အချစ်ဇာတ်လမ်းများ

IMDb Rating - 6.0/10 Netflix ကနေ ပူပူနွေးနွေးထွက်ရှိထားတဲ့ Family, Drama, Romance ကားသစ်လေးနဲ့ မိတ်ဆက်ပေးချင်ပါတယ်.... မိသားစုရဲ့နွေးထွေးမှုကို မရရှိတဲ့ ကောင်မလေးနဲ့ ရည်မှန်းချက်တွေ ကွယ်ပျောက်နေတဲ့ ကောင်လေးအကြောင်းကို အဓိကရိုက်ကူးထား တာပါ....... အာဒန်ဆိုတဲ့ အထက်တန်းကျောင်းသူလေးက ကျောင်းပြီးတော့ သူ့အဖေနဲ့ သူ့မိထွေးရှိရာ ကိုဘီမြို့ကိုထွက်လာခဲ့ပါတယ်။ အကြောင်း အရင်းကတော့ ကိုယ့်ကိုယ်ကိုရှာဖွေဖို့အတွက်ပါ။ ကိုဘီမြို့က သူ့မိထွေး ဆိုင်လေးမှာ စာရင်းကိုင်အလုပ်ဝင်လုပ်ပြီး အမှတ်မထင် စက်ဘီးစီးတဲ့ ကောင်လေး အီလိုင်နဲ့ တွေ့ဆုံခဲ့ပါတယ်..... အဲ့တော့ ဒီတွေ့ဆုံမှုတွေရဲ့နောက်ကွယ်မှာ ဘာတွေဆက်ဖြစ်လာမလဲ၊ အာဒန်ဆိုတဲ့ ကောင်မလေးရော ကိုဘီမြို့မှာ သူငယ်ချင်းအသစ်တွေ ရနိုင်ပါ့မလား၊ အာဒန်နဲ့အီလိုင် ဘယ်လိုတွေ့ခဲ့ကြလဲ၊ သူတို့နှစ်ဦးမှာရှိတဲ့ စိတ်ဒဏ်ရာတွေကို ဘယ်လိုကုစားကြမလဲဆိုတာ ဆက်လက်စောင့်ကြည့် ပေးပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Parris ဖြစ်ပါတယ်) File Size - (1.56 GB) / (760 MB) / (760 MB) Quality – Web-Rip 1080p/ 720p / 480p Duration - 1Hr 46mins Subtitle – Myanmar Hardsub Format – MP4 Genre : Drama, Romance Translator – Parris Encoder – SWM

ဗြိတိန် အချစ် ဒရာမာ ကားကောင်းလေးတစ်ခုလောက် ကြည့်လိုက်ရအောင်။ Graham Swift ရဲ့ နာမည်ကျော် ဝတ္ထုကို ပြန်လည်ရိုက်ကူးထားတာဖြစ်ပါတယ်။ ရုပ်ရှင်နာမည် Mothering Sunday ဆိုတဲ့အဓိပ္ပါယ်ကတော့ အိမ်အကူတွေ ဝန်ထမ်းတွေကို အားရက်ပေးပြီး မိဘ၊ မိသားစုနဲ့ ပြန်လည်တွေ့ဆုံခွင့်ပေးတဲ့နေ့ပါပဲ။ ဂျိန်းဆိုတဲ့ အိမ်အကူမိန်းကလေးနဲ့ ပေါလ်ဆိုတဲ့ လူချမ်းသာအသိုင်းအဝိုင်းက လူငယ်တစ်ယောက်ရဲ့ အချစ်ဇာတ်လမ်းရယ် ဂျိန်းရဲ့ အိမ်ထောင်ဘက်ဖြစ်လာတဲ့ ဒေါ်နယ်နဲ့ အချစ်ဇာတ်လမ်းတွေရယ်ကို အခြေပြုပြီး ပြသထားတာပါပဲ။ ဘာတွေဖြစ်လာမလဲတော့ ဆက်ကြည့်လိုက်ပါဦး။ အိပ်ရာခန်းတွေ တုံးလုံးအခန်းအချို့ကိုအနုပညာအသားပေး ရိုက်ကူးထားတာတွေပါဝင်လို့ မိသားစုနဲ့ကြည့်လို့တော့ မသင့်တော်ပါဘူး။ File size…(2.2GB)/(1.08gb)/(518 Mb) Quality….Webrip 1080p / 720p / 480p Format…mp4 Duration….01:44:00 Genre...Drama /  Romance Subtitle….Myanmar Subtitle (Hardsub) Encoder….Mr. Anderson Translated by Chevy

မင်းသမီး Aishwarya Rai အဓိကပါဝင်ထားပြီး Anil Kapoor နဲ့ Akshaye Khanna တို့လို မင်းသားကြီးတွေနဲ့ ဒီရုပ်ရှင်ကားက အချစ်ရိုမန့် အလွမ်းအဆွေးရသစုံတဲ့ ရုပ်ရှင်ကားကြီးပါ။ "Taal" ဆိုတာ သိပ်ကိုနူးညံ့တဲ့စကားလုံးလေး "ဂီတသံစဉ်" တစ်နည်းအားဖြင့် "နှောင်ကြိုး" လူသားရဲ့စိတ်ဖြေရာ အချစ်တို့မွေးဖွားရာ ခံစားချက်တွေ ပေါင်းဆုံရာကို ဂီတလို့ခေါ်နိုင်မလား... ဂီတငြိစွန်းလာတဲ့အခါ လူ့ရဲ့စိတ်ကနူးညံ့လာပြီး နှလုံးသားချင်း စကားပြောလာတတ်ပါတယ် အဲ့ဒီစကားလုံးတွေကပဲ နှလုံးသားကို အချစ်လမ်းသွယ်လေးဆီ ခေါ်ဆောင်လာတတ်တယ်... ဟုတ်ပါတယ် ဒီနှောင်ကြိုးလေးက မာနဗ် မာန်ဆီ ဗစ်ကရန်းဆိုတဲ့ ဘဝသုံးခုနဲ့ ချိတ်တွယ်ထားပါတယ် ဘဝရဲ့လမ်းသွယ်လေးတွေမှာ ကျွန်မတို့ လူတော်တော်များများနဲ့ ဆုံဖြစ်ကြပါလိမ့်မယ် ကိုယ့်စိတ်နဲ့ ထပ်တူမကျတာရှိနိုင်သလို ကိုယ့်နှလုံးသားနဲ့ အဲ့ဒီလူကို ငြိတွယ်သွားတာလည်း ဖြစ်နိုင်ပါတယ် နိုင်ငံခြားပြန် မြေပြန့်သားလေး မာနဗ်ဟာ ဖခင်ဖြစ်သူရဲ့ အလုပ်ကိစ္စနဲ့ တောင်ပေါ်ဒေသကို အလည်လာရင်း ရိုးသားတဲ့တောင်ပေါ်သူလေး မာန်ဆီနဲ့ သံယောဇဉ်ငြိတွယ်ခဲ့ပါတယ်... အခြေအနေအချင်းက အရမ်းကွာဟတာကြောင့် ဒီနှောင်ကြိုးကို မြဲအောင်မထားနိုင်ခဲ့ပါဘူး... ဘဝရဲ့အခန်းကဏ္ဍတစ်ခုပြီးဆုံးသွားတဲ့အခါ တခြားကဏ္ဍတစ်ခုက ပေါ်လာတတ်စမြဲပဲဆိုတာ ကြားဖူးကြတယ်မလား... အဲ့ဒီအခန်းကဏ္ဍနဲ့အတူ မာန်ဆီရဲ့ဘဝထဲကို ထပ်မံဝင်ရောက်လာသူကတော့ အောင်မြင်ကျော်ကြားတဲ့ သီချင်းဒါရိုက

Pride Month ဖြစ်တဲ့အတွက် LGBT ကားလေး ထပ်ပြီးတင်ဆက်ပေးလိုက်ပါပြီ ဇာတ်ကားနာမည်အတိုင်းပဲ အန်ဒရူးတစ်ယောက် ကောင်လေးအတု တစ်နည်းပြောရရင် အယောင်ဆောင်ကောင်လေးထားတဲ့ ဇာတ်လမ်းလေးပါ ဇာတ်လမ်းက ဘယ်ကစလဲဆို အန်ဒရူးတစ်ယောက် သူ့ရဲ့ပထမဆုံးလိင်တူချစ်သူဖြစ်တဲ့ နီကိုသစ္စာဖောက်တာခံလိုက်ရာကနေ စတာပါ သစ္စာဖောက်ခံရ၊ အလိမ်ခံရတာ တစ်ကြိမ်လည်းမဟုတ်၊ နှစ်ကြိမ်လည်းမဟုတ် အကြိမ်ပေါင်းများစွာခံရပေမဲ့ အန်ဒရူးတစ်ယောက် အမှတ်မရှိဘဲ နီကို့အပေါ်မပြတ်နိုင်တဲ့အခါ သူ့အခင်ဆုံးသူငယ်ချင်းကြီး ဂျိတ်တစ်ယောက် ခရစ္စတီယာနိုဆိုတဲ့ အွန်လိုင်းကောင်လေးတစ်ယောက်ဖန်တီးပြီး နီကိုနဲ့ပြတ်အောင် ဉာဏ်ဆင်ပါတော့တယ် ဒီလိုနဲ့ တကယ်မရှိတဲ့ ခရစ္စတီယာနိုဆိုတဲ့ အွန်လိုင်းလူသားတစ်ယောက်က ဆိုရှယ်မီဒီယာတွေကတစ်ဆင့် ကမ္ဘာကျော်သွားပြီး အန်ဒရူးနဲ့ခရစ္စတီယာနိုအတွဲက ဟိုးလေးတကျော်ကျော်ဖြစ်လာတဲ့အခါ.... တကယ်မရှိတဲ့ ဟန်ပြနာမည်တစ်ခုကို ကောင်လေးအဖြစ် လူသိရှင်ကြားတွဲနေရတဲ့ အန်ဒရူးတစ်ယောက် တကယ့်အချစ်စစ်နဲ့တွေ့တဲ့အခါ ဘယ်လိုဖြစ်မလဲ လူ့အခွင့်အရေးတက်ကြွလှုပ်ရှားသူဆိုပြီး အားလုံးကလေးစားချစ်ခင်နေကြပေမဲ့ အပြင်မှာတကယ်ရှိမနေတဲ့ ခရစ္စတီယာနိုရဲ့ နောက်ဆက်တွဲတွေကိုပါ ကြည့်ရှုလိုက်ကြပါဦး အညွှန်း နဲ့ ဘာသာပြန်ကတော့ MTA ပဲ ဖြစ်ပါတယ်။ Genre..... Comedy, Romance Quality…. 1080p | 720p | 480p File size…  1.4GB | 710MB | 282MB Format… mp4 Duration…. 1h 30min Subtitle…. My

ဒီဇာတ်ကားရဲ့နာမည်ကို The Scarlet Letter ဆိုတဲ့စာအုပ်ကို အစွဲပြုပြီး ​ပေးထားတာဆို​ပေမယ့် ဇာတ်လမ်းနဲ့ အလိုက်ဖက်ဆုံးနာမည်ကို ​စဉ်းစားရရင် "အချစ်​ကြောင့် ပျက်သုဉ်းရသူများ"လို့ ကင်ပွန်းတပ်ရင် မှားမယ်မထင်ပါဘူး။ ၂၀၀၄ ခုနှစ်မှာ ထွက်ခဲ့တဲ့ Mystery Drama ရုပ်ရှင်ဖြစ်ပြီး တစ်​ခေတ်တစ်ခါက အ​တော်​ရေပန်းစားခဲ့တဲ့ ကိုရီးယားရုပ်ရှင်ပါ၊ IMDb 6.4အထိရရှိထားပြီး ဇာတ်လမ်းသွားနဲ့ plot twist​တွေက အ​တော်​လေးမိုက်ပါတယ်၊ အ​​​ဖော်အပြလည်း ကြမ်းသလို ​သွေးသံရဲရဲ​တွေလည်း ပါဝင်လို့ 18+လို့ ​ပြောလို့ရပါတယ်။ မထင်ထားတဲ့plot twistအဆန်း​​တွေကြိုက်ရင် ဒီဇာတ်ကားကို ​သေချာ​ပေါက် ညွှန်းလို့ရပါတယ်။ သရုပ်​ဆောင်​​တွေအ​​နေနဲ့ အားလုံးရင်းနှီးပြီးသား Dr. Romantic ထဲက မင်းသားကြီး Han Suk Kyu နဲ့ တချိန်က နာမည်ကြီးခဲ့တဲ့ မင်းသမီး Lee Eun Juတို့ အဓိကပါဝင်ထားသလို ဒီဘက်​ခေတ် ဒရာမာ​တွေမှာ မကြာခဏတွေ့​နေကျ မင်းသား၊မင်းသမီးကြီး​တွေ ပါဝင်ထားပါ​သေးတယ်၊ ဒီဇာတ်ကားက မင်းသမီးLee Eun Juရဲ့ ​နောက်ဆုံးဇာတ်ကား ဖြစ်ပြီး ​အညွန့်တလူလူနဲ့ ​ အောင်မြင်ကာစ ၂၄နှစ်အရွယ်မှာပဲ Suicide caseနဲ့ ဆုံးပါးသွားခဲ့ပါတယ်။ ဇာတ်လမ်းအစကို ဓါတ်ပုံတိုက်ပုံရှင်အသတ်ခံရမှုနဲ့ စဖွင့်ထားပြီး စုံ​ထောက်အီဂီဟွန်းက ဒီအမှုကို ဦး​​ဆောင် စုံစမ်းစစ်​​​ဆေးရသူပါ၊ ​​သေဆုံးသူမှာ ဇနီးတစ်​ယောက်ကျန်ခဲ့ပြီး အသက်အာမခံ​ကြေးက ဝမ်သန်း၆၀၀​​အထိဖြစ်​နေလို့ ဇနီးသည်ကို သံသယတရားခံအ​ဖြ

ပင်လယ်ပြင်မှာ မုန်တိုင်းတိုက်လို့ သင်္ဘောပေါ်ကလူတွေ အသက်လုပြေးကြရတဲ့အခါ သင်္ဘောရဲ့ ထမင်းချက် ပတ်တီက ရစ်ချတ်နဲ့ အမ်မလိုင်းဆိုတဲ့ ဝမ်းကွဲမောင်နှမကလေးနှစ်ယောက်ကို ကယ်တင်ပေးခဲ့ပါတယ်။ သူတို့သုံးယောက်ဟာ လူသူဝေးတဲ့ ကျွန်းလေးတစ်ကျွန်းပေါ်မှာ သောင်တင်သွားကြတယ်။ ပတ်တီက ကလေးနှစ်ယောက်ကို ထိန်းကျောင်းပေးနေခဲ့ပေမယ့် အရက်မူးလွန်ပြီး ရေနစ်သေဆုံးသွားတဲ့နောက်မှာတော့ ကလေးနှစ်ယောက်တည်း ကျန်ခဲ့ပါတော့တယ်။ အားကိုးစရာ လူကြီးမရှိတော့တဲ့ ကျွန်းပေါ်မှာ သူတို့ဘာသာ အသက်ရှင်နေထိုင်နိုင်ဖို့ ကြိုးစားကြရပါတယ်။ တဖြည်းဖြည်း အရွယ်ရောက်လာတာနဲ့အမျှ ရစ်ချတ်နဲ့ အမ်မလိုင်းတို့ဟာ ကိုယ့်ခန္ဓာကိုယ်နဲ့ ခံစားချက်အပြောင်းအလဲတွေကို စိတ်ဝင်စားလာကြတယ်။ သူတို့ကို ကျွန်းပေါ်ကနေ ကယ်ဆယ်မယ့်သူ ရောက်လာနိုင်မလား၊ နှစ်ယောက်ရဲ့ ဆက်ဆံရေးကရော ဘယ်လိုဆက်ဖြစ်လာမလဲ။

အဆင်ပြေနေတဲ့ ချစ်သူနှစ်တွဲမှာ တစ်တွဲစီက တစ်ယောက်စီ ဆုံမိပြီး အချင်းချင်း သဘောကျသွားကြပါတယ်။ အဲဒီကနေ ခိုးတွေ့တာတွေ၊ ဖောက်ပြန်တာတွေ ဖြစ်လာပြီး လူလေးယောက်ရဲ့ အချစ်ရေး ရှုပ်ထွေးလာပါတော့တယ်။ တစ်ကိုယ်ကောင်းဆန်မှုနဲ့ မကြာခဏ လိမ်ညာနေမှုတွေကြားက သူတို့ရဲ့ ဆက်ဆံရေးကို အဓိကထား ပြထားတာပါ။ ဒီလေးယောက်ထဲမှာ လန်ဒန်မှာနေတဲ့ အမေရိကန်ဓာတ်ပုံဆရာမတစ်ယောက်၊ သတင်းစာတိုက်က ဂျာနယ်လစ်တစ်ယောက်၊ အမေရိကန်ကနေ ပြောင်းလာသူတစ်ယောက်နဲ့ အရေပြားဆရာဝန်တစ်ယောက် ပါဝင်ပါတယ်။ ဓာတ်ပုံဆရာမအဖြစ် Julia Roberts နဲ့ ဂျာနယ်လစ်အဖြစ် Jude Law တို့ သရုပ်ဆောင်ထားတဲ့ ၂၀၀၄ ခုနှစ်ထွက် အချစ်ဒရာမာဇာတ်ကားပါ။

Norwegian Wood ဟာ မူရာကာမိရဲ့ ဝတ္ထုရှည်ကို ပြင်သစ်အခြေစိုက် ဗီယက်နမ်ဒါရိုက်တာ Tran Anh Hung က ရုပ်ရှင်အဖြစ် ပြန်လည်ရိုက်ကူးထားတာပါ။ သူက The Scent of Green Papaya နဲ့ Cyclo တို့ကိုလည်း ရိုက်ကူးခဲ့သူဖြစ်ပါတယ်။ စာမျက်နှာ ၃၀၀ ကျော်ရှိတဲ့ ဝတ္ထုကို ရုပ်ရှင်အဖြစ် ပြောင်းထားတာကြောင့် စာအုပ်ဖတ်ဖူးသူတချို့က မူရင်းရဲ့ အနှစ်သာရကို မရဘူးလို့ သုံးသပ်ကြပေမယ့် စာအုပ်မဖတ်ဖူးသူတွေကတော့ ရုပ်ရှင်ရဲ့ ကိုယ်ပိုင်တင်ဆက်ပုံကို ခံစားနိုင်တယ်လို့ ဆိုကြပါတယ်။ ရုပ်ပုံပိုင်းကို တာဝန်ယူထားသူက ထိုင်ဝမ်ရုပ်ရှင်ဓာတ်ပုံဆရာ Mark Lee Ping-bing ပါ။ ဝေါင်ကာဝေးရဲ့ In the Mood for Love နဲ့ Hou Hsiao-Hsien ရဲ့ ရုပ်ရှင်အများအပြားမှာလည်း ရုပ်ရှင်ဓာတ်ပုံဆရာအဖြစ် လုပ်ခဲ့ဖူးပါတယ်။ သရုပ်ဆောင်တွေထဲမှာ မူလ Death Note ရုပ်ရှင်ရဲ့ L အဖြစ် ပါဝင်ခဲ့တဲ့ Kenichi Matsuyama၊ Drive My Car ထဲက Reika Kirishima နဲ့ Babel၊ Pacific Rim၊ 47 Ronin တို့မှာ ပါဝင်ခဲ့တဲ့ Rinko Kikuchi တို့ ပါပါတယ်။ Norwegian Wood ဆိုတဲ့အမည်က The Beatles ရဲ့ သီချင်းနာမည်ကို ယူထားတာဖြစ်ပြီး မူရာကာမိရဲ့ Drive My Car ဆိုတဲ့ အမည်ကလည်း အဲဒီအဖွဲ့ရဲ့ သီချင်းနာမည်ပဲ ဖြစ်ပါတယ်။ ရုပ်ရှင်မှာ မူရင်းဝတ္ထုထဲက စာသားတွေကို နောက်ခံပြောစကားအဖြစ် ထည့်သွင်းထားပြီး ဇာတ်ကောင်တွေကို ဗဟိုပြု ပုံဖော်ထားပါတယ်။

Shanghai Grand က ၁၉၃၀ ကာလမှာ ဇာတ်အိမ်တည်ထားတဲ့ ဟောင်ကောင်ဂိုဏ်းစတားဇာတ်ကားဖြစ်ပြီး လတ်စလီချောင်နဲ့ အန်ဒီလောင်တို့ အတူပါဝင်ထားပါတယ်။ ဂိုဏ်းစတားဇာတ်လမ်းအပြင် သူတို့နှစ်ယောက် သရုပ်ဆောင်ထားတဲ့ ဇာတ်ကောင်တွေကြားက ခင်မင်ရင်းနှီးမှုကိုလည်း ပုံဖော်ထားတယ်။ ရိုက်ကူးတင်ဆက်ပုံမှာတော့ The Godfather ရဲ့ ဇာတ်ဝင်ခန်းတချို့ကို မှီးထားတယ်လို့ မူရင်းအညွှန်းက နှိုင်းယှဉ်ထားပါတယ်။ ဇာတ်ဝင်တေးကလည်း လူအများ ရင်းနှီးပြီးသား နာမည်ကြီးသီချင်းတစ်ပုဒ်ပါ။

Fifty Shades of Grey ဟာ ဗြိတိသျှစာရေးဆရာ E. L. James ရဲ့ အမည်တူစာအုပ်ကို ဇာတ်လမ်းချုံ့ပြီး ရိုက်ကူးထားတဲ့ ၂၀၁၅ ခုနှစ်ထွက် လိင်အသားပေးရုပ်ရှင်ပါ။ ရုံမတင်ခင်ကတည်းက စောင့်ကြည့်သူများခဲ့ပြီး ရုံတင်ချိန်မှာလည်း ဝင်ငွေအောင်မြင်မှုရခဲ့ပေမယ့် ဝေဖန်မှုတွေကိုပါ ရင်ဆိုင်ခဲ့ရပါတယ်။ မူရင်းစာအုပ်ကို e-book အဖြစ် စတင်ဖြန့်ချိခဲ့ပြီး နောက်ပိုင်းမှာ ပုံနှိပ်စာအုပ်အဖြစ် ထုတ်ဝေခဲ့ပါတယ်။ ဒုတိယနဲ့ တတိယတွဲတွေ ဆက်ထွက်လာတဲ့အထိ လူဖတ်များခဲ့ပြီး စီးရီးတစ်ခုလုံးကို ဘာသာပေါင်း ၅၂ ဘာသာနဲ့ ထုတ်ဝေကာ အုပ်ရေသန်း ၁၀၀ ကျော် ရောင်းချခဲ့တယ်လို့ မူရင်းအညွှန်းမှာ ဖော်ပြထားပါတယ်။ အမေရိကန်နဲ့ အင်္ဂလန်တို့ရဲ့ အရောင်းရဆုံးစာအုပ်စာရင်းတွေမှာလည်း ပါဝင်ခဲ့တယ်။ လူကြိုက်များခဲ့သလို လိင်အသားပေးဖော်ပြချက်တွေကြောင့် ကန့်ကွက်ဝေဖန်မှုတွေလည်း ရှိခဲ့ပါတယ်။ ဇာတ်ကားအပေါ် မူရင်းအညွှန်းရဲ့ သုံးသပ်ချက်ကတော့ အချစ်ရေးမှာ ငွေကြေးရှိတာ၊ ရုပ်ရည်ကောင်းတာ၊ တစ်ဖက်လူကို အလိုလိုက်ပေးတာတွေနဲ့ပဲ ကျေနပ်မှုနဲ့ တည်မြဲမှုကို အာမခံလို့ မရဘူးဆိုတာပါ။ နှစ်ယောက်အတူ ဆက်လျှောက်ကြဖို့ တစ်ယောက်ရဲ့စိတ်ဆန္ဒကို တစ်ယောက် နားလည်ပေးနိုင်ဖို့လည်း လိုတယ်ဆိုတဲ့အမြင်နဲ့ ရေးထားပါတယ်။

“Fifty Shades Darker” 2015 ခုနှစ်မှာ အပေါက်ဆုံးဖြစ်သွားခဲ့တဲ့ ရုပ်ရှင်တွေထဲကတစ်ခု…. Erotic Romance ရဲ့ပုံစံကိုပီပီပြင်ပြင်ဖော်ပြခဲ့တဲ့ Fifty Shades of Grey ဟာ စာအုပ်ရော ရုပ်ရှင်ရောဝင်ငွေကောင်းပြီးနာမည်ကြီးတာ သိပ်မဆန်းပါဘူး…. (မင်းသားကလဲ အတော်ဆွဲဆောင်မှုကောင်းသလို မင်းသမီးကလဲ အတော်လှတာကိုး…) အခုဆိုရင်ဖြင့် Fifty Shades of Grey ရဲ့အဆက် Fifty Shades Darker ဟာ 2017 February မှာရုံတင်ခဲ့ပြီး  EL.James ရဲ့ Fifty Shades Trilogy မှ ဒုတိယမြောက်စာအုပ်ကို House of Card ဒါရိုက်တာ James Foley ကပြန်လည်အသက်သွင်းထားပြီး ဖြစ်ပါတယ် သရုပ်ဆောင်တွေအနေနဲ့ကတော့ ပထမFifty Shades of Grey မှာ ပါဝင်ခဲ့တဲ့သူတွေအားလုံးနီးပါးပြန်လည်ပါဝင်မှာပဲဖြစ်ပါတယ်… အချစ်ဟာ (စာအုပ်တွေထဲမှာ ရုပ်ရှင်တွေထဲမှာ ဆိုရင်တော့) လူတစ်ယောက်ကို သိမ်မွေ့စွာပြောင်းလဲစေနိုင်တဲ့အစွမ်းသတ္တိရှိတဲ့ နူးညံ့တဲ့အရာတစ်ခုပါ။ Sadist တစ်ယောက်ဖြစ်တဲ့ Christain Grey ကိုအချစ်ဆိုတဲ့အရာက ပြောင်းလဲစေခဲ့ပါတယ်။ မိခင်ရင်းကိုမျက်စိရှေ့မှာတင်ဆုံးရှုံးခဲ့ရတဲ့ Christian ဟာ ဘယ္သူကိုမွလဲမခ်စ္တတ္သလို အခ်စ္ကိုလဲ လက္မခံတတ္သူပါ။ သူ့ကိုယ်သူအပါအဝင်အရာရာတိုင်းကိုသူဖြစ်စေချင်တဲ့အတိုင်းထိန်းချုပ်တတ်တဲ့ Control Freak တစ်ယောက်… Anastasia Steele ကတော့ အချစ်ဦးဖြစ်တဲ့ Christian Grey ကိုအလွန်ချစ်သောသူဖြစ်ပြီး Christian ရဲပုံစံခွက်ထဲမှာ အသားကျအောင်နေဖို့ကြိုးစားခဲ့သူ

ဖရက်တ်ရဲ့ ကြော်ငြာအေဂျင်စီလုပ်ငန်း ရှုံးနိမ့်သွားတဲ့အခါ သူလည်း အကြွေးနွံထဲ နစ်သွားပါတယ်။ စိတ်ပြေလက်ပျောက်ဖြစ်အောင် သူငယ်ချင်းတွေနဲ့အတူ ယောဂကျင့်ပြီး စိတ်အပန်းဖြေနိုင်တဲ့ တရားစခန်းတစ်ခုကို လိုက်သွားရာက အဆိုတော်မလေးတစ်ယောက်ကို ချစ်မိသွားတယ်။ လုပ်ငန်းအရှုံးနဲ့ ရင်ဆိုင်ထားရတဲ့ ဖရက်တ်အတွက် ဒီအချစ်ရေးက ဘယ်လိုအဆုံးသတ်ဖြစ်လာမလဲ။ ဒီတူရကီအချစ်ဒရမ်မာမှာ ရှုခင်းရိုက်ချက်တွေနဲ့ လိုက်ဖက်တဲ့ ငြိမ့်ညောင်းတဲ့ နောက်ခံတေးဂီတကို သုံးထားပါတယ်။ အချစ်ဇာတ်လမ်းနဲ့အတူ တရားထိုင်တာ၊ ယောဂကျင့်တာတွေက ဘဝအတွက် ဘယ်လိုအဓိပ္ပါယ်ရှိသလဲဆိုတဲ့ အကြောင်းတွေကိုလည်း ထည့်ပြထားပြီး ကိုယ်ရှင်သန်နေတဲ့ဘဝရဲ့ အဓိပ္ပါယ်ကို မေးခွန်းထုတ်ထားပါတယ်။

Gattu နဲ့ Binny တို့က တစ်လမ်းတည်းမှာ မျက်နှာချင်းဆိုင်နေကြပြီး အတူကစား၊ အတူကြီးပြင်းလာခဲ့တဲ့ ငယ်သူငယ်ချင်းတွေပါ။ Gattu က Binny ကို ချစ်နေပေမယ့် ဖွင့်မပြောရဲလို့ ညီမလေးတစ်ယောက်လိုပဲ စောင့်ရှောက်ပေးနေတယ်။ တစ်နေ့တော့ ဖွင့်ပြောပြီး သူနဲ့ လက်ထပ်မယ်လို့လည်း စိတ်ကူးထားပါတယ်။ ဒါပေမယ့် နှစ်ဖက်မိဘနဲ့ ပတ်ဝန်းကျင်က သူတို့ကို မောင်နှမတွေလိုပဲ မြင်ထားကြပြီး တခြားသူတွေနဲ့ အသီးသီး အိမ်ထောင်ပြုဖို့ တိုက်တွန်းနေကြတယ်။ Gattu အရဲစွန့်ပြီး ဖွင့်ပြောလိုက်ချိန်မှာတော့ Binny ရဲ့မိဘတွေက သူ့သမီးကို တခြားကောင်လေးတစ်ယောက်နဲ့ စေ့စပ်လက်ထပ်ပေးဖို့ စီစဉ်နေကြပါပြီ။ ရာဂျ်ကူမားရောဝ်နဲ့ ရူရ်သီးဟာစန်တို့ ပါဝင်တဲ့ ဒီအချစ်ဟာသကားမှာ Gattu က Binny နဲ့ လက်တွဲရဖို့ ဘယ်လိုကြံမလဲ။ Binny ကရော သူ့ကို အစ်ကိုတစ်ယောက်လိုပဲ သဘောထားတာလား။ တစ်သက်လုံး မောင်နှမလို မြင်လာခဲ့တဲ့ မိဘအသိုင်းအဝန်းကရော သူတို့နှစ်ယောက်ကို လက်ခံပေးပါ့မလား။

၁၉၅၃ ခုနှစ်ကို နောက်ခံထားတဲ့ ဒီအချစ်ဒရမ်မာမှာ ဗာရွန်ဆိုတဲ့ ရှေးဟောင်းသုတေသနသမားလေးက မဏိပူပြည်နယ်က ရွာတစ်ရွာကို ရောက်လာပါတယ်။ ရွာထဲက ရှေးဟောင်းဘုရားကျောင်းအောက်မှာ ရှေးမျိုးနွယ်စုတစ်ခုရဲ့ အမွေအနှစ်တွေ ရှိနေလို့ လေ့လာတူးဖော်ချင်တယ်ဆိုပြီး မြေပိုင်ရှင်တစ်ယောက်ဆီ လာတွေ့တာပါ။ သူ့မှာ စာရွက်စာတမ်းတွေလည်း အခိုင်အမာ ပါလာတယ်။ စကားပြောကြည့်ရင်း သူ့အသိဉာဏ်နဲ့ အပြုအမူတွေကို သဘောကျလာတဲ့ မြေပိုင်ရှင်က တည်းခိုခန်းမှာ မနေတော့ဘဲ အိမ်ကို ပြောင်းလာဖို့အထိ ဖိတ်ခေါ်လိုက်ပါတယ်။ မြေပိုင်ရှင်ရဲ့သမီး ပါခီကတော့ သူစိမ်းတွေနဲ့ တွေ့ကြုံဖူးခြင်းမရှိတဲ့ ရိုးရိုးအေးအေး မိန်းကလေးတစ်ယောက်ပါ။ အိမ်ကို လာတည်းတဲ့ ဧည့်သည်ဗာရွန်ကို သူ့နှလုံးသားတစ်ခုလုံး ပုံအပ်မိသွားတယ်။ ဒါပေမယ့် ဗာရွန်ရဲ့အကြောင်းမှာ ပါခီ မသိရသေးတာတွေ ရှိနေပါတယ်။ ရမ်ဗီးဆင်းနဲ့ ဆိုနာရှီးတို့ ပါဝင်ထားပြီး The Last Leaf ကို ပြန်လည်ရိုက်ကူးထားတဲ့ ဇာတ်ကားလို့ မူရင်းအညွှန်းမှာ ဖော်ပြထားပါတယ်။ ရှေးသီချင်းတွေနဲ့ ဇာတ်ဝင်သီချင်းတွေကိုလည်း ခေတ်နောက်ခံ၊ အချစ်ဇာတ်လမ်းတို့နဲ့ လိုက်ဖက်အောင် တွဲသုံးထားပါတယ်။

ဘေးခန်းက ကောင်မလေး လူသတ်နေတာကို မြင်လိုက်ရပေမယ့် ကောင်လေးတစ်ယောက်ကတော့ သူ့ကို ချစ်မိသွားပါတယ်။ လူတစ်ယောက်နဲ့တစ်ယောက် ချစ်မိကြတဲ့အကြောင်းရင်းတွေ မတူကြပေမယ့် သူ့အဖြစ်ကတော့ ထူးဆန်းနေတယ်။ ကိုယ်ချစ်တဲ့သူဟာ ကိုယ့်ကိုပါ သတ်ပစ်နိုင်တယ်ဆိုတာ သိနေတဲ့ကြားက ချစ်စိတ်က လျော့မသွားပါဘူး။ ဒီဂျပန်ဇာတ်ကားက လူသတ်တဲ့ ကောင်မလေးတစ်ယောက်နဲ့ သူ့ကို ချစ်မိနေတဲ့ ကောင်လေးတစ်ယောက်အကြောင်းကို ဒရမ်မာ၊ ထိတ်လန့်စရာနဲ့ လျှို့ဝှက်ဆန်းကြယ်မှုတွေ ရောပြီး တင်ဆက်ထားပါတယ်။

ရာနဲ့ ဆာသရာဟာ သူငယ်ချင်းနှစ်ယောက်ပါ။ ဆာသရာက နာမည်ကြီးဒီဇိုင်နာတစ်ယောက်ဖြစ်ပြီး ရာကတော့ သာမန်လူတစ်ယောက် ဖြစ်ပါတယ်။ သူတို့နှစ်ယောက် မိန်းကလေးတစ်ယောက်စီနဲ့ တစ်ချိန်တည်း ပတ်သက်မိရာက လုပ်မိကြတဲ့ အမှားတွေကို ဖြစ်ရပ်နှစ်ခု ယှဉ်ပြတဲ့ပုံစံနဲ့ ဇာတ်လမ်းဆင်ထားပါတယ်။ ရာက အွန်လိုင်းမှာ ချစ်ကြိုက်နေတဲ့ ကောင်မလေးနဲ့ အပြင်မှာ သွားတွေ့ဖို့ လုပ်တယ်။ ကောင်မလေးကို အခွင့်အရေးယူဖို့ ရည်ရွယ်ပြီး အိမ်မှာ ဘယ်သူမှမရှိချိန် လိုက်သွားခဲ့ပေမယ့် မထင်မှတ်တဲ့ အဖြစ်အပျက်တွေနဲ့ ကြုံလာရပါတယ်။ တစ်ချိန်တည်းမှာပဲ မိုးရွာနေတဲ့ ညတစ်ညမှာ လိပ်စာမှားလာတဲ့ မိန်းကလေးတစ်ယောက် ဆာသရာ့အိမ်ကို ရောက်လာတယ်။ ဆုံးဖြတ်ချက်အမှားကြောင့် ဘဝတစ်ခုလုံး ပြောင်းလဲသွားတဲ့အခါ သူတို့နှစ်ယောက် ဘယ်လိုရင်ဆိုင်ကြမလဲ။ အချစ်နဲ့ ဟာသကို သည်းထိတ်ရင်ဖိုအဖြစ်အပျက်တွေနဲ့ ရောစပ်ထားတာကြောင့် ရယ်စရာအခန်းတွေထဲမှာတောင် နောက်ဘာဖြစ်လာမလဲဆိုပြီး စောင့်ကြည့်ရတဲ့ အခြေအနေတွေ ပါဝင်ပါတယ်။

မေပယ်ဝုဟာ ခရစ္စမတ်ကို စည်စည်ကားကား ဆင်နွှဲကြတဲ့ နယ်မြို့လေးပါ။ အဲဒီမြို့မှာ ခရစ္စမတ်ကာလရောက်တိုင်း ရောင်းအားကောင်းပြီး လက်ရာနဲ့ နာမည်ရနေတဲ့ ခူးပါကွတ်ကီးလုပ်ငန်း ရှိပါတယ်။ တည်ထောင်သူ အဖွားခူးပါ ကွယ်လွန်သွားတဲ့နောက် နယူးယော့ခ်ကနေ ရောက်လာတဲ့ မြေးမလေး အန်နီခူးပါက လုပ်ငန်းရဲ့ CEO ဖြစ်လာတယ်။ အန်နီက တာဝန်ယူပြီးတာနဲ့ လုပ်ငန်းအသုံးစရိတ်တွေ လျှော့ချလိုက်ပါတယ်။ သူ့လုပ်ဆောင်ချက်တွေကြောင့် ရှယ်ယာရှင်တွေအပါအဝင် မြို့သူမြို့သားတွေကပါ သူ့ကို မကြည်မလင်ဖြစ်လာကြပြီး စခရူးမက်ဒက်ခ်လို့တောင် နာမည်ပြောင်ပေးထားကြတယ်။ အဲဒီအချိန်မှာပဲ ခူးပါကွတ်ကီးရဲ့ အနာဂတ်ကို အဆုံးသတ်သွားစေနိုင်တဲ့ လျှို့ဝှက်ကိစ္စတစ်ခု ဆိုင်ထဲမှာ ဖြစ်လာပါတယ်။ ဒီကိစ္စကို ဘယ်သူလုပ်တာလဲ၊ အန်နီကို ပညာပေးချင်လို့လား၊ လုပ်ငန်းကို ဖျက်ဆီးချင်လို့လား၊ ဒါမှမဟုတ် တခြားရည်ရွယ်ချက် ရှိနေသလားဆိုတာ မသိရသေးဘူး။ အန်နီကလည်း မြို့သူမြို့သားတွေ မသိခင် ပြဿနာကို ဖြေရှင်းရတော့မယ်။ တစ်ဖက်မှာ ဘယ်လာကွတ်ကီးဆိုင်ပိုင်ရှင် ဆမ်တို့သားအဖနဲ့ ဘယ်လိုဆုံတွေ့လာမလဲဆိုတာလည်း ရှိနေပါတယ်။ ဆိုင်ကို ကယ်တင်ဖို့ အတူကြိုးစားပေးကြသူတွေနဲ့ အန်နီတို့ကြားက အလွဲတွေကို ဟာသနဲ့ ပြထားပြီး အချစ်ဇာတ်လမ်းလည်း အနည်းငယ် ပါဝင်ပါတယ်။ ၂၀၂၂ ခုနှစ်ထွက် ဒီခရစ္စမတ်ဇာတ်ကားမှာ Victor Webster၊ Rachel Boston နဲ့ ကလေးသရုပ်ဆောင် Averie Peters တို့ ပါဝင်ထားပါတယ်။

မုရုံဟာ ရန်တိုင်းပြည်မှာ ကျော်ကြားတဲ့ စစ်သူကြီးတစ်ယောက်ဖြစ်ပြီး ချောမောခန့်ညားသလို အရည်အချင်းလည်း ရှိသူပါ။ မင်းကြီးက သူ့ကို မင်းသမီးတစ်ပါးနဲ့ လက်ဆက်ပေးလိုက်ပါတယ်။ ဒီမင်းသမီးက ဘုရင့်သမီးတော်တော့ မဟုတ်ဘဲ ဦးရီးတော်ရဲ့ မွေးစားသမီးဖြစ်နေတယ်။ ဦးရီးတော်က ထီးနန်းကို တိတ်တိတ်ကြံစည်နေသူဖြစ်ပြီး မွေးစားသမီးကို စစ်သူကြီးအိမ်တော်ဆီ ပို့လိုက်တာမှာလည်း ရည်ရွယ်ချက်ရှိပါတယ်။ စစ်သူကြီးဆီက ပစ္စည်းတစ်ခုကို ခိုးယူပေးဖို့ပါ။ ဒီလိုနဲ့ လျှို့ဝှက်အကြံအစည်နဲ့ ရောက်လာတဲ့ မင်းသမီးလေးနဲ့ ထက်မြက်တဲ့ စစ်သူကြီးတို့ လင်မယားဖြစ်သွားကြတယ်။ လက်ထပ်ပြီးနောက် သူတို့ကြား ဘယ်လိုအလွဲတွေ ကြုံကြမလဲ၊ အဲဒီကနေ ဘယ်လိုချစ်ကျွမ်းဝင်လာကြမလဲဆိုတာကို ရှေးခေတ်နောက်ခံ အချစ်ဟာသဇာတ်လမ်းအဖြစ် ပြထားပါတယ်။

အခင်ဆုံးသူငယ်ချင်းနှစ်ယောက်ဖြစ်တဲ့ Kween Pearl နဲ့ Kween Achilles တို့ဟာ အချစ်ငတ်နေတဲ့စိတ်ကို ဖြေဖျောက်ဖို့ အားလပ်ရက်ခရီး ထွက်လာကြပါတယ်။ အချစ်ကို လိုက်ရှာရင်း နှစ်ယောက်စလုံးက ကောင်လေးတစ်ယောက်တည်းကို ချစ်မိသွားတဲ့အခါ သူငယ်ချင်းချင်း အချစ်ပြိုင်ဘက်တွေ ဖြစ်လာကြတယ်။ အချစ်အတွက် ယှဉ်ပြိုင်လာကြတဲ့ သူတို့နှစ်ယောက်ကြား ဘာတွေဆက်ဖြစ်မလဲဆိုတာကို ဟာသနဲ့ ရောစပ်ပြထားပါတယ်။ ဒီဖိလစ်ပိုင်အချစ်ဟာသဇာတ်ကားက LGBT လူတွေရဲ့အကြောင်းကို တင်ပြထားပြီး ဘယ်လိုလိင်ဖြစ်တည်မှုရှိသူမဆို တန်းတူအချစ်ခံထိုက်တယ်ဆိုတဲ့ အမြင်ကို ဖော်ပြထားပါတယ်။ လူကြီးများအတွက်သာ သင့်တော်တဲ့အခန်းတချို့နဲ့ စကားအသုံးအနှုန်းကြမ်းတွေ ပါဝင်ပါတယ်။

အထက်တန်းကျောင်းမှာ တွေ့ဆုံချစ်ကြိုက်ခဲ့တဲ့ လူငယ်နှစ်ယောက်ရဲ့ အချစ်ဇာတ်လမ်းက ကောလိပ်တက်တဲ့အချိန်အထိ ဆက်လာပါတယ်။ ဒီတရုတ်အချစ်ဇာတ်ကားမှာ အဓိကထားပြထားတာကတော့ ချစ်နေကြပေမယ့် အဝေးမှာ နေကြရတဲ့အခါ အချစ်ကို ဆက်ထိန်းထားရတဲ့ အခြေအနေပါ။ ကျောင်းသားဘဝက အချစ်ကို ရိုက်ပြထားပုံ၊ ရုပ်ပုံနဲ့ အရောင်အသွေးတွေမှာ You're the Apple of My Eye နဲ့ ဆင်တူတဲ့ အရသာရှိပေမယ့် ဒီဇာတ်ကားက အဝေးရောက်ချစ်သူတွေအကြောင်းကို ပိုအလေးထားပါတယ်။ ဇာတ်ကောင်တွေရဲ့ အသွင်အပြင်ကလည်း နေ့စဉ်ဘဝမှာ တွေ့နေကျ လူငယ်တွေလို ရင်းနှီးလွယ်တဲ့ပုံစံမျိုးပါ။ တချို့စကားတွေကတော့ လက်တွေ့ဘဝမှာ ပြောလေ့မရှိလောက်အောင် စာဆန်နေပါတယ်။ အချစ်အကြောင်းကို စကားနဲ့ တိုက်ရိုက်ပြောပြတဲ့အခန်းတွေ ရှိသလို အပြုအမူနဲ့ အခြေအနေတွေကနေ ပြသထားတာတွေလည်း ရှိတယ်။ ပျော်ရွှင်မှုကို မျှဝေပေးဖို့ လွယ်ပေမယ့် ကိုယ့်နာကျင်မှုကို ချစ်သူဆီ မရောက်စေချင်တဲ့စိတ်၊ ခက်ခဲတဲ့နေ့ရက်တွေမှာ ချစ်ခြင်းက အားဖြစ်စေနိုင်ပုံတွေကို တွေးမိစေတဲ့ အချစ်ဇာတ်လမ်းမျိုးပါ။ ဒီအကြောင်းတွေက ဇာတ်လမ်းအပေါ် မူရင်းစာရေးသူရဲ့ အတွေးအမြင်တွေဖြစ်ပြီး ဇာတ်ကောင်နှစ်ယောက်ရဲ့ သီးခြားလုပ်ရပ်တွေကို ဖော်ပြထားတာတော့ မဟုတ်ပါဘူး။ အချစ်ကို ယုံကြည်ထားတဲ့ လူနှစ်ယောက်အကြောင်းဖြစ်လို့ ခဏဖြစ်ဖြစ်၊ အချိန်ကြာကြာဖြစ်ဖြစ် ချစ်သူနဲ့ ဝေးနေရသူတွေအတွက် ရင်းနှီးနိုင်တဲ့ ခံစားချက်တွေ ပါဝင်ပါတယ်။ ခံစားမှုကို ဦးစားပေးထားတဲ့အခန်းတွေနဲ့ အချစ်သီချင်

ခရစ်စတယ်ဟာ ဆေးဝါးဖြန့်ဖြူးရေးကုမ္ပဏီတစ်ခုရဲ့ အရောင်းဌာနမှူးဖြစ်ပြီး အလုပ်မှာ ထူးချွန်ထက်မြက်သူပါ။ အချစ်ရေးမှာတော့ ချစ်သူဆေးဗီးယားရဲ့ မရေရာမှုတွေကြောင့် စိတ်မကျေနပ်ရတဲ့ ဆက်ဆံရေးတစ်ခုထဲမှာ ပိတ်မိနေတယ်။ အထီးကျန်စွာ ဖြတ်သန်းနေရတဲ့ ချစ်သူများနေ့တစ်နေ့မှာ အင်တာနက်လိုင်းပြတ်သွားရာကနေ အင်တာနက်နည်းပညာကျွမ်းကျင်သူ ဒါရယ်နဲ့ စတွေ့ဖြစ်ပါတယ်။ ဒါရယ်နဲ့တွေ့ပြီးနောက် ခရစ်စတယ့်ဘဝမှာ ပျော်ရွှင်မှုတွေ ပြန်ရှိလာပေမယ့် ဆေးဗီးယားနဲ့ မပြတ်မသားဖြစ်နေတဲ့ အချစ်ရေးကြောင့် အကျပ်ရိုက်လာရပြန်တယ်။ ဒီအခြေအနေကို သူဘယ်လိုဖြေရှင်းမလဲ၊ ဘယ်သူနဲ့ ဘဝကိုရှေ့ဆက်ဖို့ ရွေးချယ်မလဲဆိုတာကို ပြောပြထားတဲ့ အချစ်ဟာသဇာတ်ကားပါ။

ဆိုင်မွန်က ခလိုအီဟာ သူစိတ်ကူးထားတဲ့ အိပ်မက်ထဲကချစ်သူပဲလို့ ယုံကြည်နေပါတယ်။ ဒါပေမယ့် ခလိုအီသိပ်ချစ်တဲ့ ခွေးလေးနဲ့တော့ ဘယ်လိုမှ အဆင်မပြေနိုင်သေးဘူး။ အဲဒါကြောင့် ခွေးလေ့ကျင့်ပေးသူ အဲလက်စ်ကို အကူအညီတောင်းလိုက်တယ်။ သိပ်မကြာခင်မှာပဲ သူတကယ်စိတ်ချင်းနီးစပ်သူက ဘယ်သူလဲဆိုတာ ဆိုင်မွန် ပြန်စဉ်းစားမိလာပါတယ်။

We Couldn't Become Adults ဟာ အချိန်တွေကြာသွားပေမယ့် အတိတ်ထဲကလူတစ်ယောက်ကို မလွှတ်ချနိုင်သေးတဲ့ ခံစားချက်နဲ့ မရင့်ကျက်နိုင်ခြင်းအကြောင်းကို ပြောထားတဲ့ အချစ်ဒရာမာပါ။ မူရင်းမိတ်ဆက်စာက ဇာတ်လမ်းအဖြစ်အပျက်တွေကို တစ်ဆင့်ချင်းပြောတာထက် အချစ်ဟောင်းတစ်ခုကို ပြန်သတိရနေသူရဲ့ အသံနဲ့ ရေးထားပါတယ်။ ပြန်တွေ့ကြဦးမယ်လို့ ပြောခဲ့တဲ့အချိန်မှာ အဲဒါ နောက်ဆုံးတွေ့ဆုံမှုဖြစ်လာမယ်လို့ မသိခဲ့ဘူးဆိုတဲ့ အမှတ်တရကနေ စထားတယ်။ အနှစ်နှစ်ဆယ်ကျော်အတွင်း အတူသွားခဲ့ဖူးတဲ့ လမ်းတွေ၊ အဆောက်အဦးတွေ ပြောင်းသွားကြပေမယ့် မှတ်ဉာဏ်ထဲက သူမကတော့ အရင်လိုပဲ ကျန်နေဆဲပါ။ အခုလက်ရှိ သူမဘယ်လိုဖြစ်နေသလဲဆိုတာထက် အဲဒီတုန်းက သူမရဲ့အပြုံးနဲ့ သူမဆီက ကူးစက်လာခဲ့တဲ့ အမူအကျင့်တွေကို ဆက်သိမ်းထားမိတဲ့ ခံစားချက်မျိုးပါ။ ပြက္ခဒိန်နှစ်ဆယ့်ငါးအုပ်၊ ပို့စကတ်တစ်ခု၊ စာရွက်တွေ၊ အပြုံးတွေ၊ စီးကရက်မီးခိုးနဲ့ လမ်းမတွေကနေ ကိုယ်ရင့်ကျက်ပြီထင်ခဲ့ပေမယ့် မရင့်ကျက်နိုင်သေးတဲ့စိတ်ကို ပြန်တွေ့မိပုံကို ရေးထားတယ်။ အတူလျှောက်ခဲ့တဲ့ လမ်းက အဆုံးမရှိသလို ထင်ရပေမယ့် တစ်ချိန်မှာ လမ်းပဲကျန်ခဲ့ပြီး အတူရှိခဲ့သူက အမှတ်တရတစ်ခု ဖြစ်သွားတယ်။ ၂၀၂၀ ရဲ့ ပြိုယိုင်လာသလို ခံစားရတဲ့ ကမ္ဘာကို နောက်ခံထားပြီး အရင်ကနေ့ရက်တွေကို ပြန်တမ်းတမိတဲ့စိတ်ကိုလည်း ဆက်ပြောထားပါတယ်။ အတိတ်ကို မတမ်းတတော့တာ ရင့်ကျက်ခြင်းဆိုရင်တောင် မမေ့ချင်တော့ဘူး၊ မရင့်ကျက်ချင်တော့ဘူးဆိုတဲ့ ခံစားချက်ဆီ ရောက်သွားတဲ့ မိတ်ဆက

တက်ဒီနဲ့ လီယန်တို့ဟာ မထင်မှတ်ဘဲ တွေ့ဆုံခဲ့ရာက ချစ်မိသွားပြီး လက်ထပ်ခဲ့ကြတဲ့ စုံတွဲပါ။ တက်ဒီက လီယန်ကို ချစ်ပေမယ့် အလုပ်ထဲမှာပဲ အာရုံနှစ်ထားတော့ ဇနီးအတွက် အချိန်မပေးဖြစ်ဘူး။ ဟန်းနီးမွန်းခရီးတောင် မစီစဉ်ရသေးဘဲ နောက်မှလုပ်မယ်ဆိုပြီး ရွှေ့နေခဲ့ပါတယ်။ မင်္ဂလာဦးညမှာ လက်ဖွဲ့တွေကို ကြည့်ရင်း ဘယ်သူပို့ထားမှန်းမသိတဲ့ ထူးဆန်းတဲ့လက်ဖွဲ့တစ်ခုကို ဖွင့်ကြည့်မိကြတယ်။ အဲဒီနောက် တက်ဒီဟာ အချိန်တွေ အဆပေါင်းများစွာ မြန်မြန်ကုန်သွားတဲ့ အခြေအနေထဲ ရောက်သွားပါတော့တယ်။ သူနိုးလာတိုင်း တစ်နှစ်ကျော်သွားပြီး နိုးတဲ့နေ့ကလည်း သူတို့ရဲ့ မင်္ဂလာနှစ်ပတ်လည်နေ့ပဲ ဖြစ်နေတယ်။ အရာရာကို နောက်မှလုပ်မယ်လို့ ရွှေ့ထားတတ်တဲ့ တက်ဒီအတွက် အခုတော့ တစ်နှစ်ပြီးတစ်နှစ် ကုန်သွားနေတာကို ရင်ဆိုင်ရပါပြီ။ ဒီအချိန်စက်ဝန်းထဲက ဘယ်လိုရုန်းထွက်နိုင်မလဲ၊ အချိန်တွေ ဒီလောက်မြန်မြန်ကုန်နေတာက သူ့ဘဝကို ဘယ်လိုပြောင်းလဲစေမလဲ၊ သူတို့အိမ်ထောင်ရေးကိုရော ထိခိုက်လာမလားဆိုတဲ့ မေးခွန်းတွေနဲ့ ဆက်သွားပါတယ်။ အိမ်ထောင်တစ်ခုမှာ အချစ်အပြင် နားလည်မှု၊ ရိုးသားမှုနဲ့ အချိန်ပေးမှုတို့ လိုအပ်ပုံကို ဟာသ၊ စိတ်ကူးယဉ်နဲ့ အချစ်ဇာတ်လမ်း ရောပြီး တင်ဆက်ထားပါတယ်။