လူကြည့်များသော ရုပ်ရှင်များ

ဇာတ်လမ်းအစမှာတော့ အများသုံးသန့်စင်ခန်းမှာ လူသေမှုတစ်ခုကိုတွေ့ရှိခဲ့လို့ စုံထောက်အီဒုံဂွန်းတို့အဖွဲ့က စပြီးစစ်ဆေးခဲ့ကြပါတယ်။ လူသေမှုမှာ လိင်အင်္ဂါပိုင်းကိုအဓိကထားတိုက်ခိုက်ခဲ့တာဖြစ်ပြီး သေဆုံးပုံကပါ ထူးဆန်းနေခဲ့ပါတယ်။ သေဆုံးသူက သူအလုပ်လုပ်တဲ့ကုမ္ပဏီမှာပါ လူမုန်းများတဲ့လူတစ်ယောက်ဖြစ်ပြီး စာရိတ္တအပိုင်းမှာလည်း နာမည်ဆိုးရှိခဲ့တဲ့လူပါ။ သေဆုံးသူရဲ့ပါးစပ်ထဲမှာ လွန်ခဲ့တဲ့ ၁၀နှစ်ကရေးထားခဲ့တဲ့ မှတ်စုစာရွက်တစ်ခုကိုတွေ့ရှိခဲ့ရတော့ အဲဒီစာရွက်အကြောင်းလိုက်စုံစမ်းရင်း လွန်ခဲ့တဲ့ ၁၀နှစ်ကအကြောင်းအရာတွေအပြင် ဘယ်လိုစိတ်ဝင်စားစရာကိစ္စတွေပါ ပါဝင်ပတ်သက်လာမလဲ? သေဆုံးမှုတွေထပ်ဖြစ်လာခဲ့ပြီး ဘယ်လိုအကြောင်းကြောင့် ဒီလိုကိစ္စတွေဖြစ်လာရလဲဆိုတာ... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

Leslie Nielsen ရဲ့ Naked gun seriesထဲမှာ နောက်ဆုံးထွက်ခဲ့တဲ့ တတိယမြောက်ကား ဖြစ်ပါတယ်။ ရဲမှူး ဖရန့်ခ် ဒရဘင်ရဲ့ အမှုလိုက်တိုင်း နမော်နမယ့်နိုင်ပြီး တလွဲတွေ လုပ်လို့ ဇာတ်တွေ ရှုပ်ရပေမဲ့ ဟီးရိုးဆန်စွာ တာဝန်ကျေအောင် ထမ်းဆောင်ပေးနေဆဲပါ ဒီအပိုင်းမှာတော့ ဇနီးဖြစ်သူ အတွက် ပင်စင်ယူခဲ့ပေမဲ့ လုပ်ဖော်ကိုင်ဖက်ဟောင်းတွေရဲ့ အကူညီကို မငြင်းနိုင်တာကြောင့် အကြမ်းဖက် သမားတွေရဲ့ အကြံဆိုးနဲ့ ပြည်သူတွေကို ထိခိုက်မဲ့ အရေးကို အချိန်မှီ တားဆီးနိင်ဖို့ ကြိုးစားရင်း ရင်ဆိုင်ရတဲ့ အလွဲတွေကို ရယ်စရာကောင်း‌ အောင်တင်ဆက်ထားတာဖြစ်ပါတယ်။ အတည်ပေါက်နဲ့ အပီနောက်မယ့် ပျက်လုံးတွေကို ယုတ္တိမရှိတဲ့ အက်ရှင်ပြကွက်တွေနဲ့ ရယ်ရစေတာပါ။ 2025 August 1st မှာထွက်ခဲ့တဲ့ Liam Neeson ရဲ့naked gun ဟာဆိုရင် ဒီကားရဲ့ သားဖြစ်သူအနေနဲ့ Legacy Sequel ဖြစ်လာတာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ ကိုရွှေပိုသာကဲ ဖြစ်ပါတယ်

ကွင်းဆက်လူသတ်သမား mystery တွေနဲ့ ထူးမခြားနားတဲ့ ဇာတ်အိမ်ဖြစ်ပေမယ့် ဆုတွေအများကြီး ရထားတာမို့ Horror fan တွေ ကြည့်သင့်ပါတယ်။ Slasher Horror တွေရဲ့ထုံးစံ ကျောင်းကပွဲတွေ ဆယ်ကျော်သက်ပြဿနာတွေနဲ့ အချစ်ရေးတွေ ပါပါတယ်။ ဟန်နာတို့မြို့လေးမှာ လွန်ခဲ့တဲ့နှစ်နှစ်ကစပြီး သူတို့ကျောင်းက ဝန်ထမ်းတွေနဲ့ကျောင်းသားတွေကို ပစ်မှတ်ထားသတ်ဖြတ်တဲ့ မျက်နှာဖုံးစွပ်လူသတ်သမား ပေါ်လာပါတယ်။ ထုံးစံအတိုင်း ရဲတွေကလည်း တရားခံမဖော်နိုင်ဘဲ မဖြေရှင်းရသေးတဲ့ အမှုအဖြစ်ရှိနေတုန်းမှာ နောက်ထပ် လူသတ်မှုတွေ ပေါ်ပေါက်လာပါတယ်။ ဒီအမှုကို assignment အဖြစ် ဟန်နာတို့စိတ်ပညာဆရာက ပေးတဲ့အခါ ဟန်နာတို့အဖွဲ့က စုံစမ်းရင်း ဟိုလူလိုလို ဒီလူလိုလိုနဲ့ နောက်ဆုံးမှာ တရားခံအစစ်က မထင်ထားတဲ့သူဖြစ်နေတာကို တွေ့ရမှာပါ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒါမာက ခွေးလေးတစ်ကောင်အသက်ကိုကယ်လိုက်လို့ သူ့အလုပ်ပါထွက်လိုက်ရတယ်။ ဒါမာတို့မိသားစုက တောင်ပေါ်မှာနေကြတာ။ ဒါမာ့ကိုကျောင်းထားဖို့ သူ့အမေကအကြွေးတွေယူထားရတော့ အကြွေးဆပ်ဖို့ဆိုပြီး မြို့တက်ပြီးအလုပ်လုပ်တယ်။ သူကယ်ခဲ့တဲ့ခွေးမလေး ကာလီ့ကိုလည်းခေါ်သွားတာပေါ့။ ပိုက်ဆံများများရလို့အလုပ်သွားလုပ်ပေမဲ့ အလုပ်သမားခေါင်းဆောင်ကပိုက်ဆံကြားဖြတ်ယူတော့ ဒါမာတို့အဖွဲ့နဲ့နည်းနည်းငြိကြတယ်။ အဲဒါအပြင် အလုပ်ရှင်ရဲ့သမီးခွေးကိုက်ခံလိုက်ရလို့ တစ်မြို့လုံးကခွေးတွေလိုက်သတ်ခိုင်းတဲ့အခါ ဖမ်းခေါ်သွားတဲ့ခွေးတွေထဲ ကာလီလေးလည်းပါသွားတယ်။ အဲဒါနဲ့ကာလီ့ကို ဒါမာတို့လိုက်ကယ်ကြရင်း ကာလီ့ကိုကယ်နိုင်ပါ့မလား၊ ဒါမာတို့လွတ်သွားပါ့မလားဆိုတာ ဇာတ်လမ်းနောက်ပိုင်းမှာ စိတ်လှုပ်ရှားစွာကြည့်ရှုရမှာပဲဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

စိတ်ဝင်စားစရာတွေ အဓိပ္ပါယ်ဖော်စရာတွေနဲ့ ပြည့်နေတဲ့ Sci-Fi, Thriller ရုပ်ရှင်ဖြစ်ပါတယ်။ သရုပ်ဆောင်ဖြစ်ဖို့ အိပ်မက်တွေနဲ့ မြို့ငယ်လေးကနေ LA ကိုပြောင်းလာတဲ့ ကောင်မလေးဂျမ်မာ...သူ့မွေးရပ်မြေမှာ သူကလွဲပြီး လူတိုင်းက နယ်မြေသစ်ကိုရွှေ့ပြောင်းဖို့ စွန့်ခွာဖို့စိတ်ကူးမရှိဘဲ မိဘလုပ်ငန်းကိုပဲ လက်လွှဲယူကြတာများပါတယ်။ ဂျမ်မာတစ်ယောက်ပဲ သူလုပ်နိုင်တယ်ဆိုပြီး ချစ်သူနဲ့ပါ လမ်းခွဲလို့ စွန့်စားထွက်လာတာပါ။ ကြားထဲမှာ အလုပ်ရှာရင်းနဲ့ Somnium ဆိုတဲ့ ဆေးခန်းမှာ အိပ်ဖန်စောင့်အလုပ်ရပါတယ်။ ပြောရရင် အဲဒီဆေးခန်းက လူတွေရဲ့အိပ်မက်ကို တကယ်ဖြစ်လာအောင်လုပ်ပေးတဲ့ နေရာတစ်ခု...Sleep pod လို့ခေါ်တဲ့ ပေါင်းချောင်ထဲ လူတွေကို ဝင်အိပ်စေပြီး သူတို့ဖြစ်ချင်တဲ့ဘဝကို ပိုင်ဆိုင်နေပြီလို့ Delulu ဖြစ်စေတဲ့ Program တစ်ခုပါ။ သေချာပေါက် ဘေးထွက်ဆိုးကျိုးတွေလည်း ရှိတာပေါ့။ ဂျမ်မာက အဲဒီ‌မှာ ညဘက်အစောင့်လိုမျိုး လုပ်ရင်း အိပ်မက်နဲ့လက်တွေ့ ရောထွေးသွားပြီး ထင်ယောင်ထင်မှားဖြစ်ရာကနေ သူတို့စမ်းသပ်ခံဖြစ်နေကြောင်း သိသွားတဲ့အခါ.... ဒီဇာတ်ကားကိုအညွန်းနဲ့ဘာသာပြန်ပေးသူကတော့ Shune Lai KK ဖြစ်ပါတယ်

ဒီတစ်ခေါက်တင်ဆက်ပေးမယ့် ဇာတ်ကားလေးကတော့ The Palace (2013) ဆိုတဲ့ ချင်းမင်းဆက်ခေတ်ကို နောက်ခံထားပြီး စိတ်ဝင်စားစရာ ချစ်ဇာတ်လမ်း၊ သစ္စာဖောက်မှုနဲ့ လှည့်စားမှုတွေအကြောင်းရိုက်ကူးထားတဲ့ Historical ဇာတ်ကားလေးပဲ ဖြစ်ပါတယ်။ ဇာတ်လမ်းအကျဉ်း ချိန်ရှန်း နဲ့ လျိုလီတို့ဟာ ငယ်စဉ်ကတည်းကနန်းတွင်းမှာ အမှုထမ်းနေတဲ့ မိန်းကလေးနှစ်ယောက် ဖြစ်ပြီး အတူတူကြီးပြင်းလာတဲ့ အရင်းနှီးဆုံး မိတ်ဆွေတွေဖြစ်ကြပါတယ်။သူတို့ဟာ နန်းတွင်းသူတွေအဖြစ် တာဝန်ထမ်းဆောင်ကြရင်း အရွယ်ရောက်ချိန်မှာ စိတ်ကူးယဉ်အချစ်ကိုယ်စီက နှလုံးသားထဲမှာ ပေါက်ဖွားလာကြပါတော့တယ်။ ဒီလိုနဲ့ ချိန်ရှန်းဟာ မင်းသား ၁၃နဲ့ မတော်မဆတွေ့ဆုံမိပြီး ချစ်ခင်စုံမက်သွားပါတော့တယ်။သို့သော် လျိုလီဟာတော့ ချမ်းသာကြွယ်ဝမှုနဲ့ အာဏာကို လိုချင်စိတ်ပြင်းပြတာကြောင့် သူငယ်ချင်းဖြစ်သူအပေါ် သစ္စာဖောက်လှည့်စားပြီး သူ့အိပ်မက်တွေကို အကောင်အထည်ဖော်ရန် ကြံစည်ပါတော့တယ်။ထို့ကြောင့် ချိန်ရှန်းဟာ သူ့ရဲ့ ကံကြမ္မာကို လုယူခံခဲ့ရပြီး မထင်မှတ်ထားတဲ့ ကိစ္စတွေကို ကြုံတွေ့ရပါတော့တယ်။နန်းတော်ထဲတွင် ချစ်ခြင်းမေတ္တာ သစ္စာရှိမှုနဲ့ မိမိအကျိုးအမြတ်အတွက် လိမ်လည်မှုတွေကြားထဲမှာ ချိန်ရှန်းတစ်ယောက် အမှန်တရားနဲ့ သစ္စာတရားကို ထိန်းသိမ်းနိုင်ပါ့မလား ..?လုယူခံလိုက်ရတဲ့ ကံကြမ္မာကိုရော ပြန်ရနိူင်ပါ့မလားဆိုတာကို ဒီဇာတ်ကားလေးနဲ့ အတူ ကြည့်ရှု့ခံစားပေးပါဦးနော်။ ဒီဇာတ်ကားလေးမှာဆိုရင်တော့ နာမည်ကျော် အနုပညာရှင်တ

ဒီကားလေးကတော့ ကိုရီးယားပြည်တွင်းစစ်ပွဲအတွင်းပြောက်ကျားတပ်ထဲ တာဝန်ထမ်းဆောင်ခဲ့ရတဲ့ သတင်းထောက်အီထယ်ရဲ့စစ်ပွဲအတွေ့အကြုံ ဖြစ်ရပ်မှန်အကြောင်းလေးကို ရိုက်ကူးထားတဲ့ဇာတ်ကားလေးပါ။ ဒီဇာတ်ကားမှာတော့ စစ်ရဲ့ဆိုးကျိုးတွေနဲ့ အီထယ်တို့တွေ့ကြုံခဲ့ရတဲ့ ဆိုးရွားတဲ့ဖြစ်ရပ်တွေအဖုံဖုံကို သနားကရုဏာသက်ဖွယ်ကြည့်ရှုကြရမှာပါ။ ဒီကားကို အညွှန်းနဲ့ ဘာသာပြန်ဆိုသူကတော့ Huihui ဖြစ်ပါတယ်။

"အထူးသတိပြုရန် - သွေးထွက်သံယိုခန်းများ ပါသဖြင့် နှလုံးအားနည်းသူများ မကြည့်သင့်ပါ။" အားရပါးရ လက်စားချေတဲ့ ဇာတ်လမ်းမျိုး ကြိုက်သူများအတွက် ဒီရုပ်ရှင်လေးနဲ့ မိတ်ဆက်ပေးပါရစေ။ ဒီရုပ်ရှင်ထဲမှာဆိုရင် တကယ့်ကို နာမည်ကြီး သရုပ်ဆောင်များဖြစ်တဲ့ Yoon Shi Yoon, Park Ji Yeon (T-ARA), Park Eun Bin, Hwang Jung Eum, Ji Chang Wook, Son Ho Jun တို့အပြင် အခြားမျက်နှာသိသရုပ်ဆောင်များစွာလဲ ပါဝင်ထားပါတယ်။ လေ့ကျင့်ရေးဆင်း ဆရာမပေါက်စ ဘတ်အွန်းဆူ (Hwang Jung Eum) တစ်ယောက် ကျောင်းတစ်ကျောင်းကို ရောက်ခါစမှာပဲ အဖြစ်ဆိုးတစ်ခုနဲ့ ကြုံရပါတော့တယ်။ အဲဒါကတော့ နွေပိတ်ရက်မှာ အထက်တန်း တတိယနှစ်ရဲ့ ထိပ်ဆုံး အဆင့် ၃၀ အတွက် အထူးတန်းခေါ်တဲ့နေ့ကစပြီး ရေကူးနည်းပြပါမကျန် တစ်တန်းလုံး တစ်ယောက်ပြီး တစ်ယောက် ရက်ရက်စက်စက် အသတ်ခံရတယ်။ အဲဒီလို အသတ်ခံရတာဟာ အရင်က သတ်သေတယ်ဆိုပြီး အမှုပိတ်ခဲ့တဲ့ ရေကူးချန်ပီယံ ဂျောင်ထယ်ယွန်း (Yoon Seung Ah) နဲ့ ပတ်သက်နေမှန်း နောက်မှ သိလိုက်ရပါတော့တယ်။ ဒီဇာတ်လမ်းဟာ IMDb Rate 4.8 ပဲ ရရှိထားပေမဲ့ တကယ်ပဲ ဘာကြောင့် အသတ်ခံရတာပါလိမ့်၊ ဘယ်သူက အခုလို သတ်တာများလဲ၊ ဂျောင်ထယ်ယွန်းက မကျွတ်မလွတ်တဲ့ဘဝကနေ လာလက်စားချေတာလားဆိုပြီး အတွေးပေါင်းများစွာနဲ့ ရင်တထိတ်ထိတ် ခံစားကြည့်ရှုရမယ်ဆိုတာကိုတော့ အာမခံရဲပါတယ်။ အညွှန်းနဲ့ ဘာသာပြန်တင်ဆက်သူ - ခန့်ကြော့ဇင်

အဖိနှိပ်ကြီးတဲ့ အဖေရဲ့လက်အောက်ကနေ လွတ်မြောက်ဖို့ ရုန်းထွက်လာခဲ့တဲ့ လူငယ်တစ်ယောက်အတွက် အချစ်စစ်နဲ့တွေ့ဆုံခြင်းက ဘဝရဲ့ ဒုတိယအခွင့်အရေးတစ်ခုလိုပါပဲ။ သူ့အတွက်တော့ ဒီအချစ်က လွတ်လပ်မှုရဲ့အရသာနဲ့ နွေးထွေးတဲ့ခိုလှုံရာတစ်ခုပေါ့။ ဒါပေမဲ့ ကမ္ဘာကြီးတစ်ခုလုံးကို အကျပ်အတည်းဖြစ်စေခဲ့တဲ့ ကိုဗစ် Lockdown က သူတို့ရဲ့တံခါးကိုပါ လာခေါက်တဲ့အခါမှာတော့ သူခိုလှုံရာလို့ထင်ခဲ့တဲ့ အချစ်က သူ့အတွက် အကျဉ်းထောင်တစ်ခု ဖြစ်လာမှန်း မသိခဲ့ပါဘူး။ ချစ်ခြင်းမေတ္တာတွေပြလိုက် ခဏနေရင် စိတ်ပိုင်းဆိုင်ရာ ရုပ်ပိုင်းဆိုင်ရာ နှိပ်စက်မှုတွေ ပေးလိုက်နဲ့ ကြောက်မက်ဖွယ်ရာ အချစ်ကစားပွဲတစ်ခုထဲမှာ သူ ပိတ်မိသွားခဲ့တယ်။ နောက်ဆုံးမှာ သူ ဒီဘဝကနေ လွတ်မြောက်ဖို့ ကြိုးစားတဲ့အခါမှာတော့ သူခိုလှုံရာလို့ထင်ခဲ့တဲ့ အိမ်လေးကိုယ်တိုင်က သူ့အတွက် အကျဉ်းထောင်အစစ် ဖြစ်သွားခဲ့တယ်။ အချစ်လို့ထင်ခဲ့တဲ့အရာက အသက်အန္တရာယ်ကို ခြိမ်းခြောက်လာတဲ့အခါ ဒီအိမ်ကရော ဒီဆက်ဆံရေးကရော သူဘယ်လိုလွတ်မြောက်အောင် ရုန်းထွက်ရမလဲ။ အပြင်မှာ ရောဂါရဲ့ အန္တရာယ် အိမ်ထဲမှာ ကိုယ်ချစ်ရသူရဲ့ အန္တရာယ်ကြားမှာ ပိတ်မိနေတဲ့ သူ့အတွက် ထွက်ပေါက် တကယ်ပဲ ရှိပါဦးမလားဆိုတာကိုတော့ ရင်တလှပ်လှပ်နဲ့ ကြည့်ရှုရမှာ ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ပင်ဆယ်ဗေးနီးယားပြည်နယ်၊ မေဘရွတ်မြို့လေးမှာ တစ်ညမှာ တတိယတန်းကျောင်းသား ၁၇ ယောက် ည ၂:၁၇ မှာ အိမ်ကနေ ရုတ်တရက် ထပြေးပြီး ပျောက်သွားတယ်။ တစ်ယောက်တည်း ကျန်ခဲ့တာက အက်လက်စ် (Cary Christopher) ဆိုတဲ့ ကလေးလေး။ ဒီထူးဆန်းတဲ့ ဖြစ်ရပ်က မြို့လေးကို ကမောက်ကမ ဖြစ်စေပြီး လူတွေက ဆရာမလေး ဂျူစတင်း (Julia Garner) ကို “စုန်းမလား” ဆိုပြီး သံသယဝင်ကုန်တယ်။ ဂျူစတင်းက ဒီအမှုကို ဖြေရှင်းဖို့ ကြိုးစားရင်း စိတ်ဓာတ်ကျ၊ အရက်ပြန်သောက်မိပြီး ရဲအရာရှိ ပေါလ် (Alden Ehrenreich) နဲ့ ရှုပ်ထွေးတဲ့ အချစ်ဇာတ်လမ်းထဲ ဝင်မိတယ်။ တစ်ဖက်မှာလည်း ပျောက်သွားတဲ့ ကလေးတစ်ယောက်ရဲ့ အဖေ အာချာ (Josh Brolin) က သူ့ဘာသာသူ စုံစမ်းရင်း ထူးဆန်းတဲ့ လျှို့ဝှက်ချက်တွေ ဖော်ထုတ်လာတယ်။ အက်လက်စ်ရဲ့ အိမ်မှာ ထူးဆန်းတဲ့ အမျိုးသမီးတစ်ယောက်နဲ့ ကလေးတွေရဲ့ လှုပ်ရှားမှုတွေကို အာချာနဲ့ ဂျူစတင်း အိပ်မက်ထဲမှာ မြင်လာကြတယ်။ ဒါ ဘာကြောင့်များလဲ တစ်ခါဆို ဂျူစတင်းက အက်လက်စ်အိမ်ကို စောင့်ကြည့်ရင်း မတော်တဆ ကားထဲ အိပ်ပျော်သွားပြီး အက်လက်စ်ရဲ့ အမေက သူ့ဆံပင်တစ်မျှင်ကို ဖြတ်ယူသွားတာ ဒီဆံပင်က ဘာအတွက်လဲဆိုတာ စဉ်းစားရင်း ကြောက်စရာလျှို့ဝှက်ချက်တွေ ထွက်ပေါ်လာတယ်။ ဒီဇာတ်ကားက ကလေးတွေ ပျောက်ဆုံးမှုရဲ့ နောက်ကွယ်က စုန်းအတတ်တွေ၊ လူတွေရဲ့ ကြောက်စိတ်တွေကို ရောယှက်ပြီး သည်းထိတ်ရင်ဖိုစရာ ဖန်တီးထားတယ်။ ဒီဇာတ်ကားက ၂ နာရီခွဲလောက် ကြာပြီး ၂၀၂၅ သြဂုတ် ၈ မှာ ရုံတင်ခဲ့ပါတယ် ဝမ်းနည်းကြေကွဲမှု၊

ဒီကားမှာတော့ ပုံမှန်ကားတွေလို ဇာတ်လိုက်၂ယောက်က စိတ်ထားကောင်းနေတာမျိုးမဟုတ်ဘဲ အပြင်ပိုင်းမှာ မဟာမိတ်ပူးပေါင်းထားပေမဲ့ အတွင်းစိတ်မှာ တစ်ယောက်ကိုတစ်ယောက်အကောက်ကြံမလို့ တွေးနေကြတဲ့ ဇာတ်လိုက်၂ယောက်ကို မြင်တွေ့ကြရမှာပါ။ ကိုရီးယားမှာ IMFအကျပ်အတည်းကာလရောက်နေတဲ့အချိန် ဘူဆန်မှာ မူးယစ်ဆေးရောင်းတဲ့လုပ်ငန်းတွင်ကျယ်လာခဲ့ပါတယ်။ အဲဒီထဲမှာ ယွန်းဆန်းနယ်မြေကိုအပိုင်စားယူပြီး ဆေးရောင်းနေတာကတော့ အီဒိုဆန်းဆိုတဲ့လူပါ။ အီဒိုဆန်းက စုံထောက်ဒိုဆိုတဲ့လူနဲ့ပေါင်းပြီး ရဲသတင်းပေးအလုပ်လည်းလုပ်တော့ စုံထောက်ရဲ့အာမခံချက်နဲ့ မူးယစ်ဆေးရောင်းတာ အခက်အခဲမရှိခဲ့ပါဘူး။ ဆေးရောင်းဂိုဏ်းခေါင်းဆောင် အီဂျန်ချောဆိုတဲ့လူက စုံထောက်ဒိုရဲ့တွဲဖက်ကိုသတ်သွားလို့ စုံထောက်ဒိုအငြိုးအတေးထားပြီး ဖမ်းမလို့လိုက်ရှာနေခဲ့တာပါ။ ဖြစ်ချင်တော့ ဘူဆန်ကို ခရိုင်ရှေ့နေအသစ်ပြောင်းလာပြီးတဲ့နောက် သူတို့လုပ်ချင်တိုင်းလုပ်လို့မရတော့ဘဲ ​အီဂျန်ချောကပါ တစ်စခန်းထလာတဲ့အချိန် ဘယ်လိုအခြေအနေတွေဖြစ်လာမလဲဆိုတာ... ဒီကားကို အညွှန်းနဲ့ဘာသာပြန်ဆိုသူက Huihui ဖြစ်ပါတယ်။

ဒီတစ်ခေါက် ဘာသာပြန်တင်ဆက်ပေးမယ့် ရုပ်ရှင်လေးကတော့ ပေါ့ပေါ့ပါးပါးလေးနဲ့ ဟာသနှောပြီး ရိုက်ကူးထားတဲ့ Kindergarten War ဆိုတဲ့ ၂၀၀၉ ခုနှစ်မှာ ထွက်ရှိထားတဲ့ ထိုင်းရုပ်ရှင်လေးပဲ ဖြစ်ပါတယ်။ ဒီဘက်ခေတ်လို ဒစ်ဂျစ်တယ်တွေ သိပ်မထွန်းကားသေးတဲ့ ၂၀၀၀ ခုနှစ်တွေမှာ ကလေးတော်တော်များများဟာ ဒီခေတ်ကလေးတွေလို ဖုန်းနဲ့ တစ်ချိန်လုံး အချိန်ကုန်နေကြတာ မဟုတ်ဘဲ ရပ်ကွက်ထဲမှာ စုစုရုံးရုံးနဲ့ ကစားနည်းမျိုးစုံ ကစားပြီး အချိန်ကုန်လေ့ရှိတတ်ကြပါတယ်။ အဆိပ်သင့်နေတဲ့ မှိုတစ်မျိုးစားမိလို့ အရွယ်တူ ကလေးတွေထက် သုံးဆလောက် ထွားကျိုင်းနေတဲ့ အုမ်ဆိုတဲ့ ကလေးဟာ ရပ်ကွက်ထဲမှာတော့ ကင်းကောင်အဖွဲ့ရဲ့ ခေါင်းဆောင်ပါ။ တစ်ရက် သူ့ထက် တော်တော်လေး အတန်းကြီးတဲ့ ကျောင်းသူလေးတစ်ယောက်ကို သဘောကျမိသွားတဲ့အခါမှာတော့ သူ့သူငယ်ချင်းတွေနဲ့ ဘယ်လို ကတောက်ကဆတွေဖြစ်ပြီး ဘယ်လိုအလွဲလေးတွေ လုပ်မလဲဆိုတာကို ဒီရုပ်ရှင်လေးမှာ ရယ်ရယ်မောမောနဲ့ လိုက်ပါ ကြည့်ရှုပေးကြပါဦးရှင်။ ။ ဒီဇာတ်ကားကိုအညွန်းနဲ့ဘာသာပြန်ပေးသူက‌တော့ Vicky ဖြစ်ပါတယ်

ရာထူးတိုးဖို့ကို အငမ်းမရလိုချင်နေတဲ့ စုံထောက်ဆန်းဂီက ကားပေါ်က မီးလောင်ပြီးသေနေတဲ့လူသေမှုတစ်ခုကို ကိုင်ခွင့်ရလာပေမဲ့ ရာထူးတိုးမဲ့အမှုမဟုတ်လောက်ဘူးဆိုပြီး မကိုင်ချင်ခဲ့ပါဘူး။ အဖွဲ့ခေါင်းဆောင်က သူ့တွဲဖက်အနေနဲ့ အမျိုးသမီးစုံထောက်အွန်းယောင်းနဲ့တွဲပေးပေမဲ့ မိန်းကလေးတွေကိုအထင်သေးကာ အွန်းယောင်းကိုလည်း လက်မခံချင်ခဲ့ပါဘူး။ ဒီလိုနဲ့ လူသေမှုကို လိုက်တူးဆွရင်း ပုံမှန်သတ်သေမှုမဟုတ်ဘဲ လူသတ်မှုဆိုတာသိသွားပြီး သူ့ရာထူးတိုးဖို့အတွက် အကူအညီဖြစ်မယ်ဆိုပြီး အထက်ကိုမတင်ပြဘဲ တစ်ဦးတည်းဆက်စုံစမ်းနေခဲ့ပါတယ်။ ဒီလိုနဲ့ နောက်ထပ် ခွေးကိုက်သတ်ခံရပြီး လူသေမှုတစ်ခုထပ်ဖြစ်လာတဲ့အချိန် အမှု၂ခုက ဆက်စပ်နေတာမလို့ ဆန်းဂီလည်း အဖွဲ့ကိုဖုံးကွယ်လို့မရတော့ဘဲ သူစိတ်ထင်ရာလုပ်နေခဲ့တဲ့အတွက် အဆူအပြောခံခဲ့ရပါတယ်။ အမှုကိုလည်း ကိုင်ခွင့်မရှိတော့ဘဲ ကိုက်သတ်တဲ့ ခွေးကိုပဲလိုက်စုံစမ်းနေခဲ့ရပြီး အမှုမှာ ရှုပ်ထွေးမှုတွေအများကြီးပေါ်လာကာ တရားခံကိုဘယ်လိုဖမ်းဆီးသွားကြမလဲဆိုတာကိုတော့... ဒီကားကို အညွှန်းနဲ့ ဘာသာပြန်ဆိုသူက Huihui ဖြစ်ပါတယ်။

ဒီတစ်ခေါက် တင်ဆက်ပေးချင်တဲ့ ဇာတ်ကားလေးကတော့ Zhong Kui Exorcism 2022ဆိုတဲ့ ဇာတ်ကားကောင်းလေးတစ်ကားပဲဖြစ်ပါတယ်။ ဇာတ်လမ်းအကျဉ်း ကျုံးခွေဟာ မိစ္ဆာတွေကို ဖမ်းဆီးရှင်းလင်းနေသူတစ်ယောက်ဖြစ်ပြီး တစ်နေ့မှာတော့ ဝံပုလွေမိစ္ဆာကို ဖမ်းဆီးရင်ကြိုးစားရင်း သူ၏ချစ်သူ ချန်ချန်နှင့် အပြစ်မဲ့တဲ့ ရွာသားတွေဟာ မိစ္ဆာရဲ့ ရက်ရက်စက်စက်သတ်ဖြတ်တာကို ခံလိုက်ရပါတော့တယ်။ဝံပုလွေ မိစ္ဆာဟာ လင်းကျုးပြန်လည်ဝင်စားပြီး မွေးဖွားလာသော ကျုံးခွေကို မိစ္ဆာလောကဘေးကင်းရေးအတွက် သတ်ဖြတ်ရန်ကြိုးစားသော်လည်း ဆရာဖြစ်သူ၏ လက်ချက်ဖြင့် ဒဏ်ရာရကာ ထွက်ပြေးသွားခဲ့ရပါလေတော့တယ်။ကျုံးခွေဟာ ချစ်သူနှင့် ရွာသားတွေအတွက် လက်စားချေရန်ပြင်းပြသောဆန္ဒနှင့် မိစ္ဆာတွေကို လောကတစ်ခွင်လှည့်လည် နှိမ်နင်းပါတော့တယ်။တစ်နေ့မှာတော့ သူဟာ ရှုပ်ထွေးနေတဲ့ လင်းသုမြို့တော်ကိုရောက်ရှိသွားပြီး ဝက်မိစ္ဆာနဲ့တွေ့ရှိခဲ့ပါတော့တယ်။သူဟာ ဝက်မိစ္ဆာရဲ့ မူလရင်းမြစ်ကို လိုက်လံရှာဖွေရင်း လင်းသုမြို့တော်ရဲ့ ရှုပ်ထွေးမှုဟာ ဝံပုလွေမိစ္ဆာနဲ့ ပတ်သက်နေတယ်ဆိုတာ ရှာဖွေတွေ့ရှိသွားပါတော့တယ်။သို့သော် ဝံပုလွေမိစ္ဆာဟာ နန်းတော်ထဲမှာရောက်ရှိနေပြီး ဧကရာဇ်အပါအဝင် ကျန်တဲ့သူတွေအားလုံးကို ထိန်းချုပ်ထားတာကြောင့် ကျုံးခွေတစ်ယောက် ရင်ဆိုင်တိုက်ခိုက်ရန် အခက်အခဲများစွာနဲ့ ကြုံတွေ့နေရပါတော့တယ်။နောက်ဆုံးမှာ ကျုံးခွေတစ်ယောက် ရန်သူဟောင်း ဝံပုလွေမိစ္ဆာကို ရှင်းလင်းနိူင်ပါ့မလား ..? လင်းကျူးဝင်စားတဲ့ ကျူံးခွ

ဒီဇာတ်လမ်းက အထပ်မြင့်တိုက်ခန်းတစ်ခုကို ဈေးတန်တန်နဲ့ရလို့ ပြောင်းရွှေ့လာကြတဲ့ ဇနီးမောင်နှံတစ်စုံအကြောင်းကနေ စတင်ပါတယ်။ ခေတ်မီပြီး ပြည့်စုံလွန်းတဲ့ ဒီတိုက်ခန်းသစ်က သူတို့အတွက် အိပ်မက်တစ်ခုလိုပါပဲ။ သိပ်မကြာခင်မှာပဲ ဇနီးဖြစ်သူက ထူးဆန်းတဲ့ အပြုအမူတွေ ပြုလုပ်လာပြီး တဖြည်းဖြည်း ပုံမှန်မဟုတ်တဲ့ အခြေအနေတွေကို ခံစားလာရပါတယ်။ ခင်ပွန်းဖြစ်သူက ဒါက စိတ်ပိုင်းဆိုင်ရာ ဖိစီးမှုကြောင့် ဖြစ်ရတဲ့ စိတ်ကျန်းမာရေးပြဿနာတစ်ခုလို့ပဲ အစပိုင်းမှာ ထင်မှတ်ခဲ့ပါတယ်။ ဒါပေမဲ့ အဖြစ်အပျက်တွေက ပိုမိုဆိုးရွားပြီး ထိန်းချုပ်မရတဲ့ အခြေအနေကို ရောက်လာတဲ့အခါမှာတော့ သူတို့ရင်ဆိုင်နေရတာက သာမန်ဆေးပညာနဲ့ ဖြေရှင်းလို့မရတဲ့ တိုက်ခန်းထဲမှာ ကျန်ရစ်နေတဲ့ အငြိုးကြီးတဲ့ ဝိညာဉ်ဆိုးတစ်ခုရဲ့ ပူးကပ်မှုဖြစ်နေမှန်း သိလိုက်ရပါတယ်။ ဒီရုပ်ရှင်က အိန္ဒိယကားတွေရဲ့ ထုံးစံအတိုင်း သီချင်း၊ အကတွေကို လုံးဝ အသုံးမပြုဘဲ တိတ်ဆိတ်မှု၊ ထူးဆန်းတဲ့အသံတွေနဲ့ တိုက်ခန်းကျဉ်းထဲမှာ ပိတ်မိနေတဲ့ ခံစားချက်ကို အဓိက အသုံးပြုပြီး ပရိသတ်ကို ခြောက်လှန့်သွားတာပါ။ သိပ္ပံနည်းကျ ယုံကြည်မှုနဲ့ ရှေးရိုးအစွဲ ဝိညာဉ်ယုံကြည်မှုတွေကြားက ပဋိပက္ခကို ကောင်းကောင်း ပုံဖော်ထားပြီး၊ အဓိကဇာတ်ဆောင်အမျိုးသမီးရဲ့ ဝိညာဉ်ပူးကပ်ခံရတဲ့ သရုပ်ဖော်မှုကတော့ ဒီကားရဲ့ အသက်ပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Clara Sol ဖြစ်ပါတယ်

ဒီဇာတ်ကား​လေးက​တော့ ​ကီကီဆိုသူအမျိုးသမီးတစ်​ယောက်ရဲ့ဘဝဇာတ်​ကြောင်းကို ရိုက်ကူးထားတဲ့ ဘဝသရုပ်​ဖော်ဇာတ်လမ်း​လေးပါ။ ခင်ပွန်းဖြစ်သူ ရုတ်တရက်ကွယ်လွန်သွားလို့ ကူကယ်ရာမဲ့​နေတဲ့ ကီကီတစ်​ယောက် သမီး​လေးနဲ့အတူ ​ဘဝကိုရုန်းကန်ရပုံကို ဘာသာ​ရေးဆိုင်ရာအချက်အလက်များနဲ့ ထည့်သွင်းပုံ​ဖော်ရိုက်ကူးထားတဲ့ အင်ဒိုနီးရှားဒရမ်မာဇာတ်ကား​လေး ဖြစ်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Brandon ဖြစ်ပါတယ်

ပထမကမ္ဘာစစ် ဂျာမန်တွေက ဘယ်ဂျီယံကို ကျူးကျော်နေတဲ့အချိန်ကာလဖြစ်တယ်။ Leonard Lambert လို့ခေါ်တဲ့ လယ်သမားတစ်ဦးက ရွာအပြင်ဘက် သူ့လယ်ကွင်းတွေထဲမှာ သူ့သားရယ် သမီးရယ်နဲ့ အေးအေးချမ်းချမ်းနေနေချိန် သူတို့ဆီကို ဂျာမန်စစ်တပ်တစ်တပ်က ရောက်ချလာတယ်။ အဲဒီစစ်တပ်မှာ လက်ဖတင်နင် Laurentz ဆိုသူက သွေးဆိုးပြီး ရိုင်းစိုင်းတဲ့သဘာဝရှိတယ်။ လယ်သမားဆီကနေ ရေနဲ့စားစရာကိုပဲ လိုချင်တာဖြစ်သော်ငြား Leonard ရဲ့ သမီးဖြစ်သူကို ဆွဲလားရမ်းလားလုပ်ပြီး ခြိမ်းခြောက်ပြောဆို အကြပ်ကိုင်တာတွေလုပ်တော့တယ်။ Leonard က ကောင်းကောင်းမွန်မွန်နဲ့ ဖျောင်းဖျပြောဆိုပေမယ့် သားလုပ်တဲ့သူက ညီမလေးကိုစိတ်ပူတဲ့စိတ်နဲ့ လက်ဖတင်နင်ကို ဝင်လုံးတော့တယ်။ နောက်ဆုံးတော့ သားရော သမီးရော သေသွားတယ်ပေါ့။ လက်ဖတင်နင်ရဲ့ အထက်အရာရှိ ကွန်မန်ဒါက သူ့အဖေရင်းကိုယ်တိုင်ပဲ။ ဒီတော့ ဖခင်လုပ်သူရဲ့ ဝင်ဖျန်ဖြေမှုကြောင့် လက်ဖတင်နင်က Leonard ကိုလွှတ်ပေးလိုက်တယ်။ အဲဒီမှာ Leonard က ရွာကိုပြေးပြီး ရွာသားတွေကို ပုန်းကြဖို့ လှုံ့ဆော်တယ်။ ဂျာမန်စစ်တပ်က သူ့နောက်ကလိုက်လာပြီး ရွာထဲဝင်လာချိန် ခွေးတစ်ကောင်ကြောင်တစ်မြီးမှ မမြင်ရတော့ လက်ဖတင်နင်က ဒေါကန်ပြီး Leonard ကို ပိုက်စိတ်တိုက်ရှာခိုင်းတော့တယ်။ Leonard က ပြင်သစ်တော်လှန်ရေးတပ်က ဖြစ်မယ်လို့ပါ စွပ်စွဲတော့တာ။ ဒီတော့ Leonard ခမျာ ရွာသားတွေကိုခေါ်ပြီး ပြင်သစ်နယ်စပ်ထိရောက်အောင်ပြေးဖို့ စီစဉ်ရတော့တာပေါ့။ Action/ Drama အမျိုးအစားဖြစ်ပါတယ်

ဒီတစ်ခါမှာတော့ မိဘမေတ္တာဖွဲ့ ပညာပေးဇာတ်လမ်းကိုမှ သည်းထိပ်ရင်ဖိုကြည့်ရှုရမယ့် ထူးထူးခြားခြား ဇာတ်လမ်းတစ်ပုဒ်နဲ့ မိတ်‌ဆက်ပေးပါရစေ "Kahaani 2: Durga Rani Singh" ပါ ဇာတ်လမ်းအကျဉ်းကတော့ မြို့ငယ်လေးတစ်မြို့မှာ မသန်စွမ်းသမီးငယ်နဲ့ မိခင်တစ်ဦးတို့ အတူနေထိုင်ကြပါတယ် တစ်နေ့မှာတော့ မသန်စွမ်းသမီးငယ်ပျောက်ဆုံးသွားရာမှ သမီးပျောက်လိုက်ရှာရင်း အရှုပ်တော်ပုံစခဲ့ပါတယ် မိခင်ဖြစ်သူဟာ ငယ်စဉ်က စိတ်ဒဏ်ရာတစ်ချို့ရခဲ့သူပါ။ လိင်ပိုင်းဆိုင်ရာအမြတ်ထုတ်ခံနေရတဲ့ ကလေးငယ်တစ်ဦးကို ကယ်တင်ရာမှ အခြေအနေတွေ ပိုရှုပ်ထွေးလာတဲ့အခါ... သူတို့သားအမိနှစ်ဦး ပြန်လည်တွေ့ဆုံရပါ့မလား? အခက်အခဲများစွာကြားက မိခင်တစ်ဦးဟာ ဘယ်လောက်ကြံ့ကြံ့ခံနိုင်မလဲ? သူ့ရဲ့ငယ်ဘဝစိတ်ဒဏ်ရာတွေကိုရော ဘယ်လိုအံတုသွားမလဲ ဆိုတာကို စိတ်လှုပ်ရှားဖွယ် Action ရသအပြည့်အဝနဲ့ပါ ကြည့်ရှုခံစားရမှာမို့ လက်မလွှတ်သင့်တဲ့ ဇာတ်ကားကောင်းတစ်ကားဖြစ်ပါတယ် ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ki Ki Chit Su ဖြစ်ပါတယ်

ဒီဇာတ်ကားလေးကတော့ လေးပွင့်ဆိုင်အချစ်ဇာတ်လမ်းလေးပါ။ အဲလက်စ်ဆိုတဲ့ ရှေ့နေတစ်ယောက် အိမ်ကသဘောတူတဲ့ ဟီမာဆိုတဲ့မိန်းကလေးနဲ့ လက်ထပ်လိုက်ရပေမယ့် သူ့ရဲ့ရုံးက ဆိုဖီယာဆိုတဲ့ မိန်းကလေးနဲ့ဖောက်ပြန်နေတာပါ။ ယောက်ျားရဲ့ချစ်ခြင်းမေတ္တာကို မရရှိတဲ့ ဟီမာဟာ ရိုရှန်ဆိုတဲ့ ကောင်လေးနဲ့ သိကျွမ်းသွားပြီး မေတ္တာမျှခဲ့ကြတယ်။ မိခင်မေတ္တာကိုငတ်နေတဲ့ ရိုရှန်တစ်ယောက် ဟီမာရဲ့ပြုစုမှုအောက်မှာ အချစ်လား ဘာလားဆိုတာ မသဲကွဲဘဲ သာယာနေခဲ့တယ်။ ဒီလိုဆို အဲလက်စ်နဲ့ ဟီမာရဲ့ အိမ်ထောင်ရေးက အလွယ်တကူပဲ ပြိုကွဲသွားမှာလား။ အိမ်ထောင်ရေးပြိုကွဲသွားဖို့အထိ မလိုလားတဲ့ ဟီမာရဲ့ ဆန္ဒအရ ဘာတွေဆက်ဖြစ်လာမှာလဲ။ ဇာတ်ကားနာမည်က မကောင်းဆိုးဝါး ဆိုတော့ ဘယ်သူက မကောင်းဆိုးဝါးဖြစ်မလဲဆိုတာကို နောက်ဆုံးမှာမှ သိရမယ့် ဇာတ်ကားလေးပဲဖြစ်ပါတယ်။ ဒီဇာတ်ကားမှာ အဲလက်စ်အဖြစ် မင်းသား Vidharth ၊ ရိုရှန်အဖြစ် မင်းသား Arun နဲ့ ဟီမာအဖြစ် မင်းသမီး Shamna တို့က အဓိက ပါဝင်သရုပ်ဆောင်ထားတာဖြစ်ပါတယ်။ ဒီဇာတ်ကားကို အညွှန်းနဲ့ ဘာသာပြန်ဆိုသူက Cherry ဖြစ်ပါတယ်။

"Bang" ဟာ ရက်စက်ကြမ်းကြုတ်ပြီး နာမည်ကြီး ကြေးစားလူသတ်သမားတစ်ယောက်ရဲ့ ဘဝအလှည့်အပြောင်းကို ရိုက်ကူးထားတဲ့ အက်ရှင်ဇာတ်ကားကောင်းတစ်ကား ဖြစ်ပါတယ်။ ဇာတ်လမ်းအစမှာ အဓိကဇာတ်ကောင်ဖြစ်တဲ့ ကြေးစားလူသတ်သမားဟာ သူ့ရဲ့အသက်ကို ရန်သူတွေက လုပ်ကြံသတ်ဖြတ်ဖို့ ကြိုးစားရာကနေ သီသီလေးလွတ်မြောက်ခဲ့ပါတယ်။ ဒီအဖြစ်အပျက်က သူ့ရဲ့စိတ်ကို ပြောင်းလဲသွားစေခဲ့ပြီး အရင်ကလုပ်ခဲ့တဲ့ အမှားတွေအတွက် ခွင့်လွှတ်မှုကို ရရှိဖို့ ကြိုးစားပါတော့တယ်။ ဒီလိုနဲ့ သူဟာ သူကျင်လည်ခဲ့တဲ့ အဖွဲ့အစည်းကို သစ္စာဖောက်ပြီး လမ်းမှန်ပေါ်ပြန်လျှောက်ဖို့ ကြိုးစားခဲ့ပါတယ်။ ဒါပေမဲ့ သူ့ရဲ့ ဆုံးဖြတ်ချက်က သူ့ကို ပိုမိုကြီးမားတဲ့ အန္တရာယ်ကမ္ဘာထဲကို ဆွဲသွင်းလိုက်သလို ဖြစ်သွားခဲ့ပြီး အရင်က သူ့ရဲ့လုပ်ဖော်ကိုင်ဖက်တွေရဲ့ နံပါတ်တစ်ပစ်မှတ် ဖြစ်လာတဲ့အခါမှာတော့... အတိတ်က အရိပ်မည်းတွေကနေ ရုန်းထွက်ဖို့ကြိုးစားရင်း အသက်အန္တရာယ်နဲ့ ရင်ဆိုင်ရတဲ့အခါ ဘယ်လိုဆက်လက်ရှင်သန်ရပ်တည်မလဲဆိုတာကိုတော့ ဒီရုပ်ရှင်မှာ ကြည့်ရှုရမှာဖြစ်ပါတယ်။ အက်ရှင်ခန်းတွေ၊ သစ္စာဖောက်မှုတွေနဲ့ ဒရာမာဇာတ်ကွက်တွေကို ပေါင်းစပ်ရိုက်ကူးထားတာကြောင့် အက်ရှင်ဇာတ်ကားပရိသတ်တွေအတွက် လက်မလွှတ်သင့်တဲ့ ဇာတ်ကားတစ်ကားပါပဲ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ edrikk ဖြစ်ပါတယ်

ထွက်ထားတာကြာပြီဆိုပေမဲ့ Old but gold ဟောင်းနေပေမဲ့ကောင်းနေစဲကားလေးနဲ့မိတ်ဆက်ပေးပါမယ်။ ကြည့်မိတာလုံးဝနောင်တရမှာမဟုတ်ပါဘူး။ သာယာတဲ့မိသားစုလေးတစ်ခု တိုက်ခန်းအသစ်ဆီပြောင်းလာကြတယ်။ သူတို့အိမ်မှာမနက်တိုင်းနွားနို့သိုးတယ်၊ ဝတ်ပြုခန်းမှာ ပုံတွေချိတ်ဖို့သံရိုက်တိုင်းပြဿနာတစ်ခုခုဖြစ်တယ်၊ အငယ်မလေးက ဘာသာစုံကျတယ်။ သာမန်ဖြစ်နေကျတွေလိုပါပဲ။ ဒါပေမဲ့ နေတာကြာလာရင်းနဲ့ တဖြည်းဖြည်းသာမန်ကိစ္စတွေမဟုတ်တော့သလိုဖြစ်လာတယ်။ သူတို့အိမ်ကတီဗီမှာ ၁နာရီထိုးတိုင်း ဇာတ်လမ်းတွဲတစ်ခုပြတယ်။ အဲဒီဇာတ်လမ်းတွဲထဲက မိသားစုဝင်အရေတွက်နဲ့အဖြစ်ပျက်တွေက သူတို့မိသားစုဝင်အရေတွက်နဲ့အဖြစ်ပျက်တွေနဲ့တူနေတာကို မာနိုကသတိထားမိလာတယ်။ အဲဒါနဲ့အိမ်ကပုံမှန်မဟုတ်ဘဲ ထူးခြားနေတာကိုသတိထားမိလာတယ်။ ဒီအိမ်မှာ ဘယ်လိုသဘာဝလွန်တွေဖြစ်ပျက်နေတာလဲ။ သူတို့မိသားစုအဖြစ်ပျက်နဲ့တူပြီး သူတို့အိမ်မှာပဲပြတဲ့ဇာတ်လမ်းတွဲရဲ့နောက်ကွယ်ကအဖြစ်ပျက်အမှန်ကဘာလဲဆိုတာ ဒီကားထဲမှာစိတ်ဝင်တစားစောင့်ကြည့်ရမှာပါ။ ဇာတ်လမ်းကအနောက်ရောက်လာလေလေ စိတ်ဝင်စားဖို့ကောင်းလာလေပါ။ ခန့်မှန်းတာတွေနဲ့လည်းတလွဲဆီဖြစ်နေလောက်အောင် လှည့်ကွက်အမျိုးမျိုးနဲ့ဇာတ်ကားကောင်းမို့လို့ သေချာလေးတင်ဆက်ပေးလိုက်ပါတယ်။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Bex ဖြစ်ပါတယ်

ဒီတစ်ခါမှာတော့ Asian Prince လို့ လူသိများတဲ့ Jang Keun Suk နဲ့ အစ်မတော် Kim Ha Neul တို့ရဲ့ IMDb Rate 5.6 ရထားတဲ့ ဇာတ်လမ်းလေးတစ်ပုဒ်နဲ့ မိတ်ဆက်ပေးပါရစေ။ ဇာတ်အိမ်လေးကလဲ ထူးထူးဆန်းဆန်းပါပဲ။ အရှုံးသမားတွေ မတွဲနိုင်တဲ့အထိ ဖြတ်ခံရတဲ့ ထက်မြက်သူ မိန်းမသား ဂျီအွန်းအီ (Kim Ha Neul)တစ်ယောက် အထီးကျန်အပျိုကြီးဘဝကို စိတ်ကုန်စပြုလာချိန်မှာလဲ မောင်ဖြစ်သူရဲ့စနက်ကြောင့် ဂန်အင်ဟို (Jang Keun Suk) ကို လူသားအိမ်မွေးခွေးလေး မိုမိုအဖြစ် နှစ်ဦးသဘောတူ ခေါ်မွေးဖြစ်ပါတော့တယ်။ သခင်နဲ့ အာဝုကြား ထားရှိထားတဲ့ စည်းတွေကို စောင့်ထိန်းရင်း သံယောဇဥ်တွယ်လာချိန်မှာပဲ အွန်းအီရဲ့အချစ်ဦး အူဆောင်း (Ryu Tae Joon) က အွန်းအီကို လက်ထပ်ခွင့်တောင်းလာပါတယ်။ ဒါပေမဲ့ အူဆောင်းက အွန်းအီတစ်ယောက် ခေါ်မွေးထားတဲ့ အာဝုဟာ လူဖြစ်နေမှန်း သိလိုက်ရချိန်မှာတော့ သူတို့နှစ်ဦး ပြေလည်နိုင်ပါ့မလား..၊ အွန်းအီကရော အူဆောင်းကို ရွေးသွားမှာလား..၊ သခင်နဲ့ လူသားအာဝုတို့ကြားက ကြည်နူးစရာကောင်းတဲ့ ဆက်ဆံရေးကရော တည်မြဲပါ့မလား.. ဆိုတာကို ရင်ခုန်စိတ်နဲ့ ကြည့်လိုက်တော့နော်။ အညွှန်းနဲ့ ဘာသာပြန် တင်ဆက်သူ - ခန့်ကြော့ဇင်

ဒီတစ်ခေါက်မှာတော့ Wild Ghost 2023ဆိုတဲ့ သဘာဝတရားနဲ့ လူသားတွေရဲ့ကြားက ညှိုနှိုင်း၍မရနိုင်သော အလိုလောဘနဲ့ အငြိုးတရားတွေကို ရိုက်ကူးပြသထားသော Fantasy/Action ကားကောင်းတစ်ကားဖြစ်ပါတယ်။ ဇာတ်လမ်းအကျဉ်း လွန်ခဲ့တဲ့ အနှစ်(၂၀)ခန့်တုန်းက ကျယ်တောင်ထဲသို့ ဥက္ကာခဲတစ်ခု ကျဆင်းလာခဲ့ပြီး ဥက္ကာခဲနဲ့အတူပါလာသော သလင်းကျောက်စိမ်းဟာ အပိုင်းသုံးပိုင်းကွဲပြီး ပျောက်ဆုံးနေခဲ့ပါတယ်။ထို သလင်းကျောက်စိမ်းများကြောင့် ကျယ်တောင်အတွင်းမှ သက်ရှိ သက်မဲ့တွေဟာ သဘာဝတရားကိုကျော်လွန်ပြီး တောင်မိစ္ဆာပေါ်ထွက်လာခဲ့ပါတော့မယ်။ အနှစ်(၂၀)ကြာပြီးနောက် ကျယ်တောင်အနီးမှ ချန်ရှို့ကျေးရွာသို့ လူတစ်စုဟာ ရောက်ရှိလာခဲ့ပါတယ်။သူတို့ဟာ တောင်မိစ္ဆာကို ရှင်းလင်းပြီး သလင်းကျောက်စိမ်းကို စုစည်းနိူင်မယ်ဆိုရင် တောင်မိစ္ဆာလက်ချက်ကြောင့်သေဆုံးသွားသူများကို အသက်ပြန်ရှင်စေနိူင်တယ်ဟုပြောတာကြောင့် ကျေးရွာသားလူငယ်လေး ရွှီးထျန်းရှစ်ဟာ သူ့မိတ်ဆွေများနဲ့အတူ ကျယ်တောင်သို့ လိုက်ပါလာခဲ့ပါတော့တယ်။သူတို့ဟာ တောင်မိစ္ဆာရဲ့ စွမ်းအားနဲ့ စတင်ရင်ဆိုင်ရတဲ့ အချိန်မှာ အချင်းချင်းကြားက သံယောဇဉ်၊ သစ္စာနဲ့ သဘောထားတွေကို စမ်းသပ်ခံရမယ့် အချိန်သို့ရောက်လာခဲ့ပါတော့တယ်။သူတို့ဟာ ကျယ်တောင်မှာ ကြုံတွေ့ရမယ့်အခက်အခဲတွေကို ရင်ဆိုင်ကျော်လွှားနိူင်ပါ့မလား....?တောင်မိစ္ဆာရဲ့ တိုက်ခိုက်မှုကရော လွတ်မြောက်နိုင်ပါ့မလား....?ကျောက်စိမ်း ၃ခုရဲ့ အရင်းအမြစ်ကရော ဘာဖြစ်မလဲဆိုတာကို လူသားတွေရဲ့

အိမ်ဆိုတဲ့ အရာကို ကြည့်ရှုသူတို့ ဘယ်လိုအဓိပ္ပါယ် ဖွင့်ကြလဲ။ ဒီရုပ်ရှင်လေးထဲမှာတော့ အိမ်ဆိုတာက လုံခြုံနွေးထွေးမှုတွေပေးနိုင်ပြီး စိတ်သက်သာရာရစေတဲ့ တွယ်တာရာလေးပါတဲ့။ ဒါပေမဲ့ အဲလီဆိုတဲ့ ၁၀ တန်း ကျောင်းသူလေးအတွက်ကတော့ အိမ်ဆိုတာက အဲဒီလို ဟုတ်မနေခဲ့ပါဘူး။ သူမရဲ့ မဆင်မခြင် လုပ်ရပ်တစ်ခုကြောင့် မိခင်ဖြစ်သူက သေဆုံးသွားရသလို အစ်ကိုဖြစ်သူကလည်း ​ခြေမသန်မစွမ်းဖြစ်သွားတာကြောင့် ဖခင်ဖြစ်သူ အပါအဝင် ကျန်တဲ့အစ်ကို ၄ ယောက်လုံးရဲ့ မုန်းတီးခြင်းကို အဲလီတစ်ယောက် ခါးစည်းခံရပါတော့တယ်။ အိမ်မှာ မိသားစုနဲ့ အဆင်မပြေတဲ့အပြင် ကျောင်းမှာလည်း အနိုင်ကျင့်ခံရတဲ့ အဲလီတစ်ယောက် ဒီမွန်းကျပ်စရာကောင်းတဲ့ ဘဝကြီးကို ဘယ်လိုရှေ့ဆက်ကြမလဲဆိုတာကို Alie's Home ဆိုတဲ့ ဒီရုပ်ရှင်လေးကို တစ်ဝငိုဖို့ တစ်သျှူးလေးဆောင်ရင်း အတူလိုက်ပါ ကြည့်ရှုပေးကြပါဦးရှင်။ ။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Vicky ဖြစ်ပါတယ်