အက်ရှင်ကားများ

လူသတ်မှုတွေကို မတော်တဆ သေဆုံးသွားသလိုဖြစ်အောင် စီစဉ်တတ်လို့ Accident Man ဆိုတဲ့နာမည်ရထားတဲ့ ကြေးစားလူသတ်သမားတစ်ယောက် ရှိပါတယ်။ လန်ဒန်မှာ ပြဿနာတွေ အတော်များများ ဖြစ်ခဲ့ပြီးနောက် ဒီတစ်ခါတော့ လန်ဒန်နဲ့ဝေးရာ မောလ်တာကျွန်းကို အားလပ်ရက်ခရီး ထွက်လာခဲ့တယ်။ အဲဒီမှာ အေးအေးဆေးဆေး အနားယူ၊ ခြေရာဖျောက်ရင်း ကြေးစားအလုပ်တချို့ကိုလည်း လုပ်နေပါတယ်။ ဒါပေမဲ့ သူ့အတိတ်က လူတစ်ယောက် ရောက်လာချိန်မှာတော့ အေးချမ်းတဲ့နေ့တွေ ဆက်မရှိတော့ဘူး။ မာဖီးယားဂိုဏ်းက အမျိုးသမီးကြီးတစ်ယောက်ရဲ့ ခပ်ပေါပေါ၊ ခပ်ချာချာသားကို ကာကွယ်ပေးရဖို့ ဖြစ်လာပါတယ်။ အတိတ်ကနေ လွတ်အောင် ရှောင်လာသူက လူသတ်ပေးရတဲ့အလုပ်အစား လူတစ်ယောက်ကို မသေအောင် စောင့်ရှောက်ပေးရတဲ့ ဘော်ဒီဂတ်အဖြစ် ပြောင်းလုပ်ရတော့တာပါ။ ၂၀၁၈ ခုနှစ်က Accident Man ရဲ့ ဒုတိယမြောက်ဇာတ်ကားဖြစ်ပြီး ပထမကား မကြည့်ဖူးလည်း သီးခြားကြည့်လို့ရပါတယ်။ အက်ရှင်နဲ့ ဟာသကို ရောစပ်ထားပြီး ထေ့ငေါ့တဲ့စကားတွေ၊ ဆဲဆိုတဲ့ ဒိုင်ယာလော့ခ်တွေ ပါဝင်ပါတယ်။

၅ ရာစုနှစ်လောက်မှာ အုပ်စိုးခဲ့တဲ့ ဗိမ္ဗိသာရဆိုတဲ့ ဧကရာဇ်တစ်ပါး ရှိပါတယ်။ ဩဇာကြီးသလောက် လိုချင်တပ်မက်မှုလည်း ကြီးပြီး ရက်စက်ကြမ်းကြုတ်တဲ့ မင်းပါ။ အနီးပတ်ဝန်းကျင်က ရှင်ဘုရင်တွေက သူကျူးကျော်လာမှာကို စိုးရိမ်နေကြရပြီး လက်ဆောင်တွေလည်း ဆက်သကြရတယ်။ အခန့်မသင့်ရင် ရှင်ဘုရင်တွေကိုတောင် မချန်ဘဲ သတ်ပစ်တတ်သူ ဖြစ်ပါတယ်။ အဲဒီမင်းဟာ တိုက်ခိုက်နေရင်း မတော်တဆနဲ့ သူနေတဲ့ ၅ ရာစုနှစ်ကနေ ၂၁ ရာစုနှစ်ကို ရောက်လာတယ်။ ဒီဘက်ခေတ်မှာလည်း သူ့ရဲ့ မကုန်နိုင်မခန်းနိုင်တဲ့ ရတနာသိုက်ကြီးကို လိုက်ရှာနေသူတွေ ရှိနေပါတယ်။ ကိုယ့်ရာစုနှစ်ကို ပြန်ဖို့ ကြိုးစားနေတဲ့ မင်းနဲ့ သူ့ရတနာသိုက်ကို လိုချင်နေသူတွေ ဆုံမိတဲ့အခါ ဘာတွေဖြစ်လာမလဲ။ ဗိမ္ဗိသာရအဖြစ် တေလဂူမင်းသား နန္ဒမူရီကလ်ယန်းရာမ် ပါဝင်သရုပ်ဆောင်ထားပါတယ်။

ဖိလစ်ပိုင်က ကျွန်းတစ်ကျွန်းမှာ မင်္ဂလာဆောင်ဖို့ နှစ်ဖက်မိသားစုတွေ စုရုံးနေကြပါတယ်။ သတို့သမီးက ချမ်းသာသူဖြစ်ပြီး သတို့သားကတော့ အသင်းကနေ ထုတ်ခံထားရလို့ အလုပ်လက်မဲ့ဖြစ်နေတဲ့ ဘေ့စ်ဘောကစားသမားပါ။ မိသားစုတွေ စုံလာပြီး အလွဲလွဲအချော်ချော်တွေ ဖြစ်နေချိန်မှာပဲ ကျွန်းပေါ်ကို ပင်လယ်ဓားပြတွေ ဝင်တိုက်ကြတော့တယ်။ သတို့သားနဲ့ သတို့သမီးကလည်း အချင်းချင်း ရန်ဖြစ်နေကြတာမို့ ဒီအခြေအနေမှာ ပင်လယ်ဓားပြတွေကို ဘယ်လိုရင်ဆိုင်ကြမလဲ။ ဂျနီဖာလိုပက်နဲ့ Josh Duhamel တို့ ပါဝင်ထားတဲ့ အက်ရှင်ဟာသအချစ်ဇာတ်ကားဖြစ်ပြီး ဂျနီဖာလိုပက် နှစ်လုံးပြူးသေနတ်နဲ့ ပစ်ခတ်တဲ့အခန်းတွေလည်း ပါဝင်ပါတယ်။

ကာသစ်ဟာ ဆရာဝန်တစ်ယောက်ဖြစ်သလို စူးစမ်းလေ့လာရတာ ဝါသနာပါတဲ့သူလည်း ဖြစ်ပါတယ်။ လက်တွေ့သိပ္ပံကို အခြေခံပြီး ယုတ္တိရှိတာတွေကိုပဲ ယုံကြည်တတ်တဲ့သူပါ။ တစ်ဖက်မှာတော့ ဘုရားအဆင်တန်ဆာတွေကို လိုချင်တပ်မက်နေတဲ့ သိုက်တူးသမားအဖွဲ့အစည်းတစ်ခု ရှိနေတယ်။ အဲဒီအဖွဲ့ထဲက ပရော်ဖက်ဆာတစ်ယောက်က အဆင်တန်ဆာတွေကို လောဘနဲ့ ရယူချင်ကြတာကို မလိုလားပါဘူး။ ဒါကြောင့် အဆင်တန်ဆာတွေရဲ့ တည်နေရာကို သိနိုင်မယ့် သဲလွန်စတွေကို တစ်ယောက်တည်း ခက်ခက်ခဲခဲ ရှာဖွေဖော်ထုတ်ခဲ့တယ်။ နောက်တော့ အဲဒီသဲလွန်စတွေနဲ့ အဆင်တန်ဆာတွေကို ကာကွယ်ရမယ့်တာဝန်က ကာသစ်ဆီ ရောက်လာပါတယ်။ စူးစမ်းလိုစိတ်ရှိတဲ့ ကာသစ်က သဲလွန်စတွေကို ဘယ်လိုဆက်ဖော်ထုတ်မလဲ၊ ဆန်းကြယ်မှုတွေနဲ့ ပြည့်နေတဲ့ ခရီးကို ဘယ်လိုဖြတ်သန်းမလဲဆိုတာ ဆက်ကြည့်ရမှာပါ။ ဒီတေလဂူဇာတ်ကားမှာ နီခေလ်နဲ့ အန်နူပမာတို့က အဓိကပါဝင်သရုပ်ဆောင်ထားပါတယ်။

မိုက်ကယ်ကော်ဘန်ဟာ ကျောင်းပြေးတတ်ပြီး အရာရာကို ပေါ့ပေါ့ပဲ သဘောထားတဲ့ ဆယ်ကျော်သက်ကျောင်းသားတစ်ယောက်ပါ။ လုပ်စရာရှိတာကိုလည်း ပြီးအောင်မလုပ်တတ်တော့ ဆရာမတွေရဲ့ မျက်မုန်းကျိုးတာကို ခံနေရတယ်။ အတန်းပျက်တာများလာတဲ့အခါ အထက်တန်းအောင်ဖို့ ပြင်သစ်ဆရာမ ဂရော်ဘာဆီက အမှတ်လိုလာပါတယ်။ အဲဒီအချိန်မှာ ဆရာမက နွေရာသီသင်တန်းအတွင်း ပြင်သစ်ကလပ်နဲ့အတူ ပြင်သစ်နိုင်ငံကို လေ့လာရေးခရီးထွက်ဖို့ ပြင်ဆင်နေတော့ ကော်ဘန်လည်း ခရီးစဉ်ထဲ ပါလာရတာပါ။ အဖေသဘောတူအောင်တော့ အထက်တန်းအောင်ဖို့ သွားရတာလို့ ပြောထားပေမယ့် ကော်ဘန်ရဲ့စိတ်ထဲမှာ ပါရီက မိန်းကလေးတွေနဲ့ ညဘက်လျှောက်လည်ဖို့ပဲ စီစဉ်နေတယ်။ ဆရာမကလည်း ဒီခရီးမှာ သူ့ကို ပညာပေးဖို့ ရည်ရွယ်ထားပါတယ်။ ဒါပေမယ့် သူတို့စီးလာတဲ့ လေယာဉ်ပေါ်မှာ မိုက်ကယ်ကော်ဘန်ဆိုတဲ့ နာမည်တူ နောက်တစ်ယောက် ပါလာတာကနေ မထင်မှတ်တဲ့ကိစ္စ ဖြစ်လာတော့တယ်။ နောက်ကော်ဘန်တစ်ယောက်က အမေရိကန်အသွင်ယူအေးဂျင့်ပါ။ ဘဏ္ဍာရေးဝန်ကြီးတွေ ထူးထူးဆန်းဆန်း အသတ်ခံနေရတဲ့အချိန်မှာ အော်ရန့်ဘာ့ဂ်ရဲ့ ဘဏ္ဍာရေးဝန်ကြီးလည်းဖြစ်၊ ဥရောပဘဏ္ဍာရေးအဖွဲ့အစည်းရဲ့ ဥက္ကဋ္ဌလည်းဖြစ်တဲ့ ဩဂက်စ်တက်စတာရန်ကိုကို ကာကွယ်ပေးဖို့ လာတာဖြစ်ပါတယ်။ ဒါပေမယ့် အေးဂျင့်အစစ်က လုပ်ကြံခံလိုက်ရပြီး ကျောင်းသားကော်ဘန်ကို အေးဂျင့်လို့ မှားယူကြတော့တယ်။ ပြင်သစ်မှာ ပျော်ဖို့ပဲ စိတ်ကူးထားတဲ့ ကောင်လေးဟာ နာမည်တူနေတာကြောင့် နိုင်ငံရေးပြဿနာတွေထဲ ဘုမသိဘမသိ ဝင်ပါမိသွားပြီး အလွဲအချော်တွေ ကြုံ

ဒုတိယကမ္ဘာစစ် ပြီးခါနီး ၁၉၄၅ ခုနှစ်မှာ ဂျာမန်တွေ စစ်ရှုံးနေကြပေမယ့် နာဇီအဖွဲ့တစ်ဖွဲ့ကတော့ ရွှေချောင်းတွေကို လိုက်ရှာနေပါတယ်။ မြို့တစ်မြို့မှာ နေထိုင်ခဲ့တဲ့ ဂျူးလူမျိုးတစ်ယောက်ဆီမှာ ရွှေချောင်းတွေ သေတ္တာလိုက်ရှိခဲ့တယ်ဆိုတဲ့ သတင်းကို သူတို့ ရထားတာပါ။ ဒါကြောင့် ဘယ်နေရာမှာရှိမှန်းမသိဘဲ လိုက်ရှာရမယ့်ခရီးလို့ မထင်ကြဘဲ သွားယူရုံပဲလို့ တွက်ထားကြတယ်။ တကယ်ရောက်သွားတော့ အဲဒီဂျူးမိသားစု နေခဲ့တဲ့အိမ်က အပျက်အစီးပုံပဲ ကျန်တော့တယ်။ လွယ်လွယ်နဲ့ ရမယ်ထင်ထားတဲ့ နာဇီတွေ အကြပ်ရိုက်သွားပြီး ရွှေတွေ ဘယ်ရောက်နေသလဲ၊ ဘယ်သူတွေ ရသွားမလဲဆိုတာ ဆက်ရှာရတော့မှာပါ။ သေနတ်ပစ်ခတ်မှုတွေနဲ့ စစ်ကာလအကြောင်းကို ရိုက်ကူးထားတဲ့ ဂျာမန်အက်ရှင်ဇာတ်ကားတစ်ကား ဖြစ်ပါတယ်။

ကြေးစားလူသတ်သမားတစ်ယောက်နဲ့ စုံထောက်တစ်ယောက်ဟာ လူသတ်မှုတစ်ခုကြောင့် ဆုံလာကြပါတယ်။ ကြေးစားနဲ့ သူ့အဖွဲ့ သတ်လိုက်တဲ့သူက စုံထောက်ရဲ့ လုပ်ဖော်ကိုင်ဖက်ဟောင်း ဖြစ်နေတာပါ။ ဒီအမှုကနေ သူတို့နှစ်ယောက် ဆက်ပတ်သက်မိလာချိန်မှာ လူသတ်ဖို့ ငှားရမ်းခဲ့သူရဲ့ နောက်ကွယ်က အရှုပ်အထွေးတွေပါ လိုက်ပါလာတော့တယ်။ Sylvester Stallone က ကြေးစားလူသတ်သမားအဖြစ် ပါဝင်ထားပြီး အက်ရှင်နဲ့ မှုခင်းကို တွဲထားတဲ့ ဇာတ်ကားပါ။ 48hrs နဲ့ The Warriors တို့ကို ရိုက်ကူးခဲ့တဲ့ Walter Hill က ဒါရိုက်တာအဖြစ် ရိုက်ကူးထားပါတယ်။

မင်ကော်ခေတ်အစပိုင်း ရှန်ဟိုင်းမှာ ရဲသားလေး ရှောင်းကျန့်က အတော်ဆုံးစုံထောက်တစ်ယောက် ဖြစ်ချင်နေပါတယ်။ လျှို့ဝှက်ဆန်းကြယ်တဲ့ အမှုတစ်ခုကို စုံစမ်းရင်း မထင်မှတ်ထားတဲ့ အကြောင်းတစ်ခုနဲ့ ပတ်သက်မိရာက ထူးခြားတဲ့စွမ်းအားတွေ ပိုင်ဆိုင်ထားသူတွေ စုဖွဲ့ထားတဲ့ အဖွဲ့အစည်းတစ်ခုထဲ ရောက်သွားတယ်။ အဲဒီနောက် သူကြုံရတာတွေက အန္တရာယ်များသလို ထူးဆန်းပြီး နားလည်ရခက်တဲ့ အဖြစ်အပျက်တွေပါ။ ရှောင်းကျန့်တစ်ယောက် ဒီအဖွဲ့ထဲမှာ ဘာတွေကြုံရမလဲ၊ အဖွဲ့သားတွေနဲ့အတူ ဆန်းကြယ်တဲ့အမှုတွေကို ဘယ်လိုဖြေရှင်းကြမလဲဆိုတာ ဆက်တွေ့ရမှာပါ။

ရုတ်တရက် လှုပ်ခတ်သွားတဲ့ ငလျင်ကြောင့် ကွမ့်ချိန်ဓာတုခြံကြီးထဲမှာ ဓာတုပစ္စည်းတွေ ယိုစိမ့်ပြီး ပေါက်ကွဲမှုတွေ ဆက်တိုက်ဖြစ်လာပါတယ်။ မီးခိုးနဲ့ မီးတောက်တွေကြားမှာ အန္တရာယ်က တဖြည်းဖြည်း ပိုကြီးလာနေပြီး မထိန်းနိုင်ရင် တစ်မြို့လုံး ဒုက္ခရောက်နိုင်တဲ့ အခြေအနေပါ။ မီးသတ်တပ်ဖွဲ့က အခင်းဖြစ်တဲ့နေရာကို ချက်ချင်း ရောက်လာကြတယ်။ တစ်ဖက်မှာ မီးငြှိမ်းသတ်ရင်း တစ်ဖက်မှာလည်း လူတွေကို ကယ်ထုတ်ကြရပါတယ်။ မီးလောင်နေတဲ့ခြံထဲက အန္တရာယ်ရှိတဲ့ ဓာတုပစ္စည်းတွေကြားမှာ စက္ကန့်တိုင်း အရေးကြီးနေပြီး ကယ်ဆယ်ရေးသမားတွေဟာ ကိုယ့်အသက်ကို ရင်းကာ လူတွေရဲ့အသက်ကို ကယ်ဖို့ ကြိုးစားနေကြပါတယ်။

ဒီကားကတော့ ၂၀၀၅ ခုနစ်က ထွက်ရှိထားတဲ့ သမိုင်းအခြေပြု ဇာတ်ကားလေးတစ်ကားပါ။ ဇာတ်ကားလေးရဲ့ နာမည်အတိုင်းပဲ ဘေးဝုဖ်နဲ့ ဂရန်ဒယ်ဆိုတဲ့ ဇာတ်ကောင်နှစ်ဦးကို ဇာတ်အိမ်တည်ရိုက်ထားတဲ့ကားလေးပါ။ နာမည်ကြီး မင်းသား Gerard Butler က အဓိကဇာတ်ဆောင်အနေနဲ့ ပါဝင်သရုပ်ဆောင်ထားပြီး သူ့ခေတ်သူ့အခါက ထူးချွန်ဆုကိုပါရရှိထားတဲ့ ရုပ်ရှင်ဇာတ်လမ်းလေးတစ်ကားဖြစ်ပါတယ်။ ဇာတ်လမ်းကတော့ ဂရန်ဒယ်ဆိုတဲ့ ဂိ(တ်) သူရဲကောင်းတစ်ဦးက သူ့ရဲ့နေရပ်ဒေသကို ပြန်ရင်း မုန်တိုင်းတွေကြောင့် ကမ်းတစ်ခုပေါ်အတင် သူ့ရဲ့ ဂန္ထဝင်နောက်ကြောင်းတွေကို ပြန်ရှင်းပြရာကနေစတာဖြစ်ပါတယ်။ ထွက်တာကြာပြီဆိုပေမဲ့ ရသမျိုးစုံနဲ့ သုတအနည်းအကျဉ်းပါရရှိနိုင်မယ့် စွန့်စားခန်းသဖွယ် စိတ်ကူးယဉ်ဆန်ဆန် ဇာတ်ကားကောင်းလေးတစ်ကားဖြစ်လို့ အားပေးကြည့်ရှုလိုက်ဖို့ ဖိတ်ခေါ်လိုက်ပါတယ်ခင်ဗျာ။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 2.2GB, 910MB Quality - 1080p, 720p IMDb Rating - 5.8/10 Format - mp4 Duration - 1H 43Min Genre - Action, Adventure, Drama Subtitle - Myanmar Subtitle (Hardsub) Translated by Mark Encoded by Y

နှစ်သစ်ကူးည ဘော်လ်တီမောမြို့မှာ လူတွေ ပျော်ပါးကခုန်နေကြတုန်း ဘယ်ကလာမှန်းမသိတဲ့ ကျည်ဆန်တွေကြောင့် လူအများအပြား အသက်ဆုံးရှုံးသွားပါတယ်။ ဒီအစုလိုက်အပြုံလိုက် လူသတ်မှုကို စုံစမ်းဖို့ စုံထောက်လမာ့ခ် တာဝန်ပေးခံရပြီး သာမန်ရဲတပ်သား အယ်လနောကို သူ့ဘေးမှာ လူယုံတော်အဖြစ် ခေါ်ထားလိုက်တယ်။ အယ်လနောဟာ မူးယစ်ဆေးသုံးစွဲမှုကြောင့် FBI ရဲ့ ပယ်ချမှုကို ခံထားရပေမယ့် လမာ့ခ်ကတော့ သူ့မှာရှိတဲ့ ပါရမီကို မြင်ထားပါတယ်။ သေနတ်သမားက ပစ်မှတ်တစ်ယောက်ကို ကျည်တစ်ချက်နဲ့ အပြတ်ရှင်းနိုင်တဲ့သူဖြစ်ပြီး ခြေရာလည်း ဖျောက်တတ်တယ်။ သေဆုံးသူတွေက လူမျိုးဘာသာ မရွေးဖြစ်နေတာကြောင့် ဘာရည်ရွယ်ချက်နဲ့ ပစ်သလဲဆိုတာလည်း မသိရဘူး။ ကျူးလွန်သူ ဘယ်သူလဲ၊ တစ်ယောက်တည်း လုပ်တာလား၊ အဖွဲ့လိုက်လားဆိုတာ မရှင်းနိုင်သေးခင်မှာပဲ ကုန်တိုက်တစ်ခုမှာ ထပ်ပစ်ခတ်ခံရပါတယ်။ အရင်အမှုက သေနတ်သမားပဲဖြစ်ပြီး ဒီတစ်ကြိမ်မှာလည်း လူအများအပြားကို သတ်ပြီး လွတ်သွားပြန်တယ်။ ကျူးလွန်သူကို မဖမ်းနိုင်တာကြောင့် လမာ့ခ်နဲ့ အယ်လနောတို့ နှစ်ယောက်စလုံး အဖြုတ်ခံလိုက်ရပါတယ်။ ဒါပေမယ့် သူတို့က အမှုကို မလွှတ်ဘဲ နှစ်ယောက်တည်း ဆက်လိုက်ကြတယ်။ သဲလွန်စဆိုလို့ ဘာမှမရှိသလို ထင်ရပေမယ့် တကယ်တော့ အပိုင်းအစတွေက ဟိုတစ်စ ဒီတစ်စ ပြန့်ကျဲနေတာပါ။ အဲဒီအပိုင်းအစတွေကို ဘယ်လိုပြန်ချိတ်ကြမလဲ၊ သေနတ်သမားက ဘယ်သူလဲ၊ နောက်ဆုံးမှာ ဖမ်းမိနိုင်ပါ့မလားဆိုတဲ့ မေးခွန်းတွေ ကျန်နေပါတယ်။ Damián Szifron ရဲ့ ပထမဆုံး အင်္

နေတိုးအထူးအေးဂျင့်ဟောင်း နီနာဟာ နှစ်ပေါင်းများစွာ တစ်ယောက်တည်း ဇာတ်မြှုပ်နေထိုင်လာခဲ့ပါတယ်။ ဒါပေမဲ့ အမေများနေ့မှာ သူ့သား မက်စ်ကို ရန်သူတွေက အငြိုးနဲ့ ပြန်ပေးဆွဲသွားတဲ့အခါ ပုန်းကွယ်နေတဲ့ဘဝကနေ ပြန်ထွက်လာရတော့တယ်။ သားကို ပြန်ကယ်ဖို့ အေးဂျင့်ဘဝတုန်းက ကျွမ်းကျင်မှုတွေကို ပြန်အသုံးချရမယ့် နီနာရဲ့အကြောင်းကို အက်ရှင်ခန်းများများနဲ့ ရိုက်ကူးထားတဲ့ သည်းထိတ်ရင်ဖိုဇာတ်ကားပါ။

မူးယစ်ရာဇာ စစ်ဒါးသ်ဟာ မွမ်ဘိုင်းကနေ လွတ်ထွက်လာပြီး ဟိုက်ဒရာဘတ်ကတစ်ဆင့် စင်ကာပူကို ထွက်ပြေးဖို့ ကြိုးစားနေပါတယ်။ ဒီအချိန်မှာ အာဂျွန်ကတော့ အိမ်ထောင်ကျခါစ တက္ကစီမောင်းသမားတစ်ယောက်ပါ။ ဘွဲ့ရထားပေမယ့် သူ့မိန်းမကို ကားစီးစေချင်လို့ တက္ကစီမောင်းတာလို့ ပြောတတ်တယ်။ ရထားတဲ့ဘွဲ့နဲ့ အလုပ်ဝင်ရင် ဆိုင်ကယ်ဝယ်ဖို့တောင် မလွယ်ဘူးဆိုတာက သူ့အကြောင်းပြချက်ပါ။ တစ်နေ့ တက္ကစီမောင်းပြီး အိမ်ပြန်လာတဲ့လမ်းမှာ လမ်းကြုံလို့ လူနှစ်ယောက်ကို တင်ခေါ်လာခဲ့တယ်။ အဲဒီနှစ်ယောက်က မူးယစ်ဂိုဏ်းနဲ့ ပတ်သက်နေသူတွေ ဖြစ်နေပါတယ်။ လမ်းမှာ အာဂျွန်ပြောပြခဲ့တာတွေကြောင့် သူ့အကြောင်းကိုလည်း သိထားကြတယ်။ နောက်တော့ သူ့ဇနီးကို ပြန်ပေးဆွဲပြီး အာဂျွန်ကို သူတို့ခိုင်းတဲ့အတိုင်း လုပ်ဖို့ အကျပ်ကိုင်လာကြပါတယ်။

မိစ္ဆာဂိုဏ်းကို နှိမ်နင်းပြီးနောက် နဂါးဂိုဏ်းခေါင်းဆောင် လန်ယန်ဟာ လုံတူးမြို့ကို တည်ထောင်ခဲ့ပါတယ်။ တိုင်းပြည်တည်ငြိမ်ဖို့အတွက်လည်း လုံချွဲ့တပ်ကို ဖွဲ့စည်းခဲ့တယ်။ ဒါပေမယ့် ၁၂ နှစ်ကြာတဲ့အခါ နဂါးဂိုဏ်းကို ပင့်ကူတွေ ဝင်တိုက်ခိုက်လာပြီး လန်ယန်ပါ အဆိပ်မိသွားတာကြောင့် တစ်မြို့လုံး ဘေးအန္တရာယ်နဲ့ ရင်ဆိုင်နေရပါတယ်။ လုံချွဲ့တပ်ခေါင်းဆောင် ဖန်းယွမ်နဲ့ နတ်မယ်တော် ကျီးရှင်းယဲ့တို့က နတ်သမားတော် ကျန်းလျန်ဟွာကို ရှာဖို့ မိစ္ဆာမြို့ဆီ ခရီးထွက်လာကြတယ်။ သူတို့သုံးယောက် အခက်အခဲအဆင့်ဆင့်ကို ဘယ်လို ကျော်ဖြတ်ကြမလဲ။ မြို့တော်ရဲ့ငြိမ်းချမ်းရေးကို ဖျက်ဆီးဖို့ ကြံနေတဲ့ မိစ္ဆာဂိုဏ်းဆက်ခံသူတွေရဲ့ အစီအစဉ်တွေကိုရော တားဆီးနိုင်ပါ့မလား။

လူသူမရှိတဲ့ တောအုပ်ထဲ ခရီးထွက်လာတဲ့ ကျင်ယန်ဟာ အမဲခိုးလိုက်သူတစ်ယောက်က ရဲကို တိုက်ခိုက်နေတာကို ဓာတ်ပုံရိုက်မိသွားပါတယ်။ အမဲခိုးလိုက်သူက သူ့ကို သတိထားမိသွားပြီး တိုက်ခိုက်လာတော့ ကျင်ယန်ဟာ ဒဏ်ရာတွေနဲ့ အေးခဲလှတဲ့ရာသီဥတုကြားက ရွာသားတစ်ယောက်ရဲ့အိမ်ဆီ ထွက်ပြေးခဲ့ရတယ်။ ဒါပေမဲ့ နောက်ကလိုက်လာသူကို မလွတ်နိုင်သေးပါဘူး။ အမဲခိုးလိုက်သူက ကျင်ယန်ရဲ့အစ်မကို လှည့်စားပြီး ကျင်ယန်ဆီက သက်သေကို တောင်းဖို့ ခြိမ်းခြောက်လာပါတယ်။ ကျင်ယန်က အစ်မကို ကယ်ထုတ်နိုင်ခဲ့ပေမယ့် မောင်နှမနှစ်ယောက်လုံး လူသူမရှိတဲ့တောထဲမှာ အသက်လုထွက်ပြေးကြရတော့တယ်။ သူတို့နောက်ကို လိုက်နေတဲ့ လူသတ်သမားလက်က ဘယ်လိုရုန်းထွက်ကြမလဲ၊ နှစ်ယောက်စလုံး အသက်ရှင်လွတ်မြောက်နိုင်ပါ့မလား။

ဇွန်းမ်ဟာ အရင်က စူပါဟီးရိုးတစ်ယောက် ဖြစ်ခဲ့ပေမယ့် အခုတော့ ဂျက်ဆိုတဲ့အမည်နဲ့ သာမန်လူတစ်ယောက်လို အလုပ်လုပ်ရင်း ဇာတ်မြှုပ်နေပါတယ်။ အတိတ်က ဂမ်မာရောင်ခြည်စမ်းသပ်မှုတစ်ခုမှာ ဇီးနစ်အဖွဲ့ဝင်လည်းဖြစ်၊ သူ့အစ်ကိုလည်းဖြစ်တဲ့ ကွန်ကားရှင်းဟာ စိတ်ရိုင်းဝင်သွားခဲ့တယ်။ အစ်ကိုဖြစ်သူကို တိုက်ခိုက်ရင်း ဇွန်းမ်လည်း သူ့စွမ်းအားတွေ ဆုံးရှုံးခဲ့ရတာပါ။ နှစ်ပေါင်း ၃၀ လောက်အကြာမှာ ကွန်ကားရှင်း ကမ္ဘာမြေဆီ ပြန်ရောက်လာတော့မယ်လို့ ခြေရာခံမိကြတယ်။ သူ့ကို ရင်ဆိုင်ဖို့ စွမ်းအားပိုင်ရှင်ကလေးတွေနဲ့ အဖွဲ့သစ်ဖွဲ့ပြီး အဲဒီကလေးတွေကို လေ့ကျင့်ပေးရမယ့်တာဝန်က ဂျက်ဆီ ရောက်လာပါတယ်။ စွမ်းအားဆုံးရှုံးထားတဲ့ ဟီးရိုးဟောင်းတစ်ယောက်နဲ့ အဖွဲ့ဝင်အသစ်တွေကြား ဘယ်လိုအခက်အခဲတွေ ရှိလာမလဲ၊ သူတို့ရဲ့ကြိုးစားမှု အောင်မြင်နိုင်မလားဆိုတာကို ဟာသနဲ့ တွဲပြထားပါတယ်။ Toy Story ထဲက Buzz Lightyear ရဲ့အသံသရုပ်ဆောင် Tim Allen နဲ့ FRIENDS မှာ Monica အဖြစ် ပါဝင်ခဲ့တဲ့ Courtney Cox တို့က ဦးဆောင်သရုပ်ဆောင်ထားပါတယ်။

ကြေးစားလူသတ်သမားလောကမှာ နာမည်ကြီးခဲ့တဲ့ ဂျွန်ဝစ်ဟာ အနားယူပြီး ခွေးလေးတစ်ကောင်၊ ကားတစ်စီးနဲ့ အေးအေးဆေးဆေး နေနေသူပါ။ ဒါပေမဲ့ ဂိုဏ်းခေါင်းဆောင်တစ်ယောက်ရဲ့သားက သူ့အတွက် အဓိပ္ပါယ်ရှိလှတဲ့ ခွေးလေးကိုသတ်ပြီး ကားကိုပါ ခိုးသွားတဲ့အခါ လက်စားချေဖို့ အရင်လောကထဲ ပြန်ဝင်လာခဲ့တယ်။ သူ့မိတ်ဆွေဖြစ်တဲ့ ဘုံနယ်မြေဟိုတယ်ပိုင်ရှင် ဝင်စတန်ကတော့ ဒီလောကထဲ နည်းနည်းလေးပြန်ဝင်မိတာနဲ့ တစ်ကိုယ်လုံးကို ဆွဲချသွားလိမ့်မယ်လို့ သတိပေးခဲ့ပါတယ်။ ဝင်စတန်ပြောသလိုပဲ ဂျွန်ဝစ်ဟာ ပြန်ထွက်လို့မရတော့ဘူး။ လက်စားချေစရာတစ်ခုပြီးတိုင်း နောက်တစ်ခု ထပ်ပေါ်လာပြီး ရုန်းထွက်ဖို့ကြိုးစားလေ ပိုနစ်ဝင်လာလေ ဖြစ်နေတယ်။ နောက်ဆုံးမှာ ကြေးစားလောကကို အုပ်ချုပ်နေတဲ့ အထက်ကောင်စီရဲ့ အလိုအရှိဆုံးရန်သူ ဖြစ်လာခဲ့ပါတယ်။ အပိုင်း ၃ မှာ ဝင်စတန်ရဲ့လက်ချက်ကြောင့် တိုက်ပေါ်က ပြုတ်ကျခဲ့တဲ့ ဂျွန်ဝစ်အတွက် ဒီအပိုင်းမှာ ဘာတွေဆက်ဖြစ်လာမလဲ၊ သူလိုချင်တဲ့ လွတ်လပ်မှုနဲ့ ငြိမ်းချမ်းမှုကို ရနိုင်ပါ့မလားဆိုတာ ဆက်ထားပါတယ်။ ဒီကားကို Chad Stahelski က ရိုက်ကူးထားပြီး ပြင်သစ်မြေအောက်ဘူတာခန်းတွေမှာ အသုံးပြုထားတဲ့ Porte des Lilas ဟာ ရုပ်ရှင်ရိုက်ကူးသူတွေကို ငှားရမ်းဖို့ သီးသန့်ပြင်ဆင်ထားတဲ့ ဘူတာဖြစ်ပါတယ်။ ဇာတ်လမ်းအစက သဲကန္တာရခန်းကိုလည်း အထူးပြုလုပ်ချက်အစား တကယ့်နေရာမှာ သွားရိုက်ထားတာပါ။ Scott Adkins နဲ့ ဒွန်နီယန်းတို့လည်း ပါဝင်သရုပ်ဆောင်ထားကြတယ်။ ပြင်သစ်ရေဒီယိုနာမည်ကိုတော့ တရ

၁၉၇၀ ခုနှစ်ကို နောက်ခံထားတဲ့ ဒီဇာတ်လမ်းမှာ အိုင်းရစ်ရှ် ရာဇဝတ်ပြေး မိုက်ကယ် အိုဟာရာဟာ Irish Republican Army ကို စိတ်ကုန်လာပြီး နေ့စေ့လစေ့ ကိုယ်ဝန်ရှိနေတဲ့ ဇနီးနဲ့အတူ ထွက်ပြေးဖို့ ကြိုးစားနေပါတယ်။ ဒါပေမယ့် အိုင်ယာလန်နယ်စပ်တစ်နေရာမှာ SAS အဖွဲ့က အငိုက်ဝင်ဖမ်းတယ်။ မိုက်ကယ်က လက်မတင်လေး လွတ်သွားပေမယ့် ဇနီးဖြစ်သူကတော့ တင်းမာနေတဲ့ အခြေအနေတွေကြားမှာ မတော်တဆ ကျည်သင့်ပြီး သေဆုံးသွားခဲ့ပါတယ်။ ပစ်ခတ်မှုအတွက် တာဝန်ရှိတဲ့ SAS အရာရှိ ဟင်နရီဟာ စစ်ရာဇဝတ်မှုနဲ့ ရင်ဆိုင်ရပြီး အထက်အရာရှိတွေကိုလည်း အားကိုးလို့မရ ဖြစ်နေတယ်။ အဲဒီအချိန်မှာ ဘယ်ကရောက်လာမှန်းမသိတဲ့ လူတစ်ယောက်က ကမ်းလှမ်းချက်တစ်ခုနဲ့ သူ့ဆီလာပါတယ်။ အလုပ်တစ်ခု လက်ခံလုပ်ပေးရင် ထောင်ဒဏ်က လွတ်မယ့်အပြင် စစ်မှုလည်း ဆက်ထမ်းခွင့်ရမယ်ဆိုတာကြောင့် ဟင်နရီဟာ ဘာအလုပ်မှန်း သေချာမသိဘဲ တာဝန်ကျရာ လန်ဒန်ကို သွားလိုက်တယ်။ တစ်ဖက်မှာ မိုက်ကယ်က ဇနီးအတွက် လက်စားချေဖို့ ဟင်နရီ့နောက်ကို အဆုံးအထိ လိုက်မယ်လို့ ဆုံးဖြတ်ထားပါတယ်။ ဒါကြောင့် စိတ်ကုန်ခဲ့တဲ့ IRA နဲ့ ပြန်ဆက်သွယ်ပြီး လန်ဒန်အထိ လိုက်လာတယ်။ လန်ဒန်လမ်းမတွေပေါ်မှာလည်း IRA ရဲ့ လွှမ်းမိုးမှုက တစ်စထက်တစ်စ ကြီးလာပြီး နောက်ဆက်တွဲဒဏ်တွေကို အိုင်းရစ်ရှ်လူမျိုးတွေ ခံစားနေရပါတယ်။ ဟင်နရီလက်ခံထားတဲ့ အလုပ်က ဘာလဲ၊ အဲဒီအလုပ်နဲ့ လက်စားချေဖို့ လိုက်လာတဲ့ မိုက်ကယ်၊ လန်ဒန်က IRA လှုပ်ရှားမှုတွေ ဘယ်လိုဆက်နွယ်နေမလဲဆိုတာ ဆက်ဖော်ပြထားတဲ့

စီသူဟာ မိဘမဲ့တစ်ယောက်ပါ။ အဖေဆုံးသွားတဲ့နောက် အဖေ့သူဌေး အန်နာချီက သူ့ကို အဖေ့နေရာမှာ စာရင်းကိုင်အဖြစ် ခန့်ထားပေးခဲ့တယ်။ ကာရဲလ်ဆိုတဲ့ မိန်းကလေးကို မြင်မြင်ချင်း ချစ်မိသွားတဲ့အခါ စီသူ့ဘဝမှာ ပျော်ရွှင်စရာတစ်ခု ရလာပါတယ်။ ဒါပေမယ့် သူတို့အချစ်ရေးထဲကို ဝင်နှောင့်ယှက်လာသူက သူဌေးရဲ့ လူယုံဖြစ်သူရဲ့ညီ ပက်ချက်ရန်ပါ။ ကာရဲလ်ကို အမျိုးမျိုးလိုက်နှောင့်ယှက်နေတဲ့ ပက်ချက်ရန်ကို စီသူက ဒေါသနဲ့ သတ်မိပြီး ထောင်ကျသွားတယ်။ ထောင်ထဲမှာတော့ ဆရာကြီးတစ်ယောက်နဲ့ ပေါင်းမိကာ ချစ်ရသူကို ပြန်ရှာဖို့ ထောင်ဖောက်ပြေးနိုင်အောင် ကြိုးစားပါတော့တယ်။ စီသူအဖြစ် Hridhu Haroon သရုပ်ဆောင်ထားပြီး နောက်ကြောင်းပြန်ဇာတ်ကွက်တွေကို သုံးကာ ဒရာမာနဲ့ အက်ရှင် ရောစပ်တင်ဆက်ထားတဲ့ ဇာတ်ကားပါ။

မြောက်ပိုင်း စုန့်မင်းဆက် အုပ်စိုးတဲ့ကာလမှာ သူတောင်းစားဂိုဏ်းချုပ် ချောင်ဖုန်းဟာ သိုင်းလောကရဲ့ နာမည်ကျော် သူရဲကောင်းတစ်ယောက်ပါ။ တစ်နေ့မှာတော့ သူဟာ ချီတန်းလူမျိုးဖြစ်ကြောင်း စွပ်စွဲခံရသလို သိုင်းလောကသားတွေကလည်း သစ္စာဖောက်အဖြစ် သတ်မှတ်လာကြတယ်။ ချောင်ဖုန်းဟာ အမှန်တရားကို ရှာဖို့ သူတောင်းစားဂိုဏ်းကနေ ထွက်လာပြီး ခရီးတစ်လျှောက် သူ့အငြိုးအတေးတွေအတွက် လက်စားချေခဲ့ပါတယ်။ အဲဒီခရီးမှာ မုရုံအိမ်တော်က အားကျူးနဲ့ မေတ္တာမျှပြီး နှစ်ယောက်သား သိုင်းလောကမှာ အတူကျင်လည်ကြတယ်။ ဒါပေမယ့် ကံကြမ္မာအလှည့်အပြောင်းတွေ ကြုံလာတဲ့အခါ ချောင်ဖုန်း ဘယ်လိုရင်ဆိုင်မလဲ၊ ချစ်ရသူ အားကျူးရဲ့ နောက်ကွယ်မှာ ဘာတွေရှိနေမလဲဆိုတာ မေးခွန်းဖြစ်လာပါတယ်။ သစ္စာဖောက်လို့ သတ်မှတ်ခံထားရတဲ့ သူ့အတွက် တရားမျှတမှုကို ပြန်ရှာနိုင်မလားဆိုတဲ့ ဒီသိုင်းဇာတ်ကားမှာ Donnie Yan နဲ့ ချန်ယွီချီတို့ ပါဝင်ထားပါတယ်။

တစ်မိုးအောက်စစ်သူကြီး ဖြစ်ချင်တဲ့ ရှင်းရဲ့အကြောင်းကို ဆက်ပြထားတဲ့ ဒုတိယမြောက် Kingdom ဇာတ်ကားပါ။ ဒီတစ်ခေါက်မှာ ရှင်းပြည်ထောင်နဲ့ ဂီပြည်ထောင်တို့ကြားက နယ်မြေလုစစ်ပွဲကို အခြေခံထားပြီး ဘာမဆို ရှေ့တန်းက ပါတတ်တဲ့ ရှင်းလည်း စစ်ချီထွက်လာပါတယ်။ ရှင်းက အပြောတော့ ကျယ်ပေမယ့် ကိုယ်ခန္ဓာသေးသေးလေးမို့ အုပ်စုဖွဲ့တဲ့အခါ အဖယ်ခံရပြီး အားအနည်းဆုံးသူတွေနဲ့ တစ်ဖွဲ့တည်း စစ်တိုက်ရဖို့ ဖြစ်လာတယ်။ အဲဒီလူတွေကြားမှာ ဘယ်သူတွေနဲ့ ဘယ်လိုသံယောဇဉ်တွေ ရလာမလဲ၊ စစ်ပွဲမှာ ဘယ်လိုတိုက်ခိုက်သွားမလဲဆိုတာကို ဆက်ပြထားပါတယ်။ နယ်မြေလုစစ်ပွဲထဲက စစ်သူကြီးတွေရဲ့ ဗျူဟာနည်းစနစ်တွေကို ရှင်း ဘယ်လိုသင်ယူသွားမလဲဆိုတာလည်း လိုက်ကြည့်ရမှာပါ။ ၂၀၁၉ ခုနှစ်က Kingdom ရဲ့အဆက်ဖြစ်တဲ့ ဒီဂျပန်အက်ရှင်စွန့်စားခန်းဇာတ်ကားမှာ Alice in Borderland ထဲက အာရိဆုအဖြစ် သရုပ်ဆောင်သူလည်း ပါဝင်ထားပါတယ်။

ဘန်က စာသင်ကျောင်းတစ်ခုမှာ လုံခြုံရေးဝန်ထမ်းအဖြစ် အလုပ်လုပ်ပြီး အားလပ်ချိန်ဆို ဂိမ်းဆော့ရင်း ပေါ့ပေါ့ပါးပါးနေတတ်သူပါ။ သူနဲ့ ချစ်သူအန်ဂျလာတို့က လက်ထပ်ဖို့ အဆင်သင့်ဖြစ်နေကြပေမယ့် အန်ဂျလာရဲ့အစ်ကို ဂျိမ်းစ်က သဘောမတူဘူး။ ဂျိမ်းစ်ဟာ အမှုတစ်ခုကို နှစ်နဲ့ချီပြီး လိုက်တတ်တဲ့အထိ အလုပ်အပေါ် တာဝန်ကျေပြီး ဇွဲရှိတဲ့ ရဲတစ်ယောက်ပါ။ ညီမကို သိပ်ချစ်တဲ့သူက ယောက်ဖလောင်းဘန်ကိုတော့ ကြည့်မရဖြစ်နေတယ်။ တစ်နေ့ ဘန်က အတ္တလန်တာရဲသင်တန်းကျောင်းကို ဝင်ခွင့်ရသွားပြီး ဂျိမ်းစ်ကို ပြောပြလိုက်ပါတယ်။ အဲဒီအခါ ဂျိမ်းစ်က ဘန်ဟာ ရဲတစ်ယောက်ဖြစ်ဖို့ ထိုက်တန်ရဲ့လားဆိုတာ စမ်းသပ်ဖို့ သူကင်းလှည့်တဲ့အခါ အကူအဖြစ် လိုက်ခိုင်းလိုက်တယ်။ ဒီလိုနဲ့ သဘောထားမတိုက်ဆိုင်တဲ့ ယောက်ဖလောင်းနှစ်ယောက် ကင်းလှည့်ထွက်လာကြပြီး ဘယ်လိုအလွဲတွေ ကြုံကြမလဲဆိုတာကို ဆက်ကြည့်ရမယ့် ရဲအက်ရှင်ဟာသဇာတ်ကားပါ။

၁၉၈၀ ခုနှစ်မှာ ကြေးစားလူသတ်သမားတွေဖြစ်တဲ့ ဒန်နီ၊ ဟန်တာ၊ ဒေးဗီးစ်နဲ့ မိုင်ယာတို့ဟာ လူတစ်ယောက်ကို သတ်ဖို့ မက္ကစီကိုကို ရောက်နေကြပါတယ်။ ဒန်နီက ပစ်မှတ်ကို သတ်ပြီးတဲ့နောက် အနားမှာရှိနေတဲ့ ပစ်မှတ်ရဲ့သားငယ်ကို မြင်လိုက်ရတော့ စိတ်မကောင်းဖြစ်သွားပြီး ကြေးစားလောကကနေ အနားယူလိုက်တယ်။ နှစ်တွေကြာသွားချိန်မှာတော့ အဖမ်းခံထားရတဲ့ ဟန်တာရဲ့ဓာတ်ပုံနဲ့ စာတစ်စောင် သူ့ဆီ ရောက်လာပါတယ်။ ဟန်တာကို ကယ်ဖို့ လိုက်သွားတဲ့ ဒန်နီကို ခက်ခဲတဲ့အလုပ်တစ်ခုက စောင့်နေတယ်။ ရှီကီဆိုတဲ့ ရေနံသူဌေးမှာ သားလေးယောက်ရှိပေမယ့် သုံးယောက်ကို အင်္ဂလန်ရဲ့ SAS အဖွဲ့က သတ်ခဲ့ပြီး သူ့ကိုလည်း နေရပ်ကနေ နှင်ထုတ်ထားခဲ့ပါတယ်။ ရှီကီက သားတွေကို သတ်ခဲ့သူတွေကို လက်စားချေချင်သလို အငယ်ဆုံးသားကိုလည်း နေရပ်ပြန်ရောက်စေချင်တယ်။ ဒါကြောင့် ဟန်တာကို ဓားစာခံထားပြီး ဒန်နီကို ဒီအလုပ်လုပ်ပေးဖို့ အတင်းအကျပ် ခိုင်းတာပါ။ ပစ်မှတ်တွေက လေ့ကျင့်မှုကောင်းကောင်း ရထားတဲ့ SAS အဖွဲ့ဝင်ဟောင်းတွေဖြစ်လို့ ဒန်နီအတွက် လွယ်တဲ့အလုပ်မဟုတ်ဘူး။ ဒါပေမယ့် ဟန်တာလွတ်မြောက်ဖို့ ဒီအလုပ်ကို လက်ခံလိုက်ရပါတယ်။ သူတို့ ဒီအလုပ်ကို ဘယ်လိုလုပ်ကြမလဲ၊ ဒီကိစ္စတွေရဲ့ နောက်ကွယ်မှာ တခြားတစ်ယောက်ယောက် ရှိနေသေးသလားဆိုတဲ့ မေးခွန်းတွေနဲ့ တိုက်ခိုက်မှုတွေကို ဆက်တွေ့ရမှာပါ။ ဒန်နီအဖြစ် Jason Statham နဲ့ ဟန်တာအဖြစ် Robert De Niro တို့ ပါဝင်သရုပ်ဆောင်ထားပါတယ်။

ဥပဒေရုံးကြီးတစ်ခုက နာမည်ကျော်ရှေ့နေ ဗြောန်းဟိုဆောင်းဟာ လိုက်သမျှအမှုတိုင်းလိုလို နိုင်အောင်လုပ်ပေးနိုင်သူပါ။ သူ့အတွက်တော့ “အနိုင်ရတာက တရားမျှတမှုပဲ” ဆိုတဲ့ ခံယူချက်ရှိတယ်။ ဆေးဝါးကုမ္ပဏီကြီးတစ်ခုအတွက် အမှုနိုင်အောင် လုပ်ပေးခဲ့ပြီးနောက် ဥက္ကဋ္ဌ မွန်းဂျီဟွန်းရဲ့ ယာဉ်မောင်းကို လူသတ်မှုနဲ့ စွပ်စွဲထားတဲ့အမှုမှာ ရှေ့နေလိုက်ပေးဖို့ ငှားရမ်းခံရပါတယ်။ အလောင်းလည်းမရှိ၊ သက်သေလည်းမရှိတဲ့ အမှုမှာ ဗြောန်းက သူ့အမှုသည် အပြစ်မရှိကြောင်း ထုံးစံအတိုင်း ခုခံချေပပေးတယ်။ အမှုနိုင်တော့မယ့် တရားခွင်နောက်ဆုံးနေ့မှာမှ အမှုသည်က လူသတ်ခဲ့တာ သူပါလို့ ရုတ်တရက် ထဝန်ခံလိုက်တော့ အမှုရှုံးသွားပါတော့တယ်။ အဲဒီနောက် ဗြောန်းဟာ အရှက်တကွဲ ဖြစ်ရရုံတင်မကဘဲ မျက်မြင်သက်သေအတု ဖန်တီးခဲ့တယ်လို့ပါ သံသယဝင်ခံလာရတယ်။ သူ့ဂုဏ်သိက္ခာကို ပြန်ဆယ်ဖို့ အမှုကို ပြန်စုံစမ်းတဲ့အခါ နောက်ကွယ်မှာ သူမထင်ထားတဲ့ ဖြစ်ရပ်တွေ ရှိနေကြောင်း တဖြည်းဖြည်း တွေ့လာရပါတယ်။