အက်ရှင်ကားများ

နယူးယော့ခ်က ရဲတစ်ယောက်ဖြစ်တဲ့ ဂျိုးအန်ဒါဆင်ဟာ ဟုပ်ဗေလီဆိုတဲ့ မြို့ငယ်လေးဆီ ရဲမှူးအဖြစ် ပြောင်းရွှေ့လာပါတယ်။ ဟုပ်ဗေလီက ရာဇဝတ်မှုကြီးကြီးမားမား ဖြစ်လေ့မရှိတဲ့ အေးချမ်းတဲ့မြို့လေးမို့ ရဲစခန်းမှာလည်း ထူးခြားတဲ့အမှုအခင်း မရှိတတ်ပါဘူး။ တစ်နေ့မှာတော့ ရူးကြောင်ကြောင်နိုင်တဲ့ ဘေလ်ဆိုတဲ့ အဘိုးကြီးတစ်ယောက် ရဲစခန်းကို ရောက်လာပြီး ထူးဆန်းတဲ့တိုင်ချက်တစ်ခု ဖွင့်ပါတယ်။ သူ့ခြံထဲမှာ အဝါရောင်ခြုံထည်တွေ ဝတ်ပြီး မျက်နှာအုပ်ထားတဲ့ လူတစ်စုက ဂါထာမန္တာန်တွေ ရွတ်နေကြတယ်၊ ငရဲတွင်းပေါက်ဖွင့်ပြီး နတ်ဆိုးတစ်ကောင်ကို ဆင့်ခေါ်ကြတယ်လို့ ပြောလာတာပါ။ အဲဒီနောက်ကစပြီး ငြိမ်သက်နေတဲ့ မြို့လေးမှာ ထူးခြားတဲ့ဖြစ်ရပ်တွေ တစ်ခုပြီးတစ်ခု ပေါ်လာပါတော့တယ်။ ဇာတ်လမ်းတစ်လျှောက် ရုတ်တရက်လန့်စေတဲ့ အခန်းတချို့လည်း ပါဝင်ပါတယ်။

ဂျာ့ခ်နဲ့ မာ့ခ်တို့ သားအဖနှစ်ယောက်စလုံးက ရဲတွေဖြစ်ပေမယ့် တွေ့လိုက်တာနဲ့ ရန်ဖြစ်နေကြသူတွေပါ။ သူတို့လိုက်နေတဲ့ လူဆိုးဂိုဏ်းရဲ့ အကျိုးဆောင်ရှေ့နေချားစ်မှာလည်း စိတ်ကျဝေဒနာခံစားနေရပြီး ကိုယ့်အသက်ကိုယ် အဆုံးစီရင်ဖို့ ကြိုးစားနေတဲ့ သားတစ်ယောက် ရှိပါတယ်။ ချားစ်ရဲ့ဇနီးက သားဖြစ်သူ ဒီလိုကြုံနေရတာဟာ သားအဖနှစ်ယောက် မတည့်လို့ဆိုပြီး စိတ်ရောဂါကုဆရာဝန် ဂစ်ဘတ်ဦးဆောင်တဲ့ သားအဖပြန်လည်သင့်မြတ်ရေးခရီးစဉ်မှာ သူတို့ကို စာရင်းပေးလိုက်ပါတယ်။ လူဆိုးဂိုဏ်းရဲ့ရှေ့နေဖြစ်ပေမယ့် ဇနီးစကားကိုတော့ နားထောင်ရတဲ့ ချားစ်လည်း အဓွန့်မတက်ရဲဘဲ ခရီးထွက်ဖို့ ပြင်ဆင်ရတော့တယ်။ ဂိုဏ်းကို ဖမ်းဆီးနိုင်ဖို့ ချားစ်ရဲ့ထွက်ဆိုချက်ကို အပူတပြင်း လိုအပ်နေတဲ့ ဂျာ့ခ်တို့သားအဖက ဒီသတင်းကို ကြားသွားပါတယ်။ သူတို့လည်း အဲဒီခရီးမှာ လိုက်ပါပြီး ချားစ်နဲ့ ရင်းနှီးအောင်လုပ်ဖို့ ကြိုးစားကြတော့တယ်။ ပြင်သစ်စကားပြော ကနေဒါဟာသဇာတ်ကားဖြစ်ပြီး သားအဖအတွဲတွေ စုဝေးနေတဲ့ တစ်ပတ်တာခရီးမှာ သူတို့ ဘယ်လိုအရှုပ်အထွေးတွေ ကြုံရမလဲဆိုတာကို ရိုက်ကူးထားပါတယ်။

နိုလန်က သူငယ်ချင်းတွေနဲ့ စပ်တူဖွင့်ထားတဲ့ ဂိမ်းဆိုင်ကို လုပ်ကိုင်ရင်း အေးအေးဆေးဆေး နေနေသူပါ။ ကလေးတွေကြိုက်တဲ့ နိုဘယ်မန်းပုံပြင်တွေကို နေ့တိုင်း ပြောပြနေတတ်တဲ့ သူ့ဘဝထဲကို တစ်နေ့မှာ မှော်ခေါင်းဆောင်းတစ်ခု ရောက်လာပါတယ်။ ဆိုင်ကိုရောက်လာတဲ့ အဲဒီခေါင်းဆောင်းကို ဆောင်းလိုက်မိတော့ နှစ်ပေါင်းထောင်ချီ အကျဉ်းကျနေခဲ့တဲ့ နတ်ဆိုးရဲ့တမန်တော်ဝိညာဉ်နဲ့ ဆက်စပ်မိသွားတော့တယ်။ နောက်တစ်ရက်မှာတော့ သူ့အဖေ အမြဲပြောပြခဲ့တဲ့ နိုဘယ်မန်းတွေအကြောင်းဟာ ပုံပြင်သက်သက် မဟုတ်ဘူးဆိုတာ နိုလန် သိလာရပါတယ်။ တကယ်ရှိနေတဲ့ နိုဘယ်မန်းတွေနဲ့ သူ့ကြားက ဆက်နွယ်မှုက ဘာလဲ၊ နတ်ဆိုးနဲ့ရော ဘယ်လိုရန်ငြိုးတွေ ရှိခဲ့တာလဲ။ နိုလန်တစ်ယောက် နတ်ဆိုးတွေကို တိုက်ထုတ်နိုင်ပါ့မလားဆိုတဲ့ မေးခွန်းတွေနောက်ကို လိုက်ရမယ့် ဇာတ်လမ်းပါ။ ၂၁ ရာစုကို နောက်ခံထားပြီး မှော်ခေါင်းဆောင်းကတစ်ဆင့် သူရဲကောင်းတစ်ဦး ပေါ်ထွက်လာပုံကို အက်ရှင်၊ ဟာသနဲ့ သိပ္ပံစိတ်ကူးယဉ်အကြောင်းအရာတွေ ရောစပ်ထားပါတယ်။

To Be Immortal ရဲ့ အဆက်သဘောဖြစ်တဲ့ ဒီဇာတ်ကားမှာ သိုင်းပညာနဲ့ အဂ္ဂိရတ်ပညာအကြောင်း ဆက်ပြထားပါတယ်။ ကျင့်ကြံသူတွေ ဒုက္ခရောက်ပြီး အားလုံးသေဆုံးတော့မယ့် အခြေအနေမှာ ဖုယန်နဲ့ သူငယ်ချင်းတစ်စုက ဖြေရှင်းနိုင်မယ့်နည်းကို လိုက်ရှာရင်း တောအုပ်တစ်ခုထဲ ရောက်သွားကြတယ်။ အဲဒီနေရာက သာမန်တောအုပ်မဟုတ်ဘဲ အပြင်လောကနဲ့ အဆက်ပြတ်နေတဲ့ ဝင်္ကပါတောအုပ်ပါ။ သာမန်လူတွေ ဝင်လို့မရတဲ့အပြင် သားရဲမိစ္ဆာကောင်တွေကြောင့် အသက်ရှင်ဖို့တောင် ခက်တဲ့တောထဲကို ဖုယန်က ရောက်သွားခဲ့တာပါ။ တောအုပ်ထဲက သီးခြားကမ္ဘာမှာ နေထိုင်တဲ့ဂိုဏ်းရဲ့ အမတမျိုးနွယ် အကြီးအကဲက ဖုယန်ကို သတိထားမိပြီး တပည့်ဖြစ်သူကို ချဉ်းကပ်ခိုင်းလိုက်တယ်။ တစ်ဖက်မှာလည်း အဂ္ဂိရတ်ပညာရှင် တန်းကျွင်းက သူ့ပညာတွေ အမွေပေးချင်လို့ ဖုယန်ကို အတင်းအကျပ် သင်ပေးတော့တယ်။ ဒီလိုအခြေအနေထဲမှာ ဖုယန် ဘာတွေထပ်ကြုံရဦးမလဲ။ တောအုပ်ထဲကနေ လွတ်မြောက်နိုင်ပါ့မလား၊ အဂ္ဂိရတ်ပညာကိုလည်း တစ်ဖက်ကမ်းခတ် တတ်မြောက်နိုင်ပါ့မလား။

ဝါရန်ဂယ်မြို့မှာ ပြန်ပေးဆွဲမှုတွေ ဆက်တိုက်ဖြစ်နေပြီး ပျောက်ဆုံးသွားသူတွေက အသက်ရှစ်နှစ်အရွယ် မိန်းကလေးတွေချည်း ဖြစ်နေပါတယ်။ အဲဒီမြို့ကို မိသားစုနဲ့အတူ ပြောင်းလာတဲ့ စီအိုင်ရဲအရာရှိ ကီရှိုးက ဒီအမှုတွေကို စုံစမ်းရတော့တယ်။ ဒါပေမဲ့ ပြန်ပေးဆွဲခံရတဲ့ ကလေးအရေအတွက်က တဖြည်းဖြည်း ပိုများလာပြီး အလောင်းတွေပါ တွေ့လာရပါတယ်။ ရင်ခွဲစစ်ဆေးတဲ့အခါ နှလုံးတွေကိုပဲ ထုတ်ယူထားတာ တွေ့ရလို့ ကီရှိုးက ကိုယ်တွင်းအင်္ဂါမှောင်ခိုမှုနဲ့များ ပတ်သက်နေမလားဆိုပြီး သံသယဝင်လာတယ်။ ပြန်ပေးဆွဲသူတွေရဲ့ နောက်ကွယ်မှာ ဘာရှိနေတာလဲ၊ မြို့ကကလေးတွေကို ဒီအန္တရာယ်ကနေ သူကာကွယ်ပေးနိုင်ပါ့မလားဆိုတာကို ဇာတ်လမ်းအလယ်ပိုင်းက မမျှော်လင့်ထားတဲ့ အလှည့်အပြောင်းတွေနဲ့ ဆက်ပြထားတဲ့ Telugu မှုခင်းရုပ်ရှင်ပါ။

ဂျော်နသန်ကန့်တ်ဟာ သူ့အဖေ ကလာ့ခ်ကန့်တ်ကို စူပါမန်းမှန်း မသိသေးဘဲ အဖေရဲ့ လစ်ဟင်းမှုတွေကြောင့် စိတ်ပျက်နေတဲ့ ကောင်လေးပါ။ တစ်နေ့မှာတော့ မထင်မှတ်တဲ့ ကိစ္စတစ်ခုကြောင့် သူ့မှာလည်း စွမ်းအားတွေရှိနေတာကို သိသွားတယ်။ အဲဒီကနေ အဖေရဲ့ ဘဝအမှန်ကို သိလာရသလို ဂေါ့သမ်စီးတီးက ဘတ်မန်းနဲ့ သူ့သား ရော်ဘင်တစ်ဖြစ်လဲ ဒေမီယန်တို့ကိုလည်း သိကျွမ်းလာပါတယ်။ လူရိုးလေး ဂျော်နသန်နဲ့ ခပ်ကြမ်းကြမ်း ဒေမီယန်ကတော့ စတွေ့ကတည်းက ဘုနဲ့ဘောက်ပါပဲ။ အဲဒီအချိန်မှာ အာကာသထဲက ဂျက်စတစ်လိဂ်ရဲ့ စောင့်ကြည့်တာဝါ တိုက်ခိုက်ခံရပြီး မသင်္ကာစရာတွေ ဖြစ်လာပါတယ်။ စူပါမန်းနဲ့ ဘတ်မန်းတို့ ကိုယ်တိုင် သွားစုံစမ်းကြပေမယ့် သူတို့ပါ ထောင်ချောက်ထဲ ကျသွားကြတယ်။ ဂျက်စတစ်လိဂ်အပြင် တင်းတိုက်တန်စ်အဖွဲ့ပါ အန္တရာယ်ကြုံလာတဲ့နောက် ဒီပြဿနာကို ဖြေရှင်းဖို့က ဂျော်နသန်နဲ့ ဒေမီယန်တို့အပေါ် ကျလာပါတယ်။ သူတို့ရင်ဆိုင်ရမယ့် အန္တရာယ်က ကမ္ဘာတစ်ခုတည်းကိုသာမက ကြယ်စင်စုတစ်ခုလုံးကိုပါ ဒုက္ခပေးနိုင်တဲ့အရာ ဖြစ်နေတယ်။ ဘယ်လိုရန်သူနဲ့ ရင်ဆိုင်ရမှာလဲ၊ စတွေ့ကတည်းက မတည့်ကြတဲ့ ဒီနှစ်ယောက် အတူပူးပေါင်းပြီး တားဆီးနိုင်ပါ့မလားဆိုတာကို ဆက်ပြထားတဲ့ ကာတွန်းအက်ရှင်ဇာတ်ကားပါ။

အနာဂတ်မှာ နည်းပညာတွေ တိုးတက်လာပြီး စစ်ပွဲတွေမှာ စက်ရုပ်တွေကိုပါ အသုံးပြုနိုင်လာကြပါတယ်။ ဒါပေမယ့် စစ်ပွဲတွေ များလာတာနဲ့အမျှ ကမ္ဘာကြီးလည်း ညစ်ညမ်းပျက်စီးလာပြီး လေထုပါ အဆိပ်သင့်လာတယ်။ လူတွေဟာ စကိုင်းနက်လို့ခေါ်တဲ့ လေသန့်စင်စနစ်ကြီးတွေ တည်ဆောက်ပြီး နေထိုင်ကြရပါတယ်။ တစ်နေ့မှာ ကမ္ဘာပေါ်ကို ဥက္ကာခဲတစ်ခု ကျလာပြီး အဲဒီထဲကနေ အခြားဂြိုဟ်က အပင်တစ်ပင် ပေါက်ထွက်လာတယ်။ ဒီအပင်က ရေနဲ့တွေ့လေလေ ကြီးထွားလေလေဖြစ်ပြီး ဖျက်ဆီးနိုင်စွမ်းလည်း ပိုမြင့်လာပါတယ်။ ဒါပေမယ့် အန္တရာယ်ပေးနေတဲ့ အဲဒီအပင်မှာပဲ ကမ္ဘာ့လေထုကို သန့်စင်ပေးနိုင်တဲ့ အစွမ်းရှိနေပြန်တယ်။ ဒီလိုအခြေအနေမှာ အပင်ရဲ့ ဖျက်ဆီးနိုင်စွမ်းကို တားဆီးပြီး ကမ္ဘာကို ကယ်တင်နိုင်ဖို့ ခက်ခဲတဲ့ စစ်ဆင်ရေးတစ်ခု ဆင်နွှဲကြရပါတယ်။ အဲဒီစစ်ဆင်ရေးကို အခြေခံထားတဲ့ ၂၀၂၂ ခုနှစ်ထွက် ဟောင်ကောင် သိပ္ပံစိတ်ကူးယဉ် အက်ရှင်ရုပ်ရှင်ပါ။

ဒီဇာတ်ကားကို အရိုးရှင်းဆုံးပြောရရင်တော့ Dark Comedy ပေါ့ ဇာတ်ကောင်တွေကလဲ သောက်တလွဲပဲ ဇာတ်လမ်းကလဲ ဂဂျိုးဂဂျောင်နဲ့ ဖြစ်နိုင်တာတော့ တစ်ခုမှမပါဘူး ဒါပေမဲ့ ဂျပန်တွေဆိုတာသိတဲ့အတိုင်းပဲလေ စိတ်ကူးယဉ်ဖန်တီးနိုင်စွမ်းကတော့ အလွန်မြင့်မားကြတာကို Super Sentai (power ranger), ultraman, gundan စတဲ့ fictional characters ပေါင်းများစွာကိုမွေးဖွားပေးခဲ့တဲ့ ဂျပန်တွေဟာ ခုလိုမျိုးဇာတ်ကားတွေမှာ ထင်ရာတွေလုပ် ရိုက်ချင်သလိုတွေရိုက်ပြီး ဖျော်ဖြေရေးကိုပဲ အဓိကထားတင်ဆက်ကြတာ ထုံးစံနဲ့တူပါတယ် ဟ..ဒါဆို ဒီကောင်တွေ ရိုက်ချင်တာလျှောက်ရိုက်တာ ငါတို့က ဘာကြည့်ရမှာတုန်းဆိုရင် ကြည့်စရာစော်အလန်းလေးတွေပါပါတယ်....HOTD က အန်ကယ်ဒေမွန်ကြီး ခေါင်းထဖြတ်တဲ့အကွက်မျိုးက ဒီလိုကားထဲမှာ အားတိုင်းထည့် ပျင်းတိုင်းထည့်ပါတယ်...စောက်ရမ်းချပါတယ် သေနတ်တွေရော စက်ရုပ်တွေရော ဓားတွေရော စုံနေတာပါပဲ အဲ့တော့ ဘာကိုမှ ဂိမနေပဲ ဖျော်ဖြေရေးကို ဖျော်ဖြေရေးလိုပဲခံစားရင် ကွက်တိပါပဲ တစ်ခုတော့ရှိပါတယ် စောက်ရမ်းဖျော်ဖြေတယ်ဟဆိုပြီး မိဘတွေ ကလေးတွေနဲ့တော့အတူမကြည့်ပါနဲ့ ဆဲတာဆိုတာအသာထား လိင်ပြကွက်ဆိုတာတောင် အပျင်းပြေအလှူလိုထည့်ထားတဲ့ ဒီကားမျိုးက အန်ကယ်ဒေမွန်လို အန်ကယ်လေးရှိတဲ့ ဘာဘီလေးတွေလောက်ပဲ အဆင်ပြေမယ့် ကျန်တဲ့လူတွေ မိသားစုနဲ့မကြည့်သင့်တဲ့ ဆယ့်ရှစ်အပေါင်းကားလေးဖြစ်ကြောင်းတော့ လက်တို့လိုက်ပါရစေ File size…1.3GB / 697MB Quality…1080p BluRay / 7

ကိုင်ဂျူးလို့ခေါ်တဲ့ သတ္တဝါဆန်းကြီးတွေ ကမ္ဘာပေါ်ကို ရုတ်တရက် ရောက်လာကြပါတယ်။ အစပိုင်းမှာ ပေါ်လာတဲ့ ကိုင်ဂျူးတွေကို စစ်တပ်နဲ့ အရပ်ဘက် ပူးပေါင်းပြီး ခက်ခက်ခဲခဲ နှိမ်နင်းနိုင်ခဲ့ပေမယ့် အဲဒီမှာတင် မပြီးသွားပါဘူး။ အစွမ်းအမျိုးမျိုးရှိတဲ့ S အဆင့် ကိုင်ဂျူးတွေ ထပ်ပေါ်လာတဲ့အခါ လူသားတွေ အခက်တွေ့လာရတယ်။ ဒီအချိန်မှာပဲ လူသားတွေကို ကယ်တင်ပေးမယ့် အာထရာမန်း ပေါ်လာပါတယ်။ ဒါပေမယ့် အာထရာမန်း ရောက်လာတာနဲ့အတူ တခြားနိုင်ငံတွေက ဂျပန်ဟာ နိုင်ငံရေးအရ အသာစီးရသွားမှာကို စိုးရိမ်လာကြတယ်။ အာထရာမန်းဟာ ဘယ်သူလဲ၊ လူသားတွေအတွက် မိတ်ဆွေလား၊ ရန်သူလားဆိုတာကိုလည်း စုံစမ်းကြရပါတယ်။ တစ်ဖက်မှာတော့ ကိုင်ဂျူးတွေ ဘာကြောင့် ကမ္ဘာပေါ်ကို ရုတ်တရက် ရောက်လာကြသလဲဆိုတဲ့ မေးခွန်းက ရှိနေဆဲပါ။ လူသားတွေ၊ အာထရာမန်းနဲ့ ကိုင်ဂျူးတွေကြားက အားပြိုင်မှုကို တင်ဆက်ထားတဲ့ ၂၀၂၂ ခုနှစ်ထွက် ဂျပန်ရုပ်ရှင်ဖြစ်ပါတယ်။

အသီနာဆိုတဲ့ ပြည်နယ်လေးမှာ ပြည်သူတွေ ရဲအကြမ်းဖက်မှုကို မကြာခဏ ခံနေရပေမယ့် အရေးတယူ ဖြေရှင်းပေးမယ့်သူ မရှိပါဘူး။ နှစ်လအတွင်း တတိယအကြိမ်အဖြစ် အကြမ်းဖက်မှုတစ်ခု ထပ်ဖြစ်လာပြီး ရဲဝတ်စုံဝတ်ထားသူတွေက အီဒီရာဆိုတဲ့ လူငယ်လေးကို ရိုက်နှက်သတ်ဖြတ်တဲ့ ဗီဒီယို ပျံ့နှံ့လာချိန်မှာတော့ အစိုးရနဲ့ လူထုကြား တင်းမာမှုတွေ မြင့်တက်လာပါတယ်။ အီဒီရာရဲ့အစ်ကို အက်ဘ်ဒဲလ်က စစ်သားတစ်ယောက်ဖြစ်ပြီး ဥပဒေအတိုင်း လိုက်နာရင် အစိုးရက ဖြေရှင်းပေးမယ်လို့ ယုံကြည်ထားတယ်။ ကာရင်းမ်ကတော့ အစိုးရကို မယုံကြည်ဘဲ ညီဖြစ်သူအတွက် တရားမျှတမှုကို အကြမ်းဖက်တဲ့နည်းနဲ့ ကိုယ်တိုင်တိုက်ယူရမယ်လို့ ယူဆထားပါတယ်။ သူအစပျိုးတဲ့ အဓိကရုဏ်းတွေကနေ ပြင်သစ်တစ်နိုင်ငံလုံးအထိ အကြမ်းဖက်မှုတွေ ပျံ့နှံ့လာတယ်။ အစ်ကိုအကြီးဆုံး မော့ခ်တာကတော့ သူ့စီးပွားရေးကို ထိခိုက်လာတဲ့အတွက် အဓိကရုဏ်းတွေ မဖြစ်အောင် လိုက်တားနေပါတယ်။ ညီတစ်ယောက်ကို ဆုံးရှုံးလိုက်ရတဲ့နောက် အစ်ကိုသုံးယောက်ဟာ မတူညီတဲ့ ယုံကြည်ချက်တွေနဲ့ ဒီပဋိပက္ခကြားမှာ ရင်ဆိုင်နေကြရတာပါ။

ငှက်လေ့ကျင့်ရေးဆရာ မောင်ရှန်းဟောင်ဟာ ဖီးနစ်ကျွန်းကို သွားရောက်ရင်း ဗီဇပြောင်းငှက်တွေရဲ့ တိုက်ခိုက်မှုကို ခံလိုက်ရပါတယ်။ လူတွေလည်း တစ်ယောက်ပြီးတစ်ယောက် ထူးထူးဆန်းဆန်း ပျောက်ဆုံးနေကြတယ်။ အဲဒီအချိန်မှာပဲ မြို့တော်က ချမ်းသာတဲ့ မုန့်အိမ်တော်ရဲ့ သခင်ကြီး သေဆုံးပြီး ဖုတ်သရဲအဖြစ် ပြန်နိုးလာတယ်ဆိုတဲ့ အဖြစ်တစ်ခု ပေါ်လာပါတယ်။ မောင်ရှန်းဟောင်က သခင်ကြီးဟာ ငှက်တစ်ကောင် တိုက်ခိုက်ခံရလို့ သေဆုံးခဲ့တာလို့ ကောက်ချက်ချတယ်။ ဒါပေမယ့် သူ့စကားကို ဘယ်သူမှ မယုံကြပါဘူး။ ကောလာဟလတွေကြောင့် မြို့သူမြို့သားတွေ ကြောက်လန့်စိတ်ရှုပ်လာကြပြီး အုံကြွမှုတွေပါ ဖြစ်လာတယ်။ မောင်ရှန်းဟောင်လည်း မုန့်အိမ်တော်ရဲ့ သခင်လေးဖြစ်သလို ညွှန်ကြားရေးမှူးချုပ်လည်းဖြစ်တဲ့ မုန့်ချန်နဲ့အတူ အမှန်တရားကို ရှာဖွေဖို့ ကြိုးစားပါတယ်။ ပြောနေကြတဲ့ ဖုတ်သရဲက တကယ်ရှိနေတာလား၊ ငှက်တွေကရော ဘာကြောင့် ဒီလိုတိုက်ခိုက်နေကြတာလဲ။

ခမ်မှာ ခွမ်လို့ခေါ်တဲ့ ဆင်တစ်ကောင်ရှိပါတယ်။ ခွမ်က ရှေးဟောင်း ရတ်ခနင်ဖုန်မျိုးဆက်က ဆင်းသက်လာတဲ့ ဆင်ဖြစ်တာကြောင့် ဆင်စခန်းပိုင်ရှင် ဆူချတ်က ဈေးကောင်းပေးဝယ်ဖို့ ကမ်းလှမ်းလာတယ်။ ဒါပေမယ့် ခမ်ကတော့ သူ့ဆင်ကို မရောင်းပါဘူး။ အဲဒီနောက် ဆူချတ်တို့အဖွဲ့က ခွမ်ကို ခိုးယူပြီး နိုင်ငံခြားသားတစ်ယောက်ဆီ ရောင်းလိုက်ကြပါတယ်။ ခမ်လည်း သူချစ်တဲ့ဆင်ကို ပြန်ကယ်ဖို့ လိုက်ကြိုးစားရတော့တယ်။ လမ်းမှာ ဘယ်လိုအခက်အခဲတွေ ရင်ဆိုင်ရမလဲ၊ ခွမ်ကို ပြန်ကယ်နိုင်ပါ့မလားဆိုတာကို ဆက်ပြထားတဲ့ အက်ရှင်ဇာတ်ကားပါ။ Tony Jaa ပါဝင်သရုပ်ဆောင်ထားပြီး Ong-Bak ကို ရိုက်ကူးခဲ့တဲ့ ဒါရိုက်တာ Prachya Pinkaew က ရိုက်ကူးထားပါတယ်။

စူပါဟီးရိုးတွေရှိတဲ့ မာဗယ်စကြဝဠာမှာ အမှောင်ထုထဲက ရှေးမိစ္ဆာကောင်တွေနဲ့ သူတို့ကို အမဲလိုက်တဲ့ မုဆိုးတွေလည်း ရှိကြပါတယ်။ နာမည်ကျော် ဘလက်ဒ်စတုန်းမိသားစုရဲ့ ခေါင်းဆောင် ယူလစ်ဆီ ဘလက်ဒ်စတုန်း သေဆုံးသွားတဲ့အခါ မိသားစုပိုင် သွေးကျောက်တုံးကို ဆက်ခံမယ့် မုဆိုးတစ်ယောက် ရွေးဖို့လိုလာတယ်။ ဒီကျောက်တုံးက ကိုင်ဆောင်သူကို အသက်ရှည်စေပြီး ခွန်အားကြီးစေတာအပါအဝင် စွမ်းအားအမျိုးမျိုး ပေးနိုင်ပါတယ်။ ကျောက်တုံးကို ပိုင်ဆိုင်ချင်ကြတဲ့ နာမည်ကြီးမုဆိုးတွေဟာ အမဲလိုက်ပြိုင်ပွဲဆီ ရောက်လာကြတယ်။ အဲဒီမုဆိုးတွေကြားမှာ သမန်းဝံပုလွေနဲ့ ဘယ်လိုအဖြစ်အပျက်တွေ ကြုံလာကြမလဲဆိုတာကနေ ဇာတ်လမ်းဆက်သွားပါတယ်။ ဒစ္စနေးက ထုတ်လွှင့်တဲ့ ဒီတီဗီရုပ်ရှင်ဟာ မာဗယ်ရဲ့ သမန်းဝံပုလွေဇာတ်ကောင်ကို အခြေခံထားပြီး အဖြူအမည်းကို အဓိကသုံးကာ အရောင်ပါတဲ့အခန်းတချို့နဲ့ ဟော်ရာပုံစံ ရိုက်ကူးထားတာပါ။ The Nevers စီးရီးနဲ့ လူသိများတဲ့ Laura Donnelly လည်း ပါဝင်သရုပ်ဆောင်ထားပါတယ်။

မယ်ဗင်ဟာ အလုပ်မှာတော့ တော်တဲ့ ကြေးစားလူသတ်သမားတစ်ယောက်ပါ။ ဒါပေမဲ့ လုပ်ဖော်ကိုင်ဖက်တွေရဲ့ ဝိုင်းအနိုင်ကျင့်တာကို ခံနေရသလို အချစ်ရေးမှာလည်း ရည်းစားတွေရဲ့ လှည့်စားတာကို ခံနေရပါတယ်။ တစ်နေ့တော့ အတူအလုပ်လုပ်တဲ့ သူငယ်ချင်းတွေကြောင့် ခဲခိုဆိုတဲ့ ဂျပန်သူဌေးမွဲကြီးရဲ့ သမီးကို ပြန်ပေးဆွဲတဲ့အမှုထဲ ပါသွားတယ်။ ခဲခိုကို ပြန်ပေးဆွဲပြီးတဲ့နောက် မယ်ဗင် ဘယ်လိုအခက်အခဲတွေ ကြုံရမလဲ၊ အချစ်ရေးမှာ အမြဲလှည့်စားခံနေရတဲ့ သူတစ်ယောက် အချစ်စစ်ကို ရှာတွေ့ပါ့မလား၊ အသက်အန္တရာယ်တွေကနေရော လွတ်နိုင်ပါ့မလားဆိုတာကို အက်ရှင်၊ မှုခင်းနဲ့ ဟာသ ရောပြီး တင်ပြထားပါတယ်။ မယ်ဗင်အဖြစ် Mark Wahlberg က သရုပ်ဆောင်ထားပြီး ဂျက်ကီချမ်းရဲ့ Twin Dragons နဲ့ Crime Story တို့ကို ရိုက်ကူးခဲ့တဲ့ Kirk Wong က ဒါရိုက်တာအဖြစ် ရိုက်ကူးထားပါတယ်။

အိုက်စလန်ရဲတပ်ဖွဲ့ရဲ့ ခေါင်းအမာဆုံးရဲ ဘူစီဟာ ဟော်ဒါနဲ့အတူ ဓားပြမှုတွေ ကျူးလွန်ထားတဲ့ အဖွဲ့တစ်ဖွဲ့ကို စုံစမ်းဖို့ ဖြစ်လာပါတယ်။ ဒါပေမဲ့ ဓားပြအဖွဲ့ခေါင်းဆောင် ရီကီမှာ လောကကို ချုပ်ကိုင်ဖို့အထိ ရည်ရွယ်ထားတဲ့ အစီအစဉ်ကြီးတွေ ရှိနေတာကြောင့် ဒီအမှုက လွယ်လွယ်နဲ့ ပြီးမယ့်အလုပ် မဟုတ်ပါဘူး။ အကြင်နာတရားကင်းတဲ့ ရီကီရဲ့ အစီအစဉ်တွေကို ဘူစီနဲ့ ဟော်ဒါအပါအဝင် ရဲတပ်ဖွဲ့က ဘယ်လိုတားကြမလဲ၊ ထောင်သောင်းချီတဲ့ ပြည်သူတွေကို သူ့လက်ထဲက ကယ်နိုင်ပါ့မလားဆိုတာ ဆက်ကြည့်ရမှာပါ။ အမှုစုံစမ်းတဲ့ အက်ရှင်နဲ့ ဟာသတွေကြားမှာ ဘူစီနဲ့ ဟော်ဒါတို့နှစ်ယောက်ရဲ့ အချစ်ရေးလည်း ပါဝင်ပါတယ်။

ရှောင်ကွေ့တို့ ညီအစ်ကိုနှစ်ယောက်ဟာ ဒုစရိုက်သမား သောင်းယွီချင်ရဲ့ ဖိအားပေးမှုကြောင့် ပေါင်ဖူရတနာဆိုင်ကို လုယက်တဲ့အမှုထဲ ပါသွားကြပါတယ်။ အဲဒီမှာ အစ်ကိုဖြစ်သူက လောင်သောင်းရဲ့ လှည့်စားမှုကို ခံလိုက်ရပြီး ဗုံးအန္တရာယ်နဲ့ ကြုံရတော့တယ်။ ဓားစာခံတွေကို ကယ်ဖို့ ရောက်လာတဲ့ ရဲသားရွှဆီမှာ သူက လက်နက်ချပြီး ကယ်ပေးဖို့ အကြိမ်ကြိမ် တောင်းဆိုပါတယ်။ ရဲသားရွှက ဗုံးဖြုတ်ပြီး ကယ်တင်ဖို့ အစွမ်းကုန်ကြိုးစားပေမဲ့ ဗုံးဖြုတ်တာ မကျွမ်းကျင်တဲ့အတွက် မကယ်နိုင်ခဲ့ပါဘူး။ ရှောင်ကွေ့ရဲ့အစ်ကိုဟာ ရတနာဆိုင်ထဲက ပေါက်ကွဲမှုမှာ သေဆုံးသွားပြီး မသေခင်မှာတော့ ညီဖြစ်သူကို ကယ်ပေးဖို့ နောက်ဆုံးမှာကြားခဲ့ပါတယ်။ ခုနစ်နှစ်ကြာလာတဲ့အထိ ကပ္ပတိန်ဖြစ်လာတဲ့ ရွှက အဲဒီဖြစ်ရပ်ကို မမေ့နိုင်သေးပါဘူး။ သောင်းယွီချင်ကတော့ ပိုက်ဆံဝေစုကို မပေးဘဲ လိမ်လည်ပုန်းရှောင်နေတယ်။ ရှောင်ကွေ့ကလည်း အစ်ကို့အတွက် သွေးကြွေးဆပ်ဖို့ လိုက်ရှာနေရာက သူတို့တွေ ဘယ်လိုပြန်ဆုံကြမလဲဆိုတာ ဆက်သွားပါတယ်။

အသက်အရွယ်၊ အသားအရောင်နဲ့ တွေးခေါ်ပုံကအစ မတူကြတဲ့ ရဲအရာရှိ ရစ်ဂ်နဲ့ မားတာချ်တို့ ဒီတစ်ခါလည်း ရှုပ်ထွေးတဲ့အမှုတွေကို အတူကိုင်တွယ်ကြရပါတယ်။ အလုပ်လုပ်တဲ့အခါ အတွဲညီကြသလို အတည်ပေါက်နဲ့ အလွဲတွေဖြစ်တတ်တဲ့ သူတို့နှစ်ယောက်ရဲ့ ဆက်ဆံရေးက ဒီဒုတိယကားမှာ ပိုပြီးခိုင်မာလာပါတယ်။ ၁၉၈၇ ခုနှစ်မှာ ထွက်ခဲ့တဲ့ ပထမကားအပြီး နှစ်နှစ်အကြာမှာ ထွက်လာတဲ့ နောက်ဆက်တွဲဖြစ်ပြီး အက်ရှင်နဲ့ ဟာသကို ရောထားပါတယ်။ ပထမကားမှာ မပြောပြခဲ့တဲ့ ရစ်ဂ်ရဲ့ ဇနီးဖြစ်သူ ဘာကြောင့်သေဆုံးခဲ့ရသလဲဆိုတဲ့ အကြောင်းကိုလည်း ဒီတစ်ကားမှာ သိရမှာပါ။

ရေတပ်အရာရှိဘဝက အနားယူထားတဲ့ ကေစီရိုင်းဘတ်ဟာ တူမနဲ့အတူ ခရီးထွက်ဖို့ ရထားစီးလာပါတယ်။ အဲဒီရထားကို အကြမ်းဖက်သမားတစ်ဖွဲ့က ဝင်စီးပြီး ခရီးသည်တွေကို ဓားစာခံအဖြစ် ဖမ်းလိုက်ကြတယ်။ သူတို့ရဲ့ရည်ရွယ်ချက်က ဖျက်ဆီးအားပြင်းတဲ့ ဂြိုလ်တုတစ်ခုကို ထိန်းချုပ်နိုင်ဖို့ပါ။ ခရီးသည်တွေ ဖမ်းခံထားရတဲ့ ဒီအခြေအနေမှာ ကေစီရိုင်းဘတ်က အကြမ်းဖက်သမားတွေကို ဘယ်လိုတားဆီးမလဲ၊ ဓားစာခံတွေကိုရော ဘယ်လိုကယ်ထုတ်မလဲဆိုတာ အပစ်အခတ်၊ အတိုက်အခိုက်တွေနဲ့ ဆက်ပြထားပါတယ်။ Steven Seagal ပါဝင်သရုပ်ဆောင်ထားတဲ့ Under Siege ရုပ်ရှင်တွဲရဲ့ ဒုတိယမြောက်ကားပါ။

တရုတ်၊ ဖိလစ်ပိုင်နဲ့ တခြားနိုင်ငံတွေကနေ ကိုရီးယားကို လူတွေ တရားမဝင်ပို့ဆောင်လာတဲ့ ကွန်တိန်နာတစ်လုံးပေါ်မှာ ဗိုင်းရပ်စ်ပိုး ပါလာပါတယ်။ အလုံပိတ်ကွန်တိန်နာက တောင်ကိုရီးယားဆိပ်ကမ်းကို ရောက်လာတဲ့အချိန်မှာ ခရီးကြာချိန် ကိုးရက်ရှိသွားပါပြီ။ အဲဒီကနေ ဗိုင်းရပ်စ်ဟာ ဘူဒန်မြို့ထဲကို ရောက်လာပါတော့တယ်။ ဒီရောဂါဘေးအကြားက အဖြစ်အပျက်တွေကို ကယ်ဆယ်ရေးအဖွဲ့ဝန်ထမ်း ကန်ဂျီဂူး၊ ရောဂါရှာဖွေရေးဘက်က ကင်အင်ဟေးနဲ့ သူမရဲ့သမီး ကင်မီရီတို့ကို အဓိကထားပြီး ပြောပြထားပါတယ်။

စည်သူနဲ့ အက်ထရီယားတို့က အမြွှာညီအစ်ကိုနှစ်ယောက်ပါ။ မိဘတွေရဲ့ အလေးပေးမှုကို ရခဲ့တဲ့ စည်သူက ထူးချွန်တဲ့ သိပ္ပံပညာရှင်တစ်ယောက်ဖြစ်ပြီး အိန္ဒိယရဲ့ နံပါတ်တစ် နာရီကုမ္ပဏီဖြစ်တဲ့ ဖီးနစ်ကိုလည်း ပိုင်ဆိုင်ထားပါတယ်။ သူက အချိန်ခရီးသွားလို့ရတဲ့ နာရီတစ်လုံးကို တီထွင်နေခဲ့တယ်။ နာရီကို အောင်အောင်မြင်မြင် တီထွင်နိုင်သွားချိန်မှာတော့ သူ့ကို မနာလိုရန်လိုနေတဲ့ အက်ထရီယားက နာရီကို အပိုင်သိမ်းဖို့ ကြိုးစားလာပါတယ်။ တပည့်တွေကို ခေါ်ပြီး စည်သူ့အိမ်အထိ ရောက်လာတဲ့အခါ အမြွှာညီအစ်ကိုနှစ်ယောက်ကြားက ပြဿနာဟာ အချိန်ခရီးသွားနာရီနဲ့ ပတ်သက်လာပါတော့တယ်။ ဒီဇာတ်ကားမှာ ဆူးရီးယားက အဖေ၊ သားနဲ့ ဗီလိန်ဆိုတဲ့ ဇာတ်ရုပ်သုံးမျိုးကို သရုပ်ဆောင်ထားပြီး ဆမန်းသားနဲ့ နစ်သယားတို့လည်း ပါဝင်ထားပါတယ်။ ရူပီကုဋေ ၇၀ သုံးစွဲရိုက်ကူးထားပြီး ဝင်ငွေက ခန့်မှန်းခြေ ရူပီကုဋေ ၁၀၀ ဝန်းကျင် ရရှိခဲ့ပါတယ်။

ဘန်ဂိတ်စ်တို့မျိုးရိုးဟာ ဘိုးဘေးတွေလက်ထက်ကတည်းက ဝှက်စာတွေဖော်ပြီး ရတနာသိုက်ရှာလာခဲ့ကြသူတွေပါ။ သူတို့ရှာနေတဲ့ ရတနာသိုက်ကို တခြားလူတွေက ရှိတယ်လို့တောင် မယုံကြတဲ့အတွက် အရူးတွေလို့ အလှောင်ခံခဲ့ရတယ်။ ဘန်ကတော့ သူ့လက်ထက်မှာ ဒီအလှောင်ခံရမှုကို အဆုံးသတ်ဖို့ ရတနာသိုက်ကို အရရှာချင်နေပါတယ်။ သဲလွန်စတွေနောက် လိုက်ရင်း သူ့ရဲ့ရှာဖွေမှုက အမေရိကန်နိုင်ငံ တည်ထောင်သူတွေ၊ လွတ်လပ်ရေးကြေညာစာတမ်းနဲ့ အမေရိကန်သမိုင်းထဲက အထင်ကရအရာတွေဆီ ဦးတည်လာတယ်။ ဖရီးမေဆင်တွေရဲ့ လျှို့ဝှက်ချက်တွေကိုလည်း ဖော်ထုတ်ဖို့ လိုလာပါတယ်။ ဒီကြားထဲ သူငယ်ချင်းတစ်ယောက်ရဲ့ သစ္စာဖောက်မှုကိုပါ ခံလိုက်ရပေမယ့် ဘန်က ရှာဖွေမှုကို လက်မလျှော့ခဲ့ဘူး။ သမိုင်းအမွေအနှစ်တွေကို မြတ်နိုးတဲ့ မော်ကွန်းတိုက်မှူး အဘီဂေးလ်နဲ့ နည်းပညာကျွမ်းကျင်တဲ့ သူငယ်ချင်း ရိုင်လေတို့ရဲ့ အကူအညီနဲ့ လွတ်လပ်ရေးကြေညာစာတမ်းကို ခိုးယူပြီး ရတနာသိုက်ရှာဖို့ ကြိုးစားကြတယ်။ အဲဒီနောက်တော့ FBI ကရော လူဆိုးတွေကပါ လိုက်လာကြလို့ နှစ်ပေါင်းများစွာ ဘယ်သူမှ ရှာမတွေ့ခဲ့တဲ့ ရတနာသိုက်နောက်ကို လွတ်လွတ်လပ်လပ် လိုက်နိုင်တဲ့အခြေအနေ မရှိတော့ပါဘူး။ နစ်ကေ့ သရုပ်ဆောင်ထားတဲ့ ဘန်ဂိတ်စ်က ခပ်တည်တည်နေပြီး မသိမသာ ဘဝင်မြင့်တတ်သူပါ။ ဂျက်စတင်ရဲ့ ဟာသပြောတတ်တဲ့ ဇာတ်ကောင်နဲ့ ခရူဂါရဲ့ ဇာတ်ကောင်တို့ တွဲပါလာတဲ့အခါ သူတို့အချင်းချင်း အပေးအယူကလည်း ရတနာရှာခရီးရဲ့ အစိတ်အပိုင်းတစ်ခု ဖြစ်လာပါတယ်။ အက်ရှင်၊ စွန့်စားခန်းနဲ့

ဆွစ်ဇာလန်က Alps တောင်တန်းတွေမှာ နေထိုင်တဲ့ ဟိဒ်ဒီတို့အတွက် ဆွစ်ချိစ်မစားတာတောင် ရာဇဝတ်မှုဖြစ်နေတဲ့ အချိန်ပါ။ ချိစ်မစားသူတွေ၊ ချိစ်ထဲက နို့သကြားဓာတ်ကို မခံနိုင်သူတွေဟာ ဖမ်းဆီးသတ်ဖြတ်ခံနေကြရတယ်။ ဒီအမိန့်ကို ထုတ်ထားတဲ့ ဆွစ်ခေါင်းဆောင်ကလည်း သူ့ချိစ်ကို ပြည်တွင်းမှာတင် ရောင်းချနေရတာနဲ့ မကျေနပ်ဘဲ နိုင်ငံတကာကို တင်ပို့ပြီး ကမ္ဘာကိုပါ အပိုင်သိမ်းချင်နေပါတယ်။ အဲဒီကိစ္စနဲ့ပတ်သက်ပြီး ဟိဒ်ဒီရဲ့ချစ်သူ ဆိတ်ပီတာ အသတ်ခံလိုက်ရတဲ့အခါ တောင်ပေါ်သူလေးဟာ ကလဲ့စားချေဖို့ ဆုံးဖြတ်လာတယ်။ ဟိဒ်ဒီ ဘယ်လိုပြန်လက်စားချေမလဲ၊ ကမ္ဘာကြီးကိုရော ကယ်တင်နိုင်ပါ့မလား။ ဆွစ်ရိုးရာလက်နက်တွေ၊ ဝတ်စုံတွေနဲ့ ချိစ်တွေကြားက သူ့အကြောင်းကို ဟာသနည်းနည်းနှောပြီး ပြထားပေမယ့် သွေးထွက်သံယိုများတဲ့ ဇာတ်ကားပါ။

အင်ဒိုနီးရှား စူပါဟီးရိုးဇာတ်ကား Satria Dewa: Gatotkaca က မဟာဘာရာတာဇာတ်ကို အခြေခံထားပါတယ်။ ဇာတ်လမ်းနောက်ခံအရ ခရစ်တော်မပေါ်ခင် နှစ် ၃၀၀၀ လောက်မှာ ပန်ဒါဝါနဲ့ ကူရာဝါမျိုးနွယ်တွေ ပြည်တွင်းစစ်ဖြစ်ခဲ့ကြတယ်။ ဖျက်ဆီးလုယူတတ်တဲ့ ကူရာဝါတွေထက် ဗီဇကောင်းရှိတဲ့ ပန်ဒါဝါတွေဘက်ကို နတ်ဘုရားတွေက အနိုင်ပေးခဲ့ပါတယ်။ ကူရာဝါတပ်မှူး အဆွာတာမကတော့ နတ်ဘုရားတွေကို ဆန့်ကျင်တိုက်ခိုက်ခဲ့လို့ ထာဝရအကျဉ်းချခံလိုက်ရတယ်။ ဒီနေ့ခေတ်အရောက်မှာ ကူရာဝါမျိုးဆက်တွေဟာ ပန်ဒါဝါမျိုးဆက်တွေကို လိုက်သတ်ပြီး သူတို့သခင် အဆွာတာမကို လွတ်မြောက်အောင် ကြိုးစားလာကြပါတယ်။ ပန်ဒါဝါတွေ အားလုံးသေဆုံးသွားပြီး အဆွာတာမ လွတ်လာမယ့်အဖြစ်ကို တားဆီးဖို့ နောက်ဆုံးမျှော်လင့်ချက်ကတော့ ပန်ဒါဝါတို့ရဲ့ ကယ်တင်ရှင် ဂါတို့ကာ့ကြာဆိုတဲ့ စွမ်းအားရှင်ပါ။ ဂါတို့ကာ့ကြာအသစ်က အစွမ်းတွေကို ဘယ်လိုရလာမလဲ၊ ရန်သူတွေကို ဘယ်လိုရင်ဆိုင်မလဲဆိုတာကို ဆက်ပြထားပါတယ်။

ဘန်ဂိတ်စ်တို့ရဲ့ ဘိုးဘေး သောမတ်စ်ဂိတ်စ်ဟာ ပြည်တွင်းစစ်ခေတ်က လင်ကွန်းလုပ်ကြံမှုကို ကြိုးကိုင်ခဲ့သူဆိုပြီး စွပ်စွဲခံရပါတယ်။ လုပ်ကြံသူရဲ့ ပျောက်ဆုံးနေတဲ့ ဒိုင်ယာရီစာမျက်နှာတစ်ရွက် ပြန်ပေါ်လာပြီး အဲဒီပေါ်မှာ သောမတ်စ်ဂိတ်စ်ရဲ့အမည် ပါနေလို့ပါ။ မိသားစုနာမည်ပျက်ကို ရှင်းဖို့အတွက် သောမတ်စ်ဂိတ်စ် ဖျက်ဆီးဖို့ ကြိုးစားခဲ့တဲ့ အဲဒီစာရွက်ဟာ ရတနာမြေပုံဖြစ်ကြောင်း သက်သေပြရတော့မယ်။ ဒီလိုနဲ့ ဘန်တို့အဖွဲ့ ရတနာရှာဖို့ ခရီးထွက်လာကြပါတယ်။ National Treasure ရဲ့ ပထမကားလိုပဲ သမိုင်းနဲ့ ပဟေဠိတွေကို အခြေခံပြီး သဲလွန်စတစ်ခုနောက်တစ်ခု လိုက်ရှာကြရတဲ့ဇာတ်လမ်းပါ။ ဒီတစ်ခါမှာတော့ အထင်ကရနေရာတွေ ပိုပါလာပြီး သမ္မတအဆင့်အထိ ပတ်သက်လာတယ်။ ရတနာသိုက်ရှာဖွေမှုကို နိုင်ငံ့သမိုင်း၊ သမ္မတတွေနဲ့ နိုင်ငံရေးရာကိစ္စတွေကြား ချိတ်ဆက်ထားပြီး အက်ရှင်ခန်းတချို့လည်း ရောနှောထားပါတယ်။ နစ်ကေ့ သရုပ်ဆောင်တဲ့ ဘန်ဂိတ်စ်က ခပ်တည်တည်နေပြီး ကိုယ့်ကိုယ်ကို အထင်ကြီးတတ်သူပါ။ ဂျက်စတင်ရဲ့ ဇာတ်ကောင်ကတော့ ဟာသလေးတွေ ပြောတတ်သူဖြစ်တယ်။ ခရူဂါရဲ့ ဇာတ်ကောင်အပါအဝင် အဓိကဇာတ်ကောင်တွေ အပေးအယူမိပုံကို မူရင်းက အလေးထားဖော်ပြထားပါတယ်။ အခွေငှားဆိုင်ခေတ်ကတည်းက လူသိများခဲ့တဲ့ National Treasure ဟာ နစ်ကေ့ရဲ့ အောင်မြင်တဲ့ ရုပ်ရှင်တွဲတွေထဲက တစ်ခုဖြစ်ပြီး ဆက်စပ်စာအုပ်တွေလည်း ထွက်ရှိခဲ့ပါတယ်။ မူရင်းစာမှာတော့ အဲဒီခေတ်က ပုတက်၊ ကစ်ဇုန်လို ကာတွန်းဂျာနယ်တွေ၊ သုတစာအုပ်တွေကတစ်ဆင့် သ