဒီအရာတွေမေ့ပျောက်ရအောင်ဘာရူးကအိမ်တစ်အိမ်ဆီကိုမိသားစုအပန်းဖြေခရီးထွက်ခဲ့ပါတော့တယ်။အဲ့ဒီအပန်းဖြေခရီးမှာအိုင်းဆက်လို့ခေါ်တဲ့ကောင်လေးတစ်ယောက်ကိုတွေ့ခဲ့ပြီးအဲ့ဒီကောင်လေးတို့မြေးအဖိုးနှစ်ယောက်ကသူတို့ရဲ့အိမ်မှာညစာလာစားခဲ့ပါတယ်။ဒါပေမယ့်သူတို့မထင်ထားခဲ့တဲ့အရာတွေကအဲ့ဒီအချိန်ကစပြီးတစ်ခုပြီးတစ်ခုစတင်ဖြစ်ပေါ်လာတော့ပါတယ်။Horror ကားပီပီဇာတ်ဝင်ခန်းတိုင်းကိုကျောချမ်းပြီးကြက်သီးတွေထလောက်အောင်ကြောက်ဖို့ကောင်းပါတယ်။သွေးသံရဲရဲ Sence တွေအများကြီးမပါပဲနဲ့ကြောက်ဖို့ကောင်းနေအောင်ရိုက်ကူးထားတဲ့ဇာတ်ကားကောင်းလေးဖြစ်တာမို့ကြည့်ကိုကြည့်သင့်တဲ့ဇာတ်ကားကောင်းတစ်ကားဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

မော်စကိုတစ်နယ်လုံးနီးပါး တောမီးတွေလောင်ကျွမ်းနေကြချိန် သစ်တောကာကွယ်ရေးဌာနချုပ်ဟာလည်း တောမီးလောင်တာကိုတားဆီးဖို့ အလုပ်ရှုပ်နေကြပါတယ်။ ဒီအချိန်မှာ ကျွမ်းကျင်မီးသတ်သမားတွေပါဝင်တဲ့ ခေါင်းဆောင်အန်ဒရေးဦးဆောင်တဲ့အဖွဲ့ဟာ မီးငြှိမ်းသတ်ဖို့ တောမီးလောင်ရာနေရာဆီလေထီးနဲ့ဆင်းခဲ့ကြပါတယ်။ တောမီးဟာ ပိုပြီးအားကောင်းလာပြီး အနီးဆုံးမှာရှိတဲ့ရွာလေးတစ်ရွာဘက်ကိုဦးတည်လာတဲ့အခါ ရွာသူရွာသားတွေနဲ့ကလေးသူငယ်တွေကို မီးဘေးကနေစွန့်စားပြီး ကာကွယ်သွားကြတဲ့ အန်ဒရေးတို့အဖွဲ့ရဲ့ လေးစားလောက်စရာအရည်အချင်းတွေကို ကြည့်ရှူကြရမဲ့ ရုရှားအက်ရှင်ဒရမ်မာကားကောင်းတစ်ကားဖြစ်ပါတယ်။ ဒီဇာတ်လမ်းရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီရုပ်ရှင်ထဲမှာတော့ မင်းသားကြီး Hugh Jackman ဟာ Peter ဆိုတဲ့အဖေတစ်ယောက်နေရာကနေ သရုပ်ဆောင်ထားပါတယ်။ တစ်နေ့မှာ သူ့ရဲ့ကွာရှင်းထားတဲ့မိန်းမက Peter ဆီရောက်လာပြီး သူတို့ရဲ့သားက မနက်တိုင်းအိမ်ကထွက်သွားပြီး ကျောင်းမှာလည်းမရှိတဲ့အကြောင်းကို လာပြောပါတော့တယ်။ အဲ့ဒါနဲ့နောက်နေ့မှာပဲ Peter ကသူ့သားနဲ့တွေ့ဖို့ ရုံးဆင်းချိန်မှာ သူ့သားဆီသွားပါတော့တယ်။ သူ့ရဲ့သားကလည်း အမေနဲ့မနေချင်တော့ဘဲ အဖေဖြစ်သူ Peter နဲ့လိုက်နေလိုကြောင်းပြောလိုက်ပါတော့တယ်။ Peter ရဲ့ အခုမိန်းမကရော သူ့ရဲ့သားလာနေတာကိုကြည်ဖြူမှာလား။ Peter ကရော သူ့သားအပေါ် ဖခင်ကောင်းတစ်ယောက်ဖြစ်ပေးနိုင်မလားဆိုတာကို ဒီရုပ်ရှင်မှာ ကြည့်ရှုခံစားရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

လူစီယာလို့ခေါ်တဲ့ကလပ်မှာကပြရတဲ့ကောင်မလေးတစ်ယောက်က ကလပ်ကနေမူးယစ်ဆေးတွေခိုးလာခဲ့ပြီးထွက်ပြေးလာခဲ့ပါတယ်။အဲ့ဒါကြောင့်မလို့သူ့အစ်မရဲ့အိမ်ကိုသွားခဲ့ပါတယ်။နောက်နေ့မှာသူ့အစ်မပျောက်သွားပြီးပြန်မလာတဲ့အပြင်သူ့ကိုလိုက်ရှာနေတဲ့ကလပ်ကသူတွေလဲရှိနေတဲ့အတွက်သူ့အစ်မရဲ့တိုက်ခန်းမှာပဲနေခဲ့ပါတယ်။ဒါပေမယ့်သူ့ကိုလိုက်ရှာနေတဲ့သူတွေထက်ပိုဆိုးတဲ့ပြဿနာကြီးတစ်ခုရှိနေတာကိုလူစီယာတစ်ယောက်သိခဲ့ရပါတယ်။အဲ့ဒါကတော့အဲ့ဒီတိုက်ခန်းကကြောက်မက်ဖွယ်ကောင်းတဲ့အရာတွေနဲ့ပြည့်နှက်နေတာပဲဖြစ်ပါတယ်။လူစီယာတစ်ယောက်ဘယ်လိုကြောက်မက်ဖွယ်ကောင်းတဲ့အရာတွေကိုရင်ဆိုင်ရမလဲ သူ့အစ်မနဲ့ပြန်တွေ့သွားပါ့မလား သူ့အစ်မရဲ့သမီးနဲ့လူစီယာနှစ်ယောက်သားဒီကြောက်မက်ဖွယ်အရာတွေကိုရင်ဆိုင်ကျော်ဖြတ်သွားနိုင်ပါ့မလားဆိုတာကိုကြည့်ရှူရမဲ့ Horror/Thriller ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ ဖြစ်ပါတယ်

ဇာတ်လမ်းအစကတော့ ထူးဆန်းလှတဲ့အစုလိုက်အပြုံလိုက်လူသတ်မှု‌တွေပေါ်လာရာကနေစမှာပါ။အလောင်းရုံမှာအလုပ်လုပ်နေကြတဲ့အေမိတို့ဆီကို ထူးဆန်းလှတဲ့ကွင်းဆက်လူသတ်သမားကြီးသေပြီဆိုပြီး ရောက်ချလာပါတယ်။အဲ့လိုနဲ့ ကြောက်စရာကောင်းလှတဲ့ စိတ္တဆန်တဲ့ကွင်းဆက်လူသတ်သမားကြီးက တကယ်ကောသေတာလား ဒါမှမဟုတ်မေ့မြောနေတာလားဆိုတာ မသိပါဘူး။သူနိုးထလာရင်ကော အရင်လိုလူတွေလိုက်သတ်နေဦးမှာလား ဆေးရုံမှာရှိတဲ့လူတွေအကုန်သက်ရှင်နိုင်မလားဆိုတာကိုတော့ ဒီကားလေးမှာ စိုးရိမ်ထိတ်လန့်စွာနဲ့စောင့်ကြည့်လိုက်ကြပါဦးနော်။ ဇာတ်လမ်းအညွှန်းနဲ့ ဘာသာပြန်သူကတော့ Htet ဖြစ်ပါတယ်

ရာဇဝတ်မှုကျူးလွန်ထားတဲ့ လူတစ်ယောက်ရဲ့ ပြစ်ဒဏ်က အိပ်စက်ခြင်းဆိုရင် အင်မတန်သက်သာတဲ့ပြစ်ဒဏ်လို့ပြောရမလား။ ပုံမှန်ဆိုလူတွေရာဇဝတ်မှုကျူးလွန်ရင် ထိုက်သင့်တဲ့ပြစ်ဒဏ်ကျခံကြရတယ်။ အခုတော့ ရာဇဝတ်သားတစ်ယောက်က သူ့ပြစ်ဒဏ်ကို အိပ်နေရုံလေးနဲ့ ပေးဆပ်လို့ရပြီဆိုပဲ။ အဲဒီလောက်လွယ်ကူနေမှတော့ ပြစ်ဒဏ်လို့ ဘယ်သတ်မှတ်ပါတော့မလဲ။ ကဲဆိုတော့ Hypersleep က ရာဇဝတ်သားတွေအတွက် ဘယ်လိုအရာမျိုးဖြစ်မလဲဆိုတာကို ဆက်သာကြည့်လိုက်ပေတော့။ အစကနေ အဆုံးထိ မျက်တောင်ခတ်ဖို့တောင် မေ့သွားမယ်ဆိုတာကတော့ သေချာတယ်။ ဇာတ်လမ်းအညွှန်းနဲ့ ဘာသာပြန်သူကတော့ Marip Pan ဖြစ်ပါတယ်

မြေရှင်စီးပွားရေးစနစ်ကို အခြေခံပြီး လူတန်းစားခွဲခြားမှုကြောင့် ခံစားခဲ့ရတဲ့ ငယ်ဘဝချစ်သူနှစ်ဦးအကြောင်းကို ပုံဖော်ထားတဲ့ ဇာတ်လမ်းလေးပဲ‌ဖြစ်ပါတယ်။ တစ်ယောက်မရှိရင် တစ်ယောက်မနေနိုင်တဲ့ ဒေ့ဗ်နဲ့ ပါရို။ ပါရိုနောက်ကို တကောက်ကောက်လိုက်ပြီး ‌ကျောင်းပြေးတဲ့အတွက် အဖေဖြစ်သူက ဒေ့ဗ်ကို လန်ဒန်ကို ပို့ပေးလိုက်ပါတယ်။ ဆယ်နှစ်ကြာပြီးတဲ့နောက်မှာတော့ ဒေ့ဗ်ပြန်ရောက်လာခဲ့ပါတယ်။ လူတန်းစားခွဲခြားမှုရှိတဲ့ ဒေ့ဗ်ရဲ့ မိသားစုနဲ့ သမီးဖြစ်သူရဲ့ ပျော်ရွှင်မှုကို ဦးစားပေးတဲ့ ပါရိုရဲ့ မိသားစု ။ ချစ်သူနှစ်ဦးကြား မိသားစုတွေ ကြားဝင်လာတဲ့အခါမှာ ဘယ်လိုတွေဆက်ဖြစ်မလဲဆိုတာကတော့ ဒီဇာတ်လမ်းလေး‌ထဲမှာပဲ ကြည့်ရှူရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

Horror Thriller ဇာတ်ကားဟောင်းလေးတစ်ကားကိုပြန်လည်ခံစားကြည့်ရအောင်ဗျာ။ဒီကားလေးက 2006 ခုနှစ်မှာထွက်ခဲ့ပြီးအခုအချိန်ထိတိုင်ကြောက်ဖို့ကောင်းနေသေးတဲ့ဇာတ်ကားတစ်ကားပဲဖြစ်ပါတယ်။ဇာတ်လမ်းအကျဉ်းချုပ်လေးကတော့အစမှာရဲနှစ်ယောက်ကအသံတွေဆူညံနေပြီးအော်သံတွေကြားတယ်လို့တိုင်ချက်ဖွင့်ခံထားရတဲ့အဆောက်အဦးတစ်ခုစီသွားခဲ့ပါတယ်။အဲ့ဒီမှာလူကောင်အကြီးကြီးတစ်ယောက်ကသူတို့ကိုတိုက်ခိုက်ခဲ့ပြီးရဲတစ်ယောက်သေဆုံးပြီးတစ်ယောက်ကလက်ပြတ်သွားခဲ့ပါတယ်။လေးနှစ်ကြာတဲ့အခါမှာအသက်ရှင်ကျန်ခဲ့တဲ့ရဲဦးစီးပြီးဟိုတယ်ဟောင်းကြီးတစ်ခုကိုအကျဉ်းသားတွေနဲ့လုပ်အားပေးသန့်ရှင်းရေးသွားလုပ်ပေးရပါတယ်။ဒါပေမယ့်အဲ့ဒီဟိုတယ်ကြီးကသာမန်ဟိုတယ်ကြီးမဟုတ်ပဲနဲ့ကြောက်မက်ဖွယ်ရာတွေပြည့်နှက်နေတဲ့ဟိုတယ်ဖြစ်နေခဲ့တဲ့အခါဘာတွေဆက်ဖြစ်ကြမယ်ဆိုတာကိုသည်းထိတ်ရင်ဖိုကြည့်ရှူရမဲ့ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီဇာတ်ကားလေးကတော့ 1980ခုနှစ်က ပင်လယ်ကမ်းစပ်နားမှာတည်ရှိတဲ့ 'Empire Cinema'ဆိုတဲ့နေရာလေးမှာ ဇာတ်အိမ်တည်ထားပါတယ်။ Empire ရုပ်ရှင်ရုံရဲ့ တာဝန်ခံမန်နေဂျာ Hilary (ဟီလာရီ) နဲ့ သူရဲ့လက်အောက်ငယ်သား Steven (စတီဗင်) လူမဲBritish လူမျိုးတို့ကြားက နက်ရိူင်းတဲ့ relationship ကိုပေါ်လွင်အောင်ရိုက်ပြထားတဲ့ ဇာတ်ကားလေးတစ်ကားပဲ ဖြစ်ပါတယ်၊ Hilaryဟာဆိုရင် သူရဲ့ငယ်ဘဝက မိသားစုကြောင့်ရရှိခဲ့တဲ့ trumaတွေကြောင့်စိတ်ကျရောဂါ ခံစားနေရသူဖြစ်ပြီး 'အချစ်'ဆိုတဲ့အရာကို အယုံအကြည်မရှိတဲ့သူတစ်ယောက်ပါ.. ဒါပေမဲ့ သူမဟာသူမရဲ့သူဌေးဖြစ်သူ Donald Ellisနှင့် ချစ်ကျွမ်းဝင်ခဲ့သော်လည်း..Donald ဟာ သူမကို sexual partner အနေနဲ့သာဆက်ဆံတဲ့အတွက်ကြောင့်မို့လို့ ခံစားနေရပါတယ်..တစ်ဖက်မှာတော့ Hilary တို့ရဲ့ ရုပ်ရှင်ရုံကို အလုပ်ပြောင်းလာတဲ့ Stevenဆိုတဲ့ လူမဲBritish လူမျိုးဟာ.. လုပ်ငန်းခွင်မှာရော ပတ်ဝန်းကျင်မှာပါ လူဖြူလူမဲခွဲခြားခြင်းကိုခံနေရတဲ့ ကောင်လေးတစ်ယောက်ပါ .. စိတ်ဒဏ်ရာအသီးသီးရှိနေတဲ့ သူတို့နှစ်ယောက်တွေ့ဆုံကြတဲ့အချိန်မှာတော့ တစ်ယောက်နဲ့တစ်ယောက်ဘယ်လိုအားပေးမှုတွေပေးပြီး အချစ်စစ်တွေပေါ်ပေါက်လာမလဲ ဆိုတာကိုရင်ခုန်စွာကြည့်ရူ့ရမယ့် British movie ကောင်းလေးတစ်ပုဒ်ပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Elpis ဖြစ်ပါတယ်

ကျွန်တော်တို့တိရစ္ဆာန်ချစ်တဲ့သူတွေက ခွေးလေးတွေကြောင်လေးတွေကိုပဲထိန်းသိမ်းကာကွယ်ပေးဖို့မြင်နေကျပြီးမေ့လျော့ထားခံထားရတဲ့သတ္တဝါလေးတွေရှိပါတယ်။အဲ့ဒါကတော့ရေထဲကသတ္တဝါတွေပဲဖြစ်ပါတယ်။ဒီကားထဲမှာတော့ဒိုရာနဲ့အက်ဘီတို့အမေတစ်ခုသမီးတစ်ခုသားအမိနှစ်ယောက်ကပင်လယ်အော်တစ်ခုမှာနေထိုင်ကြပါတယ်။ငယ်ငယ်ကတည်းကအဲ့ဒီမှာကြီးပြင်းလာခဲ့တဲ့သူတွေဖြစ်တဲ့အတွက်ပင်လယ်အော်တစ်ဝိုက်မှာအမြဲတမ်းရေငုပ်ရင်းနဲ့သားအမိနှစ်ယောက်ကဘဝကိုပျော်ပျော်ဖြတ်သန်းနေကြပါတယ်။တစ်နေ့မှာတော့သူတို့ရဲ့ပင်လယ်အော်ရဲ့ကျောက်တန်းကိုဖြိုချဖို့အတွက်အကြံအစည်နဲ့လူတွေကငါးတွေကိုတရားမဝင်သိမ်းကျုံးပြီးဖမ်းပါတော့တယ်။အဲ့ဒီငါးတွေထဲမှာကာကွယ်စောင့်ရှောက်ခံထားရတဲ့ရှားပါးငါးမျိုးစိတ်တွေလဲပါဝင်နေပါတယ်။ဒိုရာတို့ကသူတို့ကိုတားပေမဲ့လဲမရတဲ့အတွက်သူတို့ရဲ့ပင်လယ်အော်ကိုကာကွယ်ဖို့အတွက်ဆန္ဒတွေပြ အယူခံတွေဝင်ကြတာကိုကြည့်ရမဲ့ရေနေသတ္တဝါတွေကိုထိန်းသိမ်းတဲ့ဇာတ်ကားတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဂျက်စီကာစတုခ်ဆိုတဲ့အမျိုးသမီးဟာ သူ့ခင်ပွန်းနဲ့ကွာရှင်းပြီး မြို့နဲ့ဝေးတဲ့နေရာကိုပြောင်းလာနေကြပါတယ်။ အဲ့အမျိုးသမီးမှာ သားတစ်ယောက် သမီးတစ်ယောက်ရှိပြီး ပစ်ပင်ဆိုတဲ့ခွေးလေးဟာလည်း သူတို့နဲ့အတူပါလာပါတယ်။ တစ်နေ့မှာ ပစ်ပင်ဟာ ခြံစည်းရိုးအပြင်ဘက်က တောထဲကို ပြေးဝင်သွားပြီး နောက်နေ့မှာတော့ ခွေးလေးဟာပြန်ရောက်လာပါတယ်။ ဒါပေမဲ့ခွေးကအရင်ကနဲ့မတူတော့ပါဘူး။ အဲ့နောက် ပိုင်း ဘာတွေဘယ်လိုဆက်ဖြစ်ကြတယ်ဆိုတာကိုတော့ ရုပ်ရှင်ထဲမှာရင်ခုန်စိတ်လှုပ်ရှားဖွယ် ကြည့်ရှုရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

ကွဲကွာသွားတဲ့ သူငယ်ချင်းနှစ်ယောက်ဖြစ်တဲ့ ဘီလူးနဲ့ စာဟီရ်။ ဘီလူးကတော့ ရွာလေးတစ်ရွာမှာ ဆတ္တာသည်အလုပ်လုပ်ပြီး ပြိုင်ဘက်ဆိုင်ကို မယှဉ်နိုင်တော့ စီးပွားမဖြစ်ဘဲ ဘဝကို ခက်ခက်ခဲခဲ ရုန်းကန်နေရပါတယ်။ သားသမီးတွေ ပညာရေးအတွက် ကျောင်းလခမသွင်းနိုင်တော့ အခက်အခဲ တွေ့နေတဲ့အချိန် စုဗူးထဲမှာတောင် ပိုက်ဆံတစ်ပြားပဲ ရှိတော့တဲ့အချိန်... သူငယ်ချင်းဖြစ်တဲ့ စာဟီရ်ကတော့ နာမည်ကျော်မင်းသားစာဟီရ်ဆိုပြီး အောင်မြင်နေပါတယ်။ စာဟီရ်က အမှတ်မထင် ဘီလူးတို့ နေတဲ့ ရွာလေးကို ရုပ်ရှင်လာရိုက်တဲ့အခါမှာတော့ ရွာသားတွေက မင်းသားကို ကြည့်ချင်တော့ ဘီလူးကို ကပ်ကြပါတော့တယ်။ ဒါပေမယ့်လည်း ဘဝအခြေအနေကွာခြားချက်များနေတော့ သူငယ်ချင်းဆီကို တိုက်ရိုက်မသွားနိုင်ခဲ့ပါဘူး။ ဒီလိုဆို သူတို့နှစ်ယောက် ဘယ်လို ပြန်ဆုံတွေ့မလဲ ။ စာဟီရ်ကကော အတိတ်ကို မေ့တတ်သူလား အဲ့အပြင် သူငယ်ချင်းဆိုတဲ့ အဓိပ္ပာယ်ကို ခံစားကြည့်ရှူရမယ့် ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီကားလေးကတော့ ၂၀၂၂မှာ ထွက်ရှိထားတဲ့ စိတ်ကူးယဉ် အချစ်ဒရာမာကားလေးပါ။ ဂင်ယုံးက စက်မှုအင်ဂျင်နီယာကျောင်းသားတစ်ယောက်ဖြစ်ပြီး စာရေးဆရာဖြစ်ချင်တဲ့ အိပ်မက်နောက်လိုက်ဖို့ ကျောင်းနားချင်နေသူပါ။ တစ်နေ့တော့ သူတို့မေဂျာကို အသစ်ရောက်လာတဲ့ ဂျူနီယာကျောင်းသူလေးတစ်ယောက်နဲ့ တွေ့ဆုံမိပြီး ချစ်မိသွားခဲ့တယ်။ အဲ့ဒီကျောင်းသူရဲ့ အာရုံစိုက်မှုကိုရနိုင်ဖို့အတွက် သူငယ်ချင်းဆီကနေ ရှေးဟောင်းရေဒီယို ​စကားပြောစက်လေးကို ငှားလာခဲ့မိတယ်။ တစ်ညမှာတော့ အဲ့ဒီစက်ကို ဂင်မူနီးဆိုတဲ့ မိန်းကလေးတစ်ယောက်က အမှတ်မထင် ဆက်သွယ်လာခဲ့ပြီး သူတို့နှစ်ယောက် စကားပြောဖြစ်သွားကြတယ်။ ဂင်မူနီးက သူ့ရဲ့ အိမ်စာအတွက် သူစိမ်းတစ်ယောက်ကို အင်တာဗျူးရမှာဖြစ်ပြီး ဂင်ယုံးက သူ့ကို ကူညီပေးမယ်ဆိုရင် အဲ့ဒီရေဒီယိုသုံးစွဲနည်းစာအုပ် ငှားပါ့မယ်ဆိုပြီး သဘောတူဖြစ်ခဲ့ကြတယ်။ ဒီလိုနဲ့ နှစ်ယောက်သား အပြင်မှာတွေ့ဖို့ ချိန်းဆိုပြီးတဲ့နောက်မှာ အဲ့ဒီရေဒီယိုလေးရဲ့ ဆန်းကြယ်တဲ့လျှို့ဝှက်ချက်ကို သိလိုက်ရတော့တယ်။ ရေဒီယိုလေးရဲ့ လျှို့ဝှက်ချက်က ဘာဖြစ်မလဲ၊ ဘယ်လိုဆန်းကြယ်တဲ့ ဇာတ်ကြောင်းတွေ ဆက်ပေါ်လာမလဲဆိုတာကို Ditto ဆိုတဲ့ ဇာတ်လမ်းလေးမှာ ကြည့်ရှုခံစားနိုင်ပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ June Rose ဖြစ်ပါတယ်

မင်းသားကြီး Gerard Butler ဟာ ဒီဇာတ်ကားမှာ ကပ္ပတိန်ဘရော်ဒီတောရန့်စ်အနေနဲ့ သရုပ်ဆောင်ထားပြီး နှစ်သစ်ကူးနေ့မှာသူဟာ စင်္ကါပူကနေ တိုကျိုကိုလေယာဉ်ပြေးဆွဲခဲ့ရတာဖြစ်ပြီး အဲဒီခရီးစဉ်မှာ ခရီးသည်၁၄ယောက်ပါဝင်ခဲ့ပါတယ်။ ဒါပေမဲ့ လေယာဉ်ပျံသန်းနေချိန်မှာပဲ မုန်တိုင်းကျရောက်နေတဲ့နေရာကိုဖြတ်လိုက်ရတဲ့အခါ မိုးကြိုးထိသွားပြီး လေယာဉ်ရဲ့လျှပ်စစ်စနစ်တွေနဲ့ အဆက်အသွယ်တွေအားလုံးပြတ်တောက်သွားပါတယ်။ ဒီလိုနဲ့ရှေ့ဆက်သွားလို့မရတော့ဘဲ အရေးပေါ်ဆင်းသက်လိုက်ရပါတယ်။ ဒါပေမဲ့ ကပ္ပတိန်တောရန့်စ် မထင်မှတ်ဘဲဆင်းလိုက်မိတဲ့နေရာက ​ပြန်ပေးသမားတွေကြီးစိုးနေတဲ့ ကျွန်းတစ်ကျွန်းဖြစ်နေပါတယ်။ အရေးပေါ်ဆက်သွယ်လို့ရမဲ့ အစိုးရမရှိ အာဏာပိုင်မရှိတဲ့နေရာမျိုးမှာ ခရီးသည်တွေနဲ့လေယာဉ်ကိုကာကွယ်ဖို့တာဝန်ရှိတဲ့ ကပ္ပတိန်တောရန့်စ်တစ်ယောက် ဘယ်လိုခိုင်မာတဲ့ဆုံးဖြတ်ချက်တွေနဲ့ ရှေ့ဆက်မလဲဆိုတာကိုကြည့်ရှုလိုက်ကြရအောင်။ ဒီဇာတ်လမ်းရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

နာလာရယ် လူနာရယ်ဆိုပြီးညီအစ်မနှစ်ယောက်ရှိကြပါတယ်။ နာလာရဲ့ညီမ လူနာကအရမ်းဖျားနေပြီး ဆရာဝန်တွေနဲ့ပြလည်းမသက်သာလာပါဘူး။ ဒါနဲ့ပဲသူတို့ရဲ့အမေဖြစ်သူက လူနာလေးကို ကုဖို့အတွက် တောရွာလေးမှာရှိတဲ့သူတို့အဖွားဆီကို တစ်မိသားစုလုံးကိုခေါ်သွားပါတော့တယ်။ အဖွားတို့ အိမ်ရောက်သွားပြီးဘာတွေ ဘယ်လိုဖြစ်မလဲဆိုတာကို ရင်တထိတ်ထိတ်နဲ့ ကြည့်ရှုခံစားရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

ယခုတဖန်တင်ဆက်ပေးချင်တဲ့ဇာတ်ကားလေး‌ကတော့ ၂၀၂၂ခုနှစ်ထွက် Thriller ကားကောင်းလေးတစ်ခုပဲဖြစ်ပါတယ်။ လူ့ဘဝမှာလူရယ်လို့ဖြစ်လာရင် ကျရာတာဝန်ကိုထမ်းဆောင်ကြရတယ်။ အဖေကအဖေနေရာ သားကသားနေရာ။ ဒါပေမဲ့လည်း ‌လူသားတွေရဲ့လိုအင်ကတော့ အကန့်အသတ်မရှိတာကြောင့် ပြသာနာဆိုတာပေါ်လာရတယ်။ ဒီကားကိုတော့ သက်ကြီးရွယ်အိုလင်မယားနှစ်ယောက်အပေါ် အခြေတည်ထားပါတယ်။ သူတို့ရဲ့သားဖြစ်သူက အမေရိကားသွားချင်တယ်၊ သွားမှဖြစ်မယ်ဆိုလို့ ရှိသမျှပေးလိုက်တဲ့အပြင် ချေးပါပေးလိုက်ရတယ်။ ပိုက်ဆံချေးထားတာက အတိုးပေါ်အတိုးဆင့်တော့ လင်မယားနှစ်ယေ‌ာက် ဒုက္ခ ‌ေရာက်ရတယ်။ ကြွေးရှင်ကလည်း လူမိုက်ဖြစ်လေတော့ သူတို့အိမ်ကိုဝင်ချင်သလိုဝင် ထွက်ချင်သလိုထွက်တယ်။ ဒါ့အပြင်လည်း ကျေးဇူးမသိတတ်တဲ့သားကို ပိုင်ဆိုင်ထားရတော့ ကူရာမဲ့နေတဲ့လင်မယားနှစ်ယောက်။ ဇာတ်လမ်းကအချိုးအကွေ့တွေနဲ့မလို့ ကြည့်ပျော်ပါတယ်။ Dramaဆန်‌ပေမယ့် ဘာလို့Thriller ဖြစ်ရလဲဆိုတာ ကြည့်ကြည့်လိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

နာဗစ်ဆိုတဲ့မြို့ငယ်လေးကို တစ်ကမ္ဘာလုံးကမျက်စိကျနေကြပါတယ်။ ဘာကြောင့်လဲဆိုရင် အဲ့ကထွက်တဲ့သံတ္တုရိုင်းတွေကအတော်လေးကောင်းလို့ပါ။ အဲ့ဒီသတ္တုရိုင်းတွေကသံချပ်ကာတွေပြုလုပ်တဲ့နေရာမှာအတော်လေးအသုံးဝင်ပါတယ်။ဒါကြောင့်ပဲဂျာမနီက အဲ့ကထွက်တဲ့သတ္တုတွေကို အပိုင်စီးဖို့ကြံရင်းနာဗစ်ကိုသိမ်းပိုက်လိုက်ပါတော့တယ်။ ဒီဇာတ်ကားလေးကတော့ ဒုတိယကမ္ဘာစစ်အတွင်းမှာ ရိုက်ထားတာဖြစ်ပြီး နော်ဝေမှာရှိတဲ့ နာဗစ်ပြည်သူတွေက သူတို့မြို့ကို ဘယ်လိုရအောင်ပြန်ကြိုးစားမလဲဆိုတာကို ကြည့်ရှုခံစားရမှာပါ။ ဇာတ်လမ်းအညွှန်းနဲ့ဘာသာပြန်သူကတော့ Morph ဖြစ်ပါတယ်

အထက်တန်းကျောင်းသူတစ်ယောက်ဖြစ်တဲ့ဘဲလ်ဟာ Uလို့ခေါ်တဲ့ကမ္ဘာတစ်ခုမှာနာမည်ကြီး အမျိုးသမီးအဆိုတော်တစ်ယောက်ဖြစ်လာပါတယ်။ U ဆိုတဲ့ကမ္ဘာမှာ သားရဲတစ်ကောင်လည်းရှိနေပါသေးတယ်။ အဲ့သားရဲကရောအပြင်လောကမှာဘယ်သူဖြစ်နေမလဲ။ ဘဲလ်တို့ကတော့သားရဲဘယ်သူဆိုတာကို ရှာဖွေရင်းဘာတွေဘယ်လိုကြုံတွေ့ရမယ်၊ ဘဲလ်ကရောအပြင်မှာ သီချင်းပြန်ဆိုနိုင်သွားမလားဆိုကို ဒီဇာတ်ကားထဲမှာကြည့်ရှုခံစားရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Morph ဖြစ်ပါတယ်

Warning-မိသားစုဝင်များ၊ ကလေးသူငယ်များနှင့်အတူ ကြည့်ရှုရန်မသင့်လျော်ပါ၊ ဒီဇာတ်လမ်းမှာMartinကသူ့အကိုနဲ့သူ့ရဲ့သူငယ်ချင်းတွေနဲ့ကမ်းခြေတစ်ခုကိုပျော်ပွဲစားခရီးထွက်တာနဲ့စတင်ထားတယ်။ သူ့အကိုရဲ့သူငယ်ချင်းကကောင်မလေးတွေခေါ်ထားပြီးတစ်ယောက်ပဲရောက်လာတဲ့အချိန်မှာဘယ်လိုတွေဆက်ဖြစ်ကြမလဲ။ ဘေးအိမ်မှာနေတဲ့Adeleဆိုတဲ့ခပ်လန်းလန်းအမျိုးသမီးကကောဘယ်သူလဲဆိုတာတွေကိုကြည့်ရှုရမှာဖြစ်ပါတယ်။ Martin နေရာကနေ Clifford Pusing သရုပ်ဆောင်ထားပြီး Adele နေရာကနေတော့ Franki Russell ကပါဝင်သရုပ်ဆောင်ထားသလို Yen Renee Durano ကNadine နေရာကနေသရုပ်ဆောင်ထားပါတယ် မင်းသားမင်းသမီးခပ်လန်းလန်းတွေရဲ့ nude sceneတွေဟာကြည့်ရှုသူပုရိသတွေ အမြင်အာရုံကိုဖမ်းစားသွားမှာပဲဖြစ်ပါတယ်။ Imdb 6.2/10 ရထားပြီး လှလှပပရိုက်ကူးထားတဲ့ဒီဇာတ်လမ်းလေးမှာ မာတင်ကသူ့လူပျိုပေါက်အရွယ် အတွေ့ကြုံမမေ့နိုင်စရာအမှတ်တရနဲ့ ဘဝသင်ခန်းစာတွေဘယ်လိုရသွားမလဲဆိုတာတင်ဆက်ပြသရင်းနဲ့ပဲ အချိန်ပေးရတန်တဲ့ဇာတ်ကားကောင်းတစ်ခုဖြစ်တဲ့အတွက် ကြည့်ရှုကြဖို့တိုက်တွန်းလိုက်ပါတယ်ခင်ဗျာ။ ဇာတ်လမ်းအညွှန်းနဲ့ ဘာသာပြန်သူကတော့ Tissue ဖြစ်ပါတယ်

ဒီကားထဲမှာတော့ တကယ့်ဂန္တဝင်သရုပ်ဆောင်ကြီးတွေဖြစ်တဲ့ Brad Pitt တို့ Spider Man အနေနဲ့လူသိများတဲ့ Tobey Maguire တို့နဲ့ Harley Quinn အဖြစ်သရုပ်ဆောင်ခဲ့တဲ့ Margot Robbie အစရှိတဲ့နာမည်ကြီးသရုပ်ဆောင်တွေအများကြီးကိုတွေ့ရမှာပဲဖြစ်ပါတယ်။ဒီဇာတ်လမ်းကအဓိကအနေနဲ့ဟောလီးဝုဒ်မှာရုပ်ရှင်တွေစပေါ်ကာစအချိန်ကိုရိုက်ကူးထားတာဖြစ်ပြီးအရင်ခေတ်ရုပ်ရှင်ရိုက်ကူးပုံတွေ ရိုက်ကွင်းတွေကိုကြည့်ရှူရမှာပဲဖြစ်ပါတယ်။မန်ဝဲလို့ခေါ်တဲ့ကောင်လေးတစ်ယောက်ကသူများခိုင်းတဲ့အလုပ်တွေကိုကြုံရာကျပန်းလုပ်တဲ့သူတစ်ယောက်ပဲဖြစ်ပါတယ်။အခုလဲသူ့ကိုပါတီတစ်ခုမှာစားပွဲထိုးလုပ်ဖို့ခိုင်းထားတဲ့အတွက်မန်ဝဲတစ်ယောက်စားပွဲထိုးလုပ်နေရင်းနဲ့နယ်လီဆိုတဲ့ကောင်မလေးနဲ့သွားတွေ့ခဲ့ပါတယ်။အဲ့ဒီကောင်မလေးကရုပ်ရှင်မင်းသမီးဖြစ်ဖို့ကိုရူးသွပ်နေတဲ့သူတစ်ယောက်ဖြစ်ပါတယ်။ဒီတော့သူတို့နှစ်ယောက်စကားတွေပြောခဲ့ကြရင်းနဲ့တစ်နေ့ကျရင်ရုပ်ရှင်ရိုက်ကွင်းကိုအတူသွားကြမယ်လို့တိုင်ပင်ခဲ့ကြပါတယ်။ဖြစ်ချင်တော့နောက်နေ့မှာသူတို့အတွက်ကံတွေထကောင်းပြီးနှစ်ယောက်လုံးရုပ်ရှင်လမ်းကြောင်းကိုရောက်သွားကြပါတော့တယ်။ဒီလိုနဲ့သူတို့တွေတစ်ယောက်စီတဖြည်းဖြည်းနဲ့အောင်မြင်လာပြီးနောက်ကြုံလာရမဲ့အခက်အခဲတွေနဲ့ရုပ်ရှင်လောကထဲကအဖြစ်အပျက်တွေကိုရိုက်ကူးထားတာကိုကြည့်ရှူရမဲ့ဇာတ်ကားပဲဖြစ်ပါတယ်။ 18+ ဇာတ်ဝင်ခန်းများအနည်းငယ်ပါဝင်သောကြောင့် မိသားစုဝင်များ၊ ကလေးသူငယ်များနှင့်အတူ ကြည့်ရှုရန်မသင့်တော်ပါ။ ဇာတ်လမ်းအညွှန်းနဲ့ ဘ