ရုပ်ရှင်အသစ်များ

Safira ဇာတ်ကားကတော့ မင်းသားကြီးAshay Kumarသရုပ်ဆောင်ထားတဲ့ Deccan လေကြောင်းလိုင်းအကြောင်းရိုက်ပြထားတဲ့ ဖြစ်ရပ်မှန်ကားတစ်ကားဖြစ်တယ်။ဇာတ်လမ်းအကျဉ်းကတော့ လေတပ်အရာရှိတစ်ယောက်ဖြစ်တဲ့ ဗီလ်ဟာ ဈေးကြီးလှတဲ့အိန္ဒိယရဲ့ လေယာဉ်လက်မှတ်တွေကြောင့် တပ်ကနေ အိမ်ကိုအမှီမပြန်လာနိုင်ခဲဘဲနဲ့ အဖေဖြစ်သူကို နောက်ဆုံးနှုတ်ဆက်ခွင့်တောင်မရ ဈာပနာတောင်ကျင်းပခွင့်တောင်မရခဲ့ပါဘူး။ဒါကြောင့်ဗီလ်ဟာ လေတပ်ကထွက်ကာ သာမန်ပြည်သူတွေတက်နိုင်တဲ့ ဈေးပေါတဲ့လေကြောင်းလိုင်းတစ်ခုတည်ထောင်ဖို့ ကြိုးစားခဲ့တယ်။လေကြောင်းလိုင်းတည်ထောင်ဖို့ ရင်းနှီးမြုပ်နှံသူတွေကို လိုက်ရှာနေရင်း သူ့လိုဘဲ မုန့်ဆိုင်ဖွင့်ဖို့ အိမ်မက်ရှိတဲ့ ရာလ်နီဆိုတဲ့မိနိးကလေးနဲ့ ချစ်ကြိုက်ကာ လက်ထပ်ခဲ့ကြတယ်။ဗီလ်နဲ့ ရာလ်နီတို့ နှစ်ယောက် အိမ်မက်တွေကို အကောင်အထည်ဖော််ဖို့ ကြိုးစားနေပေမဲ့ ဗီလ်ရဲ့ လေကြောင်းလိုင်းသာပေါ်လာရင် လူဆင်းရဲတွေလဲ လေယာဉ်စီးနိုင်မှာကို သဘောမကျတဲ့ အိန္ဒိယလေကြောင်းလုပ်ငန်းပိုင်ရှင်သူဌေးကြီးပါရာကတ်ရှ်က ဗီလ်ရဲ့ အစီအစဉ်တွေကို လိုက်လံဖျက်စီးပါတော့တယ်။သာမန်လူတစ်ယောက်ဖြစ်တဲ့ ဗီလ်က သူ့အိမ်မက်တွေကို အကောင်အထည်ဖော်နိုင်ပါ့မလားဆိုတာကို ကြည့်ရှုကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

နယ်လာနဲ့ဂျိုးက အန်ဂျွိုင်းဆိုတဲ့ဘလော့ချန်နယ်လေးကို စထောင်ခဲ့တဲ့ ဆိုရှယ်မီဒီယာမှာလူတိုင်းအားကျရတဲ့ ဆယ်လီအတွဲပေါ့။ဘလော့ဂါဆယ်လီအတွဲပီပီ ဘလော့ရိုက် ဈေးရောင်းရင်းနဲ့ပဲဘဝကို ဖြတ်သန်းနေတာပေါ့လေ ။ဒီလိုနဲ့ ချစ်သူသက်တမ်း ၅ နှစ်ပြည့်မှာ နယ်လာတစ်ယောက် လိုက်ဖ်လွှင့် ဂျိုးကိုစပရိုက်စ်သွားအတိုက်မှာဟိုက စပရိုက်အကြီးကြီးနဲ့ ကြိုဆိုလိုက်ပါသတဲ့။အဲဒါကတော့ ဘုရားစူး သူငယ်ချင်း လုပ်ဖော်ကိုင်ဖက်လေးနဲ့ ဂျိုးတစ်ယောက်ပါတီမှာ အနမ်းချင်းဖလှယ်နေတာကို နယ်လာကတန်းမြင်သွားတာပါပဲ။ တွဲခဲ့တဲ့အချိန်တွေလည်းကြာပြီမလို့လူနေမှုဘဝမှာရော အလုပ်မှာ ဘလော့ဂ်မှာ ဆိုရှယ်မီဒီယာမှာ ဂျိုးရဲ့အရိပ်တွေက စိုးမိုးနေတဲ့အပြင်ပါတီမှာသောင်းကျန်းခဲ့တဲ့နယ်လာရဲ့လိုက်ဖ်ကြောင့် လူတိုင်းက ဂျိုးဘက်ကပါနေကြလို့ဘဲကပစ် အလုပ်ကမပြေ အထီးကျန် ဒီပျက်ရှင်ကောင်မဇိုးလေးဖြစ်နေရင်းကနေctrlapp.inဆိုတဲ့Chat Bot AIတစ်ခုနဲ့ အာရုံပြောင်းဖို့လုပ်ရာက…. ဘယ်လိုတွေ ဆက်ဖြစ်မလဲဆိုတာ ဇာတ်လမ်းလေးထဲမှာ ကြည့်လိုက်ပါဦး ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lemon ဖြစ်ပါတယ်

ဒီတစ်ခေါက်မှာတော့ တံငါလုပ်ငန်းနဲ့ လှိုင်းကြမ်းလှေကြမ်းတဲ့ပင်လယ်ပြင်ကိုနောက်ခံထားတဲ့ အက်ရှင်ဒရမ်မာဇာတ်လမ်းကောင်းလေးတစ်ခုနဲ့မိတ်ဆက်ပေးပါရစေ မန်နူရယ်ဟာ အာဏာရှိတဲ့လူတစ်ယောက်နဲ့ အချင်းများရန်ဖြစ်ရာက အန်ချူသန်ဂူမြို့လေးပေါ်ကနေ ရှောင်ပြေးဖို့အတွက် ငါးဖမ်းစက်လှေတစ်စီးနဲ့ ပင်လယ်ထဲလိုက်သွားခဲ့တယ်။ ဖြစ်ချင်တော့ အဲ့ဒီစက်လှေက ငါးဖမ်းစက်လှေမဟုတ်ဘဲ မူးယစ်ဆေးမှောင်ခိုလုပ်ငန်းကို အဓိကလုပ်ကိုင်တဲ့လုပ်ငန်းဖြစ်နေတဲ့အခါ မန်နူရယ်တစ်ယောက် ပင်လယ်ပြင်ထဲကိုရောက်မှ ပိုဆိုးတဲ့ပြဿနာတွေနဲ့ ကြုံရပါတော့တယ်။ ဒါပေမဲ့ တကယ်တမ်း မန်နူရယ်ကလည်း အကြံအစည်တစ်ခုနဲ့ လှေပေါ်ကိုလိုက်လာခဲ့တယ်ဆိုတာကို သင်္ဘောပေါ်ကလူတွေသိသွားကြတဲ့အခါ ဘာဆက်ဖြစ်ကြမလဲဆိုတာကို ရင်တထိတ်ထိတ်နဲ့ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Vedaaဇာတ်ကားမှာတော့ ဗီလ်ဒါဟာ မျိုးရိုးဇာတ်နိမ့်က မွေးဖွားလာတဲ့ မိန်းကလေးတစ်ယောက်ဖြစ်ပေမဲ့ လက်ဝှေ့ချန်ပီယံဖြစ်ချင်တာကြောင့် ကောလိပ်လက်ဝှေ့အသင်းထဲဝင်ခွင့်ရဖို့ ကြိုးစားခဲ့တယ်။ဒါပေမဲ့မျိုးရိုးဇာတ်နိမ့်တဲ့သူကို ဘယ်သူကမှ အဖွဲ့ထဲက လက်မခံတဲ့အပြင်ရွာကောင်စီခေါင်းဆောင်ရဲ့ညီကလဲ ဗီလ်ဒါကို လိုက်လံနှောင့်ယှက်နေခဲ့သေးတယ်။အဲ့အချိန်မှာရွာကို အခုမှရောက်လာတဲ့ လက်ဝှေ့လက်ထောက်နည်းပြအာဟီလ်ဆိုတဲ့လူက ဗီလ်ဒါကိုလက်ဝှေ့ထိုးနည်းသင်ပေးခဲ့တယ်။တစ်နေ့မှာတော့ ဗီလ်ဒါအကိုဟာ မျိုးရိုးမြင့်ထဲက မိန်းကလေးတစ်ယောက်နဲ့ ချစ်နေပြီး ခိုးရာလိုက်ပြေးသွားတာကြောင့်ရွာကောင်စီခေါင်းဆောင်က ဗီလ်ဒါရဲ့အကိုနဲ့အမကို ရက်ရက်စက်စက်သတ်ဖြတ်လိုက်ပြီး ဗီလ်ဒါကိုလဲ သတ်ဖြတ်ဖို့ လိုက်လံဖမ်းဆီးနေခဲ့တယ်။ဗီလ်ဒါတစ်ယောက် အာလ်ဟီကို အကူအညီသွားတောင်းချိန်မှာတော့ အာလ်ဟီဟာ သာမန်လက်ထောက်နည်းပြတစ်ယောက်မဟုတ်ဘဲနဲ့ စစ်တပ်အရာရှိဟောင်းတစ်ယောက်ဖြစ်နေတာကို သိသွားပြီးတော့ရွာကောင်စီခေါင်းဆောင်တို့တစ်ဖွဲ့လုံးက ဗီလ်ဒါနဲ့ အာဟီလ်တို့ကို လိုက်လံသတ်ဖြတ်ပါတော့တယ်။စစ်တပ်အရာရှိတစ်ယောက်ဖြစ်တဲ့ အာလ်ဟီကရော ဒီမြို့လေးကို ဘာကြောင့်ရောက်လာရတာလဲ။ဗီလ်ဒါကရော အသက်ရှင်ထွက်ပြေးနိုင်ပြီးတော့ သူ့မိသားစုအတွက် လက်စားချေနိုင်ပါ့မလားဆိုတာကို ကြည့်ရှူကြပါအုံး။ ဇာတ်လမ်းအညွှန်းနဲ့ ဘာသာပြန်သူကတော့ Nora ဖြစ်ပါတယ်။

ထိုင်းဇာတ်ကားဖန်တွေအတွက် ဒီဇာတ်ကားလေးကတော့ အက်ရှင် ဟာသဇာတ်မြူးလေးဘဲဖြစ်ပါတယ်။ဇာတ်လမ်းအစမှာတော့ ကီဆိုတဲ့ကောင်မလေးတို့မိသားစုတစ်စုလုံးကံဆိုးမှုတွေကိုအမြဲကြုံတွေ့နေရပြီး သူမကိုယ်တိုင်လည်း အမြဲတစ်ခုမဟုတ်တစ်ခုနေ့တိုင်းကံဆိုးမှုတွေနဲ့ဘဲကြုံတွေ့နေရပါတယ်။ တစ်နေ့မှာတော့ စာတမ်းအတွက် အိုင်ဒီယာမရဖြစ်နေတဲ့အချိန်မှာ အဖိုးကြီးတစ်ယောက်နဲ့တွေ့လိုက်ပြီး သူတို့မိသားစုကံဆိုးမှုတွေက ကျိန်စာကြောင့်ဖြစ်တယ်ဆိုတာကိုသိလိုက်ရပါတော့တယ်။ ဒီတော့ ဒီကျိန်စာဆိုတဲ့အရာကို ပပျောက်အောင်ကီတစ်ယောက်ဘယ်လိုကြိုးစားမလဲဆိုတာကို သိချင်တယ်ဆိုရင်တော့ ကြည့်ရှုပေးကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ May Myat Noe Naing ဖြစ်ပါတယ်

ဒုတိယကမ္ဘာစစ်အတွင်း မဖွံ့ဖြိုးသေးတဲ့ဒေသတစ်ခုမှာ လာဗိုလ်ကျစိုးမိုးတဲ့ဗြိတိသျှတွေရဲ့နိုင်လိုမင်းထက်ပြုမူကတစ်မျိုး ၊ ဂျပန်ဗုံးကြဲလေယာဉ်ဒဏ်တွေကို ရှောင်ပြေးဖို့ကြိုးစားရတာတစ်မျိုးနဲ့ဒုက္ခပင်လယ်ဝေနေကြတဲ့ကာလတစ်ခုမှာ ….။ ယိုဂီဘာဘူက အသက်ကြီးနေတဲ့ အဘွားနဲ့အတူဒီခေတ်အခြေအနေမှာ သင့်တော်ရာလူတွေ့ထားပြီးတဲ့ ညီမ‌ကို အိမ်ထောင်ချပေးဖို့အရေး ၊ဘုမသိဘမသိဖမ်းခံလိုက်ရတဲ့ညီဖြစ်သူလွတ်ဖို့အရေးတွေနဲ့ ခေတ်နဲ့ စစ်ကိုမပူအားသေးတဲ့အစ်ကိုကြီးတစ်ယောက်…ညီကို သွားကယ်ဖို့ကြိုးစားနေချိန်မှ ဂျပန်ဗုံးကြဲလေယာဉ်တွေလာတယ်ဆိုလို့အဘွားနဲ့ ညီကိုခေါ်ပြီးလှေနဲ့ ပင်လယ်ထဲပြေးဖို့ကြံတော့ရှေ့ပြေးလမ်းကိုပဲ အာရုံစိုက်မိနေချိန် ညီဖြစ်သူကကျန်နေခဲ့ပြီး လွတ်လမ်းဆိုတာနဲ့အချောင်လိုက်ချင်တဲ့ လူတစ်ဖွဲ့ပဲ သူ့လှေပေါ်ပါလာခဲ့တယ်…ပင်လယ်ပြင်ကြီးထဲက လှေတစ်စီးပေါ်မှာ နိုင်ငံရေးသမား ၊တစ်ကိုယ်ကောင်းစိတ်ဓာတ်နဲ့ စီးပွားရေးသမား ၊ အကြောက်လွန်သူ ၊လက်တွေ့သမား လူအမျိုးမျိုးပါလာကြတယ်…. တစ်လှေတည်းစီးတစ်ခရီးတည်းသွားအချင်းချင်း နားလည်ဖေးမကူညီသူရှိသလိုဗိုလ်ကျအနိုင်ကျင့်ချင်သူနဲ့ ၊ မိတ်ဆွေယောင်ဆောင်ရန်သူတွေလည်းရှိနေပြန်တော့….။ ဒီတစ်ခါရော ယိုဂီဘာဘူကြီးက သဘာဝကျကျ ဘဝကိုဘယ်လိုသရုပ်ဖော်ပြဦးမလဲဆိုတာ ရှုစားကြည့်ပါဦး ဇာတ်လမ်းအညွှန်းနဲ့ ဘာသာပြန်သူကတော့ Lemon ဖြစ်ပါတယ်။

ဒီဇာတ်ကားလေးကတော့ စိတ်လှုပ်ရှားစွာ သည်းထိပ်ရင်ဖို ကြည့်ရမယ့် ဇာတ်ကားလေးဖြစ်ပါတယ် ဒီကားလေးတွေထဲ တက္ကသိုလ်တုန်းက တူတူတက်ခဲ့ကြတဲ့ သူငယ်ချင်းတစ်စုဟာ သူတို့သူငယ်ချင်း မင်္ဂလာမဆောင်ခင်ညမှာ သူတို့သူငယ်ချင်းအိမ်မှာ စုဝေးဖို့ စီစဉ်ထားကြပါတော့တယ် သူငယ်ချင်းတစ်ဖွဲ့ဟာ တက္ကသိုလ်ထဲက ခင်ကြတာ ဖြစ်ပြီး အခုမှ အလုပ်တွေမအားတဲ့ကြားက ပြန်လည် ဆုံတွေ့ကြမှာ ဖြစ်ပါတယ် အဲ့အခါမှာ သူတို့အဖွဲ့ထဲမှာ ပြဿနာတက်ခဲ့ဖူးတဲ့ ဖော့ဘ်စ်ဆိုတဲ့ သူကိုလည်း ဖိတ်ခေါ်ထားပါတယ် ဖော့ဘ်စ်က ကျောင်းကတည်းက ပါတီညတွေဆို ဂိမ်းတွေဖန်တီးပြီး ဆော့တဲ့ နေရာမှာ နာမည်ကြီးပါတယ် ဒီစုဝေးပွဲညမှာလည်း ဖော့ဘ်စ်က သေတ္တာတစ်လုံးနဲ့ စက်တစ်ခုကို ယူလာပါတယ် အဲ့ဒီ့စက်က ခန္ဓာကိုယ်ချင်း လဲတဲ့ စက်လို့ သူက ပြောပါတယ် အဲ့စက်နဲ့ လူတွေနဲ့ ဆက်သွယ်ပြီး စိတ်ချင်း ခန္ဓာကိုယ်ချင်း လဲလို့ရတယ် အဲ့လိုလဲပြီး ဂိမ်းတွေ ဆော့ကြမယ်လို့ တိုက်တွန်းပါတယ် သူငယ်ချင်းတစ်ဖွဲ့ကလည်း အပျော်အပါးမက်တော့ လက်ခံလိုက်ပါတယ် ဂိမ်းလေးကတော့ ခန္ဓာကိုယ်ချင်းလဲပြီး ဘယ်သူ့ခန္ဓာကိုယ်ထဲ ဘယ်သူရောက်နေတယ်ဆိုတာကို ခန့်မှန်းရတာမျိုး ဖြစ်ပါတယ် ဒီဂိမ်းပွဲညလေးက သူတို့ ထင်သလိုပဲ ပျော်စရာကောင်းတဲ့ ညတစ်ခုဖြစ်မှာလား ဒါမှမဟုတ် လူငယ်တွေ အပျော်ကနေ အပျက်တွေ ဖြစ်လာမလား ဘယ်လိုကိစ္စမျိုးတွေ သူငယ်ချင်းတွေကြားဖြစ်မလဲ မကျေနပ်ချက်တွေ ပေါ်လာမလားဆိုတာကို ကြည့်ရှုရမှာ ဖြစ်ပါတယ် ဇာတ်လမ်းအညွှန်းနဲ့ ဘာသာပြန်သူကတော့ Henny ဖြစ်ပါတယ်

မကြာသေးခင်ကမှ Netflix ကထုတ်လွှင့်ထားတဲ့ ဒီဇာတ်ကား‌လေးက ၁၉၈၀ ဝန်းကျင်မှာနာမည်ကြီးခဲ့တဲ့ Strul ဇာတ်ကားကိုအခြေခံပြီးပြန်ရိုက်ထားတာပါ ဒီဇာတ်ကားမှာ‌တော့ အဓိကဇာတ်ကောင်ဖြစ်တဲ့ ကွန်နီက အရောင်းဝန်ထမ်းအဖြစ်အလုပ်လုပ်ရင်း လူသတ်မှုတစ်ခုကြောင့်စွပ်စွဲခံရပြီး အကျဉ်းထောင်ထဲမှာ အပြစ်ကင်းကြောင်းသက်သေပြဖို့ကြိုးစားနေတဲ့အချိန်မှာ အကျဉ်းစခန်းက ရဲတပ်ဖွဲ့ဝန်ထမ်းတွေရဲ့လိမ်လည်မှုကိုသိသွားပြီး အဲ့လိမ်လည်မှုနဲ့ဆက်နွယ်နေတဲ့ရာဇဝတ်မှုကြားမှာ လွဲချော်မှုပေါင်းများစွာနဲ့ သူဘယ်လိုသက်သေပြမလဲဆိုတာကို အက်ရှင်နဲ့ ဟာသဆန်ဆန်ရောစပ်ပြီး ရိုက်ကူးထားတဲ့ဇာတ်ကားပဲဖြစ်ပါတယ် ဇာတ်လမ်းကိုပေါ့ပေါ့ပါးပါးလေးကြည့်ချင်တဲ့သူအတွက် ကြည့်သင့်တဲ့ရုပ်ရှင်လေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

ကွာရှင်းပြတ်စဲရေးကိစ္စတွေနဲ့ ကင်ဆာရောဂါကိုခံစားခဲ့ရတဲ့ နန်ဒီနီဟာ နှစ်ပေါင်းများစွာကြာပြီးတဲ့နောက်မှာ သူမရဲ့အိပ်မက်ဖြစ်တဲ့ ဥပဒေဘွဲ့ကို ပြန်ယူဖို့ စိတ်ပိုင်းဖြတ်ခဲ့ပါတယ်။ သူမ ကျောင်းပြန်တက်ပြီး သိပ်မကြာခင်မှာပဲ ကောလိပ်ထဲမှာ ပြဿနာပေါင်းစုံတက်ပြီး အမှုအခင်းတွေရင်ဆိုင်ရပါတော့တယ်။ ဒီလိုနဲ့ပဲ သူမဟာ အပြစ်မရှိဘဲ အကွက်ဆင်ခံခဲ့ရတဲ့ကောင်လေးတစ်ယောက်ကို ဒီအမှုကနေ ကွင်းလုံးကျွတ်လွတ်မြောက်အောင် ကူညီပေးတော့တာပေါ့။ ဒီဇာတ်လမ်းလေးဟာဆိုရင် အဆုံးသတ်မှာ အမှန်တရားကသာ အောင်နိုင်တယ်ဆိုတာကို ပညာပေးထားတဲ့ Drama Thriller ဇာတ်လမ်းကောင်းလေးတစ်ပုဒ်ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီတစ်ခါမှာတော့ Fantasy Horror Thriller ဇာတ်လမ်းလေးတစ်ပုဒ်နဲ့မိတ်ဆက်ပေးပါရစေ... ကာလင်ဂါလို့ခေါ်တဲ့နယ်လေးထဲမှာ ​ထူးဆန်းတဲ့တောအုပ်ကြီးတစ်ခုရှိသတဲ့။ အဲ့ဒီတောအုပ်ရဲ့ကန့်သတ်နယ်မြေထဲကို ဝင်သွားမိတဲ့လူတိုင်းဟာ ဆန်းကြယ်စွာနဲ့ပဲ သေဆုံးသွားကြရပြီး အသက်ရှင်ရက်ပြန်လာနိုင်သူဆိုတာလည်း မရှိဘူးတဲ့လေ။ ဒါပေမဲ့ တစ်နေ့မှာတော့ အရက်ရောင်းပြီးအသက်မွေးတဲ့ လင်ဂါဆိုတဲ့ကောင်လေးတစ်ယောက်က သူ့ချစ်သူနဲ့လက်ထပ်ရဖို့အရေး ယောက္ခမဖြစ်သူရဲ့တောင်းဆိုချက်ကိုဖြည့်ဆည်းဖို့ကြိုးစားရင်း အဲ့ဒီတောအုပ်ထဲက မြေကွက်တစ်ကွက်ကိုရလာတဲ့အခါ သူ့မြေကွက်ကိုကြည့်ဖို့ တောထဲကိုသွားရင်း ဒီတောအုပ်ကြီးရဲ့နောက်ကွယ်က အမှန်တရားကိုသိလိုက်ရပါတော့တယ်။ သူသိလိုက်ရတဲ့အမှန်တရားက ဘာလဲ။ ဘယ်လိုကိစ္စရပ်တွေနဲ့ ကြုံတွေ့ခဲ့ရသလဲ။ ဒီတောအုပ်နဲ့ပတ်သက်ပြီး ဘယ်လိုထူးခြားတဲ့ဖြစ်ရပ်မျိုးတွေရှိနေတာလဲဆိုတာကို သည်းထိတ်ရင်ဖိုကြည့်ရှုရမှာပဲဖြစ်ပါတယ်။ ဇာတ်လမ်းအညွှန်းနဲ့ဘာသာပြန်သူကတော့ Zed ဖြစ်ပါတယ်။

ဒီဇာတ်လမ်းက ရာပါနဲ့ မာလဘာရီတို့ကြားက စမ်းချောင်းတစ်ခုအတွက်နဲ့တိုက်ခိုက်ခဲ့ကြတဲ့ ရန်ပွဲက သားစဥ်မြေးဆက်ထိကူးစက်သွားတာပါ။ ဒီစမ်းချောင်းအတွက် အဘိုး အဖေ ဦးလေး နောက်ဆုံး အမေပါ အသက်ပေးလိုက်ရတယ်။ ဒါပေမဲ့ ရန်ပွဲတွေက အဆုံးမသတ်သေးပါဘူး ... ခေတ်အဆက်ဆက် အယူအဆတွေလွဲကြပြီး နတ်ဆိုးကျိန်စာသင့်နေတယ်လို့ပြောကြတဲ့ စမ်းချောင်းအတွက် အသက်တွေအများကြီး ဆုံးရှုံးခဲ့ရတယ် ။ ရာပါတို့ လက်ထက်က ​ဖြစ်ခဲ့တဲ့ ရန်ပွဲက ဘယ်သူ့လက်ထက်မှာ အဆုံးသတ်သွားမလဲ အဆုံးသတ်မှာ ဘယ်သူတွေက အနိုင်ရသွားမှာလဲ ဆိုတာ ဇာတ်လမ်းလေးထဲမှာ ကြည့်လိုက်ရအောင်ပါ... ဇာတ်လမ်းအညွှန်းနဲ့ ဘာသာပြန်သူကတော့ Lemon ဖြစ်ပါတယ်။

သူ့ရှေ့မှာမဟုတ်တာမြင်တာနဲ့ သည်းမခံဘဲ နေရာတကာပါတက်တဲ့ဝင်နာတစ်ယောက်က ငယ်ငယ်ကတည်းကဆတ်ဆတ်ထိမခံစိတ်ရှိပြီး မတရားတာကိုလက်ပိုက်ကြည့်မနေတက်သူပါ။ လေတပ်ထဲကိုဝင် ဘာသာပြန်အဖြစ်တာဝန်ထမ်းဆောင်ပြီး ၆နှစ်အကြာထွက်ပြီးနောက် အန်အက်အေထဲဝင်ကာအလုပ်လုပ်ရာက အမေရိကလျှို့ဝှက်ချက်ကို ပြန့်စေခဲ့ပြီး ထောင်ကျသွားရတဲ့ ဝင်နာအကြောင်းဖြစ်ရပ်မှန်ဇာတ်လမ်းလေးဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Thansin ဖြစ်ပါတယ်။

Anime ပရိသတ်ကြီးအတွက် Mobile Suit Gundam ဇာတ်လမ်းတွေကို အထွေအထူးမိတ်ဆက်ပေးစရာ လိုမယ်မထင်ပါဘူး။ ဒီကားကတော့ Mobile Suit Gundam SEED နဲ့ Mobile Suit Gundam SEED Destiny ဇာတ်လမ်းတွေရဲ့ နောက်ဆက်တွဲလို့ ဆိုရမှာပါ။ SEED Destiny ထွက်ရှိပြီး တစ်နှစ်အကြာမှာ ဒီ Anime ဇာတ်လမ်း ထွက်ရှိလာခဲ့တာ ဖြစ်ပါတယ်။ Blue Cosmo ရဲ့ကျူးကျော်မှု၊ လွတ်လမ်းလှုပ်ရှား‌မှုတွေ၊ ပဋိပက္ခ‌တွေနဲ့ အခြေအနေပေါင်း သောင်းခြောက်ထောင်လောက် ရှုပ်ထွေးပွေလီနေခဲ့ပါတယ်။ အဲဒီအချိန်မှာပဲ အခြေအနေတွေတည်ငြိမ်ပြီး ကမ္ဘာကြီး ငြိမ်းချမ်း‌စေဖိုအတွက် Lacus Clyne တို Compass အဖွဲကြီးက ကြိုးပမ်းနေကြပါတယ်။ Kira Yamato နဲ့ သူငယ်ချင်းတစ်စုကလည်း Compass အဖွဲ့ထဲ၀င်ရောက်ပြီး စစ်ပွဲတွေမှာ ပါ၀င်ခဲ့ပါတယ်။ ဒါပေမဲ့ ကမ္ဘာကြီးငြိမ်းချမ်းရေးကတော့ သူတို့ထင်သလိုဖြစ်မလာဘဲ အနှောင့်အယှက်တွေအများကြီး ကြုံလာရပါတယ်။ Lacus နဲ့ Kira တို့ ပူးပေါင်းပြီး ကမ္ဘာကြီးကို ဘယ်လိုငြိမ်းချမ်းအောင်လုပ်မလဲ၊ ဘယ်လိုအခက်အခဲတွေ ရင်ဆိုင်ရမလဲဆို‌တာကိုတော့ ကိုယ်တိုင်ပဲ ကြည့်ရှုခံစားလိုက်ပါနော်။ ဇာတ်လမ်းအညွှန်းနဲ့ ဘာသာပြန်သူကတော့ Katie ဖြစ်ပါတယ်။

ဒီဇာတ်ကားလေးကတော့ ပညာပေးကားလေးတစ်ကားပဲ ဖြစ်ပါတယ်။ကိုကီးဆိုတဲ့ ဆယ်ကျော်သက်ကောင်မလေးတစ်ယောက်ကို မူတည်ပြီး ဇာတ်အိမ်တည်ထားတာပါ။ ကိုကီးက ဆယ်ပျော်သက်အရွယ်ဆိုတော့ ရင်ခုန်တက်စအရွယ်မှာ ရွယ်တူကောင်လေးတစ်ယောက်နဲ့ ချစ်သူတွေဖြစ်လာကြတယ် ငယ်ရွယ်တဲ့အရွယ်မို့ အချစ်ကို စူစမ်းချင်စိတ်များခဲ့တာကြောင့် အရဲ့စွန့်လာပါတယ် ။တစ်နေ့ ညဘက်တွေ့ဖို့ချိန်းထားကြပြီး ချစ်သူကောင်လေးက ရောက်မလာသေးလို့ စိတ်မရှည်နိုင်ပဲ ကိုယ်တိုင် ဆိုင်ကယ်စီးပြီး ညဘက်တစ်ယောက်တည်း သွားခေါ်မိတဲ့အချိန်မှာ ကံကြမ္မာရဲ့ထိုးနှက်မှုက အမူးသမားအုပ်စုနဲ့တွေ့ပြီး ကိုကီးတစ်ယောက် ဘဝပျက်ခဲ့ရပါတယ် ။ အဲဒိနောက်ပိုင်း ကိုကီးရဲ့ဘဝဘယ်လိုအခြေအနေဆိုးတွေ ကြုံတွေ့ရမလဲ အမူးသမားတွေနဲ့ ကြုံတွေ့ခဲ့ရတဲ့သူ့မဘဝအတွက် တရားမျှတမှု ပြန်ရနိုင်ပါ့မလား ဆိုတာ ဇာတ်လမ်းလေးထဲမှာ ကြည့်လိုက်ကြရအောင်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lemon ဖြစ်ပါတယ်

ဒါကတော့ Documentary Film ဖြစ်ပါတယ်။ USA မှာ ၂၀၂၁ခုနှစ်မှာ ဖြစ်ခဲ့တာမျိုး ထပ်မဖြစ်ရလေအောင် ရာထူးကြီး သက်ဆိုင်ရာဌာနက လူတွေ စုစည်းပြီး အကယ်၍ ဒီလိုမျိုးသာ ထပ်ဖြစ်ခဲ့ရင် ဘယ်လိုလုပ်ကြမလဲ ဆိုတာကို လေ့ကျင့်ရေးအစီအစဉ်လုပ်တဲ့ သဘောဖြစ်ပါတယ်။ အခက်အခဲအခြေအနေ ပေါင်းစုံဘက်က တွေးကြတဲ့ လေ့ကျင့်ရေးလေး တစ်ခုကို မှတ်တမ်းတင် ရိုက်ထားတာ ဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Henny ဖြစ်ပါတယ်။

ဆူဟာနာက အစဉ်အလာကြီးတဲ့ နိုင်ငံရေးမိသားစုတစ်ခုကနေ ဆင်းသက်လာသူတစ်ဦးဖြစ်ပြီး သံတမန်လောကမှာလည်း နာမည်ကောင်းတစ်ခုရရှိထားတဲ့ မိန်းကလေးတစ်ယောက်ဖြစ်တယ်။ တစ်နေ့မှာတော့ သံတမန်ရေးရာကိစ္စတစ်ခုမှာ သူမရဲ့စွမ်းဆောင်မှုကြောင့် အောင်မြင်သွားခဲ့တဲ့အတွက် အသက်အငယ်ဆုံးလက်ထောက်သံအမတ်ရာထူးကိုရသွားခဲ့တယ်။ ဒါပေမဲ့ သူမရဲ့အဖေဖြစ်သူကတော့ အသက်ငယ်ငယ်လေးနဲ့ ဒီရာထူးကိုရခဲ့တဲ့အတွက် သံသယများနေရတာပေါ့။ တာဝန်ထမ်းဆောင်ဖို့ လန်ဒန်ကိုရောက်ပြီးမကြာခင်မှာပဲ လူတစ်ယောက်နဲ့ပတ်သက်မိပြီး အကျပ်ကိုင်ခြိမ်းခြောက်ခံရပါတော့တယ်။ အဲ့ဒီကနေတစ်ဆင့် သူမလည်း မသိလိုက်ပါဘဲ နိုင်ငံ့သစ္စာဖောက်ဘဝကိုရောက်သွားရတဲ့အပြင် ခြိမ်းခြောက်အကျပ်ကိုင်တဲ့လူတွေကလည်း ဒီလောက်နဲ့ရပ်တန့်မသွားတဲ့အပြင် ဒါကိုအသုံးချပြီး မစ်ရှင်ကြီးတစ်ခုကိုအကောင်အထည်ဖော်လာကြတဲ့အခါ မိသားစုရဲ့ဂုဏ်သိက္ခာကိုထိန်းသိမ်းဖို့ တိုင်းပြည်ကိုကာကွယ်ဖို့ ဆူဟာနာတစ်ယောက် ဘယ်လိုတွေကြိုးစားမလဲ။ ဘာတွေတွေ့ကြုံရမလဲဆိုတာကို စိတ်ဝင်တစားကြည့်ရှုရမဲ့ Spy Thrillerဇာတ်လမ်းတစ်ပုဒ်ပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

အသက်ကြီးပေမဲ့မပျက်စီးသေးတဲ့ ကမ္ဘာကျော်အက်ရှင်မင်းသားကြီး Brat Pitt ပါဝင်သရုပ်ဆောင်ထားတဲ့အက်ရှင်ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်က Wolfs ဖြစ်ပြီး လက်ရှိ IMDb Rating 6.5 အထိရရှိထားပါတယ်။အက်ရှင်ကားကောင်းတွေမှကြိုက်တယ်ဆိုရင်တော့ဒီကားကချန်မထားပဲကြည့်သင့်တဲ့အထဲမှာပါဝင်ပါတယ်။နာမည်ကြီးပြီးအရှိန်အဝါရှိတဲ့လူတွေဆိုတာလူသတ်မိရင်တောင် အလောင်းဖျောက်ပေးမဲ့လူတွေကအဆင်သင့်ပါပဲ။ဇာတ်ကားအစမှာခရိုင်ရှေ့နေမမကြီးက ဟိုတယ်မှာသူငယ်လေးနဲ့ပျော်ပါးနေတုန်း သူ့သူငယ်လေးကမတော်တဆသေဆုံးသွားပါတော့တယ်။အဲ့ဒါကြောင့်ဒီလိုကိစ္စမျိုးတွေဖြစ်လာခဲ့ရင်ဆက်သွယ်ဖို့သူ့ကိုပေးထားတဲ့ဖုန်းနံပါတ်ကိုလှမ်းဆက်လိုက်တော့ သိပ်မကြာခင်မှာပဲအလောင်းဖျောက်ပေးမဲ့လူလာပါတော့တယ်။ဒါပေမယ့်ဖြစ်ချင်တော့ အဲ့ဒီဟိုတယ်ကနေ ဒီကိစ္စတွေကိုသိနေပြီးအလောင်းဖျောက်တဲ့လူနောက်တစ်ယောက်လွှတ်လိုက်တာနဲ့သွားတိုးပါတော့တယ်။နှစ်ယောက်လုံးကသူ့ဘာသာသူဆရာကြီးတွေဆိုတော့တစ်ကိုယ်တော်ပဲလုပ်ချင်ကြပေမဲ့ဖိအားပေးခံရတဲ့အခါမှာတော့နှစ်ယောက်တွဲလုပ်လိုက်ရပါတော့တယ်။ဒါပေမယ့်သူတို့ရှင်းနေရင်းနဲ့သေသွားတဲ့ကောင်လေးနိုးလာတဲ့အခါမှာတော့ ကိစ္စတွေကရှုပ်သထက်ပိုရှုပ်လာပြီး ဆရာကြီးနှစ်ယောက်ဒီတစ်ညတာကိုဘယ်လိုဖြေရှင်းကြမယ်ဆိုတာကိုစိတ်ဝင်စားစရာကောင်းစွာကြည့်ရှုရမဲ့အက်ရှင်ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Stree 1မှာ ဗင်လ်ကီတစ်ယောက် စတီလ်ရီကို ချန်ဒိလ်ရီရွာက‌နေ အောင်မြင်စွာ ဖယ်ရှားပစ်နိုင်ခဲ့ပေမဲ့ ရွာက မိန်းကလေးတွေက ထူးဆန်းစွာတစ်ယောက်ပြီး တစ်ယောက်ပျောက်ဆုံးသွားခဲ့တယ်။ပျောက်ဆုံးသွားတဲ့မိန်းကလေးတိုင်းက ခေတ်ဆန်တဲ့ မိန်ကလေးတွေဖြစ်တာကြောင့် ဗင်လ်ကီတို့သူငယ်ချင်းတွေရော ရွာသားတွေကပါ မိန်းကလေးတွေက ရွာကထွက်သွားပြီး မြို့ကြီးပြကြီးကို ရောက်သွားတာလို့ဘဲထင်နေခဲ့တယ်။တစ်နေ့မှာ ဘီလ်တူရည်းစား ချင်လ်တူတစ်ယောက် ပြန်ပေးဆွဲခံလိုက်ရချိန်မှာတော့ ရွာက မိန်းကလေးတွေက ရွာကထွက်သွားတာမဟုတ်ဘဲနဲ့ နတ်ဆိုးတွေက ပြန်ပေးဆွဲသွားတာကို သိလိုက်ရတယ်။ဒီပြန်ပေးဆွဲခံရတဲ့ မိန်းကလေးတွေကို ကယ်တင်ဖို့အတွက် ချန်လ်ဒီရီရွာရဲ့ ကယ်တင်ရှင်ဗင်လ်ကီရဲ့ တာ၀န်ဖြစ်လာခဲ့တယ်။ဗင်လ်ကီတစ်ယောက် ပျောက်ဆုံးနေတဲ့မိန်းကလေးတွေကို အောင်မြင်စွာကယ်တင်နိုင်ပါ့မလားဆိုတာကို ကြည့်ရှူကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

၂၀၂၁ ခုနှစ် ဇန်နဝါရီ ၆ ရက်နေ့ဟာ အမေရိကန်ပြည်ထောင်စုရဲ့ ခေတ်သစ်သမိုင်းကြောင်းအတွက် အမှတ်ရစရာနေ့တစ်နေ့ပါ။ ကောင်းသောအမှတ်ရခြင်းမျိုးတော့ မဟုတ်ပါဘူး။ ဘာလို့လဲဆိုရင် အဲဒီနေ့က အမေရိကန်ရဲ့အထင်ကရ လွှတ်တော်အဆောက်အအုံဖြစ်တဲ့ US Capitol ကြီးကို လူထုအင်အားနဲ့ ၀င်စီးခြင်းခံခဲ့ရလိုပါပဲ။ ခေတ်သစ် အမေရိကန်သမိုင်းမှာတော့ တုန်လှုပ်ဖွယ်ကိစ္စကြီးတစ်ခု ဖြစ်ပါတယ်။ အဲဒီနေ့က အမေရိကန်သမ္မတ‌ဟောင်း‌ Donald Trump ရဲ့ ထောက်ခံသူတွေက ရွေးကောက်ပွဲရလဒ်ကို မကျေနပ်ကြလို့ ချီတက်ဆန္ဒဖော်ထုတ်ရာက အစပြုပြီး US Capitol ကြီး ၀င်စီးနင်းခံရတဲ့ ကြုံတောင့်ကြုံခဲဖြစ်ရပ်ကြီး ပေါ်ပေါက်ခဲ့တာဖြစ်ပါတယ်။ The Sixth ဆိုတဲ့ ဒီရုပ်ရှင်ကတော့ အဲဒီသမိုင်း၀င်နေ့ရက်အကြောင်း အဲဒီနေ့က အဲဒီအဆောက်အအုံမှာ ကိုယ်တိုင်ကြုံတွေ့ခဲ့ရတဲ့သူတွေ ပါဝင်ထားတဲ့ မှတ်တမ်းရုပ်ရှင်တစ်ပုဒ်ပါ။ နိုင်ငံရေးထက် အဲဒီနေ့က အဖြစ်အပျက်ပေါ် ခံစားမိတာတွေ၊ သင်ခန်းစာတွေ၊ ရခဲ့တဲ့စိတ်ဒဏ်ရာတွေအကြောင်း အသားပေးထားတာမို့ အတော်လေးစိတ်၀င်စားစရာကောင်းပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Katie ဖြစ်ပါတယ်

စီးပွားရေးလုပ်ငန်းမအောင်မြင် အိမ်ထောင်ရေးပါ အဆင်မပြေတဲ့အပြင် ကလေးတစ်ယောက်ပါရှိနေတဲ့ လူက dating app ကတစ်ဆင့် တခြားလောကထဲရောက်သွားပြီး လှည့်ဖြားခံရတဲ့အကြောင်းပါ။ ခရစ်စ်က ဇနီးဖြစ်သူနဲ့ အဆင်မပြေလို့ ခွဲနေနေပြီး လုပ်ငန်းအရှုံးပေါ်တဲ့အတွက် စိတ်ဖိစီးပြီး ထွက်ပေါက်ရှာနေပါတယ်။ ကြားထဲ ကလေးကိုပါ ကြည့်ရတာမို့ မိန်းမနဲ့ဝေးနေတဲ့ယောကျာ်းသဘာဝအတိုင်း သူ့သူငယ်ချင်းအကြံပေးတဲ့ dating app မှာ အကောင့်ဖွင့်မိပါတယ်။ အဲ့မှာပဲ သူနဲ့ကိုက်ညီတဲ့ အေဒရာဆိုတဲ့ မိန်းကလေးနဲ့စတင် ဆုံစည်းမိတာပါ။ Video chatနဲ့တွေ့ပြီး အေဒရာက အိမ်လာခိုင်းပေမယ့် မသွားဖြစ်ပါဘူး။ ဒါမဲ့ တဖြည်းဖြည်း ထူးဆန်းလာပြီး ပြဿနာတွေ ရှုပ်လာရာကနေ အေဒရာက သူ့စိတ်ကိုခြယ်လှယ်နေတဲ့ မကောင်းဆိုးဝါးဖြစ်နေတဲ့အခါ... Plus အခန်းတွေပါတဲ့အတွက် မိသားစုနဲ့အတူကြည့်ဖို့ မသင့်တော်ပါဘူး။ ဇာတ်လမ်းအညွှန်းနဲ့ ဘာသာပြန်သူကတော့ Shune Lai KK ဖြစ်ပါတယ်။

တူဖန်ဆိုတာ နိုင်ငံရေးလောကမှာ နိုင်ငံ့ထိပ်သီးခေါင်းဆောင်တွေကပါ ကြောက်ရွံ့ရတဲ့လူတစ်ယောက်ပေါ့။ သူက မကောင်းဆိုးဝါးတစ်ကောင်ဖြစ်တဲ့အတွက် သူ့ကိုအနိုင်ယူနိုင်မဲ့လူမရှိဘူးရယ်လို့ အများကသတ်မှတ်ထားကြရတဲ့လူဆိုလည်းမမှားပါဘူး။ တစ်နေ့မှာတော့ သူနဲ့ရုပ်ချင်းချွတ်စွပ်တူတဲ့ ရှန်တိုဆိုတဲ့လူတစ်ယောက်ကိုတွေ့တော့ သူ့နေရာမှာသရုပ်ဆောင်ခိုင်းပြီး ရုပ်ရှင်တစ်ခုရိုက်ခိုင်းဖို့ အစီအစဉ်တွေချပါတော့တယ်။ သရုပ်ဆောင်ရတာကို သဘောကျတဲ့ရှန်တိုကလည်း သူ့ကမ်းလှမ်းချက်ကို သဘောတူလိုက်ပါတယ်။ အကြီးစားလူမိုက်ကြီးတစ်ယောက်နဲ့ရုပ်ချင်းချွတ်စွပ်တူတဲ့ရှန်တိုရဲ့ ကံကြမ္မာက ဘယ်လိုများဆက်ဖြစ်လေမလဲ။ တူဖန်ကရော သူ့အကြံအစည်ကို အထမြောက်အောင်လုပ်နိုင်ပါ့မလားဆိုတာကို စိတ်ဝင်တစားကြည့်ရှုရမဲ့မှုခင်းအက်ရှင်ကားလေးတစ်ကားပဲဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Zed ဖြစ်ပါတယ်။

မွေးရပ်မြေကို မပြန်ချင်တဲ့ ကာလ်သစ်တစ်ယောက် ကိုဗစ်ကြောင့် မွေးရပ်မြေကို ပြန်လာခဲ့ရတယ်။ကာလ်သစ်မွေးရပ်မြေကို မပြန်ချင်ရတာက ဖခင်ဖြစ်သူနဲ့ သူငယ်ချင်းဆူလ်ဘူနဲ့ ဟာလ်ရီတို့ကြောင့်ဘဲဖြစ်တယ်။ဆူလ်ဘူနဲ့ ဟာလ်ရီရဲ့ ပြသာနာတွေနဲ့ဝေးအောင်လို့ ဟိုက်ဒရာဘတ်ကို ပြောင်းသွားတဲ့ ကာလ်သစ်ဟာ မွေးရပ်မြေက်ု ပြန်ရောက်ရောက်ချင်းမှာဘဲ ဆူလ်ဘူနဲ့ ဟာလ်ရီနဲ့ ပြန်တွေ့ခဲ့ရတယ်။မွေးရပ်မြေမှာ တစ်နှစ်နေရမှာမို့ စိတ်အကြီးအကျယ်ညစ်နေတဲ့ ကာလ်သစ်ဟာ မိန်းမလှလေး ပါလ်လာဗီကို မြင်မြင်ချင်းချစ်မိသွားခဲ့တယ်။ကာလ်သစ်ချစ်တဲ့ ကောင်မလေးကို လိုက်နိုင်ဖို့အတွက် သူငယ်ချင်းဆူလ်ဘူနဲ့ ဟာလ်ရီကရော ကာလ်သစ်ကို ကူညီပေးနိုင်မလား။ထုံးစံအတိုင်းပြသာနာရှာ နှောင့်ယှက်မလားဆိုတာကို ကြည့်ရှုပေးကြပါအုံး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Nora ဖြစ်ပါတယ်

၂၀၁၇ ခုနှစ်တုန်းကထွက်ရှိခဲ့တဲ့ အက်ရှင်မင်းသားကြီး ဗန်ဒိမ်းပါဝင်သရုပ်ဆောင်ခဲ့တဲ့ Kill 'Em All ဆိုတဲ့အက်ရှင်ဇာတ်ကားကောင်းကြီးရဲ့နောက်ဆက်တွဲ ဒုတိယမြောက်ကား Kill 'Em All 2 ကိုတင်ဆက်ပေးလိုက်ပါတယ်။ကြည့်ဖူးတဲ့လူတွေကတော့ဇာတ်လမ်းသဘောတရားနည်းနည်းနားလည်နေပြီဖြစ်လောက်ပေမဲ့ ပထမကားကိုမကြည့်ရသေးတဲ့လူတွေအတွက်နည်းနည်းလောက်နောက်ကြောင်းပြန်ဖော်ပေးပါ့မယ်။ဖီးလစ်ဆိုတဲ့လူက CIA အေးဂျင့်တစ်ယောက်ဖြစ်ပြီး သူ့ဘ၀မှာအလုပ်ကိစ္စတွေနဲ့တင်ရှုပ်ယှက်ခက်နေခဲ့တဲ့အတွက်သမီးဖြစ်သူကိုအချိန်မပေးနိုင်ခဲ့ပါဘူး။ဒီလိုနဲ့အငြိမ်းစားယူဖို့နောက်ဆုံးစစ်ဆင်ရေးဖြစ်တဲ့ဆာဘီးယားဂိုဏ်းတစ်ခုရဲ့ခေါင်းဆောင်ဒီမီထရီပက်ထရိုဗစ်ကိုသတ်ခဲ့ပြီးသမီးဖြစ်သူနဲ့ပျော်စရာအချိန်လေးတွေကုန်ဆုံးနေခဲ့ပါတော့တယ်။ဒါပေမယ့်အဲ့ဒီအပျော်တွေကကြာကြာမခံလိုက်လဲ ဒုတိယမြောက်ကားထွက်လာတဲ့အချိန်မှာတော့ ဒီမီထရီရဲ့ညီ ဗလက်ကသူ့အစ်ကိုအတွက်လက်စားချေဖို့ဇာတ်ကားအစကတည်းကကြိုးစားပါတော့တယ်။ဖီးလစ်ကသူ့ကိုလိုက်သတ်တာတော့ကိစ္စမရှိပေမဲ့ သူ့ကိုရှာဖို့အတွက်သူ့မွေးရပ်မြေကရွာလေးကို ဗလက်တို့ကလာခြိမ်းခြောက်ပြီးရမ်းကားသွားတဲ့အတွက် တန်ပြန်တိုက်စစ်ဆင်ရင်း ကျူပင်ခုတ် ကျုငုတ်မကျန် ဗလက်တို့ရဲ့ဂိုဏ်းကိုအမြစ်ဖြတ်သုတ်သင်ရှင်းလင်းဖို့သမီးဖြစ်သူနဲ့အတူတူကြိုးစားကြပုံတွေကိုတွေ့ရမဲ့အက်ရှင်ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ Kakuda လေးကိုဘာသာပြန်တင်ဆက်ပေးလိုက်ပါတယ် ဒီဇာတ်ကားကတော့ horror ဟာသဇာတ်ကားလေးပဲဖြစ်ပါတယ်။ ဇာတ်လမ်းကတော့ မြို့တွေရဲ့အဝေးတစ်နေရာ လူသူနည်းတဲ့နေရာလေးမှာ သီးသန့်လေးဖြစ်နေတဲ့ရာတိုဒီဆိုတဲ့ရွာငယ်လေးတစ်ရွာကလူသူအရောက်အပေါက်နည်းတဲ့အပြင် ဒီရွာလေးမှာ ထူးခြားချက်တစ်ခုရှိပါတယ်။အဲဒါကတော့ အင်္ဂါနေ့တိုင်း ည ၇:၁၅ ရောက်တာနဲ့ အိမ်တိုင်းမှာရှိတဲ့ တံခါးပေါက်ငယ်လေးကို ဖွင့်ထားရပါသတဲ့။ဒီတံခါးကိုမဖွင့်ထားရင်တော့ ကာကူဒါဆိုတဲ့သရဲက အိမ်ကယောက်ျားသားကို ကျိန်စာတိုက်ပြီးအဲဒီလူက နေ့ချင်းညချင်း ခါးကုန်းကြီးဖြစ်သွားပြီးတော့ ၁၅ ရက်နေရင် သေရတယ်ဆိုတဲ့အယူပါ။ ဒါကို ချစ်သူဖြစ်တဲ့ ရာတိုဒီရွာသားဆန်နီက ယုံလည်းယုံ ကြောက်လည်းကြောက်ပေမဲ့ခေတ်ပညာတတ်ဖြစ်တဲ့ အင်ဒီရာကတော့ မယုံပါဘူး။ ဒီလိုနဲ့ အိမ်ကအသည်းအသန်အိမ်ထောင်ချပေးတာကိုရှောင်ဖို့ ဆန်နီနဲ့ခိုးပြေးပြီး ရာတိုဒီရွာကိုသွားဖို့ အင်ဒီရာတစ်ယောက်အကြောင်းဖန်လာချိန်မှာတော့ဘယ်လိုတွေဆက်ဖြစ်သွားမလဲဆိုတာ ဇာတ်လမ်းလေးထဲမှာကြည့်လိုက်ရအောင်ပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Lemon ဖြစ်ပါတယ်