အက်ရှင်ကားများ

ဗန်ဒိန်းပါဝင်ထားတဲ့ ၂၀၁၂ ခုနှစ်ထွက် အက်ရှင်ဇာတ်ကားမှာ ဆမ်ဆန်ဂေါလ်ဟာ ကြေးစားစစ်သားဟောင်းတစ်ယောက်ပါ။ စစ်သားဘဝက အနားယူပြီးနောက် အလွတ်စုံထောက်အဖြစ် လူကုန်ကူးမှုတွေကို အဓိကလိုက်စုံစမ်းခဲ့တယ်။ ဒါပေမယ့် သူ့ရဲ့သတိလက်လွတ်လုပ်ရပ်ကြောင့် မတော်တဆမှုတစ်ခုဖြစ်ပြီး ကလေးမလေးနှစ်ယောက် သေဆုံးခဲ့ရပါတယ်။ အဲဒီအတွက် အပြစ်ရှိတဲ့စိတ်နဲ့ စုံထောက်အလုပ်ကိုပါ စွန့်လွှတ်ကာ အသားရောင်းသူအဖြစ် ဇာတ်မြှုပ်နေထိုင်ခဲ့တယ်။ တစ်နေ့မှာ အမေရိကန် MMA ချန်ပီယံဟောင်း အန်ဒရူးဖေဒန်နဲ့ မိသားစုဟာ တစ်ကျော့ပြန်ထိုးသတ်မယ့်ပွဲအတွက် ဆွေးနွေးဖို့ ဆမ်ဆန်နေထိုင်တဲ့ မော်ဒိုဗာနိုင်ငံကို ရောက်လာကြပါတယ်။ ရောက်ပြီး မကြာခင်မှာပဲ သမီးဖြစ်သူ ဘက်ကီဖေဒန် ရုတ်တရက် ပျောက်ဆုံးသွားတယ်။ ရဲတပ်ဖွဲ့နဲ့ အမေရိကန်သံရုံးအထိ အပူတပြင်း အကူအညီတောင်းပြီး စုံစမ်းခဲ့ပေမယ့် ဘာမှမထူးလာတဲ့အဆုံး မိသားစုက ဆမ်ဆန်ဆီ ရောက်လာကြပါတယ်။ ဒီလိုနဲ့ အနားယူနေတဲ့ ကြေးစားစစ်သားဟောင်းဟာ ပျောက်ဆုံးနေတဲ့ ကလေးမလေးကို လိုက်ရှာဖို့ ပြန်လုပ်ရပါတော့တယ်။

သဘာဝသမိုင်းပြတိုက်မှာ ညစောင့်လုပ်ခဲ့တဲ့ လယ်ရီ ဒဲလ်လေဟာ အခုတော့ သူတီထွင်ထားတဲ့ အိမ်သုံးပစ္စည်းတွေကို ရောင်းချရင်း အောင်မြင်တဲ့ လူသုံးကုန်ပစ္စည်းကုမ္ပဏီတစ်ခုရဲ့ CEO ဖြစ်နေပါပြီ။ သူ့ရည်မှန်းချက်အတိုင်း အလုပ်လုပ်နိုင်ခဲ့ပေမယ့် ပြတိုက်ဟောင်းကို အလည်ပြန်ရောက်လာတဲ့အခါ အရင်က မိသားစုလိုဖြစ်ခဲ့တဲ့ မိတ်ဆွေတွေ တကွဲတပြားစီ ဖြစ်ရတော့မယ်ဆိုတာ သိလိုက်ရတယ်။ လူကြိုက်နည်းလာတဲ့ ပြတိုက်ပစ္စည်းတွေကို ခေတ်မီသုံးဖက်မြင်စက်ပစ္စည်းတွေနဲ့ အစားထိုးဖို့ စီစဉ်နေပြီး အရုပ်တွေကိုတော့ ပြည်ထောင်စုမော်ကွန်းတိုက်ရဲ့ မြေအောက်ခန်းဆီ ပို့တော့မှာပါ။ လယ်ရီ ထွက်သွားခဲ့တာကို စိတ်နာနေကြတဲ့ မိတ်ဆွေတွေထဲမှာ စကားနာထိုးသူလည်းရှိသလို သူ့ကို မကြည့်ချင်လို့ မျက်နှာလွှဲသူလည်း ရှိတယ်။ လယ်ရီက သူတို့နဲ့ တစ်ညတာအတူနေပြီး နှုတ်ဆက်ခဲ့ပါတယ်။ ဒါပေမယ့် မျောက်ကလေး ဒက်ဇ်တာက ရွှေကျောက်စာကို မော်ကွန်းတိုက်ရဲ့ အောက်ထပ်ဆီ ခိုးယူသွားတဲ့အခါ ကမ္ဘာ့အကြီးဆုံးပြတိုက်ကြီး အသက်ဝင်လာတယ်။ အသက်ဝင်လာသူတွေထဲမှာ လယ်ရီ့မိတ်ဆွေ အခမ်းရာ့ရှ်ရဲ့ အစ်ကိုလည်း ပါလာပါတယ်။ သူဟာ စိတ်ဓာတ်ယုတ်ညံ့လို့ ထီးနန်းမအပ်ခံခဲ့ရတဲ့ ဖာရိုဘုရင်မျိုးရိုးဝင်တစ်ယောက်ဖြစ်ပြီး ကမ္ဘာကို အုပ်စိုးချင်နေသူပါ။ သူက လယ်ရီ့လက်ထဲက ကျောက်စာကို လုယူပြီး တမလွန်မြေအောက်ကမ္ဘာက မိစ္ဆာစစ်တပ်ကို ခေါ်ထုတ်ဖို့ ကြိုးစားလာပါတယ်။ ဒီစွန့်စားခရီးမှာ လယ်ရီနဲ့အတူ လိုက်ပါကူညီသူကတော့ သတ္တိရှိတဲ့ အမျိုးသမီးလေယာဉ်မှူးတစ

တာဝန်ကျနေတဲ့ ရဲနှစ်ယောက်ဟာ ဂိုဏ်းတစ်ဂိုဏ်းကို စောင့်ကြည့်ရင်း လုပ်ကြံမှုတစ်ခုကို မျက်မြင်တွေ့လိုက်ရပါတယ်။ ဒီအကြောင်းကို သိသွားတဲ့ ဂိုဏ်းခေါင်းဆောင်က သူ့လက်သား Gabe ကို အဲဒီရဲနှစ်ယောက်အား သတ်ပစ်ဖို့ ခိုင်းလိုက်တယ်။ လူရှေ့မှာတော့ သူက မြေသူဌေးတစ်ယောက်အဖြစ် ဟန်ဆောင်နေသူပါ။ မျက်မြင်သက်သေတွေကို ရှင်းပစ်ဖို့ ကြိုးစားရာကနေ ပြစ်မှုတွေနဲ့ ပြဿနာတွေ တစ်ခုပြီးတစ်ခု ဆက်ဖြစ်လာပြီး အခြေအနေက ပိုကြီးထွားလာပါတယ်။ ဒီအရှုပ်အရှင်းထဲမှာ ပါဝင်နေတဲ့ မရိန်းတပ်သားဟောင်းတစ်ယောက်အတွက်တော့ သူ့ရဲ့ဂုဏ်သိက္ခာကိုပါ ရင်းရမယ့်အထိ ဖြစ်လာတယ်။ Bruce Willis ပါဝင်ထားပေမယ့် အဓိကဇာတ်ဆောင်အဖြစ် သရုပ်ဆောင်ထားတာတော့ မဟုတ်ပါဘူး။

ယူဂုံဖြောင်းဟာ ကိုယ့်ဘဝကို ငြီးငွေ့နေသူတစ်ယောက်ပါ။ ငယ်ငယ်ကတော့ ကျားမျက်နှာဖုံးလို ဖြစ်ချင်ခဲ့ပြီး အဲဒီမျက်နှာဖုံးနောက်က လူရဲ့မျက်နှာအစစ်ကို သိထားတဲ့ တစ်ဦးတည်းသောသူလည်း ဖြစ်ပါတယ်။ တစ်နေ့မှာ သူ့အမေဆုံးသွားပြီး ရက်အနည်းငယ်အကြာမှာပဲ သူ့ကို အားပေးရင်း ပညာတွေသင်ပေးခဲ့တဲ့ ဂျီယာ့ဆာက အဘိုးလည်း ဆုံးသွားခဲ့တယ်။ အဘိုးမှာ ဘိုမီဆိုတဲ့ မြေးမလေးတစ်ယောက်ရှိပြီး ဂုံဖြောင်းအတွက် သေတ္တာလေးတစ်လုံး ချန်ထားခဲ့ပါတယ်။ ဂုံဖြောင်းက အဲဒီသေတ္တာကို ဖွင့်ကြည့်လိုက်တဲ့အခါ ကျားမျက်နှာဖုံးကို တွေ့သွားတယ်။ ဂျီယာ့ဆာကို လိုချင်နေကြတဲ့ ဂျပန်လူမျိုးတွေရဲ့ လုယူမှုကို သူတားဆီးနိုင်မလား၊ ဟီးရိုးတစ်ယောက်အနေနဲ့ အနိုင်ရနိုင်ပါ့မလားဆိုတာကို အက်ရှင်နဲ့ ဟာသရောစပ်ထားတဲ့ စွန့်စားခန်းတွေနဲ့ ဆက်ပြထားပါတယ်။

မရိန်းတပ်သား မယ်လိုရိကိန်းကို ပုဂ္ဂလိကကုမ္ပဏီတစ်ခုက အရေးကြီးပုဂ္ဂိုလ်တစ်ယောက်ကို ကယ်တင်ပေးဖို့ ငှားရမ်းလိုက်ပါတယ်။ သူက တာဝန်ကို သွားရောက်ဆောင်ရွက်ပေးခဲ့ပေမယ့် သူ့ကို အလိုမကျသူတစ်ယောက်ရဲ့ အကွက်ကျကျစီစဉ်မှုကြောင့် လူသတ်သမားအဖြစ် ဝရမ်းထုတ်ခံလိုက်ရတယ်။ ဒါတင်မကဘဲ ကြေးစားလူသတ်သမားတွေကပါ သူ့နောက်ကို လိုက်သတ်လာကြပါတယ်။ ၂၀၁၁ ခုနှစ်ထွက် Haywire မှာ မယ်လိုရိကိန်းအဖြစ် Gina Carano က သရုပ်ဆောင်ထားပါတယ်။ Deadpool နဲ့ The Mandalorian တို့မှာ ပါဝင်ခဲ့တဲ့ သူဟာ အရင်က MMA တိုက်ခိုက်ရေးသမားတစ်ယောက်လည်း ဖြစ်ခဲ့သူပါ။ ဒီဇာတ်ကားမှာတော့ ဝရမ်းထုတ်ခံရပြီး ကြေးစားလူသတ်သမားတွေရဲ့ ပစ်မှတ်ဖြစ်လာတဲ့ မယ်လိုရိကိန်းအကြောင်းကို အက်ရှင်အသားပေး တင်ဆက်ထားပါတယ်။

ဂျိမ်းစ်ဟာ DEA မူးယစ်ဆေးဝါးနှိမ်နင်းရေးအဖွဲ့က အေးဂျင့်ဟောင်းတစ်ယောက်ဖြစ်ပြီး ဇနီးနဲ့ သမီးနှစ်ယောက်အတူ နေထိုင်ပါတယ်။ စစ်ဆင်ရေးကနေ ရလာတဲ့ စိတ်ဒဏ်ရာကြောင့် သူကြုံနေရတဲ့ အဖြစ်အပျက်တွေက တကယ်ဖြစ်နေတာလား၊ စိတ်ထင်နေတာလားဆိုတာ ခွဲခြားဖို့ ခက်နေတယ်။ ဒီဇာတ်ကောင်အဖြစ် မိုက်ကယ်ဂျိုင်ဝိုက်က သရုပ်ဆောင်ထားပါတယ်။ သူတို့နေတဲ့အိမ်ဟာ ဘဏ်ဓားပြအဖွဲ့တစ်ဖွဲ့ ထောင်မကျခင်က နေခဲ့တဲ့အိမ်ဖြစ်ပြီး အဲဒီအဖွဲ့ ဖွက်ထားခဲ့တဲ့ ငွေသုံးသန်းလည်း အိမ်ထဲမှာ ရှိနေပါတယ်။ ဓားပြခေါင်းဆောင်က အကျင့်ပျက်ရဲတစ်ယောက်နဲ့ ပေါင်းပြီး ငွေပြန်ယူဖို့ ကြိုးစားလာတဲ့အခါ ဂျိမ်းစ်တို့မိသားစုပါ ဒုက္ခကြုံလာရတယ်။ ကိုယ့်စိတ်ထဲက အဖြစ်အပျက်တွေနဲ့ အပြင်ကအဖြစ်မှန်ကို ခွဲရခက်နေတဲ့ ဂျိမ်းစ်အတွက် မိသားစုဆီ ရောက်လာတဲ့ အန္တရာယ်ကိုပါ ရင်ဆိုင်ရတော့မှာပါ။

လာရာခရော့ဖ်ဟာ ဖခင်ရစ်ချက် ပျောက်ဆုံးနေတဲ့ကြားက ဘဝကို ပူပင်ကြောင့်ကြမဲ့ ဖြတ်သန်းနေသူပါ။ တစ်ရက်မှာ ယာဉ်တိုက်မှုကြောင့် အဖမ်းခံရတော့ ဖခင်ရဲ့စီးပွားဖက် အန်နာမစ်လာက အာမခံနဲ့ လာထုတ်ပေးပါတယ်။ ရစ်ချက်ရဲ့ လုပ်ငန်းတွေကို လာရာက အမွေဆက်ခံပြီး ဆက်မလုပ်ရင် ရောင်းပစ်ရတော့မယ်လို့ အန်နာက သတိပေးလာတာကြောင့် လာရာလည်း ဖခင်ရဲ့ရုံးခန်းဆီ သွားခဲ့တယ်။ ရုံးခန်းထဲမှာ ဖခင်ချန်ထားခဲ့တဲ့ ဗီဒီယိုဖိုင်တစ်ခုကို ရှာတွေ့ပါတယ်။ အဲဒီထဲမှာ ဒဏ္ဍာရီဘုရင်မ ဟီမီကိုနဲ့ပတ်သက်တဲ့ သုတေသနအကြောင်းကို ပြောထားပြီး အန္တရာယ်များလွန်းလို့ ဆက်မရှာဖို့၊ အချက်အလက်တွေကို ဖျက်ဆီးပစ်ဖို့ မှာထားတယ်။ လာရာကတော့ ဖခင်ရဲ့ သတိပေးချက်ကြားကပဲ ရှေ့ဆက်ရှာဖို့ ဆုံးဖြတ်လိုက်ပါတယ်။ ဟောင်ကောင်ကို ခရီးထွက်ပြီး ဟီမီကိုဘုရင်မရဲ့ အုတ်ဂူရှိနိုင်တဲ့ ကျွန်းဆီ သွားရာမှာ မုန်တိုင်းမိလို့ သင်္ဘောပျက်သွားတယ်။ ကျွန်းတစ်ကျွန်းပေါ် ကမ်းတင်လာတဲ့ လာရာကို ဟီမီကိုအုတ်ဂူ လိုက်ရှာနေတဲ့ အဖွဲ့ခေါင်းဆောင် မက်သီရက်ဗိုဂယ်က ဖမ်းဆီးထားလိုက်ပါတယ်။ ဗိုဂယ်က ရစ်ချက်ရဲ့ သုတေသနအချက်အလက်တွေကို အသုံးပြုပြီး အုတ်ဂူကို ဆက်ရှာဖို့ ကြံစည်နေသူပါ။ နောက်ပိုင်းမှာ သင်္ဘောကပ္ပတိန် လူရန်က လာရာကို ကယ်ဆယ်ပေးခဲ့ပြီး ဒေသခံရေလုပ်သားတွေရဲ့ အကူအညီကိုလည်း ရရှိခဲ့ပါတယ်။ ကျွန်းပေါ်မှာ ဘာတွေ ဆက်ကြုံရမလဲ၊ ဟီမီကိုကိုရော ဘယ်လိုတားဆီးကြမလဲ။

ဆယ်နှစ်သားလေး ပီးတ်တို့မိသားစုဟာ လက်ရှိနေထိုင်နေတဲ့ အိမ်ကြီးကို အမွေရထားကြပေမယ့် သေတမ်းစာမရှိတာကြောင့် အိမ်ကို လက်လွှတ်ရတော့မယ့် အခြေအနေ ရောက်နေပါတယ်။ အိမ်ကို လွှဲပေးရမယ့် ရှေ့နေကလည်း အိမ်ကြီးကို ဖြိုချဖို့ စိတ်ကူးထားသူပါ။ တစ်ဖက်မှာတော့ အိမ်ထဲက ပစ္စည်းအသေးလေးတွေ မကြာခဏ ပျောက်နေလို့ ပီးတ်က ဘယ်သူ့လက်ချက်လဲဆိုတာ သိဖို့ ကြိုးစားနေတယ်။ ဘယ်လောက်စောင့်ဖမ်းဖမ်း မမိခဲ့ပေမယ့် တစ်နေ့မှာတော့ မထင်မှတ်ဘဲ လက်သည်ကို တွေ့သွားပါတယ်။ ပစ္စည်းတွေ ယူနေသူတွေက ဘော်ရိုရာလို့ခေါ်တဲ့ လူသားသေးသေးလေးတွေ ဖြစ်နေတာကြောင့် ပီးတ်လည်း အံ့ဩသွားရတယ်။ သူတို့ကလည်း ဒီအိမ်ကြီးထဲမှာပဲ နေနေကြတာပါ။ အိမ်ကနေ မကြာခင် ဆင်းပေးရတော့မယ့် ပီးတ်နဲ့ ဘော်ရိုရာလေးတွေဟာ အိမ်ကို မဆုံးရှုံးရအောင် အတူကြိုးစားကြရပါတယ်။ ဒီအချိန်မှာ သေတမ်းစာမရှိဘူးလို့ ပြောထားတဲ့ ရှေ့နေဆီမှာပဲ သေတမ်းစာရှိနေမှန်း သိလာကြတယ်။ အဲဒီစာကို ပြန်ရဖို့ ကြိုးစားရင်း ဘယ်လိုအသက်အန္တရာယ်တွေနဲ့ ကြုံရမလဲ။ ဉာဏ်ကောင်းပေမယ့် ကိုယ်လုံးသေးသေးလေးပဲရှိတဲ့ ဘော်ရိုရာတွေက ကောက်ကျစ်တဲ့ရှေ့နေကို အနိုင်ယူနိုင်ပါ့မလား၊ အိမ်ကို ဖြိုချမယ့်အရေးကိုရော ဝိုင်းကာကွယ်နိုင်ကြမလား။ ၁၉၉၇ ခုနှစ်ထွက် စိတ်ကူးယဉ်ဟာသကားဖြစ်ပြီး လူသေးသေးလေးတွေရဲ့ စွန့်စားခန်းတွေကို မိသားစုနဲ့အတူ ကြည့်နိုင်ပါတယ်။

အနောက်ပင်လယ်က နဂါးမျိုးနွယ်စုတွေဟာ ကောင်းကင်ဘုံတရားရုံးတော်ကို ခစားပြီး ပင်လယ်ပြင်ကို စောင့်ကြပ်ပေးနေကြရပါတယ်။ ဒါပေမဲ့ ကောင်းကင်ဘုံက နတ်မင်းတွေကတော့ နဂါးတွေကို သူတို့အလိုကျ စီမံနိုင်တဲ့သူတွေလို့ပဲ သဘောထားကြတယ်။ မက်မွန်ပွဲတော်ရောက်တိုင်း နဂါးတွေကို စားသောက်ဖွယ်အဖြစ် စားသုံးနေကြတာပါ။ အနောက်ပင်လယ် နဂါးတိုင်းပြည်ရဲ့ အိမ်ရှေ့စံ အောင်လျဲ့က ဒီအဖြစ်ကို လုံးဝ မကျေနပ်ဘူး။ ဒါကြောင့် နဂါးမျိုးနွယ်ရဲ့ အင်အားကို ပြန်လည်စုစည်းပြီး နဂါးအသားစားတဲ့ ဓလေ့ကို ပြောင်းလဲပစ်ဖို့ ဆုံးဖြတ်လိုက်ပါတယ်။ အဲဒီအချိန်မှာပဲ သူနဲ့ လက်ဆက်ဖို့ စီစဉ်ထားတဲ့ မင်းသမီး ပိပေါ်ထန်ကို တွေ့လိုက်ရပြီး မြင်မြင်ချင်း ချစ်မိသွားတယ်။ မောက်မာခဲ့တဲ့ အောင်လျဲ့ဟာ မင်းသမီးကြောင့် စိတ်ထား နူးညံ့လာပေမယ့် သူချစ်ရသူကို ခေါင်းကိုးလုံးမိစ္ဆာဘုရင်က လုယူသွားပါတယ်။ အောင်လျဲ့တစ်ယောက် ချစ်သူအတွက် ခေါင်းကိုးလုံးမိစ္ဆာကို ချေမှုန်းနိုင်ပါ့မလား။ သတ်ဖြတ်ခံနေရတဲ့ သူ့မျိုးနွယ်စုကိုရော ကယ်တင်နိုင်ပါ့မလားဆိုတဲ့ အခက်အခဲနှစ်ခုနဲ့ ရင်ဆိုင်ရပါတော့တယ်။

ပြိုင်ဘက်ကင်း နံပါတ်တစ်ဓားသိုင်းသမား Jian ဟာ သတ်ဖြတ်မှုတွေကို စိတ်ကုန်လာလို့ ဓားသိုင်းကို စွန့်လွှတ်ဖို့ ဆုံးဖြတ်နေပါတယ်။ ဒါပေမဲ့ အဲဒီအချိန်မှာပဲ ဗီလာသခင်ကြီးက သူ့ကို သတ်ဖို့ ကြေးစားတွေ လွှတ်လိုက်တာကြောင့် သေချင်ယောင်ဆောင်ပြီး ရွာတစ်ရွာမှာ ပုန်းအောင်းနေလိုက်ရတယ်။ ရွာမှာ သူ့ကို စောင့်ရှောက်ပေးတဲ့ အိမ်သားတွေနဲ့ သံယောဇဉ် တွယ်လာပေမယ့် အေးအေးချမ်းချမ်း နေရတဲ့ကာလက မကြာလိုက်ပါဘူး။ အရင်က သူလုပ်ခဲ့တဲ့အရာတွေကြောင့် ကံဆိုးမိုးမှောင်ကျမှုက သူ့ဆီ တစ်ဖန် ပြန်ရောက်လာတဲ့အခါ ဓားကို စွန့်လွှတ်ချင်နေတဲ့ Jian တစ်ယောက် ထပ်ပြီး ရင်ဆိုင်ရပါတော့တယ်။

မင်ပြည်ဟာ ချင်ပြည်ရဲ့ ကျူးကျော်တိုက်ခိုက်မှုကို ခံနေရချိန်မှာ ကောရှင်းရယ်လို့ လူသိများတဲ့ ကျန်းချန်ကုန်းဆိုသူ စစ်သူကြီးတစ်ယောက် ပေါ်ထွက်လာပါတယ်။ တိုင်းပြည်နဲ့ လူမျိုးကို ကာကွယ်ဖို့ အသက်ပေးထားသူဖြစ်ပြီး ပြည်သူတွေရဲ့ ယုံကြည်ကိုးစားမှုကိုလည်း ရရှိထားသူပါ။ ဒီဇာတ်ကားက သမိုင်းမှာ တကယ်ရှိခဲ့တဲ့ သူ့ဘဝရဲ့ တစ်စိတ်တစ်ပိုင်းကို ရိုက်ကူးထားတာ ဖြစ်ပါတယ်။ တိုင်းပြည်အတွင်း အရှုပ်အထွေးတွေ ဖြစ်နေပြီး စစ်မီးတောက်လောင်နေတဲ့ကြားမှာ ကျန်းချန်ကုန်းဟာ ပြည်သူတွေကို ကာကွယ်ဖို့ ရင်ဆိုင်ရတယ်။ တိုက်ပွဲတွေမှာ သူ့ဉာဏ်ပညာနဲ့ စစ်ဗျူဟာကို ဘယ်လို အသုံးချသလဲ၊ ရန်သူကို ဘယ်လို တွက်ချက်ရင်ဆိုင်သလဲဆိုတာတွေအပြင် တခြားသူရဲကောင်းတွေရဲ့ အကြောင်းကိုလည်း ပြထားပါတယ်။ ဝါရင့်သရုပ်ဆောင်တွေ ပါဝင်ထားပြီး စစ်ဗျူဟာလှည့်ကွက်တွေနဲ့ ပြင်းထန်တဲ့ တိုက်ပွဲခန်းတွေကို တွေ့ရမှာပါ။

အမေဇုန်ပြည်မှာ အမျိုးသားတွေကို စိတ်နာနေတဲ့ ဘုရင်မကြီးတစ်ပါးက အာဏာနဲ့ မှော်အစွမ်းကို သုံးပြီး တိုင်းပြည်ကို ထိန်းချုပ်ထားပါတယ်။ အမျိုးသမီးတွေက အမျိုးသားတွေကို ဖိနှိပ်ထားကြပြီး အမျိုးသားတွေဟာ ငွေနဲ့ ဝယ်ရောင်းခံရတဲ့ ကျွန်တွေလို နေကြရတယ်။ ဒီဘုရင်မကို နှိမ်နင်းနိုင်တဲ့ တစ်ခုတည်းသောနည်းက ကြယ်တာရာသူရဲကောင်းတစ်ဦးဟာ Excalibur ဓားကို ကိုင်ဆောင်ပြီး သူ့ကို သတ်ပစ်ဖို့ပါပဲ။ သူ့ကို ချေမှုန်းနိုင်သူ ရှိနေမှန်း သိထားတဲ့ ဘုရင်မကလည်း သူရဲကောင်းအလောင်းအလျာကို ရှာဖို့ တိုင်းပြည်ထဲက အမျိုးသားတွေကို လိုက်ဖမ်းနေပါတယ်။ ဒါပေမဲ့ သူရှာနေတဲ့သူက အကြောင်းအမျိုးမျိုးနဲ့ လွတ်မြောက်နေဆဲပါ။ အဲဒီသူရဲကောင်းဟာ ဘယ်သူလဲ၊ Excalibur ဓားကို ဘယ်လို ရှာတွေ့နိုင်မလဲဆိုတဲ့ ဓားရှာပုံတော်နဲ့ ဘုရင်မကို ရင်ဆိုင်ရမယ့်အကြောင်းကို ဟာသနှောပြီး ပြထားပါတယ်။ ပထမကားက သရုပ်ဆောင်တွေ ပြန်ပါလာပေမယ့် ဒီတစ်ခါ ဇာတ်ကြောင်းကတော့ လုံးဝကွဲပါတယ်။ သရုပ်ဆောင်အသစ်တွေလည်း ထပ်ပါလာပြီး ပထမကားမှာ ပါခဲ့တဲ့ Jackie Chan အပြင် Ip Man အဖြစ် လူသိများတဲ့ Donnie Yen ကိုလည်း ဧည့်သည်သရုပ်ဆောင်အဖြစ် တွေ့ရမှာပါ။

တစ်ခေတ်တစ်ခါက မိုက်ဖော်မိုက်ဖက်ဖြစ်ခဲ့ကြတဲ့ သူငယ်ချင်းသုံးယောက်ကို အခြေခံထားတဲ့ မှုခင်းဟာသဇာတ်ကားပါ။ သူတို့ခေတ်မှာတော့ သုံးယောက်စလုံး မခေကြသူတွေဖြစ်ပေမယ့် တစ်နေ့မှာ အလုပ်ကိစ္စကြောင့် သူငယ်ချင်းအချင်းချင်း ပြန်သတ်ရမယ့် အခြေအနေတစ်ခု ပေါ်လာပါတယ်။ အချိန် ဆယ်နာရီလောက်ပဲ ကျန်တော့တဲ့အချိန်မှာ ဒီသူငယ်ချင်းတွေက တက်ညီလက်ညီနဲ့ မြို့တစ်မြို့လုံးကို ပတ်ပြီး မွှေကြတော့တယ်။ တစ်ချိန်က လူမိုက်ကြီးတွေ အခုခေတ်မှာ ဘယ်လိုသောင်းကျန်းကြမလဲဆိုတာကို အကြမ်းအရမ်းအခန်းတွေနဲ့ အလွဲတွေကြားက ဟာသတွေ ရောပြီး ပြထားပါတယ်။ Fisher Stevens ရိုက်ကူးထားပြီး Alfredo James Pacino၊ Christopher Walken နဲ့ Alan Arkin တို့က အဓိကပါဝင်သရုပ်ဆောင်ထားပါတယ်။

မီယန်မက်ဘူးဟာ မွမ်ဘိုင်းက မာဖီယားခေါင်းဆောင် ပါပါကြီးရဲ့ အားအကိုးရဆုံး ညာလက်ရုံးတစ်ယောက်ပါ။ တော်ပြီး ပါးနပ်တဲ့သူဖြစ်သလို ပါပါကြီးနားမှာ နေလာခဲ့တာလည်း ၂၅ နှစ်ရှိနေပြီ။ ပါပါကြီးရဲ့အသက်ကို အကြိမ်ကြိမ် ကယ်ခဲ့ဖူးတာကြောင့် ပါပါကြီးကလည်း သူ့ကို အထူးယုံကြည်အားထားတယ်။ ဒါပေမဲ့ မက်ဘူးမှာ ပါပါကြီးမသိတဲ့ လျှို့ဝှက်ချက်တစ်ခု ရှိနေပါတယ်။ ပါပါကြီးရဲ့ အမြှောင်မယား နင်မီနဲ့ သူနဲ့က တိတ်တိတ်ပုန်း ချစ်ကြိုက်နေကြတာပါ။ မဖြစ်သင့်တဲ့ ဒီအချစ်ရေးနဲ့ ဘေးက မြှောက်ထိုးပင့်ကော်လုပ်သူတွေကြားမှာ မက်ဘူးတစ်ယောက် စိတ်အလိုလိုက်ပြီး ထင်ရာစိုင်းမိလာတယ်။ အဲဒီကနေ သူ့အတွက် ဘယ်လိုအကျိုးဆက်တွေ ဖြစ်လာမလဲဆိုတာကို ဆက်ပြထားပါတယ်။ ရည်မှန်းချက်ကို ကိုယ်ကျင့်တရားနဲ့ မထိန်းနိုင်တဲ့အခါ ကိုယ်တိုင်သာမက ဘေးကလူတွေကိုပါ ထိခိုက်ပျက်စီးစေနိုင်တဲ့အကြောင်းကို Shakespeare ရဲ့ Macbeth ပြဇာတ်နဲ့အတူ မူရင်းအညွှန်းက ဆက်စပ်ပြောထားပါတယ်။ ဆုအမျိုးမျိုးရရှိထားတဲ့ ဒီမှုခင်းဒရာမာမှာ မက်ဘူးအဖြစ် Irrfan Khan က သရုပ်ဆောင်ထားပါတယ်။

စကြဝဠာကြီး မဖန်ဆင်းရသေးခင်ကတည်းက ဖန်ဆင်းရှင်တွေ ရှိနေခဲ့ပါတယ်။ မဟာဖန်ဆင်းရှင် အာရစ်ရှမ်က ပထမဆုံးနေကို ဖန်ဆင်းပြီး စကြဝဠာကို အလင်းပေးခဲ့ရာက သက်ရှိတွေ စတင်ပေါ်ပေါက်လာကြတယ်။ အစပိုင်းမှာတော့ အရာအားလုံး ဟန်ချက်ညီညီနဲ့ သာယာနေခဲ့ပါတယ်။ ဒါပေမဲ့ အာကာသရဲ့ နက်ရှိုင်းတဲ့နေရာတွေမှာ ဒီးဗီးယန့်ဆိုတဲ့ မျိုးစိတ်တွေ ပေါ်လာပြီး အသိဉာဏ်ရှိတဲ့ သက်ရှိတွေကို စားသုံးလာကြတယ်။ စကြဝဠာထဲမှာ ကစဉ့်ကလျားဖြစ်လာတဲ့အခါ အာရစ်ရှမ်က အိုလမ်ပီယာဂြိုဟ်က မသေမျိုးသူရဲကောင်း အီတာနယ်တွေကို စေလွှတ်ပြီး ဒီးဗီးယန့်တွေကို ရှင်းလင်းခိုင်းခဲ့ပါတယ်။ အာဂျက်ဦးဆောင်တဲ့ အီတာနယ်တွေဟာ အာရစ်ရှမ်အပေါ် အမြဲသစ္စာရှိခဲ့ကြသူတွေပါ။ ဒါပေမဲ့ တာဝန်တစ်ခုနဲ့ ကြုံလာရတဲ့အခါ သူတို့အတွက် အရာရာ ပြောင်းလဲလာပါတော့တယ်။

အနာဂတ်ရာစုတစ်ခုမှာ မြစ်ကြီးတစ်စင်းက လူတန်းစားနှစ်ရပ်ကို ပိုင်းခြားထားပါတယ်။ မြစ်အောက်ဘက်ခြမ်းမှာ ဆင်းရဲသားနဲ့ သာမန်လူတွေ နေထိုင်ကြပြီး အပေါ်ဘက်ခြမ်းမှာတော့ လူကုံထံတွေ နေကြတယ်။ အပေါ်ဘက်ခြမ်းကို လွှမ်းမိုးထားတဲ့ အာရုံကြောပိုင်းဆိုင်ရာ အဖွဲ့အစည်းတစ်ခုက အောက်ဘက်ခြမ်းကိုပါ ချုပ်ကိုင်ဖို့ ကြံစည်နေပြီး လူ့ဦးနှောက်ကို ထိန်းချုပ်နိုင်မယ့် ချစ်ပ်ပြားကို တီထွင်နေပါတယ်။ သိပ္ပံပညာရှင်တစ်ယောက်က မူလချစ်ပ်ပြားရဲ့ အားနည်းချက်ကို ရှာတွေ့သွားပြီး ဒုတိယမျိုးဆက်ချစ်ပ်ပြားကို တီထွင်လိုက်တဲ့အခါ ထူးခြားတဲ့ စွမ်းအင်တွေ ထွက်ပေါ်လာတယ်။ ဒါပေမယ့် ဒီတီထွင်မှုရဲ့ အကျိုးဆက်ကို သူ့သမီးကပါ ခံစားရပြီး မိသားစုလည်း အသတ်ခံလိုက်ရပါတယ်။ အဖွဲ့အစည်းက လိုက်ရှာနေတဲ့ ဒုတိယမျိုးဆက်ချစ်ပ်ပြားမှာ ဘယ်လိုစွမ်းအင်တွေ ရှိနေလဲ၊ အဲဒီစွမ်းအင်တွေနဲ့ ဘာတွေ ဆက်ဖြစ်လာမလဲဆိုတာကို အက်ရှင်နဲ့ သိပ္ပံစိတ်ကူးယဉ် ရောစပ်တင်ပြထားပါတယ်။

ကင်နဲ့ သူငယ်ချင်းတစ်သိုက်ဟာ နည်းပြ ဟွိုင်ရဲ့ ဦးဆောင်မှုနဲ့ တာနောင် ဖန်ဒေါင် တောကြမ်းခရီးကို ထွက်လာကြပါတယ်။ အန္တရာယ်များတယ်လို့ နာမည်ကြီးတဲ့ ဒီခရီးမှာ ကင်နဲ့ သူ့အချစ်ဆုံးသူငယ်ချင်း ဘက်သ်တို့ ကတောက်ကဆ ဖြစ်ကြတယ်။ အဲဒီနောက် ဘက်သ်က အဖွဲ့ကနေ ခွဲထွက်သွားပြီး ပျောက်ဆုံးသွားပါတော့တယ်။ ဘက်သ် ပျောက်သွားပြီးမှ သူ့အပေါ် အထင်လွဲခဲ့မိမှန်း ကင် သိလာပါတယ်။ ဒီလိုနဲ့ တောအုပ်ထဲမှာ သူငယ်ချင်းကို ပြန်တွေ့ဖို့ ကင် ကြိုးစားရှာဖွေရတဲ့အကြောင်းကို စွန့်စားခန်းနဲ့ သည်းထိတ်ရင်ဖို ရောစပ်ရိုက်ကူးထားတဲ့ ဗီယက်နမ်ဇာတ်ကားပါ။

၁၉၆၈ ခုနှစ် ဇန်နဝါရီလမှာ မြောက်ကိုရီးယားဘက်က တောင်ကိုရီးယားသမ္မတ Park Chung Hee ကို လုပ်ကြံဖို့ အမှတ် ၁၂၄ တပ်ဖွဲ့ကို စေလွှတ်ခဲ့ပေမယ့် မအောင်မြင်ခဲ့ပါဘူး။ အဲဒီနောက် တောင်ကိုရီးယားဘက်ကလည်း နိုင်ငံပေါင်းစည်းရေးနဲ့ ငြိမ်းချမ်းရေးအတွက်ဆိုပြီး မြောက်ပိုင်းခေါင်းဆောင် Kim Il Sung ကို ပြန်လည်လုပ်ကြံဖို့ ပြင်ဆင်လာပါတယ်။ ဒီတာဝန်အတွက် ဖွဲ့စည်းလိုက်တဲ့ အမှတ် ၆၈၄ အထူးတပ်ဖွဲ့မှာတော့ သေဒဏ်ကျ အကျဉ်းသား ၃၁ ယောက် ပါဝင်နေပါတယ်။ သူတို့ကို လေ့ကျင့်ပေးတဲ့နေရာက တောင်ကိုရီးယား အနောက်ဘက်ကမ်းရိုးတန်း၊ အင်ချွန်းမြို့နယ်နိမိတ်ထဲက လူမနေတဲ့ ရှီမီကျွန်းပါ။ ရှီမီဒိုလို့လည်း ခေါ်တဲ့ ဒီကျွန်းပေါ်မှာ သာမန်စစ်ရေးလေ့ကျင့်မှုထက် အဆပေါင်းများစွာ ပြင်းထန်တဲ့ လေ့ကျင့်ခန်းတွေကို ခံကြရပြီး အသက်သေမှသာ ထွက်ခွင့်ရနိုင်တဲ့ အခြေအနေမျိုးနဲ့ နေကြရတယ်။ ဒါပေမယ့် သေဒဏ်ကို စောင့်နေခဲ့ရသူတွေအတွက် အသက်ရှင်ခွင့်ရတာကိုပဲ ဆုပ်ကိုင်ထားကြပါတယ်။ တာဝန်အောင်မြင်ခဲ့ရင် နိုင်ငံပေါင်းစည်းရေးမှာ အရေးပါတဲ့ စစ်သည်တွေဖြစ်လာမယ်၊ ချမ်းချမ်းသာသာနဲ့ လူတန်းစေ့ ပြန်နေနိုင်မယ်ဆိုတဲ့ မျှော်လင့်ချက်တွေလည်း ရှိနေကြတယ်။ ၁၉၇၁ ခုနှစ်ကို ရောက်လာချိန်မှာတော့ နိုင်ငံရေးအခြေအနေက ပြောင်းသွားပါတယ်။ အရင်က အင်အားသုံးဖြေရှင်းဖို့ ပြင်ဆင်ခဲ့တဲ့ ခေါင်းဆောင်တွေဟာ ငြိမ်းချမ်းရေးဆွေးနွေးဖို့ လိုလားလာကြတယ်။ အဲဒီအခါ လုပ်ကြံရေးအတွက် လျှို့ဝှက်ဖွဲ့စည်းထားတဲ့ တပ်ဖွဲ့ ၆၈၄ ရှိနေခြင်

တောင်ကိုရီးယားနဲ့ မြောက်ကိုရီးယား နယ်စပ်တစ်ဝိုက်မှာ အကြောင်းရင်းမသိရတဲ့ လူသေမှုတွေ၊ လူပျောက်မှုတွေ ဖြစ်နေပါတယ်။ ဒီကိစ္စတွေကို စုံစမ်းဖြေရှင်းဖို့ တောင်ကိုရီးယားဘက်က အထူးတပ်ဖွဲ့တစ်ဖွဲ့ ဖွဲ့စည်းပြီး ၂၄ နာရီကြာ စစ်ဆင်ရေးတစ်ခုအတွက် စေလွှတ်လိုက်တယ်။ နယ်စပ်ကို ရောက်သွားတဲ့အခါ တပ်ဖွဲ့က သာမန်မဟုတ်တဲ့ အဖြေတစ်ခုကို တွေ့လာရပါတယ်။ ဒီအဖြေကို ဖော်ထုတ်ဖို့ ဘယ်လိုအခက်အခဲတွေ ကြုံကြရမလဲ၊ သိသွားတဲ့အခါ ဘာဆက်လုပ်ကြမလဲ၊ နောက်ဆက်တွဲ ဘာတွေဖြစ်လာမလဲဆိုတာကို ဆက်ပြထားတယ်။ ပန့်ဟောက်စ်ထဲက ရှင်းဆူယွန်းအဖြစ် လူသိများတဲ့ အီဂျီအာ ပါဝင်သရုပ်ဆောင်ထားတဲ့ အက်ရှင်နဲ့ လျှို့ဝှက်သည်းဖိုဇာတ်ကားပါ။

အရာရှိပိုလတ်က အသက်အန္တရာယ်ရှိနေတဲ့ မျက်မြင်သက်သေတွေကို ကာကွယ်ပေးရတဲ့ အမေရိကန်အထူးတပ်ဖွဲ့ကပါ။ သူတို့သေသွားပြီလို့ ထင်ရအောင် ဖန်တီးပေးပြီး တရားခွင်မှာ သက်သေထွက်ဆိုရမယ့်အချိန်အထိ ယာယီဖျောက်ထားပေးရတာ ဖြစ်တယ်။ တစ်နေ့မှာတော့ ရာဇဝတ်ကောင်သူဌေးတစ်ယောက်ရဲ့ ဇနီးကို သက်သေအဖြစ် ကာကွယ်ပေးဖို့ သူတာဝန်ယူရပါတယ်။ သက်သေနဲ့အတူ တောင်အာဖရိက ကိပ်မြို့ကို ရောက်လာတဲ့အခါ သူတို့နောက်ကို လိုက်နေတဲ့လူတွေ ရှိနေမှန်း သိလိုက်ရတယ်။ ကိုယ်တိုင်လည်း ထောင်ချောက်ထဲ ရောက်နေပြီဆိုတာ ပေါ်လာတော့ သံသယတွေနဲ့ သစ္စာဖောက်မှုတွေကြားမှာ ရုန်းထွက်ကြရပါတော့တယ်။ ပိုလတ်တို့ ဒီအန္တရာယ်ကို ကျော်လွှားနိုင်မလား၊ ဒါမှမဟုတ် တကယ်ပဲ အစဖျောက်ခံလိုက်ရမလား။

ဆိုင်ကယ်ပြိုင်ရာမှာ ပါရမီရှိလို့ လူတွေ သတိထားမိကြတဲ့ လူငယ်တစ်ယောက်ဟာ သူချစ်နေဆဲ ဇနီးဟောင်းနဲ့ သားလေး ဒုက္ခရောက်နေချိန်မှာ ကိုယ်တိုင်ဝင်ကူဖို့ ဖြစ်လာပါတယ်။ ဇနီးဟောင်းက မူးယစ်ဂိုဏ်းနဲ့ ပတ်သက်မိထားတာကြောင့် ဒီအရှုပ်အထွေးကို သူ့ပြိုင်ဆိုင်ကယ်တစ်စီးနဲ့ ဘယ်လိုဖြေရှင်းမလဲဆိုတာ ဆိုင်ကယ်မောင်းနှင်ခန်းတွေနဲ့အတူ ဆက်ပြထားပါတယ်။ Centauro ဆိုတာ စပိန်လို လူတစ်ပိုင်း၊ မြင်းတစ်ပိုင်းရှိတဲ့ မနုဿမြင်းကို ခေါ်တာပါ။ ရဲစွမ်းသတ္တိ၊ ခွန်အားနဲ့ အပြေးမြန်မှုတို့ကို ရည်ညွှန်းပြီး ဆိုင်ကယ်ပြိုင်သမားလူငယ်နဲ့ နှိုင်းယှဉ်မိတ်ဆက်ထားတာ ဖြစ်တယ်။ အက်ရှင်၊ စွန့်စားခန်းနဲ့ ရာဇဝတ်မှုအကြောင်း ပေါင်းစပ်ထားတဲ့ စပိန်ဇာတ်ကားဖြစ်ပြီး Burn Out ကို ပြန်လည်ရိုက်ကူးထားတာပါ။

၁၉၈၇ ခုနှစ်မှာ ထွက်ရှိခဲ့တဲ့ The Running Man က အဲဒီအချိန်ကနေ နှစ်သုံးဆယ်အကြာ၊ ၂၀၁၇ ခုနှစ်ကို စိတ်ကူးပြီး ဇာတ်အိမ်တည်ထားပါတယ်။ ကမ္ဘာတစ်ဝန်း စီးပွားပျက်ကပ်ကြီး ဖြစ်နေပြီး စားနပ်ရိက္ခာထုတ်လုပ်မှု လျော့ကျလာသလို ရေနံ၊ သဘာဝဓာတ်ငွေ့နဲ့ တခြားသယံဇာတတွေလည်း ရှားပါးပြတ်လပ်နေတဲ့ ကာလပါ။ အမေရိကန်နိုင်ငံကိုတော့ အကြွင်းမဲ့အာဏာရှင်အစိုးရတစ်ရပ်က အုပ်ချုပ်နေတယ်။ နိုင်ငံကို စစ်နယ်မြေတွေ ခွဲထားပြီး စာပေ၊ ဂီတနဲ့ အနုပညာအားလုံးကို ဆင်ဆာနဲ့ ထိန်းချုပ်ထားပါတယ်။ တစ်နေရာနဲ့တစ်နေရာ စာရေးတာ၊ ဖုန်းဆက်တာတွေကို ခွင့်မပြုဘဲ ခရီးသွားဖို့လည်း အစိုးရထုတ်ပေးတဲ့ လက်မှတ်လိုတယ်။ အိမ်ပြင်ထွက်ရင် သွားလာခွင့်လက်မှတ် အမြဲဆောင်ထားရပြီး ညမထွက်ရအချိန် ကျော်လွန်သွားရင် တစ်သက်တစ်ကျွန်းအထိ အပြစ်ပေးခံရနိုင်ပါတယ်။ ရုပ်မြင်သံကြားကိုလည်း အစိုးရက လုံးဝချုပ်ကိုင်ထားပြီး အချိန်ပြည့် ဝါဒဖြန့်နေတယ်။ ပြည်သူတွေ ဆန္ဒပြဖို့ အာရုံမရောက်အောင် ထုတ်လွှင့်ပေးနေတဲ့ အစီအစဉ်တစ်ခုက The Running Man ဆိုတဲ့ လူကြိုက်များတဲ့ ဂိမ်းရှိုးပါ။ ထောင်သားတွေကို ငလျင်ကြောင့် ပျက်စီးနေတဲ့ နယ်မြေထဲ ထည့်ပေးပြီး ကြေးစားလူသတ်သမားတွေက နောက်ကနေ လိုက်သတ်ကြတယ်။ သုံးနာရီပြည့်တဲ့အထိ အသက်ရှင်နိုင်ရင် အနိုင်ရပြီး လွတ်ငြိမ်းချမ်းသာခွင့် ရမယ်ဆိုတဲ့ စည်းမျဉ်းနဲ့ ကစားရတာပါ။ အစိုးရတီဗီက မျက်မြင်တွေ့မှ ယုံကြဖို့ အမြဲပြောနေပေမယ့် ထုတ်လွှင့်သမျှက အမှန်တရားကို တည်းဖြတ်ပုံဖျက်ထားတာတွေ ဖ

ဒူရ်ဂါဆင်းဂ်ဟာ ဆင်းရဲပေမယ့် ရိုးသားတည်ကြည်တဲ့ မုဆိုးမတစ်ယောက်ပါ။ သားနှစ်ယောက်ဖြစ်တဲ့ ကရန်နဲ့ အာဂျွန်ကို သူတစ်ယောက်တည်း ပြုစုပျိုးထောင်လာခဲ့တယ်။ တစ်နေ့မှာတော့ ယောက္ခထီးဖြစ်သူ သာကူးရ်ရဲ့ နောက်ဆုံးအချိန် ရောက်နေပြီဆိုတဲ့ သတင်းကို လူတစ်ယောက် လာပြောရာက သားနှစ်ယောက်လည်း သူတို့မသိခဲ့တဲ့ မိသားစုအကြောင်းကို ကြားသွားကြပါတယ်။ သာကူးရ်ဟာ မြေယာအများအပြား ပိုင်ဆိုင်တဲ့ သူဌေးကြီးဖြစ်ပြီး ကရန်နဲ့ အာဂျွန်တို့ရဲ့ အဘိုးပါ။ သူ့သားက သူသဘောမတူတဲ့ကြားက ဒူရ်ဂါကို လက်ထပ်ခဲ့လို့ အမွေပြတ်စွန့်လွှတ်ထားခဲ့တာ ဖြစ်တယ်။ အခုတော့ မသေခင် မြေးနှစ်ယောက်ကို အမွေလွှဲပေးချင်လို့ လာခေါ်ခိုင်းတာပါ။ ဒါပေမယ့် သာကူးရ်ရဲ့ ဆွေမျိုးတစ်ယောက်ဖြစ်တဲ့ ဒူရ်ဂျန်းက ဒီစည်းစိမ်တွေကို တစ်ယောက်တည်း ရချင်နေတယ်။ မြေးတွေကို စောင့်နေတဲ့ သာကူးရ်ရှေ့မှာ ဒူရ်ဂျန်းက လွန်ခဲ့တဲ့နှစ်တွေက သူ့သားကို သတ်ခဲ့သူဟာ မိမိပဲဖြစ်ကြောင်း ဖွင့်ပြောပြီး သာကူးရ်ကိုပါ သတ်ပစ်လိုက်ပါတယ်။ ရောက်လာတဲ့ ကရန်နဲ့ အာဂျွန်လည်း မလွတ်ကြဘူး။ ဒူရ်ဂျန်းနဲ့ သူ့လူတွေက ညီအစ်ကိုနှစ်ယောက်ကို မိခင်ရှေ့မှာပဲ ညှဉ်းပန်းသတ်ဖြတ်လိုက်ကြတယ်။ သားနှစ်ယောက်လုံးကို ဆုံးရှုံးလိုက်ရတဲ့ ဒူရ်ဂါက ကာလီမယ်တော်ဆီ တိုင်တည်ပြီး သားတွေ လူပြန်ဝင်စားလာကာ ဒီလူတွေကို လက်စားချေနိုင်ပါစေလို့ ဆုတောင်းကျိန်ဆိုပါတော့တယ်။ သူ့ကျိန်ဆိုမှုက ဒူရ်ဂျန်းအပေါ် သက်ရောက်လာမလား၊ ကရန်နဲ့ အာဂျွန်တို့ တစ်ဖန်ပြန်မွေးဖွားလာကြဦးမလား။

မန်နူးဒါဒါက ငွေရဖို့ဆို ဘာမဆိုလုပ်မယ့် လူမိုက်တစ်ယောက်ပါ။ ဘဗ်လူးကတော့ မိခင်ကို ပျော်ပျော်ရွှင်ရွှင် ထားချင်ပြီး ကမ္ဘာ့အတော်ဆုံး စားဖိုမှူး ဖြစ်ချင်နေသူပါ။ စိတ်ထားရော ရည်ရွယ်ချက်ပါ ကွာခြားတဲ့ ဒီဇာတ်ကောင်နှစ်ယောက်စလုံးကို ရှာရွတ်ခန်းက နှစ်ကိုယ်ခွဲ သရုပ်ဆောင်ထားပါတယ်။ မန်နူးကို လိုက်ဖမ်းနေတဲ့ ရဲတွေက ဘဗ်လူးကို လူမှားဖမ်းမိရာက အရှုပ်အထွေးတွေ စလာတယ်။ မန်နူးက ရိုးသားတဲ့ ဘဗ်လူးကို အကောက်ကြံပြီး သူ့ဘဝကိုပါ လုယူချင်လာပါတယ်။ ဘဗ်လူးက ကြောက်တတ်သူဖြစ်ပေမယ့် ကိုယ့်အပေါ် အနိုင်ကျင့်လာသူကို သင်ခန်းစာပြန်ပေးဖို့ ကြိုးစားရတော့တယ်။ သူတို့နှစ်ယောက်ကြားက ပြဿနာထဲ ချစ်သူတွေနဲ့ မိသားစုတွေပါ ပါလာတဲ့အခါ ပိုပြီး ရှုပ်ထွေးလာပါတယ်။ ဇာတ်ကားက သုံးနာရီနီးပါး ကြာမြင့်ပြီး အကအလှတွေပါ ပါဝင်ပါတယ်။