အက်ရှင်ကားများ

ရဲအရာရှိဖြစ်တဲ့ အဖေက တာဝန်ထမ်းဆောင်ရင်း အသက်ဆုံးရှုံးခဲ့ရပြီးနောက် Jiang Miao ဟာ ရဲတပ်ဖွဲ့ကို မုန်းတီးသွားပါတယ်။ သူဝါသနာပါတဲ့ ဓာတ်ပုံဆရာအလုပ်ကို လုပ်ရင်း ဘဝကို ဖြစ်သလို ဖြတ်သန်းနေတယ်။ အစ်ကိုဖြစ်သူ Jiang Lei ကတော့ ပြည်သူတွေအတွက် ကိုယ်ကျိုးစွန့်ပြီး တာဝန်ကျေပွန်ခဲ့တဲ့ အဖေ့ကို သူရဲကောင်းတစ်ယောက်လို့ မြင်ထားသူပါ။ သူကိုယ်တိုင်သာမက ညီဖြစ်သူကိုပါ အထူးရဲတစ်ယောက် ဖြစ်စေချင်နေပါတယ်။ ဒီလို အမြင်ချင်းကွာနေတဲ့ ညီအစ်ကိုနှစ်ယောက်ကြားမှာ Jiang Miao ရဲ့ဘဝကလည်း အလှည့်အပြောင်းတွေ ကြုံလာရတယ်။ လောကဒဏ်နဲ့ အလွဲအမှားတွေကြားကနေ သူမနှစ်သက်တဲ့ အထူးရဲတပ်ဖွဲ့ထဲကိုပဲ ရောက်သွားပါတယ်။ အဲဒီနောက် အထူးတပ်ဖွဲ့ရဲ့ လေ့ကျင့်မှုတွေကို ဖြတ်သန်းရင်း အရည်အချင်းပြည့်မီတဲ့ ပြည်သူ့ရဲတစ်ယောက် ဖြစ်လာပုံကို ရိုက်ကူးထားတဲ့ အက်ရှင်ဇာတ်ကားပါ။

နည်းပညာတိုးတက်လာတဲ့ခေတ်မှာ နယ်မြေစိုးမိုးဖို့ တိုက်ခိုက်မှုတွေကို လက်နက်အင်အားအစား နည်းပညာနဲ့ လုပ်ဆောင်နိုင်တယ်ဆိုတဲ့ အယူအဆကို ကြေးစားဟက်ကာတစ်ယောက်ရဲ့ ဘဝနဲ့ ဆက်စပ်ရိုက်ကူးထားတဲ့ အက်ရှင်သည်းထိတ်ရင်ဖိုဇာတ်ကားပါ။ ယူနစ်ဆိုတဲ့ ဟက်ကာတစ်ယောက်ဟာ ယောက္ခမတွေ ဆုံးသွားပြီးနောက် ဟက်ကာအလုပ်ကို ရပ်လိုက်ပြီး သမီးလေးနဲ့ အေးအေးဆေးဆေး နေထိုင်နေပါတယ်။ တစ်ရက်မှာ အရင်အေဂျင်စီက အလုပ်တစ်ခု ပြန်လုပ်ပေးဖို့ တောင်းဆိုလာတယ်။ ယူနစ်က ဟက်ကာအလုပ်ကို ပြန်လုပ်ဖြစ်မလားဆိုတာနဲ့အတူ သူ့ယောက္ခမတွေ ဘာကြောင့် ဆုံးသွားခဲ့ရတာလဲဆိုတဲ့ မေးခွန်းလည်း ရှိနေပါတယ်။

ဆမ်က ကြေးစားလူသတ်သမားတစ်ယောက်ရဲ့ ကိုယ်တွေ့အတွေ့အကြုံပုံစံနဲ့ ဝတ္ထုရေးထားပြီး စာအုပ်ထုတ်ဝေခွင့်ရဖို့ ကြိုးစားနေတဲ့ စာရေးဆရာတစ်ယောက်ပါ။ ကြေးစားလူသတ်သမားတွေအကြောင်း အသေးစိတ်လေ့လာပြီး သဘာဝကျကျ ရေးထားတဲ့ သူ့ဝတ္ထုကို အင်တာနက်ပေါ်မှာ ဖြစ်ရပ်မှန်အဖြစ် မှားယွင်းတင်မိသွားပါတယ်။ အဲဒီကနေ ဗင်နီဇွဲလားနိုင်ငံက တော်လှန်ရေးအဖွဲ့တွေရဲ့ ပြန်ပေးဆွဲခြင်းကို ခံရပြီး ဗင်နီဇွဲလားသမ္မတကို လုပ်ကြံဖို့ စေခိုင်းခံရတော့တယ်။ စစ်အာဏာရှင်တွေ၊ မူးယစ်လုပ်ငန်းရှင်တွေနဲ့ အကျင့်ပျက်ခြစားမှုတွေ ပြည့်နေတဲ့ နိုင်ငံမှာ ဆမ်က အသက်ရှင်လျက် အိမ်ပြန်ရဖို့ ကြိုးစားရပါတယ်။ Kevin James အဓိကပါဝင်ထားတဲ့ အက်ရှင်ဟာသကားဖြစ်ပြီး စစ်အာဏာရှင်တွေကို လှောင်ပြောင်သရော်ထားတာပါ။

အလွတ်စုံထောက်အေဂျင်စီပိုင်ရှင် ဂျီဟျွန်းဆူကို ကောင်မလေးတစ်ယောက်က သူ့အိမ်မွေးခွေးလေး ရှာပေးဖို့ ဆက်သွယ်လာပါတယ်။ ဂျီဟျွန်းဆူလည်း ကောင်မလေးနဲ့အတူ ပိုင်ရှင်မရှိတဲ့ တည်းခိုခန်းတစ်ခုဆီ ခွေးရှာဖို့ လိုက်သွားခဲ့တယ်။ အဲဒီမှာ တစ်စုံတစ်ယောက်ရဲ့ တိုက်ခိုက်မှုကို ခံရပြီး သတိလစ်သွားပါတယ်။ ပြန်နိုးလာတော့ အလုပ်အပ်ခဲ့တဲ့ ကောင်မလေးက ပျောက်နေပြီ။ အမှုစစ်ကလည်း သူ့ကို ပြန်ပေးဆွဲသမားလို့ အထင်မှားပြီး ဖမ်းဆီးလိုက်ပါတယ်။ ခွေးလေးတစ်ကောင်ကို ကူရှာပေးဖို့ လိုက်လာခဲ့တဲ့ ဂျီဟျွန်းဆူဟာ အခုတော့ ကိုယ်တိုင် စွပ်စွဲဖမ်းဆီးခံရပြီး ပြဿနာတွေ ဆက်တိုက်ကြုံလာရပါတော့တယ်။

အီရန်ဘရက်ကယ်က သေမိန့်ကျခံထားရတဲ့ ရာဇဝတ်သားဆယ်ယောက်ကို ကျွန်းတစ်ခုပေါ်မှာ ထားပြီး နောက်ဆုံးအသက်ရှင်ကျန်သူကို ငွေကြေးနဲ့ လွတ်မြောက်ခွင့်ပေးမယ့် အစီအစဉ်တစ်ခု ဖန်တီးပါတယ်။ အသက်ရှင်ဖို့ အချင်းချင်း သတ်ဖြတ်ရမယ့် ဒီသတ်ကွင်းကို အင်တာနက်ပေါ်က Reality Show အဖြစ် ထုတ်လွှင့်ဖို့ လုပ်တာပါ။ ဒါပေမယ့် ရွေးချယ်ထားသူတွေထဲက အဓိကလူတစ်ယောက် အသတ်ခံလိုက်ရတဲ့အခါ အယ်ဆယ်ဗာဒေါက ထောင်တစ်ခုမှာ သေမိန့်စောင့်နေတဲ့ ဂျက်ကွန်ရက်ဒ်ကို ရှာတွေ့သွားပါတယ်။ ဂျက်ကတော့ နောက်ကြောင်းကို စုံစမ်းလို့မရတဲ့ ပဟေဠိဆန်သူတစ်ယောက်ပါ။ ဒီဇာတ်ကောင်နေရာမှာ WWE နာမည်ကြီး နပန်းသမား “Stone Cold” Steve Austin ပါဝင်သရုပ်ဆောင်ထားပါတယ်။

ကိုရီးယား အမျိုးသားထောက်လှမ်းရေးရုံးရဲ့ နိုင်ငံခြားဌာနခွဲတစ်ခုမှာ Kang-in က ဌာနမှူးအဖြစ် တာဝန်ယူထားပါတယ်။ သူဟာ အကောင်းဆုံးအေးဂျင့်တွေကို စုဖွဲ့ထားတဲ့ Black Team ကို ဦးဆောင်ပြီး လျှို့ဝှက်မစ်ရှင်တွေ ဆောင်ရွက်နေသူပါ။ လိုချင်တာရဖို့ဆို ညှာတာမှုမရှိဘဲ ရက်စက်တတ်လို့ လူတွေကိုဝါးမျိုတဲ့ ဝိညာဉ်လို့ အဓိပ္ပာယ်ရတဲ့ “Yaksha” ဆိုတဲ့ နာမည်ဆိုးနဲ့ ကျော်ကြားနေတယ်။ တစ်နေ့မှာတော့ ဌာနချုပ်က Black Team ကို စစ်ဆေးဖို့ အမှုစစ် Ji Hoon ကို စေလွှတ်လိုက်ပါတယ်။ အဲဒီမှာ သူတို့ဆောင်ရွက်ရမယ့် စစ်ဆင်ရေးအစစ်က အရှေ့အာရှတစ်ခွင်လုံးကို လှုပ်ခတ်သွားစေနိုင်တဲ့ အမှုတစ်ခုနဲ့ ပတ်သက်နေကြောင်း သိလာကြတယ်။ Sol Kyung-gu၊ Park Hae-soo နဲ့ Hiroyuki Ikeuchi တို့ ပါဝင်ထားတဲ့ မှုခင်းအက်ရှင်ဇာတ်ကားဖြစ်ပါတယ်။

ထန်မင်းဆက်ခေတ်၊ လီမျိုးနွယ်စု အုပ်စိုးနေချိန်မှာ မင်းကြီးရဲ့အငယ်ဆုံးသားတော် ချုံမောက်ဟာ မြို့တော်ပြင်ပက ချွမ်ယန်နန်းတော်ဆောင်မှာ ငယ်စဉ်ကတည်းက နေထိုင်ခဲ့ပါတယ်။ တစ်နေ့ မင်းကြီးနေမကောင်းဖြစ်ပြီး သားငယ်ကို တွေ့ချင်လို့ မြို့တော်ဆီ ပြန်ခေါ်လိုက်တယ်။ ဒါပေမယ့် ချုံမောက်ဟာ ပြန်လာတဲ့လမ်းတစ်ဝက်မှာပဲ လုပ်ကြံမှုတွေနဲ့ ကြုံရပါတော့တယ်။ ချွမ်ယန်ဂိုဏ်းရဲ့ အကြီးဆုံးတပည့် ရှဲ့ယွင်လျိုက ချုံမောက်ကို နန်းတော်အရောက် လိုက်ပို့ပေးသူပါ။ အဲဒီခရီးမှာ အိမ်ရှေ့စံမင်းသားနဲ့ မင်းသမီးကို မထင်မှတ်ဘဲ ကယ်တင်မိရာက တော်ဝင်မျိုးနွယ်စုရဲ့ နန်းလုပွဲထဲ ဝင်ပါမိသွားတယ်။ မင်းသားလေးကို လိုက်ပို့ပေးရုံကနေ နန်းတွင်းအာဏာလုပွဲနဲ့ ပတ်သက်သွားတဲ့ ရှဲ့ယွင်လျိုဟာ တော်ဝင်မျိုးနွယ်စုနဲ့ ဘယ်လိုဆက်ရင်ဆိုင်ရမလဲ။

Superman သေဆုံးသွားပြီးနောက် Mother Box သုံးခု နိုးထလာချိန်ကနေ ဇာတ်လမ်းစထားပါတယ်။ Steppenwolf က အဲဒီ Mother Box တွေကို လိုက်စုနေပြီး သူတို့ရဲ့အစွမ်း ဘယ်လောက်ကြီးမားတယ်ဆိုတာ Wonder Woman က သိထားတယ်။ ဒါကြောင့် Bruce Wayne ကို အကြောင်းစုံပြောပြပြီး ရှေ့မှာကြုံလာမယ့်အန္တရာယ်ကို တားဆီးဖို့ လူစုခိုင်းလိုက်ပါတယ်။ Bruce Wayne လည်း Justice League အဖွဲ့ ဖြစ်လာမယ့်သူတွေကို စတင်စုစည်းပါတော့တယ်။ ဒီဇာတ်ကားက ၂၀၁၇ ခုနှစ်ထွက် Justice League နောက်မှာ ပရိသတ်တွေ တောင်းဆိုခဲ့ကြတဲ့ Zack Snyder ရဲ့ဗားရှင်းဖြစ်ပြီး လေးနှစ်အကြာမှာ ထွက်လာခဲ့တာပါ။ လေးနာရီကြာတဲ့ ဇာတ်ကားထဲမှာ ဇာတ်ကောင်တချို့ရဲ့ နောက်ခံအကြောင်းကိုလည်း အသေးစိတ် ထည့်ပြထားပါတယ်။ ပုံရိပ်အချိုးကတော့ Zack Snyder ရဲ့မူလပုံစံအတိုင်း ဒေါင်လိုက်ပိုရှည်တဲ့ အချိုးနဲ့ တင်ဆက်ထားတယ်။

Deadpool 2 (2018) ကို အလန်းဆုံးဗားရှင်းဖြစ်တဲ့ Super Duper Cut Version နဲ့ တင်ဆက်လိုက်ပါတယ်။ အရင် Version တွေမှာမပါတဲ့ အခန်းအပိုအလိုတွေအများကြီးပါပါတယ် အလန်းကြီးပါ အခုပဲ ဒေါင်းလုတ်ဆွဲကြည့်လိုက်ပါ Deadpool ရုပ်ရှင်ဆိုတဲ့အတိုင်း တစ်ကားလုံးက Deadpool ပီသခဲ့တယ်။ အရင်ကားထက်ပိုပြီး ပြောင်၊ ပိုပြီးအရှက်မရှိ၊ ပိုပြီးကြမ်းထားတယ်။ အထူးသဖြင့် Credit scene တွေဆို ရစရာကိုမရှိဘူး။ Plot ပိုင်းမှာ အရမ်းကြီးတော့မရှိ။ ဇာတ်လမ်းရဲ့ ဇာတ်ဝင်ခန်းအများစုက action ရယ် ဓာတ်ပူး မျက်နာပြောင်နေတာရယ်က အဓိက များတယ်၊ ကိုဓာတ်ပူးရဲ့ X Force အဖွဲ့ skill ကိုပြထားတာ‌လည်း တော်တော်မိုက်တယ်။ တော်တော်ကိုကြမ်းပြထားနိုင်တယ်။ ထင်မထားဘူး။ Domino နဲ့ Cable ကိုပုံဖော်ထားတာလည်း တော်တေယ်လေးကောင်းတယ်။ Cable လုပ်တဲ့ Thanos ကြီးလည်း သရုပ်ဆောင်လန်ထွက်နေတာပဲ။ မဆီမဆိုင်စဉ်းစားမိတာက Deadpool ဘေးမှာနေရင်း Cable ကြီး မရယ်မိအောင် တော်တော်လုပ်ယူရမလားပဲ။ Deadpool 2 ဟာ တစ်ကားလုံးနီးပါး ဗြင်းနေတာနဲ့ ပြောင်နေတာတွေ ချည်းမို့ လုံးဝ ကြည့်ပျော်တဲ့ ကားတစ်ကားပါ။ Ref လုပ်ပြီး ဟာသတွေထုတ်ထားတာတွေများတဲ့အတွက် အများစုကတော့ အားလုံးနားလည်မှာ မဟုတ်လောက်ဘူး။ And btw, နာမည်ကြီးလှပါတယ်ဆိုတဲ့ မင်းသားတစ်ယောက် cameo ပါသေးတယ်။ သေချာကြည့်ကြည့်ကြပေါ့ဗျ။ နောက်ထပ် Cameo ကတော့ IT ထဲက Pennywise လုပ်ခဲ့တဲ့ မင်းသား Bill Skarsgård လေးက Zeitgeist အဖြစ်ပါဝင်ထား

ကဲ . . . cmပရိတ်သက်တို့တွေမျှော်လင့်နေတဲ့ နွေရာသီရဲ့နေ့လေးတစ်နေ့ရောက်လာပါပြီ။ အခုတင်ပေးမယ့်ကားလေးကို ပရိတ်သတ်များအချိန်တော်တော်ကြာအောင်မျှော်လင့်တောင်းဆိုစောင့်စားခဲ့ကြသလို ကျွန်တော်တို့ CM Team တစ်ခုလုံးလည်းမျှော်လင့်စောင့်စားနေခဲ့ကြတာပါပဲ။ ဒီနေ့ကတော့ Deadpool Day of Channel Myanmar လို့ပဲ ပရိတ်သက်ကြီးသိထားပေးပါ။ Marvel ကားတွေထဲမှာမှ IMDb rating 8.0/10 ထိတောင်ရယူနိုင်ခဲ့ပါတယ်။ (မြန်မာနိုင်ငံရဲ့ရုံတွေမှာတင်ပြသွားတုန်းလို ဆင်ဆာလုံးဝမဖြတ်ထားပါဘူး။) Deadpool Review မျက်နှာပြောင်လှတဲ့ Deadpool ရုပ်ရှင်က ဇာတ်လမ်းစ စာတန်းထိုးကတည်းကကို ပြောင်ပါတယ်။ ဇာတ်လမ်းပြီး စာတန်းထိုးပြီးတဲ့ထိပါပဲ။ ညစ်တီးညစ်ပတ် ဟာသတွေ၊ မျက်နှာပြောင်နေတာတွေက ကြည့်တဲ့လူကို ရုပ်ရှင်တစ်ကားလုံး မပျင်းရအောင် လုပ်ထားနိုင်တယ်။ ညစ်တီးညစ်ပတ်ဟာသ ဆိုတာ အပြောသာဆိုးတာ တကယ်ဆိုမြန်မာကားတွေထဲမှာ ဒီလိုဟာတွေက ကလေးတောင်သိတဲ့ ဟာသတွေပါ။ ဒါပေမဲ့ Deadpool ထဲက joke တွေတော်တော်များများက ကျွန်တော်တို့ နားမလည်ပါဘူး။ သူတို့ပြောတာနားမလည်တာရယ် တချို့ဟာတွေက သူတို့ နိုင်ငံမှာပဲ ရှိလောက်မဲ့အကြောင်းတွေဖြစ်နေလို့ပါ။ မင်းသား Ryan Reynolds ကတော့ Deadpool လုပ်ဖို့မွေးလာသလားအောက်မေ့ရတယ်။ တချို့ပြောသလိုပဲ RDJ က Iron Man လိုမျိုး Ryan Reynolds က Deadpool ပဲ။ သရုပ်ဆောင် တော်တော်မိုက်တယ်။ လိုက်တယ်လို့ပြောရမှာပေါ့။ ရိုက်ချက်တွေအကြောင်းပြောရ

ဗာတီမောမြို့က ဂျက်မော်ရစ်စင်ဟာ မီးသတ်သမားတစ်ယောက်ပါ။ သူ့ဘဝကို အခြေခံထားတဲ့ ဒီဇာတ်ကားမှာ မီးသတ်သမားတွေရဲ့ နေထိုင်မှု၊ လူမှုရေးပြဿနာတွေနဲ့ အသက်စွန့်ကယ်တင်ရတဲ့ အလုပ်အကြောင်းကို ရိုက်ပြထားပါတယ်။ ကိုယ့်အသက်ကို စွန့်စားပြီး သူတစ်ပါးကို ကယ်တင်ပေးကြပေမယ့် အသိအမှတ်ပြုမှု နည်းပါးတတ်တဲ့ မီးသတ်သမားတွေအပေါ် အာရုံစိုက်ထားတာပါ။ Joaquin Phoenix ပါဝင်သရုပ်ဆောင်ထားတဲ့ ၂၀၀၄ ခုနှစ် ရုပ်ရှင်ဖြစ်ပြီး အက်ရှင်၊ ဒရမ်မာနဲ့ သည်းထိတ်ရင်ဖို အမျိုးအစားတွေ ပါဝင်ပါတယ်။ ဝင်ငွေပိုင်းမှာလည်း အောင်မြင်ခဲ့ပြီး ကမ္ဘာတစ်ဝန်းမှာ သန်းတစ်ရာကျော် ပြန်လည်ရရှိခဲ့ပါတယ်။

ဟီဆုက ဘူဆန်မြို့၊ ခူအန်းမြို့နယ် ကမ်းခြေဘေးမှာရှိတဲ့ မန်လီဂျန်းဟိုတယ်မှာ မန်နေဂျာလုပ်လာတာ နှစ်ပေါင်းမနည်းတော့ပါဘူး။ ဟိုတယ်ပိုင်ရှင် သူဌေးဆွန်းကလည်း သူ့ကို ယုံကြည်ပြီး ကိစ္စတစ်ခုခုရှိတိုင်း အကြံဉာဏ်ပေးတတ်ပါတယ်။ တစ်နေ့မှာတော့ လူသတ်မှုကျူးလွန်ပြီး ထွက်ပြေးသွားတဲ့ ယုံးဂန်း ပြန်ရောက်လာပြီး သောင်းကျန်းတော့တယ်။ ဒီကိစ္စနဲ့ ဟီဆု ခေါင်းစားနေရတုန်းမှာပဲ သူဌေးဆွန်းနဲ့ တခြားသူဌေးတစ်ဦးတို့ရဲ့ လူမိုက်ဂိုဏ်းရန်ပွဲကြား သူကိုယ်တိုင် ညပ်နေမှန်း သိလာရပါတယ်။ လူမိုက်ဂိုဏ်းတွေကြားက ရန်ပွဲတွေနဲ့ စီးပွားရေးဈေးကွက် အပြိုင်လုကြတဲ့အကြောင်းကို ဒရမ်မာနဲ့ ရောစပ်ရိုက်ကူးထားတဲ့ ကိုရီးယားအက်ရှင်ဇာတ်ကားပါ။

တူရကီအရှေ့တောင်ပိုင်း၊ အီရတ်နယ်စပ်က တောင်တန်းတွေကြားမှာ စခန်းတစ်ခုကို စောင့်ကြပ်ကာကွယ်နေရတဲ့ တပ်ဖွဲ့ငယ်တစ်ဖွဲ့ ရှိပါတယ်။ စခန်းမှာ လူ ၄၀ ပဲရှိပြီး ကြမ်းတမ်းတဲ့ ရာသီဥတုအောက်မှာ ကင်းစောင့်ရင်း ရန်သူလက်ထဲ မကျအောင် ထိန်းထားကြရတယ်။ တောင်တွေကြားမှာ ရှိနေတဲ့ PKK အဖွဲ့က အချိန်မရွေး ဝင်တိုက်လာနိုင်တာကြောင့် သူတို့အတွက် စိတ်အေးရတဲ့အချိန်က ရှားပါတယ်။ လူအင်အားနည်းတဲ့အပြင် ကိုယ့်ဘဝကိုယ် ချန်ထားခဲ့ရတဲ့ စစ်သားတွေဟာ စခန်းကို ကာကွယ်ဖို့ တာဝန်ယူထားကြရပါတယ်။ PKK နဲ့ ရင်ဆိုင်ရတဲ့ စစ်ပွဲအတွင်း သူတို့ ဘယ်လိုဖြတ်သန်းနေထိုင်ကြရသလဲဆိုတာကို ဒရမ်မာ၊ အက်ရှင်နဲ့ သည်းထိတ်ရင်ဖိုပုံစံ ရိုက်ပြထားတဲ့ ဇာတ်ကားပါ။

Takumi Fujiwara ဟာ ကျောင်းတက်ရင်း အလုပ်နှစ်မျိုး လုပ်နေတဲ့ အထက်တန်းကျောင်းသားလေးပါ။ အခင်ဆုံးသူငယ်ချင်း Itsuki ရဲ့အဖေပိုင် ဓာတ်ဆီဆိုင်မှာ အချိန်ပိုင်းအလုပ်လုပ်သလို သူ့အဖေ Bunta Fujiwara လုပ်တဲ့ တို့ဟူးတွေကိုလည်း Akina တောင်ပေါ်က အပန်းဖြေစခန်းတွေဆီ ပို့ပေးရတယ်။ တို့ဟူးသွားပို့တိုင်း မောင်းရတဲ့ကားက အဖေ့ရဲ့ Toyota AE86 လေးပါ။ ကျောင်းမှာတော့ သူချစ်ရတဲ့ အတန်းဖော် Natsumi နဲ့ အချစ်ရေးလည်း ရှိနေပါတယ်။ တစ်ဖက်မှာ နာမည်ကြီးပြိုင်ကားသမား ဖြစ်ချင်ကြသူတွေက တစ်ယောက်နဲ့တစ်ယောက် စိန်ခေါ်ပြီး နေရာအနှံ့ ယှဉ်ပြိုင်နေကြတယ်။ အဲဒီလိုနဲ့ ပရော်ဖက်ရှင်နယ်ပြိုင်ကားသမား Ryosuke နဲ့ NightKids Racing Team က Takeshi တို့ဟာ Akina တောင်ခြေက Takumi တို့မြို့ကို ရောက်လာကြပါတယ်။ Takumi ရဲ့ငယ်သူငယ်ချင်း Itsuki ကတော့ ကိုယ့်ကိုယ်ကိုယ် Akina တောင်ရဲ့ ကားပြိုင်ဘုရင်လို့ ကြွေးကြော်နေသူပါ။ Takeshi က လာစိန်ခေါ်တော့ Itsuki တစ်ယောက် ရှုံးသွားတယ်။ ဒါပေမဲ့ Itsuki ကို အနိုင်ယူခဲ့တဲ့ Takeshi ရဲ့ GTR ဟာ Takumi အဖေပိုင် AE86 လေးကို ပြန်ရှုံးသွားပါတယ်။ ဒီသတင်း ပျံ့သွားတဲ့နောက် AE86 နဲ့ ယှဉ်ပြိုင်ချင်တဲ့ တခြားပရော်ဖက်ရှင်နယ်ပြိုင်ကားသမားတွေပါ မြို့ဆီ ရောက်လာကြတော့တယ်။ Initial D အန်နီမေးစီးရီးကို ရုပ်ရှင်အဖြစ် ပြန်ဖန်တီးထားတဲ့ ၂၀၀၅ ခုနှစ်ထွက် ကားဖြစ်ပြီး ထိုင်ဝမ်အဆိုတော်သရုပ်ဆောင် Jay Chou နဲ့အတူ Anthony Wong၊ Edison Chen တို့ ပါဝင်

နယ်စပ်မှာရှိတဲ့ ၄၈ ခံတပ်ကို မြောက်ပိုင်းသားတွေ ဝင်တိုက်လာတဲ့အခါ ခံတပ်ခေါင်းဆောင် Li Zheng ဟာ သမီးဖြစ်သူ Li Jin Rong ကို စစ်ကူတောင်းဖို့ စေလွှတ်လိုက်ရပါတယ်။ လောကအကြောင်း နားမလည်သေးတဲ့ မမလေးဘဝကနေ Li Jin Rong တစ်ယောက် အခက်အခဲတွေကို ရင်ဆိုင်ရင်း မကြောက်မရွံ့တဲ့ သူရဲကောင်းအဖြစ် ပြောင်းလဲလာတယ်။ နှင်းခွင်းဓားရဲ့ တစ်ဦးတည်းသော ဆက်ခံသူဖြစ်ပေမယ့် သူဟာ ဖခင်နဲ့ မွေးရပ်မြေကို ဆုံးရှုံးခဲ့ရပြီး ကလဲ့စားချေလိုစိတ်နဲ့ ရုန်းကန်နေရပါတယ်။ ဆုံးရှုံးမှုကြောင့် နာကျင်နေရပေမယ့် အရှုံးမပေးဘဲ ရှေ့မှာရှိတဲ့ စိန်ခေါ်မှုတွေနဲ့ ပေးဆပ်ရမယ့်အရာတွေကို ရင်ဆိုင်ဖို့ ကြိုးစားနေတယ်။

ကိုယ့်ဆုံးဖြတ်ချက်အပေါ် ခိုင်ခိုင်မာမာ ရပ်တည်တတ်တဲ့ မင်းသမီးတစ်ပါးဟာ သူနဲ့ စေ့စပ်ထားသူကို လက်မထပ်ချင်လို့ ငြင်းလိုက်ပါတယ်။ အငြင်းခံလိုက်ရတဲ့ စစ်သည်တော်ကတော့ မကျေမနပ်ဖြစ်ပြီး မင်းသမီးကို ရဲတိုက်ထဲ ဖမ်းထားလိုက်သလို နန်းတော်ကိုလည်း သိမ်းယူလိုက်တယ်။ နန်းတော်ကို သိမ်းထားနိုင်ပေမယ့် ဘုရင်အစစ်ဖြစ်ဖို့ မင်းသမီးကို လက်ထပ်ရမယ်ဆိုပြီး သူက နည်းမျိုးစုံနဲ့ ဆက်ကြိုးစားနေပါတယ်။ မင်းသမီးကလည်း ဖမ်းဆီးခံထားရတဲ့ ရဲတိုက်ထဲကနေ လွတ်မြောက်ဖို့နဲ့ မိဘတွေကို ကယ်တင်ဖို့ ဘယ်လိုကြိုးစားမလဲဆိုတာ ဆက်ကြည့်ရမှာပါ။ မင်းသမီးနေရာမှာ The Conjuring နဲ့ Kissing Booth တို့က Joey King ပါဝင်သရုပ်ဆောင်ထားပါတယ်။

တင်းဝူနဲ့ ကျန်းဟွမ်တို့ဟာ ဌာနတစ်ခုတည်းမှာ အလုပ်လုပ်ကြပြီး အမှုတွေကိုလည်း အတူလိုက်ကြရတဲ့ လုပ်ဖော်ကိုင်ဖက်နှစ်ယောက်ပါ။ အလုပ်အတူလုပ်ရင်း နှစ်ယောက်သား အလွန်ရင်းနှီးကြတယ်။ တင်းဝူမှာ ဇနီးရှိပြီး ကျန်းဟွမ်မှာတော့ သဘောကျနေတဲ့ ကောင်မလေးတစ်ယောက် ရှိပါတယ်။ ကျန်းဟွမ်ဟာ ပြည့်တန်ဆာအိမ်မှာ အလုပ်လုပ်နေတဲ့ ရွှမ်ရွှမ်ကို ဂရုစိုက်ကာကွယ်ပေးနေတယ်။ ဒီလိုကာကွယ်ပေးရင်း သူ ဘာတွေကြုံလာရမလဲ၊ တစ်ဖက်မှာလည်း တင်းဝူရဲ့ဇနီးဟာ ဘယ်လိုလူမျိုးဖြစ်နေမလဲဆိုတဲ့ မေးခွန်းတွေ ရှိနေပါတယ်။

၁၉၅၂ ခုနှစ်အစောပိုင်း မြောက်ကိုရီးယားနယ်မြေမှာ အမေရိကန်နဲ့ တရုတ်တို့ စစ်ဖြစ်နေချိန်ကို ဇာတ်အိမ်တည်ထားပါတယ်။ လက်နက်အင်အား မမျှပေမယ့် အဖွဲ့ ၈ ဟာ အမေရိကန်စစ်တပ်ရဲ့ ထိုးစစ်တွေကို အကြိမ်ကြိမ် ခုခံနိုင်ခဲ့တယ်။ ဒါပေမဲ့ တိုက်ပွဲတစ်ပွဲမှာတော့ အသေအပျောက်များသွားလို့ တပ်သားသစ်တွေ စုဆောင်းရပါတော့တယ်။ စီချွမ်သား ရန်တုန်းဖုန်းက အဖွဲ့ ၆ က တပ်သားတစ်ယောက်ပါ။ သူ့အဖွဲ့ဟာ ရန်သူ့တပ်ရဲ့ ချေမှုန်းမှုကို ခံခဲ့ရပြီး သူလေးစားအားကျတဲ့ အဖွဲ့ခေါင်းဆောင်လည်း အသက်ဆုံးရှုံးခဲ့ရတယ်။ အဲဒီနောက် ရန်တုန်းဖုန်းဟာ စနိုက်ပါအထူးတပ်ဖွဲ့ထဲ ဝင်လာပြီး ကလဲ့စားချေဖို့ ကြိုးစားပါတော့တယ်။ ရဲဘော်အသစ်တွေနဲ့အတူ တိုက်ပွဲဆက်ဝင်ရင်း သူ့ရည်မှန်းချက်ကို အကောင်အထည်ဖော်နိုင်ပါ့မလား။ ဒီဇာတ်ကားက တစ်ယောက်ကျသွားရင် နောက်တစ်ယောက်က အစားဝင်ပြီး ရှိတဲ့လက်နက်နဲ့ ဆက်တိုက်ကြတဲ့ စစ်သားတွေအကြောင်းကို အလေးပေးထားပါတယ်။ လက်နက်အင်အားချင်း မယှဉ်နိုင်တဲ့ တိုက်ပွဲထဲမှာ သူတို့ရဲ့ ယုံကြည်ချက်၊ စည်းလုံးမှုနဲ့ အလျှော့မပေးတဲ့စိတ်ကို ပြထားတာပါ။

တိုနီဟာ ဆိုင်ကယ်မောင်းပြိုင်ပွဲတွေမှာ အလားအလာရှိပေမယ့် နေ့စဉ်ဘဝအတွက် ပင်ပင်ပန်းပန်း ရုန်းကန်နေရသူပါ။ အချိန်ပိုင်းအလုပ်လုပ်ရင်း ပရော်ဖက်ရှင်နယ် ဆိုင်ကယ်ပြိုင်သမားဖြစ်လာဖို့ လေ့ကျင့်နေချိန်မှာ သူ့အဆက်ဟောင်း လေလာက မူးယစ်ဆေးဝါးရောင်းဝယ်သူတစ်ယောက်ဆီ အကြွေးတင်သွားပါတယ်။ လေလာဟာ သူ့သားရဲ့မိခင်လည်း ဖြစ်နေတယ်။ လေလာက အကြွေးကို ဘယ်လိုမှ ပြန်မဆပ်နိုင်တော့လို့ ဘဝပျက်မယ့်အခြေအနေ မရောက်အောင် တိုနီက ဝင်ကူညီရပါတယ်။ ဒီကနေ မူးယစ်ဆေးဝါးရောင်းဝယ်တဲ့အလုပ်ထဲ သူပါ ပါဝင်ပတ်သက်သွားတယ်။ ဆိုင်ကယ်ပြိုင်သမားဖြစ်ဖို့ ကြိုးစားနေတဲ့ တိုနီရဲ့ဘဝကို ဒီအလုပ်က ဘယ်လိုရိုက်ခတ်လာမလဲဆိုတာ ပြထားတဲ့ ပြင်သစ်-ဘယ်လ်ဂျီယမ် အက်ရှင်၊ မှုခင်း၊ သည်းထိတ်ရင်ဖိုဇာတ်ကားပါ။

ပြန်ပေးဆွဲမှုတစ်ခုမှာ ပြန်ပေးသမားရော ဓားစာခံပါ သေဆုံးသွားတာကြောင့် တာဝန်ရှိရဲအရာရှိနှစ်ယောက် အရေးယူခံလိုက်ရပါတယ်။ ယော့ခ်က အလုပ်ထုတ်ခံရပြီး ကော်နာစ်ကတော့ တာဝန်ကနေ ဆိုင်းငံ့ခံရတယ်။ ဒါပေမယ့် ဘဏ်ဓားပြမှုတစ်ခု ဖြစ်လာချိန်မှာ ကော်နာစ်ကို ပြန်ခေါ်ဖို့ အကြောင်းဖန်လာပါတယ်။ ဘဏ်ဓားပြတွေက စုံထောက်ကော်နာစ်ကလွဲရင် ဘယ်သူနဲ့မှ စကားမပြောဘူးလို့ တောင်းဆိုလာကြတာပါ။ ဒီလိုနဲ့ အမှုထဲ ပြန်ဝင်လာရတဲ့ ကော်နာစ်ဟာ စုံထောက်အသစ်လေး ရှိန်းဒက်ကာနဲ့ တွဲလုပ်ရပါတယ်။ စိတ်အချဉ်ပေါက်နေပေမယ့် အလုပ်မှာ ထူးချွန်တဲ့ ကော်နာစ်နဲ့ အတွေ့အကြုံနည်းသေးတဲ့ ရှိန်းတို့ ဓားပြတွေကို ဖော်ထုတ်ဖမ်းဆီးနိုင်ပါ့မလားဆိုတာကို Jason Statham ပါဝင်ထားတဲ့ ဒီအက်ရှင်၊ မှုခင်းဇာတ်ကားမှာ ဆက်တွေ့ရမှာပါ။

ရှေ့နေကန်နာဘီရန်ရဲ့ မိဘတွေက သားဖြစ်သူ လမ်းမှားမလျှောက်ဘူးလို့ အမြဲယုံကြည်ထားကြသူတွေပါ။ သားသဘောကျတဲ့ ကောင်မလေးကို တင်တောင်းလို့မရရင် ခိုးပြေးဖို့တောင် ဝိုင်းမြှောက်ပေးကြလို့ ဒီမိသားစုရဲ့အဖြစ်တွေက အလွဲအချော်တွေနဲ့ ရယ်စရာဖြစ်နေတတ်တယ်။ ဒါပေမယ့် ခိုးပြေးဖို့ စီစဉ်ထားတဲ့နေ့မှာ မထင်မှတ်တဲ့ကိစ္စတစ်ခု ပေါ်လာပါတယ်။ သူနဲ့ ခိုးပြေးမယ့်မိန်းကလေးရဲ့ သူငယ်ချင်း အန္တရာယ်ကြုံနေရတယ်ဆိုတဲ့ သတင်းရလာလို့ ကန်နာဘီရန်က သွားကယ်တင်ပါတယ်။ အဲဒီကနေ သိလာရတဲ့ အမှန်တရားတွေနောက်မှာ တစ်မြို့လုံးက မိန်းကလေးတွေကို အသုံးချပြီး အကျပ်ကိုင်ခြိမ်းခြောက်တဲ့ ကိစ္စအထိ ရောက်လာတယ်။ နောက်ကွယ်က အကျပ်ကိုင်နေသူဟာ သူအလွယ်တကူ ရင်ဆိုင်နိုင်တဲ့လူ မဟုတ်တဲ့အခါ ကန်နာဘီရန် ဘယ်လိုလှည့်ကွက်တွေနဲ့ တုံ့ပြန်မလဲဆိုတာ ဆက်တွေ့ရမှာပါ။

အသက်အန္တရာယ်ရှိနေတဲ့ သမီးလေးကို ဆေးကုသပေးဖို့ ငွေရှာရမယ့် ဖခင်တစ်ယောက်ရဲ့အကြောင်းပါ။ အောင်မြင်မယ်လို့ ထင်ထားတဲ့ အစီအစဉ်တွေ အကြောင်းအမျိုးမျိုးကြောင့် မအောင်မြင်ဘဲ ဖြစ်နေတဲ့ကြားက သူကတော့ ပြန်ကြိုးစားနေတယ်။ သမီးလေးအတွက် ကုသစရိတ်လိုနေတာကြောင့် လက်လျှော့နေလို့ မရပါဘူး။ သူနဲ့ သူငယ်ချင်းတစ်သိုက်ဟာ သေသေချာချာ အစီအစဉ်ဆွဲပြီး ဘဏ်တစ်ခုကို ဓားပြတိုက်ကြပါတယ်။ ဒီလောက်ပြင်ဆင်ထားတဲ့ ဘဏ်ဓားပြမှု အောင်မြင်ပါ့မလားဆိုတာအပြင် သူနဲ့ ရည်းစားဟောင်းကြားက အခြေအနေကိုလည်း ဆက်တွေ့ရမှာပါ။ သမီးလေး အသက်ရှင်နိုင်မလားဆိုတဲ့ မေးခွန်းလည်း ရှိနေသေးတဲ့ ၂၀၂၂ ခုနှစ်ထွက် အက်ရှင်၊ မှုခင်း၊ သည်းထိတ်ရင်ဖိုဇာတ်ကားဖြစ်ပါတယ်။

ချာလီက ကားရောင်းဝယ်ရေးစင်တာတစ်ခုရဲ့ ဥက္ကဋ္ဌဖြစ်ပြီး သာမန်ဘဝကိုပဲ ဖြတ်သန်းနေသူပါ။ ကမ္ဘာမြေပျက်စီးသွားနိုင်လောက်တဲ့ ဖြစ်ရပ်တစ်ခု ပေါ်ပေါက်လာချိန်မှာတော့ သူ့ကို မွေးစားထားတဲ့မိသားစုက လာခေါ်ပါတယ်။ အဲဒီအခါမှ သူ့ဘဝတစ်လျှောက်လုံး ဖုံးကွယ်ထားခဲ့တဲ့ မိသားစုရဲ့လျှို့ဝှက်ချက်ကို သိလိုက်ရတယ်။ သူတို့ဟာ ကမ္ဘာပေါ်က လူသားမျိုးနွယ်ကို ကာကွယ်ပေးနေတဲ့အဖွဲ့ ဖြစ်နေကြတာပါ။ ဒီလိုနဲ့ သာမန်ဘဝမှာ နေသားကျနေတဲ့ ချာလီတစ်ယောက် မွေးစားမိသားစုနဲ့အတူ ကမ္ဘာကြီးကို ကယ်တင်ဖို့ ပါဝင်လာရပါတယ်။ သူတို့ ဒီအန္တရာယ်ကို ဘယ်လိုရင်ဆိုင်ကြမလဲဆိုတာ အက်ရှင်ခန်းတွေနဲ့ ဆက်ပြထားပါတယ်။

ဘတ်ဒီအစ်စရယ်ဆိုတဲ့ ဖျော်ဖြေရေးသမားက မာဖီးယားဂိုဏ်းခေါင်းဆောင်ကို သစ္စာဖောက်မိရာက သူ့နှလုံးကို ရယူပေးနိုင်သူအတွက် ဆုကြေးတစ်မီလီယံ ထုတ်ခံလိုက်ရပါတယ်။ ဆုကြေးလိုချင်တဲ့ ကြေးစားလူသတ်သမားတွေက သူ့နောက်ကို လိုက်လာကြသလို FBI ဘက်ကလည်း သူ့ကို အရှင်ရဖို့ လိုနေတယ်။ မာဖီးယားခေါင်းဆောင်ရဲ့ လျှို့ဝှက်ချက်တွေကို သိရဖို့နဲ့ သက်သေထွက်ဆိုပေးဖို့အတွက် အစ်စရယ်ကို ကာကွယ်ရမယ့်တာဝန်က အေးဂျင့်မက်စ်နာနဲ့ ကော်ရတ်သာတို့ဆီ ရောက်လာပါတယ်။ လူသတ်သမားခုနစ်ယောက်ရဲ့ လက်ကနေ အစ်စရယ်ကို မသေအောင် အေးဂျင့်နှစ်ယောက်က ကြိုးစားကာကွယ်ကြရတယ်။ ဒီကြားထဲ ဆွီဒင်လူမျိုးဆိုတဲ့ ထူးဆန်းတဲ့ဇာတ်ကောင်ကလည်း ဘယ်လိုပတ်သက်နေသလဲဆိုတာ မေးစရာဖြစ်လာပါတယ်။ FBI အတွင်းက အရှုပ်အရှင်းတွေ တဖြည်းဖြည်းပေါ်လာတဲ့အခါ မာဖီးယားတွေနဲ့ ဘယ်လိုဆက်နွယ်နေသလဲ၊ ဘာလျှို့ဝှက်ချက်တွေ ရှိနေသလဲဆိုတာကိုပါ ဖော်ထုတ်ရတော့မှာပါ။ Ryan Reynolds နဲ့ Ben Affleck တို့ ပါဝင်ထားတဲ့ အက်ရှင်၊ မှုခင်းဇာတ်ကားဖြစ်ပါတယ်။