ရုပ်ရှင်အသစ်များ

House of Sayuri (2024) +++++++++ “House of Sayuri” (2024) ဟာ ဂျပန်ထိတ်လန့်ရုပ်ရှင်ဂုရု Kôji Shiraishi (Noroi: The Curse, Sadako vs. Kayako) ရဲ့ နောက်ဆုံးလက်ရာဖြစ်ပြီး၊ Rensuke Oshikiri ရဲ့ မန်ဂါကို အခြေခံကာ Mari Asato နဲ့အတူ ဇာတ်ညွှန်းရေးသားထားပါတယ်။ ဒီဇာတ်ကားမှာ Ryôka Minamide၊ Toshie Negishi၊ Fusako Urabe၊ Zen Kajihara၊ Kokoro Morita၊ Ray Inomata နဲ့ Hana Kondô တို့ ပါဝင်သရုပ်ဆောင်ထားပါတယ်။ ရှည်လျားမည်းနက်တဲ့ ဆံပင်နဲ့ သရဲမ၊ ထိတ်လန့်စရာ အသံတွေနဲ့ မမျှော်လင့်ထားတဲ့အချိန်မှာ ရုတ်တရက်ပေါ်လာတာမျိုးက ဂျပန်သရဲ ကားတွေထုံးစံအတိုင်း အရသာရှိလှပါတယ်။ ကမိကိမိသားစုတို့ရဲ့အိမ်သစ်ကို ပြောင်းရွှေ့လာရာက စတင်ပြီး သူတို့ရဲ့ပျော်ရွှင်မှုဟာ အိမ်ထဲမှာ ခြောက်လှန့်နေတဲ့ သရဲမလေး ဆယူရီရဲ့ လက်စားချေမှုနဲ့ ရင်ဆိုင်ရပါတယ်။ ညဘက်ထဲ ထူးဆန်းတဲ့ ရယ်သံတွေ၊ အရိပ်မည်းတွေ၊ နဲ့ တံခါးနောက်က တိုးဖွလှုပ်ရှားမှုတွေက ကာမီကီမိသားစုကို တဖြည်းဖြည်း ထိတ်လန့်မှုထဲ ဆွဲသွင်းလိုက်ပါတယ်။ အထူးသဖြင့် အကြီးဆုံးသား နိုရီယိုနဲ့ စိတ်မတည်ငြိမ်ရောဂါခံစားနေရတဲ့အဖွားဟာရူးတို့ဟာ ဆာယူရီရဲ့ထိတ်လန့်ဖွယ်လှုပ်ရှားမှုတွေကို ရင်ဆိုင်ရင်း အိမ်ရဲ့မမျှော်လင့်ထားတဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားရပါတော့တယ်။ File Size… (951MB) / (556MB) Quality… WEB-DL 1080p HEVC /720p Format…mkv / mp4 Duration…1h 48m Genre ….Horror

Complotul Bonelor (2024) ++++++++++ အိမ်ထောင်ပြုခြင်းဆိုတာ ဘဝရဲ့ ခရီးရှည်တစ်ခုကို အဖော်မွန်နဲ့အတူတူ လက်တွဲလျှောက်လှမ်းရတာပါ။ ဒါပေမဲ့ တစ်ခါတရံမှာ ဒီလမ်းခရီးက ဖြောင့်ဖြူးမနေဘဲ အကွေ့အကောက်တွေ၊ အတားအဆီးတွေနဲ့ ကြုံတွေ့ရတတ်ပါတယ်။ ကျွန်တော်တို့ရဲ့ ဘဝအတွေ့အကြုံအရ အိမ်ထောင်တစ်ခုဆိုတာ "မီးခိုးကြွက်လျှောက်" ဆိုတဲ့ စကားပုံနဲ့ ထပ်တူကျလွန်းလှပါတယ်။ အထူးသဖြင့် ကလေးတွေရှိတဲ့ မိသားစုတစ်ခုမှာ အိမ်ထောင်ပြုပြီးတဲ့နောက်မှာ လမ်းခွဲကြတဲ့အခါ ကလေးတွေရဲ့စိတ်ထဲမှာ မီးခိုးတွေလို လှည့်လည်နေတတ်တဲ့ ခံစားချက်တွေ ပေါ်လာပါတယ်။ သူတို့အတွက် အရင်က ပုံမှန်ရှိခဲ့တဲ့ မိသားစုပုံရိပ်ဟာ ပျက်စီးသွားပြီး နောက်ထပ်အိမ်ထောင်သစ်တစ်ခုဆိုတာကလည်း မီးခိုးတွေလို မမြင်ရတဲ့ စိုးရိမ်ပူပန်မှုတွေ ဖြစ်ပေါ်စေပါတယ်။ စီးပွားရေးလုပ်ငန်းရှင် သူဌေးကြီးဗာဂျီးလ်က အိမ်ထောင်သုံးခါကျထားပြီး ကလေးကိုးယောက်နဲ့အတူနေထိုင်နေတဲ့သူပါ။ တစ်ရက်မှာ သူက လေးခါမြောက်အိမ်ထောင်ပြုဖို့ အကြောင်းဖန်လာတော့ သူရဲ့သားသမီးကို ဒါကို လက်မခံချင်ကြပါဘူး။ သူတို့ဟာ အသစ်ဝင်လာမယ့်သူကို လက်ခံဖို့ ခက်ခဲနိုင်သလို၊ မိဘရဲ့ ချစ်ခြင်းမေတ္တာတွေ ခွဲဝေခံစားရမှာကိုလည်း စိုးရိမ်နေကြပါတယ်။ အဲဒီတော့ သူတို့ရဲ့အိမ်ဖော်သုံးယောက်ထဲက တစ်ယောက်နဲ့ သူ့အဖေကို လက်ထပ်ပေးဖို့စီစဥ်ပါတော့မယ်။ ကလေးတွေဟာ အသက်အရွယ်နဲ့ စရိုက်အမျိုးမျိုးရှိပြီး၊ ဗာဂျီးလ်ရဲ့ အချစ်ရေးနဲ့ မိသားစုဘဝမှာ မထင်မှတ်ထား

Room Six (2024) IMDb Rating (3.7) မက်စ်ဟာ ကောလိပ်ကျောင်းသူလေးတစ်ယောက်ဖြစ်ပြီး ကျောင်းစရိတ်အတွက် လူသူမနီးတဲ့အရပ်ကမိုတယ်စုတ်လေးတစ်ခုမှာ အချိန်ပိုင်းအလုပ်လုပ်ပါတယ်။ တစ်ညမှာတော့ မသင်္ကာစရာပုံစံနဲ့ညီအစ်ကိုနှစ်ယောက်ရောက်လာခဲ့ပြီးအခန်းနံပါတ်ခြောက်ကိုအတိအကျငှားရမ်းတည်းခိုခဲ့ပါတယ်။ ထူးခြားနေတဲ့ သူတို့ရဲ့အပြုအမူတွေ၊ ပုံစံတွေကြောင့် စပ်စုမိတဲ့မက်စ်တစ်ယောက်ဟာ သူတို့အခန်းထဲမှာဝှက်ထားတဲ့ လျှို့ဝှက်ချက်တစ်ခုကို သွားတွေ့မိတဲ့အခါမှာတော့ သူ့အတွက်ခြောက်ခြားဖွယ်ညတစ်ခု အစပျိုးလာပါတော့တယ်။ File size… (980 MB) / (630 MB) Quality…. WEB-Rip 1080p HEVC / 720p Format…. mkv/mp4 Genre…. Horror,Thriller Duration…. 01:19:37 Subtitle…. Myanmar Subtitle (Hardsub)

Give It (your) All (2024) MyAnimeList - 6.4/10 Etsuko ဆိုတဲ့အထက်တန်းကျောင်းသူလေးက ဘဝကိုရည်ရွယ်ချက်မရှိဘဲ သာမာန်ဖြတ်သန်းနေတဲ့ကောင်မလေးပါ။ ငယ်ငယ်ကထူးချွန်ခဲ့ပြီး ကြီးလာတဲ့အချိန်မှာ လူတိုင်းကြုံတွေ့ဖူးသလို past-self လောက်လုပ်နိုင်စွမ်းတွေမရှိတော့တဲ့အခါ ဘဝရဲ့မျှော်လင့်ချက်တွေ ထွေထွေထူးထူးမရှိတော့တဲ့အချိန်ပေါ့။ တစ်နေ့မှာတော့ ကျောင်းပြောင်းလာတဲ့ကျောင်းသူလေး Rii ကြောင့် လှေလှော်အသင်းထဲဝင်ဖို့ဖြစ်လာပါတော့တယ်။ ‌အဲဒီမှာ အထက်တန်းကျောင်းသူလေးတွေရဲ့ကြိုးစားမှု စိတ်အားထက်သန်မှုနဲ့ သူငယ်ချင်းတွေဆက်ဆံရေး‌တွေကို ကိုယ်တိုင်ကြုံတွေ့လာပြီး ဘယ်လိုဆက်ဖြစ်မလဲဆိုတာကို ကြည့်ရှု့ခံစားရမှာဖြစ်ပါတယ်....။

Kurayukaba (2024) MyAnimeList - 6.4/10, IMDB - 5.7/10 Anime ကိုမှ စုံထောက်ဇာတ်လမ်းတွေ၊ Action တွေ၊ မြှုပ်ကွက်တွေကို ကြိုက်တဲ့သူတွေအတွက် ဇာတ်လမ်းကောင်းလေး တစ်ပုဒ်နဲ့ မိတ်ဆက်ပေးချင်ပါတယ်။ Soutaro ဆိုတဲ့ စုံထောက်ဟာ သူ့ရဲ့ သတင်းပေးသမားလေး Saki နဲ့အတူ Ootsuji စုံထောက်ကုမ္ပဏီကို တည်ထောင်ထားပေမယ့် မယ်မယ်ရရ အလုပ်မဖြစ်တော့ ခက်ခဲတဲ့ အခြေအနေကို ရောက်နေပါတော့တယ်။ တစ်နေ့တော့ သူတို့မြို့မှာ ပွဲတော်ရာသီကို ရောက်လာပြီး မြို့ပေါ်မှာ ခရီးသွားဆပ်ကပ်တွေနဲ့ ပျော်ရွှင်မြူးထူးနေကြပေမယ့် တစ်ဖက်မှာတော့ လူတွေ အစုအပြုံလိုက် ပျောက်ဆုံးမှုတွေ ရှိနေပြီး အဲဒါတွေနဲ့အတူ ဘီးလုံးရာ‌တွေပါ ပေါ်လာတတ်ပါတယ်။ အဲဒီကိစ္စကို စုံစမ်းဖို့ သတင်းသမားတစ်ယောက်က Soutaru ကို အလုပ်အပ်ခဲ့ပေမယ့် စုံထောက်က သူကိုယ်တိုင်မသွားဘဲ Saki လေးကို လွှတ်လိုက်ပါလေရော။ တကယ်တော့ သူတို့နေတဲ့ မြို့က မြေအောက်မှာပါ အမှောင်ထုလို့ခေါ်တဲ့ သီးခြား society တစ်ခုရှိပြီး မကောင်းမှုတွေ၊ ခိုးဆိုးလုနှိုက်ဂိုဏ်းတွေနဲ့ ပြည့်နှက်နေတဲ့ နေရာတစ်ခုဖြစ်ပါတယ်။ လူပျောက်မှုတွေရဲ့ နောက်ကွယ်က တရားခံကလည်း အမှောင်ထုထဲက မျက်နှာဖုံးဂိုဏ်းပဲလို့ ယူဆထားကြတာပါ။ ဒီလိုနဲ့ Saki ကို အမှောင်ထုထဲကို သတင်းရှာလွှတ်လိုက်ပေမယ့် ကောင်မလေးကိုပါ ပြန်ပေးဆွဲထားကြတော့ သူကိုယ်တိုင် အမှောင်ထုထဲကို သွားဖို့ ဖြစ်လာပါတော့တယ်။ အဲဒီလိုနဲ့ပဲ Soutaro ဟာ အမှောင်ထုထဲကို

Crayon Shin-chan: Our Dinosaur Diary (2024) IMDb - 6.6/10, MyAnimeList - 7/10 ဒီကားလေးကတော့ Crayon Shin-chan Series ထဲက ၂၃ ကားမြောက်ဖြစ်ပြီး Rating ကောင်းလဲရရှိထားတဲ့ကားကောင်းလေးတစ်ကားပါ။ အသစ်စက်စက်ဆောက်လုပ်ထားတဲ့ အပန်းဖြေပန်းခြံတစ်ခုမှ ဒိုင်နိုဆောအစစ်တွေကိုပါပြသထားပါတယ်။ ဒီပရောဂျက်ကို Odoroki ကဦးဆောင်ကာ တိုကျိုမြို့လယ်မှာဖွင့်လှစ်ထားတာပါ။ ဒီပန်းခြံကို လာရောက်လည်ပတ်ဖို့ စစဖွင့်ခြင်းမှာတင် ၂ နှစ်စာ ဘိုကင်တွေပြည့်သွားလောက်အောင် လူအများရဲ့အာရုံစိုက်ခြင်းခံထားရပါတယ်။ Shin-chan ကတော့ သူ့ရဲ့ငါးနှစ်သားအရွယ် နွေရာသီကို ကမ်းခြေမသွားရဘဲ အိမ်မှာပဲသောင်တင်ဖြတ်သန်းနေရပါတယ်။ ဒီလိုနဲ့ တစ်နေ့မှာသူနဲ့သူ့သူငယ်ချင်းတွေ ဒိုင်နိုဆောပန်းခြံကိုလည်ပတ်ခွင့်ရပြီး ဂိုက်ဖြစ်သူ Angela-chan နဲ့ဆုံခဲ့ကြတယ်။ အိမ်ပြန်ရောက်ပြီးနောက်နေ့မှာ Shin-chan နဲ့ သူ့ခွေးလေး Shiro ဟာ ဒိုင်နိုဆောကလေးလေးတစ်ကောင်နဲ့ အမှတ်မထင်တွေ့ပြီး အိမ်ကိုခေါ်မွေးစားလိုက်ပါတယ်။ ဒီဒိုင်နိုဆောလေးကို ပြန်ခေါ်ဖို့ Odoroki ဘက်က အသည်းအသန်ကြိုးစားပါတော့တယ်။ ဒိုင်နို‌ဆောပန်းခြံရဲ့ လျှို့ဝှက်ချက်က ဘာလဲ...။ ဒီ ဒိုင်နိုဆောကလေးလေးကိုရော အသည်းအသန်ပြန်လိုချင်နေတာဘာကြောင့်လဲ...။ Shin-chan တို့ကရော ဒီကလေးလေးကိုကာကွယ်နိုင်မလားဆိုတာ စောင့်ကြည့်ရမှာပါ။

ဘန်နီ (Frank Palangi) ဆိုတဲ့ သာမန်လူတစ်ယောက်ရဲ့ ကြောက်စရာအိပ်မက်တွေထဲ လူဆိုးတွေ (Elissa Ebersold, Shelley Fairbanks တို့ သရုပ်ဆောင်) ဝင်လာပြီး သူ့စိတ်ကို ဖရိုဖရဲဖြစ်အောင် လုပ်ထားတယ်။ အိပ်မက်ထဲက မကောင်းဆိုးဝါးတွေက လက်တွေ့ဘဝထဲ ရောက်လာပြီး ဘန်နီကို လိုက်နှောင့်ယှက်တယ်။ တစ်ခါဆို အိပ်မက်ထဲ လူဆိုးတစ်ယောက်က ဘန်နီကို ရိုက်ဖို့ လုပ်ရင်း မတော်တဆ လက်တွေ့ဒဏ်ရာရလုနီးပါးပါဖြစ်သွားပါတယ် ဘန်နီက ဒီမကောင်းဆိုးဝါးတွေကို ဘယ်လိုရင်ဆိုင်မလဲဆိုတာ စိတ်လှုပ်ရှားစရာပါ။ ဒီအင်ဒီဟော်ရာကား ၅၇ မိနစ်ပဲ ကြာပြီး Frank Palangi က ရိုက်ကူးရေးသားထားတယ်။ ၂၀၂၄ မှာ Tubi, Prime Video, Apple TV မှာ ထုတ်လွှင့်ထားပါတယ်။ ဟော်ရာနဲ့ လျှို့ဝှက်ချက်ကြိုက်ရင် ဒီကားကို ကြည့်ကြည့်ပါဦး File size…(727 MB)/(579 MB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ဇာတ်လမ်းက ဝရန် (Nina Dobrev က သရုပ်ဆောင်) ဆိုတဲ့ သုံးဆယ်ကျော်သက်အမျိုးသမီးတစ်ယောက်ရဲ့ ဘဝအကြောင်း။ ဝရန်က သူ့ရဲ့ အနီးကပ်သူငယ်ချင်းတွေ ဆီကို တဖြည်းဖြည်း ဝေးကွာလာနေတာ ခံစားရပြီး၊ သူတို့ကို ပြန်ခေါ်ဖို့ ရုတ်တရက် ကင်ဆာရောဂါ ရှိတယ်ဆိုပြီး လိမ်ညာလိုက်တယ်။ ဒီအလိမ်အညာက ရိုးရှင်းတဲ့ အဖြူရောင်အလိမ်အညာ တစ်ခုပဲ ထင်နေတုန်း၊ ရုတ်တရက် ကြီးမားတဲ့ ငလျင်လို ပျံ့နှံ့ပြီး သူ့ဘဝနဲ့ သူငယ်ချင်းတွေ၊ မိသားစုတွေ အားလုံး ရှုပ်ထွေးသွားတယ်။ ဝရန်ရဲ့ သူငယ်ချင်းတွေ ဆီကီ (Sherry Cola)၊ စတီဖနီ (Stephanie Koenig) နဲ့ ဟေလီ (Hayley Magnus) တို့က ဝရန်ရဲ့ အလိမ်အညာကြောင့် ပြန်ရောက်လာပြီး၊ သူ့ကို ဂရုစိုက်ဖို့ ကြိုးစားကြတယ်။ ဒါပေမယ့် ဝရန်က အလိမ်အညာကို ဖုံးကွယ်ပြီး၊ တစ်ခါဆို ဆေးရုံထဲ ဝင်ရင်း မတော်တဆ ဆရာဝန်တွေနဲ့ ရှုပ်ထွေးမိလို့ တကယ့် ကင်ဆာလူနာတွေ နဲ့ ရန်ဖြစ်ရတာ ရယ်ရလည်း ရယ်ရတယ်။ နောက်တစ်ခါကျ သူငယ်ချင်းတွေ ဝရန်ကို ပံ့ပိုးဖို့ ပါတီလုပ်ရင်း ဝရန်ရဲ့ အလိမ်အညာက ပေါ်တော့မလို့ ဖြစ်သွားတယ်။ ဝရန်ရဲ့အတိတ်က လမ်းခရီးအမှတ်တရတွေ ပြန်ပြရင်း သူတို့ရဲ့ဆက်ဆံရေး ဘယ်လို ပြန်တည်ဆောက်မလဲ ဆိုတာ စိတ်ဝင်စားစရာပါ File size…(1.5 GB)/(865 MB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

Fureru (2024) IMDB - 6.2/10, MyAnimeList - 6.8/10 အခုတစ်ခေါက် တင်ဆက်ပေးမယ့် ဇာတ်ကားလေးကတော့ 2024 က ထွက်ရှိခဲ့တဲ့ Fureru ဆိုတဲ့ Anime ကားလေးဖြစ်ပါတယ် ။ Anime ကိုမှ အေးအေးလေးနဲ့ Mystery ဘက်သွားတဲ့ ဇာတ်လမ်းလေးကို ကြည့်ချင်တဲ့သူတွေအတွက်တော့ ဒီဇာတ်ကားက အကြိုက်‌‌တွေ့စေမှာပါ။ ဇာတ်လမ်းလေးထဲမှာ Aki ဆိုတဲ့ကောင်လေးက အပြောအဆိုအပေါင်းအသင်းမတတ်တဲ့ ဘုကလန့်ပုံစံလေးပါ။ အဲ့ဒါကြောင့်လည်း သူဟာ ဘယ်သူနဲ့မှ မတည့်သလို ရန်လည်းခနခနဖြစ်တတ်သူလေးပါ အပြင်ပန်းမှာတော့ တလောကလုံးကို ဂရုမစိုက်တဲ့ပုံစံဖမ်းထားပေမယ့် တကယ်တမ်းတော့ စိတ်ထဲမှာ အထီးကျန်နေသူလေးတစ်ယောက်ပါ။ တစ်နေ့မှာ သူဟာ Fureru ဆိုတဲ့ ထူးဆန်းတဲ့အကောင်လေးတစ်ကောင်ကို တွေ့သွားပြီး Ryo, Yuta ဆိုတဲ့ကောင်လေးနှစ်ယောက်နဲ့ သူငယ်ချင်း ဖြစ်သွားပါတယ် ။တကယ်တော့ Fureru က သူ့နားကလူတွေကို တစ်ယောက်နဲ့တစ်ယောက် နားလည်ပြီး အဆင်ပြေအောင်လုပ်ပေးနိုင်တဲ့ အစွမ်းပိုင်ဆိုင်ထားတာပါ။ ဒါကြောင့်မို့ Aki, Ryo နဲ့ Yuta တို့ဟာ တစ်ယောက်နဲ့တစ်ယောက် ရန်ဖြစ်တာတွေမရှိပဲ အဆိုးမြင်တာတွေမရှိပဲ အရွယ်ရောက်တဲ့အထိ ပေါင်းသင်းနေနိုင်‌ပေမယ့် တစ်နေ့မှာတော့ သူတို့သူငယ်ချင်းသုံးယောက်ဘဝထဲ ကောင်မလေးနှစ်ယောက်ရောက်လာပြီး ထူးဆန်းတာတွေကြုံတွေ့လာရပါတော့တယ်။ အဲ့မှာပဲ သူတို့တွေအဆင်ပြေပြေနဲ့နေနိုင်နေကြတာဟာ တစ်ယောက်နဲ့တစ်ယောက် အဆိုးမမြင်ကြလို့မဟုတ်ပဲ Fureru ရဲ့လျှို့ဝှက်ချက်ကြောင့်ဆိုတာကို သိသွားပါတော့

Butchers Book Three: Bonesaw (2024) +++++++++ Slasher Horror ကြိုက်နှစ်သက်တဲ့ ပရိသတ်တွေအတွက် အသစ်ထပ်မံထွက်ရှိထားတဲ့ Butcher Book Three နဲ့ မိတ်ဆက်ပေးချင်ပါတယ်။ အရင် Butchers စီးရီးတွေထဲကလို တောထဲမှာ လမ်းပျောက်ပြီး လူသားစား စိတ္တဇကောင်တွေနဲ့ မဟုတ်တော့ဘဲ ဒီတစ်ခါတော့ မြို့ပေါ်ဆင်ခြေဖုံး ရပ်ကွက်နဲ့ လူပြတ်တဲ့ လမ်းတွေပေါ် အပြောင်းအလဲ ဖြစ်လာပါပြီ။ ဒီတစ်ခါတော့ စိတ္တဇကောင်က ညအချိန် လူခြေပြတ်တဲ့နေရာတွေမှာ အသားခုတ်တဲ့ အလုံပိတ် ဗင်ကားနဲ့ လမ်းတွေလိုက်ပတ်မောင်းရင်း သူ့ရဲ့သားကောင် ဖြစ်မယ့်သူတွေကို လိုက်လံရှာဖွေတာ ဖြစ်ပါတယ်။ ညဉ့်ငှက်မလေးတွေနဲ့ အမျိုးသမီးငယ်လေးတွေ ဆက်တိုက်ပျောက်ဆုံးမှုတွေကြောင့် သတင်းအနံ့ခံ လိုက်နေတဲ့ ရှဲရစ်ရဲကိုလည်း တွေ့ရမှာ ဖြစ်ပြီး စိတ္တဇကောင်နဲ့ ဘယ်လို တွေ့ဆုံမှုတွေ ဖြစ်ကြမလဲ။ ယခင်ရိုးအီနေတဲ့ Butcher Vibe နဲ့ ကွဲထွက်သွားတာမို့ ကြည့်ရတာ မဆိုးဘူးလို့ ပြောရမှာပါ။ သားကောင်က ဘယ်လောက်ပဲ နာကျင်သွေးပျက်ပြီး အော်ဟစ်နေပါစေ သူလုပ်စရာ ရှိတာကို ခပ်မှန်မှန် သွေးအေးအေးနဲ့ ခုတ်ထစ်နေတဲ့ မြင်ကွင်းမျိုးနဲ့အတူ Butcher Book သုံးကားမြောက်ကို ရှုစားအားပေးကြပါဦးလို့။ File Size… (0.99GB) / (460MB) Quality… WEB-DL 1080p HEVC /720p Format…mkv / mp4 Duration…1h 47m Genre ….Horror Subtitle….Myanmar Subtitle (Hard Sub)

Detective Conan: The Million Dollar Pentagram (2024) IMDB - 6.7/10, MyAnimeList - 7.9/10 ဒီတစ်ခေါက် တင်ဆက်ပေးချင်တဲ့ ဇာတ်ကားလေးကတော့ Detective Conan: The Million Dollar Pentagram ပဲဖြစ်ပါတယ်။ ဒီဇာတ်ကားရဲ့ အဓိကဇာတ်လမ်းက Hokkaido မှာရှိတဲ့ Onoe မိသားစုတစ်စုဆီက ရတနာခိုးယူဖို့ကြံစည်နေတဲ့ Kaitou Kid ကို လိုက်ဖမ်းရာကနေ စတာပါ။ ဒါပေမဲ့ ရုတ်တရက်ဆိုသလို လူသတ်မှုတစ်ခု ဖြစ်သွားပြီး ကိစ္စတွေက ပိုရှုပ်ထွေးလာပါတယ်။ အဲဒီမှာ Conan နဲ့ Hattori တို့ဟာ သတ်ဖြတ်သူကို ဖော်ထုတ်ဖို့ ကြိုးစားရင်း ရတနာရှာပုံတော် ဖွင့်ရပါတော့တယ်။ ဒီဇာတ်ကားက လျှို့ဝှက်ဆန်းကြယ်မှုတွေ၊ အက်ရှင်ခန်းတွေနဲ့ ပြည့်နှက်နေသလို Conan, Hattori နဲ့ Kaitou Kid တိုရဲ့ အပြန်အလှန်အချေအတင် ပြောဆိုမှုလေးတွေကလည်း အရမ်းကို ရယ်စရာကောင်းပါတယ်။ IMDb Rating 6.7/10 လည်းရရှိထားတာမို့ စိတ်ဝင်စားစရာကောင်းတဲ့ ဇာတ်ကားတစ်ကားဖြစ်တယ်လို ပြောလို့ရပါတယ်။ သေချာတာတစ်ခုကတော့ ဒီဇာတ်ကားဟာ Conan ပရိသတ်တွေကိုရော၊ Conan ကို ပထမဆုံးကြည့်မယ့် သူတွေအတွက်ပါ စွဲဆောင်နိုင်မှာပါ။ အေးအေးလူလူ ဇာတ်ကားကြည့်ရတာကို ကြိုက်နှစ်သက်သူတွေအတွက်တော့ ဒီဇာတ်ကားလေးကို ကြည့်ကြည့်ပါလို့ တိုက်တွန်းလိုက်ပါရစေ...။

Shepherds (2024) IMDb Rating (7.2) တစ်ခါတလေ ရှုခင်းတွေလိုတယ်။ တစ်ခါတလေ သီချင်းတွေလိုတယ်။ တစ်ခါတလေ ရုပ်ရှင်တွေလိုတယ်။ အရှိတရားသက်သက်မှာ နေရင်းထိုင်ရင်း ရူးမသွားအောင် ကာကွယ်ဖို့ပေါ့။ အခုရုပ်ရှင်လို ရုပ်ရှင်မျိုးတွေလည်း လိုတာပဲ။ ဘယ်စနစ်အောက်မှာဖြစ်ဖြစ် ဒီလူ့ဘောင်မှာ ရှင်နေသရွေ့တော့ ရုပ်ဝါဒတရားတွေနဲ့ ကင်းပြီးနေလို့မရဘူး။ နေပျော်တာတွေလည်း ရှိပါတယ်။ ငြီးငွေ့လာတာတွေလည်းရှိတယ်။ ဒီရုပ်ရှင်က ဇာတ်ကောင်ကတော့ ဒီရုပ်ဝါဒီကမ္ဘာကြီးကို ကျောခိုင်းပြီး နည်းနည်းလေး ရှေးရိုးဆန်တဲ့ကမ္ဘာကြီးကို ပြန်သွားကြည့်ခဲ့တယ်။ Content Writerဘဝကနေ စာအုပ်ရေးဖို့ကြိုးစားရင်း နောက်ဆုံး သိုးထိန်းလုပ်ဖို့ ကြိုးစားကြည့်ခဲ့တယ်။ သိုးထိန်းဘဝနဲ့ သူနေကြည့်ခဲ့တဲ့ နေခဲ့တဲ့ဘဝကိုပဲ ဒီရုပ်ရှင်မှာ ပြထားတယ်။ ကောင်းတာက ဒီရုပ်ရှင်မှာ အေးချမ်းသွားပါတယ်ဆိုပြီး မပြဘူး။ မတူတဲ့ အပူတွေ မတူတဲ့ ပြဿနာတွေလာတာကို ပြတယ်။ ရွေးချယ်မှုနဲ့ ဆိုင်တဲ့ အပိုင်းတွေပေါ့။ ဘာဖြစ်ဖြစ် တိမ်တွေ တောင်တွေ ရုပ်ဝါဒတရားတွေနဲ့ကင်းနေတဲ့ ဒီလိုရုပ်ရှင်မျိုးကို ကျွန်တော်လို့ လိုကိုလိုတာပါပဲ။ ကြည့်ကြည်ပေါ့ ။ တစ်ခေါက်လောက်။ File size… (2.7 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:54:32 Subtitle…. Myanmar Subtitle (Hardsub)

Baki Hanma vs Kengan Ashura (2024) IMDb- 5.7/10, MyAnimeList - 6.4/10 Baki ဆိုတာ ငယ်စဉ်ကတည်းက ဖိုက်တာတစ်ယောက်ဖြစ်လာဖို့ လေ့ကျင့်ပေးခြင်းခံရတဲ့ မြေအောက်ဖိုက်တာချန်ပီယံတစ်ယောက်ဖြစ်ပါတယ်။ သူဟာ သူ့ရဲ့အဖေ Yuujirou ကိုအနိုင်ရဖို့ အစွမ်းထက်ဆုံးသူတစ်ယောက်ဖြစ်အောင် အမြဲကြိုးစားနေတဲ့ လူငယ်လေးပါ။ ဒီတစ်ခေါက်တော့ Baki ဟာ မြေအောက်ဖိုက်တာအဖွဲ့အစည်းနှစ်ခုဖြစ်တဲ့ မြေအောက်ကြိုးဝိုင်းနဲ့ Kengan အဖွဲ့အစည်းတို့ အားချင်းယှဉ်ကြတဲ့ပွဲမှာ ပြိုင်ပွဲဝင်အဖြစ်ဝင်ရောက်ယှဉ်ပြိုင်သွားမှာဖြစ်ပါတယ်။ ပထမပွဲစဉ်မှာတော့ အဖေဖြစ်သူဝင်ပြိုင်ခဲ့တဲ့မြေအောက်ကြိုးဝိုင်းကို ရောက်လာခဲ့တဲ့ မြန်မာပြည်က လက်ဝှေ့အကျော်အမော် စောပိုင် Yoroizuka နဲ့ ဘာလေ့ကျင့်ရေးမှမလုပ်ဘဲနဲ့ ပင်ကိုယ်အတိုင်းကို ကြမ်းနေတဲ့ Kaoru Hanayama ရဲ့အကြမ်းစားတိုက်ကွက်တွေကိုတွေ့ရမှာပါ။ ဒုတိယပွဲစဉ်မှာတော့ ကြီးမားတောင့်တင်းတဲ့ခန္ဓာကိုယ်ကိုရဖို့ တရားမဝင်ဆေးဝါးတွေသုံးစွဲကာ ခွဲစိတ်မှုတွေအကြိမ်ကြိမ်လုပ်ခဲ့တဲ့ Jack Hammer နဲ့ လုပ်ကြံသတ်ဖြတ်သူ Kure မိသားစုကဆင်းသက်လာတဲ့ Raian Kure တို့နှစ်ယောက်မှာ ဘယ်သူကပိုကြမ်းလဲဆိုတာကြည့်ရှုရမှာပါ။ တတိယပွဲစဉ်ကတော့ အားလုံးမျှော်လင့်နေကြတဲ့ အဓိကဇာတ်ကောင် Baki Hanma နဲ့ "Ashura စစ်နတ်ဘုရား"လို့ တင်စားခေါ်ဝေါ်ကြတဲ့ Ohma Tokita တို့ရဲ့နောက်ဆုံးပွဲပဲဖြစ်ပါတယ်။ ဒါကြောင့် ယှဉ်ပြိုင်မှုပွဲစဉ်၃ခုရဲ့

Devil on Campus: The Larry Ray Story (2024) +++++++++++ ဒီဇာတ်ကားလေးကတော့ တကယ့်ဖြစ်ရပ်မှန်အကြောင်းအရာကို အခြေခံထားတဲ့ Drama ဇာတ်ကားလေးဖြစ်ပြီးတော့ ဒါရိုက်တာ Elisabeth Röhm က ရိုက်ကူးထားပါတယ်။ အဓိကဇာတ်ဆောင်တွေအဖြစ် Billy Zane, Tedra Rogers, Frankie Warren, Alexis Sides, ဒါရိုက်တာ Elisabeth Röhm စတဲ့ အနုပညာရှင်တွေက ပါဝင်သရုပ်ဆောင်ပေးထားပါတယ်။ ဇာတ်လမ်းအကျဉ်းကတော့ ထောင်ကနေလွတ်လာတဲ့ Larry Ray ဆိုတဲ့လူဟာ သူ့သမီးဖြစ်သူရဲ့သူငယ်ချင်းတွေဆီကနေ ရင်းနှီးမှုယူပြီးတော့ သူတို့ရဲ့ငယ်ဘဝကရခဲ့တဲ့ စိတ်ပိုင်းဆိုင်ရာ လိင်ပိုင်းဆိုင်ရာ စိတ်ဒဏ်ရာတွေကို ခြယ်လှယ်ကာ သူ့ကိုယ်ကျိုးအတွက် အကွက်ကျကျ အသုံးချပုံကို စိတ်အနှောက်အယှက်ဖြစ်ဖွယ် ကြည့်ရှုရမှာပါ။ ဘယ်လောက်တောင်လဲဆိုရင် Larry နေရာကသရုပ်ဆောင်နေတဲ့သူကို မုန်းသွားတဲ့အထိပါပဲ။ IMDb မှာဆိုရင် rating 5.2/10 ကို ရရှိထားပြီးတော့ ဇာတ်လမ်းအတက်အကျအပြည့်နဲ့ ကြည့်ရှုသူတွေအတွက် တကယ့်ဖြစ်ရပ်မှန်အဖြစ်အပျက်ကို ခံစားချက်အပြည့်ရအောင် ရိုက်ကူးပြထားနိုင်တဲ့ ဇာတ်ကားကောင်းတစ်ကားဖြစ်ပါတယ်။ File Size… (1.12GB) / (576MB) Quality… WEB-DL 1080p HEVC /720p Format…mkv / mp4 Duration…1h 26m Genre ….Drama , Mystery Subtitle….Myanmar Subtitle (Hard Sub)

Umamusume: Pretty Derby - Beginning of a New Era (2024) IMDb - 7.4/10, MyAnimeList - 8.6/10 ပြေးလွှားဖို့အတွက်ကံကြမ္မာနဲ့ မွေးဖွားလာကြတဲ့ မြင်းကောင်မလေးတွေက ဘာပဲလုပ်လုပ် မပြေးဘဲနဲ့မနေနိုင်ကြပါဘူး။ ဂျန်ဂယ်ပေါ့ကတ်လို့ခေါ်တဲ့ ကောင်မလေးက တစ်ရက်မှာ သူငယ်ချင်းတွေနဲ့အတူတူ အပြေးပြိုင်ပွဲကို လာကြည့်ရင်း ဖူဂျိခိဆဲခိဆိုတဲ့ အပြေးသမားနိုင်သွားတာကို မြင်သွားတဲ့အခါ သူလည်း အဲဒီလိုမျိုးပြေးချင်တယ်၊ အမြန်ဆုံးမြင်းကောင်မလေးဖြစ်ချင်တယ်လို့ ဆုံးဖြတ်ချက်ချခဲ့ပါတော့တယ်။ ဒီလိုနဲ့ ဂျန်ဂယ်က ဖူဂျိရဲ့နည်းပြဖြစ်တဲ့ နာဘဲလက်အောက်မှာ လေ့ကျင့်ဖို့ဖြစ်လာပါတယ်။ ဖူဂျိကလည်း အကြောင်းတစ်ခုကြောင့် အပြေးသမားအဖြစ်ကနှုတ်ထွက်ခဲ့ရပြီး ဂျန်ဂယ့်ကို အတူတူစောင့်ရှောက်ပေးဖြစ်ခဲ့ပါတယ်။ ဂျန်ဂယ်တစ်ယောက် ဘယ်လိုမျိုးပြိုင်ဘက်တွေနဲ့ တွေ့ဆုံရမလဲ... ဖူဂျိကရော ဘာအကြောင်းတွေကြောင့် အနားယူခဲ့တာလဲ... ပြန်ပြီးရော ပြေးဖို့ဖြစ်နိုင်ပါတော့မလား... Umamusume ကို 2016 မှာ Mobile Game အဖြစ် စတင်မိတ်ဆက်ခဲ့ပြီး 2018 မှာ Anime Series အဖြစ် စတင်ထုတ်လွှင့်ခဲ့တာပဲဖြစ်ပါတယ် Anime Series ကတော့ လက်ရှိအချိန်အထိ Season သုံးခုထွက်ရှိထားပြီးဖြစ်ပါတယ်။ Manga အနေနဲ့လည်း ထွက်ရှိထားပါသေးတယ်။ အမျိုးအစားကတော့ Sport ဖြစ်လို့ အားကစားကိုစိတ်ဝင်စားကြတဲ့သူတွေအနေနဲ့ စိတ်ကျေနပ်ကြမှာပါ...။

The Blackwell Ghost 8 ဟာဆိုရင် Turner Clay ဆိုတဲ့ မှတ်တမ်းရုပ်ရှင်ရိုက်ကူးသူတစ်ဦးက နှစ်ပေါင်းများစွာကတည်းက မဖြေရှင်းနိုင်သေးတဲ့ လူသတ်မှုတွေရဲ့ အမှန်တရားကို ဖော်ထုတ်ဖို့ ကြိုးစားတဲ့အကြောင်း ရိုက်ကူးထားတာဖြစ်ပါတယ်။ ဒီဇာတ်လမ်းတွဲရဲ့ အရင်အပိုင်းတွေမှာ သရဲခြောက်တဲ့အိမ်တွေနဲ့ သဘာဝလွန်ဖြစ်ရပ်တွေကို အဓိကထားရိုက်ကူးခဲ့ပေမဲ့ အပိုင်း ၈ မှာတော့ ဇာတ်လမ်းပုံစံက အနည်းငယ်ပြောင်းသွားပါတာကို တွေ့ရမှာပါ။ ဒီအပိုင်းမှာတော့ Turner Clay က လူသတ်သမားရဲ့ လှည့်စားမှုတွေ၊ စိတ်ပိုင်းဆိုင်ရာ ခြောက်လှန့်မှုတွေကို ရင်ဆိုင်ရင်းနဲ့ လျှို့ဝှက်ဆန်းကြယ်တဲ့ သဲလွန်စတွေကို ဖော်ထုတ်ရတဲ့ ကွင်းဆက်လူသတ်မှုဇာတ်လမ်းအသွင်ကို ပိုဆောင်လာတာပဲဖြစ်ပါတယ်။ Turner Clay ဟာ သူရှာဖွေခဲ့တဲ့ အဖြေတွေဆီကို ပိုမိုနီးစပ်လာလေလေ အန္တရာယ်ကလည်း ပိုပြီးကြီးမားလာလေလေဆိုတဲ့ အခြေအနေထဲကိုရောက်ရင်းမှ ပဟေဠိတွေ၊ သဲလွန်စတွေကနေတစ်ဆင့် အသတ်ခံရသူတွေမြှုပ်နှံခံထားရာနေရာကို ရှာဖွေရင်း လူသတ်မှုရဲ့ နောက်ကွယ်က အဖြစ်မှန်ကို ဖော်ထုတ်ဖို့ ကြိုးစားတဲ့အကြောင်းကို ရိုက်ကူးတင်ဆက်ထားတဲ့အပိုင်းပဲဖြစ်ပါတယ်။ File size…(1.3 GB)/(699 MB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

The Throwback (2024) Sheldon အငယ်လေးစီးရီးထဲက အစ်ကိုဖြစ်သူ ဂျော့ဂျ်ရဲ့ ယောက္ခထီးနေရာက မင်းသား Will Sasso နဲ့ မင်းသမီး Justina Machado တို့ ပါဝင်သရုပ်ဆောင်ထားတဲ့ မိသားစု ဟာသဒရမ်မာကားလေး ဖြစ်ပါတယ်။ မက်နဲ့ ကိတ်ဆိုတာက သားနှစ်ယောက်ရှိတဲ့ လင်မယားတွေဖြစ်ပြီး မက်က ကြော်ငြာအေဂျင်စီအလုပ်နဲ့ ကိတ်က ဘဏ်က လက်ထောက်မန်နေဂျာတစ်ယောက်ပဲ ဖြစ်ပါတယ်။ ကိုယ်စီအလုပ်တွေက ရှုပ်ရတဲ့အထဲ မျောက်လောင်းနှစ်ကောင်ကပါ ဝေဒနာတွေပေးနေလို့ လင်မယားနှစ်ယောက် ပင်ပန်းစွာ ဖြတ်သန်းနေကြရတာပေါ့။ ဒီလိုနဲ့ တစ်ရက်ကျ ကိတ်တို့ဘဏ်ကို ဓားပြလာတိုက်တဲ့အခါ ကိတ်အနေနဲ့ ဘာမှမဖြစ်ပေမဲ့လည်း သေနတ်နဲ့ အချိန်ခံလိုက်ရတာ ထရောမာအကြီးကြီးဝင်သွားပြီး ခန္ဓာကိုယ်ကတော့ ၄၅ နှစ်အရွယ်ဆိုပေမဲ့ စိတ်က ကောလိပ်ကျောင်းသူ ၁၉ နှစ်အရွယ်ကို ပြန်ရောက်သွားပါတော့တယ်။ ဆိုတော့ ၁၉ နှစ်ရွယ်စိတ်နဲ့ ၄၅ နှစ် အိမ်ထောင်ရှင်မကြီး ကိတ်တစ်ယောက် ဘာတွေဆက်ဖြစ်မလဲဆိုတာကို ရယ်မောစရာလေးတွေ ဘဝသင်ခန်းစာလေးတွေနဲ့ ဖော်ကျူးထားတဲ့ကားလေး ဖြစ်ပါတယ်ဗျာ…။ File size… 1.3 GB /800 MB Quality…WEB DL 1080p HEVC/ 720p Format…mkv/ mp4 Duration….1h 36m Subtitle….Myanmar Subtitle (Hard Sub) Encoder…B Coder Translated by Thura

ဒီတစ်ခါမှာတော့ အက်ရှင်ဇာတ်ကားကြိုက်နှစ်သက်သူတွေအတွက် ဖိလစ်ပိုင် action thriller ဇာတ်ကားလေးကိုတင်ဆက်ပေးလိုက်ပါတယ် ဇာတ်လမ်းအကျဥ်း မစ်ဂဲဟာ အထူးတပ်ဖွဲ့ဝင်စစ်သားဟောင်းတစ်ဦးဖြစ်ပါတယ် တိုက်ပွဲတစ်ခုအတွင်းမှာ ညီအစ်ကိုလိုချစ်ခင်ရတဲ့ရဲဘော်တွေအားလုံး သူ့မျက်စိရှေ့တင် အသတ်ခံခဲ့ရပြီးသူတစ်ယောက်တည်းလွတ်မြောက်ခဲ့တာပါ အဲ့ဒါကြောင့်ပဲ နေ့တိုင်းညတိုင်း အဲ့ဒီတိုက်ပွဲကမှတ်ဥာဏ်တွေက တကောက်ကောက်လိုက်ပြီးခြောက်လှန့်တာခံနေရကာ စိတ်ဒဏ်ရာရဲ့နောက်ဆက်တွဲကစဥ့်ကလျားဖြစ်မှုကိုပါခံစားနေရပါတယ် ဒီလိုနဲ့တစ်နေ့မှာ သူညစောင့်လုပ်နေတဲ့ဂိုထောင်ထဲကို ဒဏ်ရာရနေတဲ့မောင်နှမနှစ်ယောက်ဝင်လာပြီး သူတို့ကိုကယ်တင်ဖို့အကူအညီတောင်းခံပါတယ် သူတို့နောက်ကိုလိုက်နေတာက မူးယစ်ဆေးကုန်သည်တွေနဲ့ အကျင့်ပျက်ရဲတွေဖြစ်နေတာကြောင့် မစ်ဂဲလည်း အဲ့ဒီမောင်နှမနှစ်ယောက်ကိုကူညီရင်း ပြဿနာထဲကိုဝင်ပါရပါတော့တယ် (ဒီဇာတ်ကားမှာ သွေးထွက်သံယိုဇာတ်ဝင်ခန်းတွေနဲ့ ရက်ရက်စက်စက်သတ်ဖြတ်တဲ့ဇာတ်ဝင်ခန်းများပါဝင်ပါတယ်) File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

The Colors Within (2024) Japanes Title - Kimi no Iro IMDB : 7.1/10, MyAnimeList : 7.6/10 ဒီဇာတ်ကားလေးကတော့ ရိုးရှင်းပြီးစိတ်ပြေလက်ပျောက်ကြည့်ချင်သူများအတွက် ကြည့်ရတာအဆင်ပြေမဲ့ဇာတ်ကားလေးပါနော်။ ဒီကားလေးက ဇာတ်ကောင်လေးတွေရဲ့ ကိုယ့်ကိုယ်ကိုယုံကြည်မှု၊လူငယ်ဘဝကို ဖြတ်သန်းလာခဲ့ပုံနဲ့ သီချင်းနဲ့ခံစားချက်တွေကို ထုတ်ဖော်ပြတဲ့ဇာတ်ကားလေးဖြစ်ပါတယ်။ ဇာတ်လမ်းလေးရဲ့ အကြောင်းအရာက Totsuko-chan ဆိုတဲ့ ကောင်မလေးဟာ မွေးကတည်းက တစ်ခြားသူတွေလို အရောင်ကိုကြည့်မြင်နိုင်ရုံတင်မဟုတ်ဘူး အရောင်တွေရဲ့ သဘာဝကိုခံစားနိုင်စွမ်းရှိတဲ့သူလေးပါ။ ဒီလိုတင်မကဘူး သူဟာလူတွေရဲ့ခံစားချက် အရောင်တွေကိုပါခံစားနိုင်ပါတယ်တဲ့။ တစ်နေ့မှာသူဟာ အရောင်လှလှလေးမြင်ရတဲ့ သူနှစ်ယောက်ဖြစ်တဲ့ Kimi-chan နဲ့ Rui-kun ကိုမြင်လိုက်ရပြီး ဂီတအဖွဲ့ဖွဲ့ဖို့ စိတ်ထင်ပြောမိလိုက်ရာကနေပဲ တကယ်အဖွဲ့လေးဟာ ပေါ်ပေါက်လာခဲ့တယ်။ ဒီလိုလူငယ်လေးတွေဟာ သူတို့ကိုယ်စီရဲ့ခံစားချက်တွေကို သီချင်းမှာချရေးပြီး ကျောင်းပွဲတော်ကြီးမှာ ဘယ်လိုထုတ်ဖော်ဖျော်ဖြေသွားမလဲဆိုတာကို ကြည့်ရှုကြည့်လိုက်ရအောင်.....

Betting with Ghost (2024) IMDb Rating (6.5) လန်းကအလုပ်တစ်ဖက်နဲ့ကျောင်းတက်နေတဲ့လူငယ်လေးဖြစ်ပြီး သူ့အဖေက သူ့သားလိမ်မာကြောင်း၊ တော်ကြောင်းအမွှမ်းတင်လေ့ရှိပေမယ့် တကယ်တမ်းတော့ သူ့သားက အလုပ်သွားချင်ယောင်ဆောင်ပြီး ကြက်ဝိုင်းမှာပဲ အချိန်ကုန်တတ်တဲ့သူပါ။ တစ်နေ့တော့လန်းတစ်ယောက်ကြက်ဝိုင်းမှာရှုံးသွားတဲ့အတွက်လောင်းကြေးကိုမဆပ်ပဲ ထွက်ပြေးရာကနေ သင်္ချိုင်းတစ်ခုကနေ ဖြတ်ပြေးပြီး ကျင်းဟောင်းတစ်ခုထဲကိုဆင်းပုန်းမိခဲ့ပါတယ်။ အဲ့ဒိကစလို့ လန်းဟာ တစ္ဆေမလေးတစ်ကောင်ကိုတွေ့မြင်လာရပြီး အဲ့ဒီတစ္ဆေမိန်းကလေးက သူ့သမီးကိုကူရှာပေးဖို့ တတွတ်တွတ်အကူအညီတောင်းလေ့ရှိပါတယ်။ အစပိုင်းမှာသူအတန်တန်ငြင်းပေမယ့် ကောင်မလေးက သူ့ကိုဖြတ်လမ်းနည်းနဲ့ငွေရှာဖို့ကူညီမယ်လို့ကမ်းလှမ်းလာချိန်မှာတော့ သူ့ဘက်ကလည်းအပြန်အလှန်ကူညီပေးဖို့လက်ခံခဲ့ပါတယ်။ ကူညီမယ်သာပြောပေမယ့် သာမန်လူတွေနဲ့မခြား ဘာအစွမ်းမှမရှိတဲ့ တစ္ဆေမလေးနဲ့လန်းတို့နှစ်ယောက်ကြားက အလွဲပေါင်းစုံကမနားတမ်းခွီနေရမှာဖြစ်ပါတယ်။ အစပိုင်းမှာဟာသနှောပြီးခပ်သွက်သွက်တင်ပြထားပေမယ့် တကယ်တမ်းဇာတ်လမ်းပုံစံပေါ်လာတဲ့အခါမှာတော့ သူတို့နောက်ကွယ်ကဖြစ်ရပ်တွေ တစ်ရစ်ချင်းထွက်ပေါ်လာတဲ့အခါ ဇာတ်အလှည့်အပြောင်း၊ ပီပြင်တဲ့ သရုပ်ဆောင်ချက်တွေနဲ့အတူမျက်ရည်ဖြိုင်ဖြိုင်ကျရဖို့လည်းရှိပါသေးတယ်။လက်လွတ်မခံသင့်တဲ့ ဇာတ်ကားကောင်းတစ်ကားဖြစ်ပါတယ်။ File size… (2 GB) / (1.1 GB) Quality…. WEB-DL 1080p HEVC / 720p Format…

Cherry lane ဆိုတဲ့ရပ်ကွက်လေးထဲနေထိုင်တဲ့သူတွေဟာ အချင်းချင်းတစ်ယောက်ကိုတစ်ယောက် လိုအပ်တာကူညီဖြည့်ဆည်းပြီး အေးချမ်းကြင်နာစွာနေထိုင်ကြပါတယ် အဲ့ရပ်ကွက်မှာမှ အမှတ်7 အိမ်မှာနေခဲ့တဲ့ မိသားစု3ခုရဲ့ ခရစ္စမတ်ကာလမှာကြုံတွေ့ရတဲ့ ပြောင်းလဲမှုအတွေ့အကြုံတွေအကြောင်းရိုက်ကူးထားတာပါ 1966 ခုနှစ် ခရစ္စမတ်အကြိုနေ့မှာ စတက်ဖန်နီဆိုတဲ့ကောင်မလေးက "တွမ်မီဆန်ဒါစ်ရဲ့ နေအိမ်တွေကိုသွားရောက်ပြီး ခရစ္စမတ်အကြိုနေ့အထူးထုတ်လွှင့်မှု"အတွက် လျှောက်လွှာတင်ထားရာကနေ သူမရဲ့အိမ်မှာလာရောက်ရိုက်ကူးဖို့အရွေးခံလိုက်ရတာပါ ပြဿနာက သူမရဲ့ကိုယ်ပိုင်လိပ်စာကိုမပေးဘဲ အမှတ်7လိပ်စာကိုပေးခဲ့တာကြောင့် ရိုက်ကူးရေးကိုခွင့်ပြုပေးဖို့ အမှတ်7အိမ်ပိုင်ရှင်ဒေးဗစ်ကို အကူအညီတောင်းရာကနေဖူးစာဆုံသွားပါတယ် 1981မှာတော့ အမှတ်7အိမ်ပိုင်ရှင်က ဂျွန်နဲ့လစ်ဇီဆိုတဲ့လင်မယားဖြစ်လာပါတယ် သူတို့မိသားစုကလည်း ချယ်ရီလမ်းရပ်ကွက်လေးမှာပျော်နေကြပေမဲ့ ဂျွန်ရဲ့အလုပ်အသစ်ကြောင့် တစ်နယ်တကျေးကိုပြောင်းဖို့ဖြစ်လာတာကြောင့် ချယ်ရီလမ်းမှာ နောက်ဆုံးခရစ္စမတ်အကြိုကိုကျင်းပရပါတော့တယ် 2000ပြည့်နှစ်မှာတော့ အိမ်နံပါတ်7ကို ရီဘက်ကာဆိုတဲ့ကောင်မလေးကပြောင်းလာပါတယ် သူမရဲ့သူငယ်ချင်း"မက်ထ်"လည်းပါလာပြီး ခရစ္စမတ်အကြိုနေ့မှာ အိမ်နီးချင်းတွေကိုမုန့်တွေလိုက်ဝေရင်း ခံစားချက်တွေက သူငယ်ချင်းထက်ပိုလာတာကို နှစ်ယောက်စလုံးသိလိုက်ရပါတယ် ဒီအိမ်နဲ့ပက်သက်ပြီး ဒီမိသားစုသုံးခုကဘယ်လိုပက်သက်နေမလဲ..... ဒီတစ်ကားလ

ရိုမန့်တစ်၊ဒရာမာ ခရစ္စမတ် ရုပ်ရှင်ကားကောင်းလေးတစ်ကားနဲ့ မိတ်ဆက်ပေးပါရစေ။ Jodie က ရုပ်သံဌာနတစ်ခုမှာ သတင်းကြေညာသူတစ်ယောက်ပါ။ သူ့ချစ်သူ Jason နဲ့ ကတောက်ကဆ ဖြစ်ပြီးရုပ်သံ လွှင့်နေစဥ်မှာ Jason မျက်နှာကို ရေနဲ့ လှမ်းပက်ခဲ့ပါတယ်။ အဲ့ဒီအတွက် သူ့ကို သူဌေးက အလုပ်ဖြုတ်လိုက်ပေမယ့် Jodie ရဲ့ တောင်းပန်မှုကြောင့် ခရစ္စမတ် သတင်းဇာတ်လမ်း ကောင်းကောင်းရေးပေးနိုင်ရင် ဒုတိယအခွင့်အရေး ပေးနိုင်ကြောင်း ပြောခဲ့ပါတယ်။ ဒါနဲ့ Jodie တစ်ယောက် အဒေါ်ဖြစ်သူနေတဲ့ Montrose ဆိုတဲ့ မြို့လေးမှာ လစ်လပ်နေတဲ့ အဒေါ့်အိမ်မှာ တစ်ယောက်ထဲ ခဏသွားနေပြီး ဇာတ်လမ်းရေးဖို့ ကြံပါတော့တယ်။ သူမသိခဲ့တာက အဒေါ်ဖြစ်သူဟာ William ဆိုတဲ့ လူငယ်တစ်ဦးကို သူ့အိမ်မှာ ခဏနေခွင့်ပြုထားတာပါ။ William က ကင်ဆာရောဂါသည်ဖြစ်သူ အမေအတွက် အိမ်ရောင်းပြီး ဆေးကုနေတာဖြစ်လို့ Jodie ရဲ့ အဒေါ် ကသနားပြီး သူ့အိမ်မှာ ခေတ္တနေခွင့်ပြုထားတာ ဖြစ်ပါတယ်။ ဒီအကြောင်းကို မသိတဲ့ Jodie ဟာ William ကို အိမ်ထဲဖောက်ဝင်တယ် ထင်ပြီး ရိုက်ပုတ် မောင်းထုတ်ခဲ့ပါတယ်။ အဖြစ်မှန် သိပြီးနောက် Jodieဟာ William ကို သနားသွားပြီး သူနဲ့ အတူ နေနိုင်ကြောင်း ပြောခဲ့ပါတယ်။ Jodie နဲ့ William ရဲ့ ခရစ္စမတ်မှာ အခြေတည်တဲ့ အချစ်ဇာတ်လမ်းကို ကြည်နူးမှုအပြည့်နဲ့ ကြည့်ရမှာပါ။ File size…(1.3 GB)/(634 MB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

OutHouse (2024) ၂၀၂၄ကထွက်ရှိခဲ့တဲ့ အိန္ဒိယမိသားစုဒရာမာရုပ်ရှင်လေးကို တင်ဆက်ပေးလိုက်ပါတယ်။ မိဘဖြစ်သူတွေက အလုပ်ကိစ္စနဲ့ခရီးထွက်ရမှာမို့ သားဖြစ်သူနီးလ်နဲ့ ခွေးကလေးပါဘလိုကိုအဘွားဖြစ်သူအိမ် ပို့ထားခဲ့ရာကစတဲ့ဇာတ်လမ်း။ အဘွားဖြစ်သူက မြေးဖြစ်သူကို ကြည်ကြည်ဖြူဖြူလက်ခံပေမဲ့ ခွေးကလေးပါဘလိုကိုတော့တစ်စက်မှမတည့်ပါဘူး။ နောက်နေ့မနက်မှာပဲ ခွေးကလေးပါဘလို မွှေပါတော့တယ်။ ရပ်ကွက်ထဲမှာ အကြောတင်းလွန်းပြီး လူ့ဂွစာလို့ သတ်မှတ်ထားကြတဲ့ အဘိုးကြီးနောက်ကိုမှ တကောက်ကောက်လျှောက်လိုက်နေ‌တော့တာ။ လူတွေနဲ့အစေးမကပ်လှတဲ့ လူ့ဂွစာအဘိုးကြီးရဲ့ဘ၀ထဲကို ခွေးကလေးပါဘလိုရောက်လာတဲ့နောက်မှာတော့ အရာအားလုံး ပြောင်းလဲလာခဲ့ပါတော့တယ်။ (ဘာသာပြန်ကတော့ b-teamဖြစ်ပါတယ်။) File size… 1.3 GB / 700 MB Quality…WEB DL 1080p HEVC/ 720p Format…mkv/ mp4 Duration….1h 37m Subtitle….Myanmar Subtitle (Hard Sub) Translated by B Team

God of Pain (2024) လူတစ်ယောက်ဟာ ဘယ်နေရာမှန်းမသိတဲ့ လမ်းလယ်ခေါင်တစ်ခုမှာ နာကျင်မှုတွေနဲ့နိုးထလာခဲ့တယ်။ သူဒီနေရာကိုဘယ်လိုရောက်လာမှန်းလဲမသိခဲ့ရဘူး.. ဒီလိုနဲ့အိမ်တစ်လုံးထဲဝင်ပြေးလိုက်တဲ့အချိန်မှာတော့ သူကိုယ်တိုင်မသိစိတ်ကနေ ဖန်တီးထားတဲ့ကိုယ်တွင်းမကောင်းဆိုးဝါးတွေကို ရင်ဆိုင်ရပါတော့တယ် .. ALGEA နာကျင်မှုနတ်ဘုရားနဲ့ထိပ်တိုက်ရင်ဆိုင်ရပြီး ဘာတွေဆက်ဖြစ်အုံးမလဲဆိုတာကိုတော့.. File size… (1.3 GB) / (560 MB) Quality…. WEB-Rip 1080p HEVC / 720p Format…. mkv/mp4 Genre…. Horror Duration…. 01:39:33 Subtitle…. Myanmar Subtitle (Hardsub)