ရုပ်ရှင်အသစ်များ

အသစ်ထွက်ရှိထားတဲ့ တမီးလ် သဘာဝလွန် horror ရုပ်ရှင်လေးပဲ ဖြစ်ပါတယ် ဇာတ်လမ်းအစမှာ စုံတွဲနှစ်ဦးက တောထဲကိုခရီးထွက်လာတာနဲ့ စတင်ထားပါတယ်အုံ့မှိုင်းမှိုင်းရှိတဲ့ တောထဲမှာ ခေတ္တစခန်းချဖို့ယောကျ်ားလုပ်သူက ထင်းသွားရှာပါတယ် အဲဒီမှာပဲ ထူးထူးဆန်းဆန်း ခက်ရင်းခွတစ်ချောင်းကိုတွေ့ပြီးသစ်ကိုင်းတစ်ကိုင်းကို ခုတ်လိုက်တဲ့တစ်ခါမှာထူးဆန်းစွာနဲ့ စုန်းအရုပ်တစ်ရုပ်ထွက်လာပါတယ် ကြောက်အားလန့်အားလှမ်းအော်ပေမယ့် အသံထွက်လို့မရတော့ဘဲနှစ်ယောက်လုံး နိဂုံးချုပ်သွားတဲ့ နောက်မှာ တစ်ခါထပ်ပြီး လူငယ်တစ်စုက သစ်တောစောင့် မာရီကို ဂိုက်ငှားကာ အဲဒီတောထဲကိုသွားကြတဲ့အခါ ဘယ်လိုသဘာဝလွန်ဖြစ်ရပ်တွေ ကြုံရဦးမှာလဲသစ်တောထဲမှာ ဘယ်လိုစွမ်းအားတွေ ရှိနေမှာလဲဆိုတာ ဇာတ်လမ်းလေးထဲမှာကြည့်လိုက်ရအောင်ပါ ဇာတ်လမ်းအညွှန်းနဲ့ ဘာသာပြန်သူကတော့ Lemon ဖြစ်ပါတယ်။

အက်ရှင်ချစ်သူတွေအတွက် အသစ်ထွက်ရှိလာတဲ့အက်ရှင်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Long Gone Heroes ဖြစ်ပြီး လက်ရှိ IMDb Rating 5.7 အထိရရှိထားပါတယ်။သရုပ်ဆောင်တွေအနေနဲ့ကလည်း အက်ရှင်ကားတော်တော်များများမှာဇာတ်ရံအနေနဲ့မြင်တွေ့ရလေ့ရှိတဲ့ Frank Grillo တို့ ကျရာဇာတ်ရုပ်မှာပီပြင်အောင်သရုပ်ဆောင်နိုင်တဲ့ The Hunger Games မင်းသား Josh Hutcherson တို့အပြင်တခြားနာမည်ကြီးသရုပ်ဆောင်တွေအများကြီးပါဝင်သရုပ်ဆောင်ထားပါတယ်။ရေနံဆိုတဲ့အရာကအရမ်းတန်ဖိုးကြီးတဲ့အတွက်ရွှေမည်းလို့တောင်နာမည်ပြောင်ခေါ်ဆိုကြပြီး ရေနံတွေ့ပြီဆိုတာနဲ့ အင်အားကြီးနိုင်ငံတော်တော်များများကမျက်စိကျတတ်ကြတဲ့သဘာ၀ရှိပါတယ်။အဲ့ဒီထဲကမှရေနံကိုအကြိုက်ဆုံးဖြစ်တဲ့အမေရိကန်ကတော့ဗင်နီဇွဲလားမှာရေနံတွေ့တယ်လို့သတင်းကြားပြီးကတည်းက နိုင်ငံရဲ့အင်အားကြီးပုဂ္ဂိုလ်တွေကတိတ်တဆိတ်နဲ့ဗင်နီဇွဲလားထဲကရေနံတွေကိုတင်ပို့တဲ့လုပ်ငန်းတွေလုပ်ခဲ့ကြပါတော့တယ်။အဲ့ဒါရဲ့ရလာဒ်အနေနဲ့ဗင်နီဇွဲလားနိုင်ငံရဲ့ငွေကြေးတန်ဖိုးကျဆင်းပြီး လူနည်းစုကောင်းစားရေး လူများစုစတေးခံနေရတဲ့အတွက် ဂျူလီယာဆိုတဲ့သတင်းထောက်ကအဖြစ်မှန်ကိုဖော်ထုတ်ဖို့ဗင်နီဇွဲလားနိုင်ငံကိုသွားရောက်ခဲ့ပါတော့တယ်။အပတ်တကုပ်ကြိုးစားရင်းနဲ့ဒီလိုတရားမဝင်ရေနံလုပ်ငန်းတွေရဲ့နောက်ကွယ်ကလူတွေကိုသိသွားတဲ့အခါမှာတော့နှုတ်ပိတ်ဖို့အဖမ်းခံလိုက်ရပါတော့တယ်။ဒါပေမယ့်ဂျူလီယာက ကယ်လီဖိုးနီးယားလွှတ်တော်အမတ်ကြီးရဲ့သမီးဖြစ်နေတဲ့အခါမှာတေ

နည်းပညာကြီးတိုးတက်လာတာနဲ့အမျှ ကျွန်တော်တို့လည်း နည်းပညာနဲ့အတူယှဉ်တွဲနေထိုင်လာကြရပါတယ် နည်းပညာကြောင့်အရာရာလွယ်ကူအဆင်ပြေသလို နည်းပညာကြောင့်ဒုက္ခရောက်ကြရတဲ့လူတွေလည်းအများကြီးပါ အဲ့လိုနည်းပညာကြီးတစ်ဟုန်ထိုးတိုးတက်လာရင်ရောဘယ်လိုဆိုးကျိုးကောင်းကျိုးတွေဖြစ်ကြမလဲ နည်းပညာကုမ္ပဏီတစ်ခုမှာလုပ်တဲ့ ကာတစ်ဆိုတဲ့လူဟာ အဆင့်မြင့်အိမ်သုံး AI စက်တစ်လုံးသုံးဖို့လက်ဆောင်ရတော့ သူ့အရင်ကအဆင်မပြေနေတဲ့ ကိစ္စတော်တော်များများ အဆင်ပြေစပြုလာပါတော့တယ် အဲ့လိုနဲ့နောက်ပိုင်း AI ရဲ့လွှမ်းမိုးမှုများလာတဲ့အခါ ဘယ်လိုပြဿနာတွေဖြစ်ပြီး ဘာတွေဆက်ဖြစ်မလဲဆိုတာ ကြည့်ရှုရမှာဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Thansin ဖြစ်ပါတယ်

1992 ခုနှစ် လော့အိန်ဂျလိစ့်မှာ လူဖြူရဲတွေလူမည်းတစ်ယောက်ကိုသတ်တာကတစ်ဆင့်ဖြစ်ပွားလာတဲ့ အဓိကရုဏ်းတွေကိုအခြေခံရိုက်ကူးထားတဲ့ဇာတ်ကားလေးပါ။ ထောင်ကလွတ်လာပြီး လိမ္မာတော့မဲ့ မာဆီတစ်ယောက် သူ့သားနဲ့ပြန်လည်သင့်မြတ်အောင်နေလိုပေမဲ့ ခိုးဆိုးလုနှိုက် ၊ အကျင့်ပျက်ချစားသူတွေနဲ့ ထိတွေ့မိမှန်းမသိထိတွေ့သွားပါတော့တယ်။ မာဆီတစ်ယောက် မမျှော်လင့်ဘဲရောက်လာတဲ့ စိန်ခေါ်မှုတွေကို ဘယ်လိုကျော်လွှားမလဲ။ လူငယ်သဘာဝသွေးတဆူဆူဖြစ်နေတဲ့သားဖြစ်သူကိုရော အဓိကရုဏ်းလှည့်ကွက်ကြားမှာ ဘယ်လိုကယ်တင်မလဲဆိုတာ ကြည့်ရှုရမဲ့ဇာတ်ကားကောင်းလေးတစ်ကားဖြစ်ပါတယ်။ ထိုဇာတ်ကားလေးမှာ လက်တွေ့ကမ္ဘာမှာဖြစ်ပေါ်နေဆဲ လူမျိူးရေးခွဲခြားမှုကိုလည်း အသားပေးတင်ဆက်ထားပြီး မညီမျှတဲ့လူ့အခွင့်အရေးဆိုင်ရာပြဿနာတွေကိုလည်း မီးမောင်းထိုးတင်ဆက်ထားပါသေးတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ ကောင်းထိုက်ငြိမ်း ဖြစ်ပါတယ်

Horror ပရိသတ်တွေအတွက် Cuckoo ဆိုတဲ့ IMDb Rating 6.2 အထိရရှိထားတဲ့သည်းထိပ်ရင်ဖိုဇာတ်ကားကောင်းလေးတစ်ကားကိုထပ်မံတင်ဆက်ပေးလိုက်ပါတယ်။ဂရက်ချန်လို့ခေါ်တဲ့ဆယ်ကျော်သက်အရွယ်ကောင်မလေးတစ်ယောက်ကအဖေဖြစ်သူနဲ့အမေရိကန်ကနေ ဥရောပကိုပြောင်းလာပါတော့တယ်။သားအဖနှစ်ယောက်တည်းတော့မဟုတ်ပါဘူး။မိထွေးဖြစ်သူနဲ့ဖအေတူမအေကွဲညီမအယ်လ်မာတို့ပါပါသေးတယ်။အဖေဖြစ်သူကဆောက်လုပ်ရေးအစီအစဉ်တွေဆွဲတဲ့လူဖြစ်တဲ့အတွက်ဟိုးအရင်ကအလုပ်လုပ်ခဲ့ဖူးတဲ့နာမည်ကြီးအပန်းဖြေစခန်းတစ်ခုမှာ အလုပ်ပြန်လာလုပ်ရင်းတစ်ခါတည်းအိမ်ပြောင်းလာခဲ့တာဖြစ်ပြီး ဂရက်ချန်ကတော့အမေဖြစ်သူနဲ့ပဲနေချင်နေတာဖြစ်ပါတယ်။အဲ့ဒါကြောင့်အခွင့်အရေးရရင်ပြန်လစ်ဖို့အမြဲတမ်းကြံနေပါတော့တယ်။ဒါပေမယ့်အဲ့လိုလုပ်ဖို့အတွက်ပိုက်ဆံလိုတဲ့အတွက်သူ့အဖေအလုပ်ရှင်ကမ်းလှမ်းတဲ့အပန်းဖြေစခန်းကောင်တာထိုင်တဲ့အလုပ်ကိုလက်ခံလိုက်ပါတော့တယ်။စစချင်းတုန်းကတော့အရာရာအဆင်ပြေနေခဲ့ပေမဲ့ အဲ့ဒီမြို့နဲ့အပန်းဖြေစခန်းမှာ ထိတ်လန့်စရာကောင်းတဲ့ဖြစ်ရပ်ဆိုးကြီးတွေရှိနေတာကို ဂရက်ချန်တစ်ယောက်သိသွားတဲ့အခါမှာတော့ ဘယ်လိုဇာတ်ရှိန်တွေမြင့်တက်လာဦးမယ်ဆိုတာကိုကြည့်ရှုရမဲ့ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဇာတ်လမ်းအကြောင်းအရာလေးကတော့ ခေါင်းစဉ်လေးအတိုင်းပဲ ဆယ်ကျော်သက်တွေအကြောင်းကို ရိုက်ကူးပုံဖော်ထားတာဖြစ်ပါတယ်။ ယောကျ်ားလေးရှစ်ယောက်နဲ့မိန်းကလေးငါးယောက်.. စုစုပေါင်းလူငယ်၁၃ယောက်ဟာ မိဘတွေရဲ့တင်းကျပ်မှုကို စောဒကတက်ချင်နေပြီး သူတို့လူငယ်တွေက ကလေးတွေမဟုတ်တော့ဘူးဆိုတာကို သက်သေပြဖို့အတွက် အဖွဲ့ထဲကမိန်းကလေးတစ်ယောက်ရဲ့အဘွားတို့ရွာကို သူတို့ချည်းပဲထွက်လာခဲ့လိုက်ကြတယ်။ ၁၃ဂဏန်းဟာ ကံဆိုးတယ်ဆိုတဲ့နိမိတ်အတိုင်း သွားတဲ့လမ်းမှာ သူတို့ ကံဆိုးမှုအမျိုးမျိုးကြုံရပြီး အမည်မသိအရာတစ်ခုရဲ့တိုက်ခိုက်မှုကိုခံရပါတော့တယ်။ တောထဲမှာလမ်းပျောက်ပြီး အဖွဲ့ထဲကလူတွေ တစ်ယောက်ချင်းစီထူးဆန်းစွာပျောက်သွားကြတဲ့အခါ လူငယ်လေးတွေချည်း ဒီဖြစ်ရပ်ဆန်းကြီးကို ဘယ်လိုရင်ဆိုင်ကြမလဲဆိုတာကို လူငယ်တွေရဲ့အတွေးအခေါ်၊အယူအဆနဲ့ လူငယ်သဘာဝစူးစမ်းလိုမှုတွေကိုပါ ထည့်သွင်းရိုက်ကူးထားတဲ့ဇာတ်လမ်းလေးတစ်ခုဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

ကြည့်ရှုသူတွေရဲ့စိတ်ထဲမှာမရိုးမရွတမျိုးကြီးဖြစ်အောင် Dark ဖြစ်တဲ့အတွေးတွေဝင်အောင်လုပ်ပေးမဲ့ Dark Comedy ဇာတ်ကားကောင်းအသစ်တစ်ကားထွက်ရှိလာခဲ့ပါပြီ။တစ်ကားလုံးနားကိုနားမလည်နိုင်ပဲ အတွေးပေါင်းသောင်းခြောက်ထောင်ဝင်အောင်လုပ်ထားတဲ့အတွက်ရိုးရိုးရှင်းရှင်းတွေကိုပျင်းပြီး ဆန်းဆန်းပြားပြားလေးတွေကြည့်ရှုချင်တယ်ဆိုတဲ့လူတွေအတွက်ကတော့ အဆင်ပြေချက်ပါပဲ။ဇာတ်ကားနာမည်ကတော့ Mother Couch ဖြစ်ပြီး လက်ရှိ IMDb Raing 5.5 အထိရရှိထားပါတယ်။ဇာတ်လမ်းအစမှာဒေးဗစ်နဲ့ဂရစ်ဖ်တို့ညီအစ်ကိုနှစ်ယောက်က အမေဖြစ်သူနဲ့အတူတူပရိဘောဂအဟောင်းဆိုင်တစ်ခုကိုရောက်ရှိနေတာကိုတွေ့ရမှာဖြစ်ပါတယ်။သူတို့ရည်ရွယ်ချက်ကတော့ဘီဒိုဝယ်ဖို့လာတာဖြစ်ပေမဲ့ သူတို့အမေကဆိုဖာတစ်ခုကိုကြိုက်သွားပြီးအဲ့ဒီပေါ်မှာပဲထိုင်နေပါတော့တယ်။အမေဖြစ်သူဆိုဖာပေါ်ကထအောင်အမျိုးမျိုးကြိုးစားကြပေမဲ့ တုပ်တုပ်တောင်မလှုပ်ပါဘူး။ဒီလိုနဲ့အချိန်တွေကြာလာပြီး စစ်ကူတွေခေါ် ဆိုင်မှာပဲတစ်ညပါအိပ်လိုက်ရတဲ့အခြေအနေဖြစ်သွားပါတော့တယ်။ဒီလိုနဲ့ဇာတ်လမ်းအစကတည်းက ဇာတ်လမ်းအလယ်လောက်အထိဆိုဖာတစ်လုံးနဲ့အမေကြားမှာတိုင်ပတ်နေတာတွေပဲတွေ့ရပြီး နောက်ပိုင်းမှာတော့ဘယ်လိုစိတ်ဝင်စားစရာကောင်းတဲ့ရှုပ်ထွေးတဲ့အရာတွေဆက်လက်တွေ့ရဦးမလဲဆိုတာကိုကြည့်ရှုရမဲ့ဇာတ်ကားကောင်းလေးတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ်ပါတယ်

ဒီတစ်ခါမှာတော့ အသစ်ထွက်ရှိထားတဲ့ ရုပ်ရှင်ကားအသစ်လေးနဲ့ မိတ်ဆက်ပေးပါမယ် ဒီကားလေးကတော့ ဟန်ဂျောင်အူက နာမည်ကြီးပြီး ဆုတွေလည်းများစွာရထားတဲ့ ကိုရီးယားလေကြောင်းလိုင်းက Pilot တစ်ဦးပါ ဒီလိုနဲ့ မထင်ထားတဲ့ကိစ္စတစ်ခုကြောင့် အလုပ်လက်မဲ့ဖြစ်သွားခဲ့ရပါတယ် အဲ့နောက်မှာတော့ သူဘယ်လိုပဲ အလုပ်ရှာရှာ အဆင်မပြေတဲ့အခါမှာတော့ ဘဝအသစ်နေထိုင်ဖို့ ရွေးချယ်ခဲ့ပါတယ် ဟန်ဂျောင်အူတစ်ယောက် သူရွေးချယ်တဲ့ ဘဝသစ်မှာ ထင်တဲ့အတိုင်း အဆင်ပြေပါ့မလား ဘယ်လိုအခက်အခဲတွေနဲ့ ကြုံတွေ့ရမလဲကို ဟာသလေးနဲ့ကြည်ရှုရမယ့် ရုပ်ရှင်ကားအသစ်လေးပါ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Myint Thuzar Lin ဖြစ်ပါတယ်

Mr Bachchan ဇာတ်ကားမှာတော့ ဘာလ်ချန်က ရိုးသားတဲ့ အခွန်စစ်ဆေးရေးအရာရှိဖြစ်ပြီး အမှားတခုကြောင့် တာ၀န်ဆိုင်းငံ့ခံခဲ့ရတယ်။တာ၀န်ဆိုင်းငံ့ခံရပြီးနောက်မှာ ဘာလ်ချန်တစ်ယောက် မွေးရပ်မြေကို ပြန်လာပြီးတော့ တီးဝိုင်းအဖွဲ့ထဲ၀င်ကာ အဆိုတော်ပြန်လုပ်နေရင်း ရွာကအလှနတ်သမီးလေး ဂျင်လ်ကီကို မြင်မြင်ချင်းသဘောကျသွားခဲ့တယ်။ဂျင်လ်ကီအချစ်ရအောင်ကြိုးစားရင်းနဲ့ နှစ်ယောက်သား လက်ထပ်ခံနီးမှာ အခွန်စစ်ဌာနာက ဘာလ်ချန်ကို အလုပ်ပြန်ခန့်ကာ အာဏာရှိတဲ့နာမည်ကြီးMP မူလ်ရမ်ဂျာဟာရမ်ကို အခွန်စစ်ဆေးဖို့တာ၀န်ပေးခဲ့တယ်။မူလ်ရမ်ဂျာဟာရမ်ကို စစ်ဆေးတဲ့အရာရှိတိုင်း ခြေရာလက်ရာမကျန်ဘဲ ပျောက်ကွယ်သွားလေ့ရှိတာကြောင့် ဘာလ်ချန်တစ်ယောက်ရော အန္တရာယ်ကင်းပါ့မလားဆိုတာကို ကြည့်ရှုကြပါအုံး။ ဇာတ်လမ်းအညွှန်းနဲ့ ဘာသာပြန်သူကတော့ Nora ဖြစ်ပါတယ်။

ကမ္ဘာပေါ်မှာအဆိုးဆုံးမျိုးစိတ်တွေကိုပြောပါလို့ဆိုရင် လူသားတွေလို့ပဲပြောရမှာပါပဲ။လူသားတွေကသဘာ၀တရားကြီးကိုဖျက်ဆီးတဲ့နေရာမှာတော့ထိပ်တန်းစံချိန်တင်ပါပဲ။ဒီလိုတွေသာဆက်ဖြစ်နေရင်ဘယ်လိုဖြစ်လာမယ်ဆိုတာကိုစိတ်ကူးယဉ်ပြီးရိုက်ကူးထားတဲ့သိပ္ပံစိတ်ကူးယဉ်ဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Uglies ဖြစ်ပြီး IMDb Rating 5.0 ရရှိထားပါတယ်။အထက်မှာပြောခဲ့တဲ့အတိုင်း လူသားတွေရဲ့ဖျက်ဆီးမှုကြောင့်ကမ္ဘာကြီးကပျက်စီးသွားပြီး လူတွေအတွက်နေထိုင်ဖို့တောင်ခက်ခဲတဲ့နေရာတစ်ခုဖြစ်လာခဲ့ပါတယ်။အဲ့ဒါကိုပြန်လည်အဖတ်ဆည်ဖို့အတွက် ကမ္ဘာကြီးပေါ်ကအကောင်းဆုံးသိပ္ပံပညာရှင်တွေနဲ့ပူးပေါင်းပြီး အတ္တလောဘတွေ မနာလိုမှုတွေ အမုန်းတရားတွေပွားများနေတဲ့လူတွေကိုသင့်မြတ်စေဖို့ဖြေရှင်းနည်းတစ်ခုကိုတီထွင်ခဲ့ကြပါတယ်။အဲ့ဒါကတော့လူသားတိုင်းကိုပုံပန်းသွင်ပြင်အရပြည့်စုံအောင်လုပ်ပေးပြီး တန်းတူဖြစ်အောင်လုပ်ပေးလိုက်တာပါပဲ။အဲ့ဒါမှအကုန်လုံးတန်းတူညီမျှသွားတဲ့အခါမှာအငြင်းပွားမှုတွေမဖြစ်ဘဲ သင့်မြတ်စွာနေထိုင်နိုင်ကြမှာဖြစ်ပါတယ်။ဒါပေမယ့်အဲ့လိုပြည့်စုံတဲ့လှပသူတစ်ယောက်ဖြစ်လာဖို့အခြေအနေတစ်ခုတော့လိုအပ်ပါတယ်။အဲ့ဒါကတော့ အသက် ၁၆ နှစ်ပြည့်မှလှပသူတစ်ယောက်ဖြစ်လာပြီး အဲ့ဒီမတိုင်ခင်အထိတော့မပြည့်စုံတဲ့ ရုပ်ဆိုးသူတစ်ယောက်ဖြစ်နေရမှာပါပဲ။အဲ့ဒီရုပ်ဆိုးသူတွေထဲမှာတယ်ရီနဲ့ပဲရစ်ဆိုတဲ့အချစ်ဆုံးသူငယ်ချင်းနှစ်ယောက်လည်းအပါအဝင်ဖြစ်ပြီးပဲရစ်က ၁၆ နစ်အရင်ပြည့်တဲ့အတွက်

အနာဂတ်ပျောက်ဆုံးနေတယ် ဆင်းရဲမွဲတေနေတယ် ဖိစီးနှိပ်စက်ခံနေရတယ်ဆိုတဲ့စကားလုံးတွေကို အကုန်လုံးတော့ရင်းနှီးနေပြီးဖြစ်မှာပါ။အဲ့လိုဖြစ်ဖူးတဲ့နိုင်ငံတွေအများကြီးရှိသလို ပိုလန်နိုင်ငံကလည်းအဲ့လိုနိုင်ငံထဲမှာပါဝင်ခဲ့ပါတယ်။၁၉၈၀ ခုနှစ်ဝန်းကျင်မှာ ပိုလန်မှာနိုင်ငံရေးမတည်ငြိမ်မှုတွေဖြစ်ခဲ့ပြီးနိုင်ငံတော်တော်ပျက်စီးကာ အထက်မှာဖော်ပြထားတဲ့အကြောင်းအရာတွေကြောင့် လူတစ်သန်းကျော်က တခြားနိုင်ငံကိုတိမ်းရှောင်ထွက်ပြေးခဲ့ကြပါတယ်။အဲ့ဒီသမိုင်းကြောင်းကိုပေါ်လွင်အောင် ထွက်ပြေးရှောင်တိမ်းခဲ့တဲ့လူတွေကိုကိုးကားပြီးရိုက်ကူးထားတဲ့ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားလေးရဲ့နာမည်ကတော့ Boxer ဖြစ်ပြီး လက်ရှိ IMDb Rating 6.1 ရရှိထားပါတယ်။ဘယ်လိုဇာတ်အိမ်တည်ထားတယ်ဆိုတာကိုတော့ဇာတ်ကားနာမည်ကိုကြည့်ပြီးရိပ်မိကြမှာပါ။ယက်ဒရစ်လို့ခေါ်တဲ့ကောင်လေးရဲ့အဖေက နိုင်ငံကျော်ဒိတ်ဒိတ်ကြဲလက်ဝှေ့သမားကြီးဖြစ်ပြီး ကမ္ဘာ့ထိပ်တန်းဖြစ်ဖို့ကြိုးစားခဲ့သူတစ်ယောက်ဖြစ်ပါတယ်။ဒါပေမယ့်အကြောင်းအမျိုးမျိုးကြောင့်ရှုံးနိမ့်ခဲ့ပြီးလက်ဝှေ့လောကကနေထွက်ခွာခဲ့ရပါတယ်။ဒီလိုနဲ့သူကြီးလာတဲ့အခါမှာတော့သူ့အဖေဖြစ်ချင်ခဲ့တဲ့ဆန္ဒ သူ့ဆန္ဒဖြစ်တဲ့ ကမ္ဘာ့ချန်ပီယံဖြစ်လာဖို့အတွက်ကြိုးစားခဲ့ပါတော့တယ်။နိုင်ငံတွင်းမှာထိပ်တန်းဖြစ်နေပေမဲ့ ပျက်စီးနေတဲ့နိုင်ငံကြီးထဲမှာသူ့အတွက်ဘယ်လိုမှတက်လမ်းမရှိတဲ့အခါမှာတော့ သူ့ဇနီးဖြစ်သူခါရှာကိုခေါ်ပြီး အင်္ဂလန်မှာအခြေချဖို့ကြိုးစားခဲ့ကြပါတော့တယ်။

ဒီကားလေးကတော့ ဒီနှစ် 6လပိုင်းကမှ ထွက်ရှိထားတဲ့ကားလေးပါ။ ဟန်ယူနာဆိုတဲ့ကောင်မလေးဟာ လိုင်းပေါ်ကနေ Streamerအနေနဲ့လုပ်ပြီး ဝင်ငွေရှာနေတဲ့လူပါ။ ဒါပေမဲ့ သူလုပ်တဲ့အလုပ်က မအောင်မြင်ဘဲ ကြည့်ရှုသူကတော့ 0ပဲဖြစ်နေခဲ့ပါတယ်။ ဟန်ယူနာကတော့ လက်မလျှော့ဘဲ ဂင်ချီပန်ကိတ်တွေပါလုပ်ပြီး subscriberရှာခဲ့ပေမဲ့ Liveပိတ်ဖို့မေ့ပြီး သူလုပ်တဲ့မုန့် သူပြန်စားမိပြီး အရသာဆိုးလွန်းလို့ ဆဲဆိုနေခဲ့တာ လူမိသွားခဲ့လို့ တောင်းပန်ရတာပဲ အဖတ်တင်လိုက်ပါတယ်။ ဒီလိုနဲ့ attentionရှာဖို့ကြိုးစားရင်း အဖေဖြစ်သူက ကိုယ့်ကိုယ်ကိုယ်အဆုံးစီရင်သွားပါတယ်ဆိုပြီး ဒရမ်မာတွေချိုးတဲ့အချိန်မှာတော့ လူတွေသနားလာပြီး တဖြည်းဖြည်းနဲ့ Subscriberတွေရလာခဲ့ပါတယ်။ ဒီလိုနဲ့အောင်မြင်ဖို့အတွက် လုပ်လို့ရသမျှ လျှောက်လုပ်ရင်း နာမည်ရလာခဲ့ပါတယ်။ ဒီလိုနဲ့ ဟန်ယူနာတစ်ယောက် ပွဲတစ်ခုကနေအပြန်မှာ ကားနောက်ဖုံးထဲထည့်ပြီး ပြန်ပေးဆွဲခံလိုက်ရပါတယ်။ လူတွေအပေါ် လှည့်စားခဲ့တဲ့ဟန်ယူနာတစ်ယောက် ပြန်ပေးဆွဲခံရတဲ့အချိန်မှာ ဘာတွေကြုံတွေ့ရမယ်ဆိုတာကတော့... ဒီကားကိုအညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီတစ်ခါ တင်ဆက်ပေးချင်တဲ့ ဇာတ်ကားလေးကတော့ ၂၀၂၄ ခုနှစ်ထွက် Action, Thriler အမျိုးအစားဖြစ်တဲ့ Bheema ပဲ ဖြစ်ပါတယ်။ ဒီဇာတ်ကားမှာတော့ Vijay Kumar ပါဝင်သရုပ်ဆောင်ထားပြီး တခြားသော သရုပ်ဆောင်လည်း ပါဝင်ပါသေးတယ်။ ဒီဇာတ်လမ်းမှာတော့ ရာမန်နာဆိုတဲ့ စက်ပြင်ဆရာရဲ့ မွေးစားသားဖြစ်တဲ့ ဘီးမာဟာ လူငယ်တွေကို ဒုက္ခပေးတဲ့ မူးယစ်ဆေးဝါးတွေ ရောင်းချတဲ့ မန်ဂျူနဲ့ ထိပ်တိုက်ရင်ဆိုင်ရင်း လူငယ်တွေကို လမ်းမှန်ရောက်အောင် တွန်းပို့ပေးပြီး လူ့အဖွဲ့အစည်းကို ပြုပြင်ပြောင်းလဲပေးရာကနေ အခက်အခဲမျိုးစုံကြုံတွေ့လာရသလို မကောင်းမှုဒုစရိုက်တွေနဲ့ ပတ်သက်ပြီး ရဲအရာရှိတွေကလည်း အကျင့်ပျက်ခြစားတာမျိုးတွေဘယ်သူသေသေ ငတေမာရင်ပြီးရောဆိုပြီး တရားမဝင်လုပ်ငန်းတွေကို လျစ်လျူရှုထားပုံတွေ ကို မြင်တွေ့ရမှာပဲဖြစ်ပါတယ်။ အညွှန်းနဲ့ ဘာသာပြန်ကတော့ Kaelyn ပဲဖြစ်ပါတယ်။

ရုပ်ရှင်ရိုက်ကူးရေးအဖွဲ့တစ်ဖွဲ့က သူတို့ရုပ်ရှင်ကို ရင်းနှီးမြှုပ်နှံပေးမယ်ဆိုတဲ့ မိသားစုတစ်စုနေထိုင်ရာ ခြံကျယ်ကြီးတစ်ခုမှာ ညစာစားရင်း ရုပ်ရှင်နဲ့ပတ်သက်ပြီး ဆွေးနွေးပြောဆိုဖို့အတွက် အသေအချာစီစဉ်ကာ အိမ်ကြီးဆီကို ရောက်ချလာပါတော့တယ်။ အလုပ်ကိစ္စနှင့်ပတ်သက်ပြီး အဆင်ပြေရုံရှိသေး .. သူတို့ ညစာစားနေတဲ့ အိမ်ကြီးထဲကို မျက်နှာဖုံးတပ်လူတစ်စုက ဝင်ရောက်လာကာ သူတို့အသက်ကို ရန်ရှာပါတော့တယ်။ လူသတ်သမားတွေက ဘယ်သူလဲ .. ဘယ်သူ့ကို ပစ်မှတ်ထားပြီး တိုက်ခိုက်တာလဲ .. သူတို့ရော အသက်ရှင်လျက်နဲ့ ထွက်ပြေးလွတ်မြောက်နိုင်ပါ့မလားဆိုတာကို ကြည့်ရှုလိုက်ကြပါဦး။ (အညွှန်းရေးသားသူနဲ့ ဘာသာပြန်သူကတော့ Leon K Zaw ဖြစ်ပါတယ်။)

စူပါဟီးရိုးဇာတ်လမ်းတွေကို နှစ်ခြိုက်သူတွေအတွက် ဒီတစ်ခေါက်မှာတော့ အိန္ဒိယစူပါဟီးရိုးဇာတ်လမ်းတစ်ပုဒ်ဖြစ်တဲ့ "Weapon"ဆိုတဲ့ Action, Sci-Fi,Thrillerဇာတ်လမ်လေးတစ်ပုဒ်နဲ့ မိတ်ဆက်ပါရစေ။ ဇာတ်လမ်းနာမည်"လက်နက်"ဆိုတဲ့အတိုင်း ဇာတ်လမ်းထဲမှာ လက်နက်အဖြစ်ဖန်တီးခံခဲ့ရတဲ့လူတွေရဲ့အကြောင်းကို စိတ်ကူးယဉ်ဆန်ဆန်ရိုက်ကူးထားတာပဲဖြစ်ပါတယ်။ သဘာဝပတ်ဝန်းကျင်ကို ချစ်မြတ်နိုးတဲ့ "အာဂနီ"ဆိုတဲ့ Youtuberတစ်ယောက်ဟာ သဘာဝလွန်စွမ်းအားရှင်လူသားတွေကို သူ့ရဲ့ချန်နယ်မှာတင်ဖို့အတွက် လိုက်ရှာနေခဲ့တယ်။ ဒါပေမဲ့ သဘာဝလွန်စွမ်းအားရှင် လူသားတွေကိုလိုက်ရှာနေတာက သူတို့တင်မဟုတ်ပါဘူး။ အဲ့ဒီလူတွေရဲ့နောက်ခံကလည်း ထင်သလောက်ရိုးရှင်းမနေပါဘူး။ ပြီးတော့ သူတို့ရဲ့ရည်ရွယ်ချက်က မျိုးရိုးဗီဇပြောင်းလဲနိုင်တဲ့ဆေးရဲ့ဖော်မြူလာကိုရဖို့အတွက် ဒီသဘာဝလွန်စွမ်းအားရှင်လူသားကို လိုက်ရှာတာဖြစ်နေတယ်။ ဒီလူတစ်စုရဲ့ရည်ရွယ်ချက် ပြည့်ဝနိုင်မလား။ နှစ်ပေါင်းများစွာပုန်းအောင်းနေခဲ့တဲ့ သဘာဝလွန်စွမ်းအားရှင်လူသားကို ရှာတွေ့နိုင်မလား။ မရေရာတဲ့အကြောင်းပြချက်နဲ့ ဆန္ဒပြင်းပြစွာလိုက်ရှာနေတဲ့ အာဂနီမှာရော ဘယ်လိုလျှို့ဝှက်ချက်တွေရှိနေမလဲ... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

မိန်းကလေးတွေရဲ့ဘ၀မှာ အရေးအကြီးဆုံးမရှိမဖြစ်ပါဝင်နေတဲ့အရာတစ်ခုကိုပြောပါဆိုရင်တော့ Skincare ပစ္စည်းတွေနဲ့ Skincare လုပ်တာလို့ပြောရမှာပါပဲ။အဲ့ဒါကြောင့်ပဲ ဒီလိုအရမ်းအရေးကြီးတဲ့ထုတ်ကုန်ပစ္စည်းတွေကိုအပြိုင်အဆိုင်စတင်ထုတ်လုပ်လာခဲ့ကြတာ အခုဆိုရင်နိုင်ငံပေါင်းစုံ Brand ပေါင်းစုံနဲ့ရေတွက်လို့တောင်မရနိုင်တော့ပါဘူး။ဒီလိုနဲ့ပဲ Skincare လောကကြီးကအပြိုင်အဆိုင်တွေအရမ်းများလာပြီး မသမာမှုတွေ ဒုစရိုက်မှုတွေများစွာလည်းပေါ်ပေါက်ခဲ့ပါတယ်။အခုတင်ဆက်ပေးမဲ့ဇာတ်ကားလေးထဲမှာတော့အဲ့ဒီပြိုင်ဆိုင်မှုတွေကြားမှာဖြစ်ပျက်ခဲ့တဲ့ ဖြစ်ရပ်မှန်အပေါ်မှာအခြေခံထားတဲ့စိတ်ဝင်စားစရာအဖြစ်အပျက်တွေကိုတွေ့ရမှာပဲဖြစ်ပါတယ်။ဇာတ်ကားနာမည်က မှန်းနေစရာမလိုလောက်အောင် Skincare ပဲဖြစ်ပြီး IMDb Rating 6.1 အထိရရှိထားပါတယ်။ဟုပ်ဂိုးလ်မန်းဆိုတဲ့အမျိုးသမီးက Skincare လုပ်ပေးတဲ့ဆိုင်တစ်ဆိုင်ဖွင့်ထားခဲ့ပြီး နှစ်ပေါင်းများစွာကြိုးစားခဲ့ပြီးတဲ့နောက်မှာသူ့ကိုယ်ပိုင် Skincare ပစ္စည်းတွေကိုထုတ်လုပ်နိုင်ခဲ့ပါတယ်။တီဗီအစီအစဉ်တွေကအစ ဆိုရှယ်မီဒီယာတွေအထိသူ့ကိုလူသိများစိတ်ဝင်စားနေခဲ့ကြပြီး သူ့ဘ၀အတွက်အမြင့်ဆုံးအချိန်ကိုရောက်ရှိလို့နေခဲ့ပါတယ်။ဒါပေမယ့် ကံဆိုးချင်တော့သူ့ဆိုင်ရှေ့တည့်တည့်မှာ တခြား Skincare ဆိုင်အသစ်လာဖွင့်ခဲ့ပါတယ်။အဲ့ဒီမှာတင်သူ့အတွက်ပြိုင်ဖက်ပေါ်လာခဲ့ပြီး သိပ်မကြာခင်မှာတင်သူ့ဘ၀ရဲ့အမြင့်ဆုံးအချိန်ကနေဟိုးအောက်ဆုံးကိုထိုးကျသွားတဲ့အခါမှာတော့ ဟုပ်တစ်ယောက်

ဒဏ္ဍာရီဆန်ဆန်ပုံပြင်တစ်ပုဒ် နားထောင်ရသလိုမျိုး မိသားစုနဲ့အတူ ပေါ့ပေါ့ပါးပါးကြည့်ရမယ့် မှော်ကားဖြစ်ပါတယ်။ ဒီကားကို ဇာတ်လိုက်မင်းသားနှစ်ယောက်ကပဲ ဒါရိုက်တာလုပ် စာရေးဆရာလုပ်ပြီး ရိုက်ကူးထားတာပါ။ ရှေးရှေးတုန်းက အရပ်သား‌တွေကို မှော်ပညာသုံးခွင့်ပိတ်ပင်ထားတဲ့ အလယ်ရီယွန်တိုင်းပြည်မှာ ဟောကိန်းတစ်ခုရှိခဲ့ပါတယ်။ တစ်နေ့ကျရင် အကြီးအကဲတွေ လျှို့ဝှက်ထားတဲ့အကြွင်းမဲ့မှော်နှင်တံကို ကျေးတောသူမိန်းကလေးက ကိုင်ဆောင်ပြီး အင်ပါယာကို ရွှေခေတ်ဆီ လမ်းပြပေးလိမ့်မယ်တဲ့။ လက်ရှိမှာ အင်ပါယာက သုံးပိုင်းကွဲနေပြီး ညီအစ်မသုံးယောက်က တစ်ခုစီအုပ်ချုပ်ပါတယ်။ သူတို့ထဲ ‌အကောက်ကျစ်ဆုံး ဘုရင်မဝင်ဒိုလင်က သုံးခုလုံးကို သူတစ်ယောက်တည်းအုပ်စိုးချင်တဲ့အတွက် နှင်တံရဖို့ တိတ်တဆိတ်အားထုတ်နေခဲ့ပါတယ်။ တစ်ချိန်တည်းမှာပဲ ဟောကိန်းထဲက မိန်းကလေးပေါ်ထွက်လာပြီး ဘုရင်မဘက်ကတပ်မှူးနဲ့ ရေတပ်ကပ္ပတိန်ကပါ ထိုမိန်းကလေးဆီ သစ္စာခံပြီး နှင်တံရှာဖွေဖို့ ခရီးစဉ်စတဲ့အခါ...ဘုရင်မရဲ့အနှောင့်အယှက်တွေကြားကနေ သူတို့သုံးယောက်ရဲ့ ခရီးစဉ်အောင်မြင်ပြီး မှော်ပညာရဲ့ရွှေခေတ်ကို ရောက်နိုင်မလားဆိုတာ ဆက်လက်အားပေးနိုင်ပါပြီ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

Jimmy Carrဆိုတဲ့နာမည်က stand-up comedy show ပရိသတ်တွေအတွက်တော့ မစိမ်းတဲ့နာမည်တစ်ခုပါ။ stand-up comedianတွေရဲ့ ထုံးစံအတိုင်းပဲ ဒီတစ်ခါမှတော့ ထေ့လုံးငေါ့လုံးတွေ အများအပြားနဲ့ showပွဲလေးကို တင်ဆက်ပေးလိုက်ပါပြီ။ အရင်ကလည်း ထိမိလွန်းတဲ့ဟာသတွေကြောင့် ခဏခဏဝေဖန်ခံရတဲ့ဂျင်မီတစ်ယောက် သူဘာလို့ မတောင်းပန်တာလဲ။ ဒီလိုဝေဖန်ပြစ်တင်ခံရရင် ဘယ်လိုရင်ဆိုင်မလဲစတဲ့ ဘဝရဲ့ အတွေ့အကြုံတွေပါ ဝေမျှရင်းတစ်ခွန်းဆိုတစ်ခွန်း ဒတ်ခနဲထိအောင် ပြောနိုင်လွန်းတဲ့ ဂျင်မီတစ်ယောက် ဒီတစ်ခါရှိုးမှာရော ဘာအကြောင်းအရာတွေ ဆွေးနွေးသွားမလဲ။ ဘယ်လိုဖြစ်ရပ်တွေကို ပရိသတ်တွေနဲ့မျှဝေသွားမလဲ။ ဒီတစ်ခါမှာရော ဘယ်လိုထိရှလွယ်တဲ့အကြောင်းအရာတွေနဲ့ ရှယ်ဖဲ့ပြမလဲဆိုတာ အတူရှုစားကြရအောင်ပါ။ ဇာတ်လမ်းအညွှန်းနဲ့ ဘာသာပြန်သူကတော့ Eunice ဖြစ်ပါတယ်။

"လျှောက်တဲ့လမ်းကြောင်းကို ​ပြောင်းရင်ပြောင်းမယ်။ ဒါပေမဲ့ ပန်းတိုင်ကိုတော့ ဘယ်တော့မှမပြောင်းဘူး" ဒီဇာတ်လမ်းလေးဆိုရင် အိန္ဒိယနိုင်ငံမှာ အမှန်တကယ်ဖြစ်ပျက်နေတဲ့ အကြောင်းအရာတွေကို မီးမောင်းထိုးရိုက်ကူးပြထားတဲ့ ပညာပေးဇာတ်လမ်းလေးတစ်ပုဒ်ဆိုလည်းမမှားပါဘူး။ ဆေးကျောင်းတက်ချင်တဲ့ရည်မှန်းချက်ပြင်းပြတဲ့ "တီ"ဆိုတဲ့ကောင်လေးဟာ NEETစာမေးပွဲကို အဆင့်အနိမ့်ပိုင်းနဲ့ ဖြေဆိုအောင်မြင်ခဲ့ပေမဲ့ ဆေးကျောင်းဝင်ခွင့်နေရာကိုတော့ မရခဲ့ရှာဘူး။ ဒါပေမဲ့ စိတ်ဓာတ်ကြံ့ခိုင်လှတဲ့သူဟာ နောက်နှစ်မှ အမှတ်များအောင်ပြန်ဖြေမယ်ဆိုပြီး ကိုယ့်ကိုယ်ကိုယ်နှစ်သိမ့်ခဲ့ပေမဲ့ အဆုံးကျတော့ ဒီဝင်ခွင့်စီစဉ်တဲ့စနစ်ကြီးထဲမှာ လိမ်လည်မှုတစ်ခုရှိနေတာကို သိလိုက်ရပါတော့တယ်။ ဒါကို မခံမရပ်နိုင်ဖြစ်နေတဲ့ "တီ"ဟာ ဒီလိမ်လည်မှုကြီးရဲ့နောက်ကွယ်က တရားခံတွေကို အရေးယူနိုင်ဖို့အတွက် သဲလွန်စတွေလိုက်ရှာဖွေရင် အလိမ်ပေါ်အလိမ်ဆင့်နေတဲ့ လိမ်လည်မှုကြီးတစ်ခုနဲ့ ကြုံတွေ့လိုက်ရပါလေရော...။ သူသိထားတဲ့ အမှန်တရားက အလုံးစုံမဟုတ်ဘဲ တစ်စိတ်တစ်ပိုင်းပဲဆိုတာကို သိလိုက်ရတဲ့အချိန် "တီ"ဆိုတဲ့လူငယ်လေးတစ်ယောက် ဒီဆိုးရွားယုတ်မာတဲ့စနစ်ဆိုးကြီးကို ဘယ်လို​တိုက်ဖျက်မလဲဆိုတာကို စိတ်လှုပ်ရှားစွာကြည့်ရှုရမှာပဲဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Zed ဖြစ်ပါတယ်

Kil Bill လို Romance , Revenge ခံစားချက်မျိုးကိုရစေမဲ့အပြင် နောက်ပိုင်းရုပ်ရှင်တချို့မှာမြင်တွေ့နေရတဲ့ မင်းသမီးချော Charlotte Kirk ရဲ့အလှအပတွေကိုအသားပေးရိုက်ကူးထားတဲ့အသစ်ထွက်ရှိလာတဲ့ Duchess ဆိုတဲ့ဇာတ်ကားလေးကိုတင်ဆက်ပေးလိုက်ပါတယ်။အက်ရှင်တွေ သွေးထွက်သံယိုတွေ 18+ ခန်းလေးတွေနည်းနည်းပါတဲ့အတွက် ကလေးတွေတော့မကြည့်သင့်ပါဘူး။စကားလက်ဆိုတဲ့ကောင်မလေးတစ်ယောက်က သူ့ရဲဆွဲဆောင်မှုရှိမှုကိုအသုံးချပြီး ခါးပိုက်နှိုက်ကာအသက်မွေးဝမ်းကြောင်းနေရတဲ့ကောင်မလေးတစ်ယောက်ဖြစ်ပါတယ်။တစ်ညမှာတော့သူခါးပိုက်နှိုက်နေတာကိုရော့ဘ်ဆိုတဲ့မာဖီးယားလူဆိုးတစ်ယောက်မြင်သွားပြီး စကားလမ်းကြောင်းစဖြစ်ခဲ့ကြပါတော့တယ်။စစချင်းတုန်းကတော့ စကားလက်ကလက်ရှိလုပ်ကိုင်နေတဲ့အလုပ်လေးဘုံပျောက်သွားမှာနဲ့ လူဆိုးတစ်ယောက်ဖြစ်တဲ့အတွက်ကြောက်နေတာကြောင့်ငြင်းပယ်ခဲ့ပေမဲ့ ရော့ဘ်ရဲ့ဇွဲရှိမှုနဲ့ယောက်ျားပီသမှုတွေကြောင့်မျောပါသွားခဲ့ပါတော့တယ်။ဒီလိုနဲ့နောက်ပိုင်းမှာသူတို့နှစ်ယောက်တွဲဖြစ်ခဲ့ကြပြီး စကားလက်လည်းရော့ဘ်လုပ်ငန်းတွေရဲ့တစ်စိတ်တစ်ပိုင်းမှာပါဝင်လာခဲ့ပါတော့တယ်။စစချင်းတုန်းကတော့ပိုက်ဆံတွေချမ်းချမ်းသာသာနဲ့ပျော်ပျော်ရွှင်ရွှင်နေထိုင်ခဲ့ကြပေမဲ့ ဒုစရိုက်အလုပ်လုပ်တဲ့အတွက် တန်ဖိုးကြီးကြီးမားမားပေးဆပ်ရမဲ့နေ့တစ်နေ့ရောက်လာခဲ့တဲ့အခါမှာတော့ဘာတွေဆက်ဖြစ်မယ်ဆိုတာကိုစိတ်ဝင်တစားကြည့်ရှုရမဲ့အက်ရှင်ကားကောင်းတစ်ကားပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Eazy ဖြစ

ဒီတစ်မိတ်ဆက်ပေးချင်တဲ့ဇာတ်ကားလေးကတော့ ဘဝအမောတွေကိုပြေပျောက်စေမယ့် ရုပ်ရှင်သရုပ်ဆောင်လည်းဖြစ် ဟာသလူရွှင်တော်လည်းဖြစ်တဲ့ Adam Sandler ရဲ့ ဇာတ်ကားလေးဖြစ်ပါတယ်။ ဒီဇာတ်ကားလေးထဲမှာ Adam Sandler ဟာ ဟာသရှိုးတစ်ခုကို အလွဲလွဲအချော်ချော်နဲ့ ရောက်သွားခဲ့ပြီး ဘယ်လိုပြက်လုံးတွေ၊ ဘယ်လိုသီချင်းတွေနဲ့ ပရိသတ်တွေကို ဖမ်းစားမလဲဆိုတာကို ကြည့်ရှုရမှာဖြစ်လို့ ကိုယ်တိုင်ကြည့်ရှုခံစားကြည့်ဖို့ တိုက်တွန်းလိုက်ပါရစေ။ ဒီဇာတ်ကားကို အညွန်းနဲ့ဘာသာပြန်ပေးသူကတော့ MCEC ဖြစ်ပါတယ်

Oppenheimer တို့ Die Hart တို့လိုနာမည်ကြီးဇာတ်ကားတွေမှာဇာတ်ပို့အနေနဲ့ဇာတ်လမ်းကိုပံပိုးပေးခဲ့တဲ့ ရင်းနှီးနေသလိုလည်းမဟုတ် စိမ်းနေသလိုလည်းမဟုတ်တဲ့မျက်နှာနဲ့မင်းသား Josh Hartnett ကိုယ်တိုင် ဇာတ်ဆောင်အဖြစ်သရုပ်ဆောင်ထားတဲ့သည်းထိပ်ရင်ဖိုဇာတ်ကားကောင်းလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Trap ဖြစ်ပြီးလက်ရှိ IMDb Rating 6.2 အထိရရှိထားပါတယ်။ဒီဇာတ်လမ်းကိုအဓိကဆွဲဆောင်သွားတာကတော့စိတ္တဇကွင်းဆက်လူသတ်သမားနဲ့ အရမ်းချစ်ခင်ခံရတဲ့အိမ်ထောင်ဦးစီးတစ်ယောက် အဖေကောင်းတစ်ယောက်ရဲ့ဇာတ်ကောင်နှစ်ခုကို Mood Swing တွေသေချာပြောင်းလဲပြီးပီပြင်အောင်သရုပ်ဆောင်နိုင်ခဲ့တဲ့ Josh ရဲ့သရုပ်ဆောင်ချက်တွေကြောင့်ပဲဖြစ်ပါတယ်။ဇာတ်လမ်းအစမှာတော့ကူးပါးနဲ့ရိုင်လေဆိုတဲ့သားအဖနှစ်ယောက်ပျော်ပျော်ပါးပါး သမီးဖြစ်သူအရမ်းကြိုက်တဲ့အဆိုတော်တစ်ယောက်ရဲ့ရှိုးပွဲကိုသွားနေကြတာကိုတွေ့ရမှာဖြစ်ပါတယ်။စစချင်းမှာတော့အားလုံးသာယာအဆင်ပြေပျော်ရွှင်နေခဲ့ပေမဲ့ ခဏအကြာမှာတော့ပွဲလုပ်တဲ့နေရာကို ရဲတွေရော အထူးတပ်ဖွဲ့တွေပါရောက်လာပြီးဝိုင်းထားလိုက်ပါတော့တယ်။သူတို့ရဲ့စစ်ဆင်ရေးကတော့ ဒီနေ့အဲ့ဒီရှိုးပွဲမှာသေချာပေါက်ရှိနေမ‌ဲ့ ကွင်းဆက်လူသတ်သမားကိုထောင်ချောက်ဆင်ဖမ်းဖို့ပါပဲ။ဒီလိုနဲ့အမှတ်မထင်ကူးပါးကအဲ့ဒီရဲတွေကိုတွေ့သွားတဲ့အချိန်မှာ သူ့သမီးနဲ့ပျော်နေတဲ့အပျော်တွေပျောက်သွားပြီး ဒီနေရာကနေထွက်သွားနိုင်ဖို့ပဲစတင်ကြိုးစားနေခဲ့ပါတော့တယ်။ဘာကြောင့်ဆိုတာကိုတော့ရိပ်မိနေလောက်ပ

ကားချစ်သူဝါသနာရှင်များအတွက် စိတ်ဝင်စားစရာကောင်းမဲ့ အသိပညာလည်းရစေမဲ့ Biography ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားကတော့တခြားမဟုတ်ပါဘူး တစ်ခေတ်တစ်ခါကလမ်းကြမ်းကားပြိုင်ပွဲတွေမှာ အကောင်ကြီးတွေဖြစ်ခဲ့တဲ့ Audi နဲ့ Lancia တို့ကြားကအားပြိုင်မှုတွေကိုကွက်ကွက်ကွင်းကွင်းမြင်တွေ့နိုင်အောင်ရိုက်ကူးတင်ဆက်ထားတဲ့ဇာတ်ကားပဲဖြစ်ပါတယ်။နာမည်ကလည်း Race For Glory : Audi Vs Lancia ပဲဖြစ်ပြီး IMDb Rating 5.8 အထိရရှိထားပါတယ်။၁၉၈၂ ခုနှစ်ပတ်ဝန်းကျင်လောက်မှာ လမ်းကြမ်းကားပြိုင်ပွဲတွေကအရမ်းခေတ်စားလာခဲ့ပြီးကမ္ဘာ့နံပါတ် ၁ တီဗီအားကစားဖြစ်လာခဲ့ပါတယ်။ပြိုင်ပွဲတွေကဒီလိုနာမည်ကြီးလာတာနဲ့အမျှ ကားကုမ္ပဏီတွေကလည်းပြိုင်ပွဲတွေမှာအနိုင်ရဖို့အတွက်သူတို့ကားတွေကိုအကောင်းဆုံးအဆင့်မြှင့်အပြိုင်အဆိုင်ထုတ်လုပ်လာခဲ့ကြပါတယ်။အဲ့ဒီထဲကမှပြိုင်ဆိုင်မှုအပြင်းထန်ဆုံးကတော့ Audi နဲ့ Lancia ကားကုမ္ပဏီ ၂ ခုပဲဖြစ်ပါတယ်။Audi တွေလမ်းကြမ်းကားပြိုင်ပွဲလောကထဲဝင်လာကတည်းက Lancia အတွက်ရှုံးနိမ့်မှုတွေပဲတောက်လျှောက်ကြုံတွေ့ခဲ့ရပါတယ်။အဓိကအကြောင်းအရင်းကတော့ဂျာမန်ကုမ္ပဏီဖြစ်တဲ့ Audi က Four-Wheel လေးဘီးမောင်းစနစ်ကိုဦးအောင်တီထွင်သုံးစွဲနေနိုင်လို့ပဲဖြစ်ပါတယ်။အဲ့ဒီနည်းပညာကိုရဖို့ဆိုတာတော်ရုံလွယ်ကူတာမဟုတ်တဲ့အတွက် Lancia အတွက်ကတော့အနိုင်ရဖို့ခက်ခဲသထက်ပိုခက်ခဲနေခဲ့ပါတယ်။ဒါပေမယ့် Lancia ရဲ့မလျှော့သောဇွဲနဲ့ပြင်းထန်တဲ့လုံလတို့ပေါင်းစည်းပြီး နှစ်ဘီးမောင်းက

ကိုးရီးယားရုပ်ရှင်ချစ်သူတွေအတွက် မြောက်ကိုးရီးယားနဲ့တောင်ကိုးရီးယားစစ်တပ်ကြားကစိတ်ဝင်စားစရာအဖြစ်အပျက်လေးတစ်ခုကိုစိတ်ကူးယဉ်တင်ဆက်ရိုက်ကူးထားတဲ့ဇာတ်ကားလေးတစ်ကားကိုတင်ဆက်ပေးလိုက်ပါတယ်။ဇာတ်ကားနာမည်ကတော့ Escape ဖြစ်ပြီး IMDb Rating 6.6 အထိရရှိထားပါတယ်။မြောက်ကိုးရီးယားဆိုတာလူ့အခွင့်အရေးချိုးဖောက်ခံရတဲ့ စည်းကမ်းတင်းကြပ်တဲ့ဖိနှိပ်တဲ့နိုင်ငံအဖြစ်နာမည်ဆိုးနဲ့ကျော်ကြားတာလူတိုင်းအသိပါပဲ။အဲ့ဒီမှာနေနေရတဲ့သာမန်အရပ်သားတွေရဲ့ဘ၀တွေတောင်ကြမ်းတမ်းခက်ခဲနေတဲ့အတွက် စည်းကမ်းတင်းကြပ်တဲ့ စစ်တပ်ထဲကစစ်သားတွေရဲ့ဘ၀ဆိုရင်တော့မတွေးရဲလောက်စရာပါပဲ။အဲ့ဒါကြောင့်ပဲလွတ်လပ်တဲ့တောင်ကိုးရီးယားကိုထွက်ပြေးဖို့ကြိုးစားခဲ့ပြီးအောင်မြင်ခဲ့တဲ့သူတွေရှိသလို မအောင်မြင်ခဲ့တဲ့လူတွေလည်းရှိပြီး အခါအခွင့်ရတာနဲ့လစ်ဖို့ကြိုးစားနေတဲ့လူတွေလည်းတစ်ပုံကြီးပါပဲ။အဲ့လိုတောင်ကိုးရီးယားကိုထွက်ပြေးဖို့ကြိုးစားနေတဲ့လူတွေထဲမှာ အင်ဂယူနမ်ဆိုတဲ့မြောက်ကိုးရီးယားတပ်စုမှူးတစ်ယေ‌ာက်လည်းအပါအဝင်ပါပဲ။သူ့ဘ၀မှာ သူနေထိုင်ရာမြောက်ကိုးရီးယားသံဆူးကြိုးခြံစည်းရိုးရဲ့တစ်ဖက်ခြမ်းကတောင်ကိုးရီးယားကိုထွက်ပြေးဖို့အမြဲတမ်းစိတ်ကူးနေခဲ့သူဖြစ်ပြီးတစ်နေ့မှာတော့သူ့စိတ်ကူးတွေအောင်မြင်ဖို့အတွက်အကောင်အထည်စဖော်ပြီးတပ်ပြေးခဲ့ပါတော့တယ်။တပ်ပြေးမှုဆိုတာတော်တော်ကြီးလေးတဲ့အတွက်သူ့နောက်ကိုလိုက်ဖမ်းတဲ့အထက်အရာရှိတွေကလည်းလိုက်ဖမ်းရင်း ဘယ်လိုအခက်အခဲတွေကြုံရပြီး အောင်မြင်စွာထွက်ပြေးသွားနိုင်ပါ့