လူကြည့်များသော ရုပ်ရှင်များ

ဒီတစ်ခေါက်တင်ဆက်ပေးချင်တဲ့ ဇာတ်ကားလေးကတော့ Reborn (2018)ဆိုတဲ့ hacking နှင့် အနာဂတ်နည်းပညာတွေကို ပေါင်းစပ်ထားတဲ့ဇာတ်ကားလေးတစ်ကားပဲဖြစ်ပါတယ်။ ဒီဇာတ်ကားလေးဟာ လူတွေရဲ့နောက်ကွယ်မှာရှိတဲ့ အန္တရာယ်တွေ လူ့စိတ်နဲ့ AI ကြားက ကွာခြားမှုတွေကို တွေးတောမိစေနိုင်တဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားလေးကို ဒါရိုက်တာ Li Hailongရိုက်ကူးထားပြီး အဓိကသရုပ်ဆောင်မျာအဖြစ် Geng Han, Rhydian Vaughan, Yuan Liနှင့် ဂျပန်သရုပ်ဆောင် မင်းသား Tomohisa Yamashitaတို့ကပါဝင်ရိုက်ကူးထားတာပဲဖြစ်ပါတယ်။ ဇာတ်လမ်းအကျဉ်း အချိန်နဲ့အမျှနည်းပညာတိုးတက်ထွန်းကားနေတဲ့ခေတ်ကြီးထဲမှာ လူတွေဟာအမျိုးမျိုးတီထွင်လာကြပါတယ်..ခေတ်မီကောင်းမွန်တဲ့ နည်းပညာတွေဟာ ‌လူကောင်းတွေရဲ့လက်ထဲကိုရောက်သွားရင် ကမ္ဘာကြီးအတွက် အကျိုးရှိနိူင်သလောက် မကောင်းတဲ့လူတွေရဲ့လက်ထဲရောက်ရှိသွားရင်တော့ ကမ္ဘာကြီးအတွက်ဘေးအန္တရာယ်ဆိုးတွေသယ်ဆောင်လာနိူင်ပါတယ်။ ဒီဇာတ်ကားက နည်းပညာနဲ့ ရာဇဝတ်မှုတွေ ပေါင်းစပ်ထားတဲ့ စိတ်ဝင်စားစရာ ဇာတ်ကားတစ်ကားဖြစ်ပါတယ်။ ဒီဇာတ်လမ်းလေးထဲမှာတော့ ဟက်ကာနည်းပညာမှာကျွမ်းကျင်လွန်းတာကြောင့် ကပ္ပတိန်ချွမ်ကျန်းလို့ နာမည်ပြောင်ရရှိထားတဲ့ လီဟောက်မင်းဆိုတဲ့ ကောင်လေးတစ်ယောက်ဟာရာဇဝတ်မှုတွေကို ဖော်ထုတ်ဖို့ ရဲတပ်ဖွဲ့ထဲကို လျှို့ဝှက်ဝင်ရောက်လုပ်ကိုင်ရတဲ့ သူတစ်ယောက်ဖြစ်ပါတယ်။ သူနဲ့အတူ ဒိတ်ဒိတ်ကြဲဟက်ကာတစ်ယောက်ဖြစ်တဲ့ မြင်းကျား‌လို့ နာမည်ဝှက်ရထားတဲ့ ခ

အမေတစ်ယောက်တည်းနဲ့ကြီးပြင်းလာတဲ့ လယ်သမားမိသားစုက ကောင်မလေးအိုဒက်ဆာက ဂီတကိုမြတ်နိုးပြီး ကမ္ဘာအနှံ့လှည့်လည်ချင်တဲ့အိမ်မက်က ငယ်ငယ်ကတည်းကရှိပါတယ်၊ အဖေဖြစ်သူက ခြေသလုံးအိမ်တိုင်နဲ့ဂီတာတစ်လုံးနဲ့ ကမ္ဘာအနှံ့လျှောက်သွားပြီး ဆုံးသွားတာပါတယ်၊ အဖေ့ခြေရာနင်းချင်တဲ့သမီးလေးက အမေဖြစ်သူလည်းဆုံးရော အဖေ့အမွေပစ္စည်းဖြစ်တဲ့ ဂီတာလေးတစ်လက်နဲ့ မြို့အနှံ့လှည့်ပတ်ရင်း ထူးဆန်းပြီး အန္တရာယ်များတဲ့ ဘာသာရေးမှိုင်းတိုက်ခံထားရတဲ့မြို့တစ်မြို့ကိုရောက်တဲ့အခါမှာတော့ သူမအချစ်စစ်ကိုတွေ့သွားပြီး အဲ့မြို့ထဲမှာဘယ်လိုအန္တရာယ်တွေနဲ့ကြုံမလဲဆိုတာ ကြည့်ရမယ့် musical movie ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

Agents (2024) ကတော့ တရုတ်နိုင်ငံရဲ့ တန်ဖိုးမဖြတ်နိုင်တဲ့ ကျောက်စိမ်းရတနာတစ်ခုကို တင်ယူပို့ဆောင်နေတဲ့လမ်းမှာ ဓားပြတိုက်ခံလိုက်ရတဲ့အချိန် အစိုးရတစ်ရပ်လုံးတုန်လှုပ်သွားတဲ့ အခြေအနေရောက်သွားတယ် အဲဒါကြောင့် ကျောက်စိမ်းလုယက်မှုကိုဖော်ထုတ်ဖို့ အေးဂျင့်နှစ်ယောက်ကို တာဝန်ပေးလိုက်ပါတယ် စုံစမ်းကြည့်လိုက်တော့ ဓားပြတိုက်တဲ့သူက အကြီးစားရာဇဝတ်သားကြီးဖြစ်နေတဲ့အခါ သူတို့တွေဘယ်လိုရင်ဆိုင်ကြမလဲ ဓားပြမှုရဲ့နောက်ကွယ်က ကြိုးကိုင်သူက ဘယ်သူဖြစ်နေမလဲ အေးဂျင့်နှစ်ယောက်ကြားမှာရော ဘာတွေဆက်ဖြစ်မလဲဆိုတာကို စိတ်ဝင်စားဖို့ကောင်းစွာရိုက်ကူးထားတဲ့ ရုပ်ရှင်ပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

IMDB 8/10 အထိရရှိထားတဲ့ ဟာသဒရမ်မာ ဇာတ်ကားကောင်းတစ်ကားပဲဖြစ်ပါတယ်။ နဂါးက ဘဝကို ဆိုးမိုက်ပေတေတဲ့အခြေအနေမျိုးနဲ့ဖြတ်သန်းလာခဲ့ပြီး ကောလိပ်ကျောင်းက ထွက်ခဲ့ရတဲ့အချိန်ထိ သူ့ကိုယ်သူမပြင်မဆင်ပဲ နှစ်နှစ်လုံးလုံးအလုပ်လက်မဲ့ဘဝနဲ့ဖြတ်သန်းခဲ့ပါတယ်။ ရည်းစားဖြစ်သူက လက်ထပ်တော့မယ့်အချိန်ရောက်မှာသူအလုပ်အကိုင်မရှိ ဘွဲ့မရခဲ့တဲ့အခြေအနေကြောင့် ရည်းစားဖြစ်သူက ပြီးပြည့်စုံတဲ့ယောကျာ်းတစ်ဦးကိုရွေးချယ်သွားတယ်ဆိုတာ သိလိုက်တဲ့အချိန်မှာတော့ သူ့ကိုယ်သူရည်းစားဖြစ်သူလက်ထပ်လိုက်တဲ့သတို့သားထက်သာလွန်ပြီး ပြီးးပြည့်စုံတဲ့အခြေအနေကိုအလွယ်တကူရောက်ဖို့အတွက် ကြံစည်တဲ့အချိန်မှာတော့ ဘွဲ့မရ၊ နောက်ခံမရှိတဲ့ နဂါးတစ်ယောက်က ဘယ်လိုအလိမ်အညာတွေသုံးပြီးတော့ထိပ်ဆုံးကိုရောက်အောင်တက်လှမ်းမလဲဆိုတာကို ဟာသလေးနှောပြီးရိုက်ကူထားတဲ့ပညာပေးဒရမ်မာဇာတ်လမ်းကောင်းလေးပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ပရတ်ဘူဆိုတဲ့ကောင်လေးက အချစ်ဦးကိုမမေ့နိုင်ဘဲ အချိန်အကြာကြီးခံစားနေရတဲ့သူပါ။ ဒါပေမဲ့မိဘတွေရဲ့လှုံ့ဆော်မှုနဲ့ အတန်းဖော်သူငယ်ချင်းနဲ့ အိမ်ထောင်ပြုရတော့မယ်။ ဒါပေမဲ့အဲဒီအချိန်မှာပဲ အချစ်ဆုံးဖြစ်ခဲ့တဲ့ငယ်ချစ်ဦး နီလာက မင်္ဂလာဆောင်ကိုလှမ်းဖိတ်တယ်။ အဲဒါနဲ့ ပရတ်ဘူလည်း အချစ်ဦးကိုချစ်သေးလားသိချင်လို့ မင်္ဂလာဆောင်ကိုလိုက်သွားဖို့ဆုံးဖြတ်လိုက်တယ်။ သူတို့နှစ်ယောက်အတိတ်မှာအရမ်းချစ်ခဲ့ကြပေမဲ့ နီလာရဲ့အဖေက သူတို့နှစ်ယောက်ကိုသဘောမတူခဲ့ဘူး။ အဲဒါနဲ့ပရတ်ဘူလည်း ကြိုးစားဖို့ကြံစည်ခဲ့ပေမဲ့ ပရတ်ဘူ့အဖေကင်ဆာကြောင့် ခြောက်လပဲခံတော့မယ့်အကြောင်းသိလိုက်ရတဲ့အချိန်မှာ သူ့ရင်အကွဲခံပြီး နောက်ဆုတ်ရင်း နီလာ့ကိုထားခဲ့လိုက်ပါတယ်။ အကြောင်းမှန်တွေမသိတဲ့နီလာက ပရတ်ဘူ့ကိုစိတ်နာပြီး သူ့အဖေပေးစားတဲ့သူနဲ့ယူဖို့စီစဉ်တော့တယ်။ မင်္ဂလာဆောင်လိုက်သွားတဲ့ပရတ်ဘူတစ်ယောက် ငယ်ချစ်ဦးနီလာနဲ့ ပြန်အဆင်ပြေနိုင်မှာလား။ ဒါမှမဟုတ် အိမ်မှာစောင့်နေတဲ့ အိမ်ကပေးစားတဲ့မိန်းကလေးနဲ့ပဲအိမ်ထောင်ကျမလားဆိုတာ ဒီအချစ်ကားလေးထဲမှာ တစ်စိမ့်စိမ့်နဲ့ကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဒီဇာတ်ကားလေးကတော့ ကိုယ်ကျိုးအတွက် အောက်လမ်းပညာကို အသုံးချမိလို့ အန္တရာယ်ကြုံတွေ့ရပုံကို ဇာတ်လမ်းဆင်ရိုက်ကူးထားပါတယ်။ ၁၉၈၀ ခုနှစ်ဝန်းကျင်ကာလကို ဇာတ်အိမ်တည်ထားပါတယ်။ ငယ်စဥ်ကလေးဘဝမှာ ကျောက်ကပ်ဝေသနာခံစားနေရတဲ့ အာဒီဟာ ခွဲစိတ်ကုသမှုခံယူပြီးတဲ့နောက်မှာ သူ့ရဲ့တတိယမျက်လုံးပွင့်သွားခဲ့ပါတယ်။ အာဒီအဖေက သူ့သားအခြေအနေကို ဘာသာရေးဆရာနဲ့ပြသခဲ့ပြီး အာဒီရဲ့ဆဌမအာရုံကို အမြင်ကျဥ်းအောင် လုပ်ပေးပါ​တော့တယ်။ ဒီလိုနဲ့ အာဒီတစ်ယောက် ကောလိပ်ကျောင်းသားအရွယ်ကို ရောက်လာခဲ့ပါတယ်။ အာဒီ့မှာ ရှီဖာနဲ့အာရစ်ဆိုတဲ့ ညီမလေးနဲ့ညီလေးတစ်ယောက်ပါရှိပါတယ်။ သူတို့မိသားစုဟာ စျေးကြီးထဲက အာဒီ့အဖေရဲ့ကုန်စုံဆိုင်အလုပ်နဲ့ စားဝတ်နေရေးကို ဖြေရှင်းနေရတာပါ။ အာဒီ့အဖေဆိုင်က ရောင်းအားကောင်းပြီး စျေးဝယ်သူမပြတ်တာကြောင့် မနာလိုသူများနေခဲ့ပါတယ်၊ အကြိမ်ကြိမ်အစီအရင်တွေနဲ့ ကျိန်စာတိုက်ခံနေရပါတယ်။ တစ်နေ့မှာ အာဒီ့အဖေ ဂျစ်တိုကို ပယောဂအနှောင့်အယှက်ဝင်ပြီး အာဒီတို့မိသားစု အောက်လမ်းအတတ်နဲ့ တိုက်ခိုက်ခံခဲ့ရပါတယ်။ ဒီလိုတိုက်ခိုက်ခံရမှုကို အာဒီတစ်ယောက် သူငယ်စဥ်ကရရှိခဲ့တဲ့ ဆဌမအာရုံအကူအညီနဲ့ ကိုင်တွယ်ဖြေရှင်းရပုံကို ထိတ်လန့်ခြောက်ခြားဖွယ်ဇာတ်ဝန်းခန်းများစွာနဲ့ ကြည့်ရှုရမယ့် အင်ဒိုဟော်ရာကားလေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

IMDb 6.7 လောက် ရထားတဲ့ ဒီ Netflix Documentary ဟာဆိုရင်ဖြင့် 2011 ခုနှစ်မှာ မစ်ဆူရီ၊ ဂျော့ပလင်အထက်တန်းကျောင်းကို တိုက်ခတ်ဖျက်စီးပြီး တစ်မြို့လုံး လူ ၂၀၀ နီးပါးသေဆုံးစေခဲ့တဲ့ လေဆင်နှာမောင်းအကြောင်းဖြစ်ပါတယ်။ ဂျော့ပလင်မှာက တစ်နှစ်တစ်ခါ မုန်တိုင်းအချက်ပေးသံကြီးက မြည်နေကျမို့ တစ်မြို့လုံးကလူတွေရဲ့ အတွေးမှာ “ဪ လေဆင်နှာမောင်းလား အင်း... လေဆင်နှာမောင်းဆိုတာ လယ်ကွင်းထဲမှာလွှတ်ထားတဲ့ နွား သုံးလေးကောင်လောက်ကို ဆွဲသွားတတ်တဲ့ လေပွေကြီးပေါ့” ဆိုတဲ့ အတွေးကဝင်နေပြီးဖြစ်တယ်။ ဒီတော့ မိုးလေဝသသတင်းဌာနတွေက အဲ့နေ့မှာ လေဆင်နှာမောင်းတိုက်ခတ်မယ်လို့ ကြေညာချက်ထုတ်ပေမယ့်လည်း ကျောင်းရဲ့ နောက်ဆုံးဘွဲ့အခမ်းအနားဖြစ်တာကြောင့် အစီအစဉ်ကို မဖျက်ဘဲ ဆက်လက်လုပ်ဆောင်ခဲ့ကြတယ်။ ဒါပေမဲ့ သူတို့အတွေးနဲ့ တက်တက်စင်အောင် လွဲရလောက်အောင် လေဆင်နှာမောင်းက အင်အားကောင်းနေတဲ့အခါ....။ ဒီအကြောင်းကို 2014 ခုနှစ်မှာ ထွက်ရှိခဲ့တဲ့ Into the Storm ဆိုတဲ့ ရုပ်ရှင်ဇာတ်ကားထဲမှာ တစိတ်တပိုင်း ရိုက်ကူးဖော်ပြခဲ့ဖူးတယ်။ လေဆင်နှာမောင်းက အထက်တန်းကျောင်းကြီးကို ဖျက်စီးသွားပုံတွေ၊ လူတွေ လေဆင်နှာမောင်းရဲ့ ဗဟိုချက်ကိုရောက်သွားပုံတွေနဲ့ ဒရမ်မာလေး နည်းနည်းရောနှောထားတာပေါ့။ ဒီရုပ်ရှင်ကိုလည်း M-Sub မှာတင်ထားပြီးဖြစ်လို့ နှိုင်းယှဉ်ကြည့်ကြည့်လို့ ရပါတယ်။ အညွှန်းနဲ့ ဘာသာပြန်ကတော့ LYKZ ဖြစ်ပါတယ်။

ဒီတစ်ခါမှာတော့ IMDb Rate 6.9ရရှိထားပြီး BLလောကကို အပီအပြင် ထင်ဟပ်စေတဲ့ ရုပ်ရှင်တစ်ကားနဲ့ မိတ်ဆက်ပေးပါရစေ။ BLဇာတ်ကားကို အတူတွဲရိုက်ကြတဲ့ မင်းသားအချင်းချင်း အပြင်မှာ တကယ် ကြိုက်သွားနိုင်လား၊ ကြိုက်နေပြီလားဆိုတဲ့ အတွေးမျိုး BLပရိတ်သတ်တွေတော်တော်များများ တွေးဖူးကြမှာပေါ့။ အီဂျယ်ဟာ(Park Sung Woong)ဟာ စိတ်နှစ်ပြီး သေချာသရုပ်ဆောင်တတ်တဲ့ ပြည်သူ့အချစ်တော် မင်းသားဖြစ်ပြီး ယောင်းဝူ(Oh Seung Hoon)ကတော့ နာမည်ကြီးအိုင်ဒေါအဖွဲ့ P2Sရဲ့Main Rapperတဖြစ်လဲ သရုပ်ဆောင်ပေါက်စလေးပေါ့။ သူတို့က Unchainဆိုတဲ့ BLပြဇာတ်တစ်ခုကို အတူတွဲသရုပ်ဆောင်ဖို့ ကံပါလာပြီး တစ်ယောက်အပေါ်တစ်ယောက် စီနီယာ၊ ဂျူနီယာ ဆက်ဆံရေးကနေတစ်ဆင့် ၁၅၀၀ ချစ်ခြင်း လွှမ်းတဲ့ သံယောဇဥ်နှောင်ကြိုးလေး သွယ်မိသွားပါလေရော။ အပြင်လောကရဲ့အချို့သော BLမင်းသားများလိုပဲ အီဂျယ့်ဟာမှာ ဟီးဝန်း(Yoon Seung Ah)ဆိုတဲ့ ချစ်သူကောင်မလေးရှိတာကတော့ ယောင်းဝူအတွက် ရင်နာစရာပေါ့။ "လောကကြီးမှာ အချစ်ဆိုတာ ပမာဏနည်းတယ်" ဆိုပြီး ယောင်းဝူရဲ့ဇာတ်ကောင် စင်ဂါ ပြောသလိုပဲ ယောင်းဝူတစ်ယောက် အဲဒီပမာဏနည်းတဲ့ အချစ်ကို နောက်ဆုံးမှာ ပိုင်ဆိုင်နိုင်မှာလား၊ ဒါမှမဟုတ် ချစ်ရသူ အီဂျယ်ဟာတစ်ယောက် သူ့ချစ်သူကောင်မလေးဆီကိုပဲ စိတ်ပြန်လည်သွားမှာလားဆိုတာကို သိချင်တယ်ဆိုရင်တော့ Methodဆိုတဲ့ ဒီဇာတ်ကားလေးကို ကြည့်ကြည့်ဖို့ ညွှန်းလိုက်ပါရစေရှင်။ ဘာသာပြန်နှင့် အညွှန်းတင်ဆက်သူ - ခန့်ကြော့ဇင်

တရားမ၀င်ဥပဒေမဲ့ငါးမန်းဖမ်းသူများအဖွဲ့က ငါးမန်းဖမ်းဖို့ ကြိုးစားရာမှဧရာမငါးမန်းကြီးနဲ့ တွေ့ပြီး စက်လှေပေါ်ရှိလူအကုန်‌သေဆုံးသွားကြပါတယ်။ အဲဒီအချိန်မှာ ကျောင်းပြီးတာသုံးနှစ်ပြည့်အထိမ်းအမှတ်အနေနဲ့ အပျော်ခရီးထွက်လာကြတဲ့ သူငယ်ချင်းတစ်စုရဲ့အပျော်စီးသင်္ဘောဟာ လမ်းကြောင်းမှားပြီး ပင်လယ်ပြင်ရဲ့ နက်ရှိုင်းတဲ့နေရာကိုရောက်ရှိလာခဲ့ပါတယ်။ဒီလိုနဲ့ အပျော်ခရီးထွက်လာကြတဲ့ သူငယ်ချင်းတစ်စုဟာ မထင်မှတ်ထားတဲ့ ဧရာမငါးမန်းကြီးနဲ့တွေ့ကြုံပြီး တိုက်ခိုက်ခံရတဲ့အခါတော့ နောက်ဆုံးမှာ သူတို့အားလုံး အသက်ရှင်လျက်ပြန်နိုင်ပါ့မလားဆိုတာ ကြည့်ရှု့ကြရအောင်နော်... အညွှန်းနဲ့ ဘာသာပြန်သူကတော့ NayChii ဖြစ်ပါတယ်။

မ​ကောင်းမှုမှန်သမျှ မလုပ်​တော့ဘဲ ရိုးသား ​ဖြောင့်မတ်စွာ ​နေထိုင်​တော့မယ့် သူအတွက် ကံတရားက သူ့ဘက် ပါနိုင်မလား။ တစ်ခါတုန်းက ပြစ်မှု ကျူးလွန်မိပြီး ​ထောင်ချခံရလို့ ပြန်လွတ်လာတဲ့ ယူဟာကို သူ့မိတ်​ဆွေ တစ်​ယောက်က အလုပ် လာကမ်းလှမ်းခဲ့ပါတယ်။ သူ​ပြောတဲ့ အလုပ်က ကလပ်မှာ လုံခြုံ​ရေးအ​စောင့် လုပ်ခိုင်းတာပါ။ ဘာမ​ကောင်းတာမှ မလုပ်ရတဲ့ပုံ​ ပေါ်တာမို့ သူလည်း လွယ်လွယ်နဲ့ အလုပ်ကို လက်ခံလိုက်ပါတယ်။ ဖြစ်ချင်​တော့ သူ သွားရတဲ့ ​​နေရာက ​မှောင်ခို အ​ရောင်းအဝယ် လုပ်ငန်း ဖြစ်​နေပါတယ်။ သူ အလုပ်စဆင်းတဲ့ ပထမ​နေ့မှာပဲ ကံဆိုးချင်​တော့ လူသတ်သမား အုပ်စု ​ရောက်ချလာပြီး ဝင်​ရောက်စီးနင်းပါ​တော့တယ်။ လူဆိုးဂိုဏ်း နှစ်ဖွဲ့ရဲ့ ရက်ရက်စက်စက် ​ချေမှုန်းကြတဲ့ ပွဲမှာ ​ချောင်ပိတ်မိသွား​တဲ့အခါ ယူဟာ တစ်​ယောက် ဘယ်ဘက် လိုက်မလဲ။ သူ့အတွက် လွတ်လမ်း​ကော ရှိမလားဆိုတာ ရင်ခုန်စွာ ​ကြည့်ရှုရမှာပါ။ ​သွေးသံ တရဲရဲ သတ်ဖြတ်တဲ့ ဇာတ်ကွက်​တွေ ပါဝင်ပြီး ကွက်ကွက်ကွင်းကွင်း မြင်​အောင် ရိုက်ကူးထားတာမို့ စိတ်ခိုင်သူ​တွေသာ ကြည့်ရှုဖို့ အကြံ​ပြုပါရ​စေ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Poe Yin Thar ဖြစ်ပါတယ်

ဖရတ်ဆိုတဲ့ ကောင်လေးတစ်ယောက်က ဘဝမှာ အလေးနက်ထားတာလည်း ဘာတစ်ခုမှမရှိ၊ အလုပ်လည်းမယ်မယ်ရရမလုပ်၊ ကြီးကောင်ကြီးမားနဲ့ မိဘအိမ်မှာပဲ ကပ်စားနေဆဲမလို့ အဖေဖြစ်သူက စိတ်ကုန်လာလို့ အိမ်ပေါ်ကနေ ကန်ချလိုက်တဲ့နေ့ .... အီစတာဘန်နီ ဖြစ်လာမယ့် ယုန်လေးကို ကားနဲ့ တိုက်မိပါတော့တယ်။ ဖြစ်ချင်တော့ အီစတာဘန်နီလေးကလည်း ဖခင်ဖြစ်စေချင်တဲ့အတိုင်း အီစတာဘန်နီတာဝန်ကိုမယူချင်ဘဲ ဒရမ်သမားပဲ ဖြစ်ချင်တယ်ဆိုပြီး အိမ်ပေါ်က ဆင်းလာသူ .... အိမ်ပေါ်ကမောင်းချခံရသူနဲ့ အိမ်ပေါ်ကဆင်းလာသူ ..... သူတို့နှစ်ယောက် တစ်ယောက်အပေါ်တစ်ယောက်မှီခိုရင်း ဘယ်လို အခက်အခဲတွေကို ရင်ဆိုင်ကျော်ဖြတ်ကြမလဲ ဘယ်လိုမျိုးရင့်ကျက်လာကြမလဲဆိုတာကို ရယ်မောဖွယ် မြင်တွေ့ရမှာ ဖြစ်ပါတယ်။ (အညွှန်းနဲ့ ဘာသာပြန်ကတော့ LYKZ ဖြစ်ပါတယ်။)

ဒီတစ်ခါမှာတော့ ပေါ့ပေါ့ပါးပါးလူငယ်အချစ်ကားလေးတွေ ရှာနေတဲ့ပရိတ်သတ်ကြီးကို ညွှန်းပေးချင်ပါတယ် 2025မှာအသစ်ထွက်ရှိထားတဲ့ "Naddaniyan " ဆိုတဲ့ဇာတ်ကားလေးပါ ဒါလေးက Ibrahim Ali Khanနဲ့ Khushi Kapoor တို့ရဲ့ပွဲဦးထွက်ဇာတ်ကားလေးမို့ ပရိတ်သတ်တော်တော်များများစိတ်ဝင်တစားစောင့်ဆိုင်းခဲ့ကြပါတယ် ဇာတ်လမ်းလေးကတော့ လူကုန်ထံအသိုင်းအဝိုင်းက ထိပ်တန်းကလေးတွေတက်ရောက်တဲ့ ကျောင်းတစ်ခုကိုမူတည်ရိုက်ကူးထားတာပါ လူငယ်တစ်ယောက်ရဲ့အတွေ့အကြံ၊ သဘာဝတွေကိုလန်းဆန်းတက်ကြွစရာမြင်ရမယ့်အပြင် အရွယ်ရောက်ချိန်မှာတွေ့ကြံရတဲ့ပြဿနာတွေကို ဘယ်လိုရင်ဆိုင်သွားမလဲဆိုတာ ကြည့်ရှုရမှာပါ Uni Life ကိုအခြေခံထားတဲ့ Youthful Rom-Com ဇာတ်ကားလေးတစ်ပုဒ်ဖြစ်တာမို့ အပန်းပြေကြည့်ရှုဖို့အကောင်းဆုံးပါပဲ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

Royal ဆိုတဲ့အိန္ဒိယဇာတ်ကားကြီးကတော့ လွန်ခဲ့တဲ့နှစ်ပတ်လောက်ကမှာ အသစ်စက်စက်ထွက်ရှိထားပြီး ကြည့်ရှုသူ ၉၅ ရာခိုင်နှုန်းလောက်က သဘောကျနှစ်သက်ကြတဲ့ အိန္ဒိယဒရမ်မာအက်ရှင် ဇာတ်ကားပဲဖြစ်ပါတယ်။ ကံကြမ္မာတွေကိုမယုံကြည်တတ်တဲ့ဆန်ဂျာနာတစ်ယောက် သူငယ်ချင်းဖြစ်သူနဲ့အတူတူ လက္ခဏာသွားဖတ်ကြတဲ့အခါမှာ ရှေ့ဖြစ်ဟောဆရာမရဲ့ဟောပြောချက်တွေက ခန့်မှန်းချက်တွေပဲဖြစ်မယ်လို့ဝေဖန်လိုက်ပါတယ်။ ရှေ့ဖြစ်ဟောဆရာမက ဆန်ဂျာနာအတွက် တားရော့သုံးချပ်ချပေးလိုက်ပြီး အဲဒီအတိုင်းဖြစ်လာလိမ့်မယ် ဖြစ်မလာဘူးဆိုရင် သူ့ရဲ့ ပညာကိုလုံးဝ စွန့်လွှတ်လိုက်မယ်လို့စိန်ခေါ်ခဲ့ပါတယ်။ ရှေ့ဖြစ်‌ဟောဆရာမရဲ့ ဟောပြောချက်ထဲကအတိုင်း တားရော့ကတ်ထဲကလူကြောင့်သူမဘဝပြောင်းလဲသွားမှာလား။ သူမနဲ့ဆုံတွေ့မယ့်သူကရော ဘယ်လိုလူမျိုးဖြစ်မလဲဆိုတာကို ဇာတ်လမ်းဇာတ်အိမ်ကောင်းကောင်းနဲ့ စိတ်ဝင်စားစရာ အပြည့်တင်ဆက်ထားပါတယ်။ ဒီဇာတ်ကားကိုအညွန်းနဲဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

ဒီတစ်ခေါက်တင်ဆက်ပေးချင်တဲ့ ဇာတ်ကားလေးကတော့ "The Exorcist" (2022) ဆိုတဲ့ မိစ္ဆာနှင်ခြင်းနှင့်လူသားတွေရဲ့ အားနည်းချက်တွေအကြောင်းကို ရိုက်ကူးထားတဲ့ ဇာတ်ကားတစ်ကားဖြစ်ပါတယ်။ ဇာတ်လမ်းအကျဉ်း: ဆရာလင်းဟာ မိစ္ဆာနှင်သူတစ်ယောက်ဖြစ်ပြီး သူ့တပည့် ယိကျယ်နဲ့အတူ မိစ္ဆာတွေကို နှိမ်နင်းသူတစ်ယောက်ဖြစ်ပါတယ်။ ဆရာလင်းနဲ့ ယိကျယ်တို့ဟာ မိစ္ဆာတွေကို နှိမ်နင်းရင်း မိစ္ဆာတွေရဲ့ လှည့်စားမှုတွေ လူသားတွေရဲ့ အတ္တလောဘတွေကြောင့် ဖြစ်ပေါ်လာတဲ့ ပြဿနာတွေကိုရင်ဆိုင်ကြရပြီး သူတို့ရဲ့ စိတ်ဓာတ်နဲ့ ယုံကြည်မှုတွေကို စမ်းသပ်ခံရပါတယ်။ အဆုံးမှာတော့ ဆရာလင်းဟာ သူ့ရဲ့ တပည့်ကို ကောင်းမွန်တဲ့ မိစ္ဆာနှင်သူတစ်ယောက်အဖြစ် ပြုစုပျိုးထောင်ပြီး သူ့ရဲ့ လမ်းကြောင်းကို ဆက်လက်လျှောက်လှမ်းဖို့ အားပေးနိုင်ပါ့မလားဆိုတာ ကြည့်ရှု့ပေးပါဦးနော်။ ဒီဇာတ်ကားလေးဟာ မကောင်းဆိုးဝါးတွေနဲ့ လူသားတွေရဲ့ စိတ်နေစိတ်ထားတွေကို ရောယှက်ပြီး စိတ်ဝင်စားဖွယ်ရာရိုက်ကူးဖန်တီးထားသောဇာတ်ကားလေးပဲဖြစ်ပါတယ်။ အညွှန်းနဲ့ ဘာသာပြန်သူကတော့ NayChii ဖြစ်ပါတယ်

သဘာဝပတ်ဝန်းကျင်ကာကွယ်ရေး(အကြမ်းဖက်) တက်ကြွလှုပ်ရှားသူတွေက စွမ်းအင်ကုမ္ပဏီက ကြီးမှူးကျင်းပတဲ့ ရှယ်ယာရှင်ညစာစားပွဲကို လက်နက်တွေနဲ့ဝင်စီးပြီး စီအီးအိုတွေ ဝန်ကြီးတွေ အထက်လူကြီးတွေရဲ့ အကျင့်ပျက်ခြစားမှုတွေကို ဝန်ခံခိုင်းတာကို အဲဒီကုမ္ပဏီရဲ့ ပြတင်းပေါက်မှန်သန့်ရှင်းရေးသမားက ကယ်တင်ပေးမှာပါ။ ဂျိုဝီနဲ့မိုက်ကယ်တို့မောင်နှမဟာ ငယ်ငယ်တည်းက နှိပ်စက်ညှင်းပန်းတဲ့ဖခင်နဲ့နေခဲ့ရပြီး မောင်ဖြစ်သူ မိုက်ကယ်နှိပ်စက်ခံနေရတိုင်း ဂျိုဝီက ဘေးထွက်နေခဲ့ပါတယ်။ အရွယ်ရောက်လာတဲ့အခါ ဉာဏ်ရည်မပြည့်တဲ့ မိုက်ကယ်ကို စောင့်ရှောက်ဖို့ဖြစ်လာပါတယ်။ အဲဒီနေ့ကတော့ ကုမ္ပဏီညစာစားပွဲလုပ်တုန်း ဂျိုဝီက အချိန်ပိုဆင်းရပြီး မိုက်ကယ်ရော အတူပါလာပါတယ်။ ဒါမဲ့ activist တွေဝင်လာပြီး သူတို့အစီအစဉ်ကို အကောင်အထည်ဖော်တဲ့အချိန် နဂိုက လူမသတ်ဘဲ အပြစ်ဝန်ခံခိုင်းဖို့လုပ်ထားပေမယ့် အစွန်းရောက် လူသားရေးဆန့်ကျင်တဲ့ အကြမ်းဖက်သမားပါလာပြီး အားလုံးကို သေရွာခေါ်သွားဖို့ ကြိုးစားတဲ့အခါမှာတော့ စစ်သားဟောင်းတဖြစ်လဲ သန့်ရှင်းရေးဂျိုဝီက အဆောက်အဦးထဲက ဓားစာခံတွေနဲ့သူ့မောင်ကို ကယ်ထုတ်ဖို့ သက်စွန့်ဆံဖျားကြိုးပမ်းရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဇာတ်လမ်းအစမှာတော့ ဂျောင်ဂျီဟီးဆိုတဲ့မင်းသမီးတစ်ယောက်ကို သူ့နေအိမ်မှာပဲ သေဆုံးနေတာကိုတွေ့ရှိရလို့ ရဲတွေဘက်က ကိုယ့်ကိုယ်ကိုယ်အဆုံးစီရင်မှုအနေနဲ့ အမှုပိတ်ခဲ့ပါတယ်။ ဒါပေမဲ့ သတင်းထောက်လီဂျန်းဟိုက ဒီအမှုကိုထပ်မံတူးဆွခဲ့တဲ့အခါမှာ အမှုကိုထပ်မံကြားနာရပါတော့တယ်။ သေဆုံးမှုရဲ့နောက်ကွယ်မှာ ဘယ်လိုအကြောင်းအရာတွေရှိနေမလဲ? ဘယ်လိုအကြောင်းအရင်းတွေကြောင့် အမှုကိုမြန်မြန်ဖုံးကွယ်ခဲ့တာဖြစ်မလဲဆိုတာ.... ဒီဇာတ်လမ်းမှာတော့ ကိုယ်တွေရဲ့ ဗလကြီး မာဒုံဆော့က သေဆုံးမှုကို ပြန်လည်တူးဆွတဲ့ သတင်းထောက်အနေနဲ့ ပါဝင်ထားပြီး တခြားသရုပ်ဆောင်ကောင်းတွေလည်း ပါဝင်ထားကြပါတယ်။ ဒီကားကိုအညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဘရူနိုဆိုတဲ့လူက စိတ်ဆတ်လွယ်ပြီး ပြဿနာရှာတတ်တယ်။ သူတို့ကပင်လယ်နားမှာနေပြီးတော့ သူ့မှာအမေနဲ့ညီမလေး စတက်ဖီတို့ရှိတယ်။ သူ့ညီမအိမ်ထောင်ပြုရမယ့်အရွယ်ရောက်လာတော့ သာလာဗက်တီချီရာကျွန်းက ပုစွန်ခြံပိုင်ရှင်လူမိုက်မာရီယာနိုနဲ့အိမ်ထောင်ချပေးဖို့လုပ်တယ်။ ဒါပေမဲ့သူတို့ဓလေ့အရ မိန်းကလေးဘက်ကနေ ယောက်ျားလေးဘက်ကို အသွင်းပစ္စည်းဆိုပြီး ရွှေတွေပေးရပေမဲ့ ဘရူနိုတို့မှာပိုက်ဆံမရှိတော့ ရွှေတွေမပေးနိုင်ရင် မင်္ဂလာပွဲကဖြစ်မှာမဟုတ်ဘူး။ အဲဒီလိုမင်္ဂလာပွဲတွေမှာအသွင်းပစ္စည်းပေးဖို့ လိုအပ်တဲ့ရွှေတွေလိုက်ငှားတဲ့ အာဂျက်ရှ်ကို ဘရူနိုကဆက်သွယ်လိုက်ပြီး အသွင်းပစ္စည်းပေးဖို့ရွှေတွေငှားရင် မင်္ဂလာပွဲအပြီး လက်ဖွဲ့ငွေတွေကို အကုန်ပြန်ပေးမယ်လို့သဘောတူလိုက်တယ်။ ဒါပေမဲ့ ဘရူနိုကိုလူတွေကသဘောမကျကြတော့ မင်္ဂလာဆောင်ကိုလူသိပ်မလာလို့ ရွှေဖိုးပြန်ပေးရမယ့်လက်ဖွဲ့ငွေက မလောက်ဘူးဖြစ်နေတယ်။ စတက်ဖီ့အမေလည်း ရွှေတွေရအောင်ပြန်ပေးမယ်လို့အချိန်ဆွဲတော့ အာဂျက်ရှ်လည်းစောင့်ပေးရင်းအိပ်ပျော်သွားတယ်။ မနက်ကျ စတက်ဖီတို့လင်မယားရွှေတွေယူပြီး လစ်ပြေးသွားတယ်။ အဲဒါကိုမကျေနပ်တဲ့ အာဂျက်ရှ်ကလိုက်သွားမယ်လုပ်တော့ မာရီယာနိုကဘယ်လောက်အန္တရာယ်များပြီး သာလာဗက်တီချီရာကျွန်းကဘယ်လောက်မလုံခြုံဘူးလဲသတိပေးပေမဲ့ အာဂျက်ရှ်က သူ့ရွှေတွေပြန်ရဖို့အတွက် စွန့်စားပြီးလိုက်သွားရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

အားလုံးနဲ့ရင်းနှီးပြီးသား စွန်းဝူခုံး ဇာတ်လမ်းကို ပုံစံမျိုးနဲ့ ရှု့ထောင့်မျိုးစုံကနေ ပုံဖော်ရိုက်ကူးကြပါတယ်။ ဒီ A Chinese Odyssey ဟာဆိုရင်လည်း အားလုံးရဲ့အချစ်တော်ကြီး Stephen Chow ရဲ့ဇာတ်ကားဖြစ်တာမို့ ဟာသဆန်ဆန်ကြည့်ရမယ်ဆိုတာကတော့ ပြောပြနေစရာလိုမယ်မထင်ပါဘူး။ ဇာတ်လမ်းကို လွန်ခဲ့တဲ့နှစ် ၅၀၀ က ဝူခုံးအတွက်အသက်ပေးသွားတဲ့ ထန်စန်းကိုယ်တော်နဲ့ ဝူခုံး၀င်စားသူတို့ဟာ အရင်က လက်ငါးချောင်းတောင်လို့ ခေါ်တွင်ခဲ့တဲ့ ယခုအခေါ် မင်ယွဲ့တောင်မှာ ဆုံကြပြီး အနောက်ဘက်ကိုခရီးထွက်ကာ ကျမ်းဂန်သွားယူကြမယ်လို့ အစပြုထားပါတယ်။ မင်ယွဲ့တောင်မှာ အခြေစိုက်နေတဲ့ဓားပြဂိုဏ်းတစ်ဂိုဏ်းဆီကို ထန်စန်းကိုယ်တော်အသားကို စားချင်လို့ မိစ္ဆာတွေရောက်လာကြတယ်။ ဝူခုံး၀င်စားသူဟာ သူကိုယ်တိုင် ဘာတစ်ခုမှမသိတာကြောင့် ဘယ်လိုမျိုး အဖြေရှာမလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီကားလေးကတော့ နိုင်ငံရေးအရှုပ်အထွေးတွေကိုသဘောကျသူတွေ လက်လွှတ်မခံသင့်တဲ့ကားလေးပေါ့နော် ပီတာစိန့်ဂျွန်က နာမည်ကြီးနိုင်ငံရေးအကြံပေးတစ်ယောက်ဖြစ်ပြီး ရွေးကောက်ပွဲတွေမှာ မီဒီယာနည်းဗျူဟာတွေအသုံးပြုကာ မဲဆွယ်ပွဲတွေအနိုင်ရအောင်လုပ်ပေးတဲ့လူပါ ပီတာကအလုပ်ကိုအကောင်းဆုံးလုပ်ပေမယ့် ယုံကြည်မှု နိုင်ငံရေးလောကရှုပ်ထွေးမှုတွေနဲ့ရုန်းကန်ရတဲ့အချိန်မှာတော့... အာဏာနဲ့ပတ်သတ်တဲ့လူတွေက ဘယ်လိုကွေ့ကောက်ကြလဲဆိုတာ ဒီကားလေးမှာရိုက်ပြထားတာမလို့ နိုင်ငံရေးနဲ့မီဒီယာလွှမ်းမိုးမှုစိတ်ဝင်စားသူတွေကြည့်ရှုသင့်တဲ့ဇာတ်ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒီဇာတ်ကားကတော့ IMDb Rate 5.9 ရရှိထားပြီး မင်းသား Ju Jin Moက အဓိကပါဝင်သရုပ်ဆောင်ထားပါတယ်။ အဓိကဇာတ်ဆောင် ပန်းချီဆရာဟာ လမ်းပေါ်မှာ ကျင်လည်နေတဲ့ Street artistတစ်ယောက်ဖြစ်ပြီး သူ့ဘဝတစ်လျှောက်လုံး အနှိမ်ခံအပယ်ခံပြီး နေလာရပါတယ်။ အဖိိနှိပ်ခံရပါများလာတော့ ဇာတ်ဆောင်တစ်ယောက် အမှောင်ဘက်ခြမ်း ပေါ်လာပြီး ရန်သူတွေကို လက်စားချေပါလေရော။ ဒါပေမဲ့ သူ လက်စားချေတာဟာ စိတ်ကူးယဉ်ပဲဖြစ်နေမလား ဒါမှမဟုတ် လက်တွေ့မှာရော တကယ်ပဲ လက်စားချေလိုက်တာလားဆိုတာကတော့ သေချာ တွေးကြည့်မှပဲ သိရပါလိမ့်မယ်။ ဒီဇာတ်လမ်းရဲ့ထူးခြားချက်ကတော့ ပြန်လည်ရိုက်ကူးထားတဲ့ Retakeမရှိဘဲ တစ်ခါတည်း အပြီးရိုက်ကူးထားပြီး Low Quality နဲ့ အကြမ်းထည်ရိုက်ကူးထားတဲ့ပုံစံကို တမင်ပေါင်းစပ်ထားတဲ့ ဇာတ်ကားဖြစ်ပေမဲ့ "၂၃ ကြိမ်မြောက် မော်စကိုနိုင်ငံတကာရုပ်ရှင်ပွဲတော်"မှာတောင် ပါဝင်ခွင့်ရရှိထားပါတယ်။ ဇာတ်လမ်းကို ကြည့်လိုက်ရင်လဲ ရိုက်ကွင်းထဲ ကိုယ်တိုင် ရောက်နေသလိုလို တကယ်ပဲ ကိုယ့်ရှေ့မှာ လူသတ်မှုတွေ ဖြစ်နေသလိုလိုနဲ့ ခံစားချက်ကို တစ်မျိုးတစ်ဖုံ ဆန်းသစ်စေတဲ့အတွက် အကြိုက်ချင်းမတူနိုင်ရင်တောင် တစ်ခါလောက်တော့ ကြည့်ရှုကြည့်ဖို့ ညွှန်းပါရစေရှင်။ ဘာသာပြန်နှင့် အညွှန်းတင်ဆက်သူ - ခန့်ကြော့ဇင်

ဒီကားလေးထဲမှာတော့ ဂျူဟီဆိုတဲ့အမျိုးသမီးက လက်ထပ်ထားတဲ့အိမ်ထောင်သည်ပါမောက္ခတစ်ဦးဖြစ်ပါတယ်။တစ်ရက်မှာတော့ သူမက သူမရဲ့ခင်ပွန်းဒုန်ဟော့နဲ့ သူမရဲ့တပည့် ယွန်မီတို့ကြားက ဆက်ဆံရေးကို သိရှိသွားပြီး အတော်လေးထိတ်လန့်သွားပါနယ်။ တစ်ဖက်မှာလည်း ဂျူဟီကကလေးရအောင်လုပ်နေတဲ့သူတစ်ယောက်လည်းဖြစ်ပါတယ်။ အဲ့လိုနဲ့ ဟျူဟီက ယွန်မီနဲ့ ဒုန်ဟော့တို့ရဲ့ ဆက်ဆံရေးကို မသိဟန်ဆောင်ထားပြီး ယွန်မီကို သူ့ရဲ့အိမ်နေဖို့ ခေါ်လိုက်ပါ‌တောတယ်။ အိမ်ကြီးထဲမှာ သုံးယောက်သားနေထိုင်ရင်း ဘယ်လိုတွေဆက်ဖြစ်ကြမှာလဲ ဂျူဟီကကော ဘာတွေကိုကြံစည်နေလဲ ယွန်မီနဲ့ဒုန်ဟော့ကကော သူမသိအောင် အဲ့ဒီအိမ်ကြီးထဲမှာ နေထိုင်နိုင်ပါ့မလားဆိုတာတော့ ဒီဇာတ်လမ်းလေးထဲမှာ ကြည့်ရှုလိုက်ကြပါဦးနော်။ အိမ်ထောင်ရေးကားဖြစ်တဲ့အပြင် 18+ အနည်းငယ်ပါရှိတာကြောင့် အသက်မပြည့်သေးဘူးများ ကြည့်ရှုရန် မသင့်တော်ပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ KZYL ဖြစ်ပါတယ်

ဒီဇာတ်ကားလေးကတော့ အင်ဒိုနီးရှားဟော်ရာကားလေး ဖြစ်ပါတယ်။ ဝမ်နင်းလို့ခေါ်တဲ့အမျိုးသမီးဟာ ဆိုင်ကယ်မတော်တဆမှုနဲ့ မိခင်ဖြစ်သူကို ဆုံးရှုံးလိုက်ရပြီး သမီးလေးပါ ထူးဆန်းစွာပျောက်ဆုံးသွားခဲ့ရသူပါ။ ယောက်ျားဖြစ်သူရဲ့ မကြင်နာမှုတွေနဲ့လောကဓံကို ကြံ့ကြံ့ခံရင်း ဘဝအမောတွေကို ကိုင်တွယ်ဖြေရှင်းရပုံ၊ ပျောက်ဆုံးနေတဲ့သမီးဖြစ်သူကို ကြိုးစားရှာဖွေရပုံကို စိတ်ခြောက်ခြားဖွယ်ဇာတ်ကွက်များနဲ့အတူ ခံစားကြည့်ရှုရမယ့် အင်ဒိုဟော်ရာကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ဒီတစ်ခေါက်မှာတော့ မင်းသားကြီး Ajay Devgn ရဲ့ဇာတ်ကားသစ်နဲ့ မိတ်ဆက်ပေးပါရစေ 2025 နှစ်အစပိုင်းမှာထွက်ရှိထားပြီး သူရဲကောင်းပုံပြင်ဇာတ်လမ်းမျိုးဖြစ်တာကြောင့် Family Movie time အတွက်အသင့်တော်ဆုံးဖြစ်မှာပါ ဗြိတိသျှတွေစိုးမိုးထားတဲ့ အိန္ဒိယရွာငယ်တစ်ရွာမှာ "ဂိုဗင်" ဆိုတဲ့လူငယ်လေးတစ်‌ယောက်ရှိပါတယ် ငယ်စဥ်ကတည်းက မြင်းတွေကိုအရမ်းနှစ်သက်ပေမဲ့ အဆင့်အတန်းသတ်မှတ်ချက်တွေကြောင့် မြင်းစီးခွင့်မရှိခဲ့ပါဘူး ဂိုဗင်ရဲ့အိပ်မက်ကတော့ ခံ့ညားတဲ့မြင်းတစ်ကောင်ပိုင်ဆိုင်ဖို့ပါ သူ့အိပ်မက်တွေပြည့်ဝမှာလား ? ဖိနှိပ်ချုပ်ချယ်မှုတွေအောက်မှာ ဂိုဗင်တစ်ယောက် မြင်းစီးသူရဲကောင်းလေးအဖြစ် ဘယ်လိုပြောင်းလဲသွားမှာလဲ ? အချစ်၊ အမုန်း၊ အက်ရှင်ရသတွေအပြင် တိလေးတွေရဲ့သစ္စာရှိမှုနဲ့ ချစ်စရာအမူအရာတွေပါမြင်တွေ့ရမှာမို့ အပမ်းပြေကြည့်ရှုသင့်တဲ့ Action-Comedy ကားလေးအဖြစ် ညွှန်းပေးလိုက်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီတစ်ခေါက် တင်ဆက်ပေးမယ့်ဇာတ်ကားလေးကတော့ Stephen Chow ရဲ့ ထင်ရှားတဲ့ ဇာတ်ကားတွေထဲက တစ်ကားဖြစ်ပြီး သူ့ရဲ့ ထူးခြားတဲ့ ဟာသဉာဏ်နဲ့ သရုပ်ဆောင်မှုတွေကြောင့် လူကြိုက်များခဲ့တဲ့ My Hero(1990) ဆိုတဲ့ဇာတ်ကားလေးပဲ ဖြစ်ပါတယ်။ ဇာတ်လမ်းအကျဉ်း Stephen Chow ဟာ သာမန်စားပွဲထိုးတစ်ယောက် ဖြစ်ပြီး မတော်တဆနဲ့ ထူးဆန်းတဲ့ ဖြစ်ရပ်တွေထဲ ပါဝင်သွားခဲ့ရပြီး သူ့ရဲ့ ဘဝကို ပြောင်းလဲစေမယ့် ဖြစ်ရပ်တစ်ခုနဲ့ ရင်ဆိုင်ရပါတယ်။ သူဟာ မတော်တဆနဲ့ လူသတ်မှုတစ်ခုကို မြင်တွေ့သွားတာကြောင့် သူ့ကို သတ်ဖြတ်ဖို့ ကြိုးစားတဲ့ လူဆိုးဂိုဏ်းတစ်ခုရဲ့ အန္တရာယ်ကို ရင်ဆိုင်ရပါတယ်။ ဒီလိုနဲ့ သူဟာ သူ့ကိုယ်သူ ကယ်တင်ဖို့နဲ့ သူ့ဘဝကို ပြန်လည်ထိန်းချုပ်ဖို့ ကြိုးစားရင်း မူးယစ်ကုန်သွယ်ဂိုဏ်းတစ်ခုထဲကို ရောက်ရှိသွားပြီး စိတ်လှုတ်ရှားဖွယ်အလှည့်အပြောင်းတွေနဲ့ ကြုံတွေ့ခဲ့ရပါတော့တယ် Stephen Chow ရဲ့ ထူးခြားတဲ့ ဟာသဉာဏ်နဲ့ သရုပ်ဆောင်မှုတွေဟာ ဒီဇာတ်ကားကို စိတ်ဝင်စားဖွယ်ဖြစ်စေပြီး ဇာတ်ကားတစ်လျှောက်လုံး ရယ်မောစရာနဲ့ စိတ်လှုပ်ရှားဖွယ်ရာတွေကို ရောစပ်ထားတာကြောင့် စိတ်ဝင်စားစဖွယ် ကြည့်ရှု့ရမယ့် ဇာတ်ကားတစ်ကားပဲ ဖြစ်ပါတယ်။My Hero 1990 ဟာ Stephen Chow ရဲ့ ထူးခြားတဲ့ ဟာသစရိုက်နဲ့ ဇာတ်ကားဖန်တီးမှုတွေကို ခံစားစေနိူင်တဲ့ ဇာတ်ကားကောင်းတစ်ကားဖြစ်ပါတယ်။ အညွှန်းနဲ့ ဘာသာပြန်သူကတော့ NayChii ဖြစ်ပါတယ်။