လူကြည့်များသော ရုပ်ရှင်များ

ဒီကားလေးကတော့ ဖြစ်ရပ်မှန်ကို အခြေခံထားတာဖြစ်ပါတယ်။ ဒီကားကို 2024 Decကမှ စပြီးထုတ်လွှင့်ခဲ့တာဖြစ်ပြီး မီးသတ်သမားတွေရဲ့ ကိုယ်ကျိုးစွန့် အနစ်နာခံမှုတွေကို လေးစားဖွယ်တွေ့ကြရမဲ့ ဇာတ်ကားကောင်းလေးပဲဖြစ်ပါတယ်။ ချောဝန်းဆိုတဲ့ကောင်လေးဟာ စစချင်းမှာတော့ မီးသတ်အဖွဲ့ထဲကို တက်ကြွစွာဝင်လာခဲ့ပါတယ်။ အလုပ်စဝင်တဲ့နေ့မှာတင် မီးသတ်တဲ့နေရာဆီလိုက်သွားရပြီး တလွဲတွေလုပ်တာမလို့ အဆူခံခဲ့ရပါတော့တယ်။ ဒီလိုနဲ့ အဆင်ပြေနေရင်းမှာပဲ သူတို့နဲ့တစ်ဖွဲ့တည်းက သူနဲ့ရင်းနှီးတဲ့အစ်ကိုက မီးလောင်တဲ့နေရာမှာ လူကယ်ပေးရင်း သေဆုံးသွားခဲ့ပါတယ်။ ဒီဖြစ်ရပ်ကနေ ရုန်းမထွက်နိုင်တဲ့ ချောဝန်းကိုတော့ အဖွဲ့ဦးစီးက 3/4လလောက် ပေးနားလိုက်ပြီး စိတ်ပြင်ဆင်ဖို့အချိန်ပေးလိုက်ပါတော့တယ်။ ချောဝန်းတစ်ယောက် ဒီအလုပ်မှာ ဆက်ပြီး ရေရှည်နေလို့ရပါ့မလား ..?? ရှေ့ဆက်ကြုံလာရမဲ့ ခရီးလမ်းမှာ ဘယ်လိုအခက်အခဲတွေ စောင့်ကြိုနေမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

IMDb Rate : 4.1 ရရှိထားတဲ့ ဒီဇာတ်လမ်းကတော့ 2006ခုနှစ်မှာ ထွက်ရှိတဲ့ 4 Horror Talesရဲ့ သည်းထိတ်ရင်ဖိုဇာတ်လမ်းခွဲတစ်ပုဒ်ဖြစ်ပါတယ်။ ခြေချမိသူတိုင်း ပြန်မထွက်လာနိုင်တဲ့ မရဏတောအုပ်ထဲကို တောင်တက်အဖွဲ့တစ်ဖွဲ့ ရောက်သွားတဲ့အခါ ကြုံတွေ့ရတဲ့ အခက်အခဲတွေ၊ စိတ်ခြောက်ခြားစရာတွေကို အသံပိုင်းရော ရုပ်ပိုင်းပါ ထိတ်လန့်ဖွယ် ရိုက်ကူးထားတဲ့ ဇာတ်လမ်းဆိုလဲ မမှားဘူးပေါ့။ မင်းသား Lee Jong Hyukနဲ့ မင်းသမီး So Yi Hyunတို့ အဓိကပါဝင်ထားပြီး "မရဏတောအုပ်ထဲကို ရောက်တဲ့သူတိုင်း ပြန်မထွက်လာနိုင်တဲ့ အကြောင်းရင်းက ဘာများလဲ၊ ဇာတ်လမ်းအစမှာ ပါသလို အသက်ရှိစဥ်မှာ နှောင်ကြိုးကို မဖြတ်နိုင်ရင် ဘယ်လိုဖြစ်သွားမှာလဲ" ဆိုတဲ့ အတွေးတွေနဲ့ စိတ်ဝင်စားဖို့ကောင်းလို့ တစ်ခါလောက်တော့ ကြည့်ကြည့်ဖို့ အညွှန်းရေးသားသူနဲ့ ဘာသာပြန်ဆိုသူ ကျွန်မ ခန့်ကြော့ဇင်က အကြံပြုပါရစေရှင်။

သဘာဝလွန် လျှို့ဝှက်ဆန်းကြယ်တဲ့ ဇာတ်လမ်းတွေကို ကြိုက်သူများအတွက် Strange Tales of Mountain Travelers မှာဆိုရင် ဒေသတွင်းပုံပြင်၊ ရင်ထိတ်စရာ အကြောင်းအရာတွေနဲ့ အက်ရှင်တွေ ပါ၀င်ပါတယ်.. ဇာတ်လမ်းကတော့ တောင်ပေါ်ခရီးသွား Lin Qingyang က Dulong ကျေးရွာမှာ ဖြစ်ပေါ်နေတဲ့ သရဲအမှုနဲ့ လူသတ်မှုတွေကို စုံစမ်းဖို့ လာရောက်ခဲ့ပါတယ်.. စုံစမ်းရင်းနဲ့ လျှို့ဝှက်ထားတဲ့ အတိတ်ကဖြစ်ရပ်တွေအပြင် ဓားပြရဲ့ယုတ်မာဆိုးညစ်မှုတွေကိုပါသိလာရပါ‌တော့တယ်.. ဒီဇာတ်လမ်းကတော့ သဘာဝလွန် ခံစားမှုနဲ့ လျှို့ဝှက်မှုတွေကို စိတ်ဝင်စားဖွယ် ရိုက်ကူးထားတာဖြစ်ပြီး သဘာဝလွန် ဇာတ်လမ်းများကို ကြိုက်နှစ်သက်သူများကြည့်ရှုသင့်တဲ့ ဇာတ်ကားကောင်းလည်းဖြစ်ပါတယ်.. ဒီဇာတ်ကားကိုအညွန်းနဲ့ဘာသာပြန်ပေးသူကတော့ Jacob ဖြစ်ပါတယ်

ဒီဇာတ်ကားလေးကတော့ ၂၀၁၆ ခုနှစ်မှာဖြစ်ခဲ့တဲ့ ကျောင်းသားများအုပ်စုလိုက်ပူးကပ်ခံရတဲ့ဖြစ်ရပ်မှန်ကို အခြေခံရိုက်ကူးထားတဲ့ အင်ဒိုနီးရှား ဟော်ရာကားလေး ဖြစ်ပါတယ်။ တစ်နှစ်တစ်ကြိမ် စခန်းချခရီးထွက်ရတဲ့ အထက်တန်းကျောင်းတစ်ခုရဲ့ခရီးစဥ်အတွက် သွားနေကျနေရာမဟုတ်ပဲ ထူးဆန်းတဲ့နယ်မြေတစ်ခုကို သွားဖို့မှားယွင်းရွေးချယ်မိခဲ့ရာမှ ထူးခြားဆန်းကျယ်တဲ့ဖြစ်ရပ်ဆန်းများ ကြုံ​တွေ့ရပုံကို သည်းထိတ်ရင်ဖိုရိုက်ကွက်များနဲ့ စိတ်ဝင်စားဖွယ်ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

Rom-Com ဇာတ်လမ်းကောင်းတွေကိုကြိုက်တတ်ရင် လုံးဝ(လုံးဝ)ကျော်မသွားပါနဲ့ Feb14 ကမှ အသစ်စက်စက်ထွက်ရှိထားတဲ့ "DhoomDhaam" ဆိုတဲ့ အချစ်ဟာသကားလေးနဲ့ မိတ်ဆက်ပေးမှာမို့ပါ ဟာသကားဆိုပေမဲ့ သမားရိုးကျပေါ့ပျက်ပျက် plot တွေတစ်ခုမှမပါဘဲ ဇာတ်အိမ်ကောင်းကောင်းနဲ့ရိုက်ကူးထားတာပါ မတူညီတဲ့စရိုက်တွေရှိတဲ့ "ဗီး"နဲ့"ကိုရယ်"ဟာ မိဘတွေပေးစားတဲ့အတွက် မင်္ဂလာဆောင်ဖြစ်ခဲ့ပါတယ် မင်္ဂလာပွဲရက်မှာပဲ လူမိုက်တစ်စုက သူတို့ကိုမရမကလိုက်ဖမ်းပါတော့တယ် ဘာဖြစ်လို့လဲ? ဘာမှမသိကြတဲ့သူတို့နှစ်ယောက် လူဆိုးတွေကိုဘယ်လိုရှောင်တိမ်းမလဲ? စည်းကမ်းကြီးတဲ့လူရိုးကြီး "ဗီး" နဲ့ ခပ်စွာစွာ"ကိုရယ်"တို့ရဲ့အချစ်ဇာတ်လမ်းလေးကရော ရှုပ်ရှက်ခပ်နေတဲ့တစ်ညတာကိုဖြတ်သန်းရင်း ဘယ်လိုပြောင်းလဲသွားမလဲ ဆိုတာကိုတော့... ပေါ့ပေါ့ပါးပါး အပမ်းပြေရယ်မောရင်းနဲ့ စိတ်ဝင်တစားကြည့်ရှုလိုက်ရအောင်နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

Simpsons ရဲ့ အသစ်ထွက် ဇာတ်လမ်းတိုလေး ကြည့်ချင်သူတွေအတွက်ပါ လီဆာတစ်ယောက် Springfield မြို့မှာ အပင်တွေစိုက်လို့မရ မဖြစ်ထွန်းလို့ စိတ်ဓာတ်ကျနေတဲ့အချိန် စိတ်ရောဂါကုဆရာဝန်ပေးတဲ့ trappers လေးက အတိတ်ကိုပြန်သွားနိုင်တဲ့ ပစ္စည်းလေးဖြစ်နေတဲ့ အခါ လီဆာတစ်ယောက် Springfield မြို့ကို အပင်တွေစိုက်ပျိုးပီး သာယာလှပအောင်လုပ်နိုင်မလားဆိုတာ စိတ်ဝင်စားဖွယ်ကြည့်ရမှာပါ ဒီဇာတ်ကားကို အညွန်းနဲ့ဘာသာပြန်ပေးသူကတော့ LifeLine ဖြစ်ပါတယ်

စုန်းမဖြစ်ဖို့ လေ့ကျင့်ရေးဆင်းတဲ့အနေနဲ့ အသက် ၁၃ နှစ်အရွယ် ကီကီဆိုတဲ့ ကောင်မလေးဟာ မွေးရပ်ဇာတိနဲ့ ဝေးလံတဲ့မြို့တစ်မြို့မှာ သူမတစ်ယောက်တည်း ရပ်တည်နေထိုင်ကြည့်ရပါမယ်။ ကိုယ့်ခြေထောက်ပေါ်ကိုယ်ရပ်တည်ဖို့ ကြိုးစားတဲ့အနေနဲ့ ကီကီဟာ ကမ်းဆိပ်မြို့တစ်မြို့မှာ ပစ္စည်းတွေကို တံမြက်စည်းပျံနဲ့လိုက်ပို့တဲ့ သယ်ယူပို့ဆောင်ရေးလုပ်ငန်းတစ်ခုကို စလုပ်ကြည့်ခဲ့ပါတယ်။ ဒီလိုနဲ့ တနေ့မှာ သူမဟာ တံမြက်စည်းပျံကိုလည်း မစီးနိုင်၊ သူမရဲ့ကြောင်နက်လေးဂျီဂျီနဲ့လည်း စကားမပြောနိုင်တဲ့အထိ မှော်စွမ်းအားတွေ ပျောက်ဆုံးသွားခဲ့ရပါလေတော့တယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Pan ဖြစ်ပါတယ်

သရုပ်ဆောင်ချက် ထိထိမိမိတွေနဲ့ စီးမြောလိုက်ပါရမယ့် တူရကီ Romance, Drama ဇာတ်လမ်းလေးပါ။ မြို့ကြီးမှာနေပြီး အလုပ်ထဲပဲစိတ်နှစ်ထားတဲ့ CEO အာစလာဟာ သူတို့ကုမ္ပဏီဒေဝါလီခံရတော့မှာကို ဖြေရှင်းပေးဖို့ ဒါရိုက်တာအဖွဲ့ဝင်အေဂေရှိတဲ့ ကမ်းခြေမြို့လေးကို လာခဲ့ပါတယ်။ သူတို့အစီအစဉ်က အဲဒီကမ်းခြေမှာ ဟိုတယ်ဆောက်ဖို့ အေဂေရဲ့ သဘောတူညီချက်လက်မှတ်လိုနေတာပါ။ ဒါမဲ့ သဘာဝပတ်ဝန်းကျင်ကို ချစ်တဲ့အေဂေက ထင်တာထက်ပိုခေါင်းမာလို့ အာစလာလည်း ကြာကြာနေဖြစ်သွားပါတယ်။ အေဂေကို ဒါရိုက်တာအဖွဲ့ကထုတ်ဖို့ အနားမှာနေပြီး အားနည်းချက်ရှာရင်း တစ်စထက်တစ်စ ရင်းနှီးလာပြီး ချစ်မိသွားတဲ့အခါ အာစလာရဲ့မူလအစီအစဉ်ပျက်သွားမလား ဘာတွေဆက်ဖြစ်မလဲ ဆက်လက်အားပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

အီဆန်းဟျွန်းနဲ့ အီဆူဂျင်းတို့ဟာ အဖေတစ်ခုသမီးတစ်ခုဘဝပါ။ အီဆန်းဟျွန်းက အထည်အလိပ်စက်ရုံမှာအလုပ်လုပ်ပြီး မနားမနေလုပ်ရတာမလို့ သမီးဖြစ်သူကို သေချာအချိန်မပေးနိုင်ခဲ့ပါဘူး။ တစ်ရက်တော့ ဆူဂျင်း ကျောင်းကအပြန် မိုးတွေရွာနေတဲ့ညမှာ ကားတစ်စီးက အနောက်ကနေလိုက်လာပြီး ဆူဂျင်းပျောက်သွားခဲ့ပါတယ်။ အီဆန်းဟျွန်းလည်း သမီးဖြစ်သူအတွက် မုန့်တွေဝယ်ပြီး ပြန်လာတော့ သမီးဖြစ်သူကိုမတွေ့တော့ လိုက်ရှာပေမဲ့ ဒီတိုင်း သူငယ်ချင်းနဲ့ရှိနေတာလို့ပဲထင်နေခဲ့ပါတယ်။ ရဲတွေက ရေချိုးရုံအဟောင်းတစ်ခုမှာ အလောင်းတစ်လောင်းတွေ့လို့ အီဆန်းဟျွန်းကို အကြောင်းကြားပေမဲ့ သူ့သမီးမဟုတ်ဘူးဆိုပြီး အကြောက်အကန်ငြင်းနေခဲ့ပါတယ်။ အီဆူဂျင်းတစ်ယောက် အသတ်ခံလိုက်ရတာဖြစ်ပြီး ရေချိုးရုံအဟောင်းမှာ အလောင်းကိုလာစွန့်ပစ်ခဲ့တာပါ။ သနားစရာ ဖအေတစ်ခု သမီးတစ်ခုဘဝမှာ ဒီလိုဖြစ်ရပ်ဆိုးဖြစ်လာပြီး တရားခံတွေက ဘယ်သူတွေဖြစ်မလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

The Banquet (or) Party of a Wealthy Family ဟုလည်းလူသိများတဲ့ ဇာတ်ကားလေးကတော့ ၁၉၉၁ခုနှစ်ထွက် ဟောင်ကောင် ဟာသရုပ်ရှင်တစ်ကားဖြစ်ပါတယ်။ ဒီဇာတ်ကားဟာ ၁၉၉၁ခုနှစ် ဇူလိုင်လ ယန်ဇီမြစ်ရေလျှံမှုကြောင့် လူပေါင်း ၁၇၀၀ကျော် သေဆုံးခဲ့ပြီး တရုတ်ပြည်မကြီးရဲ့ အရှေ့ဘက်နှင့် တောင်ပိုင်းဒေသမှာနေထိုင်သူ အများအပြားဟာ အိုးမဲ့အိမ်မဲ့ဖြစ်ခဲ့ရတာကြောင့် ဟောင်ကောင်ရေဘေးကယ်ဆယ်ရေး ပရဟိတရန်ပုံငွေအတွက် သရုပ်ဆောင်ပေါင်းများစွာပူးပေါင်းပါဝင်ပြီး အမြန်ရိုက်ကူးခဲ့တဲ့ ဇာတ်ကားတစ်ကားပဲဖြစ်ပါတယ်။ ပင်လယ်ကွေ့စစ်ပွဲအပြီး ကူဝိတ်မင်းသားအလီဘာဘာထံမှ ကူဝိတ်နိုင်ငံပြန်လည်တည်ဆောက်ရေးအတွက် တစ်ဘီလီယံကျော်တန်ဖိုးရှိတဲ့ သဘောတူညီချက်စာချုပ်ကို အရယူရန် အပြိုင်အဆိုင်ကြိုးစားနေတဲ့ စီးပွားရေးသမားတစ်ဦးဟာ သူ့ရဲ့ ပွေလီရှုပ်ထွေးတဲ့ အကြံအစည်တွေကို ဘယ်လိုကြံစည်ပြီး ဘယ်လိုတွေတလွဲလုပ်မလဲဆိုတာ ဟာသနှောပြီးကြည့်ရှု့ရမှာဖြစ်ပါတယ်။ အညွှန်းနဲ့ဘာသာပြန်သူကတော့ NayChii ဖြစ်ပါတယ်

ဒီဇာတ်ကားလေးကတော့ ဖြစ်ရပ်မှန်ဇာတ်လမ်းကို အခြေခံကာ ပုံဖော်ရိုက်ကူးထားတဲ့ နိုင်ငံရေး အက်ရှင်ဇာတ်ကားလေးပဲ ဖြစ်ပါတယ် အမေရိကန်နိုင်ငံမှာ နှစ်အတော်ကြာငြိမ်းချမ်းခဲ့ပြီးနောက် နယူးယော့ခ်မြို့ ဘရွတ်ကလင်မှာ မအေးချမ်းမှုတွေ ဖြစ်လာရပါတော့တယ် အစွန်းရောက် အကြမ်းဖက်တွေရဲ့ ဗုံးပေါက်ကွဲမှုတွေဟာ မြို့အနှံ့မှာ ဖြစ်လာရပါတော့တယ် ထို့အပြင် ဖောက်ခွဲသူတွေဟာ အမည်မဖော်ပေမဲ့ လူတစ်ယောက်ကို ပြန်လွှတ်ပေးဖို့ မလွှတ်ပေးရင် ဆက်ပြီး သောင်းကျန်းမယ်လို့ ခြိမ်းခြောက်နေခဲ့ပါတယ် သူတို့ လွှတ်ပေးခိုင်းတဲ့သူဟာ အစ္စလာမ်ဘာသာရေး ခေါင်းဆောင်တစ်ယောက် ဖြစ်ပြီး အမေရိကန် အစိုးရ ပြန်ပေးဆွဲထားပါတယ်လို့ သံသယဝင်နေခဲ့တာပါ အဲ့ဒီ့ ပေါက်ကွဲမှုတွေကို ရပ်တန့်ပြီး အကြမ်းဖက်အဖွဲ့တွေကို ရှာဖွေ ဖမ်းဆီးဖို့အတွက် အက်ဖ်ဘီအိုင် အေးဂျင့်တစ်ယောက်ဖြစ်တဲ့ အန်သိုနီ ဟက်ဘာ့ထ်က ဘယ်လိုတွေများ ကြိုးစားသွားမလဲ ဘယ်လိုအခက်အခဲတွေ တွေ့ရမလဲဆိုတာကို ‌ကြည့်ရှုရမဲ့ အက်ရှင်ဇာတ်ကားလေးပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

ရွှေလှံတံအိမ်တော်က အမျိုးသမီးသိုင်းဆရာကြီးက သူသတ်ခဲ့တဲ့သူတွေရဲ့ သားသမီး သုံးယောက်နဲ့ စွန်ပစ်ခံကလေးတစ်ယောက်ကို ခေါ်ယူမွေးစားပြီး သူတတ်တဲ့သိုင်းပညာတွေကို သင်ကြားပေးခဲ့ပါတယ်။ တစ်နေ့မှာတော့ တောင်ပံနီအိမ်တော်က ကျင်းပတဲ့ သိုင်းပြိုင်ပွဲကို တပည့်ဖြစ်သူ ဘီရူနဲ့ ဂါဟာနာကို သွားရောက်လေ့လာခိုင်းပြီး အပြန်ညမှာ တပည့်လေးယောက်ကိုခေါ်ပြီး ၄ ယောက်ထဲက တစ်ယောက်ကို သူ့ရဲ့ ရွှေလှံတံကို အမွေပေးမယ့်အကြောင်းပြောပြီး သူ့အနေနဲ့ ဒါရာကို ပေးဖို့ စဉ်းစားထားကြေင်းပြောပါတော့တယ်။ အနက်ဖန်ကျရင် အဲဒီလှံတံကို ဘယ်လိုအသုံးပြုရမလဲဆိုတာ နေရာတစ်ခုကိုသွားပြီး သင်မှာဖြစ်တဲ့အတွက် ဒါရာနဲ့ အန်ဂင်ခေါ်သွားမှာမို့ သူပြန်မလာခင်အချိန်အထိ ရွှေလှံတံအိမ်တော်ကို စောင့်ရှောက်ထားဖို့ ဘီရူကို မှာခဲ့ပါတယ်။ ဒါပေမယ့် အဲဒီညမှာပဲ ဘီရူဟာ လှံတံကိုလိုချင်တာကြောင့် ဆရာဖြစ်သူကို အဆိပ်ခတ်သတ်လိုက်ပြီး တောင်ပံနီအိမ်တော်ကို သွားပြီး သူ့ဆရာကို ဒါရာနဲ့အန်ဂင်က အဆိပ်ခတ်ပြီး သတ်သွားတဲ့အတွက်တောင်ပံနီအိမ်တော်မှာ ပူးပေါင်းခွင့်ပြုဖို့ပြောပါတော့တယ်။ တောင်ပံနီအိမ်တော်သခင်ကလည်း ရွှေလှံတံအိမ်တော်သခင်ကို လေးစားတာကြောင့် သူ့တပည့်ဖြစ်တဲ့ ဘီရူနဲ့ ဂါဟာနာကို လက်ခံလိုက်ပြီး ရွှေလှံတံကိုပြန်ယူဖို့ အကူအညီပေးမယ်ဆိုပြီး ပြောပါတယ်။ အဲဒီနောက်မှာတော့ ဘီရူနဲ့ ဂါဟာနာက ရွှေလှံတံကို ရယူဖို့ အသည်းအသန်ကြိုးစားရင် ဘယ်သူတွေကို ထပ်သတ်မလဲ ရွှေလှံတံကို တစ်ကယ်ပဲ ရယူနိုင်မလား

နပန်းချစ်ပရိတ်တွေအတွက် WWE ရဲ့ Special Events ဖြစ်တဲ့ Vengeance Day 2025 ကိုတင်ပေးလိုက်ပါတယ်။ မြန်မာစာတော့မထိုးပေးထားပါဘူး

နာမည်ကြီးနေတဲ့ ကြောင်လေးကြည့်ချင်တယ်တောင်းဆိုလို့တင်ပေးလိုက်ပါတယ်

တရုတ်သိုင်း စုံထောက်ကား‌ေတွကို ကြိုက်နှစ်သက်သူ‌ေတွအတွက် ဒီတစ်ခါ တင်ဆက်ပေးလိုက်တာကတော့ Novoland အမည်ရ သိုင်းစာအုပ်ကိုပြန်လည်ရိုက်ကူးထားတဲ့ အမည်တူ Novoland ဇာတ်ကားပဲဖြစ်ပါတယ်။ နန်ဟွိုင်းမြို့က ယွင်ကျန်းတို့ဆရာတပည့်နှစ်ယောက်ဟာ သူတို့နဲ့ မရင်းနှီးတဲ့ သူဌေးအိမ်တစ်အိမ်ကနေ ပွဲတော်တစ်ခုအတွက် ဖိတ်စာရရှိခဲ့ပြီး စားကောင်းသောက်ဖွယ်တွေ အရက်တွေကို အလကားစားရမှာဖြစ်တာကြောင့် ပွဲတော်ကို သွားခဲ့ကြတယ်။ ပွဲတော်ဟာ အသုဘအခမ်းအနားတစ်ခုဖြစ်ပြီး မန္တာန်ရွတ်ဖတ်ပူဇော်တာတွေလည်းပါတယ်။ အသုဘကျင်းပနေရာကနေ အ‌လောင်းဟာထလာပြီး သူဌေးကြီးကို သတ်လိုက်တယ်။ သုံးသွားတဲ့လက်နက်ကလည်း ယွင်ကျန်းတို့ကိုင်တဲ့လက်နက်ဖြစ်နေတာမို့လို့ ယွင်ကျန်းတို့ဟာ အမှုပတ်ကာ မင်းသမီးဆီမှာ အဖမ်းခံလိုက်ရတယ်။ နန်ကျန်းမြို့မှာ လူတွေထူးဆန်းစွာသေနေပြီး ကြယ်လေးလုံးတန်းပြီမို့လို့ ကပ်ဘေးကြီးတစ်ခု ဆိုက်တော့မယ်လို့လည်း သတင်းတွေထွက်နေတယ်။ ချောက်ချခံရတဲ့ ယွင်ကျန်းတို့နဲ့ မင်းသမီးတို့ဟာ နောက်ပိုင်းမှာ အမှုကို အတူတူလိုက်ဖို့ဖြစ်လာတဲ့အခါ နောက်ကွယ်ကြိုးကိုင်နေတဲ့သူက ဘယ်သူဖြစ်မလဲဆိုတာကို ယွင်ကျန်းတို့နဲ့အတူ အဖြေရှာကြည့်လိုက်ပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

18+ တွေပါလို့ မိသားစုနဲ့အတူတူမကြည့်သင့်ပါ တစ်ဖန်တင်ဆက်ပေးချင်တဲ့ရုပ်ရှင်ဇာတ်ကားလေးကတော့နာမည်ကြီးစိတ်ရောဂါအထူးကုဒေါက်တာဂျွန်ဆန်းဟာ လူနာတွေကိုကုသတဲ့နေရာမှာတော်ပြီးနာမည်ကြီးပေမဲ့ အတိတ်ကစိတ်ဒဏ်ရာတစ်ခုနဲ့အတူအိပ်မပျော်တဲ့ရောဂါပါအချိန်အကြာကြီးခံစားခဲ့ရသူတစ်ဦးပါ။ အကြောင်းမှာတော့ လွန်ခဲ့တဲ့သုံးနှစ်အမျိုးသမီးဖြစ်သူ rapeလုပ်ခံရပြီး သူ့ရှေ့မှာပဲအဆုံးစီရင်သွားတာကြောင့် အပြစ်မကင်းစိတ်တွေနဲ့သူ့အမှားလို့ခံယူပြီးနာကျင်ကြေကွဲနေခဲ့ရတာပါ။ ဒါပေမဲ့တစ်ရက်‌မှာတော့ဆေးခန်းကိုလာပြတဲ့ မိန်းမ‌လှလေးဂျီဆူဟာ အိပ်မပျော်တဲ့ရောဂါရှိသလို သူနဲ့တွဲတဲ့ယောက်ျားတိုင်းတစ်ယောက်ပြီးတစ်ယောက်သေဆုံးနေတာကြောင့် စိတ္တဇဖြစ်နေသူတစ်ဦးလည်းဖြစ်ပါတယ်။ တစ်ဖက်မှာလည်း ကွင်းဆက်လူသတ်မှုတွေဖြစ်ပေါ်နေပြီး အသတ်ခံရသူတွေက ဂျီဆူနဲ့ပတ်သက်ဖူးသူတွေချည်းဖြစ်နေတဲ့အခါ စုံထောက်တွေကလည်းသင်္ကာမကင်းဖြစ်နေခဲ့ကြပါတယ်။ ဒီလိုနဲ့အိပ်မပျော်နိုင်တာကိုကုသဖို့ရောက်လာရင်း စိတ်ဒဏ်ရာတူသူနှစ်ဦးတွယ်ငြိသွားပါတော့တယ်။ ဂျီဆူကိုချစ်မိသွားတဲ့ဂျွန်ဆန်းဟာ ထူးဆန်းတဲ့နောက်ကွယ်ကအမှန်တရားကိုစုံစမ်းဖို့လုပ်ရင်း ချစ်ရသူကိုလည်းကာကွယ်ဖို့‌လုပ်ပါတော့တယ်။ စိတ်ရောဂါကုထုံးတွေနဲ့စစ်ဆေးကြည့်ရာက ဂျီဆူရဲ့စိတ်ဒဏ်ရာက ဘယ်လောက်ထိနက်ရှိုင်းနေမလဲ။အတိတ်ကဘယ်လိုအဖြစ်ဆိုးတွေနဲ့ပတ်သက်နေမလဲ။ကွင်းဆက်လူသတ်သမားနဲ့ရော ဘယ်လိုပတ်သက်မှုရှိနေမလဲဆိုတာ ရင်ခုန်စိတ်လှုပ်ရှားစွာကြည့်ရှုဖို့ ပြန်လည်တင်ဆက်လိုက်ရပါတ

ပြောင်းလဲရေးဝါဒီကိုလက်ကိုင်ထားပြီး စည်းမျဉ်းဥပဒေတချို့ရဲ့ဟာကွက်တွေကို ပြုပြင်ပြောင်းလဲချင်တဲ့ ရှေ့နေရိုမန်တစ်ယောက် လုပ်ဖော်ကိုင်ဖက်ဖြစ်သူရဲ့နာမကျန်းဖြစ်မှုကြောင့် အလုပ်အကိုင်မတည်မငြိမ်ဖြစ်ပြီး စိန်ခေါ်မှုတွေနဲ့ ကြုံတွေ့ခဲ့ရတယ်။ အခက်အခဲအမျိုးမျိုးကြုံတွေ့ပြီးနောက်မှာတော့ လူ့အဖွဲ့အစည်းရဲ့ရှိရင်းစွဲအတွေးအခေါ်တွေနဲ့ ဥပဒေလမ်းကြောင်းရဲ့ ထုံးတမ်းအစဉ်အလာလိုက်နာမှုတွေကနေ သွေဖည်ရခက်ခဲကြောင်း သတိပြုမိလိုက်တဲ့အခါ ပြုပြင်ပြောင်းလဲရေးဝါဒီမစ္စတာရိုမန်တစ်ယောက် ဘယ်လိုစိန်ခေါ်မှုတွေနဲ့ဆက်လက်ရင်ဆိုင်ရမလဲဆိုတာကို သည်းထိတ်ရင်ဖိုဆန်ဆန်ကြည့်ရှုရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Htwe Htwe ဖြစ်ပါတယ်

နာမည်ကျော်ဟောလိဝုဒ်မင်းသားကြီး Denzel Washington ရဲ့ ငယ်ဘ၀ဇာတ်လမ်းတွေထဲက ဇာတ်လမ်းကောင်းတစ်ပုဒ်နဲ့ မိတ်ဆက်ပေးချင်ပါတယ်။ အမေရိကန်မှာ လူဖြူလူမည်းခွဲခြားမှုကြီးစိုးထားဆဲကာလမှာ Easy ဟာ အလုပ်လက်မဲ့ဖြစ်နေတဲ့ နီဂရိုးလူငယ်တစ်ယောက်ပေါ့။ နေ့တိုင်း အလုပ်မျိုးစုံကြိုးစားရှာနေရာက ဘားတစ်ခုမှာ Albright ဆိုတဲ့ လူနဲ့ဆုံတွေ့ရာကစလို သူ့ဘ၀ကြီး ပြောင်းလဲဖို ဖြစ်လာခဲ့ပါတယ်။ သူဟာ Albright ရဲ့ ငွေပေးခိုင်းစေချက်အရ လူဖြူအမျိုးသမီးတစ်ယောက်ကို လိုက်ရှာရပါတယ်။ ဒါပေမဲ့ သူထင်သလို မိန်းကလေးတစ်ယောက်ကို ရှာပေးရုံသက်သက်မဟုတ်ဘဲ နောက်ကွယ်မှာ ရှုပ်ထွေးတဲ့ ပြဿနာတွေရှိနေတာကို နောက်ကျမှ သိလိုက်ရပါတယ်။ အဲဒီအချိန်မှာ သူကိုယ်တိုင်လည်း ပြဿနာထဲ ၀င်မိလျက်သား ဖြစ်နေပါပြီ။ ဒီလိုနဲ့ Easy တစ်ယောက် ဘယ်လိုအရှုပ်အထွေးတွေထဲ ၀င်မိမှာလဲ၊ ဘယ်လိုအန္တရာယ်တွေရင်ဆိုင်ရမလဲဆိုတာကို ကြည့်ကြရမှာ ဖြစ်ပါတယ်။ အက်ရှင်နဲ့ လျှိဝှက်သည်းဖိုမှာမှ ဟာသနဲ့ ဘ၀ဒဿနတွေပါ ခပ်ပါးပါးလေး ရောနှောထားတာမို အချိန်ပေးကြည့်ဖို တကယ်တန်တဲ့ ဇာတ်လမ်း‌ကောင်းတစ်ပုဒ်ပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Katie ဖြစ်ပါတယ်

2019 ခုနှစ်တုန်းက ထွက်ရှိခဲ့တဲ့ လူစိတ်ဝင်စားခံခဲ့ရတဲ့ တီဗီကာတွန်းစီးရီးလေးတစ်ခုရှိပါတယ်။နာမည်ကတော့ Fox and Hare ဖြစ်ပြီး ချစ်စရာကောင်းတဲ့တိရစ္ဆာန်လေးတွေ တစ်ဦးအပေါ်တစ်ဦး အရမ်းချစ်ပြီး ရိုင်းပင်းကူညီကြတဲ့သူငယ်ချင်းတွေအကြောင်းကို ကလေးတွေအတွက်သင့်တော်အောင်ရိုက်ကူးထားပေးတဲ့အတွက် တော်တော်ရေပန်းစားသွားခဲ့ပါသေးတယ်။အခု 2024 ခုနှစ်မှာတော့ ဒီ Series လေးကိုအသက်ပြန်သွင်းတဲ့အနေနဲ့ဇာတ်ကားလေးအနေနဲ့ရိုက်ကူးတင်ဆက်ပေးလိုက်ပါတယ်။နာမည်ကိုတော့ Fox & Hare Save the Forest လို့နာမည်ပေးထားပြီး လက်ရှိ IMDb Rating 6.1 အထိရရှိထားပါတယ်။ဒီဇာတ်ကားလေးရဲ့အဓိကဇာတ်ဆောင်တွေကတော့ ဇာတ်ကားနာမည်အတိုင်း မြေခွေးနဲ့တောယုန်တို့ဖြစ်ပြီး သူတို့က သစ်တောကြီးတစ်ခုထဲမှာ တခြားသောသူတို့ရဲ့ သူငယ်ချင်းတိရစ္ဆာန်လေးတွေနဲ့အတူတူ ပျော်ပျော်ရွှင်ရွှင်နေထိုင်နေကြတာဖြစ်ပါတယ်။ဒါပေမယ့်တစ်နေ့မှာတော့ ဖျံတစ်ကောင်ပေါ်ထွက်လာခဲ့ပြီး နှစ်ပေါင်းများစွာကြာရှည်အောင် ဆောက်လုပ်လာခဲ့တဲ့ သူ့ရဲ့ရေကာတာကြီးပြီးဆုံးသွားတာကိုတွေ့ရမှာဖြစ်ပါတယ်။အဲ့ဒီရေကာတာကြီးကြောင့် မြေခွေးနဲ့တောယုန်တို့ရဲ့ တောအုပ်လေးမှာရေကြီးတဲ့ပြဿနာတွေကြုံလာရပါတော့တယ်။အဲ့ဒီကိစ္စကိုအရင်ဆုံးသိပြီး စုံစမ်းတဲ့သူကတော့ ညစောင့်ဇီးကွက်ဖြစ်ပြီး နောက်နေ့မနက်မှာပြန်မလာတော့တာကြောင့် မြေခွေးနဲ့တောယုန်တို့အတူလိုက်ရှာကြရင်း ဒီရေကာတာကြီးကိုတွေ့လိုက်ရတဲ့အခါမှာ ဘယ်လိုတွေတုံ့ပြန်ကြမလဲ ဖျံကရောဘယ်လိုကောက်ကျစ်တဲ့စိတ်က

ဆေးရုံတစ်ခု မီးလောင်ရာကနေ မာဟီတိုဟာ မိခင်ဖြစ်သူကို ဆုံးရှုံးခဲ့ရပါတယ်။ မိခင်ဆုံးပါးပြီးနောက်ပိုင်း မာဟီတိုအဖေဟာ နောက်အိမ်ထောင်ပြုပြီး တိုကျိုကနေ ထွက်ခွာခဲ့ပါတယ်။ မာဟီတိုဟာ ဖခင်ဖြစ်သူရဲ့ နောက်အိမ်ထောင်ဖြစ်သူ နာဆုကို့အိမ် ပြောင်းလာခဲ့ပါတယ်။ နာဆိုကိုကလည်း မာဟီတိုကို သားအရင်းလေးသဖွယ် ချစ်ခင်ပေးပါတယ်။ မာဟီတို ပြောင်းလာပြီးနောက်ပိုင်း ငဟစ်ငှက်တစ်ကောင်က အစပြုလို့ ထူးဆန်းတာတွေနဲ့ ကြုံရပါတော့တယ်။ မာဟီတိုတစ်ယောက်တဖြည်းဖြည်း နာဆုကိုတို့အိမ်နောက်က မျှော်စင်ကြီးအကြောင်း သိလာရပါတယ်။လျှို့ဝှက်ဆန်းကြယ်မှုတွေနဲ့ ပြည့်နေတဲ့ နာဆိုကိုတို့ အိမ်နောက်က မျှော်စင်ကြီးဟာ အခြားကမ္ဘာတစ်ခုနဲ့ ဘယ်လိုဆက်စပ်နေတာလဲ ဘယ်လိုပဟေဠိတွေနဲ့ ပြည့်နှက်နေလဲဆိုတာ စိတ်ဝင်စားဖွယ်ကြည့်ရှုခံစားရမယ့် ဇာတ်လမ်းကောင်းလေးတစ်ပုဒ်ပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ taku-chan ဖြစ်ပါတယ်

မြန်မာစာတန်းတော့မထိုးပေမဲ့ 2025 ရဲ့ Latest ပြိုင်ပွဲမို့ ကြည့်ချင်သူတွေအတွက်တင်ပေးလိုက်ပါတယ်

Sumala (2024) ဇာကားဟာ အင်ဒိုနီးရှားနိုင်ငံ၊ ဆီမာရမ် ဒေသက တစ်ကယ့်အဖြစ်အပျက်တစ်ခုနဲ့ ဒဏ္ဝာရီလာ ပုံပြင်တစ်ခုကိုရောနှောအခြေခံထားတဲ့ ဖြစ်ရပ်မှန်တစ်ပိုင်း ဇာတ်လမ်းလေးပဲဖြစ်ပါတယ်။ ဖြစ်ရပ်မှန်အဖြစ်အပျက်က‌တော့ ၁၉၄၈ ခုနှစ်မှာဖြစ်ခဲ့တာပါတဲ့။ ဆီမာရမ်ဒေသက ဆိုဂျီမန်နဲ့ ဆူလက်စထရီတို့လင်မယားက အိမ်ထောင်သက် ၁၁ နှစ်ရှိပေမယ့် ကလေးမရသေးတော့ စိတ်ညစ်နေကြပါတယ်။ တစ်နေ့မှာ ဆိုဂျီမန်ရဲ့ဦးလေးရောက်လာပြီး သူ့မြေတွေကို ဦးလေးကိုရောင်းဖို့ပြောပါတယ်။ ဒါပေမယ့် ဆိုဂျီမန်က မရောင်းနိုင်ဘူးပြောတော့ သူ့အားနည်းချက်ဖြစ်တဲ့ ကလေးမရသေးတဲ့ကိစ္စကို သရော်သလို လှောင်သလိုလုပ်ပြီး ပြန်သွားပါလေရော့။ ဆိုဂျီမန်လည်း ဦးလေးကိုစိတ်တိုတာနဲ့ မိန်းမဖြစ်သူကိုပါရောပြီး ဒေါသထွက်တာ မင်းကလေးမွေးနိုင်ရင်မွေးနိုင် မမွေးနိုင်ရင် နောက်မိန်းမထပ်ယူမယ်ဆိုပြီး ခြိမ်းခြောက်ပါလေရော့။ သူ့မိန်းမလည်း စိတ်တွေထူပူပြီး အိမ်ပြင်ထွက်လာရာမှာ ခြံထဲကအလုပ်သမားနှစ်ယောက်ပြောသံကြားပြီး အောက်လမ်းဆရာမတစ်ယောက်က ကလေးရအောင် လုပ်ပေးနိုင်တယ်ဆိုတာ သိသွားတယ်။ သူလည်း အဲဒီအောက်လမ်းဆရာမဆီသွားပြီး အကူအညီတောင်းတယ်။ အောက်လမ်းဆရာမက ကလေးလိုချင်တယ်ဆိုရင် ဒီတိုင်းတော့မရဘူး အစီအမံနဲ့အပေးအယူတွေလုပ်ရမယ်။ အမွှာကလေးနှစ်ယောက်မွေးပေးနိုင်မှရမယ်။ တစ်ယောက်က နတ်ဆိုး (မာရ်နတ်)ရဲ့ကလေးဖြစ်ပြီး တစ်ယောက်ကတော့ လူသားကလေးဖြစ်မယ်။ ဒါပေမယ့် နတ်ဆိုး (မာရ်နတ်)ရဲ့ကလေးကိုပါ လူသားကလေးနဲ့တူတူ ညီညီမျ

ဟိုးရှေးရှေးတုန်းက...ထိုင်းဂီတယဥ်ကျေးမှုနဲ့ နိုင်ငံတော်ကိုတည်ဆောက်ချင်တဲ့ခေါင်းဆောင်က ထိုင်းဂီတကို ခွင့်ပြုချက်မရှိပဲ တီးခတ်ခွင့်မရှိကြောင်း ဥပဒေပြဌာန်းလိုက်ပါတယ်။ ခွင့်ပြုချက်မရှိပဲ တီးခတ်သူများကို ထိထိရောက်ရောက်အပြစ်ပေးနေတဲ့အချိန်ဖြစ်ပါတယ်။ ပေါင် ချတ်နဲ့ ကဲဝိုတာတို့ သူငယ်ချင်းသုံးယောက်ဟာ ချတ်အဖေရဲ့ဂီတကျောင်းလေးမှာ ကိုယ်နှစ်သက်တဲ့တူရိယာပညာကို သင်ယူခဲ့ပါတယ်။ အချိန်တန်အရွယ်ရောက်တဲ့အချိန်မှာ ပေါင်က စစ်တပ်ထဲကို ဝင်ရောက်သွားပြီး ချတ်နဲ့ကဲဝိုတာတို့က ဂီတကိုဆက်လုပ်ခဲ့ပါတယ်။ ဗိုလ်မှူးဖြစ်သွားတဲ့ ပေါင်က ထိုင်းဂီတကို တားမြစ်တဲ့ဥပဒေအတိုင်း ဆောင်ရွက်ဖို့ အမိန့်ရလာတဲ့အခါမှာတော့ငယ်စဥ်က သူငယ်ချင်းသုံးယောက်အတူသင်ယူခဲ့တဲ့ဂီတကျောင်းလေးကို ပိတ်သိမ်းဖို့ဖြစ်လာကြတဲ့အခါ ဘာတွေဆက်ဖြစ်မလဲ၊ အချင်းချင်း ညှိနှိုင်းမှုရနိုင်မလား၊ ထိုင်းဂီတကို ဆက်လက်ပုံဖော်သွားနိုင်မလားဆိုတာကို ရယ်စရာဟာသဇာတ်ကွက်များ၊ မိသားစုမိတ်ဆွေသူငယ်ချင်းသံယောဇဥ်များနဲ့အတူကြည့်ရှုရမယ့် ထိုင်း Comedy, Romance, Drama ဇာတ်ကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

အခု ရည်းစားရှိသူတိုင်းစောင့်ဆိုင်းနေတဲ့ ချစ်သူများနေ့ရောက်လာတော့မယ်နော် အခုချစ်သူများနေ့အမှီ ချစ်သူများနေ့ကို အခြေခံရိုက်ကူးထားတဲ့ဇာတ်ကားလေးတစ်ကားကိုမိတ်ဆက်ပါရစေ အစားအသောက်ထုတ်လုပ်ရေးမှာလုပ်ပြီး အလုပ်ပိကာ ချစ်သူများနေ့တောင်အလုပ်လုပ်ရမယ့် အန်နာတစ်ယောက်က ကားတစ်စီးကိုငှါးစီးပြီး တစ်နေရာသွားရာက ကားဆရာနဲ့အတူ လက်ထပ်လက်စွပ်တစ်ကွင်းကားထဲကရှာတွေ့ရာက လက်စွပ်ပိုင်ရှင်ကို ချစ်သူများနေ့မကျော်ခင် လိုက်ရှာပေးမှာပါ သူတို့နောက်ဆုံးပိုင်ရှင်ရှာတွေ့သွားမလား သူမရဲ့ချစ်သူများနေ့ကရော ဒီနှစ်ပိုအဓိပ္ပါယ်ရှိသွားနိုင်မလားဆိုတာ ပေါ့ပေါ့ပါးပါးလေးနဲ့ကြည့်ရှုရမယ့်ဇာတ်ကားလေးဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်