အက်ရှင်ကားများ

ရှေးဘုရင်ခေတ်က ဘုရင်တစ်ပါးဟာ အရာရာပြည့်စုံနေပေမယ့် စိတ်အေးချမ်းမှုတော့ မရခဲ့ပါဘူး။ အဲဒီအေးချမ်းမှုကို လိုက်ရှာရင်း တမန်တော်ပန်ဂျူရီနဲ့ တွေ့ခဲ့တယ်။ ပန်ဂျူရီက ရွာတစ်ရွာကို စောင့်ရှောက်ပေးနေသူဖြစ်လို့ ဘုရင်က သူ့ကို လိုချင်ရင် သူ့အသံရောက်တဲ့အထိ မြေကို ရွာအတွက် ချီးမြှင့်ပေးရမယ်လို့ အပေးအယူလုပ်ခဲ့ကြပါတယ်။ ဒီလိုနဲ့ ဘုရင်လည်း စိတ်အေးချမ်းမှု ရသွားပြီး ရွာသားတွေလည်း ကျယ်ပြောတဲ့သစ်တောနဲ့အတူ ပန်ဂျူရီရဲ့စောင့်ရှောက်မှုအောက်မှာ နေလာခဲ့ကြတယ်။ ၁၉၇၀ ပြည့်နှစ်မှာတော့ လူတစ်ယောက်က ဒီရွာဟာ သူ့ဘိုးဘွားပိုင်မြေဖြစ်လို့ ပြန်ပေးရမယ်ဆိုပြီး ပန်ဂျူရီကို ရင့်ရင့်သီးသီး ပြောဆိုတောင်းယူခဲ့ပါတယ်။ နောက်တစ်နေ့မှာ အဲဒီလူ တရားရုံးလှေကားပေါ် သွေးအန်ပြီး သေနေတာကို တွေ့ကြရတယ်။ ဇာတ်လမ်းအဓိကဖြစ်ပျက်တဲ့ ၁၉၉၀ ပြည့်နှစ်ကို ရောက်တော့ ဒီနေရာဟာ အစိုးရပိုင်သစ်တောကြိုးဝိုင်းဖြစ်ပြီး တောထဲကအရာတွေအတွက် အစိုးရဆီ ခွင့်ပြုချက်တောင်းရမယ်ဆိုတဲ့ အမိန့်တွေ ထွက်လာပါတယ်။ အဲဒီရွာက ရှီဗာဆိုတဲ့ ရွာသားတစ်ယောက်ကတော့ တောဝက်အမဲလိုက်တတ်သူပါ။ အမေက မကြိုက်လို့ တားနေပေမယ့် သူကတော့ ဆက်လိုက်နေဆဲပဲ။ တစ်နေ့ အမဲလိုက်ပြီးတဲ့ညမှာ တောဝက်တစ်ကောင် သူ့နောက်ကို လိုက်နေတဲ့ အိပ်မက်ဆိုးမက်ပြီး အလန့်တကြား နိုးလာခဲ့တယ်။ ပန်ဂျူရီစောင့်ရှောက်ထားတဲ့ ရွာနဲ့သစ်တောဆီ ရောက်လာတဲ့ အမိန့်တွေ၊ ရှီဗာမက်တဲ့ အိပ်မက်ဆိုးတို့ ဘယ်လိုဆက်စပ်နေလဲဆိုတာကို ဇာတ်လမ်းတစ်လျှောက် ဖော်ပြထာ

တွမ်ခရုဇ် အဓိကပါဝင်ထားတဲ့ The Mummy မှာ ခရူးဆိတ်စစ်ပွဲဝင် သူရဲကောင်းတစ်ဖွဲ့ဟာ အေဒီ ၁၁၂၇ ခုနှစ်က ရှေးဟောင်းအီဂျစ်နိုင်ငံဆီက ပတ္တမြားကြီးတစ်လုံးကို ရခဲ့ပြီး ဂူတစ်ခုထဲမှာ အမှတ်အသားနဲ့ မြှုပ်နှံထားခဲ့ပါတယ်။ ယနေ့ခေတ် လန်ဒန်မြို့မှာ မြေအောက်ရထားလမ်းဖောက်နေတဲ့ လုပ်သားတွေက အဲဒီသူရဲကောင်းတွေရဲ့ဂူကို တွေ့သွားတယ်။ ဂူထဲက ထူးဆန်းတဲ့အရာတွေနဲ့ အမှတ်အသားတစ်ခုကို စူးစမ်းရာကနေ ဖာရိုးဘုရင်တစ်ပါးရဲ့သမီး အာမာနက်မင်းသမီးအကြောင်း ပေါ်လာပါတယ်။ အာမာနက်ဟာ မူလက ထီးနန်းဆက်ခံရမယ့်သူဖြစ်ပေမယ့် ခမည်းတော်ရဲ့ ဒုတိယဇနီးက သားတော်မွေးလာတဲ့အခါ အဲဒီအခွင့်အရေးကို လက်လွှတ်ရမယ့်အခြေအနေ ဖြစ်သွားတယ်။ သူသာ ထီးနန်းဆက်ခံရမယ်လို့ ဆုံးဖြတ်ထားတဲ့ အာမာနက်က အီဂျစ်နတ်ဘုရား ဆက်ဆီ သူ့ဝိညာဉ်ကို ယစ်ပူဇော်ခဲ့ပါတယ်။ အဲဒီနောက် ခမည်းတော်နဲ့ မိသားစုကို သတ်ပစ်ပြီး ဆက်ကို လူသားအသွင်နဲ့ ပေါ်လာစေဖို့ သူ့ချစ်သူကိုပါ စတေးခဲ့တယ်။ ဘုန်းတော်ကြီးတွေကတော့ အာမာနက်ကို အရှင်လတ်လတ် မြှုပ်နှံပြီး ဂူပတ်လည်မှာ ပြဒါးတွေ ဝန်းရံထားခဲ့ပါတယ်။ ယနေ့ခေတ် အီရတ်နိုင်ငံမှာ အမေရိကန်စစ်တပ်အရာရှိ နစ်မော်တန်နဲ့ လုပ်ဖော်ကိုင်ဖက် ခရစ္စဗေးလ်တို့က အာမာနက်ရဲ့ဂူကို မထင်မှတ်ဘဲ ရှာတွေ့သွားတယ်။ နစ်ရဲ့ချစ်သူဟောင်း ရှေးဟောင်းသုတေသနပညာရှင် ဂျန်နီဟာလ်ဆေလည်း ရောက်လာပြီး ဂူကို စူးစမ်းခဲ့ပါတယ်။ နောက်တော့ ကာနယ်ကရင်းဝေးရဲ့ ညွှန်ကြားချက်နဲ့ အာမာနက်ရဲ့အခေါင်းကို ဆက်လေ့လာဖို့ အင်္ဂလန်ဆီ လေယာဉ

ကုလသမဂ္ဂတာဝန်တစ်ခုကြောင့် တူရကီကနေ အာဖဂန်နစ္စတန်ကို ရောက်လာတဲ့ ဒေါက်တာမစ်ဇာနဲ့ ဇာတ်လမ်းကို စထားပါတယ်။ တာဝန်ထမ်းဆောင်နေစဉ်မှာ မိန်းမပျိုတစ်ယောက်နဲ့ မထင်မှတ်ဘဲ ဆုံမိပြီး ရင်းနှီးသွားတယ်။ သူမကို သဘောကျမိရာကနေ မစ်ဇာရဲ့ဘဝမှာ မမျှော်လင့်ထားတဲ့ အပြောင်းအလဲကြီးတစ်ခု ကြုံလာရပါတယ်။ ပရီနီသီးချိုပရာ ပါဝင်သရုပ်ဆောင်ထားတဲ့ ဒီစပိုင်အက်ရှင်ဇာတ်ကားမှာ သူလျှိုတစ်ယောက်ရဲ့တာဝန်နဲ့ အဲဒီတာဝန်အတွက် ဘယ်အတိုင်းအတာအထိ လုပ်ဆောင်နိုင်သလဲဆိုတာကို ဇာတ်လမ်းအလှည့်အပြောင်းတွေနဲ့ ဖော်ပြထားပါတယ်။

The Scorpion King ဟာ Dwayne Johnson ခေါ် The Rock အဓိကဇာတ်ဆောင်အဖြစ် ပထမဆုံးပါဝင်ခဲ့တဲ့ ဇာတ်ကားပါ။ ဒီမတိုင်ခင် The Mummy Returns မှာ သူဧည့်သည်သရုပ်ဆောင်အဖြစ် ပါဝင်ခဲ့တဲ့ ကင်းမြီးကောက်ဘုရင်ဇာတ်ရုပ်ကို ခွဲထုတ်ပြီး ရိုက်ကူးထားတာဖြစ်ပါတယ်။ The Mummy Returns ထဲမှာ ကင်းမြီးကောက်ဘုရင်ဟာ တိုက်ပွဲများစွာ အောင်နိုင်ခဲ့တဲ့ စစ်ဘုရင်တစ်ပါးပါ။ တိုက်ပွဲတစ်ပွဲမှာ ရှုံးနိမ့်ပြီးနောက် လက်ကျန်စစ်သည်အနည်းငယ်နဲ့ အာမ်ရှိုင်းယားသဲကန္တာရကို ဖြတ်သန်းခဲ့ရတယ်။ အစာရေစာပြတ်လပ်လို့ နောက်ဆုံး သူတစ်ယောက်တည်း ကျန်ခဲ့ပြီး သေဆုံးခါနီးမှာ အမှောင်နတ်ဘုရား အနူးဘစ်နဲ့ အပေးအယူလုပ်ခဲ့ပါတယ်။ အဲဒီနောက် အသက်ရှင်ခွင့်ရလာသလို အနူးဘစ်ရဲ့စစ်တပ်ကို ဦးဆောင်တဲ့ ပိုရက်စက်တဲ့ စစ်ဘုရင်ဖြစ်လာခဲ့တယ်။ ဒီဇာတ်ကားကတော့ အဲဒီအချိန်မတိုင်ခင် သူငယ်ရွယ်စဉ်ဘဝကို ပြန်ပြထားတာပါ။ မားသရပ်စ်ဆိုတဲ့ လူငယ်တစ်ယောက်ဘဝကနေ ကင်းမြီးကောက်ဘုရင်လို့ အမည်တွင်လာခဲ့ပုံကို အက်ရှင်ဇာတ်ဝင်ခန်းတွေနဲ့ တင်ဆက်ထားပါတယ်။

ကွမ်တုန်းက မူးယစ်ဆေးဝါးအမှု “GG Project” ကို အခြေခံရိုက်ကူးထားတဲ့ ဇာတ်ကားပါ။ လူငယ်ရဲခေါင်းဆောင် ဝမ်ရှင်း၊ ခေါင်းဆောင် လီကွမ်းဖုန်းနဲ့ ရဲတပ်ဖွဲ့ဝင်တွေဟာ နိုင်ငံတကာ မူးယစ်ဆေးဝါးထုတ်လုပ်မှုနဲ့ ရောင်းဝယ်ဖောက်ကားမှုတစ်ခုကို စုံစမ်းစစ်ဆေးဖို့ တာဝန်ယူကြရပါတယ်။ အမှုကို စေ့စေ့စပ်စပ် လိုက်လံစစ်ဆေးကြရသလို မူးယစ်ဆေးဝါးနှိမ်နင်းရေးမှာ အသက်အန္တရာယ်ကြားက ဝင်ရောက်လုပ်ဆောင်ကြရတယ်။ ရဲတပ်ဖွဲ့ဝင်တွေ တာဝန်ထမ်းဆောင်ပုံကို ပစ်ခတ်မှု၊ ရန်ပွဲနဲ့ ပေါက်ကွဲမှုတွေကြားက စစ်ဆင်ရေးတွေနဲ့အတူ ရိုက်ပြထားပါတယ်။

ဒေါက်တာဂင်ဟာ ကမ္ဘာဦးခေတ်က ဒိုင်နိုဆောတွေ ပြန်ရှင်လာပြီလို့ ကြေညာချက်ထုတ်ပြီးနောက် ပျောက်ကွယ်သွားသူပါ။ လူတွေက သူ့အဆိုကို မယုံကြဘဲ သူရူးနေပြီလို့သာ ထင်ခဲ့ကြတယ်။ ဒါပေမယ့် သတင်းစာတိုက်တစ်ခုကတော့ ဒီကိစ္စကို လိုက်စုံစမ်းဖို့ အမျိုးသမီးတစ်ယောက်ကို တာဝန်ပေးလိုက်ပါတယ်။ ဘယ်နည်းနဲ့ဖြစ်ဖြစ် သတင်းရအောင် ယူလာရမယ့် သူမက ဘယ်လိုနည်းလမ်းတွေ သုံးမလဲ၊ ဒီအကြောင်းကို လိုက်ရင်း ဘာတွေနဲ့ ကြုံရဦးမလဲ။ ၁၉၈၅ ခုနှစ်က ထွက်ရှိခဲ့တဲ့ သိပ္ပံစိတ်ကူးယဉ်ဇာတ်ကားဖြစ်ပြီး ဒိုင်နိုဆောတွေကို ဖန်တီးပြထားတဲ့ ရုပ်ပုံအထူးပြုလုပ်ချက်တွေမှာတော့ ခေတ်ဟောင်းလက်ရာရဲ့ အားနည်းချက်တွေ ရှိနေပါတယ်။

အမေရိကရဲ့ ဆယ့်ခြောက်ယောက်မြောက်သမ္မတ၊ ကျွန်စနစ်ပပျောက်ရေး ကြိုးပမ်းသူအဖြစ် သိကြတဲ့ အေဘရာဟမ်လင်ကွန်းကို ဒီဇာတ်ကားမှာတော့ သွေးစုပ်ဖုတ်ကောင် မုဆိုးအဖြစ် ပုံဖော်ထားပါတယ်။ နေ့ဘက်မှာ သမ္မတတာဝန် ထမ်းဆောင်ပြီး ညဘက်မှာ သွေးစုပ်ဖုတ်ကောင်တွေကို လိုက်လံနှိမ်နင်းနေရတဲ့သူပါ။ နိုင်ငံကို ဖျက်ဆီးမယ့် ရန်သူတွေက နိုင်ငံအတွင်းမှာ ရှိနေပြီး သူတို့ကို ရင်ဆိုင်ရာမှာ သွေးထွက်သံယို တိုက်ခိုက်မှုတွေကို လင်ကွန်း ရှောင်လွှဲလို့မရတော့ဘူး။ ၂၀၁၂ ခုနှစ်ထွက် အက်ရှင်၊ စိတ်ကူးယဉ်နဲ့ ထိတ်လန့်သဲဖို ဇာတ်ကားဖြစ်ပြီး ဆက်သ်ဂရေဟမ်စမစ်သ်က ဇာတ်ညွှန်းရေးကာ ဘက်ခ်မမ်ဘီတော့ဗ်က ရိုက်ကူးထားပါတယ်။ လင်ကွန်းအဖြစ် ဘင်ဂျမင်ဝေါ်ကာ သရုပ်ဆောင်ထားပြီး အန်ထော်နီမက်ကီ၊ ဒေါမနစ်ကူးပါးနဲ့ မယ်ရီအဲလီဇဘက်သ်ဝင်းစတက်ဒ်တို့လည်း ပါဝင်ထားပါတယ်။

ဟိမဝန္တာတောင်ပေါ်မှာ တရားကျင့်ကြံနေကြတဲ့ ရသေ့ရဟန်းတွေဆီ အလင်းတန်းတစ်ခု ကျရောက်လာပြီး ဘုရားသခင်က အက်စသရလို့ခေါ်တဲ့ စွမ်းအင်လက်နက်တွေ ပေးအပ်ခဲ့ပါတယ်။ အဲဒီလက်နက်တွေနဲ့အတူ Lord Shiva ရဲ့ အစွမ်းထက်လက်နက် ဗရမာစသရလည်း ပေါ်ပေါက်လာခဲ့တယ်။ ပိုင်ဆိုင်သူဟာ လောကကို အသစ်ပြန်ဖန်ဆင်းနိုင်သလို အရာအားလုံးကို ဖျက်ဆီးနိုင်စွမ်းလည်း ရှိပါတယ်။ ဒါကြောင့် ဗရမန့်ချ်ဆိုတဲ့ စောင့်ရှောက်ရေးအဖွဲ့က လက်နက်ကို သုံးပိုင်းခွဲပြီး ခေတ်အဆက်ဆက် ထိန်းသိမ်းလာခဲ့ကြတယ်။ တစ်ဖက်မှာတော့ ဒီလက်နက်ကို လိုချင်နေတဲ့ အဖျက်မုဆိုးအဖွဲ့တစ်ဖွဲ့လည်း ရှိနေပါတယ်။ ရှီဗားကတော့ ငယ်ငယ်ကတည်းက မိဘမရှိဘဲ ကြီးပြင်းလာခဲ့ရပေမယ့် ဘဝကို ရိုးရိုးရှင်းရှင်းနဲ့ ပျော်ပျော်ဖြတ်သန်းနေသူပါ။ သူ့ကံကြမ္မာဟာ အဲဒီစွမ်းအင်လက်နက်တွေနဲ့ ဆက်နွယ်နေတယ်ဆိုတာ သူကိုယ်တိုင်တောင် မသိသေးဘူး။ ဒါပေမယ့် ထူးဆန်းတဲ့မြင်ကွင်းတွေကိုတော့ မြင်ရတတ်ပါတယ်။ တစ်နေ့မှာ လူတစ်ယောက်ကို အဖွဲ့တစ်ဖွဲ့က သတ်ဖြတ်နေတဲ့ မြင်ကွင်းပေါ်လာပြီး အဲဒီလူဟာ အပြင်မှာလည်း တကယ်သေဆုံးသွားကြောင်း သိလိုက်ရတဲ့အခါ ဒီလျှို့ဝှက်ချက်ကို စတင်ရှာဖွေပါတော့တယ်။ ဒီဇာတ်ကားမှာ ရန်ဗီးကပူး၊ အာလီယားဘတ်၊ အမီတာဘဂျမ်းနဲ့ မွန်နီးရွိုင်းတို့ ပါဝင်သရုပ်ဆောင်ထားပြီး ရှာရွတ်ခန်း၊ ဒီပီကားပါဒူကွန်နဲ့ နာဂဂျွန်နာအခီနယ်နီတို့လည်း ပါဝင်ထားပါတယ်။

တာကစ္စတန်ကို အုပ်ချုပ်နေသူ သေဆုံးသွားတဲ့နောက် သူ့သားနှစ်ယောက်ထဲက အစ်ကိုဖြစ်သူဟာ ညီကိုဖမ်းထားပြီး နိုင်ငံကို သိမ်းယူလိုက်ပါတယ်။ နိုင်ငံတွင်း ဆူပူမှုတွေနဲ့ ဓာတ်ငွေ့သုံးတိုက်ခိုက်မှုတွေကိုပါ လုပ်နေတဲ့ သူ့ကြောင့် လူတွေ ဒုက္ခရောက်နေကြတယ်။ ဒီအဖြစ်တွေကို မြင်တဲ့အခါ Ryan Reynolds သရုပ်ဆောင်ထားတဲ့ ဇာတ်ကောင်က ကူညီကယ်တင်ချင်လာပြီး လူတွေစုကာ ဖမ်းခံထားရတဲ့ ညီဖြစ်သူကို ကယ်ထုတ်ဖို့ စီစဉ်ပါတော့တယ်။ သူဖွဲ့ထားတဲ့အဖွဲ့မှာ စည်းမျဉ်းတစ်ခု ရှိပါတယ်။ အဖွဲ့ဝင်တွေဟာ တစ်ယောက်ဘယ်သူဆိုတာ တစ်ယောက်မသိရဘူး။ နာမည်ကိုတောင် အချင်းချင်း မသိကြတဲ့သူတွေ ပူးပေါင်းပြီး ဒီကယ်ဆယ်ရေးကို လုပ်ကြရမှာပါ။ Transformers ဇာတ်ကားတွေရဲ့ ဒါရိုက်တာ Michael Bay ရိုက်ကူးထားပြီး အက်ရှင်ခန်းတွေနဲ့အတူ ဟာသလေးတွေလည်း ရောပါနေပါတယ်။

ရောမထက်တောင် ရှေးကျတဲ့ ခန်းဒက်နိုင်ငံလေးမှာ ဘုရင်ဆိုး အက်ခ်တွန်ရဲ့ အုပ်ချုပ်မှုအောက်က လူတွေ ဒုက္ခရောက်နေကြပါတယ်။ အက်ခ်တွန်က နတ်ဆိုးခြောက်ပါးရဲ့ အစွမ်းကို အသုံးချနိုင်ဖို့ သရဖူတစ်ခု ဖန်တီးနေတယ်။ သူ့ကိုတားဆီးဖို့ မှော်ဆရာတွေက ခန်းဒက်က ကျွန်တစ်ယောက်ကို သူရဲကောင်းအဖြစ် ရွေးချယ်ပြီး နတ်ဘုရားတွေရဲ့ စွမ်းအားကို ပေးလိုက်ကြပါတယ်။ အဲဒီသူရဲကောင်းဟာ ဘုရင်ဆိုးကို နှိမ်နင်းပြီးနောက် နှစ်ပေါင်းငါးထောင် ပျောက်ကွယ်သွားခဲ့တယ်။ The Rock သရုပ်ဆောင်ထားတဲ့ ဘလက်အဒမ်ရဲ့ အစွမ်းတွေက မှော်ပညာကို အခြေခံထားပါတယ်။ Shazam လိုပဲ “ရှဇမ်း” လို့ အော်ပြီး အစွမ်းရပေမယ့် စွမ်းအားရလာတဲ့ နတ်ဘုရားတွေတော့ မတူကြဘူး။ မူရင်း Shazam ရုပ်ရှင်ထဲက ဇာတ်ကောင်ဟာ ဂရိနတ်ဘုရားတွေဆီက အစွမ်းရတာဖြစ်ပြီး ဘလက်အဒမ်ကတော့ အီဂျစ်နတ်ဘုရားတွေဆီက ရထားတာပါ။ နှစ်ပေါင်းငါးထောင်ကြာပြီးတဲ့နောက် ယနေ့ခေတ် ခန်းဒက်မှာ အကြောင်းတစ်ခုကြောင့် သူပြန်ပေါ်လာပါတယ်။

တက္ကစီမောင်းသူ Jerry က နိုင်ငံထဲမှာ ဖြစ်ပျက်နေသမျှကို လိုက်ကြည့်ပြီး နောက်ကွယ်မှာ ဘယ်သူတွေ ကြိုးကိုင်နေတယ်၊ ဘယ်အဖွဲ့က လုပ်တာဖြစ်မယ်ဆိုတဲ့ ကိုယ်ပိုင်သီအိုရီတွေ ထုတ်လေ့ရှိပါတယ်။ အလုပ်ကြောင့် လူအများကြီးနဲ့ တွေ့ရတော့ တွေ့သမျှလူကိုလည်း သူ့အတွေးတွေ လိုက်ပြောတတ်တယ်။ ပြောသမျှက ယုံရခက်လွန်းလို့ သူ့ကို အရူးတစ်ယောက်လို ထင်ကြတာပါ။ ဒါပေမယ့် သူပြောခဲ့တဲ့အထဲက တစ်ခုက မှန်သွားပြီး အဖွဲ့အစည်းတစ်ခုက သူ့နောက်ကို လိုက်ဖမ်းလာပါတယ်။ Jerry ကိုယ်တိုင်ကတော့ သီအိုရီတွေ အများကြီး ထုတ်ထားမိလို့ ဘယ်တစ်ခုကြောင့် အခုလို လိုက်ဖမ်းခံနေရသလဲဆိုတာ မသိတော့ဘူး။ Jerry မှာ အရူးအမူးစွဲလမ်းနေတဲ့ Alice ဆိုတဲ့ ကောင်မလေးတစ်ယောက်လည်း ရှိပါတယ်။ သူ့ကိုလိုက်ဖမ်းနေတဲ့ အဖွဲ့အစည်းနဲ့ Alice ကြား ဘယ်လိုဆက်စပ်မှုတွေ ရှိမလဲ၊ Jerry ရဲ့စွဲလမ်းမှုကရော Alice ကို အန္တရာယ်ဖြစ်စေနိုင်မလားဆိုတာ ဆက်ကြည့်ရမှာပါ။ Julia Roberts နဲ့ Mel Gibson တို့ ပါဝင်ထားပြီး အက်ရှင်၊ နိုင်ငံရေးလျှို့ဝှက်မှုခင်းနဲ့ အချစ်ရေးတို့ကို တွဲဖက်ထားတဲ့ ဇာတ်ကားဖြစ်ပါတယ်။

အာရှတစ်လွှားမှာ သတ်ဖြတ်၊ အကြမ်းဖက်၊ လုယက်နေတဲ့ အာဏာရူး General Bison ဟာ မဟာမိတ်အဖွဲ့က စေတနာ့ဝန်ထမ်း ၆၀ ကျော်ကို ပြန်ပေးဆွဲလိုက်ပါတယ်။ ပြန်လွှတ်ပေးဖို့ ငွေ ၂၀ ဘီလီယံ တောင်းလာတဲ့အခါ Col. Guile တို့ မဟာမိတ်တပ်တွေ ဝင်ရောက်တိုက်ခိုက်ဖို့ ဖြစ်လာတယ်။ Guile အဖြစ် ဗန်ဒိန်းက သရုပ်ဆောင်ထားပါတယ်။ ဘိုင်ဆန်ကို တုံ့ပြန်ဖို့ ပြင်ဆင်နေကြတာ မဟာမိတ်တပ်တွေပဲ မဟုတ်ပါဘူး။ သူ့လက်ချက်ကြောင့် ဒုက္ခရောက်ခဲ့ရသူတွေကလည်း လက်စားချေဖို့ ကြံစည်လာကြပါတယ်။

ခရစ်ယာန်ဘုန်းတော်ကြီးတစ်ပါးဟာ မိဘတွေ ဆုံးပါးသွားပြီးနောက် စိတ်ပြေလက်ပျောက်ဖြစ်ဖို့ တရုတ်ပြည်ကို ခရီးထွက်လာပါတယ်။ အဲဒီခရီးမှာ မထင်မှတ်ဘဲ ဒိုင်နိုဆောအဖြစ် ပြောင်းလဲနိုင်တဲ့ အစွမ်းကို ရလာခဲ့တယ်။ ဒီအစွမ်းတွေ ရလာပြီးနောက် ကာရိုဆိုတဲ့ အပျော်မယ်လေးနဲ့လည်း တွေ့ဆုံလာပါတယ်။ ဘုန်းတော်ကြီးက သူ့ရဲ့ဒိုင်နိုဆောပြောင်းနိုင်တဲ့ အစွမ်းကို ဘယ်လိုအသုံးချသွားမလဲဆိုတာကို နင်ဂျာတွေနဲ့ တိုက်ခိုက်ရတဲ့အခန်းတွေပါ တွဲထားတဲ့ အက်ရှင်စွန့်စားခန်း ဟာသဇာတ်ကားပါ။

သားကို တစ်ယောက်တည်း ပြုစုစောင့်ရှောက်နေရတဲ့ ဟော်လီဟာ သားဖြစ်သူရဲ့ ဆေးဖိုးဝါးခအတွက် တရားမဝင်ကားပြိုင်ပွဲတွေမှာ ဝင်ပြိုင်ပြီး ဝင်ငွေရှာနေရပါတယ်။ ငယ်ငယ်ကတည်းက ကားမောင်းပါရမီရှိတဲ့သူမက အပိုဝင်ငွေရဖို့ ဆေးပစ္စည်းမှောင်ခိုသယ်တဲ့ကားကို မောင်းပေးဖို့ပါ သဘောတူလိုက်တယ်။ အဲဒီကနေ ရာဇဝတ်လောကထဲ တဖြည်းဖြည်း ခြေချမိသွားပါတယ်။ ဒီအချိန်မှာပဲ အလုပ်ကို အားစိုက်လုပ်တတ်တဲ့ FBI အေးဂျင့်တစ်ယောက်က ဟော်လီကို သတိထားမိလာတယ်။ သားအတွက် ငွေရှာဖို့လုပ်ရင်း ရွေးချယ်ခဲ့တဲ့အလုပ်တွေကြောင့် ဟော်လီတို့သားအမိဟာ အန္တရာယ်နဲ့ ရင်ဆိုင်ရတော့မှာပါ။

၂၀၀၄ ခုနှစ်ထွက် စွန့်စားခန်းဇာတ်ကား Hidalgo မှာ အမေရိကန်မြင်းစီးသမား Frank Hopkins နဲ့ သူ့မြင်းတို့ဟာ Buffalo Bill ရဲ့ Wild West show မှာ ပါဝင်နေကြပါတယ်။ Frank ကို အကြမ်းခံနိုင်ဆုံး မြင်းစီးသမားအဖြစ် မိတ်ဆက်ထားတာကိုတော့ အာရပ်ရှိတ်မိသားစုက သဘောမကျပါဘူး။ အတော်ဆုံးမြင်းစီးသမားနဲ့ အကောင်းဆုံးမြင်းဟာ သူတို့ဆီမှာပဲ ရှိတယ်လို့ ယူဆထားကြလို့ပါ။ ဒါကြောင့် Frank ကို “မီးပင်လယ်” လို့ခေါ်တဲ့ မြင်းပြိုင်ပွဲမှာ ဝင်ပြိုင်ဖို့ ဖိတ်ခေါ်လိုက်ကြတယ်။ အနိုင်ရသူက အမေရိကန်ဒေါ်လာ တစ်သိန်းရမှာဖြစ်လို့ ပိုကောင်းတဲ့အနာဂတ်ကို မျှော်လင့်နေတဲ့ Frank အတွက် ပြိုင်ပွဲဝင်ဖို့ အကြောင်းဖန်လာပါတယ်။ ဒါပေမဲ့ ဒီပြိုင်ပွဲက သဲကန္တာရထဲမှာ မိုင်သုံးထောင် သွားရမယ့်ခရီးပါ။ သဲမုန်တိုင်း၊ ရေငတ်တဲ့ဒဏ်နဲ့ သဲဝဲတွေကို ရင်ဆိုင်ရမှာဖြစ်သလို ပြိုင်ပွဲဝင်အချင်းချင်း ကောက်ကျစ်နှောင့်ယှက်တာတွေကိုလည်း ကြုံရနိုင်ပါတယ်။ ပြိုင်ပွဲကျင်းပရာကို ရောက်ရောက်ချင်းမှာပဲ Frank ဟာ အထင်သေးလှောင်ပြောင်တာတွေ ခံရတယ်။ အမေရိကန်တစ်ယောက်က ရောင်စပ်မြင်းနဲ့ လာပြိုင်တယ်ဆိုပြီး သူတို့က အထင်မကြီးကြပါဘူး။ Frank နဲ့ သူ့မြင်းတို့ အာရေးဘီးယန်းတွေရဲ့ အကောင်းဆုံးမြင်းတွေကို ကျော်နိုင်မလား၊ လမ်းတစ်လျှောက် ပြိုင်ဘက်တွေရဲ့ ဘယ်လိုနှောင့်ယှက်မှုတွေ ကြုံရမလဲ၊ ဆုကြေးကိုရော ရယူနိုင်ပါ့မလားဆိုတာ ပြိုင်ပွဲထဲမှာ အဖြေရှာရတော့မှာပါ။

မာသီဆိုတဲ့လူဟာ သင်္ချာသဘောတရားတွေနဲ့ အတွက်အချက်တွေကို သုံးပြီး ပြစ်မှုကျူးလွန်သူပါ။ သူပစ်မှတ်ထားသူတွေက ကမ္ဘာတစ်ဝန်းက ရာထူးကြီးသူတွေ၊ အရေးပါတဲ့ပုဂ္ဂိုလ်တွေနဲ့ နိုင်ငံရေးသမားတွေဖြစ်ပြီး အဲဒီလူတွေကို လုပ်ကြံသတ်ဖြတ်နေတာ ဖြစ်ပါတယ်။ သူ့ကို ဖမ်းဆီးဖို့အတွက် နိုင်ငံတကာရဲအရာရှိတစ်ယောက်က သင်္ချာပါရမီရှင် ကောင်မလေးတစ်ယောက်ရဲ့ အကူအညီကို ယူရမှာပါ။ မာသီက သင်္ချာဗျူဟာတွေကို ဘယ်လိုသုံးပြီး ပြစ်မှုကျူးလွန်သလဲ၊ သူဟာ တရားခံအစစ် ဟုတ်ရဲ့လား၊ ဒီအမှုတွေနောက်မှာ ဘယ်လိုအရှုပ်အထွေးတွေ ရှိနေသလဲဆိုတဲ့ မေးခွန်းတွေ ရှိလာတယ်။ နိုင်ငံတကာက အရေးပါတဲ့သူတွေကိုမှ ဘာကြောင့် ရွေးပြီး လုပ်ကြံနေတာလဲဆိုတာကိုလည်း ဖော်ထုတ်ရဦးမှာပါ။ Vikram ပါဝင်သရုပ်ဆောင်ထားတဲ့ ရာဇဝတ်မှုနဲ့ အက်ရှင်ဇာတ်ကား ဖြစ်ပါတယ်။

ကာရာဇောအဲလ်လို့ခေါ်တဲ့ စူပါဂဲလ်ဟာ ခရစ်ပတွန်ဂြိုဟ် ပျက်စီးသွားပြီးနောက် ကမ္ဘာဂြိုဟ်ဆီ ရောက်လာပါတယ်။ ဒါပေမယ့် အိမ်အသစ်၊ ဂြိုဟ်အသစ်မှာ အသားမကျနိုင်သေးဘဲ မိခင်နဲ့ မွေးရပ်ဂြိုဟ်ကို လွမ်းနေတာကြောင့် မပျော်ရွှင်နိုင်ဘူး။ သူ့စွမ်းအားတွေကိုလည်း ကောင်းကောင်းမထိန်းနိုင်သေးတော့ ကမ္ဘာသားတွေရဲ့ အိုးအိမ်တွေ ပျက်စီးကုန်ပြီး သူ့ကို မကြည်ဖြူသူတွေ ရှိလာတယ်။ ဒါကြောင့် ကမ္ဘာကနေ ထွက်သွားဖို့တောင် စဉ်းစားနေပါတယ်။ အဲဒီအချိန်မှာ ဝမ်းကွဲအစ်ကို စူပါမန်းက သူ့ကို အချိန်စက်လုံးနဲ့ ၃၁ ရာစုက ကမ္ဘာဂြိုဟ်ဆီ ခေါ်သွားတယ်။ လီဂျင်တပ်လို့ခေါ်တဲ့ စူပါဟီးရိုးအဖွဲ့အစည်းရဲ့ အကယ်ဒမီမှာ စွမ်းအားတွေကို ထိန်းချုပ်တတ်လာအောင် လေ့ကျင့်ဖို့ပါ။ အဲဒီမှာ သူနဲ့ရွယ်တူ လူငယ်ဟီးရိုးတွေကို တွေ့ရပြီး အဆင်ပြေမယ်ကြံကာမှ ပြဿနာအသစ်တစ်ခု ပေါ်လာပါတယ်။ သူတို့ရဲ့အစွမ်းနဲ့ မမျှလောက်အောင် ဉာဏ်များတဲ့ ဗီလိန်အဖွဲ့တစ်ဖွဲ့က လီဂျင်တပ်ဆီက ပစ္စည်းတစ်ခုကို ခိုးယူပြီး ဆိုးဝါးတဲ့အစီအစဉ်တစ်ခုကို အကောင်အထည်ဖော်လာတယ်။ စူပါဂဲလ်နဲ့ လူငယ်ဟီးရိုးတစ်သိုက်လည်း အဲဒီအဖွဲ့ကို တားဆီးဖို့ ကြိုးစားကြရပါတော့တယ်။

တောရန့်ဟာ တော်ဝင်လေတပ်မှာ တာဝန်ထမ်းဆောင်ခဲ့ဖူးတဲ့ စစ်သားဟောင်းတစ်ယောက်ဖြစ်ပြီး အခုတော့ ပုဂ္ဂလိကခရီးသည်တင်လေကြောင်းလိုင်းမှာ လေယာဉ်မှူးလုပ်နေပါတယ်။ နှစ်သစ်ကူးအကြိုညမှာ သမီးဆီမပြန်ခင် တိုကျိုကို ခရီးစဉ်တစ်ခေါက် ပျံသန်းပေးရဖို့ ရှိနေတယ်။ ဒါပေမဲ့ တိုကျိုကိုသွားတဲ့လမ်းမှာ မုန်တိုင်းမိပြီး ကျွန်းတစ်ကျပေါ်ကို အရေးပေါ်ထိုးဆင်းလိုက်ရပါတယ်။ အဲဒီမှာ လက်နက်ကိုင်ပြန်ပေးသမားတွေနဲ့ ထပ်ရင်ဆိုင်ရတော့တယ်။ Gerard Butler ပါဝင်သရုပ်ဆောင်ထားတဲ့ အက်ရှင်နဲ့ သည်းထိတ်ရင်ဖိုဇာတ်ကားပါ။

ကိုအိချိဟာ အီလက်ထရွန်နစ်အားကစား ကားပြိုင်ဂိမ်းမှာ ချန်ပီယံဖြစ်ထားသူပါ။ ဒီတစ်ခါတော့ ဂိမ်းထဲမှာ မောင်းနေရုံမဟုတ်ဘဲ တကယ့်ပြိုင်ကားကို ကိုယ်တိုင်မောင်းပြီး Drift ဆွဲပြိုင်ရတော့မှာ ဖြစ်ပါတယ်။ ဂိမ်းမှာ ကျွမ်းကျင်ပေမယ့် လက်တွေ့ကားမောင်းရတဲ့အခါ ခေါင်းမူးလိုက်၊ အန်လိုက်နဲ့ တော်တော်စိတ်ညစ်ရတယ်။ ဂျပန်အားကစားဇာတ်ကားဖြစ်တဲ့ ဒီကားက ကားကို Drift ဆွဲပြီး ယှဉ်ပြိုင်ကြတာကို အဓိကထား ရိုက်ကူးထားပါတယ်။ လေ့ကျင့်၊ ရှုံးနိမ့်၊ နောက်ဆုံးအချိန်ကျမှ အနိုင်ရသွားတတ်တဲ့ အားကစားဇာတ်လမ်းပုံစံကနေ ကွဲထွက်အောင် တင်ပြထားပြီး လက်တွေ့နဲ့တူအောင် ဖန်တီးထားတဲ့ ဂိမ်းတွေထဲက ကိုအိချိရဲ့ ကျွမ်းကျင်မှုကို တကယ့်ပြိုင်ကွင်းမှာ ဘယ်လိုအသုံးချမလဲဆိုတာ ဆက်ကြည့်ရမှာပါ။

ဆစ်ဒ်ဟာ သူအလွန်ချစ်တဲ့ လန်ဒန်နဲ့ လမ်းခွဲပြီးနောက် မူးယစ်ဆေးစွဲကာ ဘဝကို ဖြစ်သလို ဖြတ်သန်းနေသူပါ။ တစ်နေ့ လန်ဒန်က အဝေးကို ထွက်သွားတော့မယ်ဆိုပြီး နှုတ်ဆက်ပါတီလုပ်တဲ့အကြောင်း သူသိလာတယ်။ ဖိတ်ထားတဲ့သူတွေထဲ သူမပါပေမယ့် နောက်ဆုံးအခွင့်အရေးတစ်ခု ရလိုရငြားနဲ့ သူ့ဆီ ကိုကိန်းလာပို့တဲ့ ဘိတ်မန်းကို ခေါ်ပြီး ပါတီကို ရောက်လာပါတယ်။ အဲဒီမတိုင်ခင် တစ်ခါမှ မတွေ့ဖူးတဲ့ ဆစ်ဒ်နဲ့ ဘိတ်မန်းတို့ဟာ အပြောအဆိုတည့်သွားကြပြီး ဆေးရှူရင်း ဒဿနအကြောင်းတွေ ပြောဖြစ်ကြတယ်။ အဲဒီမှာပဲ ဆစ်ဒ်က လန်ဒန်ရဲ့ သူငယ်ချင်းတွေဆီကနေ သူတောင် မသိထားတဲ့အကြောင်းတွေ ကြားလာရပါတယ်။ Chris Evan နဲ့ Jason Statham တို့ ပါဝင်သရုပ်ဆောင်ထားတဲ့ အချစ်ဒရာမာဇာတ်ကားပါ။

Naruto ဟာ ၂၀၀၀ ခုနှစ်ဝန်းကျင်က One Piece၊ Bleach တို့နဲ့အတူ လူကြိုက်များခဲ့တဲ့ အန်နီမေးတစ်ခုပါ။ လက်မလျှော့ဖို့ အားပေးတဲ့ စကားတွေနဲ့ ဇာတ်ကောင်ရဲ့ လက်သုံးစကားတွေကို ပရိသတ်တွေ လိုက်ပြောကြတဲ့အထိ လူသိများခဲ့တယ်။ ဒီကားကတော့ Shippuden ရုပ်ရှင်တွေထဲက ပထမဆုံးကား ဖြစ်ပါတယ်။ Demon Country မှာ အနာဂတ်ကို ကြိုမြင်နိုင်တဲ့ နတ်ဆရာမတစ်ယောက် ရှိပါတယ်။ တစ်နေ့မှာ မသမာသူတွေကြောင့် ချိတ်ပိတ်ချုပ်နှောင်ထားတဲ့ မိစ္ဆာဘုရင် လွတ်မြောက်လာပြီး ကမ္ဘာကို အုပ်စိုးဖို့ လုပ်ဆောင်လာတယ်။ သူ့ကို တားဆီးနိုင်သူက နတ်ဆရာမတစ်ယောက်ပဲ ရှိတာကြောင့် နတ်ဆရာမကို ကာကွယ်ပေးဖို့ Naruto တို့ တာဝန်ယူရပါတယ်။ ဒါပေမယ့် နတ်ဆရာမက Naruto သေရတော့မယ်လို့ ဟောလိုက်တဲ့အခါ သူ့အတွက် ရင်ဆိုင်ရမယ့်အရာက မိစ္ဆာဘုရင်ရဲ့ အန္တရာယ်တစ်ခုတည်း မဟုတ်တော့ဘူး။ နတ်ဆရာမရဲ့ ဟောကိန်းတွေက အမြဲတမ်း မှန်နေမှာလား၊ Naruto ကရော ဟောကိန်းအတိုင်း တကယ်သေဆုံးရတော့မှာလား။

ဘုန်းတော်ကြီး ကျိကုန်းဟာ မိစ္ဆာတွေကို နှိမ်နင်း၊ အားနည်းသူတွေကို ကူညီပေးလို့ ပြည်သူတွေ ချစ်ခင်ကြတဲ့သူပါ။ တောင်ပေါ်မှာ သီတင်းသုံးရင်း မသေမျိုးကျင့်စဉ်ရဖို့ ကျင့်ကြံနေပါတယ်။ ဟွမ်ယွမ်ကတော့ ရုပ်ရည်ကြောင့် လူတွေက မိစ္ဆာတစ်ကောင်လို သတ်မှတ်ပြီး ဝိုင်းပယ်ထားကြတဲ့သူပါ။ အထီးကျန်နေရတဲ့ သူကလည်း လူတွေရဲ့ချစ်ခင်မှုကို ရဖို့ ကြိုးစားနေတယ်။ လွန်ခဲ့တဲ့ အနှစ် ၂၀ က ကျိကုန်းဟာ မြွေမိစ္ဆာမောင်နှမကို နှိမ်နင်းရင်း အစ်ကိုဖြစ်သူကို သတ်မိခဲ့ပါတယ်။ ညီမကိုတော့ အမှားပြင်ဖို့ အခွင့်အရေးပေးပြီး လွှတ်လိုက်တယ်။ ဒါပေမဲ့ သူက ပြောင်းလဲဖို့ ကြိုးစားမယ့်အစား အစ်ကို့အတွက် လက်စားချေဖို့ပဲ ကြံစည်နေခဲ့ပါတယ်။ အနှစ် ၂၀ ကြာပြီးနောက် ပိုင်ရွှိန်မြို့တော်မှာ ထူးဆန်းတဲ့ကိစ္စတွေ ဖြစ်လာလို့ ကျိကုန်းက သွားရောက်ဖြေရှင်းဖို့ ထွက်လာတယ်။ မြို့ကိုရောက်တော့ သူနဲ့ ချွတ်စွပ်တူတဲ့ နောက်ထပ်ကျိကုန်းတစ်ယောက်ကို တွေ့လိုက်ရပါတယ်။ ဒီလူကို ဘယ်လိုရင်ဆိုင်မလဲ၊ အငြိုးအတေးတွေကြား ပိတ်မိနေတဲ့ ပြည်သူတွေကို ဘယ်လိုကယ်တင်မလဲဆိုတဲ့ အခက်အခဲတွေက ကျိကုန်းကို စောင့်နေပါတယ်။

ကောင်မလေးက ထားသွားလို့ အသည်းကွဲနေတဲ့ ရဲလ်ရဲ့အိမ်ရှေ့ကို တစ်နေ့မှာ ကြောင်လေးတစ်ကောင် ရောက်လာပါတယ်။ ရဲလ်က မြင်မြင်ချင်း မွေးစားဖို့ ဆုံးဖြတ်လိုက်ပြီး ကီနူးလို့ နာမည်ပေးထားတယ်။ ဒါပေမဲ့ ဒီကြောင်လေးက သာမန်လမ်းဘေးကြောင် မဟုတ်ဘဲ အယ်လ်အေက မူးယစ်ရာဇာတစ်ယောက် မွေးထားတဲ့ကြောင် ဖြစ်နေပါတယ်။ တစ်နေ့ ရဲလ်နဲ့ သူ့အစ်ကိုဝမ်းကွဲ ကလဲရန့်စ်တို့ ရုပ်ရှင်ကြည့်ပြီး ပြန်လာတဲ့အခါ အိမ်ဖောက်ခံထားရပြီး ကီနူးလည်း ပျောက်နေတယ်။ နှစ်ယောက်သား လိုက်စုံစမ်းကြည့်တော့ ကြောင်လေးကို လူဆိုးဂိုဏ်းတစ်ဂိုဏ်းက ခိုးသွားတာ ဖြစ်နေပါတယ်။ ကီနူးကို ပြန်ရဖို့ ကြိုးစားရင်း သူတို့နှစ်ယောက် ဘယ်လိုအရှုပ်အထွေးတွေထဲ ဝင်မိကြမလဲဆိုတာကို အက်ရှင်နဲ့ ဟာသရောပြီး တင်ပြထားတာပါ။ ဟာသသရုပ်ဆောင်နှစ်ယောက်ဖြစ်တဲ့ Key နဲ့ Peele တို့ ပါဝင်ထားပြီး ကြောင်လေးကီနူးအဖြစ် ကီနူး ရီဗ်က အသံသရုပ်ဆောင်ထားပါတယ်။

ဘွန်မီနာသန်ဟာ မိသားစုအပေါ် သိတတ်ပြီး ကိုယ့်ဘဝကို အေးအေးဆေးဆေး ဖြတ်သန်းနေတဲ့သူတစ်ယောက်ပါ။ ညီလေး အသတ်ခံလိုက်ရတဲ့အချိန်မှာတော့ သူ့ရဲ့အေးချမ်းတဲ့ဘဝ ပျက်သွားခဲ့တယ်။ ညီဖြစ်သူအတွက် တရားမျှတမှုရဖို့ အပတ်တကုတ် ကြိုးစားပေမယ့် တရားဥပဒေရဲ့ လစ်ဟာမှုတွေကြောင့် သူ အယုံအကြည်မရှိတော့ပါဘူး။ နောက်ဆုံးမှာ ညီလေးအတွက် သူကိုယ်တိုင် ကလဲ့စားချေဖို့ ထွက်လာပါတယ်။ ဒီလမ်းကို ရွေးလိုက်တဲ့ ဘွန်မီနာသန် ဘယ်လိုအခက်အခဲတွေ ရင်ဆိုင်ရမလဲ၊ ရည်ရွယ်ထားသလို လုပ်နိုင်ပါ့မလား၊ သူ့ဆုံးဖြတ်ချက်က မိသားစုအပေါ် ဘယ်လိုသက်ရောက်လာမလဲဆိုတာကို ဆက်ပြထားတဲ့ တမီလ်အက်ရှင်သည်းထိတ်ရင်ဖိုကားပါ။