လူကြည့်များသော ရုပ်ရှင်များ

၂၀၂၄ခုနှစ်ထွက်ရှိတဲ့ Anime/ Horror အမျိုးအစားဖြစ်ပြီး သဘာဝလွန်စွမ်းအားတွေလည်း ပါဝင်ပါတယ်။ ဆေးရောင်းသူပုံစံဖြင့် နိုင်ငံပတ်ခရီးသွားနေတဲ့ လူထူးဆန်းတစ်ယောက်က Mononokeလို့ခေါ်တဲ့ တစ္ဆေလောကအရာကို နှိမ်နင်းဖို့ ရှာဖွေရင်းနဲ့ အိုးခုလို့ခေါ်တဲ့ ဘုရင့်ကိုယ်လုပ်တော်နန်းတွင်းထဲမှာ အာရုံခံမိသွားတယ်။ မိုနိုနိုခဲကို နှိမ်နင်းဖို့ သူ့ဓားကိုအသက်သွင်းဖို့အတွက် အကြောင်းတရား ၃မျိုးလိုအပ်ပါသေးတယ်။ နန်းတွင်းကို အသစ်ရောက်လာတဲ့ မိန်းကလေး ၂ယောက်နဲ့ အခြားနန်းတွင်းသူတွေရဲ့ ဖြစ်ပျက်မှုတွေကနေ မိုနိုနိုခဲလှုပ်ရှားလာစေတယ်။ ဒီကားထဲမှာပစ္စည်းဥစ္စာတွေကို စွဲလမ်းမနေသင့်ကြောင်း ဖော်ပြထားတာက Animeကားတွေထဲမှာ ထူးခြားတယ်လို့ ပြောလို့ရပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ nanda tun kyaw ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Erotic Ghost Story III လေးကိုဘာသာပြန်တင်ဆက်ပေးလိုက်ပါတယ် တရုတ်ပြည် ထန်မင်းဆက် သူပုန်ထ အငတ်ဘေးဆိုက်ပြီး ခေတ်ပျက်နေချိန်တစ်ကိုယ်တော် ခရီးဆက်နေကြတဲ့ ဓားသမားတွေထဲက ဓားတစ်မားတစ်ယောက်ချူးဟာ ခရီးဆက်ရင်း ကျောင်းပျက်ကြီးတစ်ဆောင်မှာ ထူးဆန်းတဲ့ဘုန်းကြီးတစ်ပါးနဲ့ဆုံတယ်။ ထိုကျောင်းထဲမှာ ပန်းချီကားတစ်ချပ်ရှိနေပြီး ချူးဟာ ပန်းချီကားထဲက နတ်သမီး‌ေလးကို မြင်မြင်ချင်းချစ်မိသွားခဲ့ပြီး နတ်သမီးလေးရှိရာ ပန်းချီကားတစ်ဖက်ကလောကထဲထိ၀င်ရောက်ရှာဖွေတယ်။ တဖက်လောကဟာ သူချစ်ရသူ နတ်သမီးလေးအပါအ၀င် မိန်းမလှလေးတွေနဲ့ သာယာလှပတဲ့နေရာတစ်ခု။ အချစ်စိတ်မွှန်နေတဲ့ချူးတစ်ယောက် သူရောက်နေတဲ့နေရာက ဘယ်လိုနေရာမျိုးလဲ။ ဘာတွေကြုံတွေ့ရမလဲဆိုတာကိုတော့ လုံး၀မသိရှာပါ။( မိသားစုနဲ့အတူ ကြည့်ရန် မသင့်တော်ပါ။) ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

မင်္ဂလာဆောင်ခါနီးသတို့သားတစ်ယောက်က တမီးနာဒူဘက်ကို မင်္ဂလာဆောင်တစ်ခုတက်ဖို့လာရင်း သူငယ်ချင်းတစ်ယောက်ရဲ့ဖိအားပေးမှုကြောင့် ဗေဒင်မေးဖြစ်သွားခဲ့တယ်။ ဒါပေမဲ့ သူ့အတွက် ဟောကိန်းက မထင်မှတ်ထားဘဲ အပျက်သဘောဆောင်နေခဲ့တယ်။ သူ့ရဲ့သတို့သမီးက မကြာခင်သေရတော့မယ်တဲ့လေ... ဒါပေမဲ့ အဆုံးမှာတော့ ဒီဟောကိန်းကိုလက်မခံနိုင်တဲ့ သူဟာ ဟောကိန်းထဲကအတိုင်းဖြစ်မလာစေဖို့အတွက် စတင်တားဆီးပါတော့တယ်။ "သဘာဝတရားကြီးထဲမှာ ဖုံးကွယ်ထားတဲ့စွမ်းအားတွေရှိတယ်"တဲ့ ဒီဇာတ်လမ်းလေးကတော့ "ကံဆိုတာ အလုပ်"ဖြစ်ကြောင်း ပညာပေးထားတဲ့ဇာတ်လမ်းလေးတစ်ပုဒ်ဆိုလည်းမမှားပါဘူး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

၁၉၉၁ ခုနှစ်ထွက် Exotic Ghost Story ရဲ့အဆက်ဖြစ်ပြီး casts တွေအပြောင်းလဲရှိပါတယ်။ မင်းသမီးချော Charine Chan နဲ့အတူ မိန်းမလှလေးတွေအများကြီး ပါ၀င်ပါတယ်။ မြေခွေးနတ်မိမယ်သုံးယောက် နှိမ်နှင်းခဲ့တဲ့ မိစ္ဆာဘုရင်ဝူထုန်းဟာ နောက်တစ်ကြိမ် လူယောင်ဆောင်ကာ လူသားမိန်းကလေးတစ်ယောက်နဲ့ ချစ်ကျွမ်း၀င်နေတာကို ကောင်းကင်ဘုံကသိသွားပြီး နတ်မိမယ်နှစ်ပါးကို သူတို့ကိုခွဲဖို့ စေလွှတ်လိုက်‌တယ်။ ချစ်ရသူနဲ့ကွေကွင်းသွားရတဲ့ဝူထုန်းဟာ ပိုပြီးဆိုးသွန်းလာကာ အာဃာတတွေကို ရွာလေးတစ်‌ရွာပေါ် ပုံချလိုက်တယ်။ ထိုရွာကနေ နှစ်စဉ်နှစ်တိုင်း ဝူထုန်းထံကို အပျိုစင်တစ်ယောက်စီ ဆက်သရမှာဖြစ်ပြီး မဲနှိုက်ဆုံးဖြတ်ကြတယ်။ ထူးခြားတဲ့အမှတ်နဲ့မွေးလာတဲ့ ရွာသူကြီးသမီးရဲ့အလှည့်ကိုရောက်လာတဲ့အချိန်မှာတော့ ‌..... ဘယ်လိုတွေဆက်ဖြစ်လာမလဲ။ (မိသားစုနဲ့အတူကြည့်ရန် မသင့်တော်ပါ။) ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ပေါင်ဆိုတာ လူမသိသူမသိ သာမန်အတန်းစား ကျောင်းသားလေးတစ်ယောက်၊ ကျောင်းကနာမည်ကြီးတွေကြားမှာ ပေါင်တို့လိုလူတွေကတော့ အမေ့ပျောက်ခံပါပဲ။ ဒါပေမဲ့ သူ့ရဲ့ခရက်ရှ်ကတော့ ကျောင်းမှာနာမည်ကြီးတစ်ယောက်ဖြစ်တဲ့ မင့်ဆိုတဲ့ကောင်မလေးပါပဲ။ ဒီလိုနဲ့တစ်နေ့ ပေါင်ကမင့်နဲ့အဖြစ်အပျက်လေးတစ်ခုကို အမှောင်တစ်လိုင်းကာတွန်းအနေနဲ့ ဆွဲထားတဲ့စာအုပ်ကို အိမ်စာနဲ့မှားထပ်လိုက်ရာကနေ တစ်ကျောင်းလုံးပြန့်သွားပြီး ခရက်ရှ်နဲ့နီးဖို့အရေးက ပိုဝေးသွားပြန်တာပေါ့။ ဒီလိုနဲ့ ကာတွန်းကို မင့်ကိုသွားပြတာ ဘယ်သူလဲလို့စုံစမ်းတော့ တစ်ကျောင်းလုံးနဲ့စကားမပြော မရယ်မပြုံးနဲ့ အမြဲရှောင်ပုန်းနေတတ်တဲ့ မေနိုင်ဆိုတာ သိလိုက်ရပြီး ရန်သွားတွေ့ချိန်မှာတော့ ပေါင်ဟာ ကျောင်းမှာ မေနိုင်ရဲ့လျှို့ဝှက်ချက်ကို ပထမဆုံးသိရတဲ့သူဖြစ်သွားပါသတဲ့။ ဒီကနေစတဲ့ သူတို့နှစ်ယောက်ကြားကအလွဲတွေနဲ့ ဘယ်လိုတွေရှေ့ဆက်ကြမလဲဆိုတာ ရှုစားကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Saturn ဖြစ်ပါတယ်

အိမ်တစ်အိမ်မှာ အစဉ်အဆက်နေလာတဲ့ မိသားစုတွေရဲ့ ပျော်စရာအမှတ်တရတွေ ဝမ်းနည်းစရာတွေ ဘဝအမောတွေကို တင်ဆက်ပေးထားပါတယ်။ နာမည်ကျော် Forest Gump ရုပ်ရှင်ကား ဒါရိုက်တာ စာရေးဆရာတို့ ပြန်လည်ဆုံစည်းပြီး အဲ့ကားသရုပ်ဆောင်တွေဖြစ်တဲ့ Tom Hanks နဲ့ Robin Wright တို့က အဓိက‌ဇာတ်ဆောင်တွေအဖြစ် ပါဝင်ထားပါတယ်။ ရှေးတည်းက ဆောက်ခဲ့တဲ့ ဒီအိမ်ထဲမှာ ခေတ်အဆက်ဆက် နေထိုင်လာတဲ့ မိသားစုတွေရဲ့ ဘဝကို ရှုစားရမှာပါ။ ဒီရုပ်ရှင်ရဲ့ထူးခြားချက်က ဇာတ်ဝင်ခန်းအားလုံးနီးပါးကို အိမ်ဧည့်ခန်းထဲမှာပဲ ရိုက်ကူးထားပါတယ်။ အိမ်က ဇာတ်လိုက်လိုပါပဲ။ ဒီအိမ်လေးထဲမှာ သူတို့တွေ နေ့ထူးနေ့မြတ်တွေကို အတူဖြတ်သန်းပြီး ဘဝရသမျိုးစုံ ကြုံတွေ့ရတာကို ဖော်ပြချင်တာဖြစ်ပါတယ်။ ဒီဇာတ်ကားကိုအညွန်းနဲ့ ဘာသာပြန်ပေးသူကတော့ Shune Lai KK ဖြစ်ပါတယ်

စိတ်ဝင်စားဖို့ကောင်းတဲ့ Sci-Fi, Action ကားနဲ့ မိတ်ဆက်ပေးချင်ပါတယ်။ အနာဂတ်မှာ လေက အဆိပ်ငွေ့တွေပြည့်နေပြီး လူသားတွေသာ လေကို ဒီတိုင်းရှူလို့မရတော့တဲ့အတွက် ‌လေပါတဲ့မျက်နှာဖုံးတွေတပ် ဆေးတွေ‌သောက်ပြီး ဆက်လက်ရှင်သန်နေရပါတယ်။ ဒါတွေ ထုတ်လုပ်တဲ့ အက်သယ်ရာကော်ပိုရေးရှင်းက သူတို့ဆေးမှာပါတဲ့ ဓာတ်ပေါင်းတစ်ခုက အကန့်အသတ်နဲ့ရှိနေပြီး အစားထိုးပစ္စည်း စမ်းသပ်ထုတ်တာ မအောင်မြင်လို့ အခက်တွေ့နေပါတယ်။ ဒါမဲ့ သူတို့ကလည်း စီးပွားရေးသမားတွေဆိုတော့ လူတွေအတွက်မစဉ်းစားဘဲ အကျိုးအမြတ်ပဲကြည့်မှာပါ။ တစ်ချိန်တည်းမှာပဲ တစ်ဖက်မှာ သိပ္ပံပညာရှင်ဆိုလိုမွန်က ရှားပါးတဲ့ဓာတုပစ္စည်းကို DNA ပြောင်းပြီးထုတ်ပေးနိုင်တဲ့ဆေးကို စမ်းသပ်တီထွင်ထားပါတယ်။ ဒါကို မော်ဒယ်တစ်ယောက်က ပါတီမှာ မူးယစ်ဆေးနဲ့ မှားသောက်မိပြီး သန္ဓေပြောင်းသွားပါတယ်။ သူ့ကိုယ်မှာ ထူးဆန်းတာတွေဖြစ်လာပြီး ပုံမှန်မဟုတ်တော့ပေမယ့် သူက လူသားမျိုးစိတ်ကို ကယ်တင်နိုင်တဲ့သူ ဖြစ်လာတဲ့အခါ....လူချမ်းသာတွေအတွက်ပဲ ကြည့်မယ့် ကော်ပိုရေးရှင်းနဲ့ လူတိုင်းအတွက် အခမဲ့ရစေမယ့်ဘက် သူဘာကို ရွေးချယ်မလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီတစ်ခါတော့ ခေတ်ဟောင်းတစ္ဆေပုံပြင်လေးတစ်ပုဒ်ကို တင်ဆက်ပေးလိုက်ပါတယ်။ ၉၀ ခုနှစ်တွေကနေ အခုချိန်ထိ ပရိသတ်တွေ မှတ်မှတ်ရရရှိကြပြီး နာမည်ကြီးခဲ့တဲ့ ဇာတ်ကားဟောင်းတွေထဲက တစ်ကားဖြစ်ပါတယ်။ နှစ်ထောင်မြေခွေးဝိဉာဉ် ညီအစ်မသုံးယောက်ဟာ လူသားစစ်စစ်ဖြစ်ဖို့ တစိုက်မတ်မတ် တောက်ဓမ္မကိုပဲကျင့်ကြံလာခဲ့ရာကနေ ညီအစ်မတွေထဲက အရင့်ကျက်ဆံုးနဲ့ အသိမ်မွေ့ဆုံး အစ်မကြီးစူးစူးဟာ စာပေလေ့လာတာလွဲပြီး ဘာတစ်ခုမှမသိ 'မ'ဆို ယင်မတောင် မသန်းဖူးတဲ့ စာသင်သားတစ်ယောက်နဲ့ တွေ့ဆုံခဲ့တယ်။ နောက်ပိုင်းမှာတော့ စာသင်သားနဲ့ ညီအစ်မ သုံးယောက်တို့ ငြိစွန်းမိသွားကြပြီးနောက်မှာ ဘာတွေဆက်ဖြစ်လာမလဲ။ (မိသားစုနဲ့ ကြည့်ရန်မသင့်တော်ပါ။) ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီတစ်ခေါက်တင်ဆက်ပေးမှာကတော့ ကိုရီးယားကအချစ်ဦး မင်းသမီးဆုန်းရယ်ဂျင်းရဲ့ ၂၀၀၅ခုနှစ်တုန်းကနာမည်ကျော်ခဲ့တဲ့ ရုပ်ရှင်ဇာတ်ကားလေးတစ်ပုဒ်ပဲဖြစ်ပါတယ်။ April Snow ဆိုတဲ့အတိုင်း ဘဝရဲ့မထင်မှတ်ထားဆုံးအချိန်မှာတွေ့ဆုံခဲ့တဲ့ သူတို့နှစ်ဦး....‌ဆောယောင်းနဲ့အင်ဆူဟာ တစ်နေ့မှာသူတို့ရဲ့ခင်ပွန်း/ဇနီးသည်တို့ အဝေးတစ် နေရာမှာမတော်တဆမှုအကြီးစားဖြစ်ကြောင်းကြားပြီး‌ အပြေးအလွှားရောက်လာခဲ့ရပါတယ်။ အလုပ်ခရီးလည်းမဟုတ်ဘဲ နှစ်ဦးထဲထွက်သွားခဲ့တာကြောင့် စုံစမ်းခဲ့ရာက ဖောက်ပြန်နေကြောင်းသိလိုက်ရပြီး ဆောက်တည်ရာမဲ့ခဲ့ရတဲ့သနားစရာလူနှစ်ဦးရဲ့အကြောင်းလေးပါ။ မတော်တဆမှုကြောင့်ကိုမာဝင်သွားတဲ့ခင်ပွန်း/ဇနီးသည်အပေါ် ဒေါသထွက်ခွင့်လည်းမရှိဘဲပြုစုပေးရင်း စိတ်ကတော့သေဆုံးနေရတဲ့သူတို့နှစ်‌ဦးဟာ အချင်းချင်းနှစ်သိမ့်ပေးရာက‌နေနှောင်ကြိုးလေးတစ်ခုဖြစ်တည်လာခဲ့ပါတော့တယ်။ အင်ဆူပြောခဲ့စကားလေးက "ကျွန်တော်တို့ဟိုးအရင်ကတည်းက ဒါမှမဟုတ် အရမ်းနောက်ကျပြီးမှတွေ့ခဲ့ကြရင်ဘယ်လိုများနေမလဲ"တဲ့။ မပတ်သက်သင့်တဲ့သူတို့နှစ်ဦး စည်းတွေကျော်ပြီးညှိတွယ်လာချိန်မှာ ဘယ်လိုမျိုးအကြောင်းအရာတွေထပ်မံပေါ်ပေါက်လာမလဲ။ ကိုမာဝင်နေတဲ့သူနှစ်ဦးကရော ဘယ်လိုဖြစ်သွားမလဲ။ ဇာတ်လမ်းတစ်ပုဒ်လုံးကို ငြိမ့်ငြိမ့်လေးနဲ့ဆွဲခေါ်‌သွားပြီး အဆွေးဓာတ်ခံရှိတဲ့သူအ‌ဖို့တော့ အထူးအကြိုက်တွေ့စေမဲ့ဇာတ်ကားလေးတစ်ပုဒ်ဖြစ်လို့ M-sub Movie ကနေ ပြန်လည်ဘာသာပြန်ပြီး တင်ဆက်ပေးလိုက်ရပါတယ်။ ဒီဇာတ်ကားကိုအညွန်းနဲ့ဘာသ

သမိုင်းအစဉ်အလာတစ်ခုရှိထားတဲ့ ဥက္ကာခဲအပိုင်းအစတွေနဲ့ဖန်တီးထားတဲ့ မီးခွက်တစ်ခုကို တစ်ရွာလုံးမှာရှိတဲ့လူတွေက အမြတ်တနိုးပူဇော်ကြတယ်။ တစ်ချိန်တစ်ခါတုန်းက ဒီမီးခွက်ကိုခိုးယူဖို့ကြိုးစားခဲ့ဖူးတဲ့ ဂန္တဝင်သူခိုးကြီးမာနီယန်ကိုတော့ တစ်ရွာလုံးက ရွံမုန်းကြသတဲ့။ အဲ့ဒါကြောင့်ပဲ အမုန်းတရားက သူ့မြေးဖြစ်သူအာဂျယန်အထိ ဆင်းသက်လာခဲ့တာပေါ့။ ဂန္တဝင်သူခိုးဖြစ်သူရဲ့မြေးမို့ ရွာထဲမှာ ဘာပဲပျောက်ပျောက် သူ့ကိုပဲတန်းစွပ်စွဲခဲ့ကြတယ်။ တစ်နေ့မှာတော့ ဒီမီးခွက်ကို မျက်စိကျနေတဲ့လူတစ်စုက အပေါ်ယံရည်ရွယ်ချက်တစ်ခုကိုအယောင်ပြပြီး မီးခွက်ကိုအရယူပေးဖို့ အာဂျယန်ကို ခြိမ်းခြောက်အကျပ်ကိုင်ခဲ့ပါတယ်။ စုပ်လည်းဆူး စားလည်းရူး​ဖြစ်နေရရှာတဲ့ အာဂျယန်ခမျာလည်း ဒီလူခိုင်းတဲ့အတိုင်းလုပ်ရင်း သူ့အဘိုးခိုးယူဖို့ကြိုးစားဖူးတဲ့ မီးခွက်ရဲ့သမိုင်းကြောင်းနဲ့ အမှန်တရားတွေကို တစ်စတစ်စသိလာရပါတော့တယ်။ ခွဲခြားဆက်ဆံမှုတွေကို ရင်စည်းပြီးခံစားခဲ့ရတဲ့ အာဂျယန်တစ်ယောက် မျိုးရိုးအမွေဖြစ်တဲ့ ဒီမီးခွက်ကို ဘယ်လိုရှာဖွေလေမလဲ.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Netflix မှ အသစ်ထပ်မံထွက်ရှိလာပြီး IMDb rating 7 လောက်အထိ ရထားတဲ့ ဖြစ်ရပ်မှန် ဒရမ်မာကားသစ်လေးတစ်ကားကို တင်ဆက်ပေးချင်ပါတယ်။ ဒီဇာတ်ကားက ၁၉၆၀ ပြည့်နှစ်များနဲ့ ၁၉၇၀ ပြည့်နှစ်များမှာ တကယ်ဖြစ်ပျက်ခဲ့တဲ့အကြောင်းအရာများဖြစ်ကာ ကမ္ဘာ့ပထမဦးဆုံး ဖန်ပြွန်သန္ဓေသား “လူးဝစ် ဂျွိုင်း ဘရောင်း”ကို မွေးထုတ်နိုင်ခဲ့တဲ့အကြောင်း ရိုက်ကူးထားတာပဲဖြစ်ပါတယ်။ ဇာတ်လမ်းစစချင်းမှာ ‘ဒေါက်တာအက်ဝဒ်’ရဲ့ စကားသံနဲ့ အစပြုထားပါတယ်။ သူတို့ ပထမဦးဆုံး ဖန်ပြွန်သန္ဓေသားကိုမွေးထုတ်ပေးခဲ့ရာ အိုးဒ်ဟမ်းဆေးရုံကြီးရဲ့ အရှေ့က ဂုဏ်ပြုကမ္ဗည်းပေါ်မှာ သူနာပြုမလေး ‘ဂျင်း’ရဲ့ နာမည်ကို ထည့်သွင်းဖော်ပြပေးဖို့အတွက် တောင်းဆိုနေတဲ့ စကားသံပါ။ ဒီသုတေသနလုပ်ငန်းကို အောင်မြင်အောင် ပြုလုပ်နိုင်ဖို့ရာ ကမ်းဘရင့်ချ်ကနေ အိုးဒ်ဟမ်းအထိ မိုင် ၂၀၀ အကွာအဝေး (လေးနာရီကြာကားမောင်းရသည့်အကွာအဝေး) ကို ‘ဂျင်း’က သူနဲ့အတူတူ ၁၀ နှစ်တိုင်တိုင် ခရီးသွားလာပေးခဲ့လို့ပါတဲ့။ တခြားသူတွေနည်းတူ သူမရဲ့ အားစိုက်ထုတ်မှုကလည်း တပြားသားမျှ မလျော့တဲ့အတွက် ဂုဏ်ပြုကမ္ဗည်းပေါ်မှာ သူမနာမည်လေးရေးထိုးပေးသင့်ပါတယ်လို့ တိုက်တွန်းပြောထားတဲ့စကားသံ ဖြစ်ပါတယ်။ ဇာတ်ကားရဲ့ အဆုံးသတ်ဟာလည်း အဲ့စကားလေးနဲ့ပဲ အဆုံးသတ်ထားပါတယ်။ ဒီဇာတ်ကားက သူနာပြုမလေး ‘ဂျင်းပါဒီ’ ဘက်ကို အဓိကထား ရိုက်ကူးပြသထားတဲ့အတွက်ပါ။ ဒီရုပ်ရှင်ရဲ့ အဆုံးသတ်မှာ သူတို့က ဖန်ပြွန်သန္ဓေသားကို မွေးနိုင်မယ်ဆိုတာကို ကြိုသိ

တရုတ်ပြည်ကို ချင်မင်းဆက်အုပ်စိုးချိန် မြောက်ပိုင်းက ရွှေတောင်ကြားဆိုတဲ့ရွာတစ်ရွာမှာ လူတစ်စု စုရုံးနေထိုင်ကြပြီး သူတို့ကို အုပ်ချုပ်နေတဲ့သူက သူကြီးမော်ဆိုတဲ့သူ။ ရွှေတောင်ကြားရွာမှာ လူမ‌ျိုးစုံနေထိုင်ကြပြီး အပြင်လောကအရှုပ်အရှင်းတွေနဲ့ ကင်းအောင်နေကြတယ်။ သူတို့ရွာမှာ စည်းကမ်းတွေ ရှိတယ်။ ရွာကိုရောက်လာတဲ့သူကို အတိတ်အကြောင်း‌ေတွကိုမစပ်စုမမေးမြန်းဘဲ ဆန္ဒရှိတယ်ဆိုရင် ရွာမှာနေထိုင်ခွင့်ပေးတယ်။ ရွာကိုရောက်လာပြီးရင်လည်း ပြန်သွားခွင့်မရှိ။ ဒီလိုမျိုး လျှို့ဝှက်ဆန်းကြယ်တဲ့လူတွေနေထိုင်တဲ့ ရွှေတောင်ကြားကို တစ်နေ့မှာ လူတစ်ယောက်ဟာ ဒဏ်ရာအလိမ်းလိမ်းနဲ့ရောက်လာခဲ့တယ်။ ထိုလူဟာ တောင်ပိုင်းကသူပုန်တစ်ယောက်ဖြစ်ပြီး ချင်မင်းသားက လိုက်ဖမ်းနေတဲ့သူ။ ထိုလူရောက်လာပြီးနောက်မှာတော့ အေးချမ်းနေတဲ့ရွှေတောင်ကြားမှာ အရင်လိုမအေးချမ်းနိုင်တော့။ ရွှေတောင်ကြားရွာမှာ နေထိုင်တဲ့သူတွေက ဘယ်လိုလူမျိုးတွေဖြစ်မလဲ သူပုန်ကို လက်ခံထားပြီးတဲ့နောက်မှာ ဘာတွေနဲ့ကြုံတွေ့ရမလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

တကယ်ကြည့်လို့ကောင်းတဲ့ အင်္ဂလိပ်ဘုရင်ခေတ်နောက်ခံ စွန့်စားခန်းရုပ်ရှင်တစ်ပုဒ်နဲ့ မိတ်ဆက်ပေးချင်ပါတယ်။ "How to Train Your Dragon" လို ဇာတ်လမ်းမျိုးတွေကြိုက်တတ်တဲ့သူဆိုရင်တော့ ဒီရုပ်ရှင်ကိုလည်း အကြိုက်တွေ့မှာပါ။ ဇာတ်လမ်းအကျဉ်းကတော့ - Geoff ဟာ ဘုရားကျောင်းက မြင်းဇောင်းမှာ အလုပ်လုပ်ရတဲ့ မိဘမဲ့ကောင်လေးတစ်ယောက်ပါ။ သူ့အိပ်မက်က ဘုရင့်သူရဲကောင်းတစ်ယောက်ဖြစ်လာဖို့ပါပဲ။ သူ့လိုဆင်းရဲသားလေးအတွက် ဘုရင်သူကောင်းပြုခံရတဲ့ သူရဲကောင်းစစ်သည်ဖြစ်ဖို့ဆိုတာ အတော်အလှမ်းဝေးပါတယ်။ ဒါပေမဲ့ ဘုရားကျောင်း မြေတိုက်ခန်းထဲ ခိုးဝင်မိချိန်မှာတော့ သူ့ဘ၀ကို ပြောင်းလဲပေးနိုင်တဲ့ လမ်းစတစ်ခု တွေ့ခဲ့ရပါတယ်။ အဲဒါကတော့ Drake ဆိုတဲ့ နဂါးလေးတစ်ကောင်ပါ။ နဂါးတွေပျောက်ကွယ်သွားပြီဖြစ်တဲ့ Geoff တို့ခေတ်မှာတော့ Drake ဟာ နောက်ဆုံးလက်ကျန်ဖြစ်ပြီး နဂါးတို့တပ်အပ်တဲ့ပညာတွေကို ဘာမှမသိသေးတဲ့၊ ဥကပေါက်ကတည်းက အခန်းထဲပဲ အောင်းနေရသူလည်း ဖြစ်ပါတယ်။ အဲဒီလိုနဲ့ Geoff နဲ့ Drake တို့ ဆုံမိကြတဲ့အခါ နှစ်ဦးလုံးရဲ့ကံကြမ္မာတွေ ဘယ်လိုပြောင်းလဲသွားမလဲ၊ သူတို့နှစ်ဦးပေါင်းပြီး တိုင်းပြည်ရဲ့အရှုပ်အရှင်းတွေကို ဘယ်လိုရင်ဆိုင်သွားကြမလဲ၊ နဂါးတွေနဲ့ သူရဲကောင်းတွေကြားမှာ ဘယ်လို လျှို့ဝှက်ဆန်းကြယ်မှု‌တွေ ရှိနေမလဲဆိုတာကိုတော့ ကိုယ်တိုင်ပဲ ဆက်လက်ကြည့်ရှုလိုက်ပါနော်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Katie ဖြစ်ပါတယ်

ဆူနမ်ဟာ ငယ်ငယ်လေးကတည်းက ကိုယ့်ခြေထောက်ပေါ်ကိုယ်အားကိုးပြီး နေထိုင်လာခဲ့တာပါ။ ဒီလိုနဲ့ သူ့ရဲ့ကြီးမားတဲ့ဆုံးဖြတ်ချက်ကြီးကို အလယ်တန်းနောက်ဆုံးနှစ်မှာ ချမှတ်ခဲ့ရပါတယ်။ အဲဒါကတော့ စက်ရုံအလုပ်သမားအဖြစ်အသက်မွေးဝမ်းကြောင်းပြုမလား မဟုတ်ရင် elite အဖြစ်နေမလားဆိုတာပါပဲ။ သူကတော့ elite အဖြစ်နေဖို့ဆုံးဖြတ်ခဲ့ပါတယ်။ ဒီလိုနဲ့ ကြိုးစားရင်း အထက်တန်းနောက်ဆုံးနှစ်မှာတော့ သူမဆီမှာ စာစီစာရိုက်နဲ့ပတိသက်ပြီး လက်မှတ် ၁၄ခုရနေခဲ့ပါပြီ။ ဒါပေမဲ့ 20ရာစုမှာ ကွန်ပျူတာတွေထိုးဖောက်ဝင်ရောက်လာတဲ့အခါ သူရရှိထားတဲ့လက်မှတ်တွေက အသုံးမဝင်ဖြစ်ခဲ့ရပါတယ်။ ကံကောင်းစွာနဲ့ တစ်နေ့မှာတော့ အသေးစားစက်ရုံလေးတစ်ခုမှာ အလုပ်ရခဲ့ပြီး အိမ်ထောင်ကျခဲ့ပါတယ်။ ဆူနမ်နဲ့ သူ့ခင်ပွန်းတို့ဟာ အိမ်တစ်လုံးဝယ်ဖို့ဆုံးဖြတ်ခဲ့ကြပြီးချေးငွေယူခဲ့ပါတယ်။ ဆူနမ်က ချေးငွေဆပ်ဖို့ကြိုးစားရင်း သူ့ခင်ပွန်းကြောင့် အကြွေးနွံထဲနစ်ခဲ့ရပြန်ပါတယ်။ ဒီလိုနဲ့ တစ်နေ့မှာ သူ့ရဲ့အကြွေးတွေအားလုံးဆပ်နိုင်မယ့်တစ်ခုတည်း‌သောအခွင့်အရေးရောက်လာတဲ့အခါ ဘာဆက်ဖြစ်မလဲဆိုတာကိုတော့ M-sub Movie မှာ ကြည့်ရှုဖို့ဖိတ်ခေါ်လိုက်ပါရစေ ဒီဇာတ်ကားကို အညွန်းနဲ့ဘာသာပြန်ပေးသူကတော့ Rosita ဖြစ်ပါတယ်

သတိပြုရန် - ၁၈ အပေါင်းတွေပါလို့ မိသားစုနဲ့မကြည့်မိပါ 2010 ခုနှစ်မှာထွက်ပေါ်ခဲ့တဲ့ Love in Between ဆိုတဲ့ရုပ်ရှင်ကားလေးတစ်ပုဒ်ကတော့ ချစ်ခြင်းမေတ္တာ၊‌ ဖောက်ပြန်တတ်တဲ့သဘောတရားတွေနဲ့ လူ့သဘာဝတွေအကြောင်းကိုမီးမောင်းထိုးရိုက်ပြထားတဲ့ ဇာတ်ကားလေးတစ်ပုဒ်ပဲဖြစ်ပါတယ်။ ဒီဇာတ်လမ်းမှာတော့ သားဖွားမီးယပ်အထူးကုဆရာဝန်မ ဟန်ဆို‌ယောင်းဟာ ခင်ပွန်းဖြစ်သူ ဗိသုကာပညာရှင်ယွန်းဂျီဆော့နဲ့ ပူနွေးတောက်လောင်တဲ့အိမ်ထောင်ရေးတစ်ခုကို ၁၀နှစ်တာတည်ဆောက်လာခဲ့ပြီး လက်ရှိမှာရင်သွေးယူဖို့ကြိုးပမ်းနေချိန်ဖြစ်ပါတယ်။ သို့သော်မထင်မှတ်စွာနဲ့ ခင်ပွန်းဖြစ်သူက သူ့ရဲ့တပည့်မလေး ယောဂနည်းပြဆရာမတစ်ဖြစ်လဲ ဘွဲ့လွန်ကျောင်းသူဆူဂျီနဲ့ ဖောက်ပြန်နေတာကိုသိလိုက်ရတဲ့အချိန်မှာတော့ ဆူဂျီနဲ့ရင်းနှီးမှုရယူပြီး ‌ဖောက်ပြန်ရတဲ့အကြောင်းရင်းကိုမသိမသာစုံစမ်းရင်း ခံပြင်းမှုနဲ့သနားမှုကြား ဗျာများရပုံကိုသရုပ်ဖော်ထားတာဖြစ်ပါတယ်။ "တစ်ခါသေဖူး ပျဉ်ဖိုးနားလည်"ဆိုတဲ့အ‌တိုင်း တစ်ခါဖောက်ပြန်ဖူးတဲ့ယောက်ျားကိုပြန်လက်ခံဖို့မရဲဘဲမေ့ပစ်ဖို့ကြိုးစားရင်း ဂျေးဆိုတဲ့ကောင်လေးတစ်ယောက်နဲ့ပတ်သက်မိချိန်မှာတော့ ကိစ္စတွေဟာ သပွတ်အူလိုရှုပ်ထွေးလာခဲ့ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Hnin Yee ဖြစ်ပါတယ်

တစ်ခါတစ်လေကျရင်သေသွားရင်ကောင်းမှာပဲဆိုပြီးတွေးမိကြတဲ့အခိုက်အတန့်တွေရှိမှာပါ။အခုတင်ဆက်ပေးမဲ့ Remnant ဆိုတဲ့ဇာတ်ကားထဲကဂရေ့စ်ကတော့ သေသွားရင်ကောင်းမှာပဲဆိုတာကိုတကယ်ကြီးခံစားနေရတာဖြစ်ပါတယ်။ဘာလို့လဲဆိုတော့ သူ့မိဘတွေနဲ့အတူဖြစ်ခဲ့တဲ့ ကားမတော်တဆမှုမှာသူတစ်ယောက်တည်းအသက်ရှင်ကျန်နေခဲ့လို့ပဲဖြစ်ပါတယ်။အဲ့လိုအသက်ရှင်ကျန်ခဲ့တယ်ဆိုတာကလည်း နည်းပညာတိုးတက်နေတဲ့ခေတ်ကြီးဖြစ်တဲ့အတွက် သူ့ဦးနှောက်ထဲကိုချစ်ပ်ပြားတစ်ခုထည့်ပြီး ဆက်လက်လည်ပတ်နေနိုင်အောင်လုပ်ပေးထားလို့ပဲဖြစ်ပါတယ်။ဒါပေမယ့်သူကတော့အဲ့လိုအသက်ဆက်ရှင်နိုင်အောင်လုပ်ပေးလို့ဆရာဝန်ကိုကျေးဇူးတင်ရမဲ့အစား လက်ခလယ်သာထောင်ပြနေပါတော့တယ်။ဒီလိုနဲ့ဆေးရုံကဆင်းပြီးအိမ်ကိုပြန်လာခဲ့အခါမှာလည်း ဘယ်အရာကိုမှအလိုမကျတော့ပဲ အရင်တုန်းကဂရေ့စ်နဲ့မတူပဲအစစအရာရာပြောင်းလဲထူးဆန်းနေခဲ့ပါတယ်။သူငယ်ချင်းရဲ့အကူအညီကိုရပေမဲ့လည်း ခေါင်းထဲမှာတစ်ခါတစ်ရံပေါ်လာတတ်တဲ့ဆိုးဝါးလွန်းတဲ့ပုံရိပ်တွေကြောင့် ဂရေ့စ်တစ်ယောက်တဖြည်းဖြည်းခြောက်ခြားလာရင်းနဲ့ ဘယ်လိုစိတ်ဝင်စားစရာတွေဆက်ဖြစ်မယ်ဆိုတာကို ကြည့်ရှုခံစားရမဲ့ သိပ္ပံစိတ်ကူးယဉ် Horror ဇာတ်ကားတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Blitz (2024) ကတော့ ဒုတိယကမ္ဘာစစ်အတွင်း လန်ဒန်ကို နာဇီဗုံးကြဲတိုက်ခိုက်တဲ့အချိန် ဖြစ်ရပ်မှန်ကိုသရုပ်‌ဖော်ရိုက်ကူးထားတဲ့ သမိုင်းဝင်ရုပ်ရှင်တစ်ကားပဲဖြစ်ပါတယ် ဒီဇာတ်ကားမှာ ရီတာက သူ့သားဖြစ်သူ ဂျော့ဂ်ျကို ဘေးကင်းရာကိုလွှတ်လိုက်ပေမယ့် ဂျော့ဂ်ျက သူ့အမေနဲ့ပဲနေချင်တာကြောင့် ရထားပေါ်ကခုန်ဆင်းပြီး အိမ်ပြန်ဖို့ထွက်ပြေးလာခဲ့ပါတယ် လောကကြီးမှာ ကောင်းတဲ့သူတွေလည်းရှိသလို မကောင်းတဲ့သူ‌လည်းများတာ‌ကြောင့် ၉ နှစ်အရွယ်ကလေးလေးက အိမ်ပြန်လမ်းကိုတောင် သေချာမသိပဲထွက်ပြေးလာရင်း လူမျိုးရေးခွဲခြားခံရတာတွေ အနိုင်ကျင့်ခံရတာတွေနဲ့ သူ့အဖေပြည်နှင်ဒဏ်ပေးခံရတာနဲ့ပက်သက်ပြီးနောက်ဆက်တွဲအကျိုးဆက်တွေကိုရင်ဆိုင်ရင်း တောင့်ခံခဲ့ရပါတယ် ရီတာက စစ်ပွဲတွေကြားမှာ သူ့သားကိုကယ်တင်ချင်ပေမယ့် အတားအဆီးပေါင်းများစွာရှိတာမလို့ လွယ်လွယ်နဲ့ရှာမတွေ့ခဲ့ပါဘူး ဒီဇာတ်လမ်းမှာ စစ်ရေးကိစ္စတွေရော ဗြိတိန်နိုင်ငံရဲ့ လူမျိူးရေးကွာဟချက်တွေကိုပါ မြင်တွေ့ရမယ့် စိတ်ဝင်စားဖို့ကောင်းသလို ဝမ်းနည်းဖို့လည်းကောင်းတဲ့ ဇာတ်ကားလေးပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

သားအဖနှစ်ယောက်ရဲ့ တံတားပေါ်က စွန့်စားခန်းကို ကြည့်ရမှာပါ။ ဂျိမ်းစ်နဲ့ကေ့စ်တို့သားအဖဟာ ပစ္စည်းပို့ကားကုမ္မဏီမှာ အလုပ်လုပ်တဲ့ လက်နက်ကိုင်လုံခြုံရေးတွေပါ။ သူတို့ပို့ပေးရတာကလည်း ဘဏ်အချင်းချင်း ငွေပို့တဲ့အချိန် ငွေသေတ္တာတွေကို ကျည်မဖောက်နိုင်တဲ့ ထရပ်ကားနဲ့ နေရာရောက်အောင် ပို့ပေးရတာမျိုးပါ။ ဂျိမ်းစ်က ယခင်က ရဲအဖြစ်အလုပ်လုပ်ခဲ့ပြီး အရက်စွဲသွားလို့ အလုပ်ပြုတ်သွားတဲ့သူပါ။ ဒီတစ်ခေါက်မှာတော့ သူတို့ပို့ရတဲ့ပမာဏက ယခင်ကထက် အဆမတန်များနေပြီး ငွေသားမဟုတ်ဘဲ ရွှေဒင်္ဂါးတွေ ဖြစ်နေပါတယ်။ သူတို့သားအဖက ဒါကိုမသိဘဲ လမ်းမှာကြားထဲက လုယက်သူတွေလိုက်လာမှာ သိတာပါ။ ကား‌‌နောက်ခန်းတံခါးကို လွယ်လွယ်ဖွင့်လို့မရတဲ့အတွက် သားအဖနှစ်ယောက်က အထဲမှာ လော့ချထားပြီး လုယက်သူလက်နက်ကိုင်ပရိုတွေလက်ကနေ လွတ်အောင် ကြံဖန်ရပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဆိုင်ကယ်ချစ်သူတွေအကြိုက်တွေ့စေမဲ့အက်ရှင် ဒရာမာဇာတ်ကားကောင်းလေးတစ်ကားကိုတင်ဆက်ပေးလိုက်ပါပြီ။ဇာတ်ကားနာမည်ကတော့ GTMax ဖြစ်ပြီး လက်ရှိ IMDb Rating 5.4 အထိရရှိထားပါတယ်။ဒီဇာတ်ကားကိုဘာလို့ GTMax လို့ခေါ်ရလဲဆိုရင်တော့ သာမန်မိသားစုစီးတဲ့ GTMax ဆိုင်ကယ်ကြီးတွေကိုသေချာပြန်ပြုပြင်ပြီး လုယက်မှုတွေလုပ်တဲ့အဖွဲ့အကြောင်းရိုက်ကူးထားလို့ပဲဖြစ်ပါတယ်။တန်ဖိုးကြီးပစ္စည်းဆိုရင် လက်ဝတ်ရတနာ ရွှေငွေစိန်ကအစ နာရီအထိလုယက်တဲ့ အဲ့ဒီ GTMax ကြီးတွေနဲ့ဆိုင်ကယ်အဖွဲ့ကို ရဲအရာရှိလူးကပ်စ်တစ်ယောက်ဖမ်းဖို့ကြိုးစားနေခဲ့တာတော်တော်ကြာခဲ့ပါပြီ။ဒါပေမယ့်သူတို့သုံးတဲ့ယာဉ်ကဆိုင်ကယ်ဖြစ်နေတဲ့အတွက် တခြားရဲတွေလိုက်မှီဖို့မလွယ်သလို လူးကပ်စ်ရဲ့ဆိုင်ကယ်နဲ့လိုက်ဖမ်းဖို့ကလည်းမလွယ်ခဲ့ပါဘူး။အဲ့ဒီအပြင်ကိုမှ လမ်းကြမ်းဆိုင်ကယ်ပြိုင်တဲ့လောကထဲမှာအရမ်းနာမည်ကြီးတဲ့မိသားစုထဲက မောင်နှမနှစ်ယောက်ကပါ အဲ့ဒီလုယက်တဲ့အဖွဲ့ထဲရောက်လာတဲ့အခါမှာတော့ ဆိုင်ကယ်တွေကိုဘယ်လိုတွေပြင် ဘယ်လိုတွေကြမ်းကြမ်းတမ်းတမ်းစီးပြီးတော့ ဘယ်လိုလုယက်မှုတွေထပ်လုပ်ဦးမလဲ လူးကပ်စ်ကရော အဲ့ဒီအဖွဲ့ကိုနောက်ဆုံးမှာဖမ်းနိုင်သွားပါ့မလားဆိုတာတွေကိုစိတ်ဝင်စားစရာ ခပ်လန်းလန်း ခပ်ကြမ်းကြမ်းကြည့်ရှုခံစားရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

The Founding of New China Trilogy ရဲ့ နောက်ဆုံးဇာတ်ကားပါ။ ၂၀၀၉ ခုနှစ်ထွက် The Founding of a Republic ရဲ့ prequel လို့ပြောရမှာပါ။ ၁၉၂၇ ခုနှစ် ရှန်ဟိုင်းအလုပ်သမားလှုပ်ရှားမှုနဲ့ အစပြုထားပြီး ပထမဆုံး ကူမင်တန်-ကွန်မြူနစ် တိုက်ပွဲကြီးအစကို ရိုက်ကူးထားတာပါ။ နိုင်ငံတစ်နိုင်ငံမှာ အစိုရသုံးဖွဲကွဲနေခဲ့ပြီး တရုတ်ပြည်ကို ဂျပန်တွေ ကျူးကျော်ပြီးနောက်မှာ ရပ်ထားခဲ့တဲ့ ပြည်တွင်းစစ်ပြန်လည်စတင်ရာ ချန်ကေရှိတ်ရဲ့ အင်အားကြီးမျိုးချစ်ပါတီကို မော်စီတုန်းတို့ရဲ့ ကွန်မြူနစ်ပါတီက ပြန်လည်တိုက်ခိုက်ပြီး တပ်မတော်နီကြီးကို တည်ထောင်ခဲ့ပုံ။ တရုတ်ပြည်ရဲ့ သပွတ်အူနိုင်ငံရေးသမိုင်းကြောင်းစိတ်၀င်စားသူတွေအကြိုက်တွေ့မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

မိသားစုနဲ့အတူ မကြည့်ရှုသင့်တဲ့ အခန်းတွေ အများကြီးပါတာကို ကြိုသတိပေးချင်ပါတယ်။ ကြည့်ရဲတဲ့သူတွေကတော့ ဇာတ်ဝင်ခန်းတွေကို ရင်တဖိုဖိုနဲ့ ရှုစားရမှာပါ။ ဇာတ်လမ်းအကျဉ်းကတော့ ကေလာဆိုတဲ့ မိန်းကလေးက အရမ်းထန်ပြီး လိင်မှုကိစ္စတွေမှာ အသစ်အသစ်တွေ လက်တည့်စမ်းချင်နေတဲ့သူပါ။ သူ့ရည်းစား ရက်ဒ်က ရဲအရာရှိဖြစ်တာနဲ့အညီ စည်းနဲ့ဘောင်နဲ့ သမားရိုးကျ နေထိုင်တတ်တဲ့သူပါ။ ကေလာက ၂ယောက် ၁ယောက်ပုံစံ လက်တည့်စမ်းချင်နေတဲ့အကြောင်း ရက်ဒ်ကို အမြဲပူဆာနေတယ်။ ဒီလိုနဲ့ စနေတနင်္ဂနွေ အလုပ်အားလပ်ရက်မှာ ကေလာနဲ့ ထန်ဖော်ထန်ဖက်တွေ ဖြစ်ခဲ့တဲ့ ဂလော်ရီတို့စုံတွဲဆီ သွားလည်ကြတယ်။ ဒါပေမဲ့ သွေးစုပ်ဖုတ်ကောင်စုံတွဲက အကြံအစည်ရှိလို့ ဖိတ်ခေါ်လိုက်တာကို ကေလာတို့တွေ မသိခဲ့ကြဘဲ ၂ယောက် ၁ယောက်စမ်းချင်တာနဲ့ပဲ ဆိုက်ဆိုက်မြိုက်မြိုက်ကြီးကို သွားပျော်ပါးကြပါတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ nanda tun kyaw ဖြစ်ပါတယ်

Hero (2022) ရုပ်ရှင်ကတော့ စိတ်ထိခိုက်စရာအပြည့်နဲ့အားရစရာကောင်းတဲ့ ကိုးရီးယားတေးသရုပ်ဖော်ဇာတ်ကားတစ်ကားဖြစ်ပါတယ်။ ပရိတ်သတ်တွေရဲ့အသဲစွဲ နတ်ဆရာမလေး ဂင်ဂိုအွန်းပါဝင်သရုပ်ဆောင်ထားပြီး အခြားနာမည်ကြီး သရုပ်ဆောင်ပေါင်းများစွာပါဝင်ထားပါတယ်။ ဂျပန်နယ်ချဲ့တွေကို ဆန့်ကျင်တိုက်ခိုက်ခဲ့တဲ့ လွတ်လပ်ရေးတိုက်ပွဲဝင် အန်းဂျောင်ဂွန်းရဲ့စိတ်ဓာတ်ခံယူချက်ကို ဒီရုပ်ရှင်တွင် ကွက်ကွက်ကွင်းကွင်း ဖော်ပြထားတဲ့အပြင် သရုပ်ဆောင်များ၏ ပီပြင်မှုနဲ့ ကောင်းမွန်သော တေးသီချင်းများက ဇာတ်ကို ပို၍ရုပ်လုံးပေါ်စေပါတယ်။ ရသမျိုးစုံခံစားချက်တွေအပြင် အဲဒီအချိန်တုန်းက ကိုရီးယားလွတ်လပ်ရေးတိုက်ပွဲဝင်များရဲ့ ရဲစွမ်းသတ္တိကိုလည်း ခံစားမိစေမှာပါ။ သမိုင်းအခြေပြုရုပ်ရှင်ကားလေးဖြစ်တဲ့အတွက်ကြောင့် သမိုင်းကို စိတ်ဝင်စားသူတွေနဲ့ ရုပ်ရှင်ချစ်ပရိတ်သတ်များအတွက် အဓိပ္ပာယ်ရှိလှတဲ့ဇာတ်ကားကောင်းလေးဖြစ်တာကြောင့် ကြည့်ရှုဖို့တိုက်တွန်းလိုက်ပါရစေ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Rosita ဖြစ်ပါတယ်

ဒီဇာတ်ကားကတော့ အိပ်ရာဝင်ပုံပြင်တစ်ပုဒ်လို ပေါ့ပေါ့ပါးပါးနဲ့ ကြည့်ရှုကြရမယ့် စိတ်ကူးယဉ်ဆန်ဆန် စွန့်စားခန်း ဇာတ်ကားတစ်ကားပါပဲ။ အနာဂါတ်မှာ ဘုရင်ကောင်းတစ်ပါးဖြစ်လာစေချင်တဲ့ ရည်ရွယ်ချက်နဲ့ သူရဲကောင်းကြီး Bowen ဟာ ဆိုးယုတ်လှတဲ့ဘုရင်ကြီး Freyne ရဲ့သားတော် Einon ကို သူရဲကောင်းတို့ရဲ့လမ်းစဉ်တွေကို သင်ကြားပေးခဲ့ပါတယ်။ တစ်နေ့မှာ Einon ဟာ ဓားဒဏ်ရာကြောင့် သေမလိုဖြစ်နေတဲ့အချိန်မှာ အဲဒီနယ်မှာနေထိုင်တဲ့ နဂါးကြီးက သူ့ရဲ့နှလုံးသားတစ်ခြမ်းကို Einon ဆီ ပေးအပ်ပြီး အသက်ကယ်ပေးခဲ့ပါတယ်။ ဖခင်ဘုရင်ကြီးသေဆုံးချိန်မှာ Einonဟာ နန်းတက်ပြီး နိုင်လိုမင်းထက်ပြုမူပြီး ရက်စက်လှတဲ့ဘုရင်တစ်ပါးဖြစ်လာချိန်မှာတော့ သူရဲကောင်းကြီးBowenနဲ့ နဂါးကြီးတို့ပေါင်းပြီး ဘုရင်ကိုတော်လှန်ဖို့ဖြစ်လာပါတော့တယ်။ ဒီဇာတ်ကားဟာ ဝင်ငွေပိုင်းအရ အသင့်အတင့်အောင်မြင်ခဲ့ပြီး ဒီကားရဲ့ ကွန်ပျူတာအထူးပြုလုပ်ချက်တွေဟာလည်း အဲဒီခေတ်အနေအထားနဲ့ ကောင်းမွန်လှတယ်လို့ပြောလို့ရနိုင်‌လောက်အောင် Visual Effects အော်စကာဆန်ကာတင်တောင် ဝင်ခဲ့ပါသေးတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Aung Myat Tun ဖြစ်ပါတယ်