လူကြည့်များသော ရုပ်ရှင်များ

အတိုက်အခိုက်ကျွမ်းကျင်ပြီး ယောက်ျားတွေနဲ့ရင်ဘောင်တန်းနိုင်တဲ့ မဒမ်ဝူကို အမျိုးသမီးကွန်မန်ဒိုတပ်ဖွဲ့သစ်ကို လေ့ကျင့်သင်ကြားပေးဖို့ တာဝန်ပေးအပ်လိုက်ပါတယ်။ ဒီလိုနဲ့ အရည်အချင်းရှိတဲ့ရဲမေတွေ စုပြီးရောက်ရှိလာတဲ့ ကွန်မန်ဒိုတပ်ဖွဲ့ဟာ သူတို့စခန်းနဲ့ ဘေးချင်းကပ်ရှိနေတဲ့ မစ်စတာကန်​ဦးဆောင်တဲ့ တိုက်ဂါးအဖွဲ့အတွက် မျက်စိကစားစရာဖြစ်လို့လာပါတယ်။ အမျိုးသမီးကွန်မန်ဒိုအဖွဲ့နဲ့ တိုက်ဂါးအဖွဲ့ကြား ဖြစ်ပေါ်လာမဲ့ ပြဿနာတွေ၊ နှလုံးသားရေးရာတွေ၊ ပြိုင်ဆိုင်မှုတွေဟာလည်း ပေါ်လာပါတယ်။ ဒီလိုနဲ့ သူတို့နှစ်ဖွဲ့ပူးပေါင်းမှအောင်မြင်နိုင်မဲ့ စစ်ဆင်ရေးတစ်ခုပေါ်လာတဲ့အခါ ပြဿနာတွေကြားကနေ စည်းစည်းလုံးလုံးနဲ့ မစ်ရှင်ကို အောင်မြင်အောင်လုပ်နိုင်ပါ့မလားဆိုတာကို စိတ်ဝင်စားဖွယ် ဒီဇာတ်လမ်းထဲမှာ ဆက်ပြီးကြည့်လိုက်ရအောင်။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဂရေ့စ်ဆိုတဲ့ဆရာဝန်မလေးတစ်ယောက်ကရွာလေးတစ်ရွာမှာရှိတဲ့မားကပ်စ်မွေးမြူရေးခြံကိုလာခဲ့ပါတယ်။သူအဲ့လိုလာခဲ့ရတဲ့အကြောင်းအရင်းကတော့အဲ့ဒီမှာရှိနေတဲ့ကောင်လေးတစ်ယောက်ကိုကုသပေးဖို့ပဲဖြစ်ပါတယ်။ဒါပေမယ့်အဲ့ဒီကောင်လေးဖြစ်နေတဲ့ရောဂါကရိုးရိုးတန်းတန်းရောဂါမဟုတ်ပဲစိတ်ကျန်းမာရေးနဲ့သက်ဆိုင်တဲ့ရောဂါဖြစ်တယ်လို့ဂရေ့စ်ကယုံကြည်ထားပါတယ်။အဲ့ဒီကောင်လေးနာမည်ကတော့မာတင်ဖြစ်ပြီးသူကတခြားသူတွေနဲ့မတူတဲ့ပုံစံဖြစ်နေတာပါ။သူ့ပုံစံကအရမ်းထူးဆန်းလွန်းပြီးတစ်ရွာလုံးကလူတွေကသူ့ကိုနတ်ဆိုးလို့ခေါ်ဝေါ်ပြီးမုန်းတီးနေကြတာပဲဖြစ်ပါတယ်။ဘာလို့လဲဆိုတော့အဲ့ဒီရွာလေးမှာကပ်ဆိုးပေါင်းများစွာကျရောက်နေလို့ပဲဖြစ်ပါတယ်။အပင်တွေမအောင်မြင်တဲ့အတွက်အငတ်ဘေးတွေကိုရင်ဆိုင်နေရတာအပြင်တခြားဘယ်လိုမကောင်းတဲ့အရာမျိုးပဲဖြစ်ဖြစ်ကောင်လေးကိုဝိုင်းအပြစ်တင်ကြပါတယ်။အဲ့ထဲမှာကောင်လေးရဲ့အဖေဖြစ်သူကိုယ်တိုင်လဲပါဝင်နေပါတယ်။ဒါပေမယ့်ဂရေ့စ်ကတော့အဲ့ဒါတွေကိုမယုံကြည်ပဲကောင်လေးကိုမေတ္တာနဲ့ဂရုစိုက်ပေးပြီးကုသပေးတဲ့အခါမှာတော့ဘယ်လိုစိတ်ဝင်စားစရာဇာတ်လမ်းလေးတွေဖြစ်လာမလဲဆိုတာကိုကြည့်ရမဲ့ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

ဒီတစ်ခေါက် ဇာတ်ကားလေးကတော့ အက်ရှင်ကားကြိုက်သူ‌တွေ အတွက် 2014 မှာ ထွက်ရှိခဲ့တဲ့ အင်ဒိုနီးရှား အက်ရှင်ကားတစ်ကားဖြစ်တဲ့ The Raid 2 ပဲ ဖြစ်ပါတယ်။ ရာမာဆိုသူဟာ အစ်ကိုဖြစ်သူရဲ့ သေဆုံးမှုကိုမှာ ပတ်သတ်နေတဲ့ နိုင်ငံရေးသမားတွေရဲ့ လာဘ်ပေးလာဘ်ယူမှုကို ဖော်ထုတ်ချင်တဲ့အတွက် ရူဒါဆိုတဲ့ ထောင်ထွက်တစ်ယောက်အဖြစ် ရုပ်ဖျက်ပြီး သူတို့ရဲ့ အသိုင်းအဝိုင်း အတွင်းကို ဝင်ခဲ့ပါတော့တယ်။ သူထင်ထားတာထက် နိုင်ငံရေးသမားတွေရဲ့ လောကက ပိုပြီး ရှုပ်ထွေးနေတဲ့အခါ သူ့အစ်ကိုကို သတ်လိုက်တဲ့ ဘယ်ဂျိူရဲ့ မကောင်းမှုတွေကို ဖော်ထုတ်နိုင်မလား။ ရဲဘက်ကရော သူတို့လ်ုချင်တဲ့ အကျင့်ပျက်ခြစားမှုတွေကို ဖော်ထုတ်နိုင်မလားဆိုတာ ကြည့်ရှုရမှာပဲ ဖြစ်ပါတယ်။ ဇာတ်ကားထဲပါဝင်တဲ့ သွေးထွက်သံယို အခန်းတွေကတော့ အနည်းငယ် ကြမ်းတမ်းတာဖြစ်လို့ R-rated အဖြစ်သတ်မှတ်ရမှာပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

ဒီတစ်ခေါက်မှာတော့Netflixကထုတ်လုပ်ထားတဲ့ အားလုံးအကြိုက် မင်းသမီးကြီးတာဘူးရဲ့စပိုင်ကားလေးနဲ့မိတ်ဆက်ပေးလိုက်ပါတယ်.... ဒီကားကAmar Bhushanရဲ့ Escape to nowhereကိုအခြေခံရိုက်ကူးထားတာဖြစ်ပါတယ် Lesbianဇာတ်ကြောအနည်းငယ်ပါတာမို့ Homophobiaသမားဆိုရင်တော့ သတိထားကြည့်သင့်ပါတယ်..... အိမ်ထောင်ပြုပြီးလို့၁၉နှစ်အရွယ်သား၁ယောက်ရပြီးကာမှ ခရစ်ရှနားဟာသူ့ကိုယ်သူLesbian၁ယောက်ဆိုတာကိုသတိထားမိသွားပြီး ခင်ပွန်းနဲ့ကွာရှင်းခဲ့ပါတယ် သူ့ချစ်သူကောင်မလေးမီရာဟာ မစ်ရှင်၁ခုလုပ်ဆောင်ရင်းသေဆုံးသွားတဲ့အခါမှာတော့ ခရစ်ရှနား၁ယောက်နောက်ကွယ်ကတရားခံကို ရှာဖွေကာသတ်ချင်စိတ်များ ပေါ်ပေါက်လာပါတော့တယ် မဟာမိတ်လို့သာအမည်ခံထားပေမဲ့ နောက်ကွယ်ကနိုင်ငံရေးအရှုပ်အထွေးတွေကိုလည်းသိလာချိန်မှာတော့ ခရစ်ရှနားတို့ဘာဆက်လုပ်ကြမလဲ သူ့ချစ်သူကိုသတ်တဲ့သူဟာရိုးရိုးလူမဟုတ်ပဲ ရာထူးကြီးတစ်ယောက်ဖြစ်နေတဲ့အတွက် ခရစ်ရှနားလက်လျော့လိုက်မှာလား ဘာတွေတွေ့ကြုံရမလဲဆိုတာစိတ်ဝင်စားစွာ ကြည့်လိုက်ရအောင်.... ဒီကားအညွှန်းနဲ့ဘာသာပြန်ကတော့ Khin Khin ဖြစ်ပါတယ်

ယခင်ကဂျိုဆွန်းလို့ခေါ်တဲ့ကိုးရီးယားကို ဂျပန်တွေသိမ်းပိုက်ထားခဲ့တဲ့ ၁၉၃၃ ခုနှစ်မှာဂျပန်ဘုရင်ခံချုပ်ကြီးတစ်ယောက်ကသေဆုံးသွားပြီးအသစ်တစ်ယောက်တက်လာပါတော့တယ်။ထုံးစံအတိုင်းပဲကိုယ့်နိုင်ငံကိုမတရားသိမ်းပိုက်ခံထားရရင်တော်လှန်ပုန်ကန်တတ်တဲ့လူတွေကတော့အမြဲတမ်းရှိနေတာပါပဲ။အဲ့ဒီအသစ်တက်လာတဲ့ဘုရင်ခံချုပ်ကြီးကိုလုပ်ကြံဖို့အတွက်ကြိုးပမ်းခဲ့တဲ့တော်လှန်ရေးအဖွဲ့တစ်ဖွဲ့ရှိနေပါတယ်။အဲ့ဒီအဖွဲ့ကိုအရိပ်တပ်မကြီးလို့ခေါ်ပြီးတော့အဖွဲ့ထဲမှာလှုပ်ရှားနေတဲ့အေးဂျင့်တွေကိုတစ္ဆေတွေလို့ခေါ်ကြပါတယ်။အဲ့ဒီတစ္ဆေတွေကဂျပန်အစိုးရရဲ့အတွင်းပိုင်းထဲကိုသူလျှိုတွေအနေနဲ့ဝင်ရောက်ထားပါတယ်။တစ်နေ့မှာတော့တစ္ဆေလို့သံသယရှိတဲ့လူတွေကိုခေါ်ပြီးတော့စစ်ကြောမေးမြန်းမှုကိုခံရပါတော့တယ်။ဒါပေမယ့်လဲတစ္ဆေတွေကိုဖော်ထုတ်ရတာထင်သလောက်မလွယ်ကူနေပါဘူး။နောက်ပိုင်းမှာအဲ့ဒီသံသယရှိသူတွေထဲကတစ္ဆေကိုသိသွားမလား အရိပ်တပ်မကြီးရဲ့ဂျပန်ဘုရင်ခံချုပ်ကြီးကိုလုပ်ကြံတဲ့နေရာမှာအောင်မြင်သွားမလားဆိုတာကိုနာမည်ကြီးမင်းသားမင်းသမီးများစွာနဲ့ရိုက်ကူးထားတာကိုကြည့်ရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

ဇာတ်လမ်းအကျဉ်းက မိုက်ကယ်က ထူးထူးဆန်းဆန်း အပြုအမူတွေ လုပ်နေတတ်တဲ့ ကောင်မလေးတစ်ယောက်.... ဖခင်က မိခင်ကို သတ်မှုနဲ့ သေမိန့်ကျနေတဲ့ Puppetman....သူ မသတ်ဘဲ တစ်ခုခုက ခိုင်းနေတာလို့ပဲ အခိုင်အမာပြောနေတဲ့သူ... မိုက်ကယ်ကို ငယ်ငယ်တည်းက လှောင်အိမ်ထဲမှာ ပိတ်ထားပြီး ဖခင်ဖြစ်သူကိုရဲတွေ ဖမ်းတဲ့အချိန်မှာရှာတွေ့ခဲ့တာပါ။ လက်ရှိအချိန် မိုက်ကယ့်မှာ အချစ်ဆုံးအခန်းဖော် ချာလီရှိပြီး မိုက်ကယ့်ရဲ့ စိတ်ဒဏ်ရာတွေကို မျှဝေပေးတဲ့သူပေါ့။ သူတို့ကြားက လျှို့ဝှက်ချက်ကို ချာလီက တခြားသူငယ်ချင်းတွေကို ပြောပြမိတာ မိုက်ကယ်သိသွားပြီး ချာလီပါ ထူးထူးဆန်းဆန်းသေသွားတဲ့အခါ... သူ့မိဘတွေ သူမကိုယ်ထဲ ဘာထည့်ထားတာလဲ မိုက်က သူမချစ်တဲ့သူတွေကို ကာကွယ်နိုင်ပါ့မလားဆိုတာ ဆက်လက်ရှုစားကြည့်ကြပါ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

ကြမ်းကြမ်းတမ်းတမ်း အင်ရှင်ကားတွေကိုမှ နှစ်သက်သူတွေအဖို့ Expendables ရဲ့လေးကားမြောက် ဇာတ်ကားထွက်ရှိလာပါပြီ။ ဒီဇာတ်ကားလေးထဲမှာတော့ အော့စကာလို့ခေါ်တဲ့ လျှို့ဝှက်နာမည်နဲ့ ဗီလိန်ကြီးဟာ လစ်ဗြားက ကဒါဖီရဲ့ဓာတ်တုလက်နက်စက်ရုံဟောင်းမှာရှိတဲ့ နျူကလီယားဖောက်ခွဲရေးစက်တွေကိုယူပြီး နိုင်ငံတွေကြား ပဋိပက္ခဖြစ်အောင် လုပ်မယ့်ရည်ရွယ်ချက်နဲ့ အစီအစဉ်တွေဆွဲထားပါတယ်။ အဲဒီတော့ ဒီပြဿနာကို ဖြေရှင်းဖို့ရာ Expendables အဖွဲ့ရဲ့သမိုင်းပေးတာဝန်ဖြစ်လာပါတော့တယ်။ Expendables အဖွဲ့ဟာ ဘယ်လိုနည်းဗျူဟာတွေကိုသုံးပြီး အဲဒီအကြံအစည်ကိုတားဆီးမလဲဆိုတာကို ကြမ်းတမ်းတဲ့အက်ရှင်ခန်းတွေနဲ့အတူ ကိုယ်တိုင်ကြည့်ရှုခံစားလိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ကြမ်းကြမ်းတမ်းတမ်း အင်ရှင်ကားတွေကိုမှ နှစ်သက်သူတွေအဖို့ Expendables ရဲ့လေးကားမြောက် ဇာတ်ကားထွက်ရှိလာပါပြီ။ ဒီဇာတ်ကားလေးထဲမှာတော့ အော့စကာလို့ခေါ်တဲ့ လျှို့ဝှက်နာမည်နဲ့ ဗီလိန်ကြီးဟာ လစ်ဗြားက ကဒါဖီရဲ့ဓာတ်တုလက်နက်စက်ရုံဟောင်းမှာရှိတဲ့ နျူကလီယားဖောက်ခွဲရေးစက်တွေကိုယူပြီး နိုင်ငံတွေကြား ပဋိပက္ခဖြစ်အောင် လုပ်မယ့်ရည်ရွယ်ချက်နဲ့ အစီအစဉ်တွေဆွဲထားပါတယ်။ အဲဒီတော့ ဒီပြဿနာကို ဖြေရှင်းဖို့ရာ Expendables အဖွဲ့ရဲ့သမိုင်းပေးတာဝန်ဖြစ်လာပါတော့တယ်။ Expendables အဖွဲ့ဟာ ဘယ်လိုနည်းဗျူဟာတွေကိုသုံးပြီး အဲဒီအကြံအစည်ကိုတားဆီးမလဲဆိုတာကို ကြမ်းတမ်းတဲ့အက်ရှင်ခန်းတွေနဲ့အတူ ကိုယ်တိုင်ကြည့်ရှုခံစားလိုက်ပါ။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ဇာတ်ကားလေးဟာ Mystery, Sci-Fi, Thriller အမျိုးအစားဖြစ်ပြီး တော်တော်လေးစိတ်ဝင်စားဖို့ကောင်းပါတယ်။ ဇာတ်လမ်းအကျဉ်းလေးကတော့ အီယန်ဟာ လူတွေရဲ့စိတ်ကို ထိန်းချုပ်နိုင်တဲ့အစွမ်းရှိပါတယ်။ သူနဲ့သူအဖေဟာ အဲဒီအစွမ်းကိုအသုံးချပြီး အသေးအဖွဲလုယက်မှုတွေလုပ်ကာ ဘဝကို ခက်ခက်ခဲခဲဖြတ်သန်းနေရပါတယ်။ တစ်နေ့မှာတော့ ကုန်စုံဆိုင်တစ်ဆိုင်ကို ဓားပြသွားတိုက်ခဲ့မိရာက အမည်မသိအဖွဲ့တစ်ဖွဲ့က သူတို့သားအဖေကို အသည်းအသန်လိုက်ဖမ်းပါတော့တယ်။အဖေဖြစ်သူက စည်းကမ်းတွေနဲ့ထိန်းချုပ်ထားပေမယ့် အီယန်ကတော့ လူငယ်ပီပီ သွေးတိုးစမ်းချင်တဲ့စိတ်ကို ထိန်းချုပ်မရပါဘူး။ ဒီလိုနဲ့ သူတို့သားအဖဟာ အေဂျင်စီ ဆိုတဲ့အဖွဲ့ဆီမှာ အဖမ်းခံလိုက်ရပြီး အီယန်ကို သူ့အဖေရဲ့မှတ်ဉာဏ်တွေထဲကို ဝင်ကြည့်ဖို့ ဖိအားပေးခဲ့ပါတယ်။ ဒါပေမဲ့ အီယန်ဟာ သူ့အဖေရဲ့မှတ်ဉာဏ်တွေကနေ သူ့ရဲ့ငယ်ဘဝက အကြောင်းအရာတွေ၊ သူ့မိဘတွေနဲ့ အရေးကြီးတဲ့လျှို့ဝှက်ချက်တစ်ခုကိုပါ သိလိုက်ရပါတော့တယ်။ အဲဒီတော့ အီယန်ဟာ သူ့ရဲ့အတိတ်ကိုပြန်တူးဆွပြီး သူ့မိဘအရင်းတွေကို ပြန်ရှာတွေ့နိုင်မလား။ သူ့နောက်ကိုအသည်းအသန်လိုက်နေတဲ့အဖွဲ့နှစ်ဖွဲ့ရဲ့ရည်ရွယ်ချက်ကရော ဘာတွေဖြစ်နေမလဲဆိုတာကို စိတ်ဝင်တစားကြည့်ရှုခံစားရမယ့် ဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

အမျိုးသမီးဆို ပန်းချီတောင်ပေးမဆွဲတဲ့ခေတ်မှာ ပန်းချီပါရမီအရမ်းထူးတဲ့ကောင်မလေးတစ်ယောက် ရှိသတဲ့။ သူ့လက်ရာတွေကို သူ့အဖေကမသိပဲ သူ့အစ်ကိုလက်ရာအဖြစ် အရပ်ပတ်ကြွားရင်းက အကြောင်း မသင့်လို့ အရှက်တကွဲဖြစ်ပြီး သူ့အစ်ကိုဟာ သူ့ဘာသာအဆုံးစီရင်သွားပါတယ်။ အဖေလုပ်သူဟာ အပြစ်အားလုံးကောင်မလေးပေါ်ပုံချ၊ သူ့အတ္တအတွက် သမီးကို သေသွားတဲ့ သားအဖြစ်ဟန်ဆောင်ခိုင်းပြီး နန်းတွင်းကို ပန်းချီပညာတော်သင်လွတ်လိုက်ပါတယ်။ ယောက်ျားလေးအဖြစ်ဟန်ဆောင်ကာ ပညာသင် နေရင်းက သာမန်အရပ်သားတစ်ဦးနဲ့ ဆုံတွေ့ချစ်ကြိုက်မိသွားချိန်မှာပဲ သူ့ရဲ့ ဆရာဖြစ်သူကလည်း သူ့ကို မိန်းကလေးမှန်းသိသွားကာ ကြိုက်မိနေပါပြီ။ လူနှလုံးသားရဲ့ ချစ်ခြင်း၊ ညှို့ယူနိုင်စွမ်းနဲ့ ခံစားထိခိုက်လွယ်မှုတွေကြားက အလှတရားကို ပန်းချီကနေ တဆင့်ရှာပုံတော်ဖွင့်ခဲ့တဲ့ မိန်းကလေးတစ်ယောက်၊ သူ့ရဲ့ အချစ်ခရီးလမ်းကရော ဖြောင့်ဖြူးနိုင်ပါ့မလား။ (18+ ဇာတ်ဝင်ခန်းများပါဝင်သောကြောင့် မိသားစုဝင်များ၊ ကလေးသူငယ်များနှင့်အတူ ကြည့်ရှုရန်မသင့်တော်ပါ။) ဇာတ်ကားအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။

ဒီနောက်ပိုင်း BL ကားတွေခေတ်စားလာတဲ့အချိန်မှာရယ်လဲရယ်ငိုလဲငိုရမဲ့ BL အချစ်ဟာသကားလေးနဲ့မိတ်ဆက်ပေးလိုက်ပါတယ်။ဂယ်ရီဆိုတဲ့လူတစ်ယောက်ကတစ်နေ့မှာကမ်မရွန်ဆိုတဲ့ကောင်လေးတစ်ယောက်ကိုခေါ်ပြီးအနှိပ်ခံခဲ့ပါတယ်။နှိပ်ရင်းနဲ့စိတ်ပါလာပြီးဘာညာတွေဖြစ်ပြီးနောက်မှာဂယ်ရီကဂေးဆိုတာကိုကမ်မရွန်ကသိသွားခဲ့ပါတယ်။သူတို့နှစ်ယောက်လုံးကဂေးတွေဖြစ်နေပြီးဂယ်ရီပွင့်သွားတာလဲမကြာသေးပါဘူး။ဂယ်ရီကမိန်းမရှိတဲ့အပြင်သားနှစ်ယောက်ရှိပါတယ်။ဒါပေမယ့်သူဂေးဖြစ်တယ်ဆိုတာကိုသိပြီးနောက်မှာသူ့မိန်းမနဲ့သားနှစ်ယောက်ကထားသွားခဲ့ပါတော့တယ်။အဲ့ဒီအပြင်ကိုမှသူ့မှာကုမရတဲ့ကင်ဆာရှိနေပြီးသေတော့မဲ့လူတစ်ယောက်လဲဖြစ်ပါတယ်။ဒီအကြောင်းတွေကိုကမ်မရွန်သိသွားပြီးတဲ့နောက်မှာဂယ်ရီ့ရဲ့ကျန်ရှိနေတဲ့အချိန်တွေကိုဂေးတစ်ယောက်အနေနဲ့ပျော်ပျော်ရွှင်ရွှင်ဖြတ်သန်းသွားရအောင်ကူညီပေးရင်းသူတို့တွေဘယ်လိုရယ်စရာအလွဲလွဲအချော်ချော်တွေနဲ့ကြုံတွေ့ရမလဲဆိုတာကိုကြည့်ရမဲ့ဇာတ်လမ်းလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

အရှေ့အင်ဒီးယန်းတွေရဲ့ ကိုးကွယ်ယုံကြည်မှု ဓလေ့ထုံးစံတွေကို အဓိကဖော်ပြထားတဲ့ စိတ်၀င်စားစရာဇာတ်လမ်းပါ။ အမေရိကန်မှာ အခြေချနေထိုင်တဲ့ ဆမ်မီဒါတို့ အင်ဒီးယန်းမိသားစု...ပတ်၀န်းကျင်အသစ် culture အသစ်မှာ နေသားကျဖို့ သူများယဉ်ကျေးမှုနဲ့ ကိုက်ညီချင်လို့ ကိုယ်ပိုင်ဓလေ့တွေကို စွန့်ပစ်ချင်တဲ့ ဆမ်မီဒါ.....ပုလင်းတစ်လုံးကိုင်ပြီး အပေါင်းအသင်းမရှိဘဲ ‌ထူးထူးဆန်းဆန်းပြုမူနေတဲ့ ဆမ်မီဒါရဲ့ ငယ်သူငယ်ချင်း တမီရာ... ဆမ်မီဒါက တခြားသူတွေ ကြည့်တဲ့ပုံကိုမကြိုက်လို့ သူငယ်ချင်းတမီရာနဲ့ပါ မပေါင်းတော့ပေမယ့် တမီရာက အကူအညီလာတောင်းတဲ့အခါ... တမီရာ ကိုင်ထားတဲ့ပုလင်းကို ဆမ်မီဒါ ခွဲပစ်လိုက်မိပြီး အထဲက ပရလောကသားအကောင် လွတ်လာတဲ့အခါ....မိဘတွေနဲ့ တမီရာကိုကယ်ဖို့ မကောင်းဆိုးဝါးကို အဆုံးသတ်ပေးတဲ့ပုံကို သည်းထိတ်ရင်ဖိုစရာ ကြည့်ရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

ဝက်ဝက်ကွဲအောင်မြင်ခဲ့တဲ့ အရှေးကူမားရဲ့OMGလို OMG 2ထွက်ရှိလာပြီဖြစ်ပါတယ် OMG 1တုန်းကလိုပဲ 2မှာလည်းအနှစ်သာရအပြည့်နဲ့ ဖြစ်ပါတယ် ဒီတစ်ခေါက်မှာတော့ယနေ့ခေတ်မှာဆွေးနွေးမှုများပြားနေတဲ့Sex Educationအကြောင်းကို ပညာပေးရိုက်ကူးထားတာဖြစ်ပါတယ် ဘာသာရေးကိုင်းရှိုင်းတဲ့ ဘုရားကျောင်းဝန်ထမ်းကန်တီရဲ့သားဖြစ်သူဗီဗစ်ခ်ဟာ သူ့အငယ်ကောင်ကိုသူအားငယ်ကာ တစ်ကိုယ်ရေအာသာဖြေတာများများလုပ်ရင် ပိုထွားလာမယ်လို့ထင်ပြီး မရပ်မနားကျောင်းသန့်စင်ခန်းထဲမှာ ကြိုးစားအားထုတ်နေတုန်းသူ့ကြိုးစားမှုကို တစ်ယောက်ယောက်ကဗီဒီယိုရိုက်ကာဖြန့်လိုက်ရာကနေ ပြဿနာစတင်လာပါတော့တယ် ဗီဗစ်ခ်ခမျာကျောင်းလည်းထုတ်ခံရ လူအဟားလည်းခံရတာမို့ သတ်သေဖို့ကြိုးစားရာကနေ အဖေဖြစ်သူကန်တီရဲ့တရားရုံးမှာအမှုဖွင့်တဲ့ဇာတ်လမ်းက စတင်လာပါတော့တယ် တစ်ကိုယ်ရေအာသာဖြေတာဟာအပြစ်လား ကျောင်းတွေကနေကလေးတွေကို Sex Education ဆိုတဲ့လိင်မှုပညာရေးကိုသင်ပေးသင့်လား စတာတွေရဲ့ဆွေးနွေးမှုပေါင်းများစွာကို ဒီကားထဲမှာအရှိန်ကောင်းစွာ ကြည့်ရှု့ရမှာဖြစ်ပါတယ် ကန်တီတစ်ယောက်သူ့သားကျောင်းပြန်တက်နိုင်ဖို့ လူကြားထဲမှာခေါင်းမော့လျှောက်နိုင်ဖို့ဘယ်လိုကြိုးစားမလဲ အရှေးကရောဘယ်လိုအသွင်နဲ့ပေါ်လာပြီး ကူညီလမ်းပြဦးမလဲဆိုတာ ကြည့်ရှု့လိုက်ရအောင်.... ဒီကားရဲ့အညွှန်းနဲ့ဘာသာပြန်သူကတော့ Khin Khin ဖြစ်ပါတယ်

အောက်တိုဘာ ၇ ရက်နေ့ကမှ ထွက်ရှိထားတဲ့ Comedy, Thriller ဇာတ်ကားတစ်ကားတင်ဆက်ပေးပါရစေ။ Pulp Fiction ဇာတ်ကားမှာ အတူသရုပ်ဆောင်ဖူးခဲ့ကြတဲ့ အူမာသာမန်းနဲ့ ဆမ်မြူရယ်ဂျက်ဆင်တို့ ပါဝင်သရုပ်ဆောင်ထားပါတယ်။ ကြေးစားလူသတ်သမားတစ်ယောက်၊ သူ့ဘော့စ်နဲ့ ပန်းချီကားတွေရောင်းတဲ့သူတစ်ယောက်တို့ဟာ ငွေကြေးခဝါချတဲ့လုပ်ငန်းလုပ်နေရင်းက လူသတ်သမားဟာ နေ့ချင်းညချင်း နာမည်ကျော် အနုပညာရှင်ဘဝကို ရောက်သွားပါတယ်။ မြေအောက်လောကနဲ့ အနုပညာလောကမှာ ဘယ်သူက လှည့်ပတ်ကစားပြသွားမလဲ ဆိုတာ ဇာတ်လမ်း ဇာတ်ကွက် သွက်သွက်နဲ့မပျင်းရပဲ ကြည့်ရှုနိုင်မှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။

ဒီဇာတ်ကားလေးက Drama, Mystery, Sci-Fi အမျိုးအစားဖြစ်ပါတယ်။ ဇာတ်လမ်းအကျဉ်းကတော့ ဂျိုးဟာ မဲလ်လာ့ဒ်ကုမ္ပဏီမှာအလုပ်လုပ်နေတဲ့ မန်နေဂျာတစ်ယောက်ဖြစ်ပြီး သူ့ရဲ့မွေးမလာသေးတဲ့သားလေးအတွက် ရည်မှန်းပြီး အလုပ်ကို အသည်းအသန်ကြိုးစားနေတဲ့သူပေါ့။ တစ်နေ့မှာတော့ ဂျိုးဟာ အကြောင်းအရင်းမရှိပဲ ထူးဆန်းတဲ့အကျဉ်းခန်းကိုနေရာမျိုးကို ရောက်သွားခဲ့ပြီး ပိတ်မိနေပါတော့တယ်။ အဲဒီမှာ သူ့လိုမျိုးပိတ်မိနေတဲ့ တခြားသူတွေလည်း အများကြီးရှိပါတယ်။ သူတို့အားလုံးကို ကွန်ပျူတာစနစ်တစ်ခုက ထိန်းချုပ်ထားပြီး အဲဒီကွန်ပျူတာကပဲ သူတို့ရဲ့နေ့စဉ်အလုပ်တွေကို သတ်မှတ်ပေးပါတယ်။ အလုပ်ကတော့ အခန်းအလည်မှာရှိနေတဲ့ ကြိတ်ဆုံကြီးကိုလှည့်ရတာပါ။ ဒါပေမဲ့ နေ့စဉ်သတ်မှတ်ချက်ကို မပြည့်မီတဲ့ဝန်ထမ်းကို ရပ်စဲခြင်းဆိုတဲ့ခေါင်းစဉ်နဲ့ သတ်ပစ်ပါတယ်။ အဲဒီတော့ ဂျိုးဟာ ဘာမှန်းမသိတဲ့နေရာကြီးမှာ ကွန်ပျူတာက ခိုင်းတဲ့နေ့စဉ်အလုပ်တွေကိုလုပ်ရင်း ဘယ်လိုလွတ်မြောက်အောင်ကြိုးစားမလဲဆိုတာကို စိတ်ဝင်တစားကြည့်ရှုခံစားရမယ့် သိပ္ပံဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

အပစ်အခတ် အသတ်အပုတ်တွေကို ကြိုက်နှစ်သက်သူတွေအဖို့တော့ ကြည့်လို့ကောင်းမယ့်ဇာတ်ကားလေးပဲဖြစ်ပါတယ်။ ဇာတ်လမ်းအကျဉ်းအနေနဲ့ကတော့ အလွန်ရက်စက်ပြီး အာဏာပြင်းတဲ့ တာမာဆိုတဲ့ မူးယစ်ရာဇာကို ဖမ်းဆီးဖို့အတွက် S.W.A.Tအဖွဲ့က တာမာရဲ့အဆောက်အဦးကိုဝင်ရော်စီးနင်းကြပါတယ်။သို့ပေမယ့် သူတို့ရဲ့ စီးနင်းမှုဟာ သူတို့အဖွဲ့နဲ့ တာမာတို့အုပ်စုပဲ သိကြပြီး ဘာကြောင့်ဒီလိုဖြစ်တာလဲနဲ့ ဘယ်သူတွေကထိန်းချုပ်ထားတာလဲဆိုတာကိုတော့ ဇာတ်လမ်းလေးကို ကြည့်ရှုခံစားလိုက်ကြပါအုံး..... အင်ဒိုနီးရှားဇာတ်လမ်းဆိုပေမယ့် အပစ်အခတ် အသက်အပုတ်အက်ရှင်တွေကတော့ အလွန်ကြည့်ကောင်းတာမို့လို့ ကြိုက်နှစ်သက်ကြမယ်လို့ထင်ပါတယ်.... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်။

V/H/S movie တွေ အစဉ်အဆက် ထွက်ရှိလာပြီးတော့ ဒီတစ်ခါ 2023 ခုထွက် ရုပ်ရှင်ကတော့ 1985 ၀န်းကျင်က အဖြစ်အပျက်တွေကို TV documentary အဖြစ်ရိုက်ကူးထားတဲ့ anthology horror ရုပ်ရှင်ဖြစ်ပါတယ်။ ဒီရုပ်ရှင်မှာ ဒါရိုက်တာ ၅ယောက်ရဲ့ short films လက်ရာ 6 ခုကို စုစည်းထည့်သွင်းထားပြီး နှစ်ပုဒ်က ဆက်စပ်နေပါတယ်။ No Wake, Total Copy, God of Death, TKNOGD၊ Ambrosia နဲ့ Dreamkill ဆိုတဲ့ ဇာတ်လမ်း ၆ပုဒ်ပါ၀င်ပြီး ဒါရိုက်တာတူတဲ့ No Wake နဲ့ Ambrosia နှစ်ပုဒ်က အဆက်အစပ်ရှိအောင် ထည့်ထားပါတယ်။ အားလုံးက ခြောက်ခြားစရာ ထူးထူးဆန်းဆန်း သည်းထိတ်ရင်ဖို အမျိုးအစားတွေဖြစ်လို့ ကြည့်ပြီးသွားရင် တွေးတောစရာ ရသတစ်မျိုးစီ ရနိုင်မှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

အချစ်ရေးနဲ့ပတ်သတ်လာရင်နှစ်ဖက်ချွန်တယ်ဆိုတာမကောင်းပါဘူး။ကျားမမရွေးကိုယ်ချစ်တဲ့သူအပေါ်မှာသစ္စာရှိသင့်ပါတယ်။ဘာလို့လဲဆိုတော့ကိုယ်တကယ်တမ်းချစ်ရတဲ့လူကကိုယ့်အပေါ်မှာစိတ်ပျက်သွားရင်အခွင့်အရေးဆိုတာနှစ်ခါမရနိုင်တော့လို့ပါပဲ။အဲ့ဒီအရာတွေကို Passages လို့ခေါ်တဲ့ဒီ BL ကားလေးထဲမှာကွက်ကွက်ကွင်းကွင်းမြင်အောင်ဖော်ပြထားပါတယ်။IMDb Rating ကလဲ 7.0 ရှိပြီးတော့ပညာယူတတ်ရင်တကယ်ကြည့်လို့ကောင်းတဲ့ကားလေးပဲဖြစ်ပါတယ်။သောမတ်စ်နဲ့မာတင်ဆိုတဲ့လိင်တူချစ်သူနှစ်ယောက်ကလက်ထပ်ထားတဲ့သူတွေဖြစ်ပြီးတော့သူတို့နှစ်ယောက်ကအရမ်းချစ်ကြတဲ့စုံတွဲတွေပဲဖြစ်ပါတယ်။တစ်နေ့မှာတော့သောမတ်စ်ရဲ့ဘဝထဲကိုမိန်းကလေးတစ်ယောက်ဝင်ရောက်လာပြီးနောက်မှာအရာအားလုံးကပြောင်းလဲသွားခဲ့ပါတယ်။ သူတို့ရဲအိမ်ထောင်ရေးလဲ တဖြည်းဖြည်းပြိုကွဲလာခဲ့ပြီးသောမတ်စ်တစ်ယောက်သူချစ်ရတဲ့ယောက်ျားလေးနဲ့မိန်းကလေးတို့နှစ်ယောက်ကြားမှာဘယ်လိုတွေဗျာများပြီးနောက်ဆုံးမှာဘယ်လိုတွေဖြစ်သွားမလဲဆိုတာကိုကြည့်ရမဲ့အချစ်ဒရာမာဇာတ်ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

2023 October 6 ကမှ ထွက်ရှိထားတဲ့ Southern Noir, Thriller ဇာတ်ကားတစ်ကားတင်ဆက်ပေးလိုက်ပါတယ်။ ဒီဇာတ်ကားက Michael Farris Smith ရဲ့ နာမည်တူ စာအုပ်ပေါ်မှာ အခြေခံပြီး ရိုက်ကူးထားတဲ့ Desperation Road ပဲဖြစ်ပါတယ်။ ရပ်စ်ဆဲလ်နဲ့ မေဘင်ဆိုတဲ့ ဇာတ်ကောင်နှစ်ကောင်ရဲ့ ဇာတ်ကြောင်းနှစ်ခုဟာ ရောယှက်ဆက်နွယ်နေပြီး သူတို့ရဲ့ လက်ရှိဘဝအခက်အခဲတွေ၊ အတိတ်ဘဝဇာတ်ကြောင်းတွေကြောင့် စိတ်ရောလူပါ ရုန်းကန်နေရတာတွေ ကို လူတွေအကြောင်းသပ်သပ်ထက် နာကျင်မှုတွေ၊ နောင်တတရားတွေနဲ့ မျှော်လင့်ချက်မှုန်ဝါးဝါးလေးတွေကို ရင်သပ်ရှုမောဖွယ် ကြေကွဲခံစားဖွယ် အဖြစ် ကြည့်ရှုရမှာဖြစ်ပါတယ်။ ဇာတ်လမ်းအညွှန်းနှင့် ဘာသာပြန်သူကတော့ Masuji Ono ဖြစ်ပါတယ်။

ဒီတစ်ခေါက်မှာတော့"Kushi" ဆိုတဲ့ရိုမန့်ဒရာမာကားကောင်းလေးနဲ့ တင်ဆက်ပေးလိုက်ပါတယ် သိပ္ပံကိုပဲယုံကြည်ပြီးဘုရားမဲ့ဝါဒီမိသားစုက ဆင်းသက်လာတဲ့ဗီပလဗ်နဲ့ ဘုရားကိုအရမ်းယုံကြည်ပြီးဓလေ့တွေကိုလုပ်လေ့ရှိတဲ့မိသားစုက ဆင်းသက်လာတဲ့အာရာဒ်ယာတို့ ၂ယောက်ဟာ ကက်ရှ်မီရ်မှာအကြောင်းတစ်ခုကြောင့် ဆုံမိကာချစ်သူတွေဖြစ်သွားခဲ့ကြပါတယ် သူတို့ချစ်မိသွားကာမှသူတို့အဖေတွေဟာ ဆန့်ကျင်ဖက်အတွေးခေါ်တွေဖြစ်နေတဲ့အပြင် ရန်သူတော်တွေလည်းဖြစ်နေတဲ့အခါမှာတော့ သူတို့၂ယောက်ရဲ့အချစ်ခရီးမှာ အနှောင့်ယှက်တွေစတင်လာပါတော့တယ် ဒီအခက်ခဲတွေကိုသူတို့ဖြတ်ကျော်နိုင်ပါ့မလား ဘယ်သူ့ဝါဒကနိုင်သွားမလဲ အဖေတွေရဲ့ဝါဒကသူတို့၂ယောက်ကိုပါ သက်ရောက်လာစေမှာလားဆိုတာ စိတ်ဝင်စားစွာကြည့်ရှု့ရမှာဖြစ်ပါတယ်..... ဒီကားရဲ့အညွှန်းနဲ့ဘာသာပြန်သူကတော့ Khin Khin ဖြစ်ပါတယ်

ဇာတ်လမ်းအကျဉ်းလေးကတော့ ဟန်နာတစ်ယောက် မိဘနဲ့အဆင်မပြေ အလုပ်ကိစ္စလဲအဆင်မပြေနဲ့ စိတ်ဆင်းရဲမှုပေါင်းများစွာကို ကြုံတွေ့နေရတဲ့အချိန်မှာ သူ့ရဲ့ မွေးရာပါအမှတ်ထဲကနေ လူတစ်ယောက်ပေါ်ထွက်လာပါတော့တယ်။ အဲ့ဒီမွေးရာပါအမှတ်ဆိုတာဟာ သားအိမ်အတွင်းမှာတုန်းက သူစုပ်ယူလိုက်တဲ့ သူမရဲ့အမွှာဖြစ်သူဆိုတဲ့ ယူဆချက်တွေနဲ့အတူ သူမအတွက် စိတ်ချောက်ခြားစရာတွေက ပိုတိုးလာပါတော့တယ်။ အဲ့အမွှာဖြစ်သူကတော့ သူမစီမှာမကောင်းမှုတွေ စိတ်ညစ်စရာတွေ ထိခိုက်ဒဏ်ရာတွေရလာတိုင်း ပိုမိုအားကောင်းလာကာ သူမကိုဘယ်လိုတိုက်ခိုက်မလဲ...သူမအကူအညီသွားတောင်းမယ့်လူတွေကရော ဘယ်လိုလူတွေဖြစ်မလဲဆိုတာကိုတော့ ဇာတ်လမ်းလေးကိုကြည့်ရှုခံစားလိုက်ကြပါအုံး... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်။

ဘဝမှာတစ်ခါမှမမြင်ဖူးတဲ့ နိုင်ငံခြားက ဘကြီးက အမွေတွေပေးရင် ကောင်းမှာပဲလို့ တွေးဖူးလား။ ဒါဆိုရင်တော့ အမွေနဲ့ ပတ်သက်တဲ့ ဒီကားလေးကိုကြည့်ကြည့်ပါ။ 2020 တုန်းက ထွက်ရှိခဲ့တဲ့ Mystery, Thriller, Drama အမျိုးအစား ဒီဇာတ်ကားမှာတော့ အဖေဖြစ်သူက သမီးအတွက် ချန်ထားခဲ့တဲ့ အမွေအကြောင်းကို ရင်သပ်ရှုမောဖွယ်ရာ ကြည့်ရမှာဖြစ်ပါတယ်။ ချမ်းသာပြီး ဩဇာတိက္ကမကြီးတဲ့ မိသားစုတစ်ခုက အိမ်ထောင်ဦးစီးဖြစ်သူ ရုတ်တရက်ကွယ်လွန် သွားရာကစပါတယ်။ သူက ကျန်ရစ်သူ ဇနီးမယား၊ သမီး၊ သားတို့အတွက် သေတမ်းစာရေးပြီး အမွေတွေ ချန်ထားခဲ့ပါတယ်။ သမီးကြီးဖြစ်သူအတွက် သူချန်ထားခဲ့တဲ့ အမွေကဘာဖြစ်နေမှာလဲဆိုတာ... ဇာတ်ကားအညွှန်းနှင့် ဘာသာပြန်သူကတော့ Masuji Ono ဖြစ်ပါတယ်။

၂၀၁၀ ခုနှစ်မှာ ထွက်ရှိခဲ့တဲ့ မက်ချက်တေးဆိုတဲ့ အက်ရှင်ကားကြမ်းကြမ်းလေးနဲ့ မိတ်ဆက်ပေးချင်ပါတယ်။ ဒီဇာတ်ကားလေးမှာ မင်းသားကြီး စတီဗင်ဆီးလ်ဂဲက ဗီလိန်အနေနဲ့ ပါဝင်ထားပါတယ်။ ဇာတ်လမ်းအကျဉ်းကတော့ အမေရိကန် တက္ကဆက်မြို့နယ်စပ်မှာ မက္ကဆီကန်လူမျိုးတွေက နယ်စပ်ကိုဖြတ်ကျော်ပြီး အလုပ်လုပ်ကိုင်ဖို့ တရားမဝင်ဝင်ရောက်နေထိုင်ကြပါတယ်။ ဒါကို ပြည်နယ်လွှတ်တော်အမတ် ဂျွန်မက်ဂ်လောလင်းက အပြင်းအထန်ရှုံ့ချသလိုကင်းအဖွဲ့တွေနဲ့ နယ်စပ်ကိုစောင့်ကြည့်နေပြီး နယ်စပ်ခြံစည်းရိုးခတ်ဖို့အထိပါ အစီအစဉ်ချထားပါတယ်။ ဒါပေမဲ့ သူ့ကိုထောက်ပံနေတဲ့သူကတော့ မက္ကဆီကန် မူးယစ်ရာဇာတစ်ယောက်ပဲဖြစ်ပါတယ်။ တစ်နေ့မှာတော့ နာမည်ကျော်စီးပွားရေးလုပ်ငန်းရှင်တစ်ယောက်က မက်ချက်တေးဆိုတဲ့ မက္ကဆီကန်တရားမဝင်လုပ်သားကို ဒေါ်လာတစ်သိန်းခွဲနဲ့ အမတ်ကြီးကိုလုပ်ကြံဖို့ကမ်းလှမ်းလာခဲ့ပါတယ်။ တကယ်တမ်းလုပ်ကြံမယ့်နေ့မှာ ထင်မှတ်မထားတဲ့အဖြစ်အပျက်တစ်ခုဖြစ်သွားပြီးမန်ချက်တေးဟာ ပြည်နယ်ကအလိုရှိနေတဲ့ တရားခံတစ်ယောက်ဖြစ်သွားပါတော့တယ်။ အဲဒီတော့ မန်ချက်တေးဟာ သူ့ရဲ့စွဲချက်တွေကို ဘယ်လိုဖြေရှင်းမလဲ။ အမတ်ကြီးရဲ့နောက်ကွယ်က ကြိုးကိုင်နေတဲ့သူကိုရော ဘယ်လိုဖော်ထုတ်သွားမလဲဆိုတာကိုကြမ်းတမ်းတဲ့အက်ရှင်ခန်းတွေနဲ့ ကြည့်ရှုခံစားရမှာပါ။ (အဖော်အချွတ်အခန်းတချို့ကြောင့် မိသားစုနဲ့အတူမကြည့်သင့်ပါဘူး) ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ညသန်းခေါင်မှာ လူတချို့ ကြောက်ကြောက်လန့်လန့်နဲ့ပုန်းလျှိုကွယ်လျှိုသွားလာနေကြတယ်။ ဒါပေါ့ သူတို့ကိုမြင်သွားတာနဲ့ အသတ်ခံရမှာကိုး။ အဲဒါကတော့ အငတ်ဘေးဆိုက်နေတဲ့ စပိန်နိုင်ငံရဲ့အခြေအနေကို စပိန်အစိုးရဖြေရှင်းပေးလိုက်တဲ့ သောက်ကျိုးနည်း စီမံကိန်းကြီးပဲပေါ့။ အသက်ကြီးတဲ့သူတွေကို သတ်ပြီး စားနပ်ရိက္ခာလျှော့ချဖို့လုပ်တယ် ။အဆင်မပြေသေးတော့ ကလေးတွေနဲ့ အမျိုးသမီးတွေအလှည့်ပေါ့။ ဒီတော့ လူတွေက ပုန်းပြီးနေကြရတယ်။ တချို့ကတော့ သင်္ဘောကွန်တိန်နာထဲပုန်းလိုက်ပြီး ထွက်ပြေးကြတာပေါ့။ မီရာဆိုတဲ့နေ့စေ့လစေ့ကိုယ်ဝန်သည်လေးကလည်း သူ့ယောကျာ်းနဲ့အတူ ကွန်တိန်နာထဲခိုးလိုက်ပြီး ထွက်ပြေးကြတာပေါ့။ ဒါပေမဲ့ သင်္ဘောပေါ်ကို မီရာတစ်ယောက်တည်းရောက်သွားခဲ့ပြီး သူစီးသွားတဲ့ သင်္ဘောက မှောက်သွားခဲ့တယ်။ သမုဒ္ဒရာကြီးထဲမှာ ကွန်တိန်နာတစ်လုံးထဲက မီးဖွားခါနီးအမျိုးသမီးတစ်ယောက် ဘယ်လိုများအန္တရာယ်တွေကိုရင်ဆိုင်မလဲ.... ဇာတ်လမ်းအညွှန်းနဲ့ ဘာသာပြန်သူကတော့ marip pan ဖြစ်ပါတယ်။