လူကြည့်များသော ရုပ်ရှင်များ

ဇာတ်လမ်းအညွှန်းလေးကတော့ ငါးတန်းကတည်းက ဗိုလ်လောင်းသင်တန်းကျောင်းကို ကွင်းဆင်းလေ့လာရေးသွားရပြီးဗိုလ်လောင်းတွေရဲ့ စစ်ချီသံ…ယူနီဖောင်း…ရိုင်ဖယ်နဲ့ကိုယ်နေဟန်ထားတွေကိုကြည့်ပြီး စစ်သားတစ်ယောက်ဖြစ်ဖို့ ဆုံးဖြတ်ခဲ့သူတစ်ယောက်ဖြစ်တဲ့မူကွန်၊မိခင်ကြီး အတန်တန်တားနေတဲ့ကြားက ချစ်သူလေးရဲ့ အားပေးမှုနဲ့အတူ လက်ရွေးစင်တပ်ဖွဲ့ထဲဝင်ဖို့ ကြိုးစားခဲ့တဲ့ မူကွန်၊ချစ်ရတဲ့သမီးနဲ့မိန်းမ၊ မိသားစုကိုပစ်ထားခဲ့ပြီး တပ်ခွဲမှူးအသစ်အနေနဲ့ နယ်စပ်အနီးတစ်နေရာမှာ တာဝန်ကျချိန် လွှတ်တော်ကိုအကြမ်းဖက်တိုက်ခိုက်မှုနဲ့ အကြမ်းဖက်သမားတစ်ယောက်ကို သေဒဏ်ပေးပြီးတဲ့နောက်အကြမ်းဖက်သမားတွေဘက်က တိုက်ခိုက်မှုတွေ ပိုမိုဆိုးရွားလာတဲ့အခါမှာတော့… ဘယ်လိုတွေ ဆက်ဖြစ်မလဲဆိုလဲ ဇာတ်လမ်းလေးထဲမှာ ကြည့်လိုက်ပါရှင့် ဒီဇာတ်ကားကိုအညွန်းနဲ့ဘာသာပြန်ပေးသူကတော့ M-Sub Movie Team မှဖြစ်ပါတယ်

နာမည်ကျော်မင်းသမီးဘိုင်ဖန်းရဲ့ တစ်ချိန်က အတော်ရယ်ရတဲ့ဇာတ်ကားလေးဖြစ်တဲ့ Cat a wabb 2015 ဟာသတွေခပ်များများနဲ့ ဘဝအမောတွေပြေစေမယ့် ရုပ်ရှင်လေးဖြစ်လို့ ခုပဲလက်မနှေး ရှုစားကြပါဦးစို့။ မေယိုဆိုတဲ့ ကပိုကရိုလုပ်တတ်တဲ့ ကောင်မလေးတစ်ယောက် ဆာတီစတူဒီယိုမှာ အလုပ်သင်လာလုပ်ရင်း ခပ်ချောချော လက်ထောက်ဒါရိုက်တာဖြစ်တဲ့ အစ်ကိုမော်ကို ကြိတ်ခရက်ရှ်နေလေရဲ့။ ဒါပေမဲ့ ကံဇာတာတက်ချင်တော့ မော်တို့စတူဒီယိုကို ကြော်ငြာလာအပ်တာက ကြောင်နဲ့ရိုက်ရတဲ့ကြော်ငြာဖြစ်ပြီး ဒါရိုက်တာက ကြောင်အကြောက်လွန်ရောဂါရှိနေတော့ မော်အတွက်လည်း ရာထူးတက်ဖို့အခွင့်ရေးရ၊ သူတို့ကြားမှာလည်း ပိုနီးစပ်ဖို့ဖြစ်လာတဲ့အခါ ဘာတွေဆင်ဖြစ်မလဲဆိုတာ ရှုစားရအောင်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Saturn ဖြစ်ပါတယ်

Exumaလို ရုပ်ရှင်ပုံစံဆန်း‌ဆန်းမျိုးကိုမှသဘောကျတဲ့ပရိသတ်တို့အတွက် The Sin ဆိုတဲ့ရုပ်ရှင်လေးကအကြိုက်တွေ့စေမှာပါ။ ရှီယောင်းဆိုတဲ့အကမေဂျာ ကျောင်းသူတစ်ယောက်ဟာ အကရုပ်ရှင်ပရောဂျက်တစ်ခုအတွက်ကမ်းလှမ်းခံရပြီး မြို့နဲ့ဝေးတဲ့ကျောင်းပျက်ကြီးတစ်ခုကိုရောက်လာခဲ့ရာကဇာတ်လမ်းစခဲ့ပါတယ်။ စရောက်ရောက်ချင်းမှာပဲထူးဆန်းနေခဲ့ပြီး တက္ကသိုလ်ကအတန်းဖော်တစ်ယောက်နဲ့လည်းအတူသရုပ်ဆောင်ဖို့ဖြစ်လာခဲ့တယ်။ဒါ့အပြင်ပြဿနာက သူမအပါအဝင်ရိုက်ကူးရေးအဖွဲ့သားတွေအားလုံး ဒါရိုက်တာကြီးဘာတွေလုပ်နေလဲဆိုတာမသိခဲ့သလို ပဟေဠိဖြစ်စရာ‌တွေများခဲ့ရာက တစ်နေ့မှာတော့ ငါးထပ်တိုက်ခေါင်မိုးထပ်ရိုက်ကွင်းကနေ ထုတ်လုပ်ရေးအဖွဲ့ကတစ်ယောက်ခုန်ချပြီးသေဆုံးရာက ပြန်အသက်ပြန်ဝင်လာကာ ‌ဗြောင်းဆန်မှုတွေစတင်ခဲ့ပါတော့တယ်။ ပုံမှန်ဇွန်ဘီဇာတ်လမ်းတွေနဲ့မတူဘဲ ‌အောက်လမ်း၊ဝိညာဉ်၊ကျင့်စဉ်စတာတွေနဲ့ ပတ်သက်ပြီးအလေးပေးရိုက်ကူးထားရင်း "မုန်းတီးခြင်းကနေပေါ်ပေါက်လာတဲ့နတ်ဆိုးဝိညာဥ်ကို ဒီလောကကြီးရဲ့အင်အားနဲ့လုံးဝမသတ်နိုင်ပါဘူး"ဆိုတဲ့အတိုင်း နာကျင်မှုကနေပေါက်ဖွားလာတဲ့အမုန်းအာဃာတတွေကဘယ်လောက်အတိုင်းအတာအထိကြီးထွားလောင်မြိုက်လာခဲ့မလဲဆိုတာကို plot twist များနဲ့ ရင်ခုန်စိတ်လှုပ်ရှားဖွယ်ရာကြည့်ရှုဖို့ M-Sub Movie ကနေတင်ဆက်ပေးလိုက်ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hnin Yee ဖြစ်ပါတယ်

ဒီနှစ်က အင်ဒိုhorrorတွေအပြိုင်အဆိုင်ထွက်ကြတဲ့နှစ်ပါ ရိုးရာတွေ တစ္ဆေပုံပြင်တွေကိုသုံးပြီး စိတ်ဝင်စားစရာဇာတ်လမ်းတွေ ထုတ်ပြတတ်တဲ့ အင်ဒိုကဒီတစ်ခေါက်တင်ဆက်ပေးမှာက လမ်ပြာဆိုတဲ့ သရဲကားပါဗျ စစချင်းမှာတော့ ၁၉၀၀ပြည့်နှစ် စံအိမ်ကြီးတစ်အိမ်က စပါတယ် ချမ်းသာခြင်းတွေ လှပခြင်းတွေနဲ့ ပြည့်နေတဲ့ အမျိုးသမီးလှလှလေးတစ်ယောက်ကို ခင်ပွန်းဖြစ်သူနဲ့ လူတစ်စုက မီးရှို့သတ်နေတာပါ တကယ်တော့ မိန်းမလှလေးက လမ်ပြာဝင်ပူးနေတဲ့ နတ်ဆိုတစ်ကောင်ပါ ဒါပေမယ့် သူတို့နတ်ဆိုးကို မနှိမ်နင်းနိုင်ခဲ့ပါဘူး အဲဒီခေတ်ကနေ ဒီဘက်ခေတ် ချောချောလှလှကောင်မလေး တစ်ယောက်ရဲ့ မင်္ဂလာပွဲပြင်နေတဲ့ဆီရောက်သွားပါတယ် ကဲဘာတွေဆက်ဖြစ်ကြမှာလဲ ဒီဇာတ်လမ်းက အဆုံးထိဆွဲဆောင်မှုရှိရှိလှည့်ကွက်တွေနဲ့ ရိုက်ထားပြီး စိတ်ဝင်စားစရာကောင်းတဲ့ ဇာတ်ကွက်တွေနဲ့သရဲကားကောင်းတစ်ကားပါ ရှုစားကြပါဦးဗျ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Sora ဖြစ်ပါတယ်

ဒီဇင်ဘာလရောက်ရှိလာပြီဆိုတော့ ခရစ်ယာန်ပရိသတ်တွေအတွက်ကြည့်ရှုစရာဇာတ်ကားလေးတစ်ကားကိုထပ်မံတင်ဆက်ပေးလိုက်ပါတယ်။အားလုံးပဲသိကြတဲ့အတိုင်း ဒီဇင်ဘာလဆိုတာက ယေရှုခရစ်တော်မွေးဖွားတဲ့အချိန်ကာလဖြစ်တဲ့အတွက် မယ်တော်မာရိအကြောင်းကို မာရိရဲ့ရှုထောင့်ကနေရိုက်ကူးပြီးတင်ဆက်ထားတဲ့အတွက် ဇာတ်ကားနာမည်ကတော့ Mary ပဲဖြစ်ပါတယ်။အရင်တုန်းကလည်း ယေရှုခရစ်တော်တို့ မယ်တော်မာရိတို့နဲ့ပတ်သတ်တဲ့ဇာတ်ကားတွေ Series တွေအများကြီးထွက်ရှိလာပြီးပြီဆိုပေမဲ့ ဒီကားလေးကလည်း ဖြစ်ကတတ်ဆန်းရိုက်ကူးထားတာမဟုတ်ပဲနဲ့ မယ်တော်မာရိရဲ့ဘ၀မှာကိုယ်မသိလိုက်တဲ့ တချို့အသေးစိတ်အချက်လေးတွေ ယေရှုကိုမွေးဖွားဖို့အတွက်ငယ်စဉ်ကကြီးလာသည်အထိကျော်ဖြတ်ခဲ့ရတဲ့အခက်အခဲတွေကို စိတ်ကိုဆွဲဆောင်နိုင်အောင်ရိုက်ကူးထားတာဖြစ်တဲ့အတွက် ဒီဇင်ဘာလမှာကြည့်ရှုစရာအသစ်တစ်ခုတိုးစေမဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ငယ်ငယ်က ကြည့်ခဲ့ရတဲ့ Home Alone ကားတွေထဲက စတုတ္ထမြောက်ကားလေး ဖြစ်ပါတယ်။ ခရစ္စမတ်ကာလလည်း နီးကပ်လာတာကြောင့် ဒီကားလေးကြည့်ပြီး အေးဆေး chillလို့ကောင်းတာပေါ့။ များသောအားဖြင့် Home Alone 1, 2, 3သာ အကြည့်များကြပြီး 4ကတော့ လွတ်သွားတဲ့သူတွေ ရှိနိုင်တယ်။ ရှေ့ကကားတွေနဲ့ အနည်းငယ်ကွဲလွဲတာက ဇာတ်လိုက်လေး ကယ်ဗင်မက်ကယ်လစ္စတာဟာ သူတို့မိသားစုအိမ်မှာ တစ်ယောက်တည်း ကျန်ခဲ့တာမဟုတ်ဘဲ ကြီးကျယ်ခမ်းနားလှတဲ့ မိထွေးရဲ့အိမ်ထဲမှာ နေရစ်ခဲ့ရတာဖြစ်ပါတယ်။ ဇာတ်လမ်းထဲမှာ ဖောက်ထွင်းသူခိုးကြီး မာ့ဗ်က ထောင်ကထွက်လာပြီးနောက် အဲဒီအိမ်ကြီးဆီ လာရောက်လည်ပတ်မယ့် အိမ်ရှေ့စံမင်းသားကို ပြန်ပေးဆွဲဖို့ ကြံစည်နေပါတယ်။ ဒါကို မက်ကယ်လစ္စတာက ကြားမိသွားပြီး သူတို့ရန်ကနေ ကာကွယ်ဖို့ ကြိုးစားရင်းနဲ့ အိမ်ကြီးထိခိုက်ပျက်စီးတဲ့အထိ ဖြစ်ပျက်သွားတယ်။ ဒါပေမဲ့ သူ့အဖေရော၊ မိထွေးရော၊ အိမ်အကူတွေရောက သူခိုးဝင်တယ်လို့ မယုံကြည်ဘဲ မက်ကယ်လစ္စတာ လိမ်နေတယ်လို့ပဲ ထင်ကြတယ်။ ပိုဆိုးတာက မိထွေးက သူတို့မေတ္တာရေးကို ဝင်ရောက်ဖျက်ဆီးချင်တယ်လို့ပါ ထင်လာတယ်။ ဒီတော့ ပြန်ပေးဆွဲမယ့်သူတွေကို အမိဖမ်းပြမှသာ ယုံကြည်မှုပြန်ရမှာဆိုတော့ ထောင်ချောက်တွေဆင်ပြီး ဖမ်းရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ nanda tun kyaw ဖြစ်ပါတယ်

Christmas ရာသီရဲ့ Iconic အဖြစ်ဆုံး Movie Characters တစ်ခုကိုပြောပြပါလို့ပြောလိုက်ရင် လူတော်တော်များများရဲ့ ခေါင်းထဲကိုအရင်ဆုံးရောက်လာတတ်သူကတော့ ဒီရုပ်ရှင်ကားထဲက ‘ကယ်ဗင်မက်ခ်ကယ်လစ်စတာ’ပဲ ဖြစ်ပါတယ်။ Family/ Comedy အမျိုးအစားလေးဖြစ်ပြီးတော့ IMDb 7.7 လောက်ရရှိထားတာပါ။ ဒီရုပ်ရှင်ဇာတ်ကားက မင်းသား Macaulay Culkin ကို အောင်မြင်တဲ့ ကလေးသရုပ်ဆောင်တစ်ဦးဖြစ်စေတဲ့ ဇာတ်ကားဆိုလည်း မမှားပါဘူး။ ဇာတ်လမ်းကိုတော့ - ကယ်ဗင်တို့မိသားစုက ခရစ်စမတ်မှာ ပဲရစ်ကိုအလည်အပတ်ထွက်ကြမလို့ ပြင်ဆင်နေကြပုံနဲ့ စတင်ထားပါတယ်။ မိသားစုတွေအားလုံးစုပြီး ခရီးထွက်ကြမှာဆိုတော့ သူတို့အိမ်ကြီးထဲ ကလေးတွေက အများကြီးဖြစ်နေရုံသာမက တစ်အိမ်လုံးလည်းဗြောင်းကိုဆန်နေတော့တာပေါ့။ အဲ့မှာ ကယ်ဗင်က သူ့အတွက်ညစာ ချိစ်ပီဇာကို သူ့အစ်ကိုကြီးက စားပစ်လိုက်လို့ဆိုပြီး သူ့အစ်ကိုနဲ့ ရန်ဖြစ်ရင်း အမေလုပ်သူက သူ့ကို အပြစ်ပေးတဲ့အနေနဲ့ အပေါ်ဆုံးထပ်မှာ တစ်ယောက်တည်း ပစ်ထားလိုက်ပါတယ်။ နောက်တစ်နေ့မနက် လေယာဉ်ချိန်အမီ ဝရုန်းသုန်းကားနဲ့ တစ်မိသားစုလုံး ထပြေးကြတော့ ကယ်ဗင်နဲ့ရွယ်တူ အိမ်ရှေ့ကကောင်လေးကို ကယ်ဗင်ပါလာတယ်ထင်ပြီး ပဲရစ်ကို သွားမယ့်လေယာဉ်ပေါ်ကို တက်သွားကြပါရော။ တကယ်တော့ ကယ်ဗင်က အပေါ်ဆုံးထပ်မှာ အိပ်ပျော်နေခဲ့တာပါ။ သူနိုးလာတော့ သူကျန်ခဲ့တာကို ဝမ်းနည်းရမယ့်အစား တစ်အိမ်လုံး သူစိတ်ကြိုက်ကဲလို့ရပြီဆိုပြီး အပျော်ကြီးပျော်တော့တာပေါ့။ ဒါပေမဲ့ ကယ်ဗင

လူ့အဖွဲ့အစည်းပျက်စီးသွားတဲ့ အခါမှာ လူငယ်လေးတစ်ယောက်သူ့အဖေအသတ်ခံရမှု့နဲ့ သူ့ကောင်လေးအတွက်ဆေးတွေအခိုးခံရမှု့ကို ကိုင်တွယ်ဖြေရှင်းရမဲ့ကိစ္စပဲဖြစ်ပါတယ်

ကမ္ဘာပျက်ပြီးနောက် နှစ်များစွာကြာ အဖြစ်အပျက်တွေကိုအခြေခံထားပါတယ်

အော်စကာဆု ၃ဆုရခဲ့ပြီး ၁၉၈၉ခုနှစ်မှာ ထွက်ရှိခဲ့တဲ့ သမိုင်းဝင်စစ်ကားဖြစ်ပြီးတော့ Rotten Tomatoes ၉၅ရာခိုင်နှုန်းအထိ ရှိပါတယ်။ ၁၉ရာစုနှစ်က အမေရိကန်ပြည်ထောင်စုမှ ပြည်တွင်းစစ်တစ်ခုကို အခြေခံထားပါတယ်။ သာမန်ကပ္ပတိန်ဘဝကနေ ဗိုလ်မှူးကြီးအဖြစ် ရာထူးတက်လာတဲ့ ရောဘတ်ဂိုးလ်ရှောက အမေရိကန် ပြည်ထောင်စု တပ်မတော်ကြီးရဲ့ ပထမဆုံးလူမည်းတပ်ရင်းကို အုပ်ချုပ်ကိုင်တွယ်ဖို့ တာဝန်ပေးခံရပါတယ်။ ထိုခေတ်က ကပ္ပလီလူမည်းတွေကို ကျွန်ဘဝကနေ လွှတ်ပေးဖို့ စတင်အသိအမှတ်ပြုလာကြပေမယ့် လူမျိုးရေးခွဲခြားတာတွေ နှိမ်တာတွေ များစွာရှိနေပါသေးတယ်။ လူမည်းတပ်သားတွေ ကိုယ်တိုင်က အလုပ်ကြမ်းလုပ်နေရတဲ့ စစ်မှုထမ်းဘဝကနေ အသက်စွန့်တိုက်ပွဲတွေမှာ ပါဝင်နိုင်ဖို့ ကြိုးစားကြတာတွေကို မြင်တွေ့ရမှာ ဖြစ်ပါတယ်။ ဗိုလ်မှူးကြီးက လူဖြူဆိုပေမယ့် ကရုဏာနဲ့ ဆက်ဆံပြီး ကိုယ့်တပ်သားတွေအတွက် လိုအပ်တာတွေကို ဖြည့်ဆည်းပေးတာတွေ မြင်ရတာ တကယ်ကို ပီတိဖြစ်စရာကောင်းပါတယ်။ ဘာကြောင့် ဒီစစ်ကားက အော်စကာ ၃ဆုရခဲ့လဲဆိုတာ ကိုယ်တိုင်သာ ကြည့်ရှုလိုက်ပါ။

အေးဆေးလေးအနားယူပြီးကြည့်ရှုလို့ကောင်းမဲ့ ဒုတိယကမ္ဘာစစ်နှောင်းပိုင်း ဖြစ်ရပ်မှန် မိသားစုဒရာမာဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ The Children's Train ဖြစ်ပြီး လက်ရှိ IMDb 7.1 အထိရရှိထားတဲ့အတွက်လက်လွတ်မခံကြည့်ရှုသင့်တဲ့ဇာတ်ကားကောင်းလေးတစ်ကားလို့အရင်ညွှန်းပေးလိုက်ပါရစေ။ဒီကားကိုကြည့်ပြီးရင်ထဲမှာရသပေါင်းများစွာဖြစ်လာအောင် ပေးစွမ်းနိုင်တဲ့အပြင် ရိုက်ကူးထားတဲ့ဇာတ်လမ်းဇာတ်ကွက်ကလည်းအရမ်းကောင်းတာကြောင့်ဒရာမာချစ်သူတွေအတွက်ကတော့အကြိုက်တွေ့စေမှာပဲဖြစ်ပါတယ်။အထက်မှာပြောခဲ့သလိုပဲ ဒုတိယကမ္ဘာစစ်ပွဲပြီးတာမကြာသေးတဲ့အချိန် အီတလီမှာငတ်မွတ်ခေါင်းပါးခြင်းတွေနဲ့ကြုံတွေ့နေရပြီး ခက်ခဲကြပ်တည်းနေတဲ့မိသားစုတွေရှိခဲ့ပါတယ်။အလှအပ အပျော်အပါးဆိုတာတွေအသာထား တစ်နေ့တစ်နေ့ထမင်းနပ်မှန်ဖို့တောင်မနည်းရုန်းကန်နေရတဲ့အခြေအနေမှာ အဆိုးဆုံးခံစားရသူတွေကတော့ကလေးတွေပဲဖြစ်ခဲ့ပါတယ်။အဲ့ဒီထဲမှာအာမယ်ရီတို့သားအမိလည်းအပါအဝင်ဖြစ်ပြီး သူတို့လည်းအခက်အခဲများစွာနဲ့ရင်ဆိုင်နေခဲ့ရပါတယ်။ဒါပေမယ့်ကံကောင်းထောက်မစွာနဲ့ပဲ အဲ့ဒီအချိန်မှာ ကွန်မြူနစ်တွေက ကလေးတွေကိုမြောက်ပိုင်းပို့ပေးပြီး ကောင်းမွန်တဲ့ဘ၀မှာနေထိုင်ခွင့်ရအောင်လုပ်ပေးမယ်ဆိုတဲ့အခွင့်အရေးတစ်ခုရခဲ့ပါတော့တယ်။အဲ့ဒါကြောင့်အာမယ်ရီ့အမေလည်းရင်နာနာနဲ့ပဲသားဖြစ်သူကို မြောက်ပိုင်းသွားတဲ့ရထားကြီးနဲ့ကလေးတွေအများကြီးနဲ့အတူတူလွတ်ပေးလိုက်ပါတော့တယ်။ဒီလိုနဲ့အာမယ်ရီတစ်ယောက်မြောက်ပိုင်း

သရဲကြိုက်တဲ့ပရိတ်သတ်ကြီးအတွက် "Sekawan Limo" ဆိုတဲ့ကားလေးနဲ့မိတ်ဆက်ပေးပါရစေ အဓိပ္ပာယ်ကတော့ "သူငယ်ချင်း၅ယောက်"တဲ့ "နောက်လှည့်မကြည့်ပါနဲ့ တစ်ခုခုလိုက်လာတတ်တယ်လို့" အဆိုရှိတဲ့ အင်ဒိုနီးရှားရဲ့ နာမည်ကြီးတောင်ဆီကို စူးစမ်းလေ့လာလိုတဲ့ လူငယ်တချို့တောင်တက်ခရီးစခဲ့ပါတယ် တောင်ပေါ်မှာပဲ အကြောင်းအမျိုးအမျိုးကြောင့် တောင်တက်လာတဲ့သူအချင်းချင်း တွေ့ဆုံမိရာက သူငယ်ချင်း၅ယောက်အဖွဲ့ ဖြစ်လာခဲ့ပါတယ် ဒါပေမဲ့ သူတို့ထဲကတစ်ယောက်က လူမဟုတ်ဘူးတဲ့ ဒါဆို အဲဒီတစ်ယောက်ကဘယ်သူလဲ "လှည့်မကြည့်နဲ့ တစ်ခုခုပါလာမယ်" ဆိုတဲ့အဆိုရဲ့ အဓိပ္ပာယ်ကရော ဘယ်လိုမျိုးလဲ တကယ်ပဲတစ်ခုခုပါလာတာလား? တောင်တက်ခရီးမှာ ကြုံလာတဲ့အခက်တွေကို တစ်ယောက်နဲ့တစ်ယောက်ဖေးမကူညီရင်း ရင်ဆိုင်ဖြေရှင်းပုံတွေ၊ တောတောင်သဘာဝရှူခင်းတွေကို ကြည့်ရှုရမယ့်အပြင် ထိတ်လန့်ခြောက်ခြားစရာတွေကို လူငယ်ဆန်ဆန် ဟာသနှောပြီးရိုက်ကူးထားတာမို့ ရသစုံတဲ့ ဇာတ်လမ်းကောင်းတစ်ပုဒ်အဖြစ် ညွှန်းပေးပါရစေရှင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ကဲ အက်ရှင်ကားတွေကြည့်ရတာ ပျင်းနေပါပြီဆိုတဲ့ကုလားကားဖန်လေးတို့အတွက် ဒီနေ့တော့ အက်ရှင်ဇာတ်ဝင်ခန်းမပါဘဲ တစ်ကားလုံး ဉာဏ်ကိုအသုံးချသွားတဲ့ ကားလေးတင်ဆက်ပေးချင်တယ်နော်။ ဘာဘူဆိုတဲ့လူငယ်လေးက လူငယ်သဘာဝအရထိမ်းမြားလက်ထပ်ရမဲ့ အရွယ်ရောက်လာတဲ့အခါမှာ မိဘတွေစီစဉ်တဲ့မိန်းကလေးကို သွားတွေ့ဖို့အကြောင်းဖန်လာရပါတယ်။ မိဘတွေစီစဉ်ပေးတာဆိုပေမဲ့ ဒီမိန်းကလေးကို သူ့ဘက်ကမြင်မြင်ချင်းသဘောကျမိသွားပါတယ်။ကောင်မလေးဘက်ကလည်း သူ့ကိုမငြင်းလာတာမို့ အရာအားလုံးအဆင်ပြေချောမွေ့သွားပြီလို့ ဘာဘူထင်ခဲ့မိတာပါ။ အချစ်စစ်တို့လမ်းသည် မဖြောင့်ဖြူးဘူးဆိုတဲ့ထုံးစံအတိုင်း ဘာဘူနေတဲ့ရွာက ရေရှားလွန်းလို့ ရေရှိတဲ့နေရာမှာ ရေသွားခပ်ရင်း မိန်းမတွေမူးလဲပြီး သေဆုံးရတယ်ဆိုတဲ့ ရွာဆိုတာကို သိလိုက်ရတဲ့ကောင်မလေးရဲ့အဖေက သူ့သမီးဖြစ်သူကို စိုးရိမ်သွားပြီး လက်ထက်ဖို့ကို ချက်ချင်းပယ်ဖျက်လိုက်ပါတယ်။ အဲဒီကောင်မလေးကိုမှ အချစ်ကြီးချစ်မိသွားတဲ့ ဘာဘူတစ်ယောက်ဟာ ချစ်ရသူကို ရနိုင်ဖို့ရော တစ်ရွာလုံးရေပြတ်လပ်မှုဒဏ်ကနေ လွတ်ကင်းအောင်ဘယ်လိုလုပ်ဆောင်သွားလဲဆိုတာကို ကြည့်ရမဲ့ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ ban ban ဖြစ်ပါတယ်

ဒီဇာတ်ကားကတော့ Sean Connery နေရာကို အကောင်းဆုံးအစားထိုးနိုင်ခဲ့တဲ့ မင်းသားကြီး Roger Moore ရဲ့ နောက်ဆုံးဂျိမ်းစ်ဘွန်းဇာတ်ကားဖြစ်ပါတယ်။ ရုရှားမှာသေဆုံးသွားတဲ့ ဗြိတိသျှလျှို့ဝှက်ထောက်လှမ်းရေးအေးဂျင့်တစ်ယောက်ရဲ့ ရုပ်အလောင်းကနေ Microchip ပြားလေးတစ်ခုကို သွားယူရင်းနဲ့ ဂျိမ်းစ်ဘွန်းဟာ ဒီMicrochipပြားလေးရဲ့ ကပ်ဘေးတွေဖြစ်စေနိုင်တဲ့အန္တရာယ်ကို သိရှိသွားခဲ့ပါတယ်။ ဒီကိစ္စကို ဆက်လက်စုံစမ်းရင်းနဲ့ စိတ္တဇစီးပွားရေးလုပ်ငန်းရှင်ကြီး မက်စ်ဇိုရင် ဆီကို ရောက်သွားခဲ့ပါတယ်။ ဇိုရင်နဲ့ သူ့ရဲ့အပေါင်းအပါတွေဟာ ကယ်လီဖိုးနီးယားပြည်နယ်မှာရှိတဲ့ ဆီလီကွန်တောင်ကြားကို ဖျက်ဆီးပြီး Microchip ဈေးကွက်ကို လက်ဝါးကြီးအုပ်ဖို့ ကြံရွယ်နေတာဖြစ်ပြီး ဂျိမ်းစ်ဘွန်းက ဒါကိုတားဆီးသွားရမှာဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Aung Myat Tun ဖြစ်ပါတယ်

Death Bell ဒီကားလေးကတော့ အထက်တန်းကျောင်းတစ်ခုက လျှို့ဝှက်ဆန်ဆန်လူသတ်မှုအကြောင်း ရိုက်ကူးတင်ဆက်ထားတဲ့ကားလေးပါ။ ချန်းအင်အထက်တန်းကျောင်းမှာ နှစ်ဝက်စာမေးပွဲကြီးပြီးဆုံးခဲ့ပေမယ့်လည်း စာတော်တဲ့ကျောင်းသားတွေအတွက် အထူးတန်းထပ်ပြီးဖွင့်လှစ်ခဲ့ပါတယ်။ ဒီလိုနဲ့ ပထမဆုံး အထူးတန်းစတက်ရတဲ့နေ့မှာပဲ ထူးဆန်းမှုတစ်ခုပေါ်ပေါက်ခဲ့ပါတယ်။ ရုတ်တရက်ကျောင်းသားတွေ စာသင်နေရင်း အသံလွှင့်ရုံကနေ ထူးဆန်းတဲ့အသံတစ်ခုထွက်လာပြီး စာမေးပွဲထပ်ဖြေဖို့ပြောကြားခဲ့ပါတယ်။ ဒါပေမဲ့လည်း အဲဒီစာမေးပွဲက တခြားစာမေးပွဲတွေလိုမျိုးမဟုတ်ဘဲ လူကိုကယ်တင်ဖို့အတွက် ဖြစ်လာတဲ့အခါ ဖမ်းဆီးထားတဲ့ဓားစာခံတွေအားလုံးကို ကယ်တင်နိုင်ပါ့မလားဆိုတာ စိတ်လှုပ်ရှားထိတ်လန့်ဖွယ်စောင့်ကြည့်ချင်ရင်တော့ ဒီကားလေးကို ကြည့်ရှုဖို့တိုက်တွန်းလိုက်ပါရစေ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Rosita ဖြစ်ပါတယ်

ဒီဇာတ်ကားက James Bond 007 ရဲ့ ၁၅ ကားမြောက်စီးရီးဖြစ်ပါတယ် ဂျိမ်းစ်ဘွန်းက ကေဂျီဘီအစိုးမှ အာဖဂန်နစ္စတန်မှာ အရေးကြီးတဲ့စစ်ရေးသေဆုံးမှုတစ်ခုကြောင့် လွတ်မြောက်လာတဲ့ ဗိုလ်ချုပ်ကြီး ကော့စ်ကိုဗ်အကြောင်းစုံစမ်းနေခဲ့ပါတယ် ဘွန်းက ကော့စ်ကိုဗ်ကိုရှာဖို့ဖြစ်လာတဲ့အခါမှာ အဲ့ကိစ္စမှာပါဝင်ပက်သက်နေတဲ့ ကော့စ်ကိုဗ်ရဲ့ချစ်သူ ချယ်လိုသမား ကာရာမီလိုဗီနဲ့‌ တွေ့ဆုံပြီး သူမရဲ့နောက်ကြောင်းကိုစုံစမ်းရင်း ကေဂျီဘီနဲ့ စီအိုင်အေကြားက ကိစ္စကိုလည်းစုံစမ်းနေတဲ့အခါမှာ စိတ်ဝင်စားစရာအပြောင်းအလဲတွေဖြစ်လာပြီး လက်နက်ရောင်းဝယ်မှုနဲ့ သစ္စာဖောက်ပြီးဘက်ပြောင်းသွားတဲ့ ပူးပေါင်းကြံစည်မှုတစ်ခုကို ဖော်ထုတ်လိုက်တဲ့အခါ ဘွန်းက ချက်ကိုစလိုဗက်ကီးယားနဲ့ အာဖဂန်နစ္စတန်နိုင်ငံတွေမှာ အန္တရာယ်ရှိစေပြီး အာဖဂန်သူပုန်တွေရဲ့အကူအညီနဲ့ ကော့စ်ကိုဗ်ရဲ့အစီအစဉ်‌တွေကို ပျက်ပြားစေခဲ့ပါတယ် ဒီရုပ်ရှင်က သူလျှိုနဲ့ အက်ရှင်ကိုပေါင်းစပ်ထားပြီး ရသပေါင်းစုံကိုလည်းခံစားနိုင်မယ့်ကားလေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

မှုခင်းအကြီးကြီးတွေတစ်ခါမှမဖြစ်ဖူးတဲ့ ရွာလေးမှာ ကွင်းဆက်လူသတ်မှုနှစ်ခု ဖြစ်ပွားခဲ့တယ်။ ဖြစ်လေ့ဖြစ်ထမရှိတဲ့ကိစ္စမို့ ရွာလူကြီးအပါအဝင် တစ်ရွာလုံးလည်း အထိတ်တလန့်ဖြစ်နေကြတာပေါ့။ စုံစမ်းစစ်ဆေးရေးတွေ ဆက်လက်လုပ်ဆောင်နေတုန်းမှာပဲ နောက်ထပ်လူနှစ်ယောက် ဆက်တိုက်အသတ်ခံလိုက်ရတဲ့အခါ တစ်ရွာလုံးချောက်ချားကုန်ကြတာပေါ့။ ရဲအုပ်ရာ့ဂျ်ဘီးရ်ဆင်းရ်ကလည်း ဖြစ်နိုင်ခြေမှန်သမျှကိုတွက်ချက်ပြီး တရားခံကိုဖော်ထုတ်ဖို့ကြိုးစားပေမဲ့ တရားခံက လိုက်လေဝေးလေဖြစ်လာတဲ့အခါ အမှုကို ဘယ်ပုံဘယ်နည်းနဲ့ဖြေရှင်းလေမလဲ။ တကယ်တမ်းမှာရော နောက်ကွယ်ကတရားခံဟာ မှန်းချက်နဲ့နှမ်းထွက်ကိုက်ပါ့မလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ကိုရီးယား ဟာသာကား Extreme Job ကိုကြည့်ဖူးလို့ သဘောကျရင် ဒီကားကိုလည်း သဘောကျမှာပါ။ ဒါပေမယ့် ဒီကားကတော့ အရင်ထွက်ထားတဲ့ကားပါ။ တုယွီဖေးဦးဆောင်တဲ့ အဖွဲ့၀င်လေးယောက်ပါ ရဲတပ်ဖွဲ့တစ်ဖွဲ့ဟာ ဆေးမှုတစ်ခုကို စုံစမ်းဖို့ အယောင်ပြ ကျောက်ပုဇွန်ဆိုင်တစ်ဆောင်ဖွင့်လိုက်ရရာ‌ကနေ ရောင်းကောင်းသွားပြီး မထင်မှတ်ပဲ စီးပွားအဆင်ပြေသွားကြတယ်။ အချိန်တိုင်း စကားများနေတဲ့တုယွီဖေး ဦးဆောင်တဲ့ သူတို့အဖွဲ့ဟာ တလွဲတွေလုပ်ရင်းနဲ့ လူဆိုးခေါင်းကြီးတွေကို ဘယ်လိုဖော်ထုတ်သွားကြမလဲဆိုတာကို ရယ်ရယ်မောမော ကြည့်ရှု့ခံစားလိုက်ကြပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဝေးလံခေါင်သီသောမြို့တစ်မြို့တွင် အပေါင်ပွဲစားတစ်ဦးအသတ်ခံရသည့်အမှုကို ကျွမ်းကျင်စုံထောက်တစ်ဦးလိုက်လံစုံစမ်းသောအခါ ခုခံမှုတစ်စုံတစ်ရာမတွေ့ရသောကြောင့် အသိမိတ်ဆွေတစ်ဦးကသတ်ခြင်းဖြစ်ကြောင်း မှတ်ချက်ချခဲ့ရာကနေ သံသယရှိသူသုံးဦးတွေ့ရှိသော်လည်း အလီဘိုင်ကိုယ်စီနဲ့မလို့ စုံစမ်းစစ်ဆေးခြင်းကိုရပ်တန့်လိုက်ပါတယ် တစ်နှစ်ခန့်ကြာသောအခါသံသဃရှိသူ သုံးဦးထဲမှတစ်ယောက်သေဆုံးသွားသောအခါ ဒီအမှုကပိုပြီးဆန်းကြယ်လာပါတော့တယ် ဆယ်ငါးနှစ်ခန့်ကြာသွားပြီးနောက် အငြိမ်းစားယူခါနီး စုံစမ်းစစ်ဆေးရေးမှူးကသူတာဝန်ထမ်းဆောင်တဲ့တစ်လျှောက် မဖြေရှင်းနိုင်ခဲ့တဲ့အမှုကိုပဲတွေးတောနေမိခဲ့ပါတယ် အမှုကိုမဖြေရှင်းနိုင်ဘဲ အရှက်ရခဲ့တဲ့အတွက် ဒီအမှုကိုပြန်လည်စုံစမ်းဖို့ဆုံးဖြတ်ချက်ချလိုက်ပါတော့တယ် အဆက်မပြတ်စုံစမ်းရှာဖွေရင်း ကာလအတန်ကြာအမှုကိုပဲအာရုံစိုက်နေခဲ့ပါတယ် နစ်နာသူရဲ့သားနဲ့ရပ်ကွက်ထဲကအမျိုးသမီးရဲ့သမီးဖြစ်သူတို့ရဲ့ ဆက်ဆံရေးကိုလည်းသတိထားမိလာပြီး သူတို့နှစ်ယောက်ရဲ့အချစ်က ပိုနက်ရှိုင်းလာလေလေ သူတို့ကျူးလွန်ခဲ့တဲ့ပြစ်မှုကသိသာလေလေမို့ စုံစမ်းစစ်ဆေးရေးမှူးတစ်ယောက် သူတို့ရဲ့အပြစ်တွေကိုဖော်ထုတ်နိုင်မလားဆိုတာကိုတော့ "White Night"ဆိုတဲ့ Mystery / Thriller ပုံစံဇာတ်ကားလေးမှာ ကြည့်ရှုနိုင်ပါတယ် Review by Felix Yan

ပရိသတ်တွေကို အသံနဲ့ဖျော်ဖြေလေ့ရှိတဲ့ Jeff Dunham ကတော့ ခရစ္စမတ်ပိတ်ရက်အတွက် အထူးရှိုးပွဲလေးကို သူ့ရဲ့ချစ်စရာအရုပ်လေးတွေနဲ့ တင်ဆက်လိုက်ပြန်ပါပြီ။ ဒီပွဲရဲ့အဓိကThemeကတော့ A Christmas Carol ဆိုတဲ့ နာမည်ကျော်ဝတ္ထုကို ရုပ်ရှင်ပြန်ရိုက်ဖို့အတွက် Jeffက သူ့ရဲ့လုပ်ဖော်ကိုင်ဖက်တွေအတွက် ဇာတ်ကောင်ရွေးမှာဖြစ်ပါတယ်။ အရုပ်လေးတွေရဲ့ဟန်ပန်အမူအရာနဲ့ Jeffရဲ့ထူးခြားတဲ့အသံစွမ်းရည်တို့ ပေါင်းစပ်လိုက်တဲ့အခါ ပွဲတစ်ခုလုံး တဝါးဝါး တဟားဟားနဲ့ ပွဲကျသွားစေနိုင်တဲ့အထိ အလွဲပေါင်းစုံ ဟာသပေါင်းစုံပါဝင်နေတာဖြစ်လို့ ပိတ်ရက်မှာ အပန်းပြေစေ​မဲ့ ရှိုးပွဲတစ်ပွဲဖြစ်ပါတယ်။ ဒီဇာတ်လမ်းရဲ့ အညွှန်းနဲ့ ဘာသာပြန်တင်ဆက်သူကတော့ Ei Thinzar Nyein ဖြစ်ပါတယ်။

ကျားသစ်တစ်ကောင်ရဲ့ဘဝကို ဘယ်လိုမြင်ကြလဲ ကျားသစ်လို့ပြောလိုက်တာနဲ့ ရက်စက်ကြမ်းကြုတ်တဲ့ပုံစံကိုပဲမြင်ကြတာ ဒီကား‌ထဲမှာကျားသစ်တွေရဲ့မမြင်နိုင်တဲ့တစ်ဖက်ခြမ်းကိုရိုက်ပြထားတာပဲဖြစ်ပါတယ် အမဲလိုက်တဲ့ပုံတွေ သားကောင်ချောင်းတဲ့အပြုအမူတွေကို စိတ်ဝင်စားဖို့ကောင်းအောင် တင်ဆက်ထားတာပဲဖြစ်ပါတယ်

လူတွေရဲ့အတွင်းစိတ်ဆိုတာ သူ့ရဲ့အပြုအမူကိုကြည့်ရုံနဲ့မသိနိုင်ပါဘူး ကိုယ့်အနားမှာရှိတဲ့သူတွေကိုယုံကြည်လို့ရရဲ့လားဆိုတာတောင် မသိနိုင်ပါဘူး ဒီဇာတ်ကားမှာတော့ ဂျူလီယာဆိုတဲ့ကောင်မလေးက ဖခင်ကရဲ့ချုပ်ချယ်မှုကိုခံနေရတဲ့ သူ့ရဲ့သူငယ်ချင်း နီနာက လျှို့ဝှက်ဆန်းကြယ်စွာပျောက်သွားတဲ့အပေါ်မှာ အရမ်းစိတ်မကောင်းဖြစ်ပြီး လူတွေကသူ့ကိုလူသတ်သမားလို့အထင်လွဲနေကြပါတယ် သူငယ်ချင်းစိတ်‌ကြောင့်နဲ့အိပ်မက်ဆိုးတွေမက်ပြီး စိတ်ရောဂါကုဆရာဝန်မှာကုသမှုခံယူနေရတဲ့ ဂျူလီယာလေးက အမှုကိုလိုက်စုံစမ်းရင်း သူ့ဆီရောက်လာတဲ့ခြိမ်း‌ခြောက်တဲ့စာတွေရခဲ့ပြီး ကိစ္စတွေကပိုပြီးနက်နဲလာတဲ့အခါမှာနောက်ပြန်လှည့်လို့မရတဲ့အခြေအနေကိုရောက်သွားပါတယ် ဒီဇာတ်ကားမှာတော့ မိသားစုရဲ့စိုးရိမ်ဆက်ဆံရေးနဲ့ ကိုယ်ပိုင်တက်လမ်းကိုရှာဖွေနေတဲ့လူငယ်လေး‌တွေအကြောင်း အဓိကရိုက်ကူးပြထားတဲ့ဇာတ်ကားလေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

အိမ်တွင်းအကြမ်းဖက်မှုအကြောင်းကို ဇာတ်လမ်းဇာတ်ညွှန်း ဆန်းဆန်းနဲ့ ကြည့်ရမှာဖြစ်ပါတယ်။ Aidenက သူ့ရည်းစား Ivanနဲ့ မေတ္တာရေးမှာ နှိပ်စက်ခံနေရတာ ကြာပါပြီ။ အတော်လေးကို သည်းမခံနိုင်တဲ့အဆုံး Ivanဆီကနေ ထွက်ပြေးလာပြီး ဆရာဝန်တစ်ယောက် ဦးစီးနေတဲ့ ကုထုံးပရိုဂရမ်မှာ ပါဝင်ဖို့ သဘောတူလိုက်ပါတယ်။ သဘောတူညီချက်အရ Aidenဟာ တောအုပ်ထဲက အခန်းတစ်ခန်းမှာ နေရမှာဖြစ်ပြီး ဘယ်သူနဲ့မှ စကားမပြော၊ ဘာကိုမှ မစားမသောက်ဘဲနေဖို့ ညွှန်ကြားခံရတယ်။ အဲဒီမှာနေရင်း သူ့ကို တစ်စုံတစ်ရာက နောက်ယောင်ခံလိုက်သလိုလို၊ စောင့်ကြည့်နေသလိုလို၊ အိပ်မက်ဆိုးတွေ မက်သလိုလို ခံစားလာရပြီး ဒါတွေဟာ ဆရာဝန်ရဲ့ ကုထုံးပရိုဂရမ်ကြောင့်လား ဒါမှမဟုတ် Ivanနှိပ်စက်တာ ခံခဲ့ရတာတွေကြောင့် စိတ်ဒဏ်ရာတွေ ဆက်လက်ခံစားနေရတာလားဆိုတာ အဖြေရှာရပါတော့တယ်။ တကယ်တမ်းမှာတော့ ဒါတွေဟာ Aidenအကွက်ချထားတဲ့ plotသာဖြစ်နေပြီး ဘာတွေဆက်ဖြစ်မလဲဆိုတာ ကြည့်ရှုဖို့ တိုက်တွန်းပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ nanda tun kyaw ဖြစ်ပါတယ်

အသစ်ထွက်ရှိလာတဲ့ Hitpig ဆိုတဲ့ Animation ဇာတ်ကားသစ်ကောင်းကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားလေးကကောင်းလွန်းလို့ ကြည့်ပြီးသွားရင် တိရစ္ဆာန်လေးတွေကိုပိုချစ်တတ်လာပြီး သက်သက်လွတ်သမားတွေတောင်ဖြစ်သွားမလားတောင်မသိပါဘူး။ပြောရရင်ဒီကားလေးကတော်တော်အရောင်အသွေးစုံလင်ပြီး သားသားမီးမီးတွေတင်မကပဲ လူကြီးတွေပါအေးဆေးလေး အပူအပင်တွေမရှိပဲကြည့်လို့ရတဲ့ ခံစားချက်တွေအများကြီးပါတဲ့ဇာတ်ကားလေးပဲဖြစ်ပါတယ်။ဒီဇာတ်လမ်းရဲ့အဓိကဇာတ်ဆောင်ကတော့ ဝက်မုဆိုး(Hitpig)လို့ခေါ်တဲ့ဝက်ကလေးဖြစ်ပြီး သူငယ်ငယ်တုန်းကထွက်ပြေးတဲ့တိရစ္ဆာန်တွေကိုလိုက်ဖမ်းပြီးပြန်ပို့ပေးတဲ့ကြေးစားမုဆိုးရဲ့လက်ထောက်လုပ်ရင်းနဲ့ဒီနာမည်ကိုရလာတာပဲဖြစ်ပါတယ်။ဒါပေမယ့်အဲ့လိုတွေလိုက်ဖမ်းနေရင်းနဲ့မှ ကံအကြောင်းမလှစွာနဲ့ပဲ တစ်နေ့မှာတော့သူ့ဆရာ မုဆိုးမကြီးကမိကျောင်းစာမိပြီး အသက်ဆုံးရှုံးခဲ့ရပါတော့တယ်။အဲ့ဒီနောက်ပိုင်းသူလည်း တစ်ကိုယ်တော်ဒီအလုပ်ကိုဆက်လုပ်နေရင်းနဲ့မှ ပစ်ကယ်ဆိုတဲ့ဆင်မလေးတစ်ကောင်နဲ့တွေ့သွားပြီး သူ့ဘ၀ကြီးတစ်ခုလုံးကိုပြောင်းလဲစေမဲ့အဖြစ်အပျက်တွေဖြစ်လာခဲ့ပုံတွေကို ပေါ့ပေါ့ပါးပါးကြည့်ရှုရမဲ့ Animation ကားလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်