Lead Children (ပိုလန်လို: Ołowiane dzieci) ကတော့ တကယ့်ဖြစ်ရပ်မှန်ကို အခြေခံထားတဲ့ ရင်နင့်စရာ ဇာတ်လမ်းတွဲပါ။ ၁၉၇၀ ပြည့်လွန်နှစ်တွေက ပိုလန်နိုင်ငံ၊ ဆိုင်လီရှား (Silesia) ဒေသရဲ့ သတ္တုတွင်းမြို့လေးတစ်မြို့မှာ ဖြစ်ပျက်ခဲ့တဲ့ ဆိုးရွားတဲ့ သမိုင်းကြောင်းတစ်ခုကို ဖော်ထုတ်ပြထားတာပါ။ ချာနိုဘယ်စီးရီးလိုပဲ ကွန်မြူနစ်အစိုးရကာလရဲ့ အုပ်ချုပ်မှုအလွဲတွေအကြောင်းပါပဲ။ ဇာတ်လမ်းအကျဉ်း ဇာတ်လမ်းက ပိုလန်ရဲ့ ကတ်တိုဗိုက်စ် (Katowice) မြို့နားက စက်မှုဇုန်တစ်ခုမှာ အခြေခံထားပါတယ်။ အဲဒီက သတ္တုအရည်ကျိုစက်ရုံက ထွက်တဲ့ မီးခိုးတွေကြောင့် ပတ်ဝန်းကျင်က ကလေးတွေဟာ ခဲဆိပ်သင့်တဲ့ရောဂါ (Lead Poisoning) ကို ဆိုးဆိုးရွားရွား ခံစားရပါတယ်။ ဒါပေမဲ့ စက်ရုံအလုပ်သမားတွေက အလုပ်ပြုတ်မှာ ကြောက်သလို ဗဟုသုတလည်းမရှိတာကြောင့် ဘာမှမလုပ်ခဲ့ကြပါဘူး။ ဆရာဝန်ကိုတောင်အပြစ်မြင်နေခဲ့ကြတာပါ။ အဲဒီအချိန်က အာဏာပိုင်တွေနဲ့ စက်ရုံတာဝန်ရှိသူတွေက ဒါကို ဖုံးဖုံးဖိဖိ လုပ်ဖို့ကြိုးစားရင်း ဆရာဝန်ကို မျိုးစုံခြိမ်းခြောက်ပါတော့တယ်။ အဲဒီအချိန်မှာ ဒေါက်တာ Jolanta Wadowska-Król ဆိုတဲ့ အမျိုးသမီး ဆရာဝန်လေးက ဒါကို ရဲရဲဝံ့ဝံ့ ဖော်ထုတ်ပြီး ကလေးတွေရဲ့ အသက်ကို ကယ်တင်ဖို့ ကြိုးစားပုံကို ရိုက်ကူးထားတာပါ။ အဲဒီခေတ်က ပိုလန်နိုင်ငံရဲ့ လူနေမှုစတိုင်၊ မြို့ပြအခြေအနေနဲ့ စက်မှုဇုန်တွေရဲ့ မြင်ကွင်းတွေကို အရမ်းကို သဘာဝကျအောင် ပုံဖော်ထားပါတယ်။ File size…(1 GB)/(500 MB) Quality…
ဇာတ်ကားကြည့်ရန်
