အက်ရှင်ကားများ

John Wick: Chapter 2 ကတော့ ဂျွန်ဝစ်ခ်ဟာ လူဆိုးဂိုဏ်းဆီက သူ့ကားကို မရမက ပြန်လိုက်ယူတဲ့နေရာကနေ စပါတယ်။ ကားပြန်ရပြီးတဲ့နောက် မူလရည်ရွယ်ထားတဲ့အတိုင်း အနားယူဖို့ အိမ်ပြန်လာခဲ့တယ်။ ဒါပေမယ့် သူ့အတွက် အနားယူချိန်က သိပ်မကြာလိုက်ပါဘူး။ အရင်က ဒီလောကကနေ အနားယူခွင့်ရဖို့ နောက်ဆုံးအလုပ်တစ်ခု လုပ်ခဲ့စဉ်မှာ ဂျွန်ဝစ်ခ်ကို ကူညီပေးခဲ့သူ ရှိပါတယ်။ အခု အဲဒီသူက အကြွေးပြန်ဆပ်တဲ့အနေနဲ့ သူ့အတွက် အလုပ်လုပ်ပေးဖို့ ရောက်လာတော့တယ်။ ဂျွန်ဝစ်ခ်ကို အကြပ်ကိုင်ပြီး လူသတ်ခိုင်းတဲ့အပြင် အလုပ်ပြီးရင် သူ့ကိုပါ ရှင်းပစ်ဖို့ ကြိုးစားလာပါတယ်။

အရာရှိချန်ဟာ Triad ဒုစရိုက်အဖွဲ့ရဲ့ လူသတ်မှုတွေကို လျှို့ဝှက်စုံစမ်းနေသူပါ။ သူ ဘာလုပ်နေတယ်ဆိုတာ သိထားသူက အထက်အရာရှိဝေါင်တစ်ယောက်ပဲ ရှိပါတယ်။ လူဆိုးဂိုဏ်းကြားမှာ သတင်းယူနေရတဲ့ ချန်အတွက် သူ့အကြောင်းကို လျှို့ဝှက်ထားနိုင်ဖို့က အရေးကြီးနေတယ်။ တစ်ဖက်မှာတော့ ဩဇာကြီးတဲ့ လူမိုက်ခေါင်းဆောင်ဆမ်က ရဲတပ်ဖွဲ့အတွင်းက သတင်းတွေ သိရဖို့ သူ့လူကို စေလွှတ်ထားပါတယ်။ အဲဒီသူက Triad အဖွဲ့ဝင် ကျင့်မင်းဖြစ်ပြီး ဟောင်ကောင်ရဲတပ်ဖွဲ့ထဲကို ရောက်နေပါပြီ။ ချန်နဲ့ဝေါင်တို့က ဒုစရိုက်မှုတွေကို စုံစမ်းနေချိန်မှာ ရဲတွေကြားထဲမှာလည်း ဆမ်အတွက် သတင်းထောက်လှမ်းပေးနေသူ ရှိနေတာပါ။ Infernal Affairs ကို Andrew Lau နဲ့ Alan Mak တို့ ရိုက်ကူးထားပြီး ဟောင်ကောင်မှုခင်းသည်းထိတ်ရင်ဖိုဇာတ်ကား ဖြစ်ပါတယ်။

John Wick ဟာ ကြေးစားလူသတ်သမားတစ်ယောက်ပါ။ အကြမ်းဖက်မှုတွေနဲ့ ပြည့်နေတဲ့ သူ့ဘဝထဲကို မိန်းကလေးတစ်ယောက် ရောက်လာပြီးနောက်မှာတော့ ချစ်ခြင်းမေတ္တာနဲ့ အေးအေးချမ်းချမ်း နေထိုင်နိုင်ခဲ့တယ်။ ဒါပေမယ့် အဲဒီနေ့ရက်တွေက ကြာကြာမခံခဲ့ပါဘူး။ သူ့ဇနီးဟာ ကင်ဆာရောဂါနဲ့ ဆုံးပါးသွားပါတယ်။ သူတစ်ယောက်တည်း အထီးကျန်မနေဖို့ ဇနီးက ခွေးလေးတစ်ကောင် ချန်ထားပေးခဲ့တယ်။ သူမကိုယ်စား ဒီခွေးလေးကို ချစ်ပေးဖို့၊ ဂရုစိုက်ပေးဖို့ စာလည်း ရေးထားခဲ့ပါတယ်။ ဇနီးမရှိတော့တဲ့နောက် John Wick အတွက် အဲဒီခွေးလေးက နောက်ဆုံးကျန်နေတဲ့ သံယောဇဉ်ဖြစ်လာတာပါ။ တစ်နေ့မှာတော့ ရုရှားမာဖီးယားဂိုဏ်းက လူငယ်သုံးယောက်ဟာ သူစီးတဲ့ 69 Mustang ကားကို တွေ့ပြီး လိုချင်သွားကြတယ်။ ကားကို ဝင်ခိုးကြရင်း သူ့ခွေးလေးကိုပါ သတ်ပစ်လိုက်ကြပါတယ်။ အဲဒီကနေ John Wick ရဲ့ လက်စားချေမှု စတင်လာတော့တယ်။ အက်ရှင်၊ မှုခင်းနဲ့ သည်းထိတ်ရင်ဖိုအမျိုးအစားဖြစ်ပြီး တိုက်ခိုက်ခန်းတွေနဲ့ ပစ်ခတ်ခန်းတွေ များများပါဝင်ပါတယ်။ တိုက်ခိုက်ခန်းစီစဉ်သူတွေက Bourne Ultimatum နဲ့ 300 တို့မှာ ပါဝင်လုပ်ကိုင်ခဲ့သူတွေဖြစ်ပါတယ်။ ရိုက်ကူးရာမှာ အနှေးပြကွက်တွေကို အဓိကမထားဘဲ ကွန်ပျူတာဖန်တီးမှုကိုလည်း အနည်းငယ်သာ သုံးထားတယ်။ သွေးထွက်တဲ့အခန်းတွေမှာ ရိုက်ကွင်းပေါ်က အထူးပြုလုပ်ချက်တွေ အသုံးပြုထားပြီး စတန့်သမားတွေနဲ့ ရိုက်ကူးထားပါတယ်။

Chapter 2 မှာ သူတို့လောကရဲ့ အကြီးမားဆုံးစည်းမျဉ်းကို ချိုးဖောက်ခဲ့တဲ့ John Wick ဟာ ဒေါ်လာ ၁၄ သန်း ဆုကြေးထုတ်ခံထားရပါတယ်။ ထွက်ပြေးဖို့ အချိန်နည်းနည်းပဲရခဲ့တာကြောင့် အလောတကြီး တိမ်းရှောင်ခဲ့ရတဲ့နေရာကနေ Chapter 3 ကို ဆက်ထားတာပါ။ ဒီတစ်ခါတော့ John Wick အသက်ရှင်ဖို့ ဘယ်လိုလှုပ်ရှားမလဲ၊ သူ့ဘက်က ရပ်တည်ပေးမယ့်သူတွေ ရှိဦးမလားဆိုတာ ကြည့်ရမှာပါ။ တစ်ဖက်မှာလည်း သူ့ကိုသတ်ဖို့ ကြိုးစားကြမယ့် ဒုစရိုက်လောကသားတွေကို ရင်ဆိုင်ရဦးမှာဖြစ်ပါတယ်။

Infernal Affairs ဇာတ်ကားတွေကတော့ Directer Andrew Lau and Alan Mak တို့ ရိုက်ကူးထားတဲ့ Hong Kong crime thriller အမျိုးအစားတွေဖြစ်ပါတယ် ။ ဇာတ်လမ်းအနေနဲ့ကတော့ ရဲအရာရှိနှစ်ဦးနဲ့ လူဆိုးဂိုဏ်းတွေ ရဲ့အကြောင်းကို အခြေခံရိုက်ထားတာပါ ။ တရုတ်မှာဆိုရင်တော့ "The Unceasing Path" လို့ လူသိများပြီး 76th Academy Awards မှာလည်း The Best Foreign Language Film and Best Picture awards in the Golden Horse Awards အဖြစ် ရွေးချယ်ခံခဲ့ရတဲ့ကားတွေလည်းဖြစ်ပါတယ် ။ ဇာတ်လမ်းအကျဉ်း အရာရှိချန် ကတော့ triad ဒုစရိုက် လူသတ်မှု့တွေကို တိတ်တဆိတ် ထောက်လှမ်းနေတဲ့သူဖြစ်ပါတယ် ။ သူဒီလိုတိတ်တဆိတ် စုံစမ်းနေတာကိုသိတဲ့ တစ်ဦးတည်းသောသူကတော့ သူ့ရဲ့ အထက်ရဲအရာရှိမှူးဖြစ်တဲ့ အရာရှိဝေါင်ပါ ။ တစ်ဖက်မှာကတော့ ပါဝါအာဏာကြီးမားတဲ့ လူမိုက်ခေါင်းဆောင်ဆမ်ရဲ့ သတင်းထောက်လှမ်းစုံစမ်းဖို့ စေခိုင်းမှု့ကြောင့် ဟောင်ကောင်ရဲတပ်ဖွဲ့ထဲရောက်လာခဲ့တဲ့ triad အဖွဲ့ဝင် ကျင့်မင်း... အရာရှိချန် နဲ့ အရာရှိဝေါင် တို့ triad ဒုစရိုက် လူသတ်မှု့တွေကို စုံစမ်းရင်း တစ်ရက်မှာ အရာရှိဝေါင် ကို ဆမ်ရဲ့လူတွေက ဖမ်းမိသွားပြီး အရာရှိချန်ရဲ့ တည်နေရာကို ရိုက်နှက်ခါ မေးပေမယ့် မပြောတာကြောင့် အဆောက်အဦး ပေါ်ကနေ ပစ်ချပြီးသတ်လိုက်တဲ့နောက်.... အရာရှိချန် ဘာတွေဆက်လုပ်မလဲ... ဘာတွေဆက်ဖြစ်သွားမလဲဆိုတာကတော့ ဇာတ်ကားတွေထဲမှာပဲ ဆက်လက်ကြည့်ရှု့လိုက်ပါ...။ IMDb Rating တွေနဲ့တင် ကောင်းကြ

စားစရာနဲ့ နေစရာမရှိတဲ့ လူတစ်ယောက်ဟာ ဆေးရုံပျက်တစ်ခုမှာ ညစောင့်အဖြစ် အလုပ်ဝင်လာပါတယ်။ အဲဒီဆေးရုံမှာ မှီခိုနေထိုင်သူတွေက သူ့အတိတ်ကို မသိကြပါဘူး။ သူကတော့ မွေ့ထိုင်းကျွမ်းကျင်တဲ့ ဂိုဏ်းသားဟောင်းတစ်ယောက်ပါ။ သမ္မာကျမ်းစာလာ မြင်းစီးသူရဲကောင်းလေးယောက်နဲ့ ဆက်နွှယ်နေတဲ့ ကမ္ဘာပျက်ကိန်းကို တားဆီးဖို့ ဟာနုမန်က သူ့ကို အသုံးချလာတဲ့အခါ သူ့တိုက်ခိုက်နိုင်စွမ်းက ပိုပြင်းထန်လာပြီး နတ်ဆိုးတွေကိုပါ ရင်ဆိုင်နိုင်လာပါတယ်။ ဒီဇာတ်ကားမှာ ရာမရဲ့ စစ်သူကြီး ဟာနုမန်ကို သေမင်းနတ်ဘုရားအဖြစ် ပုံဖော်ထားပြီး မွေ့ထိုင်းတိုက်ခိုက်ခန်းတွေနဲ့ သဘာဝလွန်အဖြစ်အပျက်တွေကို ရောစပ်ထားတာပါ။

အဏ္ဏဝါဇီဝဗေဒသုတေသီ ဇီရွှမ်းဟာ ရေပုတ်သင်ကြီးတစ်ကောင်ကို စမ်းသပ်လေ့လာနေတုန်း အဲဒီအကောင်မှာ ပြောင်းလဲမှုတွေ ဖြစ်လာပြီး လူတွေကို တိုက်ခိုက်ပါတော့တယ်။ ဇီရွှမ်းကတော့ တိုက်ခိုက်မှုကနေ လွတ်မြောက်လာခဲ့ပေမယ့် တစ်ချိန်တည်းမှာပဲ သူ့အဖေဟာ လူသူကင်းမဲ့တဲ့ ကျွန်းတစ်ကျွန်းပေါ်မှာ ထူးထူးဆန်းဆန်း ပျောက်ဆုံးသွားပါတယ်။ အဖေနဲ့ သူ့ကိုတိုက်ခိုက်ခဲ့တဲ့ ရေပုတ်သင်ကြီး ဘယ်မှာရှိနေလဲဆိုတာ စုံစမ်းဖို့ ဇီရွှမ်းဟာ သင်္ဘောတစ်စင်းနဲ့ ကျွန်းဆီ ထွက်လာခဲ့တယ်။ သင်္ဘောပေါ်က လူတွေကလည်း အကျင့်စရိုက် မတူကြသလို ကိုယ့်စိုးရိမ်ပူပန်မှုနဲ့ကိုယ်ပါ။ ခရီးလမ်းမှာတော့ ပုံစံလုံးဝပြောင်းလဲသွားပြီဖြစ်တဲ့ ရေပုတ်သင်ကြီးနဲ့ ထပ်တွေ့ကြရပြီး လိုက်ပါလာသူတချို့ ကျွန်းပေါ်ကို ထွက်ပြေးကြရပါတယ်။ ဇီရွှမ်းဟာ အဖေနဲ့ပတ်သက်တဲ့ သဲလွန်စတွေကို ရှာတွေ့နိုင်မလား။ ရေပုတ်သင်ကြီးရဲ့ ဗီဇပြောင်းလဲမှုအကြောင်းကိုရော စုံစမ်းဖော်ထုတ်နိုင်မလား။ အသက်ရှင်ကျန်နေသူတွေကို ကယ်ဆယ်ပြီး သူတို့အားလုံး ဒီနေရာကနေ လွတ်မြောက်နိုင်ပါ့မလားဆိုတဲ့ မေးခွန်းတွေ ရှိနေပါတယ်။

Harry Tasker ဟာ ဇနီး Helen နဲ့ သမီးလေး Dana တို့နဲ့အတူ ဝါရှင်တန်ဒီစီရဲ့ ဆင်ခြေဖုံးရပ်ကွက်တစ်ခုမှာ နေထိုင်ပါတယ်။ လူတွေသိထားတာကတော့ သူဟာ ကွန်ပျူတာကုမ္ပဏီတစ်ခုရဲ့ အရောင်းကိုယ်စားလှယ်တစ်ယောက်ပါ။ တကယ်တမ်းမှာတော့ အမေရိကန်နိုင်ငံကို ခြိမ်းခြောက်လာတဲ့ အန္တရာယ်တွေကို နှိမ်နင်းပေးရတဲ့ လျှို့ဝှက်အဖွဲ့အစည်းတစ်ခုက အေးဂျင့်ဖြစ်နေပါတယ်။ အလုပ်ကြောင့် ဇနီးကို အချိန်ပေးမနေနိုင်တဲ့အခါ Helen ဟာ တဖြည်းဖြည်း အထီးကျန်လာပြီး Simon ဆိုတဲ့ ကားအရောင်းဝန်ထမ်းတစ်ယောက်နဲ့ ပတ်သက်လာတယ်။ ဒါကို ရိပ်မိသွားတဲ့ Harry က ဇနီးနဲ့ပတ်သက်နေသူကို စောင့်ကြည့်ဖို့ အဖွဲ့အစည်းရဲ့ လျှို့ဝှက်ကိရိယာကို ယူသုံးလိုက်ပါတယ်။ အိမ်ထောင်ရေးအတွက် ပူပန်နေရချိန်မှာပဲ နိုင်ငံကို ခြိမ်းခြောက်လာတဲ့ ပြဿနာကြီးတစ်ခုပါ ပေါ်လာတော့ Harry တစ်ယောက် နှစ်ဖက်စလုံးကို ဘယ်လိုဖြေရှင်းမလဲဆိုတာ ဆက်ကြည့်ရမှာပါ။

Blade မင်းသား ပါဝင်ထားတဲ့ ဒီအက်ရှင်ကားမှာ နိုင်ငံတကာပဋိပက္ခတွေ ဖြစ်လာရင် UN က လျှို့ဝှက်စစ်ဆင်ရေးအဖွဲ့တစ်ဖွဲ့ကို စေလွှတ်ဖြေရှင်းခိုင်းပါတယ်။ အဲဒီအဖွဲ့ကို ဦးဆောင်သူက နီးလ်ရှောပါ။ တရုတ်နဲ့ UN တို့ အရေးပါတဲ့ ကုန်သွယ်ရေးသဘောတူစာချုပ်ကို လက်မှတ်ထိုးဖို့ နီးလာချိန်မှာ အမေရိကန်ဆိပ်ကမ်းတစ်ခုဆီ တရုတ်ဒုက္ခသည်တွေရဲ့ အလောင်းတွေအပြည့်ပါတဲ့ ကုန်တိန်နာတစ်လုံး သောင်တင်လာပါတယ်။ ဒီကိစ္စကို ထောက်လှမ်းဖို့ UN က နီးလ်ရှောတို့အဖွဲ့ကို စေလွှတ်လိုက်တယ်။ အစက သတင်းအချက်အလက်ရယူဖို့ပဲ ဖြစ်ပေမယ့် စုံစမ်းရင်း ပိုကြီးမားတဲ့ အရှုပ်အထွေးထဲ ရောက်သွားပါတယ်။ နီးလ်ရှောတစ်ယောက် တရုတ်နဲ့ အမေရိကန်ကြားက ဒီကိစ္စမှာ တရားခံအစစ်ကို လိုက်ရှာရပါတော့တယ်။

စကော့တလန်ရဲ့ တောင်တန်းဒေသတစ်ခုမှာ ဗြိတိသျှစစ်သားတစ်ဖွဲ့ လေ့ကျင့်ရေးလာဆင်းကြပါတယ်။ သူတို့ရောက်နေတဲ့အချိန်က လပြည့်နေ့နဲ့လည်း နီးလာပြီး သမန်းဝံပုလွေတွေရဲ့ တိုက်ခိုက်မှုကို ကြုံရတော့တယ်။ လေ့ကျင့်ရေးခရီးကနေ အသက်ရှင်ဖို့ ပြန်လည်ခုခံရတဲ့ အခြေအနေကို ရောက်သွားကြတာပါ။ ၂၀၀၂ ခုနှစ်ထွက် ဒီထိတ်လန့်အက်ရှင်ဇာတ်ကားမှာ ဘယ်သူတွေ လွတ်မြောက်နိုင်မလဲ၊ ဘယ်လိုလှည့်ကွက်တွေ ရှိနေမလဲဆိုတာ ဆက်ကြည့်ရမှာပါ။

Lego Monkie Kid ရဲ့ ဒီအဆက်မှာ ပင့်ကူဘုရင်မကြီးက မျောက်ဘုရင်နဲ့ ကျွဲဘုရင်တို့ကို ဖမ်းထားပြီး ကမ္ဘာကြီးကို သိမ်းပိုက်ဖို့ ကြိုးစားနေပါတယ်။ သူ့ရည်မှန်းချက်တွေ အထမမြောက်အောင် အမ်ကေနဲ့ သူငယ်ချင်းတစ်သိုက်က ပြန်လည်ဆန့်ကျင်ကြတဲ့အကြောင်းကို ဟာသနှောပြီး တင်ဆက်ထားတဲ့ အန်နီမေးရှင်းဇာတ်လမ်းပါ။

ဒုတိယကမ္ဘာစစ်ကြီး ပြီးကာစ မီလန်မြို့မှာ မှောင်ခိုသမား ပီအဲထရိုက အကြံကြီးတစ်ခု ရသွားပါတယ်။ စစ်ပွဲအတွက် သုံးဖို့ အီတလီနိုင်ငံသားတွေ နှစ်ပေါင်း ၂၀ ကျော်အတွင်း ပေးအပ်ထားတဲ့ ရတနာပစ္စည်းတွေကို ဖက်ဆစ်ခေါင်းဆောင် မူဆိုလီနီတို့ သိမ်းယူထားမှန်း သိလိုက်ရလို့ပါ။ သူ့အကြံကတော့ မူဆိုလီနီဆီက ရတနာတွေကို ဓားပြတိုက်ယူဖို့ ဖြစ်ပါတယ်။ ပီအဲထရိုရဲ့ချစ်သူ အီဘုန်းက မူဆိုလီနီရဲ့ အယုံကြည်ရဆုံး အရာရှိတစ်ဦးရဲ့ အငယ်အနှောင်းအဖြစ် နေခဲ့သူပါ။ ဒီအစီအစဉ်ကို အကောင်အထည်ဖော်ဖို့ ပီအဲထရိုတို့အဖွဲ့မှာ သူခိုးတစ်ယောက်၊ ဖောက်ခွဲရေးကျွမ်းကျင်သူတစ်ယောက်နဲ့ ကားမောင်းကျွမ်းကျင်သူတစ်ယောက် ထပ်လိုနေသေးတယ်။ မူဆိုလီနီတို့ ဖက်ဆစ်အုပ်စုကလည်း အီတလီကနေ ထွက်ပြေးတော့မယ့်အချိန် ဖြစ်နေတာကြောင့် ပီအဲထရိုတို့ ဘယ်လိုလှည့်ကွက်တွေသုံးပြီး ရတနာတွေကို ဖောက်ထွင်းယူကြမလဲဆိုတာ ဟာသနဲ့အက်ရှင် ရောနှောထားတဲ့ ဇာတ်လမ်းထဲမှာ ဆက်တွေ့ရမှာပါ။

ဗီဂါဟာ အထက်တန်းကျောင်းပြီးတာနဲ့ စစ်တပ်ထဲဝင်ခဲ့တဲ့ ဗီယက်နမ်စစ်ပြန်တစ်ယောက်ပါ။ ရိုးရိုးရှင်းရှင်းနေခဲ့တဲ့ဘဝနဲ့ ချစ်သူကိုထားပြီး စစ်မှုထမ်းခဲ့ရတာ ခုနစ်နှစ်ကြာပါတယ်။ ပြန်လာတဲ့အခါ သူ့ကိုစောင့်နေမယ်လို့ မျှော်လင့်ပြီး ချစ်သူဟောင်းဆီ သွားတွေ့ပေမယ့် သူမမှာ ကလေးနှစ်ယောက်တောင် ရှိနေပါပြီ။ ရဲကျောင်းတက်ဖို့ ကြိုးစားတော့လည်း မအောင်မြင်၊ ကုမ္ပဏီတွေမှာ အလုပ်လျှောက်တော့လည်း ကောလိပ်မတက်ခဲ့လို့ အငြင်းခံရတာနဲ့ ကိုယ်ပိုင်ဆိုင်လေးဖွင့်ပြီး နေထိုင်လာခဲ့ပါတယ်။ တစ်နေ့ သူစီးနေကျဘတ်စ်ကားပေါ်မှာ လူငယ်နှစ်ယောက်က အဘိုးကြီးတစ်ယောက်ကို အနိုင်ကျင့်နေတာတွေ့လို့ ဝင်ဖြေရှင်းပေးလိုက်တယ်။ အဲဒီဖြစ်ရပ်ကြောင့် အင်တာနက်ပေါ်မှာ နာမည်ကြီးသွားပြီး “ဆရာကြီး” ဆိုတဲ့ နာမည်ပါ ရလာပါတယ်။ အဲဒီနောက် မိခင်ဆုံးပါးသွားတဲ့အခါ အချစ်ဆုံးသူငယ်ချင်း ကလန်းဒိုက်ကို အိမ်မှာခေါ်ထားခဲ့တယ်။ နှစ်ယောက်သား အရက်သောက်နေကြရင်း ကလန်းဒိုက်က မန်မိုရီစတစ်လေးတစ်ခုကို သိမ်းပေးထားဖို့ အပ်လာလို့ ဗီဂါလည်း ဘာမှန်းမသိဘဲ ယူထားလိုက်ပါတယ်။ အဲဒီညမှာပဲ ဆေးလိပ်ထွက်ဝယ်တဲ့ ကလန်းဒိုက် အသတ်ခံလိုက်ရတယ်။ စုံထောက်တွေက အမှုကို သေချာမလိုက်ပေးတာကြောင့် ဗီဂါကိုယ်တိုင် တစ်စချင်း လိုက်စုံစမ်းလာပါတယ်။ သူငယ်ချင်းအပ်ခဲ့တဲ့ မန်မိုရီစတစ်ထဲမှာ ဘာရှိနေတာလဲ၊ သူ့သေဆုံးမှုနဲ့ ဘယ်လိုပတ်သက်နေလဲ၊ ဒီပြဿနာကို ဗီဂါ ဖြေရှင်းနိုင်ပါ့မလားဆိုတာကို အက်ရှင်၊ မှုခင်းနဲ့ ဟာသရောပြီး ဆက်ထားပါတယ်။

ဂျက်လီ သရုပ်ဆောင်ထားတဲ့ ရိုးရိုးအအနဲ့ ကွန်ဖူးကျွမ်းကျင်သူဟာ သူ့အဖွဲ့နဲ့အတူ သိုင်းစွမ်းရည်ပြပွဲအတွက် အမေရိကကို ရောက်လာပါတယ်။ သူ့သူငယ်ချင်းကတော့ တရုတ်ပြည်ကို မပြန်တော့ဘဲ ထွက်ပြေးနေခဲ့ဖို့ ဆုံးဖြတ်ထားတယ်။ သူငယ်ချင်းကို နားချဖို့ ကြိုးစားရင်း သူကိုယ်တိုင်ပါ ကျန်ခဲ့ပြီး သူငယ်ချင်းရဲ့အမှုနဲ့ ပတ်သက်မိရာက ဝရမ်းပြေးဖြစ်သွားပါတယ်။ သွားစရာနေရာမရှိတဲ့အချိန် စတီဖင်ချောင် သရုပ်ဆောင်ထားတဲ့သူနဲ့ ဆုံမိပြီး သူ့အကူအညီနဲ့ နေစရာနဲ့ အလုပ် ရလာတယ်။ နောက်ပိုင်းမှာတော့ အမေရိကန်လူဆိုးဂိုဏ်းထဲ ဝင်နေပြီဖြစ်တဲ့ သူငယ်ချင်းနဲ့ ပြန်တွေ့ကြပါတယ်။ ချောင်ရဲ့ဇာတ်ကောင်ပါ အဲဒီဂိုဏ်းနဲ့ ပတ်သက်မိသွားတဲ့အခါ ဂျက်လီရဲ့ဇာတ်ကောင်လည်း ကွန်ဖူးပညာကို ထုတ်သုံးရတော့တယ်။ ၁၉၈၉ ခုနှစ်ထွက် Dragon Fight မှာ ဂျက်လီက သူ့ရဲ့ရင်းနှီးပြီးသား ရိုးသားတဲ့ သိုင်းသမားပုံစံနဲ့ ပါဝင်ထားပြီး စတီဖင်ချောင်ကတော့ ဟာသလုပ်ပေမယ့် အလွန်အကျွံ ပေါတောတောပုံစံမျိုး မဟုတ်သေးပါဘူး။ သူတို့နှစ်ယောက် ဒီကားမှာ အတူပါဝင်ခဲ့တာက ဂျက်လီနဲ့ ဂျက်ကီချမ်းတို့ The Forbidden Kingdom (2008) မှာ တွဲမရိုက်ခင်ကတည်းကပါ။ ဂျက်ကီချမ်းနဲ့ စတီဖင်ချောင်ကလည်း King of Comedy (1999) နဲ့ Gorgeous (1999) တို့မှာ ဆုံခဲ့ကြပြီး The Founding of a Republic (2009) မှာတော့ သုံးယောက်စလုံး ပါဝင်ထားပါတယ်။

မီးတောင်ပညာရှင် ဟယ်ရီဒေါ်လ်တန်ဟာ ကတ်စ်စတိတ်မြောက်ပိုင်းမှာ လှုပ်နေတဲ့ ငလျင်တွေအကြောင်း စမ်းသပ်တိုင်းတာဖို့ Dante’s Peak မြို့လေးကို ရောက်လာပါတယ်။ စစ်ဆေးကြည့်ရာက မီးတောင်ပေါက်ကွဲတော့မယ်ဆိုတာ သိလာတဲ့အတွက် မြို့တော်ဝန် ရေချယ်ဝန်ဒိုနဲ့အတူ မြို့ကောင်စီဝင်တွေကို သတိပေးကြတယ်။ မြို့သူမြို့သားအားလုံး ဘေးလွတ်ရာ ပြောင်းရွှေ့သင့်တယ်လို့ ရှင်းပြပေမယ့် မသေချာသေးဘူးဆိုပြီး လက်မခံကြပါဘူး။ ရက်သတ္တပတ်အကြာ မီးတောင်ပေါက်လုဆဲဆဲမှာတော့ ဟယ်ရီသဘောကျနေတဲ့ ရေချယ်ရဲ့ ကလေးနှစ်ယောက်ဟာ ဘယ်သူ့ကိုမှ မပြောဘဲ တောင်ပေါ်တက်သွားကြပါတယ်။ ရေချယ်နဲ့ ဟယ်ရီတို့ ကလေးတွေကို ပြန်ခေါ်ဖို့ လိုက်သွားတဲ့အခါ မီးတောင်ပေါက်ကွဲမှုနဲ့ ရင်ဆိုင်ရတော့တယ်။ Pierce Brosnan ပါဝင်သရုပ်ဆောင်ထားတဲ့ ဒီဇာတ်ကားမှာ ကလေးတွေကို ပြန်ခေါ်ရင်း ချော်ရည်တွေကြားကနေ လွတ်မြောက်အောင် ပြေးနိုင်ကြမလားဆိုတာကို ဆက်ကြည့်ရမှာပါ။

ကိုယ်လက်အင်္ဂါမသန်စွမ်းတဲ့ ဆယ်ကျော်သက်လူငယ်နှစ်ယောက်ဟာ ဘီးတပ်ကုလားထိုင်နဲ့ သွားလာပြီး လူလိုက်သတ်နေတဲ့ ကြေးစားလူသတ်သမားတစ်ယောက်နဲ့ ပတ်သက်မိသွားပါတယ်။ အဲဒီလူနဲ့ ဆုံတွေ့မှုက သူတို့နှစ်ယောက်ရဲ့ဘဝကို ဘယ်လိုပြောင်းလဲသွားစေမလဲဆိုတာကနေ ဇာတ်လမ်းကို ဆက်ထားတာပါ။ ၂၀၁၆ ခုနှစ်ထွက် ဟန်ဂေရီရုပ်ရှင်ဖြစ်ပြီး အက်ရှင်၊ ဒရာမာနဲ့ ဟာသကို ရောစပ်ထားပါတယ်။ ကြမ်းတမ်းတဲ့ တိုက်ခိုက်ခန်းတွေကြားမှာ ဇာတ်ကောင်အချင်းချင်းကြားက မေတ္တာနဲ့ မသန်စွမ်းသူတစ်ယောက်အဖြစ် ဘဝကို ကြံ့ကြံ့ခံဖြတ်သန်းပုံတွေကိုလည်း ထည့်ပြထားတယ်။ အဲဒီဘဝအခက်အခဲတွေကို တင်ပြရာမှာ စာနာစရာအဖြစ်အပျက်တွေနဲ့အတူ ရယ်စရာအခိုက်အတန့်တွေလည်း ပါဝင်ပါတယ်။

Dragon Ball Super: Super Hero ဟာ Dragon Ball ကာတွန်းရုပ်ရှင်တွေထဲက ၂၁ ကားမြောက်ဖြစ်ပြီး စီးရီးရဲ့ တရားဝင်ဇာတ်ကြောင်းထဲမှာ ပါဝင်တဲ့ ရုပ်ရှင်ပါ။ ရှေ့ရုပ်ရှင် Dragon Ball Super: Broly နဲ့လည်း တိုက်ရိုက်ဆက်ထားပါတယ်။ ဇာတ်လမ်းမှာ Red ရဲ့ မွေးစားသား Magnenta က Red Ribbon Army ကို ပြန်တည်ထောင်ဖို့ ကြိုးစားနေတယ်။ အဲဒီအတွက် Android စက်ရုပ်ပညာရှင် ဒေါက်တာ Gero ရဲ့ မြေးဖြစ်သူ ဒေါက်တာ Hedo ကို စည်းရုံးပါတယ်။ နောက်တော့ Hedo က Gamma 1 နဲ့ Gamma 2 ကို တီထွင်ပြီး Piccolo ကို တိုက်ခိုက်ဖို့ စေလွှတ်လိုက်တယ်။ Hedo ရဲ့ တီထွင်မှုက အဲဒီမှာတင် မရပ်သေးပါဘူး။ အရင်က ဇာတ်ကောင်တွေ အတူဝိုင်းတိုက်ခဲ့ရတဲ့ ဒေါက်တာ Gero ရဲ့ Cell ကို အဆင့်မြှင့်ထားတဲ့ Cell Max ကိုလည်း ဖန်တီးနေပါတယ်။ ဒီလောက်အားကောင်းတဲ့ Cell Max ကို ဘယ်လိုရင်ဆိုင် အနိုင်ယူကြမလဲဆိုတာ ဆက်တွေ့ရမှာပါ။

လူတစ်ယောက် ရဲစခန်းကို ရောက်လာပြီး သူ့ဇနီး ပျောက်ဆုံးနေကြောင်း လာတိုင်ပါတယ်။ သူပြောပြတာက လင်မယားနှစ်ယောက် ကားနဲ့ခရီးထွက်လာရင်း တောလမ်းတစ်နေရာမှာ မတော်တဆမှုဖြစ်ပြီး သူသတိလစ်သွားခဲ့တယ်။ ပြန်နိုးလာတော့ ဇနီးဖြစ်သူကို ကားပေါ်မှာ မတွေ့တော့ဘူးတဲ့။ ပျောက်ဆုံးသူက ကိုယ်ဝန်သည်ဖြစ်နေတာကြောင့် ရဲတွေနဲ့ ရွာသားတွေ ပူးပေါင်းပြီး လိုက်ရှာပေးကြပါတယ်။ လတွေကြာသွားပေမယ့် ရှာမတွေ့ဘဲ ပျောက်သွားတဲ့နေရာကလည်း သားရဲတိရစ္ဆာန်တွေ ပေါများတာကြောင့် ရဲတွေက သေဆုံးသွားပြီလို့ ကောက်ချက်ချလိုက်တယ်။ ခင်ပွန်းဖြစ်သူကတော့ လက်မလျှော့ဘဲ ဆက်ရှာနေဆဲပါ။ နောက်ပိုင်းမှာ ရွာထဲက လူတွေ တစ်ယောက်ပြီးတစ်ယောက် သေဆုံးလာပြီး ညဘက်တွေမှာလည်း အသံတွေ ကြားလာရတယ်။ သူ့ဇနီးက တကယ်ပဲ ပျောက်ဆုံးသွားတာလား၊ ရွာထဲက သေဆုံးမှုတွေနဲ့ ညညကြားရတဲ့ အသံတွေက ဘာကြောင့်လဲ၊ သူကိုယ်တိုင်ကရော တခြားအကြောင်းတစ်ခုနဲ့ ဒီရွာကို ရောက်လာခဲ့တာလားဆိုတာ မေးခွန်းထုတ်စရာ ဖြစ်လာပါတယ်။ မာလယာလမ်မင်းသား မမ်မွတ်တီး အဓိကပါဝင်ထားတဲ့ လျှို့ဝှက်ဆန်းကြယ်ဇာတ်ကားပါ။

၂၀၁၁ ခုနှစ်မှာ ဗိုင်းရပ်စ်တစ်မျိုးကြောင့် ကမ္ဘာ့လူဦးရေရဲ့ ၉၉ ရာခိုင်နှုန်း သေဆုံးသွားခဲ့ပါတယ်။ သိပ္ပံပညာရှင် ထရေဗာဂွတ်ချိုင်းလ်က ကုသနည်းကို တီထွင်နိုင်ခဲ့ပြီး အသက်ရှင်ကျန်ရစ်သူ ငါးသန်းဟာ ကမ္ဘာပေါ်မှာ တစ်ခုတည်းကျန်တဲ့ ဘရက်ဂ်နာမြို့မှာ နေထိုင်ကြပါတယ်။ ဂွတ်ချိုင်းလ်ရဲ့ အုပ်ချုပ်မှုဟာ နှစ် ၄၀၀ လောက် ကြာလာချိန်မှာတော့ နိုင်ငံဟာ တဖြည်းဖြည်း ယိုယွင်းလာတယ်။ အစိုးရက လူပျောက်မှုတွေကို လျစ်လျူရှုထားသလို သူတို့ကို အာခံသူတွေကိုလည်း သုတ်သင်နေပါတယ်။ ပြည်သူတွေကလည်း ကိုယ်တိုင် မတွေ့ကြုံဖူးတဲ့ ပုံရိပ်တွေရဲ့ ခြောက်လှန့်မှုကို ခံစားနေကြရတယ်။ ဒီအခြေအနေမှာ ဂွတ်ချိုင်းလ်အစိုးရကို ဆန့်ကျင်ဖို့ မော်နီကန်ဆိုတဲ့ လက်နက်ကိုင်အဖွဲ့တစ်ဖွဲ့ ပေါ်ပေါက်လာပါတော့တယ်။

IMDb-8/10 ဒီဇာတ်ကားလေးကတော့ 19ရာစုနှစ်ကအဖြစ်အပျက်တွေကို အခြေတည်ထားတဲ့ ဇာတ်ကားလေးပါ အာရတုပူဂါဗေလာယုဒပါနီကာဟာ စစ်သည်တော်တစ်ယောက်ဖြစ်ပြီး ထကာဗန်ကိုးနိုင်ငံရဲ့ ဇာတ်နိမ့်ကိုယ်ခံပညာရှင်တစ်ယောက်အဖြစ်နဲ့ မွေးဖွားလာခဲ့ရတာပါ... တစ်ချိန်တည်းမှာပဲ နန်ဂီလီဆိုတဲ့ဆင်းရဲတဲ့ဇာတ်နိမ့်မိသားစုက မိန်းကလေးတစ်ယောက်ဟာ လူကုံထံတွေရဲ့အနိုင်ကျင့်မှု လူမျိုးခွဲခြားမှုတွေကို ရင်ဆိုင်ဆန့်ကျင်နေတဲ့သူပေါ့... ဇာတ်မြင့်ဇာတ်နိမ်တွေခွဲခြားခံရပေမယ့် မဟုတ်ရင်မခံတဲ့စိတ်ကြောင့် ချီကာဗာဟာ လူကုံထံတွေရဲ့ချောက်ချမှုကြောင့်အကျဥ်းထောင်သွင်းခံခဲ့ရပါတယ်.. ဒါပေမယ့် ဘုရင်မကြီးရဲ့အကူအညီနဲ့လွတ်မြောက်ခဲ့ရပြီး သူ့ကိုဘုရင်မကြီးက ဘယ်လိုတာဝန်တွေပေးခဲ့လဲ.... နန်ဂီလီကရော...ဇာတ်နိမ့်မိသားစုတွေအတွက် ဘယ်လိုရဲရဲဝံ့ဝံ့ရင်ဆိုင်ပေးဆပ်သလဲဆိုတာ... စောင့်မျှော်ကြည့်ရှုအားပေးကြပါဦး.... File size…8.74GB / 2.89GB  / 1.59GB Quality…4k HEVC/  1080p HQ HD RIP / 720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by Taylor ~ BpL ~ Thet Ko ~ Poe

နာမ်ဘူရီနိုင်ငံဟာ တောင်နဲ့မြောက် နှစ်ခြမ်းကွဲပြီး ပြည်တွင်းစစ် ဖြစ်နေတာ ငါးနှစ်ရှိပါပြီ။ စစ်ကြောင့် နိုင်ငံဆင်းရဲမွဲတေနေပေမယ့် နှစ်ဖက်စလုံးမှာတော့ ခေတ်မီလက်နက်တွေ ရှိနေကြတယ်။ နောက်ဆုံး အပစ်အခတ်ရပ်စဲဖို့ သဘောတူညီမှု ရလာတဲ့အခါ မလေးရှားက အကူအညီတွေပေးခဲ့ပြီး စစ်သည်တချို့လည်း နာမ်ဘူရီထဲအထိ လာရောက်ကူညီကြပါတယ်။ ဒါပေမယ့် တောင်နဲ့မြောက် စစ်ပြန်ဖြစ်လာချိန်မှာ မလေးရှားစစ်သည်တွေ ပါလာတဲ့ လေယာဉ် ပစ်ချခံလိုက်ရတယ်။ စစ်သည်တချို့ လေထီးနဲ့ ခုန်ချလွတ်မြောက်ခဲ့ပေမယ့် ဒီကိစ္စကို လက်စဖျောက်ချင်တဲ့ နာမ်ဘူရီဘက်က သူတို့ကို တောနင်းရှာပြီး သတ်ဖို့ လိုက်လာကြပါတယ်။ လူအင်အား၊ လက်နက်အင်အား နည်းနေတဲ့ မလေးရှားစစ်သည်တွေ တောထဲမှာ ဘယ်လောက်ကြာကြာ တောင့်ခံနိုင်မလဲ။ မလေးရှားဘက်ကလည်း သူတို့ကို ကယ်ထုတ်နိုင်ပါ့မလား။

ရဲတွေကြားမှာ ဘယ်သူက လာဘ်ငွေပိုရသလဲလို့တောင် ပြိုင်နေကြပေမယ့် ဂူလတ်ရဲ့အဖေကတော့ တစ်ရူပီတောင် လာဘ်မယူတဲ့ ရဲသားတစ်ယောက်ပါ။ ရိုးရိုးသားသား အလုပ်လုပ်တဲ့ သူ့မိသားစုက ငွေကြေးသိပ်မပြေလည်ဘူး။ ဂူလတ်ငယ်ငယ်က အဖေက ဆုံးမဖူးတယ်။ ပိုက်ဆံကို အလွဲသုံးစားလုပ်ရင် ငွေစက္ကူပေါ်က ခေါင်းဆောင်ကြီး စိတ်ဆိုးလိမ့်မယ်တဲ့။ ဒီစကားက မုန့်ဖိုးမပေးချင်လို့ ပြောတာမှန်း သိသွားတဲ့နောက် ဂူလတ်ရဲ့အတွေးတွေဟာ အဖေမျှော်လင့်သလို ဖြစ်မလာတော့ပါဘူး။ ကြီးလာလို့ ရဲဖြစ်တဲ့အခါ အဖေ့ရှေ့မှာသာ ရိုးသားချင်ယောင်ဆောင်ပြီး ဌာနမှာတော့ လာဘ်ငွေယူနေတယ်။ ရာထူးတိုးသွားရင် လာဘ်ငွေမရတော့မှာ စိုးလို့ ရာထူးမတိုးအောင်တောင် ငွေပေးတားထားတဲ့အထိပါပဲ။ ဒါပေမယ့် တစ်နေ့မှာ အဖေပြောခဲ့တဲ့စကားက တကယ်ဖြစ်လာသလို ဂူလတ် လာဘ်ယူထားတဲ့ ငွေစက္ကူတွေမှာ ထူးဆန်းတာတွေ ဖြစ်လာပါတယ်။ ဒီကျိန်စာကို သူဖြေနိုင်ပါ့မလား။ အက်ရှင်နဲ့ဟာသ ရောစပ်ထားတဲ့ ဒီဇာတ်ကားမှာ Mahira Khan က တိရစ္ဆာန်ဆရာဝန်အဖြစ် ပါဝင်ထားပါတယ်။

ဒီဇာတ်လမ်းမှာ ရှောင်လင်ကျောင်းတော်နဲ့ တရုတ်သိုင်းပညာရဲ့ အစကို ဆေးပညာ၊ သိုင်းပညာနဲ့ အိပ်မွေ့ချပညာတို့မှာ ကျွမ်းကျင်တဲ့ တမီးလ်လူမျိုး ဘို့ဒ်ဒီ ဒါမန်နဲ့ ချိတ်ဆက်ပုံဖော်ထားပါတယ်။ ၆ ရာစုက တရုတ်ပြည်မှာ ကပ်ရောဂါဖြစ်နေချိန် ဘို့ဒ်ဒီ ဒါမန်ဟာ အဲဒီရောဂါ အိန္ဒိယနိုင်ငံအထိ မပျံ့လာအောင် တရုတ်ပြည်ကို သွားရောက်ကုသပေးခဲ့တယ်။ ယနေ့ခေတ် အိန္ဒိယမှာတော့ အဲဒီကပ်ရောဂါ ပြန်ပေါ်လာပါတယ်။ ဒီတစ်ကြိမ်မှာ သဘာဝအလျောက် ဖြစ်လာတာမဟုတ်ဘဲ တရုတ်နိုင်ငံက အိန္ဒိယကို တိုက်ခိုက်ဖို့ အသုံးပြုတဲ့ ဇီဝလက်နက် ဖြစ်နေတယ်။ ဘို့ဒ်ဒီ ဒါမန်ရဲ့ မျိုးဆက်ဖြစ်တဲ့ ဆပ်ကပ်သမား အာဗင်နဲ့ မျိုးရိုးဗီဇအင်ဂျင်နီယာပညာ သင်ယူနေတဲ့ ဆူဘာတို့ဟာ ဒီကပ်ရောဂါကို ဘယ်လို တားဆီးကာကွယ်ကြမလဲ။ တစ်ချိန်တည်းမှာ သူတို့နှစ်ယောက်ကို သတ်ဖို့ စေလွှတ်ခံရတဲ့ ရှောင်လင်ကျောင်းတော်ရဲ့ ထိပ်တန်းတပည့် ဒွန်းလီလက်ကနေရော လွတ်မြောက်နိုင်ပါ့မလား။

ဘလက်ပန်သာ မရှိတော့တဲ့အချိန်မှာ ဝါကန်ဒါဟာ အားအနည်းဆုံးအခြေအနေကို ရောက်နေပါတယ်။ နောက်ထပ် ဘလက်ပန်သာ ပေါ်လာဖို့အတွက် လိုအပ်တဲ့ နှလုံးသားပုံဆေးရွက်တွေလည်း မီးရှို့ခံထားရပြီ။ ဘုရင်တီချာလာရဲ့မယ်တော် အာမွန်ဒါကတော့ ဝါကန်ဒါရဲ့ ဗိုင်ဘရေနီယံကို လိုချင်နေကြတဲ့ ကမ္ဘာ့နိုင်ငံတွေကို ကြံ့ကြံ့ခံ ရင်ဆိုင်နေရတယ်။ ဒီအချိန်မှာပဲ ဝါကန်ဒါဟာ တခြားနိုင်ငံတွေထက် အင်အားကြီးပြီး တိုးတက်နေတဲ့ နိုင်ငံတစ်ခုနဲ့ ရင်ဆိုင်လာရပါတယ်။ အဲဒါကတော့ ဝါကန်ဒါလိုပဲ ဗိုင်ဘရေနီယံ ပိုင်ဆိုင်ထားပြီး သန္ဓေပြောင်းလူသားတွေ နေထိုင်ရာ ရေအောက်မြို့တော် တာလိုကန်ပါ။ သူတို့ရဲ့ခေါင်းဆောင်က နေမော်၊ တစ်နည်းအားဖြင့် ကုကုကန်လို့ ခေါ်သူဖြစ်ပါတယ်။ မာဗယ် Phase 4 ထဲက ဒီဇာတ်ကားမှာ ကွယ်လွန်သွားတဲ့ ဘလက်ပန်သာသရုပ်ဆောင် ချက်ဒ်ဝစ်ခ် ဘို့စ်မန်အတွက် အမှတ်တရတွေ ထည့်သွင်းထားပါတယ်။ အိုင်ရွန်မန်းနဲ့ ဘလက်ပန်သာတို့ကို ဆက်ခံမယ့်သူတွေအကြောင်းကိုလည်း အစပျိုးမိတ်ဆက်ထားပါတယ်။