လူကြည့်များသော ရုပ်ရှင်များ

စုံထောက်ဇာတ်လမ်းပရိတ်သတ်တွေရင်ထဲမှာ အမြဲနှစ်ခြိုက်ကြတဲ့ စုံထောက်ကြီးတစ်ယောက် ရှိပါတယ်။ သူကတော့ စာရေးဆရာကြီး အဂ္ဂါသာခရစ်စတီး ဖန်တီးရေးသားခဲ့တဲ့ စုံထောက်ဝတ္ထုတွေရဲ့ဇာတ်ကောင် စုံထောက်ကြီး ဟာကျူလီပွဲရိုးပဲဖြစ်ပါတယ်။ ဒီစုံထောက်ကြီးရဲ့ ဇာတ်လမ်းတွေ အများကြီးထဲကမှ 1969 ခုနှစ်က ရေးခဲ့တဲ့ ဟောလိုဝင်းပါတီဆိုတဲ့ ဇာတ်လမ်းကို အကြမ်းဖျဉ်းလေးအခြေခံပြီး ရုပ်ရှင်အဖြစ် ရိုက်ကူးတင်ဆက်ထားတဲ့ A Hunting in Venice ရုပ်ရှင်ဇာတ်ကားကို ဟောလိုဝင်းရာသီစာအဖြစ် တင်ဆက်ပေးလိုက်ပါတယ်။ စုံထောက်ကြီးပွဲရိုးဟာ စုံထောက်ပီပီ ဘုရားမယုံ၊ သရဲမယုံ၊ ဆင်ခြင်တုံတရားနဲ့ သိနိုင်တဲ့ အချက်အလက်တွေကိုပဲ ယုံကြည်တဲ့သူတစ်ဦးပါ။ အနားယူနေတဲ့ ပွဲရိုးကို အစဆွဲခေါ်ပြီး ဗင်းနစ်မြို့က သရဲခြောက်တဲ့ အိမ်ကြီးမှာ လုပ်မယ့် ဟောလိုဝင်းပွဲကို စာရေးဆရာမတစ်ယောက်ကဖိတ်ချလာခဲ့ပါတယ်။ အဲဒီအိမ်ကြီးမှာလုပ်တဲ့ နတ်ကနားပွဲအပြီးမှာပဲ နတ်ဝင်သည်က ထူးထူးဆန်းဆန်းသေဆုံးသွားခဲ့တော့ စုံထောက်ကြီး ပွဲရိုးလည်း ပညာစွမ်းပြရပါတော့တယ်။ တစ်ညအတွင်းမှာပဲ အမှုကို ဘယ်လိုဖော်ထုတ်သွားမလဲ။ နတ်ဝင်သည်ကရော ရိုးရိုးတန်းတန်းသေရတာလား။ သရဲတွေကြောင့်များလား။ ဇာတ်လမ်းအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။

ဒီတစ်ခေါက် ဇာတ်ကားလေးကတော့ သရဲကားမဟုတ်ဘဲ နတ်ဆိုးအကြောင်းကို ရိုက်ကူးထားတဲ့ 2010 က ထွက်ရှိခဲ့တဲ့ Devil ဆိုတဲ့ ဇာတ်ကားလေးပဲ ဖြစ်ပါတယ်။ သူတို့ လက်ခံယုံကြည်ထားကြတာက နတ်ဆိုးဆိုတာ အပြစ်ရှိတဲ့လူတွေကို အမြဲတမ်း အတူစုပြီး လူအသွင်ဟန်ဆောင်ကာ နှိပ်စက်တတ်တဲ့သူမျိုးပါ။ ဒီဇာတ်ကားလေးထဲမှာလဲ လောကမှာ အပြစ်တွေနဲ့ နေထိုင်နေကြတဲ့ လူ၅ယောက် ‌ဓာတ်လှေကားတစ်ခုတည်းမှာ အတူတူစုမိပြီး ဒုက္ခတွေ ကြုံ‌တွေ့ခဲ့ရပါတယ်။ တစ်ယောက်ပြီး တစ်ယောက် သေဆုံးကြရပြီး ဘယ်သူက သတ်မှန်းမသိ အချင်းချင်း သံသယတွေ ဝင်လာကြရင်း နောက်ဆုံးမှာ နတ်ဆိုးဆိုတာ ဘယ်သူဆိုတာ သိကြရမှာမို့လို့ အဆုံးထိ စိတ်ဝင်တစားကြည့်ရှုရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမျိုးကို မြန်မာမှာလဲ ပြန်ရိုက်ကူးထားတာရှိပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

၁၉၉၀ ခုနှစ်ကထွက်ရှိခဲ့တဲ့ Swordsman ရဲ့ အဆက်ဖြစ်တဲ့ Swordsman II ကိုတော့ ၁၉၉၂ခုနှစ်မှာ ထုတ်လွှင့်ခဲ့ပါတယ်။ ဒီကားထဲမှာတော့ လင်း(ဂျက်လီ)က သူ့ရဲ့သူငယ်ချင်းတွေနဲ့အတူ လူတွေနဲ့ဝေးရာအရပ်မှာ အေးအေးချမ်းချမ်းနေဖို့ ခရီးထွက်လာခဲ့ပေမဲ့ လမ်းတစ်ဝက်က စားသောက်ဆိုင်မှာ သူ့မိတ်ဆွေ မျိုးနွယ်စုတစ်ခုနဲ့ ဆုံကြဖို့ ချိန်းထားပါတယ်။ ဒါပေမဲ့ မျိုးနွယ်စုခေါင်းဆောင် ကိုဂျပန်အလေအလွင့်အုပ်စုနဲ့ပူးပေါင်းထားတဲ့ ဂိုဏ်းတစ်ခုက တိုက်ခိုက်လာတဲ့အခါ အတိုက်အခိုက်တွေထဲဝင်မပါချင်တဲ့ လင်းနဲ့သူ့အဖွဲ့ဟာ မနေနိုင်ဘဲ ဝင်ကူညီလိုက်ရာကနေ တိုင်းပြည်ရေးနဲ့ အာဏာလုယက်မှုဝဲဂယက်ကြားထဲ ဘယ်လိုအန္တရာယ်တွေနဲ့ ကြုံတွေ့ပြီး ဖြတ်ကျော်ရဦးမလဲဆိုတာကို ဂျက်လီရဲ့သိုင်းကွက်ဆန်းတွေနဲ့အတူ စီးမျောခံစားကြည့်လိုက်ရအောင်။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီဇာတ်ကားလေးက Action, Crime, Thriller အမျိုးအစားဖြစ်ပါတယ်။ ဇာတ်လမ်းအကျဉ်းကတော့ ရဲအရာရှိဂျိတ်ခ်ဟာ K-9 တပ်ဖွဲ့က ခွေးထိန်းတစ်ယောက်ပါ။ တစ်နေ့မှာတော့ မူးယစ်ဆေးဝါးရှာဖွေရေးမစ်ရှင်လုပ်ဆောင်ရင်း သူအရမ်းချစ်ရတဲ့ ခွေးလေးအေ့စ်က ပစ်သတ်ခံလိုက်ရပါတယ်။ ဂျိတ်ဟာ အဲဒီကိစ္စနဲ့ပတ်သက်ပြီး အရမ်းစိတ်ထိခိုက်ခဲ့ရသလို ဌာနတွင်းစုံစမ်းစစ်ဆေးခံရပြီး တာဝန်ကနေ ယာယီရပ်ဆိုင်းခံလိုက်ရပါတယ်။ ဒါပေမဲ့ ဂျိတ်ဟာ လုံးဝလက်မလျှော့ပဲ သူ့ခွေးလေးကို သတ်သွားတဲ့လူတွေကို ဘယ်လိုရှာဖွေဖော်ထုတ်မလဲဆိုတာကို စိတ်ဝင်တစားကြည့်ရှုခံစားရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

The Nun လို Vibe မျိုးကိုခံစားရစေမဲ့ စပိန်သီလရှင် Horror ကားတစ်ကားကိုတင်ဆက်ပေးချင်ပါတယ်။သီလရှင်ဆိုပေမဲ့လဲ The Nun တို့ Universe နဲ့လုံးဝမသက်ဆိုင်ပဲနဲ့ 2017 တုန်းကထွက်ရှိခဲ့တဲ့ Veronica ဆိုတဲ့ဇာတ်ကားထဲမှာပါဝင်တဲ့မျက်လုံးကွယ်နေတဲ့သီလရှင်ကြီးရဲ့ဇာတ်ကြောင်းကိုတင်ဆက်ထားတာပဲဖြစ်ပါတယ်။IMDb မှာ Rating 5.8 ရရှိထားပြီးကြည့်ရတာမဆိုးဘူးဆိုတဲ့ထဲမှာပါပါတယ်။နာကီဆာလို့ခေါ်တဲ့စစ္စတာတစ်ယောက်ကစစ်ပွဲတုန်းကပျက်စီးသွားခဲ့ပြီးဆင်းရဲနွမ်းပါးတဲ့မိန်းကလေးတွေအတွက်ကျောင်းတစ်ကျောင်းအဖြစ်ပြန်လည်တည်ဆောက်ထားတဲ့သီလရှင်ကျောင်းတစ်ကျောင်းမှာစာသင်ပေးဖို့အတွက်ရောက်ရှိလာခဲ့ပါတယ်။စစ္စတာနာကီဆာကငယ်စဉ်ကမယ်တော်မာရိနဲ့ပတ်သတ်တဲ့အံ့သြဆန်းကြယ်ဖွယ်ရာအရာတွေကိုကြုံတွေ့ခဲ့ရပြီးနာမည်ကြီးခဲ့သူတစ်ယောက်ပဲဖြစ်ပါတယ်။ဒီလိုနဲ့ကျောင်းမှာစာသင်နေရင်းနဲ့ကလေးတွေပြောပြတဲ့ကြောက်မက်ဖွယ်ကောင်းတဲ့အရာတစ်ခုကိုကြားခဲ့ပြီးရနောက်မှာစစချင်းတုန်းကတော့စစ္စတာနာကီဆာကမယုံကြည်ခဲ့ပါဘူး။ဒါပေမယ့်သူကိုယ်တိုင်အဲ့ဒီအရာကိုစမ်းသပ်ကြည့်ပြီးတဲ့နောက်မှာတော့ဘယ်လိုကြောက်မက်ဖွယ်ရာကောင်းပြီး စိတ်ဝင်စားဖို့ကောင်းတဲ့အရာတွေကိုကြုံတွေ့ရမလဲဆိုတာကြည့်ရှုရမဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

ဇာတ်လမ်းအကျဉ်းလေးကတော့ ရိုမန်စစ်သူကြီးတစ်ဦးက Iceniဆိုတဲ့ တိုင်းပြည်အသေးလေးကဘုရင်Prasutagusကိုသတ်ပစ်လိုက်ပြီး ဘုရင်မနဲ့ သမီးတွေကိုတော့ ရိုမန်အင်ပါယာကိုပုန်ကန်သူအဖြစ် သတ်မှတ်လိုက်ကာ အကျဉ်းချနှိပ်စက်သတ်ဖြတ်ဖို့လုပ်ပါတယ်။ ဘုရင်မရဲ့ မျိုးနွယ်စုဟောင်းတွေဖြစ်တဲ့ ဘာဘေးရီးယန်းလူမျိုးစုက ဘုရင်မကိုလာရောက်ကယ်ဆယ်သွားပြီး Boudicaဆိုတဲ့ ဘုရင်မအဖြစ် တင်မြှောက်လိုက်ကြပါတယ်။ အဲ့လိုနဲ့ပဲ ဘုရင်မ Boudicaဟာ သူ့ယောကျ်ားကိုသတ်သွားတဲ့လူတွေကိုလက်စားချေပြီး ရိုမန်အင်ပါယာကြီးကိုပါ တိုက်ထုတ်ဖို့ကြိုးစားရင်း အောင်မြင်သွားမလားဆိုတာကိုတော့ ဇာတ်လမ်းလေးကိုကြည့်ရှုခံစားလိုက်ကြပါအုံး.... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်။

Horror သမားမှန်သမျှ H. P. Lovecraft နဲ့ ကင်းတဲ့သူမရှိလို့ ပြောရလောက်အောင်ပါပဲ။ Horror Theme ကိုသွားကြတဲ့ စာပေ၊ ဂီတ၊ ရုပ်ရှင်၊ ပန်းချီသမားအများစုဟာ သူ့ရဲ့ ဩဇာအရိပ်အငွေ့နဲ့ တနည်းနည်းပတ်သက် နေကြပါတယ်။ Mike Mignola တို့ Stephen King တို့ စသဖြင့် နာမည်ကျော်တွေတန်းစီရွတ်ရင် ကုန်တော့မှာ မဟုတ်ပါဘူး။ ခုနောက်ပိုင်းထွက်တဲ့ Horror ရုပ်ရှင် အများစုကို အရင်တုန်းကကားတွေနဲ့ ယှဉ်ပြီး စိတ်သဘောမခွေ့စရာ များနေကြတဲ့ Horror ရုပ်ရှင်ချစ်သူများအတွက် 2023 October 27 ကမှ ထွက်ရှိထားပြီး H. P. Love Craft ရဲ့ ၁၉၃၇ ခုနှစ်က ဝတ္ထုတိုတစ်ပုဒ်ကို အခြေခံပြီး ရိုက်ကူးထားတဲ့ Suitable Flesh ဇာတ်ကားကတော့ အကြိုက်တွေ့စေမှာ သေချာပါတယ်။ အလုပ်နဲ့ မိသားစုဘဝ အချိန်ခွဲမပေးနိုင်ပဲ စိတ်ဖိစီးမှုများနေတဲ့ စိတ်ရောဂါကု ဆရာဝန်တစ်ယောက်ဟာ သူ့ရဲ့ လူနာတွေထဲက တစ်ယောက်နဲ့ပတ်သက်ပြီး အရမ်းကို စွဲလမ်းသွားမိပါတယ်။ အဲဒီလူနာဟာ သာမန်စိတ်ရောဂါသည် မဟုတ်ပဲ ရှေးဟောင်းကျိန်စာဆိုးတစ်ခုနဲ့ ဆက်စပ်နေတာကို သူရိပ်မိသွားတဲ့အခါမှာတော့.... ဇာတ်ကားအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။

ဒီဇာတ်ကားလေးက ဇာတ်လမ်းအဆုံးကို သိချင်စိတ်နဲ့ ဖြည်းဖြည်းချင်းဆွဲခေါ်သွားမယ့် Thriller အမျိုးအစားဇာတ်လမ်းလေးပါ။ ဇာတ်လမ်းအကျဉ်းကတော့ အမေရိကန်ခရီးသွားတွေဖြစ်တဲ့ လစ်ဖ်နဲ့ဟန်နာတို့ဟာ ခရီးထွက်ရင်း ပိုက်ဆံပြတ်သွားတော့ အလုပ်တွေလိုက်ရှာရပါတော့တယ်။ ဒီလိုနဲ့ အေဂျင်စီတစ်ခုရဲ့ချိတ်ဆက်ပေးမှုကြောင့် ဩစတေးလျနိုင်ငံထဲက ဝေးလံခေါင်သီတဲ့ နေရာတစ်ခုမှာဖွင့်ထားတဲ့ အရက်ဆိုင်မှာ အလုပ်လုပ်ဖို့အကြောင်းဖန်လာခဲ့ပါတယ်။ အဲဒီနေရာက သတ္တုတွင်းကြီးတစ်ခုနားမှာဖြစ်ပြီး အများစုကတော့ စရိုက်ကြမ်းတဲ့ သတ္တုတွင်းအလုပ်သမားတွေပေါ့။ လစ်ဖ်နဲ့ဟန်နာတို့ဟာ ရွေးချယ်စရာမရှိတော့လို့ ဒီအလုပ်ကို သည်းခံပြီးလုပ်ရင်း ပိုက်ဆံရတာနဲ့ထွက်မယ်လို့ စဉ်းစားထားခဲ့ပေမယ့် တကယ်တမ်း အဲဒီကိုရောက်သွားတော့ သူတို့ထင်သလိုမဟုတ်ခဲ့ပါဘူး။ အဲဒီတော့ ငယ်ရွယ်ချောမောတဲ့မိန်းမလှလေးနှစ်ယောက်ဟာ ဝေးလံခေါင်သီတဲ့နေရာက အရက်ဆိုင်လေးမှာအလုပ်လုပ်ရင် ဘယ်လိုအန္တရာယ်တွေနဲ့ ကြုံတွေ့ရမလဲဆိုတာကိုစိတ်ဝင်တစားကြည့်ရှုခံစားရမှာပါ။ (Nude Sense တချို့နဲ ကြမ်းတမ်းတဲ့စကားလုံးအသုံးအနှုန်းတွေကြောင့် မိသားစုနဲ့အတူမကြည့်သင့်ပါဘူး) ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

၂၀၁၆ ခုနှစ်တုန်းက ထွက်ရှိခဲ့တဲ့ ထိုင်း Thai Action, Fantasy, Thriller ဇာတ်ကားတစ်ကားဖြစ်တဲ့ Khun Pan ဟာ ပုလိပ်အရာရှိတစ်ဦးရဲ့ ဘဝဇာတ်ကြောင်းကို အခြေခံထားတာပါ။ ဒုတိယကမ္ဘာစစ်ကာလက အစိုးရပိုင်ကျွန်းတစ်ကျွန်းပေါ်မှာ လူတိုင်းလိုလိုက ဒုစရိုက်သမား၊ တောပုန်းတွေဖြစ်နေကြချိန် လျို့ဝှက် စစ်ဆင်ရေးတာဝန် သွားရောက်ထမ်းရွက်ရတဲ့ ပုလိပ်အရာရှိရဲ့ ဇာတ်ကြောင်းကို ကြည့်ရှုရမှာဖြစ်ပါတယ်။ မင်းသားရော လူဆိုးရောက မှော်အစွမ်းတွေနဲ့ ကျည်ပြီး တုတ်ပြီး ဓါးပြီးနေကြတာဆိုတော့ ဘယ်သူက ဘယ်သူ့ကို ဘယ်လိုအနိုင်ယူမှာလဲဆိုတာ...။ ၂၀၁၆ ခုနှစ်ထွက် ထိုင်းကားတွေထဲမှာ တတိယဝင်ငွေအများဆုံးကားဖြစ်ခဲ့ပြီး Best Supporting Actor, Best Visual Effects, Best Costume Design, Best Makeup Effects ဆုတွေရရှိခဲ့တဲ့ ဇာတ်ကားလည်း ဖြစ်ပါတယ်။ ဇာတ်ကားအညွှန်းနဲ့ ဘာသာပြန်သူကတော့ Masuji Ono ဖြစ်ပါတယ်။

သည်းထိတ်ရင်ဖို့ဇာတ်လမ်းတွေကို ကြိုက်နှစ်သက်သူတွေအဖို့ Horror, Thriller အမျိုးအစား ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ အဲလစ်ဟာ သူ့ရဲ့လုပ်ဖော်ကိုင်ဖက် သူငယ်ချင်းနဲ့အတူ အစည်းအဝေးတစ်ခုကနေ အိမ်ကိုပြန်လာတဲ့အချိန်မှာ အမြန်လမ်းကပိတ်ထားတဲ့အတွက် ကားအသွားအလာ သိပ်မရှိတဲ့ ၅၉ လမ်းကနေ လာခဲ့ရပါတယ်။ လမ်းခုလတ်ရောက်တော့ ဓာတ်ဆီဆိုင်တစ်ဆိုင်မှာ ကားကိုဆီဝင်ဖြည့်ရင်း အဲလစ်က လိုအပ်တာတွေဝယ်ဖို့ စတိုးဆိုင်ထဲကိုဝင်သွားခဲ့ပါတယ်။ အဲဒီအချိန်မှာပဲ ဘယ်ကနေပစ်လိုက်မှန်းမသိတဲ့ ကျည်တစ်တောင့်က အဲလစ်ရဲ့လက်မောင်းကို ထိမှန်သွားပါတယ်။ အဲဒီအချိန်ကစပြီး အဲလစ်ဟာ သေနတ်သမားကြောင့် စတိုးဆိုင်ထဲကနေထွက်လို့မရတော့ပဲ ပိတ်မိနေပါတော့တယ်။ အဲဒီတော့ သေနတ်သမားက အဲလစ်ကို ဘာဖြစ်လို့သတ်ချင်နေရတာလဲ။ နောက်ကွယ်မှာ ဘယ်လိုအကြောင်းအရာတွေရှိနေမလဲ။ အဲလစ်ကရော အမဲလိုက်ခံရတဲ့ညကနေ ဘယ်လိုလွတ်မြောက်အောင် ကြိုးစားမလဲဆိုတာကို ရင်တထိတ်ထိတ်နဲ့ကြည့်ရှုခံစားရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ကစ္စတန်က အရေးအခင်းကာလကို ဖော်ပြရိုက်ကူးထားတဲ့ ဇာတ်ကားလေးတစ်ကားဖြစ်ပါတယ်။ သာရာဆင်းဆိုတဲ့ ရဲဘော်တစ်ဦးဟာ စစ်ပွဲ သပိတ်ပွဲ‌တွေကြားထဲကနေ ရုန်းထွက်ပြီး မိသားစုနဲ့‌သာယာပျော်ရွှင်တဲ့ဘ၀လေးမှာပဲ နေထိုင်ချင်တဲ့သူတစ်ဦးဖြစ်ပါတယ်။သို့ပေမယ့် ရှောင်လွှဲမရတဲ့စစ်ပွဲတွေကြောင့် တိုက်ပွဲထဲကို ၀င်ရောက်ကူညီဖို့ဆုံးဖြတ်ခဲ့ရပါတော့တယ်။သာရာဆင်းဟာ ဒီတိုက်ပွဲတွေကြားထဲကနေပဲရုန်းထွက်နိုင်မလား သူ့မိသားစုနဲ့သာယာပျော်ရွှင်တဲ့မိသားစုလေးတစ်စုအဖြစ် နေထိုင်သွားနိုင်မလားဆိုတာကို ဖော်ပြပေးထားတဲ့ ဇာတ်ကားကောင်းလေးပဲဖြစ်ပါတယ်။မိသားစုနဲ့ တိုင်းပြည်တာ၀န်ကြားမှာ ပိတ်မိနေတဲ့ ရဲဘော်တစ်ယောက်ရဲ့ဘ၀ကို အသားပေးရိုက်ကူးထားတဲ့ဇာတ်ကားကောင်းလေးဖြစ်တာကြောင့် ဇာတ်ကားလေးကိုအပြည့်အ၀နားလည်စေရန် ကြည့်ရှုပေးကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Aida ဖြစ်ပါတယ်။

ဒီတစ်ခါမိတ်ဆက်ပေးချင်တဲ့ဇာတ်ကားလေးကတော့ Kevin Minor နဲ့ Matthew Minor တို့ရဲ့ No Rest of the Wicked: Dead Man's Hand ရုပ်ပြဝတ္ထုကို အခြေခံပြီး ပြန်လည်ရိုက်ကူးထားတဲ့ ကောင်းဘွိုင်ဇာတ်ကားလေးဖြစ်ပါတယ်။ ဇာတ်လမ်းအကျဉ်းကတော့ ကြင်စဦးဇနီးမောင်နှံတွေဖြစ်တဲ့ ရီနိုနဲ့ဗီးဂတ်စ်တို့ဟာ နီဗားဒါးမြို့မှာ မြေကွက်လေးဝယ်ပြီး အရက်ဆိုင်ဖွင့်မယ်ဆိုတဲ့စိတ်ကူးနဲ့ ထွက်လာခဲ့ရာက လမ်းခုလတ်အရောက်မှာ ဓားပြတွေနဲ့ရင်ဆိုင်ခဲ့ရပြီး ရီနိုရဲ့လက်ချက်နဲ့ ဓားပြတွေအားလုံး သေဆုံးသွားခဲ့ပါတယ်။ ရီနိုက အလောင်းတွေကိုပစ်မထားခဲ့ချင်တဲ့အတွက် လှည်းနဲ့ဆွဲလာခဲ့ပြီး မြို့တစ်မြို့မှာ ခရီးတစ်ထောက်ဝင်နားခဲ့ပါတယ်။ ဖြစ်ချင်တော့ ရီနိုသတ်လိုက်တဲ့ဓားပြတွေထဲက တစ်ယောက်ဟာ မြို့တော်ဝန်ဘစ်ရှော့ရဲ့ညီလေးဖြစ်နေပါတယ်။ အဲဒီတော့ ရီနိုနဲ့ဗီးဂတ်စ်တို့တာ မျှော်လင့်မထားတဲ့ပြဿနာတွေကြားမှာ ဘယ်လိုလွတ်မြောက်အောင် ကြိုးစားကြမလဲဆိုတာကို စိတ်ဝင်တစားကြည့်ရှုခံစားရမှာဖြစ်ပါတယ်။ (18+ ဇာတ်ဝင်ခန်းအချို့ ပါဝင်ပါတယ်။) ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ဒီတစ်ခေါက်မှာတော့Teluguအက်ရှင်ကားတွေကို ကြိုက်နှစ်သက်သူတွေအတွက် Ramabanamဆိုတဲ့၂၀၂၃ထွက်အက်ရှင်ဒရာမာကို တင်ဆက်ပေးလိုက်ပါတယ် ညီအကိုတွေဖြစ်ပေမဲ့ခံယူချက်ချင်းမတူကြတဲ့ ရာဂျာရမ်နဲ့ဗစ်ကီဟာငယ်ငယ်တုန်းက အချင်းများကြပြီးဗစ်ကီတစ်ယောက် မိသားစုကိုထားပစ်ခဲ့ကာ၁ယောက်တည်း ကိုလ်ကာတာကိုရောက်လာပါတယ် နဂိုကတည်းကကိုယ့်ကိုလာထိရင်ခေါင်းငုံ့မခံပဲ ပြန်တုံ့ပြန်တဲ့ဗစ်ကီဟာ သူ့အစ်ကိုဖြစ်သူရဲ့စကားကြောင့် မခံချင်စိတ်နဲ့ကြိုးစားရင်းချမ်းသာလာပါတော့တယ် ၁၄နှစ်ကြာပြီးနောက်သူ့ရည်းစားဖြစ်သူဘိုင်ရာဗီ့ကိုအစပြုလို့ သူ့မိသားစုဆီပြန်ဖို့ကံကြမ္မာဖန်လာချိန်မှာတော့ ဗစ်ကီတစ်ယောက်အစ်ကိုဖြစ်သူမိသားစုဆီ ပြန်သွားရပြီး သူပြန်ရောက်သွားချိန်မှာလည်း အစ်ကိုဖြစ်သူရဲ့ရိုးသားဖြောင့်မတ်တဲ့စိတ်ဓာတ်ကြောင့် သူလုပ်ငန်းအမှန်ကိုမသိစေပဲ ဖုံးကွယ်နေထိုင်နေရပါတော့တယ် တစ်နေ့မှာတော့ အစ်ကိုဖြစ်သူမိသားစုဟာလည်း သူ့ကိုကိစ္စကြီးတစ်ခုဖုံးကွယ်ထားတယ်ဆိုတာကို သိသွားချိန်မှာတော့ ဗစ်ကီ၁ယောက်ဘာတွေဆက်လုပ်မလဲ ညီဖြစ်သူရဲ့အလိမ်ညာကိုရာဂျာရမ်သိရှိသွားချိန်မှာလည်း ညီအကိုကြားစိတ်ဝမ်းကွဲသွားပြီးနောက် သူတို့မိသားစုကိုချောင်းနေတဲ့ရန်သူတွေရဲ့ အကြံစည်တွေကြားထဲမှာ သူတို့ဘယ်လိုလူးလိမ့်တောင့်ခံကြမလဲ အစရှိသဖြင့်ရင်ခုန်စိတ်လှုပ်ရှားစွာကြည့်ရှု့ရမှာဖြစ်ပြီး ညီအကိုကြားကချစ်မေတ္တာကိုပါကြ်ည်နူးစွာ တွေ့မြင်ရမှာဖြစ်ပါတယ်... ဒီကားအညွန်းနဲ့ဘာသာပြန်သူကတော့ Khin Khin ဖြစ်ပါတယ်...

2023 မှာပဲထွက်ရှိထားတဲ့ India Horror ဆန်ဆန်ဇာတ်ကားလေးကြည့်ရှုလို့ရပါပြီ။ ဒစ်ရှာဆိုတဲ့ကောင်မလေးဟာ ယူဗန်ဆီကိုလာတွေ့ချိန် မတော်တဆမှုတစ်ခုကြောင့် မိဘတွေဟာပွဲချင်းပြီးအသက်ဆုံးရှုံးခဲ့ရပြီး သူမဟာလည်း စိတ်ဒဏ်ရာရကာ မှတ်ဉာဏ်အချို့ဆုံးရှုံးခဲ့ရတဲ့အထိဖြစ်ခဲ့ပြီး စကားမပြောနိုင်တော့တဲ့အထိဖြစ်သွားခဲ့ရပါတယ်။ယူဗန်နဲ့ လက်ထပ်ဖြစ်သွားတဲ့သူမဟာ အဖွားရဲ့သေတမ်းစာအရ မြေ၄၀ ဧကနဲ့ စံအိမ်ကြီးတစ်အိမ်ကိုပါ အမွေရရှိခဲ့ပါတယ်။သူမတို့လင်မယားလက်ထက်ပြီးလို့ မင်္ဂလာလက်ဖွဲ့ပစ္စည်းမှာ ရှေးဟောင်းနာရီတစ်လုံးလည်းပါလာခဲ့ပါတယ်။ကံခေလှတဲ့သူမဟာ စံအိမ်ကြီးဆီပြောင်းရွှေ့လာခဲ့မှ ထူးဆန်းတဲ့ဖြစ်ရပ်ဆန်းတွေကို တွေ့ကြုံလာရပြီးတော့ သူမခင်ပွန်းကိုမပြောပြနိုင်ဖြစ်ခဲ့ကာ သူ‌မတွေ့ကြုံခံစားနေရတဲ့ ထူးဆန်းထွေလာဖြစ်ရပ်ဆန်းတွေက စံအိမ်ကြီးနဲ့သက်ဆိုင်နေမလား ရှေးဟောင်းနာရီကြီးကပဲ စံအိမ်ကြီးကိုထိန်းချုပ်ထားတာလား ဒီကိစ္စတွေကို သူတို့လင်မယားဘယ်လိုဖြေရှင်းပြီး ‌ဒီအခြေအနေဆိုးကြီးကနေ ဘယ်လိုရုန်းထွက်လာမလဲဆိုတာ ဆက်လက်ကြည့်ရှုပေးကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Ingyin Phyu ဖြစ်ပါတယ်။

ဇာတ်လမ်းအကျဉ်းလေးကတော ဂျွန်မာတက်ပိုင်ဆိုင်တဲ့ ပဟေဠိကျွန်းပေါ်မှာ တစ်ကြိမ်တွေ့ဆုံမှုလုပ်တိုင်း ဘယ်သူသတ်တာလဲဆိုတဲ့ ကစားပွဲကို ကစားကြပါတယ်။ အဲ့ကစားပွဲကတော့ ကျွန်းပေါ်ကိုရောက်လာတဲ့ လူတိုင်းက အဲ့ကျွန်းမှာသေသွားတဲ့လူတစ်ယောက်ကိုသတ်တဲ့တရားခံကို ဖော်ထုတ်နိုင်ရမှာပါ။ အဲ့လိုနဲ့ ပဟေဠိကျွန်းတည်ထောင်ပြီး ၇နှစ်ပြည့် နှစ်ပါတ်လည်နေ့မှာလုပ်မယ့်ကစားပွဲမှာ အဲ့ကျွန်းပိုင်ရှင် ဂျွန်မာတက်တစ်ယောက်ကိုယ်တိုင် အမှန်တစ်ကယ်သေသွားတဲ့အချိန်မှာတော့ အရင်လိုကစားပွဲသပ်သပ်မဟုတ်တော့ပဲနဲ့ တစ်ကယ့်လူသတ်သမားကို ရှာဖွေရပါတော့တယ်။ အဲ့လိုနဲ့ပဲ တစ်ကယ့်လူသတ်သမားက ဘယ်သူလဲ ဘာကြောင့်သတ်တာလဲဆိုတာကိုတော့ ဇာတ်လမ်းလေးကိုကြည့်ရှုခံစားအားပေးကြပါအုံး.... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်။

ဒီတစ်ခါ မိတ်ဆက်ပေးမယ့် ကားက အာကာသထဲမှာ မထင်မှတ်ဘဲ သံယောစဉ်တွယ်မိသွားတဲ့ ကပ်ပတိန်နဲ့ လက်ထောက်တို့ရဲ့ ရိုဆန်ဆန်ဇာတ်လမ်းလေးပါ။ အာဒမ်နဲ့ ဂျိန်းတို့က နာဆာက လွှတ်တင်တဲ့ ဒုံးကျည်နဲ့ လိုက်ပါလာပြီး အဆင်အသွယ်‌ပြတ်တောက်ကာ အာကာသထဲမှာ ၃နှစ်ကြာသောင်တင်နေခဲ့ပါတယ်။ အတူပါလာတဲ့ ဆေးမှူးခေါင်းဆောင်က သေသွားခဲ့ပြီး သူတို့၂ယောက်ပဲ နေ့တဓူ၀ လုပ်ရိုးလုပ်စဉ်တွေ လုပ်ရင်း အချိန်ကုန်နေခဲ့တာပေါ့။ နှစ်ယောက်လုံးက အိမ်ထောင်သည်တွေဖြစ်ပြီး လာကယ်မယ့် မျှော်လင့်ချက်မရှိတဲ့အခါ စိတ်ဖိစီးမှု သက်သာအောင် ဘာချည်နှောင်မှုမှ မပါတဲ့ sex လုပ်ဖို့ ဆွေးနွေးဆုံးဖြတ်ခဲ့ပါတယ်။ ကံကောင်းထောက်မစွာနဲ့ ကမ္ဘာမြေနဲ့ အဆက်အသွယ် ပြန်ရပြီး အိမ်ပြန်ရောက်လာတဲ့အခါမှာတော့....ကိုယ်စီလက်တွဲဖော်တွေနဲ့ ပြန်တွေ့ပြီး အရင်လို ပြန်နေဖို့ ကြိုးစားတာက အဆင်ပြေပါ့မလား... ဘယ်လို အဖုအထစ်လေးတွေ ကြုံရမလဲဆိုတာ ရှုစားလို့ရပါပြီ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

သရဲကားကြိုက်နှစ်သက်သူတွေအဖို့ အသစ်ထွက်ရှိလာတဲ့ ထိုင်းသရဲကားလေးနဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ ထိုင်းနိုင်ငံက ကျွန်းတစ်ကျွန်းပေါ်မှာ နေထိုင်သူအားလုံးဟာ ဟွန်ဖရုန်အရုပ်ကို ကိုးကွယ်ယုံကြည်ကြပါတယ်။ ဟွန်ဖရုန်အရုပ်ကို လူသေတွေရဲ့ပြာတွေနဲ့ပြုလုပ်ပြီး သစ်သားတွေနဲ့ ရုပ်တုကြီးတွေလုပ်ကာ ကိုးကွယ်ကြပါတယ်။ ထမ်ဟာ ဦးဇင်းဝတ်သွားနဲ့ သူ့အစ်ကိုနဲ့ အဆက်အသွယ်မရတာကြာတော့ အဲဒီကျွန်းပေါ်က ရွာလေးကို လိုက်လာခဲ့ပါတယ်။ ဘုန်းကြီးကျောင်းကိုသွားစုံစမ်းတော့ သူ့အစ်ကိုဟာ ဆရာတော်ကိုသတ်ပြီး ထွက်ပြေးသွားကတည်းက ဘာသတင်းမှမရတော့ဘူးလို့ သိလိုက်ရတဲ့အခါ ထမ်က လုံးဝမလက်ခဲ့ပါဘူး။ ဒီလိုနဲ့ သူ့အစ်ကိုရဲ့သတင်းကို ကိုယ့်ဟာကိုယ်စုံစမ်းမယ်လို့ ဆုံးဖြတ်ပြီး အဲဒီဘုန်းကြီးကျောင်းမှာပဲ ဆက်နေခဲ့ပါတယ်။ ဒါပေမဲ့ ထူးဆန်းတာက ထမ် အဲဒီရွာကိုရောက်လာကတည်းက ရွာထဲမှာ မကောင်းတဲ့ကိစ္စတွေတစ်ခုပြီးတစ်ခုဖြစ်လာပါတော့တယ်။ အဲဒီတော့ ထမ်ဟာ သူ့အစ်ကိုကိုပြန်ရှာတွေ့နိုင်ပါ့မလား။ ရွာထဲမှာဖြစ်နေတဲ့ကိစ္စတွေကရော သူ့အစ်ကိုပျောက်သွားတာနဲ့ ဆက်စပ်မှုရှိနေလားဆိုတာကို ရင်တထိတ်ထိတ်နဲ့ ကြည့်ရှုခံစားရမယ့် ဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်။

ငယ်စဉ်ကတည်းက ရှောင်လင်ဘုရားကျောင်းမှာ အတူတူကွန်ဖူးပညာသင်ရင်း ကြီးပြင်းလာကြတဲ့ ကျွင်းဘိုနဲ့ ထျန်းဘောင်... အကျင့်စရိုက်ချင်း လုံးဝမတူကြပေမဲ့ ကွန်ဖူးပညာမှာ နံပါတ်တစ်ဖြစ်ချင်တဲ့ရည်ရွယ်ချက်ကတော့ တူကြပါတယ်။ ဘုရားကျောင်းရဲ့ကွန်ဖူးပြိုင်ပွဲမှာ အမှားလုပ်မိသွားပြီး နှစ်ယောက်လုံး ကျောင်းကနေ နှင်ထုတ်ခံလိုက်ရပြီးတဲ့နောက် အပြင်လောကကြီးနဲ့ထိတွေ့လိုက်တဲ့အခါ ထျန်းဘောင်ကတော့ စည်းစိမ်အာဏာတွေကိုမက်မောပြီး ရက်စက်တဲ့အာဏာရှင်လက်အောက်ကို ဝင်သွားပြီး ကျွင်းဘိုကတော့ အာဏာရှင်ကို ဆန့်ကျင်ပုန်ကန်တဲ့ အရပ်သားတွေနဲ့ ကျန်နေရစ်ခဲ့ပါတယ်။ လျှောက်တဲ့လမ်းချင်း မတူကြတော့တဲ့ သူတို့နှစ်ယောက် တတ်ထားတဲ့ကွန်ဖူးပညာတွေကို ဘယ်သူက အကျိုးရှိရှိအသုံးချပြီး ဘယ်သူကတော့ မှားယွင်းတဲ့ရည်ရွယ်ချက်တွေနဲ့ လမ်းဆုံးရောက်သွားမလဲဆိုတာကို သူငယ်ချင်းနှစ်ယောက်ရဲ့ ရည်ရွယ်ချက် စိတ်ဓာတ်တွေနဲ့ နှိုင်းယှဉ်ပြထားတဲ့ ဇာတ်ကားကောင်းတစ်ကားဖြစ်ပါတယ်။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

SAW ဆိုတာနဲ့အခန်းထဲမှာလွှတစ်ချောင်းနဲ့လူနှစ်ယောက်အခန်းကိုပြေးမြင်မိတဲ့လူတွေအများကြီးရှိကြမှာပါ။သေချာမကြည့်ဖူးရင်တောင်မှအနည်းနဲ့အများဟိုနားဒီနားလေးမှာတွေ့ဖူးတဲ့လူတွေလဲအများကြီးရှိမှာပါပဲ။ဇာတ်လမ်းဇာတ်ကွက်တွေကအရမ်းကောင်းပြီးစိတ်ဝင်စားစရာကောင်းလွန်းတဲ့အပြင် ပါးစပ်အဟောင်းသားဖြစ်သွားအောင်လုပ်နိုင်တဲ့လှည့်ကွက်တွေလဲအများကြီးပါနေလို့ SAW ကားတွေကိုကြိုက်ကြတဲ့လူတွေလဲမနည်းပါဘူး။အခုမှာတော့ကျွန်တော်တို့ရဲ့ငယ်ဘဝကတည်းကနေထွက်ရှိခဲ့ပြီးအခုထက်ထိလဲမ Fail သေးပဲဇာတ်ရှိန်ကိုမကျသွားအောင်ထိန်းထားနိုင်တဲ့ SAW X ထွက်ရှိလာခဲ့ပါပြီ။SAW ပရိသတ်တွေ Horror/Thriller ပရိသတ်တွေအတွက်တော့သတင်းကောင်းပါပဲ။လက်ရှိ IMDb မှာ Rating 7 အထိရရှိထားပြီးဒီလိုမျိုး Sequel တွေအများကြီးထွက်ပြီးမ Fail သေးတဲ့ ပေါကားမဖြစ်သေးတဲ့ကားဆိုတာခပ်ရှားရှားပါပဲ။မကြည့်ရသေးတဲ့လူတွေအတွက်လဲရှေ့မှာထွက်ရှိခဲ့တဲ့ကားတွေကိုအရင်ပြန်ကြည့်ဖို့အကြံပေးချင်ပါတယ်။အဲ့ဒါမှဒီကားကိုကြည့်တဲ့အခါမှာအနှစ်သာရအပြည့်အဝကိုခံစားရမှာပါ။ဇာတ်လမ်းအကျဉ်းချုံးလေးပြောပြရရင်တော့ Jigsaw လို့သိကြတဲ့တစ်နေရာရာမှာချုပ်နှောင်ပြီးအသက်ရှင်သန်ဖို့ခက်ခဲတဲ့ရွေးချယ်မှုတွေကိုပေးပြီးမကောင်းတဲ့လူတွေကိုဆုံးမတတ်တဲ့နောက်ကွယ်ကဂျွန်ကဦးနှောက်ကင်ဆာနဲ့ဆုံးပါးဖို့နီးကပ်လာပြီဖြစ်ပြီး ကင်ဆာရောဂါတွေကိုအမြစ်ပြတ်ကုသပေးနိုင်တဲ့တရားမဝင်ကုသမှုကိုသွားလုပ်တဲ့အခါမှာမမျှော်လင့်ထားတဲ့အရာတွေဖြစ်လာပြီး သူအပြစ်ပေးရမဲ့လူတွေ

SAW ဆိုတာနဲ့အခန်းထဲမှာလွှတစ်ချောင်းနဲ့လူနှစ်ယောက်အခန်းကိုပြေးမြင်မိတဲ့လူတွေအများကြီးရှိကြမှာပါ။သေချာမကြည့်ဖူးရင်တောင်မှအနည်းနဲ့အများဟိုနားဒီနားလေးမှာတွေ့ဖူးတဲ့လူတွေလဲအများကြီးရှိမှာပါပဲ။ဇာတ်လမ်းဇာတ်ကွက်တွေကအရမ်းကောင်းပြီးစိတ်ဝင်စားစရာကောင်းလွန်းတဲ့အပြင် ပါးစပ်အဟောင်းသားဖြစ်သွားအောင်လုပ်နိုင်တဲ့လှည့်ကွက်တွေလဲအများကြီးပါနေလို့ SAW ကားတွေကိုကြိုက်ကြတဲ့လူတွေလဲမနည်းပါဘူး။အခုမှာတော့ကျွန်တော်တို့ရဲ့ငယ်ဘဝကတည်းကနေထွက်ရှိခဲ့ပြီးအခုထက်ထိလဲမ Fail သေးပဲဇာတ်ရှိန်ကိုမကျသွားအောင်ထိန်းထားနိုင်တဲ့ SAW X ထွက်ရှိလာခဲ့ပါပြီ။SAW ပရိသတ်တွေ Horror/Thriller ပရိသတ်တွေအတွက်တော့သတင်းကောင်းပါပဲ။လက်ရှိ IMDb မှာ Rating 7 အထိရရှိထားပြီးဒီလိုမျိုး Sequel တွေအများကြီးထွက်ပြီးမ Fail သေးတဲ့ ပေါကားမဖြစ်သေးတဲ့ကားဆိုတာခပ်ရှားရှားပါပဲ။မကြည့်ရသေးတဲ့လူတွေအတွက်လဲရှေ့မှာထွက်ရှိခဲ့တဲ့ကားတွေကိုအရင်ပြန်ကြည့်ဖို့အကြံပေးချင်ပါတယ်။အဲ့ဒါမှဒီကားကိုကြည့်တဲ့အခါမှာအနှစ်သာရအပြည့်အဝကိုခံစားရမှာပါ။ဇာတ်လမ်းအကျဉ်းချုံးလေးပြောပြရရင်တော့ Jigsaw လို့သိကြတဲ့တစ်နေရာရာမှာချုပ်နှောင်ပြီးအသက်ရှင်သန်ဖို့ခက်ခဲတဲ့ရွေးချယ်မှုတွေကိုပေးပြီးမကောင်းတဲ့လူတွေကိုဆုံးမတတ်တဲ့နောက်ကွယ်ကဂျွန်ကဦးနှောက်ကင်ဆာနဲ့ဆုံးပါးဖို့နီးကပ်လာပြီဖြစ်ပြီး ကင်ဆာရောဂါတွေကိုအမြစ်ပြတ်ကုသပေးနိုင်တဲ့တရားမဝင်ကုသမှုကိုသွားလုပ်တဲ့အခါမှာမမျှော်လင့်ထားတဲ့အရာတွေဖြစ်လာပြီး သူအပြစ်ပေးရမဲ့လူတွေ

1980 ခုနှစ်က ဖြစ်ရပ်မှန်အပေါ် အခြေခံထားတဲ့ သည်းထိတ်ရင်ဖိုမှတ်တမ်းရုပ်ရှင်ဖြစ်ပါတယ်။ နာမည်ကျော် အက်နဲ့လော်ရိန်းဝါရန်တို့ မောင်နှံလည်း ပါပါတယ်။ ဇာတ်လမ်းက ၁၁နှစ်အရွယ် ကောင်လေး ဒေးဗစ်ကို နတ်ဆိုး၀င်ပူးတာကနေ လူသတ်မှုပါ ဖြစ်လာတဲ့ true crime နဲ့ horror ရောထားတဲ့ရုပ်ရှင်.... ဒေးဗစ်ကို ကူညီပေးဖို့ အက်နဲ့လော်ရိန်းတို့ စုံတွဲရောက်လာတယ်။ ဓာတ်ပုံတွေ ဗီဒီယိုတွေ မှတ်တမ်းတင်ကြတယ်။ ဘုရားကျောင်းမှာ နတ်ဆိုးနှင်ကြတယ်။ နတ်ဆိုးက ဒေးဗစ်ရဲ့အကို အာနီက စိန်ခေါ်လို့ ဒေးဗစ်ဆီက ခွာပြီး အာနီ့ဆီပူးသွားတဲ့အခါ... အာနီက သူ့အိမ်ရှင် အယ်လန်ကို သတ်မိပြီး နတ်ဆိုးခိုင်းလို့ လုပ်ရတာပါလို့ ထွက်ဆိုတဲ့အခါ... အမေရိကမှာ ပထမဆုံး နတ်ဆိုးပူးတာပါဆိုပြီး ကာကွယ်ထွက်ဆိုတာဖြစ်တဲ့အတွက် အာနီ အပြစ်လွတ်မလွတ်ဆိုတာ စောင့်ကြည့်ရမှာပါ။ ဒီအဖြစ်နောက်ကွယ်မှာ နောက်ထပ် ဘယ်လို ဖြစ်ရပ်တွေရှိနေသေးတာလဲ နတ်ဆိုးပူးတာ ယုံကြည်သူနဲ့ မယုံကြည်သူတွေကြားက ကွဲလွဲမှုတွေကို ရှုစားရမှာပါ။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်....

အခုခေတ်မှာပြဇာတ်ကိုစိတ်ဝင်စားတဲ့လူတွေဆိုတာတော်တော်ကိုရှားသွားပါပြီ။ရှားသွားပြီဆိုပေမဲ့အခုထက်ထိပြဇာတ်ကိုစိတ်ဝင်စားပြီးရူးသွပ်နေတဲ့လူတွေလဲရှိကြတုန်းပါပဲ။တချို့ကျောင်းတွေမှာလဲပွဲလမ်းသဘင်တွေရှိရင်ပြဇာတ်တွေတိုက်ပြီးဖျော်ဖြေကြတာကိုမြင်ဖူးကြမှာပါ။ဒီကားလေးကလဲပြဇာတ်ကိုစိတ်မဝင်စားတဲ့လူတွေကိုပါစိတ်ဝင်စားလာအောင်ဆွဲဆောင်နိုင်မဲ့ IMDb Rating 7.2 အထိရရှိထားတဲ့ဇာတ်ကားလေးပဲဖြစ်ပါတယ်။ဇာတ်ကားနာမည်ကတော့ Theater Camp ဖြစ်ပြီးနာမည်အတိုင်းပြဇာတ်ကိုသင်ကြားပေးတဲ့စခန်းတစ်ခုအကြောင်းကိုစိတ်ဝင်စားစရာကောင်းအောင် ဒရာမာ ဟာသလေးတွေနဲ့ပေါင်းစပ်ပြီးရိုက်ကူးထားတာပါ။ဇာတ်လမ်းအကျဉ်းချုပ်လေးကတော့နွေရာသီမှာကလေးတွေလာရောက်သင်ယူဖို့ဖွင့်လှစ်ပေးထားတဲ့ပြဇာတ်စခန်းလေးတစ်ခုကိုတည်ထောင်ခဲ့တဲ့ဂျုန်းဆိုတဲ့ပိုင်ရှင်ကကျန်းမာရေးချို့ယွင်းပြီးအိပ်ရာထဲလဲသွားတဲ့အခါမှာတော့သူ့သားဖြစ်တဲ့ထရွိုင်ကအဲ့ဒီနေရာကိုဆက်ခံခဲ့ရပါတယ်။ဒါပေမယ့်အဲ့ဒီစခန်းကအကြွေးနွံနှစ်နေပြီးမကြာခင်အသိမ်းခံရတော့မဲ့အခါမှာတော့ထရွိုင်နဲ့သင်တန်းသူသင်တန်းသားတွေဆရာဆရာမတွေနဲ့ပူးပေါင်းပြီးတော့သူတို့ချစ်တဲ့ပြဇာတ်စခန်းလေးကိုပြန်လည်ကယ်တင်မဲ့အကြောင်းကိုစိတ်ဝင်စားစရာရိုက်ကူးထားတဲ့ဇာတ်ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်။

Jessica Alba ခေါင်းဆောင်ပါ၀င်ထားတဲ့ thriller ရုပ်ရှင်ကားဖြစ်ပါတယ်။ ၅နှစ်အရွယ်မှာ အမဖြစ်သူနဲ့ ဆော့ကစားရင်း မ‌တော်တဆဖြစ်ပြီး မျက်စိကွယ်သွားတဲ့ ဆစ်ဒနီ... လက်ရှိမှာ တယောပညာရှင်အဖြစ် အသက်မွေးပြီး လောကကြီးမှာ တခြားအာရုံတွေ အသုံးပြုပြီး အဆင်ပြေပြေနေနေခဲ့ပါတယ်။ အမဖြစ်သူက သူ့အပြစ်လို့ ယူဆပြီး ဆစ်ဒနီ မျက်ကြည်လွှာအစားထိုးဖို့ ကြိုးစားခဲ့ရင်း ကိုက်ညီတဲ့ မျက်ကြည်လွှာ ရှာတွေ့ပြီး ဆစ်ဒနီကို ခွဲစိတ်ခိုင်းတဲ့အခါ... မျက်လုံးပြန်မြင်လာတဲ့ ဆစ်ဒနီတစ်ယောက် တကယ်မရှိတဲ့အရာတွေ သေပြီးသားလူတွေ သေမင်းနိမိတ်တွေပါ မြင်နေရတဲ့အခါ....သူ့ရဲ့ အလှူရှင်က ဘယ်သူလဲ ဆစ်ဒနီကို ဘာလုပ်စေချင်တာလဲသိအောင် အဖြေရှာရပါတော့တယ်။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

ဇာတ်လမ်းအကျဉ်လေးကတော့ အယ်ဖာထရက်စ်ကနေ အိတ်စ်ဘရိုတ့်ကို ပြေးဆွဲတဲ့ ညရထားတစ်စီးဟာ သော်ရ်တွန်တောအုပ်ကိုဖြတ်တဲ့အချိန်မှာ အမည်မသိအရာတစ်ခုကို ဝင်တိုက်မိပြီး စက်ရပ်သွားပါတော့တယ်။ ရထားပေါ်မှာပါလာတဲ့ လုံခြုံရေး ဂျိုးနဲ့ ခရီးသည်တွေက သာမာန်ရထားပျက်တာပဲထင်ပြီး ရထားပေါ်ကဆင်းပြီးလမ်းလျှောက်သွားကြဖို့ကြိုးစားကြတဲ့အချိန်မှာ တောထဲမှာ ယာဉ်မောင်းရဲ့ အလောင်းကိုတွေ့လိုက်ရပြီး ရထားပေါ်ကနေပဲ အကူအညီလာတဲ့အချိန်ကိုစောင့်ကြဖို့ လုပ်ကြပါတော့တယ်။ ဒါပေမယ့် ယာဉ်မောင်းကို စားသွားတဲ့အရာကြီးက ရထားပေါ်ထိတက်လာပြီး သူတို့ကိုပါစားသုံးဖို့လုပ်ကြတဲ့အချိန်မှာ သူတို့ပြန်လည်တိုက်ခိုက်ကြပြီး အနိုင်ရသွားမလား....အဲ့တောအုပ်ထဲကနေ လွတ်အောင်ပြေးလိုက်နိုင်ကြမလားဆိုတာကိုတော့ ဇာတ်လမ်းလေးကိုကြည့်ရှုခံစားလိုက်ကြပါအုံး.... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်။