ရုပ်ရှင်အသစ်များ

အရမ်းချစ်ကြတဲ့ငယ်သူငယ်ချင်းနှစ်ယောက်ဖြစ်တဲ့ အာဒီနဲ့ကာရူနာ...။ တစ်ယောက်ကိုထိရင် ကျန်တစ်ယောက်နဲ့ပါငြိမယ်ဆိုတဲ့အတိုင်း သိပ်စည်းလုံးကြတဲ့သူငယ်ချင်းနှစ်ယောက်ရယ် ကာရူနာကိုဘုရားလိုကိုးကွယ်မတတ်သစ္စာရှိတဲ့ မိဘမဲ့ချိုကန်ရယ်... တစ်ရက်မှာ သူတို့တာဝန်ယူထားတဲ့ဘုရားကျောင်းရဲ့ အပိုင်မြေကွက်တစ်ကွက်ကို မျက်စိကျနေတဲ့၀န်ကြီးတစ်ယောက်က ဒီမြေနဲ့ပတ်သက်သမျှ သတင်းတွေစုံစမ်းပြီး မြေစာချုပ်ကိုအပိုင်ရဖို့ကြံပါတော့တယ်။ "ပတ်ဝန်းကျင်မှာဖြစ်ပျက်နေတဲ့ကိစ္စတွေက မြေကွက်၊ မိန်းမနဲ့ငွေ... ဒီသုံးမျိုးကြောင့် ဖြစ်ရတာပဲ" လောဘသားကောင်တွေရဲ့ သွေးထိုးလှုံ့ဆော်မှုကြောင့် သိပ်ချစ်ကြတဲ့သူငယ်ချင်းနှစ်ယောက် ဘာပြဿနာတွေကြုံပြီး ဘယ်လိုတွေဖြေရှင်းကြမလဲ။ သစ္စာရှိလှတဲ့ချိုကန်ကရော သူ့သစ္စာတရားကိုထိန်းသိမ်းဖို့ ဘာမဆိုပေးဆပ်လေမလား။ လူကောင်းတွေနစ်နာရတဲ့အချိန်မှာ ကောင်းစားနေတဲ့လူဆိုးတွေကရော တစ်ဖန်ဝဋ်ပြန်ခံရလေမလား။ ဘယ်လိုလှည့်ကွက်တွေနဲ့ရော ကြုံတွေ့ရဦးမလဲဆိုတာကို ရင်တနင့်နင့်နဲ့ကြည့်ရှုရမဲ့ ဇာတ်လမ်းလေးတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

အောက်ဆီဂျင်မရှိတော့ဘဲ ပြောင်းလဲသွားတဲ့ကမ္ဘာကြီးမှာ အသက်ရှင်သန်ဖို့ ကြိုးစားရတဲ့ သားအမိနှစ်ယောက်ရဲ့ ဇာတ်လမ်းဖြစ်ပါတယ်။ မာယာဆိုတဲ့မိခင်နေရာက သရုပ်ဆောင်ကတော့ အော်စကာဆုရ မင်းသမီး Jennifer Hudson ဖြစ်ပါတယ်။ ဇိုရာတို့နေထိုင်တဲ့ကမ္ဘာမှာ သက်ရှိတွေ အပင်တွေမျိုးတုန်းသွားပြီး လေမရတော့တဲ့အတွက် ဇိုရာ့အဖေအင်ဂျင်နီယာက O2 ထုတ်စက် တီထွင်ပြီး မြေအောက်မှာ အသက်ဆက်ရှင်ခဲ့ကြပါတယ်။ တစ်နေ့မှာ သူ့အဘိုးဆုံးသွားပြီး ဇိုရာ့အဖေက မြေမြှုပ်ပေးဖို့ ခရီးထွက်သွားပါတယ်။ အဲ့တည်းက ဇိုရာတို့ဆီ ပြန်မလာတော့ပါဘူး။ အမြဲတကျက်ကျက်နဲ့ ရန်ဖြစ်တတ်တဲ့ ဇိုရာတို့ သားအမိနှစ်ယောက်က လုပ်စရာရှိတာတွေလုပ်ပြီး စောင့်မျှော်နေပေမယ့် မထင်ထားတဲ့ ဧည့်သည်တွေရောက်လာတဲ့အခါ... သူတို့နေရာကို ကျူးကျော်လာတဲ့ သူစိမ်းတွေက ဘာရည်ရွယ်ချက်နဲ့ ရောက်လာတာလဲ...ဇိုရာ့အဖေက မြေမြှုပ်ပေးဖို့ပဲ ထွက်သွားတာ ဟုတ်ရဲ့လားဆိုတာ ဆက်အားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီတစ်ခါ တင်ဆက်ပေးချင်တဲ့ ဇာတ်ကားလေးကတော့ 2024 ခုနှစ်ထွက် မိသားစုဇာတ်လမ်းလေးပဲဖြစ်ပါတယ် ဇာတ်လမ်းအကျဉ်းလေးအကြောင်းပြောပြရရင်တော့ လူလတ်တန်းစားမိသားစုလေးထဲက ဒုတိယမြေးဖြစ်တဲ့ ဂိုဗာဒန်ဟာ မိသားစုကို အလွန်ချစ်ခင်ပြီး မိသားစုအတွက်ဆို ဘာမဆို လုပ်ပေးမဲ့ လူစားမျိုးပါ သူဟာ ဗိသုကာပညာရှင်ကိုမှ လူပျိုကြီးဖြစ်နေပေမဲ့ သူ့အစ်ကိုနဲ့ ညီရဲ့ ကလေးတွေထိန်းရင်း တစ်မိသားစုလုံး တာဝန်ကိုယူထားပါတယ် တစ်နေ့မှာတော့ သူနေတဲ့ အိမ်ကို အင်ဒူးဆိုတဲ့ ကောင်မလေးက လာငှားနေပါတော့တယ် အင်ဒူးကလည်း ဒီမိသားစုလေးနဲ့ ခင်မင်ရင်းနှီးအောင်လုပ်ပြီး သူတို့မိသားစုအကြောင်းကို စာတမ်းပြုစုရာကနေ အင်ဒူးတစ်ယောက် ဂိုဗာဒန်နဲ့ ချစ်မိသွားပေမဲ့ စာတမ်းအကြောင်း ဂိုဗာဒန် သိသွားတော့ အထင်အမြင်တွေ လွဲမှားကုန်ပါတော့တယ် အဲဒီနောက်မှာ ဂိုဗာဒန်တစ်ယောက် ထင်ရာစိုင်းပြီး ကျားရှေ့မှောက်လျက်လဲဆိုသလိုတွေပါ ဖြစ်ရင်း အဆုံးသတ်မှာ အင်ဒူးနဲ့ ပြန်အဆင်ပြေသွားပါ့မလားဆိုတာကိုတော့ ဒီဇာတ်ကားမှာ ကြည့်ရှုအားပေးကြပါဦး အညွှန်းနဲ့ ဘာသာပြန်ကတော့ Kaelyn ပဲဖြစ်ပါတယ်

အခုတစ်ခေါက် တင်ဆက်ပေးချင်တဲ့ ဇာတ်ကားလေးကတော့ ၂၀၂၄ ခုနှစ်ထွက်တမီးလ်ဘာသာစကားပြော မှုခင်းဒရာမာ ဇာတ်လမ်းလေးပဲဖြစ်ပါတယ် IMDb rating 6.2 အထိသာ ရရှိထားပေမဲ့လည်း တကယ််ကြည့်မယ်ဆိုရင်တော့ စိတ်ဝင်စားဖို့ ကောင်းတဲ့ ဇာတ်ကားလေးပဲဖြစ်ပါတယ် ဒီကားလေးကိုတော့ Malhotra P. Siddharth ရိုက်ကူးပေးထားပြီးတော့ Sharvari Wagh, Jaideep Ahlawat, Shalini Pandey တို့က ပါဝင်သရုပ်ဆောင်ပေးထားပါတယ် ဒီဇာတ်ကားလေးကတော့ ၁၈၆၀ ခုနှစ်ဝန်းကျင်က အမှန်တကယ်ဖြစ်ပျက်ခဲ့တဲ့ အမှုကို အခြေခံပြီး ရိုက်ကူးထားတဲ့ ဇာတ်ကားလေးပဲ ဖြစ်ပါတယ် ဇာတ်လမ်းအကျဉ်းကို ပြောပြရမယ်ဆိုရင်တော့ ပြုပြင်ရေးဝါဒီသမား ကာရ်ဆန်ဒါ့စ်ဟာ ဟိုလီပွဲတော်မှာ ပါဝင်ဆင်နွှဲရင်း သူရဲ့ဇနီးလောင်းလေး ကီရှိုရီဟာ ယာဒူနာ့သ် မဟာရာ့ဂျ် ခေါ် ဂျေဂျေဆိုတဲ့ လူကြီးနဲ့ ရိုးရာဓလေ့ပြုလုပ်တယ်ဆိုပြီး အြမတ်ထုတ်ခံလိုက်ရပါတယ် တကယ်တော့ ယာဒူနာ့သ်ဟာ ဘာသာရေးကို အကြောင်းပြပြီး အပျိုစင်မိန်းကလေးတွေကို အြမတ်ထုတ်နေတဲ့လူတစ်ယောက်ပဲ ဖြစ်ပါတယ် ဒီကိစ္စကြောင့် ကာရ်ဆန်ဟာ ကီရှိုရီနဲ့ စေ့စပ်ကြောင်းလမ်းမှုကို ဖျက်သိမ်းလိုက်သလို ကီရှိုရီတစ်ယောက် မဟာရာ့ဂျ်ရဲ့ တကယ့်အမှန်တရားကို သိလိုက်ရတဲ့ အချိန်မှာ အရှက်ကြီးရှက်ပြီး အရှက်နဲ့ အသက်ကို လဲရင်း ကိုယ့်ကိုယ်ကိုယ် သတ်သေသွားပါတော့တယ် ကီရှိုရီရဲ့ သေဆုံးရတာကို တရားမျှတမှု ရှာပေးချင်တဲ့ ကာရန်ဆန်တစ်ယောက် မဟာရာ့ဂျ်အကြောင်း ဆောင်းပါးတွေ‌ရေးရင်း အသရေဖျက်မှုနဲ့ ရင်ဆိုင်လာရတဲ့အ

တစ်ခါ တင်ဆက်ပေးချင်တဲ့ ဇာတ်ကားလေးကတော့ 2010 တုန်းက ထွက်ရှိထားတဲ့ Love Sex Aur Dokha ဇာတ်ကားလေးရဲ့ ဒုတိယကားဖြစ်တဲ့ Love Sex Aur Dokha 2 လေးပဲ ဖြစ်ပါတယ် ဒီဇာတ်ကားကိုတော့ Dibakar Banerjee က ရိုက်ကူးပေးထားပြီးတော့ သရုပ်ဆောင်ပေါင်းများစွာလည်း ပါဝင်ပါတယ် အဲဒီထဲကမှ Naagin ဇာတ်ကားထဲမှာ မြွေမင်းသမီးလေး ရှီဗန်ညာအဖြစ် ပါဝင်သရုပ်ဆောင်ခဲ့ဖူးတဲ့ မင်းသမီးချောလေး Mouni Roy လည်း ပါဝင်တာမလို့ သူ့ရဲ့ပရိသတ်တွေကတော့ လက်မလွတ်တမ်း ကြည့်ရှု့သင့်တယ်နော် ဒီဇာတ်လမ်းထဲမှာဆိုရင် ခေတ်သစ်ဆက်ဆံရေးအရှုပ်‌အထွေးတွေ ခေတ်မီနည်းပညာတိုးတက်လာမှုတွေပါဝင်ပါတယ် ဇာတ်လမ်းအကျဉ်းအနေနဲ့ကတော့ လျှို့ဝှက်ကင်မရာတွေနဲ့ မတူညီတဲ့ဇာတ်လမ်းသုံးခုကို အခြေခံထားသလို ခေတ်မီချစ်ခြင်းမေတ္တာ၊ ခင်မင်ရင်းနှီးမှုနှင့် မိမိကိုယ်ကိုရှာဖွေတွေ့ရှိမှုတို့၏ ရှုပ်ထွေးမှုတွေကို ကိုင်တွယ်ဖြေရှင်းရာမှာ လူတစ်ဦးတစ်ယောက်ချင်းစီရဲ့ ဘဝကို သရုပ်ဖော်ရိုက်ကူးထားတာမလို့ ဘာတွေများ စိတ်ဝင်စားစရာကောင်းစွာနဲ့ မြင်တွေ့ရမလဲဆိုတာ ဒီဇာတ်လမ်းလေးထဲမှာ စောင့်မျှော်ကြည့်ရှု့အားပေးကြပါဦးရှင့် အညွှန်းနဲ့ ဘာသာပြန်ကတော့ Kaelyn ဖြစ်ပါတယ်ရှင်

အမိုက်စားအက်ရှင်ခန်းတွေကို သဘောကျတဲ့ရုပ်ရှင်ချစ်ပရိသတ်တို့ အကြိုက်တွေ့စေမဲ့အက်ရှင်ဇာတ်လမ်းကောင်းတစ်ကားဖြစ်ပါတယ်။ဇာတ်လမ်းအကျဥ်းကတော့ ရတ်နမ်ဟာ မိခင်ဖြစ်သူကို ကလေးဘ၀ကတည်းက ဆုံးရှုံးလိုက်ရပြီးတော့ လမ်းဘေးမှာရှင်သန်လာခဲ့ရတယ်။သူအသက်၁၂နှစ်အရွယ်မှာ MLAပန်နာလ်ရဲ့အသက်ကို ကယ်တင်ပေးခဲ့တာမို့ MLAပန်နာလ်က သူ့ကိုယုံကြည်အားကိုးတဲ့အတွက် ရတ်နမ်က MLAပန်နာလ်ရဲ့ လူမိုက်တစ်ယောက်ဖြစ်လာခဲ့တယ်။ဒါပေမဲ့ပန်နာလ်က ဖြောင့်မတ်တဲ့လူဖြစ်တဲ့အပြင် ရတ်နမ်ကိုလဲ တူတစ်ယောက်လိုဘဲ စောင့်ရှောက်ပေးခဲ့တယ်။တစ်နေ့မှာတော့ ရတ်နမ်တစ်‌ယောက် သူ့အမေနဲ့ရုပ်ချင်းအရမ်းဆင်တဲ့မိန်းမလှလေးမဲလ်လီဂါနဲ့ တွေ့ဆုံခဲ့တယ်။ရတ်နမ်ဟာ သူ့အမေကြုံတွေ့ခဲ့ရတဲ့အဖြစ်ဆိုးတွေကြောင့် အမြဲခံစားနေခဲ့ရတဲ့အတွက် မဲလ်လီဂါကို လူမိုက်တွေက တိုက်ခိုက်လာတဲ့အခါမှာ ၀င်ရောက်ကာကွယ်ပေးခဲ့တယ်။အဲ့အချိန်ကစပြီးတော့ မဲလ်လီဂါကို ရန်ညိုးထားနေတဲ့ လူမိုက်တွေရန်ကနေ ရတ်နမ်တစ်ယောက် ကာကွယ်ပေးရပါတော့တယ်။မဲလ်လီဂါကို လူမိုက်တွေက ဘာလို့သတ်ဖို့ကြိုးစားနေရတာလဲ။ရတ်နမ်ကရော သူ့အမေနဲ့တူတဲ့မဲလ်လီဂါကို ကာကွယ်ပေးနိုင်မလားဆိုတာကို ကြည့်ရှူပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဘယ်နိုင်ငံမှာဖြစ်ဖြစ်ကမ္ဘာတစ်ဝှမ်းကကလေးတိုင်းရဲ့ငယ်ဘ၀တွေမှာ စိတ်ကူးယဉ်သူငယ်ချင်းတစ်ယောက်စီတော့ရှိတတ်ကြပါတယ်။စိတ်ကူးယဉ်သူငယ်ချင်းဆိုတာသရဲကားတွေထဲကလိုမျိုးကြောက်စရာကောင်းတဲ့သူငယ်ချင်းမျိုးတွေမဟုတ်ဘဲ ကိုယ်ဝမ်းနည်းနေတဲ့အချိန် အားငယ်နေတဲ့အချိန်ကိုယ့်ကိုဖေးမအားပေးမဲ့ ကိုယ့်ရဲ့ငယ်ဘ၀တွေကိုအတူတူမျှဝေနိုင်မဲ့ချစ်စရာကောင်းတဲ့သူငယ်ချင်းမျိုးတွေကိုပြောချင်တာပါ။အခုတင်ဆက်ပေးမဲ့ နာမည်ကြီးမင်းသားကြီး Ryan Reynolds ပါဝင်သရုပ်ဆောင်ထားတဲ့ Poster မှာချစ်စရာခရမ်းရောင်အကောင်အကြီးကြီးပါဝင်တဲ့ IF ဆိုတဲ့ ဇာတ်ကားလေးကလည်းအဲ့လိုချစ်စရာကောင်းတဲ့ကိုယ့်ရဲ့ငယ်ဘ၀စိတ်ကူးယဉ်သူငယ်ချင်းတွေကိုပြန်အမှတ်ရသွားစေမဲ့ခံစားချက်မျိုးတွေကိုပေးစွမ်းနိုင်အောင်ရိုက်ကူးထားတာပဲဖြစ်ပါတယ်။IMDb Rating ကလည်း 6.7 အထိရရှိထားတဲ့အတွက်ကြည့်လို့ကောင်းပြီးရင်ထဲမှာတစ်ခုခုထင်ကျန်နေစေခဲ့မှာတော့အသေအချာပါပဲ။ ဘီးဆိုတဲ့ကောင်မလေးကသူ့အမေဆုံးပါးသွားပြီးမကြာခင်မှာတင်အဖေဖြစ်သူဆေးရုံတက်နေရတဲ့အဖွားဖြစ်သူနဲ့အတူတူသူ့ငယ်ဘ၀ကအိမ်လေးမှာခဏပြန်နေရပါတော့တယ်။အသက် ၁၂ နှစ်ပဲရှိသေးတဲ့အပြင်အမေကိုဆုံးရှုံးထားရတဲ့စိတ်ကြောင့်အဖေကိုပါဆုံးရှုံးရမှာအရမ်းကြောက်နေခဲ့ပါတော့တယ်။ကလေးတစ်ယောက်ဖြစ်နေပေမဲ့လည်းအဲ့လိုများပြားလှတဲ့စိတ်ဖိအားတွေကြောင့်မပြုံးနိုင် မပျော်နိုင် တမှိုင်မှိုင်ဖြစ်နေခဲ့ရပါတော့တယ်။ဒါပေမယ့်တစ်ညမှာတော့အဲ့ဒီစိုးရိမ်ပူပန်မှုတွေကပျောက်ကွယ်သွားခဲ့ပါတော့တယ်။အဲ့ဒါကတော့

Vekhi Ja Chhedi Naဇာတ်ကားမှာတော့ ကာလ်မာနဲ့အာလ်မန်တို့ဟာ လက်မထပ်ရသေးတဲ့ ညီအကို၂ယောက်ဖြစ်ပြီးတော့ အဖွားဖြစ်သူရဲ့ဆန္ဒကတော့ သူမသေခင်မှာ မြေးဖြစ်သူ၂ယောက်လက်ထပ်သွားတာကို မမြင်ရဖို့ဘဲဖြစ်တယ်။အာလ်မန်က ရုပ်ရည်ချောမောပြီး ငယ်ရွယ်သေးတာကြောင့် လက်ထပ်ဖို့ကမ်းလှမ်းသူတွေ အရမ်းများနေပေမဲ့ အကိုဖြစ်သူကာလ်မာကတော့ ရိုးရိုးအေးအေးအကျင့်စရိုက်ကြောင့် သူနဲ့လက်ထပ်ဖို့လာတဲ့ သတို့သမီးတွေအားလုံးက ညီဖြစ်သူအာလ်မန်ကိုဘဲ သဘောကျသွားကြတယ်။ကာလ်မာတစ်ယောက် လက်ထပ်ဖို့အရွယ်လွန်နေပြီဖြစ်တာကြောင့် အဖွားလုပ်သူက မြေးကြီးအတွက် သတို့သမီးလောင်းကို အမြန်လိုက်ရှာနေခဲ့တယ်။ဒါပေမဲ့ရှာသမျှသတို့သမီးလောင်းတိုင်းက အာလ်မန်ကိုဘဲ သဘောကျနေတာကြောင့် အဖွားဖြစ်သူဟာ စိတ်ဖိစီးပြီး နှလုံးရှော့ရသွားတော့တယ်။အဖွားလုပ်သူရဲ့ သေခံနီးဆန္ဒကြောင့် ကာလ်မာတစ်ယောက် ညီဖြစ်သူအာလ်မန်ရဲ့ရည်းစားနစ်ကီလ်နဲ့ လက်ထပ်ဖို့ဖြစ်လာရတဲ့အချိန်မှာတော့ အာလ်မန်တစ်ယောက်ကရော လက်ခံနိုင်ပါ့မလား။အဖွားအတွက်နဲ့ နှလုံးသားကိုစတေးပြီး ချစ်သူမိန်းကလေးနစ်ကီလ်ကို လက်လျှော့လိုက်မှာလားဆိုတာကို ကြည့်ရှူပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဆရာဝန်တွေမဖြစ်နိုင်တာကိုဖြစ်အောင်လုပ်မယ်ဆိုတဲ့စိတ်ကူးနဲ့ ဒေါက်တာရှရတ်ဒါရဲ့ရှုထောင့်ကနေရိုက်ကူးထားတဲ့ဇာတ်လမ်းလေးဖြစ်ပါတယ်။ သူမအဖေရဲ့ရုတ်တရက်ခွဲခွာမှုကြောင့် စိတ်အကြီးအကျယ်ထိခိုက်ရတဲ့ဒေါက်တာရှရတ်ဒါက O2‌ဆေးကိုသုံးပြီး နှလုံးခုန်ရပ်သွားတဲ့လူနာကိုပြန်ကယ်ဖို့ကာလကို ဆွဲဆန့်ချင်ခဲ့ပါတယ်။ ကလေးဘဝ စိတ်ဒဏ်ရာအရိပ်များနှင့် စိုးရိမ်သောကတွေကြောင့် အချစ်ကနေဝေးဝေးနေတဲ့သူမ ဆေးကောင်စီမှ လူသားစစ်ဆေးမှုအတွက် ခွင့်ပြုချက် ငြင်းပယ်ခံရသောအခါ မမျှော်လင့်ထားသော အတားအဆီးတစ်ခုနှင့် ရင်ဆိုင်ရလိုက်လေတယ်။ ရှရတ်ဒါတယောက် ကိုယ်ရေးကိုယ်တာဖိအားများနှင့် ပရော်ဖက်ရှင်နယ် ကန့်သတ်ချက်များကို ကျော်လွှားပြီး ထူးထူးခြားခြား သိပ္ပံပညာဆိုင်ရာ တိုးတက်မှုကို သတ္တိရှိရှိ လိုက်စားပြီး ဆေးဘက်ဆိုင်ရာ အောင်မြင်မှု ရသွားမလား။ ဒါမှမဟုတ် သူမ၏ဆန္ဒက သူမရဲ့ဂုဏ်သိက္ခာကိုညိုးနွမ်းစေမလား ၊ သူမအောင်မြင်လိုသော မှတ်တိုင်ကို နှုတ်ဆက်သွားရမလား...။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Honey ဖြစ်ပါတယ်

ဒီဇာတ်လမ်းလေးကတော့ Sting Operation Expert တယောက်ဖြစ်တဲ့ ဂျာနယ်လစ် လန်နီဒီဇိုစာရဲ့ဇာတ်လမ်းလေးပါ။ Puneဆိုတဲ့မြို့လေးမှာ ဇနီးဖြစ်သူနဲ့အတူနေထိုင်တဲ့လန်နီတယောက် တညတော့ သူ့အိမ်ကပစ္စည်းထွက်ဝယ်တဲ့လမ်းမှာ လူစိမ်းတယောက်ကိုကားနဲ့တိုက်မိရာကစပါတယ် ။ဒါကိုတွေ့သွားတဲ့အမူးသမားရဲ့ချိန်းခြောက်ခြင်းကိုခံရလေတယ် လန်နီလည်းအဖမ်းမခံချတာနဲ့အလောင်းကိုမြုပ်ဖို့ အမူးသမားရဲ့အကူညီကိုယူလိုက်ရလေတယ်။နှစ်ယောက်သားတွင်းတူးနေတဲ့အချိန်မှာပဲ YouTuberတွေဖြစ်တဲ့ “တစ်နဲ့ ထက်” တို့နဲ့ပက်ပင်းတိုးလေတယ်။သူတို့ကလည်းနှုတ်ပိတ်ခတောင်းရင်း အတူတူဝင်ပါကြလေတယ် ။ထိုအချိန်မှာပဲလူစိမ်းကအသက်ရှင်နေတာကိုတွေ့လိုက်လေတယ်..။ပြေးတဲ့လမ်းမှာ လေးယောက်သားပြသာနာတွေတခုပြီးတခုကြုံရပါတော့တယ်။ကားပျက်လို့လမ်းကြုံလိုက်ခွင့်တောင်းတဲ့မိန်းမလှလေးရှရူတီ၊ Underground Boss မူဂီအန်နာ၊ပြီးတဲ့‌နောက်လန်နီကိုအံ့ဩားသင့်စေတဲ့သတင်းကိုယူလာပေးတဲ့ စုံထောက်အာဗင်တို့လဲပါဝင်လာပါတယ် ။သတင်းကဘာဖြစ်မလဲ...? လန်နီရောပိုက်ဆံတွေရသွားလား...? Sting Operation ကရောဘာဖြစ်သွားမလဲ..? ဒီဇာတ်ကားကိုအညွန်းနဲ့ဘာသာပြန်ပေးသူကတော့ Honey ဖြစ်ပါတယ်

ဟာသမင်းသားကြီး Lil Rey Howery ပါဝင်သရုပ်ဆောင်ထားတဲ့အရမ်းမိုက်ပြီး စိတ်လှုပ်ရှားစရာကောင်းတဲ့သည်းထိပ်ရင်ဖိုဇာတ်ကားလေးကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Reunion ဖြစ်ပြီး IMDB Rating 5.5 ရရှိထားပါတယ်။ဇာတ်ကားလေးရဲ့ပုံစံကတော့တချို့မှုခင်းစုံထောက်ကားတွေမှာမြင်ဖူးနေကျအတိုင်းသူငယ်ချင်းတွေတစ်နေရာကိုစုသွားကြ အဲ့ဒီမှာသူငယ်ချင်းတစ်ယောက်အသတ်ခံရပြီးကျန်တဲ့လူတွေထဲကလူသတ်သမားကိုရှာကြသလိုပုံစံမျိုးပဲဖြစ်ပါတယ်။ဒီဇာတ်ကားထဲမှာတော့သူငယ်ချင်းတွေစုသွားကြတဲ့နေရာကအထက်တန်းကျောင်းစုံညီပွဲပဲဖြစ်ပါတယ်။အဲ့လိုဇာတ်ကားမျိုးတွေကိုမြင်ဖူးနေကျဆိုပေမဲ့ ဇာတ်လမ်းဇာတ်ကွက်တွေကတစ်ကားနဲ့တစ်ကားမတူကြတဲ့အတွက် ဒီဇာတ်ကားရဲ့ဇာတ်လမ်းဇာတ်ကွက်တွေကလည်းဇာတ်လမ်းစကြည့်လိုက်တာနဲ့ လူသတ်သမားကိုတန်းသိရလောက်အောင်မလွယ်တဲ့အပြင် ဇာတ်သိမ်းခန်းမှဟင်ခနဲဟာခနဲဖြစ်အောင်လုပ်ပေးမဲ့ဇာတ်ကားမျိုးဖြစ်ပါတယ်။ဇာတ်လမ်းအကျဉ်းချုပ်ကတော့အထက်မှာပြောခဲ့သလိုပဲအထက်တန်းကျောင်းကသူငယ်ချင်းတွေပြန်လည်တွေ့ဆုံဖို့အတွက်စုံညီပွဲကိုသူဌေးသားသူငယ်ချင်းတစ်ယောက်ရဲ့အိမ်မှာလုပ်ခဲ့ပြီး ပျော်တဲ့လူတွေကပျော် နှင်းမုန်တိုင်းတိုက်လာလို့ပြန်တဲ့သူတွေကပြန်နဲ့ရှုပ်ယှက်ခတ်နေခဲ့ကြပြီးမနက်မိုးလင်းချိန်မှာတော့အဲ့ဒီအိမ်ရှင်သူဌေးသားအသတ်ခံထားရတာကို ခေါင်းမထောင်နိုင်လောက်တဲ့အထိသောက်ပြီးအဲ့ဒီအိမ်မှာညအိပ်ခဲ့ကြတဲ့သူငယ်ချင်းတွေကမြင်လိုက်ရပါတယ်။ညကတိုက်ထားတဲ့နှင်းမုန်တိုင်းကြောင့်ကားတွေလည်းမောင်းလို့မရ

ရိုမီယို ဂျူးလီးယက်တို့ တိုက်တန်းနစ်တို့လိုမျိုး ဒရာမာရုပ်ရှင်သမိုင်းကြီးကိုတုန်လှုပ်သွားစေခဲ့ပြီး လူတွေရဲ့ရင်ထဲမှာအောင့်သက်သက်ခိုးလိုးခုလုခံစားချက်တွေကိုသေရာပါစွဲသွားနိုင်တဲ့အထိ တကယ့်ကိုကြည့်ကောင်းတဲ့ရုပ်ရှင်တွေလိုမျိုး လူတိုင်းရဲ့ပါးစပ်ဖျားမှာစွဲကျန်နေစေတဲ့ဒရာမာရုပ်ရှင်ဇာတ်ကားထပ်ထွက်ရှိလာခဲ့ပါပြီ။ဒီကားကိုရိုက်ကူးထားတာကတော့အမေရိကန်ကမဟုတ်သလို အင်္ဂလိပ်ဇာတ်ကားလဲမဟုတ်ပါဘူး။ဒါပေမယ့်ဒီဇာတ်ကားကကမ္ဘာကျော်ခဲ့တဲ့အပြင်ရိုက်ကူးခဲ့တဲ့ဗီယက်နမ်နိုင်ငံမှာလည်းနံပါတ် 1 Box Office ရရှိထားတဲ့ရုပ်ရှင်တစ်ကားပဲဖြစ်ပါတယ်။အဲ့ဒီဇာတ်ကားလေးရဲ့နာမည်ကတော့ Mai ဖြစ်ပြီး လက်ရှိ IMDb Rating 6.9 အထိရရှိထားပါတယ်။ဒီ Mai ဆိုတဲ့ဇာတ်ကားလေးကိုဘာလို့အဲ့လောက်ကောင်းတယ်လို့ပြောနေရလဲဆိုရင်တော့ဒီဇာတ်ကားထဲမှာသာမန်ဒရာမာဇာတ်ကားတွေနဲ့မတူအောင် ဇာတ်သိမ်းကိုလုံး၀ကြိုတင်မှန်းဆလို့မရအောင် ဇာတ်ညွှန်းကို‌ရှယ်ရေးထားပြီး သရုပ်ဆောင်တဲ့ဇာတ်ကောင်တွေကလည်းအဓိကဇာတ်ဆောင်တွေကနေအစ ဇာတ်ပို့တွေအဆုံးအကုန်လုံးသရုပ်ဆောင်တွေပီပြင်ကြပြီး ခံစားချက်တွေပါလွန်းလို့ပဲဖြစ်ပါတယ်။မိုင်ဆိုတဲ့ကောင်မလေးတစ်ယောက် မြို့ကိုတက်လာပြီး အနှိပ်ခန်းတစ်ခုမှာအနှိပ်သမဝင်လုပ်ခဲ့တယ်။အဲ့ဒီမြို့မှာနေထိုင်ဖို့စျေးသက်သက်သာသာနဲ့ရတဲ့ပတ်ဝန်းကျင်မသန့်တဲ့တိုက်ခန်းတစ်ခုကိုရွေးချယ်ခဲ့တယ်။သူ့တိုက်ခန်းနဲ့မျက်နှာချင်းဆိုင်တိုက်ခန်းမှာဒူဆိုတဲ့ကောင်လေးတစ်ယောက်ရှိနေပြီးသူကတော့သူဌေးသားရေပေါ်ဆီဖြစ်

ခုနောက်ပိုင်းနာမည်ကြီးနေတဲ့ တားရော့ Horror ဇာတ်ကားကောင်းလေးကိုတင်ဆက်ပေးလိုက်ပါတယ်။ဇာတ်ကားနာမည်ကိုကတည်းက Tarot ဖြစ်ပြီးဒီဇာတ်ကားကြည့်ပြီးရင်တော့ တားရော့ဗေဒင်တောင်မေးရဲကြတော့မှာမဟုတ်ပါဘူး။Conjuring တို့လို Horror ကားအကြမ်းစားကြီးတွေလောက်တော့မကြမ်းပေမဲ့သူ့ဇာတ်လမ်းနဲ့သူတော့တော်တော်လေးကြည့်ကောင်းပြီး ကျောချမ်းစရာကောင်းတဲ့ Vibe တွေကိုလည်းပေးစွမ်းနိုင်မှာဖြစ်ပါတယ်။ဇာတ်လမ်းအစမှာကောလိပ်တက်နေတဲ့သူငယ်ချင်းတစ်စုက သူတို့အဖွဲ့ထဲကအလိစ်ဆိုတဲ့ကောင်မလေးရဲ့မွေးနေ့ကျင်းပပေးဖို့အတွက်လူသူကင်းဝေးတဲ့နေရာကစံအိမ်ကြီးတစ်လုံးကိုငှားခဲ့ကြပါတယ်။သည်းထိပ်ရင်ဖိုဇာတ်ကားတွေရဲ့ထုံးစံအတိုင်းပဲလူသူကင်းဝေးတဲ့နေရာကစံအိမ်ကြီးဆိုတာကတော့မကောင်းတဲ့အရာတွေအားလုံးရဲ့အစပါပဲ။ဒါပေမယ့်အဲ့လိုဇာတ်ကားတွေထဲကလူငယ်တွေဆိုတာလည်းအန္တရာယ်ကိုမှလက်ယပ်ခေါ်တတ်တဲ့အတွက်ဒါမျိုးတွေကတော့မဆန်းတော့ပါဘူး။ဒီလိုနဲ့အဲ့ဒီမှာပျော်ပါးကြပြီးဘီယာကုန်သွားတဲ့အခါမှာတော့ပျင်းပျင်းနဲ့မြေအောက်ခန်းထဲကတွေ့တဲ့တားရော့ကတ်ထုပ်ကိုထုတ်လာပြီးဗေဒင်ဟောတတ်တဲ့သူငယ်ချင်းကိုတားရော့ဝိုင်းဟောခိုင်းကြပါတော့တယ်။ဒါပေမယ့်ပရိသတ်တွေထင်ထားသလိုအဲ့စံအိမ်ကြီးထဲမှာဘာမှဆက်မဖြစ်ကြဘဲသူငယ်ချင်းတွေအားလုံးဘေးကင်းကင်းနဲ့ပြန်ရောက်လာခဲ့ပါတယ်။တကယ့်ပြဿနာကဘယ်မှာစလဲဆိုတော့သူတို့အဖွဲ့ထဲကမွေးနေ့ရှင်အလိစ်သေသွားရာကနေစနေတာပါပဲ။စစချင်းတော့ဒါကသာမန်ပဲလို့ထင်ခဲ့ပေမဲ့နောက်ပိုင်းပြဿနာတွေကပိုပိုဆိုးလာပြီး အဲ့ဒီပြဿနာတွေ

Crew ဇာတ်ကားကတော့ Kareena Kapoor၊ Kriti Sanon၊ Tabuနာမည်ကြီးမင်းသမီးသုံးယောက် ပါ၀င်သရုပ်ဆောင်ထားတဲ့ ဟာသဇာတ်ကားကောင်းတစ်ကားဖြစ်ပါတယ်။ပိုင်းလော့ဖြစ်ချင်ပေမဲ့ အကြွေးတွေဆပ်ဖို့အတွက် လေယာဥ်မယ်၀င်လုပ်နေရတဲ့ဒီလ်ရာ၊ယောကျာ်းကို ဆိုင်ဖွင့်ပေးဖို့အတွက် လေယာဥ်မယ်အလုပ်ကို နှစ်၂၀လောက်၀င်လုပ်ခဲ့ရတဲ့ အလှမယ်ဆာလ်သီ၊ စီးပွားရေးအိမ်မက်တွေရှိနေပေမဲ့ ရင်းနှီးမြုပ်နှံမဲ့လူလိုက်ရှာနေတဲ့ လေယာဥ်မယ်ဂျတ်စမင်တို့ သုံးယောက်က ကိုလ်ဟီနိုလ်လေကြောင်းလိုင်းမှာ အိမ်မက်တွေအတွက် အလုပ်၀င်လုပ်နေပေမဲ့ လစာမရတာ၆လလောက်ရှိနေခဲ့ပါတယ်။ငွေရေးကြေးရေးပြသာနာတွေကို ဖြေရှင်းဖို့လိုအပ်နေချိန်မှာဘဲ သူတို့ဆီကို ရွှေခိုးသယ်ပေးရမဲ့ အလုပ်တစ်ခုကရောက်လာခဲ့တယ်။ ရာဇ၀တ်သားတွေမဖြစ်ချင်ပေမဲ့ ပိုက်ဆံကိုအရမ်းလိုအပ်နေကြတာကြောင့် လေယာဥ်မယ်သုံးယောက်ဟာ ရွှေတွေကို လေယာဥ်ပေါ်မှာ ခိုးသယ်ဖို့ ကြိုးစားရပါတော့တယ်။အိမ်မက်ကိုယ်စီနဲ့ လေယာဥ်မယ်သုံးယောက် ဘယ်လိုရွှေခိုးသယ်မလဲဆိုတာကို ကြည့်ရှူပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

အာကာသယာဉ်ပျက်ကျမှုကြောင့် အမည်မသိ ဂြိုလ်တစ်‌ခုဆီရောက်လာတဲ့ ဆမီယာဆိုတဲ့ အမျိုးသမီးဟာ မြူတွေဖုံးလွှမ်းနေတဲ့ကြားထဲကနေ သူ့ရဲ့ သားဖြစ်သူ လူကီကို ရှာဖွေနေရင်း ဂြိုလ်ပေါ်က သတ္တဝါကြီးတစ်ကောင်ရဲ့ ခြောက်လှန့်ခြင်းကို ခံလိုက်ရတယ် အဲဒီအချိန် သူ့လိုပဲ ဂြိုလ်ပေါ်ရောက်နေခဲ့တဲ့ ကောင်မလေးတစ်ယောက်နဲ့ အဆက်အသွယ်ရတဲ့အခါ နှစ်ယောက်သား ဆုံဖို့ ကြိုးစားရင်း ဘာတွေဆက်ဖြစ်လာမလဲ.... ဇာတ်လမ်းအညွှန်းနဲ့ ဘာသာပြန်သူကတော့ Lae Wutyi Phyo ဖြစ်ပါတယ်။

ဂျနီဖာလိုးပက်ဇ်တို့ ရှမ်းကြီး(Shang-Chi) မင်းသား Simu Liu တို့ Kingsman ရုပ်ရှင်ဇာတ်ကားနဲ့လူသိများကြတဲ့ဇာတ်ပို့ကြီး Mark Strong တို့အပြင်တခြားသောနာမည်ကြီးသရုပ်ဆောင်ပေါင်းများစွာပါဝင်သရုပ်ဆောင်ထားတဲ့စိတ်ကူးယဉ်သိပ္ပံအာသာကရုပ်ရှင်တစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Atlas ဖြစ်ပြီး IMDb Rating 5.6 ရရှိထားပါတယ်။အခုခေတ်မှာ AI တွေကအလွန်တိုးတက်လာတဲ့အတွက်အရမ်းလဲအသုံးတည့်သလို AI တွေကိုကြောက်နေကြတဲ့လူတွေကတော့ရှိတုန်းပါပဲ။ဒီဇာတ်ကားထဲမှာ AI ကိုလူသားပုံစံဖြစ်အောင်ဖန်တီးနိုင်တဲ့အဆင့်တွေတောင်ရောက်နေပြီးနည်းပညာအရမ်းတိုးတက်နေတဲ့အချိန်ကာလတစ်ခုကိုရောက်နေပါပြီ။ဒါပေမယ့်လူတော်တော်များများကြောက်နေကြတဲ့အတိုင်း AI လူသားတွေထဲကဟာလန်ဆိုတဲ့တစ်ယောက်ကအရမ်းတိုးတက်လွန်ပြီးလူသားတွေကိုသတ်ဖြတ် မျိုးတုန်းအောင်အမြစ်ဖြတ်ဖို့လုပ်ပါတော့တယ်။ဒါပေမယ့်အဲ့တုန်းကသူတိုးတက်စအချိန်ဖြစ်နေတဲ့အတွက်ရှုံးနိမ့်ပြီးတခြားဂြိုလ်ကိုထွက်ပြေးခဲ့ပါတော့တယ်။အဲ့ဒီနောက်ပိုင်းမှာတော့ဟာလန်ကသူ့ကိုယ်သူအင်အားကြီးအောင်ကြိုးစားခဲ့ပြီး AI တွေကိုအသုံးချကာစစ်တပ်တွေဖန်တီးပြီးလူသားတွေနဲ့မကျေပွဲပြန်နွှဲဖို့လုပ်လာတဲ့အခါမှာတော့ ဟာလန်ရှိရာဂြိုလ်ကိုသွားပြီးတစ်ခါတည်းနဲ့အမြစ်ဖြတ်ဖို့ကြိုးစားပုံတွေနဲ့ လူသားတွေနဲ့ AI တွေကတကယ်ပေါင်းစပ်နေနိုင်သွားပါ့မလားဆိုတာကိုအမြင်တစ်မျိုးနဲ့စိတ်ဝင်စားစရာကောင်းအောင်ရိုက်ကူးပြသထားတဲ့ဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကား

Maidaanဇာတ်ကားကတော့ 1956အိုလံပစ်ဘောလုံးပွဲနဲ့ ဂျာကာတာအာရှကစားပွဲမှာ အိန္ဒိယဘောလုံးအသင်းကို ရွှေတံဆိပ်ရအောင် ကြိုးစားပေးခဲ့တဲ့ ဘောလုံးနည်းပြရာဟင်လ်အကြောင်း ရိုက်ကူးထားတဲ့ ဖြစ်ရပ်မှန်အားကစားဇာတ်လမ်းတစ်ပုဒ်ဖြစ်ပါတယ်။ရာဟင်လ်ရဲ့ တစ်ခုတည်းသောဘ၀ရည်မှန်းချက်တစ်ခုက အိန္ဒိယအသင်း နိုင်ငံတကာပြိုင်ပွဲမှာ ရွှေတံဆိပ်ဆွတ်ခူးနိုင်ဖို့ပဲဖြစ်တယ်။ရာဟင်လ်တစ်ယောက် သူ့တစ်ဘ၀တစ်လျှောက်လုံး အိန္ဒိယအသင်းအတွက်ဘဲ မြုပ်နှံခဲ့ပေမဲ့ အသင်းရဲ့ရလဒ်ကောင်းတွေက မသိသာတာကြောင့် ကိုးနှစ်အကြာမှာ ရာဟင်လ်ကို နည်းပြနေရာကနေ ဘောလုံးအစည်းအရုံးက ဖြုတ်လိုက်ခဲ့တယ်။အဲ့အချိန်မှာဘဲ ရာဟင်လ်တစ်ယောက် သူ့မှာအဆုတ်ကင်ဆာရှိနေမှန်း သိသွားခဲ့တယ်။ရာဟင်လ်တစ်ယောက် အရာအားလုံးကို လက်လျှော့လိုက်မယ်လို့ တွေးလိုက်ချိန်မှာဘဲ သူမသေခင် အိန္ဒိယအသင်းကို ရွှေတံဆိပ်ရအောင် ကူညီပေးဖို့ ဆုံးဖြတ်လိုက်ခဲ့တယ်။ရာဟင်လ်တစ်ယောက် အိန္ဒိယအသင်းကို နိုင်ငံအဆင့်မှီဘောလုံးအသင်းတစ်သင်းဖြစ်အောင် ဘယ်လိုပျိုးထောင်ပေးမလဲဆိုတာ ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ထောင်ပြောင်းရွှေ့တဲ့လမ်းမှာ ထွက်ပြေးလာတဲ့ ကွင်းဆက်လူသတ်သမား၂ယောက်နဲ့ အကြမ်းဖက်သမား ၁ယောက် ငြိမ်သက်အေးချမ်းတဲ့တောင်တန်းပေါ်က ရွာလေးတစ်ရွာမှာ နေထိုင်ကြတဲ့သက်ကြီးရွယ်အိုတွေ ရိုင်းစိုင်းယုတ်မာပြီး နှလုံးသားမဲ့တဲ့ အကျဉ်းသမား၃ယောက်ကြောင့် နေ့ချင်းညချင်း သွေးမြေခခဲ့ရတဲ့ရွာငယ်လေးမှာ အဲဒီည မိဘအိမ်ပြန်လာတဲ့မိန်းမငယ်လေး “ယူဂျင်း”၊ အဖော်လိုက်လာခဲ့တဲ့သူငယ်ချင်း”ဟယ်ဝန်း” နဲ့ အတိတ်က လူဆိုးဂိုဏ်းတစ်ခုကိုချေမှုန်းခဲ့ဖူးတဲ့ ဆေးမြစ်တူးသမားအဖိုးအိုတစ်ယောက်တို့ ရက်စက်ကြမ်းကြုတ်လှတဲ့လူသတ်သမား မုဒိမ်းသမားထောင်ပြေး ၃ယောက်နဲ့ ရင်ဆိုင်တွေ့ကြရတဲ့အခါမှာတော့…. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thant Sin ဖြစ်ပါတယ်

အခု မိတ်ဆက်ပေးမယ့်ကားကတော့ အသားစားပြီး ထူးခြားတဲ့ မျိုးစိတ်ကွဲပင့်ကူကြီးနဲ့ မိသားစုတစ်စုရဲ့အသက်လုပွဲဖြစ်ပါတယ်။ ခြေလေးချောင်းထက်ပိုတဲ့ သတ္တဝါတွေနဲ့ သူငယ်ချင်းမလုပ်သင့်ဘူးဆိုတာလေးကို ပုံဖော်ထားတာပါ။ ဇာတ်လမ်းအကျဉ်း~ပထွေးဖြစ်သူအီသန်နဲ့ မိခင်ဟယ်သာတို့ နောက်အိမ်ထောင်ပြုပြီး မွေးကင်းကလေးလေးကို ဂရုစိုက်နေရတဲ့အတွက် သင်းကွဲလိုဖြစ်နေတဲ့ ရှားလက်...အီသန်က သူဆွဲတဲ့ကာတွန်းစာအုပ်တွေကတစ်ဆင့် ရှားလက်နဲ့ connect ဖို့ကြိုးစားပေမယ့် ဖအေရင်းကို မမေ့နိုင်တဲ့အပြင် အလုပ်များနေတဲ့ မိဘတွေကြောင့် အထီးကျန်နေတဲ့ရှားလက်က သူကောက်ရလာတဲ့ ပင့်ကူပေါက်လေးကို သူငယ်ချင်းအဖြစ် မွေးထားခဲ့ပါတယ်။ နာမည်ကိုတောင် စတင်းလို့ပေးထားပါသေးတယ် ဒါမဲ့ အဲ့ပင့်ကူလေးက ရက်ပိုင်းအတွင်း နှစ်ဆကြီးထွားလာပြီး သူတို့တိုက်ခန်းအဆောက်အအုံက အိမ်နီးချင်းတွေပါ တစ်ယောက်ပြီးတစ်ယောက်ပျောက်ကုန်တဲ့အခါမှာတော့ စတင်းရဲ့သရုပ်မှန်ကိုသိသွားပြီး မိသားစုကိုကယ်ဖို့ ကြိုးပမ်းရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဘောလီးဝုဒ် အချိန်ခရီးသွားကားလေးနဲ့မိတ်ဆက်ပေးပါရစေ။ အာပူရ်ဗာဆိုတဲ့ကောင်လေးတစ်ယောက်ဟာ ပြဇာတ်မှာအချိန်ပိုင်းလုပ်ရင်း ချစ်ရသူနဲ့လည်း စိုပြေမှာအိုကေနေခဲ့ပါတယ်၊ တစ်ရက် အာပူရ်ဗာတစ်ယောက် နားနေခန်းထဲနားနေရင်း အဘိုးကြီးတစ်ယောက်ဟာ အာပူရ်ဗာဆီရောက်လာပြီး သေသွားတဲ့သူ့အဖေဟာ ရှင်နေသေးမှန်းလာပြောတယ်။ အာပူရ်ဗာ မယုံကြည်နိုင်ဖြစ်ပြီး ကိစ္စတွေကို မေ့ထားဖို့လုပ်နေခဲ့ပေမဲ့ အဲ့ပဘိုးကြီးဟာ အာပူရ်ဗာနောက်ကိုအမြဲလိုက်​နေတာကြေင့် အာပူရ်ဗာကိုခေါင်းစားစေခဲ့ပါတယ်၊ ဘာလို့ အဘိုးကြီးက အာပူရ်ဗာနောက်ကိုလိုက်နေတာလဲ၊ အာပူရ်ဗာနဲ့ဘယ်လိုပတ်သက်နေလဲ၊ အာပူရ်ဗာနောက်ပိုင်းဘာတွေဆက်ဖြစ်မလဲဆိုတာတော့ ဒီဇာတ်ကားလေးမှာကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

Romeo ဇာတ်ကားလေးမှာတော့ လီလာဟာ နာမည်ကြီးမင်းသမီးဖြစ်လာဖို့ အမြဲအိမ်မက်နေခဲ့ပေမဲ့ စည်းကမ်းတင်းကြပ်လွန်းတဲ့အဖေကြောင့် အလုပ်လုပ်တယ်လို့ လိမ်ပြောကာ ချန်နိုင်းမှာ မင်းသမီးဖြစ်ဖို့ ကြိုးစားနေခဲ့တယ်။တစ်နေ့မှာတော့ လီလာ မင်းသမီးလုပ်နေမှန်း အဖေဖြစ်သူက သိသွားပြီးတော့ အိမ်မှာပိတ်ထားပြီး ယောကျာ်းပေးစားဖို့ စီစဉ်လိုက်ပါတော့တယ်။အာရူလ်က အသက်၃၅နှစ်ရှိတာကြောင့် မိဘတွေက အိမ်ထောင်ပြုဖို့ အတင်းတိုက်တွန်းနေပေမဲ့ အချစ်စစ်ကိုရှာဖွေချင်သေးတာကြောင့် လာကမ်းလှမ်းသမျှ သတို့သမီးတိုင်းကို ငြင်းပယ်ခဲ့တယ်။ အာရူလ်တစ်ယောက် လီလာကို မြင်မြင်ချင်းချစ်မိသွားတဲ့အချိန်မှာတော့ လက်ထပ်ဖို့ကမ်းလှမ်းချိန်မှာ သဘောတူလိုက်တော့တယ်။ချစ်ရသူနဲ့လက်ထပ်လိုက်ရလို့ ပျော်ရွင်နေတဲ့ အာရူလ်ရဲ့အပျော်တွေကို လီလာဟာ ကွာရှင်းစာချုပ်တစ်စောင်နဲ့ ဖျက်စီးပစ်လိုက်ခဲ့တယ်။လီလာနဲ့မကွာရှင်းချင်တဲ့ အာရူလ်တစ်ယောက် လီလာသူ့ကိုချစ်လာအောင် ကြိုးစားရပါတော့တယ်။လက်ထပ်ပြီးမှ မိန်းမအချစ်ရအောင် ကြိုးစားနေတဲ့ အာရူလ်တစ်ယောက်ကို လီလာပြန်ချစ်လာပါ့မလားဆိုတာကို ကြည့်ရှုကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

ဆစ်ဒူဆိုတဲ့ကောင်လေးတစ်ယောက်ဟာ ဂိမ်းကုမ္ပဏီတစ်ခုမှာ အလုပ်လုပ်ရင်း ချစ်ရတဲ့သူ မော့ခ်ရှာ နဲ့ အသင့်အတင့်ဘဝကိုဖြတ်သန်းနေပါတယ်။ အနေအေးလှတဲ့ ဆစ်ဒူမှာ ရာဟူးလ်ဆိုတဲ့သူငယ်ချင်းတစ်ယောက်လည်းရှိပြီး ဆစ်ဒူအတွက်တော့ ရာဟူးလ်ရော မော့ခ်ရှာရောကပါအရာရာပါ။ ဒါပေမဲ့ တစ်ရက်မှာတော့ မော့ခ်ရှာနဲ့ ရာဟူးလ်တို့နှစ်ယောက်ပေါင်းကာ ဆစ်ဒူရဲ့ပရောဂျက်ကိုကြားဖြတ်ခုတ်လုယူပြီး ဆစ်ဒူကိုသစ္စာဖောက်ခဲ့ကြပါတယ်။ ဆစ်ဒူဟာဆိုးရွားလှတဲ့ ကံကြမ္မာကိုကြံ့ကြံ့ခံရင်း နောက်ဆုံးမှာတော့ ကိုယ့်ကိုယ်ကိုယ်အဆုံးစီရင်ဖို့ အကြောင်းဖန်လာခဲ့ပါတယ်၊ သူ့ရဲ့ဘဝအကြောင်းကို ရီဝေဝေတွေးနေရင်းပဲ ဖုန်းတစ်ခုဝင်လာခဲ့ပြီး ဆစ်ဒူကိုဂိမ်းကစားရင်း ပိုက်ဆံရနိုင်မယ့်တာဝန်တွေပေးခဲ့ပါတယ်။ ပထမတော့ အသေးစားတာဝန်လေးတွေလုပ်ရင်း ဆစ်ဒူတစ်ယောက်အေးဆေးပိုက်ဆံတွေဝင်နေပေမဲ့ နောက်ပိုင်းဘယ်လိုတာဝန်တွေရလာမလဲ၊ ဒီဂိမ်းကိုစတင်သူတွေကဘယ်သူတွေဖြစ်မလဲ၊ ဆစ်ဒူတစ်ယောက် ဘယ်လိုကံကြမ္မာတွေဆက်ကြုံတွေ့ရမလဲဆိုတာတော့ ဒီဇာတ်လမ်းလေးမှာ ကြည့်ရှုလိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့် ဖြစ်ပါတယ်

ဒီဂျေတီလူးရဲ့နောက်ထပ်ဇာတ်ကားပါ နိုင်ငံတကာရာဇဝတ်ကောင်ကိုဖမ်းဖို့ကူညီရတယ် ဒါပေမယ့်သူမထင်ထားတာတွေဖြစ်လာပါတယ်ရာဇဝတ်ကောင်ရဲ့သူလျိုကရောဘယ်သူဖြစ်မလဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ စုဝင်းပြည့်ဖြစ်ပါတယ်

**Abigail** ရုပ်ရှင်ဟာ Horror, Thriller တွေကို ကြိုက်နှစ်သက်သူတွေအတွက်တော့ Vampire ဇာတ်လမ်းမျိုးကိုမှ ချောက်ချောက်ချားချား ကြည့်ရှုကြရမှာဖြစ်ပါတယ်။ ဇာတ်လမ်းကတော့ အဖွဲ့တစ်ဖွဲ့က အသက် (၁၂) နှစ်အရွယ် ချစ်စရာ ဘဲလေးအကမယ်တစ်ယောက်ကို ပြန်ပေးဆွဲဖမ်းခေါ်သွားရာကနေ ကြုံတွေ့လာရတဲ့ အန္တရာယ်တွေအကြောင်း ရိုက်ကူးတင်ဆက်ထားတာပါ။ ဇာတ်လမ်းအစမှာတော့ သီချင်းလေးနဲ့အတူ လှလှပပ က‌နေတဲ့ ကလေးမလေး **အက်ဘီဂေးလ်** ကို တွေ့မြင်ရမှာပါ။ မကြာခင်မှာပဲ ဖရန့်ခ် ဦးဆောင်တဲ့အဖွဲ့ကနေ သူ့ကို မေ့ဆေးထိုးပြီး ပြန်ပေးဆွဲ ဖမ်းခေါ်သွားပါတယ်။ အဲဒီကနေ သူတို့ရဲ့ခေါင်းဆောင်ရှိရာ ခဏတာ ပုန်းအောင်းမဲ့ အိမ်ကြီးတစ်အိမ်ဆီကို ရောက်သွားတဲ့အခါမှာတော့ ကောင်မလေးကို သီးသန့်အခန်းတစ်ခုမှာထားပြီး သူ့အဖေကို ငွေလှမ်းတောင်းဖို့ လုပ်ကြပါတယ်။ အဲဒီကနေတစ်ဆင့် ကောင်မလေးအဖေရဲ့နာမည်က ပုံပြင်တွေထဲက သွေးစုပ်ဖုတ်ကောင်ရဲ့နာမည်နဲ့တူနေမှန်း သိသွားတဲ့အခါမှာတော့ မယုံတဲ့သူရှိသလို ယုံတဲ့သူကလည်း ကြောက်လန့်ပြီး အဖွဲ့ထဲမှာ စိတ်ဝမ်းကွဲကုန်ပါတော့တယ်။ နောက်တော့ အဖွဲ့သားတွေ သေကုန်ရာကနေစလို့ သူတို့ဖမ်းခေါ်လာတဲ့ကောင်မလေးက တကယ့် သွေးစုပ်ဖုတ်ကောင် ဖြစ်နေမှန်းပါ သိသွားကြတဲ့ အခါမှာတော့.... ဖရန့်ခ်တို့အဖွဲ့က အိမ်ကြီးထဲမှာ သွေးစုပ်ဖုတ်ကောင်ရဲ့ရန်ကနေ ဘယ်လိုရှင်သန်အောင် နေကြမလဲ.. အဲဒီအိမ်ကြီးထဲကနေရာ လွတ်အောင် ဘယ်လိုလုပ်ကြမလဲ... သူတို့ကို ဒီအိမ်ကြီးထဲရောက်လာအောင် လုပ်ခဲ့တဲ့သ