Shatru ပါဝင်သော ဇာတ်ကားများ

Lenin (2026) လီနင် IMDb 6.7 မိဘမဲ့ ကောင်လေးတစ်ယောက်ဖြစ်တဲ့ လီနင်က ရွာခေါင်းဆောင်အမျိုးသမီးရဲ့ မွေးစားခြင်းကို ခံရပြီး ရွာထဲမှာတင် ကြီးပြင်းလာခဲ့ပါတယ် ဒီလိုနဲ့ ဘာရသီဆိုတဲ့ ကောင်မလေးနဲ့ ချစ်ကြိုက်မိသွားရာကနေ ရွာနှစ်ရွာကြားက မကျေလည်မှုတွေ၊ နိုင်ငံရေးအရ ပြိုင်ဆိုင်မှုတွေနဲ့ မနာလို အာဃာတတွေကြားထဲကို မမျှော်လင့်ဘဲ ပါဝင်ပတ်သက်သွားရပါတော့တယ်။ အထူးသဖြင့် ရွာရဲ့ ပွဲတော်ကာလအတွင်းမှာ နေရာလုချင်ကြတဲ့ ဒုစရိုက်သမားတွေနဲ့ ဆွေမျိုးအသိုင်းအဝိုင်းထဲက သစ္စာဖောက်မှုတွေကြောင့် လီနင်တစ်ယောက် ထောင်ကျသွားခဲ့ရပြီး သူ့ရဲ့ ချစ်သူ၊ မိသားစုနဲ့ ဘဝပါ ပျက်စီးခဲ့ရပါတယ်။ ထောင်ကနေ ပြန်လွတ်လာတဲ့အခါမှာတော့ လီနင်တစ်ယောက် သူ့ဘဝကို ဖျက်ဆီးခဲ့တဲ့ ရန်သူတွေကို ရှာဖွေပြီး တစ်ယောက်ချင်းစီ တိုက်ခိုက် လက်စားချေဖို့ ပြန်လည်ရောက်ရှိလာပါတော့တယ်။ကဲ အလှည့်အပြောင်းမျိုးစုံနဲ့အတူ လီနင်တစ်ယောက် သူ့ရဲ့ အမှန်တရားနဲ့ ချစ်သူကို ပြန်လည်ရရှိအောင် ဘယ်လိုလက်စားချေပွဲကြီးကို ဆင်နွှဲသွားမလဲဆိုတာကိုတော့...။ File size… 2.9 GB / 1.5 GB Quality…WEB DL 1080p HEVC/ 720p Format…mkv/ mp4 Duration…. 2h 36m Subtitle….Myanmar Subtitle (Hard Sub)

Pallichattambi (2026) ဘုရားကျောင်းလူမိုက် မာလျာလမ်ရုပ်ရှင်လောကရဲ့ ကြယ်ပွင့်မင်းသား တိုဗီနိုသောမတ်စ်ရဲ့ ခေတ်ဟောင်းနောက်ခံ ဟာသ၊ အက်ရှင်၊ ဒရာမာ ရုံတင်ကားသစ်ကြီးကို ပရိသတ်တွေအတွက်တင်ဆက်ပေးလိုက်ပါတယ်။ မင်းသား တိုဗီနိုရဲ့ရုပ်ရှင်တွေဟာ ဇာတ်လမ်းမကောင်းတဲ့ကားဆိုတာ မရှိသလောက်ကိုရှားပါတယ်။ ဒီရုပ်ရှင်ဟာ အိန္ဒိယနိုင်ငံ လွတ်လပ်ရေးရပြီး နိုင်ငံရေးအကူးအပြောင်းကာလကို အခြေခံဇာတ်အိမ်တည်ထားတာပါ။ ၁၉၆၀ ဝန်းကျင် အကူးအပြောင်းကာလမှာ ခရစ်ယာန် အများစုနေထိုင်ကြတဲ့ ကယ်ရယ်လာပြည်နယ်မှာ ကွန်မြူနစ်အစိုးရတက်လာခဲ့ပါတယ်။ အဲဒီမှာ ထုံးစံအတိုင်း ဘာသာရေးကိစ္စ ပွတ်တိုက်မှုတွေဖြစ်ပြီး ပြဿနာတွေကြီးလာတဲ့အခါ ခရစ်ယာန်အသင်းတော်တွေဟာ ကိုယ့်ဘုရားကျောင်းကိုယ်ကာကွယ်ဖို့ ရပ်ရွာထဲက အားကိုးရတဲ့လူငယ်တွေကိုငှားပြီး ကျောင်းစောင့်တပ်ဖွဲ့ကြပါတယ်။ အဲဒီမှာ ဘုရားကျောင်းတစ်ခုဟာ ကျန်ဘုရားကျောင်းတွေက လက်ဦးသွားတာကြောင့် ကာကွယ်ဖို့လူတွေ မကျန်တော့တဲ့အတွက် လမ်းမှာတွေ့တဲ့ ပိုသန်ဆိုတဲ့ လူပျော်တစ်ဦးကို ဘုရားကျောင်းစောင့်အဖြစ်ခန့်ဖို့ခေါ်လာခဲ့ပါတယ်။ ဒါပေမဲ့ မရှိသုံးသုံးဖို့ခေါ်လာတဲ့ ပိုသန်ဟာ နှယ်နှယ်ရရပုဂ္ဂိုလ်မဟုတ်ဘဲ ဇာတ်လိုက်တို့ရဲ့အင်္ဂါရပ်နဲ့ပြည့်စုံနေတဲ့ ဆရာ့ဆရာကြီးဖြစ်နေတဲ့အခါမှာတော့...။ File size… 4.7 GB / 2.24 GB / 1.16 GB Quality…WEB DL 1080p HEVC/ 720p Format…mkv/ mp4 Duration….2h 8mins Subtitle….Myanmar Subtitle (Hard Sub)

Mayasabha S1 (2025) ကန့််လန်ကာနောက််ကွယ် ဒီတစ်ခါ တင်ဆက်ပေးချင်တာကတော့... (Political) ဆိုတဲ့ စကားလုံးရဲ့ အနက်အဓိပ္ပာယ်ကို သေသေချာချာ သိသွားစေမယ့်။ လှည့်စားမှုရူးသွပ်မှုတွေနဲ့ ပြည့်နှက်နေတဲ့ ရှယ်လန်း စီးရီးကြီး တစ်ခုအကြောင်းပါပဲ။ ဘောလိဝုဒ်ဘက်က မဟုတ်ဘဲ တောင်ပိုင်းလောက (Telugu) ကနေ ထွက်လာပေမယ့် ဇာတ်လမ်းက အစစ်အမှန် ဘုရင်ကြီးနှစ်ပါး ရဲ့ ဘဝဇာတ်ကြောင်းကို ရဲရဲတင်းတင်း ပုံဖော်ထားတာမို့ စိိတ်ဝင်စားဖိို့ ကောင်းပါတယ် ဇာတ်လမ်းလေးကတော့ ပညာတတ်၊ စိတ်ဓာတ်ပြည့်ဝတဲ့ သူငယ်ချင်းနှစ်ယောက် — တစ်ယောက်က လယ်သမားသား၊ နောက်တစ်ယောက်က ဩဇာတိက္ကမရှိတဲ့ ခေါင်းဆောင်ရဲ့သား တို့အကြောင်းပါပဲ။ သူတို့နှစ်ဦးဟာ နိုင်ငံအတွက် အတူတူလက်တွဲပြီး ကောင်းရာကောင်းကျိုးလုပ်မယ်ဆိုတဲ့ စိတ်ဓာတ်နဲ့ ဒီလောကထဲကို ခြေစုံပစ်ဝင်ခဲ့ကြတယ်။ ဒါပေမဲ့ လောကကြီးက သူငယ်ချင်းဆိုတာထက် ရာထူးနဲ့ နေရာကိုပဲ သိတာကိုး။ တစ်ချိန်က ပခုံးချင်းယှဥ်ခဲ့ကြတဲ့ သူငယ်ချင်းနှစ်ယောက်ဟာ အာဏာထိပ်ခေါင်မှာ တစ်ယောက်ပဲ နေခွင့်ရှိတဲ့အခါ... မိုက်မိုက်ကန်းကန်းပဲ ပြိုင်ဘက်တွေ ဖြစ်သွားကြပါတော့တယ်။ ဘယ်သူက ဘယ်သူ့ကို သစ္စာဖောက်မလဲ? ဘယ်သူက ဉာဏ်များပြီး အာဏာရဲ့အရသာကို ပိုမြည်းစမ်းမလဲဆိုတာကို ပွဲကြမ်းကြီး ကြည့်ရမှာပါ။ ပြောချင်တာကတော့... အခွင့်အရေး နဲ့ ရာထူးဆိုတာ ဘယ်လောက်တန်ဖိုးရှိသလဲ၊ တစ်ချိန်က ခင်မင်မှုကြီးတွေ ဒီလို အဘက်ဘက်က ပြည့်စုံနေတဲ့၊ မျက်ရည်၊ ဒေါသ၊ ရူးသွပ်မှု၊ ဉာဏ်နီဉာဏ်နက်တွေ အကုန်လုံး ထည့်သွင်းထားတဲ့ မာယာပရိယာယ်အစုံနဲ့ စီးရီးကြီးကို ပရိသတ်ကြီးတို့ အဝခံစားနိုင်ဖို့ ကြိုးစားဘာသာပြန်တင်ဆက်ပေးလိုက်ပြီပဲ ဖြစ်ပါတယ်။ မကြည့်ရသေးရင် အမြန်ဆုံးသာ စပြေးကြည့်လိုက်ပါတော့ File Size – 800 MB (Appx;)@Episode Quality – 1080p WEB DL Duration –45minute (@Episode) Total Episodes:9Eps Subtitle – Myanmar Hardsub Format – Mp4 Genre : War & Politics, Drama

Uppu Kappurambu (2025) "သင်္ချိုင်းနေရာ" လူတစ်ယောက်သေဆုံးသွားတဲ့အခါ ကောင်းကောင်းမွန်မွန်မြှုပ်နှံပေးခြင်းဟာ ကျန်ရစ်သူတို့ရဲ့ချစ်ခြင်းတရားကို ပြသခြင်းတစ်မျိုးဖြစ်မယ် ထင်ပါတယ်။ ဒါတွေကလည်း လူတွေရဲ့အယူအဆနဲ့ အခြေအနေအပေါ် မူတည်ပြီး ကွဲပြားသွားမှာပါ။ အခုတင်ဆက်ပေးမဲ့ ကျေးလက်နောက်ခံ ဟာသ-ဒရာမာဇာတ်လမ်းဟာလည်း အဲဒီအကြောင်းကိုအခြေခံပြီး စိတ်ကူးဖန်တီး ရိုက်ကူးထားတာဖြစ်ပါတယ်။ ချစ်တီဂျေယာပူရမ်ဆိုတာ အနီးနားရွာတွေကြားမှာ ထူးခြားလှတဲ့ရွာလေးတစ်ရွာပါ။ အဓိကကတော့ သူ့ရဲ့သမိုင်းကြောင်းနဲ့ သေသူတွေကိုမြှုပ်နှံပေးရာမှာ ထူးခြားတဲ့ အလေ့အထကြောင့်ပါပဲ။ အဲဒီရွာလေးမှာ သေသူတိုင်းကို ပြီးစလွယ်မဟုတ်ဘဲ အုတ်ဂူတွေနဲ့ အသေအချာမြှပ်နှံပေးကြတဲ့ ဓလေ့ရှိပါတယ်။ အုတ်ဂူမှာလည်း နာမည် မွေးရက် သေဆုံးရက်တို့တင်မက သေဆုံးရတဲ့အကြောင်းကိုပါ ရေးထွင်းလေ့ရှိပါတယ်။ သေသူတွေကို ပြီးစလွယ်မမြှုပ်ကြတာဟာလည်း ရွာကလူတွေရဲ့ရှေးသမိုင်းကြောင်းတစ်ခုနဲ့ ဆက်စပ်နေတာကြောင့် ဖြစ်ပါတယ်။ ဒါပေမဲ့ တစ်နေ့တော့ သူတို့ရွာမှာ သင်္ချိုင်းနေရာရှားပါးလာပါတယ်။ သေသူကိုပြီးစလွယ်မြှုပ်နှံလို့မရတဲ့ သမိုင်းအစဉ်အလာကလည်း ရှိနေတာမို့ အဒီကိစ္စဟာ ရွာအတွက် ပြဿနာကြီးတစ်ခု ဖြစ်လာပါတော့တယ်။ အဲဒီအခါ အဖေ့နေရာကိုဆက်ခံပြီး မဖြစ်ချင်ဘဲ ရွာလူကြီးဖြစ်လာရတဲ့ အာပူဗာဆိုတဲ့မိန်းကလေးရယ်၊ သုဘရာဇာလေး ချင်နာရယ်၊ ရွာသူရွာသားတွေရယ် ပူးပေါင်းပြီး ရွာအတွက် ဘယ်လိုအဖြေရှာကြမလဲ၊ ဘာတွေကြုံတွေ့ရမလဲဆိုတာကို ဟာသနှောပြီး တင်ဆက်ထားတာမို့ ရယ်ရယ်မောမော ပေါ့ပေါ့ပါးပါး ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်တွေကတော့ CM Bollywood Team ဖြစ်ပါတယ်။) File size… 2.6 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 16min Subtitle….Myanmar Subtitle (Hard Sub) Encoder….YK Translated by CM Bollywood Team

Devaki Nandana Vasudeva (2024) ရုပ်ထွက်က WEBDL အကြည်ဖြစ်ပေမယ့် HQ Audio ရုံသံအကြည်ဗားရှင်းသာဖြစ်ပါတယ် "နိမိတ်" တေလဂူး အက်ရှင်ဇာတ်ကြမ်း အချစ်အလွမ်း ဇာတ်လမ်းလေးတစ်ပုဒ်ကို တင်ဆက်လိုက်ပါတယ် ကန်ဆာရာဂျူးဆိုတာ ထင်တိုင်းကျဲလွန်းလို့ သူတို့တစ်နယ်လုံး ဖိတ်ဖိတ်တုန် ကြောက်ရတဲ့ လူမိုက်တစ်ဦး လူမိုက်ဆိုပေမဲ့ ဘာသာတရားကိုယုံကြည်ပြီး အယူသီးတဲ့လူတစ်ယောက်ဖြစ်တာကြောင့် တစ်နေ့မှာ သူယုံကြည်တဲ့ ဆွာမိတစ်ပါးက 'မင်းကိုသတ်မယ့်လူက မင်းညီမရဲ့ ဝမ်းကြာတိုက်' ထဲမှာလို့ နိမိတ်ဖတ်တာကို ယုံကြည်သွားခဲ့တယ် လူသတ်မှုတစ်ခုနဲ့ သူထောင်ကျသွားခဲ့ပြီး တစ်ရက်တည်းမှာ သူ့ညီမကတော့ ဆတ်တယာဆိုတဲ့ သမီးလေး မွေးခဲ့ပါတယ် ဆတ်တယာလေး ကြီးလာတဲ့အချိန် ထောင်ကပြန်ထွက်လာတဲ့ ကန်ဆာရာဂျူးက ရန်ရှာဖို့ ကြိုးစားတဲ့အခါမှာ ကယ်တင်ရှင်မင်းသားလေး ပေါ်လာမှာလား ဆက်လက်ကြည့်ရှုလိုက်ပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 2.6 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 8m Subtitle….Myanmar Subtitle (Hard Sub) Encoder….YK  Translated by CM Bollywood Team

Narakasura (2023) "နတ်ဆိုး" IMDb 8.4 ရထားတဲ့ တေလဂူး အက်ရှင်ဇာတ်ကားလေးဖြစ်ပြီး စွန့်လွှတ်ခြင်း၊ အချစ်၊ အာဏာ၊ ရိုမန့်၊ LGBT community အစရှိသဖြင့် ခံစားမှုရသစုံလင်အောင် ပရိသတ်ကြီးကို ဖျော်ဖြေပေးနိုင်မယ့် ဇာတ်ကားတစ်ကား တင်ဆက်ပေးလိုက်ပါတယ် "နတ်ဘုရားတစ်ပါး မိစ္ဆာအသွင်ပြောင်းသွားရင် သာမန်မိစ္ဆာတွေထက် အဆမတန်ပိုပြီး ရက်စက်တတ်တယ်" ဆိုတဲ့ စကားအတိုင်း ဇာတ်လိုက်ကျော် "ရှီဗာ" ရဲ့ အမျက်ဒေါသနဲ့အတူ နောက်ဆက်တွဲ လက်စားချေခြင်းတို့ကို တွေ့မြင်ရမှာပါ ဇာတ်လမ်းအစမှာ ငရုတ်ကောင်းခြံတစ်ခြံရဲ့ လူတိုင်းအားထားရတဲ့ အလုပ်သမား "ရှီဗာ" ပျောက်ဆုံးသွားတာကို အားလုံးလိုက်ရှာစုံစမ်းကြရင်း လျှို့ဝှက်ချက်တွေနဲ့ တစ်ဖက်သတ် အချစ်ဇာတ်လမ်းတို့ သိလာကြပြီး... ရှီဗာ့ကိုချစ်တဲ့သူ၊ ရှီဗာက ချစ်တဲ့သူတွေကို လွှတ်တော်အမတ်ရဲ့သားဖြစ်သူ အာဒီနိုင်ဒူက နှောင့်ယှက်လာတဲ့အခါမှာ ပင်ကိုယ်ခွန်အားကြီးပေမယ့် အေးဆေးနေတတ်သူ "ရှီဗာ" တစ်ယောက် နတ်ဆိုးသဖွယ် ဒေါသငယ်ထိပ်တက်သွားခဲ့ပြီး အပျက်အစီး ထိခိုက်မှုတွေ သောင်းပြောင်း ဖြစ်လာခဲ့ချိန်မှာတော့ ။။။ ဘာတွေဆက်ဖြစ်သွားမယ်ဆိုတာ ခံစားကြည့်ရှုလိုက်ပါဦး အညွှန်းနဲ့ ဘာသာပြန်ကတော့ Yunni ~ Alex ~ ToMo ~ KKKZ တို့ ဖြစ်ပါတယ် File size…2.6GB / 1.3GB Quality…WEB DL 1080p / 720p Format…mp4 Duration….2h 22m Subtitle….Myanmar Subtitle (Hard Sub) Encoder….YK Translated by Yunni ~ Alex ~ ToMo ~ KKKZ

Chandramukhi 2 (2023) (သို့) နှစ်ဘဝကလဲ့စား ဘောလိဝုဒ်သရုပ်ဆောင်တွေကြား တမူထူးတဲ့ရုပ်ရည်လေးနဲ့ မင်းသမီးချောလေး ကန်ဂနားကို တစ္ဆေမလေးအဖြစ်မြင်တွေ့ရမဲ့ကားဖြစ်ပါတယ် ဂမ္ဘီရဆန်ဆန် လျှို့ဝှက်ဆန်းကြယ်ပုံတွေက ဂျန်ဂျမားတို့ Plot နဲ့ သွားဆင်နေတာဖြစ်လို့ ကြည့်ရင်းနဲ့ ဂျန်ဂျမား vibe မျိုးရစေမှာပဲဖြစ်ပါတယ် ဇာတ်လမ်းအညွှန်း အရမ်းကို ချမ်းသာတဲ့မိသားစုတစ်စုက ပြဿနာပေါင်းသောင်းခြောက်ထောင်တတ်ပြီးတော့ မိသားစုပိုင် စက်ရုံလည်း မီးလောင်၊ လုပ်သမျှ အလုပ်တိုင်းကလည်း မဖြစ်၊ စေ့စပ်ခါနီး သမီးဖြစ်သူမှာလည်း ကားအက်စီးဒန့်ကြောင့်နဲ့ အောက်ပိုင်းသေသွားခဲ့ပြီး သမီးကြီးကလည်း ဘာသာမတူတဲ့သူနဲ့ ခိုးရာလိုက်ပြေးလို့ အဆက်အသွယ်ဖြတ်ထားရာကနေ ကလေးနှစ်ယောက်ရပြီးကာမှ လေယာဥ်ပျက်ကျပြီး ဆုံးသွားခဲ့ရပါတယ်။ ဒီလို ပြဿနာတွေ တောက်လျှောက်ဖြစ်နေတဲ့အတွက်ကြောင့် ဘာများဖြစ်တာလဲဆိုပြီးတော့ သူတို့ကိုးကွယ်နေတဲ့ ဂုရုကြီးကို ပင့်ပြီး မေးမြန်းတဲ့အခါမှာတော့ သူတို့က ဘုရားရှင်ကို နေ့စဥ်မပြတ် ပူဇော်ကိုးကွယ်နေပေမဲ့ ဘိုးဘေးတွေကိုတော့ ပစ်ထားခဲ့တဲ့အတွက် ဘိုးဘေးတွေကနေ အမျက်ထွက်ပြီးတော့ အခုလိုဒုက္ခတွေ ကြုံတွေနေရတာဖြစ်ကြောင်း၊ ဒီဒုက္ခတွေကနေ လွတ်မြောက်အောင် ဘိုးဘေးတွေကို ပြန်ပြီးတော့ ပူဇော်ပေးရမှာဖြစ်ကြောင်း၊ ဘိုးဘေးတွေကို ပူဇော်တဲ့နေရာမှာလည်း သွေးသားတော်စပ်တဲ့ မိသားစုတိုင်းက ဘိုးဘေးတွေကိုးကွယ်ခဲ့တဲ့ ဘုရားကျောင်းကို သွားပြီးတော့ ၄၈ရက်ကြာအောင် သွားရောက် ပူဇော်ရမယ်ဆိုတဲ့ ဂုရုကြီးရဲ့ပြောကြားချက်ကြောင့်နဲ့ ဒီမိသားစုဟာ ဘိုးဘေးတွေကိုးကွယ်တဲ့ ဘုရားကျောင်းရှိရာမြို့လေးဆီကို လာရဖို့ ဖြစ်လာတဲ့အခါမှာ သူတို့ တစ်မိသားစုလုံး နေထိုင်နိုင်ဖို့အတွက် ဘုရားကျောင်းနဲ့လည်း နီးတဲ့ စံအိမ်ကြီးတစ်ခုကို ငှားလိုက်ရာကနေ အဲဒီစံအိမ်ကြီးထဲကို သူတို့တွေ ရောက်လို့လာခဲ့ကြတဲ့နောက်ပိုင်းမှာတော့ …….. စံအိမ်ကြီးထဲမှာ ဘယ်လို ဆန်းကြယ်မှုတွေ ရှိနေမလဲ.... သူတို့မိသားစုနဲ့ စံအိမ်ကြီးကရော ဘယ်လိုဆက်စပ်မှုတွေ ရှိနေမလဲ.... ၄၈ရက်ကြာ ပူဇော်ပြီးတဲ့ နောက်မှာရော သူတို့မိသားစုတွေရဲ့ ဆိုးနေတဲ့ကံတွေ ပြန်ကောင်းလာနိုင်မလား ဆိုတာကို စိတ်လှုပ်ရှားစွာနဲ့ အထိတ်တလန့် ကြည့်ရှုရမယ့် ဇာတ်လမ်းကောင်းလေး တစ်ပုဒ်ပဲ ဖြစ်ပါတယ် (ဒီဇာတ်လမ်းရဲ့ အညွှန်းနဲ့ ဘာသာပြန်ကတော့ CM Bollywood Team ကပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…3.55GB  / 1.67GB Quality…1080p True WEB DL /720p Format…mp4 Duration….2h 37m Subtitle….Myanmar Subtitle (Hard Sub) Encoder….YK Translated by CM Bollywood Team

ကားမတော်တဆမှုအပြီး ရဲအုပ်တစ်ယောက်ဟာ ဇနီးနဲ့ သမီးလေးကို ဆေးရုံတင်ပေးခဲ့ပါတယ်။ ဒါပေမယ့် နာရီအနည်းငယ်ကြာပြီး နောက်တစ်မနက်မှာတော့ သူတို့နှစ်ယောက် ဆေးရုံကို ရောက်မလာဖူးဘူးလို့ ပြောနေကြတယ်။ ကိုယ်တိုင် ပို့ခဲ့တာကို ရှင်းရှင်းလင်းလင်း မှတ်မိနေတဲ့သူအတွက် ဒါက လက်ခံဖို့ခက်တဲ့ ကိစ္စပါ။ သူ့ဦးခေါင်းဒဏ်ရာကြောင့် မှတ်ဉာဏ်လွဲနေသလား၊ လူနာရှင်တွေကို တွေ့ခွင့်မပေးတဲ့ ဆေးရုံကြီးထဲမှာ တစ်ခုခု ဖုံးကွယ်ထားသလားဆိုပြီး သံသယတွေ များလာတယ်။ တစ်ဖက်မှာလည်း သူနဲ့ ရန်ဘက်ဖြစ်နေတဲ့ မူးယစ်ရာဇာက သူ့ဇနီးရဲ့ဖခင်ဖြစ်နေတာကြောင့် အဲဒီဘက်ကိုလည်း စဉ်းစားမိပြန်တယ်။ ဇနီးနဲ့သမီး ဘယ်ရောက်သွားလဲဆိုတာကို လိုက်ရှာရင်း ကိုယ့်မှတ်ဉာဏ်နဲ့ ပတ်ဝန်းကျင်က အပြောတွေအကြား အဖြေထုတ်ရတဲ့ မှုခင်းဇာတ်လမ်းပါ။

ခီသီက ငယ်ငယ်ကတည်းက နပန်းကို လေ့လာလိုက်စားပြီး နိုင်ပွဲတွေလည်း ရထားတဲ့ မိန်းကလေးပါ။ ဘွဲ့ရပညာတတ်ဖြစ်သလို ဆံပင်တိုတို၊ ကိုယ်လုံးကိုယ်ထည် တောင့်တောင့်နဲ့ အနိုင်ကျင့်သူတွေကိုလည်း ပညာပေးတတ်တယ်။ သူ့ကို အိမ်ထောင်ဘက်အဖြစ် လာကြည့်တဲ့သူတွေကတော့ သူ့လက်နဲ့ ကိုင်ပေါက်ခံရမှာ ကြောက်ပြီး ပြန်ပြေးကြတာချည်းပဲ။ ဗီရာကတော့ သူဌေးရဲ့ တစ်ဦးတည်းသောသားဖြစ်ပြီး လက်ထပ်မယ့် မိန်းကလေးအတွက် ကိုယ်ပိုင်စံနှုန်းတွေ ရှိထားတယ်။ ဆံပင်ရှည်ရမယ်၊ ပညာမတတ်ရဘူး၊ သူပြောသမျှ နားထောင်ပြီး သူထိန်းချုပ်သလို နေမယ့်သူ ဖြစ်ရမယ်ဆိုတာပါ။ ဒီလိုနဲ့ ဗီရာနဲ့ သူလိုချင်တဲ့ပုံစံနဲ့ မတူတဲ့ ခီသီတို့ ဆုံလာပြီး လူကြီးတွေက အိမ်ထောင်ချပေးဖို့ စီစဉ်ကြပါတယ်။ ခီသီက ဘယ်လိုလိမ်လည်ဖုံးကွယ်မှုတွေ လုပ်လာမလဲ၊ ဆံပင်ရှည်တဲ့ မိန်းကလေးကိုမှ လိုချင်တဲ့ ဗီရာနဲ့ ဆံပင်တိုတို ခီသီတို့ကြား ဘယ်လိုအလွဲတွေ ဖြစ်လာမလဲဆိုတာကို ဟာသနဲ့ ဆက်ပြသွားမှာပါ။ ခီသီအဖြစ် Aishwarya Lekshmi နဲ့ ဗီရာအဖြစ် Vishnu တို့ ပါဝင်သရုပ်ဆောင်ထားပါတယ်။

သူဌေးဒန်နီရယ်ရှီကာနဲ့ သူ့တပည့် ကားမောင်းသမားတို့ ညအချိန်မတော် နယ်စပ်ကို ဖြတ်မောင်းလာကြပါတယ်။ စစ်ဆေးရေးဂိတ်မှာ ရဲတွေက ကားကိုတားပြီး စစ်ကြည့်တော့ ခွင့်ပြုထားတဲ့ ပမာဏထက် ပိုများတဲ့ အရက်ပုလင်းတွေ သယ်လာတာကို တွေ့သွားတယ်။ အဲဒီကနေ ရုန်းရင်းဆန်ခတ်ဖြစ်လာပြီး ဒုစစ်ဆေးရေးမှူး ဘီမလာနာယက်ခ် ရောက်လာတဲ့အခါ နှစ်ယောက်လုံးကို ဖမ်းခေါ်သွားပါတယ်။ ဒန်နီရယ်ကတော့ သာမန်သူဌေးတစ်ယောက် မဟုတ်ဘူး။ ကျောထောက်နောက်ခံကြီးမားပြီး ဘယ်သူမှ မထိရဲတဲ့ တပ်ကြပ်မှူးဟောင်းတစ်ယောက်ပါ။ တစ်ဖက်မှာ ရိုးဖြောင့်ပြီး သမာသမတ်ကျတဲ့ ရဲအရာရှိ ဘီမလာနာယက်ခ်၊ တစ်ဖက်မှာ အတ္တနဲ့ အငြိုးကြီးတဲ့ ဒန်နီရယ်တို့ ထိပ်တိုက်တွေ့ကြတော့ ဒီဖမ်းဆီးမှုကနေ ဘာတွေဆက်ဖြစ်လာမလဲဆိုတာကို ဇာတ်လမ်းက ဆက်ပြထားပါတယ်။ တယ်လဂူ အက်ရှင်ဒရာမာဇာတ်ကားဖြစ်ပြီး ရူပီး ကုဋေ ၇၀ အကုန်အကျခံ ရိုက်ကူးထားပါတယ်။ “Ayyappanum Koshiyum” ကို ပြန်လည်ရိုက်ကူးထားတဲ့ ဇာတ်ကားပါ။

ရက်ရှ်မီကာ သရုပ်ဆောင်ထားတဲ့ အက်ဖရင်းဟာ အိန္ဒိယလူမျိုးတွေကို အလွန်မုန်းတဲ့ ပါကစ္စတန်လူငယ်ဥက္ကဋ္ဌတစ်ယောက်ပါ။ အိန္ဒိယကျောင်းသားတွေနဲ့ ပါကစ္စတန်ကျောင်းသားတွေ အဓိကရုဏ်းဖြစ်ပြီး အိန္ဒိယဘက်က ပါကစ္စတန်အလံကို မီးရှို့လိုက်တဲ့အခါ သူကလည်း အိန္ဒိယအကြီးအကဲတစ်ယောက်ရဲ့ ကားကို ပြန်မီးရှို့လိုက်တယ်။ ကားပိုင်ရှင်ဘက်က တောင်းပန်ဖို့၊ မတောင်းပန်ရင် လျော်ကြေးတစ်သန်းပေးဖို့ ပြောလာတော့ အက်ဖရင်းက တောင်းပန်မယ့်အစား ငွေပေးဖို့ပဲ ဆုံးဖြတ်လိုက်ပါတယ်။ လျော်ကြေးအတွက် အဘိုးဆီ ငွေတောင်းဖို့ လုပ်ပေမယ့် အဘိုးက သေဆုံးသွားပြီဖြစ်ပြီး သူ့အတွက် သေတမ်းစာတစ်စောင် ချန်ထားခဲ့တယ်။ အဘိုးဟာ လွန်ခဲ့တဲ့ နှစ်နှစ်ဆယ်က မတည်နိုင်ခဲ့တဲ့ ကတိတစ်ခုကို အက်ဖရင်းက ဖြည့်ဆည်းပေးမှ အမွေရမယ်လို့ ရေးထားပါတယ်။ လုပ်ပေးရမှာက အဘိုးရဲ့သူငယ်ချင်း ရမ်ဆီက စာတစ်စောင်ကို သူ့ကောင်မလေး ဆီတာဆီ ပို့ပေးဖို့ပါ။ ခက်နေတာက ရမ်နဲ့ ဆီတာ နှစ်ယောက်လုံး အိန္ဒိယလူမျိုးတွေ ဖြစ်နေကြတာပါပဲ။ ငွေလိုနေတဲ့ အက်ဖရင်းဟာ အဘိုးရဲ့ဆန္ဒကို လိုက်လျောဖို့ သဘောတူလိုက်ရပြီး သူမဆက်ဆံချင်ဆုံးလူတွေနဲ့ ဆက်ဆံဖို့ ဖြစ်လာတယ်။ နှစ်နှစ်ဆယ်ကြာသွားပြီဖြစ်တဲ့ ဆီတာ့ကို သူ ဘယ်လိုလိုက်ရှာမလဲ၊ အိန္ဒိယနဲ့ ပါကစ္စတန်တို့ကြားက အာဃာတတွေကြားမှာ ဆီတာနဲ့ ရမ်တို့ရဲ့ အချစ်ဇာတ်လမ်းက ဘယ်လိုဖြစ်ခဲ့တာလဲဆိုတာ စာတစ်စောင်ပို့ပေးရမယ့် ဒီခရီးနဲ့အတူ ဆက်ပြထားပါတယ်။

ကိုတီက မီနာရှီရ်ဆိုတဲ့ အမျိုးသမီးတစ်ယောက်ကို နှစ်ပေါင်းများစွာ သဘောကျနေတဲ့ လူရိုးတစ်ယောက်ပါ။ ဒါပေမယ့် မီနာရှီရ်ကို သဘောကျနေသူက သူတစ်ယောက်တည်း မဟုတ်ဘူး။ သူအလုပ်လုပ်ပေးနေရတဲ့ ကာရူနာကလည်း အဲဒီအမျိုးသမီးကိုပဲ ကြိုက်နေပါတယ်။ ကာရူနာဟာ မြို့ရဲ့ နိုင်ငံရေးနဲ့ စီးပွားရေးကို လက်ဝါးကြီးအုပ်ထားသူဖြစ်လို့ ကိုတီထက် အင်အားအများကြီး သာနေသူပါ။ အမျိုးသမီးတစ်ယောက်ကို အပြိုင်ကြိုက်မိကြရာကနေ ထိပ်တိုက်တွေ့လာတဲ့အခါ ကိုတီဟာ ကိုယ့်ထက် အင်အားကြီးတဲ့ ရန်သူကို ဘယ်လို ရင်ဆိုင်မလဲဆိုတာ ဇာတ်ကွက်အလှည့်အပြောင်းတွေနဲ့ ဆက်ပြထားပါတယ်။ ဒီဇာတ်ကားကို Anad Ravi ကိုယ်တိုင် ရေးသားထားပြီး ကိုတီအဖြစ်လည်း ပါဝင်သရုပ်ဆောင်ထားပါတယ်။

ဟောလိဝုဒ်နာမည်ကြီး မင်းသမီးတစ်ယောက် အိန္ဒိယကို ရောက်လာပြီး ထူးထူးဆန်းဆန်း သေဆုံးသွားပါတယ်။ တစ်ဖက်မှာလည်း အိန္ဒိယသူဌေးကြီးတစ်ယောက်နဲ့ သူ့ချစ်သူ၊ Miss India Pageant က ထိပ်တန်းမော်ဒယ် အာရူရှီတို့ ကားမတော်တဆမှုနဲ့ သေဆုံးသွားကြတယ်။ သူတို့နှစ်ယောက်ရဲ့ သေဆုံးမှုက ရိုးရိုးမတော်တဆမှုလား၊ နောက်ကွယ်မှာ တခြားအကြောင်းတွေ ရှိနေသလားဆိုတာ စုံစမ်းစရာဖြစ်လာပါတယ်။ လိုက်စစ်ကြည့်တဲ့အခါ အာရူရှီဟာ ကြော်ငြာလက်မခံခင် ပစ္စည်းအကြောင်း စစ်ဆေးတတ်သူဖြစ်တာကို သိလာရတယ်။ သူ့မေးလ်တွေထဲမှာလည်း ပစ္စည်းတစ်ခုက သံသယဝင်စရာရှိလို့ စာချုပ်မချုပ်ဖို့ သတိပေးထားတဲ့ မေးလ်တစ်စောင် တွေ့ရပါတယ်။ အဲဒီပစ္စည်းကို ထုတ်လုပ်သူက နိုင်ငံအကြီးအကဲတစ်ယောက်နဲ့ ဆက်စပ်နေသူပါ။ တစ်ချိန်တည်းမှာ ယာရှိုဒါက ညီမလေးရဲ့ ခွဲစိတ်စရိတ်အတွက် အငှားကိုယ်ဝန်ဆောင်ဖို့ လုပ်နေပါတယ်။ သူ့သားအိမ်အားနည်းချက်ကြောင့် ဒီတစ်ကြိမ်ပဲ ကိုယ်ဝန်ဆောင်နိုင်တော့မယ့်အကြောင်းကို ဆရာဝန်က ဖုံးကွယ်ထားတယ်။ ဗိုက်ထဲက ကလေးအတွက်ဆိုပြီး ယာရှိုဒါကို အသုံးအဆောင်အစုံအလင်ရှိတဲ့ အမည်မသိနေရာတစ်ခုမှာ ပိတ်ထားပါတယ်။ အဲဒီမှာ ဆရာဝန်တွေ၊ ကြီးကြပ်သူတွေ၊ အစောင့်တွေအပြင် မဝင်ရတဲ့နေရာတွေနဲ့ လျှို့ဝှက်ချက်တွေလည်း ရှိနေတယ်။ အချိန်နဲ့နေရာမတူဘဲ ဖြစ်ပျက်နေတဲ့ ဒီကိစ္စတွေကြားမှာ ဘယ်လိုဆက်စပ်မှုတွေ ရှိနေမလဲ။

မူးယစ်ရာဇာ စစ်ဒါးသ်ဟာ မွမ်ဘိုင်းကနေ လွတ်ထွက်လာပြီး ဟိုက်ဒရာဘတ်ကတစ်ဆင့် စင်ကာပူကို ထွက်ပြေးဖို့ ကြိုးစားနေပါတယ်။ ဒီအချိန်မှာ အာဂျွန်ကတော့ အိမ်ထောင်ကျခါစ တက္ကစီမောင်းသမားတစ်ယောက်ပါ။ ဘွဲ့ရထားပေမယ့် သူ့မိန်းမကို ကားစီးစေချင်လို့ တက္ကစီမောင်းတာလို့ ပြောတတ်တယ်။ ရထားတဲ့ဘွဲ့နဲ့ အလုပ်ဝင်ရင် ဆိုင်ကယ်ဝယ်ဖို့တောင် မလွယ်ဘူးဆိုတာက သူ့အကြောင်းပြချက်ပါ။ တစ်နေ့ တက္ကစီမောင်းပြီး အိမ်ပြန်လာတဲ့လမ်းမှာ လမ်းကြုံလို့ လူနှစ်ယောက်ကို တင်ခေါ်လာခဲ့တယ်။ အဲဒီနှစ်ယောက်က မူးယစ်ဂိုဏ်းနဲ့ ပတ်သက်နေသူတွေ ဖြစ်နေပါတယ်။ လမ်းမှာ အာဂျွန်ပြောပြခဲ့တာတွေကြောင့် သူ့အကြောင်းကိုလည်း သိထားကြတယ်။ နောက်တော့ သူ့ဇနီးကို ပြန်ပေးဆွဲပြီး အာဂျွန်ကို သူတို့ခိုင်းတဲ့အတိုင်း လုပ်ဖို့ အကျပ်ကိုင်လာကြပါတယ်။

ပွတ်ရှ်ပါဟာ ကြုံရာကျပန်းအလုပ်လုပ်ပြီး နေထိုင်ရတဲ့ ဆင်းရဲသားတစ်ယောက်ပါ။ ဆင်းရဲပေမယ့် မာနကြီးပြီး အပြောအဆိုကလည်း ဘုဘောက်ကျတတ်တယ်။ ကိုယ်မှန်တယ်ထင်ရင် ဘာကိုမှ အလျှော့မပေးတတ်တဲ့ လူ့ဂွစာတစ်ယောက်ဖြစ်သလို အမျှော်အမြင်လည်း ရှိသူပါ။ အဲဒီလိုလူတစ်ယောက်က ရှားပါးတဲ့ အနီရောင်စန္ဒကူးသစ်ကို မှောင်ခိုရောင်းဝယ်နေတဲ့ ဂိုဏ်းနဲ့ ချိတ်ဆက်မိသွားရာက ဇာတ်လမ်းစလာပါတယ်။ ပွတ်ရှ်ပါအဖြစ် Allu Arjun သရုပ်ဆောင်ထားပြီး Rashmika Mandanna လည်း ပါဝင်ထားပါတယ်။ ဒီဇာတ်ကားက ဇာတ်လမ်းရဲ့ ပထမပိုင်းဖြစ်ပြီး ၂၀၂၁ ခုနှစ် ဒီဇင်ဘာလမှာ ရုံတင်ခဲ့ပါတယ်။ မူရင်းဖော်ပြချက်အရ အဲဒီနှစ် အိန္ဒိယရဲ့ ဝင်ငွေအကောင်းဆုံးဇာတ်ကားဖြစ်ခဲ့သလို ဝေဖန်ရေးဆရာတွေဆီက ချီးကျူးမှုတွေလည်း ရခဲ့တယ်။ အထူးသဖြင့် Allu Arjun ရဲ့ ဇာတ်ကောင်သရုပ်ဖော်မှုကို သဘောကျကြောင်း ဖော်ပြထားပါတယ်။

လူ့ဘ၀ဆိုတာဟာ အခန်းပေါင်းများစွာနဲ့ဖွဲ့စည်းထားတဲ့ ဇာတ်လမ်းတစ်ပုဒ်ပါ။ ဘယ်နေရာမှာ ဘယ်သူနဲ့တွေ့ခဲ့တယ် ၊ ဘယ်မှာနေခဲ့တယ် ၊ ဘာတွေလုပ်ခဲ့တယ်ဆိုတဲ့ ခေါက်ရိုးကျိုးအခန်းတွေမဟုတ်ပဲ ဘယ်သူနဲ့ချစ်ခဲ့တယ် ဘယ်သူ့ကို ချစ်ခဲ့တယ် ၊ ဘယ်လိုအသည်းကွဲခဲ့တယ်ဆိုတဲ့ သူမတူတဲ့ အချစ်ဇာတ်လမ်းလေးတွေတော့ ကိုယ်စီရှိကြမယ် ထင်ပါရဲ့။ ဒီဇာတ်လမ်းလေးထဲမှာတော့ မင်းသား(ဂေါ်သမ်)ဟာ စာရေးဆရာဖြစ်လိုသူ၊ သူ့ချစ်သူ(ယမနီ - ယမင်းရုပ်လို့ပဲ ဆိုပါစို့)ရဲ့အထောက်အပံ့ကို ယူ ၊ ချစ်သူနဲ့ အတူနေပြီး စာရေးဖို့ကြိုးစားနေသူပေါ့။ ဒါပေမယ့်လည်း စာရေးဆရာတို့ ၊ ပန်းချီဆရာတို့လို အနုပညာမှော်ဝင်စားတတ်သူတွေဟာ ချစ်သူအပေါ်ထားရှိရမယ့် တာဝန် ၊ ချစ်သူအပေါ် ဂရုစိုက်ရမယ့်၀တ္တရားတွေကို မဆိုထားနဲ့ဦး ။ စားဖို့ အိပ်ဖို့တောင် မေ့လျော့နေတတ်ကြသူတွေလေ...။ ယမနီအတွက်တော့ နေ့စဉ်အလုပ်သွား၊ ပြန်လာတိုင်း ဆေးလိပ်တစ်ဖက်၊စာအုပ်တစ်ဖက်နဲ့ ယောကျ်ား ယမနီလုပ်ပေးခဲ့တဲ့ စားသောက်ဖွယ်ရာတွေကို ကာတွန်းကြည့်ပြီးထိုင်စားနေတဲ့ လင်ယောကျ်ားကို မြင်ရလိုက် ညဘက်အိပ်ယာဝင်တိုင်း သန္ဓေတားဆေးသောက်ရလိုက်နဲ့ ဘာတိုးတက်မှုမှ ရှိမလာတဲ့ လင်ယောကျ်ားအပေါ် စိတ်ကုန်လာခဲ့ပါတယ်။ ဒီတော့ အချိန်တွေကြာလာတာနဲ့အမျှ ချစ်သူနှစ်ဦးကြား ပဋိပက္ခတွေဖြစ်လာပြီး ဘယ်လိုမှ ညှိနှိုင်းလို့မရတဲ့အဆုံး.... ပြတ်စဲကြရတော့တယ်....။ ချစ်သူနဲ့အတူနေချိန်မှာ ခေါင်းထဲက ဘာအကြောင်းအရာမှမထွက်သလို၊ နှလုံးသားထဲကနေလည်း ဘာမှဆွဲထုတ်လို့မရခဲ့တဲ့ ဂေါ်သမ်ဟာ စာတွေရေးဖြစ်လာခဲ့တယ်။ သူရေးလိုက်တဲ့ ဇာတ်လမ်းတိုင်းမှာ သူကိုယ်တိုင် ဇာတ်လိုက်အဖြစ်နဲ့ ခံစားပြီး ရေးလိုက်တာတွေကြောင့် သူ့ဇာတ်လမ်းတွေဟာ သူ့စရိုက် သူ့စိတ်ထားနဲ့ အချစ်အပေါ် သူမြင်တဲ့အမြင်တွေနဲ့ ပြည့်နှက်နေတော့တယ်။ ဒီဇာတ်လမ်းကို သရုပ်ဆောင်ထားတဲ့သူက Geetha Govindam , Dear Comrade တို့လို ဇာတ်ကားလေးတွေကို ပရိတ်သတ်ရင်ထဲကို ရောက်လာခဲ့သူ Vijay Deverakonda ဖြစ်ပြီး မင်းသမီးကလည်း အိန္ဒိယဇာတ်ကားပရိတ်သတ်တွေနဲ့ မစိမ်းလှတဲ့ ပုရိသတို့ရဲ့ အသည်းကျော်လေး Raashi Khanna ဖြစ်ပါတယ်။ ဘာသာပြန်နှင့် အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်။ File size…3.31GB  / 1.5GB Quality…WEB DL Uncut 1080p / 720p Format…mp4 Duration….2h 34m Subtitle….Myanmar Subtitle (Hard Sub) Encoder….YK Translated by Myint Thu ~Nyi Nyi Koe

ရုပ်ရှင်ကို ဝါသနာကြီးတဲ့ လူငယ်တစ်ယောက်ဟာ သူ့ရဲ့ ပွဲဦးထွက်ဇာတ်ကားအတွက် ဂိုဏ်းစတားတစ်ယောက်ရဲ့ ဘဝအကြောင်းကို ရိုက်ကူးဖို့ စိတ်ကူးထားပါတယ်။ ဒီလိုနဲ့ ရက်စက်ကြမ်းတမ်းတဲ့ ဂန္ဒလကွန်ဒါဂန္နီချ်အကြောင်း ရိုက်ဖို့ အကြောင်းဖန်လာတယ်။ သူနဲ့ သူငယ်ချင်းဖြစ်သူတို့ နှစ်ယောက်သား အသက်အန္တရာယ်ရှိနိုင်တဲ့ကြားက ဂန္နီချ်ရဲ့ ဘဝဇာတ်ကြောင်းကို သိရဖို့ ကြိုးစားကြပါတယ်။ ဒါပေမယ့် ဂန္နီချ်က သူ့အကြောင်း ရုပ်ရှင်ရိုက်ဖို့ သဘောတူပါ့မလား။ ဒီလူဆိုးရဲ့ နောက်ကြောင်းမှာ ဘာတွေရှိပြီး ဘယ်လိုအဖြစ်အပျက်တွေ ကြုံခဲ့ရသလဲဆိုတာကိုလည်း သိရဦးမှာပါ။ အချစ်ရေးကိုတောင် ဘေးဖယ်ပြီး ပွဲဦးထွက်ဇာတ်ကားအတွက် အာရုံစိုက်နေတဲ့ ဒါရိုက်တာလူငယ်ရဲ့ ကြိုးစားမှုကရော အောင်မြင်လာနိုင်မလား။

IMDb ratings:8.1/10 Google Users:91% "Aravinda Sametha Veera Raghava(သို့မဟုတ်)၅ရူပီးရန်ကြွေးရှင်းတမ်း" ဒီတစ်ခါတော့ တောင်ပိုင်းရုပ်ရှင်တွေနဲ့ရင်းနှီးပြီးသားသူတွေသိမယ့် Jr.N.T.R Rama Rao ရဲ့ အက်ရှင်၊ဒရမ်မာ ဇာတ်ကားကောင်းတစ်ကားကို တင်ဆက်ပေးလိုက်ပါတယ်။ ဇာတ်လမ်းက ရိုးရိုးလေးနဲ့ ဖိုက်တင်တွေကို လိုအပ်သလောက်ပဲ သုံးပြီးပြောသွားတဲ့ ဒိုင်ယာလော့တွေ၊ကြည့်ရှုသူကို ပေးချင်တဲ့ မက်ဆေ့တွေကကောင်းလွန်းလို့ပါ။ ရာဂါးဗားဟာ နိုင်ငံခြားမှာ ပညာသင်ပြီး အိမ်ကို ပြန်လာတဲ့အခါမသင့်မမြတ် ဖြစ်နေတဲ့ ရွာနှစ်ရွာရဲ့ ရန်ကြွေးတွေအရရာဂါးဗားနဲ့ သူ့အဖေရဲ့ လူယုံတော်တွေ လမ်းမှာ လုပ်ကြံခံရပါတယ်။ သူ့ကိုပါ ဒီရန်ကြွေးတွေကြားထဲ ဝင်ပါဖို့ခေါ်နေသလိုပါပဲ။ ဒါပေမဲ့ ခေတ်ပညာတတ် ရာဂါးဗားဟာပညာတတ်တစ်ယောက် ပီသစွာ တုန့်ပြန်ခဲ့ပါတယ်။ ပြီးတော့ အချစ်နဲ့ တွေ့တဲ့အခါလူတိုင်းက သတ္တိခဲဖြစ်လာတတ်ကြသလိုအချစ်ကြောင့်ပဲ ကြည်နူးပျော်ရွှင်သွားတတ်တာကိုလည်းဖော်ပြထားပါတယ်။ သူ့ကြောင့်ပဲ ငါဟာ ပထမဦးဆုံးပြုံးဖူးတာပါတဲ့ ။ဒါပေမဲ့ ကံကြောင်းမလှချင်တော့..... တည်ငြိမ်သွေးအေးတဲ့ ဇာတ်ရုပ်မှာပီပြင်သလို ရက်စက်ပြီဟေ့ဆိုရင်နှစ်ယောက်မရှိတဲ့ ဗီရား ရာဂါးဗားဆိုတဲ့ဇာတ်ရုပ်ကို Jr.N.T.R Ramarao ကအံဝင်ခွင်ကျဖြစ်အောင် သရုပ်ဆောင်ထားသလိုသူနဲ့ တွဲဖက် သရုပ်ဆောင်တဲ့ မင်းသမီးကနာမည်ကျော်ဇာတ်ကားတွေဖြစ်တဲ့Hritik Roshan ရဲ့Mohenjo Daro နဲ့Allu Arjun ရဲ့ DJ ဇာတ်ကားတွေမှာ ပါဝင်ခဲ့ဖူးတဲ့မင်းသမီးချော Pooja Hegde ဖြစ်ပြီးနောက်ထပ်ထွက်ရှိလာမယ့်Akshay Kumar ရဲ့ Housefull 4 နဲ့Mahesh Babu ရဲ့ Maharshi ဇာတ်ကားတို့မှာလည်း ပါဝင်လာဦးမှာ ဖြစ်ပါတယ်။ ဘက်ဂျက် 95 crore အသုံးပြုပြီးရိုက်ကူးခဲ့တဲ့ ဒီကားက Box Office မှာ 158 crore ပြန်လည်ရရှိခဲ့တာမို့ အထိုက်အလျောက် အောင်မြင်မှု ရခဲ့တယ်လို့ ဆိုရမှာပါ။ တစ်ခုပြောချင်တာက ဒီမင်းသားရဲ့ နာမည်တစ်ခုရှိပါသေးတယ်။Young Tigerပါ။ နာမည်နဲ့လိုက်အောင် သွက်လက်မြန်ဆန်မှုကို မြင်တွေ့ရပါလိမ့်မယ်။ အိန္ဒိယတောင်ပိုင်းကားဖြစ်လို့အိုဗာအက်ရှင်တွေကို မကြိုက်ဘူးဆိုရင်တောင် ဒီကားကို ကြိုက်မိပါလိမ့်မယ်။ မြင်ဖူးနေကျ တောင်ပိုင်းကားတွေမှာလိုသတ်ဖြတ်နေရုံနဲ့ ဇာတ်လမ်းအဆုံးမသတ်ဘဲဒီကားမှာတော့ ထူးခြားနေပါတယ်။ (အညွန်းနဲ့ ဘာသာပြန်ကတော့ Myin Thu နဲ့ Nyi Nyi Koe တို့ ညီအစ်ကိုပါ) File Size :(1.20 GB ) Quality : WEB-DL 720p Running Time : 2h 42min Format : Mp4 Genre : Action, Drama Subtitle : Myanmar Subtitle (Hard Sub) Source : 720p.WebDL.AVC.AAC.ESub.DTOne Translated by Myint Thu & Nyi Nyi Koe (MLMC) Encoded by Thanhtike Zaw

၁၉၈၀ ပြည့်နှစ်တွေက ရန်ဂက်စ်တလန်ဆိုတဲ့ ရွာလေးမှာ ချစ်တီးဘာဘူဟာ လယ်တွေကို ရေသွင်းတဲ့အလုပ် လုပ်နေပါတယ်။ သူက မွေးရာပါ နားလေးပေမယ့် မဟုတ်မခံတတ်တဲ့သူပါ။ မျက်စိရှေ့မှာ မတရားတာတွေ့ရင် ဝင်ရင်ဆိုင်ဖို့ နှစ်ခါစဉ်းစားနေတတ်သူ မဟုတ်ဘူး။ ရွာထဲမှာတော့ ရွာသားတွေကို ငွေချေးပြီး အတိုးအဆမတန်ယူကာ ခေါင်းပုံဖြတ်နေတဲ့ အဖွဲ့တစ်ဖွဲ့ရှိပါတယ်။ အဲဒီအဖွဲ့ကို နောက်ကွယ်က ချုပ်ကိုင်ထားသူက နှစ်သုံးဆယ်ဆက်တိုက် သူကြီးဖြစ်နေတဲ့သူပါ။ သူနဲ့ ထိပ်တိုက်တွေ့သူတွေ အသက်ဆုံးရှုံးရလေ့ရှိတာကြောင့် ရွာသားတွေက ကြောက်ပြီး မရင်ဆိုင်ရဲကြဘူး။ ဒါပေမဲ့ ဒူဘိုင်းကနေ ပြန်လာတဲ့ ပညာတတ် ကူမာရ်ဘာဘူကတော့ ဒီအဖွဲ့ကို ရင်ဆိုင်ပြီး သူကြီးနေရာ ဝင်ပြိုင်မယ်လို့ စိန်ခေါ်လိုက်ပါတယ်။ ကူမာရ်ဟာ ချစ်တီးဘာဘူရဲ့ အစ်ကိုပါ။ မတရားမှုကို ဆန့်ကျင်ရင်း သူကြီးအဖွဲ့နဲ့ ထိပ်တိုက်တွေ့လာတဲ့ အစ်ကိုကို ချစ်တီးဘာဘူ ဘယ်လိုကာကွယ်ပေးမလဲဆိုတာ ဆက်တွေ့ရမှာပါ။ ရမ်ချရန်း ပါဝင်သရုပ်ဆောင်ထားပြီး အက်ရှင်ခန်းတွေနဲ့ သီချင်းတွေလည်း ပါဝင်ပါတယ်။

၂၀၁၇ ခုနှစ်ထွက် အက်ရှင်ဇာတ်ကား PSV Garuda Vega ထဲက ဆီခါဟာ ဥပဒေကိုလေးစားပြီး အလုပ်တာဝန်ကို အလေးထားတဲ့ အရာရှိတစ်ယောက်ပါ။ အလုပ်အပေါ် အာရုံစိုက်လွန်းတာကြောင့် ဇနီးဖြစ်သူ ဆွာတိနဲ့ အိမ်ထောင်ရေးက ပြိုကွဲလုနီးပါး ဖြစ်နေပါတယ်။ နောက်ဆုံးမှာ မိသားစုကိုပဲ ရွေးချယ်ပြီး အလုပ်ထွက်ဖို့ ဆုံးဖြတ်လိုက်ပေမယ့် ထွက်ခါနီးမှာ လူသတ်မှုတစ်ခု ပေါ်လာတာကြောင့် သူ့ဆုံးဖြတ်ချက်ကို ရွှေ့ဆိုင်းလိုက်ရတယ်။ အမှုကို လိုက်စုံစမ်းရင်း ဆက်တိုက်ပေါ်လာတဲ့ သဲလွန်စတွေက သူ့ကို နိုင်ငံရေးလှည့်ကွက်တွေကြား ဆွဲခေါ်သွားပါတယ်။ တစ်ဖက်မှာလည်း နီရာဂျန်ဆိုတဲ့ လူငယ်ဟက်ကာတစ်ယောက်ဟာ သူ့လက်ထဲက အချက်အလက်တချို့ကြောင့် လူတစ်စုရဲ့ လိုက်သတ်ခြင်းကို ခံနေရတယ်။ ထွက်ပြေးရင်း ဆီခါနဲ့ မတော်တဆ ဆုံမိတဲ့အခါ သူတို့နှစ်ယောက်ရဲ့ ရန်သူက တစ်ယောက်တည်းဖြစ်နေကြောင်း သိလာရပါတယ်။ မထင်ထားသူတွေပါ ပါဝင်ပတ်သက်နေတဲ့ ဒီကိစ္စကို နှစ်ယောက်သား ဘယ်လိုရင်ဆိုင်ဖြေရှင်းကြမလဲဆိုတာ ဇာတ်ကွက်အလှည့်အပြောင်းတွေနဲ့ ဆက်သွားပါတယ်။