Ajay ပါဝင်သော ဇာတ်ကားများ

Ananthan Kaadu (2026) မီးလျှံကြားက တိုက်ပွဲ IMDb(7.4/10) ဒီတစ်ခေါက် ညွှန်းပေးချင်တာကတော့ ၂၀၂၆ ဇွန်လထဲမှာ ရုံတင်ခဲ့ပြီး Action, Drama နဲ့ Political Thriller အမျိုးအစားကိုမှ အမှောင်ဘက်သွားထားတဲ့ ရုပ်ရှင်ကားတစ်ကားပဲဖြစ်ပါတယ်။ Lucifer နဲ့ Empuraan တို့လို နာမည်ကြီးကားတွေကို ရေးသားခဲ့တဲ့ ဇာတ်ညွှန်းဆရာ Murali Gopy ရဲ့ လက်ရာဖြစ်ပြီး ဒါရိုက်တာ Jiyen Krishnakumar က ရိုက်ကူးထားတာပါ။‌၁၉၈၀အကုန်နဲ့ ၁၉၉၀ အစောပိုင်းကာလ သီရူဗာနန်သာပူရမ်မြို့ရဲ့ ဆင်းရဲသားရပ်ကွက်ထဲက လူမိုက် ၄ ယောက်... သူတို့က အကြမ်းဖက်မှုတွေနဲ့ အသက်ဆက်နေရပေမဲ့ တစ်ဖက်မှာလည်း ဂီတကို အရမ်းရူးသွပ်ကြတဲ့သူတွေပါ။ အဲဒီခေတ်ရဲ့ နိုင်ငံရေးမတည်ငြိမ်မှုတွေ၊ နိုင်ငံရေးသမားတွေနဲ့ ဂိုဏ်းစတားတွေကြားက အာဏာလုပွဲတွေကြားထဲမှာ ဒီလူမိုက်တသိုက်ဟာ ကြေးစားအဖြစ် အသုံးချခံလာရပါတယ်။ အခြေအနေတွေ ရှုပ်ထွေးလာချိန်မှာတော့ သီရီလင်္ကာ တမီးလ် သူရဲကောင်း ဗက်ထရီဗယ်လ် ကူမာရန် နဲ့ သွားဆုံမိပြီး သူတို့မှာ ဘုံရန်သူတစ်ယောက် ရှိလာခဲ့ပါတယ်။ နိုင်ငံရေးအရှုပ်အထွေးတွေ၊ သစ္စာဖောက်မှုတွေနဲ့ လက်စားချေမှုတွေကြားမှာ ဒီလိုအောက်ခြေလူတန်းစားတွေ ဘယ်လိုရုန်းကန်ရှင်သန်ကြမလဲဆိုတာ.....။ File size… 6.7 GB / 2.2 GB / 1.4 GB Quality…WEB DL4k HEVC / 1080p HEVC/ 720p Format…mkv/ mp4 Duration….2h 37m Subtitle….Myanmar Subtitle (Hard Sub)

Magudam (2026) သရဖူ တမီလ်မင်းသားကြီး ဗီရှယ်ကိုယ်တိုင် ဒါရိုက်တာအဖြစ် ပထမဆုံးရိုက်ကူးဖန်တီးပြီး ခေါင်းဆောင်မင်းသားအဖြစ် သရုပ်ဆောင်ထားတဲ့ ကလဲ့စား အက်ရှင်သည်းထိတ်ရင်ဖို ရုပ်ရှင်ကို တင်ဆက်ပေးလိုက်ပါတယ်။ မြေအောက်လောကရဲ့ ဩဇာကြီးမားတဲ့ ဂိုဏ်းစတားခေါင်းဆောင်ကြီး လင်ဂါ။ အဖေဖြစ်သူ လင်ဂါရဲ့ ရာဇဝတ်လုပ်ငန်းတွေကို စိတ်ကုန်ပြီး အေးချမ်းတဲ့ သာမန် ဆေးဝါးသမားအဖြစ် လွတ်လပ်စွာ နေထိုင်လိုသူ သားဖြစ်သူ ကီရူဘာ။ ကီရူဘာဟာ သာမန် မိသားစုဘဝလေးနဲ့ အေးအေးချမ်းချမ်းနေထိုင်ဖို့ ကြိုးစားပေမဲ့ မမျှော်လင့်ဘဲ ရာဇဝတ်ဂိုဏ်းတွေရဲ့ ရန်ပွဲ၊ သစ္စာဖောက်မှုတွေကြား ကြားညှပ်ပြီး ကံကြမ္မာရဲ့ ရက်စက်မှုကြောင့် ဇနီးနှင့် သမီးဖြစ်သူတို့ကို ဆုံးရှုံးလိုက်ရတာကြောင့် အေးအေးဆေးဆေးနေချင်တဲ့ ကီရူဘာ တစ်ယောက် လက်စားချေလိုစိတ်နဲ့ တချိန်ကကျောခိုင်းခဲ့ဖူးတဲ့ ဒုစရိုက်လောကထဲ ပြန်ဝင်ဖို့ဖြစ် လာတဲ့အခါ...။ File size… 3.2 GB / 2 GB Quality…WEB DL 1080p HEVC/ 720p Format…mkv/ mp4 Duration….3h 4m Subtitle….Myanmar Subtitle (Hard Sub)

Srinivasa Mangapuram (2026) "တီရူပတီက အချစ်ဇာတ်လမ်း" IMDb - 5/10 မိသားစုအသိုင်းအဝိုင်းက မိန်းကလေးတယောက်ကို သူတို့သဘောမတူဘဲ ချစ်ကြိုက်ပြီး ခိုးပြေးတာမျိုးဆို ယောက်ျားလေးဖြစ်သူကို ရက်ရက်စက်စက် ပြုမူတတ်တဲ့ ပတ်ဒီရက်ဒီ။ ဘုရားကျောင်းတွေ ပေါများလှတဲ့ တီရူပတီမြို့လေးကို ကျောင်းကိစ္စနဲ့ရောက်လာခဲ့တဲ့ ဗာဆူ။ ဗာဆူ တီရူပတီမြို့ကို ရောက်ရောက်ချင်းနေ့မှာပဲ ပတ်ဒီရက်ဒီက လူငယ်တစ်ယောက်ကို ရိုက်နှက်ဆုံးမနေတာကို မြင်တွေ့ခဲ့ပါတယ်။ ကံအကြောင်းဖန်လေတော့ တီရူပတီကိုရောက်ပြီးမကြာခင်မှာပဲ ဗာဆူချစ်မိသွားတာက ပတ်ဒီရက်ဒီရဲ့သမီး မန်ဂါဖြစ်နေပါရော။ ပတ်ဝန်းကျင်အသိုင်းအဝိုင်းက မိန်းကလေးတွေကိုတောင် သူတို့သဘောမပါဘဲ ချစ်ကြိုက်မိရင် ယောက်ျားလေးဖြစ်သူကို ရက်ရက်စက်စက်ရိုက်နှက်ဆုံးမတတ်တဲ့ ပတ်ဒီရက်ဒီ၊ သမီးဖြစ်သူနဲ့ ချစ်ကြိုးသွယ်ပြီး မှန်တယ်ထင်ရင် ဘယ်လိုလူမျိုးကိုမှ မကြောက်တတ်တဲ့ ဗာဆူတို့ ထိပ်တိုက်တွေ့ကြတဲ့အခါမှာတော့...။ File size… 3 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Jetlee (2026) အကောင်းလား အဆိုးလား IMDb 7.6 ဘဏ်လုပ်ငန်းရှင်ကြီး ပရာဂျာပါသီက ဘဏ်ထဲကငွေတွေကို အလွဲသုံးစားလုပ်ပြီး ကွိုင်ဘက်ရင်းနှီးမြှုပ်နှံလိုက်တာ ဒေဝါလီခံရတဲ့အခြေအနေဖြစ်သွားခဲ့ပါတယ် ဒါကို သူ့အပြစ်ပေါ်မှာစိုးပြီး ကြားခံတစ်ယောက်ကို အပြစ်ပုံချ သူကတော့ အစီအစဉ်ချပြီး ကိုယ်လွတ်ရုန်းဖို့ ကြံပါတော့တယ် ပြဿနာက ဒီကစမှာပါ အစီအစဉ် ရေးဆွဲအကောင်အထည်ဖော်ဖို့အတွက် အတော်ဆုံးဆိုတဲ့လူကိုငှားထားတာပါ ဖြစ်ချင်တော့ သူတို့အကောင်အထည်ဖော်မဲ့ လေယာဉ်ပေါ်မှာ လုပ်ကြံရေးသမားက တိုက်ခိုက်ခံရပြီး ပြန်သတိရလာတော့ အတိတ်မေ့သွားပါလေရော ဒါ့အပြင် ပရာဂျာပါသီကိုဖမ်းဖို့ လေယာဉ်ပေါ်မှာ အသွင်ယူအေးဂျင့်တစ်ယောက်ပါရှိနေလေတော့ ကိုယ့်ကိုယ်ကိုယ် လုပ်ကြံရေးသမားလား နိုင်ငံ့အတော်ဆုံးအေးဂျင့်လားဆိုတာ ဝေခွဲမရတဲ့အပြင် ဘယ်လို ကမောက်ကမတွေနဲ့ အခွီတစ်သိုက်တွေဖြစ်သွားမလဲဆိုတာကိုတော့....။ File size… 2.18 GB / 1.05 GB Quality…WEB DL 1080p HEVC/ 720p Format…mkv/ mp4 Duration….1h 12m Subtitle….Myanmar Subtitle (Hard Sub)

KA (2025) "ကံ" IMDb - 7.0/10 ၂၀၂၄ခုနှစ်က ထွက်ရှိထားပြီး ဝင်ငွေအရရော ပရိသတ်အားပေးမှုအရရော အောင်မြင်ခဲ့တဲ့ တေလဂူးရုံတင်ကားဟောင်းကို တင်ဆက်ပေးလိုက်ပါတယ်။ တေလဂူးမင်းသား ကီရန်ရဲ့ ဝင်ငွေအများဆုံးနဲ့ အအောင်မြင်ခဲ့ဆုံး ရုပ်ရှင်ဆိုလည်း ဟုတ်ပါတယ်။ သူများစာတွေကို မဖတ်ဘဲမနေနိုင်အောင် ခိုးဖတ်တတ်တဲ့အကျင့်နဲ့ စာပို့သမားလေး ဗာဆူဒေ့ဗ်။ ခိုးဖတ်တတ်ရုံတင်မဟုတ် စာတွေကို ပြင်ရေးတာမျိုး ကူညီရေးပေးတာမျိုးလည်း လုပ်တတ်ပါသေးတယ်။ တနေ့တော့ ဗာဆူဒေ့ဗ်တယောက် ထူးခြားဆန်းပြားတဲ့ စစ်ကြောရေးအခန်းထဲမှာ ဘာကိုမှ မမှတ်မိ မစဉ်းစားနိုင်တဲ့ အခြေအနေတခုနဲ့ ရောက်နေခဲ့ပါတယ်။ စစ်မေးနေရင်းကနေ ဗာဆူဒေ့ဗ် ဖြစ်ပျက်ခဲ့တာတွေကို တစတစနဲ့ သတိရလာတဲ့အခါ။ တဖက်အခန်းမှာ သူလိုပဲ အဖမ်းခံထားရတဲ့ ရာဒါဆိုတဲ့ ကျောင်းဆရာမတယောက်နဲ့ပါ ဆက်သွယ်ပြောဆိုမိသွားချိန်။ ဗာဆူဒေ့ဗ် ပြောင်းရွှေ့လုပ်ကိုင်ခဲ့တဲ့ ရွာတစ်ရွာက အမျိုးသမီးငယ်တွေ ဆန်းဆန်းပြားပြား ပျောက်ဆုံးသွားတဲ့ကိစ္စတွေကို မေးမြန်းစစ်ဆေးရင်း ပေါ်ပေါက်လာတဲ့အခါမှာတော့...။ File size… 1.74 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 29m Subtitle….Myanmar Subtitle (Hard Sub)

Sundarakanda 2025 ကိုလူပျိုရဲ့ရွှေဖူးစာ လူပျိုကြီး ဆစ်ဒါးတစ်ယောက် မိန်းမရှာလာလိုက်တာ တဖြည်းဖြည်းနဲ့ ဒုတိယအရွယ်ကို တစ်စတစ်စ ကူးပြောင်းလာတဲ့အထိပါပဲ။ ဆစ်ဒါးမှာ သူ့ရဲ့ဇနီးလောင်းမှာလိုချင်တဲ့ အရည်အချင်း 5 ခုရှိပြီး ဒီ 5 ခုလုံးပြည့်မီတော့မှပဲ ဆရာသမားကလည်း လက်ထပ်ချင်တာပါ။ ခက်တာကလည်း သွားကြည့်တဲ့မိန်းကလေးတွေလည်း တစ်ယောက်မှမပြည့်မီနေတော့ ပွဲမှန်သမျှ "နိုး" နဲ့ ဇာတ်သိမ်းနေတာတော့ အဖေနဲ့အမေတောင် ဂေါ်မစွံ သားတော်မောင်အတွက် စိတ်ကုန်စပြုနေပါပြီ။ ဒီလိုနဲ့ ဆစ်ဒါးတစ်ယောက် သူရဲ့ရည်မှန်းချက်နဲ့ ကွက်တိကျတဲ့အပြင် သူကိုယ်တိုင် မြင်မြင်ချင်းချစ်မိသွားတဲ့ တက္ကသိုလ်ကျောင်းသူလေးကို တွေ့သွားချိန်မှာတော့... (အညွှန်းနဲ့ဘာသာပြန်ကတော့ B-Teamမှဖြစ်ပါတယ်) File size…2.8 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 20m Subtitle….Myanmar Subtitle (Hard Sub)

Mazaka (2025) "အဖေတစ်ခု သားတစ်ခု" အသစ်ထွက် တေလဂူး မိသားစုဟာသကားလေးကို တင်ဆက်လိုက်ပါတယ် ရာမာနာဟာ သူ့သားလေးကိုမွေးမွေးချင်းမှာပဲ ဇနီးသည်ကို ဆုံးရှုးလိုက်ရလို သားလေးအရွယ်ရောက်တဲ့အထိ သားအဖနှစ်ယောက်တည်း အတူနေခဲ့ရတယ် သားဖြစ်သူက မိသားစုဆိုတဲ့အရာကို တောင့်တလာတဲ့အခါမှာ မိန်းမပေးစားဖို လိုက်ရှာပေမဲ့ အမျိုးသမီးမရှိတဲ့အိမ်ကို ဘယ်သမီးရှင်မှ သမီးမပေးနိုင်တာမို သူကိုယ်တိုင် အရင်အိမ်ထောင်ပြုဖို ကြိုးစားရင်း ဘယ်လိုအလွဲလေးတွေ ဖြစ်လာမှာလဲဆိုတာ ပေါ့ပေါ့ပါးပါး ရယ်မောရမယ့် ဇာတ်လမ်းလေးဖြစ်ပါတယ် အညွှန်းနဲ့ ဘာသာပြန်ကတော့ KKKZ ~ Cym ~ Zwe ~ Yunni တိုမှ ဖြစ်ပါတယ်ခင်ဗျာ File size… 2.9 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 8m Subtitle….Myanmar Subtitle (Hard Sub) Encoder….YK Translated by  KKKZ ~ Cym ~ Zwe ~ Yunni

Yakshini (2024) အခု CM Bollywood ဖန်တွေအတွက် တင်ဆက်ပေးချင်တာကတော့ သဘာဝလွန်ဖြစ်ရပ်ဆန်းကြယ်တွေနဲ့ မွမ်းမံစီချယ်ထားတဲ့ Yakshiniဆိုတဲ့ hostarကထုတ်လွှင်ခဲ့တဲ့ အပိုင်း၆ပိုင်းနဲ့ mini serieလေးပဲဖြစ်ပါတယ် ဇာတ်လမ်းအကျဉ်း ယက္ခဘီလူးမျိုးနွယ်ဝင် တစ်ယောက်ဖြစ်တဲ့ မာယာက နတ်ဘုံရဲ့စည်းမျဉ်းတစ်ခုကိုဖောက်ဖျက်ခဲ့အတွက် လူပြည့်မှာနေဖို့အတွက် ကျိန်စာတိုက်ခံခဲ့ရပါတယ် သူ့ရဲ့ကျိန်စာကိုပြေဖို့အတွက်ဆိုရင် မာယာက လူပျိုယောက်င်္ကျားအယောက်၁၀၀နဲ့ နေပြီးရင် သတ်ရမှာပါ သူ့ရဲ့တိုင်းပြည်ဖို့ပြန်ရဖို့ဆိုရင် ဘာမဆိုလုပ်မယ့်မာယာတစ်ယောက်သူ့ရဲ့ နောက်ဆုံး သားကောင်ကိုလိုက်ရှာရင်း ရိုးသားကြင်နာတက်တဲ့ ခရစ်ရှ်နာဆိုတဲ့ကောင်လေးနဲ့ အမှတ်မထင်တွေ့ခဲ့ရပြီးတဲ့နောက်မှာ ဘာတွေဆက်ဖြစ်မလဲ မာယာက သူ့ရဲ့ခရစ်ရှ်နာကိုသတ်ပြီး သူ့ရဲ့ကျိန်စာကို ပယ်ဖျက်နိုင်မလားဆိုတာကိုတော့ ..... (အညွှန်းနဲ့ဘာသာပြန်ကတော့ Soe Kalayar ~ Thaik San တို့ပဲဖြစ်ပါတယ်) Quality – 1080p WEB DL Duration –40minute (@Episode) Total Episodes:6Eps Subtitle – Myanmar Hardsub Format – Mp4 Genre : Mystery~ Romance Translator – Soe Kalayar ~ Thaik San  Encoder – YK

Pushpa 2 - The Rule (2024) "ပွတ်ရှ်ပါ ပြန်လာပြီ" Netflix WEB-DL ကြည်တောက်ရှင်းဖြစ်ပြီး၄နာရီနီးပါး အပြည့်စုံဆုံး ဗားရှင်းကိုတင်ဆက်လိုက်ပါပြီ.......... အားလုံးစောင့်မျှော်နေကြတဲ့ မင်းသားအာလူးအာဂျွန်နဲ့မင်းသမီးရက်ရှ်မီးကားတို့ရဲ့ ဒိတ်ဒိတ်ကြဲအောင်မြင်ခဲ့တဲ့ပွတ်ရှ်ပါရုပ်ရှင်ရဲ့ ဒုတိယမြောက်ရုပ်ရှင်ကားကြီး ထွက်ရှိလာခဲ့ပါပြီ။ ဘတ်ဂျက် ကုဋေငါးရာဝန်းကျင်သုံးထားပြီး Box Officerမှာကုဋေထောင့်ရှစ်ရာကျော်ထိရခဲ့တဲ့ ရုပ်ရှင်ကားကြီးလည်းဖြစ်ပါတယ်။ ရှေ့ကားနဲ့ အချိတ်အဆက်ရှိတဲ့အတွက် ၂၀၂၁ကထွက်ရှိခဲ့တဲ့ Pushpa: The Riseကို ကြည့်ပြီးမှဒီရုပ်ရှင်ကိုကြည့်ရင် ပိုပြီးဇာတ်ရည်လည်မှာပါ။ရှေ့ရုပ်ရှင် Pushpa: The Rise (2021)ကို CM Appမှာ4K Resolutionနဲ့ ကြည့်ရှုနိုင်ပါတယ်။ ရဲအရာရှိ ရှီခါဝက်တစ်ယောက် ပွတ်ရှ်ပါကိုဖမ်းမိဖို့အရေးအပြင်းအထန်ကြိုးစားနေပါတယ်။ ဒါပေမဲ့လည်း ဒီနေရာမှာရှိရမဲ့စည်းမျဉ်းကပွတ်ရှ်ပါရဲ့စည်းမျဉ်းဆိုတဲ့အတိုင်း ရှီခါဝက်တစ်ယောက်ကြိုးစားသမျှ သဲထဲရေသွန်ဖြစ်လို့နေတာပေါ့။ တစ်နေ့ ဝန်ကြီးဖြစ်သူ တီရူပတီကိုရောက်လာတော့ ပွတ်ရှ်ပါသွားတွေ့တဲ့အချိန်ပြဿနာဖြစ်ပြီး ဝန်ကြီးဖြစ်သူကိုပါ ဖြုတ်ချဖို့ ပွတ်ရှ်ပါတစ်ယောက် ကြံပါတော့တယ်။ ပွတ်ရှ်ပါမှာ အားလုံးရှိတယ် မရှိတာဆိုလို့ ရှုံးနိမ့်မှုနဲ့ အကြောက်တရားဆိုတာလိုပဲအခက်အခဲအတားအဆီးမှန်သမျှကို ပွတ်ရှ်ပါတစ်ယောက်ဖျက်ဆီးဖြိုချပစ်ပုံကို ခံစားကြည့်ရှုကြရမှာပါ။ (အညွှန်းနဲ့ဘာသာပြန်ကတော့ CM Bollywood Team ပဲဖြစ်ပါတယ်။) File size… 13 GB / 4.9 GB / 2.6 GB Quality…4k HEVC / WEBDL 1080p HEVC/ 720p Format…mkv/ mp4 Duration….3h 44mins Subtitle….Myanmar Subtitle (Hard Sub) Encoder….YK Translated by CM Bollywood Team

Pottel 2024 ရွာသူကြီး မင်းသမီးချောလေး ananya nagalla ပါဝင်ထားတဲ့ဒီကားလေးမှာတော့ ပညာရေးရဲ့အရေးပါပုံ ပညာမတတ်ခင် အမှောင်ဖုံးခဲ့တဲ့ကာလတွေမှာ ဘယ်လိုဖိနှိပ်ခံရပုံတွေနဲ့ တွန်းလှန်ပုံတွေကို ရိုက်ကူးတင်ဆက်ထားတာပဲဖြစ်ပါတယ် စာမတတ်တဲ့ရွာလေးတစ်ရွာ ဒီရွာကို စာတတ်တဲ့ရွာသူကြီးမျိုးရိုးစဉ်ဆက်အုပ်ချုပ်လာခဲ့တာပါ ဒီရွာမှာက လုပ်ကိုင်တဲ့အလုပ်ကိုကြည့်ပြီး ရာထူးသတ်မှတ်ပေးပါတယ် ဒီထဲမှာ ဂန်ဂါဒါရီကြီးတို့လည်းပါတာပေါ့ နာမည်က ဘာလို့ဒီလိုဖြစ်ရလဲဆိုရင် သူ့ကိုမွေးတုန်းက အမြွှာလေးမွေးတာပါ ဂန်ဂါဒါရီကြီးနဲ့ ဂန်ဂါဒါရီငယ်ပေါ့ ဒါပေမဲ့ အဖေရော ကလေးတွေပါ စာမတတ်ကြလို့ ရေတွင်းဘေးမှာရေးထားတဲ့ သတိပေးဆိုင်းဘုတ်ကို မဖတ်တတ်ကြလို့ ရေထဲဆင်းကူးရင်း အငယ်ကောင်လေးက ရေနစ်သေခဲ့ရတယ် ဒီလိုနဲ့ သူ့သားသေတာက စာမတတ်လို့ဆိုပြီး ကျန်ခဲ့တဲ့သားကြီးကို စာတတ်အောင်ကြိုးပမ်းပါတော့တယ် ဒါပေမဲ့လည်း လူတန်းစားခွဲခြားတဲ့ရွာဖြစ်တော့ သိုးထိန်းရဲ့သားဖြစ်တဲ့ ဂန်ဂါဒါရီကြီးအဖို့ ဘယ်လိုဒုက္ခတွေကြုံလာရမလဲ ဖိနှိပ်ခံဘဝကနေ ပညာတတ်ပြီးလွတ်မြောက်နိုင်မှာလားဆိုတာကိုတော့ ... ( အညွှန်းနဲ့ ဘာသာပြန်တွေကတော့ Yunni ~ Cym ~ Eaint ~ Star ~ ToMo ~ KKKZ တို့ပဲဖြစ်ပါတယ် ) File size… 3.05 GB / 1.51 GB Quality…WEB DL 1080p HEVC/ 720p Format…mkv/ mp4 Duration….2h 28m Subtitle….Myanmar Subtitle (Hard Sub) Encoder….YK Translated by Yunni ~ Cym ~ Eaint ~ Star ~ ToMo ~ KKKZ

Appudo Ippudo Eppudo (2024) "တာရာနှင့်စသော ဇာတ်လမ်းတစ်ပုဒ်" အသစ်ထွက်ရှိလာတဲ့ တေလဂူး မှုခင်းဒရာမာ ဇာတ်လမ်းတစ်ပုဒ်ကို တင်ဆက်ပေးလိုက်ပါတယ် မင်းသမီးအချောအလှလေးဖြစ်တဲ့ Rukmini Vasant ပါဝင်ထားပြီး ဇာတ်လမ်းအကျဉ်းကတော့ ပြိုင်ကားမောင်းချင်တဲ့ အိပ်မက်တွေနဲ့ ပျော်ပျော်နေတတ်တဲ့ ရီရှီက တစ်နေ့မှာ ဆွဲကြိုးဖြတ်လုတဲ့ သူခိုးတစ်ယောက်ကို လိုက်ဖမ်းပေးရာကနေ တာရာဆိုတဲ့ အချောအလှလေးနဲ့ စတင်သိကျွမ်းခဲ့ပါတယ် မြင်မြင်ချင်းချစ်မိသွားခဲ့ပြီး ဖွင့်ပြောဖို့ တုံ့ဆိုင်းနေခဲ့တယ် နောက်တော့ သူ့မှာရည်းစားရှိနှင့်နေတာ သိသွားတဲ့အခါ လက်လျှော့လိုက်ပြီး အိပ်မက်တွေနောက်လိုက်ဖို့ ဘော်ဒါတစ်ယောက်နဲ့အတူ လန်ဒန်ကိုထွက်သွားခဲ့တယ် နှစ်နှစ်အကြာမှ တာရာ့ကိုမထင်မှတ်ထားဘဲ ပြန်တွေ့တဲ့အခါမှာတော့ ... အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 2.3 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h Subtitle….Myanmar Subtitle (Hard Sub) Encoder….YK Translated by CM Bollywood Team

Devara: Part 1 (2024) "ဒေဗာရာ" IMDb - 6.4/10 ဘောလိ၀ုဒ်ပရိသတ်တို့ စောင့်မျှော်နေကြတဲ့ တောင်ပိုင်းမင်းသား N.T.Rama Rao Jr၊ ဟင်ဒီမင်းသားကြီး ဆေ့ဖ်အလီခန်းတို့ရဲ့ ရုပ်ရှင်ကားကြီးကို တင်ဆက်ပေးလိုက်ပါတယ်။ တစ်လအတွင်း အိန္ဒိယက ခရစ်ကတ်ကမ္ဘာ့ဖလားပွဲကို လက်ခံကျင်းပရတော့မယ်။ ဒါပေမဲ့ အကြမ်းဖက်အဖွဲ့အစည်းရဲ့ ကြီးမားတဲ့တိုက်ခိုက်မှုတစ်ခုရှိတာကို သတင်းရထားခဲ့ရော။ ဒီမှာပဲ သံသယတရားခံတွေကို လိုက်ဖမ်းတဲ့အချိန် တကယ့်ခေါင်းဆောင်ကို ဘယ်မှာမှရှာလို့မရ။ သတင်းရဖို့အတွက်သွားရမဲ့နေရာက ပင်လယ်နီလို့ခေါ်တဲ့ ပင်လယ်ကမ်းစပ်တစ်နေရာက ရွာတစ်ခု။ ရန်သူရဲ့သွေးတွေနဲ့ ရဲရဲနီနေခဲ့လို့ ပင်လယ်နီလို့ခေါ်တဲ့နေရာ။ အဲဒီနေရာက ဒေသခံတွေချစ်ကြတဲ့ ဒေဗာရာဆိုတဲ့လူတစ်ယောက်အကြောင်း။ ဘောလိ၀ုဒ်အက်ရှင်ဇာတ်ကြမ်းနှစ်ခြိုက်သူတွေ သဘောတွေ့စေမှာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်) File size… 3.4 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 56m Subtitle….Myanmar Subtitle (Hard Sub) Encoder….YK Translated by CM Bollywood Team

Mathu Vadalara 2 2024 (ဒလီသမားကိုကိုအေးဂျင့်များ) ဘာဘူနဲ့ ယေဆူတို့နှစ်ယောက်ဟာ အရင်ကတော့ ဒလီသမားတွေပေါ့။ ဒလီလုပ်ရင်း မူးယစ်ဂိုဏ်းနဲ့ ကြုံတွေခဲ့ရလို့ ပရမ်းပတာတွေဖြစ်ခဲ့ရတဲ့ သူတို့နှစ်ယောက်။ အခက်အခဲတွေအများကြီးကြုံတွေ့ခဲ့ရပြီးတော့ သူတို့ဘဝ တစ်ဆစ်ချိုးပြောင်းလဲမယ်လို့ထင်ခဲ့သော်လည်း အလုပ်က ထုတ်ခံလိုက်ရတဲ့အပြင် အိမ်ပိုင်ရှင်က မောင်းထုတ်တာကိုပါ ခံလိုက်ရပါတော့တယ်။ ဒီလိုနဲ့ ရှိတဲ့လက်ကျန်ငွေလေးနဲ့ စားသောက်ရင်း နောက်ဆုံးလက်ကျန်ငွေလေးနဲ့ မြေပဲဝယ်စားရာကနေ မြေပဲထည့်ပေးတဲ့ သတင်းစာအပိုင်းလေးမှာပါတဲ့ အလုပ်ခေါ်စာကိုမြင်ပြီး သွားလျှောက်ရာကနေ လျှို့ဝှက်အေးဂျင့်တွေဖြစ်လာကြတဲ့ သူတို့နှစ်ယောက်။ လျှို့ဝှက်အေးဂျင့်ဖြစ်လာပေမယ့် လုပ်ရတဲ့အလုပ်နဲ့ ရတဲ့လစာ မကာမိတဲ့အတွက် သူတို့ဟာ အကျပ်ရိုက်နေပါတော့တယ်။ ဒီလိုနဲ့ တစ်ရက်မှာ ပြန်ပေးသမားကို လိုက်ဖမ်းရာကနေ ပြန်ပေးငွေတွေ မီးလောင်ပြီး ဆုံးရှုံးလိုက်ရတဲ့အခါ ရုံးချုပ်က လူ့အသက်သာဦးစားပေး ပိုက်ဆံမဟုတ်ဘူးလို့ ပြောလိုက်တဲ့ စကားအရ သူတို့ဟာ ပြန်ပေးငွေတွေထဲကနေ မသိမသာငွေတချို့ကို ယူထားဖို့ လုပ်ကြပါတော့တယ်။ ဒီလိုအကြံအစည်တွေကို ရိပ်မိနေတဲ့ မိုက်ကယ်ဆိုတဲ့ အေးဂျင့်တစ်ယောက်ဟာ ဘာဘူနဲ့ ယေဆူကို ထောင်ဖမ်းဖို့လုပ်ရင်း သူတို့နှစ်ယောက် ဘယ်လိုတွေ ကွေ့ပတ်ပြီး ရှောင်သွားမလဲ ..... ဘာဘူနဲ့ ယေဆူတို့ကရော ဘယ်လိုမစ်ရှင်တွေကို ကိုင်တွယ်ဖြေရှင်းရဦးမလဲ ...... ဆိုတာတွေကို ကြည့်ရှုရမှာဖြစ်ပြီးတော့ ဟာသမင်းသားကြီး Vennela Kishore လည်း ပါတာဖြစ်လို့ မရယ်ရမှာတော့ စိတ်ပူစရာကိုမလိုတဲ့ ဟာသအက်ရှင်ဇာတ်ကားလေးပဲဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်) File size… 2.5 GB / 1.24 GB Quality…WEB DL 1080p HEVC/ 720p Format…mkv/ mp4 Duration….2h 19m Subtitle….Myanmar Subtitle (Hard Sub) Encoder….YK Translated by CM Bollywood Team

Prathinidhi 2(2024) အမှန်တရားဘက်တော်သား ဒီတစ်ခါမှာတော့ IMDB 8.7/10 ရထားတဲ့အပြငိ ပရိသတ်အကြိုက်တွေ့စေမယ့် ဘောလီးဝုဒ်နိုင်ငံရေး ကားကောင်းလေးနဲ့ မိတ်ဆက်ပေးချင်ပါတယ်။ အကျင့်ပျက်ခြစားမှုတွေ အာဏာကို အလွဲသုံးစားလုပ်မှုတွေ အနိုင်ကျင့်မှုတွေရဲ့အောက်မှာ ပြားပြားဝပ်နေရတဲ့ အိန္ဒိယပြည်သူတွေရဲ့ဘဝ... ကလောင်ရှိပေမယ့် ရေးချလို့ရမယ့်စာရွက်မရှိ.... စာရွက်ရှိသော်လည်း ချရေးပေးမယ့် ကလောင်မရှိဆိုသလို အမှန်တရားကိုဖော်ထုတ်မယ့်သူမရှိလို့ အောက်ခြေမှာဖြစ်ချင်တိုင်းဖြစ်နေတဲ့ အိန္ဒိယနိုင်ငံ .... ဒီနိုင်ငံအတွက် အမှန်တရားအတွက် ဘာမဆိုလုပ်ရဲပြီး အကြောက်အရွံ့မရှိတဲ့ ရုပ်သံလိုင်းတစ်ခု... ဒါမှမဟုတ် အမှန်တရားဘက်တော်သားတစ်ယောက်ရှိလာတဲ့အခါမှာတော့ ဘာတွေဆက်ဖြစ်မလဲဆိုတာကြည့်ရှူသွားလှည့်ပါဦး။ (အညွှန်းနဲ့ဘာသာပြန်ကိုတော့ CM Bollywood Team ကပဲရေးသားပေးထားပါတယ်) File size… 1.8 GB / 946 MB Quality…WEB DL 1080p HEVC/ 720p Format…mkv/ mp4 Duration….2h 15m Subtitle….Myanmar Subtitle (Hard Sub) Encoder….YK Translated by CM Bollywood Team

Saripodhaa Sanivaaram (2024) "စနေကောင်" IMDB 7.6 တောင်းဆိုမှုလေးတစ်ချို့ရှိနေတဲ့ တေလဂူးအက်ရှင်ကားအသစ်စက်စက်ကို အမြန်ဆုံးတင်ဆက်ပေးလိုက်ပါတယ် ယင်ကောင်မင်းသား ခေါ်ကြတဲ့ Nani ရဲ့ ဈေးအကြီးဆုံးရုပ်ရှင်ဖြစ်ပြီး ရီဗျူးကောင်းလေးတွေလည်း အသင့်အတင့် ရထားတာပဲဖြစ်ပါတယ် ဇာတ်လမ်းအကျဥ်းကတော့ ဆူယာခေါ် စနေကောင်ဟာ "ဒေါသအင်မတန်ကြီးသူပါ ဒါကိုသိတဲ့ သူ့အမေက ဒေါသထိန်းချုပ်နည်းတစ်ခုကို သင်ပေးခဲ့တယ် ဘယ်လိုလဲဆိုတော့ တစ်ပတ်မှာခြောက်ရက် ဒေါသအတိုင်း စိတ်လိုက်မာန်ပါမလုပ်ဘဲ ဒေါသထွက်ရတဲ့အကြောင်းရင်းကို ရေးမှတ်ထားပြီး စနေနေ့မှာမှ အဲဒီလူကို ဒေါသထွက်နေတုန်းပဲဆိုရင် ကြိုက်တာသာလုပ်ပါလို့ သူ့အမေက ပြောခဲ့တာပါ ဒီလိုနဲ့ သူ့အမေသေပြီးနောက်ပိုင်း အဲဒီလမ်းစဥ်အတိုင်းလိုက်နာလာခဲ့ရာမှာ သူငယ်ငယ်က ချစ်ရတဲ့ကောင်မလေးကလည်း ရဲမေအဖြစ် ပြန်ရောက်လာပြီး သူတို့နယ်က အကျင့်ပျက်ရဲတစ်ယောက်ကို သူတို့ဘယ်လိုရင်ဆိုင်ဖြေရှင်းသွားမလဲ ဆိုတာကတော့…… အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 3.04 GB / 1.55 GB Quality…WEB DL 1080p HEVC/ 720p Format…mkv/ mp4 Duration….2h 46m Subtitle….Myanmar Subtitle (Hard Sub) Encoder….YK Translated by  CM Bollywood Team

Maruthi Nagar Subramanyam (2024)"ဗရုတ်သုတ်ခ မိသားစု" တေလေဂူးမင်းသားကြီး ရောဝ်ရာမက်ရှ်ရဲ့ အသစ်ထွက်ထားတဲ့ ဟာသဒရာမာရုပ်ရှင်လေးကို ပရိသတ်တွေအတွက် တင်ဆက်ပေးချင်ပါတယ်။ ဆူဘရာမန်ယမ်ဟာ အစိုးရအလုပ်မရမချင်း အလုပ်မလုပ်ဘူးလို့ သံဓိဌာန်ချထားသူဖြစ်ပြီး သားဖြစ်သူ လူပျိုဖြစ်တဲ့ထိ အလုပ်မရှိသေးတဲ့သူဖြစ်ပါတယ်။ သူတို့မိသားစုဟာ ဆူဘရာမန်ယန်ရဲ့ ဇနီးဖြစ်သူ ရာနီရဲ့လစာတစ်ခုတည်းနဲ့ လည်ပတ်နေရတာဖြစ်ပြီး မိသားစုဝင်တွေကလည်း ရောဂါသည်ဖြစ်ချင်နေတဲ့ ယောက္ခမကြီးရယ် သူ့ကိုယ်သူ လူစားလဲခံရတဲ့သူဌေးသားလို့ထင်နေတဲ့ သားဖြစ်သူရယ်နဲ့ တကယ့် ကဂျီကဂျောင်တွေပါ။ အဲဒီလို အလုပ်မရှိတဲ့ ဆူဘရာမန်ယန်ကို မိန်းမဖြစ်သူက အမြင်ကပ်လို့ စီးကရက်ဖိုးတောင်မပေးတော့တဲ့အချိန်မှာ သူ့ရဲ့ဘဏ်အကောင့်ထဲကို ဘယ်ကမှန်းမသိရတဲ့ ပိုက်ဆံဆယ်သိန်း မှားဝင်လာတဲ့အချိန်မှာတော့ ဆူဘရာမန်ယမ်ရဲ့ဘဝအတွက် အလှည့်အပြောင်းတွေဖြစ်လာခဲ့ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.7 GB / 1.24 GB  Quality…WEB DL 1080p HEVC/ 720p Format…mkv/ mp4 Duration….2h 27m Subtitle….Myanmar Subtitle (Hard Sub) Encoder….YK  Translated by CM Bollywood Tea

Indrani: Epic-1 Dharam vs Karam ( 2024 ) "စူပါဂဲလ်အင်ဒရာနီ" CM ပရိသတ်ကြီးအတွက် အိန္ဒိယ time travel ကားလေးတစ်ခုနဲ့ မိတ်ဆက်ပေးချင်ပါတယ် ၂၁၂၂ ခုနှစ်မှာ တရုတ်တွေက အိန္ဒိယနဲ့ကမ္ဘာကြီးကို ကျူးကျော်ဖျက်စီးဖို့ သွေးတိုးစမ်းလာပါတယ်.. သူတို့မှာ ရန်သူ့လေယာဉ်တွေကို ခြေရာခံထောက်လှမ်းလို့မရအောင် တားဆီးပေးတဲ့ Material တစ်ခုကို အောင်မြင်စွာ စမ်းသပ်ထုတ်လုပ်နိုင်ခဲ့တာကြောင့် ပြဿနာကြီးဖြစ်လာပါတယ်..အဲဒီပြဿနာကိုဖြေရှင်းဖို့ အဲဒီ Material အကြောင်းသိဖို့လိုလာတဲ့အတွက် အချက်အလက်ရှာဖွေရာကနေ ဒီ Material ကို အောင်မြင်စွာစတင်စမ်းသပ်နိုင်ခဲ့တာ လွန်ခဲ့တဲ့ နှစ်ပေါင်း ၁၀၀ က အိန္ဒိယလူမျိုးသိပ္ပံပညာရှင်တွေဖြစ်ကြောင်းကို သိရှိသွားပါတော့တယ်.. ဒါပေမဲ့ သူတို့ဟာ ပရောဂျက်အောင်မြင်ကြောင်းကြေညာပြီးနောက်တစ်ရက်ကစပြီး တစ်ယောက်ပြီးတစ်ယောက်သေဆုံးသွားကြတာမလို့ သုတေသနကြီးဟာလည်း သူတို့နဲ့အတူ ပျောက်ဆုံးသွားရပါတယ်.. ဒီလိုနဲ့ လက်ရှိအိန္ဒိယနဲ့ကမ္ဘာကြီးကို ကာကွယ်ကယ်တင်ဖို့ လွန်ခဲ့တဲ့ နှစ် ၁၀၀ ကိုသွားပြီး ဘာတွေဖြစ်ခဲ့တာလဲဆိုတာ စုံစမ်းဖော်ထုတ်ဖို့ဖြစ်လာပါတယ်.. လွန်ခဲ့တဲ့နှစ်တစ်ရာက ဘာတွေဖြစ်ခဲ့သလဲနဲ့ ဘာတွေဆက်ဖြစ်ဦးမှာလဲဆိုတာကိုတော့ ပရိသတ်ကြီးဆက်လက်ကြည့်ရှုပေးပါဦး အညွှန်းနဲ့ ဘာသာပြန်ကတော့ Yunni ~ ToMo ~ Alex ~ KKKZ ~ Linn Lunn တို့ပဲ ဖြစ်ပါတယ် File size…1.8GB / 1GB Quality…WEB DL 1080p / 720p Format…mp4 Duration….2h 37m Subtitle….Myanmar Subtitle (Hard Sub) Encoder….YK Translated by Yunni ~ ToMo ~ Alex ~ KKKZ ~ Linn Lunn

Siren (2024) အချက်ပေးသံ IMDb 7.3/10 ဒီတစ်ခါစီအမ်ပရိသတ်ကြီးကို မိတ်ဆက်ပေးချင်တာကတော့ လျှို့ဝှက်သည်းဖိုအက်ရှင်ကားလေးပါ. ဇာတ်လမ်းအကျဥ်းချုပ်ကတော့ သီလာဂါက မိန်းမနဲ့သူငယ်ချင်းကို သတ်မှုနဲ့ စွပ်စွဲခံရပြီး ထောင်ကျနေခဲ့တာပါ. လူသတ်ခဲ့ပေမယ့်လည်း တခြားအပြစ်သားတွေလိုမဟုတ်ဘဲ သူလုပ်ခဲ့တာကိုနောင်တရပြီး ထောင်ထဲကတောင်အပြင်တစ်ခါမှမထွက်ဘဲနေခဲ့တာပါ. အမေ့ကိုသတ်ခဲ့လို့အပြင် လူသတ်သမားသမီးလို့ အခေါ်ခံရလို့လည်း မုန်းတီးနေတဲ့သမီးကို ရင်မဆိုင်ရဲလို့လည်းပါပါတယ် . ဒီလိုနဲ့ တစ်နေ့မှာအဖေနေမကောင်းလို့ အမေကခံဝန်နဲ့အသနားခံစာတင်ရာကနေ သီလာဂါတစ်ယောက် အိမ်ပြန်ရဖို့အကြောင်းဖန်လာပါတော့တယ်. အိမ်ပြန်ရောက်တော့လည်း သမီးဖြစ်သူကအတွေ့မခံဘဲ ရှောင်ပုန်းနေခဲ့ပါတယ်. ထိုင်နေတော့အကောင်းထသွားမှကျိုးမှန်းသိဆိုတဲ့အတိုင်း သီလာဂါတစ်ယောက်ထောင်ထဲမှာ၁၄နှစ်နေခဲ့တုန်းက အကောင်း. အိမ်ကို၁၄ရက်ပြန်ကာမှ နောက်ထပ်လူသတ်မှုတစ်ခုမှာမျက်မြင်သက်သေနဲ့တကွ စွပ်စွဲခံရပြီး အရင်အမှုရော အခုအမှုကိုပါ ကိုယ်ကိုတိုင်ဖြေရှင်းရဖို့ဖြစ်လာပါတော့တယ်. တစ်ဖက်မှာလည်းသမီးဖြစ်သူနဲ့ဆက်ဆံရေးက ဘယ်လိုဆက်ဖြစ်သွားမလဲဆိုတာ ဒီကားလေးမှာဆက်စောင့်ကြည့်ပေးကြပါဦး (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်) File size…2.83GB / 1.28GB Quality…WEB DL 1080p / 720p Format…mp4 Duration….2h 34m Subtitle….Myanmar Subtitle (Hard Sub) Encoder….YK Translated by CM Bollywood Team

Guntur Kaaram 2024 (IMDB 6.1/10) အမိမဲ့သား NF WEB DL အကြည်ဗားရှင်းကိုသာ တင်ဆက်ထားပါတယ် အားလုံးနဲ့ရင်းနှီးတဲ့ ဝန်ကြီးချုပ်မင်းသား တောင်ပိုင်းစတားမဟေ့ရှ်ဘာဘူရဲ့ ရုံတင်ကားသစ်လေးကို Netflix ကနေ ထုတ်လွှင့်လိုက်တာနဲ့ တစ်ပြိုင်နက် CM ကနေပါ တင်ဆက်ပေးလိုက်ပါတယ်.... ခေါင်းဆောင်မင်းသား မဟေ့ရှ်ဘာဘူအပြင် ပရိသတ်တွေနဲ့မစိမ်းတဲ့ Dhamaka ထဲက မင်းသမီးချောလေး ဆရီလီလာကို အဆစ်ငမ်းရမယ့်အပြင် လတ်တလောထွက်ရှိထားတဲ့ Hi Nanna ထဲကယောက္ခထီးကြီး ဂျာရရမ် ပါလေရာမင်းသားကြီး ပရာကတ်ရှ်ရာ့ဂျ်တို့လို ဇာတ်ပို့တွေနဲ့ပါ မြိုင်မြိုင်ဆိုင်ဆိုင်ရိုက်ကူးထားတဲ့ ရုံတင်ကားကြီးပဲဖြစ်ပါတယ် ဇာတ်လမ်းအစ ရာမာနာ(မဟေ့ရှ်ဘာဘူ) ဆယ်နှစ်သားအရွယ်မှာ သူ့အမေကသူ့ကိုစွန့်ပစ်ခဲ့ပါတယ် သူ့အဖေကိုလည်းထားခဲ့ပြီးတော့ နောက်အိမ်ထောင်ပြု သားထပ်မွေးသွားပါတယ် အရွယ်ရောက်လာချိန်မှာတော့ ရာမာနာဟာ ဘယ်သူမှထိန်းမရတဲ့ ဘယ်သူ့ကိုဂရုမစိုက်တဲ့လူတစ်ယောက် ဖြစ်နေခဲ့ပါပြီ သူ့စိတ်ထဲမှာမမေ့နိုင်သေးတာတော့ သူ့အမေပေါ့ သူ့အဘိုး ဗန်ကတ်ဆွာမိဟာ နာမည်ကြီး နိုင်ငံရေးသမားတစ်ယောက်ပါ အဲ့ဒါအပြင် သူ့အမေရော သူ့ရဲ့အဖေကွဲညီကိုပါ နိုင်ငံရေးလုပ်ခိုင်းထားပါတယ် သူတို့မိသားစုရဲ့နိုင်ငံရေးလောကမှာ ပထမသားကို စွန့်ပစ်ခဲ့တယ်ဆိုတဲ့ အမည်းစက်တစ်ခုဖြစ်နေတဲ့အခါမှာ ရာမာနာကို ဟိုက်ဒရာဘတ်ကိုခေါ်ပြီး အမွေ ဖြတ်ဖို့လုပ်ပါတော့တယ် အဲ့ချိန်မှာ ရာမာနာနဲ့ သူချစ်ရတဲ့အမေမိသားစုကြားဘာတွေဆက်ဖြစ်မလဲဆိုတာတော့....... CM ပရိသတ်ကြီးပဲ ဒီအချစ်အက်ရှင်ဇာတ်ကားလေးကို ဆက်လက်ခံစားကြည့်ရှုပေးကြပါလို့ ပြောကြားလိုပါတယ် အညွှန်းနဲ့ဘာသာပြန်ကိုတော့ CM Bollywood Team ကနေ တင်ဆက်ပေးထားတာဖြစ်ပါတယ် File size…6.3GB / 3GB  / 1.5GB Quality…4k HEVC / WEB DL 1080p / 720p Format…mp4 Duration….2h 39m  Subtitle….Myanmar Subtitle (Hard Sub) Encoder….YK Translated by CM Bollywood Team

Rules Ranjan (2023) "ငယ်ချစ်ဦးနှင့် ပြန်လည်တွေ့ဆုံခြင်း" IMDb 6.9 ရုံးပိတ်ရက်မှာ အမောပြေရယ်မောလို့ရမယ့် ပေါ့ပေါ့ပါးပါး rom-com တစ်ကားဖြစ်ပါတယ် Telugu သရုပ်ဆောင်တွေဖြစ်ကြတဲ့ Kiran Abbavaram နဲ့ Neha Shetty တို့ ပါဝင်သရုပ်ဆောင်ထားပါတယ် ဇာတ်လမ်းအကျဥ်းကတော့ မန်နိုရန်ဂျန် ဆိုတဲ့ ရိုးရိုးအေးအေး အင်ဂျင်နီယာ ဘွဲ့ရလေးတစ်ယောက်က မွန်ဘိုင်းက ဆော့ဖ်ဝဲလ်ကုမ္ပဏီ တစ်ခုမှာ အလုပ်ရသွားပါတယ် တစ်ရုံးလုံးက သူ့ကို ဟင်ဒီစကားမတတ်လို့ ဝိုင်းအနိုင်ကျင့်ကြပြီး တစ်နေ့မှာတော့ အဲလက်ဆာ ဆိုတဲ့ AI စက်ကလေးရဲ့ အကူအညီနဲ့ ဟင်ဒီလို နားလည်ဖို့ ကြိုးစားပါတယ် အဲလက်ဆာရဲ့ အကူအညီနဲ့ ဆော့ဖ်ဝဲလ်မိတ်ဆက်ပွဲတစ်ခုမှာ မသမာမှုတစ်ခုကို အများရှေ့ ဖော်ထုတ်လိုက်နိုင်တာကြောင့် ရာထူးတိုးသွားပြီး သာမန် ရိုးရိုးအအ ဝန်ထမ်းလေး ရန်ဂျန်ကနေ ဘော့စ်ကပါ ကြောက်ရတဲ့ စည်းစနစ်ကျတဲ့ စာအုပ်ကြီးရန်ဂျန် ဖြစ်လာပါတော့တယ် အရာရာကို စည်းနဲ့ကမ်းနဲ့ လှေနံဓားထစ်လုပ်တတ်တဲ့ ရန်ဂျန်တစ်ယောက် တစ်နေ့မှာတော့ ကျောင်းတုန်းက ကြိတ် crush ခဲ့ရတဲ့ ကောင်မလေးနဲ့ ပြန်ဆုံတဲ့ အခါမှာ နောက်တစ်ကြိမ် ပြန်လည်နီးစပ်နိုင်မှာလား... စက်ရုပ်နှလုံးသားကြီးကို ကောင်မလေးက အရည်ပျော်အောင် ပြောင်းလဲပေးနိုင်ပါ့မလား ဆိုတာကို ပေါ့ပေါ့ပါးပါး ကြည့်ရှုရမှာပါ အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size...3.34GB / 1.6GB Quality…1080p WEB DL /720p Format…mp4 Duration….2h 2m Subtitle….Myanmar Subtitle (Hard Sub) Encoder….YK Translated by CM Bollywood Team

Extra Ordinary Man (2023) "တမူထူးတဲ့ ဘူလူ" အိန္ဒိယရုပ်ရှင်ပရိသတ်တွေအတွက် IMDb 7.3 ရရှိထားတဲ့ တေလဂူးစကားပြော အက်ရှင်ဒရာမာရုပ်ရှင်လေး တင်ဆက်ပေးချင်ပါတယ်။ ဒီရုပ်ရှင်မှာ Vikram Vedha ထဲက ရီသိက်လိုလို ပွတ်ရှ်ပါထဲက အာလူးအာဂျွန်လိုလိုဒီဇိုင်းကာလာနဲ့မင်းသားက ဇာတ်လိုက်ဇာတ်ကောင် အာဘီနေးအဖြစ် သရုပ်ဆောင်ထားတာပါ။ အာဘီနေးဆိုတဲ့ တက်သစ်စအနုပညာသမားလေးဟာ ငယ်ငယ်ကတည်းက ဇာတ်လိုက်မင်းသားဖြစ်ချင်ခဲ့ပေမဲ့ တချို့ရုပ်ရှင်ကားကြီးတွေရဲ့ ဘက်ဂရောင်းတွေမှာသာ မထင်မရှားပါဝင်ရင်း မင်းသားဖြစ်ဖို့ အခွင့်အရေးကို စောင့်စားနေသူပါ။ သူဟာ ဘယ်သူ့ကိုမှဂရုမစိုက်ဘဲ ကြိုးစားနေရင်း တစ်နေ့မှာ သူဌေးမတစ်ယောက်က သူ့ကိုသဘောကျသွားပြီး ဇာတ်လိုက်ဖြစ်ဖို့ အခွင့်အရေးရခါမှ မမျှော်လင့်တာတွေဖြစ်ပျက်ရင်း ဘဝတဆစ်ချိုး ပြောင်းလဲသွားပါတော့တယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…1.8GB Quality…WEB DL 1080p / 720p Format…mp4 Duration….2h 37mins Subtitle….Myanmar Subtitle (Hard Sub) Encoder….YK Translated by CM Bollywood Team

Devil The British Secret Agent (2023) ချစ်မိသွားသော ကိုနှင်းမောင် CM ဘောလီးဝုဒ်ပရိသတ်ကြီးအတွက် ခေါင်းစဉ်ကြည့်လိုက်တာနဲ့ ကြည့်ချင်စိတ်ပေါက်သွားမယ်လို့ ယူဆပါတယ် တကယ့်ကို ဆားပုလင်းနှင်းမောင် အိန္ဒိယဗားရှင်းပါပဲ ဒါပေမဲ့ ကိုနှင်းမောင်လိုတော့ စုံထောက်ပဲသက်သက်လုပ်ပြီး လူသတ်မှုပဲစုံစမ်းနေတာတော့ မဟုတ်ပါဘူး စုံထောက် အက်ရှင် အချစ်ဇာတ်ကြမ်းလေးပေါ့ဗျာ အဲ့လိုရေးထားလို့ ကြည့်မကောင်းဘူး ပေါမယ်မထင်လိုက်ပါနဲ့ တကယ့်ကို အိန္ဒိယကားပီပီ အချိတ်အဆက်မိမိနဲ့ အက်ရှင်ဒရာမာအချိုးအစားစားကျကျ တင်ဆက်ပေးထားတာပါ ဇာတ်လမ်းအစမှာ လူသတ်မှုတစ်ခုဖြစ်ပါတယ် အဲ့ဒါကို ဗြိတိသျှအစိုးရက အထူးအေးဂျင့်ဒေဗယ်(နတ်ဆိုး)ကို ဖြေရှင်းဖို့တာဝန်ပေးလိုက်ပါတယ် လူသတ်မှုကသပွတ်အူလိုရှုပ်ထွေးနေတာကို ဒေဗယ်တစ်ယောက်အသေးစိတ်စုံစမ်းရင်း လူသတ်မှုသံသယတရားခံရဲ့တူမလေး ဒေဗီကို ချစ်မိသွားပါတော့တယ် လူသတ်မှုကလည်း နောက်ကွယ်က လျှို့ဝှက်ချက်မြှပ်ကွက်ပေါင်းများစွာနဲ့ ထင်ထားတာထက်ပိုနက်နဲပြီး ဒါကိုစုံစမ်းခိုင်းတဲ့ ဗြိတိသျှအစိုးရကိုယ်တိုင်က အခြားရည်ရွယ်ချက်တွေ ရှိနေတဲ့အခါမှာတော့... အေးဂျင့်ဒေဗယ်တစ်ယောက် ဘာတွေကြုံတွေ့ရပြီး ဘာဆက်ဖြစ်ကြမလဲဆိုတာ စုံစမ်းရေးနောက်ခံဇာတ်ကားပေမဲ့ လူသတ်မှုစုံထောက်တာလေးနဲ့ အချစ်ဇာတ်လေးကို ကျောရိုးယူထားတော့ ကြည့်ရတာမပျင်းစေမဲ့ ဗြိတိသျှခေတ်စတိုင် အက်ရှင်ကားအလန်းလေးကို ပရိသတ်တို့ ခံစားနိုင်ဖို့ တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 8.3GB / 2.66GB / 1.23GB Quality…4k SDR HEVC WEB DL  / WEB DL 1080p /720p Format…mp4 Duration….2h 24m Subtitle….Myanmar Subtitle (Hard Sub) Encoder….YK Translated by CM Bollywood Team

ဂိုဏ်းစတားတစ်စုဟာ ဘဏ်အတွင်းကလူတွေနဲ့ ရဲတွေကို ပူးပေါင်းခိုင်းပြီး ဘဏ်တစ်ခုကို ဓားပြတိုက်ဖို့ စီစဉ်ထားကြပါတယ်။ အစီအစဉ်အတိုင်း ဘဏ်ထဲဝင်စီးပြီး ပိုက်ဆံတွေကို လုယူတော့မယ့်အချိန်မှာ သူတို့ကို ပြန်ခုခံမယ့် လူတစ်ယောက် ပေါ်လာတယ်။ အဲဒီလူက ရဲလည်းမဟုတ်၊ စစ်သားလည်းမဟုတ်ဘဲ သူတို့ပစ်မှတ်ထားတဲ့ ဘဏ်ကိုပဲ ဓားပြတိုက်ဖို့ ရောက်နေသူပါ။ ဓားပြတိုက်မှုတစ်ခုလုံးကို သူက ထိန်းချုပ်လိုက်တဲ့နောက် ဘယ်လိုလှည့်ကွက်တွေ ဆက်ပေါ်လာဦးမလဲ။ တမီလ်မင်းသား Ajith Kumar ပါဝင်သရုပ်ဆောင်ထားတဲ့ အက်ရှင်ဇာတ်ကားပါ။

ရွာက ကလေးတွေကို ကျိန်စာတိုက်နေတယ်ဆိုတဲ့ စွပ်စွဲချက်နဲ့ လင်မယားနှစ်ယောက်ကို မီးရှို့တဲ့အဖြစ်ကနေ ဇာတ်လမ်းစပါတယ်။ မီးလောင်နေတဲ့အချိန်မှာ ဇနီးဖြစ်သူက နောက် ၁၂ နှစ်ကြာရင် ဒီရွာဟာ သုသာန်တစပြင် ဖြစ်ရမယ်လို့ ကျိန်စာတိုက်ခဲ့တယ်။ ၁၂ နှစ်အကြာ ရူဒရာဗန်နမ်ရွာမှာ ပွဲတော်ကျင်းပဖို့ ပြင်ဆင်နေကြချိန် ရွာသားတစ်ယောက် ထူးထူးဆန်းဆန်း သေဆုံးသွားပါတယ်။ အဲဒီနောက် ဘုန်းတော်ကြီးက ရွာကို ရှစ်ရက်ပိတ်ထားဖို့နဲ့ အပြင်ကလာသူအားလုံး တစ်ရက်အတွင်း ပြန်ထွက်ဖို့ စည်းကမ်းချမှတ်လိုက်တယ်။ အကြောင်းအမျိုးမျိုးနဲ့ စည်းကမ်းချိုးဖောက်ပြီး ထွက်သွားသူတွေလည်း ထူးဆန်းစွာ သေဆုံးကုန်ကြတယ်။ အဲဒီအချိန် ရွာကိုရောက်နေတဲ့ မြို့သားဆူရီယာကတော့ ရွာခံမိန်းကလေး နန်ဒီနီကို ချစ်မိနေပါတယ်။ ရွာကနေ ထွက်သွားခဲ့ပေမဲ့ နန်ဒီနီရဲ့ကျန်းမာရေးကြောင့် ပြန်ဝင်လာခဲ့တယ်။ လူတွေ သေဆုံးနေတဲ့ ဒီရွာရဲ့ လျှို့ဝှက်ဆန်းကြယ်မှုတွေကို ဆူရီယာ ဘယ်လို အဖြေရှာမလဲဆိုတာ ဆက်ပြထားပါတယ်။ Samyuktha Menon အဓိက ပါဝင်သရုပ်ဆောင်ထားပြီး သွေးသံရဲရဲအခန်းတွေလည်း များပါတယ်။

ခရစ်ရှနာဒါ့စ်ဟာ ငယ်ငယ်ကတည်းက မိခင်ကို ကင်ဆာရောဂါနဲ့ ဆုံးရှုံးခဲ့ရပြီး မိဘမဲ့ဂေဟာမှာ ကြီးပြင်းလာတဲ့ ကောင်လေးတစ်ယောက်ပါ။ ရိုးရိုးသားသား ကြိုးစားရှာဖွေနေပေမယ့် ဆင်းရဲတာကို အထင်သေးပြောဆိုတတ်သူတွေကြားမှာ နေရတာကြောင့် ချမ်းသာချင်စိတ် ပြင်းပြနေတယ်။ သူအလုပ်လုပ်တဲ့ ဟိုတယ်မှာ ဧည့်သည်တစ်ယောက်က နှိမ်ချပြောဆိုလိုက်တဲ့တစ်နေ့တော့ ဘယ်လောက်ပဲကုန်ကုန် ဒီဟိုတယ်မှာ တစ်ညလောက် ဂုဏ်ရှိရှိ ပျော်ပျော်နေမယ်ဆိုပြီး လစာတွေကို ပုံအောသုံးလိုက်ပါတယ်။ အဲဒီညမှာ ကီရ်သီးဆိုတဲ့ မိန်းကလေးနဲ့တွေ့ပြီး သူ့ကိုယ်သူ သူဌေးတစ်ယောက်လို့ လိမ်ပြောကာ အနားကပ်တော့တယ်။ ကိုယ်စားပွဲထိုးလုပ်နေတဲ့ ဟိုတယ်မှာပဲ အထူးဧည့်သည်တစ်ယောက်လို ဟန်ဆောင်နေတာဆိုတော့ ဒီလိမ်ဆင်ကို ဘယ်လောက်ကြာကြာ ဖုံးထားနိုင်ပါ့မလဲ။ တစ်ဖက်မှာလည်း ကုဋေတစ်သောင်းနဲ့ ဝန်ထမ်းထောင်ချီပြီး လည်ပတ်နေတဲ့ ကုမ္ပဏီကြီးတစ်ခုက ကင်ဆာကင်းစင်တဲ့ ကမ္ဘာဖြစ်လာဖို့ ရည်ရွယ်ထားတယ်။ ခရစ်ရှနာဒါ့စ်နဲ့ ဒီပရောဂျက် ဘယ်လိုပတ်သက်လာမလဲဆိုတာကတော့ ဆက်တွေ့ရမှာပါ။ Hit The First Case မူရင်းတေလဂူးကားမှာ ပါဝင်ခဲ့တဲ့ Vishwak Sen က ဒီကားကို ကိုယ်တိုင်ဇာတ်ညွှန်းရေး၊ ဒါရိုက်တာလုပ်ပြီး နှစ်ကိုယ်ခွဲ သရုပ်ဆောင်ထားတာဖြစ်လို့ နောက်ဇာတ်ကောင်တစ်ယောက်က ဘယ်လိုလူမျိုးလဲဆိုတာလည်း သိရဖို့ရှိနေပါတယ်။

ရှရီနဲ့ ဆန်ဂျေးတို့က တစ်ယောက်ကိုတစ်ယောက် ချစ်လို့ လက်ထပ်ထားကြတဲ့ ဇနီးမောင်နှံပါ။ တစ်နေ့မှာတော့ ရှရီ့ကို သူတို့အိမ်ထဲမှာပဲ လည်လှီးသတ်ဖြတ်ခံထားရတာ တွေ့လိုက်ရတယ်။ အပြင်ကနေ ဖောက်ထွင်းဝင်ရောက်ထားတဲ့ လက္ခဏာမရှိတာကြောင့် အတွင်းလူတစ်ယောက်ရဲ့ လက်ချက်ဖြစ်မယ်လို့ ယူဆကြပါတယ်။ အင်စပက်တာဆပ်တရာကလည်း စုံစမ်းစစ်ဆေးမှုစကတည်းက ဆန်ဂျေးကို သံသယဝင်နေတယ်။ တစ်ခုပြီးတစ်ခု တွေ့လာတဲ့ သက်သေတွေကပါ ဆန်ဂျေးဘက်ကို ညွှန်နေတော့ သူ့အတွက် ပိုပြီးအကျပ်ရိုက်လာပါတယ်။ ချစ်ရတဲ့ဇနီး အသတ်ခံရလို့ စိတ်ထိခိုက်နေရတဲ့အပြင် လူသတ်မှုမှာ သူအပြစ်ကင်းကြောင်းလည်း သက်သေမပြနိုင်ဘူး။ ဆန်ဂျေးကပဲ ရှရီ့ကို သတ်ခဲ့တာလား၊ ဒါမှမဟုတ် သူကိုယ်တိုင်လည်း တစ်ယောက်ယောက်ရဲ့ ထောင်ချောက်ထဲ ရောက်နေတာလား။

နှစ်ပေါင်း ၈၀၀ ဝန်းကျင်ကတည်းက တည်ရှိလာတဲ့ ဓမ္မစသာလီနဲ့ ပမ်မာဂတ်တမ်ဟာ ဂျီဟာဗာရာမြစ်ရဲ့ တစ်ဖက်တစ်ချက်မှာ ရှိပြီး ဆစ်ဟာဗာနမ်တောအုပ်ကြီး ဝန်းရံထားတဲ့ မြို့နှစ်မြို့ပါ။ ဒေသခံတွေဟာ မယ်တော်ဂတ်တာမာကို ယုံကြည်ကိုးကွယ်ပြီး ဓမ္မတရားကို လက်ကိုင်ထားကာ အေးအေးချမ်းချမ်း နေလာခဲ့ကြတယ်။ စီးပွားရေးသမား ဘာဆာဗာ ရောက်လာတဲ့အခါ အခြေအနေတွေ ပြောင်းလဲသွားပါတယ်။ သူက ဒီဒေသတွေမှာ မိုင်းတွင်းတူးချင်နေတဲ့ ရာသော့လက်ထဲကို မြို့နှစ်မြို့အပ်နိုင်ဖို့ ယုတ်မာတဲ့နည်းမျိုးစုံနဲ့ ကြိုးစားလာတယ်။ ဘာဆာဗာက ဓမ္မစသာလီကို အုပ်စိုးပြီးနောက် အရင်ကရှိခဲ့တဲ့ ဂုဏ်ကျက်သရေတွေ ပျောက်ဆုံးလာပြီး မြို့နှစ်မြို့ကြားမှာလည်း ပဋိပက္ခတွေ ဖြစ်လာပါတယ်။ အဲဒီအချိန်မှာ အာချာရာဆိုတဲ့လူက လက်သမားယောင်ဆောင်ပြီး ဓမ္မစသာလီကို ရောက်လာတယ်။ ဘာဆာဗာက ဒေသခံတွေအပေါ် ကျူးလွန်နေတဲ့ ဒုစရိုက်တွေကို သူက တိတ်တဆိတ် ဝင်တားဆီးနေပါတယ်။ သူနဲ့မသက်ဆိုင်သလို ထင်ရတဲ့ ဒီဒေသခံတွေကို ဘာကြောင့် ကူညီနေသလဲ၊ နောက်ကွယ်မှာ ဘာအကြောင်းရှိသလဲ၊ ဘာဆာဗာရဲ့ အုပ်စိုးမှုကိုရော ရပ်တန့်နိုင်မလားဆိုတဲ့ မေးခွန်းတွေကနေ ဇာတ်လမ်းဆက်သွားပါတယ်။

ခီသီက ငယ်ငယ်ကတည်းက နပန်းကို လေ့လာလိုက်စားပြီး နိုင်ပွဲတွေလည်း ရထားတဲ့ မိန်းကလေးပါ။ ဘွဲ့ရပညာတတ်ဖြစ်သလို ဆံပင်တိုတို၊ ကိုယ်လုံးကိုယ်ထည် တောင့်တောင့်နဲ့ အနိုင်ကျင့်သူတွေကိုလည်း ပညာပေးတတ်တယ်။ သူ့ကို အိမ်ထောင်ဘက်အဖြစ် လာကြည့်တဲ့သူတွေကတော့ သူ့လက်နဲ့ ကိုင်ပေါက်ခံရမှာ ကြောက်ပြီး ပြန်ပြေးကြတာချည်းပဲ။ ဗီရာကတော့ သူဌေးရဲ့ တစ်ဦးတည်းသောသားဖြစ်ပြီး လက်ထပ်မယ့် မိန်းကလေးအတွက် ကိုယ်ပိုင်စံနှုန်းတွေ ရှိထားတယ်။ ဆံပင်ရှည်ရမယ်၊ ပညာမတတ်ရဘူး၊ သူပြောသမျှ နားထောင်ပြီး သူထိန်းချုပ်သလို နေမယ့်သူ ဖြစ်ရမယ်ဆိုတာပါ။ ဒီလိုနဲ့ ဗီရာနဲ့ သူလိုချင်တဲ့ပုံစံနဲ့ မတူတဲ့ ခီသီတို့ ဆုံလာပြီး လူကြီးတွေက အိမ်ထောင်ချပေးဖို့ စီစဉ်ကြပါတယ်။ ခီသီက ဘယ်လိုလိမ်လည်ဖုံးကွယ်မှုတွေ လုပ်လာမလဲ၊ ဆံပင်ရှည်တဲ့ မိန်းကလေးကိုမှ လိုချင်တဲ့ ဗီရာနဲ့ ဆံပင်တိုတို ခီသီတို့ကြား ဘယ်လိုအလွဲတွေ ဖြစ်လာမလဲဆိုတာကို ဟာသနဲ့ ဆက်ပြသွားမှာပါ။ ခီသီအဖြစ် Aishwarya Lekshmi နဲ့ ဗီရာအဖြစ် Vishnu တို့ ပါဝင်သရုပ်ဆောင်ထားပါတယ်။

သူဌေးဒန်နီရယ်ရှီကာနဲ့ သူ့တပည့် ကားမောင်းသမားတို့ ညအချိန်မတော် နယ်စပ်ကို ဖြတ်မောင်းလာကြပါတယ်။ စစ်ဆေးရေးဂိတ်မှာ ရဲတွေက ကားကိုတားပြီး စစ်ကြည့်တော့ ခွင့်ပြုထားတဲ့ ပမာဏထက် ပိုများတဲ့ အရက်ပုလင်းတွေ သယ်လာတာကို တွေ့သွားတယ်။ အဲဒီကနေ ရုန်းရင်းဆန်ခတ်ဖြစ်လာပြီး ဒုစစ်ဆေးရေးမှူး ဘီမလာနာယက်ခ် ရောက်လာတဲ့အခါ နှစ်ယောက်လုံးကို ဖမ်းခေါ်သွားပါတယ်။ ဒန်နီရယ်ကတော့ သာမန်သူဌေးတစ်ယောက် မဟုတ်ဘူး။ ကျောထောက်နောက်ခံကြီးမားပြီး ဘယ်သူမှ မထိရဲတဲ့ တပ်ကြပ်မှူးဟောင်းတစ်ယောက်ပါ။ တစ်ဖက်မှာ ရိုးဖြောင့်ပြီး သမာသမတ်ကျတဲ့ ရဲအရာရှိ ဘီမလာနာယက်ခ်၊ တစ်ဖက်မှာ အတ္တနဲ့ အငြိုးကြီးတဲ့ ဒန်နီရယ်တို့ ထိပ်တိုက်တွေ့ကြတော့ ဒီဖမ်းဆီးမှုကနေ ဘာတွေဆက်ဖြစ်လာမလဲဆိုတာကို ဇာတ်လမ်းက ဆက်ပြထားပါတယ်။ တယ်လဂူ အက်ရှင်ဒရာမာဇာတ်ကားဖြစ်ပြီး ရူပီး ကုဋေ ၇၀ အကုန်အကျခံ ရိုက်ကူးထားပါတယ်။ “Ayyappanum Koshiyum” ကို ပြန်လည်ရိုက်ကူးထားတဲ့ ဇာတ်ကားပါ။

မီနာရှီက အိန္ဒိယနိုင်ငံက Infosys ကုမ္ပဏီမှာ အလုပ်လုပ်တဲ့ ဆော့ဖ်ဝဲအင်ဂျင်နီယာတစ်ယောက်ပါ။ သူချစ်မိနေတဲ့ ရာဂျူးကတော့ ဘားမှာ သီချင်းဆိုပြီး သူငယ်ချင်းတွေနဲ့ ပျော်ပျော်နေတတ်တဲ့ သာမန်ကောင်လေးတစ်ယောက်ဖြစ်တယ်။ မီနာရှီက သူ့ဘဝအတွက် အလွန်အရေးကြီးတဲ့ အလုပ်တင်ပြမှုကိုတောင် လက်လွှတ်ပြီး ရာဂျူးရှိတဲ့နေရာကို သွားကာ သူ့နောက် တကောက်ကောက် လိုက်နေပါတယ်။ ရာဂျူးအတွက်တော့ မီနာရှီဟာ အခုမှတွေ့ဖူးတဲ့ မိန်းကလေးတစ်ယောက်ပါ။ ဘယ်သူမှန်းလည်း မသိ၊ ဘာကြောင့် သူ့ကိုချစ်တယ်ဆိုတာလည်း နားမလည်တဲ့အတွက် မီနာရှီရဲ့ အချစ်ကို ငြင်းလိုက်တယ်။ စကားနဲ့ငြင်းလို့ မရတဲ့အခါ အမျိုးမျိုး ဒုက္ခပေးပြီး ငြင်းပေမယ့် မီနာရှီကတော့ လက်မလျှော့သေးပါဘူး။ ဒီကြားထဲ မီနာရှီကို တစ်ဖက်သတ် သဘောကျနေတဲ့သူ ရှိနေပြန်တော့ သုံးပွင့်ဆိုင်အချစ်ရေး ဖြစ်လာပါတယ်။ အလုပ်မှာ အောင်မြင်နေတဲ့ မီနာရှီက ရာဂျူးကို ဒီလောက်စွဲစွဲလမ်းလမ်း ချစ်နေရတဲ့ အကြောင်းက ဘာလဲ။ ရာဂျူး ခါးခါးသီးသီး ငြင်းနေတာရဲ့နောက်မှာရော အကြောင်းတစ်ခုခု ရှိနေမလား၊ ဒီသုံးယောက်ရဲ့ အချစ်ရေးက ဘယ်လိုဆက်ဖြစ်မလဲ။ Kalyaan Dhev နဲ့ Rachita Ram တို့ အဓိကသရုပ်ဆောင်ထားတဲ့ အချစ်ဟာသဒရာမာဖြစ်ပြီး အဓိကဇာတ်ကောင်တွေအပြင် အရန်ဇာတ်ကောင်တွေရဲ့ စကားအပြောအဆိုတွေကိုလည်း အသားပေးထားပါတယ်။

မဟီက ကိုယ်ပိုင်ငွေချေးလုပ်ငန်း လုပ်ကိုင်နေတဲ့ ငွေချေးအေးဂျင့်တစ်ယောက်ပါ။ ငယ်ငယ်က ကြုံခဲ့ရတဲ့ အတိတ်ဆိုးတွေကြောင့် ရစရာအကြွေးရှိရင် တစ်ရူပီးကအစ အရမရမချင်း လိုက်တောင်းတတ်တယ်။ ဒီလိုလူမျိုးဆီကို ကာလာဗာသီဆိုတဲ့ မိန်းကလေးတစ်ယောက်က ပညာသင်ဖို့ဆိုပြီး ဒေါ်လာ ၁၀၀၀၀ လာချေးပါတယ်။ မဟီက ကာလာဗာသီကို သဘောကျသွားပေမယ့် သိပ်မကြာခင်မှာပဲ သူ့ရဲ့သရုပ်မှန်ကို သိလိုက်ရတယ်။ အကြွေးဆို နည်းနည်းလေးတောင် အလျှော့မပေးတတ်တဲ့ မဟီက ဒီဒေါ်လာ ၁၀၀၀၀ ကို ပြန်ရဖို့ ဘယ်အထိလိုက်တောင်းမလဲ၊ ဘယ်လိုနည်းတွေနဲ့ တောင်းမလဲ။ ဒီငွေချေးမှုကနေ ဘယ်လိုအဖြစ်အပျက်တွေ ဆက်ပေါ်လာမလဲဆိုတာကို မဟေရှ်ဘာဘူ ပါဝင်သရုပ်ဆောင်ထားတဲ့ တလဲဂူးအက်ရှင်ဇာတ်ကားမှာ ဆက်တွေ့ရမှာပါ။

ဖခင်ရဲ့ဆန္ဒကို ဖြည့်ဆည်းချင်တဲ့ လူငယ်တစ်ယောက်ဟာ မိခင်ရဲ့လမ်းညွှန်မှုနဲ့ ရိုးရိုးသားသား ကြိုးစားရင်း ဆေးပညာဘွဲ့ ရလာပါတယ်။ အဲဒီနောက် ကူအာနိုးဆေးရုံမှာ အလုပ်သင်ဆင်းဖို့ ဟိုင်ဒရာဘတ်ကနေ ကူအာနိုးကို ပြောင်းလာတယ်။ အဲဒီမှာ FM တစ်ခုမှာ အလုပ်လုပ်နေတဲ့ မိတဆိုးမိန်းကလေးတစ်ယောက်နဲ့ တိုက်ခန်းတစ်ခုမှာ ဆုံဖြစ်ကြပါတယ်။ သူမက ကိုယ်ကြုံခဲ့ရတဲ့ အဖြစ်အပျက်တွေကို ဇာတ်လမ်းဆင်ပြီး ထုတ်လွှင့်တတ်သူဖြစ်လို့ မဟာလက်ရှ်မီးရဲ့ ဝီစီသံလို့ အမည်တွင်နေသူပါ။ ဆရာဝန်လေးကတော့ ရန်သူဖြစ်နေရင်တောင် လူနာကို ကုသပေးရမယ်ဆိုတဲ့ ကျင့်ဝတ်ကို လက်ကိုင်ထားသူဖြစ်ပါတယ်။ အဲဒီခံယူချက်အတိုင်း ကုသပေးနေရာက ကူအာနိုးမြို့မှာ ဩဇာရှိတဲ့ ဂုရုဆိုသူနဲ့ ဆုံလာတဲ့အခါ သူ့ဘဝမှာ ဘယ်လိုအပြောင်းအလဲတွေ ဖြစ်လာမလဲဆိုတာ ဆက်တွေ့ရမှာပါ။ Modern Love Hyderabad ထဲက အက်ဒ်ဟီနဲ့ Uppena ထဲက ကာရီသီတို့ ပါဝင်ထားတဲ့ အက်ရှင်မှုခင်းဇာတ်ကားဖြစ်ပြီး ကြမ်းတမ်းတဲ့ တိုက်ခိုက်ခန်းနဲ့ သတ်ဖြတ်ခန်းတွေ ပါဝင်ပါတယ်။

ဒိုင်ယာရီတစ်အုပ်ကို ဖတ်မိရာကနေ အဲဒီစာမျက်နှာတွေထဲက လူတစ်ယောက်ကို ချစ်မိသွားတဲ့အကြောင်းပါ။ စာထဲကနေ သိကျွမ်းလာရုံနဲ့ မလုံလောက်တော့ဘဲ လူချင်းတွေ့ချင်လာတဲ့အခါ ရေဆုံးမြေဆုံး လိုက်ရှာမိလာတယ်။ အဲဒီလို ရှာဖွေနေရင်း ဒိုင်ယာရီထဲမှာ ဖတ်ခဲ့ရတဲ့သူရဲ့ အကျင့်တွေကပါ ကိုယ့်ဆီ ကူးစက်လာပါတယ်။ အချစ်အတွက် လိုက်ရှာရတဲ့ ခရီးမှာ အခက်အခဲတွေ ရှိပေမယ့် အချစ်စစ်ကြောင့် ဆူးခင်းလမ်းကိုတောင် ပန်းခင်းလမ်းလို ဖြတ်သန်းနိုင်တဲ့အကြောင်း ရေးဖွဲ့ထားပြီး Anupama Parameswaran ပါဝင်သရုပ်ဆောင်ထားပါတယ်။

Super Over ဆိုတဲ့ကားလေးက 2021 မှာထွက်ရှိပြီး Rating 7.1တောင် ရရှိထားတာပါ ဇာတ်လမ်း အကျဉ်းကတော့ ကာစီ ဗာဆူနဲ့ မာဒူဆိုတဲ့သူငယ်ချင်းသုံးယောက်ဟာ ငယ်တည်းက အတူတူကြီးပြင်းလာပြီးတော့ အမြဲတမ်း အတူတူရှိနေကြတဲ့သူတွေပါ ကာစီတစ်ယောက် အိမ်က အကြွေးတွေဆပ်ဖို့ အခက်အခဲဖြစ်နေတဲ့ချိန် အမေရိကန်သွားဖို့ ဗီဇာလုပ်ထားတဲ့ ပိုက်ဆံကလည်း ပြန်တောင်းမရ လက်ထဲလည်းပိုက်ဆံမရှိ အလုပ်မရှိတော့ နှစ်လအတွင်း အကြွေးဆပ်ဖို့နည်းလမ်း စဉ်းစားရင်းနဲ့ ခရစ်ကတ်လောင်းမိတဲ့အခါ မမျှော်လင့်ပဲ ကာစီတစ်ယောက် ပိုက်ဆံများစွာ နိုင်သွားတဲ့အခါမှာ...... မူလီရာက ခရစ်ကတ်ဒိုင်တစ်ယောက်ဖြစ်ပြီးတော့ ကာစီတို့သူငယ်ချင်းအုပ်စုက ခရစ်ကတ်ကို ခုမှစဆော့တော့ မနိုင်လောက်ဘူးထင်ပြီး သူဌေးကိုလှည့်စားပြီး သူအတွက်သူ ပိုက်ဆံရအောင်လုပ်တဲ့အခါမှာ... ရဲအေဂျေဟာ ပိုက်ဆံနဲ့ပတ်သတ်ရင်ဘာမဆိုလုပ်တဲ့သူတစ်ယောက် တရားမဝင်ငွေလွှဲတဲ့သူတိုင်းနဲ့သူသိပြီးတော့ အဲ့ကနေပိုက်ဆံရယူဖို့ ကြိုးစားတဲ့အခါ... ကာစီတစ်ယောက် ပိုက်ဆံထုတ်တဲ့အခါ ဘယ်လိုအခက်အခဲတွေနဲ့ကြုံရမလဲ ဒိုင်နဲ့ရဲ ကြားမှာ ကာစီတစ်ယောက် သူငွေတွေကို အကုန်ရအောင်ယူနိုင်မလားဆိုတာကြည့်ရှုသင့်တဲ့ ဟာသအက်ရှင်ဇာတ်ကားလေးဖြစ်ပါတယ် Translated by : Shwe Pwint  Encoded by ; YK Quality  : 1080p TRUE WEB DL  and 720p File Size : 1.17 GB and 900MB Duration : 1h 23mins

Thimmarusu (2021) "လူတစ်ယောက် ကောင်းတယ်ဆိုတာကို ပတ်ဝန်းကျင်က လက်ခံဖို့ အချိန်တွေအများကြီး ယူရပေမယ့် သူမကောင်းဘူးဆိုတာကိုတော့ စက္ကန့်ပိုင်းလေးအတွင်း လူတွေလက်ခံနိုင်ကြတယ် မင်းနာမည်ဘေးမှာ တွဲလျက်ရှိနေတဲ့ လူသတ်သမားဆိုတဲ့ ဂုဏ်ပုဒ်က သေတဲ့ထိပါသွားမှာကွ ဒါကြောင့် ဒီအမှုကို မင်းရင်ဆိုင်ရမှာ" လွန်ခဲ့တဲ့ ၈ နှစ်က လူသတ်မှုနဲ့ စွပ်စွဲခံရပြီး ထောင်ကျခဲ့ရတဲ့ ကောင်လေးကို အမှုပြန်ဖွင့်ပြီး တရားခံအစစ်ဖော်ထုတ်ဖို့ ရှေ့နေက ပြောတဲ့စကား တရားဥပဒေဆိုတာ လက်တစ်လုံးခြားပဲတဲ့ ​မတရားမှုမှန်သမျှ ဖော်ထုတ်မယ်ဆိုတဲ့ လူငယ်ရှေ့နေလေးကတော့ ဒီစကားကိုလက်မခံပါဘူး တုံးဆိုတိုက် ကျားဆိုကိုက်ပြီး အမှန်တရားသာဖော်ထုတ်မယ့် ရှေ့နေပေါ့ ဒီလိုရှေ့နေတစ်ယောက်က လွန်ခဲ့တဲ့ ၈ နှစ်က အမှုဟောင်းကို စုံစမ်းရရောဗျာ သာမာန်လျော်ကြေးငွေကိစ္စနဲ့ အမှုဆိုပြီးလိုက်ရာကနေ တရားအစွဲခံခဲ့ရတဲ့သူဟာ တရားခံအစစ်မဟုတ်ဘဲ ထောင်ကျခဲ့တယ်ဆိုတာ သိသွားတဲ့အချိန်မှာတော့ ရအောင်ဖော်ထုတ်မယ်လို့ စိတ်ဆုံးဖြတ်ခဲ့တယ် လှည့်ကွက်တွေ အများကြီးရှိနေတဲ့အပြင် မထင်မှတ်ထားတဲ့ လူတွေပါ ပါဝင်ပတ်သက်နေတဲ့ ဒီအမှုကြီးကို ဆက်ပြီးဖော်ထုတ်လေ သူ့အတွက်အန္တရာယ်များလာလေဖြစ်လာခဲ့တဲ့အခါ... အန္တရာယ်ကြားကနေ အမှန်တရားဘက်တော်သားတစ်ယောက် ဒီအမှုကို ဘယ်လိုကိုင်တွယ်သွားမလဲဆိုတာကို အိန္ဒိယဇာတ်ကားတို့ ထုံးစံအတိုင်း Dialog အလန်းတွေနဲ့ ရိုက်ပြထားပါတယ် ကြည့်ရှုလိုက်ကြပါဦး File size…2Gb / 1.22Gb / 600MB Quality…720p /480p / 1080pTRUE WEBDL DD+5.1 Format…Mp4 Duration….2h 7mins Subtitle….Myanmar Subtitle(Hard Sub) Encoder….YK Translated by Amelia & Shin Mon Latt

IMDb Rating(7.1) ရည်းစား စဖြစ်ကြရင် တစ်​ယောက်ကိုတစ်​ယောက် အရမ်း​ ဂရုစိုက်ပြကြ ချစ်ပြကြ ရိုကြတာ သဘာ၀ပါပဲ Honeymoon period ​ပေါ့ အချိန်ကြာတွဲလာရင်း အိမ်​ထောင်သည်ဘဝ ကူး​ပြောင်းတဲ့ အခါ ဆက်လက်ရိုနိုင် ချစ်ပြနိုင်ကြသူ​တွေ ဘယ်​လောက်ရှိမလဲ တချို့ဆို ရည်းစားဘဝမှာတင် မချစ်ပြတတ်ကြပါဘူး​လေ​နော့ အိမ်​ထောင်သက်ကြာလာ​လေ​လေ မိသားစုအ​ရေး စီးပွား​ရေး လူမှု​ရေးကိစ္စ​တွေကြားမှာ မချစ်​တော့တာမဟုတ်​ပေမယ့် မချစ်ပြတတ်ကြ​တော့ပါဘူး CM ပရိသတ်ကြီးတို့​​ကော "အိမ်​ထောင်သည်ဘဝက​နေ ဘာတွေများ​မျှော်လင့်ထားကြပါသလဲ" ​ပျော်ရွှင်​သောအိမ်​ထောင်​ရေးဖြစ်​အောင် ဘယ်လို​နေထိုင်ရမလဲဆိုတာကို သိချင်ရင်​တော့ ဒီကား​လေးကို ကြည့်သင့်ပါတယ်။ အိန္ဒိယတွေရဲ့ ထုံးစံအတိုင်း သားယောကျာ်းလေးကို မိန်းမပေးစားတဲ့ဇာတ်လမ်းလေးတစ်ခုပါပဲ။ သတို့သမီး​လောင်း အ​ယောက် ၂၀နဲ့လိုက်​တွေ့ရမယ့် ဟာရှာ... ပထမသတို့သမီး​လောင်းက​တော့ သူ့အလိုကျ လိုက်​လျောညီ​ထွေ​နေ​ပေးတတ်လွန်းတဲ့ မိန်းက​လေး... မိဘ​တွေက တခြားသတို့သမီး​လောင်း​တွေ အားလုံး​တွေ့ပြီးမှ ​​ရွေး​စေချင်တာ​ပေါ့... အဲဒီမှာပဲ ဇာတာခွင်မကိုက်လို့ဆိုပြီး ဓါတ်ပုံ​လေးရယ် ဇာတာခွင်ရယ်ကို သတို့သမီး​လောင်း ​နောက်တစ်​ယောက်ရဲ့အ​ဖေဖြစ်သူဆီကို သွား​ပေးရင်း ဓါတ်ပုံ​ပျောက်သွားတဲ့ အခါ ဗီဘာဆိုတဲ့ မိန်းက​လေးနဲ့ ​ဆုံဖို့ကံပါ​လာတော့တယ်... ထိုမိန်းက​လေးနဲ့​တွေ့ပြီး​နောက် ဟာရှာတစ်​ယောက် သူ့ရဲ့ ဘဝလက်တွဲ​ဖော်ဆီက ဘာကိုလိုချင်ရမှန်း မသိ​အောင် စိတ်ရှုပ်သွားပါ​တော့တယ် သူ့အတွေးအမြင်တွေအကုန်လုံး ပြောင်းလဲကုန်ပါတယ်။ ကောင်မလေးနဲ့ စကားပြောရတာတွေ၊ အတူသွား အတူလာတဲ့အချိန်တွေမှာ သူပျော်ရွှင်နေခဲ့တယ်။ သတို့သမီး​လောင်း​တွေ လိုက်​တွေ့​နေ​ပေမယ့်လည်း စိတ်မပါ​တော့တဲ့ ဟာရှာ တစ်​ယောက် ဖြစ်​ပေါ်လာတဲ့ အထင်လွဲပြဿနာတွေကို ဖြေရှင်းပြီး ချစ်တဲ့သူနဲ့ပဲ မင်္ဂလာဆောင်မှာလား၊ လူပျိုကြီးပဲလုပ်သွားမလား၊ မိဘပေးစားတဲ့သူနဲ့ပဲ ညားမလားဆိုတာကိုတော့ ဇာတ်ကားလေးမှာပဲ ကြည့်ရှုကြဖို့ ညွှန်းဆိုပါရစေ...။ File size…(2.6 GB) / (1.5 GB) Quality….WEB-DL HEVC 1080p / 720p Format…mkv/mp4 Duration….02:24:00 Subtitle….Myanmar Subtitle (Hardsub) Encoder….Ka Naung Translated by Mugiwara Ya & Nadi Myint Naing