လူကြည့်များသော ရုပ်ရှင်များ

မင်းသားချော Chantavit နဲ့ မင်းသမီးချော Preechaya တို့ပါဝင်သရုပ်ဆောင်ထားတဲ့ ဟာသဇာတ်လမ်းလေးတစ်ကားဖြစ်ပါတယ်။ ATM စက်တွေမှာ ဖြစ်လေ့ရှိတဲ့ နည်းစနစ်ပိုင်းချို့ယွင်းချက်တွေအကြောင်းကိုရိုက်ကူးထားတာပါ။ဒီကားလေးထဲမှာဆိုရင်တော့ ATM စက်ချို့ယွင်းပြီး ပိုက်ဆံအပိုထုတ်သွားရာကနေ ချွန်ဘူရီဘဏ်ကို ပိုက်ဆံအပိုထုတ်သွားတဲ့သူတွေဆီ ပိုက်ဆံတောင်းဖို့အတွက် ရောက်လာရာကနေ ဘယ်လိုမျိုးအလွဲလေးတွေနဲ့ ပိုက်ဆံပြန်တောင်းမလဲဆိုတာကိုတော့ ဒီကားလေးထဲမှာ ကြည့်ရှုလိုက်ကြပါဦးနော်။ဇာတ်ကွက်တစ်ခုနဲ့တစ်ခုချိတ်ဆက်မိပြီး ဟာသမြောက်အောင် ဘယ်လိုစိတ်ကူးပုံဖော်သွားသလဲဆိုတာ စိတ်အပန်းဖြေကြည့်ရှုလိုက်ကြပါဦးနော်။ ဒီဇာတ်ကားကိုအညွန်းနဲ့ဘာသာပြန်ပေးတာကတော့ Htet ဖြစ်ပါတယ်

ဒီတစ်ခေါက် ရုပ်ရှင်လေးကတော့ ၂၀၀၈ ခုနှစ်မှာ ထွက်ရှိခဲ့တဲ့ ထိုင်းသရဲကားလေးပဲ ဖြစ်ပါတယ် ။ ဇာတ်ကြောင်းကတော့ မတူညီတဲ့ ဇာတ်လမ်း ၄ ခုကို တစ်ပိုင်းစိ ရိုက်ပြထားတာဖြစ်ပြီး ထိုင်းသရဲကားတွေရဲ့ ထုံးဆန်အတိုင်း တကယ်ခြောက်ပြီး တကယ် ကြောက်စရာ လန့်စရာကောင်းတဲ့ ဇာတ်ကား‌တစ်ကားပဲ ဖြစ်ပါတယ်။ သရဲကားကြိုက်နှစ်သက်တဲ့သူတွေ အနေနဲ့တော့ ကြည့်ဖို့သင့်တဲ့ ဇာတ်ကားလေး တစ်ကားပဲဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။

လက်နက်ထုတ်စက်ရုံကြီးကို ပိုင်ဆိုင်ထားတဲ့ သျှမ်ရှာစင်မိသားစု။ စင်မိသားစုရဲ့ ဩဇာရှိတဲ့ သားအကြီးဆုံး ဆီကန်ဒါ။ အစ်ကိုဖြစ်သူကို မျက်နှာသာပေးတဲ့အတွက် မကျေမနပ်ဖြစ်နေတဲ့ အမြွှာနှစ်ယောက် ဆူရာ့ဂ်ျနဲ့ စန်ဂျာနာ။ သျှမ်ရှာစင်ရဲ့ အမိမြေကို ပြန်ပြီး နာမည်ဆိုးကို ဖျက်ချင်တယ်ဆိုတဲ့ စကားကြောင့် နိုင်ငံရေးသမားတွေရဲ့ မကောင်းမှုဗီဒီယိုတွေကို သိမ်းထားတဲ့ Hard diskကို ရဖို့ကြိုးစားနေတဲ့ မောင်နှမသုံးယောက်။ Hard disk ကို ကမ္ဘောဒီးယားက ဟိုတယ်တစ်ခုမှာ သိမ်းထားတဲ့အတွက်ကြောင့် ဘယ်လိုနည်းနဲ့ အဲ့hard diskကို ရအောင်ယူကြမလဲ။ ဒါ့အပြင် ဓားပြတိုက်မှု လုယက်မှုတွေကြားက မိသားစုတွင်းမှာ မပြေလည်မှုတွေ ရှိနေမှုကြောင့် ရန်သူတွေဖြစ်လာရပြီး ဘယ်လိုမျိုး အဆုံးသတ်သွားမလဲဆိုတာကို ကြည့်ရှုရမှာပဲဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

ဒီတစ်ခေါက်တင်ဆက်ပေးမှာကတော့ Box Office1.13 billion INRထိရရှိခဲ့တဲ့ Thriller Dramaအမျိုးအစား ဇာတ်ကားကောင်းလေးဖြစ်တဲ့ Batla Houseကားဖြစ်ပါတယ် ဒီကားထဲမှာကတော့ ရဲဖက် အပြစ်သားဖက် ပြည်သူတွေဖက် ဆိုပြီးထောင့်သုံးထောင့်ကနေ မတူညီတဲ့အမြင်တွေနဲ့ စိတ်လှုပ်ရှားစွာကြည့်ရှူ့ရမှာဖြစ်ပါတယ် သူရသတ္တိဆု၆ခုထိရရှိထားတဲ့ ဆန်ဂျေးကူမားနဲ့သူ့ရဲ့အထူးရဲတပ်ဖွဲ့ဟာ အကြမ်းဖက်သမားတွေကို ဝင်စစ်ဆေးရင်း လက်လွန်ကာသတ်မိခဲ့ရာမှ ကရုဏာကြီးလှတဲ့ ပြည်သူတွေသိသွားပြီး မရှင်းနိုင်တဲ့အရှုပ်ထုပ်ကြီး စတင်လာလေတာဖြစ်ပါတယ် သူတို့သတ်မိလိုက်တဲ့ ကျောင်းသားတွေဟာပြည်သူတွေနဲ့ မီဒီယာတွေယုံကြည်ပြီးပြောနေသလို တကယ်ပဲအပြစ်ကင်းတာလား ဒါမှမဟုတ်ရဲတွေဖက်ကပြောသလို တကယ်ပဲအကြမ်းဖက်သမားတွေလားဆိုတာ ဒီနှစ်နာရီသာကြာတဲ့ ဇာတ်ကားအတွင်းမှာPlot twistပေါင်းများစွာနဲ့ ရင်ဖိုစိတ်လှုပ်ရှားစွာကြည့်ရှူ့ရမှာဖြစ်ပါတယ် ဒီဇာတ်ကားကိုအညွှန်းနဲ့ ဘာသာပြန်ပေးသူကတော့ Khin Khin ပဲ ဖြစ်ပါတယ်

ဒီဇာတ်လမ်းကတော့ ၁၉၉၆မှာ လေထုထဲဗိုင်းရပ်စ်တစ်မျိုးပျံ့ပြီး လူသားတွေကိုကူးစက်ခဲ့တာကြောင့် လူတွေဟာမြေကြီးပေါ်မှာနေလို့မရတော့ပါဘူး ဒါကြောင့် လူတွေဟာ မြေကြွက်တွေလိုမျိုး မြေကြီးအောက်ထဲကို ဆင်းနေလိုက်ကြရပါတော့တယ် သို့ပေမယ့်လည်း သိပ္ပံပညာရဲ့ အကူအညီနဲ့ အချိန်ခရီးသွားနိုင်လာပြီး ဗိုင်းရပ်စ်သန္ဓေပြောင်းပြီး လောကကြီးထဲမပျံ့ခင်အချိန်ကို စုံစမ်းဖို့လုပ်ကြပါတော့တယ် သို့ပေမယ့်လည်း အချိန်ခရီးသွားမှုဆိုတာ လွယ်ကူတဲ့ကိစ္စမဟုတ်တော့ သာမန်လူတွေကိုမလွှတ်ပဲ ပြစ်မှုကျူးလွန်လို့ ထောင်ကျနေတဲ့လူတွေကို ပြစ်ဒရ်လျှော့ပေါ့ပေးမယ်ဆိုပြီး ခိုင်းစေပါတော့တယ် သို့သော်လည်း အချိန်ခရီးသွားမှု လွဲမှားမှုတွေကြောင့် သေတဲ့လူကသေ ရူးတဲ့လူကရူး ဖြစ်ကြပြီး ဂျိမ်းစ်ကိုလ်းရဲ့ အလှည့်ကိုရောက်လာချိန်မှာတော့ သူ့ရဲ့မှတ်ဉာဏ်ကောင်းမှုကြောင့် ဘယ်လိုဖြေရှင်းမလဲ ဆိုတာကိုတော့ ကြည့်ရှုလိုက်ပါအုံး... ဒီဇာတ်ကားကိုအညွန်းနဲ့ဘာသာပြန်ပေးသူကတော့ innocentsheep ဖြစ်ပါတယ်

မောင်နှမနှစ်ယောက်ကြားကချစ်ခြင်းမေတ္တာအကြောင်းကိုရိုက်ကူးထားတဲ့ကိုးရီးယားမှုခင်းကားလေးတစ်ကားနဲ့မိတ်ဆက်ပေးချင်ပါတယ်။ဇာတ်လမ်းအကျဉ်းချုပ်ကတော့မောင်နှမတွေဖြစ်ကြတဲ့အွန်းဂျီနဲ့ဂျန်ဝူးကငယ်ငယ်လေးကတည်းကမိဘတွေဆုံးပါးသွားခဲ့ကြတဲ့အတွက်မောင်နှမနှစ်ယောက်တည်းနေထိုင်ကြီးပြင်းလာရတာဖြစ်ပါတယ်။ဂျန်ဝူးကအွန်းဂျီကိုအရမ်းချစ်ပြီးညီမထိဓားကြည့်ဆိုတဲ့သူဖြစ်ပါတယ်။တစ်နေ့မှာတော့အွန်းဂျီအလှပြင်ဆိုင်မှာအလုပ်ခိုးလုပ်နေတာကိုမိသွားပြီးမောင်နှမနှစ်ယောက်စကားများခဲ့ကြပါတော့တယ်။ဒီလိုနဲ့ဂျန်ဝူးကသူမရှိတုန်းအွန်းဂျီအပြင်ထွက်အလုပ်လုပ်မှာကိုစိတ်ပူပြီးတော့အိမ်ထဲမှာအွန်းဂျီကိုသော့ခတ်ပြီးထားခဲ့ပါတော့တယ်။ ဒါပေမယ့်အဲ့ဒီညကကြမ္မာငင်တဲ့ညတစ်ညဖြစ်ခဲ့ပြီးအွန်းဂျီအသတ်ခံခဲ့ရပါတော့တယ်။ဒီလိုနဲ့ဂျန်ဝူးတစ်ယောက်သူ့ညီမနဲ့သိခဲ့ဖူးတဲ့လူတွေရဲ့သေဆုံးခြင်းတွေကိုကြိုမြင်နေရတဲ့နတ်ဝင်သည်လိုလိုကောင်မလေးနဲ့အတူတူအွန်းဂျီရဲ့သေဆုံးမှုကိုအတူအဖြေရှာရင်းလူသတ်သမားကိုဖော်ထုတ်ကြပုံကိုကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ညသန်းခေါင်ချိန်မှာ ဖြစ်ပွားခဲ့တဲ့ လူသတ်မှု။ ဒီအမှုနောက်ကို လိုက်နေတဲ့ မှုခင်းဌာနမှ ရဲတွေက သက်သေရှာမတွေ့ခဲ့ဘဲ နှစ်ရက်ကြာတဲ့နေ့မှာတော့ လူသတ်မှုဖြစ်တဲ့ဘေးတိုက်ခန်းက အတွဲနှစ်ယောက် ဓာတ်ပုံထဲကနေ လူသတ်သမားပုံကို တွေ့ရှိခဲ့ပါတယ်။ ဒါပေမဲ့လည်း စုံစမ်းမေးမြန်းနေတုန်း လူသတ်သမားအာဂျွန်နဲ့ ရုပ်ချင်းဆင်တဲ့သူက ဓာတ်ဆီဆိုင်နားမှာ ပြဿနာရှာလို့ ရဲစခန်းကို ရောက်လာရင်း လူသတ်တရားခံအမှုက ရှုပ်ထွေးသွားပါတယ်။ စစ်ဆေးရင်း ညီအစ်ကိုတွေဖြစ်သွားတာကို သိခဲ့ရတဲ့အပြင် မှုခင်းသွေးစစ်ဆေးချက်DNAတွေကလည်း ကိုက်ညီနေပါတယ်။ ဒီလို အမြွှာနှစ်ယောက်က ခွဲမရအောင်တူတဲ့အပြင် DNAတွေကပါ ကိုက်ညီနေတော့ ဒီအမှုကို ဘယ်လိုမျိုးဖော်ထုတ်မလဲ ဆိုတာကို ကြည့်ရှူရမှာပဲ ဖြစ်ပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Iris ဖြစ်ပါတယ်။

တစ်ခေတ်တစ်ခါက လူကြိုက်များကျော်ကြားခဲ့တဲ့ raceဆိုတဲ့ဇာတ်ကားလေးကို တင်ဆက်ပေးပါရစေ။ အာမန်မာလစ်ဆိုတဲ့ ဒုစရိုက်လောကရဲ့ဆရာတစ်ဆူ ပိုက်ဆံကလွဲရင် ကျန်တာမသိတဲ့လူ။ ထက်တယ် လျင်တယ် ကောက်ကျစ်တာ နှစ်ယောက်မရှိဘူး။ အဲဒါအပြင်သူ့အစ်မ အယ်လီနာပါ ထပ်ပေါင်းလိုက်တော့ အင်ပါယာကြီးတစ်ခုကို သူတို့ပိုင်ဆိုင်ထားတယ်။ အဆင်ပြေပြေ‌ရှိနေရင်း မုန်တိုင်းတစ်ခုဝင်ရောက်လာတဲ့အခါ အဲဒီမုန်တိုင်းကဘာဖြစ်မလဲ ကြည့်ရှူလိုက်ကြပါဦး။ ဤဇာတ်ကားကိုအညွှန်းရေးသားပြီး ဘာသာပြန်ပေးသူမှာ ac ဖြစ်ပါတယ်။

ဒီဇာတ်ကားလေးကတော့ ၂၀၁၄ခုနှစ်မှာထွက်ရှိခဲ့တဲ့ Action, Drama, War အမျိုးအစား စစ်ကားလေးပဲဖြစ်ပါတယ်။ ဇာတ်လမ်းအကျဉ်းကတော့ တပ်ကြပ်မယ်ရီမတ်ဦးဆောင်တဲ့ မရိန်းထောက်ပို့တပ်ဖွဲ့ဟာ အာဖဂန်နစ္စတန်မှာ တာဝန်ထမ်းဆောင်နေကြပါတယ်။ တစ်နေ့မှာတော့ ဗျူဟာမြောက်စခန်းကို တာလီဘန်တွေဝိုင်းတိုက်ကြတဲ့အတွက် အသေအပျောက်များပြီး ထောက်ပို့ပစ္စည်းတွေ အရေးပေါ်လိုအပ်နေပါတယ်။ အဲဒီတော့ တပ်ကြပ်မယ်ရီမတ်ရဲ့တပ်ဖွဲ့ဟာ ထောက်ပို့ပစ္စည်းတွေပေးပို့ဖို့ ထွက်လာခဲ့ရာက လမ်းခုလပ်မှာ မမျှော်လင့်ပဲ ရေတပ် Seal တပ်ဖွဲ့ခေါင်းဆောင် ဖော့ဇ်နဲ့တွေ့ပြီး ကားကြုံတင်လာခဲ့ပါတယ်။ ဖြစ်ချင်တော့ ဖော့ဇ်တို့နဲ့အတူပါလာတဲ့ မိန်းကလေးဟာ တာလီဘန်တွေအသည်းအသန်အလိုရှိနေတဲ့ အမျိုးသမီးအခွင့်အရေးလှုပ်ရှားသူဖြစ်နေခဲ့ပါတယ်။ အဲဒီတော့ တပ်ကြပ်မယ်ရီမတ်ရဲ့ထောက်ပို့မရိန်းတပ်ဖွဲ့ဟာ အဲဒီမိန်းကလေးကို တာလီဘန်တွေရဲ့လက်ထဲကနေ ဘယ်လိုကယ်တင်သွားကြမလဲဆိုတာ စိတ်ဝင်တစားကြည့်ရှုခံစားရမယ့် စစ်ကားကောင်းလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

ဆဒန်ဟူစိန် အာဏာသိမ်းတုန်း စစ်တိုက်ဖို့ ကန္တာရထဲသွားတဲ့ မရိန်းတပ်သားတွေရဲ့ ဘ၀ဇာတ်ကြောင်းပါ။ ခက်ခဲကြမ်းတမ်းတဲ့ကန္တာရထဲမှာ ပင်ပင်ပန်းပန်းနေရပြီး စစ်ပွဲကိုစောင့်နေရတဲ့ မရိန်းတပ်သားတွေပါ။သူတို့ကို jarhead တွေဆိုပြီး တင်စားခေါ်ကြပါတယ်။ ဒီထဲမှာ ဆော့ဖော့တို့ တပ်သားတစ်စုလည်း ပါပါတယ်။ အိမ်နဲ့ မိသားစုတွေနဲ့ ချစ်သူရည်းစားတွေနဲ့ ခွဲနေရတဲ့ တပ်သားတွေအဖို့ ပျော်စရာကို ကြံဖန်လုပ်ယူပြီး ကြံ့ကြံခံရပါတယ်။ ချစ်သူတွေရဲ့ သစ္စာဖောက်တာတွေလည်း ခံရပါတယ်။ သူတို့မရိန်းတပ်သားတွေမှာ ဘယ်အခက်အခဲအတွက်မဆိုအဖြေရှိပါတယ်တဲ့။ တကယ့်စစ်ဆင်ရေးစတဲ့အခါမှာ ဆဒန်ဟူစိန်ဘက်က ဓာတုလက်နက်တွေ သုံးတာကိုပါ ကာကွယ်ရပါတယ်။ ကန္တာရထဲက ရေနံတွင်းတွေကြားမှာ အဆိပ်မမိအောင် ကြိုးစားရှောင်ရှားရင်း စစ်ပွဲဆင်နွှဲပြီး နောက်ဆုံးမှာ အနိုင်ရအောင်ပွဲခံပြီး အိမ်ပြန်လာပုံတွေကို ကြည့်ရမှာပါ။ ဘယ်လိုပဲ အပြင်လောကမှာ သာမန်လူအဖြစ်နေရပါစေ သူတို့က အမြဲ jarhead တွေ ဖြစ်နေဉီးမှာပါတဲ့။ မရိန်းတပ်သားတွေရဲ့ သစ္စာရှိပုံ ပင်ပန်းဆင်းရဲပုံ စွန့်လွှတ်မှုတွေကို ကြည့်ရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်

အချစ်ဦး....အကြောင်းတိုက်ဆိုင်လို့ ပြန်တွေးမိတိုင်း ပျော်ရွှင် ကြည်နူး ဆွတ်ပျံ့စေမယ့် နာမည်လေးတစ်ခုပေါ့... ဒါတင်ဘယ်ကမလဲ နာကျင်​ကြေကွဲ ခါးသီးမှု ဆိုတဲ့ ခံစားချက်လေးပါ မေ့ထားလို့ ဘယ်ရလိမ့်မလဲ... ဘာပဲဖြစ်ဖြစ် အချစ်ဦးဆိုတာ နှလုံးသားလေးအသက်ဝင်လာအောင် ခံစားချက်ပေါင်းစုံပြုလုပ်ပေးတဲ့ ဖန်တီးရှင်လေးပါပဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Marip Pan ဖြစ်ပါတယ်

Las Vegasမြို့ရဲ့မျက်လှည့်ဆရာ ခရစ်ဂျွန်ဆွန်ဟာ FBIအေးဂျင့်တွေရဲ့ လိုက်ဖမ်းတာကိုခံနေရပါတယ်။ အကြောင်းအရင်းကတော့ ခရစ်ဂျွန်ဆွန်ရဲ့ ထူးခြားတဲ့စွမ်းရည်တစ်ခုကြောင့်ပါ။ ခရစ်ဟာ ကိစ္စတစ်ခုခုမဖြစ်ခင် ရှေ့ကိုကြိုမြင်နိုင်ပါတယ်။ ဒါပေမဲ့ ၂မိနစ်အလိုမှပဲမြင်နိုင်တာပါ။ အဲဒီစွမ်းရည်ကြောင့်ပဲ FBIအေးဂျင့်တွေက သူ့ကိုလိုအပ်နေကြတာပါ။ ဘာကြောင့်လဲဆိုရင် Las Vegasမြို့တော်ဟာ အကြမ်းဖက်အုပ်စုတစ်ခုရဲ့ နျူကလီးယားဗုံးဖောက်ခွဲမှုကိစ္စနဲ့ ခြိမ်းခြောက်ခံနေရတာပါ။ အဲဒါကြောင့် ဗုံးမဖောက်ခွဲခင် နျူကလီးယားဗုံးတည်နေရာကို ကြိုပြီးခန့်မှန်းနိုင်အောင် ခရစ်ဂျွန်ဆွန်ကို လိုက်ရှာကြပါတော့တယ်။ အသက်ပေါင်းများစွာကို ခြိမ်းခြောက်နေတဲ့ နျူကလီးယားဗုံးအန္တရာယ်ကို ကြိုပြီးတားဆီးနိုင်မဲ့အရေးကနေ ခရစ်ဂျွန်ဆွန်တစ်ယောက် အေးဂျင့်တွေနဲ့ပူးပေါင်းပါ့မလား။ သူ့မှာရှိတဲ့စွမ်းရည်ရဲ့အားနည်းချက်ကြောင့် ခန့်မှန်းတဲ့နေရာမှာ အလွဲအချော်တွေဖြစ်သွားမလား။ ဒီဇာတ်လမ်းရဲ့အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

လူကယ်ထုတ်တဲ့နေရာမှာဆရာကြီးတစ်ပါးဖြစ်တဲ့ Thor မင်းသား Chris Hemsworth ရဲ့အက်ရှင်ကားကြမ်းကြမ်း Extraction 2 ထွက်ရှိလာခဲ့ပါပြီ။ဒီကားထဲမှာတော့အရေးကြီးတဲ့လူတွေအများကြီးကိုကယ်ထုတ်ပေးနိုင်ခဲ့တဲ့တိုင်လာရိတ်ကပထမကားအပြီးမှာဒဏ်ရာတွေအများကြီးရရှိပြီးမသေရုံတမယ်ဖြစ်နေခဲ့ပါတယ်။ဒါပေမယ့်သူ့ရဲ့လုပ်ဖော်ကိုင်ဖက်တွေကျေးဇူးနဲ့အသက်ဆက်ရှင်နိုင်ခဲ့ပြီးနောက်မှာအငြိမ်းစားယူခဲ့ရပါတော့တယ်။ဒါပေမယ့်အမြဲတမ်းလှုပ်လှုပ်ရှားရှားနေတတ်တဲ့လူတစ်ယောက်အတွက်အငြိမ်းစားယူဖို့ဆိုတာကမလွယ်ကူခဲ့ပါဘူး။တစ်နေ့မှာတော့သူအနားယူနေတဲ့နေရာအထိအလုပ်အပ်မဲ့သူတစ်ယောက်ကရောက်လာပါတော့တယ်။အဓိကစစ်ဆင်ရေးကတော့နာဂါဇီဆိုတဲ့ဒုစရိုက်ဂိုဏ်းကြီးကိုဦးစီးနေတဲ့ညီအစ်ကိုနှစ်ယောက်ထဲကညီဖြစ်သူဖမ်းထားခဲ့တဲ့မိသားစုတစ်စုကိုကယ်ဖို့ပဲဖြစ်ပါတယ်။ဒီလိုနဲ့လှုပ်လှုပ်ရွရွဖြစ်နေတဲ့တိုင်လာတစ်ယောက်စစ်ဆင်ရေးလောကထဲကိုပြန်ဝင်ပြီးညီအစ်ကိုနှစ်ယောက်နဲ့သွားရှုပ်တဲ့အခါမှာဘာတွေဆက်ဖြစ်မယ်ဆိုတာကိုအက်ရှင်ခန်းအကြမ်းစားတွေအများကြီးနဲ့တဝကြီးကြည့်ရှုရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

အချစ်စစ်ဆိုတာကမ္ဘာပေါ်မှာတကယ်ရှိပါတယ်။ဒါပေမယ့်အချစ်စစ်ဆိုတာလဲကိုယ်မျှော်လင့်ထားတဲ့လူဆီကနေလဲရနိုင်သလို မမျှော်လင့်ထားတဲ့လူဆီကနေလဲရနိုင်ပါတယ်။ဒီကားလေးထဲမှာတော့မက်နဲ့တစ်နွိုင်ဆိုတဲ့ရွာသားနှစ်ယောက်ကနက်ဆိုတဲ့ကွမ်းတောင်ကိုင်အချောအလှလေးကိုပြိုင်ပိုးကြတာကိုတွေ့ရမှာပါ။တစ်နွိုင်ကတော့နက်ကိုတင်တောင်းဖို့အတွက်ကြိုးစားပန်းစားအလုပ်တွေလုပ်နေခဲ့တာတောင် မက်ကတော့ပိုခန့်ညားတဲ့အတွက်နက်ရဲ့အချစ်ကိုရရှိခဲ့ပါတယ်။ဒီလိုနဲ့ကံကြမ္မာဆိုးတစ်ခုကြောင့်နက်ဆုံးပါးသွားခဲ့တဲ့အချိန်မှာတကယ်တမ်းနက်အပေါ်ဘယ်သူကအချစ်စစ်နဲ့ချစ်တယ်ဆိုတာကိုသိလာရမှာဖြစ်ပြီးတော့ အချစ်စစ်နဲ့ချစ်တဲ့လူတွေအတွက်ကလဲနာကျင်ရခြင်းတွေရှိတယ်ဆိုတာကိုရိုက်ကူးထားတဲ့ထိုင်းဒရာမာဇာတ်လမ်းလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

အခုတစ်ခါတော့ ကိုရီးယားဟာသကားလေးကိုတင်ဆက်ပေးလိုက်ပါတယ် ဇာတ်လမ်းအကျဉ်းလေးကတော့ ဆိုအွန်းရဲ့ညီမဝမ်းကွဲလေးက အလိမ်ခံရပြီး လူမိုက်တွေစီမှာပိုက်ဆံချေးခဲ့မိပါတယ် အဲ့အချိန်မှာ သူ့အဖေလဲထောင်ကပြန်လွတ်လာပြီး အကြွေးတွေဆပ်ဖို့ကြိုးစားကြရင် ဘယ်လိုပေါက်ကရတွေလုပ်ကြမလဲဆိုတာကိုတော့ ဇာတ်လမ်းလေးကိုကြည့်ပေးကြပါအုံး... ဇာတ်လမ်းအညွှန်းနဲ့ ဘာသာပြန်သူကတော့ innocentsheep ဖြစ်ပါတယ်

ဒီဇာတ်ကားလေးက Comedy, Romance ထိုင်းအချစ်ဟာသကားလေးပါ။ ဇာတ်လမ်းအကျဉ်းကတော့ ပရန်ဟာ အင်္ဂလိပ်စာသင်ကြားနေတဲ့ဆရာမတစ်ယောက်ပါ။ သူ့တပည့်ဖြစ်တဲ့ဟိုင်ရာက အမေရိကမှာအလုပ်သွားလုပ်ဖို့ အင်တာဗျူးအောင်သွားခဲ့ပါတယ်။ သူမသွားခင်မှာ ထိုင်းမှာရှိတဲ့ကောင်လေးကိုအဆက်ဖြတ်ချင်တဲ့အတွက် ပရန့်ကိုအကူအညီတောင်းခဲ့ပါတယ်။ ပရန့်ကတော့ သိပ်အာရုံမနောက်လောက်ဘူးဆိုပြီး ကူညီဖို့လက်ခံလိုက်ပါတယ်။ ဒါပေမဲ့ သူထင်ထားသလို ဖြစ်မလာပဲ ဟိုင်ရာရဲ့ချစ်သူကောင်လေးက လက်မလျှော့တဲ့အပြင် အမေရိကကိုလိုက်သွားဖို့ အင်္ဂလိပ်စာသင်ပေးဖို့တောင်းဆိုလာပါတယ်။ အဲဒီတော့ ပရန်တစ်ယောက် သူများသမီးရည်းစားတွေကြားမှာ ဘယ်လိုဗျာများမလဲ။ သူများကိစ္စကြားဝင်မိပြီး ဘယ်လိုတွေကြုံတွေရမလဲဆိုတာကို ဟာသဆန်ဆန်ပုံပေါ်ထားတဲ့ အချစ်ဒရာမာဇာတ်ကားကောင်းလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ MCEC ဖြစ်ပါတယ်

2008 ခုနှစ်ကထွက်ခဲ့တဲ့ ပြိုင်ပွဲဆိုတဲ့ ဒီဇာတ်ကားမှာ ရန်ဗီနဲ့ရာဂျီ့ဗ်ဆိုတဲ့ညီအစ်ကိုနှစ်ယောက်အကြောင်းကို အသားပေးရိုက်ကူးထားပါတယ်။ ငယ်ငယ်တည်းက ယှဉ်ပြိုင်လိုစိတ်များတဲ့ညီဖြစ်သူက အဖေ့ဆီမျက်နှာသာပေးခံရသလို ဖြစ်နေတဲ့အစ်ကိုဖြစ်သူ ရန်ဗီကို မနာလိုကာ အနိုင်ယူလိုစိတ်များနေခဲ့ပါတယ်။ အသက်အရွယ်ရောက်လာတာနဲ့အမျှ ရာဂျီ့ဗ်က ရန်ဗီကိုအနိုင်လိုချင်ရင်းအစ်ကိုရဲ့အသက်ကိုပါဘယ်လို အန္တရာယ်ပြုလာဦးမလဲ။ တစ်ယောက်ကိုတစ်‌ယောက် အနိုင်ယူလိုချင်တဲ့ ဒီပြိုင်ပွဲကြီးကရော ဘယ်မှာအဆုံးသတ်မလဲ။ ယှဉ်ပြိုင်နေတာချည်းသက်သက်မဟုတ်ပဲ ညီအစ်ကိုသံယောဇဉ်နဲ့အတူ စိတ်ဝင်စားစရာဇာတ်ကွက်တွေလဲပါဝင်တာမို့ လက်မလွှတ်စတမ်းကြည့်နိုင်ဖို့ အခုလိုပဲညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

တရုတ်ပြည်မှာ ပြည်ပကျူးကျော်ဝင်ရောက်မှုတွေဖြစ်နေချိန် တရုတ်ပြည်ရဲ့ယဉ်ကျေးမှုအမွေအနှစ်တွေကို ကျူးကျော်သူဂျပန်တွေက မျက်စိကျလာကြပါတယ်။ ကိုယ့်တိုင်းပြည်ရဲ့ရတနာတွေကို ဂျပန်တွေလက်ထဲအပါမခံနိုင်တဲ့ တော်လှန်ရေးသမားလျိုယွင်ဖေးဟာ ရတနာတွေကိုဂျပန်တွေထက်အရင်ရှာဖွေပြီး တော်လှန်ရေးအတွက်အသုံးချမယ်ဆိုတဲ့ရည်ရွယ်ချက်နဲ့ နယ်ပယ်အသီးသီးကကျွမ်းကျင်သူတွေစုပြီး ရတနာပျောက်ရှာပုံတော်ဖွင့်ကြပါတယ်။ ရတနာတွေကိုရှာဖွေရင်း ဘယ်လိုထူးဆန်းတဲ့အရာတွေနဲ့တွေ့ကြုံရဦးမလဲ။ ရှေးဟောင်းအမွေအနှစ်တွေကိုရော ရှာတွေ့ကြပါ့မလား... ဒီဇာတ်လမ်းရဲ့အညွှန်းနဲ့ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

2023 ရဲ့ အ Hype ဆုံးဇာတ်ကားတွေထဲကတစ်ကားဖြစ်တဲ့ Fast And Furious ရဲ့နောက်ဆုံးထွက် Fast X ကိုတင်ဆက်ပေးလိုက်ပါတယ်။ဒီကားထဲမှာတော့ Fast And Furious ထဲက Character တွေအများကြီးကိုတွေ့မြင်ရမှာဖြစ်ပြီးတကယ့်နာမည်ကြီးတွေအများကြီးပါဝင်ထားတာပဲဖြစ်ပါတယ်။ဇာတ်လမ်းအကျဉ်းချုပ်ကတော့ Fast Five မှာတုန်းကဟာနန်ရေးစ်လို့ခေါ်တဲ့မူးယစ်ယာဇာတစ်ယောက်ဆီကနေပြီးတော့သူ့ရဲ့ငွေတွေထည့်ထားတဲ့အလုံခန်းကြီးတစ်ခုကိုတရွတ်တိုက်ဆွဲပြီးဓားပြတိုက်ခဲ့ပါတယ်။မင်းသား Paul Walker နဲ့ရိုက်ထားတဲ့ Epic Scene တစ်ခုဖြစ်ပြီးမှတ်မိတဲ့သူတွေလဲရှိကြမှာပါ။အဲ့ဒီမှာဟာနန်ရေးစ်ကသူ့ရဲ့ငွေတွေကိုပြန်လိုက်ယူဖို့ကြိုးစားရင်းနဲ့သေဆုံးသွားတဲ့အခါမှာသားဖြစ်သူကနာကျင်ခံစားမှုတွေနဲ့ကျန်ခဲ့ရပါတော့တယ်။ဒီလိုနဲ့ရေးစ်ရဲ့သားဖြစ်သူကဒွန်တို့တစ်မိသားစုလုံးကိုလက်စားချေဖို့အတွက်အစီအစဉ်ကောင်းကောင်းတွေနဲ့ကြိုးစားပုံကိုအဓိကထားပြီးတွေ့ရမှာပဲဖြစ်ပါတယ်။ဒွန်တို့ကရောရေးစ်ရဲ့သားဖြစ်သူလက်ထဲကနေပြေးလွှတ်နိုင်ပါ့မလားပြန်တိုက်ခိုက်ကြမလားဆိုတာကိုအက်ရှင်တွေ ကားတိုက်ပွဲတွေနဲ့ ရင်ခုန်စိတ်လှုပ်ရှားစရာတွေနဲ့အတူတစ်ဝကြီးကြည့်ရမှာပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

မင်းသားကြီး Jean-Claude Van Damme သရုပ်ဆောင်ထားတဲ့ ဇာတ်လမ်းကောင်းတစ်ပုဒ်ပါ ဇာတ်လမ်းလေးကတော့ မင်းသားဖြစ်သူဒါရန်နဲ့ သူ့ကလေးတွေ ပစ်ဘာဒ့်ပင်ကွင်းအသင်းရဲ့ဖိုင်နယ်ပွဲကို အားပေးဖို့သွားကြပါတယ် ဒုတိယသမ္မတလဲ ထိုပွဲကိုလာရောက်အားပေးရင်း မသမာသူတွေက တိုက်ခိုက်လာတော့ ဘယ်လိုပြန်လည်တိုက်ထုတ်သွားမလဲဆိုတာကို ဇာတ်လမ်းလေးကိုအားပေးလိုက်ကြပါအုံး.... ဇာတ်လမ်းအညွှန်းနဲ့ ဘာသာပြန်သူကတော့ innocensheep ဖြစ်ပါတယ်

ဒီဇာတ်ကားလေးက မင်သားကြီးဂျက်ကီချမ်းရဲ့အသစ်ထွက်ရှိလာတဲ့ Action, Comedy, Drama အမျိုးအစားဖြစ်ပါတယ်။ ဇာတ်လမ်းအကျဉ်းကတော့ ဆရာလုဟာ တစ်ချိန်က စတန့်လောကမှာ ဒိတ်ဒိတ်ကျဲ အောင်မြင်ခဲ့ပေမယ့် ရိုက်ကွင်းမတော်တဆမှုတစ်ခုကြောင့် သူ့ကုမ္ပဏီကိုဒေဝါလီခံလိုက်ရပြီး အကြွေးတွေပတ်လည်ဝိုင်းနေပါတယ်။ သူဟာ ငနီဆိုတဲ့မြင်းလေးနဲ့အတူ နေထိုင်ရင်း ဘဝကို ခက်ခဲပင်ပန်းစွာရုန်းကန်နေရတာပေါ့။ တစ်နေ့မှာတော့ ရှေ့နေနှစ်ယောက်က ငနီကိုသိမ်းဖို့ရောက်လာခဲ့ပါတယ်။ အကြောင်းအရင်းကတော့ ငနီရဲ့အမေကိုပိုင်ဆိုင်ခဲ့တဲ့ သူဌေးဝမ်ရဲ့ကုမ္ပဏီဒေဝါလီခံလိုက်ရပြီး ပိုင်ဆိုင်မှုတွေအားလုံးကိုသိမ်းယူရမယ်လို့ တရားရုံးက အမိန့်ကျလာလို့ပါ။ အဲဒီတော့ ဆရာလုတစ်ယောက် ရှေ့နေလည်းမငှားနိုင် မြင်းကိုလည်းအဆုံးရှုံးမခံနိုင်တော့ ဥပဒေကျောင်းတက်နေတဲ့ သမီးဖြစ်သူဆီကို အကူအညီသွားတောင်းရပါတော့တယ်။ သမီးဖြစ်သူကလည်း အမေဆုံးသွားတဲ့ကိစ္စနဲ့ပတ်သက်ပြီး ဆရာလော့ကို အရမ်းမုန်းတီးနေခဲ့တာပါ။ အဲဒီတော့ ဆရာလော့တစ်ယောက် သူ့သမီးနဲ့ပြန်ပြေလည်သွားမလား။ သူ့မြင်းလေးကိုရော ကာကွယ်နိုင်ပါ့မလားဆိုတာကိုစိတ်ဝင်တစားကြည့်ရှုခံစားရမယ့် ဇာတ်ကားကောင်းလေးဖြစ်ပါတယ်။ ဒီဇာတ်ကားလေးထဲမှာ စတန့်သမားတွေရဲ့ ဘဝအကြောင်းတွေ၊ ခံစားချက်တွေ၊ သားအဖကြားထဲက သံယောဇဉ်နဲ့ ငနီအပေါ်မှာထားတဲ့ မေတ္တာတရားကို အကောင်းဆုံးပုံဖော်ထားတာဖြစ်လို့ မျက်ရည်ကျရတဲ့အထိခံစားရနိုင်တဲ့ ဇာတ်ကားလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့

တစ်ချိန်ကဒိတ်ဒိတ်ကြဲနာမည်ကြီးခဲ့တဲ့ Happy Ghost ဆိုတဲ့တရုတ်ရုပ်ရှင်ရဲ့လေးကားမြောက်ကိုတင်ဆက်ပေးလိုက်ပါတယ်။ဒီကားလေးရဲ့အကျဉ်းချုပ်ကတော့ကွိုင်ဆိုတဲ့လူတစ်ယောက်ရဲ့အနားမှာသူ့ရဲ့အတိတ်ဘဝကသရဲကအမြဲတမ်းရှိနေပြီးသူ့ကိုအမြဲတမ်းကူညီပေးနေတတ်ပါတယ်။အဲ့ဒါကိုကွိုင်ကတော့သဘောမကျပါဘူး။ဒီလိုနဲ့ကွိုင်တစ်ယောက်အလုပ်လက်မဲ့ဘဝကနေသူ့ကောင်မလေးရဲ့အဖေရဲ့ကျောင်းမှာကျောင်းဆရာလုပ်ခွင့်ရခဲ့ပါတော့တယ်။ကွိုင်ရဲ့ကောင်မလေးကိုလိုက်ဖြတ်ခုတ်ချင်နေတဲ့သူဌေးသားတစ်ယောက်ကလဲရှိနေပြီးသူတို့ယောက်ျားနှစ်ဦးရဲ့အားပြိုင်မှုတွေကလဲရယ်စရာကောင်းလှပါတယ်။ဒီလိုနဲ့တစ်နေ့မှာကျောင်းသားတွေကမကောင်းဆိုးဝါးသရဲပူးကပ်နေတဲ့ဝတ်စုံကြီးကိုကျောင်းကိုပြန်ယူလာပြီးနောက်မှာမကောင်းဆိုးဝါးဝိဉာဉ်ကအသက်ပြန်ဝင်လာပြီးသူ့ကိုအတိတ်ဘဝမှာသတ်ခဲ့တဲ့ကောင်မလေးနဲ့တူနေတဲ့ကွိုင်ရဲ့ကောင်မလေးကိုသတ်ဖို့ကြိုးစားပါတော့တယ်။ဒီလိုနဲ့ကွိုင်တို့အဲ့ဒီမကောင်းဆိုးဝါးကိုအနိုင်ယူနိုင်ပါ့မလားဆိုတာကိုကြည့်ရှုရမှာပဲဖြစ်ပါတယ်။ဇာတ်ကားဟောင်းဆိုပေမဲ့ Happy Ghost ရုပ်ရှင်တွေကမနားတမ်းရယ်မောနေရအောင်ကိုကြည့်လို့ကောင်းတဲ့အတွက်ဟာသကားကြည့်ချင်သူတွေအတွက်ဆိုရင်တော့သင့်တော်မဲ့ဇာတ်ကားလေးပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်

ပထမတစ်ပိုင်းတုန်းက ရှေးခေတ်ရဲ့လှပတဲ့ ဇာတ်လမ်းဇာတ်ကွက်တွေနဲ့ဖမ်းစားနိုင်ခဲ့တဲ့ ဇာတ်လမ်းရဲ့အပိုင်းနှစ်ကလဲ အကြည့်မခွာနိုင်အောင် စိတ်ဝင်စားစရာပါ။ အပိုင်းတစ်မှာ အာရွန်မိုဇီကိုအကျဉ်းချကာ သင်္ဘောနဲ့စေလွှတ်ပြီးတဲ့နောက် ရေနစ်ကာပျောက်ဆုံး‌သွားတဲ့ အာရွန်မိုဇီကတကယ်ပဲသေဆုံးသွားခဲ့ပြီလား။ ချိုလာတိုင်းပြည်ကြီးကိုတိုက်ခိုက်ဖို့ကြိုးစားနေတဲ့ သူပုန်တွေအခွင့်အရေးရလာတဲ့အခါ ချိုလာဘုရင်ကြီးလဲအကြပ်ရိုက်နေခဲ့ပါတယ်။ အနာဂတ်ပျောက်နေသလို နိုင်ငံကြီးကိုသူပုန်တွေလက်ကကယ်တင်ဖို့ အာရွန်မိုဇီကို အချိန်မီပြန်ရှာတွေ့နိုင်ပါ့မလား။ လက်စားချေဖို့ချောင်းနေတဲ့ နန်ဒီနီကရော လက်စားချေနိုင်ဖို့ ဘယ်လိုတွေအကွက်ရွှေ့သွားဦးမလဲ။ သမိုင်းကြောင်းနဲ့အတူမျက်စိမလွှဲနိုင်အောင် စိတ်ဝင်စားစရာအလှည့်အပြောင်းတွေလဲပါဝင်ပြီး အပိုင်းနှစ်ကစကြည့်လဲ ဇာတ်ရည်လည်လွယ်တာမို့ ဒီဇာတ်ကားလေးကိုအခုလိုပဲ ညွှန်းပေးလိုက်ရပါတယ်။ ဤဇာတ်ကားကိုအညွှန်းရေးပေးပြီး ဘာသာပြန်ပေးသူမှာ Zen ဖြစ်ပါတယ်။

ဖြစ်ရပ်မှန်ဆိုရင်စိတ်ဝင်စားကြတဲ့လူတွေအတွက်ဒီတစ်ခေါက်မှာလဲဖြစ်ရပ်မှန်မှုခင်းဇာတ်ကားလေးတစ်ကားနဲ့မိတ်ဆက်ပေးလိုက်ပါတယ်။ဒီဇာတ်ကားကို 2016 ခုနှစ်ကဖြစ်ပျက်ခဲ့တဲ့အမေရိကန်နိုင်ငံရဲ့ရွေးကောက်ပွဲသတင်းပေါက်ကြားမှုနဲ့ရှရှားဟက်ကာတွေရဲ့ကြားကအဖြစ်အပျက်တွေကိုအခြေခံပြီးရိုက်ကူးထားတာပဲဖြစ်ပါတယ်။ဇာတ်လမ်းအကျဉ်းချုပ်ကတော့လေတပ်ကဘာသာပြန်ပေးသူဟောင်းတစ်ယောက်ဖြစ်ခဲ့တဲ့ ရီရယ်လတီဝင်နာကအစိုးရရဲ့လျှို့ဝှက်သတင်းတစ်ခုကိုပေါက်ကြားအောင်လုပ်ခဲ့တယ်လို့သံသယရှိနေတဲ့အတွက် FBI အေးဂျင့်တွေကသူ့အိမ်ကိုရှာဖွေဝရမ်းနဲ့အတူလာရောက်ပြီးမေးမြန်းစစ်ဆေးပုံတွေကိုစိတ်ဝင်တစားကြည့်ရှုရမှာဖြစ်ပြီးနောက်ဆုံးမှာသတင်းပေါက်ကြားမှုကဘယ်လိုဖြစ်ခဲ့တယ်ဆိုတာကိုတဖြည်းဖြည်းသိလာရတဲ့ပုံတွေကိုရိုက်ကူးထားတာဖြစ်ပါတယ်။ဒီဇာတ်ကားက Rating ကောင်းတဲ့ Drama/Crime ဇာတ်ကားတစ်ကားဖြစ်တဲ့အတွက်ဖြစ်ရပ်မှန်မှုခင်းကြိုက်နှစ်သက်တဲ့လူတွေမဖြစ်မနေကြည့်ရှုသင့်တဲ့ဇာတ်ကားကောင်းတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Eazy ဖြစ်ပါတယ်