ရုပ်ရှင်အသစ်များ

ဒီတစ်ခါတင်ဆက်ပေးမှာကတော့ မင်းသားချော Dylan Sprouse (The Suite Life on Deck) ရဲ့ အက်ရှင်ဇာတ်ကားသစ်ပဲ ဖြစ်ပါတယ်။ တက်သစ်စမင်းသမီးချောလေး Megan Scott (Little Fires Everywhere) ကလည်း ဒိုင်လန်ရဲ့ ညီမလေးနေရာကနေ ပါဝင်သရုပ်ဆောင်ထားပါတယ်။ ဇာတ်ကားစစချင်းမှာတော့ အကျဉ်းသားတစ်ယောက်ကို ထောင်ကားနဲ့ နေရာရွှေ့ဖို့ စီစဉ်နေကြတာကို ပြသထားပါတယ်။ တစ်ဖက်မှာတော့ ‘အဲရစ်’နဲ့ ‘မက်ဒီ’တို့ မောင်နှမနှစ်ယောက်က ရုပ်ရှင်သွားကြည့်ဖို့အတွက် ဘော်စတွန်ရဲ့ တိုဘင်တံတားကိုအဖြတ် အကြမ်းဖက်သမားတွေက တံတားကို ဗုံးခွဲတိုက်ခိုက်ကာ တံတားပေါ်မှာရှိတဲ့ ပြည်သူတွေကို ပြန်ပေးဆွဲပါတော့တယ်။ အဲရစ်က တပ်ကြပ်အဆင့်ရှိတဲ့ စစ်သားဟောင်းတစ်ယောက်ဖြစ်ပြီး သူနောက်ဆုံးသွားခဲ့တဲ့ စစ်ဆင်ရေးကအပြန် PTSD ရလာတာပဲဖြစ်ပါတယ်။ တံတားပေါ်ကနေ သူ့ ညီမလေး လွတ်မြောက်သွားအောင် ကူညီပေးရင်း သိလိုက်ရတာကတော့ အကြမ်းဖက်သမားတွေက တံတားတစ်ခုလုံးရဲ့ အောက်ခြေတိုင်တွေမှာ ဗုံးတွေကို တပ်ဆင်ထားတဲ့အတွက် တံတားပေါ်မှာရှိနေတဲ့သူတိုင်း လွတ်လမ်းမရှိတော့ပါဘူး။ အကြမ်းဖက်သမားတွေက ဘယ်လိုအကြောင်းကြောင့် ပြည်သူတွေကို ဓားစာခံအဖြစ် ဖမ်းရတဲ့အပြင် တံတားကို ဗုံးတပ်ဆင်ထားတာလဲ - အကြမ်းဖက်သမားတွေနဲ့ ထောင်သားရဲ့ ဆက်ဆံမှုက ဘယ်လိုလဲ - အဲရစ်ကရော သူ့ ညီမလေးကို ကယ်တင်နိုင်ပါ့မလား - တံတားပေါ်က ပြည်သူတွေကိုရော ကယ်တင်နိုင်မလား ဆိုတာကို ဆက်လက်ရှုစားကြပါဦး။ အညွှန်းနဲ့ ဘာသာပြန်ကိုတော့ Leon

အပန်းဖြေခရီးထွက်ချင်နေကြတဲ့ ဇနီးမောင်နှံနှစ်ယောက်ဟာ သူတို့ရဲ့အိမ်အသစ်ဖြစ်တဲ့ ဗီလာတစ်ခုကို ပြောင်းရွှေ့လာခဲ့ကြတယ်။ နေ့ဘက်တုန်းက အကောင်းကြီးဆိုပေမဲ့ ညဘက်ရောက်တော့ ထူးဆန်းတဲ့အသံတစ်သံကို ကြားလိုက်ရတယ်။ ဘယ်သူမှမရှိပါဘူးဆိုတဲ့ မျက်နှာချင်းဆိုင်အခန်းဘက်မှာလည်း မီးတွေပွင့်နေတာကိုမြင်လိုက်ရတဲ့အခါ လူရှိမရှိသွားစစ်ဆေးရင်း ထူးဆန်းတဲ့အရာတစ်ခုကိုမြင်လိုက်ရပြီး ဒီအိမ်ရာဝင်းထဲကနေ ထွက်​ပြေးဖို့ ကြံကြပါတော့တယ်။ ဒါပေမဲ့ အိမ်ရာဝင်းရဲ့အပြင်ဘက်ကိုမရောက်နိုင်ဘဲ ဝင်္ကပါလိုမျိုး မူလနေရာကိုပဲ ပြန်ပြန်ရောက်လာတဲ့အခါ ဒီအိမ်ကြီးထဲကနေ လွတ်မြောက်ဖို့အတွက် သူတို့ဘယ်လိုကြိုးစားကြမလဲ။ ထူးဆန်းတဲ့ဖြစ်စဉ်တွေရဲ့ နောက်ကွယ်က အကြောင်းပြချက်က ဘာများလဲ။ မနက်မလင်းခင်အထိ ဘယ်လိုကိစ္စတွေနဲ့ ကြုံရမလဲ။ အိမ်ကြီးထဲကရော လွတ်နိုင်ပါ့မလား။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီဇာတ်ကားကတော့ မိခင်တစ်ယောက်ရဲ့မေတ္တာနဲ့ စိုးရိမ်မှုပူပန်မှုတွေကို သိသာမြင်သာစေတဲ့ ဇာတ်ကားလေးပဲဖြစ်ပါတယ် Stella ဆိုတဲ့ အမျိုးသမီးက ကလေးနှစ်ယောက်အမေဖြစ်ပြီး အိမ်ရှင်မတစ်ယောက်ရဲ့တာဝန်ကို လိုလေသေးမရှိအောင်လုပ်နိုင်တဲ့သူပါ သူ့ခင်ပွန်း Gustav ကတော့ အိမ်ထောင်ရေးအတိုင်ပင်ခံဖြစ်ပါတယ် သူတို့ရဲ့သမီးလေး Anna က တိုင်ပတ်အကကရတာကို သဘောကျတဲ့သူပါ သူမက ပြိုင်ပွဲကိုတစ်ယောက်ထဲပြိုင်ဖို့စီစဉ်တုန်း Stella သိသွားပြီး တစ်မိသားစုလုံးသွားဖို့ဖြစ်လာပါတယ် Stella က သူတစ်ယောက်ထဲ မိသားစုတစ်ခုလုံးကိုတာဝန်ယူစောင့်ရှောက်နေရပြီး သားသမီးတွေကိုလည်းမျက်စိအောက်က အပျောက်မခံနိုင်ပါဘူး အချိန်ကြာလာတာနဲ့အမျှ မိသားစုကြားမှာအဆင်မပြေမှူ‌တွေများလာပြီး ကွာရှင်းဖို့အထိဖြစ်လာတဲ့အခါ သူတို့သမီးလေးရဲ့အကပြိုင်ပွဲကိုသွားရင်း မိသားစုရဲ့နွေးထွေးမှုကိုခံစားမိပြီး ပြန်လည်ပေါင်းစည်းသွားတဲ့အကြောင်းကို အဓိကထားပြီးရိုက်ကူးတင်ဆက်ထားတဲ့ ဇာတ်ကားလေးပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

စိတ်ဝင်စားဖို့ကောင်းတဲ့ သိပ္ပံစိတ်ကူးယဉ် Levels ဆိုတဲ့ဇာတ်ကားအသစ်လေးနဲ့မိတ်ဆက်ပေးချင်ပါတယ်။သိပ္ပံစိတ်ကူးယဉ်ကားတွေဆိုတာက ဒါရိုက်တာနဲ့ဇာတ်ညွန်းရေးဆရာရဲ့စိတ်ကူးတွေကိုကြိုက်သလို့ကွန့်မြူးပုံဖော်လို့ရတဲ့အတွက် ဒီကားမှာလည်း ရှုပ်ရှုပ်ထွေးထွေးခေါင်းစားစေပေမဲ့ စိတ်ဝင်စားစရာလည်းကောင်းနေအောင်ရိုက်ကူးထားတဲ့ဇာတ်လမ်းအသွားအလာကိုတွေ့ရမှာပဲဖြစ်ပါတယ်။ဇာတ်လမ်းအစမှာဂျိုးဆိုတဲ့စာအုပ်ဆိုင်ပိုင်ရှင်တစ်ယောက်ကိုတွေ့ရမှာဖြစ်ပြီး သူလက်ရှိနေထိုင်နေတဲ့အချိန်ကာလက အခုလက်ရှိအချိန်ကာလထက်တောင်အများကြီးပိုတိုးတက်နေပြီဖြစ်ပါတယ်။တစ်နေ့မှာတော့စာအုပ်ဆိုင်ကိုလာတဲ့အက်ရှ်ဆိုတဲ့ကောင်မလေးတစ်ယောက်နဲ့တွေ့ခဲ့ပြီး ခင်မင်ရင်းနှီးသွားကာ သိပ်မကြာခင်မှာပဲသမီးရည်းစားတွေဖြစ်သွားကြပါတော့တယ်။ဒါပေမယ့်ကံကြမ္မာကမျက်နှာသာမပေးတော့ သူတို့နှစ်ယောက်ကော်ဖီဆိုင်မှာချိန်းတွေ့နေတုန်း အက်ရှ်ခမျာသေနတ်နဲ့အပစ်ခံရပြီးသေဆုံးခဲ့ပါတော့တယ်။အဲ့ဒီနောက်ပိုင်းဂျိုးတစ်ယောက် မစားနိုင်မသောက်နိုင်အပြင်မထွက်နိုင်နဲ့တိုက်ခန်းထဲမှာပဲပိတ်နေတုန်း အက်ရှ်ကသူ့ဆီပြန်ဆက်သွယ်လာပြီး အက်ရှ်ကအပြင်ကမ္ဘာမှာတကယ်ရှိတဲ့လူအစစ်အမှန်ဖြစ်ကြောင်း သူကသရုပ်ဖော်ဖန်တီးမှုတစ်ခုကြားမှာနေထိုင်နေတာဖြစ်ကြောင်းတွေပြောပြပြီးနောက်မှာတော့ သူတို့ရဲ့ကမ္ဘာနှစ်ခုကြားမှာဘယ်လိုစိတ်ဝင်စားစရာတွေဆက်ဖြစ်လာမလဲ အက်ရှ်ကရောဒီကမ္ဘာမှာဘာလို့အသတ်ခံခဲ့ရတာလဲဆိုတာတွေကိုစိတ်ဝင်စားစရာကြည့်ရှုရမှာပဲဖြစ်ပါတယ်။ ဒီဇာတ်ကားကိ

ဒီဇာတ်ကားက ၁၉၈၀ ပြည့်နှစ်အစောပိုင်းက ပြင်သစ်လူမျိုး ဘရူနိုဆူလက်ခ်အကြောင်းကို တကယ့်ဖြစ်ရပ်မှန်ကိုအခြေခံပြီး စိတ်ကူးယဉ်ပုံဖော်ထားတဲ့ဇာတ်ကားလေးပါ ဘရူနိုဆူလက်ခ်က ဓားပြတိုက်မှု လုယက်တွေကျူးလွန်ရတာကို စွဲလမ်းနေတဲ့သူဖြစ်ပြီး သူ့ရဲ့သူငယ်ချင်းတွေနဲ့ တစ်နေပြီးတစ်နေရာ ဓားပြတိုက်နေခဲ့တာပါ အမြဲတမ်းမကောင်းတဲ့အလုပ်ကိုလုပ်နေပေမယ့် ပြည်သူတွေကိုထိခိုက်အောင်လုပ်တာမျိုး သေနတ်ကိုင်တာမျိုးမရှိခဲ့ပါဘူး သူ့ဘဝကိုလုပ်ချင်တာလုပ်ရင်းဖြတ်သန်းနေရတာကို လွတ်လပ်မှုလို့ခံယူထားသူပါ ရဲတွေကဖမ်းမိလိုက် ပြန်လွတ်သွားလိုက်နဲ့ ထောင်ထဲမှာဝင်လိုက်ထွက်လိုက်ဖြစ်နေတဲ့ ဘရူနိုဆူလက်ခ်တစ်ယောက် နောက်ဆုံးမှာ ဘယ်လိုအဆုံးသတ်သွားလဲဆိုတာ ကြည့်လိုက်ရအောင်နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

ကူမန်ထောင်အရုပ်ဆိုတာ ထိုင်းရုပ်ရှင်တွေနဲ့ နီးစပ်သူတွေအတွက်တော့ ထူးဆန်းတဲ့အရာတစ်ခုမဟုတ်ပါဘူး။ တကယ်တော့ ဒီအရုပ်လေးတွေထဲမှာ ဝိညာဉ်ထည့်ပြီး အစောင့်အရှောက်လို ကလေးတစ်ယောက်လို မွေးကြတာမျိုးပါ။ ဒါပေမဲ့ ဒီကူမန်ထောင်ကြောင့် အဆင်ပြေတယ် ငွေဝင်တယ် ပြောကြသူတွေရှိသလို ဘဝပျက်ပြီး ကံဆိုးမိုးမှောင်ကျခဲ့ရသူတွေလည်း ဒုနဲ့ဒေးရယ်ပါ။ ပါးစပ်ရာဇဝင်ပါလို့ပဲပြောပြော တကယ်ဖြစ်ခဲ့တာလို့ပဲပြောပြော ရှင်သန်ခြင်းလောကရဲ့ပြင်ပ ပရလောကသားတွေနဲ့ဆက်ဆံနေတဲ့ အောက်လမ်းပညာမှာလည်း တန်ကြေးတစ်ခုတော့ ရှိတာပါပဲ။ အခုတင်ဆက်ပေးမှာက ဒီကူမန်ထောင်အရုပ်လေးအကြောင်း ရိုက်ကူးထားတဲ့ရုပ်ရျင်လေးပါ။ ကလာရာဟာ ဖိလစ်ပိုင်နိုင်ငံသူ တစ်ကိုယ်တော်အမေတစ်ယောက်ဖြစ်ပြီး အိုင်းဆက်နဲ့ကေတီဆိုတဲ့ ကလေးနှစ်ယောက်ရှိပါတယ်။ အခုတော့ ကလာရာက ချစ်သူစိုင်ချွန်နဲ့လက်ထပ်ဖို့ ထိုင်းက စိုင်ချွန်ရဲ့အမေဆီ ခွင့်တောင်းဖို့ရောက်နေတာဖြစ်ပြီး စိုင်ချွန်ရဲ့အမေကတော့ ကလေးအမေ ကလာရာကို သိပ်သဘောမကျလှပါဘူး။ စိုင်ချွန်ကတော့ အိုင်းဆက်ကိုလောလောလတ်လတ် ဆုံးရှုံးထားရတဲ့ ကလာရာကို အသနားပိုပြီး စောင့်ရှောက်ပေးချင်စိတ် သနားစိတ်တွေ‌နဲ့ လက်ထပ်ဖို့စိတ်အားထက်သန်နေတာပေါ့။ ဒီလိုနဲ့ ကလာရာတစ်ယောက် စိတ်မနှံ့တဲ့အမျိုးသမီးနဲ့တွေ့ပြီး သေသွားတဲ့ကလေးဝိညာဉ်ကို ကူမန်ထောင်ထဲ ထည့်ပိတ်ပြီး ခေါ်လို့ရတယ်လို့ သိသွားတဲ့အခါမှာတော့ ဒီဇာတ်ကားကို အညွန်းနဲ့ဘာသာပြန်ပေးသူကတော့ Saturn ဖြစ်ပါတယ်

ဆယ်လ်ဗာဟာ ရွာကနေ မြို့ကိုတက်လာပြီး အလုပ်လုပ်နေတဲ့ တောသားလေးတစ်ယောက်ပေါ့။ နောက်တော့ သူ မိန်းကလေးတစ်ယောက်ကို ချစ်မိသွားခဲ့တယ်။ အဲ့ဒီမိန်းကလေးရဲ့အချစ်ကိုရဖို့ကြိုးစားနေရင်း တစ်ရက်မှာတော့ ဝန်ကြီးချုပ်ရဲ့လူယုံက သူ့ကို သေနတ်နဲ့ပစ်ဖို့ကြိုးစားတော့တာပေါ့။ ကံကောင်းထောက်မလို့ မသေလိုက်ပေမဲ့ အဲ့ဒီအချိန်ကစပြီး ဝန်ကြီးချုပ်ရဲ့လူယုံတွေက သူ့နောက်ကို တကောက်ကောက်လိုက်ပြီး ကျားချောင်းချောင်းနေပါတော့တယ်။ နောက်တော့ ဒီကိစ္စမှာ ရဲတွေပါ ပါဝင်ပတ်သက်လာပြီး စုံစမ်းစစ်ဆေးကြတဲ့အခါ ဝန်ကြီးချုပ်ရဲ့လူယုံတွေက ကုဋေနဲ့ချီပြီးအခိုးခံလိုက်ရတဲ့ပိုက်ဆံ(ငွေမည်း)တွေကို အသည်းအသန်လိုက်ရှာနေကြတယ်ဆိုတာကို သိလိုက်ရတယ်။ ဒါပေမဲ့ ဒီကိစ္စက ဘယ်ကဘယ်လိုတွေစဖြစ်တာလဲ။ ဆယ်လ်ဗာကရော ဘယ်လိုပါဝင်ပတ်သက်မိသွားတာလဲဆိုတာကို ရင်တထိတ်ထိတ်ကြည့်ရမဲ့ Action Thrillerဇာတ်လမ်းလေးတစ်ခုဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

"ဆွာဂါနီကာမျိုးနွယ်ထဲမှာ စည်းစိမ်ချမ်းသာတွေမှအများကြီးပဲ။ ချို့တဲ့နေတာက တန်းတူညီမျှရှိမှုပဲ" ဆွာဂါနီကာရဲ့ ပျောက်ဆုံးနေတဲ့အမွေဆက်ခံသူကို ရှာဖို့အတွက် အမွေဆက်ခံပိုင်ခွင့်ရှိသူတွေဆီတိုင်းကို လူတစ်ယောက်က စာတစ်စောင်စီပို့ခဲ့တယ်။ ဘိုးဘွားပိုင်စည်းစိမ်ရတနာတွေကို မက်မောသူတွေကလည်း အမွေအနှစ်အိမ်တော်ကြီးဆီကိုရောက်လာပြီး သူတို့ဟာအမွေဆက်ခံသူဖြစ်ကြောင်း ပြောကြပါတော့တယ်။ အဲ့ဒီလိုကနေ အမွေလုပွဲကြီး စတင်တော့တာပေါ့။ အမျိုးသားအမွေဆက်ခံသူနဲ့ အမျိုးသမီးအမွေဆက်ခံသူတွေ အားပြိုင်ကြတဲ့ပွဲမှာ နောက်ဆုံး ဘယ်သူကအနိုင်ရမလဲ။ ဒီဇာတ်လမ်းလေးဟာဆိုရင် ကျားမခွဲခြားဆက်ဆံမှုနဲ့ပတ်သက်ပြီး ပညာပေးထားတာဖြစ်ပါတယ်။ ယောကျ်ားကလည်း လူသားတစ်ယောက်ဖြစ်ပြီး မိန်းမကလည်း လူသားတစ်ယောက်ဖြစ်တယ်။ ဘယ်သူ့ဘယ်သူကမှ မသာလွန်သလို ဘယ်သူ့ဘယ်သူကမှ နိမ့်ကျမနေကြောင်း ဒီဇာတ်လမ်းလေးကတစ်ဆင့် ခံစားရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဩစတြေးလျနိုင်ငံရဲ့ မိုင်းတွင်းရှိတဲ့ မြို့လေးမှာ ဧရာမ Zoombie သားပိုက်‌‌ကောင်ကြီးပေါ်လာပြီး လူတွေကို အပိုင်းပိုင်းဆုတ်ဖြဲပစ်တဲ့ Thriller ရုပ်ရှင်ဖြစ်ပါတယ်။ ဒီမြို့လေးရဲမှူးမက်ဒီက ဆုံးသွားတဲ့သူ့အဖေရဲအရာရှိက သူရဲကောင်းလို့သိထားပြီး သူ့အဖေတာဝန်ကို ဆက်လက်ထမ်းရွက်နေခဲ့ပါတယ်။ သူ့အဖေက သူ့ကိုကယ်လိုက်ရလို့ ဆုံးသွားတာဆိုပြီး သိနေတဲ့အတွက် စိတ်ဒဏ်ရာလည်း ရှိနေပါတယ်။ မိုင်းတူးတဲ့လုပ်သားတွေ ဒေသခံတွေနဲ့ အေးချမ်းနေတဲ့ ဒီမြို့လေးကို သားပိုက်ကောင်ကြီးရောက်လာပြီး လူတွေကို တစ်ယောက်ပြီးတစ်ယောက် သတ်ပစ်တဲ့အခါမှာတော့...မြို့သူမြို့သားတွေကို ကာကွယ်ဖို့ရာ စီမံရပါတော့တယ်။ ဝေဖန်ရေးသမားတွေက သားပိုက်ကောင်ရဲ့ အညံ့စား CGI နဲ့ plot ကြောင့် ပေါကားဆိုပြီး ဝေဖန်ထားပေမယ့် ရသတစ်မျိုးမျိုးတော့ ပေးစွမ်းနိုင်မှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဖြဲမခြောက်ပဲ တွေးကြောက်ရမဲ့ Horror/Thriller ဇာတ်ကားအသစ်တစ်ကားကိုတင်ဆက်ပေးလိုက်ပါပြီ။ဇာတ်ကားနာမည်ကတော့ Amelia's Children ဖြစ်ပြီး လက်ရှိ IMDb Rating 5.2 အထိရရှိထားပါတယ်။Horror ချစ်သူတွေအတွက်တော့အပျင်းပြေကြည့်ရတာအဆင်ပြေစေမဲ့ ဇာတ်ကားကောင်းလေးတစ်ကားပဲဖြစ်ပါတယ်။ဒီဇာတ်လမ်းရဲ့အဓိကဇာတ်ကောင်ကတော့ အက်ဒ်ဝေါ့ဆိုတဲ့အမျိုးသားတစ်ယောက်ဖြစ်ပြီး သူကငယ်စဉ်ကတည်းက ကွဲကွာခဲ့ရတဲ့မိဘအရင်းတွေကို အသက်ကြီးလာတဲ့အခါမှာပြန်ရှာဖို့ကြိုးစားနေသူတစ်ယောက်ဖြစ်ပါတယ်။သူကရိုင်လီဆိုတဲ့သူ့ကောင်မလေးနဲ့အတူတူနေထိုင်နေတာဖြစ်ပြီး သူ့မွေးနေ့မှာ ရိုင်လီက သူ့အတွက် မျိုးရိုးဗီဇ(DNA) စစ်ဆေးပြီး ကိုယ်နဲ့မျိုးရိုးဗီဇတူတဲ့လူတွေကိုရှာပေးတဲ့စက်ကိုလက်ဆောင်ပေးလိုက်ပါတော့တယ်။အဲ့ဒီအခါမှာတော့စက်ရဲ့ကျေးဇူးနဲ့ပဲ သူ့အမြွှာအစ်ကိုနဲ့အဆက်အသွယ်ရခဲ့ပြီး ရိုင်လီနဲ့အတူတူ သူ့မိဘအရင်းတွေရှိရာကိုထွက်လာခဲ့ပါတော့တယ်။ဒီလိုနဲ့အက်ဒ်ဝေါ့နဲ့ရိုင်လီနှစ်ယောက်သား သူ့အမေအရင်းနဲ့သူ့အမြွှာအစ်ကိုတို့နေထိုင်ရာအိမ်ကိုရောက်သွားရပြီး‌ နောက်ပိုင်းမှာတော့ ဘယ်လိုကြောက်စရာကောင်းတဲ့အမှန်တရားတွေကို သည်းထိပ်ရင်ဖိုစရာကောင်းအောင်ဘယ်လိုကြုံတွေ့ရမယ်ဆိုတာကိုကြည့်ရှုရမဲ့ Horror ဇာတ်ကားလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

Carl Mørck ရဲ့သူငယ်ချင်းဖြစ်တဲ့ Christian ကအလုပ်ကနေအနားယူတော့မယ့်နေ့မှာ ကိုယ့်ကိုယ်ကိုသတ်သေခဲ့ပါတယ် သူမသေခင် လိုက်ခဲ့တဲ့အမှုကို ဖြေရှင်းဖို့ဖြစ်လာတဲ့အချိန်မှာ စုံထောက် Carl Mørck နဲ့ သူ့ရဲ့ အငယ်တန်းလုပ်ဖော်ကိုင်ဖက် Rose Knudsen တို့က ဝေးလံခေါင်သီတဲ့ ဒိန်းမတ်နိုင်ငံ Bornholm ကျွန်းမှာ မိန်းကလေးတစ်‌ယောက်ရဲ့လျှို့ဝှက်ဆန်းကြယ်သေဆုံးမှုနဲ့ မတည်မငြိမ်ဖြစ်နေတဲ့ ဘာသာတရားဆိုင်ရာ ဆက်နွှယ်မှုပါ၀င်‌နေတဲ့အမှုကို စုံစမ်းစစ်ဆေးရင်း မထင်မှတ်ထားတဲ့အခြေအနေတွေဖြစ်လာတဲ့အခါမှာ သူတို့ရဲ့တုန်လှုပ်ခြောက်ခြားစရာကောင်းတဲ့အတိတ်ကိုဆုပ်ကိုင်ပြီး ဖြေရှင်းသွားတဲ့နည်းလမ်းကို ဘယ်လိုတွေရိုက်ကူးတင်ဆက်ထားလဲဆိုတာ ကြည့်လိုက်ရအောင် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

"Hijack '93" က Robert Peters ရိုက်ကူးတဲ့ နိုင်ဂျီးရီးယားသည်းထိတ်ရင်ဖိုဇာတ်ကားဖြစ်ပါတယ် ဒီဇာတ်ကားက စစ်အုပ်ချုပ်ရေးကို ဆန့်ကျင်ကန့်ကွက်ပြီး ဒီမိုကရေစီနည်းကျရွေးကောက်ခံသမ္မတကို ပြန်လည်ခန့်အပ်ဖို့တောင်းဆိုတဲ့ လူငယ်လေးယောက်က နိုင်ဂျီးရီးယားအဲဝေးလေယာဉ်ကို ၁၉၉၃ ခုနှစ် အောက်တိုဘာလ ၂၅ ရက်နေ့က ပြန်ပေးဆွဲခဲ့တဲ့ ဖြစ်ရပ်မှန်ကိုရိုက်ကူးထားတာပါ ပြန်ပေးသမား‌တွေက ခရီးသည်တွေကို ဓားစာခံဖမ်းထားတဲ့အချိန်မှာ စစ်သားတွေနဲ့ ရင်ဆိုင်ပြီး လုပ်ပိုင်ခွင့်အာဏာကို ပြန်လည်ရယူဖို့ကြိုးစားခဲ့ကြပါတယ် ဒီဇာတ်ကားက နိုင်ဂျီးရီးယားမှာ ဖိနှိပ်မှုဆန့်ကျင်ရေးရုန်းကန်မှုကို မီးမောင်းထိုးပြထားပြီး လူမှုဝေဖန်ချက်တွေနဲ့ ထိတ်လန့်စေနိုင်တဲ့အကြောင်းအရာတွေကို ပေါင်းစပ်ပြီးရိုက်ကူးထားတာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

ဒီဇာတ်ကားလေးကတော့ အကျဉ်းထောင်မှာ အရာရှိအနေနဲ့အလုပ်လုပ်ပြီး လုပ်ဖော်ကိုင်ဖက်တွေနဲ့ အကျဉ်းသားတွေရဲ့လေးစားချစ်ခင်မှုကိုခံရတဲ့ ကေစီဝှိုက်နဲ့ ရာဇဝတ်မှုအမျိုးမျိူးကျူးလွန်ပြီး ထောင်ထဲရောက်လာတဲ့ ကေစီဝှိုက် တို့ရဲ့အချစ်ဇာတ်လမ်းလေးပဲဖြစ်ပါတယ် အခြေအနေချင်းမတူတဲ့လူနှစ်ယောက်ချစ်မိသွားပြီး အတူတူနေရဖို့အတွက် အချိန်ယူပြီးအစီအစဉ်ဆွဲကာ ထွက်ပြေးလာခဲ့ကြတာပါ လိုက်ဖမ်းတဲ့သူ‌တွေအတွက် မလွယ်ကူခဲ့ပေမယ့် သူတို့အတွက်လည်းအရမ်းခက်ခဲခဲ့ပါတယ် အကျဉ်းသားနဲ့ချစ်မိသွားတဲ့ ကေစီက သူလွတ်မြောက်ဖို့အသုံးချခံရတာလား နောက်ဆုံးမှာ သူတို့ပေါင်းဖက်ခွင့်ရခဲ့လားဆိုတာ.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

သဘာဝတရားကို အလေးပေးပြီးရိုက်ကူးထားတဲ့ ဒီဇာတ်ကားလေးက အရမ်းမြင့်ပြီးကြီးမားတဲ့တောင်ကို ကြိုးစားပြီးတက်ခဲ့ကြတဲ့ သူငယ်ချင်းနှစ်ယောက်အကြောင်း ရိုက်ကူးထားတာပါ လူအများနဲ့ပြောဆိုဆက်ဆံဖို့ခက်ခဲနေတဲ့ ပရော်ဖက်ရှင်နယ်တောင်တက်သမား Alex Honnold က ဒဏ်ရာကြောင့်တောင်တက်ဖို့ကိုနားထားရာကနေ တောင်တက်တဲ့လောကထဲကိုပြန်ဝင်မယ့် သူ့ရဲ့သူငယ်ချင်း Tommy Caldwell ကိုကူညီပေးဖို့ဖြစ်လာပါတယ် သူတို့နှစ်ယောက်က အန္တရာယ်များပြီး ဆိုးရွားတဲ့ရာသီဥတုအခြေအနေကြောင့် နာမည်ဆိုးနဲ့ကျော်ကြားတဲ့ Devils Thumb ကိုတက်ဖို့ မိုင် ၂၆၀၀ ခရီးနှင်ခဲ့ရတဲ့အပေါ်မှာ Alex ကသူ့ရဲ့သူငယ်ချင်းကိုအစွမ်းကုန်ကူညီပေးခဲ့ပြီး တောင်ထိပ်ကိုဘေးကင်းစွာနဲ့ရောက်သွားနိုင်မလားဆိုတာကို စိတ်ဝင်စားဖို့ကောင်းတဲ့ပုံစံနဲ့ရိုက်ကူးထားတာဖြစ်ပါတယ် အရမ်းလှတဲ့တောင်တန်းတွေကိုကြည့်ချင်ရင်တော့ ဒီရုပ်ရှင်လေးကိုကြည့်ဖို့အကြံပေးပါတယ်နော် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Phyu ဖြစ်ပါတယ်

ဒါကတော့ Documentary Film အမျိုးအစားလေးပဲ ဖြစ်ပါတယ် ရိုက်ကူးထားတဲ့ အကြောင်းအရာလေးကတော့ Pop Punk အဆိုတော် Band အဖွဲ့ဖြစ်တဲ့ အမြွှာနှစ်ယောက် Tegan နဲ့ Sara Quinn တို့ရဲ့ ပရိုဖိုင်အတုသုံးပြီး လိမ်လည်ခံရတဲ့ အကြောင်းလေးပဲ ဖြစ်ပါတယ် လူတစ်ယောက်ကဟာ တီဂန် ကွင်းရဲ့ အီးမေးလ်တွေကို ဟက်လုပ်ပြီး ကိုယ်ရေးကိုယ်တာ အချက်အလက်တွေ ခိုးယူကာ တီဂန် အနေနဲ့ နှစ်ပေါင်း ဆယ်ချီအောင် ဟန်ဆောင်ပြီး နေခဲ့ပါတယ် ထိုဟန်ဆောင်ပြီးနေတဲ့အခါမှာ တီဂန်ရဲ့ ပရိတ်သတ်တွေကို တီဂန်အနေနဲ့ ဆက်သွယ်ပြီး သူငယ်ချင်းလုပ်တာတွေ အီစီကလီလုပ်တာတွေ လုပ်ပြီး လိမ်လည်လှည့်ဖျားခဲ့ပါတယ် နောက်ပြီး သီချင်းမူကြမ်းတွေ ကိုယ်ရေးကိုယ်တာအချက်အလက်တွေကိုပါ လျှောက်ဖြန့်ခဲ့ပါတယ် အဲ့ဒီလို ဟန်ဆောင်နေတဲ့သူကို တီဂန်နဲ့ ဆာရာရယ် သူ့ရဲ့ မန်နေဂျာအဖွဲ့တွေရယ်က ရဲတွေနဲ့ အတူ ပူးပေါင်းစစ်ဆေးကြပါတယ် အဲ့ဒီ့ဖြစ်စဉ်တစ်ခုလုံးကို Documentary အနေနဲ့ ရိုက်ကူး တင်ပြထားတာပဲဖြစ်ပါတယ် ဒီဇာတ်ကားလေးထဲမှာ Fandom Culture ရဲ့ ကြောက်စရာကောင်းတဲ့ Dark Side တွေကို မြင်တွေ့ရမှာပဲ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

Transformers ပရိသတ်တွေအတွက် အသစ်ထွက်ရှိလာတဲ့ တကယ်ကောင်းတဲ့ Animation ဇာတ်ကားသစ်လေးကိုတင်ဆက်ပေးလိုက်ပါတယ်။Animation ကားဆိုပေမဲ့ကြည့်ရတဲ့ Graphic တွေကတော်တော်မိုက်ပြီး ဇာတ်ကြောင်းကလည်းကောင်းတဲ့အပြင် Marvel Universe ထဲက Thor မင်းသား Chris Hemsworth တို့ မမ Scarlett Johansson တို့ ဟာသသရုပ်ဆောင် ဒါရိုက်တာ Keegan-Michael Key တို့အပြင် တခြားသောနာမည်ကြီးသရုပ်ဆောင်တွေပါ အသံသရုပ်ဆောင်ထားတဲ့အတွက် တော်တော်မိုက်တဲ့ဇာတ်ကားတစ်ကားပဲဖြစ်ပါတယ်။IMDb Rating ကလည်း 7.8 အထိရရှိထားပြီး ဇာတ်ကားနာမည်ကိုတော့ Transformers One လို့ပေးထားပါတယ်။ဇာတ်ကြောင်းကတော့ ကြည့်ပြီးသားတွေရဲ့နောက်ပိုင်းကိုဆက်သွားတာမဟုတ်ဘဲနဲ့ ဟိုးအရင်ဇာတ်ကြောင်းတွေကို အသေးစိတ်နောက်ကြောင်းပြန်ထားတဲ့ပုံစံမျိုးဖြစ်တဲ့အတွက် ဘယ်သူမဆိုကြည့်လို့အဆင်ပြေပါတယ်။အဓိကကတော့ Optimus Prime နဲ့ Megatron ရယ်ဆိုပြီးမဖြစ်လာခင်တုန်းကသူတို့ငယ်ဘ၀မှာဆိုက်ဘာထရွန်မှာနေထိုင်တုန်းကအကြောင်းတွေကိုသေချာသိမြင်အောင်ရိုက်ကူးပြသထားတာပဲဖြစ်ပါတယ်။ Optimus Prime ရယ်လို့မဖြစ်လာခင်တုန်းကသူက အိုရိုင်ယွန်ပက်ဇ်ဆိုတဲ့ ဆိုက်ဘာထရွန်ရဲ့စွမ်းအင်ရင်းမြစ်ဖြစ်တဲ့အန်နာဂျွန်ကိုထုတ်ပေးတဲ့ ဦးဆောင်ခြင်း Matrix ကိုအရမ်းစိတ်ဝင်စားနေတဲ့ မိုင်းတူးစက်ရုပ်လေးတစ်ရုပ်သာဖြစ်ပြီး Megatron ကတော့သူ့ပြဿနာတွေကိုအမြဲတမ်းလိုက်ရှင်းပေးနေရတဲ့ ဆိုးတူကောင်းဖက် D-16 ဆိုတဲ့အချစ်ဆုံးသူငယ်ချင်းဖြစ်ခဲ့ပါတယ်။သူတို့အဓိက

မြန်မာနိုင်ငံမှာတော့သိပ်မတွင်ကျယ်ပေမဲ့ တခြားနိုင်ငံတွေမှာဟောလိုးဝင်းနီးလာပြီဆိုရင် အိမ်ကိုအလှဆင်ကြတာနဲ့အလုပ်ရှုပ်နေတတ်ကြပါတယ်။အဲ့လိုအလှဆင်တဲ့အထဲမှာ မပါမဖြစ်ကတော့ ရွှေဖရုံသီးတွေပါပဲ။ရွှေဖရုံသီးတွေကိုအထဲကအသားတွေထုတ်ပြီး ကြောက်စရာမျက်နှာပုံစံဖြစ်အောင်ပုံဖော်ကြတာရိုးရာတစ်ခုဖြစ်နေပါပြီ။ဒါပေမယ့်အဲ့လိုအလုပ်ခံရတဲ့ရွှေဖရုံသီးတွေက ကိုယ့်ကိုပြန်လက်စားချေလာမယ်ဆိုရင်ကောဘယ်လိုလုပ်မလဲ။အဲ့ဒီလိုမျိုးပေါက်ပေါက်ရှာရှာအတွေးကို မျက်စိထဲမြင်သာအောင် ဇာတ်ကားတစ်ကားအဖြစ်အသက်သွင်းရိုက်ကူးထားတဲ့ Carved ဆိုတဲ့သည်းထိပ်ရင်ဖိုဇာတ်ကားလေးကိုတင်ဆက်ပေးလိုက်ပါတယ်။သွေးသံတရဲရဲတွေ ရက်စက်တဲ့မြင်ကွင်းတွေပါတဲ့အတွက် နှလုံးရောဂါရှိသူတွေ ကလေးတွေတော့မကြည့်သင့်ပါဘူး။ပိုင်အိုးနီးယားဆိုတဲ့ရွာလေးတစ်ရွာမှာ လွန်ခဲ့တဲ့ ၁ နှစ်လောက်တုန်းက ဓာတုပစ္စည်းတွေတင်လာတဲ့ရထားကြီးလမ်းချော်ခဲ့တဲ့အတွက် စွန့်ပစ်ဓာတုပစ္စည်းတွေကရွာအနှံ့မှာပြန့်ကျဲကုန်ခဲ့ပါတယ်။အဲ့ဒီအဖြစ်အပျက်ကြောင့်သေဆုံးခဲ့ရသူတွေလည်းရှိပြီးတစ်နှစ်‌ကျော်အကြာမှာတော့ရွာလေးကထူထူထောင်ထောင်ပြန်ဖြစ်လာခဲ့ပါပြီ။ဟောလိုးဝင်းအချိန်အခါလည်းကျလာပြီဖြစ်တဲ့အတွက် ပျော်ပွဲရွှင်ပွဲကြီးဖန်တီးပြီး အတိတ်ကအကြောင်းအရာတွေကိုမေ့ပျောက်ဖို့ကြိုးစားနေကြပါတော့တယ်။ဒါပေမယ့်ဓာတုပစ္စည်းတွေရဲ့အစွမ်းနဲ့ စိုက်ခင်းတစ်ခင်းကရွှေဖရုံသီးကအသက်ဝင်လာပြီး သူတို့ကျင်းပတဲ့ပျော်ပွဲရွှင်ပွဲကြီးကိုရောက်လာတဲ့အခါမှာ ဘယ်လိုကြောက်မက်ဖွယ်ကောင

သဘာဝပတ်ဝန်းကျင်ထိန်းသိမ်းစောင့်ရှောက်ရေးသမား ပူရူရှိုသမ်ရက်ဒီဟာ သဘာဝပတ်ဝန်းကျင်ကို ချစ်မြတ်နိုးတဲ့အတွက် သစ်ပင်တွေ တောအုပ်တွေကိုထိပါးလာရင် ထိပါးလာသူတွေကို ရှင်းထုတ်ပစ်တတ်သူတစ်ယောက်ပါ။ ဒါပေမဲ့ မသမာသူတွေရဲ့လက်ချက်ကြောင့် အသက်ပျောက်ခဲ့ရပြီး ဒီလူတွေအပေါ် အငြိုးအတေးကြီးကြီးနဲ့သေဆုံးသွားခဲ့ရတယ်။ ဒါပေမဲ့ သူ့ရဲ့ခန္ဓာကိုယ်အစိတ်အပိုင်းတွေနဲ့ အစားထိုးကုသခဲ့ရတဲ့ လူသုံးယောက်ရဲ့ခန္ဓာကိုယ်တွေထဲမှာ သူဟာ ဆက်လက်ရှင်သန်ရဖို့ဖြစ်လာတဲ့အခါ ဒီရန်ကြွေးကို ဘယ်လိုတုံ့ပြန်လေမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီဇာတ်ကားမှာတော့ သဘာဝတရားက ပြန်လည်သိမ်းယူပြီး လျှို့ဝှက်ဆန်းကြယ်တဲ့ သတ္တဝါတွေရဲ့လွှမ်းမိုးမှုကိုခံနေရတဲ့ ကမ္ဘာမှာပျောက်ဆုံးသွားပြီး အတိတ်မေ့ရောဂါခံစားနေရတဲ့လူငယ်လေး Ethan က ဘာတွေဖြစ်နေမှန်းမသိဘဲ ကမ္ဘာကြီးရဲ့အဆုံးမှာ ရှင်သန်ဖို့အရမ်းခက်ခဲနေပေမယ့် သူ့ရဲ့ ပျောက်ဆုံးနေတဲ့ ချစ်သူရည်းစားကို ရှာဖွေဖို့ သူ့ကိုကယ်ခဲ့တဲ့ Mae ဆိုတဲ့ ထူးဆန်းတဲ့အသက်ရှင်ကျန်ရစ်သူနဲ့ ပူးပေါင်းခဲ့ပါတယ် Ethan က မနက်နိုးလာတဲ့အခါ အတိတ်မေ့တတ်ပေမယ့် သူ့ကောင်မလေးနဲ့တွေ့ဖို့ပြောထားတဲ့နေရာက မှတ်ဉာဏ်ထဲမှာခဏခဏပြန်ပေါ်လာတတ်ပြီး အဲ့နေရာကိုအသည်းအသန်ရှာရင်း ရင်ဆိုင်ရတဲ့ဒုက္ခတွေကို Mae နဲ့အတူအချင်းချင်းကူညီရင်း ဘယ်လိုဖြေရှင်းကြမလဲဆိုတာ ဇာတ်လမ်းရဲ့မြှုပ်ကွက်လေးတွေနဲ့ စိတ်ဝင်စားဖို့ကောင်းတဲ့ဇာတ်ကားလေးကို ကြည့်လိုက်ရအောင်နော် ဇာတ်လမ်းအညွှန်းနဲ့ ဘာသာပြန်သူကတော့ Phyu ဖြစ်ပါတယ်။

သည်းထိတ်ရင်ဖိုမှုခင်းကားကိုမှ ကြိုက်တဲ့လူတွေအတွက် ခပ်ကြမ်းကြမ်း Crime Thrillerဇာတ်လမ်းလေးတစ်ပုဒ်နဲ့ မိတ်ဆက်ပေးပါရစေ... ဒုစရိုက်မှုတွေကနေ ရုန်းထွက်ပြီး ရိုးရိုးသားသားတက္ကစီမောင်းရင်း မိခင်ဖြစ်သူကို လုပ်ကျွေးနေတဲ့ရှိုဟစ်တစ်ယောက် လုပ်ဖော်ကိုင်ဖက်တစ်ယောက်ရဲ့ မူးယစ်ဆေးတွေပါတဲ့ဂျာကင်ကို သိမ်းထားပေးရာက ဂျာကင်ပျောက်သွားတဲ့အတွက် တစ်မိသားစုလုံးခြိမ်းခြောက်ခံခဲ့ရတယ်။ တစ်ဖက်မှာလည်း အာကတ်ရှ်ဆိုတဲ့ လေယာဉ်မှူးဟာ မိန်းမဖြစ်သူဖောက်ပြန်နေတာကို လက်ပူးလက်ကြပ်ဖမ်းဖို့ကြိုးစားရင်း အတူပါလာတဲ့သားဖြစ်သူကို ကော်ဖီဆိုင်က အလုပ်သမားကောင်မလေးဆီမှာ အပ်ထားခဲ့လိုက်တယ်။ ဖြစ်ချင်တော့ အဲ့ဒီကောင်မလေးက ရှိုဟစ်ရဲ့ရည်းစားဖြစ်နေတဲ့အခါ ကလေးကပါ အရှုပ်အထွေးကြီးထဲ ရောပါသွားတော့တာပေါ့။ နောက်တော့ အဲ့ဒီကလေးရဲ့အသက်အန္တရာယ်ပါ ခြိမ်းခြောက်ခံရတဲ့အခါ သူတို့တွေ ဘယ်လိုဆက်ဖြေရှင်းကြမလဲဆိုတာကို သည်းထိတ်ရင်ဖိုကြည့်ရှုရမှာပဲဖြစ်ပါတယ်။ ဒီဇာတ်ကားအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ဒီဇာတ်ကားလေးကတော့ အမေရိကန် သမ္မတတစ်ဉီးဖြစ်ခဲ့တဲ့ Ronald Reagan ရဲ့ ဘဝဇာတ်ကြောင်းကို Biographical Drama လေး ရိုက်ထားတဲ့ ဇာတ်ကားအသစ်လေး ဖြစ်ပါတယ် အမေရိကန် သမ္မတ Ronald Reagan ဟာ သမ္မတဖြစ်ခဲ့သည့်အပြင် ရုပ်ရှင်သရုပ်ဆောင်လည်း ဖြစ်ခဲ့ပါတယ် ဒီကားလေးထဲမှာ သူ့ဘဝဇာတ်ကြောင်း သူ့မိသားစု သူ့ရဲ့ သရုပ်ဆောင်ဘဝတုန်းက အခြေအနေတွေ သူ သမ္မတဘယ်လိုဖြစ်ခဲ့လဲ ဆိုတာက အစ သမ္မတဖြစ်လာတဲ့အခါမှာ အမေရိကန်နိုင်ငံအတွက် ကမ္ဘာတစ်ခုလုံးအတွက် ဘယ်လိုမျိုး အံ့ဖွယ်ကိစ္စ တာဝန်ရပ်တွေ ထမ်းဆောင်သွားသလဲ ဆိုတာကို အသေးစိတ် ရိုက်ပြထားတဲ့ အထုပ္ပတ္တိ နိုင်ငံရေး ဇာတ်ကားလေးပဲ ဖြစ်ပါတယ် ဒီဇာတ်ကားကနေ အမေရိကန် သမ္မတရဲ့ အကြောင်း အမေရိကန်ရဲ့ သမိုင်းအကြောင်း တစ်ပိုင်းတစ်စအပြင် နိုင်ငံရေးအကြောင်းအရာတွေကိုပါ ကြည့်ရှု လေ့လာနိုင်မှာ ဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Henny ဖြစ်ပါတယ်

Zombie ဇာတ်ကားပရိသတ်တွေအတွက် ဖိလစ်ပိုင်ဖုတ်ကောင်ဇာတ်ကားအသစ်ထွက်ရှိလာပါပြီ။ဒီကြားထဲ Zombie ဇာတ်ကားတွေထွက်တာနည်းနေတော့ မျှော်နေတဲ့သူတွေအတွက်ကတော့ကွက်တိပါပဲ။ဇာတ်ကားနာမည်ကိုတော့ Outside လို့ပေးထားပြီး လက်ရှိ IMDb Rating 5.1 အထိရရှိထားပါတယ်။Zombie ကားဖြစ်တဲ့အတွက်ဇာတ်လမ်းအစမှာတော့ထုံးစံအတိုင်း ကမ္ဘာကြီးကဖုတ်ကောင်တွေနဲ့ပျက်စီးနေပြီး အသက်ရှင်ကျန်ခဲ့တဲ့လူနည်းစုတွေကလည်း ဟိုတစ်စု ဒီတစ်စုနဲ့ပုန်းကွယ်နေထိုင်နေရပါတယ်။အဲ့ဒီအသက်ရှင်ကျန်ခဲ့သူတွေထဲမှာဖရန်စစ် အိုင်းရစ် ဂျော့ရှ် လူးကပ်စ်တို့ရဲ့မိသားစုလည်းအပါအဝင်ပါပဲ။ဂျော့ရှ်က ဖရန်စစ်ရဲ့မယားပါသားဖြစ်ပေမဲ့သူတို့မိသားစုလေးက မိသားစုအရင်းတွေလိုပဲပျော်ပျော်ရွှင်ရွှင်စည်းစည်းလုံးလုံးနေထိုင်ကြပါတယ်။ဒါပေမယ့်ကြာလာတဲ့အခါမှာတော့ အစာရေစာရှားပါးလာပြီး ရှေ့ဆက်ဖို့ခက်ခဲလာတဲ့အတွက် အမေဖြစ်သူအိုင်းရစ်က အသက်ရှင်ကျန်သူတွေရှိတယ်လို့ကြားထားတဲ့မြောက်ပိုင်းကိုသွားဖို့ဖျောင်းဖြပါတော့တယ်။မိန်းမကမရမကပူဆာတာကြောင့်ဖရန်စစ်ကလိုက်ပို့ပေးခဲ့ရပေမဲ့ လမ်းမှာဖုတ်ကောင်အန္တရာယ်တွေကြုံတွေ့ရတဲ့အတွက်အိမ်ကိုပဲပြန်လှည့်လာရပါတော့တယ်။ဒီလိုနဲ့သူတို့မိသားစု ၄ ယောက်အိမ်ထဲမှာဆက်နေဖြစ်ခဲ့ပြီး နောက်ပိုင်းမှာ အစာရေစာကပိုမိုရှားပါးလာပြီး ဖရန်စစ်ကလည်းမိသားစုကိုအိမ်ထဲမှာပဲဆက်နေစေချင်တဲ့အတွက် ဖုတ်ကောင်တွေနဲ့သူတို့မိသားစုဘာတွေဆက်ဖြစ်မယ်ဆိုတာကိုစိတ်ဝင်စားစရာကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ ဒီဇာတ်ကားကို

Netflix မှ ထပ်မံတင်ဆက်လာတဲ့ ဒီပိုလန်ရုပ်ရှင်ဟာဆိုရင် ဖြစ်ရပ်မှန်ကိစ္စရပ်အပေါ် အခြေခံပြီး ရုပ်ရှင်ဖန်တီးသူက စိတ်ကူးဉာဏ်ကွန့်မြူးကာ တင်ဆက်ထားတာပဲဖြစ်ပါတယ်။ ၁၉၉၀ ပြည့်နှစ်အစောပိုင်းမနက်ခင်းတစ်ခုမှာ ဘဏ်စာရေးမလေး ၃ ယောက်က သူတို့ရဲ့ လုပ်ဖော်ကိုင်ဖက် တစ်ယောက်ရဲ့ မွေးနေ့ဖြစ်တာကြောင့် ဘဏ်ကို အစောကြီးရောက်လာခဲ့ပါတယ်။ ဘဏ်ထဲရောက်မှ သိလိုက်ရတာက ဘဏ်ထဲမှာ သူတို့ထက်အရင်ရောက်နေတဲ့ ဓားပြတွေရှိနေတာပါပဲ။ အဲ့ဒီမနက်ခင်းဟာ သူတို့အတွက် ပျော်စရာမနက်ခင်းလေးတစ်ခုဖြစ်ရမယ့်အစား ငရဲကျသွားသလိုပါပဲ။ ဘဏ်စာရေးမလေး ၃ ယောက်လုံး ရက်ရက်စက်စက် သတ်ဖြတ်ခံခဲ့ရပါတယ်။ အဲ့ဒီခေတ်နိုင်ငံရေးအခြေအနေအရ ဒီအမှုကို အစိုးရက မီဒီယာကိုမသိစေချင်တဲ့အတွက် အမြန်ဆုံးဖော်ထုတ်မှရပါမယ်။ ဒီတော့ ထောက်လှမ်းရေး အလုပ်ကို ကျွမ်းကျွမ်းကျင်ကျင်နဲ့ လုပ်ခဲ့ဖူးသူ ဗိုလ်မှူးရာထူးအဆင့် ရှိခဲ့ပေမယ့် ကွန်မြူနစ်ဝါဒီတွေနဲ့ ပတ်သက်ဆက်ယှက်မှုရှိတာကိုတွေ့ခဲ့တဲ့အတွက် အလုပ်နားခံထားရသူ ‘ဂါဒက်’ ကို အစိုးရက ပြန်ဆက်သွယ်ပြီး ဒီအမှုကို ဖြေရှင်းခိုင်းပါတော့တယ်။ မက်လုံးကတော့ အရင်ပြစ်မှုတွေကို ခဝါချပြီး ရာထူးနေရာပြန်ပေးပါမယ်တဲ့။ ဒီတော့ သူနဲ့ အသက်ငယ်ငယ် တွဲဖက်ရဲမေတို့က အမှုကို ဖြေရှင်းကြပါတော့တယ်။ ထောက်လှမ်းရေးအရာရှိပီပီ စကားနည်းနည်းပါးပါး အစ်အောက်လိုက်တာနဲ့ ဘယ်သူက အမှုကို ကျူးလွန်ခဲ့တယ်ဆိုတာကို ဂါဒက်တစ်ယောက် သိပါတယ်။ ဒီဇာတ်လမ်းရဲ့တင်ဆက်ပုံမှာ ရဲဘက်က ဘယ်သူတွေဘဏ်

Horror ကိုမှ အကြမ်းစား မညှာမတာသတ်ဖြတ်မှုတွေပါဝင်ပြီး fiction ဆန်ဆန်ကြည့်ရမယ့် အမျိုးအစားဖြစ်ပါတယ်။ မိသားစုအဖိုးတန်အချိန်လေးရချင်လို့ အားလပ်ရက်အပန်းဖြေခရီးထွက်လာတဲ့ သားအမိသားအဖလေးယောက်က ကံဆိုးပြီး လူသတ်ပွဲလုပ်မယ့် ဟိုတယ်မှာ တည်းမိသွားတဲ့အဖြစ်ပါ။ ကီနန်တို့မိသားစုတည်းတဲ့ ဟိုတယ်ကို ညဘက်မှာ lockdown ချလိုက်ပြီး လူတစ်စုက လူသတ်တဲ့ဂိမ်းကစားကြတာပါ။ ဒီဂိမ်းမှာ ကစားသမား4ယောက်ပါဝင်ပြီး ဧည့်သည်တွေအားလုံးကို ရက်ရက်စက်စက် လိုက်သတ်ပါတယ်။ ဒီဂိမ်းကို လော့ဝုဒ်ဆိုတဲ့လူက အစအဆုံးကြိုးကိုင်နေပြီး Streams ဆိုတဲ့ app ကနေ တိုက်ရိုက်လွှင့်ပေးပါတယ်။ကြည့်ရှုသူပရိသတ်ကလည်း အများအပြားပါပဲ။ လူတွေ တစ်ယောက်ပြီးတစ်ယောက်သေကုန်ပြီး ကီနန်ရဲ့ဇနီးပါ အသတ်ခံလိုက်ရတဲ့အချိန် သားနဲ့သမီးကို ကာကွယ်ဖို့ ကီနန်က ကစားပွဲမှာပါဝင်ရပါတော့တယ်။ သူ့ရဲ့အားထုတ်မှုက အရာထင်မလားဆိုတာကတော့.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်