သည်းထိတ်ရင်ဖိုကားများ

မရိန်းတပ်သား မယ်လိုရိကိန်းကို ပုဂ္ဂလိကကုမ္ပဏီတစ်ခုက အရေးကြီးပုဂ္ဂိုလ်တစ်ယောက်ကို ကယ်တင်ပေးဖို့ ငှားရမ်းလိုက်ပါတယ်။ သူက တာဝန်ကို သွားရောက်ဆောင်ရွက်ပေးခဲ့ပေမယ့် သူ့ကို အလိုမကျသူတစ်ယောက်ရဲ့ အကွက်ကျကျစီစဉ်မှုကြောင့် လူသတ်သမားအဖြစ် ဝရမ်းထုတ်ခံလိုက်ရတယ်။ ဒါတင်မကဘဲ ကြေးစားလူသတ်သမားတွေကပါ သူ့နောက်ကို လိုက်သတ်လာကြပါတယ်။ ၂၀၁၁ ခုနှစ်ထွက် Haywire မှာ မယ်လိုရိကိန်းအဖြစ် Gina Carano က သရုပ်ဆောင်ထားပါတယ်။ Deadpool နဲ့ The Mandalorian တို့မှာ ပါဝင်ခဲ့တဲ့ သူဟာ အရင်က MMA တိုက်ခိုက်ရေးသမားတစ်ယောက်လည်း ဖြစ်ခဲ့သူပါ။ ဒီဇာတ်ကားမှာတော့ ဝရမ်းထုတ်ခံရပြီး ကြေးစားလူသတ်သမားတွေရဲ့ ပစ်မှတ်ဖြစ်လာတဲ့ မယ်လိုရိကိန်းအကြောင်းကို အက်ရှင်အသားပေး တင်ဆက်ထားပါတယ်။

ဂျိမ်းစ်ဟာ DEA မူးယစ်ဆေးဝါးနှိမ်နင်းရေးအဖွဲ့က အေးဂျင့်ဟောင်းတစ်ယောက်ဖြစ်ပြီး ဇနီးနဲ့ သမီးနှစ်ယောက်အတူ နေထိုင်ပါတယ်။ စစ်ဆင်ရေးကနေ ရလာတဲ့ စိတ်ဒဏ်ရာကြောင့် သူကြုံနေရတဲ့ အဖြစ်အပျက်တွေက တကယ်ဖြစ်နေတာလား၊ စိတ်ထင်နေတာလားဆိုတာ ခွဲခြားဖို့ ခက်နေတယ်။ ဒီဇာတ်ကောင်အဖြစ် မိုက်ကယ်ဂျိုင်ဝိုက်က သရုပ်ဆောင်ထားပါတယ်။ သူတို့နေတဲ့အိမ်ဟာ ဘဏ်ဓားပြအဖွဲ့တစ်ဖွဲ့ ထောင်မကျခင်က နေခဲ့တဲ့အိမ်ဖြစ်ပြီး အဲဒီအဖွဲ့ ဖွက်ထားခဲ့တဲ့ ငွေသုံးသန်းလည်း အိမ်ထဲမှာ ရှိနေပါတယ်။ ဓားပြခေါင်းဆောင်က အကျင့်ပျက်ရဲတစ်ယောက်နဲ့ ပေါင်းပြီး ငွေပြန်ယူဖို့ ကြိုးစားလာတဲ့အခါ ဂျိမ်းစ်တို့မိသားစုပါ ဒုက္ခကြုံလာရတယ်။ ကိုယ့်စိတ်ထဲက အဖြစ်အပျက်တွေနဲ့ အပြင်ကအဖြစ်မှန်ကို ခွဲရခက်နေတဲ့ ဂျိမ်းစ်အတွက် မိသားစုဆီ ရောက်လာတဲ့ အန္တရာယ်ကိုပါ ရင်ဆိုင်ရတော့မှာပါ။

ဂျင်းဟာ အသက်ရှစ်နှစ်အရွယ်မှာ မတော်တဆမှုတစ်ခု ကြုံခဲ့ရပြီး အဲဒီအရွယ်မတိုင်ခင်က အကြောင်းတွေကို လုံးဝမမှတ်မိတော့ပါဘူး။ ပျောက်ဆုံးနေတဲ့ မှတ်ဉာဏ်တွေကို ပြန်ရှာဖို့ ကြိုးစားပေမယ့် ရှာလေရှာလေ အခြေအနေတွေက ပိုရှုပ်ထွေးလာပါတယ်။ ၂၀၀၉ ခုနှစ်ထွက် Don't Look Back မှာ ပြင်သစ်မင်းသမီး Sophie Marceau နဲ့ အီတလီမင်းသမီး Monica Bellucci တို့ တွဲဖက်သရုပ်ဆောင်ထားပါတယ်။ နှစ်ယောက်စလုံးက Bond Girl အဖြစ် ပါဝင်ခဲ့ဖူးသူတွေပါ။ ပြင်သစ်စကားပြောဇာတ်ကားဖြစ်ပြီး ဂျင်းရဲ့ မှတ်ဉာဏ်ရှာဖွေမှုကို ဒရာမာ၊ ထိတ်လန့်မှုနဲ့ လျှို့ဝှက်ဆန်းကြယ်မှုတွေ ရောစပ်တင်ဆက်ထားတယ်။ အရွယ်ရောက်သူတွေအတွက် ရည်ရွယ်တဲ့ အခန်းတွေ ပါတာကြောင့် မိသားစုအတူကြည့်ဖို့တော့ မသင့်တော်ပါဘူး။

ယူကျူ့လို နေရာတွေမှာ ဗီဒီယိုမျိုးစုံတင်ပြီး လိုက်ခ်နဲ့ ဖော်လိုဝါရဖို့ ကြိုးစားနေသူတစ်ယောက်က LiveScream ရဲ့ အဓိကဇာတ်ကောင်ပါ။ လူကြည့်များဖို့၊ နောက်လိုက်များဖို့ သူပြောခဲ့တဲ့ အလိမ်အညာတွေအတွက် အပြစ်ပေးခံရတဲ့ အခြေအနေကို ရောက်လာပါတယ်။ Vivamax က ဒီကားကို Saw လို ပိတ်မိနေရာကနေ လွတ်မြောက်ဖို့ ကြိုးစားရတဲ့ ပုံစံမျိုး ရိုက်ထားပြီး အွန်လိုင်းမှာ လူသိများချင်ကြတဲ့ ခေတ်ရေစီးကြောင်းကို အခြေခံထားပါတယ်။ လိင်ဆက်ဆံခန်းတွေအပြင် လွတ်မြောက်ဖို့ လုပ်ဆောင်ရတဲ့အရာတွေထဲမှာ လိင်ပိုင်းဆိုင်ရာအကြောင်းတွေပါ ထည့်သွင်းထားတယ်။ ကျောချမ်းစရာအခန်းတွေ ပါပေမယ့် အလွန်အမင်းကြမ်းတမ်းတဲ့ကားမျိုးကို မျှော်လင့်ထားသူတွေနဲ့တော့ မကိုက်နိုင်သလို အသည်းငယ်သူတွေအတွက်လည်း ကြည့်ရလွယ်မယ့်ကား မဟုတ်ပါဘူး။

ဒါလင်းရဲ့သမီး ပျောက်ဆုံးသွားတာ နှစ်နှစ်ဆယ် ရှိနေပါပြီ။ နှစ်တွေ ဘယ်လောက်ကြာသွားပါစေ တစ်နေ့နေ့တော့ သမီးကို ပြန်ရှာတွေ့မှာပါဆိုတဲ့ မျှော်လင့်ချက်နဲ့ သူ နေထိုင်လာခဲ့ပါတယ်။ နှစ်နှစ်ဆယ်အတွင်း ပထမဆုံးအကြိမ် ခရစ်စမတ်စားသောက်ပွဲလုပ်ဖို့ စီစဉ်နေချိန်မှာ အရင်က သူ့ခဲအိုဖြစ်ခဲ့သူက အိမ်ကို မမျှော်လင့်ဘဲ ရောက်လာပါတယ်။ ဒီနှစ်တွေတစ်လျှောက် သမီးအတွက် ခံစားလာရတဲ့ ဒါလင်းဟာ တရားခံကို ဘာလုပ်ချင်နေမလဲ။ သတ်ပစ်ချင်လောက်အောင် နာကျည်းနေမလား၊ ဒါမှမဟုတ် တောင်းပန်စကားတစ်ခွန်းကိုပဲ လိုချင်တာလား။ ဒီသည်းထိတ်ရင်ဖိုကားမှာ Breaking Bad ထဲက မင်းသမီး Anna Gunn ပါဝင်သရုပ်ဆောင်ထားပါတယ်။

တစ္ဆေကျိန်စာသင့်နေတဲ့ မြို့တစ်မြို့မှာ အပြင်လူတွေ ဝင်လာလို့ရပေမယ့် မြို့ထဲရောက်ပြီးသူ ဘယ်သူမှ အသက်ရှင်လျက် ပြန်ထွက်သွားလို့ မရပါဘူး။ မြို့မှာ တားမြစ်ထားတဲ့ စည်းမျဉ်းတွေလည်းရှိပြီး ဖောက်ဖျက်မိသူတွေဟာ အသေဆိုးနဲ့ သေရတတ်ကြပါတယ်။ ဒီမြို့ကို ရတနာသိုက်ရှာတဲ့ ကောင်လေးနှစ်ယောက် ရောက်လာကြတယ်။ နှစ်ယောက်စလုံးက အရာရာကို စူးစမ်းချင်ကြသလို တားထားတဲ့အရာဆို ပိုပြီးလုပ်ချင်ကြသူတွေပါ။ သူတို့ မြို့စည်းမျဉ်းကို ဖောက်ဖျက်မိရာက တစ်မြို့လုံး ကံဆိုးမိုးမှောင်ကျလာတဲ့အခါ ဘာတွေ ဆက်ဖြစ်ကြမလဲ။ ဝင်လာလို့ပဲရတဲ့ ဒီမြို့ထဲကနေ သူတို့နှစ်ယောက် အသက်ရှင်လျက် ပြန်ထွက်နိုင်ပါ့မလား။

အလုပ်ကိစ္စနဲ့ တစ်နယ်တစ်ကျေးကို ပြောင်းလာတဲ့ သတင်းသမား ဒေးဗစ်ဟာ အိမ်နီးချင်း ရောဘတ်နဲ့ ခင်မင်သွားပါတယ်။ စိတ်တူကိုယ်တူရှိတဲ့ သူငယ်ချင်းရပြီလို့ ထင်ထားပေမယ့် တစ်ညမှာ နှစ်ယောက်သား ကလပ်အတူသွားကြရာက ပြဿနာကြီးတစ်ခု ဖြစ်သွားတယ်။ သူတို့နှစ်ယောက်က အဲဒီကိစ္စကို အတူဖုံးကွယ်ထားလိုက်ကြပါတယ်။ ရက်တွေကြာလာတာနဲ့ ဒေးဗစ်က အမှန်တရားကို ဝန်ခံချင်လာတယ်။ ရောဘတ်ကတော့ ဘာမှမပေါ်ပေါက်စေချင်တာကြောင့် နှစ်ယောက်ကြား အချေအတင်တွေ ဖြစ်လာကြပါတယ်။ သူတို့ဖုံးထားတဲ့ကိစ္စက ဘာလဲ၊ ဒေးဗစ်ကို လွှမ်းမိုးချုပ်ကိုင်ချင်တဲ့ ရောဘတ်က ဘယ်လိုတွေ ဆက်အကြံထုတ်ဦးမလဲဆိုတာကို ဆက်ကြည့်ရမယ့် သည်းထိတ်ရင်ဖိုဇာတ်ကားပါ။ The Tudors မှာ King Henry VIII အဖြစ် သရုပ်ဆောင်ခဲ့တဲ့ Jonathan Meyers ပါဝင်ထားပါတယ်။

မျက်မမြင် နှင်းလျှောစီးအားကစားသမား ဆိုဖီဟာ အိုလံပစ်ပြိုင်ပွဲကို လွဲချော်သွားပြီးနောက် သူဌေးအိမ်တွေမှာ အိမ်မွေးတိရစ္ဆာန်တွေကို စောင့်ရှောက်ပေးရင်း ဝင်ငွေရှာနေပါတယ်။ သူ့ကို စိတ်ပူတဲ့အမေက မျက်မမြင်တွေအတွက် ထုတ်ထားတဲ့ See For Me ဆိုတဲ့ အက်ပ်တစ်ခုကို သုံးကြည့်ဖို့ ညွှန်ပေးတယ်။ အကူအညီလိုသူက ဖုန်းနဲ့ ဗီဒီယိုခေါ်ပြီး ပတ်ဝန်းကျင်ကို ပြပေးရင် စေတနာ့ဝန်ထမ်းတစ်ယောက်က ဖုန်းကနေ ကြည့်ပြီး လိုအပ်တာတွေ ရှာပေးတာ၊ လမ်းညွှန်ပေးတာမျိုး လုပ်ပေးတဲ့ အက်ပ်ပါ။ ဆိုဖီလည်း အဲဒီအက်ပ်ကတစ်ဆင့် မိန်းကလေးတစ်ယောက်နဲ့ ခင်မင်သွားပါတယ်။ တစ်ညမှာတော့ သူစောင့်ပေးနေတဲ့အိမ်ကို ဖောက်ထွင်းသမားတွေ ဝင်လာကြတယ်။ အကူအညီပေးနိုင်သူက ဖုန်းတစ်ဖက်မှာပဲ ရှိနေတာမို့ ဆိုဖီဟာ အဲဒီသူငယ်ချင်းရဲ့ လမ်းညွှန်မှုကို အားကိုးပြီး ရင်ဆိုင်ရတော့တာပါ။ သေနတ်တစ်လက်နဲ့ မမြင်ရတဲ့ ဖောက်ထွင်းသမားတွေကို ရင်ဆိုင်နေရတဲ့ ဆိုဖီကို သူငယ်ချင်းဖြစ်သူက ဖုန်းကနေ ဘယ်လိုလှုပ်ရှားရမလဲဆိုတာ ညွှန်ပေးနေပါတယ်။

ကိုယ့်မိသားစုဝင်တွေ အကြောင်းပြချက်မရှိဘဲ အသတ်ခံလိုက်ရရင် ကိုယ်ဘာလုပ်မလဲဆိုတဲ့ မေးခွန်းနဲ့ ဇာတ်လမ်းကို စထားပါတယ်။ နာဇီတွေရဲ့ ရက်စက်တဲ့ သတ်ဖြတ်မှုတွေကနေ အသက်ရှင်လွတ်မြောက်လာတဲ့ ဂျူးတွေဟာ ကိုယ့်ရှေ့မှာတင် မိသားစုဝင်တွေနဲ့ ချစ်ရသူတွေ အသတ်ခံရတာကို ကြုံခဲ့ရသူတွေပါ။ ဒုတိယကမ္ဘာစစ် ပြီးဆုံးသွားပေမယ့် သူတို့ခံစားနေရတဲ့ နာကျင်မှုနဲ့ ဒေါသကတော့ မပြီးဆုံးသေးဘူး။ ဒီလိုနဲ့ မိသားစုဝင်တွေကို သတ်ခဲ့တဲ့ ဂျာမန်တွေကို လက်စားချေဖို့ သူတို့ အစီအစဉ်ဆွဲလာကြပါတယ်။ အဲဒီအကြံအစည်က ဘာလဲ၊ လက်တွေ့အကောင်အထည်ဖော်ဖို့ ဘယ်လိုတွေ လုပ်ကြမလဲ၊ စီစဉ်ထားသလို ဖြစ်မြောက်နိုင်ပါ့မလားဆိုတာကို ဆက်ပြသွားတဲ့ ဒရာမာနဲ့ သည်းထိတ်ရင်ဖို ဇာတ်ကားပါ။ အဖွင့်မှာ မေးထားတဲ့ မေးခွန်းအတွက် ကိုယ်စဉ်းစားထားတဲ့ အဖြေနဲ့ သူတို့ရွေးချယ်တဲ့ လမ်းက တူနေမလားဆိုတာလည်း ကြည့်ရင်း ပြန်စဉ်းစားမိနိုင်ပါတယ်။

Mussorie ဆိုတဲ့ တောင်ကုန်းမြို့လေးမှာ ကလေးမလေးတွေ ဆက်တိုက် အသတ်ခံနေရပါတယ်။ ဒီအမှုတွေမှာ တူညီနေတဲ့ ထူးခြားချက်တစ်ခုက ကလေးတွေဟာ ကိုယ့်မွေးနေ့မှာပဲ အသတ်ခံရတာပါ။ ရဲအာဏာပိုင်တွေတောင် လက်လျှော့ပြီး ပိတ်ထားလိုက်တဲ့ ဒီအမှုကို ရဲမေတစ်ယောက်ကတော့ ဘယ်လိုပဲဖြစ်ဖြစ် တရားခံမိအောင် လိုက်ဖို့ ဆုံးဖြတ်ထားတယ်။ သူနဲ့ မှုခင်းဆေးပညာရှင်တစ်ယောက် ပူးပေါင်းစုံစမ်းနေကြချိန်မှာ ရဲမေရဲ့တူမ အန်နေယာပါ ရုတ်တရက် ပျောက်သွားပါတယ်။ အမှုတွေကြားက ဆက်စပ်မှုတွေ တဖြည်းဖြည်း ပေါ်လာသလို သံသယရှိသူတွေလည်း ရှိလာတယ်။ ဒီရှုပ်ထွေးတဲ့ လူသတ်မှုတွေရဲ့ နောက်ကွယ်မှာ ဘယ်သူတွေ ရှိနေကြတာလဲဆိုတာ သူတို့ ဆက်လိုက်ဖော်ထုတ်ကြရပါတယ်။ ဗစ်ကရန့်မက်စီ ပါဝင်သရုပ်ဆောင်ထားပြီး ဒါရိုက်တာ Vishal Furia ရိုက်ကူးထားတဲ့ ဒီ ၂၀၂၂ ခုနှစ်ဇာတ်ကားဟာ ၂၀၂၀ ခုနှစ်က Forensic ကို ပြန်လည်ရိုက်ကူးထားတာပါ။

လာရိုရို့နာဟာ မက္ကဆီကိုမှာ လူသိများတဲ့ သရဲပုံပြင်တစ်ပုဒ်ပါ။ နောက်ခံဇာတ်ကြောင်း အမျိုးမျိုးရှိပေမယ့် အကြမ်းဖျဉ်းကတော့ တူကြတယ်။ လာရိုရို့နာဆိုတဲ့ အမည်က “ငိုကြွေးနေတဲ့မိန်းမ” လို့ အဓိပ္ပာယ်ရပြီး ကိုယ့်ကလေး သေဆုံးသွားလို့ ငိုကြွေးရင်း တခြားကလေးတွေကို အစားထိုးဖို့ လိုက်ဖမ်းတတ်တဲ့ သရဲအကြောင်းပါ။ ဒီဇာတ်ကားမှာတော့ အမေရိကန်လင်မယားနှစ်ယောက်နဲ့ သူတို့ရဲ့သားလေးဟာ မက္ကဆီကိုက တည်းခိုခန်းတစ်ခုကို လာတည်းကြပါတယ်။ အဲဒီနေရာက လာရိုရို့နာနဲ့ ပတ်သက်နေမှန်း သူတို့ မသိခဲ့ကြဘူး။ ဒီလိုနဲ့ မိသားစုသုံးယောက် တည်းခိုခန်းမှာ ကြောက်စရာအဖြစ်တွေကို ရင်ဆိုင်ရပါတော့တယ်။

ရုပ်ရှင်သရုပ်ဆောင် အာဒီဟာ လူတိုင်းနီးပါး သိကြတဲ့အထိ နာမည်ကြီးပြီး အောင်မြင်နေသူတစ်ယောက်ပါ။ ဒါပေမယ့် မမျှော်လင့်ထားတဲ့ အခြေအနေတွေကြောင့် အကြွေးတွေ ဝိုင်းလာတယ်။ ဒီလို အခက်တွေ့နေချိန်မှာပဲ မသမာသူတွေရဲ့ ပြန်ပေးဆွဲတာကို ခံလိုက်ရပါတယ်။ ပြန်ပေးဆွဲသူတွေက နည်းပညာအကူအညီကို အသုံးပြုထားတာကြောင့် အာဒီဟာ လူမသိသူမသိအရပ်က အိမ်ကြီးတစ်လုံးထဲကို ရောက်သွားတယ်။ အကူအညီမဲ့နေတဲ့ သူ့အတွက် လွတ်မြောက်ဖို့ ဘယ်လိုကြိုးစားရမလဲ၊ ဒီအိမ်ကြီးထဲကနေ ထွက်ပြေးနိုင်ပါ့မလား။

ယမရှိရို ခဲအိဂေါ့ဟာ ဖြတ်သွားဖြတ်လာလူတစ်ယောက်ရဲ့ပုံကိုတောင် ချက်ချင်း ဆွဲနိုင်လောက်အောင် ပါရမီရှိတဲ့ မန်ဂါစာရေးဆရာတစ်ယောက်ပါ။ သူရေးချင်တာက သည်းထိတ်ရင်ဖို မှုခင်းဇာတ်လမ်းတွေဖြစ်ပေမယ့် သဘောကောင်းလွန်းတဲ့ သူ့အတွက် အသက်ဝင်တဲ့ဇာတ်ကောင်တွေ ဖန်တီးဖို့ ခက်နေတယ်။ ပုံဆွဲတော်ပေမယ့် ကိုယ်ပိုင်မန်ဂါတစ်ပုဒ် မထုတ်နိုင်သေးတာကြောင့် စိတ်ဓာတ်ကျပြီး အလုပ်ထွက်ဖို့တောင် စဉ်းစားနေပါပြီ။ အဲဒီအချိန်မှာ သူ့ဆရာက စံအိမ်တစ်လုံးရဲ့ပုံကို ညဘက် သွားဆွဲခိုင်းတယ်။ ပုံကြမ်းဆွဲနေတုန်း အိမ်ထဲက သီချင်းသံ ကျယ်လွန်းလို့ အိမ်နီးချင်းတစ်ယောက်က လှမ်းတိုင်တန်းနေပါတယ်။ ယမရှိရိုလည်း အခြေအနေမကောင်းမှာစိုးပြီး အိမ်ရှင်တွေကို လှမ်းပြောဖို့ ကြိုးစားပေမယ့် ဘာတုံ့ပြန်သံမှ မကြားရဘူး။ အိမ်ထဲ ဝင်ကြည့်လိုက်တဲ့အခါ အိမ်ရှင်တွေ ဓားနဲ့ထိုးသတ်ခံထားရတာကို တွေ့လိုက်ရပါတယ်။ သူ့ဘဝမှာ ပထမဆုံး ကြုံရတဲ့ အဖြစ်ဆိုးကြောင့် ကြောက်လန့်နေတုန်း လူသတ်သမားကိုပါ မြင်လိုက်ရတယ်။ ဒါပေမယ့် ရဲကို ထွက်ချက်ပေးတဲ့အခါမှာတော့ လူသတ်သမားကို မမြင်ခဲ့ဘူးလို့ ပြောလိုက်ပါတယ်။ အဲဒီနောက် ယမရှိရိုက Dagger ဆိုတဲ့ ဇာတ်ကောင်ကို ဖန်တီးပြီး “34, Rising Sun” ဆိုတဲ့ မန်ဂါစီးရီးကို ရေးဆွဲရာက လူကြိုက်များလာတယ်။ ပထမဆုံးဇာတ်လမ်းအဖြစ် ရေးထားတာက သူကိုယ်တိုင် မျက်မြင်တွေ့ခဲ့တဲ့ လူသတ်မှုအကြောင်းပါ။ ဒါပေမယ့် သူ့မန်ဂါထဲက ဒုတိယဇာတ်လမ်းနဲ့ တစ်ပုံစံတည်း လူသတ်မှုတစ်ခု ထပ်ဖြစ်လာပါတယ်။ ဖြစ်ပွားတဲ

တစ်ခေတ်တစ်ခါက မိုက်ဖော်မိုက်ဖက်ဖြစ်ခဲ့ကြတဲ့ သူငယ်ချင်းသုံးယောက်ကို အခြေခံထားတဲ့ မှုခင်းဟာသဇာတ်ကားပါ။ သူတို့ခေတ်မှာတော့ သုံးယောက်စလုံး မခေကြသူတွေဖြစ်ပေမယ့် တစ်နေ့မှာ အလုပ်ကိစ္စကြောင့် သူငယ်ချင်းအချင်းချင်း ပြန်သတ်ရမယ့် အခြေအနေတစ်ခု ပေါ်လာပါတယ်။ အချိန် ဆယ်နာရီလောက်ပဲ ကျန်တော့တဲ့အချိန်မှာ ဒီသူငယ်ချင်းတွေက တက်ညီလက်ညီနဲ့ မြို့တစ်မြို့လုံးကို ပတ်ပြီး မွှေကြတော့တယ်။ တစ်ချိန်က လူမိုက်ကြီးတွေ အခုခေတ်မှာ ဘယ်လိုသောင်းကျန်းကြမလဲဆိုတာကို အကြမ်းအရမ်းအခန်းတွေနဲ့ အလွဲတွေကြားက ဟာသတွေ ရောပြီး ပြထားပါတယ်။ Fisher Stevens ရိုက်ကူးထားပြီး Alfredo James Pacino၊ Christopher Walken နဲ့ Alan Arkin တို့က အဓိကပါဝင်သရုပ်ဆောင်ထားပါတယ်။

Grace Miller ဟာ လူသတ်မှုတွေအကြောင်း အသေးစိတ် ရေးသားနိုင်လို့ စာဖတ်သူတွေ နှစ်သက်ကြတဲ့ နာမည်ကြီး မှုခင်းဝတ္ထုစာရေးဆရာမတစ်ယောက်ပါ။ သူ့ညီမ Kathleen ကတော့ အိမ်ထောင်ရေးပြဿနာတွေနဲ့ ရုန်းကန်နေရပြီး ဆေးစွဲတဲ့အထိ ဖြစ်နေပါတယ်။ တစ်နေ့မှာ Kathleen က ဖုန်းဆက်ခေါ်လာတာကြောင့် Grace က ညီမဆီ အပြေးအလွှား သွားတွေ့တယ်။ နောက်တစ်ရက်မှာတော့ ညီမရဲ့ အိမ်နီးချင်းအမျိုးသားတစ်ယောက်နဲ့ ချိန်းပြီး ညစာထွက်စားဖြစ်ကြပါတယ်။ ဒိတ်က အဆင်ပြေပြေ ပြီးဆုံးသွားပေမယ့် အိမ်ပြန်ရောက်တဲ့အခါ Grace ဘာကို ရင်ဆိုင်တွေ့လိုက်ရမလဲဆိုတဲ့နေရာကနေ ဇာတ်လမ်းကို ဆက်ထားပါတယ်။ Nora Roberts ရဲ့ မှုခင်းနဲ့ လျှို့ဝှက်ဆန်းကြယ်ဝတ္ထု Brazen Virtue ကို အခြေခံရိုက်ကူးထားတဲ့ Netflix ဇာတ်ကားပါ။ Grace Miller အဖြစ် Alyssa Milano က သရုပ်ဆောင်ထားပြီး Sam Page လည်း ပါဝင်ထားပါတယ်။

စကိုင်းဆိုတဲ့ ကောင်မလေးဟာ သေဆုံးသွားသူတွေနဲ့ ဆက်သွယ်နိုင်သူပါ။ သူနဲ့ သူငယ်ချင်းတွေက အဲဒီအစွမ်းကို အသုံးပြုပြီး သေသူတွေနဲ့ ချိတ်ဆက်ဟောပြောပေးတဲ့အလုပ်ကို စီးပွားရေးအဖြစ် လုပ်နေကြတယ်။ ဒါပေမဲ့ စကိုင်းကိုယ်တိုင်က ဒီအလုပ်ကို ဆက်လုပ်ရမှာ ကြောက်လာပါတယ်။ အဲဒီအချိန်မှာပဲ ငွေအများကြီးရနိုင်မယ့် အလုပ်တစ်ခု ပေါ်လာတယ်။ အေမာ လီဒင်န်ဆိုတဲ့ အမျိုးသမီးကို ဟောပြောပေးဖို့ပါ။ အေမာဟာ အိမ်ထဲကျူးကျော်ဝင်ရောက်ခံရတဲ့ ဖြစ်ရပ်တစ်ခုမှာ သူတစ်ယောက်ကလွဲလို့ မိသားစုဝင်အားလုံးကို ဆုံးရှုံးထားရသူဖြစ်ပါတယ်။ အေမာအတွက် စကိုင်းက သေသူတွေနဲ့ ဆက်သွယ်ပေးတဲ့အခါ သူနဲ့ သူငယ်ချင်းတွေ ဘာတွေကြုံလာရမလဲ။ အေမာတို့အိမ် ကျူးကျော်ခံခဲ့ရတဲ့ဖြစ်ရပ်ကရော ဘယ်လိုဖြစ်ခဲ့တာလဲဆိုတဲ့ မေးခွန်းတွေကို ဆက်ဖော်ထုတ်သွားတဲ့ ထိတ်လန့်သည်းဖိုဇာတ်ကားပါ။

ဆယ်ရာဟာ ရုပ်သံလွှင့်ဌာနတစ်ခုရဲ့ နာမည်ကြီး သတင်းကြေညာသူဖြစ်ပြီး ကိုရီးယားမှာ လူသိများတဲ့ ညကိုးနာရီသတင်းကို တာဝန်ယူနေရသူပါ။ တစ်နေ့ ရုပ်သံမလွှင့်ခင် သူနဲ့ပဲ စကားပြောချင်တယ်ဆိုတဲ့ အမျိုးသမီးတစ်ယောက်ဆီက ဖုန်းဝင်လာပါတယ်။ ဖုန်းထဲက အမျိုးသမီးက လူတစ်ယောက် သူ့ကို သတ်တော့မယ်၊ သူ့သမီးကိုလည်း သတ်သွားပြီလို့ ပြောပြီး သူသေသွားခဲ့ရင် ဆယ်ရာကိုယ်တိုင် သတင်းကြေညာပေးဖို့ တောင်းဆိုလာတယ်။ ဆယ်ရာက နောက်ပြောင်တဲ့ဖုန်းလို့ ထင်လိုက်ပေမယ့် စိတ်ထဲမှာတော့ မတင်မကျ ဖြစ်နေပါတယ်။ သမီးကို အောင်မြင်ကျော်ကြားစေချင်တဲ့ အမေ ဆိုဂျောင်က ဖုန်းထဲမှာ ပြောခဲ့တဲ့ လိပ်စာအတိုင်း သွားကြည့်ဖို့ အကြံပေးတယ်။ ဆယ်ရာ အဲဒီအိမ်ကို သွားကြည့်တဲ့အခါ အမျိုးသမီးနဲ့ သူ့သမီး သေဆုံးနေတာကို တွေ့လိုက်ရပါတယ်။ အဲဒီနောက်မှာတော့ သေဆုံးသွားတဲ့ အမျိုးသမီးရဲ့ ပုံရိပ်တွေကို သရဲလို ဆက်တိုက်မြင်လာရပြီး ဆယ်ရာရဲ့ အလုပ်ကိုပါ ထိခိုက်လာတယ်။ ဒါကြောင့် အဲဒီအမျိုးသမီးကို ကုသပေးခဲ့တဲ့ စိတ်ရောဂါကုဆရာဝန် အင်ဟိုနဲ့ တွေ့ဆုံခဲ့ပါတယ်။ ဆရာဝန်ဟာ ဒီအမှုနဲ့ ပတ်သက်နေတယ်လို့ သိလာတဲ့အခါ သူ့အပေါ် ဆယ်ရာ သံသယဝင်လာတယ်။ ဆယ်ရာအဖြစ် Chun Woo-Hee၊ အမေ ဆိုဂျောင်အဖြစ် Lee Hye-Young နဲ့ ဆရာဝန် အင်ဟိုအဖြစ် Shin Ha-Kyun တို့ ပါဝင်ထားပါတယ်။ ပြည့်စုံနေသလို ထင်ရတဲ့ သတင်းကြေညာသူတစ်ယောက် စိတ်ပိုင်းဆိုင်ရာ ယိုင်လဲလာပုံအပြင် မိဘနဲ့ သားသမီးတွေရဲ့ အတွင်းစိတ်ခံစားချက်တွေကိုပါ ဖော်ပြထားတဲ့ သည်းထိတ်ရ

Zora ဟာ နာမည်ကြီး စာရေးဆရာတစ်ယောက်ရဲ့ သမီးဖြစ်ပေမယ့် အဖေ့အကြောင်းကို သိပ်မသိခဲ့ပါဘူး။ အဖေဖြစ်သူ နှလုံးရောဂါနဲ့ ဆုံးသွားချိန်မှာ အိမ်တစ်လုံး အမွေရခဲ့သလို သူရေးလက်စ ဝတ္ထုကိုလည်း အဆုံးသတ်ပေးဖို့ ဖြစ်လာပါတယ်။ Zora ကိုယ်တိုင်ကလည်း ဖခင်လိုပဲ စိတ်ကစဉ့်ကလျားရောဂါ ခံစားနေရသူပါ။ ခင်ပွန်းလောင်းကို အထင်လွဲပြီး စိတ်ဆိုးသွားတဲ့အခါ Zora ဟာ အမွေရထားတဲ့ ဖခင်ရဲ့အိမ်ကို သွားနေလိုက်ပါတယ်။ ရောက်ရောက်ချင်း တွေ့ရတဲ့လူတွေဆီက နွေးနွေးထွေးထွေး ကြိုဆိုမှု မရသလို အရင်ကတည်းက မက်နေတဲ့ အိပ်မက်ဆိုးတွေလည်း ပိုဆိုးလာတယ်။ အိမ်ကြီးက ထူးဆန်းနေသလို အဲဒီမှာရှိတဲ့ လူတွေကလည်း ထူးဆန်းနေကြပါတယ်။ ဒီအခြေအနေတွေကြားမှာ အဖေရဲ့ မပြီးဆုံးသေးတဲ့ ဝတ္ထုကို Zora လက်စသတ်နိုင်ပါ့မလား၊ သူ့အတွက် ဘာတွေ ဆက်ဖြစ်လာဦးမလဲဆိုတာ မသိရသေးပါဘူး။

ခင်ပွန်းသေဆုံးသွားလို့ ဝမ်းနည်းကြေကွဲနေဆဲဖြစ်တဲ့ မယ်ရီဟာ ဘဝကို ပြန်ရှေ့ဆက်နိုင်ဖို့ ကြိုးစားနေပါတယ်။ သူငယ်ချင်းက အတင်းတိုက်တွန်းတာကြောင့် မော်ဒယ်အလုပ်ကို စလုပ်ဖြစ်လာပေမယ့် အိမ်ပြန်ရောက်တိုင်း တစ်ယောက်ယောက်က သူ့ကို စောင့်ကြည့်နေသလို ခံစားနေရတယ်။ ရဲဆီ မကြာခဏ ဖုန်းဆက်လွန်းတော့ နောက်ပိုင်း သူ့ဖုန်းဆို ရဲစခန်းကတောင် မကိုင်တော့ပါဘူး။ တစ်နေ့မှာ မယ်ရီဟာ ခရီးသွားဓာတ်ပုံဆရာတစ်ယောက်နဲ့ တွေ့ဆုံလာပါတယ်။ ဒီတွေ့ဆုံမှုနဲ့အတူ သူ့ဘဝကို ပြန်ရှေ့ဆက်နိုင်မလား။ သူ့ကို စောင့်ကြည့်နေတယ်ဆိုတဲ့ ခံစားချက်ကရော တကယ်တစ်ယောက်ယောက် ရှိနေလို့လား၊ သူ့စိတ်ထဲက ထင်မြင်မှုသက်သက်လားဆိုတာ မသေချာသေးပါဘူး။

ဝင်ကစွပ်က တခြားသတ္တဝါရဲ့ အခွံကို ကိုယ့်အိမ်လို ဝင်နေသလို လူတစ်ယောက်ကလည်း သူများဘဝကို ကိုယ့်ဘဝအဖြစ် အပိုင်ယူလို့ ရနိုင်မလား။ Taking Lives က ဒီမေးခွန်းနဲ့အတူ နှစ်ပေါင်းများစွာ ဖမ်းမမိဘဲ လွတ်နေတဲ့ ကွင်းဆက်လူသတ်သမားတစ်ယောက်အကြောင်းကို မိတ်ဆက်ထားပါတယ်။ Angelina Jolie သရုပ်ဆောင်ထားတဲ့ FBI အထူးအေးဂျင့်က ဒီလူသတ်သမားကို စုံစမ်းဖော်ထုတ်ရမှာပါ။ Ethan Hawke လည်း ပါဝင်ထားပြီး ရာဇဝတ်မှုစုံစမ်းရေးနဲ့ စိတ်ပိုင်းဆိုင်ရာ သည်းထိတ်ရင်ဖိုအကြောင်းအရာတွေကို ရောစပ်ထားပါတယ်။

ကင်နဲ့ သူငယ်ချင်းတစ်သိုက်ဟာ နည်းပြ ဟွိုင်ရဲ့ ဦးဆောင်မှုနဲ့ တာနောင် ဖန်ဒေါင် တောကြမ်းခရီးကို ထွက်လာကြပါတယ်။ အန္တရာယ်များတယ်လို့ နာမည်ကြီးတဲ့ ဒီခရီးမှာ ကင်နဲ့ သူ့အချစ်ဆုံးသူငယ်ချင်း ဘက်သ်တို့ ကတောက်ကဆ ဖြစ်ကြတယ်။ အဲဒီနောက် ဘက်သ်က အဖွဲ့ကနေ ခွဲထွက်သွားပြီး ပျောက်ဆုံးသွားပါတော့တယ်။ ဘက်သ် ပျောက်သွားပြီးမှ သူ့အပေါ် အထင်လွဲခဲ့မိမှန်း ကင် သိလာပါတယ်။ ဒီလိုနဲ့ တောအုပ်ထဲမှာ သူငယ်ချင်းကို ပြန်တွေ့ဖို့ ကင် ကြိုးစားရှာဖွေရတဲ့အကြောင်းကို စွန့်စားခန်းနဲ့ သည်းထိတ်ရင်ဖို ရောစပ်ရိုက်ကူးထားတဲ့ ဗီယက်နမ်ဇာတ်ကားပါ။

အကြမ်းဖက်နှိပ်စက်တတ်တဲ့ ချစ်သူဆီကနေ ထွက်ပြေးလာတဲ့ အမျိုးသမီးတစ်ယောက်ဟာ လူသူဝေးတဲ့ လယ်တောအိမ်တစ်လုံးမှာ ခိုလှုံလိုက်ပါတယ်။ ဒါပေမယ့် အဲဒီအိမ်ထဲမှာ သူလွတ်မြောက်လာခဲ့တဲ့ အန္တရာယ်ထက် ပိုဆိုးတဲ့အရာတစ်ခု စောင့်နေမှန်းတော့ သူ မသိသေးပါဘူး။

တောင်ကိုရီးယားနဲ့ မြောက်ကိုရီးယား နယ်စပ်တစ်ဝိုက်မှာ အကြောင်းရင်းမသိရတဲ့ လူသေမှုတွေ၊ လူပျောက်မှုတွေ ဖြစ်နေပါတယ်။ ဒီကိစ္စတွေကို စုံစမ်းဖြေရှင်းဖို့ တောင်ကိုရီးယားဘက်က အထူးတပ်ဖွဲ့တစ်ဖွဲ့ ဖွဲ့စည်းပြီး ၂၄ နာရီကြာ စစ်ဆင်ရေးတစ်ခုအတွက် စေလွှတ်လိုက်တယ်။ နယ်စပ်ကို ရောက်သွားတဲ့အခါ တပ်ဖွဲ့က သာမန်မဟုတ်တဲ့ အဖြေတစ်ခုကို တွေ့လာရပါတယ်။ ဒီအဖြေကို ဖော်ထုတ်ဖို့ ဘယ်လိုအခက်အခဲတွေ ကြုံကြရမလဲ၊ သိသွားတဲ့အခါ ဘာဆက်လုပ်ကြမလဲ၊ နောက်ဆက်တွဲ ဘာတွေဖြစ်လာမလဲဆိုတာကို ဆက်ပြထားတယ်။ ပန့်ဟောက်စ်ထဲက ရှင်းဆူယွန်းအဖြစ် လူသိများတဲ့ အီဂျီအာ ပါဝင်သရုပ်ဆောင်ထားတဲ့ အက်ရှင်နဲ့ လျှို့ဝှက်သည်းဖိုဇာတ်ကားပါ။

အဘွား၊ အမေနဲ့ သမီးလေးတို့ရှိတဲ့ မိသားစုတစ်စုကို ပတ်ဝန်းကျင်က စိတ်မမှန်တဲ့မိသားစုလို့ သတ်မှတ်ထားကြပါတယ်။ သမီးလေး ငယ်ငယ်တုန်းက အမေဖြစ်သူဟာ သူ့ကို ပစ်ထားဖို့၊ မီးရှို့ဖို့ ကြိုးစားခဲ့ဖူးတာကြောင့်ပါ။ အဲဒီအဖြစ်ရဲ့ နောက်ကွယ်မှာ ဘာအကြောင်းတွေရှိလဲ၊ မိသားစုဝင်တွေက ဘယ်လိုလူတွေလဲဆိုတာကို တဖြည်းဖြည်း ဖော်ပြသွားတဲ့ ဒရမ်မာနဲ့ ထိတ်လန့်သည်းဖို ဇာတ်ကားပါ။