လူကြည့်များသော ရုပ်ရှင်များ

သဲထိပ်ရင်ဖိုတွေ လူသတ်တာတွေကြိုက်ရင်တော့ ဒီကားလေးကိုကြည့်ဖို့ အကြံပေးပါတယ် ဇာတ်လမ်းအကျဉ်းကတော့ Travel vlogger တစ်ယောက်ဖြစ်သူ Cole ဟာ သူအတွက်ကြောက်စရာကောင်းမယ့်အရာတွေကိုလုပ်ဖို့ သူ့ပရိတ်သတ်တွေစီကနေ မဲကောက်ပါတယ် အဲ့လိုနဲ့ မဲကောက်ရင်း ပရိတ်သတ်တွေခိုင်းတာလုပ်ရင်းကနေ မော်စကိုကို သွားဖို့ အကြောင်းဖန်လာပါတော့တယ် အဲ့လိုနဲ့ မော်စကိုကိုရောက်တော့ သူ့သူငယ်ချင်းဖြစ်သူ Dashရဲ့ အသိမိတ်ဆွေတစ်ယောက်နဲ့ချိတ်ဆက်ပြီး ကလပ်တက်ရင်းကနေ သူ့ကောင်မလေးကို ဆွဲလားရမ်းလားလုပ်တဲ့လူတွေနဲ့ ပြဿနာတက်ခဲ့ကြပြီး ဘာတွေဆက်ဖြစ်ကြမလဲဆိုတာကိုတော့ ဇာတ်လမ်းလေးကိုဆက်လက်ခံစားပေးကြပါအုံး.... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်

ဒီဇာတ်လမ်းလေးထဲမှာတော့ မောင်ဖြစ်သူကို စာမေးပွဲနားနီးလို့ ကလပ်ကနေ အတင်း‌ပြန်ခေါ်လာရင်း ထွက်ပြေးမှာစိုးလို့ လက်ထိပ်ပါခတ်ခဲ့မိတဲ့ အစ်မဖြစ်သူဂျီရာ။ ကားမောင်းရင်း မောင်နှမနှစ်ယောက်စကားများရာကနေ မတော်တဆမှုဖြစ်ခဲ့ပြီး...။ ဂျီရာက လွတ်မြောက်ခဲ့ပေမဲ့ မောင်ဖြစ်သူကတော့ လက်ထိပ်ခတ်ခံထားရတာကြောင့် ကားထဲက ထွက်မရဘဲ သေဆုံးသွားခဲ့ပါတယ်။ ဒီမတော်တဆမှုကနေ အမြင်အာရုံကို ဆုံးရှုံးခဲ့ရပြီး အာဏာကို အလွဲသုံးစားလုပ်တဲ့အတွက်ကြောင့် ရဲရာထူးကနေပါ အထုတ်ခံခဲ့ရပါတယ်။ တစ်နေ့မှာတော့ ဂျီရာက သူ့ရဲ့‌အဖော်ဖြစ်သူခွေးလေး အယ်ဇာကို ‌အိမ်မှာထားခဲ့စဉ် လမ်းမှာ စိတ္တဇပြန်ပေးဆွဲသမားနဲ့ တွေ့ဆုံခဲ့ရပါတယ်။ ဒီကနေ စပြီးတော့ ဂျီရာဟာ ကျန်တဲ့ အာရုံခံစနစ်တွေနဲ့ သူ့ပင်ကိုယ်အစွမ်းအစတွေကို ကောင်းမွန်စွာ အသုံးချပြီး ရဲအရာရှိတွေကို တရားခံဖမ်းဆီးရေးမှာ ဘယ်လိုမျိုး အကူအညီတွေပေးသွားမလဲဆိုတာကို ရင်တထိတ်ထိတ်နဲ့ ကြည့်ရှုရမှာပဲ ဖြစ်ပါတယ်။ ဒီကားလေးက 2011 Korean Crime Thriller ကို remake လုပ်ထားတာဖြစ်ပေမဲ့ မျက်မမြင်ကောင်မလေးရဲ့ ပိုင်နိုင်တဲ့သရုပ်ဆောင်မှုတွေကို သေချာခံစားလို့ရနိုင်မယ့် ဇာတ်လမ်းလေးဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

အက်ရှင်ကားကိုဟာသလေးနဲ့ရောပြီးမှပေါ့ပေါ့ပါးပါးကြည့်ချင်တယ်ဆိုတဲ့သူတွေအတွက် The Outlaws ဆိုတဲ့ဇာတ်ကားလေးနဲ့မိတ်ဆက်ပေးချင်ပါတယ်။အိုဝင်နဲ့ပါကာတို့စုံတွဲနှစ်ယောက်ကမကြာခင်မှာလက်ထပ်တော့မဲ့သူတွေပဲဖြစ်ပါတယ်။မင်္ဂလာပွဲလုပ်ဖို့အစီအစဉ်တွေလဲအသေးစိတ်ချပြီးသွားပါပြီ။ပြဿနာရှိတာလေးတစ်ခုကတော့ကောင်မလေးဖြစ်တဲ့ပါကာဘက်ကမိဘတွေကမင်္ဂလာပွဲကိုမလာနိုင်တာပဲဖြစ်ပါတယ်။အိုဝင်နဲ့လဲပါကာရဲ့မိဘတွေနဲ့ကတစ်ခါမှမတွေ့ဖူးပါဘူး။ဒီလိုနဲ့တစ်ရက်မှာတော့ရုတ်တရက်ကြီးအိုဝင်ရဲ့အိမ်ကိုသူ့ယောက္ခမတွေရောက်ချလာပါတော့တယ်။သူ့ယောက္ခမဖြစ်သူတွေကခပ်ဟော့ဟော့နဲ့လူငယ်ဆန်ဆန်ဆိုတော့သိပ်မကြာခင်ပဲရင်းနှီးသွားကြပါတော့တယ်။ဒါပေမယ့်သူတို့ရောက်ပြီးမကြာခင်မှာပဲအိုဝင်မန်နေဂျာလုပ်နေတဲ့ဘဏ်ဓားပြတိုက်ခံရပါတော့တယ်။အဲ့ဒီနောက်ပိုင်းမှာအိုဝင်ကသူ့ရဲ့ယောက္ခမတွေကိုဘဏ်ဓားပြဆိုပြီးတော့တဖြည်းဖြည်းနဲ့သံသယဝင်လာပါတော့တယ်။သူထင်တဲ့အတိုင်းသူ့ယောက္ခမတွေကဘဏ်ဓားပြတွေဖြစ်နေမလား။သူ့ရဲ့မင်္ဂလာပွဲလေးကရောဘယ်လိုဖြစ်သွားမလဲဆိုတာကိုကြည့်ရှူရမဲ့ဟာသဒရာမာအက်ရှင်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ဒီနေ့မှာတော့မင်းသမီးဗစ်ဒရာသရုပ်ဆောင်ထားတဲ့ kahaaniဆိုတဲ့ကားကောင်းလေးကို တင်ဆက်ပေးလိုက်ပါတယ် Plot twistတွေများစွာနဲ့ရင်ခုန်စွာတည်ထားတဲ့ ဇာတ်အိမ်မို့ကြည့်ပြီးရင် နောင်တမရမှာသေချာပါတယ် ဗစ်ဒရာဘာချီဆိုတဲ့ကိုယ်ဝန်သည်မိန်းကလေးဟာ သူ့ယောင်္ကျားကိုရှာဖို့ရာအတွက် လန်ဒန်ကနေတစ်ယောက်တည်း ခရီးထွက်လာရှာပါတယ် သို့ပေမဲ့သူ့ယောင်္ကျားကိုအစချီပြီး အစိုးရနဲ့ပတ်သက်တဲ့အမှုတွေပါမီးခိုးကြွက်လျှောက်ပေါ်လာချိန်မှာတော့ သူဘဘယ်လိုရင်ဆိုင်ဖြေရှင်းမလဲ နောက်ကွယ်ကFinal Bossကြီးကဘယ်သူလဲဆိုတာ အကုန်လုံးကိုရင်သပ်ရှု့မောသွားစေမှာပါ ဒီဇာတ်လမ်းရဲ့အညွှန်းနဲ့ဘာသာပြန်သူကKhin Khin ဖြစ်ပါတယ်

အချစ်မှာ မျက်စိမရှိသလို အသက်အရွယ်အပိုင်းအခြားဟာ အဓိကမဟုတ်ဘဲချစ်နေဖို့ပဲလိုတယ်ဆိုတဲ့ အချစ်ဇာတ်လမ်းလေးကို ကြည့်ရှုရမှာပဲ ဖြစ်ပါတယ်။ လန်ဒန်မြို့ရဲ့ ‌အကောင်းဆုံးအိန္ဒိယစားသောက်ဆိုင်ပိုင်ရှင် ဘူဒါ။ ဆိုင်ပိုင်ရှင်ဘူဒါကတော့ စည်းကမ်းတင်းကြပ်ပြီး ဟင်းလျာတွေကို တစ်ချက်မှ မြည်းမကြည့်ဘဲ အရသာကောင်းမွန်အောင် ချက်နိုင်တဲ့ စားဖိုမှုးပဲ ဖြစ်ပါတယ်။ ဒီလို မြည်းမကြည့်တတ်တဲ့ အကျင့်ကြောင့် ဟင်းလျာတစ်ခုမှာ အချိုကဲသွားတဲ့အတွက် ဧည့်သည်တစ်ယောက်ပြဿနာရှာတာကို ဒေါသရှေ့ထားပြီး ရန်ထောင်မိသွားပါတယ်။ အဲ့ဒေါသကြောင့် သူ့ထက် အနှစ်သုံးဆယ်ငယ်တဲ့ နီးနာဆိုတဲ့ ကောင်မလေးနဲ့ဆုံတွေ့ခွင့်ရသွားစေခဲ့ပါတယ်။ အဲ့က စတင်ခဲ့တဲ့ 64နှစ်အရွယ် အမျိုးသားတစ်ယောက်နဲ့ 34နှစ်အရွယ် အမျိုးသမီးတစ်ယောက်ရဲ့ အချစ်ဇာတ်လမ်းလေးဟာ အဆင်ပြေလွယ်ကူပါ့မလား။ ဒါ့အပြင် ဒီကားလေးကို ကြည့်ရှု့ခံစားရင်း အသက်ကွာတဲ့ဆက်ဆံရေးတွေမှာ ဘယ်နေရာကနေ ဘယ်လိုမျိုးညှိယူရမလဲဆိုတာကိုပါ လေ့လာလို့ရမယ့် ဇာတ်လမ်းလေးပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

နာမည်ကျော်ဒါရိုက်တာ James Cameron ရဲ့လက်ရာတစ်ခုပါ။ ကမ္ဘာပေါ်မှာ စူးစမ်းလေ့လာသူတွေ အမျိုးမျိုးရှိတဲ့ထဲကမှ မြေအောက်က ဂူကြီးတွေကို လေ့လာကြတဲ့ ရေငုပ်သမားတွေအကြောင်းကို ဇာတ်လမ်းဆင်ထားတာပါ။ သူတို့တွေက အသက်ကိုလောင်းကြေးထပ်ပြီး နေရာအသစ်တွေ လူတွေတစ်ခါမှ မရောက်ဖူးတဲ့ ဂူတွေကို စွန့်စားလေ့လာကြပါတယ်။ ကားလ်နဲ့ဗစ်တိုးရီးယားတို့ သူဌေးစုံတွဲဟာ လူတွေတစ်ခါမှ မရောက်ကြသေးတဲ့ ဂူကြီးတစ်ခုဆီကို စွန့်စားခန်းထွက်ဖို့ အဖွဲ့သားတွေနဲ့ စတင်လှုပ်ရှားခဲ့ပါတယ်။ ဂူရဲ့အောက်အခြေစိုက်စခန်းမှာတော့ ကျွမ်ူကျင်တဲ့ ဖရန့်နဲ့သူ့လူတစ်စုရောက်နှင့်နေကြပြီး အောက်ခြေကိုဆင်းဖို့ ဆက်လုပ်နေကြတာပါ။ ဖရန့်ရဲ့သား ဂျော့ရှ်လည်း ဒီခရီးမှာအတူပါလာပါတယ်။ သူတို့သားအဖက သိပ်တော့အစေးမကပ်လှပါဘူး ဖရန့်ရဲ့အလုပ်ကို ဂျော့ရှ်က သဘောမကျလို့ပါ။ သူတို့အဖွဲ့သားတွေ ဟိုးအောက်ခြေထိဆင်းငုပ်တဲ့အခါမှတော့ အန္တရာယ်မျိုးစုံ စိန်ခေါ်မှုမျိုးစုံနဲ့ ကြုံရပါတော့တယ်။ ကံဆိုးစွာနဲ့ မုန်တိုင်းကလည်း သူတို့‌အပေါ်တည့်တည့်ရောက်လာပြီး ဂူထဲမှာရေလျှံလာတဲ့အခါ ဖရန့်တို့ အဖွဲ့သားတွေ မြေပေါ် အသက်ရှင်လျက် ပြန်ရောက်ပါ့မလား ဘယ်လိုအသက်ဘေးနဲ့ ကြုံရဉီးမလဲ သူတို့သားအဖရော နောက်ဆုံးမှာ နားလည်မှုရသွားလား ဆိုတာတွေကို ဆက်လက်အားပေးကြပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

စောင့်မျှော်နေသူများအတွက် Guardians of the Galaxy Vol 3 လာပါပြီဗျာ။Guardians of the Galaxy ရဲ့ထုံးစံအတိုင်းဒီတစ်ခေါက်လဲစောင့်ရတာကိုစိတ်ပျက်စေမှာမဟုတ်ပါဘူး။Fan တွေတော်တော်များများလဲအကြောင်းသိဖြစ်နေပြီးသားဆိုတော့ဇာတ်လမ်းအကျဉ်းချုပ်လေးကိုပဲမြန်မြန်ပြောလိုက်ပါတော့မယ်။ဇာတ်လမ်းအစမှာတော့စတားလော့ဒ်ကလဲဂါမိုရာကြောင့်အသည်းတွေကွဲပြီးမူးပြဲနေတဲ့အချိန် Guardian တွေကလဲငြိမ်းငြိမ်းချမ်းချမ်းနေနေတဲ့အချိန်မှာဘယ်ကမှန်းမသိတဲ့ရွှေရောင်ကောင်ကြီးကသူတို့ကိုလာတိုက်ခိုက်ပါတော့တယ်။သူ့ကိုအနိုင်ပြန်တိုက်နိုင်ခဲ့ပေမဲ့ Guardian တွေလဲတော်တော်အထိနာသွားခဲ့ပါတယ်။သူတို့ထဲကမှအထိအနာဆုံးကတော့ရော့ကက်ဖြစ်ခဲ့ပါတယ်။သူ့ကိုကုသဖို့ကြည့်လိုက်တဲ့အချိန်မှာသူ့ရဲ့ခန္ဓာကိုယ်ထဲမှာထည့်ထားတဲ့သတ်ဖြတ်တဲ့ခလုတ်ကြောင့်ရော့ကက်ကိုကုသပေးလို့မရဖြစ်နေပါတယ်။ဒီလိုနဲ့ရော့ကက်ကိုကုသပေးနိုင်ဖို့အဲ့ဒီခလုတ်ကိုဖြုတ်ဖို့လုပ်ရင်းနဲ့ဒီကားရဲ့ဗီလိန်ဖြစ်တဲ့ဟိုးအရင်ကရော့ကက်ကိုစမ်းသပ်ခဲ့တဲ့စမ်းသပ်ခန်းခေါင်းဆောင်ဆီပြန်ရောက်သွားပါတော့တယ်။ဒီကားထဲမှာတော့ရော့ကက်ရဲ့ဇာတ်ကြောင်းအစုံနီးပါးကိုလဲတွေ့မြင်ရမှာပဲဖြစ်ပါတယ်။ထုံးစံအတိုင်းစကြဝဠာထဲကတိုက်ပွဲတွေက Guardian တွေအတွက်တော့လွယ်မှာမဟုတ်ပါဘူး။Guardians တွေရော့ကက်ကိုကယ်တင်နိုင်မလား။ရော့ကက်နဲ့ဒီဇာတ်ကားရဲ့ဗီလိန်ကရောဘယ်လိုအကန့်တွေရှိခဲ့တာလဲ ဘာအကြံအစည်တွေရှိနေတာလဲဆိုတာကိုကြည့်ရှုရမဲ့ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်

ဒီတစ်ခေါက်တင်ဆက်ပေးမှာကတော့ နာမည်ကြီးမင်းသမီးအနွတ်ရှ်ကား သရုပ်ဆောင်ထားတဲ့Pariဆိုတဲ့Horror/Mysteryကားကောင်းလေးဖြစ်ပါတယ် အိမ်ထောင်ဖက်တွေ့ဆုံရာမှပြန်လာတဲ့ အာနဘ်တို့မိသားစုဟာလမ်းမှာကားနဲ့ အဘွားအိုတစ်ယောက်ကိုမတော်တဆဝင်တိုက်မိရာမှ အဘွားအိုရဲ့ကျန်ခဲ့တဲ့သမီးလေးရူခ်ဆာနာကို အာနဘ်ကသနားချစ်ခင်စုံမက်ခဲ့ပါတယ် သို့ပေမဲ့တစ်ဖက်မှာလည်းဗိုက်ကြီးသည်တွေကို ဖမ်းဆီးကာကလေးကိုသတ်ပစ်တဲ့ အဖွဲ့တစ်ဖွဲ့ကရူခ်ဆာနာနောက်ကို လိုက်လံရှာဖွေနေရာမှ ထူးဆန်းတဲ့ဖြစ်ရပ်တွေကို အာရဘ်တစ်ယောက်စကြုံလာရပါတော့တယ် ဒီပြဿနာတွေအားလုံးရဲ့နောက်ကွယ်မှာ ဘယ်လိုအဖြေတွေရှိနေမလဲဆိုတာ ရင်ခုန်စွာကြည့်ရှု့လိုက်ရအောင် ဇာတ်လမ်းဘာသာပြန်ဆိုပြီး အညွှန်းရေးသားသူကတော့ Khin Khin ဖြစ်ပါတယ်

အွန်းဆူဆိုတဲ့ကောင်မလေးကတိုက်ခန်းတစ်ခုမှာမိသားစုတွေနဲ့အတူနေထိုင်ပြီးဇာတ်ညွှန်းရေးဆရာမတစ်ယောက်ဖြစ်ဖို့ကြိုးစားနေသူဖြစ်ပါတယ်။ဒါပေမယ့်ဇာတ်ညွှန်းရေးဆရာဖြစ်ဖို့လျှောက်လိုက်တိုင်းအရွေးမခံရတာကအကျင့်တစ်ခုလိုကိုဖြစ်နေပါပြီ။သူ့ရဲ့အပေါ်ထပ်ကလဲအမြဲတမ်းဆူညံနေပြီးတော့ဘာဖြစ်လို့ဆူညံနေတာလဲဆိုတာကိုမသိရပါဘူး။ဒီလိုနဲ့တစ်နေ့မှာတော့သူငယ်ချင်းဖြစ်သူရဲ့အကြံပေးမှုနဲ့အဲ့ဒီအပေါ်ထပ်ကိုသွားစုံစမ်းပြီးဇာတ်ညွှန်းရေးဖို့လုပ်ခဲ့ပါတော့တယ်။ဒါပေမယ့်သူစစချင်းသွားကြည့်ကတည်းကတိုက်ခန်းကြီးကအရမ်းထူးဆန်းနေခဲ့ပါတယ်။နောက်ပိုင်းမှာတော့အဲ့ဒီတိုက်ခန်းမှာနေတဲ့လူကိုလိုက်စုံစမ်းရင်းနဲ့ဇာတ်ညွှန်းရေးဖို့ဆိုတာထက်အွန်းဆူကအဲ့ဒီလျှို့ဝှက်ဆန်းကြယ်မှုတွေအပေါ်မှာပဲအာရုံစိုက်နေခဲ့ပါတယ်။ဒီလိုနဲ့တဖြည်းဖြည်းဒီထက်ပိုပြီးလျှို့ဝှက်နက်နဲတဲ့ကိစ္စတွေ ကြောက်စရာကောင်းတဲ့ကိစ္စတွေကိုပါ မမျှော်လင့်ပဲသိလာရတဲ့အခါမှာတော့အွန်းဆူတစ်ယောက်ဘာတွေဆက်ဖြစ်မလဲဆိုတာကိုသည်းထိတ်ရင်ဖိုကြည့်ရှုရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

'နူးရ်'ဆိုတဲ့ဆင်းရဲလူငယ်လေးတစ်ယောက်ဟာ 'ဖရီဒေါ့စ်'ဆိုတဲ့ချမ်းသာတဲ့အိမ်ကမိန်းကလေးကို မြင်မြင်ချင်းချစ်မိသွားခဲ့ပါတယ်။ ဆင်းရဲသူတွေကပိုက်ဆံနဲ့ပတ်သက်ရင် လိမ်ညာလှည့်ဖျားတတ်သူတွေလို့ တထစ်ချ ယုံကြည်ထားတဲ့ 'ဖရီဒေါ့စ်'အမေ 'ဘယ်ဂမ်'က သူတို့နှစ်ယောက်ကြားက သံယောဇဉ်တွေကို ဒီထက်ပိုမရစ်တွယ်လေအောင် ဖရီဒေါ့စ်ကို ပညာတော်သင်ပို့ပစ်ခဲ့ပါတော့တယ်။ ကျန်ရစ်နေခဲ့တဲ့'နူးရ်'က နားမလည်နိုင်ဖြစ်ကျန်ခဲ့ရင်း အချိန်တွေကြာလာမှ'ဖရီဒေါ့စ်'နဲ့ပြန်ဆုံတဲ့အခါ သူတို့ရဲ့အချစ်တွေ အရင်အတိုင်းရှိနေနိုင်ပါဦးမလား။ ချစ်ခြင်းတရားတွေရဲ့တိုက်ပွဲမှာ အနိုင်ရသူဟာဘယ်သူဖြစ်မလဲ။ 'ချစ်မိဖို့နဲ့အချစ်ခံရဖို့ဆိုတာဘုရားသခင်ကောင်းချီးပေးခံရတာပါ'ဆိုတဲ့ အနက်အဓိပ္ပါယ်အပြည့်ပါဝင်တဲ့ ဒီဇာတ်ကားလေးကိုကြည့်ရင်း ရသစုံခံစားကြည့်ရှုနိုင်မှာမို့ ကြည့်ရှုသင့်တဲ့ဇာတ်ကားလေးပါပဲ။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဒီဇာတ်ကားလေးက ၂၀၂၂ခုနှစ်မှာထွက်ရှိခဲ့တဲ့ Animation, Action, Adventure အမျိုးအစားဖြစ်ပါတယ်။ ဇာတ်လမ်းအကျဉ်းကတော့ ဆူဇူမဲဟာ အဒေါ်ဖြစ်သူတမိခနဲ့အတူနေထိုင်တဲ့မိတဆိုးလေးတစ်ယောက်ပေါ့။ တစ်နေ့မှာတော့ သူကျောင်းသွားရင်းနဲ့ လမ်းမှာ ကိုယ်လူချောလေး တစ်ယောက်နဲ့ဆုံခဲ့ပါတယ်။ အဲဒီကောင်လေးက ဆူဇူမဲကို ဒီနားတစ်ဝိုက်မှာ လူမနေတဲ့နေရာရှိလားလို့မေးခဲ့ရတာက အစပြုပြီး ပဟေဠိဆန်တဲ့ဇာတ်လမ်းလေးစတင်ခဲ့ပါတော့တယ်။ ဆူဇူမဲတို့နေတဲ့မြို့လေးမှာ မကြာခဏငလျင်လှုပ်တဲ့အတွက် မြို့သူမြို့သားတွေက အမြဲစိုးရိမ်နေရတာပေါ့။ တကယ်တော့ ငလျင်လှုပ်ရတဲ့အကြောင်းအရင်းက ဂိတ်တံခါးတွေကနေ ပိုးကောင်ကြီးထွက်လာလို့ပါပဲ။ တခြားသူတွေမမြင်ရပေမယ့် ဆူဇူမဲကတော့ အဲဒီပိုးကောင်ကြီးကို မြင်နေရပါတယ်။ ဒီလိုနဲ့ အဲဒီပိုးကောင်ကြီးပေါ်လာတဲ့နေရာကိုလိုက်ကြည့်ရင်း ဆူဇူမဲတစ်ယောက် ဂိတ်တံခါးဆီကို‌ရောက်မှန်းမသိရောက်သွား ပါတော့တယ်။ အဲဒီဂိတ်တံခါးရဲ့အနားမှာ ကြောင်ပုံစံ ကျောက်တုံးလေးတစ်ခုရှိတော့ ဆူဇူမဲက အမှတ်မထင်ဆွဲနှုတ်မိသွားရာက ဂိတ်တံခါးကိုချိပ်ပိတ်ထားတဲ့ အကာအရံပျက်သွားခဲ့ပါတယ်။ သူလမ်းမှာတွေ့ခဲ့တဲ့ကောင်လေးကတော့ အဲဒီဂိတ်တံခါးတွေကိုပိတ်ပေးရတဲ့သူပေါ့။ ဆူဇူမဲအမှတ်မထင်ဆွဲနှုတ်မိလိုက်တဲ့ကျောက်တုံးလေးဟာ ကြောင်လေးတစ်ကောင်အဖြစ် ပုံစံပြောင်းသွားပြီး ဆိုးတာကတော့ ကလေးထိုင်ခုံပုံစံအဖြစ်ပြောင်းသွားခဲ့ပါတယ်။ အဲဒီတော့ ဆူဇူမဲဟာ သူ့ကြောင့်ဖြစ်ရတဲ့အတွက် ဆိုးတာရဲ့အလုပ်ကိုကူညီပေးဖို့ဖ

ဒီတစ်​ခေါက်တင်ဆက်​ပေးမှာက​တော့ မကြာ​သေးခင်ကမှထွက်ရှိထားတဲ့Drama&Thrillerကား​ကောင်း​လေးဖြစ်တဲ့Afwaahကိုတင်ဆက်​ပေးလိုက်ပါတယ် အာဏာရူး​နေမှု​ကြောင့်​သွေးဆာပြီး မလုပ်သင့်တဲ့လုပ်ရက်​တွေက်ုလုပ်ခဲ့တဲ့ သတို့သားဖြစ်သူဗီကရမ်ကို လက်မထပ်ချင်တာ​ကြောင့် နီဗီဆိုတဲ့မိန်းက​လေးဟာ ထွက်​ပြေးလာခဲ့ပါတယ် ဒါ​ပေမဲ့လည်းဗီကရမ်ဟာ နီဗီ့အ​ဖေနိုင်ငံ​ရေးသမားဖြစ်သူဆီက​​နေ အာဏာ​တွေလိုအပ်​နေတာ​ကြောင့် နီဗီကိုလိုက်လံဖမ်းဆီးပါ​တော့တယ် တစ်ဖက်မှာလည်းပွဲတစ်ခုကိုသွားဖို့ခရီးထွက်လာသူရာဟဘ်မှာ လမ်းမှာဒုက္ခကြုံ​နေရတဲ့နီဗီကိုကယ်တင်ထွက်​ပြေးခဲ့ရာမှ ဗီကရမ်ရဲ့စနက်​ကြောင့် မွတ်ဆလင်​ယောင်္ကျားကဟိန္ဒိမိန်းက​လေးကို ခိုး​ပြေးသွားပါတယ်ဆိုပြီး တွစ်တာကတစ်ဆင့်အိန္ဒိယတစ်နိုင်ငံလုံးအထင်လွဲသွားပြီး ဒုက္ခ​ပေါင်းစုံကြုံလာရပါ​တော့တယ် သူတို့​တွေဒီအရှုပ်ပုံကြီးက​နေဘယလို​တွေ​ဖြေရှင်းပြီး ထွက်​ပြေးကြမလဲဘယ်လို​တွေရင်ဆိုင်ရမလဲဆိုတာ ရင်ခုန်စွာကြည့်ရှူ့ရမှာဖြစ်ပါတယ် ဒီကားရဲ့အညွှန်းနဲ့ဘာသာပြန်သူက​တော့ Khin Khin ဖြစ်ပါတယ်

ဒီနှစ်မှာထွက်ရှိလာတဲ့ Animation ကားကောင်းကောင်းလေးနဲ့မိတ်ဆက်ပေးချင်ပါတယ်။ဇာတ်ကားနာမည်ကတော့ Nimona ဖြစ်ပြီးကာတွန်းကားလို့မထင်ရအောင် Animation တွေကကောင်းလွန်းပါတယ်။ဇာတ်လမ်းလေးရဲ့အကျဉ်းချုပ်ကတော့ပြည်သူတွေငြိမ်းချမ်းစွာနေထိုင်ကြတဲ့တိုင်းပြည်တစ်ခုကိုမကောင်းဆိုးဝါးကြီးတစ်ကောင်ကလာတိုက်ခိုက်တဲ့အခါမှာဂလောရက်ဆိုတဲ့သူရဲကောင်းတစ်ယောက်က ကာကွယ်တိုက်ခိုက်ပေးခဲ့ပါတယ်။ဒါပေမယ့်တိုင်းပြည်ရဲ့နောင်ရေးစိတ်အေးရဖို့အတွက်သူ့လိုမျိုးသူရဲကောင်းတွေကိုဂလောရက်ကလေ့ကျင့်ပေးခဲ့ပါတော့တယ်။ဒီလိုနဲ့နှစ်ပေါင်းများစွာကြာပြီးနောက်မှာတိုင်းပြည်ရဲ့သူရဲကောင်းဘွဲ့ပေးအပ်မဲ့ပွဲနေ့ကိုထပ်မံရောက်ရှိလာခဲ့ပါတယ်။အဲ့ဒီနှစ်မှာတော့ထူးထူးခြားခြားမင်းမျိုးမင်းနွယ်ထဲကမဟုတ်ပဲသူရဲကောင်းဘွဲ့အရွေးချယ်ခံမဲ့သာမန်အရပ်သားဖြစ်တဲ့ဘယ်လစ်စတာပါလာခဲ့ပါတယ်။သူ့ကိုငယ်စဉ်ကတည်းကတိုင်းပြည်ရဲ့ဘုရင်မကြီးကသူရဲကောင်းဖြစ်ဖို့အခွင့်အရေးပေးခဲ့တာပဲဖြစ်ပါတယ်။ဒါပေမယ့်အဲ့ဒီညမှာပဲတစ်စုံတစ်ယောက်ရဲ့အကွက်ဆင်မှုကြောင့်ဘယ်လစ်စတာကဘုရင်မကြီးကိုသတ်မိသလိုဖြစ်သွားပါတော့တယ်။ဒီလိုနဲ့ဘယ်လစ်စတာလဲဝရမ်းပြေးတစ်ယောက်ဖြစ်ပြီးသူ့ရဲ့အပြစ်ကင်းစင်ကြောင်းကိုပြဖို့အတွက်ကြိုးစားနေတဲ့အချိန်မှာနီမိုနာဆိုတဲ့မကောင်းဆိုးဝါးကောင်မလေးတစ်ယောက်နဲ့တွေ့ပြီးသူတို့နှစ်ယောက်အတူတူပူးပေါင်းကြိုးစားကြပုံတွေကိုကြည့်ရင်းနဲ့နောက်ဆုံးမှာမထင်မှတ်ထားတဲ့လူဆိုးအစစ်အမှန်ကိုတွေ့မြင်ရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘ

ဇာတ်ကားလေးက Mystery, Sci-Fi အမျိုးအစားဖြစ်ပါတယ်။ ဇာတ်လမ်းအကျဉ်းကတော့ ကွမ်တမ်သိပ္ပံသုတေသနရဲ့အကြီးအကဲဖြစ်သူပရော်ဖက်ဆာအိုးစတာ ဂတ်ဟာ အပြိုင်ကမ္ဘာကိုရှာဖွေတွေ့ရှိခဲ့ပြီးစမ်းသပ်ခံလူသားတွေနဲ့ အဆုံးမရှိဖြစ်နိုင်ချေကို စမ်းသပ်ခဲ့ပါတယ်။ ဂျိန်းဟာ ထူးဆန်းတဲ့အခန်းတစ်ခုမှာ သတိရလာပြီး သူဘယ်ကိုရောက်နေလဲ သူဘယ်သူလဲဆိုတာကိုမသိပါဘူး။ အဲဒီအချိန်မှာပဲ သူ့မျက်လုံးထဲမှာထူးဆန်းတဲ့အလင်းတန်းကြီးတစ်ခုကိုမြင်လိုက်ပြီး သတိပြန်မေ့သွားပါတယ်။ သတိပြန်ရလာတော့လည်း အဖြစ်အပျက်တွေက အရင်အတိုင်းတစ်ပုံစံတည်းပါပဲ။ နောက်တော့ သူသိလိုက်ရတာက သူဟာ အပြိုင်ကမ္ဘာထဲမှာပိတ်မိတယ်ဆိုတာပါပဲ။ အဲဒီတော့ ဂျိန်းတစ်ယောက် အပြိုင်ကမ္ဘာကနေ ဘယ်လိုလွတ်မြောက်အောင်ကြိုးစားမလဲဆိုတာကို စိတ်ဝင်တစားကြည့်ရှုခံစားရမယ်သိပ္ပံကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်

ပြင်သစ်အက်ရှင်ကားကောင်းတစ်ကားပါ နိုင်ငံရေးလှည့်ကွက်တွေ အစိုးရရဲ့ဖြေရှင်းပုံတွေ ဆေးရောင်း၀ယ်တာတွေ ပါပါတယ်။ ပြည်နယ် ၁၃ဆိုတဲ့နယ်မြေမှာ ဆေးရောင်းတဲ့သူ‌တွေ ဘိန်းဖြူရောင်း၀ယ်တဲ့ လူဆိုးတွေပြည့်နေပြီးတော့ အစိုးရက မထိန်းချုပ်နိုင်တဲ့အတွက် နံရံဆောက်ထားပြီး အ၀င်အထွက်ကို ကြပ်ထားပါတယ်။ ကျောင်းတွေ စာတိုက်တွေလည်းမရှိတော့ဘဲ ဒုစရိုက်သမားတွေသာ ကြီးစိုးနေတာပါ။ အဲ့ပြည်နယ်မှာ မွေးခဲ့တဲ့ လူငယ်လေး လေတိုကသူ့မွေးရပ်မှာ အေးအေးချမ်းချမ်းနေချင်တဲ့အတွက် ပြသာနာတွေရှင်းဖိုလုပ်ပေမယ့် မတတ်နိုင်ပါဘူး။ တစ်ချိန်တည်းမှာပဲ အစိုးရက ဗုံးတစ်လုံးသယ်ပို့တဲ့လမ်းတစ်၀က်မှာ အခိုးခံရတယ်ဆိုပြီး ပြည်နယ် ၁၃ကို ဗုံးဖျက်ဆီးဖို့ အရာရှိတစ်ယောက်ကို လွှတ်လိုက်ပါတယ်။ဗုံးကို လူဆိုးဂိုဏ်းတစ်ခုက ခိုးသွားပြီး 24နာရီအတွင်းမရပ်နိုင်ရင် ပေါက်ကွဲပြီး တစ်မြို့လုံး သေမှာပါ။ အရာရှိ ဒါမြန်ကို ဒီမစ်ရှင်အတွက် ဒေသခံလေတိုနဲ့အတူ လုပ်ဆောင်ဖို့ လွှတ်လိုက်တဲ့အခါ.... သူတို့၂ယောက်ပေါင်းပြီး လူဆိုးတွေကို ဘယ်လို ရင်ဆိုင်မလဲ ဗုံးက တကယ်ပဲ 24 နာရီပြည့်ရင် ပေ့က်ကွဲမှာလား ဆိုတာကတော့ သိချင်သူတွေ ခုပဲ အားပေးလိုက်ကြပါနော်။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

ဒီတစ်​ခေါက်မှာက​တော့ 2016တုန်းကဒါခါမှာဖြစ်ခဲ့တဲ့ ဖြစ်ရပ်မှန်အကြမ်းဖက်တိုက်ခိုက်မှုအ​ပေါ်အ​ခြေခံရိုက်ကူးထားတဲ့ Action&Thrillerကား​လေးကို တင်ဆက်​ပေးလိုက်ပါတယ် အားလပ်ရက်မှာသူငယ်ချင်း​တွေနဲ့အတူ အချိန်ဖြုန်းလို့​ကောင်းမယ့်ဇာတ်ကား​လေးတစ်ကားဖြစ်ပါတယ် ကြည့်ပြီးသွားရင် ရင်ထဲမှာခံစားချက်​လေးတစ်ခုခု​တော့စွဲကျန်ခဲ့မှာမို့ ကြည့်ရတာ​နောင်တမရ​​စေရဘူးလို့ ညွှန်​ပေးလိုက်ပါတယ် ကော်ဖီဆိုင်တစ်ဆိုင်ကိုတရကြမ်း ဝင်​ရောက်လာတဲ့အကြမ်းဖက်တိုက်ခိုက်​ရေးလူငယ်ငါး​ယောက်ဟာ ​ကော်ဖီဆိုင်ကိုကြီးစိုးထားပြီး နိုင်ငံခြားသားမှန်သမျှကိုသတ်ပစ်ကာ ဘင်္ဂလား​ဒေ့ရှ်မွတ်ဆလင်​တွေကိုပဲ အသက်ရှင်လျက်ထား​နေခဲ့ပါတယ် ​ကော်ဖီဆိုင်ထဲမှာဘင်္ဂလား​ဒေ့ရှ်လူငယ်​လေးဖာရက်ဇ်နဲ့အတူ ဘင်္ဂလား​​ဒေ့ရှ်မွတ်ဆလင်မဟုတ်တဲ့ သူငယ်ချင်းနှစ်​ယောက်ပိတ်မိ​နေချိန်မှာ​တော့ ဇာတ်လမ်းဟာစလာခဲ့ပါတယ် ဒီ​ကော်ဖီဆိုင်က​နေသူတို့​တွေဘယ်လို ထွက်​ပြေးလွတ်​မြောက်နိုင်ကြမလဲ အကြမ်းဖက်သမား​​တွေရဲ့ ရည်ရွယ်ချက်က​ရောဘာလဲဆိုတာကို ဇာတ်လမ်းတစ်​လျှောက်လုံးခံစားချက် မျိုးစုံနဲ့ကြည့်ရှု့ရမှာဖြစ်ပါတယ် ဒီဇာတ်လမ်းရဲ့အညွှန်းနဲ့ဘာသာပြန်သူက​တော့ Khin Khin ဖြစ်ပါတယ်

ကိုယ်ဝန်ဆောင်ဇနီးသည်ကို ကာကွယ်ပေးရာကနေ မထင်မှတ်ဘဲ လူသတ်မှုကျူးလွန်မိသွားတဲ့ အမေရိကန်ရိန်ဂျာတပ်ဖွဲ့ဝင်ကမ်မရွန်ပိုး... သမီးလေးမွေးလာတဲ့အချိန် အနားမှာရှိမနေပေးနိုင်ဘဲ အကျဉ်းသားအဖြစ်နဲ့ ထောင်ထဲမှာနေခဲ့ရတဲ့နောက်ဆုံးမှာ ခံဝန်နဲ့လွတ်မြောက်ခွင့်ရမဲ့နေ့ကို ရောက်လာပါတယ်။ သူအိမ်ပြန်ရမဲ့နေ့မှာပဲ ရာဇသတ်ကြီးကျူးလွန်ခဲ့ကြတဲ့အကျဉ်းသားတွေကို လေယာဉ်နဲ့ထောင်ရွှေ့ကြမဲ့အစီအစဉ်ကလည်း ရှိနေပါတယ်။ လုံခြုံရေးအပြည့်နဲ့ အကျဉ်းသားတွေကိုတင်ဆောင်လာမဲ့လေယာဉ်မှာ ကမ်မရွန်ပိုးလည်း လိုက်ပါလာရပါတယ်။ ဒါပေမဲ့ အိမ်ပြန်ဖို့နာရီပိုင်းပဲလိုတော့တဲ့ကမ်မရွန်အတွက် ထင်မှတ်မထားတဲ့ကိစ္စက ဖြစ်လာပါတယ်။ တစ်သက်တစ်ကျွန်းနဲ့ သေမိန့်ချခံထားရတဲ့အကျဉ်းသားတွေဟာ လေယာဉ်ကိုအပိုင်စီးပြီး လွတ်လမ်းရှာကြပါတော့တယ်။ မိသားစုနဲ့ပြန်ပေါင်းစည်းခွင့်ရဖို့ ကမ်မရွန်တစ်ယောက် အဲဒီလေယာဉ်ပေါ်ကနေဆင်းခွင့်ရအောင် ဘယ်လိုစွန့်စားသွားမလဲ။ ရက်စက်တဲ့အကျဉ်းသားတွေကရော လေယာဉ်နဲ့အတူလွတ်မြောက်သွားမလား။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ဒီဇာတ်ကားလေးက ၂၀၁၉ခုနှစ်မှာထွက်ရှိခဲ့တဲ့ History, Sport, Thriller အမျိုးအစားဖြစ်ပါတယ်။ ဇာတ်လမ်းလေးကတော့ ၁၉၆၂ ခုနှစ်၊ ကျူးဘားဒုံးကျည်အကျပ်အတည်းကို နောက်ခံပြုထားပါတယ်။ သင်္ချာဉာဏ်ကြီးရှင်တစ်ယောက်ဖြစ်တဲ့ ပရော်ဖက်ဆာမန်စကီဟာ တစ်ချိန်တုန်းက စစ်တုရင်ချန်ပီယံကြီးပါ။ တစ်နေ့မှာတော့ သူ အရက်ဆိုင်ကအပြန်မှာ အမည်မသိလူတစ်ခုရဲ့ပြန်ပေးဆွဲတာခံလိုက်ရပြီး သူသတိရလာတော့ ဝါးဆောမြို့ရဲ့ အမေရိကန်သံရုံးထဲက လျှို့ဝှက်ခန်းတစ်ခုမှာရောက်နေပါတော့တယ်။ သံမှူးက သူ့ကို အမေရိကန်နဲ့ ဆိုဗီယက်ချစ်ကြည်ရေးစစ်တုရင်ပွဲမှာကစားရမယ့် သူ့တို့ဘက်က ကစားသမားသေဆုံးသွားတဲ့အတွက် ပရော်ဖက်ဆာမန်စကီကို လူစားဝင်ကစားပေးဖို့ တောင်းဆိုခဲ့ပါတယ်။ ချစ်ကြည်ရေးစစ်တုရင်ပြိုင်ပွဲလို့ နာမည်တပ်ထားပေမယ့် ပြိုင်ပွဲရဲ့နောက်ကွယ်မှာ နိုင်ငံရေးအလှည့်အပြောင်းတွေ၊ အပြင်မှာဖြစ်ပျက်နေတဲ့ စစ်ရေးအခြေအနေတွေကြားထဲကို ပရော်ဖက်ဆာမန်စကီတစ်ယောက် ရောက်မှန်းမသိရောက်သွားတဲ့အခါ ဘယ်အခြေအနေ၊ဘယ်လိုအခက်အခဲနဲ့တွေကြုံတွေ့ရမလဲဆိုတာကို စိတ်ဝင်တစားကြည့်ရှုခံစားရမယ့် ဇာတ်ကားလေးဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်

လူတိုင်းရဲ့စိတ်မှာ အမှောင်ဘက်ခြ မ်းဆိုတာ ရှိပါတယ်။ အဲဒီစိတ်ကိုထိန်းနိုင်တဲ့သူရှိသလို မထိန်းထားတဲ့သူတွေလည်းရှိတယ်။ ဒီကားလေးကတော့ ကိုယ့်ရဲ့အမှောင်ဘက်ခြမ်းကို ရဲရဲကြီးလက်ခံပြီး တခြားသူတစ်ယောက်ရဲ့ အမှောင်ဘက်ခြမ်းကိုပါ ထုတ်ဖော်ပေးလိုက်တဲ့ လူနှစ်ယောက်ရဲ့အကြောင်းလေးပါ။ သူလူသတ်တယ် သူသတ်ချင်လို့ပါတဲ့။ တခြားသူတွေချစ်ကြသလိုမျိုး သူလည်းလူသတ်တာတဲ့ ။ ဇာတ်လမ်းကတော့ ရာမနားဆိုတဲ့လူတစ်ယောက် လူကိုးယောက်သတ်ထားပါတယ်ဆိုပြီး လာဝန်ခံတယ်။ ရဲတွေကသူ ပေါက်ကရတွေလာပြောနေတာဆိုပြီး အရေးမထားကြဘူး။ သူတကယ်ပဲပေါက်ကရတွေ လာပြောနေတာလား။ အမှန်တကယ်လူသတ်သမားလားဆိုတာ အတူကြည့်ရှူရင်း စီးမြောခံစားလိုက်ရအောင်ပါ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

အက်ရှင်ချစ်သူပရိသတ်တွေအတွက်မလေးရှားအက်ရှင်ကားတစ်ကားတင်ဆက်ပေးလိုက်ပါတယ်။ဒီကားလေးကတော့ကမ်းခြေစောင့်တပ်တွေနဲ့ရန်သူ့ဂိုဏ်းတွေကြားကရန်ကြွေးတွေအကြောင်းကိုအဓိကရိုက်ကူးထားတာပဲဖြစ်ပါတယ်။ဇာတ်လမ်းအကျဉ်းချုပ်ကတော့တရားမဝင်ကုန်ပစ္စည်းတွေကိုကူးသန်းရောင်းဝယ်နေတယ်လို့သတင်းကြားထားတဲ့ကမ်းခြေစောင့်တပ်ကအရောင်းအဝယ်လုပ်တဲ့နေရာမှာလူဆိုးတွေကိုသွားဖမ်းခဲ့ပါတော့တယ်။ဒီလိုနဲ့ပစ္စည်းတွေတင်ထားတဲ့လှေကထွက်ပြေးသွားတဲ့အခါမှာလိုက်ဖမ်းရာကနေလှေပေါက်ကွဲပြီးအဲ့ပေါ်မှာပါတဲ့လူဆိုးတွေသေဆုံးခဲ့ပါတော့တယ်။ဒီလိုနဲ့နောက်တစ်နှစ်ကြာတဲ့အချိန်မှာအဲ့ဒီစစ်ဆင်ရေးကိုဦးဆောင်ခဲ့တဲ့ဟာဖစ်ဇ်ကသူရဲ့စေ့စပ်ပွဲကိုကျင်းပနေတဲ့အချိန်မှာရန်သူတွေရောက်လာပြီးလူတွေကိုသတ်ဖြတ်ကာကျန်တဲ့လူတွေကိုဓားစာခံအဖြစ်ဖမ်းခေါ်သွားခဲ့ပါတော့တယ်။ဒါပေမယ့်သူတို့ရဲ့အဓိကပစ်မှတ်ကဟာဖစ်ဇ်ဖြစ်နေခဲ့ပါတယ်။ဒီလိုနဲ့နောက်ပိုင်းမှာဟာဖစ်ဇ်တစ်ယောက်ကံကောင်းစွာနဲ့ပြန်လွတ်သွားခဲ့ပြီးဓားစာခံတွေကိုပြန်ကယ်ဖို့ကြိုးစားခဲ့တဲ့အချိန်မှာဒီကိစ္စရဲ့နောက်ကွယ်ကပစ်မှတ်ထားနေတဲ့လူဘယ်သူဆိုတာကိုသိခဲ့ရပါတော့တယ်။အဲ့ဒီလူကဘယ်သူဖြစ်မလဲ ဓားစာခံတွေကိုရောဟာဖစ်ဇ်တစ်ယောက်အောင်မြင်စွာကယ်တင်နိုင်ပါ့မလား ဘာတွေဆက်ဖြစ်မလဲဆိုတာကိုတိုက်ခိုက်ပစ်ခတ်ခန်းတွေအများကြီးနဲ့ကြည့်ရှုရမဲ့အက်ရှင်ကားကောင်းတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ရုပ်ရှင်မင်းသားဖြစ်ချင်နေတဲ့ ရှီရူက ငွေချေးပြီး ရုပ်ရှင်လောကထဲဝင်ရောက်ခဲ့ပေမဲ့ အဆင်မပြေ‌မှုတွေကြောင့် ဖြတ်လျှောက်အပိုင်းပဲရခဲ့ပါတယ်။ ဒါ့အပြင် ငွေချေးထားတဲ့သူတွေကို အကြွေးမဆပ်နိုင်လို့ အိမ်စာချုပ်ပါပေးခဲ့ရပါတယ်။ တစ်နေ့မှာတော့ လူကြီးချင်းစီစဉ်ပေးထားတဲ့ ကောင်မလေးတစ်ယောက်နဲ့ လက်ထပ်ဖို့ ဖြစ်လာပြီး သတို့သားကို တင်တောင်းတဲ့ငွေပါ ရရှိခဲ့ပါတယ်။ ဇနီးဖြစ်သူကလည်း သူ့ယောက်ျားရှီရူလိုမျိုး ရုပ်ရှင်ဇာတ်ကားမှာ မင်းသမီးဖြစ်ချင်တာပါ။ ဒါပေမဲ့ ဇနီးဖြစ်သူမှာ သူ့ကလေးမဟုတ်တဲ့ သူ့ရည်းစားဟောင်းရဲ့ကလေးလွယ်ထားရမှန်းသိလိုက်တဲ့အခါမှာတော့ ရှီရူတစ်ယောက် ဘယ်လိုရှေ့ဆက်မလဲ။ ကံတရားရဲ့မျက်နှာ‌သာပေးမှုကို မခံရတဲ့အတွက် ဘယ်လိုမျိုး ရင်ဆိုင်ရမလဲဆိုတာအပြင် ကြွားတတ်တဲ့လူတွေနဲ့ မစူးစမ်းမဆင်ခြင်တတ်တဲ့သူတွေရဲ့အကျိုးဆက်နဲ့ကို ကြည့်ရှုရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

မိဘမဲ့ဂေဟာမှာ အလုပ်လုပ်ရင်း ဂေဟာမီးလောင်သွားတဲ့အချိန်မှာ ကလေးသုံးယောက်ကို အသက်စွန့်ကယ်တင်ခဲ့ပြီး စောင့်ရှောက်ပေးခဲ့တဲ့ ဂျန်။ အဲ့ကလေးသုံးယောက်ကြောင့် အစ်ကိုကြီးဂျန်ဆိုပြီး နာမည်တွင်လာခဲ့တယ်။ ဒီညီသုံးယောက်ကို စောင့်ရှောက်ဖို့အတွက် အချစ်ဦးဗာဂရာကို စွန့်လွှတ်ခဲ့တဲ့ ဘိုင်ဂျန်။ ဒီအကြောင်းကို ညီဖြစ်သူတွေက သိသွားပြီး အစ်ကိုဖြစ်သူအတွက် ဇနီးကောင်းလေးတစ်ဦးရှာပေးခဲ့ပါတယ်။ ဘိုင်ဂျန်ရဲ့ဘဝထဲကို နောက်တစ်ကြိမ် ဗာဂရာလို့ခေါ်တဲ့ နောက်ကောင်မလေးတစ်ယောက်ဝင်လာတဲ့အခါမှာတော့ ဘိုင်ဂျန်တစ်ယောက် ဘယ်လိုမျိုးချစ်မိသွားမလဲ ။ ဒါ့အပြင် ဘိုင်ဂျန်တို့နေရာကို အပိုင်သိမ်းဖို့ကြိုးစားနေတဲ့ ရန်သူတွေနဲ့ ဗာဂရာတို့မိသားစုရဲ့ရန်ငြှိုးရှိတဲ့သူတွေကို ဘယ်လိုမျိုးဖြေရှင်းသွားမလဲဆိုပြီး စိတ်ဝင်တစားနဲ့ကြည့်ရှုရမယ့် ဇာတ်လမ်းလေးပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

အရှေ့အလယ်ပိုင်းက အမေရိကန် သံရုံးကို အကြမ်းဖက်အဖွဲက ရုတ်တရက်ဝင်ရောက် စီးနင်းခဲ့တယ်။ အဲဒီမှာ သံအမတ်နဲ့ ဝန်ထမ်းတချိုရယ် Marine တပ်သားတချိုရယ် ပိတ်မိနေခဲ့တယ်။ စစ်သွေးကြွအကြမ်းဖက်သမားတွေ ပတ်လည်ဝိုင်းနေတဲ့နေရာကနေ သူတိုတွေ လွတ်မြောက်နိုင်ပါ့မလား....။ ဇာတ်လမ်းအညွှန်းနဲ့ ဘာသာပြန်သူကတော့ marip pan ဖြစ်ပါတယ်

လူမည်းတွေရဲ့ သူတို့မွေးရပ်နိုင်ငံကပြည်သူတွေအတွက် စွန့်စားခန်းအကြောင်းပါ။ လီဆိုသိုဆိုတဲ့နိုင်ငံက အာဏာရှင်က သူတို့ရဲ့တစ်ခုတည်းသော ရွှေတွင်းက ရွှေကို ပြည်သူတွေကို မပေးဘဲ သူချမ်းသာဖို့အတွက်ပဲ သုံးပါတယ်။ ဒါကို တက်ကြွလှုပ်ရှားတဲ့ လူမည်းသားအမိ၄ယောက်က အာဏာရှင်ရဲ့ရွှေတွေကို ပြန်ခိုးပြီး ပြည်သူတွေကို ပြန်ပေးဖို့ စီစဉ်နေတာပါ။ ချီလီနဲ့ ရှူးစ်တို့ ၂ယောက်က မိဘမဲ့ဂေဟာမှာကြီးခဲ့ပြီး နှစ်ယောက်အတူ ရဲလုပ်နေတာပါ။ သူတို့နေခဲ့တဲ့ ဂေဟာက အိုဟောင်းလာပြီး ဘဏ်မှာလည်း အကြွေး‌တွေတင်နေတဲ့အတွက် ငွေလိုနေပါတယ်။ ချီလီကတော့ အလုပ်မှာ အကျင့်ပျက်ခြစားတာတွေကြောင့် ရဲအလုပ်ကိုစိတ်ကုန်နေတာပါ။ ဒီလိုနဲ့ အမှုတစ်ခုလိုက်ရင်း ရွှေခိုးမယ့် သားအမ၄ယောက်ဂိုဏ်းနဲ့ဆုံရာကနေ သူတို့အစီအစဉ်ထဲ ပါသွားပါတယ်။ အစကတော့ ချီလီကို ဂိုဏ်းကနေ သတင်းယူဖို့ လွှတ်လိုက်တာပေမယ့် နောက်ပိုင်းသူတို့အစီအစဉ်ကိုသိသွားတဲ့အခါ သူ့ဂေဟာနဲ့ လူမည်းပြည်သူတွေကို ကူညီဖို့ ဂိုဏ်းနဲ့ပူးပေါင်းလိုက်ပါတယ်။ သူတို့ အာဏာရှင်ဆီက ရွှေတွေရသွားလား အစီအစဉ်အောင်မြင်လားဆိုတာတော့ ဆက်လက်အားပေးလိုက်ကြပါဉီး ဒီဇာတ်ကားကို အညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်