လူကြည့်များသော ရုပ်ရှင်များ

ထိုင်းဇာတ်ကားဖန်တွေအတွက် ဒီဇာတ်ကားလေးကတော့ အက်ရှင် ဟာသဇာတ်မြူးလေးဘဲဖြစ်ပါတယ်။ဇာတ်လမ်းအစမှာတော့ ကီဆိုတဲ့ကောင်မလေးတို့မိသားစုတစ်စုလုံးကံဆိုးမှုတွေကိုအမြဲကြုံတွေ့နေရပြီး သူမကိုယ်တိုင်လည်း အမြဲတစ်ခုမဟုတ်တစ်ခုနေ့တိုင်းကံဆိုးမှုတွေနဲ့ဘဲကြုံတွေ့နေရပါတယ်။ တစ်နေ့မှာတော့ စာတမ်းအတွက် အိုင်ဒီယာမရဖြစ်နေတဲ့အချိန်မှာ အဖိုးကြီးတစ်ယောက်နဲ့တွေ့လိုက်ပြီး သူတို့မိသားစုကံဆိုးမှုတွေက ကျိန်စာကြောင့်ဖြစ်တယ်ဆိုတာကိုသိလိုက်ရပါတော့တယ်။ ဒီတော့ ဒီကျိန်စာဆိုတဲ့အရာကို ပပျောက်အောင်ကီတစ်ယောက်ဘယ်လိုကြိုးစားမလဲဆိုတာကို သိချင်တယ်ဆိုရင်တော့ ကြည့်ရှုပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ May Myat Noe Naing ဖြစ်ပါတယ်

ဟောင်ကောင် Crime/Action, Storm movie sequels ရဲ့ ပင်တိုင်စံမင်းသားကြီး Louis Koo ရဲ့ 2018 ခုနှစ်ထွက် L.Storm ရုပ်ရှင်ဟာလည်း စိတ်၀င်တစားနဲ့ကြည့်လို့ကောင်းတဲ့ ဇာတ်ကားတစ်ကားပါပဲ။ အဂတိလိုက်စားမှုတိုက်ဖျက်ရေး ICAC အရာရှိကြီး Luk ဟာ လာဘ်ပေးလာဘ်ယူမှုတစ်ခုကို စုံစမ်းနေတုန်း ဖမ်းဆီးစစ်ဆေးခံရတယ်။ သူ့ဘဏ်အကောင့်ထဲ ဘယ်ကမှန်းမသိ ငွေ ၁၂ သန်း၀င်နေပြီး သူ့ဘဏ်အကောင့်ကိုသိတဲ့ တစ်ဦးတည်းသောနိုင်ငံခြားက သူငယ်ချင်းလည်း သေသွားပြီဆိုတာ သိလိုက်ရတယ်။ Luk ဟာ OCTB ရော ICAC ကပါ အလိုရှိသူဖြစ်လာတဲ့နောက်မှာတော့ ပြေးစရာမြေမရှိတဲ့ အခြေနေထဲရောက်ရပြီ။ တာ၀န်ဆိုင်းငံ့ခံထားရတဲ့ Luk တစ်ယောက် ကိုယ့်အမှုရော သူများအမှုပါ ဘယ်လိုဖော်ထုတ်မလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Amistad လေးကိုဘာသာပြန်တင်ဆက်ပေးလိုက်ပါတယ် ဒီဇာတ်ကားလေးကတော 1997 ခုနှစ်ထွက် အမေရိကန် သမိုင်းဝင် ဒရာမာဇာတ်ကားဖြစ်ပြီး စပိန်ကျွန်သင်္ဘော ပေါ်ကနေစတင်တဲ့ 1839 ခုနှစ် အဖြစ်အပျက်တွေကို အခြေခံရိုက်ကူးထားတဲ့ဇာတ်ကားလေးဖြစ်ပါတယ် ကျူးဘားကစပိန်ပိုင် သင်္ဘောတစ်စင်းက ကျွန်တွေကိုတရားမဝင်သယ်ဆောင် အတ္တလန္တိတ်ကျွန်ကုန်သွယ်မှုကို ချိုးဖောက်ရာကစတင်ပြီး အမေရိကက ကျွန်စနစ်ဖျက်သိမ်းရေးနဲ့ ကျွန်ပုန်ကန်မှုတွေကိုစတင်တိုက်ခိုက်ရာက ၂နိုင်ငံကြား ပဠိပက္ခတွေကိုရိုက်ကူးထားတာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

ဒုတိယကမ္ဘာစစ်အတွင်း မဖွံ့ဖြိုးသေးတဲ့ဒေသတစ်ခုမှာ လာဗိုလ်ကျစိုးမိုးတဲ့ဗြိတိသျှတွေရဲ့နိုင်လိုမင်းထက်ပြုမူကတစ်မျိုး ၊ ဂျပန်ဗုံးကြဲလေယာဉ်ဒဏ်တွေကို ရှောင်ပြေးဖို့ကြိုးစားရတာတစ်မျိုးနဲ့ဒုက္ခပင်လယ်ဝေနေကြတဲ့ကာလတစ်ခုမှာ ….။ ယိုဂီဘာဘူက အသက်ကြီးနေတဲ့ အဘွားနဲ့အတူဒီခေတ်အခြေအနေမှာ သင့်တော်ရာလူတွေ့ထားပြီးတဲ့ ညီမ‌ကို အိမ်ထောင်ချပေးဖို့အရေး ၊ဘုမသိဘမသိဖမ်းခံလိုက်ရတဲ့ညီဖြစ်သူလွတ်ဖို့အရေးတွေနဲ့ ခေတ်နဲ့ စစ်ကိုမပူအားသေးတဲ့အစ်ကိုကြီးတစ်ယောက်…ညီကို သွားကယ်ဖို့ကြိုးစားနေချိန်မှ ဂျပန်ဗုံးကြဲလေယာဉ်တွေလာတယ်ဆိုလို့အဘွားနဲ့ ညီကိုခေါ်ပြီးလှေနဲ့ ပင်လယ်ထဲပြေးဖို့ကြံတော့ရှေ့ပြေးလမ်းကိုပဲ အာရုံစိုက်မိနေချိန် ညီဖြစ်သူကကျန်နေခဲ့ပြီး လွတ်လမ်းဆိုတာနဲ့အချောင်လိုက်ချင်တဲ့ လူတစ်ဖွဲ့ပဲ သူ့လှေပေါ်ပါလာခဲ့တယ်…ပင်လယ်ပြင်ကြီးထဲက လှေတစ်စီးပေါ်မှာ နိုင်ငံရေးသမား ၊တစ်ကိုယ်ကောင်းစိတ်ဓာတ်နဲ့ စီးပွားရေးသမား ၊ အကြောက်လွန်သူ ၊လက်တွေ့သမား လူအမျိုးမျိုးပါလာကြတယ်…. တစ်လှေတည်းစီးတစ်ခရီးတည်းသွားအချင်းချင်း နားလည်ဖေးမကူညီသူရှိသလိုဗိုလ်ကျအနိုင်ကျင့်ချင်သူနဲ့ ၊ မိတ်ဆွေယောင်ဆောင်ရန်သူတွေလည်းရှိနေပြန်တော့….။ ဒီတစ်ခါရော ယိုဂီဘာဘူကြီးက သဘာဝကျကျ ဘဝကိုဘယ်လိုသရုပ်ဖော်ပြဦးမလဲဆိုတာ ရှုစားကြည့်ပါဦး ဇာတ်လမ်းအညွှန်းနဲ့ ဘာသာပြန်သူကတော့ Lemon ဖြစ်ပါတယ်။

လျို့ဝှက်ဆန်းကျယ်မှုများစွာနဲ့ဖွဲ့စည်းထားတဲ့ Enemy ဇာတ်ကားမှာ ချုပ်နှောင်ခံရတာကိုသဘောမကျတဲ့ Adam Bell ဆိုတဲ့သမိုင်းပညာရှင်က စိတ်တ္တဇဝေဒနာခံစားနေရပြီး သူ့ရဲ့လုပ်ဖော်ကိုင်ဖက်အကြံပေးတဲ့ရုပ်ရှင်ကိုကြည့်ရင်း သရုပ်ဆောင်မင်းသားကို သူနဲ့ချွတ်စွပ်တူတယ်လို့သတိထားမိပြီးနောက်ပိုင်း ပဟေဠိဆန်တဲ့ဇာတ်လမ်းအသွားအလာနဲ့ ရုပ်ရှင်ရဲ့မြှုပ်ကွက်ကိုစိတ်ဝင်စားနားလည်တဲ့သူတွေအတွက် လက်မလွှတ်သင့်တဲ့ဇာတ်ကားလေးပါ ဘဝမှာရန်သူဆိုတာ ကိုယ်တိုင်လည်းဖြစ်နိုင်သလို အမှားတစ်ခုကိုနှစ်ခါမလုပ်မိအောင် ဘယ်လိုနေထိုင်ပြီးသင်ယူရမလဲဆိုတာဖော်ပြထားတဲ့ရုပ်ရှင်လေးပဲဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ Phyu ဖြစ်ပါတယ်။

ဒီဇာတ်ကားလေးကတော့ စိတ်လှုပ်ရှားစွာ သည်းထိပ်ရင်ဖို ကြည့်ရမယ့် ဇာတ်ကားလေးဖြစ်ပါတယ် ဒီကားလေးတွေထဲ တက္ကသိုလ်တုန်းက တူတူတက်ခဲ့ကြတဲ့ သူငယ်ချင်းတစ်စုဟာ သူတို့သူငယ်ချင်း မင်္ဂလာမဆောင်ခင်ညမှာ သူတို့သူငယ်ချင်းအိမ်မှာ စုဝေးဖို့ စီစဉ်ထားကြပါတော့တယ် သူငယ်ချင်းတစ်ဖွဲ့ဟာ တက္ကသိုလ်ထဲက ခင်ကြတာ ဖြစ်ပြီး အခုမှ အလုပ်တွေမအားတဲ့ကြားက ပြန်လည် ဆုံတွေ့ကြမှာ ဖြစ်ပါတယ် အဲ့အခါမှာ သူတို့အဖွဲ့ထဲမှာ ပြဿနာတက်ခဲ့ဖူးတဲ့ ဖော့ဘ်စ်ဆိုတဲ့ သူကိုလည်း ဖိတ်ခေါ်ထားပါတယ် ဖော့ဘ်စ်က ကျောင်းကတည်းက ပါတီညတွေဆို ဂိမ်းတွေဖန်တီးပြီး ဆော့တဲ့ နေရာမှာ နာမည်ကြီးပါတယ် ဒီစုဝေးပွဲညမှာလည်း ဖော့ဘ်စ်က သေတ္တာတစ်လုံးနဲ့ စက်တစ်ခုကို ယူလာပါတယ် အဲ့ဒီ့စက်က ခန္ဓာကိုယ်ချင်း လဲတဲ့ စက်လို့ သူက ပြောပါတယ် အဲ့စက်နဲ့ လူတွေနဲ့ ဆက်သွယ်ပြီး စိတ်ချင်း ခန္ဓာကိုယ်ချင်း လဲလို့ရတယ် အဲ့လိုလဲပြီး ဂိမ်းတွေ ဆော့ကြမယ်လို့ တိုက်တွန်းပါတယ် သူငယ်ချင်းတစ်ဖွဲ့ကလည်း အပျော်အပါးမက်တော့ လက်ခံလိုက်ပါတယ် ဂိမ်းလေးကတော့ ခန္ဓာကိုယ်ချင်းလဲပြီး ဘယ်သူ့ခန္ဓာကိုယ်ထဲ ဘယ်သူရောက်နေတယ်ဆိုတာကို ခန့်မှန်းရတာမျိုး ဖြစ်ပါတယ် ဒီဂိမ်းပွဲညလေးက သူတို့ ထင်သလိုပဲ ပျော်စရာကောင်းတဲ့ ညတစ်ခုဖြစ်မှာလား ဒါမှမဟုတ် လူငယ်တွေ အပျော်ကနေ အပျက်တွေ ဖြစ်လာမလား ဘယ်လိုကိစ္စမျိုးတွေ သူငယ်ချင်းတွေကြားဖြစ်မလဲ မကျေနပ်ချက်တွေ ပေါ်လာမလားဆိုတာကို ကြည့်ရှုရမှာ ဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ Henny ဖြစ်ပါတယ်

မကြာသေးခင်ကမှ Netflix ကထုတ်လွှင့်ထားတဲ့ ဒီဇာတ်ကား‌လေးက ၁၉၈၀ ဝန်းကျင်မှာနာမည်ကြီးခဲ့တဲ့ Strul ဇာတ်ကားကိုအခြေခံပြီးပြန်ရိုက်ထားတာပါ ဒီဇာတ်ကားမှာ‌တော့ အဓိကဇာတ်ကောင်ဖြစ်တဲ့ ကွန်နီက အရောင်းဝန်ထမ်းအဖြစ်အလုပ်လုပ်ရင်း လူသတ်မှုတစ်ခုကြောင့်စွပ်စွဲခံရပြီး အကျဉ်းထောင်ထဲမှာ အပြစ်ကင်းကြောင်းသက်သေပြဖို့ကြိုးစားနေတဲ့အချိန်မှာ အကျဉ်းစခန်းက ရဲတပ်ဖွဲ့ဝန်ထမ်းတွေရဲ့လိမ်လည်မှုကိုသိသွားပြီး အဲ့လိမ်လည်မှုနဲ့ဆက်နွယ်နေတဲ့ရာဇဝတ်မှုကြားမှာ လွဲချော်မှုပေါင်းများစွာနဲ့ သူဘယ်လိုသက်သေပြမလဲဆိုတာကို အက်ရှင်နဲ့ ဟာသဆန်ဆန်ရောစပ်ပြီး ရိုက်ကူးထားတဲ့ဇာတ်ကားပဲဖြစ်ပါတယ် ဇာတ်လမ်းကိုပေါ့ပေါ့ပါးပါးလေးကြည့်ချင်တဲ့သူအတွက် ကြည့်သင့်တဲ့ရုပ်ရှင်လေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

စိတ်ထင်ရာ‌ေတွလုပ် အဆင်မခြင်ပြုမူတတ်လို့ အတူလုပ်တဲ့လုပ်ဖော်ကိုင်ဖက်ရဲတွေပါ အသက်ပေးလိုက်ရပြီး လူသတ်မှုတွေနဲ့ပါ စွဲချက်တင်ခံရဖူးတဲ့ ရဲတစ်ယောက်။ ရန်သူကို ရက်ရက်စက်စက် လက်တုံ့ပြန်တတ်ပြီး ရေွှမှောင်ခိုတင်တဲ့ ပင်လယ်ပျော်ငါးဖမ်းသမားတစ်ယောက်။ ခေါင်းမာပြီး အမှုကိုအဆုံးထိလိုက်ကာ ရာဇ၀တ်သားတွေကို ကိုယ်တိုင်အပြစ်ပေးတတ်တဲ့ရဲနဲ့ သွေးအေးတဲ့ရာဇ‌၀တ်သားတို့ကြားက တိုက်ပွဲမှာ ဘယ်သူက အနိုင်ရမလဲ ။ အပိုတွေအများကြီးမပါပဲ အက်ရှင်ခန်းတွေအမိုက်စားနဲ့ ဟောင်ကောင် Crime/ Thriller ဇာတ်ကြမ်း။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ကွာရှင်းပြတ်စဲရေးကိစ္စတွေနဲ့ ကင်ဆာရောဂါကိုခံစားခဲ့ရတဲ့ နန်ဒီနီဟာ နှစ်ပေါင်းများစွာကြာပြီးတဲ့နောက်မှာ သူမရဲ့အိပ်မက်ဖြစ်တဲ့ ဥပဒေဘွဲ့ကို ပြန်ယူဖို့ စိတ်ပိုင်းဖြတ်ခဲ့ပါတယ်။ သူမ ကျောင်းပြန်တက်ပြီး သိပ်မကြာခင်မှာပဲ ကောလိပ်ထဲမှာ ပြဿနာပေါင်းစုံတက်ပြီး အမှုအခင်းတွေရင်ဆိုင်ရပါတော့တယ်။ ဒီလိုနဲ့ပဲ သူမဟာ အပြစ်မရှိဘဲ အကွက်ဆင်ခံခဲ့ရတဲ့ကောင်လေးတစ်ယောက်ကို ဒီအမှုကနေ ကွင်းလုံးကျွတ်လွတ်မြောက်အောင် ကူညီပေးတော့တာပေါ့။ ဒီဇာတ်လမ်းလေးဟာဆိုရင် အဆုံးသတ်မှာ အမှန်တရားကသာ အောင်နိုင်တယ်ဆိုတာကို ပညာပေးထားတဲ့ Drama Thriller ဇာတ်လမ်းကောင်းလေးတစ်ပုဒ်ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီတစ်ခါမှာတော့ Fantasy Horror Thriller ဇာတ်လမ်းလေးတစ်ပုဒ်နဲ့မိတ်ဆက်ပေးပါရစေ... ကာလင်ဂါလို့ခေါ်တဲ့နယ်လေးထဲမှာ ​ထူးဆန်းတဲ့တောအုပ်ကြီးတစ်ခုရှိသတဲ့။ အဲ့ဒီတောအုပ်ရဲ့ကန့်သတ်နယ်မြေထဲကို ဝင်သွားမိတဲ့လူတိုင်းဟာ ဆန်းကြယ်စွာနဲ့ပဲ သေဆုံးသွားကြရပြီး အသက်ရှင်ရက်ပြန်လာနိုင်သူဆိုတာလည်း မရှိဘူးတဲ့လေ။ ဒါပေမဲ့ တစ်နေ့မှာတော့ အရက်ရောင်းပြီးအသက်မွေးတဲ့ လင်ဂါဆိုတဲ့ကောင်လေးတစ်ယောက်က သူ့ချစ်သူနဲ့လက်ထပ်ရဖို့အရေး ယောက္ခမဖြစ်သူရဲ့တောင်းဆိုချက်ကိုဖြည့်ဆည်းဖို့ကြိုးစားရင်း အဲ့ဒီတောအုပ်ထဲက မြေကွက်တစ်ကွက်ကိုရလာတဲ့အခါ သူ့မြေကွက်ကိုကြည့်ဖို့ တောထဲကိုသွားရင်း ဒီတောအုပ်ကြီးရဲ့နောက်ကွယ်က အမှန်တရားကိုသိလိုက်ရပါတော့တယ်။ သူသိလိုက်ရတဲ့အမှန်တရားက ဘာလဲ။ ဘယ်လိုကိစ္စရပ်တွေနဲ့ ကြုံတွေ့ခဲ့ရသလဲ။ ဒီတောအုပ်နဲ့ပတ်သက်ပြီး ဘယ်လိုထူးခြားတဲ့ဖြစ်ရပ်မျိုးတွေရှိနေတာလဲဆိုတာကို သည်းထိတ်ရင်ဖိုကြည့်ရှုရမှာပဲဖြစ်ပါတယ်။ ဇာတ်လမ်းအညွှန်းနဲ့ဘာသာပြန်သူကတော့ Zed ဖြစ်ပါတယ်။

ဒီဇာတ်လမ်းက ရာပါနဲ့ မာလဘာရီတို့ကြားက စမ်းချောင်းတစ်ခုအတွက်နဲ့တိုက်ခိုက်ခဲ့ကြတဲ့ ရန်ပွဲက သားစဥ်မြေးဆက်ထိကူးစက်သွားတာပါ။ ဒီစမ်းချောင်းအတွက် အဘိုး အဖေ ဦးလေး နောက်ဆုံး အမေပါ အသက်ပေးလိုက်ရတယ်။ ဒါပေမဲ့ ရန်ပွဲတွေက အဆုံးမသတ်သေးပါဘူး ... ခေတ်အဆက်ဆက် အယူအဆတွေလွဲကြပြီး နတ်ဆိုးကျိန်စာသင့်နေတယ်လို့ပြောကြတဲ့ စမ်းချောင်းအတွက် အသက်တွေအများကြီး ဆုံးရှုံးခဲ့ရတယ် ။ ရာပါတို့ လက်ထက်က ​ဖြစ်ခဲ့တဲ့ ရန်ပွဲက ဘယ်သူ့လက်ထက်မှာ အဆုံးသတ်သွားမလဲ အဆုံးသတ်မှာ ဘယ်သူတွေက အနိုင်ရသွားမှာလဲ ဆိုတာ ဇာတ်လမ်းလေးထဲမှာ ကြည့်လိုက်ရအောင်ပါ... ဇာတ်လမ်းအညွှန်းနဲ့ ဘာသာပြန်သူကတော့ Lemon ဖြစ်ပါတယ်။

Slow Burn Romance ကြိုက်သူတွေအကြိုက်တွေ့စေမယ့် မမ Tang Wai ရဲ့‌ဇာတ်ကားကောင်းတစ်ကား။ ဇာတ်ကားနာမည်က Finding Mr Right ဆိုပေမယ့် လိုက်ရှာတာတော့မဟုတ်ပါဘူး ‌Mr Right နဲ့ အမှတ်မထင်ဆုံခဲ့ရတာပါ။ လုံး၀မျှော်လင့်မထားခဲ့ဘဲနဲ့ ကိုယ့်အတွက် လူမှန်နဲ့ဆုံလာခဲ့ရရင် တွေ့ဆုံမှုက အချိန်မှန် နေရာမှန်ဖြစ်နေမလား။ ကိုယ့်အတွက်လူမှန်ဆိုသူကိုရော ပိုင်ဆိုင်ခွင့်ရှိ‌ပါ့မလား.... ဘေကျင်းသူ ၀မ်ကျားကျား(Tang Wai) ဟာ ခြောက်လသက်တမ်းအလည်ဗီဇာနဲ့ အမေရိကားကို ဗိုက်တစ်လုံးနဲ့ တစ်ယောက်တည်း ရောက်ချလာခဲ့တယ်။ ရောက်တဲ့နေ့မှာပဲ လာကြိုတာနောက်ကျတဲ့ အသက်ကြီးကြီး ကားဒရိုင်ဘာကို ဟိန်းလာ‌းဟောက်လားလုပ်တယ်။ ဒရိုင်ဘာလိုက်ပို့ပေးတဲ့ ထိုင်၀မ်အမျိုးသမီးတစ်‌ေယာက်ရဲ့အိမ်မှာ နေဖို့ဖြစ်လာတော့ အတူနေရသူ‌ဘယ်သူနဲ့မှမတည့်။‌ ငွေကိုရေလိုသုံးပြီး ဘယ်သူ့ကိုမှ ဂရုမစိုက်တတ်တဲ့ ၀မ်ကျားကျားတစ်ယောက် အမေရိကားမှာ တစ်ယောက်တည်း။ တဖြည်းဖြည်းနဲ့ ဒရိုင်ဘာကြီးနဲ့ရင်းနှီးလာခဲ့ပြီး ကလေးတစ်ယောက်အဖေအိမ်ထောင်ရှင် ဆိုတာပါ သိလာခဲ့ရတယ်။ တစ်ယောက်အကြောင်း သိအောင်ကြိုးစားကြတာ သိလာရတာမျိုးက အရမ်းကို အံ့ဩစရာကောင်းတဲ့အရာတစ်မျိုးပါ။ အများကြီးပြောပြမနေတော့ဘဲ ‌ ကိုယ်တိုင်စီးမျှောခံစားကြည့်လိုက်ပါတော့။ ဇာတ်လမ်းအညွှန်းနဲ့ ဘာသာပြန်သူကတော့ Su ဖြစ်ပါတယ်။

သူ့ရှေ့မှာမဟုတ်တာမြင်တာနဲ့ သည်းမခံဘဲ နေရာတကာပါတက်တဲ့ဝင်နာတစ်ယောက်က ငယ်ငယ်ကတည်းကဆတ်ဆတ်ထိမခံစိတ်ရှိပြီး မတရားတာကိုလက်ပိုက်ကြည့်မနေတက်သူပါ။ လေတပ်ထဲကိုဝင် ဘာသာပြန်အဖြစ်တာဝန်ထမ်းဆောင်ပြီး ၆နှစ်အကြာထွက်ပြီးနောက် အန်အက်အေထဲဝင်ကာအလုပ်လုပ်ရာက အမေရိကလျှို့ဝှက်ချက်ကို ပြန့်စေခဲ့ပြီး ထောင်ကျသွားရတဲ့ ဝင်နာအကြောင်းဖြစ်ရပ်မှန်ဇာတ်လမ်းလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Thansin ဖြစ်ပါတယ်။

Anime ပရိသတ်ကြီးအတွက် Mobile Suit Gundam ဇာတ်လမ်းတွေကို အထွေအထူးမိတ်ဆက်ပေးစရာ လိုမယ်မထင်ပါဘူး။ ဒီကားကတော့ Mobile Suit Gundam SEED နဲ့ Mobile Suit Gundam SEED Destiny ဇာတ်လမ်းတွေရဲ့ နောက်ဆက်တွဲလို့ ဆိုရမှာပါ။ SEED Destiny ထွက်ရှိပြီး တစ်နှစ်အကြာမှာ ဒီ Anime ဇာတ်လမ်း ထွက်ရှိလာခဲ့တာ ဖြစ်ပါတယ်။ Blue Cosmo ရဲ့ကျူးကျော်မှု၊ လွတ်လမ်းလှုပ်ရှား‌မှုတွေ၊ ပဋိပက္ခ‌တွေနဲ့ အခြေအနေပေါင်း သောင်းခြောက်ထောင်လောက် ရှုပ်ထွေးပွေလီနေခဲ့ပါတယ်။ အဲဒီအချိန်မှာပဲ အခြေအနေတွေတည်ငြိမ်ပြီး ကမ္ဘာကြီး ငြိမ်းချမ်း‌စေဖိုအတွက် Lacus Clyne တို Compass အဖွဲကြီးက ကြိုးပမ်းနေကြပါတယ်။ Kira Yamato နဲ့ သူငယ်ချင်းတစ်စုကလည်း Compass အဖွဲ့ထဲ၀င်ရောက်ပြီး စစ်ပွဲတွေမှာ ပါ၀င်ခဲ့ပါတယ်။ ဒါပေမဲ့ ကမ္ဘာကြီးငြိမ်းချမ်းရေးကတော့ သူတို့ထင်သလိုဖြစ်မလာဘဲ အနှောင့်အယှက်တွေအများကြီး ကြုံလာရပါတယ်။ Lacus နဲ့ Kira တို့ ပူးပေါင်းပြီး ကမ္ဘာကြီးကို ဘယ်လိုငြိမ်းချမ်းအောင်လုပ်မလဲ၊ ဘယ်လိုအခက်အခဲတွေ ရင်ဆိုင်ရမလဲဆို‌တာကိုတော့ ကိုယ်တိုင်ပဲ ကြည့်ရှုခံစားလိုက်ပါနော်။ ဇာတ်လမ်းအညွှန်းနဲ့ ဘာသာပြန်သူကတော့ Katie ဖြစ်ပါတယ်။

ကောင်းကင်နဲ့မြေကြီးကြား ဇူတောင်တန်းတွေမှာ အမတမျိုးနွယ်စုတွေ နေထိုင်ကြတယ်။ အမှောင့်ဖျက်မိစ္ဆာကြီး Insomnia ဟာ ဝိဉာဉ်ပေါင်း တစ်သောင်းနီးပါးနဲ့ဖွဲ့စည်းထားတဲ့ အလွန်တရာစွမ်းအားကြီးပြီး သုံးလောကကို ဒုက္ခပေးနေသူ။ အမတမျိုးနွယ်စုတွေ ပေါင်းပြီး မိစ္ဆာကြီးကို ဇူသူရဲ‌ေကာင်း‌ေတွက နှိမ်နှင်းရမှာပါ။ ဟောင်ကောင် ဒါရိုက်တာကြီး Hark Tsui ရ‌ဲ့လက်ရာကောင်းတစ်ခုဖြစ်ပြီး နာမည်ကြီးသရုပ်ဆောင်တွေများစွာနဲ့ Nominations ၁၁ ခု၀င်ခဲ့ပြီး ဆုလေးခုရခဲ့တဲ့ Fantasy သိုင်းဇာတ်လမ်းကြိုက်သူတွေအတွက် ဇာတ်ကားဟောင်းကြီးတစ်ကားပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ဒီဇာတ်ကားလေးကတော့ ပညာပေးကားလေးတစ်ကားပဲ ဖြစ်ပါတယ်။ကိုကီးဆိုတဲ့ ဆယ်ကျော်သက်ကောင်မလေးတစ်ယောက်ကို မူတည်ပြီး ဇာတ်အိမ်တည်ထားတာပါ။ ကိုကီးက ဆယ်ပျော်သက်အရွယ်ဆိုတော့ ရင်ခုန်တက်စအရွယ်မှာ ရွယ်တူကောင်လေးတစ်ယောက်နဲ့ ချစ်သူတွေဖြစ်လာကြတယ် ငယ်ရွယ်တဲ့အရွယ်မို့ အချစ်ကို စူစမ်းချင်စိတ်များခဲ့တာကြောင့် အရဲ့စွန့်လာပါတယ် ။တစ်နေ့ ညဘက်တွေ့ဖို့ချိန်းထားကြပြီး ချစ်သူကောင်လေးက ရောက်မလာသေးလို့ စိတ်မရှည်နိုင်ပဲ ကိုယ်တိုင် ဆိုင်ကယ်စီးပြီး ညဘက်တစ်ယောက်တည်း သွားခေါ်မိတဲ့အချိန်မှာ ကံကြမ္မာရဲ့ထိုးနှက်မှုက အမူးသမားအုပ်စုနဲ့တွေ့ပြီး ကိုကီးတစ်ယောက် ဘဝပျက်ခဲ့ရပါတယ် ။ အဲဒိနောက်ပိုင်း ကိုကီးရဲ့ဘဝဘယ်လိုအခြေအနေဆိုးတွေ ကြုံတွေ့ရမလဲ အမူးသမားတွေနဲ့ ကြုံတွေ့ခဲ့ရတဲ့သူ့မဘဝအတွက် တရားမျှတမှု ပြန်ရနိုင်ပါ့မလား ဆိုတာ ဇာတ်လမ်းလေးထဲမှာ ကြည့်လိုက်ကြရအောင်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lemon ဖြစ်ပါတယ်

ဒါကတော့ Documentary Film ဖြစ်ပါတယ်။ USA မှာ ၂၀၂၁ခုနှစ်မှာ ဖြစ်ခဲ့တာမျိုး ထပ်မဖြစ်ရလေအောင် ရာထူးကြီး သက်ဆိုင်ရာဌာနက လူတွေ စုစည်းပြီး အကယ်၍ ဒီလိုမျိုးသာ ထပ်ဖြစ်ခဲ့ရင် ဘယ်လိုလုပ်ကြမလဲ ဆိုတာကို လေ့ကျင့်ရေးအစီအစဉ်လုပ်တဲ့ သဘောဖြစ်ပါတယ်။ အခက်အခဲအခြေအနေ ပေါင်းစုံဘက်က တွေးကြတဲ့ လေ့ကျင့်ရေးလေး တစ်ခုကို မှတ်တမ်းတင် ရိုက်ထားတာ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Henny ဖြစ်ပါတယ်။

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Sabrina လေးကိုဘာသာပြန်တင်ဆက်ပေးလိုက်ပါတယ် သရဲကားဆို ကြောက်စရာကောင်းမှ ကြည့်ချင်တာဆိုတဲ့ ပရိသတ်ကြီးအတွက် ၂၀၁၈ ခုနှစ်က ထွက်ထားတဲ့ အင်ဒိုနီးရှား horror ရုပ်ရှင်ဇာတ်လမ်းတစ်ပုဒ်နဲ့ မိတ်ဆက်ပေးချင်ပါတယ်။ Sebrina ဆိုတာ အရုပ်ရဲ့နာမည်ဖြစ်ပြီး Annabelle လို မြင်ရုံနဲ့ချစ်ချင်စရာ အရုပ်မလေးပါ။ ဇာတ်လမ်းအကျဉ်းကတော့ - အရုပ်ထုတ်လုပ်ရေးပိုင်ရှင် Aiden နဲ့ ဇနီးဖြစ်သူ Maira တိုဟာ မိဘမဲ့ဖြစ်သွားရှာတဲ့ Aiden ရဲ့တူမလေး Vanya ကို မွေးစားထားပါတယ်။ မိဘတွေရုတ်တရက်‌ဆုံးပါးသွားတာကို လက်မခံနိုင်တဲ့ Vanya လေးဟာ ဝိညာဉ်ခေါ်တဲ့ကစားနည်းတစ်ခုနဲ့ တမလွန်က မိခင်ဖြစ်သူရဲ့ဝိညာဉ်ကိုခေါ်ယူဖို ကြိုးစားခဲ့ပါတယ်။ အဲဒီအကြောင်းကို Maira တို သိသွားပြီး အခြေအနေတွေ ပိုဆိုးလာတဲ့အခါ မကောင်းဆိုးဝါးနှင်ပေးတဲ့ ပယောဂဆရာမ Lara ဆီ အကူအညီတောင်းခံရပါတော့တယ်။ အဲဒီအခါကျမှ Vanya ခေါ်ယူလိုက်တာဟာ သူ့မိခင်ရဲ့၀ိညာဥ်မဟုတ်ဘဲ အတော်ဆိုးရွားရက်စက်တဲ့ နတ်ဆိုးဖြစ်နေမှန်း သိလိုက်ရတဲ့အခါ... ပယောဂဆရာမ Lara က နတ်ဆိုးကို မောင်းထုတ်ပေးနိုင်ပါ့မလား၊ မှားယွင်းနေတဲ့ ဝိညာဉ်ခေါ်ပွဲကြီးမှာ ဘယ်သူတွေ စတေးခံလိုက်ရမလဲ၊ အဲဒီအဖြစ်ဆိုးရဲ့ နောက်ကွယ်မှာ ဘယ်လိုလျှိဝှက်ချက်တွေရှိနေမလဲဆိုတာ သည်းထိတ်ရင်ဖို ကြည့်ကြရမှာပါ။ စိတ်၀င်စားစရာ နောက်ခံအကြောင်းအရင်းနဲ့ ကြောက်စရာသရဲဇာတ်လမ်းဖြစ်ပြီး လူတွေရဲ့လောဘနဲ့ လောဘကြောင့

Dark Phoenix ကို 4K နဲ့ပြန်ကြည့်ချင်သူတွေအတွက်တင်ပေးလိုက်ပါတယ် HDR Version ဖြစ်လို့ Device ပေါ်မူတည်ပီး အလင်းအမှောင်ကွာနိုင်ပါတယ်

ဆူဟာနာက အစဉ်အလာကြီးတဲ့ နိုင်ငံရေးမိသားစုတစ်ခုကနေ ဆင်းသက်လာသူတစ်ဦးဖြစ်ပြီး သံတမန်လောကမှာလည်း နာမည်ကောင်းတစ်ခုရရှိထားတဲ့ မိန်းကလေးတစ်ယောက်ဖြစ်တယ်။ တစ်နေ့မှာတော့ သံတမန်ရေးရာကိစ္စတစ်ခုမှာ သူမရဲ့စွမ်းဆောင်မှုကြောင့် အောင်မြင်သွားခဲ့တဲ့အတွက် အသက်အငယ်ဆုံးလက်ထောက်သံအမတ်ရာထူးကိုရသွားခဲ့တယ်။ ဒါပေမဲ့ သူမရဲ့အဖေဖြစ်သူကတော့ အသက်ငယ်ငယ်လေးနဲ့ ဒီရာထူးကိုရခဲ့တဲ့အတွက် သံသယများနေရတာပေါ့။ တာဝန်ထမ်းဆောင်ဖို့ လန်ဒန်ကိုရောက်ပြီးမကြာခင်မှာပဲ လူတစ်ယောက်နဲ့ပတ်သက်မိပြီး အကျပ်ကိုင်ခြိမ်းခြောက်ခံရပါတော့တယ်။ အဲ့ဒီကနေတစ်ဆင့် သူမလည်း မသိလိုက်ပါဘဲ နိုင်ငံ့သစ္စာဖောက်ဘဝကိုရောက်သွားရတဲ့အပြင် ခြိမ်းခြောက်အကျပ်ကိုင်တဲ့လူတွေကလည်း ဒီလောက်နဲ့ရပ်တန့်မသွားတဲ့အပြင် ဒါကိုအသုံးချပြီး မစ်ရှင်ကြီးတစ်ခုကိုအကောင်အထည်ဖော်လာကြတဲ့အခါ မိသားစုရဲ့ဂုဏ်သိက္ခာကိုထိန်းသိမ်းဖို့ တိုင်းပြည်ကိုကာကွယ်ဖို့ ဆူဟာနာတစ်ယောက် ဘယ်လိုတွေကြိုးစားမလဲ။ ဘာတွေတွေ့ကြုံရမလဲဆိုတာကို စိတ်ဝင်တစားကြည့်ရှုရမဲ့ Spy Thrillerဇာတ်လမ်းတစ်ပုဒ်ပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဂျေးကွန်ဝေး ဆိုတဲ့ကောင်မလေးက လွန်ခဲ့တဲ့ တစ်နှစ်ခန့်က သူ့အိမ်က အိပ်ရာပေါ်မှာတင် အိပ်နေတုန်း ပြန်ပေးဆွဲခံခဲ့ရတာပါ။ ရဲက သူ့ကိုရှာတွေ့တာက Forest Park ကြီးရဲ့ တစ်နေရာမှာဖြစ်ပါတယ်။ သူက သူ့ကိုလူတစ်ယောက်က ဖမ်းခေါ်သွားပြီး Forest Park ထဲက တွင်းကြီးတစ်တွင်းထဲ ပစ်ချခဲ့တာပါတဲ့။ အဲဒီတွင်းထဲမှာ လူအရိုးတွေလည်း တွေ့ခဲ့ကြောင်း ပြောပြခဲ့ပေမယ့် တကယ်တမ်း ရှာဖွေရေးအဖွဲ့က ရှာတဲ့အခါမှာတော့ သက်သေတစ်စွန်းတစ်စလေးတောင် မတွေ့ခဲ့ရပါဘူး။ ဒါနဲ့ပဲ ရဲက သူ့ကို ဇာတ်လမ်းတွေ ထွင်ပြောတက်တဲ့ စိတ်ဝေဒနာရှင်အဖြစ် မှတ်ယူပြီး စိတ္တဇဆေးရုံမှာ လပေါင်းများစွာ ပိတ်လှောင်ထားခဲ့ပါတယ်။ သူ အဲဒီကနေလွတ်လာတော့ ဘဝသစ်တစ်ခုကို ပြန်တည်ဆောက်ခဲ့ပါတယ် ။ သူ့ညီမလေးကလည်း သူနဲ့အတူ ပြောင်းနေပြီး သူကလည်း အလုပ်သစ်တစ်ခုမှာ ကျဉ်လည်နေပါပြီ ။ တစ်နေ့မှာတော့ သူအလုပ်သွားနေတုန်း သူ့ညီမလေး မော်လီက ပျောက်ချင်းမလှ ပျောက်သွားပါတော့တယ်။ သူကတော့ မော်လီကိုဖမ်းသွားတဲ့ လူက သူ့ကို ဖမ်းသွားဖူးတဲ့ လူသတ်သမားနဲ့ အတူတူပဲဆိုတာ တထစ်ချ ယုံကြည်နေပေမယ့် ရဲကရော ယုံကြည်ပါ့မလား စွန့်စားမှုအဖုံဖုံနဲ့ စွန့်စားပြီးတဲ့အခါမှာရော သူ့ညီမလေးကို အချိန်မီ ပြန်ရှာတွေ့နိုင်ပါ့မလား ဆိုတာ ရှုစားရမှာပါ။IMDb rating ကတော့ 5.9/10 ဖြစ်ပြီး Thriller/Mystery မို့ ရင်ခုန်စိတ်လှုပ်ရှားဖွယ်ရာ အပြည့်နဲ့ပါ။ ရှုစားကြပါဦး။ (အညွှန်းနဲ့ ဘာသာပြန်သူကတော့ Sue Mon ဖြစ်ပါတယ်)

အသက်ကြီးပေမဲ့မပျက်စီးသေးတဲ့ ကမ္ဘာကျော်အက်ရှင်မင်းသားကြီး Brat Pitt ပါဝင်သရုပ်ဆောင်ထားတဲ့အက်ရှင်ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်က Wolfs ဖြစ်ပြီး လက်ရှိ IMDb Rating 6.5 အထိရရှိထားပါတယ်။အက်ရှင်ကားကောင်းတွေမှကြိုက်တယ်ဆိုရင်တော့ဒီကားကချန်မထားပဲကြည့်သင့်တဲ့အထဲမှာပါဝင်ပါတယ်။နာမည်ကြီးပြီးအရှိန်အဝါရှိတဲ့လူတွေဆိုတာလူသတ်မိရင်တောင် အလောင်းဖျောက်ပေးမဲ့လူတွေကအဆင်သင့်ပါပဲ။ဇာတ်ကားအစမှာခရိုင်ရှေ့နေမမကြီးက ဟိုတယ်မှာသူငယ်လေးနဲ့ပျော်ပါးနေတုန်း သူ့သူငယ်လေးကမတော်တဆသေဆုံးသွားပါတော့တယ်။အဲ့ဒါကြောင့်ဒီလိုကိစ္စမျိုးတွေဖြစ်လာခဲ့ရင်ဆက်သွယ်ဖို့သူ့ကိုပေးထားတဲ့ဖုန်းနံပါတ်ကိုလှမ်းဆက်လိုက်တော့ သိပ်မကြာခင်မှာပဲအလောင်းဖျောက်ပေးမဲ့လူလာပါတော့တယ်။ဒါပေမယ့်ဖြစ်ချင်တော့ အဲ့ဒီဟိုတယ်ကနေ ဒီကိစ္စတွေကိုသိနေပြီးအလောင်းဖျောက်တဲ့လူနောက်တစ်ယောက်လွှတ်လိုက်တာနဲ့သွားတိုးပါတော့တယ်။နှစ်ယောက်လုံးကသူ့ဘာသာသူဆရာကြီးတွေဆိုတော့တစ်ကိုယ်တော်ပဲလုပ်ချင်ကြပေမဲ့ဖိအားပေးခံရတဲ့အခါမှာတော့နှစ်ယောက်တွဲလုပ်လိုက်ရပါတော့တယ်။ဒါပေမယ့်သူတို့ရှင်းနေရင်းနဲ့သေသွားတဲ့ကောင်လေးနိုးလာတဲ့အခါမှာတော့ ကိစ္စတွေကရှုပ်သထက်ပိုရှုပ်လာပြီး ဆရာကြီးနှစ်ယောက်ဒီတစ်ညတာကိုဘယ်လိုဖြေရှင်းကြမယ်ဆိုတာကိုစိတ်ဝင်စားစရာကောင်းစွာကြည့်ရှုရမဲ့အက်ရှင်ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Stree 1မှာ ဗင်လ်ကီတစ်ယောက် စတီလ်ရီကို ချန်ဒိလ်ရီရွာက‌နေ အောင်မြင်စွာ ဖယ်ရှားပစ်နိုင်ခဲ့ပေမဲ့ ရွာက မိန်းကလေးတွေက ထူးဆန်းစွာတစ်ယောက်ပြီး တစ်ယောက်ပျောက်ဆုံးသွားခဲ့တယ်။ပျောက်ဆုံးသွားတဲ့မိန်းကလေးတိုင်းက ခေတ်ဆန်တဲ့ မိန်ကလေးတွေဖြစ်တာကြောင့် ဗင်လ်ကီတို့သူငယ်ချင်းတွေရော ရွာသားတွေကပါ မိန်းကလေးတွေက ရွာကထွက်သွားပြီး မြို့ကြီးပြကြီးကို ရောက်သွားတာလို့ဘဲထင်နေခဲ့တယ်။တစ်နေ့မှာ ဘီလ်တူရည်းစား ချင်လ်တူတစ်ယောက် ပြန်ပေးဆွဲခံလိုက်ရချိန်မှာတော့ ရွာက မိန်းကလေးတွေက ရွာကထွက်သွားတာမဟုတ်ဘဲနဲ့ နတ်ဆိုးတွေက ပြန်ပေးဆွဲသွားတာကို သိလိုက်ရတယ်။ဒီပြန်ပေးဆွဲခံရတဲ့ မိန်းကလေးတွေကို ကယ်တင်ဖို့အတွက် ချန်လ်ဒီရီရွာရဲ့ ကယ်တင်ရှင်ဗင်လ်ကီရဲ့ တာ၀န်ဖြစ်လာခဲ့တယ်။ဗင်လ်ကီတစ်ယောက် ပျောက်ဆုံးနေတဲ့မိန်းကလေးတွေကို အောင်မြင်စွာကယ်တင်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

၂၀၂၁ ခုနှစ် ဇန်နဝါရီ ၆ ရက်နေ့ဟာ အမေရိကန်ပြည်ထောင်စုရဲ့ ခေတ်သစ်သမိုင်းကြောင်းအတွက် အမှတ်ရစရာနေ့တစ်နေ့ပါ။ ကောင်းသောအမှတ်ရခြင်းမျိုးတော့ မဟုတ်ပါဘူး။ ဘာလို့လဲဆိုရင် အဲဒီနေ့က အမေရိကန်ရဲ့အထင်ကရ လွှတ်တော်အဆောက်အအုံဖြစ်တဲ့ US Capitol ကြီးကို လူထုအင်အားနဲ့ ၀င်စီးခြင်းခံခဲ့ရလိုပါပဲ။ ခေတ်သစ် အမေရိကန်သမိုင်းမှာတော့ တုန်လှုပ်ဖွယ်ကိစ္စကြီးတစ်ခု ဖြစ်ပါတယ်။ အဲဒီနေ့က အမေရိကန်သမ္မတ‌ဟောင်း‌ Donald Trump ရဲ့ ထောက်ခံသူတွေက ရွေးကောက်ပွဲရလဒ်ကို မကျေနပ်ကြလို့ ချီတက်ဆန္ဒဖော်ထုတ်ရာက အစပြုပြီး US Capitol ကြီး ၀င်စီးနင်းခံရတဲ့ ကြုံတောင့်ကြုံခဲဖြစ်ရပ်ကြီး ပေါ်ပေါက်ခဲ့တာဖြစ်ပါတယ်။ The Sixth ဆိုတဲ့ ဒီရုပ်ရှင်ကတော့ အဲဒီသမိုင်း၀င်နေ့ရက်အကြောင်း အဲဒီနေ့က အဲဒီအဆောက်အအုံမှာ ကိုယ်တိုင်ကြုံတွေ့ခဲ့ရတဲ့သူတွေ ပါဝင်ထားတဲ့ မှတ်တမ်းရုပ်ရှင်တစ်ပုဒ်ပါ။ နိုင်ငံရေးထက် အဲဒီနေ့က အဖြစ်အပျက်ပေါ် ခံစားမိတာတွေ၊ သင်ခန်းစာတွေ၊ ရခဲ့တဲ့စိတ်ဒဏ်ရာတွေအကြောင်း အသားပေးထားတာမို့ အတော်လေးစိတ်၀င်စားစရာကောင်းပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Katie ဖြစ်ပါတယ်