သည်းထိတ်ရင်ဖိုကားများ

ဗန်ကားပေါ်မှာ နေထိုင်သွားလာတဲ့ ဘဝအကြောင်းကို လူမှုကွန်ရက်မှာ မျှဝေနေတဲ့ အမျိုးသမီးတစ်ယောက်ဟာ လူသူဝေးတဲ့ တောအိမ်လေးတစ်လုံးဆီ ပြောင်းလာပါတယ်။ အဲဒီနောက် အိမ်မှာ ဆိုးရွားတဲ့ နောက်ကြောင်းတစ်ခု ရှိနေတာကို သိလာရပြီး မကျွတ်မလွတ်ဖြစ်နေတဲ့ ဝိညာဉ်တစ်ခုရဲ့ ခြောက်လှန့်မှုကို ခံရပါတော့တယ်။

အရာရှိပိုလတ်က အသက်အန္တရာယ်ရှိနေတဲ့ မျက်မြင်သက်သေတွေကို ကာကွယ်ပေးရတဲ့ အမေရိကန်အထူးတပ်ဖွဲ့ကပါ။ သူတို့သေသွားပြီလို့ ထင်ရအောင် ဖန်တီးပေးပြီး တရားခွင်မှာ သက်သေထွက်ဆိုရမယ့်အချိန်အထိ ယာယီဖျောက်ထားပေးရတာ ဖြစ်တယ်။ တစ်နေ့မှာတော့ ရာဇဝတ်ကောင်သူဌေးတစ်ယောက်ရဲ့ ဇနီးကို သက်သေအဖြစ် ကာကွယ်ပေးဖို့ သူတာဝန်ယူရပါတယ်။ သက်သေနဲ့အတူ တောင်အာဖရိက ကိပ်မြို့ကို ရောက်လာတဲ့အခါ သူတို့နောက်ကို လိုက်နေတဲ့လူတွေ ရှိနေမှန်း သိလိုက်ရတယ်။ ကိုယ်တိုင်လည်း ထောင်ချောက်ထဲ ရောက်နေပြီဆိုတာ ပေါ်လာတော့ သံသယတွေနဲ့ သစ္စာဖောက်မှုတွေကြားမှာ ရုန်းထွက်ကြရပါတော့တယ်။ ပိုလတ်တို့ ဒီအန္တရာယ်ကို ကျော်လွှားနိုင်မလား၊ ဒါမှမဟုတ် တကယ်ပဲ အစဖျောက်ခံလိုက်ရမလား။

၁၉၉၆ ခုနှစ်မှာ ဩစတေးလျနိုင်ငံရဲ့ ပေါ့အာသာ သမိုင်းဝင်နေရာမှာ လူ ၃၅ ယောက် သေဆုံးပြီး ၂၃ ယောက် ဒဏ်ရာရခဲ့တဲ့ အစုလိုက်အပြုံလိုက် ပစ်ခတ်မှု ဖြစ်ပွားခဲ့ပါတယ်။ ဒီဖြစ်ရပ်နောက်ပိုင်း လက်နက်ကိုင်ဆောင်ခွင့်ဥပဒေတွေကို တင်းကျပ်ခဲ့ပြီး အစိုးရက လက်နက်တွေ ပြန်လည်သိမ်းယူဖျက်ဆီးခဲ့တယ်။ ပြည်သူတွေကလည်း ဒီပြောင်းလဲမှုကို လိုလိုလားလား လက်ခံခဲ့ကြပါတယ်။ Nitram က အဲဒီပစ်ခတ်မှုကို ကျူးလွန်ခဲ့သူ Martin John Bryant ရဲ့အကြောင်းကို စိတ်ပိုင်းဆိုင်ရာဘက်ကနေ အဓိကထား ပုံဖော်ထားတဲ့ ဒရမ်မာဇာတ်ကားပါ။ ဇာတ်ကားအမည်က Martin ဆိုတဲ့နာမည်ကို နောက်ပြန်ရေးထားတာ ဖြစ်တယ်။ Martin ဟာ စိတ်ပိုင်းဆိုင်ရာချို့ယွင်းမှုရှိပြီး ငယ်စဉ်က ကျောင်းမှာ အနိုင်ကျင့်ခံခဲ့ရသူပါ။ ပတ်ဝန်းကျင်က သူ့အပေါ် အမြင်မကြည်ကြသလို မိခင်နဲ့လည်း အဆင်မပြေဘူး။ သူ့ဘက်မှာ ရပ်တည်ပေးခဲ့သူက ဖခင်ပဲ ရှိခဲ့တယ်။ ဇာတ်ကားက သူ့ဘဝနဲ့ စိတ်အခြေအနေကို လိုက်ပြရင်း ဒီလူသတ်မှုကြီးကို ကျူးလွန်တဲ့အထိ ဘယ်လိုဦးတည်သွားခဲ့သလဲဆိုတာ တင်ပြထားပါတယ်။ သူ့အကြောင်းကို နားလည်နိုင်ဖို့ ကြိုးစားပုံဖော်ထားသလို စိတ်ပိုင်းဆိုင်ရာချို့ယွင်းမှုရှိသူတွေအပေါ် မပြုမူသင့်တဲ့ ဆက်ဆံပုံတွေကိုလည်း ထည့်သွင်းပြထားတယ်။ ဩစတေးလျဒါရိုက်တာ Justin Kurzel က ရိုက်ကူးထားပြီး Martin အဖြစ် Caleb Landry Jones က သရုပ်ဆောင်ထားပါတယ်။ စိတ်မသက်မသာ ဖြစ်စေတဲ့ အကြောင်းအရာနဲ့ တင်ပြပုံတွေ ပါဝင်တဲ့ဇာတ်ကားဖြစ်ပြီး Caleb Landry Jones ဟာ ဒ

ဆိုင်ကယ်ပြိုင်ရာမှာ ပါရမီရှိလို့ လူတွေ သတိထားမိကြတဲ့ လူငယ်တစ်ယောက်ဟာ သူချစ်နေဆဲ ဇနီးဟောင်းနဲ့ သားလေး ဒုက္ခရောက်နေချိန်မှာ ကိုယ်တိုင်ဝင်ကူဖို့ ဖြစ်လာပါတယ်။ ဇနီးဟောင်းက မူးယစ်ဂိုဏ်းနဲ့ ပတ်သက်မိထားတာကြောင့် ဒီအရှုပ်အထွေးကို သူ့ပြိုင်ဆိုင်ကယ်တစ်စီးနဲ့ ဘယ်လိုဖြေရှင်းမလဲဆိုတာ ဆိုင်ကယ်မောင်းနှင်ခန်းတွေနဲ့အတူ ဆက်ပြထားပါတယ်။ Centauro ဆိုတာ စပိန်လို လူတစ်ပိုင်း၊ မြင်းတစ်ပိုင်းရှိတဲ့ မနုဿမြင်းကို ခေါ်တာပါ။ ရဲစွမ်းသတ္တိ၊ ခွန်အားနဲ့ အပြေးမြန်မှုတို့ကို ရည်ညွှန်းပြီး ဆိုင်ကယ်ပြိုင်သမားလူငယ်နဲ့ နှိုင်းယှဉ်မိတ်ဆက်ထားတာ ဖြစ်တယ်။ အက်ရှင်၊ စွန့်စားခန်းနဲ့ ရာဇဝတ်မှုအကြောင်း ပေါင်းစပ်ထားတဲ့ စပိန်ဇာတ်ကားဖြစ်ပြီး Burn Out ကို ပြန်လည်ရိုက်ကူးထားတာပါ။

၁၉၈၇ ခုနှစ်မှာ ထွက်ရှိခဲ့တဲ့ The Running Man က အဲဒီအချိန်ကနေ နှစ်သုံးဆယ်အကြာ၊ ၂၀၁၇ ခုနှစ်ကို စိတ်ကူးပြီး ဇာတ်အိမ်တည်ထားပါတယ်။ ကမ္ဘာတစ်ဝန်း စီးပွားပျက်ကပ်ကြီး ဖြစ်နေပြီး စားနပ်ရိက္ခာထုတ်လုပ်မှု လျော့ကျလာသလို ရေနံ၊ သဘာဝဓာတ်ငွေ့နဲ့ တခြားသယံဇာတတွေလည်း ရှားပါးပြတ်လပ်နေတဲ့ ကာလပါ။ အမေရိကန်နိုင်ငံကိုတော့ အကြွင်းမဲ့အာဏာရှင်အစိုးရတစ်ရပ်က အုပ်ချုပ်နေတယ်။ နိုင်ငံကို စစ်နယ်မြေတွေ ခွဲထားပြီး စာပေ၊ ဂီတနဲ့ အနုပညာအားလုံးကို ဆင်ဆာနဲ့ ထိန်းချုပ်ထားပါတယ်။ တစ်နေရာနဲ့တစ်နေရာ စာရေးတာ၊ ဖုန်းဆက်တာတွေကို ခွင့်မပြုဘဲ ခရီးသွားဖို့လည်း အစိုးရထုတ်ပေးတဲ့ လက်မှတ်လိုတယ်။ အိမ်ပြင်ထွက်ရင် သွားလာခွင့်လက်မှတ် အမြဲဆောင်ထားရပြီး ညမထွက်ရအချိန် ကျော်လွန်သွားရင် တစ်သက်တစ်ကျွန်းအထိ အပြစ်ပေးခံရနိုင်ပါတယ်။ ရုပ်မြင်သံကြားကိုလည်း အစိုးရက လုံးဝချုပ်ကိုင်ထားပြီး အချိန်ပြည့် ဝါဒဖြန့်နေတယ်။ ပြည်သူတွေ ဆန္ဒပြဖို့ အာရုံမရောက်အောင် ထုတ်လွှင့်ပေးနေတဲ့ အစီအစဉ်တစ်ခုက The Running Man ဆိုတဲ့ လူကြိုက်များတဲ့ ဂိမ်းရှိုးပါ။ ထောင်သားတွေကို ငလျင်ကြောင့် ပျက်စီးနေတဲ့ နယ်မြေထဲ ထည့်ပေးပြီး ကြေးစားလူသတ်သမားတွေက နောက်ကနေ လိုက်သတ်ကြတယ်။ သုံးနာရီပြည့်တဲ့အထိ အသက်ရှင်နိုင်ရင် အနိုင်ရပြီး လွတ်ငြိမ်းချမ်းသာခွင့် ရမယ်ဆိုတဲ့ စည်းမျဉ်းနဲ့ ကစားရတာပါ။ အစိုးရတီဗီက မျက်မြင်တွေ့မှ ယုံကြဖို့ အမြဲပြောနေပေမယ့် ထုတ်လွှင့်သမျှက အမှန်တရားကို တည်းဖြတ်ပုံဖျက်ထားတာတွေ ဖ

ဒူရ်ဂါဆင်းဂ်ဟာ ဆင်းရဲပေမယ့် ရိုးသားတည်ကြည်တဲ့ မုဆိုးမတစ်ယောက်ပါ။ သားနှစ်ယောက်ဖြစ်တဲ့ ကရန်နဲ့ အာဂျွန်ကို သူတစ်ယောက်တည်း ပြုစုပျိုးထောင်လာခဲ့တယ်။ တစ်နေ့မှာတော့ ယောက္ခထီးဖြစ်သူ သာကူးရ်ရဲ့ နောက်ဆုံးအချိန် ရောက်နေပြီဆိုတဲ့ သတင်းကို လူတစ်ယောက် လာပြောရာက သားနှစ်ယောက်လည်း သူတို့မသိခဲ့တဲ့ မိသားစုအကြောင်းကို ကြားသွားကြပါတယ်။ သာကူးရ်ဟာ မြေယာအများအပြား ပိုင်ဆိုင်တဲ့ သူဌေးကြီးဖြစ်ပြီး ကရန်နဲ့ အာဂျွန်တို့ရဲ့ အဘိုးပါ။ သူ့သားက သူသဘောမတူတဲ့ကြားက ဒူရ်ဂါကို လက်ထပ်ခဲ့လို့ အမွေပြတ်စွန့်လွှတ်ထားခဲ့တာ ဖြစ်တယ်။ အခုတော့ မသေခင် မြေးနှစ်ယောက်ကို အမွေလွှဲပေးချင်လို့ လာခေါ်ခိုင်းတာပါ။ ဒါပေမယ့် သာကူးရ်ရဲ့ ဆွေမျိုးတစ်ယောက်ဖြစ်တဲ့ ဒူရ်ဂျန်းက ဒီစည်းစိမ်တွေကို တစ်ယောက်တည်း ရချင်နေတယ်။ မြေးတွေကို စောင့်နေတဲ့ သာကူးရ်ရှေ့မှာ ဒူရ်ဂျန်းက လွန်ခဲ့တဲ့နှစ်တွေက သူ့သားကို သတ်ခဲ့သူဟာ မိမိပဲဖြစ်ကြောင်း ဖွင့်ပြောပြီး သာကူးရ်ကိုပါ သတ်ပစ်လိုက်ပါတယ်။ ရောက်လာတဲ့ ကရန်နဲ့ အာဂျွန်လည်း မလွတ်ကြဘူး။ ဒူရ်ဂျန်းနဲ့ သူ့လူတွေက ညီအစ်ကိုနှစ်ယောက်ကို မိခင်ရှေ့မှာပဲ ညှဉ်းပန်းသတ်ဖြတ်လိုက်ကြတယ်။ သားနှစ်ယောက်လုံးကို ဆုံးရှုံးလိုက်ရတဲ့ ဒူရ်ဂါက ကာလီမယ်တော်ဆီ တိုင်တည်ပြီး သားတွေ လူပြန်ဝင်စားလာကာ ဒီလူတွေကို လက်စားချေနိုင်ပါစေလို့ ဆုတောင်းကျိန်ဆိုပါတော့တယ်။ သူ့ကျိန်ဆိုမှုက ဒူရ်ဂျန်းအပေါ် သက်ရောက်လာမလား၊ ကရန်နဲ့ အာဂျွန်တို့ တစ်ဖန်ပြန်မွေးဖွားလာကြဦးမလား။

တက်သစ်စသရုပ်ဆောင် ချွဲမီဂျင်နဲ့ မန်နေဂျာ အီအူဂွန်းတို့ဟာ အောင်မြင်ဖို့ အောက်ခြေကနေ အတူရုန်းကန်ခဲ့ကြသူတွေပါ။ မီဂျင် တဖြည်းဖြည်း နာမည်ရလာတဲ့အချိန်မှာ လွှတ်တော်အမတ် နမ်ဂျောင်အင်နဲ့ ဇာတ်လမ်းဖြစ်နေတယ်ဆိုတဲ့ မကောင်းသတင်း ထွက်လာပါတယ်။ အဲဒီသတင်းကြောင့် မီဂျင်ဟာ ကိုယ့်ကိုယ်ကိုယ် သေကြောင်းကြံစည်ခဲ့တယ်။ မီဂျင်အပေါ် မတရားလုပ်ခဲ့သူတွေကို လက်တုံ့ပြန်ဖို့ အူဂွန်းက ကောလဟာလရဲ့ အစကို လိုက်စုံစမ်းပါတော့တယ်။ သတင်းနောက်ကွယ်က လူတွေကို ရှာဖွေရင်း Tipsheet လို့ခေါ်တဲ့ လျှို့ဝှက်အီးမေးလ်သတင်းတိုတွေနဲ့ နိုင်ငံရေးလောကကြားက အရှုပ်အထွေးတွေထဲ ရောက်သွားပါတယ်။ အင်တာနက်ပေါ်မှာ အလွယ်တကူ ဖြန့်နိုင်တဲ့ သတင်းတစ်ခုက လူတစ်ယောက်ရဲ့ နာမည်နဲ့ဘဝကို ဘယ်လောက်ထိ ထိခိုက်စေနိုင်သလဲဆိုတာကို ဒီကောလဟာလရဲ့ နောက်ကွယ်ကနေ ဖော်ပြထားတာပါ။

အသက် ၃၈ နှစ်ရှိပြီဖြစ်တဲ့ လူပျိုကြီး ရှင်ဒီမှာ ရူပီးနှစ်သိန်းတန် မြေကွက်တစ်ကွက်၊ တံခါးပေါက်တွေတောင် မရှိတော့တဲ့ အိမ်တစ်လုံး၊ ခြေထောက်သုံးချောင်းပဲ အကောင်းကျန်တဲ့ ကုတင်တစ်လုံးနဲ့ ဆီအမြဲပြတ်နေတတ်တဲ့ ဆိုင်ကယ်တစ်စင်း ရှိပါတယ်။ ဘဝက မပြေလည်ပေမယ့် သူ့ကို သိပ်ချစ်တဲ့ အထက်တန်းလွှာက ချစ်သူတစ်ယောက်နဲ့ ညီအစ်ကိုလို ရင်းနှီးတဲ့ ဘာလီကတော့ သူ့ဘေးမှာ ရှိနေကြတယ်။ ရှင်ဒီနဲ့ ဘာလီတို့ဟာ ဈေးဆိုင်ကြီးတစ်ဆိုင်ရဲ့ ရှေ့မှာ ဖုန်းပြင်ဆိုင်သေးသေးလေး ဖွင့်ပြီး အသက်မွေးကြပါတယ်။ ရှင်ဒီက စီးပွားရေးအကြံအစည်တွေ ထုတ်တတ်သူဖြစ်ပြီး ဘာလီကတော့ သူပြောသမျှကို နားထောင်လို့ လက်တွေ့လုပ်ပေးသူပါ။ နှစ်ယောက်သား အတူရုန်းကန်နေကြပေမယ့် ငွေကြေးအခြေအနေကတော့ ချောင်လည်မလာပါဘူး။ တစ်နေ့မှာ သူတို့မှီခိုနေရတဲ့ ဈေးဆိုင်ကြီးကို ပိုင်ရှင်က ရောင်းတော့မယ်ဆိုတဲ့ အကြောင်း သိလာရတယ်။ ပိုင်ရှင်အသစ်က သူတို့ကို ဆိုင်ရှေ့မှာ ဆက်ဖွင့်ခွင့်ပေးပါ့မလား မသေချာတာကြောင့် ဆိုင်ကြီးကို သူတို့ကိုယ်တိုင် ဝယ်ဖို့ လိုလာပါတယ်။ ရှင်ဒီကလည်း ချစ်သူရဲ့ဖခင် အထင်ကြီးလာအောင် ဒီဆိုင်ကို ဝယ်ချင်နေတယ်။ တစ်ဖက်မှာ ဘာလီရဲ့သမီးလေးက အစာအိမ်ရောဂါ ပြင်းပြင်းထန်ထန် ခံစားနေရပြီး ဆေးကုဖို့ ငွေအများကြီး လိုနေပြန်ပါတယ်။ ငွေရှာဖို့ ကြံရာမရတဲ့အဆုံး နှစ်ယောက်သား ရွာထဲက ဘဏ်ငယ်လေးတစ်ခုကို ဓားပြတိုက်ဖို့ စီစဉ်ကြတယ်။ ရှင်ဒီရဲ့ အစီအစဉ်အတိုင်း အဆင်ပြေနေရာက ဖမ်းဆီးခံထားရတဲ့ လူလိမ်ရာဇဝတ်ကောင် စူက

ဘန်က သူ့မွေးရပ်ရွာမှာ ကော်ဖီလုပ်ငန်းလုပ်ရင်း အေးအေးဆေးဆေး နေထိုင်နေသူပါ။ ကုမ္ပဏီကြီးတစ်ခုက ရွာသားတွေနဲ့ လယ်သမားတွေရဲ့ မြေတွေကို အတင်းသိမ်းယူဖို့ ပြင်ဆင်နေကြောင်း သိလိုက်ရတဲ့အခါတော့ လယ်သမားတွေကို ဦးဆောင်ပြီး ဆန္ဒပြကန့်ကွက်ခဲ့တယ်။ အဲဒီနောက် မကြာခင်မှာပဲ ကုမ္ပဏီက ငှားထားတဲ့ လူမိုက်တွေက ဘန်ကို ရိုက်နှက်ဖမ်းဆီးသွားကြပါတယ်။ သူ့လိုပဲ ဖမ်းဆီးနှိပ်စက်ခံထားရတဲ့ ရွာသားတွေလည်း အများကြီးရှိနေတယ်။ ကော်ဖီဆိုင်ဖွင့်ပွဲကို ဘန်ရောက်မလာတဲ့အတွက် သူ့သူငယ်ချင်း ဂျိုဒီက ရွာအထိ လိုက်လာပြီး စုံစမ်းပါတယ်။ အဖြစ်အပျက်တွေကို သိသွားတော့ ဘန်နဲ့အတူ အဖမ်းခံထားရသူတွေကို ကယ်ထုတ်ဖို့ ကြိုးစားပါတော့တယ်။ လူမိုက်တွေလက်ထဲက သူငယ်ချင်းကို ကယ်ဖို့ ဂျိုဒီ ဘယ်လိုစွန့်စားရမလဲ၊ ဘန်ကို အသက်ရှင်လျက် ပြန်ခေါ်ထုတ်လာနိုင်ပါ့မလား။

ဝန်ကြီးချုပ်နဲ့အတူ ခရီးထွက်ခဲ့တဲ့ ဝန်ကြီးတစ်ယောက် သေဆုံးသွားရာကနေ ဇာတ်လမ်းစပါတယ်။ အဲဒီနောက် Basket Killings လို့ခေါ်တဲ့ ကွင်းဆက်လူသတ်မှုတွေ ဆက်တိုက်ဖြစ်လာပြီး နောက်ဆုံးအသတ်ခံရသူက ရဲအရာရှိတစ်ယောက် ဖြစ်နေတယ်။ ရဲတွေ အလုပ်ရှုပ်နေချိန်မှာပဲ အမှုကို CBI ဆီ လွှဲပေးလိုက်ကြပါတယ်။ ကိုယ့်အစွမ်းကို ယုံကြည်ပြီး ဘယ်တော့မှမကျရှုံးဘူးလို့ ကြွေးကြော်ထားတဲ့ CBI အဖွဲ့က ဒီအမှုကို စုံစမ်းရတော့တယ်။ ဒါပေမယ့် စုံစမ်းရေးမှာ လူသတ်မှုတွေရဲ့ ဆက်စပ်ချက်ကို ရှာရုံတင်မကဘဲ ရဲအဖွဲ့နဲ့ကြားက အဖုအထစ်တွေ၊ အားပြိုင်မှုတွေကိုပါ ရင်ဆိုင်နေရပါတယ်။ ၂ နာရီ ၄၂ မိနစ်ကြာတဲ့ ဒီအိန္ဒိယမှုခင်းရုပ်ရှင်မှာ သူတို့ တရားခံကို ဘယ်လိုဖော်ထုတ်ကြမလဲဆိုတာ လိုက်ကြည့်ရမှာပါ။

ပန်မန်က အင်ဂျင်နီယာဘွဲ့ရထားတဲ့ တက်ကြွတဲ့ ပန်ချာပီလူငယ်တစ်ယောက်ပါ။ အမေရိကန်မှာ အလုပ်လုပ်ပြီး ဝင်ငွေရှာချင်နေတယ်။ နိုင်ငံခြားပို့ပေးတဲ့ အေဂျင်စီတွေ များနေတဲ့အချိန်မှာ သူလည်း အေဂျင်စီတစ်ခုနဲ့ ချိတ်ဆက်ခဲ့ပါတယ်။ တောင်းတဲ့ဈေးက မတန်တဆများပေမယ့် ပန်မန်ရဲ့ဆန္ဒကို ဖြည့်ပေးဖို့ တစ်အိမ်လုံးက အနစ်နာခံပြီး ပို့ပေးလိုက်ကြတယ်။ ခရီးတစ်လျှောက် စိတ်အားတက်ကြွလာခဲ့တဲ့ ပန်မန်ဟာ လေဆိပ်က ဆင်းလိုက်ချိန်မှာတော့ အလွဲတွေ စကြုံရပါတော့တယ်။ အေးဂျင့်ကလည်း ဖုန်းမကိုင်တော့ဘူး။ အဲဒီမှာ သူ့လိုပဲ အမေရိကန်သွားချင်လို့ အလိမ်ခံခဲ့ရသူတွေနဲ့ ဆုံလာပြီး ဒုက္ခတွေကို အတူကြုံကြရပါတယ်။ အေးဂျင့်ကြောင့် အမေရိကန်ကို မရောက်ဘဲ မက္ကဆီကိုက တောကြီးထဲ ရောက်သွားကြတဲ့အခါ သူတို့စိတ်ကူးထားတဲ့ ခရီးနဲ့ လုံးဝကွာသွားခဲ့ပြီ။ စိတ်တောင်မကူးဖူးတဲ့ အဲဒီတောထဲမှာ ပန်မန်တို့ ဘယ်လိုရင်ဆိုင်ဖြတ်သန်းကြမလဲ၊ အမေရိကန်ကိုရောက်ဖို့ မျှော်လင့်ချက်ကရော ရှိနိုင်ဦးမလားဆိုတာ ဆက်ကြည့်ရမှာပါ။ ပန်မန်အဖြစ် Amy Virk က သရုပ်ဆောင်ထားပြီး Saunkan Saunkne ထဲက ဟာသဇာတ်ရုပ်နဲ့ မတူတဲ့ အခက်အခဲကြားက လူငယ်တစ်ယောက်အဖြစ် တွေ့ရပါတယ်။

မူးယစ်ဆေးအရောင်းအဝယ်လုပ်လာတာ ခုနစ်နှစ်ရှိပြီဖြစ်တဲ့ ဘတ်ဂျ်က နောက်ဆုံးအကြိမ် အရောင်းအဝယ်တစ်ခုလုပ်ဖို့ ညတစ်ညမှာ ကားပေါ်တက်လာပါတယ်။ ယူကရိန်းသားတွေနဲ့ အချီကြီးလုပ်ဖို့ စီစဉ်ထားပေမယ့် ရဲတွေ လိုက်လာတဲ့အခါ ကိုယ်တိုင်အပေးအယူလုပ်ဖို့ အဆင်မပြေတော့ဘူး။ ဒါကြောင့် လက်အောက်ငယ်သားတွေကို ဖုန်းဆက်ညွှန်ကြားပြီး လုပ်ခိုင်းလိုက်ရာက ကိစ္စတွေ တစ်ခုပြီးတစ်ခု လွဲကုန်ပါတော့တယ်။ ဇာတ်ကားရဲ့ ရှစ်ဆယ်ရာခိုင်နှုန်းလောက်ကို ကားတစ်စီးထဲမှာပဲ ရိုက်ပြထားပြီး တစ်ဆက်တည်းရိုက်ထားသလို အချိန်နဲ့အမျှ ဖြစ်ပျက်လာတာတွေကို လိုက်ပြထားပါတယ်။ ဘတ်ဂျ်ရဲ့ ဖုန်းအဆက်အသွယ်တွေကနေ အရောင်းအဝယ်အခြေအနေနဲ့ ပြဿနာတွေကို သိလာရတာပါ။ နောက်ဆုံးအကြိမ်လို့ ရည်ရွယ်ထားတဲ့ အပေးအယူ အောင်မြင်နိုင်မလား၊ လွဲချော်သွားတဲ့အခြေအနေတွေကို သူဘယ်လို ပြန်အဖတ်ဆယ်မလဲဆိုတာကို ဒီညတစ်ညအတွင်း ဆက်လိုက်ရမှာဖြစ်ပါတယ်။

ဇက် အက်ဖရွန် သရုပ်ဆောင်ထားတဲ့ ဇာတ်ကောင်က ဘဝအခြေအနေ စုတ်ပြတ်နေပြီး သေမထူးနေမထူး ဖြစ်နေသူတစ်ယောက်ပါ။ ဆိုးရွားတဲ့နေရာတစ်ခုကနေ ထွက်လာပြီး လူသူဝေးတဲ့ မှော်တစ်ခုမှာ အလုပ်လုပ်ဖို့ ခရီးထွက်လာတယ်။ ကားနဲ့ လိုက်ပို့ပေးတဲ့လူတစ်ယောက်နဲ့အတူ ကန္တာရကို ဖြတ်လာတုန်း အလုပ်လုပ်မယ့်နေရာ မရောက်ခင်မှာပဲ ရွှေကြောကြီးနဲ့ ရွှေတုံးတွေကို တွေ့သွားကြပါတယ်။ ရွှေတုံးတွေက လူနှစ်ယောက်အားနဲ့ မသယ်နိုင်လောက်အောင် ကြီးနေတာကြောင့် ကားသမားက ကရိန်းသွားငှားဖို့ ထွက်သွားတယ်။ သူကတော့ ကန္တာရထဲမှာ တစ်ယောက်တည်း ကျန်ခဲ့ပြီး ရွှေတွေကို စောင့်နေရပါတယ်။ အဲဒီလို စောင့်နေရင်း လူတွေ၊ ခွေးတွေ၊ မြွေတွေနဲ့ ဒုက္ခမျိုးစုံကို ရင်ဆိုင်လာရတယ်။

SP ကေဒီက အမှုဖြစ်ရင် ငါးမိနစ်အတွင်း တရားခံဖမ်းပြနိုင်တဲ့ ရဲအရာရှိတစ်ယောက်ပါ။ ဉာဏ်ကောင်းပြီး မိတ်ဆွေလည်းပေါသလို သတင်းထောက်တွေကြားမှာလည်း နာမည်ကြီးတယ်။ ချစ်သူ အာရာနဲ့အတူ ဘဝကို ပျော်ပျော်ရွှင်ရွှင် ဖြတ်သန်းနေတဲ့ သူ့ဆီ တစ်နေ့မှာတော့ အရင်ကလို အလွယ်တကူ ဖြေရှင်းဖို့မလွယ်တဲ့ အမှုတစ်ခု ရောက်လာပါတယ်။ ခေါင်း၊ လက်နဲ့ ကိုယ်ခန္ဓာကို တစ်ပိုင်းစီ ခုတ်ဖြတ်ထားပြီး လူတစ်ယောက်ပုံစံ ပြန်စီထားတဲ့ အလောင်းကို တွေ့ရတာပါ။ ဒါပေမယ့် ခေါင်းနဲ့ ကိုယ်ခန္ဓာက လူတစ်ယောက်တည်းရဲ့ အစိတ်အပိုင်းတွေ မဟုတ်နေဘူး။ နောက်ထပ်အလောင်းတွေ ရှိနေသေးတဲ့ သဘောဖြစ်တာကြောင့် ကေဒီလည်း အမှုထဲ ပိုဝင်စုံစမ်းလာရတယ်။ ဒီအမှုကို လိုက်ရင်း သူ့အတွက် ဘယ်လိုအသက်အန္တရာယ်တွေ ရှိလာမလဲ၊ တရားခံကရော ဘယ်သူလဲ။ Adivi Sesh ပါဝင်သရုပ်ဆောင်ထားပြီး ရက်စက်တဲ့ သတ်ဖြတ်ခန်းတွေ ပါဝင်ပါတယ်။

မိုးသည်းတဲ့ တစ်ရက်မှာ ချာပိရွာကို သွားမယ့် ဒေသအသီးသီးက လူတွေ အိမ်ပျက်ကြီးတစ်အိမ်မှာ မိုးဝင်ခိုရင်း ဆုံမိကြပါတယ်။ အဲဒီထဲက လူတစ်ယောက်က သူတို့သွားမယ့်နယ်မှာ လွန်ခဲ့တဲ့ ၁၅ နှစ်က ဖြစ်ခဲ့တဲ့ မြေခွေးမိစ္ဆာအကြောင်းကို စပြောပြတယ်။ သူပြောတဲ့အကြောင်းအရ အဲဒီတုန်းက ဇာတ်သဘင်အဖွဲ့တစ်ဖွဲ့ဟာ မင်္ဂလာဆောင်မှာ ဖျော်ဖြေဖို့ ချာပိရွာကို ဖိတ်ခေါ်ခံခဲ့ရပါတယ်။ ရှေးအယူအဆအရ မဖျော်ဖြေခင် ဆုတောင်းပွဲလုပ်နေချိန်မှာ မြေခွေးမိစ္ဆာ ပေါ်လာပြီး အဖွဲ့ခေါင်းဆောင်ကို ညှို့ယူသွားတယ်။ တခြားအဖွဲ့သားတွေကိုလည်း သတ်ဖြတ်ခဲ့ပြီး အခုဇာတ်ကြောင်းပြောနေသူ တစ်ယောက်ပဲ မျက်စိကွယ်လျက် အသက်ရှင်ကျန်ခဲ့တာပါ။ မြေခွေးမိစ္ဆာ ပေါ်လာရတဲ့အကြောင်းကိုတော့ အဲဒီဇာတ်ကြောင်းတစ်ခုတည်းနဲ့ မသိရသေးပါဘူး။ မိုးအတူခိုနေသူတွေက သူတို့သိထားတဲ့ အကြောင်းတွေကို တစ်ယောက်တစ်လှည့် ပြောပြလာကြရင်း လွန်ခဲ့တဲ့ ၁၅ နှစ်က ဖြစ်ရပ်တွေ တဖြည်းဖြည်း ပေါ်လာပါတယ်။ ချာပိရွာမှာ တကယ်ဘာဖြစ်ခဲ့တာလဲ၊ အဲဒီအတိတ်က အခုအချိန်နဲ့ရော ဘယ်လိုဆက်နွှယ်နေမလဲ။

လူသားတွေနဲ့ ကိုင်ဂျူးလို့ခေါ်တဲ့ ဧရာမသတ္တဝါကြီးတွေ ရောနှောနေထိုင်တဲ့ ကမ္ဘာမှာ မျိုးနွယ်နှစ်ခုကြား စစ်ပွဲရှည်ကြီးတစ်ခု ဖြစ်ခဲ့ပါတယ်။ အဲဒီစစ်ပွဲကို အဆုံးသတ်ပေးခဲ့တာက လူသားမိန်းကလေး မားဂရက်နဲ့ ကိုင်ဂျူးဘုရင် ဘယ်လော့ခ်တို့ရဲ့ ချစ်ခြင်းပါ။ စစ်ပွဲရပ်သွားပြီးနောက် ကိုင်ဂျူးတွေကလည်း ဒဏ္ဍာရီထဲက သတ္တဝါတွေလို ဖြစ်လာခဲ့တယ်။ ဒါပေမယ့် ဒန်ကန်ဆိုတဲ့ ဆယ်ကျော်သက်ကောင်လေးကတော့ တကယ်ရှိနေတဲ့ ကိုင်ဂျူးတစ်ဝက်၊ လူသားတစ်ဝက်ပါ။ ကိုင်ဂျူးတစ်ကောင်ရဲ့ အစွမ်းတွေကို ပိုင်ဆိုင်ထားတဲ့ သူ့ဆီ တစ်နေ့မှာ ဘယ်လော့ခ်ဘုရင်ကြီး ပြန်ရောက်လာပါတယ်။ ဒဏ္ဍာရီလိုဖြစ်နေတဲ့ ကိုင်ဂျူးတွေနဲ့ ဒန်ကန်ရဲ့ဘဝ ဘယ်လိုဆက်ဖြစ်လာမလဲဆိုတာကို အက်ရှင်နဲ့ စိတ်ကူးယဉ်အကြောင်းအရာတွေ ရောစပ်ထားတဲ့ အန်နီမေးရှင်းဇာတ်ကားပါ။

ကိုဗစ်ကာလ လော့ဒေါင်းမချခင်မှာ သာမန်မိသားစုတစ်စုရဲ့ အိမ်ထောင်ဦးစီးတစ်ယောက်အကြောင်းနဲ့ ဇာတ်လမ်းစထားပါတယ်။ ရင်းနှီးထားတဲ့ ငွေတွေက ပြန်ထုတ်မရသေး၊ အကြွေးရှင်တွေကလည်း လိုက်တောင်းနေတဲ့အချိန်မှာ ကိုဗစ်ကြောင့် လော့ဒေါင်းတွေပါ ချလာတယ်။ ဇနီးကလည်း မီးဖွားနေတော့ သူ့အတွက် အခက်အခဲတွေက တစ်ခုပြီးတစ်ခု ဆုံလာပြီး ထွက်ပေါက်မရှိသလို ဖြစ်နေပါတယ်။ ဒီမာလာယာလမ် သည်းထိတ်ရင်ဖိုဇာတ်ကားက ကိုဗစ်ကာလမှာ ကြုံရတတ်တဲ့ ဒုက္ခတွေကြားက လူ့သဘာဝနဲ့ ကံကြမ္မာအကြောင်းကို ပြထားတာပါ။ အကျပ်အတည်းတွေ ဝိုင်းနေတဲ့ ဒီအိမ်ထောင်ဦးစီးအတွက် နောက်ထပ် ဘာတွေစောင့်နေမလဲ၊ မမြင်ရသေးတဲ့ ကံကြမ္မာကရော သူ့ဘဝကို ဘယ်လိုပြောင်းလဲစေမလဲ။

မတော်တဆမှုတစ်ခုကြောင့် ဇနီးနဲ့ သမီးကို ဆုံးရှုံးလိုက်ရတဲ့ ဂျက်ဟာ ဂီတအနုပညာရှင်ဘဝကို စွန့်လွှတ်ပြီး တောင်ပေါ်မှာ တစ်ယောက်တည်း နေလာခဲ့တာ ကြာပါပြီ။ တစ်နေ့မှာတော့ သူ့သမီးအရွယ် စကားမပြောတတ်တဲ့ ကောင်မလေးတစ်ယောက် သူ့ဆီ မထင်မှတ်ဘဲ ရောက်လာပါတယ်။ ဂျက်က ကလေးမကို ပြန်မလွှတ်ရက်လို့ စောင့်ရှောက်ထားရင်း သမီးတစ်ယောက် ပြန်ရလိုက်သလို သံယောဇဉ်တွယ်လာတယ်။ ဒါပေမယ့် ကောင်မလေးဟာ ပထွေးရဲ့ရန်ကို ကြောက်လို့ အိမ်ကနေ ထွက်ပြေးလာသူဖြစ်နေပါတယ်။ သူ့အတိတ်က ပြဿနာတွေ ဂျက်ဆီအထိ လိုက်ရောက်လာတဲ့အခါ ဂျက်တစ်ယောက် ဒီကလေးကို အန္တရာယ်တွေကနေ ဘယ်လိုကာကွယ်ပေးမလဲဆိုတာ ဆက်တွေ့ရမှာပါ။

ရှရွတ်ခန်း သရုပ်ဆောင်ထားတဲ့ ဇာတ်ကောင်ဟာ ငယ်ငယ်ရွယ်ရွယ်နဲ့ နာမကျန်းဖြစ်နေတဲ့ မိခင်ကို စောင့်ရှောက်နေရသူပါ။ သူများအိမ်မှာ တောက်တိုမယ်ရ အလုပ်တွေလုပ်ပြီး ရလာတဲ့ငွေနဲ့ အမေ့အတွက် ဆေးနဲ့ စားစရာ ဝယ်ပေးတယ်။ အမေ စားရဖို့အတွက် ကိုယ်တိုင် အငတ်ခံရတဲ့အချိန်တွေလည်း ရှိပါတယ်။ သူတို့မိသားစုဟာ အရင်ကတော့ ချမ်းချမ်းသာသာနဲ့ ပြည့်ပြည့်စုံစုံ နေခဲ့ရသူတွေပါ။ မိဘနှစ်ပါးက သူတစ်ပါးကို ကြင်နာပြီး ယုံကြည်ပေးတတ်ပေမယ့် အလုပ်သမားတစ်ဦးရဲ့ ကောက်ကျစ်မှုကြောင့် ဖခင်ကို ဆုံးရှုံးရသလို ပိုင်ဆိုင်သမျှလည်း လက်လွှတ်ခဲ့ရတယ်။ လမ်းဘေးရောက်သွားတဲ့အထိ ဘဝပျက်ခဲ့ရပြီး မိခင်ကလည်း ခင်ပွန်းဆုံးတဲ့စိတ်နဲ့ အိပ်ရာထဲ လဲသွားတာကြောင့် သားငယ်က ပြန်စောင့်ရှောက်နေရတာပါ။ ဒီလိုနဲ့ သူဟာ မိသားစုဘဝကို ဖျက်ဆီးခဲ့သူကို ရှာပြီး လက်စားချေဖို့ ငယ်စဉ်ကတည်းက စိတ်ပိုင်းဖြတ်ထားခဲ့တယ်။ တစ်နေ့မှာတော့ အဲဒီလူနဲ့ ထိပ်တိုက်ရင်ဆိုင်ရမယ့် အချိန် ရောက်လာပါတယ်။ Baazigar ဟာ ရှရွတ်ခန်းကို လူသိများလာစေခဲ့တဲ့ ဇာတ်ကားဖြစ်သလို ကာဂျိုးနဲ့ သူ ပထမဆုံး တွဲဖက်သရုပ်ဆောင်ခဲ့တဲ့ ရုပ်ရှင်လည်း ဖြစ်ပါတယ်။ Shilpa Shetty အတွက်လည်း ပွဲဦးထွက်ဇာတ်ကားဖြစ်ပြီး ဒီကားနဲ့ပဲ ပရိသတ်တွေကြား နာမည်ရလာခဲ့ပါတယ်။

အိန္ဒိယနိုင်ငံမှာ “Ayyankali Pada” လို့ ကိုယ့်အဖွဲ့ကိုယ် မိတ်ဆက်တဲ့ လူတစ်စုဟာ မြေယာကိစ္စတွေကို ကိုင်တွယ်တဲ့ အရာရှိတစ်ယောက်ရဲ့ ရုံးခန်းထဲ ဝင်လာကြပါတယ်။ သူတို့တောင်းဆိုတာက ကယ်ရလာဥပဒေပြုအဖွဲ့က ပြင်ဆင်ထားတဲ့ အာဒီဗာစီမြေယာအက်ဥပဒေကို ပယ်ဖျက်ပေးဖို့ပါ။ အရာရှိက လက်မခံတဲ့အခါ သူ့ကို ဓားစာခံအဖြစ် ဖမ်းထားလိုက်ကြတယ်။ သူတို့က မတရားမှုကို ရင်ဆိုင်တိုက်ခိုက်သူတွေလို့ ကိုယ့်ကိုယ်ကိုယ် ခံယူထားကြပါတယ်။ ကိုယ့်မြေ၊ ကိုယ့်တောအုပ်နဲ့ ကိုယ့်နေအိမ်ကို ထိပါးလာတဲ့ အာဏာပိုင်တွေကို တုံ့ပြန်ဖို့ ပြင်ဆင်နေသူတွေဖြစ်ပြီး ဒီဓားစာခံဖမ်းဆီးမှုကနေ သူတို့ရဲ့ တောင်းဆိုချက်တွေကို ရှေ့တင်လာတာပါ။ ဖြစ်ရပ်မှန်ကို အခြေခံထားတဲ့ ဒီဇာတ်လမ်းမှာ အာဏာရှိတဲ့ အစိုးရကို သူတို့ ဘယ်လိုရင်ဆိုင်ကြမလဲဆိုတာ ပြထားပါတယ်။

မိန်းကလေးတစ်ယောက်ဟာ လူသတ်သမားတစ်ယောက်ရဲ့ ဖမ်းဆီးချုပ်နှောင်မှုကနေ လွတ်မြောက်ခဲ့ဖူးပါတယ်။ နောက်တော့ သူမသိတဲ့ ဦးလေးတစ်ယောက်ဆီက အမွေရထားတယ်ဆိုတဲ့အကြောင်း ကြားလာရလို့ လူသူမရှိတဲ့ တောခေါင်ခေါင်အရပ်အထိ လိုက်သွားခဲ့တယ်။ ဒါပေမယ့် အိမ်ထဲရောက်သွားမှ အဲဒီနေရာဟာ အရင်က သူ့ကို ဖမ်းချုပ်ထားခဲ့တဲ့အိမ်ဖြစ်နေမှန်း သိလိုက်ရပါတယ်။ လွတ်မြောက်ခဲ့ဖူးတဲ့နေရာကို ပြန်ရောက်လာတဲ့ သူမဟာ လူသတ်သမားနဲ့ ထပ်မံရင်ဆိုင်ပြီး ရုန်းကန်တိုက်ခိုက်ရပါတော့တယ်။

ဂျက်လီက သက်တော်စောင့်တစ်ယောက်အဖြစ် သရုပ်ဆောင်ထားပြီး Christy Chung နဲ့အတူ ပါဝင်ထားတဲ့ အချစ်အက်ရှင်ဇာတ်ကားပါ။ သိုင်းချခန်းတွေအပြင် အချစ်အကြောင်းကိုလည်း အလေးပေးထားပြီး သက်တော်စောင့်တစ်ယောက်ရဲ့ စွန့်စားမှုတွေနဲ့ ပေးဆပ်မှုတွေကို တင်ပြထားပါတယ်။

မိဘနှစ်ပါးလုံး ဆုံးပါးသွားတဲ့ အထက်တန်းကျောင်းသူလေးတစ်ယောက်ကို လူချမ်းသာမိသားစုတစ်စုက မွေးစားလိုက်ပါတယ်။ နားမကြား၊ စကားမပြောနိုင်သူလို့ သိထားကြတဲ့ ဒီမိန်းကလေးနဲ့ သက်တူရွယ်တူ သမီးတစ်ယောက်လည်း အဲဒီအိမ်မှာ ရှိတယ်။ မိဘချင်းရင်းနှီးကြသလို သူတို့နှစ်ယောက်လည်း ငယ်ငယ်က သူငယ်ချင်းတွေ ဖြစ်ခဲ့ဖူးပေမယ့် အခုတော့ သိပ်အဆင်မပြေကြပါဘူး။ အပြင်ကကြည့်ရင် ချမ်းသာတဲ့အိမ်တစ်အိမ်ဖြစ်ပေမယ့် အိမ်ထဲမှာတော့ ဖုံးကွယ်ထားတဲ့ ပြဿနာတွေ ရှိနေတယ်။ အိမ်ရှင်ရဲ့သမီးနဲ့ ဖခင်ကြားမှာ မသင့်လျော်တဲ့ လိင်ပိုင်းဆိုင်ရာဆက်နွယ်မှုရှိပြီး သမီးကလည်း သူ့အပေါ် အခွင့်အရေးယူနေတဲ့ ဖခင်ကို မုန်းတီးနေပါတယ်။ မိခင်ကတော့ အလုပ်အကိုင်မအောင်မြင်တဲ့ အိမ်တွင်းအလှဆင်ပညာရှင်တစ်ယောက်ဖြစ်ပြီး အရက်နဲ့ဆေးစွဲနေသလို မိသားစုအတွင်းမှာလည်း အပယ်ခံဖြစ်နေတယ်။ သမီးနဲ့ခင်ပွန်းကြားက ကိစ္စကို သူသိထားသလားဆိုတာတော့ အတိအကျ မဖော်ပြထားပါဘူး။ လူတွေကြားမှာ သတိမထားမိခံရဘဲ နေချင်တဲ့ မွေးစားသမီးလေး ရောက်လာပြီးနောက် ဒီအိမ်ရဲ့လျှို့ဝှက်ချက်တွေ တဖြည်းဖြည်း ပေါ်လာကာ အဖြစ်ဆိုးတွေနဲ့ ရင်ဆိုင်လာရပါတယ်။ Elisha Cuthbert နဲ့ Camilla Belle တို့ ပါဝင်သရုပ်ဆောင်ထားပါတယ်။

မာရီယိုက မီးခံသေတ္တာတွေ လိုက်ဖောက်ပြီး ရလာတဲ့ငွေကို သုံးဖြုန်းနေသူပါ။ မမိရင် သုံးဖြုန်းလိုက်၊ မိတော့လည်း ထောင်ကျလိုက်နဲ့ နေထိုင်လာခဲ့တယ်။ တစ်နေ့မှာ သူခိုးအသိုင်းအဝန်းထဲက လူတစ်ယောက်က ငွေနည်းနည်းအတွက် စွန့်စားနေမယ့်အစား တစ်ခါတည်း အကြီးအကျယ်ရမယ့်အလုပ် လုပ်ဖို့ လာစည်းရုံးပါတယ်။ သူကမ်းလှမ်းတဲ့အလုပ်က ဘဏ်ကြီးတစ်ခုကို ဓားပြတိုက်ဖို့ပါ။ မလွယ်တဲ့အလုပ်ဖြစ်ပေမယ့် အသက်အရွယ်နဲ့ အတွေ့အကြုံ ရလာကြတဲ့ ဒီလူတွေက အေးအေးဆေးဆေးပဲ အစီအစဉ်တွေ ချကြတယ်။ ဘဏ်ကို စနစ်တကျ ဓားပြတိုက်နိုင်ဖို့ ကြိုးစားရင်း ရဲတွေနဲ့ ဘဏ်ဝန်ထမ်းတွေကို ဘယ်လိုလှည့်ဖြားကြမလဲဆိုတာ ဆက်ပြသွားပါတယ်။ ၂၀၀၆ ခုနှစ် ဇန်နဝါရီ ၁၃ ရက်က အာဂျင်တီးနားနိုင်ငံမှာ ဖြစ်ပွားခဲ့တဲ့ ဘဏ်ဖောက်မှုကို အခြေခံရိုက်ကူးထားပြီး အက်ရှင်နဲ့ ဟာသ ရောစပ်ထားတဲ့ ဖြစ်ရပ်မှန်အခြေခံရုပ်ရှင်ပါ။