လူကြည့်များသော ရုပ်ရှင်များ

ဟိုဂျောင်းဟာ ဟုမ်းရှော့ပင်းအစီအစဉ်မှာ တင်ဆက်သူအဖြစ်လုပ်ကိုင်နေတာပါ။ တစ်နေ့မှာတော့ မစ်ကိုရီးယားဖြစ်ခဲ့တဲ့ ကောင်မလေးတစ်ယောက်ပေါ်လာတာကြောင့် အထက်ကလူတွေက ဟိုဂျောင်းကိုခန္ဓာကိုယ်မလှလို့ အလုပ်ဖြုတ်ပစ်ပြီး အဲဒီကောင်မလေးနဲ့အစားထိုးခဲ့ပါတယ်။ ဟိုဂျောင်းလည်း သူ့ခန္ဓာကိုယ်သူစိတ်ညစ်နေတဲ့အချိန်မှာပဲ သူ့ငယ်သူငယ်ချင်း ကင်ဆွန်းဟွာပေါ်လာခဲ့ပါတယ်။ ငယ်ငယ်ကရုပ်အရမ်းဆိုးလို့ အနှိမ်ခံခဲ့ရတဲ့ဆွန်းဟွာဟာ အခုမှာတော့ လုံး၀ပြီးပြည့်စုံတဲ့အလှပိုင်ရှင်ဖြစ်နေပါတော့တယ်။ ဟိုဂျောင်းတစ်ယောက်လည်း ဆွန်းဟွာလိုဖြစ်ချင်လို့ ဆွန်းဟွာညွှန်းပေးလိုက်တဲ့ အပြင်းအထန်လေ့ကျင့်ရေးယောဂသင်တန်းကို သွားတက်ဖို့ဆုံးဖြတ်လိုက်ပါတော့တယ်။ ဒါပေမယ့် ထိုယောဂသင်တန်းကြီးဟာ ထင်သလောက်မရိုးရှင်းပဲ သဘာ၀လွန်ဖြစ်ရပ်တွေရှိလာတဲ့အခါ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shin Rina ဖြစ်ပါတယ်

ဒီကားလေးမှာတော့ ဂျပန်နိုင်ငံကအဆိုတော်ကောင်မလေးတစ်ယောက်ဟာ သူမရဲ့မွေးနေ့မှာ သူ့မသူငယ်ချင်းတွေရဲ့စနောက်မှုကိုအတည်မှတ်ယူသွားပြီး သူမရဲ့အဖေကိုရှာဖို့ ဟောင်ကောင်ကိုလိုက်သွားတာကနေအစပြုထားပါတယ်။ ကျန်တာကတော့ ဟောင်ကောင်မှာ သူ့အဖေကိုရောရှာတွေ့ပါ့မလား။ ဘယ်လိုပြဿနာတွေဖြစ်မလဲ။ တရုတ်စကားလည်းမပြောတတ်တဲ့သူမကဘယ်လို ရှာမလဲဆိုတာကို ကြည့်ရှုရမှာဖြစ်ပါတယ်။ ဒါ့အပြင်ကိုရုပ်ရှင်အစဆုံးမပျင်းရအောင် ဟာသလေးတွေနှောထားတဲ့အတွက် စိတ်ပြေလက်ပျောက်ကြည့်ရှူဖို့အတွက်ရုပ်ရှင်ကားကောင်းတစ်ခုပဲဖြစ်ပါတယ်။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ XavierZy ဖြစ်ပါတယ်။

ဒီကိုရီးယားရုပ်ရှင်ဟာ Box Office စာရင်းဝင်ခဲ့ပြီး ဆုကြီ:တွေလည်းရရှိခဲ့ပါတယ်… မင်းသားကြီး Song Kang-ho , Dong-won Gang နဲ့ မင်းသမီး IU တို့ရဲ့ Drama ဆိုတော့ လုံးဝကိုလက်မလွှတ်သင့်ပါ‌ဘူးနော်။ကြပ်တည်းလာတဲ့ ဒီကမ္ဘာကြီးမှာ ကလေးတစ်ယောက်ကို ပြုစုပျိုးထောင်နိုင်စွမ်းမရှိဘဲ မွေးဖို့စိတ်မကူးသင့်ပါဘူး။ ''ကလေးတွေဟာ သူတို့ကို မွေးဖွားလာစေဖို့ ရွေးချယ်ခဲ့တာမဟုတ်တဲ့အတွက် မိဘတွေမှာသာ အစစအရာရာတာဝန်ရှိတယ်''လို့ အီလွန်မာ့စ်က ပြောဖူးပါတယ်။ ဒီကားလေးမှာတော့ မိဘတွေ စွန့်ပစ်တာကို ခံရတဲ့ ကလေးတွေအတွက် ရည်ရွယ်ပြီး ရိုက်ကူးထားတာပါ။ ကြည့်နေရင်း ငိုလိုက် ရယ်လိုက် ကြောက်လိုက် ချစ်ခြင်းကိုခံစားရလိုက်နဲ့ ခံစားချက်မျိုးစုံဖြစ်နေမှာ အသေအချာပါပဲ။ ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Shinmi ဖြစ်ပါတယ်။

Rubikon (2022) ကမ္ဘာမြေပြင်တွင် ကပ်ဆိုးတစ်ခုဖြစ်ပွားပြီးနောက်၊ ကမ္ဘာဂြိုဟ်သည် အဆိပ်အတောက်များဖုံးလွှမ်းလျက်ရှိသည်။ အာကာသစခန်းရှိ အမှုထမ်းများသည် အိမ်ပြန်ရန်ဖို့နဲ့ အသက်ရှင်ကျန်ရစ်သူများကို ရှာဖွေဖို့ သို့မဟုတ် အာကာစခန်းထဲရှိမှာရှိတဲ့ "အယ်လ်ဂေသဟဇီဝစနစ်" တွင် လုံခြုံစွာနေထိုင်ဖို့ ဆုံးဖြတ်ရမှာဖြစ်ပါတယ် အဲ့ဒီလိုနဲ့ ဟန်နာ ဂယ်ဗင် အီမီထရီဆိုတဲ့သုံးယောက်ပဲကျန်ခဲ့ပါတော့တယ် အဲ့လိုနဲ့သူတို့သားဘယ်လိုတွေရင်ဆိုင်ကြမလဲဆိုတာ ဒီကားလေးထဲမှာကြည့်ရှုလိုက်ကြပါဦးနော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lin Htet ဖြစ်ပါတယ်

ရစ်ရှီဆိုတဲ့စာရေးဆရာတစ်ဦးဟာ ဇာတ်လမ်းတိုင်းကိုအဓိပ္ပါယ်ပေါက်မြောက်ပေါ်လွင်အောင် ရေးသားနိုင်သူဖြစ်ပါတယ်။တစ်နေ့မှာသူရေးထားတဲ့ဇာတ်လမ်းကိုရိုက်ကူးဖို့ပရိုဂျူဆာနဲ့ဆုံတွေ့ဖြစ်ခဲ့ပြီး ထိုမှတစ်ဆင့်ကားမှာပါဝင်သရုပ်ဆောင်မဲ့မင်းသမီးနဲ့တွေ့ဆုံခဲ့ပါတယ်။ ဇာတ်လမ်းကတော့သူငယ်ချင်းသံယောဇဥ်အကြောင်းကိုအသားပေးရေးသားထားပြီးလက်တွေ့ဘဝဖြစ်ရပ်မှန်ကိုရေးသားထားတဲ့ဒီဇာတ်လမ်းဟာသာမာန်ဇာတ်လမ်းနှင့်မတူဘဲတစ်မျိုးတစ်ဖုံထူးခြားကွဲပြားနေခဲ့ပါတယ်။ ရေးသားထားသည့်ဇာတ်လမ်းကနေတ်စဆင့်ရုပ်ရှင်,ရုပ်ရှင်ထဲကမှဇာတ်လမ်းကိုထပ်ကြည့်နေရသလိုမျိုးဆိုးသွမ်းလူငယ်သုံးယောက်တို့ရဲ့အရှုပ်တော်ပုံအကြောင်းကိုမြင်တွေ့ရမည့်အပြင် ရယ်မောစရာများလဲပါဝင်ပြီးတစ်စတစ်စစိတ်ဝင်စားစရာကောင်းလာသည့်ကားလေးဖြစ်တာကြောင့်ခဏတာ အမောပြေစေဖို့ညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

2008ခုနှစ် မွန်ဘိုင်းမြို့မှာဖြစ်ပွားခဲ့တဲ့ အကြမ်းဖက်မှုကို ကိုင်တွယ်ရာမှာ အ​ရေးပါတဲ့ကဏ္ဍက​နေ ပါဝင်ခဲ့တဲ့ ဗိုလ်ကြီး စန်ဒိ(ပ် )အူနီခရစ်ရှ်မန်း ရဲ့ဘဝဇာတ်​ကြောင်းကို အ​ခြေတည်ရိုက်ကူးထားတာဖြစ်ပါတယ်။ ဒီ movie မှာဗိုလ်ကြီး စန်ဒိ(ပ်)ဖြတ်သန်းခဲ့ရတဲ့ ဆယ်​ကျော်သက်ဘဝ ၊ အချစ်ဇာတ်လမ်းနဲ့ သူ့ဘဝခံယူချက်​တွေကို ​ပေါ်လွင်​အောင်​ဖော်ပြထားပါတယ်။ စစ်သားတစ်ယောက်ရဲ့ ခံယူချက် နဲ့အနစ်နာခံမှုတွေကို ရင်နင့်စရာကောင်းအောင်ရိုက်ကူးထားတာမလို့ တစ်ရှူးလေးဆောင်ထားဖို့ အကြံပြုပါရစေ... ဖြစ်ရပ်မှန်ကို ပြန်လည်ရိုက်ကူးထားတဲ့ movie ​ကောင်းတစ်ခုဖြစ်တာမလို့ ကြည့်ပြီးတာနဲ့ သူမတူတဲ့ရသတစ်မျိုးကို ​ပေးစွမ်းနိုင်မှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yoon Cherry Kyaw ဖြစ်ပါတယ်

ဇာတ်လမ်းပုံစံလေးကတော့သိပ္ပံပညာနဲ့ဆိုင်တဲ့စိတ်ကူးယဉ် fantasy /Mystery အမျိုးစားဖြစ်ပါတယ်။ တုန်လှုပ်ခြောက်ခြားဖွယ်ရာ အအေးခန်းအိပ်စက်ခြင်းမှ နိုးထပြီးနောက်၊ သိပ္ပံပညာရှင်ငါးဦးသည် အတိတ်‌‌ေမ့‌ေနပြီးေမြအောက်စက်ရုံတစ်ခုတွင် ပိတ်မိနေကြသည်။အမှန်တရားကို ဖော်ထုတ်လိုက်တဲ့အခါမှာတော့သိပ္ပံပညာရှင်‌ေတွကတစ်စုံတစ်ဦး၏ အမဲလိုက်ခြင်းကို ခံနေရပါတယ်။မကြာခင်မှာ သူတို့ဟာ ထိတ်လန့်စရာကောင်းတဲ့ နားလည်မှုတစ်ခုကို ရရှိခဲ့ပါတယ်၊ လူသတ်သမားက သူတို့ကို အဲဒီနေရာမှာ လိုက်လံရှာဖွေနေပြီး သူတို့ကြားထဲမှာတောင် ပုန်းနေနိုင်တယ်။နောက်ဆုံးမှာသိပ္ပံပညာရှင်ငါးဦးပဲမြေအောက်ခန်းထဲကနေထွက်လာနိုင်မလား လူသတ်သမားရဲ့သတ်ခြင်းကိုကိုခံရမလားဆိုတာကိုတော့ပရိတ်သက်ကြီးပဲကြည့်လိုက်ပါတော့ ။Fantasy /Mystery ကြိုက်တဲ့ပရိတ်သက်တွေအတွက်ကတော့လုံး၀လက်လွတ်မခံသင့်တဲ့ကားကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shinmi ဖြစ်ပါတယ်

ဆယ်ကျော်သက်အရွယ်မိန်းကလေးတစ်ယောက်ဖြစ်တဲ့ ချွဲအွန်းမိုဟာ အစ်မဖြစ်သူရယ်၊ ခဲအိုဖြစ်တဲ့ကင်ဂျုံရှစ်ရယ်နဲ့ တူတူနေထိုင်ပါတယ်။ ဒါပေမယ့် သူ့ခဲအိုကိုလုံး၀ကြည့်မရပါဘူး။ တစ်နေ့ကျတော့ သူ့ပိုက်ဆံရှာဖို့ အိမ်ကနေ ဆိုးလ်ကိုထွက်ပြေးခဲ့ပါတယ်။ သူထွက်ပြေးတဲ့နေ့မှာပဲ သူ့အစ်မကလည်းမတော်တဆမှုကြောင့် ဆုံးပါးသွားခဲ့ရတယ်။ သူ့ခဲအိုနဲ့ပြန်လာနေခဲ့ပေမယ့် ၄ နှစ်ကြာတော့ အမှုတစ်ခုကြောင့် ခဲအိုဖြစ်သူအဖမ်းခံလိုက်ရတဲ့အခါ အိန္ဒိယကိုထပ်ပြီးထွက်ပြေးသွားခဲ့ပါတယ်။ ၃ နှစ်ကြာတော့ပြန်လာပြီး ခဲအိုဖြစ်သူနဲ့ပြန်တွေ့ရပါတယ်။ အွန်းမိုကိုချစ်လို့ မတော်တဆမှုအကြောင်းမပြောပြတဲ့ခဲအိုဖြစ်သူ၊ အာမခံငွေကြောင့် အစ်မဖြစ်သူကို ခဲအိုကသတ်လိုက်တယ်ထင်နေတဲ့အွန်းမို.. သူတို့နှစ်ယောက်ကြားဘာတွေဆက်ဖြစ်ကြမလဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shin Rina ဖြစ်ပါတယ်

Emmaဆိုတဲ့ကောင်မလေးက သဘာဝလွန်စွမ်းအားတစ်ခုကို ပိုင်ဆိုင်ထားတဲ့ကောင်မလေးတစ်ယောက်ပါ။ သူ့အစ်ကို Joshက သူ့ကိုကာကွယ်ဖို့အတွက် အခန်းတစ်ခန်းထဲမှာ ဝှက်ထားခဲ့ရပါတယ်။ အစိုးရက သူတို့ကိုအန္တရယ်ရှိတဲ့သူအဖြစ် သတ်မှတ်ထားပြီးလိုက်ရှာနေကြပါတယ်။ Joshက သူတို့ရဲ့အစွမ်းတွေကို ရပ်တန့်ဖို့အတွက် နည်းလမ်းရှာနေတဲ့သူပါ။ Dougဆိုတဲ့ လူတစ်ယောက်ရဲ့အကူအညီနဲ့ သူ့ညီမကိုထိန်းချုပ်ဖို့လုပ်နေခဲ့တာပါ။ ဒါပေမယ့် မလုပ်နိုင်တော့တဲ့နောက် Malcomဆိုတဲ့ လူတစ်ယောက်အကူညီယူဖို့ ထပ်လုပ်ရပါတယ်။နောက်ပိုင်းမှာ Emmaရဲ့ပိုpowerful ဖြစ်လာတာတွေကို ထိတ်လန့်ဖွယ်ရိုက်ကူးထားတဲ့ သဘာဝလွန်စွမ်းအားရှင် ကားလေးတစ်ကားဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zane ဖြစ်ပါတယ်

အက်ဂနီဆိုတဲ့ အေးဂျင့်တစ်ယောက်။ အလုပ်မှာသိပ်တော်တယ်။ ပေးသမျှတာဝန်ကြေတယ်။တစ်နေ့ အိန္ဒိယမှာကြီးစိုးနေတဲ့ ရူဒရာဗာဆိုတဲ့ လူဆိုးခေါင်းဆောင်ကိုနှိမ်နင်းပေးဖို့ ဖြစ်လာတယ်။ အိန္ဒိယမှာကလေးဘဝစိတ်ဒဏ်ရာရှိခဲ့တဲ့ အက်ဂနီ အိန္ဒိယကိုအသေမုန်းတယ်။ မှတ်ဉာဏ်ဆိုးတွေပြန်ပေါ်နိုင်တဲ့အရပ်ကို မသွားချင်ပေမယ့် အထက်လူကြီးအမိန့်မလွန်ဆန်နိုင်တာကြောင့် လာခဲ့ရတယ်။ ရူဒရာဗာဆိုတာကလည်း မကောင်းတာမှန်သမျှအကုန်လုပ်တယ် ကလေးလူကုန်ကူး၊ကလေးစစ်တပ်ဖွဲ့ စသဖြင့်။အထက်လူကြီးက အက်ဂနီကိုဘာကြောင့်ဒီမစ်ရှင်ပေးလိုက်လဲ အက်ဂနီကရော မစ်ရှင်ကိုအောင်မြင်မှာလား အက်ဂနီရဲ့စိတ်ဒဏ်ရာကရောဘာကြောင့်ဖြစ်ခဲ့တာလဲ မြှုပ်ကွက်အများကြီးကိုစိတ်လှုပ်ရှားဖွယ် အက်ရှင်ဆန်ဆန်ကြည့်ရမှာ ဖြစ်ပါတယ်။ အမျိုးသမီးတစ်ယောက်ရဲ့ အမျိုးသမီးဆန်မှုကို ကြည့်ရှူလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ Lilly ဖြစ်ပါတယ်။

ဟက်ပါမာလယ် ဟာ ယောက်ျားသေဆုံးသွားတာကြောင့် စိတ်ထဲထိတ်လန့်ခြောက်ချားနေတဲ့သူပါ။ သူစိတ်အပန်းဖြေနိုင်ဖို့အတွက် ကော့ဆန်ရွာလေးက အိမ်လေးတစ်အိမ်မှာ ငှါးပြီးတစ်ယောက်တည်းနေဖို့ လာခဲ့ပါတယ်။ အိမ်ပိုင်ရှင်ရဲ့ နာမည်က ဂျော့ဖရေးပါ။ဂျော့ဖရေးက သဘောကောင်းပြီး ဖော်ရွေတဲ့သူပါ။ အိမ်ကကော့ဆန်ရွာအနီးမှာဖြစ်ပြီး ဘုရားကျောင်းနဲ့လည်းနီးပါတယ်။ တစ်နေ့မှာ ဟက်ပါဟာ လမ်းလျှောက်ထွက်လာရင်း တောထဲကမီးရထားလမ်းဟောင်းတစ်ခုစီရောက်သွားခဲ့ပါတယ်။ အဲ့နောက်မှာ လူတစ်ယောက်သူ့နောက်ကို လိုက်လာသလိုတွေ့လို့အိမ်ကိုပြန်လာခဲ့ပါတယ်။ နောက်တစ်နေ့မှာပဲ သူ့အိမ်ထဲကို သူ့နောက်ကို လိုက်လာတဲ့ လူကျူးကျော်ဝင်ရောက်လာပါတယ်။ ရဲခေါ်ပြီးဖမ်းခိုင်းလိုက်ပြီးနောက် ဟက်ပါ လည်းလမ်းလျှောက်ထွက်ခဲ့ပါတယ်။ အဲ့နောက်ပိုင်းမှာ ထူးဆန်းတာတွေဖြစ်လာပြီး ကြောက်လန့်စရာကောင်းတဲ့ ဖြစ်ရပ်တွေကို ပုံဖော်ရိုက်ကူးထားတဲ့ Horror ဇာတ်ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zane ဖြစ်ပါတယ်

အသစ်ထွက်ရှိလာတဲ့ မင်းသားချော အရွရ်ှမန်းရဲ့ဇာတ်ကားလေးက မြင်နေကျဘောလိဝုဒ်ကားတွေနဲ့မတူပဲ documentary ဆန်ဆန်လေးရိုက်ကူးထားတာပါ။ သည်းထိတ်ရင်ဖိုနဲ့ ရသမျိုးစုံပေးနိုင်မယ့် အက်ရှင်ကားလေးပါ။ အေမန်ဟာ နယ်စပ်ဒေသက တသီးတခြားဖြစ်နေတဲ့ဒေသတွေနဲ့ ငြိမ်းချမ်းရေးယူနိုင်ဖို့ တာဝန်ပေးခံထားရတာပါ။ တာဝန်က ရိုးရှင်းတယ်လို့ ထင်ရပေမယ့် သူကိုယ်တိုင် နယ်စပ်ဒေသကသူတွေရဲ့ဘဝတွေကို မြင်တွေ့လာရတဲ့အခါ အဲ့လောက်မလွယ်ကူမှန်း သတိထားမိလာပါတော့တယ်။ ဘဝတွေအများကြီးနစ်နာဆုံးရှုံးနေရပြီး လွတ်မြောက်ဖို့ ရုန်းကန်နေရတာကို သူသိသွားပါတော့တယ်။ ငြိမ်းချမ်းရေးဆိုတာ ဘယ်လိုအရာလဲ။ တကယ့်မြေစာပင်ဖြစ်နေကြရတာ ဘယ်သူတွေလဲဆိုတာကို သူတဖြည်းတဖြည်းနားလည်လာတဲ့အခါမှာ သူ့တာဝန်ကို ဘယ်လိုမျိုး ဆက်ပြီးထမ်းဆောင်မလဲဆိုတာကို ဒီဇာတ်ကားလေးမှာ ဆက်ပြီးကြည့်ရှုပေးကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yoon Cherry Kyaw ဖြစ်ပါတယ်

မကြာသေးမီကထွက်ရှိထားတဲ့ 'လေပြေညှင်းလေးထဲမှ အချစ်နှစ်ခု'ဆိုတဲ့ အချစ်ဟာသဇာတ်ကားလေးမှာဆိုရင် 'ရာဂျန်ဂူဒီ အန်းဘာရာဆွန်း မူရီဂီဆီ ဘူးပါသီ အိုဟွန်းဒီရန်' ခေါ် ရမ်ဘိုဟာလူ့လောကထဲရောက်လာတည်းက ကံဆိုးမှုတွေနဲ့ဆက်တိုက်ကြုံတွေ့ခဲ့ရသူဖြစ်ပါတယ်။ ရမ်ဘို့အဖေဟာရမ်ဘိုမွေးတဲ့နေ့မှာပဲသေဆုံးသွားခဲ့ပြီး တစ်နေ့မှာတော့မိခင်ဖြစ်သူနေမကောင်းဖြစ်နေချိန်သူအနားရောက်လာခဲ့တာကြောင့် မိခင်ဖြစ်သူ၏အခြေအနေပိုဆိုးရွားလာခဲ့ကာ ရမ်ဘိုအိမ်အပြင်ပြန်ထွက်တော့မှ မိခင်ကပြန်သက်သာလာခဲ့ပါတယ်။ ဒီလိုနဲ့ အရာရာကံမကောင်းဖြစ်ပြီးအနီးနားမှာရှိနေတဲ့လူတွေကိုဒုက္ခပေးနေမိတယ်လို့စဥ်းစားမိလာတဲ့ရမ်ဘိုဟာ အမေနဲ့ဝေးရာကိုထွက်ပြေးသွားခဲ့ပြီးအမေ့ကျန်းမာရေးအတွက်အလုပ်တွေကြိုးစားလုပ်ခဲ့ပါတယ်။သူမြတ်နိုးမိလိုက်တဲ့အရာတိုင်းပျက်စီးသွားတာချည်းပဲလို့တထစ်ချယုံကြည်ထားတဲ့ရမ်ဘို့အနားကို အချစ်နှစ်ခုကတစ်ပြိုင်တည်းရောက်လာတဲ့အခါ ရမ်ဘိုတစ်ယောက်ဘာဆက်လုပ်မလဲ ချစ်ရတဲ့မိန်းကလေးနှစ်ယောက်ထဲကတစ်ယောက်ကိုရွေးပြီးရှေ့ဆက်မလား ကံမကောင်းဘဲအမြဲဖြစ်နေတတ်တဲ့ကိုယ့်ကြောင့်သူတို့မထိခိုက်စေဖို့အတွက်ရှောင်ပြေးလိုက်မလား ရမ်ဘို့ကိုရဖို့အတွက် အချစ်လွန်ဆွဲပွဲအပြိုင်ဆွဲကြရင်းနဲ့ အချစ် ဟာသဇာတ်လမ်းတွေကိုအလေးပေးရိုက်ကူးထားတဲ့ကားဖြစ်တာကြောင့် ​အမောပြေစေဖို့ကြည့်သင့်တဲ့အချစ်ကားလေးပါပဲ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဒီရုပ်ရှင်ကတော့ ကိုရီးယားနိုင်ငံရဲ့ အကြမ်းဖက် အနိုင်ကျင့်တာကို အခြေခံပြီးရိုက်ကူးထားတာပါ။ ဂီတပညာရှင် ပါမောက္ခတစ်ယောက်က မိန်းကလေးငယ် တစ်ဦးကို လိင်ပိုင်းဆိုင်ရာ အကြမ်းဖက်ဖို့အတွက် လူပြတ်တဲ့ တစ်နေရာကို ခေါ်လာခဲ့ပြီး အဲ့နေရာမှာပဲ လူတစ်စုနဲ့ တွေ့ရှိခဲ့ပါတယ် ။ သူတို့တွေကလဲ ဆိုက်ကိုတွေလို ပြုမူပြီး အနိုင်ကျင့်ကြရာကနေ ဇာတ်လမ်းလေးက ဘယ်လို အဆုံးသတ်သွားမလဲဆိုတာ စိတ်ဝင်စားဖွယ် ကြည့်ရှုရမယ့် ကိုရီးယား thriller movie တစ်ကားပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ငယ်ငယ်လေးကထဲက ကိုယ့်မျက်စိရှေ့တင် အမ သေသွားတာကို မြင်ခဲ့ရတဲ့လ Finn ဟာ စိတ်ဒဏ်ရာ ဖြစ်နေခဲ့ကာ အရွယ်ရောက်တဲ့အချိန်ထိ စိတ်ရောဂါကု ဆရာဝန်နဲ့ ပြသနေခဲ့ရတယ် .... သူ့မိဘတွေနဲ့ တခြားသူတွေက သူ့ကို ရူးနေသလိုလို ကြောင်နေသလိုလို ထင်နေကြပေမယ့် သူ့အပေါ်ကောင်းတဲ့ Lena ဆိုတဲ့ မိန်းကလေးသူငယ်ချင်း တစ်ယောက်ရှိခဲ့ပါတယ် ... Finn က ညဘက်ဆိုအိပ်မပျော်တာကြောင့် ဆရာဝန်ပေးတဲ့Trychozepamဆိုတဲ့ ဆေးတစ်မျိုးကိုသောက်နေရပါတယ် ..သူက အရိပ်တွေလိုလို သရဲတစ္ဆေတွေကို မြင်နေရတယ်ပြောပေမယ့် ဘယ်သူမှသူ့ကို မယုံကြည်ကြခဲ့ဘူး .... နောက်တော့ သူသောက်နေကျ ဆေးထဲကနေ အကောင်တစ်မျိုးကိုတွေ့ခဲ့ရတယ် အဲ့အကောင်ဟာ အသေကောင်တွေမှာသာ ပေါက်ဖွားတတ်တဲ့ အကောင်မျိုးဆိုတာ သိခဲ့ရတယ် .... Finn နဲ့ Lena တို့ ဆေးရဲ့နောက်ကြောင်းကို လိုက်ရင်း ဘာတွေသိခဲ့ရလဲ????? သူမြင်နေရတဲ့ သရဲတစ္ဆေတွေဆိုတာကရော အမှန်တကယ် မြင်နေရတာ လား ဆိုတာကို ဇာတ်ကားထဲမှာ ဆက်လက်ကြည့်ရူပေးပါဦးနော် ...... ဒီ ဇာတ်ကားကိုအညွန်းနဲ့ဘာသာပြန်ပေးသူကတော့ Yue Liang ဖြစ်ပါတယ်

ခင်ပွန်းဖြစ်သူ ဖရန့်စစ်နဲ့အတူ ဂျူလီယာဆိုတဲ့မိန်းကလေးဟာ ရိုမန်နီးယားနိုင်ငံကိုပြောင်းလာခဲ့ပါတယ်။ သူ့ယောက်ျားက တစ်နေကုန်အလုပ်သွားနေရတဲ့အချိန်ဆို သူတစ်ယောက်တည်းတိုက်ခန်းမှာနေခဲ့ရပါတယ်။ ရင်းနှီးကျွမ်းဝင်မှုမရှိတဲ့နေရာတစ်ခုဖြစ်နေတဲ့အပြင် ပိုဆိုးတာကသူတို့တိုက်ခန်းနဲ့ မျက်နှာချင်းဆိုင်တိုက်က လူတစ်ယောက်ကဂျူလီယာတို့အခန်းကို အမြဲတစေစောင့်ကြည့်နေပါတယ်။ ဂျူလီယာအပြင်ထွက်တဲ့အချိန်ဆိုရင်လည်း သွားလေရာနောက်ကို အနောက်ကနေလိုက်နေခဲ့ပါတယ်။ ဒါ့အပြင် ဂျူလီယာတို့တိုက်ခန်းအနီးက အဆောက်အဦးမှာလည်း စိတ္တဇလူသတ်သမားတစ်ဦးက မိန်းကလေးတစ်ဦးကိုခေါင်းဖြတ်သတ်တဲ့အမှုတစ်ခုဖြစ်ပွားခဲ့ပါတယ်။ ဒီလိုကနေ ဂျူလီယာရဲ့သံသယစိတ်တွေပိုမိုပြင်းထန်လာပြီး စိတ်ချောက်ချားမှုတွေနဲ့အတူ သူ့ယောက်ျားကိုပြောပြတဲ့အခါမှာလည်း ရလဒ်ကတော့ မဟုတ်ကဟုတ်ကအတွေးတွေဆိုပြီး နာမည်တပ်ခံလိုက်ရပါတယ်။ ဂျူလီယာ့နောက်ကိုလိုက်နေတဲ့သူက တကယ်ပဲ စိတ္တဇလူသတ်သမားဖြစ်နေမလား။ ဒါမှမဟုတ် ဂျူလီယာကိုယ်တိုင်ကပဲ အထီးကျန်ရင်းတွေးမိတွေးရာလျှောက်တွေးနေမိတာလား။ လူတစ်ယောက်ကကိုယ့်ကိုစောင့်ကြည့်နေရင် အသက်ရှူရခက်လာပြီး အနေကျပ်သလိုခံစားရမယ်ထင်ပါတယ်။ ဒီဇာတ်ကားကိုကြည့်နေရင်း ကိုယ်ကိုယ်တိုင်ကပါ စောင့်ကြည့်ခံနေရသလိုမျိုး ခံစားရမဲ့ အမိုက်စားfeeling တွေနဲ့အတူ သည်းထိတ်ရင်ဖို့ကြည့်ရှုခံစားကြရမှာပါ။ ဒီဇာတ်ကားရဲ့ အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

အများကြီးရေးပြနေဖို့မလိုတဲ့ Dr.Strangeပါ။ WandaVisionအပြီးက‌နေ ဇာတ်အိမ်အခြေခံထားတာဖြစ်ပြီး တကယ်မတည်ရှိတဲ့ ကလေးနှစ်ယောက်ကို ဝမ်ဒါရှာပုံတော်ဖွင့်တာကနေစပါတယ်။ Multiverseတွေကို ခရီးသွားနိုင်တဲ့မိန်းကလေးတစ်ယောက် Dr.Strangeရှိတဲ့Universeကိုရောက်လာခဲ့ပါတယ်။ အဲ့ဒီမိန်းကလေးကို ဝမ်ဒါကလိုချင်နေတာဖြစ်ပြီး အဲ့ဒီမိန်းကလေးရဲ့ Multiverseခရီးသွားနိုင်တဲ့အစွမ်းကိုသာ ဝမ်ဒါရသွားရင် အန္တရာယ်များတဲ့အတွက် Dr.Strangeကလိုက်တားတာပါ။ အများကြီးညွှန်းပြနေရင် Spoilerပါသွားမှာစိုးတာမို့ Cam Ver.ကြည့်ထားပြီးသားလူတွေလည်း ပြန်ကြည့်လို့ရအောင်၊ မကြည့်ရသေးတဲ့သူတွေလည်း စကြည့်လို့ရအောင် တင်ပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zac ဖြစ်ပါတယ်

ဟန်ဂီဆူဟာ ပို့ဆောင်ရေး၀န်ဆောင်မှုလုပ်ငန်းက ဆိုင်ကယ်အငှားသမားလေးတစ်ယောက်ပါ။ တစ်နေ့မှာတော့ သူ့ ex ကောင်မလေးဖြစ်တဲ့ ချွန်းရှင်းက သူ့ဖျော်ဖြေပွဲသွားဖို့အချိန်နောက်ကျနေတဲ့အတွက် ဂီဆူ့ကိုအငှားခေါ်ကာ လိုက်ပို့ခိုင်းပါတော့တယ်။ ဖြစ်ချင်တော့ ချွန်းရှင်းတစ်ယောက် ဂီဆူ့ဆိုင်ကယ်ဦးထုပ်၀တ်အပြီးမှာ ဗုံးပေါက်ဖို့ Timer စတင်ပေါ်လာပါတော့တယ်။ ဟန်ဂီဆူ့ကိုလည်း လူတစ်ယောက်ဆက်သွယ်လာခဲ့ပြီး သူခိုင်းတဲ့အတိုင်းမလုပ်ရင် သူတို့နှစ်ယောက်လုံးသေမယ်လို့ ခြိမ်းခြောက်ခဲ့ပါတယ်။ ဟန်ဂီဆူနဲ့ ချွန်းရှင်းနှစ်ယောက်သား အသက်မသေရအောင် ဖုန်းထဲကလူခိုင်းတဲ့ ဗုံးခွဲတဲ့မစ်ရှင်တွေကို လိုက်လုပ်ပေးရပါတော့တယ်။ ထိုလူက သူတို့ကို ဘာလို့ဗုံးတွေလိုက်ခွဲခိုင်းနေတာလဲ။ ခိုင်းစေတဲ့သူကရောဘယ်သူလဲ။ ဟန်ဂီဆူတို့တွေရော အသက်ရှင်နိုင်ပါ့မလား... Action/comedy အမျိုးအစားဖြစ်လို့ စိတ်လှုပ်ရှားရမယ့်အပြင် ပေါ့ပေါ့ပါးပါးလေးကြည့်ရှူရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shin Rina ဖြစ်ပါတယ်

Jerry နဲ့ Marge ဟာ လက်ထပ်ပြီးတဲ့နောက် Evart ဆိုတဲ့မြို့ငယ်လေး နေခဲ့ကြပါတယ် ... Jerry ဟာ နှစ်ပေါင်း ၄၂နှစ်ကြာအောင် ထုတ်လုပ်မှုလိုင်းမန်နေဂျာ အလုပ်ကနေ အငြိမ်းစားရခဲ့ပါတယ်. တစ်ရက်မှာ Jerry က WinFall ထီကို ကြည့်ပြီး ကံစမ်းခဲ့ပါတယ်.. နောက်တော့ Jerry က အကြံရခဲ့ပြီး ထီကို သင်္ချာလိုတွက်ချက်ပြီး ထိုးဖို့လုပ်ပါတော့တယ် . Jerry နဲ့ Marge ဟာ ထီပေါက်ခဲ့ရင်သူတို့မြို့လေးကို ပြန်လည် လှုပ်ရှားသက်ဝင်အောင်လုပ်ချင်ခဲ့တယ်.... နောက်တော့ထီဂိမ်းတွေမှာချို့ယွင်းချက် အားနည်းချက်ရှိတာကို သိလိုက်လို့ WinFall ဂိမ်းကို တရားဝင် ဖျက်သိမ်းလိုက်ပါတယ် .. ဂိမ်းကိုဖျက်သိမ်းလိုက်တော့ Jerry တို့အိမ်မက်တွေ ဘယ်လိုဆက်ဖြစ်မလဲ ဆိုတာ ဇာတ်လမ်းထဲ ဆက်ကြည့်လိုက်ပါနော်..... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yue Liang ဖြစ်ပါတယ်

ဘေလီဟာ အဝတ်တစ်ထည် ကိုယ်တစ်ခုဘဝကနေ မိသားစုသင့်တောင့်သင့်တယ်နေနိုင်သည်အထိ ထူထောင်ခဲ့သူပါ။ သူဟာ မိသားစုအတွက် အလုပ်တွေကြိုးစားပြီးလုပ်ခဲ့ပေမယ့် ဇနီးဖြစ်သူနဲ့ အိမ်ထောင်ရေးအဆင်မပြေဘဲ ကွာရှင်းမယ့်အနေအထားကိုရောက်လာပါတယ် ဒီတော့ နှစ်ယောက်သား ကွာရှင်းတော့မယ့်အကြောင်းကို မိသားစုကို အသိပေးရမယ့်အချိန်ကို ရောက်လာပါတော့တယ်။ ဒီလိုအသိပေးတော့မယ့်အချိန်မှာပဲ နယ်ဝေးမှာ ကျောင်းတက်ပြီး အိမ်ပြန်လာတဲ့သမီးကြီးဖြစ်သူက သူလက်ထပ်တော့မယ့်အကြောင်းကို ကွာရှင်းမယ့်သတင်းထက်ဦးအောင် အသိပေးလိုက်ပါတယ်။ သမီးဖြစ်သူ မင်္ဂလာပွဲရဲ့အပျော်တွေကို မပျက်စေချင်တာကြောင့် ဘေလီတို့လင်မယား ကွာရှင်းမယ့်ကိစ္စကိုနောက်ရွှေ့ပြီး သမီးဖြစ်သူရဲ့မင်္ဂလာပွဲကို စီစဉ်ပေးရပါတော့တယ် အဖေတစ်ယောက်ဘက်ကရော သမီးဖြစ်သူဘက်ကရော မိသားစုဘက်ကပါ အဘက်ဘက်ကနေ ထောင့်စေ့အောင် Heartwarmingဖြစ်အောင် ရိုက်ပြထားတဲ့ဇာတ်ကားပဲဖြစ်ပါတယ်။ Family Typeဇာတ်ကားဖြစ်တဲ့အပြင် Comedyလေးလည်း ရောထားတာမလို့ တော်တော်လေးကြည့်လို့ကောင်းတဲ့ ဇာတ်ကားလေးအဖြစ်နဲ့ပဲ ညွှန်းပေးချင်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zac ဖြစ်ပါတယ်

ခဲလှတဲ့လူ့ဘဝကြီးမှာ ကျွန်တော်တို့တွေ ပျော်ရွှင်စွာနေထိုင်နိုင်ဖို့ အရမ်းအရေးကြီးပါတယ်...လူရယ်လို့ဖြစ်လာရင်တစ်နေ့သေကြရမှာပါပဲ...ဒါပေမယ့် မသေခင်‌ေလးမှာ ကိုယ်လုပ်ချင်တာတွေ ကိုယ်ဖြစ်ချင်ဝာာတွေ လုပ်သွားနိုင်ပြီး နောင်တမရဖို့လည်းလိုအပ်ပါတယ်... ဒီဇာတ်ကားထဲမှာ ရှောင်သွမ့်ဆိုတဲ့ကောင်မလေးဟာလည်း ပေါတောတောနဲ့ ပျော်ပျော်နေတတ်တဲ့သူတစ်ယောက်ပေါ့....ကုမ္ပဏီတစ်ခုမှာ ကာတွန်းဆွဲတဲ့အလုပ်ကိုလုပ်ပါတယ်...တစ်နေ့မှာ သူဌေးနဲ့ပြဿနာဖြစ်ပြီး အလုပ်ထုတ်ခံလိုက်ရပါတယ်...သူ့သူငယ်ချင်းတွေက အဲ့ဒီနေ့မှာပဲ သူ့မွေးနေ့ကို ကျင်းပပေးနေချိန်မှာပဲ ရုတ်တရက်လဲကျသွားပြီး ဆေးရုံကိုရောက်သွားပါတော့တယ်.... ဆေးစစ်ကြည့်လိုက်တော့ အကြိတ်ဖြစ်နေမှန်းသိသွားတဲ့အခါမှာလည်း သူဟာ အပျော်မပျက်‌နေနိုင်တဲ့သူတစ်ယောက်ပါ... ဒီဇာတ်ကားလေးကိုကြည့်ရှုရင် သူငယ်ချင်းသံယောဇဉ်တွေ မိသားစုသံယောဇဉ်တွေကို ရင်နင့်အောင်ခံစားပေးကြပါဦးလို့.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hein Htet Naing ဖြစ်ပါတယ်

မင်းသားကြီး ဂျက်ကီချန်းရဲ့ ဇာက်ကားတွေထဲမှ ကောင်းတဲ့ကားလေး တစ်ကားပါ ...... ဟောင်ကောင်ကို စရောက်ခါစ အလုပ်ရမယ်ဆိုပြီး ပိုက်ဆံအလိမ်ခံလိုက်ရတယ် နောက်ကံကောင်းချင်တော့ လူဆိုးဂိုဏ်းခေါင်းဆောင်ကို ကယ်ရာမှ မထင်မှတ်ဘဲ သူတိုရဲ့ ခေါင်းဆောင်ဖြစ်သွားခဲ့ပါတယ်. သူအဲ့လိုဖြစ်ရတာ အမျိုးသမီးတစ်ယောက်ဆီက နှင်းဆီပန်းဝယ်လို့ ကံကောင်းတာဆိုပြီး အရေးကြီးကိစ္စရှိတိုင်း ပန်းကို ဝယ်ခဲ့ပါတယ် …နောက်တော့ ပန်းရောင်းတဲ့ အမျိုးသမီးကို ကူညီရင်း သူ့ရဲ့ စားသောက်ဆိုင်မှာ ဖြစ်ပျက်တာတွေကို ဟာသလေးတွေပါရောပြီးရိုက်ထားတဲ့ကားလေးပါ .. မင်းသားကြီးဂျက်ကီချန်းဆို ကောင်းပြီးသားမို့ ဇာတ်လမ်းလေးကိုပဲ ဆက်ကြည့်လိုက်ပါနော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yue Liang ဖြစ်ပါတယ်

ယောက်ျားတွေတောင် မလုံခြုံတော့တဲ့ခေတ်မှာ မိန်းကလေးတွေအတွက်ဆို ပိုလို့မလုံခြုံပါသေးတယ်။ အမြတ်ထုတ်ချင်သူတွေ ခွဲခြားဆက်ဆံချင်သူတွေကြားမှာ နေထိုင်ရတာ ခက်ခဲပါတယ် ဒီဇာတ်ကား‌မှာ အန်ဂျီဆိုတဲ့ကောင်မလေးဟာ ရက်ပိုင်းနဲ့သိပြီး သဘောကျခဲ့တဲ့ကောင်လေးကြောင့် ဒုက္ခတွင်းထဲကျခဲ့ရတဲ့အကြောင်းကို ရိုက်ကူးပြထားတာပါ။ အသက်မပြည့်သေးတဲ့မိန်းကလေးတွေအပေါ် လိင်အမြတ်ထုတ်တာတွေ လူကုန်ကူးတွေ ခြိမ်းခြောက်သတ်ဖြတ်တာတွေကို ပညာပေးဇာတ်ကားဆန်ဆန် ရိုက်ကူးပြထားတာပါ။ ဇာတ်ကားရဲ့ဇာတ်သွားကိုလည်း မြောက်များစွာသော ဖြစ်ရပ်မှန်တွေကို ကိုးကားပြီးရိုက်ကူးထားတယ်လို့ သိရပါတယ် ဒီဇာတ်ကားကို အညွန်းနဲ့ဘာသာပြန်ပေးသူကတော့ Zac ဖြစ်ပါတယ်

ဇာတ်လမ်းအစမှာ ကယ်သရီနာနဲ့သူ့အမေဟာ နိုဗိုစဘီးရီးကိုသွားဖို့ လေယာဥ်ပေါ််ရောက်နေကြတာဖြစ်ပါတယ်။ လေယာဥ်ကလူနည်းနည်းလေးသာပါပါတယ်။ လမ်းတဝက်အရောက်မှာ လေယာဥ်ကပျက်ကျသွားပြီးတော့ ရှိသမျှလူအကုန်သေကာ ကယ်သရီနာ တစ်ယောက်ပဲ ကျန်ခဲ့ပါတော့တယ်။ ကယ်သရီနာဟာ အရွယ်ရောက်လာပြီး ဒိုင်ယာနာဆိုတဲ့ သမီးတစ်ယောက်လည်း ရနေပြီဖြစ်ပါတယ်။ ကယ်သရီနာတို့ သားအမိဟာ သတင်းထောက်တွေရဲ့ အင်တာဗျူးကိုဖြေပြီးနောက် မနက်ဖြန်သွားရမယ့်ခရီးစဥ်အတွက် ပျော်နေကြတာဖြစ်ပါတယ်။ ဒိုင်ယာနာလေးရဲ့အဖိုးအိမ်ကိုသွားမှာ ဖြစ်ပါတယ်။ သူတို့လေယာဥ်စီးရတဲ့နေ့မှာပဲ မုန်တိုင်းကြောင့် နောက်ကျလေယာဥ်တစ်စီးကိုသာ ရပြီးလူလည်းအရမ်းနည်းနေပါတယ်။ ကယ်သရီနာဟာ ‌ပုံရိပ်တွေကို မြင်မြင်နေရပြီး ကြောက်စရာကောင်းတဲ့ အဖြစ်အပျက် တွေလည်းစတင်မြင်ရလာပါတော့တယ်။ ဒီကားလေးဟာ စိတ်ချောက်ချားစရာ ကောင်းတဲ့ Horrorဇာတ်ကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zane ဖြစ်ပါတယ်