လူကြည့်များသော ရုပ်ရှင်များ

သိုင်းကွက်မျိုးစုံနဲ့ ဖဲကစားကြတဲ့သူတို့။ ထူးခြားစွမ်းရည်ပိုင်ဆိုင်ထားသူတွေများတဲ့ ဟောင်ကောင်မှာ လောင်းကစားပြိုင်ပွဲတွေ ကျင်းပလေ့ရှိတတ်တယ်။ နောက်ဆုံးပွဲမှာ အနိုင်ရသွားခဲ့သူက လောင်းကစားသူတော်စင်အားရှင်းဖြစ်ပြီး ပြိုင်ပွဲပြီးနောက်မှာ အားရှင်းဟာ ကမ္ဘာလှည့်ခရီးထွက်သွားခဲ့တယ်။ သူဌေးကြီးတစ်ယောက်ဟာ ‌နောင်လာမည့်ပွဲစဉ်အတွက် ‌အားရှင်းကို ထိုင်၀မ်ကိုယ်စားပြုပြိုင်ခိုင်းဖို့ အားရှင်းဦးလေးကို အကြပ်ကိုင်တဲ့အခါ အားရှင်းမရှိတော့ သူ့နေရာအစားထိုးမယ့်သူကို လိုက်ရှာရတော့တယ်။ ဖဲသိုင်းတွေအများကြ္ီးထဲမှာ နာမည်အကျော်ကြားဆုံး ဖဲပွတ်သိုင်းကို တတ်မြောက်သူမှ အနိုင်ရနိုင်ခြေ‌ရှိတော့ လောင်းကစားသူတော်စင်နေရာကို အစားထိုး၀င်လောက်အောင် အရည်အချင်းရှိတဲ့သူက ဘယ်သူများဖြစ်မလဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

ထူးဆန်းတဲ့ အချစ်ဇာတ်လမ်းလေး တစ်ပုဒ်ပါ ပြောရမယ်ဆိုရင်တော့ လူကုံထံနဲ့ ကလပ်တွေကြားမှာ ဖြစ်ပျက်တတ်တဲ့ အရာမျိုးလေးတွေကို ပုံဖော်ထားတာ ဖြစ်ပါတယ် ပြည့်တန်ဆာတွေရဲ့ ဘဝဟာ ဘယ်လို အသုံးချခံလိုက်ရလဲဆိုတာကို ဒရာမာ ဆန်ဆန် ဖော်ပြထားတာပဲ ဖြစ်ပါတယ် အန်နီခေါ် အနိုရာဆိုတဲ့ ကောင်မလေးဟာ ကလပ်မှာ အလုပ်လုပ်တဲ့ ပြည့်တန်ဆာမလေးပါ တစ်နေ့မှာ ရုရှားသူဌေးသား ဗန်ညာနဲ့ တွေ့ပြီးတော့ သူဌေးသားက သူ့ကို တစ်ပတ်တာ ငှားလိုက်ပါတော့တယ် နောက်တော့ မူးရူးပြီး အလိုလိုက်ခံထားရလို့ ပျက်စီးနေတဲ့ သူဌေးသားဟာ အန်နီကို လက်ထပ်မယ်ဆိုပြီး ဖြစ်လာပါတော့တယ် ဒါပေမဲ့ တကယ်ပဲ အန်နီကို အတည်တကျ ချစ်လို့ လက်ထပ်ခဲ့တာလား ခဏတာ အပျော်သာယာ လက်ထပ်ပြီး ပြည့်တန်ဆာတို့ရဲ့ ပုံမှန်ဇာတ်သိမ်းမျိုးနဲ့ပဲ ဇာတ်သိမ်းသွားမလားဆိုတာ မိန်းမသားတွေရဲ့ ဘဝဟာ ငွေကြေးအာဏာတွေထဲ လှည့်စားခံလိုက်ရမလားဆိုတဲ့ အကြောင်းကို ပေါ်လွင်အောင် ရိုက်ပြထားတာပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

2025 အတွက် WWE Elimination Chamber အသစ်စက်စက်ပါ

မင်းသားမင်းသမီးတွေတင်မက တစ်ကားလုံး အချောအလှလေးတွေနဲ့ အချစ်ကားချိုချိုရိုရိုလေး ကြည့်ချင်ရင် ဒီကားကိုကြည့်။ ဒါရိုက်တာကလည်း The Notebook၊ She’s So Lovely နဲ့ John Q. တို့ကိုရိုက်ကူးခဲ့တဲ့ Nick Cassavetes….။ မင်းသားက Chase Stokes…။ မင်းသမီးက Sydney Taylor….။ အပြင်မှာမင်းသား မင်းသမီးက အသက် ၁၀ နှစ်ကျော်ကွာတယ် ဒါပေမဲ့ လိုက်တယ်။ ဇာတ်လမ်းအကျဉ်းကတော့- ‘ရှော’ဆိုတဲ့ ဆေးကျောင်းသူလေးက သူမသူငယ်ချင်းရဲ့အမြွှာညီအစ်ကို ‘ရူးလ်’ဆိုတဲ့ ကောင်လေးကို တစ်ဖက်သတ်ကျိတ်ချစ်နေတာ ငယ်ငယ်လေးကတည်းကပဲ။ ရူးလ်က ဆိုးတယ်။ ပွေတယ်။ ရူပါဖြောင့်တယ်။ အလုပ်အကိုင်က တက်တူးထိုးဆရာ။ သူနဲ့အတူအိပ်ချင်လို့ဆိုပြီး တက်တူးလာထိုးတဲ့ ကောင်မလေးတွေက တန်းစီလို့။ ဒီလိုနဲ့ တစ်ညတော့ ရှောကအရက်တွေမူး၊ ရူးလ်ကို သူမဘယ်လောက်ကြာအောင်ကျိတ်ချစ်ခဲ့ရတဲ့အကြောင်းတွေ ဖွင့်ပြောပစ်လိုက်ကာ “ဟင့်အင်း ဟင့်အင်း မပြန်ဘူး မပြန်ဘူး မူးနေလို့ကို မပြန်တာ”ဆိုပြီး ရူးလ်အိမ်မှာတစ်ခါတည်းညဝင်အိပ်။ ရူးလ်ကလည်း အဲ့ကျမှ ကောင်မလေးအကြောင်း ခေါင်းထဲကထုတ်မရတော့ဘူးဆိုပြီး ဖြစ်ပါလေရော။ ဒါပေမဲ့ ရူးလ်က အလံနီဗျား။ ရည်းစားလို့ခေါင်းစဉ်မတပ်ချင်ဘူး.. အတူအိပ်ချင်လားဆိုတော့ ရက်စ်ပါတဲ့။ အချစ်ရူးမလေး ရှောက ရူးလ်ဘာပြောပြော လက်ခံတယ်.. ချစ်တာကိုး။ ဒါပေမဲ့ တကယ်က ရှောမိသားစုက ချမ်းသာတယ်။ အိမ်ကသဘောတူထားတဲ့ကောင်လေးလည်းရှိတယ်။ ဒီတော့ ရှောနဲ့ ရူးလ်ရဲ့ အချစ်ခရီးလမ်းက ဖြောင့်ဖြူးပါ့မလား....။

ဒီတစ်ခါတင်ဆက်ပေးမယ့် ကားလေးကတော့ မင်းသားကြီး Hyun Bin အဓိကပါဝင်ထားတဲ့ အန်ဂျောင်ဂွန်းကို အခြေခံပြီး ရိုက်ကူးထားတဲ့ ဖြစ်ရပ်မှန်ဇာတ်ကားကောင်းလေး တစ်ကားဖြစ်ပါတယ် ဇာတ်လမ်းအကျဥ်းကတော့ ၁၉၀၅ခုနှစ်မှာ ဂျပန်က ကိုရီးယားကို အူလ်ဆာသဘောတူစာချုပ်မှာ လက်မှတ်ထိုးဖို့ အတင်းစေခိုင်းခံခဲ့ရပါတယ် အဲ့တာနဲ့ နိုင်ငံရဲ့ သံတမန်ရေးရာ အခွင့်အလမ်းတွေ ပိတ်ပင်ခံရပြီး ကိုရီးယားကျွန်းဆွယ်တစ်ခုလုံးက ဂျပန်ကိုလိုနီလက်အောက်ကို ကျရောက်သွားခဲ့ရပါတယ် အန်ဂျောင်ဂွန်းဦးဆောင်တဲ့ တော်လှန်ရေးတပ်ဖွဲ့က ကိုလိုနီအကြမ်းဖက် ဖိနှိပ်မှုရဲ့သင်္ကေတဖြစ်တဲ့ ဂျပန်အင်ပါယာရဲ့ ဧကရာဇ်ကို လုပ်ကြံဖို့ စီစဥ်ပါတော့တယ် အန်ဂျောင်ဂွန်က စစ်ဆင်ရေးမှာလိုအပ်တဲ့ အရာတွေကို ရုရှားနိုင်ငံအနှံ့သွားပြီး သတင်းအချက်အလက်နဲ့ ရဲဘော်တွေ စုဆောင်းခဲ့ပါတယ် လွတ်လပ်ရေးရဖို့အတွက် တိုက်ခိုက်ကြသူများရဲ့ ရဲစွမ်းသတ္တိနဲ့ ရည်မှန်းချက်အတွက် မကြောက်မရွံ့ အသက်ကို စတေးရဲတဲ့သတ္တိနဲ့ လုယူခံရတဲ့ အမိမြေပြန်ရဖို့ တိုက်ပွဲဆင်နွှဲသူများရဲ့ စိတ်ဓာတ်ကို လေးလေးစားစားနဲ့ ကြည့်ရှူရမှာဖြစ်ပြီး စိတ်ကျေနပ်မှုရရှိစေမယ့် ဖြစ်ရပ်မှန်ကားလေးတစ်ကားပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

ဒီဇာတ်ကားလေးကတော့ ကိုရီးယားမှာမာစတာဘွဲ့ယူဖို့ကြိုးစားနေတဲ့ အိုင်လာဟိုင်းယာဆိုဖီယာဆိုတဲ့ မိန်းကလေးတစ်ယောက်အကြောင်းကို ရိုက်ကူးထားခြင်း ဖြစ်ပါတယ်။ အိုင်လာအနေနဲ့ အားကိုးရတဲ့ဖခင်ကိုဆုံးရှုံးကာ ဖခင်ဖြစ်သူညီမနဲ့ အတူနေရဖို့ဖြစ်လာခဲ့ပါတယ်။ အိုင်လာ့အဒေါ်ဟာ မကောင်းတဲ့အလုပ်ကို လုပ််ကိုင်နေတဲ့သူဖြစ်ပြီး ဒီဒုက္ခတွင်းထဲကနေ လွတ်မြောက်အောင် အိုင်လာ့ငယ်သူငယ်ချင်းဖြစ်ပြီး အိုင်လာ့ကို တိတ်တခိုးချစ်နေရတဲ့ ဇီဒန့်အကူအညီနဲ့လွတ်မြောက်ဖို့ ကြိုးစားခဲ့ပေမယ့် အားကိုးရတဲ့ တစ်ဦးတည်းသော သူငယ်ချင်းဇီဒန့်ကို ဆုံးရှုံးလိုက်ရပြီးတဲ့နောက် ပညာသင်ဆုကိုပါ လက်လွှတ်ခဲ့ရတဲ့ အိုင်လာ သူ့ဘဝရည်မှန်းချက်ပြည့်ဖို့ ဘယ်လိုကြိုးစားရုန်းကန်ခဲ့ရလဲဆိုတာကို ခံစားကြည့်ရှုရမယ့် အင်ဒိုကားလေးဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

သူငယ်ချင်းအုပ်စုတစ်ခုက သူငယ်ချင်းစုံတွဲနှစ်ယောက်မင်္ဂလာဆောင်မှာ ပျော်ပျော်ရွှင်ရွှင်ပျော်ပါးနေကြတုန်း ရုတ်တရက် ပွဲကလူတွေလဲကုန်ပြီး သေဆုံးကုန်ကြပါတော့တယ် အဲ့နောက် ငလျှင်တွေလှုပ် မိုးသီးတွေကြွေ မိုးမီးတွေလောင်ဖြစ်ကုန်ရာက တစ်မြို့လုံးပါလူတွေအမြောက်အမြားသေဆုံးရပါတော့တယ် အဲ့ကြားထဲကနေ သူငယ်ချင်းတစ်စုက ဘယ်လိုတွေရှင်သန်အောင်နေထိုင်သွားမလဲ အခုလိုဖြစ်ရတာတွေက ကျမ်းစာထဲကအတိုင်း ကမ္ဘာအဆုံးသတ်လို့ပြောတဲ့အခါမှာ မယုံကြည်ကြတဲ့အပေါ် ဘာတွေဆက်ဖြစ်ကြမလဲ သူတို့ဘယ်လိုတွေ လွတ်မြောက်အောင်လုပ်သွားမလဲဆိုတာ စိတ်လှုပ်ရှားဖွယ် ကြည့်ရှုရမယ့် Horror ဇာတ်လမ်းကောင်းလေးတစ်ပုဒ်ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

အိန္ဒိယဇာတ်ကားအသစ်တွေရှာနေသူများအတွက် 2025မှာထွက်ရှိထားတဲ့ Dramaကားသစ်နဲ့မိတ်ဆက်ပေးချင်ပါတယ် ဒီဇာတ်ကားမှာ နိုင်ငံရေးလှည့်ကွက်အကြား သားကောင်ဖြစ်ခဲ့ရတဲ့လူငယ်တွေအကြောင်းကို ရိုက်ကူးထားတာပါ ဒါ့အပြင် ဘဝပေါင်းများစွာကိုပျက်စီးစေတဲ့ မူးယစ်ဆေးအကြောင်းကိုလည်း သင်ခန်းစာယူနိုင်စေဖို့ ထည့်သွင်းဖော်ပြထားပါတယ် ဘဝမှာကြုံတွေ့ရတဲ့အနိမ့်အမြင့်တွေ မှားယွင်းတတ်တဲ့လူ့သ‌ဘောတွေကို သဘာဝကျကျကြည့်ရှုချင်သူတွေအတွက် ကောင်းမွန်တဲ့ Drama တစ်ကားဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

Stephen Chow ဇာတ်ကားတွေကို ကြိုက်နှစ်သက်သူ ပရိသတ်ကြီးတို့အတွက် ကြည့်စရာနောက်ထပ်တစ်ကား။ မူးယစ်ရာဇာကြီးကိုဖမ်းဖို့ ဆေးရောင်းသမားအသွင်ယူထားတဲ့ရဲသား ချန်းယွမ်လုံဟာ အမြင့်ကနေပြုတ်ကျသွားလို့ အတိတ်မေ့သွားခဲ့တယ်။ မူးယစ်ရာဇာကြီးရဲ့မျက်နှာကို မြင်ဖူးသူနဲ့ ‌ရဲတွေအပူတပြင်းလိုက်ရှာနေတဲ့ သန်း ၅၀ ရှိတဲ့နေရာကိုသိသူဂာ ချန်းယွမ်လုံတစ်ယောက်ပဲရှိပြီး ဆေးရုံတင်ထားရာကနေ ချန်းယွမ်လုံဟာ ‌ထွက်ပြေးသွားခဲ့တယ်။ အတိတ်မေ့နေတဲ့ ချန်းယွမ်လုံဟာ တစ်အိမ်တက်တစ်အိမ်ဆင်း လိုက်ခိုးနေတဲ့သူခိုးလေးတစ်ယောက်(Stephen Chow)နဲ့ ဆုံမိကြပြီး သူခိုးလေးက ချန်းယွမ်လုံဟာ သန်း ၅၀ တန်မှန်းသိသွား‌တဲ့အခါ...။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Su ဖြစ်ပါတယ်

အာကာသတွင်းထွက်ပစ္စည်းတူးဖော်မှုစစ်ဆင်ရေးတစ်ခုဟာ ပေါက်ကွဲမှုဖြစ်ပွားပြီး အာကာသယာဉ်ပေါ်မှာလူသေဆုံးမှုများပြားခဲ့ပါတယ်။ အဲဒီ့ယာဉ်ပေါ်မှာ ထရွန်ဆိုတဲ့ အင်ဂျင်နီယာတစ်ယောက်သာအသက်ရှင်ကျန်ရစ်ခဲ့ပါတယ်။ ပျက်စီးသွားတဲ့ယာဉ်ဟာစက်ချို့ယွင်းမှုတွေများစွာဖြစ်နေပြီး အသက်ရှင်ဖို့ခက်ခဲတဲ့အရေးပေါ်အခြေအနေကိုရောက်ရှိနေခဲ့ပါတယ်။ ထရွန်ရဲ့အာကာသယာဥ်ဟာ တဖြည်းဖြည်းနဲ့ နေ ဆီကိုတိုက်ရိုက်ဦးတည်ပြီးအရှိန်ပြင်းပြင်းနဲ့ သွားနေတဲ့အခါမှာတော့ ထရွန်တစ်ယောက်အသက်ရှင်အောင်ဘယ်လိုရုန်းကန်မှုတွေပြုလုပ်ရမလဲ။ အာကာသထဲမှာမို့မထင်မှတ်ထားတဲ့အခြေအနေတွေကြားမှာ စက်ပစ္စည်းအလုံအလောက်မရှိမှုနဲ့ လိုအပ်တဲ့ကယ်ဆယ်ရေးပစ္စည်းတွေဟာလဲ ချို့ယွင်းချက်တွေနဲ့ပြည့်နေတဲ့အခါမှာတော့ ထရွန်တစ်ယောက်နောက်ဆူံးအချိန်အထိတောင့်ခံထားနိုင်ပါ့မလား။ ထရွန်ရဲ့နောက်ဆုံးမျှော်လင့်ချက်ဖြစ်တဲ့မြေပြင်ထိန်းချုပ်ရေးစခန်းကရော ထရွန်ကိုကူညီကယ်ဆယ်ပေးနိုင်ပါ့မလားဆိုတာကို ရင်တမမစိတ်လှုပ်ရှားမှုအပြည့်နဲ့မြင်တွေ့ရမှာပဲဖြစ်ပါတယ်။ အာကာသယာဉ်မှူးတွေရဲ့ ခက်ခဲကြမ်းတမ်းလွန်းပြီး အသက်နဲ့လောင်းကြေးထပ်ထားရတဲ့ စွန့်စားမှုတွေကိုလဲမြင်တွေ့နိုင်မှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ဂါဒစ်ဆင်းက သူ့သားလေးကို မြေကွက်တစ်ခုအမွေပေးချင်တော့ ကြိုးကြိုးစားစားအလုပ်လုပ်ရှာတယ်။ တစ်နေ့ သူ့အလုပ်ရှင်ကိုပြဿနာလာရှာတဲ့သူကို သတ်မိလိုက်တော့ အလုပ်ရှင်က ကျေးဇူးတင်ပြီး နယ်မြေ ၁၇ ကို ဂါဒစ်ဆင်းကိုအပိုင်ပေးလိုက်တယ်။ ဂါဒစ်လည်းဝမ်းသာအားရနဲ့ သူ့သားလေးကိုပြန်ပြီးအမွေပေးလိုက်တယ်။ တစ်ဖက်မှာ ‌ပိုက်ဆံရရင်ဘာမဆိုလုပ်ပြီး လူသတ်ဖို့လည်းဝန်မလေးတဲ့တွန်ဒီလတ်က ဂါဒစ်ဆင်းကို သတ်ပြီး သူတို့မြေကိုလုယူလိုက်တယ်။ အဖေအသတ်ခံရလို့မကျေနပ်တဲ့ပါဂတ်က သူ့ကိုအရှင်ထားရင် တစ်နေ့ကျတွန်ဒီလတ်ဘဝကိုဖျက်ဆီးမယ့်အကြောင်း ကြိမ်းဝါးတယ်။ တွန်ဒီလတ်လည်း ပါဂတ်ကို ကလေးပဲလို့လျှော့တွက်ပြီးတော့ နောက် ၁၅ နှစ်ကြာတဲ့အခါ သူ့ဆီပြန်လာခဲ့လို့ပြောလိုက်တယ်။ ပါဂတ်လည်း သူ့အဖေကိုရက်ရက်စက်စက်သတ်ခဲ့တဲ့ တွန်ဒီလတ်ကိုလက်စားချေဖို့ ၁၅နှစ်လုံးကြိုးစားလာခဲ့တယ်။ ငွေအင်အား လူအင်အားပိုသာတဲ့ တွန်ဒီလတ်ကို ပါဂတ်တစ်ယောက် လက်စားချေပြီး သူ့မိသားစုဂုဏ်သိက္ခာကိုပြန်ဆယ်နိုင်ပါ့မလားဆိုတာ ဒီရုပ်ရှင်ထဲမှာ စိတ်ဝင်တစားကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ကျောင်းတုန်းက ဘော်လီဘောကစားသမားဟောင်းဖြစ်တဲ့ ဂင်ဝူဂျင်ဟာ အသက်ကြီးလို့ နည်းပြလုပ်တဲ့အချိန်ထိကို ဘဝမှာ ဘာမှဖြစ်မြောက်အောင်မြင်ခဲ့တာမျိုးမရှိပါဘူး။ ဘယ်လောက်အခြေအနေ ဆိုးလဲဆို သူဖွင့်နေတဲ့ ကလေးဘော်လီဘောသင်တန်းပါ ပိတ်လိုက်ရပါတယ်။ အဲဒီလိုဖြစ်နေတုန်းမှာပဲ သူ့ဆီကို မိန်းကလေးဘော်လီဘောအသင်းတစ်သင်းရဲ့ နည်းပြလုပ်ပေးဖို့ လာငှားပါတယ်။ အဲဒီဘော်လီဘောအသင်းရဲ့ပိုင်ရှင်အဟောင်းက ဝယ်သူအသစ်ဆီ ရောင်းလိုက်တာဖြစ်ပြီး တစ်သင်းလုံးမှာ တစ်ယောက်တည်းပါတဲ့ တော်တဲ့ကစားသမားကပါ တခြားအဖွဲ့ကိုပြောင်းသွားလို့ အဖွဲ့စိတ်ဓာတ်ပျက်ပြားပြီး ဖြစ်ချင်ရာဖြစ်နေကြတာပါ။ ဒီအဖွဲ့ရဲ့ ပိုင်ရှင်အသစ်က ဂင်ဝူဂျင်ကို တစ်ပွဲနိုင်ရင်ရပြီဆိုတဲ့ ကတိကဝတ်နဲ့ စာချုပ်ချုပ်ပြီး စလေ့ကျင့်ခဲ့ရပါတော့တယ်။ နည်းပြကိုပါမလေးစား၊ ဗရုတ်သုတ်ခ တစ်ယောက်နဲ့တစ်ယောက်မတည့်ကြတဲ့ အဖွဲ့ကို ဂင်ဝူဂျင်တစ်ယောက် ဘယ်လိုထိန်းသွားရမလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

တည်းခိုခန်းတစ်ခုတွင် အမျိုးသမီးအလောင်းတစ်ခုကိုတွေရှိရာမှ စုံသမ်းစစ်ဆေးမှုတွေပြုလုပ်ခဲ့ရာ ဆေးရုံမှ အလုပ်သင်သမားတော်တစ်ဦးဖြစ်ကြောင်း ရဲများက အတည်ပြုနိူင်ခဲါသည်။ စုံစမ်းစစ်ဆေးမှုအတွင်း ရဲအရာရှိများဖြစ်သည့် လုထင်၏မိဘများက အမှုတွင်ပါဝင်ပတ်သက်နေကြောင်းတွေ့ရှိခဲ့သည်။ သို့သော် လူသတ်မှု၏နောက်ကွယ်တွင် ကြေကွဲဖွယ်အတိတ်တစ်ခုကိိုရှာတွေေ့ခဲ့ပြီး အခြားတစ်ယောက်ရှိနေကြောင်း သိလိုက်ရသည် ဘာသာပြန်အညွှန်းရေးသားသူမှာ NayChiiဖြစ်ပါသည်

တစ်ချိန်က နာမည်ကျော်မင်းသားကြီးနှစ်လက် ပါ၀င်ထားတဲ့ ဒရမ်မာဇာတ်မြူးတစ်ပုဒ်နဲ့ မိတ်ဆက်ပေးပါရစေ။ နှစ်တွေဘယ်လောက်ကြာကြာ အခုထိ‌ မရိုးအီနိုင်ဘဲ ကြည့်လိုကောင်းနေဆဲ... အဟောင်းထဲက တကယ့်ဇာတ်လမ်းကောင်း ဖြစ်ပါတယ်။ ဇာတ်လမ်းထဲမှာ ဝေါလ်တာဟာ ကုမ္ပဏီကြီးတစ်ခုရဲ့ အမှုဆောင်အရာရှိဖြစ်ပြီး ရွှေပုံပေါ်ထိုင်နေရသူလို အများကမြင်ကြသူတစ်ယောက်ပါ။ တကယ်တမ်းတော့ သူ့ဘ၀ဟာ ထိန်းချုပ်လွန်းတဲ့ ကုမ္ပဏီပိုင်ရှင် ယောက္ခထီးကြီးနဲ့ အခြေကြီးတဲ့ရွှေမင်းသမီးလို ဇနီးသည်ရဲ့ ရုပ်သေးရုပ်သာသာပါပဲ။ တစ်နေ့တော့ သူ့ဘ၀ကို အကြီးအကျယ်ပြောင်းလဲသွားစေမဲ့သူ‌ ပေါ်လာပါတယ်။ အဲဒါကတော့ ရော်ဂျာဆိုတဲ့ အသက် ၁၇ နှစ်အရွယ် လူမည်းကောင်လေးပါပဲ။ ရော်ဂျာဟာ ဝေါလ်တာနဲ့ သူ့ရဲ့ငယ်ကျွမ်းဆွေဖြစ်တဲ့ လရိန်းတိုကရတဲ့ သားပါ။ ဝေါလ်တာကိုယ်တိုင်က သူ့ရှေ့ကို ရော်ဂျာရောက်လာတော့မှ ဒီအဖြစ်ကိုသိခဲ့ရပြီး လရိန်းလည်း ကွယ်လွန်သွားခဲ့ပါပြီ။ ရော်ဂျာရောက်လာချိန်ကစလို ဝေါလ်တာဘ၀ဟာ မုန်တိုင်းထန်တော့တာပါပဲ။ မိန်းမနဲ့ယောက္ခမရဲ့ပညာပေးမှုကြောင့် ဝေါလ်တာတစ်ယောက် ကုမ္ပဏီအမှုဆောင်လူကြီးဘ၀ကနေ ကုန်းကောက်စရာမရှိတဲ့ ဘ၀ ရောက်သွားပါတယ်။ အဲဒီနောက်ပိုင်း ဝေါလ်တာနဲ့ရော်ဂျာတိုသားအဖ ဘယ်လို၀ရုန်းသုန်းကားတွေ ဆက်ဖြစ်ကြမလဲ၊ နှစ်ယောက်ပေါင်းပြီး ဘာတွေတလွဲလုပ်ကြမလဲဆိုတာကို ဒရာမာလေးခပ်ပါးပါးနှောပြီး ရယ်ရွှင်စရာကြည့်ရမှာ ဖြစ်ပါတယ်။ ငွေရှိမှ ခင်ချင်ကြတဲ့ လူတွေရဲ့အကြောင်းနဲ့ အဲဒီခေတ်က လူတန်းစားခွဲခြား

ဒီတစ်ခါတင်ဆက်ပေးချင်တာကတော့ IMDb-6.1 လောက်ရှိတဲ့ ရုရှားစကားပြော Thriller/ Suspense ရုပ်ရှင်ဇာတ်ကားတစ်ကားဖြစ်ပါတယ်။ ‘အီဂေါ’က သားဖြစ်သူ ‘ဗော့ကာ’ မူးယစ်ဆေးပြတ်စေဖို့အတွက် သူတို့ရဲ့ မွေးရပ်ဇာတိမြေ ရွာလေးတစ်ရွာကို ပြန်လာခဲ့ကြတယ်။ အစီအစဉ်ကတော့ အဲ့ရွာက သူ့သူငယ်ချင်းဆီမှာတစ်ညနားပြီး နောက်တစ်နေ့မနက် တိုင်ဂါက ဆောင်းခိုအိမ်မှာ သားအဖနှစ်ယောက်တည်း အေးဆေးလေးသွားနေမလို့ပါပဲ။ အေးဆေးဆိုပေမယ့် ‘ဗော့ကာ’က ယင်းထလာတဲ့အခါ အခြေအနေတော်တော်ဆိုးလို့ သူငယ်ချင်းအိမ်မှာ သံကြိုးနဲ့တောင် ခတ်ထားရတဲ့အခြေအနေပါ။ ဖအေလုပ်သူကိုလည်း “သူတောင်းစားကြီး မျိုးမစစ်ကြီး” ဘာညာနဲ့မိုးမွှန်အောင်ဆဲတာ။ ဒါပေမဲ့နောက်တစ်နေ့မနက် သူတို့ထွက်သွားကြမယ်လို့ပြင်ခါမှ သတင်းရတာက ဝံပုလွေတွေသောင်းကျန်းပြီး နေ့ခင်းကြောင်တောင် လူတွေကိုတိုက်ခိုက်၊ အူထုတ်ပြီးဗိုက်ဖောက်စားတဲ့အခြေအနေ ရောက်လို့ ရဲတွေကခြေချင်းလိမ်ပြီး ဘယ်ကိုမှထွက်မရဖြစ်နေပါတော့တယ်။ နောက်မှသိလိုက်ရတာက တောထဲက ဝံပုလွေတွေဆီမှာ အုပ်စုလိုက်ကြီးခွေးရူးပြန်ရောဂါကူးစက်ပျံ့နှံ့နေတယ်ဆိုတာပါပဲ။ သားလုပ်တဲ့လူက အသိစိတ်မကပ်တော့တာမှ ဝံပုလွေနဲ့အီဂေါ တိုက်ရယ်ခိုက်ရယ်ဖြစ်ရင်တောင် ဝံပုလွေဘက်ကနေ လက်ခုပ်လက်ဝါးတီးပြီး အားပေးနေတဲ့လူပါ။ အဲဒီသားအဖနှစ်ယောက် ဘယ်လိုရှေ့ဆက်ကြမလဲဆိုတာကို ဆက်လက်ကြည့်ရှုလိုက်ကြပါဦး။ အညွှန်းနဲ့ ဘာသာပြန်ကိုတော့ Leon K Zaw ကတင်ဆက်ထားပါတယ်။

ဘရာဇီးနိုင်ငံ၊ ရီယိုဒီဂျနေးရိုးမြို့က ဖာဗယ်လာဆိုတဲ့ ဆင်းရဲသားရပ်ကွက်မှာ ဖြစ်ပျက်ခဲ့တဲ့ ဒုစရိုက်မှုတွေ ဆေးအရောင်းအဝယ်သမားတွေနဲ့ မကောင်းမှုတွေကြီးစိုးနေတဲ့ လက်နက်ကိုင်အဖွဲ့အစည်းတွေအကြောင်းကို ရိုက်ကူးထားတာပါ။ ဖြစ်ရပ်မှန်တွေနဲ့ Number One ဆိုတဲ့စာအုပ်ကို မှီငြမ်းထားပြီး လူဆိုးဂိုဏ်းခေါင်းဆောင်ရဲ့မိန်းမဖြစ်လာတဲ့ ရေဘက်ကာရဲ့ဘဝအကြောင်းကို ရှုစားရမှာပါ။ ကိုးနှစ်အရွယ်မှာ ဆေးသမားအဘွားကနေ သူဆေးဝယ်တဲ့ဂိုဏ်းဆီ ရောင်းစားခံရတဲ့ ရေဘက်ကာဟာ ငယ်ငယ်တည်းက မသမာမှုတွေ ကိုကိန်းတွေ ဆေးခြောက်တွေနဲ့ မစိမ်းပါဘူး။ သူ့ကိုမွေးစားထားတဲ့ ခေါင်းဆောင်အာမိုရိုဆိုက ပညာသင်ပေးပြီး သူ့လုပ်ငန်းမှာ ခိုင်းစားခဲ့ပါတယ်။ နောက်ပိုင်းမှာ ရေဘက်ကာတစ်ယောက် အချစ်နဲ့တွေ့သွားပြီး သူတို့အသိုင်းအဝိုင်းမှာလည်း ခေါင်းဆောင်အပြောင်းအလဲတွေ၊ သစ္စာဖောက်တာတွေနဲ့ ကြုံရတာကို ရင်ဆိုင်ဖြေရှင်းရမှာပါ။ မက္ကဆီကိုတို့ လက်တင်အမေရိကတို့က မူးယစ်ဂိုဏ်းတွေ crime တွေနဲ့မတူတဲ့ vibe နဲ့ action တွေကို ကြည့်ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

စုံထောက်ဇာတ်ကားကောင်းတွေကြိုက်တတ်ရင် လုံးဝလက်လွှတ်မခံပါနဲ့ 2024 မှာထွက်ခဲ့တဲ့ "Chaalchitro"ဆိုတဲ့ဇာတ်ကားကတော့ ကာလကတ္တားရဲ့အကြီးကျယ်ဆုံးကွင်းဆက်လူသတ်မှုအ‌ကြောင်း ရိုက်ကူးထားပါတယ် အကြောင်းအမျိုးမျိုးကြောင့် မင်္ဂလာပွဲပျက်သွားတဲ့ မိန်းမပျိုများဟာ ညတွေမှာရက်စက်စွာ သတ်ဖြတ်ခံကြရပါတယ် သေဆုံးပြီးနောက်မှာလည်း "နတ်ဘုရားမ"ပုံစံဆင်ယင်ပြီး နံရံမှာချိတ်ဆွဲခံကြရတယ်... တစ်ဘက်မှာ ဒီအမှုတွေကိုစုံစမ်းဖော်ထုတ်မယ့် ထိပ်တန်းရဲအရာရှိ "ကာနစ်ရှ်ကာ" ဒီလိုကွင်းဆက်သတ်ဖြတ်မှုတွေကို သူဖော်ထုတ်နိုင်ပါ့မလား? လူသတ်ကောင်ကိုဖမ်းဆီးနိုင်ပါ့မလား? စိတ်ဝင်စားဖွယ် စုံစမ်းစစ်ဆေးမှုတွေအပြင် လူသတ်သမားတွေရဲ့အတွေးကိုပါ ရှုထောင့်အမျိုးမျိုးရိုက်ကူးထားတာမို့ ကြည့်ရတာတန်တဲ့ဇာတ်ကားဖြစ်ဖို့ အာမခံပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒန်နီဒိုလင်စကီဟာ တစ်ချိန်တုန်းက လုပ်ကြံသတ်ဖြတ်တဲ့နေရာမှာ ပြိုင်ဘက်ကင်း နာမည်ကျော်တစ်ယောက်ပါ။ ဒါမဲ့ သူ့လုပ်သက်အနှစ် 30ကျော်လာပြီး ဒဏ်ရာရလို့ခွဲစိတ်မှုလုပ်ရချိန်မှာ သူ့ကုမ္ပဏီက သူ့ကို Gen Z မျိုးဆက်သစ် လူငယ် ဝီလ်‌ဘော့နဲ့ အတူတွဲပြီး မစ်ရှင်လုပ်ခိုင်းပါတယ်။ သက်ကြားအိုဖြစ်နေတဲ့ ဒိုလင်စကီက သူ့ကိုယ်သူ အတွေ့အကြုံရှိပြီး အတော်ဆုံးလို့ ထင်နေသေးတဲ့အတွက် သူနဲ့အသက်လည်းကွာ တွေးခေါ်ပုံလည်း မတူတဲ့ ဝီလ်ဘော့နဲ့ တကျက်ကျက်ပါပဲ။ ဒါမဲ့ ဒိုလင်စကီရဲ့ အတွေ့အကြုံနဲ့ ဝီလ်ဘော့ရဲ့ အရည်အချင်းတွေကို ပေါင်းစပ်လိုက်ရင်တော့ သူတို့က အဖွဲ့ကောင်းဖြစ်နေတာပါ။ သူတို့အတူ မစ်ရှင်လုပ်ရာကနေ ကွဲပြဲသွားမလား ပါတနာဖြစ်သွားမလားဆိုတာကတော့ စောင့်ကြည့်မှ သိရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူက‌တော့ Shune Lai KK ဖြစ်ပါတယ်

မေလ ၂၁ ရက်နေ့မှာ မေရီဆိုတဲ့ကောင်မလေး ဗီဇက်ကမ်းခြေမှာအသတ်ခံခဲ့ရတယ်။ လူထုနဲ့မီဒီယာတွေရဲ့ဖိအားပေးမှုနဲ့ စီအိုင်ဘက်စကာက သတင်းထောက်တစ်ယောက်ကိုစိန်ခေါ်ပြီး လူသတ်သမားကို ၁ပတ်အတွင်းဖမ်းနိုင်ဖမ်း မဟုတ်ရင် အလုပ်ထွက်မယ်လို့ကတိပေးလိုက်တယ်။ အဲဒီမှာစီအိုင်ဘက်စကာက မေရီရဲ့အမှုကို ရှီကာကူလမ်ရှားလော့ဟုမ်းဆိုတဲ့ ပုဂ္ဂလိကစုံထောက်ဆီလွှဲပြောင်းပေးလိုက်ပြီး အမှုကိုဖြေရှင်းဖို့တစ်ပတ်အချိန်ပေးလိုက်တယ်။ ဟုမ်းဟာ ရဲမေလက်ရှမီရဲ့အကူညီနဲ့ စုံစမ်းစစ်ဆေးပြီး ဒီအမှုမှာသံသယရှိသူ ၇ယောက်ပါဝင်နေတာကို သိလိုက်ရတယ်။ အဲဒီထဲမှာ ဖုန်းရုံဆိုင်ပိုင်ရှင်၊ မိဘမဲ့ဂေဟာက စေတနာ့အကျိုးဆောင်၊ အလုပ်ဆိုင်းငံ့ခံထားရတဲ့ရဲအရာရှိ၊ ဂျာစီဆိုတဲ့အမျိုးသမီးတစ်ဦးနဲ့ တံငါသည် ၃ဦးတို့ပါဝင်ပါတယ်။ မေရီ့ကိုသတ်ခဲ့တဲ့ တရားခံက ဒီ ၇ယောက်ထဲမှာပါလား၊ ဟုမ်းက ဒီအမှုကိုဘယ်လိုဖြေရှင်းမှာလဲနဲ့ ဟုမ်းတစ်ယောက် စုံထောက်ဖြစ်ခဲ့ရတဲ့အကြောင်းရင်းတွေကို စိတ်ဝင်စားဖို့ကောင်းအောင် ဟာသနှောပြီးရိုက်ကူးထားတဲ့ မှုခင်းဇာတ်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

Rating 7.2/10 အထိရရှိထားတဲ့အိန္ဒိယလက်စားချေအက်ရှင်ဇာတ်ကြမ်း ကားကောင်းလေးတစ်ကားပဲဖြစ်ပါတယ်။ အက်ဒစ်တူမိသားစုက ကာရာလာပြည်နယ်က ရွှေရောင်းဝယ်ရေးမိသားစုများထဲမှ အကျော်ကြားဆုံးမိသားစုတစ်စုဖြစ်ပါတယ်။ မမျော်လင့်တဲ့အဖြစ်အပျက်တစ်ခုက အက်ဒစ်တူမိသားစုဆီကို တုန်လှုပ်ခြောက်ခြားစရာ ရောက်ရှိလို့လာပါတယ်။ အဲဒါကတော့မိသားစုထဲက အငယ်ဆုံးညီဖြစ်သူက လူမဆန်စွာ ရက်ရက်စက်စက်အသတ်ခံလိုက်ရတာပါ။ အိမ်ထောင်ဦးစီးအစ်ကိုကြီးဖြစ်သူ ဂျော့က ညီဖြစ်သူသေဆုံးမှုအတွက် အမှန်တရားကိုဖော်ထုတ်ရန်စုံစမ်းစစ်ဆေးမှုကိုစတင်ခဲ့ပါတယ်။ တစ်ချိန်ထဲမှာပဲ မိသားစုထဲက မွေးစားသားဖြစ်သူ မာကိုကလည်း သူ့နည်းသူဟန်နဲ့ မတရားမှုရဲ့တရားခံကိုရှာဖွေဖော်ထုတ်ဖို့ ကြိုးစားပြန်ပါတော့တယ်။ ကြမ်းကြမ်းတမ်းတမ်းနဲ့သွေးသံရဲရဲ တိုက်ခိုက်ထိုးကြိတ်ခန်းများများနဲ့ လုံးဝကို မပျင်းရစေတဲ့ အက်ရှင်ဇာတ်ကားကောင်းလေးဖြစ်လို့ မလွတ်တမ်းစောင့်ကြည့်ဖို့အတွက် တင်ဆက်ပေးလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu Sin Pwint ဖြစ်ပါတယ်

၂၀၁၉-၂၀၂၀ နောက်ပိုင်း တစ်ကမ္ဘာလုံး Covid-19 ဒဏ်ခံစားရတဲ့ကာလမှာ လူတိုင်းလိုလိုဟာ ရုပ်ပိုင်းနဲ့စိတ်ပိုင်းဆိုင်ရာ ဝေဒနာပေါင်းစုံကို ခံစားခဲ့ကြရတာပါ။ ဒီရုပ်ရှင်ကတော့ အဲဒီကာလကြီးကို ကျောရိုးတည်ပြီး ပြဿနာမျိုးစုံနဲ့ စိတ်မွန်းကျပ်နေကြတဲ့ လူ ၄ ယောက်ရဲ့စိတ်ထွက်ပေါက်ရှာပုံကို ဟာသနဲ့ဒရာမာနှောပြီး ရိုက်ကူးထားတာ ဖြစ်ပါတယ်။ မိဘနှစ်ပါးကိုဆုံးရှုံးပြီး ကပ်ရောဂါကာလကြောင့် မွေးကင်းစသမီးလေးနဲ့ပါ ခွဲနေရတဲ့ ဆိုရီနာ... ရည်းစားနဲ့ကွဲပြီး အထီးကျန်မွန်းကျပ်နေတဲ့ အေမီ... အကြွေးပတ်လည်ဝိုင်းနေရတဲ့ကြား ကိုဗစ်ကာလမှာ အလုပ်တွေမဖြစ်မြောက်တာကြောင့် ပီဇာလိုက်ပို့ နေရတဲ့ လန်နီ.... လူတွေနဲ့ခပ်ကင်းကင်းနေတတ်ပြီး အပြင်ပန်းမှာ ခက်ထန်သလောက် အတွင်းမှာကြိတ်ပြိုလဲနေရတဲ့ ဒေးလ်.... တစ်နေ့မှာတော့ အကြောင်းကိစ္စတွေ တိုက်ဆိုင်ပြီး ကိုယ့်ဒုက္ခတွေနဲ့ကိုယ် ပြိုလဲနေကျတဲ့ သူတို ၄ ဦးဟာ အေမီရဲ့အိမ်မှာ မထင်မှတ်ဘဲ ဆုံရဖို့ဖြစ်လာပါတယ်။ အဲဒီအခါမှာ ‌မွန်းကျပ်နေတဲ့သူတိုရဲ့စိတ်တွေကို ထွက်ပေါက်ပေးဖို့အတွက် ဆေးချမိရာကနေ ဆေးလွန်ပြီး စိတ်ကူးနဲ့လက်တွေ့ ရောထွေးကုန်ပါတယ်။ အဲဒီကနေ စိတ်ကူးယဉ်ကမ္ဘာတွေထဲ လွင့်မျောသွားကြပြီး သူတိုရဲ့မသိစိတ်ကဖြစ်လာတဲ့ နောင်တတရားတွေ စိတ်ဒဏ်ရာတွေ ပေါ်ထွက်လာပါတော့တယ်။ ဒီလိုနဲ့ သူတိုရဲ့စိတ်ဒဏ်ရာတွေ ဘယ်လိုရင်ဆိုင်ကြမလဲ၊ ဆေးလွန်နေတဲ့သူတွေအနေနဲ့ မသိစိတ်က လိုရာစွဲဖန်တီးထားတဲ့ စိတ်ကူးယဉ်ကမ္ဘာကြီးထဲက လွတ်မြောက်နိုင်လာ

ဒီတစ်ခေါက်ဇာတ်လမ်းကတော့ ဆန်းတယ်လို့ဆိုရပါမယ်။ နှစ်သန်းပေါင်းများစွာကုန်ဆုံးပြီး ကမ္ဘာပျက်ကပ်ဆိုက်လို့ လူသားမျိုးနွယ်တွေ မျိုးတုန်းသွားတဲ့အချိန် ကမ္ဘာပေါ်ကျန်ခဲ့တဲ့ ဉာဏ်ရည်ရှိ ဗော်ယာနဲ့ အာကာသထဲကဂြိုလ်တုတို့ အွန်လိုင်းမှာ ချိတ်ဆက်မိပြီး လူသားတွေရဲ့ နေထိုင်မှုပုံစံ၊ ဘဝနဲ့ အချစ်ကို နားလည်ဖို့ သင်ယူလေ့လာတဲ့ ဇာတ်အိမ်ဖြစ်ပါတယ်။ ‌ဗော်ယာက အင်တာနက်ကတစ်ဆင့် လူသားတွေအကြောင်း ရှာဖွေပြီး သူ့ကိုယ်သူ မီ(Me) ဂြိုလ်တုကို အိုင်အမ်(Iam)လို့ သတ်မှတ်လိုက်ပါတယ်။ မီက သူသဘောကျတဲ့ ဘလော့ဂါစုံတွဲ ဒေဂျာနဲ့လီယံတို့ရဲ့ ဗီဒီယိုတွေကိုကြည့်ပြီး သူတို့အတိုင်း လိုက်လုပ်ဖို့ ကြိုးစားပါတယ်။ ဉာဏ်ရည်မြင့်တဲ့ AI နည်းပညာသုံး စက်ပစ္စည်းနှစ်ခုက လူသားခံစားချက်တွေကို နားလည်ပြီး ဆင့်ကဲပြောင်းလဲသွားကာ ဘဝတစ်ခု အတူတည်ဆောက်ကြပုံကို ရှုစားရမှာပါ။ Me အဖြစ် Kristen Stewart နဲ့ Iam အဖြစ် Steven Yeun တို့ပါဝင်သရုပ်ဆောင်ထားပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ရဲအရှိတစ်ယောက်နဲ့သူ့ရဲ့သစ္စာရှိခွေးလေးဂရိတ်တို့ဟာ ကြောင်ဆိုးတစ်ကောင်ကိုဖမ်းဆီးရင်းနဲ့ ကားမတော်တဆမှုဖြစ်ပွားခဲ့ပါတယ်။ ခွေးလေးဂရိတ်ကိုတော့ ကယ်တင်နိုင်ခဲ့ပေမဲ့ အရာရှိကိုတော့မကယ်နိုင်ခဲ့ကြပါဘူး။ အဲဒီ့ကနေမှ ခွေးရဲ့ဦးခေါင်းနဲ့ လူရဲ့ခန္ဓာကိုယ်တို့ကိုပေါင်းစပ်ပြီး ခွေးလူသားလေးဖန်တီးလိုက်ပါတယ်။ ခွေးလူသားလေးရဲ့လူထုအကျိုးပြုလုပ်ငန်းတွေလုပ်ကိုင်ရင်းနဲ့ တစ်နေ့မှာလမ်းဘေးကြောင်လေးတစ်ကောင်ကို ကားတိုက်မလိုဖြစ်တာကိုမြင်ပြီး ကယ်တင်ခဲ့ပါတယ်။ သွားစရာမရှိတဲ့စွန့်ပစ်ကြောင်လေးကို သနားစိတ်ဝင်ပြီးအိမ်ခေါ်လာမိပါတော့တယ်။ သူခေါ်လာမိတဲ့ကြောင်လေးရဲ့ပိုင်ရှင်ဟာ မထင်မှတ်ထားတဲ့သူဖြစ်နေတဲ့အခါဘာတွေဆက်ဖြစ်ကြမလဲ။ ကိုယ်ချစ်ရတဲ့သူအန္တာရာယ်ကြုံလာတဲ့အခါ ရန်သူနဲ့လဲမိတ်ဆွေဖွဲ့နိုင်တဲ့ ဇာတ်ဝင်ခန်းလေးကတော့ ရင်ထဲအထိဆုံးပါပဲ။ ကာတွန်းကားတစ်ကားကပေးမဲ့ဘဝသင်ခန်းစာ၊ အတုယူစရာတွေကို လက်မလွှတ်ချင်ရင်တော့ သေချာပေါက်ကြည့်သင့်တဲ့ကာတွန်းဇာတ်လမ်းကောင်းတစ်ခုပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Yuri ဖြစ်ပါတယ်

ထျန်အိမ်တော်၏ ကျိုချန် နတ်ဆိုး အဆောက်အဦးတွင် ထူးဆန်းသော အဖြစ်အပျက်များ ဆက်တိုက် ဖြစ်ပွားနေခဲ့တာကြောင့် စုံထောက်ဒီးဟာ သဲလွန်စများစတင်ရှာဖွေခဲ့ပါသည် သူသည် ထျန်အိမ်တော်ကို စုံစမ်းစစ်ဆေးရန်သွားရောက်ခဲ့ပြီး စုံးစမ်းခဲ့ရာ ထျန်အိမ်တော်သခင်ရဲ့ သံသယဝင်စရာအပြုအမူတွေနဲ့ ထျန်မိသားစုရဲ့ အကြီးဆုံးသခင်မလေးရဲ့ ထူးဆန်းတဲ့အပြုအမူနဲ့ သူမကို စောင့်ကြည့်ခံနေရတယ်ဆိုတဲ့အချက်ကို လျှို့ဝှက်အကြောင်းကြားတဲ့အခါမှာတော့ စုံထောက်ဒီးဟာ အခြေအနေတွေကို စတင်သိရှိလာပြီး မိသားစုလျှို့ဝှက်ချက်များကို ဖော်ထုတ်နိူင်လာခဲ့သည်။ အညွှန်းနဲ့ဘာသာပြန်သူကတော့ NayChii ဖြစ်ပါတယ်