ရုပ်ရှင်အသစ်များ

အီဆူယွန်း(Park Ji Yeon) ဆိုတဲ့ရုပ်ရှင်မင်းသမီးတစ်ဦးက မတော်တဆမှုကြီးတစ်ခုကြောင့် အနားယူလိုက်ရပြီးတဲ့နောက် ရုပ်ရှင်လောကကိုပြန်လည်ဝင်ရောက်လာခဲ့ပါတယ်။ သို့ပေမယ့် အကျဘက်ကိုရောက်သွားတဲ့ ဆူယွန်းဟာ အဆောင်သီးသန့်တောင်နေထိုင်ခွင့်မရဘဲ တက်သစ်စမင်းသမီးတစ်လက်ဖြစ်တဲ့ ဆုန်းဂါယောင်းနဲ့ အတူနေထိုင်နေရပါတယ်။ ကျရှုံးခန်းရောက်နေတဲ့စီနီယာနဲ့ တက်သစ်စဂျူနီယာဆောင့်ကြွားကြွားတို့ကြားမှာ အဆင်မပြေမှုအဖုအထစ်ကလေးတွေကလည်း ရှိလို့နေပါသေးတယ်။ တစ်နေ့မှာဂါယောင်းဟာ ဆူယွန်းမသိလိုက်တဲ့အချိန်မှာပဲ အိမ်ထဲမှာသေဆုံးနေခဲ့ပါတယ်။ နဂိုကမှ စိတ်ကျရောဂါခံစားနေရတဲ့ဆူယွန်းဟာ ဂါယောင်းရဲ့အလောင်းကိုမြင်လိုက်ရတဲ့ခဏ အင်မတန်မှသွေးပျက်ခြောက်ခြားသွားခဲ့တဲ့နောက် သူကိုယ်တိုင်ပဲသတ်လိုက်မိပြီလို့ထင်မိသွားပါတော့တယ်။ အဲဒီနောက်မှာတော့… ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thant Sin ဖြစ်ပါတယ်

Daer ဇာတ်ကားလေးကတော့ အိန္ဒိယမိသားစုဇာလ်လမ်းကို အချစ် ဟာသနှောပြီးရိုက်ထားတာဖြစ်ပါတယ် အာဂျွန်တို့မိသားစု သူငယ်ငယ်ကလေးတည်းက အဖေဖြစ်သူဟာသူတို့ကိုထားပြီး အိမ်ကနေထွက်ပြေးသွားခဲ့ပါတယ် အာဂျွန်တစ်ယောက် သူ့အစ်ကိုစကားပဲနားထောင်ပြီး ကြီးပြင်းခဲ့ရာမှ တစ်နေ့တော့ အစ်ကိုဖြစ်သူက သူ့ကို အိမ်ထောင်ချပေးဖို့ ကြိုးစားပါတော့တယ် အစ်ကိုဖြစ်သူ ရှာပေးတဲ့ဒီပီကာဆိုတဲ့ မိန်းကလေးကို ချစ်မိသွားပြီး လက်ထပ်ပြီးတော့မှ ဒီပီကာဟာအိပ်နေရင်း ဟောက်တတ်တာကို သိသွားပါတော့တယ် အာဂျွန်တစ်ယောက် နဂိုတည်းကအအိမ်စက်သူဖြစ်တော့ ဒီပီကာနဲ့ အိမ်ထောင်ရေးကို ဘယ်လိုမျိုးဆက်လက်ထိန်းသိမ်းသွားမလဲ အာဂျွန်တို့မိသားစုရော ပျော်ပျော်ရွှင်ရွှင်နဲ့ပြန်ဆုံတွေ့နိုင်ကြပါ့မလားဆိုတာ ဒီကားလေးထဲမှာ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

1890 နဲ့ 1900 ခုနှစ်တွေမှာ ဥရောပက ရွှေ့ပြောင်းနေထိုင်သူတွေဟာ အမေရိကကိုရောက်လာကြပါတယ်။ သူတို့တွေဟာ အင်္ဂလိပ်လို တစ်လုံးမှမပြောတတ်ကြတာမို့ အမေရိကမှာ အခက်အခဲတွေများစွာနဲ့ ကြုံကြရပါတယ်။ ရွှေ့ပြောင်းရောက်လာကြတဲ့သူတွေမို့ အမေရိကန်တွေကလဲ ခွဲခြားဆက်ဆံကြပါတယ်။ အဲ့လိုဒုက္ခရောက်နေတဲ့သူတွေ၊ မိဘမဲ့ကလေးငယ်တွေကို ကူညီပေးဖို့အတွက် Cabrini ဆိုတဲ့ သီလရှင်တစ်ပါးဟာ အီတလီကနေရောက်လာပါတယ်။ သူမဟာ အခက်အခဲတွေကြားထဲက ဒုက္ခရောက်နေတဲ့သူတွေကို ဘယ်လိုကူညီမလဲ။ အမေရိကရဲ့ လူမျိုးရေးခွဲခြားမှုတွေ၊ လူတန်းစားခွဲခြားမှုတွေ၊ ကျားမခွဲခြားဆက်ဆံမှုတွေကြောင့် ဘယ်လိုအခက်အခဲတွေ တွေ့ကြုံရမလဲဆိုတာကို ကရုဏာသက်ဖွယ် ကြည့်ရမှာဖြစ်ပါတယ်။ IMDb rating မှာ 7.8/10 ထိရရှိထားပြီးတော့ Rotten tomato မှာလဲ 98% ထိရရှိထားတဲ့ တကယ်ကြည့်လို့ကောင်းတဲ့ ဇာတ်ကားတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Kyaw Khant Linn ဖြစ်ပါတယ်

Avatara Purusha ဆိုတဲ့ဒီဇာတ်ကားလေးဟာ ၂၀၂၂ ခုနှစ်တုန်းက part 1 အနေနဲ့တစ်ခေါက်ထွက်ထားပြီး ဒီနှစ် ၂၀၂၄ မှာတော့ part 2 အနေနဲ့ နောက်တစ်ခေါက်ထပ်ထွက်ခဲ့ပါတယ်။ ပထမကားမှာတုန်းကတော့ သားဖြစ်သူကိုရှာရတဲ့အကြောင်းတွေကို မှော်ပညာရောနှောရင်းကြည့်ရှုခဲ့ရပါတယ်။ ဒီ part 2 မှာတော့ သားအစစ်ဖြစ်သူ ကာနာတစ်ဖြစ်လဲ ကူမာရာ တစ်ယောက် အိမ်ပြန်ရောက်လာတော့ သားအနေနဲ့ဟန်ဆောင်သရုပ်ဆောင်ဖို့ငှားထားတဲ့ အာနေးတစ်ယောက်ကတော့အိမ်ပေါ်က လစ်ထွက်လာရပါတယ်။ ဒါပေမဲ့လို့ သားအစစ်ဖြစ်သူ ကူမာရာဟာ တစ်ခုခုထူးဆန်းနေပြီး အမှောင်မှော်ဆရာကြီး ဒါကာရာဟာလည်း ''ထရီကူရှန် မာနီ'' ကိုရအောင်ယူဖို့ကြိုးစားနေပါတယ်။ မှော်ပညာအားပြိုင်မှုတွေကြား အိုဗာအိုက်တင်တစ်အားကြိုက်တဲ့ သရုပ်ဆောင်ကြီး အာနေး ဒါကာရာကိုဘယ်လိုတားဆီးမလဲ၊ အာနေးကို ''ရာမာ ဂျွိုက်'' တို့အိမ်ကရောပြန်လက်ခံမှာလားဆိုတာကိုတော့ဒီဇာတ်လမ်းလေးမှာကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

ဇာတ်ညွှန်းရေးဆရာတစ်ယောက်ကသူ့မိန်းမရဲ့စည်းစိမ်တွေကိုအပိုင်ကြံဖို့ကြိုးစားတဲ့ဇာတ်လမ်းပါလှည့်စားမှုတွေ ကြိုတင်စီစဉ်မှုတွေနဲ့အပိုင်တွက်ထားပေမယ့် တူတူကြံတဲ့တစ်ယောက်က တခြားအကြံအစည်တစ်ခုရှိနေတဲ့အခါဘယ်သူကစည်းစိမ်တွေကိုရသွားမလဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

ငြိမ်သက်နေတဲ့ DC‌ Universe ကြီးကိုနောက်တစ်ခါပြန်လှုပ်နှိုးပေးလိုက်တဲ့ Justice League : Crisis On Infinite Earth Part Two ကိုတင်ဆက်ပေးလိုက်ပါပြီ။IMDb Rating အနေအထားအရတော့ Part One မှာ 6.3 အထိရရှိထားပြီး Part Two ကလောလောဆယ်မှာတော့ 5.5 အထိသာရရှိထားသေးပါတယ်။ဒါပေမယ့်လဲ DC Fan တွေအတွက်ကတော့ Rating တွေကိုထည့်တွက်နေစရာမလိုပဲစိတ်ဝင်စားစရာကောင်းတဲ့ကားတစ်ကားဖြစ်စေမှာတော့အမှန်ပါပဲ။ ဇာတ်လမ်းထဲမှာ Part One ကအဆက်အနေနဲ့စကြ၀ဠာကြီးထဲကကမ္ဘာအနှံ့မှာပြန့်ကျဲနေတဲ့ Justice League သူရဲကောင်းတွေအပြင် စကြ၀ဠာကြီးထဲကဖြစ်ရပ်ဆိုးတွေအားလုံးကိုစောင့်ကြည့်ပေးနေရတဲ့စောင့်ကြည့်သူ(Monitor) နဲ့ စိတ်ကိုထိန်းချုပ်နိုင်တဲ့စိတ္တဇပင်လယ်ဓားပြ(Psycho Pirate) တို့ကိုတစ်လှည့်စီတွေ့ရမှာဖြစ်ပါတယ်။စောင့်ကြည့်သူရဲ့တာဝန်ကကမ္ဘာတွေဆိုးဆိုးဝါးဝါးပျက်စီးတာကိုကြားဝင်မစွက်ဖက်ပဲစောင့်ကြည့်ပေးနေရတာဆိုပေမဲ့ ခရစ်ပ်တွန်ဂြိုလ်ကစူပါဂဲလ်သူ့ယာဉ်ပေါ်ရောက်လာပြီးနောက်ပိုင်းမှာတော့သူ့အတွက်အရာအားလုံးကပြောင်းလဲသွားပြီး ကမ္ဘာအားလုံးကိုပျက်စီးစေမဲ့ဖျက်ဆီးရေးလှိုင်းအန္တရာယ်ကိုသူကိုယ်တိုင်ကြားဝင်ပြီးတားဆီးပေးဖို့ဆုံးဖြတ်ချက်ချလိုက်တဲ့အခါမှာတော့စကြ၀ဠာကြီးရဲ့အနာဂတ်ကဘယ်လိုပြောင်းလဲသွားမလဲ တကယ်တမ်းဒီဇာတ်လမ်းရဲ့ဗီလိန်ကရောဘယ်သူဖြစ်နေမလဲဆိုတာတွေကိုစိတ်ဝင်တစားကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

အနာဂတ်ကမ္ဘာကြီးမှာ သယံဇာတအရင်းအမြစ်တွေ ရှားပါးလာပြီး crisis ဖြစ်လာတဲ့ကာလကို ပုံဖော်ထားတဲ့ စိတ်ဝင်စားစရာ plot နဲ့ ဇာတ်ကားဖြစ်ပါတယ်။ အကျပ်အတည်းကြောင့် လူဦးရေလျှော့ချဖို့ ကမ္ဘာ့အစိုးရတွေက UN မှာ ဆုံးဖြတ်ပြီး Program တစ်ခု ဖန်တီးခဲ့ပါတယ်။ Enlistment - စစ်မှုထမ်းဖို့စာရင်းသွင်းရတာကို သူတို့က အခွင့်အလမ်းလို့ ခေါ်ကြပါတယ်။ရုရှားလိုနိုင်ငံကတော့ ဒီလုပ်ရပ်ကို ထောက်ခံပါတယ်။ အာရှနိုင်ငံတွေကို အပြစ်တင်သူတွေလည်း ၇ျိပါတယ်။ တကယ်တမ်းက စာရင်းသွင်းတယ်လို့ သုံးနှုန်းထားပေမယ့် လူဦးရေလျှော့ချဖို့ တစ်အိမ်တစ်ယောက် မနာကျင်စေဘဲ ဆေးထိုးသတ်တာပါ။ ဒီအတွက် အစိုးရကနေ ပုဂ္ဂလိကပိုင်ကုမ္ပဏီတွေကိုပါ ငှားထားပြီး procedure လို့ခေါ်တဲ့ လူသတ်တဲ့ လုပ်ငန်းစဉ်ကို သူတို့ target ပြည့်အောင် လုပ်ဆောင်ပါတော့တယ်။ အဲ့အချိန်မှာပဲ နာမည်ကျော် ရော့ခ်မိသားစုက မောင်နှံက သူတို့သားသမီးတွေ အလှည့်မရောက်ဖို့ နှစ်ယောက်သား စာရင်းပေးလိုက်ပြီး ညစာစားပွဲမှာ သားသမီးတွေကိုပြောတဲ့အခါ...အစိုးရဘက်က လူတွေ လာတဲ့အချိန် အမေဖြစ်သူက ထွက်ပြေးသွားလို့ ရော့ခ်မိသားစုဝင် အလောင်းတစ်လောင်း ထပ်ပေးရမယ်ဆိုတဲ့အခါ ကျန်တဲ့သားသမီးတွေ သေသင့်တဲ့လူကို ဘယ်လို ဆုံးဖြတ်ကြမလဲ... သိချင်ရင် ခုပဲ ရှုစားလို့ရပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

Yodha အိန္ဒိယဇာတ်ကားက‌တေ့ာ အက်ရှင်ကားအမျိုးအစားဖြစ်ပါတယ် အိန္ဒိယနိုင်ငံရဲ့ ကြည်းတပ်,ရေတပ်,လေတပ်က အကောင်းဆုံးသူတွေနဲ့ ဖွဲ့စည်းတည်ထောင်ခဲ့တဲ့ Yodha တပ်ဖွဲ့အနေနဲ့ အိန္ဒိယနိုင်ငံစစ်ဆေးရေးတွေကို ဘယ်လိုမျိုးလုပ်ဆောင်သွားမလဲ Yodha တပ်ဖွဲ့ဝင်တစ်ဦးလည်းဖြစ်တဲ့ အာရွန်တစ်ယောက် သူ့အဖေကလည်း Yodha ရဲ့ခေါင်းဆောင်တစ်ဦးဖြစ်ခဲ့တဲ့အတွက် Yodha အထူးတပ်ဖွဲ့ကို ဖျက်သိမ်းခြင်းမခံစေချင်ခဲ့ပါဘူး ဒီလိုနဲ့တစ်နေ့ လေယာဉ်ပြန်ပေးဆွဲခံရတဲ့ဖြစ်စဉ်မှာ အာရွန်တစ်ယောက် ဗီအိုင်ပီလုံခြုံရေးတစ်ဦးအနေနဲ့လေယာဉ်ပေါ်မှာပါဝင်နေခဲ့ပြီး အိန္ဒိယနိုင်ငံထိပ်တန်း သိပ္ပံပညာရှင်ကို မကယ်တင်နိုင်ခဲ့တဲ့အခါ Yodha အထူးတပ်ဖွဲ့ကို ဖျက်သိမ်းပစ်လိုက်ရပါတယ် ဒီလိုနဲ့ အာရွန်တစ်ယောက် လေကြောင်းကွန်မန်ဒိုတစ်ဦးအဖြစ် ပြောင်းရွှေ့တာဝန်ယူလိုက်တဲ့အချိန်မှာ သူတာဝန်ကျတဲ့လေယာဉ်က ထပ်မံပြန်ပေးဆွဲခြင်းခံရတဲ့အခါ ရိုးရိုးပြန်ပေးဆွဲခြင်းမဟုတ်ဘဲ အိန္ဒိယ-ပါကစ္စတန် ငြိမ်းချမ်းရေးကို ချိုးဖောက်ဖို့ဖြစ်လာတဲ့အခါ အာရွန်တစ်ယောက်ဘယ်လိုမျိုး စစ်ဆင်ရေးကို ဆောင်ရွက်သွားမလဲဆိုတာ ကြည့်ရှုရမယ့် အက်ရှင်ကားကောင်းလေးတစ်ကားဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

ကောလိပ်တစ်ခုက အရှုပ်တွေကြားက သူငယ်ချင်းနှစ်ဦး၊ ငယ်ဘဝတည်းက ပတ်သက်ခဲ့ကြတဲ့ သူတို့နှစ်ဦးကြားက အားပြိုင်မှု၊ ဒါ့အပြင် ကောလိပ်ထဲမှာလည်း အပြိုင်အဆိုင်တွေကြောင့် ဖြစ်ကြရတဲ့ ရန်ပွဲတွေ အားပြိုင်မှုတွေ၊ ဒါတွေနဲ့ ပြည့်နှက်နေတဲ့ စိန့်မာတင်ကောလိပ်ကြီးရဲ့ ကျောင်းသားတွေကြားက ခင်မင်မှုတွေ ယှဥ်ပြိုင်မှုတွေ ရန်ပွဲတွေ အနာဂတ်တွေအကြောင်းကို ကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ False Hope ဖြစ်ပါတယ်

မိန်းကလေးတွေအတွက်လင်ယူမှားလို့မဖြစ်ဘူးဆိုတာကိုရှေးခတ်ဇာတ်လမ်းဇာတ်ကွက်ကောင်းကောင်းလေးနဲ့သင်ခန်းစာပေးသွားမဲ့ Damsel ဆိုတဲ့ဇာတ်ကားကောင်းတစ်ကားကိုတင်ဆက်ပေးလိုက်ပါတယ်။IMDb Rating 6.3 ရရှိထားပြီးကြည့်လို့ကောင်းပြီးအချိန်ပေးရတာတန်တဲ့ဇာတ်ကားတွေထဲမှာအပါအဝင်ပဲဖြစ်ပါတယ်။မင်းသမီးအယ်လိုဒီရဲ့တိုင်းပြည်မှာငတ်မွတ်ခေါင်းပါးမှုတွေကြုံနေရပြီးပြည်သူတစ်ချို့ကလဲတိုင်းပြည်ကိုစွန့်ခွာကုန်ကြပါပြီ။ဒီလိုအခက်အခဲတွေကိုဖြေရှင်းဖို့အတွက်ဘုရင်ကြီးကအော်ရီယာဆိုတဲ့တိုင်းပြည်ကကမ်းလှမ်းမှုတစ်ခုကိုလက်ခံခဲ့ပါတယ်။အဲ့ဒီကမ်းလှမ်းမှုကတော့တခြားမဟုတ်ပဲအော်ရီယာတိုင်းပြည်ရဲ့မင်းသားလေးနဲ့မင်းသမီးအယ်လိုဒီကိုလက်ဆက်ပေးဖို့ပါပဲ။ဒီလိုလက်ဆက်ခြင်းအားဖြင့်စည်းစိမ်ဥစ္စာပေါကြွယ်၀တဲ့အော်ရီယာတိုင်းပြည်ကရွှေတွေကိုရမဲ့အပြင်သမီးဖြစ်သူကပါကောင်းကောင်းမွန်မွန်တင့်တင့်တယ်တယ်နေရမှာဖြစ်တဲ့အတွက်မကြာခင်မှာပဲအယ်လိုဒီတို့မိသားစုအော်ရီယာတိုင်းပြည်ကိုသွားရောက်ခဲ့ပါတော့တယ်။ မင်္ဂလာပွဲတွေအားလုံးအဆင်ပြေပြေပြီးမြောက်ပြီးအယ်လိုဒီရဲ့မိသားစုပြန်သွားပြီးနောက်မှာတော့သူတို့အပေါ်မှာကောင်းပြနေတဲ့အော်ရီယာတိုင်းပြည်ရဲ့တော်ဝင်မိသားစုကစိတ်ရင်းနဲ့မဟုတ်ပဲတခြားအကြံအစည်ရှိနေလို့ဆိုတာသိလိုက်ရတဲ့အချိန်မှာတော့အရမ်းနောက်ကျသွားပြီးအယ်လိုဒီအတွက်အိပ်မက်ဆိုးကြီးတစ်ခုစတင်လာခဲ့ပါတော့တယ်။ဒီလိုနဲ့လင်ယူမှားပြီးဒုက္ခအကြီးကြီးရောက်သွားခဲ့တဲ့အယ်လိုဒီတစ်ယောက် ဘယ်လိုဒုက္ခနဲ့ကြုံတွေ့ရမလဲ ရှ

ဒီရုပ်ရှင်ကားလေးကတော့ ကိုရီးယားနိုင်ငံမှာ အရမ်းနာမည်ကြီးပြီး အောင်မြင်နေတဲ့ကားလေးပါ ဇာတ်လမ်းအကျဉ်းကတော့ လီဟွာရင်းက (Kim Go Eun) မျိုးရိုးစဉ်ဆက်ဆင်းသက်လာတဲ့ ထူးချွန်တဲ့ နတ်ဆရာမတစ်ဦးပါ ဘုံဂီက (Lee Do Hyun) ဟွာရင်းလက်အောက်မှာ အတူလုပ်ကိုင်နေတဲ့ နတ်ဆရာပါ တစ်နေ့မှာတော့ က အရမ်းချမ်းသာတဲ့ မိသားစုရဲ့ မွေးကင်းစကလေးက အကြောင်းမရှိဘဲ ဆက်တိုက်ငိုနေတော့ ဆေးကုသလည်းမရတဲ့အဆုံးမှာ ဟွာရင်းတို့ကိုခေါ်ခဲ့ပါတယ် ဟွာရင်းက ကလေးကိုတွေ့လိုက်တာနဲ့ တစ်ခုခုမကောင်းတဲ့ အငွေ့အသက်ကို ခံစားလိုက်ရပါတယ် ဒီလိုနဲ့ ဘိုးဘေးအုတ်ဂူကို ရွှေ့ဖို့ဖြစ်လာခဲ့ပြီး အဲ့အုတ်ဂူကို တူးဖော်မိတဲ့အခါ ဘာတွေဆက်ဖြစ်မလဲဆိုတာကို စိတ်ဝင်တစားကြည့်ရှုရမှာပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

ကိုရီးယားတွေကနန်းတွင်းကားတွေကိုရှယ်ရိုက်တတ်ကြသလို ခေတ်ပေါ်ကားတွေမှာလဲနိုင်ငံတကာနဲ့ရင်ဘောင်တန်းနိုင်အောင်အမြဲတမ်းကြိုးစားချပြနေတာကိုတော့မငြင်းနိုင်ပါဘူး။တီထွင်ဆန်းသစ်တဲ့ဒီလိုအရာနှစ်ခုကိုပေါင်းစပ်ရိုက်ကူးလိုက်တဲ့အခါမှာတော့ Alienoid လိုတကယ်ကောင်းတဲ့ရုပ်ရှင်တစ်ကကားထွက်ချလာပါတော့တယ်။အဲ့ဒီ Alienoid ပထမဆုံးကားက 2022 ခုနှစ်မှာထွက်ရှိခဲ့ပြီးအခုအချိန်မှာတော့ ဒုတိယမြောက်ကားအနေနဲ့ Alienoid :The Return To The Future ဆိုပြီး IMDb Rating 6.6 နဲ့ထွက်ရှိလာတဲ့ဇာတ်ကားကိုတင်ဆက်ပေးလိုက်ပါတယ်။Alienoid လို့ပြောလိုက်ရင် ဂြိုလ်သားတွေ အရင်ခေတ်နဲ့လက်ရှိခေတ်တွေကိုအချိန်ခရီးသွားနဲ့ပေါင်းစပ်ထားတာတွေအပြင် တခြားထူးပေ့ဆန်းပေ့အရာတွေကိုတန်းမြင်ရမှာပဲဖြစ်ပါတယ်။ဒီတော့အချိန်မဆွဲပဲဒုတိယမြောက်ကားလေးရဲ့အကျဉ်းချုပ်အကြောင်းပြောရမယ်ဆိုရင်တော့ ဂြိုလ်သားတွေကဟိုးအရင်ခေတ်ကတည်းကသူတို့ရဲ့အကျဉ်းသားတွေကိုကမ္ဘာပေါ်ကလူတွေရဲ့ခန္ဓာကိုယ်ထဲမှာချုပ်နှောင်ထားကြတဲ့ဓလေ့ရှိခဲ့ပါတယ်။ ဒါပေမယ့်အကျဉ်းသားတွေရဲ့ထုံးစံအတိုင်းလွတ်လမ်းကိုမရရအောင်ရှာပြီးထိန်းချုပ်သူဆိုတဲ့စူပါဗီလိန်ကြီးကလွတ်မြောက်သွားပါတော့တယ်။လွတ်လာလို့မပြောင်းလဲသွားတဲ့အပြင် ဟာဗာလို့ခေါ်တဲ့အဆိပ်ငွေ့တိမ်တိုက်ကြီးတွေကိုသုံးပြီးကမ္ဘာပေါ်ကလူတွေအားလုံးကိုသတ်ပြီးအုပ်စိုးဖို့ကြံပါလေရော။အဲ့ဒါကြောင့်ထိန်းချုပ်သူဆိုတဲ့စူပါဗီလိန်ကြီးကိုနှိမ်နင်းဖို့အတွက်ရှေးခေတ်နဲ့လက်ရှိအနာဂတ်ကတာဝန်ရှိသူတွေဘယ်လ

ဟိုးတုန်းကတောင်ပေါ်မှာ အိမ်ကြီးတစ်အိမ်ရှိခဲ့သတဲ့ အဲ့အိမ်နောက်ကွယ်မှာ တကယ့်တကယ် ဘာတွေဖြစ်ခဲ့တာလဲ ဘယ်လိုဖြစ်ပုံတွေကြောင့် အစိုးရက လျှို့ဝှက်ထားခဲ့ရတာလဲ ချည်ထည်တွေနဲ့ကရော ဘာတွေပက်သက်နေလဲဆိုတာကို သတင်းထောက်မလေးတစ်ယောက်က စုံစမ်းရင်း ထွက်လာတဲ့အမှန်တရားတွေကို ပါးစပ်မပိတ်တမ်းကြည့်ရမှာပဲဖြစ်တာမို့ လက်လွှတ်မခံပဲစောင့်ကြည့်တော့နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

Yuvaဇာတ်ကားမှာတော့ ယူလ်ဗာဟာ နပန်းချန်ပီယံတစ်ယောက်ဖြစ်လာဖို့ အိမ်မက်တွေရှိခဲ့ပေမဲ့ မသမာသူတွေလက်ချက်ကြောင့် သူ့အိမ်မက်တွေတစ်စစီဖြစ်သွားတဲ့အပြင် ဖခင်ဖြစ်သူရဲ့ ယုံကြည်မှုကိုပါ ဆုံးရှုံးသွားခဲ့တယ်။အိမ်ကထွက်လာပြီး ကောလိပ်ကျောင်းမှာ အဆောင်နေပြီး ကျောင်းတက်နေပေမဲ့ ကျောင်းက နယ်ခံကျောင်းသားတွေရဲ့အဆောင်နေကျောင်းသားတွေကို ဖိနှိပ်မှုကြောင့် ယူလ်ဗာတစ်ယောက် နယ်ခံကျောင်းသားတွေနဲ့ ရန်ပွဲတွေဖြစ်ပွားခဲ့တာမို့ ကျောင်းအုပ်က ယူလ်ဗာတို့အဖွဲ့ကို ကျောင်းရပ်နားလိုက်တော့တယ်။ယူလ်ဗာတစ်ယောက် အိမ်ကိုအရွဲ့တိုက်ပြီး ဆိုးသွမ်းချိန်မှာ ယူလ်ဗာအဖေရှန်ကာလ်ကလဲ မိသားစုရဲ့ငွေရေးကြေးရေးဖိအားတွေနဲ့ ယူလ်ဗာအမရဲ့လက်ထပ်ပွဲအကြွေးတွေကြောင့် စိတ်ဖိစီးနေခဲ့တယ်။ တစ်နေ့မှာ ယူလ်ဗာအဖေတစ်ယောက် အိမ်ကပျောက်သွားချိန်မှာတော့ အကြွေးရှင်တွေက အိမ်ကိုရောက်လာပြီး အိမ်ရဲ့တာ၀န်တွေက ယူလ်ဗာခေါင်းပုံရောက်လာပါတော့တယ်။ကောလိပ်မှာဆိုးသွမ်းနေတဲ့ ကောလိပ်ကျောင်းသားယူလ်ဗာတစ်ယောက် လူကြီးတစ်ယောက်ရဲ့တာ၀န်၀တ္တရားတွေကို တာ၀န်ယူပြီး မိသားစုကို စောင့်ရှောက်နိုင်ပါ့မလား။သူ့အိမ်မက်တွေကိုရော အကောင်အထည်ဖော်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

အချစ်ဒရာမာဇာတ်လမ်းကောင်းကောင်းလေးတွေကြည့်ချင်တဲ့သူတွေအတွက် Romantic ဆန်ဆန်ပြင်သစ်ဒရာမာကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားလေးရဲ့နာမည်ကတော့ Love Divided ဖြစ်ပြီးလက်ရှိ IMDb Rating 5.9 ရရှိထားပါတယ်။ဇာတ်ကားလေးရဲ့မြန်မာလိုအဓိပ္ပာယ်ကပိုင်းခြားထားတဲ့အချစ်လို့အဓိပ္ပာယ်ရပြီး ဘယ်သူတွေရဲ့အချစ်ကိုဘယ်အရာကပိုင်းခြားထားတာလဲဆိုတော့ ဗလန်တီးနားနဲ့ဒေးဗစ်ဆိုတဲ့ကောင်လေးနဲ့ကောင်မလေးနှစ်ယောက်ကြားမှာနံရံတစ်ခုခြားထားတာပါ။ဟုတ်ပါတယ် တကယ့်နံရံကြီးခြားနေတာပါ။ဇာတ်လမ်းကဘယ်လိုစလဲဆိုရင် ဒေးဗစ်ဆိုတဲ့အိမ်ထဲကအိမ်ပြင်မထွက်တဲ့ Introvert ကောင်လေးတစ်ယောက်ရဲ့တိုက်ခန်းဘေးကို ဗလန်တီးနားဆိုတဲ့စန္ဒယားတီးတဲ့အနုပညာရှင်ကောင်မလေးပြောင်းလာရာကနေစပါတယ်။သူတို့အခန်းနှစ်ခုကြားကနံရံကအရမ်းပါးလွန်းတဲ့အတွက်ဒီဖက်တိုက်ခန်းကအီးပေါက်ရင်တောင်ဟိုဖက်ကိုကြားနေရတော့နှစ်ဖက်လုံးအတွက်အဆင်မပြေကြပါဘူး။ အဲ့လိုနဲ့စစချင်းမှာအပြန်အလှန်ဆူညံသံတွေနဲ့တိုက်ပွဲတွေဖြစ်ကြပြီးနောက်ပိုင်းမှာတော့မခံစားနိုင်တော့ပဲငြိမ်းချမ်းရေးယူလိုက်ကြပါတော့တယ်။အစမှာရန်သူတော်တွေလိုဖြစ်နေခဲ့ကြပေမဲ့နောက်ပိုင်းမှာတော့ဟိုဖက်ဒီဖက်နံရံတစ်ခုခြားပြီးစကားတွေပြောတာကြာလာတဲ့အခါမှာသံယောဇဉ်တွေတွယ်လာကြပြီးဘယ်လိုဒရာမာဇာတ်လမ်းလေးတွေဆက်ဖြစ်ကြမယ်ဆိုတာကိုကြည့်ရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ကြည့်ရှုနေကြ တွေ့နေကြမဟုတ်တဲ့ အိန္ဒိယကားကိုမှ sci_fic fantasyအမျိုးအစားဖြစ်ပါတယ် ဇာတ်အိမ်ကိုမှ ၂ခုခွဲအခြေခံထားတာမို့ ကြည့်ရှုသူအချို့ ဇာတ်ကွက်တွေကို ရှုပ်ထွေးနေနိုင်ပေမယ့်လည်း တစ်ခုပြီးတစ်ခု ဘာတွေဆက်ဖြစ်မလဲ သိချင်စိတ်တွေနဲ့ ဆွဲခေါ်သွားပေးတဲ့ ဇာတ်ကားကောင်းမို့ လက်လွှတ်မခံပဲ စောင့်ကြည့်ပေးနော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

BBC ကိုမြင်လိုက်တာနဲ့ကမ္ဘာ့အကြီးမားဆုံးသတင်းဌာနကြီးတွေထဲကတစ်ခုအပါအဝင်ဆိုတာကိုတော်တော်များများကတန်းသိကြမှာပါ။တခြား BBC ကိုပြောတာမဟုတ်ပါဘူးနော် အတွေးမမှားပါနဲ့။BBC ကတစ်ကမ္ဘာလုံးအတိုင်းအတာနဲ့အောင်မြင်နေတဲ့သတင်းဌာနတစ်ခုဖြစ်ပြီးမြန်မာနိုင်ငံအပါအဝင်တခြားနိုင်ငံပေါင်း ၂၀၀ ကျော်မှာပါရပ်တည်နေတဲ့သတင်းဌာနတစ်ခုပဲဖြစ်ပါတယ်။အဲ့ဒီလိုအောင်မြင်လာဖို့ဆိုတာလွယ်ကူတဲ့အရာတစ်ခုတော့မဟုတ်ပါဘူး။အမှန်ကန်ဆုံးသတင်းတွေကိုအမြန်ဆန်ဆုံးတင်ဆက်ပေးနိုင်အောင်ရှိသမျှဝန်ထမ်းတစ်ယောက်မကျန်အစဉ်မဆက်အမြဲတမ်းအစွမ်းကုန်ကြိုးစားနေရပါတယ်။ အခုတင်ဆက်ပေးမဲ့ Scoop ဆိုတဲ့ဖြစ်ရပ်မှန်ဇာတ်ကားထဲမှာ အမေရိကန် BBC မှာ ၂၀၁၀ ခုနှစ်လောက်တုန်းကဖြစ်ခဲ့တဲ့အသက်မပြည့်သေးတဲ့မိန်းကလေးတွေကိုလိင်အမြတ်ထုတ်လိင်ကုန်ကူးနေတဲ့ဖြစ်ရပ်ဖြစ်ပြီး ၉ နှစ်အကြာမှာအဲ့ဒီအမှုရဲ့တရားခံနဲ့ဘက်ကင်ဟမ်နန်းတော်ကဘုရင်မကြီးရဲ့အချစ်ဆုံးသားဖြစ်တဲ့နယူးယောက်မြို့စားကြီးတို့ရဲ့ဆက်နွယ်နေမှုအကြောင်းတွေနဲ့အခြားသောအကြောင်းအရာတွေကိုထုတ်ဖော်တင်ဆက်နိုင်ဖို့ BBC ဝန်ထမ်းတွေဘယ်လိုကြိုးစားအားထုတ်ခဲ့ကြတယ်ဆိုတာကိုရုပ်ရှင်ဆန်ဆန်ရိုက်ကူးပြသထားတာကိုစိတ်ဝင်တစားကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

အသက်ကြီးပေမဲ့မပျက်စီးသေးတဲ့ မားသာဖားကားကြီး Samuel L.Jackson ရဲ့ Damaged ဆိုတဲ့မှုခင်းစုံ‌ထောက်ကားအသစ်ကိုတင်ဆက်ပေးလိုက်ပါတယ်။မထင်မှတ်ထားတဲ့ဇာတ်လမ်းလှည့်ကွက်တွေနဲ့စိတ်ဝင်စားစရာကောင်းတဲ့စုံထောက်ကားတွေကြည့်ချင်တယ်ဆိုရင်တော့ဒီကားကိုကြည့်ဖို့ညွှန်းပေးလိုက်ပါတယ်။အမေရိကန်မှာကောင်မလေးတွေကိုရက်ရက်စက်စက်ကိုယ်လက်အင်္ဂါတွေဖြတ်တောက်ပြီးလက်ဝါးကပ်တိုင်ပုံနဲ့ထားထားခဲ့တတ်တဲ့ကွင်းဆက်လူသတ်သမားတစ်ယောက်ကသောင်းကျန်းနေခဲ့ပါတယ်။သူ့ရဲ့လူသတ်ပုံတွေကရက်စက်သလိုဉာဏ်ကလဲကောင်းတဲ့အတွက်သူ့ကိုဘယ်လိုမှဖမ်းမမိခဲ့တဲ့အပြင်တရားခံဘယ်သူမှန်းတောင်အစအနရှာမရခဲ့ပါဘူး။ဒီလိုနဲ့ခြောက်နှစ်လောက်ကြာတဲ့အခါမှာတော့ယူကေမှာအဲ့လိုပုံစံတူလူသတ်မှုတွေပြန်ဖြစ်လာခဲ့ပါတော့တယ်။ ဒီလိုနဲ့အဲ့ဒီအမှုအတွက်အကူအညီရအောင်အမေရိကန်မှာတုန်းကကွင်းဆက်လူသတ်သမားနောက်လိုက်ခဲ့တဲ့အမှုကိုကိုင်ခဲ့တဲ့စုံထောက်လောဆန်ကယူကေကိုရောက်လာခဲ့ပြီးစုံထောက်ဂလန်နဲ့အတူတူစတင်စုံစမ်းစစ်ဆေးခဲ့ကြပါတော့တယ်။ဒါပေမယ့်ဒီတစ်ခေါက်မှာတော့ဒီအမှုကိုအတွေ့အကြုံရှိပြီးသားစုံထောက်တစ်ယောက်ကတစ်ပုံစံတည်းဖြစ်နေတဲ့လူသတ်မှုတွေကိုလာရောက်ကူညီစစ်ဆေးပေးတဲ့အခါမှာတော့ ယူကေမှာဖြစ်နေတဲ့လူသတ်မှုတွေကရောအရင်ကလူသတ်သမားပဲလား ဒါမှမဟုတ် သူ့ပုံစံတွေကိုလိုက်တုပပြီးသတ်နေတဲ့ကွင်းဆက်လူသတ်သမားလားဆိုတာကိုဖော်ထုတ်သွားနိုင်မလားဆိုတာကိုကြည့်ရှုရမဲ့ဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖ

ဒီကားထဲမှာ 21နှစ်ကြာ ရဲဌာနမှာ တာဝန်ထမ်းဆောင်ခဲ့တဲ့ ဘေဘီဆိုတဲ့ ရဲအရာရှိတစ်ယောက်အကြောင်းကို ရိုက်ကူးထားတာဖြစ်ပါတယ်ဘေဘီဟာ ရဲဌာနမှာနေရင်း လုပ်လိုက်တဲ့ကိစ္စတိုင်းအဆင်မပြေဖြစ်ပြီး အလွဲတွေနဲ့ကြုံတွေ့တာကို ဟာသဆန်ဆန်ရိုက်ကူးထားတဲ့ကားကောင်းတစ်ကားဖြစ်ပါတယ် ဘေဘီအနေနဲ့ အကြောင်းအမျိုးမျိုးကြောင့် အသက်ကြီးနေပြီးဖြစ်ပေမယ့်လည်း ရဲရာထူးတိုးစာမေးပွဲကို ဖြေဖို့ဖြစ်လာပါတော့တယ်.....ထိုစာမေးပွဲမှာရော ဘယ်လိုမျိုးအလွဲတွေနဲ့ကြုံတွေ့ရမလဲဆိုတာကြည့်ရှုရမှာဖြစ်ပါတယ်... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

ရုပ်ရှင်ထဲမှာ ဗီလိန်ဇာတ်ပို့နေရာကနေသရုပ်ဆောင်တဲ့ ဘာဆာဗာက သူချစ်ရတဲ့မိန်းကလေးကိုသတ်လိုက်မိတဲ့အတွက် သူချစ်ရတဲ့မိန်းကလေးရဲ့အခက်အခဲကိုကူညီဖို့ကြိုးစားခဲ့တယ် ကောင်မလေးရဲ့ရွာအတွက် လိုတဲ့ပိုက်ဆံကိုရဖို့‌ရွှေ ‌တွေခိုးမိရာက‌နေ ပြန်လမ်းမရှိဘူးလို့နာမည်ကြီးတဲ့ ဘိုင်ရာဗာကွန်နာကို‌ရောက်သွားခဲ့တယ် ဘိုင်ရာဗာကွန်နာကသရဲ‌တွေရဲ့အမုန်းတရားနဲ့ အငြိုး‌တွေကို‌‌ချေဖျက်ဖို့ဘယ်လိုလုပ်‌ဆောင်မလဲဆိုတာကိုရင်တထိတ်ထိတ်နဲ့ကြည့်ရှုရမယ့်ဇာတ်ကား‌လေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုပြည့်ဝင်းဖြစ်ပါတယ်

ဒီကားလေးထဲမှာ ဗီထရီဆိုတဲ့ မျက်လှည့်ပညာရှင်တစ်ယောက်ဟာ လေဆိပ်ကနေ မှောင်ခိုတင်သွင်းလာမယ့် စိန်တွေကိုအကြောင်းပြပြီး အိန္ဒိယနိုင်ငံရဲ့ မှောင်ခိုလောကလူသုံးဦးကို ဒီစိန်တွေနဲ့ ဆွဲဆောင်ကာ လေဆိပ်ကနေပြီး ဘယ်လိုမျိုးရအောင် ထုတ်ယူသွားမလဲ ကြ့ည့်ရမှာဖြစ်ပါတယ် ဗီထရီရဲ့ တကယ့်ရည်ရွယ်ချက်က စိန်တွေကို ခိုးထုတ်ဖို့လား တခြားဘာရည်ရွယ်ချက်တွေ ရှိမလဲဆိုတာလှည့်ကွက်များစွာနဲ့ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

ရွာတစ်ရွာမှာ အမြဲအလေလိုက်နေတဲ့ ဟာနူမာန်တစ်ယောက်ရှိပါတယ် တစ်ရွာလုံးက သူ့ကိုပစ္စည်းပျောက်တာမှန်သမျှ သူ့ဆီမှာပဲလာရှာကြပါတယ် တစ်နေ့တော့် သူ့ချစ်တဲ့မီနာရှီဆိုတဲ့ကောင်မလေးတစ်ယောက် ရွာကိုအလည်ပြန်လာတဲ့အခါမှာ ထိုကောင်မလေးကို ဟာနူမာန်တစ်ယောက်လိုက်ဖို့ကြိုးစားခဲ့ပေမယ့် သူ့အကြောင်းကို ကောင်မလေးကသိတဲ့အတွက် ကောင်းကောင်းမဆက်ဆံခဲ့ပါဘူး တစ်နေ့ရွာမှာဓားပြတိုက်ခံရတဲ့အချိန် ဟာနူမာန်ဟာ မီနာရှီအသက်ကိုကယ်တင်ခဲ့ပြီး ရေထဲကိုပြုတ်ကျသွားပါတော့တယ်ဒါပေမယ့်ဟာနူမာန်ဟာ မသေဘဲ ထူးဆန်းတဲ့ကျောက်တစ်ခုကို ရေထဲကနေရရှိခဲ့ပြီး အစွမ်းတွေရလာပါတော့တယ် ဟာနူမာန်တစ်ယောက် အစွမ်းတွေရလာပြီးဘယ်လိုမျိုး နောက်ပိုင်းဆက်ဖြစ်မလဲဆိုတာ ရိုက်ကူးထားတဲ့ အချစ်ဟာသကားလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

အိန္ဒိယနိုင်ငံရဲ့ လေတပ်ဟာ ပါကစ္စတန်စစ်သွေးကြွတွေကြောင့် သူတို့ကိုတိုက်ခိုက်ချေမှုန်းဖို့အတွက် အထူးလေတပ်သူရဲကောင်းအဖွဲ့ဖွဲ့ဖို့ အတော်ဆုံးအရာရှိခေါင်းဆောင်တွေကို ‌ရွေးထုတ်ပြီးအဖွဲ့ဖွဲ့ခဲ့ပါတယ် အိန္ဒိယနဲ့ ပါကစ္စတန်စစ်သွေးကြွတို့ကြားတိုက်ခိုက်ရင်း အထူးတပ်ဖွဲ့နှစ်ဦးဖြစ်သူ တက်ဂျ့်နဲ့ ဘတ်ရှ်လေယာဉ်မှူးတို့ဟာ ပါကစ္စတန်နယ်စပ်မှာ လေယာဉ်ပျက်ပြီးပျောက်ဆုံးခဲ့ပါတယ် ထိုနှစ်ဦးကိုပြန်ကယ်တင်ဖို့ ပက်တီတို့လေတပ်ဘယ်လိုမျိုးကြိုးစားကယ်တင်သွားမလဲဆိုတာ သူတို့နှစ်ဦး အသက်ရှင်လျက်ပြန်ကယ်တင်နိုင်ပါ့မလားဆိုတာကြည့်ရှုရမယ့် အက်ရှင်ရုပ်ရှင်အမျိုးအစားဖြစ်ပါတယ်... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shwe Yee ဖြစ်ပါတယ်

ဒီနေ့မှာတော့ ပရိသတ်ကြီးတို့အကြိုက်တွေ့စေမဲ့ တရုတ်နန်းတွင်းစုံထောက်ကားလေးတစ်ကားနဲ့ မိတ်ဆက်ပေးချင်ပါတယ်။ သာ့ယဲ့တိုင်းပြည်ကြီးမှာ အရှင်မင်းမြတ်ကြီးနာမကျန်းဖြစ်တဲ့အချိန်မှစ၍ များစွာသောတိုင်းပြည်ရေးရာအရှုပ်အထွေးများပေါ်ပေါက်လာခဲ့ပါတယ်။ အိမ်ရှေ့စံမင်းသားလုံချီဟာ ဘုရင်မင်းမြတ်ရဲ့အမိန့်တော်အရ အမှုတစ်ခုနောက်ကိုလိုက်ရင်း ထောင်ချောက်ဆင်ခံလိုက်ရတဲ့အခါ အမှုကိုဘယ်လိုဖြေရှင်း‌ဖော်ထုတ်သွားကြမလဲဆိုတာကို တွေ့မြင်ရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Noi ဖြစ်ပါတယ်