Animation

ဒီ Gintama ရုပ်ရှင်သစ်ကတော့ မူရင်းစီးရီးထဲက Yoshiwara in Flames Arc ကို Animation Visual အသစ်အလန်းတွေနဲ့ ပြန်လည်ထွက်ရှိလာတာပဲ ဖြစ်ပါတယ်။ Gintama ထုံးစံအတိုင်း စကတည်းက Demon Slayer ကို ဖောက်ထားတာတွေလည်း မြင်ရဦးမှာပါ။ ဒီဇာတ်လမ်းမှာတော့ Edo မြို့ကြီးအောက်မှာ ဆောင်ကြာမြိုင် အပျော်အပါးသီးသန့်ကမ္ဘာကြီးဖြစ်တဲ့ Yoshiwara ဆိုတဲ့နေရာသက်သက်ရှိပါတယ်။ အဲဒီမှာ Seita ဆိုတဲ့ကလေးတစ်ယောက်က ခါးပိုက်နှိုက်အလုပ်လေးတွေလုပ်ပြီး ဒီ Yoshiwara ရဲ့ နာမည်ကျော်ထိပ်တန်း ပျော်တော်ဆက် Oiran ဖြစ်သူ Hinowa နဲ့ တွေ့ချင်လို့ ရသမျှလေးတွေ လာလာပေးပြီးစုနေတဲ့ကောင်လေး။ တစ်နေ့ကျ နှိုက်စရာရှားလို့ ငမွဲငတေ Gintama ကြီးကို ခါးပိုက်နှိုက်မိရာကနေ ခွေးဖြစ်ပြီး ဘာလို့ ပိုက်ဆံရှာနေတာလည်းဆိုတာကို Gintama တို့ကို ပြောလိုက်ရပါတော့တယ်။ အဲဒါကတော့ အဲဒီ ပျော်တော်ဆက် Oiran ဟာ သူအမေရင်းဖြစ်နေတာမို့ ငွေစုပြီး ဝယ်ယူပြီး ကယ်တင်ဖို့ဆိုတာသိလိုက်တော့ Gintama တို့ တစ်သိုက် Yoshiwara ကို ဆင်းလာကြတဲ့အခါ.. ဒီ မြေအောက်ကမ္ဘာထဲက ပျံ့နှံ့နေတဲ့ မူးယစ်ဆေးတွေရယ် ဒီဆေးနောက်ကို လိုက်နေကြတဲ့ Shinsengumi တို့အဖောက်အုပ်စုရယ် Oiran တွေကို အုပ်ချုပ်နေတဲ့ ညဘုရင်ဆိုတဲ့ Hosen ကြီးရဲ့ သရုပ်မှန်တွေအကြောင်းရယ် စစ်သွေးကြွတွေဖြစ်တဲ့ အာကာသဓားပြအဖွဲ့ Yato တွေရယ် Yoshiwara ကို စောင့်ကြပ်ပေးနေတဲ့ Hokaku နင်ဂျာမအဖွဲ့တွေရယ် ဇာတ်တွေရှုပ်ကြပြီး ဘာတွေဆက်ဖြစ်ကြမလဲဆိုတာကို Gintama

ပထမကားနဲ့ ဒုတိယကားတွေမှာ ပရိသတ်တွေရဲ့ အသည်းစွဲဖြစ်ခဲ့တဲ့ ဒိန်းမတ် အန်နီမေးရှင်း ဇာတ်ကားစီးရီးရဲ့ တတိယမြောက် အဆက်ဖြစ်တဲ့ "Checkered Ninja 3 (Ternet Ninja 3) (၂၀၂၆)" ကိုတင်ဆက် ပေးချင်ပါတယ်။ ဒီကားမှာလည်း အရင်ကားတွေလိုပဲ ခပ်ကြမ်းကြမ်း ဟာသတွေနဲ့ အက်ရှင်ပြကွက်တွေကို အားရပါးရ ဆက်လက်မြင်တွေ့ရမှာပါ။ ဇာတ်လမ်းကတော့ လူငယ်လေး အဲလက်စ် (Alex/Aske) နဲ့ သူ့ရဲ့ အချစ်တော် အကွက်ဆင် နင်ဂျာရုပ်လေး (Checkered Ninja - Taiko Nakamura) တို့ရဲ့ စွန့်စားခန်း အသစ်တွေကို ဆက်လက်ရိုက်ကူးထားတာပါ။ အဲလက်စ် တစ်ယောက် ဆယ်ကျော်သက် အရွယ်ကို ရောက်လာတာနဲ့အမျှ ကျောင်းက ပြဿနာတွေ၊ လူငယ်သဘာဝ အချစ်ရေး အရှုပ်အထွေးတွေနဲ့ ရင်ဆိုင်လာရပါတယ်။ ဒီအချိန်မှာပဲ မျှော်လင့်မထားတဲ့ အန္တရာယ်အသစ်တစ်ခု (သို့မဟုတ် ရန်သူဟောင်း) က သူတို့ဆီကို ရောက်လာတဲ့အခါ၊ အသက်ဝင်နေတဲ့ နင်ဂျာရုပ်လေးက အဲလက်စ်ကို ဘယ်လို ကူညီမလဲ၊ သူတို့နှစ်ယောက် ဘယ်လို အလွဲလွဲအချော်ချော်တွေနဲ့ ရန်သူကို နှိမ်နင်းမလဲ ဆိုတာကို အရင်ကားတွေထက် ပိုမိုက်တဲ့ ဟာသတွေနဲ့ တင်ဆက်ထားတာပါ။ ဒီစီးရီးရဲ့ ထုံးစံအတိုင်း ကလေးတွေထက် လူကြီးတွေ၊ လူငယ်တွေ ပိုသဘောကျမယ့် (Adult-oriented) ပြက်လုံးတွေ၊ ခပ်ကြမ်းကြမ်း စကားလုံးတွေ အများကြီး ပါဝင်ပါတယ်။ အူတက်အောင် ရယ်ရမယ့် အခန်းတွေက ဒီကားရဲ့ အသက်ပါပဲ။ ဒိန်းမတ် လူရွှင်တော် Anders Matthesen ရဲ့ ပင်ကိုယ် ဟာသစတိုင်လ်ကို အပြည့်အဝ ခံစားရမှာပါ။ အဲလက်စ် ကြီးပြင်းလာတာနဲ့အ

လူကြီးတွေနဲ့ လူငယ်တွေအတွက် သီးသန့်ရည်ရွယ်ပြီး ဟာသနဲ့ အက်ရှင်ကို ခပ်ကြမ်းကြမ်း တင်ဆက်ထားတဲ့ ဒိန်းမတ် အန်နီမေးရှင်းဇာတ်ကားကောင်း "Checkered Ninja 2 (Ternet Ninja 2) (၂၀၂၁)" ကို တင်ဆက်ပေးချင်ပါတယ်။ ပထမကားရဲ့ အောင်မြင်မှုကို ဆက်လက်ထိန်းသိမ်းထားပြီး ရယ်မောစရာတွေနဲ့ အက်ရှင်ပြကွက်တွေကို ပိုမိုမြှင့်တင်ထားတဲ့ ဇာတ်ကားလေးပဲ ဖြစ်ပါတယ်။ ဇာတ်လမ်းဟာ ပထမကားအပြီး အချိန်အနည်းငယ်အကြာမှာ စတင်ပါတယ်။ အဲလက်စ် (Alex) ဟာ သူ့ရဲ့ ဇာတိမြို့လေးမှာ အမှောင်ထဲက သူရဲကောင်းတစ်ယောက်လို ရပ်ကွက်ကို ကာကွယ်ပေးနေသူပါ။ တစ်ဖက်မှာတော့ သူတို့ ဖမ်းဆီးထောင်ချနိုင်ခဲ့တဲ့ လူဆိုးကြီး ဖိလစ် အက်ပါမင့် (Phillip Eppermint) ဟာ ထိုင်းနိုင်ငံက အကျဉ်းထောင်ကနေ လွတ်မြောက်သွားခဲ့ပါတယ်။ ဖိလစ်ကို ပြန်လည်ဖမ်းဆီးဖို့နဲ့ လက်စားချေဖို့အတွက် အဲလက်စ် ဟာ သူ့မိသားစုရဲ့ ထိုင်းနိုင်ငံကို အလည်အပတ်သွားတဲ့ ခရီးစဉ်နဲ့အတူ လိုက်ပါသွားခဲ့ပါတယ်။ သူ့ရဲ့ အချစ်တော် အသက်ဝင်နေတဲ့ အကွက်ဆင် နင်ဂျာရုပ်လေး (Checkered Ninja/Taiko Nakamura) နဲ့အတူ ထိုင်းနိုင်ငံမှာ လူဆိုးကြီး ဖိလစ်ကို ဘယ်လို ရှာဖွေဖမ်းဆီးမလဲ၊ သူတို့ သူငယ်ချင်း နှစ်ယောက်ကြားက သံယောဇဉ်တွေ ဘယ်လို စမ်းသပ်ခံရမလဲ ဆိုတာကို အက်ရှင်ဟာသ ပုံစံနဲ့ ရိုက်ကူးထားတာပါ။ ဒီဇာတ်ကားဟာ သာမန် ကလေးကြည့် အန်နီမေးရှင်းတွေလို မဟုတ်ဘဲ လူကြီးတွေပါ သဘောကျမယ့် (Adult Animation) အငွေ့အသက်တွေ အပြည့်ပါဝင်ပါတယ်။ ပထမကားထက် ပိုပြီး ရဲ

စက်သွားယန္တရားတွေ၊ မှော်ပညာတွေနဲ့ ဖန်တီးတည်ဆောက်ထားတဲ့ ခမ်းနားလှတဲ့ ချန်အန်း (Chang'an) မြို့ကြီးထဲမှာ လူသားတွေနဲ့ မိစ္ဆာတွေ အတူတကွ ယှဉ်တွဲနေထိုင်ကြမယ်ဆိုရင် ဘယ်လိုဖြစ်မလဲ။ ဒီတစ်ခါမှာတော့ (နာမည်ကျော် Jiang Ziya ကားကြီးရဲ့ ဒါရိုက်တာဖြစ်သူ Cheng Teng ကိုယ်တိုင် ရိုက်ကူးထားပြီး) ၂၀၂၆ ခုနှစ် သြဂုတ်လမှာ အသစ်ထွက်ရှိထားတဲ့ တရုတ် 3D Animation Mystery Comedy ကားကြီးဖြစ်တဲ့ "Demon Agent (2026) နဲ့ မိတ်ဆက်ပေးချင်ပါတယ်ခင်ဗျာ။ဒီကားကြီးဟာ တရုတ်နိုင်ငံရဲ့ "ပထမဆုံးသော ဟာသနဲ့ စုံထောက် အန်နီမေးရှင်းကားကြီး" အဖြစ် မှတ်တမ်းဝင်ထားပြီး၊ စက်ယန္တရား အငွေ့အသက်တွေနဲ့ ရှေးခေတ် ထန်မင်းဆက် ကို အမိုက်စား ပေါင်းစပ်ပုံဖော်ထားတဲ့ရုပ်ထွက် (CGI) တွေကြောင့် ပရိသတ်တွေကို အထူးပဲ ဆွဲဆောင်နိုင်ခဲ့တဲ့ ကားကောင်းတစ်ကား ဖြစ်ပါတယ်။ ဇာတ်လမ်းအညွှန်း >>> လူနဲ့ မိစ္ဆာတွေ ရောနှောနေထိုင်တဲ့ လှပဆန်းကြယ်တဲ့ ချန်အန်း စက်ရုပ်မြို့တော်ကြီးမှာ ဇာတ်လမ်းကို စတင်ထားပါတယ်။ ဇာတ်လိုက်ဖြစ်သူ Di Shao ဟာ ချန်အန်းမြို့ရဲ့ နံပါတ်တစ် စုံထောက်ဖြစ်လာဖို့ အိပ်မက်မက်နေတဲ့ အလွန်ထက်မြက်ပေမဲ့ အပြောအဆိုကြမ်းတမ်းတဲ့ လူငယ်ပါရမီရှင်လေးပါ။ တစ်ဖက်မှာလည်း Asar လို့ခေါ်တဲ့ ဝံပုလွေမိစ္ဆာလေးဟာ သိုင်းပညာအရမ်းတော်ပေမဲ့ စိတ်ထားဖြူစင်လွန်းတဲ့ ရဲမင်းကြီးအဖွဲ့က အလုပ်သင်လေးပါ။လုံးဝ ဆန့်ကျင်ဘက်ဖြစ်နေတဲ့ လူနဲ့ မိစ္ဆာ သူတို့နှစ်ယောက်ဟာ ချန်အန်းမြို့ကြီးကို တုန်လှုပ်သွ

Barbie Mariposa and the Fairy Princess (2013) ​ဖလပ်တားဖီးလ် လိပ်ပြာပြည်နယ်ရဲ့ သံတမန်အဖြစ် ခန့်အပ်ခြင်းခံရတဲ့ "မာရီပိုဆာ" ဟာ သူတိုနဲ့ ရန်ဘက်ဖြစ်ခဲ့ဖူးပြီး လျှိဝှက်ဆန်းကြယ်မှုတွေနဲ့ ပြည့်နှက်နေတဲ့ ဖန်သားနတ်သမီးတွေ ရဲ့ ရှီးမားဗေးလ် ပြည်နယ်ဆီ ချစ်ကြည်ရေးခရီးထွက်ခွာဖို တာဝန်ကျလာခဲ့ပါတယ် ​အစပိုင်းမှာတော့ မတူညီတဲ့ ယဉ်ကျေးမှုနဲ့ အထင်အမြင်လွဲမှားမှုတွေကြောင့် ရွှန်းရွှန်းဝေနေတဲ့ ရှီးမားဗေးလ် ဘုရင်ရဲ့ သမီးတော် ကာတေးနီးယား နဲ့ မာရီပိုဆာ တိုအကြား အဆင်မပြေမှုအနည်းငယ် ရှိခဲ့ပေမဲ့၊ ကြောက်ရွံမှုတွေကို ဘေးဖယ်ပြီး အချင်းချင်း ပွင့်ပွင့်လင်းလင်း နားလည်ပေးဖို ကြိုးစားရင်း မထင်မှတ်ထားတဲ့ ခိုင်မာတဲ့ သံယောဇဉ်တစ်ခု စတင်တည်ဆောက်နိုင်ခဲ့ကြပါတယ် ​ဒါပေမဲ့ ရုတ်တရက်ဆိုသလို ရှီးမားဗေးလ် ပြည်နယ်ရဲ့ အသက်သွေးကြောဖြစ်တဲ့ ခရစ္စတယ်လိုက် တွေကို ဖျက်ဆီးပြီး တစ်ပြည်လုံးကို အမှောင်ထုထဲ ရောက်သွားစေမဲ့ ရှေးဟောင်းမကောင်းဆိုးဝါး ရန်သူဆိုးကြီး ပေါ်ထွက်လာတဲ့အခါ... ​"မာရီပိုဆာ" နဲ့ "မင်းသမီးကာတေးနီးယား" တိုက သတ္တိရှိရှိ ပူးပေါင်းပြီး ပြည်နယ်နှစ်ခုစလုံးကို ကယ်တင်နိုင်မလား စစ်မှန်တဲ့ ချစ်ကြည်ရေးဆိုတာ ခြားနားချက်တွေကို လက်ခံခြင်းကနေ စတင်တာလားဆိုတာ Fantasy , Adventure , Friendship ကို ပေါ့ပေါ့ပါးပါးနဲ့ ချစ်စရာကောင်းအောင် ကြည့်ရှုခံစားချင်သူတွေအတွက် သင့်တော်တဲ့ Barbie ဇာတ်ကားလေးပါပဲ

တရုတ် 3D Donghua (Animation) လောကမှာ ကြည့်ရှုသူအများဆုံးနဲ့ အကြမ်းဆုံးဇာတ်လိုက်အဖြစ် နာမည်ကြီးတဲ့ "ဝမ်လင်" (Wang Lin) ရဲ့ အမိုက်စား တိုက်ပွဲကြီးတစ်ခုကို မြင်တွေ့ရမယ့် "Renegade Immortal: Battle of the Immortal Slayer" (仙逆剧场版：弑仙之战) ဇာတ်ကားနဲ့ မိတ်ဆက်ပေးချင်ပါတယ် ဒီကားဟာဆိုရင် "Xian Ni" (仙逆) စီးရီးရဲ့ သုံးနှစ်ပြည့် အထိမ်းအမှတ်အနေနဲ့ (၂၀၂၆ ခုနှစ်၊ အောက်တိုဘာလ ၁ ရက်နေ့မှာ) Tencent ကနေ အထူးထုတ်လွှင့်ပြသမယ့် Movie ဖြစ်ပါတယ်။ ဇာတ်လိုက်ဖြစ်သူ ဝမ်လင် ဟာ သူ့ထက် အဆင့်များစွာမြင့်တဲ့ ရန်သူကို အသက်နဲ့ရင်းပြီး ဘယ်လို အံတုတိုက်ခိုက်သွားမလဲဆိုတာကို ရုပ်ထွက် (CGI) အမိုက်စားတွေနဲ့ ရှုစားရမယ့် Epic Xianxia ကားကြီးပဲ ဖြစ်ပါတယ်။ ဇာတ်လမ်းအညွှန်း >>> မိုးကြိုးနတ်ကမ္ဘာ ထဲမှာ ကျင့်ကြံခြင်းတွေ ပြုလုပ်နေတဲ့ ဝမ်လင် ဟာ မထင်မှတ်ဘဲ သူနဲ့ ရန်ငြိုးကြီးမားလှတဲ့ သွေးဘိုးဘေး ရဲ့ အသည်းအသန် လိုက်လံချေမှုန်းခြင်းကို ခံလိုက်ရပါတယ်။ သွေးဘိုးဘေးဆိုတာက ဝမ်လင် ထက် ကျင့်ကြံခြင်းအဆင့် အများကြီး ပိုမြင့်မားပြီး သာမန်အားဖြင့်ဆိုရင် ဝမ်လင် အနေနဲ့ ဘယ်လိုမှ ယှဉ်ပြိုင်နိုင်စွမ်းမရှိတဲ့ အင်အားကြီး ရန်သူတစ်ဦးပါ။လွတ်လမ်းမရှိတော့တဲ့ သေရေးရှင်ရေး အကျပ်အတည်းကြားထဲမှာ နောက်ဆုတ်မပေးတတ်တဲ့ ဝမ်လင် ဟာ အလင်းလိုအလျင်မြန်ဆုံး ပြေးလွှားရင်း သူတတ်ကျွမ်းထားတဲ့ ကန့်သတ်စီရင်စု ပညာရပ်တွေကို အသုံးပြုပြီး ပြန်လည်ခုခံဖို့ ကြိုးစားပါတော့တယ်။ ဒါပေမ

Barbie in the 12 Dancing Princesses (2006) ​ ​ဘုရင်ကြီးရန်ဒေါ့ဖ် မှာ သမီးတော် ၁၂ ပါး ရှိပြီး သမီးတော်တွေဟာ မင်းသမီးလို ပီပီသသ အမူအရာတွေ မရှိဘဲ လွတ်လပ်စွာ ကခုန်ရတာကို နှစ်သက်ကြသူတွေ ဖြစ်ပါတယ် ဒါပေမဲ့ မင်းကြီးက မိဖုရားကြီး ကွယ်လွန်ပြီးတဲ့နောက်မှာ သမီးတော်တွေကို နန်းမူနန်းရာနဲ့ ကြီးပြင်းလာစေချင်တဲ့အတွက် အမျိုးတော်သူ "မြိုစားကတော် ရိုဝီနာ " ကို သမီးတော်တွေကို ထိန်းကျောင်းခိုင်းဖို နန်းတော်ကို ခေါ်လာခဲ့ပါတယ် ​ယုတ်မာစိတ်ရှိတဲ့ ရိုဝီနာကတော့ နန်းတော်ကို ရောက်လာပြီးတဲ့နောက်မှာ ပရိယာယ်မျိုးစုံသုံးပြီး မင်းသမီးလေးတွေရဲ့ လွတ်လပ်ခွင့်နဲ့ ကခုန်ခွင့်တွေကို ပိတ်ပင်လိုက်ပါတယ်။ အဲဒါအပြင် မင်းကြီးရဲ့ ထီးနန်းအာဏာကို လုယူဖိုအတွက် မင်းကြီးကို တဖြည်းဖြည်း အဆိပ်ခတ်ပြီး ဒုက္ခပေးပါတော့တယ် ​တစ်နေ့မှာတော့ မင်းသမီးလေးတွေက အမေ ပေးခဲ့တဲ့ ပုံပြင်စာအုပ်ထဲကနေ လျှိဝှက်ချက်ကို သိရှိသွားပြီး စာအုပ်ထဲက အကွက်ဆန်းတွေကို နင်းကာ မန္တန်ကမ္ဘာဆီ သွားရောက်နိုင်တဲ့ လျှိဝှက်တံခါးကို တွေ့ရှိသွားခဲ့ပါတယ် အဲဒီလျှိဝှက်ကမ္ဘာမှာ မင်းသမီးလေးတွေ စိတ်ကြိုက် ကခုန်ရင်း ပျော်ရွှင်နေကြချိန်မှာ နန်းတော်ထဲမှာတော့ ရိုဝီနာ က တိုင်းပြည်အာဏာကို လုယူပြီး သူ့ကိုယ်သူ မိဖုရား အဖြစ် ကြေညာကာ နန်းစိုက်ဖို ပြင်ဆင်နေခဲ့ပါပြီ ​မင်း​​ကြီးရဲ့ အသက်နဲ့ တိုင်းပြည်တစ်ခုလုံးကို မြိုစားကတော် ရိုဝီနာ ရဲ့ ယုတ်မာတဲ့ လက်ကနေ မင်းသမီး ၁၂ ပါးလုံး ချစ်ခြင်းမေတ္တာ၊ စ

Mononoke the Movie: Chapter III - The Curse of the Serpent (2026) Mononokoe အကြောင်း စပြောရမယ်ဆိုရင် သူ့ရဲ့ အံ့သြဖွယ်ရာ Art Style တွေပဲ ဖြစ်ပါတယ်။ ပုံမှန် Anime နဲ့ မတူပဲ အရောင်တွေစုံလင်ပြီး ကြည့်နေရတာ လှုပ်ရှားနေတဲ့ ရေဆေးပန်းချီကားချပ်တွေလိုပါပဲ။ မကြည့်တတ်တဲ့လူတွေအတွက်တော့ နည်းနည်းခေါင်းမူးစရာ ဖြစ်နေမလားတော့ မသိပါဘူး။ ကဲ Mononoke ရဲ့ အကြောင်းပြောရမယ်ဆို သူက Supernatural စီးရီးက ညီအစ်ကိုနှစ်ကောင်လို ဆရာမ ဒဂုန်ခင်ခင်လေးရဲ့ မှော်ဆရာမှတ်တမ်းထဲက အထက်လမ်းအပနှင်ဆရာတွေလိုမျိုး ဒီထဲက ဘဲကြီးကလည်း ဆေးကုန်သည်အဖြစ် ရွာရိုးကိုးပေါက် လျှောက်သွားပြီး ပရလောက ဖြစ်ရပ်ဆန်းကြယ်တွေကို လိုက်လံဖြေရှင်းပေးတဲ့လူပါ။ သူ့ဆီမှာ ထူးဆန်းတဲ့ ဓားတစ်ချောင်း ရှိနေပြီး အဲဒီ မကောင်းဆိုးရွား ဝိဉာဉ် ပရလောကသားတွေကို နှိမ်နှင်းဖို့“သွင်ပြင်သဏ္ဍာန်” “အမှန်တရား” “အကြောင်းရင်း” ဒီ အချက် ၃ ချက်နဲ့ ပြည့်စုံမှ ဓားကို ကိုင်စွဲပြီး သုတ်သင်ဖြေရှင်းပေးတာမျိုးပါ။ အခု တတိယကားမှာလည်း ဆေးဝိဇ္ဇာကြီးတစ်ယောက် Ōoku (အပျိုတော် နန်းတွင်းဆောင်) ကို ပြန်လည်ရောက်ရှိလာခဲ့ပါပြီ။ သူ ရောက်ရှိလာချိန်မှာတော့ Ooku အဆောင်ထဲမှာ ကြင်ယာတော်တစ်ပါးကနေ ရှင်ဘုရင် အမွေခံစစ်စစ်ဖြစ်သူ သားယောက်ျားလေးကို မွေးဖွားတော့မှာပါ။ အဲဒီအချိန်မှာပဲ မြွေမိစ္ဆာဆိုတဲ့ နာနာဘာဝတစ်ကောင်က ထကြွသောင်းကျန်းပါတော့တယ်။ ထုံးစံအတိုင်း ဆေးဝိဇ္ဇာကြ

Digital အကြည်တော့မထွက်သေးပါဘူး တောင်းဆိုသူများပြားတာကြောင့် လက်ရှိအကြည်ဆုံး HDTC Version ကိုတင်ဆက်ပေးလိုက်ပါတယ် ရှေးဟောင်းဒဏ္ဍာရီထဲက နတ်ဘုရားတွေကို ဒီတစ်ခါမှာတော့ လူသားတွေအဖြစ် ပြန်လည်မြင်တွေ့ရမှာပါ… ကိုယ့်ရဲ့အတိတ်နဲ့ ကိုယ့်ရဲ့ကံကြမ္မာကို ကျော်ဖြတ်ရင်း အတူတကွ ရပ်တည်ပြီး မဖြစ်နိုင်တဲ့အရာကို ဖြစ်အောင်လုပ်ကြမဲ့ လူတစ်စုရဲ့ စွန့်စားခန်းကတော့ ပရိသတ်တွေကြားမှာ အခုတလော အရမ်းရေပန်းစားနေတဲ့ Animation ဇာတ်ကား “八仙” ဆိုတဲ့ကားလေးဖြစ်ပါတယ် ဒီဇာတ်ကားဟာ ရုံတင်ပြီးချိန်ကတည်းက ပရိသတ်တွေရဲ့ အာရုံစိုက်မှုကို ရရှိခဲ့ပြီး စက်တင်ဘာ ၂၂ ရက်အထိ စုစုပေါင်းဝင်ငွေ ယွမ် ၁.၉၄၉ ဘီလီယံအထိ ရရှိထားပါတယ်…ဒါ့အပြင် Maoyan 9.7၊ Taopiaopiao 9.6 နဲ့ Douban 8.2 အထိ ရရှိထားတာကြောင့် ဒီနှစ်နွေရာသီရဲ့ လူကြိုက်များတဲ့ Animation ဇာတ်ကားတွေထဲက တစ်ကားဖြစ်လာခဲ့ပါတယ် ဇာတ်လမ်းမှာတော့ သာမန်လူသားတစ်စုဟာ အတူတကွ လက်တွဲပြီး မဖြစ်နိုင်တဲ့အရာတွေကို ဖြတ်ကျော်ကာ ကောင်းကင်ဘုံရဲ့ အမြင်ကိုတောင် လှည့်စားဖို့ ကြိုးစားကြရပါတယ်… အထူးသဖြင့် လျိုသုန့်ပင်းဟာ “ဝူရှင်းချန်း” ဆိုတဲ့ သူခိုးသူရဲကောင်းပုံစံနဲ့ လောကထဲ လှည့်လည်နေသူဖြစ်ပြီး ကျုံးလီချွမ်ကတော့ စာမေးပွဲဖြေဆိုမဲ့ ပညာရှင်ဘဝကနေ စစ်တပ်ထဲ ဝင်ရောက်သွားတဲ့အထိ ဘဝလမ်းကြောင်းအမျိုးမျိုးကို ဖြတ်သန်းလာသူပါ…ရှေးဟောင်းတရုတ်ဒဏ္ဍာရီတွေကို ခေတ်သစ်ဟာသနဲ့ အတွေးအခေါ်တွေ ပေါင်းစပ်ထားတာကြောင့် ရယ်စရာကောင်းတဲ့အခ

Barbie: A Fairy Secret (2011) ဒီတစ်ခါမှာတော့ ဘာဘီရဲ့ ရေပန်းစားလှတဲ့ သရုပ်ဆောင် ဘဝကနေ စတင်ထားတာပါ။ ဘာဘီရဲ့ ဘဝထဲမှာ အရာရာ အဆင်ပြေနေပေမဲ့ သူမနဲ့ အမြဲတမ်း ပြိုင်ဆိုင်မကင်းဖြစ်နေတဲ့ co-star ရေချယ်နဲ့တော့ အမြဲတမ်း အဆင်မပြေ ဖြစ်နေရပါတယ်။ တစ်နေ့မှာတော့ အချစ်ဆေးမိပြီး ရူးသွပ်နေတဲ့ နတ်သမီး "ဂရာစီအယ်လာ" ဟာ ဘာဘီရဲ့ ချစ်သူ "ကန်" (Ken) ကို နတ်သမီး ကမ္ဘာကြီးဆီ ပြန်ပေးဆွဲ ခေါ်ဆောင်သွားခဲ့ပါတော့တယ်။ ကန်ကို ကယ်ထုတ်ဖို့အတွက် ဘာဘီ ဟာ သူမရဲ့ နတ်သမီး သူငယ်ချင်းမလေး နှစ်ဦးရဲ့ အကူအညီနဲ့အတူ... ရန်သူဟောင်း ရေချယ် နဲ့ပါ လက်တွဲပြီး Gloss Angeles ဆိုတဲ့ ဆန်းကြယ်လှပတဲ့ နတ်သမီး မြို့တော်ကြီးဆီ ခရီးထွက်ခဲ့ရပါတော့တယ်။ မနာလိုမှုတွေကို ဘေးဖယ်ပြီး အချင်းချင်း ယုံကြည်မှုနဲ့ သူငယ်ချင်း သံယောဇဉ်ကို တည်ဆောက်ရင်း ကန်ကို ဘယ်လိုမျိုး ကယ်တင်သွားကြမလဲဆိုတာကို ကြည့်ရမှာ ဖြစ်ပါတယ်။

DuckTales the Movie: Treasure of the Lost Lamp (1990) (Only On Bioscope App) IMDB : 6.8 Rotten Tomatoes : 65% Genre : Animation / Comedy / Adventure 1980 ပြည့်နှစ်လွန်တွေမှာ DuckTales ဆိုတဲ့ Disney က ထုတ်တဲ့ Animation ဇာတ်လမ်းတွဲက တော်တော်လေးကို ပရိသတ်တွေကြားမှာ ရေပန်းစားပြီး ကမ္ဘာတစ်ဝှမ်းအောင်မြင်မှု တော်တော်လေးကိုရခဲ့ပါတယ်။ ၁၉၉၀ ခုနှစ်မှာတော့ Disney ကနေပြီးတော့ DuckTales the Movie: Treasure of the Lost Lamp ဆိုတဲ့ DuckTales အခြေခံတဲ့ ပထမဦးဆုံးရုပ်ရှင်ကို Indiana Jones Style စွန့်စားခန်း Animation တစ်ခုအဖြစ်ထုတ်ခဲ့ပါတယ်။ ဒီရုပ်ရှင်ကလည်း ပရိသတ်ကြားမှာတော်တော်လေးကို အောင်မြင်ခဲ့ပါတယ်။ ဇာတ်ညွှန်း သန်းကြွယ်သူဌေးမောင်ကပ်စေး ဘဲကြီး Scrooge McDuck ဟာ Collie Baba ရဲ့ ရှေးဟောင်းရတနာကို ရှာဖွေရန်အလို့ငှာ တူတော်၊ တူမတော်တွေဖြစ်တဲ့ Huey, Dewey, Louie ,Webby တို့နဲ့ တူတူ ကန္တာရထဲကို ခြေဆန့်ခဲ့ပါတယ်။ ရတနာသိုက်ကိုရှာတွေ့ခဲ့ပေမဲ့ မှော်ဆရာကြီး Merlock နဲ့ သူ့ရဲ့ လက်ပါးစေ Dijon တို့က ရတနာတွေကိုခိုးယူသွားခဲ့ပါတယ်။ Dijon တို့လိုချင်ခဲ့တာက မီးခွက်တစ်ခုဖြစ်ပြီး အဲဒီမီးခွက်တစ်ခုပဲ တိုက်တိုက်ဆိုင်ဆိုင် ကျန်ရစ်ခဲ့ပါတယ်။ Webby က အဲဒီမီးခွက်လေးကို ဆော့ဖို့ဆိုပြီး ယူထားခဲ့တာဖြစ်ပါတယ်။ ဒီလိုနဲ့ မီးခွက်မပါလာမှန်းသိသွားတဲ့ မှော်ဆရာ Merlock တို့နှစ်ယောက်ဟာ Scrooge

Barbie and the Magic of Pegasus (2005) ဘာဘီ အန်နီမေးရှင်း ကားတွေထဲမှာ အောင်မြင်မှု အများဆုံး ရရှိခဲ့တဲ့ ၂၀၀၀ ပြည့်လွန်နှစ်များက ဂန္ထဝင် စွန့်စားခန်း ရုပ်ရှင်ကားကြီး ဖြစ်ပါတယ်။ ဇာတ်လမ်းကတော့ ရေခဲပြင် ကစားရတာကို နှစ်သက်တဲ့ မင်းသမီးလေး "အန်နီကာ" အကြောင်းကနေ စတင်ထားတာပါ။ တစ်နေ့မှာတော့ တိုင်းပြည်ဆီ မကောင်းဆိုးဝါး မှော်ဆရာ "ဝှန်လော့ခ်"ရောက်ရှိလာပြီး အန်နီကာ ကို သူ့ကို လက်ထပ်ဖို့ အတင်းအကျပ် တောင်းဆိုပါတော့တယ်။ အန်နီကာ က ငြင်းဆန်လိုက်တဲ့အခါ မှော်ဆရာ ဟာ ဒေါသထွက်ပြီး အန်နီကာ ရဲ့ မိဘတွေနဲ့ တိုင်းသူပြည်သား အားလုံးကို ကျောက်ရုပ် ဖြစ်သွားအောင် ကျိန်စာ တိုက်ပစ်လိုက်ပါတော့တယ်။ ဒီကျိန်စာကို ဖြေရှင်းဖို့အတွက် အန်နီကာဟာ မထင်မှတ်ဘဲ ပေါ်ထွက်လာတဲ့မြင်းပျံလေး "ဘရီယက်တာ"ရဲ့ ကူညီမှုနဲ့အတူ တိမ်တိုက်နိုင်ငံတော်ဆီကို ခရီးထွက်ခဲ့ပါတော့တယ်။ မိသားစုနဲ့ တိုင်းပြည်ကို ကယ်တင်ဖို့အတွက် "အလင်းကျိန်တံကို ဖန်တီးပြီး မှော်ဆရာကို ပြန်လည်တိုက်ခိုက်မယ့် အန်နီကာ ရဲ့ စွန့်စားခန်းကို ကြည့်ရမယ့် ဘာဘီကာတွန်းကားကောင်းလေးဖြစ်ပါတယ်

Tales from the Magic Garden (2025) IMDb Rating (6.7) ကလေး ၃ ယောက်နှင့် ထူးဆန်းသောပုံပြင်ကမ္ဘာ ဇာတ်လမ်းကတော့ အမြဲတမ်း ပုံပြင်တွေ ပြောပြလေ့ရှိတဲ့ အဖွားဖြစ်သူ ကွယ်လွန်သွားပြီးနောက်... အဖိုးဖြစ်သူရဲ့ အိမ်မှာ လာရောက် ညအိပ်ကြတဲ့ ကလေး ၃ ယောက်အကြောင်းကနေ စတင်ထားတာပါ။ အဖွား မရှိတော့တဲ့အတွက် အိမ်ကလေးဟာ ခြောက်ကပ် တိတ်ဆိတ်လို့ နေခဲ့ပါတယ်။ ဒီလို တိတ်ဆိတ်ဆို့နင့်မှုကို ကျော်လွှားဖို့အတွက် ကလေး ၃ ယောက်ဟာ ငြိမ်မနေဘဲ သူတို့ ကိုယ်ပိုင် စိတ်ကူးယဉ် ပုံပြင်တွေကို တန်းစီ ဖန်တီးလိုက်ကြပါတော့တယ်။ ဒီလို ပုံပြင်တွေ ပြောပြရင်းနဲ့ပဲ သူတို့ဟာ စိတ်ကူးယဉ် စွမ်းအားရဲ့ ဆန်းကြယ်မှုကို တွေ့ရှိသွားကြပြီး အဖွား သေဆုံးသွားခဲ့ရတဲ့ ဝမ်းနည်းမှုကို ပျော်ရွှင်စရာ အမှတ်တရတွေအဖြစ် ဘယ်လိုမျိုး အစားထိုး ပြောင်းလဲသွားကြမလဲဆိုတာကို နွေးထွေးစွာကြည့်ရမယ့် အန်နီးမေးရှင်းကားကောင်းလေးဖြစ်ပါတယ်။ File size… (1.2 GB) / (640 MB) Quality…. WEB-Rip 1080p HEVC / 720p Format…. mkv/mp4 Genre…. Animation,Comedy,Family,Fantasy Duration…. 01:11:09 Subtitle…. Myanmar Subtitle (Hardsub)

အသစ်ထွက်ရှိလာတဲ့ စိတ်ကူးယဉ် Sci-fi Anime ရုပ်ရှင်လေး ဖြစ်ပါတယ်။ Shiori ဆိုတဲ့ အထက်တန်းကျောင်းသူကောင်မလေးက လိုင်းပေါ်မှာ ဆယ်လီလေးတစ်ယောက် ဖြစ်ချင်ပေမဲ့လည်း အရှက်အကြောက်ကြီးလွန်းတာကြောင့် အာရုံစိုက်ခံရခြင်း မရှိသူလေးပါ။ ဆန့်ကျင်ဖက်အနေနဲ့ သူ့ဘော်ဒါကောင်မလေးကတော့ ပေါ်ပင်လေးပေါ့လေ။ တစ်ရက် နှစ်ဦးသားလေ့ကျင့်နေကြတုန်း Shiori တစ်ယောက် လှေကားပေါ်ကနေ အရှက်တကွဲ ပြုတ်ကျပါလေရော။ ပြုတ်ကျတာက အရေးမကြီးပေမဲ့ အဲဒီ ဗီဒီယိုကြီးက လိုင်းပေါ်ရောက်သွားပြီး ပေါက်သွားတဲ့အခါကျ လူတွေကြားထဲ အရှက်ကွဲပြီး နေရခက်လာတဲ့ Shiori တစ်ယောက် မည်သို့မည်ပုံရယ်မသိပဲ ထူးဆန်းစွာနဲ့ စမတ်ဖုန်းကမ္ဘာထဲမှာ ရောက်ပြီး ပိတ်မိသွားပါတော့တယ်။ အဲဒီအချိန်မှာ သူ့နေရာကိုလည်း သူနဲ့ တစ်ပုံစံတည်းတူတဲ့ Shiori ဆိုတာက ဝင်နေရာယူထားပြီး မွှေနေတဲ့အချိန် စမတ်ဖုန်းကမ္ဘာထဲက Shiori တစ်ယောက် အဲဒီမှာ Emoji Sticker လေးတစ်ကောင်နဲ့ ခင်မင်ပြီး လက်တွေ့လောကထဲကို ဘယ်လိုပြန်ရောက်အောင် ကြိုးပမ်းသွားမလဲ၊ ဒီစမတ်ဖုန်းကမ္ဘာဆိုတာကလည်း တကယ်တမ်း ဘာကြီးလဲ စသဖြင့် စိတ်ဝင်စားစရာလေးတွေနဲ့ တင်ဆက်ဖော်ကျူးထားတဲ့ Anime ကားလေး ဖြစ်တာမို့ အားပေးလိုက်ဖို့ ဖိတ်ခေါ်လိုက်ပါရစေဗျာ...။ File size… 1.8 GB / 1 GB Quality… Web-DL 1080p / 720p Format… mp4 Duration…. 1h 55m Genre ..... Anime, Fantasy, Sci-fi Subtitle…. Myanmar Subtitle (Hard Sub)

ဒီကားလေးကတော့ စပြောရမယ်ဆိုရင် ဒါရိုက်တာ Yoshitoshi Shinomiya ရဲ့ ပွဲဦးထွက်လက်ရာတစ်ပုဒ် ဖြစ်တယ်။ Yoshitoshi Shinomiya ဆိုတာက ဘယ်သူလဲဆိုတော့ နာမည်ကြီးကားတွေဖြစ်တဲ့ The Garden of Words, Your Name တို့မှာ Background Artist အဖြစ် ဆော်ခဲ့တဲ့သူ ဒီတော့ ဒီကားကြည့်လိုက်ရင် နောက်ခံတွေက တော်တော်ကြီးလှနေတာကို ခံစားမိလိမ့်မယ်။ ဇာတ်လမ်းလေးကတော့ စက်မှုလုပ်ငန်းတွေ အရှိန်အဟုန်နဲ့ တိုးတက်လာပြီး ဖျက်သိမ်းခံရတော့မယ့် သမိုင်းဝင် ရိုးရာ Obinata မီးရှူးမီးပန်း အလုပ်ရုံဟောင်းကြီးတစ်ခု တည်ရှိရာ ကျေးလက်ဒေသကို အခြေခံထားတယ်။ အဲဒီမှာ ခေါင်းဆောင်ဖြစ်သူ အဘိုးကြီးရယ် သားနှစ်ယောက်ရယ် မွေးစားသမီးလို ဖြစ်နေတဲ့ကောင်မလေးရယ် နေကြတာပေါ့။ ဒီအလုပ်ရုံဟောင်းကြီးကို မြို့တော်စည်ပင်က မျက်စိနောက်ပြီး ဖျက်ချင်နေတာကြာပြီရယ်။ အဲဒီလိုနဲ့ နှစ်နည်းနည်းကြာလာတော့ ကောင်မလေး Kaoru ကလည်း ကြီးလာတော့ တိုကျိုမှာ အလုပ်လုပ်နေပြီ။ တစ်ရက်ကျတော့ ညီအစ်ကိုနှစ်ယောက်ထဲက အကြီးကောင် Sentarou က သူ့ကိုလာခေါ်တယ် သူတို့နေခဲ့တဲ့ အဲဒီအလုပ်ရုံနေရာကြီးက နောက်ရက်ဆို ဖယ်ပေးရတော့မယ် အစိုးရက အလုံးအရင်းနဲ့ လာဖျက်မယ်ပေါ့။ အဲဒါကို ညီအငယ်ကောင် Keitaro က ပေကပ်ပြီး အတင်းဖက်တွယ်နေလို့ လာပြီးနားချပေးပါဦး ဘာညာနဲ့ နယ်ကို ပြန်ခေါ်သွားပါလေရော။ ဒီမှာတင် Kaoru တစ်ယောက်က Keitaro ကို နားချရမှာကို မချနိုင်ပဲ Keitaro က သူ့အဖေထားခဲ့တဲ့ လျှို့ဝှက်နည်းပညာနဲ့ Syukhari ဆိုတဲ့ မီးရှူးမီး

အန်နီမေးရှင်း ဇာတ်ကားကောင်းတွေကို အမြဲစောင့်မျှော်အားပေးနေတဲ့ ပရိသတ်ကြီးအတွက် ဒီနေ့တော့ ကလေးပုံပြင်လေးကို ရာဇဝတ်မှု စုံထောက်ဇာတ်လမ်းပုံစံမျိုးနဲ့ အမိုက်စား ပြောင်းလဲရိုက်ကူးထားတဲ့ ၂၀၀၅ ခုနှစ်က အန်နီမေးရှင်း ဇာတ်ကားဟောင်းလေး "Hoodwinked!" လာပါပြီ။ ဇာတ်လမ်းကတော့ လူတိုင်းသိကြတဲ့ "ခေါင်းဆောင်းနီလေးနဲ့ ဝံပုလွေ" (Little Red Riding Hood) ပုံပြင်ကို အခြေခံထားတာပါ။ ဒါပေမယ့် ဒီကားထဲမှာက အဖွားအိမ်မှာ ဖြစ်ပွားခဲ့တဲ့ ရုတ်ရုတ်သဲသဲ ပြဿနာတစ်ခုကို ရဲတွေက လာရောက်စစ်ဆေးတဲ့ (Police Investigation) ပုံစံမျိုးနဲ့ စတင်ထားပါတယ်။ သံသယတရားခံ ၄ ယောက်ဖြစ်တဲ့ ခေါင်းဆောင်းနီလေး (Red)၊ အဖွား (Granny)၊ ဝံပုလွေ (Wolf) နဲ့ သစ်ခုတ်သမား (Woodsman) တို့ကို ရဲတွေက ဖမ်းဆီးပြီး စစ်ဆေးမေးမြန်းတဲ့အခါ၊ သူတို့ ၄ ယောက်လုံးက အဖြစ်အပျက် တစ်ခုတည်းကိုပဲ ကိုယ့်ရှုထောင့်နဲ့ကိုယ် မတူညီတဲ့ ဇာတ်ကြောင်းတွေ ပြန်ပြောပြကြရာကနေ တကယ့်တရားခံ အစစ်က ဘယ်သူလဲ၊ အဖွားအိမ်မှာ တကယ်ရော ဘာတွေဖြစ်ခဲ့တာလဲ ဆိုတာကို ဟာသနှောပြီး ရှာဖွေရမယ့် ဇာတ်ကားပါ။ သာမန် ကလေးပုံပြင်ကို ရဲစုံထောက်ဇာတ်လမ်း (Whodunit) ပုံစံ ပြောင်းလိုက်တာက အရမ်းကို ဉာဏ်ကောင်းပါတယ်။ ဇာတ်ကောင် ၄ ယောက်ရဲ့ မတူညီတဲ့ ရှုထောင့်တွေကနေ ပြန်ပြောပြတဲ့အခါ ဇာတ်လမ်းက ပိုပိုပြီး ရယ်ရသလို၊ အဆုံးသတ်မှာ အချိတ်အဆက်တွေ အားလုံးမိသွားတာက တကယ့်ကို အမိုက်စား ဇာတ်ညွှန်းဖန်တီးမှုပါပဲ။ Hoodwinked!" ဟာ ရုပ်ထွက်သိပ်

အန်နီမေးရှင်း ဇာတ်ကားတွေကို အားပေးကြတဲ့ ပရိသတ်ကြီးအတွက် ဒီနေ့တော့ ၂၀၀၅ ခုနှစ်က အောင်မြင်ခဲ့တဲ့ "Hoodwinked!" ဇာတ်ကားရဲ့ အဆက်အဖြစ် ထွက်ရှိလာတဲ့ "Hoodwinked Too! Hood vs. Evil (၂၀၁၁)" ကို တင်ဆက်ပေးချင်ပါတယ်။ ဒီဒုတိယပိုင်းမှာတော့ ခေါင်းဆောင်းနီလေး (Red)၊ ဝံပုလွေ (Wolf)၊ ရှဉ့်လေး (Twitchy) နဲ့ အဖွား (Granny) တို့ဟာ 'Happily Ever After' လို့ခေါ်တဲ့ လျှို့ဝှက်အေဂျင်စီ (HEA Agency) မှာ အေးဂျင့်တွေအဖြစ် အတူတူ အလုပ်လုပ်နေကြပါပြီ။ ဇာတ်လမ်းစစချင်းမှာပဲ Red ဟာ ညီအစ်မ 'Sisters of the Hood' ဆီမှာ သိုင်းပညာ သွားရောက်သင်ယူနေချိန်၊ ဟန်ဆယ်နဲ့ ဂရီတယ် (Hansel and Gretel) ကလေးနှစ်ယောက်ကို စုန်းမကြီးက ဖမ်းသွားတယ်ဆိုတဲ့ သတင်းကြောင့် အဖွား (Granny) က ကယ်တင်ဖို့ သွားခဲ့ပါတယ်။ ဒါပေမယ့် အဖွားပါ ထပ်ပြီး အဖမ်းခံလိုက်ရတဲ့အခါ، Red တစ်ယောက် သူမနဲ့ သိပ်ပြီး အဆင်မပြေတဲ့ လက်တွဲဖော် Wolf နဲ့အတူ ပူးပေါင်းပြီး အဖွားနဲ့ ကလေးတွေကို အချိန်မီ ကယ်တင်နိုင်ဖို့၊ ပြီးတော့ တကယ့် ဗီလိန်အစစ်က ဘယ်သူလဲဆိုတာကို စုံစမ်းဖော်ထုတ်ဖို့ ကြိုးစားရတဲ့ အက်ရှင်ဟာသ စွန့်စားခန်းကို ရိုက်ကူးထားတာပါ။ ပထမကားနဲ့ ယှဉ်လိုက်ရင် ၂၀၁၁ ခုနှစ်မှာ ထွက်ခဲ့တဲ့ ဒီဒုတိယကားရဲ့ 3D ရုပ်ထွက် ဟာ သိသိသာသာကို ပိုကောင်းလာပါတယ်။ အရောင်အသွေး ပိုစုံလင်ပြီး အက်ရှင်အခန်းတွေကလည်း ပိုပြီး သွက်လက်လာပါတယ်။ ဒါပေမယ့် ပထမကားတုန်းက ရုပ်ဆိုးပေမယ့် ချစ်စရာကောင်းတဲ့ အရသာမျိုးတော့

PAW Patrol: The Dino Movie (2026) ++++++++++++++++++ IMDb Rating (6.2) / Rotten Tomatoes (81%) ဒီဇာတ်ကားကတော့ Animation, Family နဲ့ Adventure အမျိုးအစား ကလေးကာတွန်း ရုပ်ရှင်ကားကြီးပဲ ဖြစ်ပါတယ်။ နာမည်ကြီး PAW Patrol ရဲ့ တတိယမြောက် ရုပ်ရှင်အဖြစ် ဒါရိုက်တာ Cal Brunker က ရိုက်ကူးတင်ဆက်ထားပြီး အသံသရုပ်ဆောင်တွေအဖြစ် Carter Young, Hayden Chamberlain, Mckenna Grace, Rain Janjua, Terry Crews နဲ့ Ron Pardo တို့က အဓိက ပါဝင်ထားကြပါတယ်။ ဇာတ်လမ်းကတော့ ရေပြင်မှာ မီးလောင်နေတဲ့ လှေတစ်စင်းကို ကယ်ဆယ်အပြီးမှာ PAW Patrol အဖွဲ့သားတွေဟာ မုန်တိုင်းထဲရောက်သွားပြီး ဒိုင်နိုဆောတွေ နေထိုင်တဲ့ လျှို့ဝှက်ကျွန်းတစ်ကျွန်းကို ရောက်ရှိသွားရာကနေ စတင်ပါတယ်။ အဲဒီကျွန်းမှာ ဒိုင်နိုဆောတွေနဲ့ စကားပြောတတ်ပြီး နှစ်အတော်ကြာ ပိတ်မိနေတဲ့ ဝှီးချဲစီး ခွေးလေး Rex နဲ့ တွေ့ဆုံခင်မင်ကြပါတယ်။ ဒါပေမဲ့ သူတို့ရဲ့ ရန်သူတော်ကြီး မြို့တော်ဝန် Humdinger ဟာ အဲဒီကျွန်းမှာရှိတဲ့ စိန်သိုက်ကို တူးဖော်ဖို့ ရောက်လာတဲ့အခါ ပြဿနာ စတင်ပါတော့တယ်။ Humdinger ရဲ့ လောဘကြောင့် ကျွန်းပေါ်က မီးတောင်ကြီး ပေါက်ကွဲဖို့ ဖြစ်လာတဲ့အခါ PAW Patrol အဖွဲ့သားတွေရော အသစ်ရောက်လာတဲ့ သူငယ်ချင်း Rex ရော ပူးပေါင်းပြီး ကျွန်းပေါ်က ဒိုင်နိုဆောတွေ မျိုးမသုဉ်းသွားအောင် ဘယ်လို ကယ်တင်မလဲဆိုတာကို ရင်ခုန်စရာ ကြည့်ရှုရမှာပါ။ ဒီရုပ်ရှင်ဟာ ကလေးတွေ အကြိုက်တွေ့စေမယ့် ဒိုင်နိုဆော စွန့

ဒီကားလေးကတော့ Monster High Franchise ရဲ့ ၇ ကားမြောက် 3D Animated ရုပ်ရှင်ဖြစ်ပြီး၊ ပရိသတ်တွေကြားမှာ Generation 1 ခေတ်ရဲ့ ဇာတ်အိမ်အကောင်းဆုံး၊ အမှောင်ဘက် အရောက်ဆုံးနဲ့ အတွေးအမြင် အနက်နဲဆုံး လက်ရာတစ်ခုအဖြစ် တင်စားကြတဲ့ ရုပ်ရှင်ဖြစ်ပါတယ်။ ဇာတ်လမ်းလေးကတော့ ကလောဒင်း ရဲ့ ညီမလေးဖြစ်သူ ဟောင်လင်းဟာ ကျောင်းမှာ အစ်မဖြစ်သူရဲ့ အရိပ်အောက်ကနေ မထွက်နိုင်ဘဲ အမြဲတမ်း လူရာမဝင်၊ ဘေးဖယ်ခံထားရတယ်လို့ ခံစားနေရသူပါ။ သူမရဲ့ အဓိက အိပ်မက်ကတော့ ကျောင်းမှာ လူတိုင်း သတိထားမိပြီး ရေပန်းစားတဲ့ "Popular Kid" တစ်ယောက် ဖြစ်လာဖို့ပါပဲ။ တစ်နေ့မှာတော့ ကျောင်းရဲ့ ထပ်ခိုးဟောင်းကြီးထဲမှာ ပြစ်ဒဏ်ကျခံရင်း ရှေးဟောင်း မီးခွက်မှော်အိမ်လေးတစ်ခုကို တွေ့ရှိသွားပြီး၊ အထဲကနေ ဆန္ဒ ၁၃ ခု ဖြည့်ဆည်းပေးနိုင်တဲ့ ဂျင်းနီမလေး ဂျီဂျီ ထွက်ပေါ်လာပါတယ်။ ဟောင်လင်းဟာ သူမရဲ့ လိုအင်ဆန္ဒတွေကို တစ်ခုပြီးတစ်ခု တောင်းဆိုရင်း ကျောင်းမှာ ရုတ်တရက် နာမည်ကျော် လူကြိုက်များသူ ဖြစ်လာပါတယ်။ ဒါပေမဲ့ အဲဒီမီးခွက်ထဲမှာ ဂျီဂျီရဲ့ အရိပ်မည်းဖြစ်တဲ့ မကောင်းဆိုးဝါး ဝှစ်ပ် ဆိုသူ ကိန်းအောင်းနေပြီး၊ ဟောင်လင်းရဲ့ မာနနဲ့ အားနည်းချက်တွေကို အသုံးချကာ ဆန္ဒတွေရဲ့ အကျိုးဆက်အဖြစ် ကျောင်းသူ/ကျောင်းသားတွေကို အရိပ်မည်းတွေအဖြစ် ပြောင်းလဲပစ်ပါတော့တယ်။ Monster High ကျောင်းကြီး အမှောင်ထုထဲ မကျရောက်သွားစေဖို့ ဖရန်ကီ စတိန်း ကလောဒင်း နဲ့ သူငယ်ချင်းတစ်စုဟာ မီးခွက်ရဲ့ မှော်ကမ္ဘာထဲကို ဝင်ရော

Mary Anning (2025) ကမ္ဘာ့သမိုင်းမှာ ထင်ရှားလှတဲ့ ရှေးဟောင်းရုပ်ကြွင်း ပညာရှင် မေရီ အန်နင်း (Mary Anning) ရဲ့ စိတ်ဓာတ်ခွန်အားရဖွယ် ကလေးဘဝ ဇာတ်လမ်းကို အခြေခံထားလို့ မိသားစုလိုက် ကြည့်ဖို့ အထူး သင့်လျော်ပါတယ်။ ဇာတ်လမ်းကတော့ ၁၈၁၁ ခုနှစ်က အသက် ၁၂ နှစ်အရွယ် ရှိသေးတဲ့ ရုပ်ကြွင်း ရှာဖွေသူ မိန်းကလေးငယ် "မေရီ အန်နင်း" (Mary Anning) အကြောင်းကနေ စတင်ထားတာပါ။ မေရီ ဟာ မိသားစုရဲ့ စားဝတ်နေရေးကို တစ်ဖက်က ကူညီရင်း အနားယူချိန်တွေမှာ ပျောက်ဆုံးသွားခဲ့တဲ့ အဖေဖြစ်သူ ချန်ထားခဲ့တဲ့ ပုံဆွဲကားချပ် နောက်ကို လိုက်လံ စွန့်စား ရှာဖွေပါတော့တယ်။ ကျောက်ဆောင်တွေနဲ့ ပင်လယ်ကမ်းခြေတွေမှာ ရှာဖွေရင်း... မေရီဟာ ကမ္ဘာ့သမိုင်းကို ပြောင်းလဲသွားစေမယ့် ရှေးဟောင်း သက်ရှိ ရုပ်ကြွင်းတွေကို မထင်မှတ်ဘဲ စတင်တွေ့ရှိခဲ့ပါတယ်။ ကျောက်ဆောင်တွေကြားက အဖိုးတန် တွေ့ရှိမှုတွေအပြင်... မိသားစုအပေါ် ထားရှိတဲ့ ချစ်ခြင်းနဲ့ သတ္တိကိုပါ ဖော်ထုတ်ရင်းနဲ့ သူမဟာ ခေတ်သစ် ရှေးဟောင်းဇီဝဗေဒ ဆိုတဲ့ သိပ္ပံ နယ်ပယ်သစ်ကြီးကို စတင် လမ်းခင်းပေးနိုင်ခဲ့ပုံကို စိတ်ဝင်စားဖွယ် ရှုစားကြရမှာ ဖြစ်ပါတယ်။

ဒီကားလေးကတော့ နာမည်ကျော် စတူဒီယို Production I.G နဲ့ Fuji Television တို့ ပူးပေါင်းဖန်တီးခဲ့တဲ့ အစောပိုင်းကာလ ဂျပန် 3D CGI Animation နယ်ပယ်ရဲ့ အထင်ကရ သမိုင်းမှတ်တိုင် လက်ရာတစ်ခု ဖြစ်ပါတယ်ဗျာ။ ဇာတ်လမ်းလေးကတော့ အထက်တန်းကျောင်းသူလေး Haruka ဟာ ငယ်စဉ်ကတည်းက မိခင်ဖြစ်သူ ဆုံးပါးသွားခဲ့ပြီး၊ အလုပ်များတဲ့ ဖခင်ဖြစ်သူနဲ့လည်း စကားများကာ သဘောထားကွဲလွဲနေသူ ဖြစ်ပါတယ်။ တစ်နေ့မှာတော့ သူဟာ ဒေသခံ နတ်ကွန်းတစ်ခုဆီ သွားရောက်ဆုတောင်းရင်း လူတွေ မေ့လျော့ပြီး စွန့်ပစ်ထားတဲ့ သော့တွဲလေးကို လာရောက်ခိုးယူသွားတဲ့ မြေခွေးလို သတ္တဝါလေး Teo ကို အမှတ်မထင် တွေ့ရှိလိုက်ပါတယ်။ Teo ရဲ့ နောက်ကို လိုက်သွားရင်းကနေ မြေအောက်က လျှို့ဝှက်တံခါးပေါက်ကတစ်ဆင့် "Oblivion Island" (အမေ့လျော့ခံ အမှိုက်ကျွန်း) လို့ခေါ်တဲ့ မှော်ကမ္ဘာကြီးဆီ မတော်တဆ ရောက်ရှိသွားပါတော့တယ်။ အဲဒီကျွန်းဟာ လူသားတွေ ပျောက်ဆုံးသွားတယ်လို့ ထင်ထားတဲ့ အရုပ်ဟောင်းတွေ၊ ပစ္စည်းဟောင်းတွေနဲ့ တည်ဆောက်ထားတဲ့ အံ့ဖွယ်မြို့တော်ကြီး ဖြစ်ပါတယ်။ Haruka ဟာ Teo နဲ့အတူ ကျွန်းအနှံ့ လှည့်လည်ရှာဖွေရင်း ကွယ်လွန်သူ မိခင်ပေးခဲ့တဲ့ လက်ကိုင်မှန်အဝိုင်းလေးကို ပြန်လည်ရှာဖွေဖို့ ကြိုးစားပါတော့တယ်။ ဒါပေမဲ့ ကျွန်းရဲ့ အာဏာရှင် ဗီလိန်ကြီး Baron ကလည်း လူသားတွေရဲ့ အမှတ်တရ အစွမ်းတွေ ကိန်းအောင်းနေတဲ့ အဲဒီမှန်ကို လိုချင်နေတာကြောင့် ဘယ်လိုတွေ ဆက်ဖြစ်ကြမလဲဆိုတာကို ရှုစားရမှာပဲ ဖြစ်ပါတယ်။ သူ့ ဇာတ်လမ်းအထ

ဒီကားလေးကတော့ Grave of the Fireflies တို့ ကျွန်တော် ဟိုတလောက တင်ခဲ့ဖူးတဲ့ Peleliu Guernica of Paradise တို့လို Anti-War အကြောင်းခံ နာကျင်ဖွယ်ရာ ဇာတ်ကြောင်းခံ Anime လေး ဖြစ်ပါတယ်။ ဒီဇာတ်လမ်းဟာ စာရေးဆရာမ Machiko Kyo ရဲ့ နာမည်ကျော် Manga ကို အခြေခံပြီး ဒါရိုက်တာ Yukimitsu Ina နဲ့ Studio Sasayuri တို့ ဖန်တီးထားတဲ့ ဒုတိယကမ္ဘာစစ်နောက်ခံ Historical Drama Anime ရုပ်ရှင်ကားကြီးပါ။ Studio Ghibli ရဲ့ ဝါရင့် Animator တစ်ဦးဖြစ်တဲ့ Hitomi Tateno တည်ထောင်ထားတဲ့ Studio Sasayuri က တာဝန်ယူ ထုတ်လုပ်ထားတာဖြစ်လို့၊ အိုကီနာဝါရဲ့ သဘာဝရှုခင်းတွေ၊ ရေဆေးပန်းချီစတိုင်လ် နောက်ခံတွေနဲ့ နူးညံ့တဲ့ Animation တွေဟာ Studio Ghibli ကို ပြန်ပြီး သတိရစေဦးမှာ အသေအချာပါပဲ။ နောက်ပြီး ဒါဟာ ၁၉၄၅ ခုနှစ်၊ ဒုတိယကမ္ဘာစစ်ကြီး ပြီးဆုံးခါနီး အိုကီနာဝါတိုက်ပွဲ (Battle of Okinawa) ကာလထဲက ဖြစ်ရပ်မှန် သမိုင်းဝင် ဟိမဲယုရိ ကျောင်းသူသူနာပြုတပ်ဖွဲ့ ကို အခြေခံထားပါတယ်။ ဇာတ်လမ်းလေးကတော့ San နဲ့ Mayu ဆိုတဲ့ ကောင်မလေး ၂ ယောက် တပ်မတော်ရဲ့ သူနာပြုတွေအဖြစ် စစ်မြေပြင်ကို တာဝန်ထမ်းဆောင်ဖို့ ဖြစ်လာပါပြီ။ စစ်မဖြစ်ခင်အချိန်ဆိုတော့ ကောင်မလေးတစ်သိုက် နွေရာသီစခန်းထွက်သလို ကျွန်းလေးပေါ် သာယာနေကြတာပေါ့။ အဲဒီမှာတင် စစ်မီးကြီးက ကူးစက်လာပြီး ဂူကြီးတစ်ဂူကို ဆေးရုံအဖြစ်လုပ်ပြီး ပင်ပန်းဆင်းရဲကြတာတွေ ကြုံတွေ့ရတဲ့ ဒုက္ခတွေရယ် စစ်ရှုံးလာချိန်ကျ ဘယ်လိုမျိုး အထက်က

ပရိသတ်ကြီးအတွက် ဒီနေ့တော့ Disney+ ကနေ ၂ ထုတ်လွှင့်ပြသလိုက်တဲ့ "LEGO Star Wars: The Mandalorian (၂၀၂၆)" အန်နီမေးရှင်း အထူးအစီအစဉ် (Animated Special) လေးကို wifqyufပေးလိုက်ပါတယ်။ Star Wars ပရိသတ်တွေ၊ အထူးသဖြင့် Mando နဲ့ Grogu (Baby Yoda) တို့ရဲ့ အမာခံ Fan တွေအတွက် ပေါ့ပေါ့ပါးပါးနဲ့ ရယ်မောပျော်ရွှင်စွာ ကြည့်ရှုနိုင်မယ့် ဇာတ်ကားလေးပဲ ဖြစ်ပါတယ်။ ဇာတ်လမ်းကတော့ The Mandalorian (Mando) နဲ့ Grogu တို့ဟာ သူတို့ရဲ့ မဟာမိတ် သူငယ်ချင်းတွေနဲ့အတူ အောင်ပွဲခံ ပါတီပွဲတစ်ခုကို ဆင်နွှဲနေကြတာကနေ စတင်ပါတယ်။ အဲဒီပါတီမှာ သူငယ်ချင်းတွေက Mando နဲ့ Grogu တို့ ဖြတ်သန်းခဲ့ရတဲ့ စွန့်စားခန်းတွေ (The Mandalorian Season 1 ကနေ 3 အထိနဲ့ The Book of Boba Fett ထဲက အဖြစ်အပျက်တွေ) ကို အပြန်အလှန် ပြန်လည်ပြောပြကြပါတယ်။ ဒါပေမယ့် ပျော်ပွဲရွှင်ပွဲ ကျင်းပနေတုန်းမှာပဲ အာကာသဓားပြ (Space Pirates) တွေရဲ့ ခြိမ်းခြောက်မှုက ရုတ်တရက် ကျရောက်လာတဲ့အခါ ဘာဆက်ဖြစ်မလဲ ဆိုတာကို ရိုက်ကူးထားတာပါ။ LEGO Star Wars ဇာတ်ကားတွေရဲ့ ထုံးစံအတိုင်း လေးနက်တဲ့ Star Wars အဖြစ်အပျက်တွေကို ကလေးဆန်ဆန်၊ ဟာသမြောက်မြောက်နဲ့ သရော်ထားတာ (Parody လုပ်ထားတာ) က အရမ်းကို သဘောကျစရာ ကောင်းပါတယ်။ မူရင်းဇာတ်လမ်းထဲက အဓိက အခိုက်အတန့်တွေကို အချိန် (၄၉) မိနစ်စာ အပိုင်းလေးအတွင်းမှာ အကောင်းဆုံး ချုံ့ပြီး (Recap) တင်ဆက်သွားတာမို့ ပျင်းဖို့ကောင်းမနေပါဘူး။ ဒီကားရဲ့ အားသာချက်ကတ

ဒီ Anime ဇာတ်ကားသစ်လေးကတော့ တခြား Anime ကားတွေလို အက်ရှင် စွန့်စားခန်း ဘာညာမဟုတ်ပဲ ဘဝသရုပ်ဖော် ဒရမ်မာကားလေးတစ်ကားပဲ ဖြစ်ပါတယ်။ ဇာတ်လမ်းလေးက ထောင်ကျနေတဲ့ ယာကူဇာဟောင်း ဘိုးတော်ကြီးတစ်ယောက်နဲ့ ထူးထူးခြားခြား လူစကားတွေပြောနေတဲ့ ဒန်းပန်းလေးကနေ စတင်ထားတယ်။ ၂ ဦးသားစကားတွေပြောရာကနေမှ ယာကူဇာဘိုးတော်ကြီးဟာ သူ့ဘဝဟောင်း ဇာတ်လမ်းဟောင်းလေးတွေကို ပြန်လည်တမ်းတ လွမ်းဆွတ်တဲ့အနေနဲ့ အတိတ်က အဖြစ်အပျက်တွေတစ်လှည့် သူတို့နှစ်ယောက်တစ်လှည့်နဲ့ ပုံဖော်ထားတာမျိုး။ ဒီယာကူဇာကြီးဟာ သူနဲ့ ကိုယ်ဝန်ရထားတာမဟုတ်ပဲ သူ့ထက် အသက်ငယ်တဲ့ သူ ချစ်ရတဲ့ ကောင်မလေးတစ်ယောက်ကို ကလေးနဲ့အတူ အိမ်ပေါ်ကို ခေါ်တင်ထားတယ် စောင့်ရှောက်ပေးထားတယ်။ အဲဒီကနေ ဒီယာကူဇာအလုပ်တွေလုပ်ရင်းနဲ့ ဒီ အကျဉ်းထောင်ထဲကို ဘယ်လိုရောက်လာသလဲဆိုတာကို သူတို့ချင်း စကားပြော အတိတ်ကို ပြန်ပြရာကနေတစ်ဆင့် ခံစားပြီး ကြည့်သွားရမယ့် ဇာတ်လမ်းလေးတစ်ပုဒ်ပါ။ ဒီကားလေးကတော့ သာမန်ဇာတ်ကားမျိုး မဟုတ်ဘဲ လူတစ်ယောက်ရဲ့ ဘဝနေဝင်ချိန်မှာ ကျန်ရစ်တဲ့ နောင်တ၊ အချစ်နဲ့ ခွင့်လွှတ်ခြင်းတွေကို တည်တည်ငြိမ်ငြိမ်နဲ့ စိတ်ထဲစွဲကျန်အောင် တင်ဆက်ပြသသွားတာလည်း ဖြစ်ပါတယ်။ အားပေးလိုက်ကြပါဦး...။